Të paktën 18 persona kanë humbur jetën dhe dhjetëra të tjerë janë plagosur në dy sulme në Amerikën Jugore. Pas tyre qëndrojnë grupe të armatosura të dala nga ish-lëvizja guerile Forcat e Armatosura Revolucionare të Kolumbisë (FARC), raportoi të premten agjencia Reuters.

Ish-anëtarët e FARC-ut kanë sulmuar në disa lokacione. Në qytetin e tretë më të madh kolumbian, Kali (Cali), përpara një baze ushtarake shpërtheu një autobombë. Gjashtë persona humbën jetën dhe mbi 70 të tjerë u plagosën.

Disa orë më herët, pranë qytetit Amalfi në veri të vendit, gjatë një operacioni kundër plantacioneve të kokainës, u rrëzua një helikopter i policisë. Në mbetjet e tij humbën jetën 12 policë. Kryetari i bashkisë së Kalit, Alejandro Eder, e përshkroi shpërthimin në rrugën e ngarkuar përpara bazës si një “sulm narkoterrorist”. Në rrjetet sociale janë shpërndarë video ku shihen njerëz të shtrirë në tokë, të cilët po ndihmohen nga ekipet e shpëtimit, një kamion që digjet, automjete të dëmtuara dhe dritare të thyera, shkruan bbc.

Hace pocos minutos hubo una explosión de un carro bomba en inmediaciones a la Base Aérea Marco Fidel Suárez de Cali. Es muy lamentable que #Colombia esté reviviendo esta época de atentados nuevamente. Que Dios los proteja. pic.twitter.com/i3tALkNXqm

— ela ferris (@ElaFerris) August 21, 2025

Presidenti Gustavo Petro i ka fajësuar për sulmet fraksionet e FARC-ut që refuzuan marrëveshjen e paqes të vitit 2016, e cila synonte t’i jepte fund konfliktit ku gjatë dekadave kanë humbur jetën mbi 450 mijë persona.

Menjëherë pas shpërthimit në Kali, nuk ishte e qartë se cili grup i armatosur qëndronte pas sulmit. Në qershor, një fraksion i FARC-ut i quajtur Estado Mayor Central (EMC) mori përgjegjësinë për një seri sulmesh me bomba dhe armë në Kali dhe rrethina, ku u vranë shtatë persona – pesë civilë dhe dy policë.

FARC ishte grupi më i madh gueril në vend. Në vitin 2016, presidenti i atëhershëm Juan Manuel Santos nënshkroi një marrëveshje paqeje me ta, pas së cilës shumica e anëtarëve dorëzuan armët në vitin 2017.

Nga FARC më pas u formua një parti politike që, në bazë të marrëveshjes, fitoi edhe disa vende në parlament.

Grupi rebel EMC është formuar nga ish-anëtarë të FARC-ut që nuk pranuan marrëveshjen për ndërprerjen e luftimeve. Aktivitetet e këtij grupi financohen, ndër të tjera, përmes tregtisë së kokainës. /Telegrafi/

#ATENCIÓN. Se conoce video del momento en el que es derribado por un drone, helicóptero de la Policía en el mpio/Amalfi (Antioquia). Autoridades informaron que hay un saldo de seis miembros de la Fuerza Pública fallecidos y por lo menos siete lesionados.

En desarrollo… https://t.co/SP3TpgQ9SU pic.twitter.com/PHGr1TIhAB

— Colombia Oscura (@ColombiaOscura_) August 21, 2025

The post Ferr në rrugët e Kolumbisë – kartelet e drogës rrëzojnë një helikopter, të paktën 18 të vdekur appeared first on Telegrafi.

Një nga franshizat më të njohura të ‘gaming’, Call of Duty, së shpejti do të marrë vazhdimin e radhës.

Gjatë panairit Gamescom u konfirmua se Black Ops 7 do të dalë më 14 nëntor 2025, për PlayStation 4 dhe 5, Xbox One, Xbox Series X/S, si dhe për PC (nëpërmjet Battle.net dhe Steam). Video-loja do të jetë e disponueshme që nga dita e parë edhe për abonentët e Xbox Game Pass Ultimate.

Ngjarja zhvillohet në vitin 2035, dhe rikthehen personazhe legjendarë si Raul Menéndez dhe David Mason. Sipas njoftimeve, loja do të eksplorojë tema më të errëta dhe manipulimin përmes frikës, ndërkohë që disa fansa spekulojnë se Menéndez mund të jetë në fakt një inteligjencë artificiale.

Fushata (campaign) për herë të parë mund të luhet në modalitet bashkëpunues deri në katër lojtarë, me misione në mbarë botën – nga Japonia dhe Mesdheu, deri në pjesë të mendjes njerëzore.

Është prezantuar edhe një mod i ri i quajtur “Endgame” me elemente roguelike, ndërsa progresi i arritur do të transferohet midis fushatës, multiplayer-it, zombive dhe modit Warzone.

Në nisje, lojtarët do të kenë në dispozicion 16 harta për beteja 6v6 dhe dy harta të mëdha për 20v20, së bashku me sistemin e ri të lëvizjes “Omnimovement”, i cili sjell mundësi të avancuara akrobatike. Adhuruesit e zombive do të gëzohen nga harta më e madhe deri tani, rikthimi i modalitetit survival, si dhe “Dead Ops Arcade 4”.

Versioni standard i lojës do të kushtojë 80 euro, ndërsa “Vault Edition” do të jetë në dispozicion për 110 euro. Beta e hapur është planifikuar për periudhën 2 – 8 tetor, dhe ata që bëjnë paraporositje ose kanë Game Pass do të kenë qasje të hershme. /Telegrafi/

The post Dihet kur del Call of Duty: Black Ops 7 appeared first on Telegrafi.

Numri i vrasjeve në Ekuador është rritur me 40.36 për qind në shtatë muajt e parë të këtij viti krahasuar me të njëjtën periudhë të vitit 2024, njoftoi sot Ministria e Punëve të Brendshme të Ekuadorit.

Me 5268 vrasje, kjo është periudha më e dhunshme shtatëmujore e regjistruar në dekadën e fundit, një rritje nga 3,753 vrasje të regjistruara nga janari deri në korrik të vitit të kaluar.

Sipas raportit të ministrisë, shumica e viktimave ishin të moshës ndërmjet 25 dhe 34 vjeç, dhe shumica e vrasjeve janë kryer me armë zjarri, raporton reuters.

Numri i vrasjeve në këtë vend të Amerikës së Jugut është rritur pavarësisht përpjekjeve të presidentit Daniel Noboa për të frenuar dhunën e bandave.

Noboa, i zgjedhur president këtë vit, ka vendosur ushtrinë në rrugë dhe ligjvënësit kanë miratuar reforma që, sipas tij, synojnë të ndihmojnë në luftën kundër krimit, përfshirë dënime më të ashpra për kontrabandën e drogës.

Sipas të dhënave të ministrisë, vrasjet në vitin 2024 kishin rënë me 15 për qind.

