Formacioni me lojtarët që kanë luajtur më shumë ndeshje në epokën e trajnerit Silvinjo do të kishte në përbërje disa nga emrat më të besuar të tij. Elseid Hysaj, me 16 ndeshje, vijon të ruajë vendin si titullar në krahun e djathtë, edhe pse herë pas here ka pasur konkurrencë me Ivan Balliun. Megjithëse forma e tij ka pasur luhatje, eksperienca dhe komunikimi i Hysajt me pjesën tjetër të prapavijës janë treguar vendimtare. Ai është lojtari i dytë më i aktivizuar në historinë e kombëtares pas Lorik Canës, një fakt që nuk është aspak rastësor.

Në qendër të mbrojtjes, Ardian Ismajli ka qenë titullar në 14 ndeshje, duke fituar gjithnjë e më shumë besimin e trajnerit. Edhe pse mbrojtës të tjerë si Kumbulla apo Ajeti kanë pasur hapësira, Berat Gjimshiti mbetet ndër lojtarët më të rëndësishëm, me 16 ndeshje të luajtura nën drejtimin e Silvinjos. Në krahun e majtë, Mario Mitaj është padyshim zbulimi më i qëndrueshëm i epokës Silvinjo, me 23 ndeshje të gjitha si titullar. Mitaj ka spikatur me qetësinë në vendosje, lojën moderne dhe angazhimin e tij edhe në ndihmë të sulmit, duke qenë shembulli i lojtarit që trajneri kërkon në futbollin europian të sotëm.

Në mesfushë, Kristjan Asllani është padyshim pika më e fortë, me 26 ndeshje të luajtura – më shumë se çdo lojtar tjetër gjatë kësaj periudhe. Ai është një mesfushor modern, që rritet nga ndeshja në ndeshje. Ylber Ramadani, me 22 ndeshje, është lojtari që bën punën e vështirë pa shumë zhurmë dhe ka qenë për një kohë të gjatë partneri i Asllanit në qendër. Edhe pse në muajt e fundit ka humbur disi terren, Ramadani mbetet një zgjedhje e rëndësishme për trajnerin, sidomos në ndeshjet ku kombëtarja duhet të mbrohet fort. Në krahun tjetër, Qazim Laçi ka rikuperuar vendin e tij në ekip, me 20 ndeshje, duke u bërë titullar në 8 ndeshjet e fundit dhe duke dhënë ekuilibër, presion të lartë dhe kontribut me gola në rolin e mesfushorit të avancuar.

Në sulm, Jasir Asani është një tjetër lojtar i pazëvendësueshëm, pasi i ka luajtur të gjitha ndeshjet si titullar me Silvinjon. Ai ka sjellë risi dhe cilësi në repartin ofensiv. Nga sulmuesit, Taulant Seferi, me 16 ndeshje, është lojtari më i përdorur nga trajneri, edhe pse kryesisht ka luajtur në krah dhe jo në qendër të sulmit. Në qendër, pozicioni ka qenë i alternuar mes Brojës dhe Dakut në varësi të formës dhe disponueshmërisë së tyre.

The post Formacioni me lojtarët më të përdorur në epokën e trajnerit Silvinjo, ja disa nga emrat më të besuar appeared first on Sot News | Lajme.

TIRANË, 10 qershor /ATSH/ Shqipëria barazoi mbrëmjen e sotme 1-1 ndaj Letonisë në “Skonto Stadium” në Riga.

Trajneri i Kombëtares Silvinjo u shpreh pas ndeshjes se skuadra gaboi goxha në pjesën e parë, duke shpërdoruar 45 minuta.

Edhe pse pati një përmirësim në të dytën, sipas tij, futbolli luhet për 90 minuta dhe duhet të ketë një qëndrim më ndryshe nga futbollistët.

“Futbolli nuk të fal. Në pjesën e parë kemi gabuar goxha sidomos në qarkullimin e topit. Kemi pasur disa goditje këndi. Përmirësuam në pjesën e dytë, por që nuk mjafton në këtë rast. Duhet të futemi në fushë me një qëndrim më ndryshe sepse futbolli luhet për 90 minuta”, tha Silvinjo.

Trajneri komentoi edhe zëvendësimet që bëri. “Laçi ishte shumë i lodhur dhe ishte zëvendësimi i parë më i shpejtë sepse kishte harxhuar më shumë energji. Hoxha ishte pak i bllokuar, duke u zëvendësuar me Muçin për t’i dhënë epërsi ekipit duke qenë se luan mes linjave. Dhe më pas ndërrimet e tjera si Bajrami etj. Futbolli është i tillë që mund të luash me tre sulmues dhe nuk fiton, mund të luash edhe me një sulmues dhe fiton”, tha Silvinjo.

