Izraeli ka intensifikuar ndjeshëm ofensivën kundër objektivave ushtarake në Siri, duke sulmuar sërish kryeqytetin Damask.

Sipas dy burimeve të sigurisë, objektivi i fundit ka qenë Ministria e Mbrojtjes së Sirisë, ndërsa raportohet për viktima dhe të plagosur mes forcave të sigurisë siriane.

Mediat ndërkombëtare, përfshirë agjencinë Reuters, raportuan për një shpërthim të fuqishëm në orët e pasdites të së mërkurës në Damask, duke cituar burime zyrtare siriane që e lidhin ngjarjen me një tjetër sulm ajror nga Izraeli.

Pamje të publikuara në rrjetet sociale nga mediat izraelite dhe arabe tregojnë momentin e sulmit, ku sipas raportimeve, sulmi ka ndodhur vetëm pak orë pas bombardimit të hyrjes së godinës qendrore të Ministrisë së Mbrojtjes në një nga sheshet kryesore të kryeqytetit sirian.

Ministri izraelit i Mbrojtjes, Israel Katz, ka shpërndarë një video nga televizioni shtetëror sirian ku dëgjohet shpërthimi i fuqishëm gjatë një transmetimi live të lajmeve.

Në postimin e tij në platformën X (ish-Twitter), Katz shkruan:

“Goditjet e rënda kanë nisur”, duke shoqëruar videon me një mesazh paralajmërues ndaj regjimit sirian.

Ai deklaroi më herët se paralajmërimet ndaj Damaskut kanë përfunduar dhe se tanimë kanë nisur goditjet “të dhimbshme”.

Izraeli, sipas tij, do të vazhdojë të mbrojë komunitetin e Druzëve në Siri dhe se ushtria izraelite do të veprojë në jug të vendit, konkretisht në provincën Suweida, derisa tërheqja e plotë e forcave siriane të përfundojë.

“Drejtuar vëllezërve tanë druzë në Izrael: mund të mbështeteni tek Forcat e Armatosura Izraelite për të mbrojtur vëllezërit tuaj në Siri. Kryeministri Netanyahu dhe unë, si Ministër i Mbrojtjes, kemi dhënë fjalën – dhe do ta mbajmë”, deklaroi më tej Katz.

Sulmi i fundit në Ministrinë e Mbrojtjes vjen në vazhdën e një tjetër goditjeje në hyrjen e ndërtesës disa orë më parë.

Ngjarja ndodh mes përshkallëzimit të tensioneve në jug të Sirisë, ku ka pasur përplasje të armatosura mes milicive druze dhe fiseve beduine, duke shkaktuar dhjetëra viktima.

Forcat izraelite kanë ndërmarrë gjithashtu disa goditje në jug të Sirisë, një rajon që po përballet me tensione të thella etnike dhe përfshirjen e forcave siriane të sigurisë.

Zyrtarët izraelitë kanë theksuar se veprimet e tyre ushtarake kanë për qëllim mbrojtjen e minoritetit druzi në Siri.

The post Izraeli sulmon Sirinë, bombardohet kryeqyteti appeared first on Albeu.com.

Mauricio Sarri, ka përfunduar në spital sot për shkak se nuk ndjehej mirë pas seancës stërvitore që ka drejtuar. Dhe për këtë, ka kryer disa teste mjekësore.

Sarri është trajneri i dytë i Seria A, pas Ivan Juriç, që përfundon në spital. Ky i fundit kishte probleme me frymëmarrjen dhe për këtë u hospitalizua.

Mbetet për t’u mësuar problemi i Sarrit.

Kujtojmë se në krye të Lacios u vendos për sezonin e ri, pasi Klaudio Ranieri vendosi të largohej.

The post Trajneri i Seria A përfundon në spital, nuk u ndje mirë gjatë seancës stërvitore appeared first on Albeu.com.

Temperaturat e larta, vazhdojnë të sjellin numër të shtuar të pacientëve që kërkojnë ndihmë mjekësore. Në Fier nëndrejtori i Spitalit Rajonal, Erblin Dollaku, tha se aty paraqiten 30 deri në 50 raste në ditë, ndërsa grupmoshat me te prekura janë ato 30 deri 40 vjeç.

Dollaku shtoi se ka pasur edhe raste te komplikuara ku janë trajtuar në mjekim disaditor.

Mjeku apelon për evitimin në orët e pikut të temperaturave, ndërsa kërkon të mos konsumohet alkool dhe duhan.

Në daljet e pikut nga të gjithë grupmoshat, gjithashtu konsumimi i sa më shumë lëngjeve duke evituar alkoolin dhe pirjen e duhanit.

Rritja e temperaturave rrit edhe shtimin e raste të personave që kanë alergji.

The post Rritja e temperaturave në vend, fluks pacientësh në Spitalin e Fierit appeared first on Albeu.com.

Një javë më parë një ngjarje e rëndë tronditi Matin, ku 23-vjeçari Renis Dobra u vra e më pas u trupi i tij i pajetë u hodh së bashku me automjetin në ujërat e liqenit e Ulzës.

Në emisionin “Me Zemër të Hapur” në News24, të autores Evis Ahmeti, babai i 23-vjeçarit ka treguar bisedën e fundit me të birin.