Qeveria ia atribuon rritjen e dhunës muajt e fundit përplasjeve midis anëtarëve të bandave që kërkojnë të marrin kontrollin e rrugëve të kontrabandës së drogës, të cilat janë nën presion të shtuar nga forcat e sigurisë.

Muajin e kaluar, qeveria ekstradoi drejt SHBA-së liderin e bandës “Los Choneros”, Jose Adolfo Macias Villamar, i njohur si “Fito”, ku ai po përballet me akuza për kontrabandë droge dhe armësh. /Telegrafi/

The post Rritet me 40 për qind numri i vrasjeve në Ekuador – koha më e përgjakshme në dekadat e fundit appeared first on Telegrafi.

Qytetet evropiane janë frymëzuar nga skema e shpërblimit “CopenPay” për sjellje të mirë në Kopenhagë.

Dhjetëra destinacione të njohura evropiane kanë vendosur gjoba, taksa dhe kufizime të tjera për udhëtarët gjatë muajve të fundit, në një përpjekje për të luftuar turizmin e tepruar.

Megjithatë, vitin e kaluar, Kopenhaga mori një qasje shumë të ndryshme. Qyteti filloi të shpërblente turistët që tregojnë sjellje të përgjegjshme dhe të vetëdijshme përmes iniciativës CopenPay, raporton euronews.

Qëllimi kryesor i kësaj skeme është t’u tregojë udhëtarëve se veprimet për klimën mund të jenë shumë më të lehta sesa mendojnë, në përpjekje për të promovuar turizmin e qëndrueshëm, transmeton Telegrafi.

Iniciativat përfshijnë ofrimin e qiradhënieve falas të biçikletave, tureve me varkë dhe drekave për udhëtarët që ndihmojnë kopshtet komunitare, mbledhin mbeturina dhe përdorin transportin publik.

Pas veprimeve të Kopenhagës, qytete dhe destinacione të tjera evropiane si Berlini, Helsinki dhe Bremeni kanë shprehur interesim për të provuar të njëjtin sistem.

“Që nga prezantimi i CopenPay verën e kaluar, kemi pasur një interes të jashtëzakonshëm nga qytete dhe borde turistike nga Evropa, Azia dhe Amerika e Veriut, të gjithë duke dashur të dinë më shumë rreth CopenPay dhe përvojave tona”, tha Soren Tegen Petersen, CEO i Wonderful Copenhagen, në një deklaratë për shtyp.

“Deri tani, kemi ndarë njohuri mbi CopenPay me më shumë se 100 palë të interesuara”, shtoi ai.

Shpërblime për udhëtimet me tren dhe qëndrimet më të gjata

Berlini po konsideron të nisë një iniciativë të re vitin e ardhshëm, e cila mund të shpërblejë udhëtarët që vijnë me tren, qëndrojnë më gjatë, konsumojnë ushqime bimore dhe marrin pjesë në aktivitete miqësore me mjedisin, me përfitime si zbritje në tarifat e hyrjes në muze, ushqim falas dhe qiradhënie falas të biçikletave.

Kjo skemë pritet të ndihmojë në ngushtimin e hendekut midis turistëve që duan të jenë më përgjegjës, por nuk dinë si dhe sjelljes së tyre reale.

Qyteti ka sugjeruar se do të përdorë aplikacione mobile dhe sisteme me pikë për të thjeshtuar procesin e shpërblimeve dhe angazhimit, si dhe do të bashkëpunojë me bizneset lokale.

Helsinki gjithashtu është e interesuar të ndjekë shembullin e Kopenhagës dhe të prezantojë versionin e vet të një skeme shpërblimi. Kjo ka të ngjarë të ketë fokus të veçantë në turizmin rigjenerues dhe projektet e restaurimit të Detit Baltik, në bashkëpunim me destinacione të tjera baltike dhe nordike.

Skema do të inkurajonte gjithashtu turistët që të përdorin transportin publik dhe të vozitin biçikleta, me shpërblime si ushqime falas dhe ture me zbritje, ndër përvoja të tjera.

Në mënyrë të ngjashme, një qytet tjetër gjerman, Bremeni, ka prezantuar tashmë një fushatë bashkëpunimi me Deutsche Bahn për promovimin e turizmit të qëndrueshëm, me plane për të përdorur modelin CopenPay për zhvillim të mëtejshëm.

Si pjesë e skemës, mysafirët që vijnë me trend dhe qëndrojnë natën në Bremen, marrin pako të vogla me dhurata dhe kuponë nga bizneset e ndryshme të turizmit.

“Fushata u prit shumë mirë nga vizitorët tanë dhe na ka inkurajuar të zgjerojmë më tej konceptin, duke forcuar Bremenin si një destinacion të qëndrueshëm. Për vitin 2026, po planifikojmë një iniciativë edhe më të madhe”, tha Oliver Rau, drejtor menaxhues i Bremen Marketing dhe Turizëm, Wirtschaftsförderung Bremen GmbH, në deklaratën për shtyp.

Destinacionet e njohura për ski në Alpe, si Via Lattea në Itali dhe Les Gets-Morzine në Francë, po ofrojnë gjithashtu zbritje deri në 25 për qind në qendrat e skijimit këtë vit për vizitorët që vijnë me tren.

Pije falas dhe qasje në muze

Shpërblimi i turistëve për sjellje të përgjegjshme nuk është një koncept krejt i ri, pasi qytete të tjera si Londra kanë pasur skema të ngjashme lokale për vite me radhë.

Në muajin korrik, i njohur gjerësisht si “Muaji Pa Plastikë”, vizitorët dhe banorët në Londër janë shpërblyer me një pije falas për pjesëmarrjen në pastrime.

Në Zvicër, udhëtarët që zgjedhin të eksplorojnë vendin me transport publik përfitojnë hyrje falas në mbi 500 muze me Swiss Travel Pass, si dhe deri në 50 për qind zbritje në shumicën e hekurudhave malore.

Wild Sweden, një kompani pushimesh, gjithashtu ofron qasje në spa dhe një vakt falas në Hotel Savoy në Lulea për vizitorët që mbërrijnë në Laplandën suedeze me tren për pushimet e tyre për të parë Dritat e Veriut dhe jetën e egër.

Pranverën e kaluar, Normandia prezantoi një tarifë për uljen e karbonit duke ofruar një zbritje prej të paktën 10 për qind të biletave hyrëse në 90 atraksione dhe vende kulturore.

Kjo vlen për vizitorët që vijnë në rajonin verior të Francës me autobus, tren ose biçikletë dhe mund të përdoret në kështjella, muze, monumente dhe parqe, si dhe për qiradhënie biçikletash, kanotazh dhe dhoma arratisjeje, ndër aktivitete të tjera. /Telegrafi/

The post Strategji të suksesshme për rritjen e turizmit – inovacionet që po tërheqin vizitorët në Evropë appeared first on Telegrafi.

Ndeshja miqësore e basketbollit mes Serbisë dhe Sllovenisë tërhoqi një vëmendje të madhe të publikut.