“Është mëkat sepse shpërdoruam 45 minuta, por futbolli luhet 90 minuta. Edhe nëse je ekip si Brazili, apo Gjermania, nëse nuk fiton në fushë, pavarësisht se në letër duhet të fitosh, nëse nuk aplikon ato gjëra në fushë, nuk e kap dot objektivin. Sigurisht jemi futur me objektivin për ta fituar ndeshjen”, shtoi trajneri brazilian.

/gj.m/

The post Barazimi me Letoninë, Silvinjo: Futbolli nuk të fal, shpërdoruam 45 minuta appeared first on Agjencia Telegrafike Shqiptare.

TIRANË, 10 qershor /ATSH/ Trajneri i Kombëtares, Silvinjo pritet të bëjë disa ndryshime në formacion për ndeshjen e sotme ndaj Letonisë, në krahasim me sfidën e së shtunës ndaj Serbisë.

Për ndeshjen e Rigës, Silvinjo nuk do ketë të gatshëm dy qendërmbrojtësit, Berat Gjimshiti për shkak të pezullimit për kartona dhe Arlind Ajetit për shkak të një lëndimi muskulor në kofshën e majtë. Të dy ishin titullarë kundër Serbisë.

Veç tyre, trajneri ka lënë në tribunë sërish portierin Mario Dajsinani dhe mesfushorin Adrion Pajaziti. Ndërkohë me grupin janë bashkuar Adrian Bajrami dhe Medon Berisha.

Për shkak se vetëm tre ditë më parë kuqezinjtë shpenzuan energji në barazimin 0-0 kundër Serbisë, Silvinjo po mendon për disa ndryshime.

Me Gjimshitin dhe Ajetin që mungojnë, qendra e prapavijës do t’i besohet Ismajlit dhe Kumbullës, ndërsa balotazh ka edhe për fashën e djathtë të mbrojtjes, ku Balliu pret një shans, edhe pse Hysaj ishte lojtari më i mirë i kuqezinjve kundër Serbisë.

Dilemë ka edhe për mesin e fushës dhe qendrën e sulmit, ku Bajrami dhe Daku kërkojnë një fanellë titullari. Nisur edhe nga kundërshtari dhe fakti se kuqezinjtë do të zhvillojnë lojë sulmuese, sot priten ndryshime nga Silvinjo.

Shqipëria do të luajë mbrëmjen e sotme në orën 20:45 në “Skonto Stadium” Riga ndaj Letonisë ndeshjen e katërt në Grupin K kualifikues të Botërorit 2026.

Formacioni i mundshëm:

Shqipëria (4-3-3): Strakosha; Hysaj (Balliu), Ismajli, Kumbulla, Mitaj; Asllani, Shehu, Bajrami (Laçi); Hoxha (Muçi), Broja, Manaj (Daku) Trajner: Silvinjo

/gj.m/j.p/

The post 2 mungesa tek Kombëtarja për sfidën ndaj Letonisë, Silvinjo pritet të ndryshojë formacion appeared first on Agjencia Telegrafike Shqiptare.

TIRANË, 9 qershor/ATSH/ Kombëtarja shqiptare do të luajë nesër ndeshjen e radhës ndaj Letonisë, e vlefshme për kualifikueset e Kampionatit Botëror 2026.

Kuqezinjtë mbërritën dje në Riga dhe sot do të zhvillojnë seancën e fundit stërvitore përpara takimit të së martës.

Sakaq, këtë pasdite, trajneri Silvinjo dhe mesfushori Kristjan Asllani dolën në konferencën zyrtare për media nga stadiumi ku do të luhet kjo ndeshje dhe iu përgjigjën interesit të gazetarëve.

Kristjan Asllani e cilësoi shumë të rëndësishme ndeshjen e së nesërmes ndaj Letonisë dhe theksoi se synimi janë tre pikët për objektiv botëror.

I pyetur për përgatitjet për ndeshjen me Letoninë, Asllani u shpreh se “duhet rikarikuar bateritë, sepse vijmë nga një ndeshje shumë pozitive nga aspekti i lojës. Kemi luajtur shumë mirë, na ka munguar vetëm goli. Tani e dimë që kemi një ndeshje të vështirë, por na duhen tre pikët për objektivat dhe ëndrrën tonë”.

Asllani theksoi se ndeshja me Letoninë është e vështirë. “Kanë një trajner italian, i njoh italianët si punojnë. Do jetë një ndeshje taktike, sepse punojnë me anën taktike. Një ndeshje ku ata do të mbrohen shumë mirë. Nuk mendoj për Kristjan Asllanin, por për skuadrën. Kemi ardhur këtu vetëm për të fituar këtë ndeshje”, tha ai.