Ai ka zbuluar se Renisi i kishte thënë se po vinte në shtëpi, gjë që nuk ndodhi kurrë.

“Gjendja e bashkëshortes time është shumë e rëndë. Falenderojmë policinë për punën. Jam personi i fundit që ka komunikuar me djalin.

Të martën kemi folur bashkë për herë të fundit në orën 21:36 minuta. Me tha Babi po nisem për në shtëpi. I thash mirëardhsh.

Renisi po vinte për në shtëpi nga qyteti i Burrelit, një distancë që zgjat rreth 5 kilometra, por djali nuk më mbërriti kurrë në shtëpi”, tha ai.

The post Vrasja e 23-vjeçarit Renis Dobra/ Babai rrëfen bisedën e fundit me të birin: Nuk arriti të më kthehej në shtëpi, në telefon më tha se… appeared first on Albeu.com.

Një ngjarje tragjike ka tronditur opinionin publik në Brazil, pas ndarjes nga jeta të influencueses së njohur Natália Cavanellas, vetëm 40-vjeç.

Ajo humbi jetën pas një ndërhyrjeje kirurgjikale kozmetike të kryer në një klinikë në São Paulo.

Sipas raportimeve të CNN Brasil, Cavanellas pësoi një arrest kardiorespirator gjatë procedurës, duke mos mundur të mbijetojë, pavarësisht se ndodhej në një ambient spitalor me kushte të rregullta. Instituti i Mjekësisë Ligjore ka regjistruar rastin si “vdekje e papritur”, ndërsa hetimet për shkaqet e sakta janë ende në proces.

Mjeku që kreu ndërhyrjen, Dr. Edgar Lopez, deklaroi se operacioni ishte planifikuar dhe realizuar sipas të gjitha protokolleve mjekësore, por se pacientja pësoi një ndërlikim të rrallë të dyshuar si emboli pulmonare, një rrezik i njohur në ndërhyrjet e këtij lloji, edhe kur merren masa parandaluese.

Lajmin për vdekjen e saj e konfirmoi bashkëshorti, Rafael Thomazella, përmes një postimi emocional në Instagram, ku ndau dhimbjen e thellë dhe vlerësimin për figurën e saj:

“Të gjithë e dinë çfarë gruaje e jashtëzakonshme ishte Natália. E bukur, e pavarur, profesioniste, e dashur. Do t’i tregoj gjithmonë Manoellës se sa e jashtëzakonshme ishte nëna e saj, një grua që të gjithë e donin dhe e admironin”.

Në rrjetet sociale, Cavanellas njihej si një figurë frymëzuese, nënë, grua dhe sipërmarrëse, me mbi 105 mijë ndjekës në profilin e saj personal në Instagram dhe afro 30 mijë ndjekës në një tjetër llogari të dedikuar për rrjetëzim dhe strategji profesionale për gratë.

Vdekja e saj ka sjellë një valë reagimesh dhe ngushëllimesh nga ndjekësit, komuniteti i grave profesioniste dhe figura të njohura publike, të cilët e kanë përshkruar Natálinë si një model për forcën, pasionin dhe përkushtimin ndaj familjes dhe karrierës.

The post Influencerja e njohur nuk i mbijeton ndërhyrjejes kirurgjikale, ndërron jetë pas një operacionit appeared first on Albeu.com.

Në kuadër të ristrukturimit të pushtetit vendor, këtë të mërkurë në Bashkinë e Dibrës, sekretari i Përgjithshëm i Partisë Socialiste, Blendi Klosi, u ndal ku zhvilloi një takim me drejtuesit e kësaj bashkie dhe drejtorët e bashkisë.

Klosi zhvilloi një vizitë edhe në zyrën e shërbimeve e-albania, që është ngritur për qytetarët brenda bashkisë.

Klosi tha se kjo do të jetë një lehtësi shumë e madhe, sidomos për pensionistët dhe ata që nuk din të përdorin teknologjinë.

Sa u përket dorëheqjeve masive në pushtetin vendor, përfshirë bashkinë e Dibrës, Klosi tha se është në kuadër të rritjes së performancës së administratës për shërbimet ndaj qytetarëve.

Dorëheqje të drejtorëve, ka patur këtë të mërkurë edhe në Bashkitë Bulqizë, Mat e Klos.

The post Shkarkohen drejtorët e Bashkive në qarkun e Dibrës/ Flet Blendi Klosi: Rritje e performancës së administratës appeared first on Albeu.com.

Një luftë e ashpër brenda llojit po zhvillohet për “frenat” e Bashkisë së Tiranës. Arrestimi dhe burgosja e kryetarit tw burgosur Erion Veliaj, ka sjellë një valë lëvizjesh dhe influencash në bashkinë më të madhe të vendit.

Situata është tepër e nderë, ku çdokush po mundohet të tregojë forcën.

Besimi që i dha kryeministri Edi Rama zv.kryetares Anuela Ristani e ngritën pak në peshë, por “hienat” dhe njerëz të tjerë të fuqishëm brenda mazhorancës kanë filluar që t’a godasin nga të gjitha anët.

Fillimisht, iu anatemua bashkëshorti që punon në Presidencë dhe më pas pati një valë sulmesh ndaj Ristanit që drejton bashkinë.

Gjithçka duket një “orkestrim” sulmesh, por jo nga opozita tepër e lodhur dhe e dërrmuar nga zgjedhjet parlamentare.