Spektakli shkaktoi interesim të jashtëzakonshëm pasi po paraqiteshin edhe disa yje të NBA-së, por në shkallët e tribunave u shfaqen personalitete të ndryshme.

Kështu, në ndeshje u shfaq edhe ish-presidenti i Republikës Serbe, Milorad Dodik, i cili kohët e fundit është në qendër të shumë skandaleve dhe ndalimeve gjyqësore në Bosnje e Hercegovinë.

pic.twitter.com/lRRt7CzcGo

— Dečak iz kraja (@Virim_iz_coska) August 21, 2025

Kur doli për një pushim të shkurtër në pjesën e parë, ai u vu re nga tifozët në sallë dhe më pas nisi të dëgjohej thirrja “pumpaj”, që është bërë simbol i protestave kundër pushtetit aktual në Serbi.

Më pas, kur u kthye, nga tribunat shpërthyen fishkëllima në adresë tij, raporton nova.rs. Gjithashtu tifozët ofenduan edhe presidentin aktual serb, Aleksandar Vuçiq.

Ndryshe, Serbia ka shënuar fitore me rezultat 106:72 kundër Sllovenisë. /Telegrafi/

pic.twitter.com/34yKCsIw2k

— Dečak iz kraja (@Virim_iz_coska) August 21, 2025

The post Millorad Dodik vërshëllehet midis Beogradit – tifozët ofenduan edhe Vuçiqin appeared first on Telegrafi.

Shëtitjet me qen shpesh duken njësoj – e njëjta rrugë, të njëjtat vende për nuhatje dhe një ritëm i ngjashëm.

Por ndonjëherë ndodh diçka e papritur që e bën një ditë të zakonshme të veçantë.

Për golden retrieverin Zebby kjo ishte një kuti kartoni plot lodra falas.

Në videon që ka xhiruar pronari i tij, Zebby ndalet para kutisë me sytë hapur gjerësisht dhe tund bishtin sikur ka zbuluar një thesar të fshehur.

 

View this post on Instagram

 

A post shared by Zebby The Golden Retriever (@zebbythegolden)

Në atë moment, gjithçka tek ai tregonte emocion dhe lumturi të pastër.

Xhirimi tregon Zebbyn që qëndron mbi kutinë të mbushur me lodra prej pelushi, lodra për të kafshuar dhe ato që bëjnë zhurmë.

Ai nuhat gjithçka përreth, ndërsa bishti i lëviz gëzueshëm nga njëra anë në tjetrën.

Në fytyrën e tij shihet hutimi, sikur të pyeste: “Çfarë tani?”.

Teksti në ekran përmbledh gjithçka në një fjali “Zgjedhje kaq e vështirë.”

Dhe me të vërtetë, kush nuk do të ndjehej i mbingarkuar me kaq shumë opsione? /Telegrafi/

The post Qeni gjen një kuti me lodra ndërsa ecën – shikoni reagimin e adhurueshëm të kafshës appeared first on Telegrafi.

Steve Nichols, inxhinieri që dizajnoi veturën dominuese të McLaren për Ayrton Sennën dhe Alain Prostin, tani ka prezantuar supervetuën e tij.

Në një botë ku dominojnë teknologjia dhe komoditeti, ende ka kompani që duan të nderojnë garat e vërteta dhe shoferët legjendarë si Ayrton Senna. Gjatë Monterey Car Week u shfaq një veturë britanike me pedigree të Formula 1, Nichols N1A ICON 88, e dizajnuar nga Steve Nichols. Pikërisht Nichols dizajnoi edhe legjendën McLaren MP4/4, që u vozit nga Senna dhe Prost gjatë sezonit dominues të F1 në vitin 1988.

Teknikisht, N1A është një ‘barchetta’ garash për rrugë me motor V8 atmosferik 7.0 litra, i zhvilluar mbi bazën e bllokut LS3 të General Motors, por plotësisht i modifikuar me komponentë të veçantë si shufra lidhëse, sistem karteri të thatë dhe valvula elektronike të gazit. Rezultati është mbi 650 kuaj/fuqi, me fuqinë që shkon në rrotat e pasme përmes një kutie manuale me 6 shpejtësi.

Megjithatë, më mbresëlënëse është pesha prej vetëm 900 kilogramësh. Karroceria është bërë nga fibra karboni, e cila vjen direkt nga Formula 1.

Aerodinamika e modelit N1A është perfeksionuar në tunelin e erës MIRA për të arritur ekuilibrin ideal mes forcës shtytëse dhe rezistencës. Sistemi i pezullimit ka dyfishin e krahut me komponentë të klasës së garave, ndërsa frenimi bëhet me kalibra me shumë pistona, si në autosport. Gomat Michelin Pilot Sport Cup 2 janë montuar në rrota 19-inç përpara dhe 20-inç prapa, duke i dhënë makinës një ngjitje serioze në rrugë.

Rezultati është një përvojë krejt analoge dhe e pastër e drejtimit, krijuar për ata që duan të ndiejnë çdo centimetër të rrugës. Ndihmat elektronike janë të minimizuara, kontrolli i rrëshqitjes është standard, ndërsa ABS dhe drejtimi me asistencë janë opsionale.

Interieri është qartë i frymëzuar nga McLaren MP4/4. Ka një pozicion drejtimi krejtësisht të ulur, një ulëse të vetme dhe levën e shpejtësive që i ngjan asaj që përdorte Senna. Matësit analogë, kontrollat prej alumini të punuar me makinë dhe mbulesa e lëkurës së cilësisë së lartë krijojnë një ambient fokusuar dhe pa shpërqendrime, i përshtatur plotësisht për shoferin.

N1A është modeli i parë i kompanisë Nichols Cars, themeluar në vitin 2017 nga Steve Nichols dhe drejtori ekzekutiv John Minett. Misioni i tyre është të prodhojnë një makinë sportive të pastër dhe emocionuese pa kompromis estetik, që bashkon elementë klasikë të dizajnit me saktësinë moderne inxhinierike. N1A është drejtpërdrejt i frymëzuar nga McLaren M1A, makina e parë ikone e markës nga vitet 60.

Nichols prezantoi makinën me emrin ICON 88, dhe 15 makinat e para i kushtohen secilës nga 15 fitoret që McLaren MP4/4 arriti gjatë sezonit të Formula 1 në 1988. Ky është një homazh jo vetëm trashëgimisë inxhinierike të Nichols, por edhe një prej epokave më dominuese në historinë e Formula 1. /Telegrafi/

The post Inxhinieri që projektoi bolidin F1 të Ayrton Sennës zbulon superveturën appeared first on Telegrafi.

Kairan Quazi, një djalë vetëm 16 vjeçar me një talent të jashtëzakonshëm dhe një nivel intelektual të rrallë për moshën e tij, ka bërë një zgjedhje shumë të veçantë dhe të pazakontë për një adoleshent.