Trajneri Silvinjo vlerësoi ekipin e Letonisë dhe e cilësoi një ndeshje shumë të rëndësishme. Tekniku kuqezi komentoi edhe mungesën e Gjimshitit dhe zgjidhjet e mundshme në formacion për ndeshjen ndaj Letonisë.

I pyetur për gjendjen e sulmit dhe Manajn, Silvinjo u shpreh se “ndeshja e dytë është gjithmonë pak më e vështirë, në aspektin e rikuperimit por edhe të menaxhimit të skuadrës”.

“Është e vështirë dhe këtë nuk e them vetëm unë si trajner i ekipit të Shqipërisë, po e thonë shumë trajnerë të tjerë të ekipeve kombëtare. Nuk kemi vendosur asgjë lidhur me formacionin, do të kemi pak më vonë një seancë stërvitore të lehtë. Nesër në mëngjes mund të kemi një ide më të qartë për formacionin. Kemi një lloj avantazhi në ekip pasi kemi 22-23 lojtarë, nga të cilët mund të zgjedhim pozicione të ndryshme. Mbrojtës të majtë, të djathtë, mesfushorë shumë cilësorë, sulmues. Kemi hapësira për të zgjedhur lojtarë të ndryshëm dhe përmend disa prej tyre: Muçi, Uzuni, Pajaziti, Ramadani, Broja, Asani, Daku etj. Kemi mundësi të zgjedhim nga të gjithë këta lojtarë dhe do të vendosim nesër, pasi të kemi mbyllur çdo lloj përgatitje. Sa i përket Manajt, është një lojtar që ka eksperiencë. Është titullar me ekipin tonë, e njoh që prej vitit 2014 tek Interi. Është një djalë me shumë personalitet, por e kam folur edhe me të. Përgjegjësia është e imja. Pas përgatitjeve që bëjmë, ku shohim penalltitë që gjuajmë herë pas here nga lojtarët, jam unë ai që vendos se cili do të gjuajë penalltitë”, theksoi ai.

Silvinjo pranoi që ndeshja ka presion.

“Kur punon në Kombëtare, akoma më shumë. Kemi zhvilluar 3 ndeshje, janë edhe 5 të tjera për të mbyllur grupin. Futbolli është i tillë që nuk të jep shumë kohë. Duhet të mbledhim sa më shumë pikë të jetë e mundur. Letonia ka mundur Andorrën. Për ta dhe për ne është ndeshje shumë e rëndësishme. Duke krahasuar skuadrën sot me dy vite më parë, është me më shumë eksperiencë në aspektin e menaxhimit të emocioneve dhe presionit”, tha ai.

Në lidhje me skuadrën e Letonisë, Silvinjo tha se është një ekip fizik.

“Ka lojtarë të fortë dhe të gjatë, që japin centimetra në fushë. Mund të luajnë me skema të ndryshme: 3-5-2, 3-4-3. Në një lloj mënyre, është një ekip që luan një lloj futbolli të kodifikuar. Ka një trajner italian, kanë një metodë të tyre specifike se si e organizojnë ekipin në fushë. Ka dy – tre lojtarë të cilët janë të shpejtë dhe të majtë, që mund të jenë funksionalë për ekipin. Është një ndeshje e vështirë, por shumë e rëndësishme”, tha ai.

Silvinjo u pyet edhe për aktivizimin e Mario Mitajt në mesfushë.

“Është një lojtar shumë teknik. I jep ekuilibër skuadrës. Por rrugëtimi i një lojtari në kombëtare është i tillë që nuk ke kohë t’i provosh lojtarët në pozicione të ndryshme. Ai e bën shumë mirë rolin e mbrojtësit të majtë. Është një mbrojtës i majtë. I jep skuadrës ekuilibër, bën shumë mirë si te ne, ashtu edhe te klubi ku luan. Do të vazhdojë kështu për momentin”, tha ai.

Silvinjo pohoi se lojtari Adrian Bajrami do të jetë nesër në 23-shen e lojtarëve të përzgjedhur për ndeshjen.

Po kush do ta mbajë shiritin e kapitenit nesër?

“Kemi 2-3 emra. Do të shohim. Siç e thashë edhe më sipër, ndeshja e dytë është e vështirë sepse nuk ka kohë. Nëse do të kishim më shumë kohë, do ta kishim më të qartë zgjedhjen. Por do të shohim pas stërvitjes sonte”, tha Silvinjo.