Klanet e forta të mazhorancës kanë filluar sulmet frontale ndaj Anuela Ristanit, e cila duke mos qenë në ballë të këtyre sulmeve, po ndihet inferiore dhe pa asnjë mbrojtje.

Tashmë, “frenat” e Bashkisë së Tiranës po tenton që t’i marrë Ogerta Manastirliu, ministre e Arsimit dhe Sportit. Më parë, Ogerta ka punuar në Bashkinë e Tiranës në kohën e Edi Ramës.

Pas burgosjes së Veliajt, Manastirliu ishte nja nga 4 drejtuesit politik të PS-së në Tiranë për zgjedhjet parlamentare, ndërkohë që tashmë synon që t’i bëjë “opozitë” edhe Belinda Ballukut.

Por, kush është “preja” e parë e Manastirliut?!

Faksimile: Emërimi i znj. Adriana Ristanit si kryetare e Bordit të Administrimit Në Universitetin Politeknik të Tiranës

Në datën 4 prill 2021, ministria e Arsimit dhe Sportit delegoi zonjën Adriana Ristani, motrën e Anuela Ristanit (në atë kohë s’ishte kryetare në detyrë e bashkisë), si përfaqësuese në Universitetin Politeknik të Tiranës.

Zonja Adriana vinte nga një karrierë të gjatë në arsim, ndërkohë që në atë kohë s’u emërua për shkak të pozicionit të së motrës.

Vitet kaluan dhe në krye të Ministrisë së Arsimit dhe Sportit, u emërua Ogerta Manastirliu, e cila drejtoi për një kohë të gjatë Ministrinë e Shëndetësisë.

Secili i ka dëgjuar dhe lexuar “bëmat” apo skandalet e Manastirliut në shëndetësi, por në këto radhë ne do të ndalemi te veprimet e saj si ministre e arsimit.

Burime nga Universiteti Politeknik i Tiranës, thanë për redaksinë e VoxNews se disa ditë më parë, me një urdhër të beftë, ministrja Ogerta Manastirliu, ka shkarkuar nga detyra zonjën Adriana Ristani, motrën e kryetares në detyrë të Bashkisë së Tiranës.

Shkarkimi nuk erdhi si pasojë e menaxhimit dhe vendimmarrjes së zonjës Adriana Ristani te Universiteti, por si një “hakmarrje” e pastër e Manastirliut.

Shkarkimi ka ardhur pa asnjë paralajmërim, madje në një kohë që Universiteti është në prag të mbylljes së vitit akademik dhe po përgatitet për vitin tjetër, që fillon në fund të muajit tetor.

Momenti i shkarkimit përkon me luftën e ashpër të influencave të klaneve të mazhorancës në Bashkinë e Tiranës, ku Manastirliu po tenton që të “kapë” kryetaren në detyrë, për t’i shtrirë tentakulat te postet drejtuese.

Duket se, edhe takimet e kryeministrit Rama me drejtorët në atë bashki kanë ardhur si pasojë e kësaj “lufte”, ku të gjithë po tentojnë që të marrin ndonjë “copë tortë”, të lënë bosh pas burgosjes së Veliajt.

Duket se veprimi i Manastirliut për t’u hakmarrë te të afërmit e kryetares në detyrë është një “goditje poshtë brezit” dhe aspak morale. Dhe, lufta duket se sapo ka filluar…/VoxNews

The post Ogerta Manastirliu shkarkon motrën Anuela Ristanit te Universiteti Politeknik appeared first on Albeu.com.

Përmes një postimi në Facebook, kryeministri Edi Rama, ka përcjellë një mesazh të qartë për qytetarët që hasin vështirësi në përdorimin e platformës e-Albania për shërbime të ndryshme.

Kreu i shtetit theksoi se ndihma për këto shërbime ofrohet falas nga njësitë vendore në të gjithë vendin.

“Të gjithë qytetarët që kanë nevojë për asistencë në përdorimin e platformës e-Albania, mund t’i drejtohen zyrave të bashkive apo njësive administrative përkatëse, ku do të marrin ndihmën që u nevojitet, pa asnjë pagesë”, deklaroi Rama.

Ai paralajmëroi se çdo subjekt privat, përfshirë noterë, avokatë apo zyra të tjera, që kërkon pagesë për shërbime të ofruara nga platforma shtetërore është në shkelje të ligjit.

“Çdo rast i tillë mund të denoncohet dhe do të sanksionohet deri në heqjen e licencës”, theksoi kryeministri.

The post Edi Rama: Shërbimet e “e-Albania” janë falas në Bashki, zyrat private që kërkojnë para po shkelin ligjin appeared first on Albeu.com.

Kryebashkiaku i Konispolit, Erges Dule, ka reaguar pas zërave se mes tij dhe kryeministrit Edi Rama, ka pasur një përplasje për shkarkimin e administratorëve.

“Përshëndetje të gjithëve! Ju falenderoj për interesimin dhe komentet por ju garantoj që nuk ka asnjë debat në lidhje me shkarkimin e administratorëve. Kjo është një nisëm për ripërtëritjen e administratës, për një rritje në cilësinë dhe sasinë e shërbimeve ndaj qytetarëve.