Ai ka vendosur të largohet nga SpaceX, kompania e famshme e Elon Musk, ku ishte duke punuar dhe kontribuar në projekte të avancuara teknologjike, për t’u fokusuar në një karrierë krejtësisht ndryshe në botën e financave, në Wall Street.

Quazi është një person me një histori shumë të veçantë arsimore. Ai ka diplomuar në universitet në moshën e jashtëzakonshme prej vetëm 11 vjetësh, një arritje që tregon jo vetëm talentin e tij por edhe përkushtimin dhe inteligjencën e lartë. Gjatë kohës së tij në SpaceX, ai ka qenë pjesë e ekipit që ka zhvilluar softuerë të avancuar për satelitët Starlink, një nga projektet më ambicioze dhe teknologjikisht më komplekse të kësaj kohe, i cili synon të sigurojë internet me shpejtësi të lartë në të gjithë globin.

Megjithatë, edhe pse kishte oferta nga laboratorët më të mëdhenj dhe më prestigjiozë të inteligjencës artificiale në Silicon Valley, Quazi zgjodhi të mos ndiqte rrugën e zakonshme të ekspertëve të rinj të teknologjisë. Në vend të kësaj, ai vendosi të përqendrohej në financat ku, siç thotë vetë, e sheh një sfidë intelektuale po aq të madhe dhe tërheqëse sa edhe kërkimi në fushën e inteligjencës artificiale.

Në fillim të këtij viti, ai ka nisur punën si zhvillues kvantitativ në Citadel Securities në New York, një nga kompanitë më të njohura dhe me ndikim në botën e financave dhe tregjeve financiare globale. Ai thekson se puna në këtë sektor i ofron mundësinë të përballet me probleme komplekse intelektuale në mënyrë të vazhdueshme, por me ritëm shumë më të shpejtë dhe me rezultatet që mund t’i shohësh menjëherë — në ditë dhe jo pas muajsh apo viteve si në kërkimin shkencor.

Kjo zgjedhje tregon jo vetëm pjekurinë dhe vizionin e jashtëzakonshëm të Kairan Quazit, por edhe dëshirën e tij për të sfiduar veten dhe për të arritur sukses në fusha që kërkojnë kreativitet, inteligjencë dhe përqendrim maksimal, pavarësisht nga mosha e tij e re. /Telegrafi/

The post Gjeniu 16-vjeçar braktis kompaninë e Muskut appeared first on Telegrafi.

Presidenti rus, Vladimir Putin kërkon që Ukraina të dorëzojë të gjithë pjesën lindore të Donbasit, të heqë dorë nga ambiciet për t’u anëtarësuar në NATO, të mbetet neutrale dhe të mbajë trupat perëndimore jashtë vendit, kanë thënë për reuters burime të njohura me mendësinë në nivelet më të larta të Kremlinit.

Presidenti rus u takua të premten me homologun amerikan, Donald Trumpin në Alaskë, në samitin e parë ruso-amerikan në më shumë se katër vjet, dhe thuajse i gjithë takimi i tyre treorësh me dyer të mbyllura iu kushtua bisedimeve për atë se si mund të dukej një kompromis për Ukrainën, thanë burimet.

Në thelb, sipas burimeve ruse, Putini ka zbutur kërkesat territoriale që kishte paraqitur në qershor 2024, kur kishte kërkuar që Kievi të dorëzonte të gjithë territorin e katër rajoneve që Moska pretendon se janë pjesë e Rusisë: Donetsk dhe Luhansk në lindje të Ukrainës, që përbëjnë Donbasin, si dhe Kherson dhe Zaporizhzhia në jug.

Në propozimin e ri, presidenti rus ka mbetur i vendosur në kërkesën që Ukraina të tërhiqet plotësisht nga pjesët e Donbasit që ende i kontrollon, thanë tre burime.

Në këmbim, megjithatë, Moska do të ndalonte avancimet në vijat aktuale të frontit në Zaporizhzhia dhe Kherson, shtuan ata.

Rusia kontrollon rreth 88 për qind të Donbasit dhe 73 për qind të Zaporizhzhias dhe Khersonit, sipas vlerësimeve amerikane dhe të dhënave nga burime të hapura.

Moska është gjithashtu e gatshme të kthejë pjesë të vogla të rajoneve të Harkivit, Sumit dhe Dnipropetrovskit që aktualisht kontrollon, si pjesë e një marrëveshjeje të mundshme, thanë burimet.

Putini, po ashtu, qëndron pas kërkesave të mëparshme që Ukraina të heqë dorë nga ambiciet për t’u anëtarësuar në NATO dhe që aleanca ushtarake e udhëhequr nga SHBA të japë një premtim ligjërisht të detyrueshëm se nuk do të zgjerohet më tej në lindje. Ai kërkon gjithashtu kufizimin e ushtrisë ukrainase dhe një marrëveshje që trupat perëndimore të mos dislokohen në territorin e Ukrainës si pjesë e ndonjë misioni paqeruajtës, thanë burimet.

Megjithatë, të dyja palët mbeten larg një marrëveshjeje, më shumë se tre vjet pasi Putini urdhëroi dhjetëra mijëra trupa ruse të hynin në Ukrainë në një pushtim të plotë, që pasoi aneksimin e Gadishullit të Krimesë në vitin 2014 dhe luftimet e zgjatura në lindje të vendit ndërmjet separatistëve pro-rusë dhe trupave ukrainase.

Presidenti ukrainas, Volodymyr Zelensky ka hedhur poshtë disa herë idenë e tërheqjes nga territoret ukrainase të njohura ndërkombëtarisht si pjesë e ndonjë marrëveshjeje, dhe ka thënë se Donbasi industrial shërben si një fortesë që ndalon përparimin rus më thellë në Ukrainë.

“Nëse flasim për një tërheqje të thjeshtë nga lindja, këtë nuk mund ta bëjmë. Këtu bëhet fjalë për mbijetesën e vendit tonë, përfshirë vijat më të forta të mbrojtjes”, u tha ai gazetarëve në deklarata që Kievi i publikoi të enjten.

Anëtarësimi në NATO, ndërkohë, është një qëllim strategjik i përcaktuar në kushtetutën e vendit dhe Kievi e sheh atë si garancinë më të besueshme për sigurinë e tij. Zelensky ka thënë se nuk i takon Rusisë të vendosë për anëtarësimin e Ukrainës në aleancë.

Tre burime pranë Kremlinit kanë thënë se samiti në qytetin Anchorage të Alaskës paraqiti mundësinë më të mirë për paqe që nga fillimi i luftës, sepse u zhvilluan bisedime konkrete për kushtet ruse dhe Putini tregoi gatishmëri për kompromis.

“Putini është i gatshëm për paqe, për kompromis. Ky është mesazhi që iu përcoll Trumpit”, tha një nga bashkëbiseduesit.

Burimet paralajmëruan se nuk është e qartë për Moskën nëse Ukraina do të jetë e gatshme të dorëzojë pjesët e mbetura të Donbasit, dhe se nëse jo, lufta do të vazhdojë.