/j.p/

The post Pragndeshja me Letoninë, Silvinjo dhe Asllani: Ndeshje e vështirë, por ne jemi këtu vetëm për fitore appeared first on Agjencia Telegrafike Shqiptare.

Shqipëria përballet me Rigan në Letoni, në kuadër të kualifikueseve të Botërorit. Trajneri i kuqezinjve, Sylvinho iu përgjigj pyetjeve të gazetarëve, në konferencën për shtyp, para ndeshjes që do luhet të martën. Tekniku kuqezi deklaroi se gjithmonë ndeshja e dytë është më e vështirë, në aspektin e rikuperimit dhe menaxhimit.Sipas tij, formacioni do të vendoset […]

The post “Sfidë vendimtare”/ Sylvinho para Letonisë: Kemi shumë alternativa, formacionin e vendos nesër appeared first on BoldNews.al.

Kombëtarja shqiptare ndodhet në Letoni, ku nesër do të luajë takimin e katërt të Grupit K në kuadër të eliminatoreve të Botërorit 2026. Pas barazimit zhgënjyes me Serbinë në Tiranë dhe penalltisë së humbur, kuqezinjtë kanë vetëm një objektiv në këtë sfidë: fitoren.

Në prag të ndeshjes, trajneri Silvinjo dhe mesfushori Kristjan Asllani dolën në një konferencë për shtyp, ku theksuan rëndësinë e këtij takimi për vazhdimësinë në grup dhe për të mbajtur gjallë shpresat për kualifikim në fazën play-off.

Asllani tha se ekipi është i motivuar maksimalisht dhe se Letonia është një kundërshtar i vështirë, me një trajner italian që e organizon mirë taktikisht skuadrën.

“Duhet të karikojmë bateritë. Na duhen 3 pikë për ëndrrën tonë. Nuk mendoj për veten, por për ekipin dhe si mund ta fitojmë këtë ndeshje,” tha Asllani.

Nga ana tjetër, Silvinjo pranoi se ndeshja e dytë brenda pak ditëve është gjithmonë e vështirë dhe konfirmoi se do të vlerësojë gjendjen fizike të lojtarëve për të vendosur formacionin. Ai mori përgjegjësinë për penalltinë e humbur nga Rey Manaj kundër Serbisë, duke theksuar se ishte ai që caktoi ekzekutuesin.

“Përgjegjësia për penalltinë është e imja. Kam ndjekur goditjet e lojtarëve në stërvitje dhe vendimi ishte imi. Manaj ka eksperiencë dhe personalitet. Ndeshja me Letoninë është e rëndësishme, por nuk mund ta quajmë deçizive. Duam të mbledhim sa më shumë pikë të jetë e mundur,” tha Silvinjo.

Tekniku brazilian la të hapur mundësinë për ndryshime taktike dhe theksoi se ka alternativa të shumta për çdo repart. Ai shtoi se shumica e lojtarëve janë në formë të mirë pas sezonit të gjatë me klubet e tyre.

Në renditjen e Grupit K, Anglia kryeson me 9 pikë në 3 ndeshje, Shqipëria është e dyta me 4 pikë, Letonia e treta me 3 pikë, Serbia me 1 pikë dhe Andorra pa pikë.

The post ‘Shqipëria në Letoni për fitore’/ Silvinjo dhe Asllani kërkojnë 3 pikët për ëndrrën e Botërorit appeared first on Sot News | Lajme.

Sipas rregullave, kapiteni Berat Gjimshiti do të mungojë në ndeshjen kundër Letonisë, pasi ka plotësuar numrin e kartonëve. Lajm i keq për kombëtaren.

Ai u ndëshkua me karton të verdhë në ndeshjen e djeshme me Serbinë (0-0) në “Air Albania”, kështu që në vend të tij duhet të luajë një qendërmbrojtës tjetër.

Për zëvendësimin e tij, Sylvinho ka lënë të kuptohet se alternativat nuk mungojnë dhe se nuk është i shqetësuar. “Kemi pesë qendërmbrojtës, përfshirë edhe Adrian Bajramin, që po luan shumë mirë”, tha Sylvinho për mediat.

The post Kapiteni Gjimshiti lë kombëtaren/ Sylvinho nis të mendojë direkt për zëvendësuesin appeared first on Sot News | Lajme.

TIRANË, 7 qershor /ATSH/ Trajneri i Shqipërisë, Silvinjo u shpreh pas barazimit pa gola ndaj Serbisë, në kualifikueset e Botërorit se skuadra bëri një paraqitje pozitive.