Kush e ndien veten që mund të bëjë më tepër është i ftuar të aplikojë për këto pozicione pranë sekretarisë se bashkisë Konispol. Me këtë administratë kemi bërë plot punë të mira për komunitetin, pastrim teritori, kanale kullues e vaditës, kemi shuar zjarre, kemi bere ndriçim publik ne 100% të teritorit, kemi shtruar rrugë rurale, infrastrukturë bujqësore, kemi bërë projekte, kemi pritur e trajtuar qindra kërkesa/ankesa, kemi asistuar në aplikime të ndryshme e-albania, kemi organizuar aktivitete kulturore, mirmbajtje rrugë rurale, mirmbajtie e investime në shkolla etj etj.

Ka akoma për të bërë? Patjetër që po. A janë të gjithë punonjësit njësoj të përkushtuar? Po ju them unë që jo. Por punonjësit varen dhe angazhohen nga ai që i drejton. Nëse drejtuesi nuk ka pasionin, dëshirën dhe dashurinë për vendin e vet atëherë dhe punonjësi do bëje aq sa për t’u dukur. Në Konispol ju siguroj se gjenden të gjitha këto dhe çdo ditë bëhet punë. A mjaftojnë këto? Sigurisht që jo. Këtu na duhet ndihma juaj dhe opinioni juaj.

Nëse administrata punon mirë dhe është në shërbim të qytetarit ska vend për frikë dhe nuk lëviz asnjë. Opinioni juaj vlen dhe është vlerësimi i performancës për ne. Mos nguroni të shprehni mendimin tuaj per secilin nga punonjësit e bashkisë Konispol, na shkruani për cdo problematikë. Shpresoj që kjo nisëm të vazhdojë në çdo zyrë shteti ku i shërbehet qytetarëve!”.

The post Përplasje me Ramën për shkarkimin e administratës? Reagon kryebashkiaku i Konispolit: S’ka vend për frikë dhe nuk lëviz asnjë appeared first on Albeu.com.

Në një kohë kur në burgjet Shqiptare, ka hyrje të femrave VIP për shërbime speciale dhe sende të tjera të paligjshme, Drejtoria e Përgjithshme e Burgjeve, ka mbyllur një raport inspektimi në burgjet në Shqipëri.

Deri në këtë fazë,ka përfunduar kontrolli “blic” në të gjitha burgjet.

Inspektimi është kryer gjatë mbrëmjes dhe herët në mëngjes duke përfshirë jo vetëm burgjet e sigurisë së lartë por edhe të sigurisë së ulët.

Gazetari i “Ora News”, Elton Qyno ka mësuar se verifikimet janë kryer jo vetëm për sende të ndaluara por edhe janë kqyrur kartelat e takimeve private të disa të burgosurve.

Ndërkohë që janë kryer dy transferime drejtuesish. Altin Ago është emëruar në krye të burgut Peqin, kurse Qazim Hoxha në krye të burgut të Bradasheshit në Elbasan.

Pritet që brenda kësaj jave të ketë rokadë dhe në burgun e Shkodrës.

The post Altin Ago emërohet në krye të burgut të Peqinit, Qazim Hoxha drejtor i IEVP Elbasan appeared first on Albeu.com.

Policia ka dhënë detaje në lidhje me vrasjen e Renis Dobrës në Mat, ngjarje e ndodhur rreth një javë më parë.

Sipas uniformave blu, makina dhe automjetit u hodhën në liqen, por trupi ka dalë nga makina e nuk ra në ujë.

“23-vjeçari u vra me strangulim, mbytje. Makina dhe automjetit u hodhën në liqen, por se trupi ka dalë nga makina e nuk ra në ujë.

4 personat nuk ishin veshur me uniformë policie dhe nuk kanë përdorur shenja që lidhen me policinë.

23-vjeçari ka qenë i dënuar për shpërndarje droge në shtetin Gjerman dhe pjesëmarrje në grup të strukturuar kriminal, dyshohet se vrasja e tij ka ardhur pikërisht për mosmarrëveshje në lidhje me trafikun e drogës.

Gjatë operacionit u shoqëruan katër persona ndërsa vijon puna për kapjen e personave të tjerë të lidhur me ngjarje,

U sekuestruan 20 celularë 7 automjete, drogë dhe prova të tjera që do t’i shpërbejnë hetimit”, u tha në konferencë.

The post Vrasja e Renis Dobrës në Mat/ Policia zbardh detaje: 23-vjeçari u mbyt dhe më pas u hodh në ujërat e liqenit, ja çfarë u sekuestrua appeared first on Albeu.com.

Këtë të mërkurë, GJKKO ka hedhur shortin elektronik për shqyrtimin e dosjes ndaj ish-deputetit socialist Jurgis Çyrbja dhe dy bashkëpunëtorëve të tij, Ahmet Masha dhe Altin Hajri.

Nga shorti është caktuar gjyqtarja Etleva Deda, e cila do të shqyrtojë çështjen e referuar nga Prokuroria e Posaçme.

SPAK, ka përfunduar hetimet dhe dërgoi dosjen në Gjykatën e Posaçme, duke kërkuar kalimin e saj për gjykim.

Prokurori Adnan Xholi, ka ngritur tre akuza ndaj të pandehurve: “Tregim i sekretit shtetëror nga shtetasit, kryer më shumë se një herë”, “Përkrahje e autorit të krimit” dhe “Korrupsion pasiv në zgjedhje”.