Gjithashtu nuk është e qartë nëse SHBA-të do të ofronin ndonjë njohje për territoret e Ukrainës që kontrollohen nga Rusia, shtuan ata.

Një burim i katërt tha se, edhe pse çështjet ekonomike janë dytësore për Putinin, ai e kupton dobësinë ekonomike të Rusisë dhe përmasat e përpjekjes së nevojshme për të përparuar më tej në Ukrainë. /Telegrafi/

The post Zbulohet oferta për paqe e Putinit: Ukraina duhet të heqë dorë nga Donbasi, NATO dhe trupat e huaja appeared first on Telegrafi.

Gjyqtari i famshë amerikan, Frank Caprio kërkoi prej miliona ndjekësve që të luten për të para se të ndërronte jetë në moshën 88-vjeçare.

Vdekja e personalitetit të njohur u bë e ditur përmes një deklaratë në rrjetet sociale, më 20 gusht, ku thuhej se ai vdiq “në paqe” pas një “lufte të gjatë dhe të guximshme me kancerin e pankreasit”.

Vetëm një ditë më parë, Caprio kishte publikuar një video nga shtrati i spitalit, ku i drejtohej drejtpërdrejt 5 milionë ndjekësve të tij nëpër platformat sociale.

 

View this post on Instagram

 

A post shared by Judge Frank Caprio (@therealfrankcaprio)

“Vitin e kaluar ju kërkova të luteni për mua, dhe është shumë e qartë që e bëtë, sepse kalova një periudhë shumë të vështirë”, tha ai dhe shtoi se “për fat të keq, kam pësuar një përkeqësim. Jam rikthyer në spital”.

Caprio – i njohur për emisionin “Caught in Providence”, që u transmetua nga viti 2018 deri në 2020 dhe mori disa nominime për çmimin Daytime Emmy – kërkoi prej komunitetit që të luteshin dhe t’i dërgonin urime.

“Ju kërkoj sërish, nëse nuk është shumë, të më kujtoni në lutjet tuaja. Unë besoj shumë në fuqinë e lutjes. Mendoj se i Plotfuqishmi është duke na vëzhguar, duke na mbrojtur”, përfundoi ylli i televizionit, “prandaj, më kujtoni, në lutjet tuaja”.

Ndryshe, Caprio e kishte bërë publike për herë të parë diagnozën me kancer në pankreas në një video emocionale në Instagram në vitin 2023.

Caprio ishte i njohur për mënyrën se si drejtonte sallën e gjyqit me dhembshuri, duke bërë që videot të bëheshin virale në TikTok vitet e fundit ndërsa i solli titullin “Gjykatësi më i Mirë në Botë”. /Telegrafi/

The post Frank Caprio disa orë para se të ndërronte jetë kishte lënë një mesazh zemërthyer për ndjekësit appeared first on Telegrafi.

Nëse jeni përdorues i PayPalt dhe dyshoni se llogaria juaj është komprometuar, është e domosdoshme të merrni masa mbrojtëse.

Në një forum hakerësh, të ashtuquajturin “dark web” është shfaqur një bazë të dhënash që pretendohet se përmban të dhëna hyrëse për rreth 15.8 milionë llogari PayPal.

Në një shpallje të titulluar “Global PayPal Credential Dump 2025” ofrohen adresa emaili, fjalëkalime në tekst të thjeshtë dhe madje edhe lidhje direkte për qasje në llogaritë PayPal në platformat web dhe mobile. Çmimi i të gjithë paketës është vetëm 750 dollarë, ndërsa baza e të dhënave zë rreth 1.1 GB hapësirë.

Nga PayPal kanë deklaruar se nuk bëhet fjalë për një incident të ri sigurie, por për ri-përdorim të të dhënave të vjedhura nga një sulm i mëparshëm në vitin 2022. Kompania thekson se infrastruktura e saj nuk është komprometuar dhe nuk ka asnjë tregues për ndonjë thyerje të re të sistemit.

Nga ana tjetër, shitësi i të dhënave ka mohuar që ato të jenë nga një sulm i vjetër dhe pretendon se e kanë origjinën nga një incident që ka ndodhur në maj të vitit 2025.

Ekspertët dyshojnë se të dhënat janë mbledhur nga maluerë të llojit infostealer, të cilët vjedhin fjalëkalime drejtpërdrejt nga kompjuterët dhe pajisjet mobile të infektuara.

Rreziku më i madh është nga sulmet e njohura si credential stuffing, ku të dhënat e vjedhura testohen masivisht në shërbime të tjera, pasi shumë përdorues përdorin të njëjtin fjalëkalim në disa platforma.

Çfarë mund të bëjnë përdoruesit?

Së pari, rekomandohet që të ndryshohet menjëherë fjalëkalimi dhe të shmanget përdorimi i të njëjtit fjalëkalim në shërbime të ndryshme;

Aktivizoni autentifikimin me dy hapa (2FA) në PayPal dhe platformat e tjera;

Merrni parasysh përdorimin e një menaxheri fjalëkalimesh dhe përditësimin e rregullt të softuerit të sigurisë.

Ky incident tregon edhe një herë sa e rëndësishme është të mos mbështetemi vetëm në një fjalëkalim dhe të mbrojmë më mirë financat tona digjitale. /Telegrafi/

The post Po shiten të dhënat e gati 16 milionë përdoruesve të PayPal appeared first on Telegrafi.

Jo, Bashkimi Evropian nuk ka ndaluar përdorimin e kondicionerëve. Atëherë, pse evropianët ende rezistojnë ndaj tyre?

Në një verë kur muzika nuk arriti të prodhonte asnjë hit të paharrueshëm, një temë arriti t’i mbante të gjithë gjallë: marrëdhënia e vështirë e Evropës me kondicionimin e ajrit.

Nuk është një debat i ri. Çdo disa vite, kur temperaturat rriten, ndarja transatlantike mbi zakonet e ftohjes rikthehet, raporton euronews.

Por këtë vit, ai u bë jashtëzakonisht i ashpër, duke shkaktuar tensione kulturore midis evropianëve dhe amerikanëve pothuajse po aq sa tarifat e presidentit amerikan, Donald Trumpit apo mosmarrëveshjet për të ardhmen e Ukrainës, transmeton Telegrafi.

Amerikanët, të habitur që evropianët mund të jetojnë pa ftohje të vazhdueshme, mbrojtën kondicionerin e tyre të dashur me të njëjtën fanatizëm sikurse italianët me recetën e picave apo francezët bezdisen kur të huajt shkatërrojnë “gjuhën frënge”.

Numrat e kësaj ndarjeje janë të dukshëm: gati 90 për qind e familjeve amerikane kanë kondicioner, krahasuar me rreth 20 për qind në Evropë, me disa vende që janë shumë më poshtë kësaj shifre.

Në Francë, kjo temë ka hyrë edhe në arenën politike, ku udhëheqësja e ekstremit të djathtë Marine Le Pen kërkon një plan të madh infrastrukture për kondicionimin e ajrit.