Për penalltinë e humbur nga Manja, tekniku kuq e zi u shpreh se, “Manaj është një lojtar i rëndësishëm për ekipin dhe unë marr përgjegjësinë për zgjedhjen që kam bërë. Është një ndeshje që e kishim përgatitur shumë mirë. Ndodh që mund të humbasësh një penallti”.

Për Brojën, Silvinjo tha se, “nuk është mësuar të bëjë 90 minuta sepse ka shumë kohë që nuk luan ndeshje të plota. Ishte shumë i lodhur në fund, po ashtu si Hoxha. Broja bëri një punë të mirë në pjesën e parë. Broja është një lojtar që kërkon hapësirë, për të treguar vlerat e tij”.

“Ishte një ndeshje e interpretuar mirë. Kishim ndryshime të shumta. Në mesfushë ishin ndryshimet e duhura. Kisha lojtarë të lodhur në pjesën e dytë dhe ndryshimet ishin të detyrueshme”, tha më tej Silvinjo.

/a.f/

The post Barazimi me Serbinë, Silvinjo: Paraqitje pozitive appeared first on Agjencia Telegrafike Shqiptare.

Redi Jupi mendon se trajneri i Kombëtares, Silvinjo, duhet mbështetur në zgjedhjet që bën, deri pas ndeshjes, pasi i duhet dhënë koha të tregojë sa ka të drejtë. Dhe kjo sipas tij vlen edhe për ndeshjen ndaj Serbisë, ndonëse ai vetë do të kishte bërë të paktën një modifikim të vogël për formacionin. “Zakonisht kam […]

The post Analisti sportiv kritikon formacionin e Silvinjos: Këtë lojtar nuk mund ta lija jashtë ndaj Serbisë appeared first on BoldNews.al.

TIRANË, 7 qershor /ATSH/ Kombëtarja shqiptare e futbollit luan sot në orën 20:45 kundër Serbisë në “Arenën Kombëtare” të Tiranës, sfidë kjo e vlefshme për Grupin K kualifikues të Kupës së Botës 2026.

Kjo do jetë ndeshja e tretë për Kombëtaren në Grupin K, me kuqezinjtë që pas humbjes me Anglinë dhe fitores me Andorrën mbajnë vendin e dytë.

Nga ana tjetër Serbia ka qenë e impenjuar në Ligën e Kombeve dhe sfida e sotme është debutuese për ta në këtë grup.

Grupi K kryesohet nga Anglia me 6 pikë pas 2 fitoreve, ndërsa letonia është e treta me 3 pikë.

Trajneri Silvinjo nuk e ka bërë të ditur formacionin e kuqezinjve, megjithëse pritet që ai të hedhë në fushë sërish 3 sulmues me Brojën në qendër të sulmit, si dhe Asanin dhe Hoxhën nga krahët.

Formacioni i mundshëm

Shqipëria (4-3-3): Strakosha; Balliu, Ismajli (Ajeti, Kumbulla), Gjimshiti, Mitaj; Asllani, Ramadani, Bajrami (Laçi); Hoxha, Asani, Broja Trajner: Sylvinho

/a.f/

The post Shqipëria, Silvinjo gati me “tredhëmbëshin” kundër Serbisë appeared first on Agjencia Telegrafike Shqiptare.

TIRANË, 7 qershor /ATSH/ Trajneri i Kombëtares, Silvinjo ka dërguan në tribunë 4 lojtarë përpara ndeshjes me Serbinë.

Ata janë Mario Dajsinani, Medon Berisha, Adrian Bajrami dhe Adrion Pajaziti janë të sakrifikuarit e Kombëtares për ndeshjen me Serbinë.

Silvinjo ka vendosur të dërgojë në tribunë këto katër lojtarë, pasi lista e mëparshme ishte me 27 emra.

Vetëm 23 lojtarë mund të përdoren sipas rregullave të UEFA-s dhe lista aktuale i sheh jashtë saj. Surprizë mund të quhet mungesa e Berishës, mesfushori i Seria A që ishte në stol ndaj Anglisë dhe Andorrës.

Pajaziti mori minuta në dy ndeshjet e para kualifikuese dhe mund të konsiderohet po ashtu befasi, ndërsa duhet të presë për mundësinë tjetër. Dajsinani, që ishte një risi nga Silvinjo, nuk do e ketë sot mundësinë për të qenë alternativë e Silvinjos. Portieri i Egnatias më parë ka debutuar në miqësore te kuqezinjtë.

Adrian Bajrami ndërkohë nuk ka fituar minuta me trajnerin brazilian deri tani, edhe pse ftesa nuk ka munguar.