Ndërkohë, prokuroria ka vendosur ndarjen e dosjes në fraksione, me qëllim identifikimin e funksionarëve të tjerë publikë që dyshohet se kanë ndihmuar ish-deputetin, në marrjen dhe shpërndarjen e informacioneve të klasifikuara si sekret shtetëror.

The post Hidhet shorti, kush është gjyqtarja që do të shqyrtojë dosjen e Jurgis Çyrbjas appeared first on Albeu.com.

Nga; Ekrem Spahiu

Ish-Zëvendësministër i Mbrojtjes

 Agresioni rus në Ukrainë ka hyrë në vitin e katërt dhe nuk ka të ndalur. Shovinizmi rus nuk njeh kufij, as norma ndërkombëtare.

Ndërkohë, sapo u krye thuajse një provë lufte në Lindjen e Mesme: një veprim aventuresk apo një përllogaritje e gabuar mund të kishte aktivizuar, e pakta, lëndë bërthamore.

Për të ardhur më afër në gjeografinë e pasigurisë, jo larg në kohë, dy vjet më parë, forca paramilitare serbe, të planifikuara mjaftueshëm në shtabet e Beogradit për nga numri, armatimi, pajisjet, rezervat, mbështetja dhe aftësimi luftarak, kryen sulmin ndaj focave sovrane të sigurisë së Kosovës në Banjskë, me qëllim provokimin e një fronti lufte me përfshirjen e gjithë makinerisë informative, policore e ushtarake të Serbisë, për të justifikuar ripushtimin e Kosovës, ose të paktën të pjesës veriore të saj.

Ndërkohë, Serbia, krahas fushatës së ethëshme për të fituar “statusin” e të ndëshkuarit pa të drejtë ndërkombëtare për çështjen e Kosovës, po armatoset gjithnjë e më shumë me armë ofensive të siguruara nga Rusia dhe Kina.

Sapo është mbajtur Samiti i NATO-s, i cili shprehu një angazhim substancial në shpenzimet për sigurinë dhe mbrojtjen: aleatët të rrisin shpenzimet deri në 5% të PBB-së, çka tregon se kërcënimet ndaj sigurisë në botë pritet të jenë më të afërta në kohë dhe më të mprehta në ashpërsi.

Dhe nuk është më sekret: Kosova është objektiv imediat. Presidenti i SHBA, para pak ditësh u shpreh se ka ka parandaluar një konflikt mes Kosovës dhe Serbisë. Nuk është çështje akademike për të kërkuar si, kur, kush, me çfarë, e tj.

E rëndësishme është që kreu i shtetit më të fuqishëm aktualisht në botë, ndër tre konflikte me pasoja botërore, përmendi atë Kosovë-Serbi. Duke folur më 10 korrik në një ligjëratë në Uashington, Presidentja Osmani tha se kjo deklaratë e Presidentit Trump, qartazi, u referohet “javëve të fundit” dhe se bëhet fjalë “për zhvillime shumë, shumë të vona”.

Ky, pra, është kuadri i sigurisë në Kosovë.

Pyetjet që dalin për garantimin e kësaj sigurie janë të shumta dhe përfshijnë shumë aktorë dhe shumë fusha.

Në radhë të paraë dhe vetvetiu, pyetja e parë i shtrohet të zotëve të shtëpisë, institucioneve dhe popullit shqiptar të Kosovës. Nëse pranojmë që mbrojtja është, në radhë të parë, ekonomi, atëherë do të konstatojmë se Kosova si vendi i dytë më i varfër në Europë bazuar në PBB për frymë.

Nëse pranojmë që stabiliteti politik mundëson një stabilitet ekonomik dhe rrjedhimisht stabilitet të mbrojtjes, atëherë fakti thuajse tronditës kur ende pas 46 orvatjesh nuk është konstituuar akoma Parlamenti i ri edhe pse ka kaluar pothuajse gjysmë viti, atëherë do të pranojmë se të parat që janë prekur janë siguria e mbrojtja.

Dhe kjo ndodh pikërisht kur retë për sigurinë e Kosovës mbeten të errëta: njohjet ndërkombëtare janë stopuar; raportet me aleatët e mëdhenj natyralë janë lënduar; situata e sigurisë në rajon është e kërcënuar nga shumë aktorë e faktorë.

Prezenca e NATO-s në Kosovë është domethënëse.

“NATO tani është shumë më e përgatitur për të projektuar fuqi ushtarake, diplomatike dhe ekonomike në një shkallë që kundërshtarët tanë nuk mund të ëndërrojnë ta arrijnë, duke penguar kështu luftërat e ardhshme”, – u shpreh këto ditë Sekretari i Shtetit Amerikan Marco Rubio. Por, njëherësh duhet të mësohemi me prirjet normale historike se nuk ka aleanca të përjetëshme, se edhe NATO nuk është e përjetëshme.

Siç duhet të mësohemi me parimin se për mbrojtjen tënde je përgjegjës në radhë të parë vetë, se duhet të paguash edhe për mbrojtjen, si për çdo mall tjetër. Sigurisht Kosova ka plane mbrojtjeje dhe ushtarake, ku janë bërë edhe investime dhe sigurim armatimesh përkatëse. Organizmat përkatëse e dinë nëse janë të mjaftueshme për t’iu përgjigjur të gjitha skenarëve të mundshëm.