Ndërkohë, media ndërkombëtare si Financial Times dhe Wall Street Journal paralajmëruan se adoptimi i ngadaltë i teknologjisë së ftohjes në Evropë po kushton jetë njerëzish.

Kritikët shkojnë deri aty sa fajësojnë rregulloret e BE-së (apo vetë politikën kryesore mjedisore Green Deal) që i mbajnë evropianët të djersitur.

Mit i ndalimit të kondicionerëve

Si shumica e gjërave në BE, edhe kondicionimi i ajrit vjen me një akronim.

“Flluska e Brukselit” nuk flet për kondicionerët si njerëzit e zakonshëm, por për HVAC-in, domethënë sistemet e ngrohjes, ventilimit dhe ajrosjes/kondicionimit të ajrit.

Por a i urren vërtet Brukseli kondicionerët?

Pavarësisht se çfarë nënkuptojnë disa kritikë, BE-ja kurrë nuk i ka ndaluar sistemet HVAC. As rregullat e saj nuk e kufizojnë në mënyrë drastike instalimin e tyre.

Ajo që rregullon BE-ja janë llojet e sistemeve të lejuara, duke vendosur kufizime për ftohësit e dëmshëm, kërkesa për efikasitet më të lartë dhe udhëzime për ndërtesat.

Arsyeja është e thjeshtë.

Evropa është angazhuar të bëhet neutrale ndaj klimës deri në vitin 2050. Nëse lihet pa kontroll, një rritje e madhe e kondicionerëve joefikas do ta bënte të pamundur këtë qëllim.

Pra, Brukseli nuk është kundër ftohjes, thjesht dëshiron që teknologjia të përputhet me politikën klimatike.

Çfarë djalli… gaz

Pjesa qendrore e kësaj përshtatjeje politike është rregullorja e fundit e përditësuar për gazrat F, e cila parashikon eliminimin e hidrofluorokarbureve (HFC), gazra të fuqishëm serrë që përdoren në shumë sisteme tradicionale të ftohjes, deri në vitin 2050.

Përmes këtyre rregullave, prodhuesit po shtyhen të adoptojnë alternativa më të pastra si dioksidi i karbonit dhe amoniaku.

Disa aktorë të industrisë argumentojnë se kjo ka ngadalësuar rritjen e tregut të pompave të nxehtësisë, një teknologji që siguron ngrohje, ftohje dhe ujë të ngrohtë.

Brukseli kundërpërgjigjet se shkaqet reale janë rënia e çmimeve të gazit, subvencionet më të dobëta dhe kujdesi i konsumatorëve, duke vënë shpresën te një valë modele të reja pa HFC që tashmë po dalin në treg.

Direktiva për Ekodesign, një tjetër pjesë e këtij mozaiku, vendos standarde minimale efikasiteti. Kjo në praktikë ndalon modelet më pak efikase dhe shtyn prodhuesit drejt dizajneve më ekologjike.

Këto rregulla lidhen me Direktivën për Performancën Energjetike të Ndërtesave, që kërkon përmirësime në stoqet e banesave të vjetra në Evropë përmes izolimit më të mirë dhe, natyrisht, ngrohjes dhe ftohjes më të gjelbër.

Të dy masat pasqyrojnë të njëjtin parim: BE-ja nuk po tenton të shkatërrojë klimatizimin, por thjesht dëshiron që ai të bëhet në mënyrë të qëndrueshme.

Veçoritë kombëtare…

Shumica e rregulloreve praktike për kondicionimin e ajrit vijnë nga shtetet anëtare, megjithatë.

Spanja, Italia dhe Greqia, për shembull, kufizojnë temperaturat në ndërtesat publike gjatë verës, shpesh jo më poshtë se 27 gradë Celsius.

Qëllimi është kursimi i energjisë, sidomos gjatë krizave të furnizimit.

Disa qendra historike qytetesh kufizojnë instalimin e njësive të jashtme të kondicionerëve për arsye estetike.

Ekzistojnë edhe shqetësime mjedisore. Studimet tregojnë se njësitë e kondicionimit mund të rrisin temperaturat jashtë në zonat urbane të dendura me disa gradë, duke përkeqësuar efektin e njohur si “ishulli i nxehtësisë”.

Por këto janë përjashtime, jo një shpjegim për përdorimin e përgjithshëm të ulët në Evropë.

…dhe rezistenca kulturore

Pjesa tjetër e kësaj historie qëndron në histori dhe kulturë.

Evropa Jugore ndërtoi qytetet e saj për t’u përballur me nxehtësinë: mure të trasha, dritare të hijshme dhe planifikim rrugësh të dizajnuara për të maksimizuar qarkullimin e ajrit.

Kjo është edhe arsyeja pse ngjyra e bardhë dominojnë peizazhet piktoreske të vendeve mesdhetare si Santorini në Greqi ose Vieste në Itali: sipërfaqet e ndritshme reflektojnë dritën e diellit dhe nxehtësinë rrezatuese, duke ndihmuar që ambientet e brendshme të qëndrojnë më të freskëta.

Në Evropën Veriore, nga ana tjetër, verat dikur ishin mjaft të buta saqë ftohja rrallëherë ishte e nevojshme.

Kondicionimi i ajrit, kur u shfaq në Evropë, shihej si një luks ose madje si një rrezik për shëndetin. Shumë evropianë ende besojnë se ekspozimi ndaj ajrit të ftohtë mund të të sëmurë, dhe stereotipi që AC është për njerëzit e pasur vazhdon të ekzistojë.

Çështja e energjisë

Pastaj është edhe problemi i parave.

Energjia elektrike në Evropë është shumë më e shtrenjtë se në SHBA, dhe kriza energjetike e vitit 2022 e forcoi edhe më shumë këtë fakt.

Edhe pse çmimet që nga ajo kohë janë stabilizuar, kostoja shtesë e përdorimit të një kondicioneri mbetet e papërballueshme për shumë familje.

Kondicionimi i ajrit përbën vetëm rreth 0.6 për qind të konsumit të energjisë elektrike në familjet e BE-së, por pjesa e tij po rritet shpejt.

Valët e nxehtësisë të qershorit dhe korrikut 2025 rritën kërkesën ditore deri në 14 për qind. Çmimet arritën mbi 400 euro për MWh në Gjermani dhe 470 euro për MWh në Poloni, edhe pse energjia diellore regjistroi nivele rekord.

Kjo rritje e kërkesës tregon sfidën që kemi përpara. Rrjeti energjetik i Evropës, që është tashmë i ngarkuar, duhet të përgatitet për verë më të nxehta dhe nevoja më të mëdha për ftohje.

Çfarë vjen më pas?

Pra, jo, Brukseli nuk urren kondicionerët. Por dëshiron të sigurojë që teknologjia e ftohjes të përshtatet me qëllimet më të gjera klimatike dhe energjetike të Evropës.