Ndeshja Shqipëri-Serbi nis në orën 20:45 dhe vlen për kualifikueset e Botërorit 2026. /Panorama/

The post Ndeshja me Serbinë, Silvinjo dërgon në tribunë 4 lojtarë appeared first on Agjencia Telegrafike Shqiptare.

Tirana ‘pushtohet’ sot nga dy fronte: I ‘dallgëve’ të tifozëve kuqezi që do mbushin “Air Albania” dhe ambientet e jashtme nëpër lokale e sheshe dhe forcave të sigurisë që e kanë futur kryeqytetin si në ‘shtetrrethim’.

Kombëtarja luan sot (7 qershor), në orën 20:45 të mbrëmjes, takimin e tretë të vlefshëm për Eliminatoret e Kampionatit Botëror 2026, që do luhet në Amerikën e Veriut, për të aritur dy objektiva në horizont: Një biletë për fazën finale dhe historinë ndaj Serbisë.

Mario Dajsinani, Medon Berisha, Adrian Bajrami dhe Adrion Pajaziti do e ndjekin sfidën kundër Serbisë nga shkallët e stadiumit “Arena Kombëtare”.

Në bazë të rregullave të UEFA-s, trajneri Sylvinho do ketë të gatshëm 23 futbollistë për sfidën e sotme, teksa emrat më sipër janë të sakrifikuarit, duke qenë se braziliani grumbulloi 27 futbollistë për dy sfidat e qershorit, atë sot kundër Serbisë në Tiranë dhe pas tri ditësh përballjen në Letoni.

The post EMRAT/ Sylvinho sakrifikon 4 futbollistë, do e ndjekin sfidën me Serbinë nga tribunat appeared first on Albeu.com.

Trajneri i ekipit kuqezi Silvinjo foli në konferencë për shtyp, në prag të ndeshjes me Serbinë. Tekniku kuqezi vlerësoi kundërshtarin, por theksoi se kombëtarja shqiptare futet në fushë vetëm për fitore. I pyetur për formacionin, Silvinjo u shpreh se e ka në mendje formacionin, por do e zbulojë para ndeshjes. “Të gjithë trajnerët e përgatisin ndeshjen për ta fituar. Shpresoj të dhurojmë ndeshje…

Source

Trajneri i kombëtares shqiptare, Silvinjo, ka folur në një konferencë për shtyp përpara ndeshjes shumë të pritur kundër Serbisë, që do të zhvillohet në Tiranë më 7 qershor. Ai u shpreh i qartë se të dyja skuadrat e njohin mirë njëra-tjetrën dhe se në këtë fazë nuk ekzistojnë më “sekrete stërvitore”.

“Kemi parë ndeshjet e tyre, ata kanë parë ndeshjet tona të fundit. Tashmë të gjitha ekipet janë të analizuar mirë, nuk ka më vend për surpriza”, tha tekniku brazilian, duke theksuar profesionalizmin dhe përgatitjen nga të dyja palët.

Interesimi për këtë përballje është tejet i lartë, me Silvinjon që u shpreh i befasuar nga entuziazmi: “Kam dëgjuar se ka pasur rreth 800 mijë kërkesa për bileta. Është e jashtëzakonshme. Të pranishmit në stadium janë me të vërtetë me fat.”

Ai ndau edhe një moment personal, duke thënë se kishte dëshirë të sillte babain e tij nga Brazili për ta ndjekur ndeshjen, por distanca e bëri të pamundur.

Në fund, Silvinjo dha një mesazh për lojtarët e tij: “Kam qenë edhe vetë pjesë e ndeshjeve me presion të lartë, por në kohën time nuk kishte gjithë këtë rrjet social që e rrit më shumë intensitetin emocional. Gjithsesi, mesazhi im është i thjeshtë: të japin gjithçka në fushë.”

The post Silvinjo: 800 mijë kërkesa për Shqipëri-Serbi, doja të sillja dhe babain tim, por… appeared first on iconstyle.al.

Trajneri i kombëtares shqiptare, braziliani Silvinjo ka dalë në në konferencën për shtyp, një ditë para ndeshjes me Serbinë, e cila do të luhet nesër në orën 20:45 në stadiumin kombëtar, e vlefshe për grupin K të kualifikueseve të kupës së botës 2026. Silvinjo vlerësoi kundërshtarin, por theksoi se kombëtarja shqiptare futet në fushë vetëm […]

The post Dueli me Serbinë/ Silvinjo: Pres ndeshje të bukur, duam 3 pikët. E kam në mendje formacionin appeared first on BoldNews.al.

TIRANË, 6 qershor /ATSH/ Trajneri i Shqipërisë, Silvinjo foli sot në konferencë për shtyp, në prag të ndeshjes me Serbinë.