Por detyrimi vjen edhe te Shqipëria. Jo për nacionalizëm të sëmurë. Është detyrim kombëtar, kushtetues dhe moral për çdo paralele të tillë në botë. Është normale që Shqipëria duhet të ketë plane mbështetjeje për shtetin dhe popullin vëlla të Kosovës, pë më tepër duke qenë edhe antar i Aleancës Euro-Atlantike.

Çështja është se cila është fuqia e Shqipërisë për ta bërë këtë gjë jo si deklaratë politike, por si faktor me peshë të gjithanëshme ekonomike, politike, të sigurisë dhe ushtarake. Dhe faktorizimi fillon që me aktivizimin e niveleve strategjike, përkatësisht të Këshillit të Sigurisë Kombëtare. Po Kuvendi i Shqipërisë pse nuk del me një rezolutë për situaten e tensionuar?

Ndërkohë, është detyrim që, në këto kushte, Shqipëria, qeveria e saj, e mbështetur nga opozita, do të duhet të alokojë buxhet të posaçëm. Përndryshe, të gjitha përbetimet politike mbeten si fushatë elektorale.

The post Siguria dhe mbrojtja e Kosovës, Shqipëria dhe NATO appeared first on Albeu.com.

Ditën e sotme, 55-vjeçari, Leonard Mnella, është ekstraduar në Itali. Mnella një vit më parë, ishte u ekstraduar në Shqipëri, pasi u lokalizua në SHBA.

Shqiptari me 3 identitete, kishte arritur të falsifikonte vdekjen e tij që në vitin 2003. Me ekstradimin e tij sot në Itali, ai do të përballet me drejtësinë italiane.

Leonard Mnella alias Leon Kolmnela alias Leonard Kolmnela, rezulton i dënuar në Itali me 25 vite burg për bashkëpunim në organizatë kriminale, rrëmbim personi, tentativë zhavatjeje, shkelje të ligjit për armët dhe trafik droge në sasi të mëdha.

Ai që ka qenë në arrati për vite të tëra. Në vitin 2013, kishte arritur që nëpërmjet një vendimi gjyqësor të lëshuar nga një gjykatë shqiptare, të deklarohej i vdekur që në vitin 2003, në Amerikën Latine.

The post Falsifikoi vdekjen e tij për t’i shpëtuar dënimit me 25 vite burg, ekstradohet në Itali Leonard Mnella appeared first on Albeu.com.

Nuk është e thënë që të mbyllet përfundimisht “telenovela” me titullin “Viktor Gyokeres”. Tra tativat për transferimin tek Arsenali, ç`ka në fillim të javës dukeshin diçka e përfunduar (70 + 10 milionë euro bonuse), tani befas mund të marrin një kthesë krejtësisht të papritur.

Ndërhyrja e agjentit Hasan Çetinkaja, i cili hoqi dorë nga një tarifë prej 6.5 milionë eurosh për të lehtësuar transferimin, dukej sikur do të sillte finalizimin e gjithckaje me sukses.

Por ja që sipas portugezes “Record”, negociatat thuhet se kanë ngecur. “Mollë sherri” duket se janë disa bonuse, me marrëveshjen që nuk përjashtohet edhe të dështojë në çdo moment.

“Topçinjtë”, sigurisht, shpresojnë që gjithçka të zgjidhet pozitivisht dhe të kenë lojtarin në gjirin e tyre brenda javës.

Sulmuesi 27-vjeçar suedez, shtyu fort për transferimin, madje duke anashkaluar rifillimin e stërvitjes së ekipit portugez.

Ai vjen pas një sezoni fenomenal me 54 gola në 52 paraqitje, teksa gjithashtu ishte edhe në vëzhgimin e disa klubeve të rëndësishme europiane.

Mirëpo vetë Gyokeres zgjodhi që në fillim Premier Ligën dhe projektin e trajnerit Mikel Arteta. Ndërsa edhe tekniku spanjoll e bëri atë përparësinë kryesore për sulmin e tij.

The post Po shkonte drejt finalizimit, rrezikohet objektivi më i rëndësishëm i Arsenalit appeared first on Albeu.com.

Gazetari Igli Çelmeta, ka siguruar për News24 pamjet nga momentet e fundit para rrëmbimit të 23-vjeçarit Renis Dobra, kur Hundayi i bardhë e ndjek nga pas shumë pranë banesës së tij.

Dy autorët e arrestuar për vrasjen e 23-vjeçarit, Petrit Çakrri allias Hoxhaj dhe Fatjon Bushgjoka, kanë përdorur dy automjete gjatë krimit.

Makina tip Range Rover i zi ka shërbyer për të vëzhguar rrugën, ndërsa Hyundai i bardhë për të rrëmbyer Renis Dobrën.

The post E mbytën dhe e hodhën në Liqenin e Shkopetit/ Publikohen pamjet nga rrëmbimi i Renis Dobrës, pak minuta pasi doli nga banesa, 23-vjeçari… (VIDEO) appeared first on Albeu.com.

Dy vëllezërit Aleksandër Bushgjokaj dhe Kristi Bushgjokaj janë shpallur në kërkim për vrasjen e Renis Dobrës.

Mësohet se dy vëllezërit janë persona me precedentë të mëparshëm penal, teksa janë arrestuar për vjedhje dhe drogë.