Komisioni Evropian gjithmonë ka bërë të qartë se shtetet anëtare janë më të përshtatshme për të vendosur për masat specifike të kursimit të energjisë.

Por gjithashtu po përgatit sektorin energjetik të BE-së për një epokë me valë të nxehtësisë më të shpeshta dhe më të forta, duke u fokusuar te ruajtja e energjisë, ndërkonektiviteti dhe rezistenca e rrjetit.

Kjo nuk përjashton një ndërhyrje të veçantë në sektor në afat mesëm, megjithëse momentalisht nuk është parashikuar asgjë konkrete.

Në fund, adoptimi i ulët i kondicionerëve në Evropë nuk është pasojë e ndalimeve apo armiqësisë burokratike. Është më shumë një përzierje e kulturës, kostos, traditës dhe politikës.

Dhe ndërsa verat bëhen gjithnjë e më të nxehta dhe valët e nxehtësisë bëhen normale, ky balancim do të testohet më shumë me çdo vit që kalon. /Telegrafi/

The post Flladi artificial ndanë evropianët dhe amerikanët appeared first on Telegrafi.

Ndahet nga jeta gjykatësi i njohur amerikan, Frank Caprio, i njohur për dhembshurinë në sallën e gjyqit.

Gjykatësi amerikan Frank Caprio, i cili u bë i njohur ndërkombëtarisht për qasjen e ngrohtë dhe njerëzore ndaj drejtësisë, ka ndërruar jetë të mërkurën në moshën 88-vjeçare.

Lajmi u bë i ditur nga familja e tij përmes rrjeteve sociale.

Caprio ka shërbyer për katër dekada në Gjykatën e Qarkut në Providence dhe u emërua gjykatës në vitin 1985. Ai fitoi zemrat e publikut përmes serialit televiziv “Caught in Providence”, i cili u nominua për çmimin prestigjioz “Daytime Emmy Award” në vitin 2021. Klipet nga sallat e gjyqit ku ai dëgjonte me kujdes dhe dhembshuri historitë e qytetarëve u bënë virale në rrjetet sociale.

Në janar të vitit 2023, Caprio njoftoi largimin nga detyra, ndërsa në fund të po atij viti u diagnostikua me kancer të pankreasit.

“Gjykatësi Frank Caprio u nda nga jeta në paqe, pas një beteje të gjatë dhe të guximshme me kancerin. Ai ishte i dashur për dhembshurinë, përulësinë dhe besimin e palëkundur në mirësinë e njerëzve. Përmes punës së tij, ai preku jetët e miliona njerëzve dhe la pas një trashëgimi të thellë të mirësisë dhe drejtësisë. Do të kujtohet jo vetëm si një gjykatës i nderuar, por edhe si bashkëshort, baba, gjysh dhe mik i përkushtuar,” thuhet në deklaratën e familjes.

Në nder të tij, familja u bën thirrje të gjithëve që të përhapin më shumë dhembshuri – ashtu siç bënte ai çdo ditë të jetës së tij. /Telegrafi/

The post Vdiq gjyqtari i famshëm amerikan, Frank Caprio – ishte i njohur për dhembshurinë në sallën e gjyqit appeared first on Telegrafi.

Në SHBA, muri që ndodhet në kufirin me Meksikën po lyhet me ngjyrë të zezë, një masë e re që ka nisur të zbatohet nga autoritetet. Por, pse po bëhet kjo?

Qëllimi kryesor i këtij ndryshimi është të pengojë migrantët që përpiqen të kalojnë ilegalisht kufirin.

Autoritetet besojnë se duke e bërë murin të zi, ai do të thithë më shumë nxehtësi nga dielli gjatë ditës, raporton cnn.

Për shkak të kësaj, metali i murit do të ngrohet shumë më shumë, duke e bërë pothuajse të pamundur ngjitjen ose kalimin e tij.

In America, the wall on the border with Mexico is being painted black. But why?

The authorities expect this will discourage migrants from attempting illegal crossings.

The idea is simple: in the heat, the metal will get much hotter, making it nearly impossible to climb such… pic.twitter.com/eApQ2sVU7c

— NEXTA (@nexta_tv) August 20, 2025

Në kushte të nxehtësisë ekstreme, kontakti me një mur të tillë mund të jetë i rrezikshëm, madje dhe i dhimbshëm, gjë që pritet të dekurajojë ata që mendojnë të kalojnë kufirin në mënyrë të paligjshme.

Puna për të lyer murin ka nisur tashmë, dhe plani është që të mbulohet gjithsej 1120 kilometra gjatë gjithë kufirit me Meksikën.

Kjo është një nga përpjekjet e vazhdueshme të qeverisë amerikane për të forcuar sigurinë kufitare dhe për të kontrolluar më mirë fluksin e emigrantëve.

Në fund të fundit, kjo masë synon të përmirësojë kontrollin dhe të zvogëlojë rreziqet që lidhen me kalimet ilegale në një nga kufijtë më të gjata tokësore në botë. /Telegrafi/

The post Muri në kufirin SHBA–Meksikë po ngjyroset me të zezë – çfarë po synojnë autoritetet amerikane? appeared first on Telegrafi.

Në Mbretërinë e Bashkuar, inteligjenca artificiale ndihmoi fëmijët të dëgjojnë përsëri zërin e nënës së tyre pas 25 vjetësh.

Sara Ezekiel humbi aftësinë për të folur dhe për të lëvizur duart për shkak të sklerozës laterale amiotrofike (ALS) në vitin 2000, kur lindi fëmija i saj i dytë.

Gjatë pesë viteve të para, ajo mbeti e heshtur, më pas përdori një ndërfaqe të të folurit me një zë robotik.

In the UK, AI helped children hear their mother’s voice again after 25 years

Sara Ezekiel lost the ability to speak and move her hands due to amyotrophic lateral sclerosis (ALS) in 2000, when her second child was born.

For the first five years, she remained silent, then used a… pic.twitter.com/tNB9wPcXxk

— NEXTA (@nexta_tv) August 20, 2025

Pas 20 vjetësh, teknologjia i lejoi fëmijët e saj të dëgjonin përsëri zërin e saj.

Një kompani londineze, e specializuar në teknologjitë për njerëzit me aftësi të kufizuara, krijoi një ndërfaqe personale audio bazuar në një regjistrim të vjetër VHS.

Pavarësisht cilësisë së dobët të tingullit, inteligjenca artificiale arriti të rikrijojë zërin e Sarës. Rezultati i mahniti edhe fëmijët e saj, të cilët tani mund “të ndjejnë” praninë e saj përmes zërit të saj. /Telegrafi/

The post Inteligjenca artificiale i ndihmoi fëmijët të dëgjonin përsëri zërin e nënës së tyre pas 25 vitesh appeared first on Telegrafi.

Lidhja e veçantë mes prindërve dhe fëmijëve është e paçmueshme, dhe një video në Instagram e ka treguar në mënyrë perfekte magjinë e marrëdhënies mes një babai dhe vajzës së tij.