Tekniku kuqezi vlerësoi kundërshtarin, por theksoi se kombëtarja shqiptare futet në fushë vetëm për fitore.

I pyetur për formacionin, Silvinjo u shpreh se e ka në mendje formacionin, por do e zbulojë para ndeshjes.

“Ata janë një ekip i fortë edhe individualisht. Edhe ne kemi lojtarë shumë të mirë. Janë një ekip shumë i mirë dhe bëjnë tranzicion shumë shpejt. Nesër shpresoj të kemi një ndeshje të bukur. Të gjithë trajnerët e përgatisin ndeshjen për ta fituar. Shpresoj të dhurojmë ndeshje të bukur. Mund të ndodhë çdo gjë. Rrugëtimi drejt Botërorit është i gjatë dhe të shohim si do shkojë. Futemi në ndeshje për të marrë 3 pikët”, tha ai.

“Shumë trajnerë ankohen pas përfundimit të sezonit për gjendjen e lojtarëve. Kemi bërë stërvitje të mirë. Nesër në 20:45, do ju tregoj formacionin. Ndaj Andorrës bëmë ndryshime dhe dolën mirë., Këtë herë kemi një kundërshtar ndryshe. E kam në mendje formacionin, por të shohim nesër si do shkojë”, u shpreh Silvinjo.

“Nuk kemi asgjë për të fshehur. Ata kanë parë 5-6 ndeshje të fundit tonat, po ashtu ne kemi parë ndeshjet e tyre, i kemi analizuar. Nuk mendoj që kanë arritur të kapin ndonjë element. Ata na njohin, ne i njohim”, tha Silvinjo.

“Është një ndeshje ndryshe, shpresojmë që t’ju dhurojmë një ndeshje të bukur nga aspekti sportiv. Të dyja skuadrat kanë lojtarë të mirë, po ashtu kanë trajner të mirë. Kam dëgjuar që ka pasur mbi 800 mijë kërkesa nga tifozët, janë me fat ata që janë në stadium, janë një lojtar shtesë për skuadrën tonë. Unë doja të sillja edhe babain tim nga Brazili, por ishte shumë gjatë. Të gjithë lojtarët janë gati dhe shpresoj të shijojmë një ndeshje të bukur nesër”, u shpreh ai.

“Unë kam luajtur në ndeshje të mëdha dhe që kanë pasur peshë e përgjegjësi të madhe. E kam bërë këtë, por para 15 vitesh, kur ishte më e lehtë, sepse nuk kishte aq shumë rrjete sociale. Mesazhi është që të japin gjithçka në fushë”, u shpreh Silvinjo.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /j.p/

The post Ndeshja me Serbinë, Silvinjo: Janë ekip i fortë, por ne duam 3 pikët appeared first on Agjencia Telegrafike Shqiptare.

Trajneri i Kombëtares Shqiptare, Sylvinho, ka deklaruar në konferencën për shtyp një ditë para ndeshjes ndaj Serbisë se skuadra e tij është e përgatitur dhe synon fitoren. Së bashku me kapitenin Berat Gjimshiti, ai foli për rëndësinë e përballjes që do të zhvillohet në stadiumin “Air Albania”.

Sylvinho vlerësoi kundërshtarin si një ekip të fortë me lojtarë individualisht të talentuar, por theksoi se edhe Shqipëria ka futbollistë cilësorë që po kalojnë një fazë tranzicioni pozitiv. Ai përmendi emra si Armando Broja, Myrto Uzuni, Kristjan Malaj dhe Nedim Bajrami si shembuj të progresit dhe angazhimit brenda skuadrës.

Trajneri u shpreh optimist për atmosferën dhe shpreson që ndeshja të jetë e bukur, por theksoi se ekipi i tij do të hyjë në fushë me objektivin e qartë për të marrë tre pikët dhe për të vazhduar garën për kualifikim drejt Kupës së Botës.

Deklarata e Sylvinjos:

Serbia është një ekip i fortë dhe këtë ne e dimë ka lojtarë shumë të fortë dhe individualistë, por nga ana tjetër edhe ne kemi lojtarë shumë të mirë si Broja, Uzuni, Malaj, Bajrami për të cilët unë jam shumë krenarë. Është një ekip shumë i mirë të cilët po bëjnë një tranzicion shumë të shpejtë. Nesër ujë shpresoj që të kemi një ndeshje të bukur. Të gjithë përgatisin një ndeshje të bukur për ta fituar.