Ndërkaq, një prej bashkëpunëtorëve të tyre, Petrit Çakrrit, i cili është arrestuar iu gjet disa doza kokainë.

Në pranga ka rënë edhe vëllai tjetër i Bushgjokajve, Fatjon Bushgjoka.

Mësohet se Renis Dobra, ka punuar në Gjermani për vëllezërit Bushgjoka, në shpërndarjen e kokainës.

Në disa raste Renis Dobra nuk ka çuar para duke i mashtruar se drogën e kishte humbur dhe se e kishte ndjekur policia.

Kjo është zbuluar nga tre vëllezërit dhe me ndihmen e mikut të tyre, Petrit Cakrri, kanë marrë tre makina me qira dhe kanë organziuar rrëmbimin e tij.

The post Të shpallur në kërkim për vrasjen e 23-vjeçarit Renis Dobra, kush janë vëllezërit Bushgjoka me precedentë të mëparshëm penal (FOTOT) appeared first on Albeu.com.

Ndërkohë që kryeministri Edi Rama, shpall me bujë “reformën e pastrimit” të administratës nga zyrtarët e paaftë dhe të korruptuar, në terren ndodh e kundërta.

Në Portin e Sarandës emërohet Aida Demi, një emër i njohur jo për merita profesionale, por për përfshirje në afera të legalizimeve me dokumente të falsifikuara.

Ish-drejtoresha e Kadastrës dhe nën masë sigurie “detyrim paraqitje”, Aida Demi, shfaqet sot si “kapitenia” e re e portit, duke e kthyer reformën në një farsë ku patronazhistët dhe të përfolurit për korrupsion promovohen, jo ndëshkohen.

Pas një “aksioni pastrimi” të paralajmëruar me shumë bujë nga kryeministri Edi Rama ku drejtues të bashkive, drejtorë e zyrtarë dolën rresht për të dorëzuar çelësat e zyrave, qytetarët prisnin një frymë të re në administratë. Por çfarë morën në këmbim? Aida Demin.

Po e njëjta Aida Demi, që është përfshirë në një çështje penale për legalizimin e një objekti me dokumente të falsifikuara.

Ish-drejtoreshë e Kadastrës së Sarandës dhe më herët e Bashkisë, ajo u përball me masën e sigurisë “detyrim paraqitje”, ndërkohë që kolegët e saj shkuan në “arrest shtëpie”.

Por as kjo nuk e pengoi të ngjitej sërish në post, këtë herë si drejtoreshë e Portit të Sarandës.

Ironikisht, një person që është hetuar për abuzim me tokën dhe ndërtime pa leje brenda në det, tani ka në dorë detin e Sarandës të cilën pritet ta gllabërojë.

Burime nga terreni flasin për një “rindërtim të administratës” që më shumë i ngjan një shpërblimi politik për militantët e bindur, sesa një reforme reale.

Aida Demi, e njohur si një nga patronazhistet më të zellshme të PS në Sarandë, duket se ka marrë shpërblimin e saj: një zyrë me pamje nga gjiri, tendera të majmë dhe shumë mundësi për… “të vënë rregull” në port.

E gjithë kjo, pa garë, pa transparencë, pa një minimum morali institucional.

A mund të gllabërohet më shumë se kaq?

Nëse para emërimit, Aida Demi, sipas akuzave, kishte ndërtuar pa leje dhe i kishte legalizuar vetë objektet e saj, tani ka akses në një ndër institucionet më fitimprurëse të Sarandës.

Një histori që e tejkalon edhe ironinë vetë: nga ndërtimet pa leje, në drejtimin e ngarkesave portuale.

Ndërsa qytetarët kërkojnë drejtësi, ndershmëri dhe meritokraci, skenari është i qartë, një pjesë shfaqjeje publike për kamerat, dhe prapa kuintave, emërime që ndjekin të njëjtin qark të mbyllur politik dhe klientelist.

Në vend të ndëshkimit të korrupsionit, kemi riorganizimin e tij në poste të reja.

Në Shqipëri, thonë se “ujku qimen e ndërron, por zakonin s’e harron”. Me Aida Demin, duket se ujku ka veshur kostumin e drejtoreshës dhe ka marrë timonin e Portit./ InFront.org

The post Nga “detyrim paraqitjeje” në drejtimin e Portit të Sarandës, Aida Demi rikthehet si kapitene e korrupsionit appeared first on Albeu.com.

Lidhur me vrasjen e 23-vjeçarit Renis Dobra, ngjarje kjo e ndodhur pak ditë më parë në Ulëz të Matit, autoritetet policore arrestuan dy autorë, ndërsa u shoqëruan edhe disa persona të tjerë.

News24, mëson se gjatë operacionit për kapjen e Fatjon Bushgjokës, është shoqëruar edhe e dashura e tij.

Burime nga policia, bëjnë me dije se vajza ndodhej në shoqërinë e Bushgjokës në momentin e ndërhyrjes së forcave të rendit.

Nga hetimet paraprake, vajza nuk rezulton të jetë e implikuar në vrasje, por është mabjtur në vëzhgim për të gjurmuar lëvizjet e Fatjon Bushgjoks.

The post Vrasja e 23-vjeçarit Renis Dobra në Mat/ Policia shoqëron edhe të dashurën e Fatjon Bushgjokës, në momentin e arrestimit vajza ndodhej në… appeared first on Albeu.com.

Në një kohë kur shumë nga elementët e botës së Krimit në Shqipëri, kanë humbur qetësinë e tyre, për shkak të daljes së komunikimeve në aplikacionin “Sky”, një tjetër “bombë atomike” është administruar në kasaforën e SPAK, ku pritet të aplikohet si provë bindëse për arrestimin e personave që kanë kryer krime të ndryshme.

Gazetari i “Ora News”, Elton Qyno, ka mësuar se prej disa muaj në SPAK ka mbëritur nga autoritet hollandaze një pjesë e madhe e kodeve të aplikacionit “Matrix”,i cili rezulton të jetë përdorur gjerësisht nga bota e krimit në Shqipëri.

Njësoj si aplikacioni “Sky” që çdo përdorues indetifikohej me një kod unik, edhe “Matrix” ka funksionuar përmes një kodi të tillë.

Por dy aplikacionet që tashmë janë administruar nga SPAK, kanë një ndryshim mes tyre, pasi kodet e “Sky” janë numerikë dhe të gërmëzuar, si për shembull “TIV9E3” që i përkiste Behar Bajrit.

Ndërsa “Matrix” është i formësuar vetëm me kode numerikë dhe jo shkronja, si për shembull “664831584” që i përket një personi të paidentifikuar.

Mësohet se aplikalcioni “Matrix”, është përgjuar masivisht tek të gjithë përdoruesit në një kohë më të shkurtër, diku tek 4 muajt e fundit të vitit 2024.

Ndërsa “Sky”, përmes një aparati telefonik është përgjuar masivisht me vendim të gjykatës së Lilës në Francë, në një periudhë më të gjatë kohore, diku tek 2 vite.

Të dyja aplikacionet, ka shumë gjasa të sjellin një valë të re tronditje të botës së krimit dhe zyrtarëve, të cilët kanë përdorur aplikacionet për dërgimin e mijëra mesazheve komunikuese për të kryer trafikun e drogës, vrasjet, rrëmbimin e personave dhe krime të ndryshme.

Në shqipëri, “Matrix” është përdorur gjerësisht nga persona që kryenin vrasje me pagesë dhe trafik kokaine.

SPAK, shpreson që përmes këtij aplikacioni të hedhë dritë mbi një seri ngjarjesh kriminale të ndodhura në Shqipëri, por jo vetëm.

Ndërkohë shumë biseda të zhvilluara në “Matrix”, ka shumë gjasa të përdoren nga prokuroria dhe në proceset gjyqësore që kanë nisur tashmë në gjykatën e posaçme.

Një pjesë të madhe të kodeve dhe komunikimeve të zhvilluara përmes sms-ve në “Matrix” dhe “Sky”, fillimisht SPAK i ka marë nga Belgjika, Hollanda dhe Franca, jo zyrtarisht dhe jo në formën që i kërkon ligji.

Ato kanë ardhur në rrugë operative në këtë institucion, për t`i dhënë akses në informacion dhe futjen e prokurorëve brenda bërthamës së grupeve kriminale, duke i lexuar të gjitha sms-të që anëtarët e grupeve i kanë dërguar njëri-tjetrit për krime të ndryshme.

Pasi lexohet këto komunikime për episode të veçanta të kryerjes së një vepre penale, oficerët e BKH-së fillojnë dhe ndërtojnë dosjen nga ana proceduriale, ku fillimisht relatojnë informacionin tek prokurori i çështjes duke informuar se në rrugë operative kanë hyrë në dijeni të një grupi kriminal dhe kodet “Sky” apo “Matrix” që përdorin anëtarët e grupeve.

Prokurori pasi shikon informacionin e relatuar nga oficerët e BKH-së, vendos të rregjistrojë procedimin penal, dhe mbi bazën e këtij procedimi fillon dërgon letërporosi në Hollandë, Francë, Hollandë, Belgjikë dhe në “EuroJust”, duke kërkuar kode specifike pikërisht mbi personat që ka nisur hetimin.

Çështja e parë që u kanalizua në gjykatën e posaçme me të pandehur që kishin përdorur aplikacionin “Sky”, është rasti i arrestimit të grupit të Plaurent Dervishaj në Durrës, të cilët synuan të vrisnin prokurorin Arjan Ndoja dhe Landi Muharremin.

Por në këtë atentat kundër tyre të ndodhur në Durrës, mbeti i vrarë Andi Maloku, shoferi i Arjan Ndojës.

Më pas komunikimet e “Sky” u përdorën dhe për goditjen e grupeve të tjera kriminale si në Shkodër etj.

Ndërsa çështja e parë që SPAK, ka kërkuar dhe përdorur si provë materiale në gjykatë të aplikacionit “Matrix”, është dosja ku të pandehur janë ish-deputeti Jurgis Çyrbja, Altin Hajri dhe Ahmet Masha.

Ndërkohë kode të tjerë janë dërguar në Hollandë për të tërhequr komunikimet, por ende letërporositë nuk janë ekzekutuar.

The post Spak siguron mesazhe nga aplikacioni Matrix/ Pas “SKY”-it, aplikacioni kthehet gropa nr.2 e krimit në Shqipëri appeared first on Albeu.com.