Dëgjova dhe trajnerin e kundërshtarit i cili po përgatiti po ashtu për të pasur një ndeshje të bukur. Shpresoj që ne të dhurojmë një ndeshje të bukur 90 minuta janë shumë të gjata dhe mund të ndodhë çdo dhe kualifikimi drejt Botërorit është shumë i shpejtë dhe ne presim se si do të shkojë. Por, ne futemi për të marrë tre pikët.

The post ‘Krenar për Kombëtaren’, Sylvinho para përballjes me Serbinë: Futemi për të marrë tre pikët appeared first on Sot News | Lajme.

Shqipëria është në fazën përfundimtare të përgatitjeve për ndeshjen kualifikuese të Kupës së Botës kundër Serbisë, e cila do të luhet të shtunën në stadiumin “Air Albania”.

Trajneri Silvinjo ka ende disa dilema në lidhje me formacionin startues, por disa emra pritet të jenë të sigurt në fushë. Në portë, titullar pritet të jetë Thomas Strakosha, ndërsa në mbrojtje janë konfirmuar Berat Gjimshiti dhe Mario Mitaj.

Në krahun e djathtë të mbrojtjes, Elseid Hysaj shihet si favorit përballë Ivan Balliut. Për qendrën e mbrojtjes, garojnë Ardian Ismajli, Marash Kumbulla dhe Frederik Ajeti, me vendimin që do të merret në prag të ndeshjes.

Mesfusha do të drejtohet nga Kristjan Asllani dhe Ylber Ramadani, me Keidi Laçin që ka avantazh për rolin e tretë në këtë repart.

Në sulm, Armando Broja pritet të jetë titullar, ndërsa Rey Manaj do ta nisë ndeshjen nga stoli, si alternativë për pjesën e dytë.

Kombëtarja shqiptare synon një rezultat pozitiv për të forcuar pozitat në grup dhe për të mbajtur gjallë ëndrrën për një kualifikim historik në Botëror.

The post Shqipëria përgatitet për sfidën ndaj Serbisë, Silvinjo bën gati “luftëtarët” për Air Albania appeared first on Sot News | Lajme.

Selami Jenisheri është rikthyer me këshillat e tij për Kombëtaren e Shqipërisë. Këtë herë ish-deputeti i ka drejtuar një letër Silvinjos ku garanton fitoren ndaj Serbisë.

Kombëtarja është në prag të sfidës së raundit të tretë kualifikues për Botërorin. Ndeshja me Serbinë do të zhvillohet pikërisht në “Arena Kombëtare”, më 7 qershor ora 20:45.

Unë jam Selami Jenishehri Deputet i Kuvendit të Shqipërisë i legjislacionit të IX të Republikës së Shqipërisë dhe trainer futbolli (ish këshilltar i trajnerit të ekipit kombëtar të Shqipërisë. Ngaqë kisha nxjerrë një lloj stërvitje për me aftësue futbollistat teknikisht e që me porosi të FSH.F u eksperimentua dhe doli që ishte në nivel shumë më të lartë se ajo që publikonte FIFA dhe që e dini Juve.

Meqenëse ndeshja me Serbinë është e një rëndësie dhe politike e nje rëndësie të veçantë dhe futbollistët shqiptarë që ju keni në dispozicion nuk kanë si ta dijnë, po ju lutem të më jepni mundësinë të ju a vë në dispozicion futbollistëve (sidomos sulmues, por jo vetëm) që të bëj që 100% ndeshjen ta fitojmë më Serbinë.

E kuptoj vështirësinë Tuaj që ta besoni, por është një e vërtetë e madhe, që do ta shohësh vetë për 3-4 ditë futbollistët e fitojnë atë shprehi për ta ekzekutuar në lojë.

Me shpresë se keni dëshirën Tuaj të padiskutueshme për ta fituar ndeshjën Shqipëri – Serbi do të plotësoni kërkesën time që futbollistët të njihen me këtë progres, e ndeshja sigurisht të fitohet me rezultat të mirë nga Shqipëria”.

The post “Futbollistët e Kombëtares nuk kanë si e dinë”/ Ish-deputeti Selami Jenisheri garanton fitoren ndaj Serbisë appeared first on Sot News | Lajme.

Silvinjo foli sot në konferencë për shtyp për listën e përzgjedhur të lojtarëve. Trajneri brazilian rikujtoi në fjalën e tij një argjentinas, me origjinë shqiptare. “E bukura e kësaj Kombëtareje është se kemi lojtarë nga të gjitha anët e botës, kemi edhe një lojtar shqiptar në Argjentinë”, u shpreh Silvinjo ndër të tjera. Konkretisht bëhet […]

The post Silvinjo rikthen në skenë ëndrrën e vjetër të Panucci: Kemi një lojtar shqiptar në Argjentinë appeared first on BoldNews.al.