Videoja, ku vajza e vogël ndriçohet nga lumturia sapo sheh babanë e saj, është bërë hit viral dhe ka prekur zemrat e shikuesve në mbarë botën.

Videon e ka publikuar në profilin @themessymamalife nëna e vajzës së vogël.

 

View this post on Instagram

 

A post shared by Vic O’Leary (@themessymamalife)

Në pamje, beba është ulur në dysheme dhe luan me lodra e libra ilustrues.

Në momentin kur babai hyn në dhomë, fytyra e saj ndryshon plotësisht – shfaqet një buzëqeshje nga njëri vesh te tjetri, dhe me duar lëshon sinjale që dëshiron të shkojë në përqafimin e tij.

Babai menjëherë e kupton thirrjen e saj dhe e ngre në krahë. Vajza në duart e tij rrezaton, siç kanë përshkruar shumë vetë, “lumturi të pastër”. Videoja ka mbledhur 2.3 milionë shikime. /Telegrafi/

The post Vogëlushi çmendet nga lumturia kur sheh të atin appeared first on Telegrafi.

Është e vështirë të imagjinohet Audi pa unazat e tij, por kohët e reja sjellin zakone të reja. Unazat janë jashtë loje, AUDI është në modë. AUDI është krijuar së bashku nga Audi dhe SAIC, një kompani e madhe kineze e automobilave.

Kjo markë është e orientuar drejt tregut kinez dhe fokusohet në automjetet elektrike. Tani ka filluar paraporositja e modelit të parë, E5 Sportback-it modern.

E5 Sportback është një makinë elektrike e madhësisë së mesme, me dizajn sportiv dhe performancë të lartë. Çmimi në paraporosi ndryshon nga 28-37 mijë euro, ndërsa prezantimi zyrtar pritet në shtator.

Audi ofron gjithsej katër versione në paraporosi: dy me motor në pjesën e pasme dhe dy me të katër rrotat aktive. Pra, çmimi është më se i favorshëm.

Për një Audi të tillë në Evropë do t’ju duhej të shtonit të paktën edhe njëzet mijë euro të tjera, por kështu është në Kinë. Konkurrenca në atë treg është e jashtëzakonshme, ndërsa lufta e çmimeve ka marrë përmasa të paparashikuara.

Përndryshe, ajo që do t’i tërheqë veçanërisht kinezët është fakti se AUDI i parë është i pajisur me një ekran LED masiv prej 59 inçësh në kabinë.

Në përgjithësi, automjeti ka një sistem me tension të lartë prej 800 voltësh dhe ofrohet me një ose dy motorë.

Fuqia ndryshon nga 299 deri në 788 kuaj/fuqi. Bateritë janë të disponueshme në tri madhësi: 76,2 kWh, 83,3 kWh dhe 100 kWh, me një autonomi nga 618 deri në 770 km sipas sistemit kinez të matjes (CLTC). Automjeti gjithashtu mund të karikohet për një distancë prej 370 km në vetëm 10 minuta. /Telegrafi/

The post Audi e parë ‘pa unaza’ del në shitje – çmimi është një befasi e madhe appeared first on Telegrafi.

Presidenti i Finlandës, Alexander Stubb, në një intervistë për rrjetin amerikan NBC News, ka bërë një krahasim domethënës për të ilustruar shkallën e pretendimeve territoriale të Rusisë ndaj Ukrainës.

“Për një audiencë amerikane, mënyra më e mirë për ta shpjeguar është kjo: nëse marrim parasysh sipërfaqen relative të tokës që Rusia kërkon aktualisht nga Ukraina, do të ishte pak a shumë sikur ju të dorëzonit Floridën, Georgian, Karolinën e Jugut, Karolinën e Veriut, madje edhe Virginia dhe Marylandi”, tha Stubb.

Kjo deklaratë vjen në një kohë kur tensionet mes Rusisë dhe Ukrainës mbeten të larta, ndërsa vendet perëndimore po shqyrtojnë rrugë të reja mbështetjeje për Kievin.

Finnish President Stubb to NBC News:

For an American audience, the best way to explain it is that if you take the relative land mass of what Russia wants right now from Ukraine, it would be a little bit like you giving up Florida, Georgia, South Carolina, North Carolina, even… pic.twitter.com/CZI5xBcYt4

— Clash Report (@clashreport) August 20, 2025

Presidenti finlandez, një nga zërat më të fortë në mbrojtje të sovranitetit ukrainas brenda Bashkimit Evropian dhe NATO-s, theksoi se bëhet fjalë për një agresion të qartë dhe të papranueshëm ndaj një shteti të pavarur.

Finlanda, vend që kufizohet drejtpërdrejt me Rusinë dhe që së fundmi iu bashkua NATO-s, është bërë një zë kyç në diskutimet për sigurinë në Evropën Veriore dhe më gjerë.

Ndryshe, Stubb së fundi ishte pjesë e delegacionit të liderëve evropianë që u takuan me presidentin amerikan, Donald Trump në Uashington. /Telegrafi/

The post Presidenti finlandez ua shpjegon amerikanëve: Rusia po kërkon nga Ukraina territore sa së bashku Florida, Georgia, Virginia, Maryland dhe dy Karolinat appeared first on Telegrafi.

Ministri i Mbrojtjes së Iranit, Aziz Nassirzadeh, deklaroi se vendi është i gatshëm për çdo sulm të ri izraelit dhe shtoi se janë zhvilluar raketa me kapacitete më të mëdha se ato që u përdorën gjatë luftës së fundit 12-ditore.

“Raketat që u përdorën në luftën 12-ditore janë prodhuar disa vite më parë. Sot kemi prodhuar dhe posedojmë raketa me kapacitete shumë më të mëdha se ato të mëparshmet, dhe nëse armiku sionist nis sërish ndonjë aventurë, pa dyshim që do t’i përdorim”, tha ministri, sipas agjencisë së lajmeve IRNA.

Përplasja 12-ditore ndërmjet Izraelit dhe Iranit filloi më 13 qershor me një sulm izraelit, raporton thetimesofisrael.

Izraeli deklaroi se sulmi gjithëpërfshirës kundër liderëve më të lartë ushtarakë iranianë, shkencëtarëve bërthamorë, vendndodhjeve të pasurimit të uraniumit dhe programit të raketave balistike ishte i domosdoshëm për të ndalur Iranin nga realizimi i “planit të hapur për shkatërrimin e shtetit hebre”.

Irani iu përgjigj sulmeve izraelite duke lëshuar mbi 500 raketa balistike dhe rreth 1100 dronë drejt Izraelit.

Nga sulmet në Izrael, sipas zyrtarëve shëndetësorë dhe spitaleve, kanë humbur jetën 31 persona dhe janë plagosur mbi 3000 të tjerë. Ndërkohë, të paktën 430 persona kanë vdekur dhe mbi 3.500 janë plagosur nga sulmet izraelite në Iran. /Telegrafi/

The post Ministri iranian i Mbrojtjes: Jemi gati për sulmet e reja izraelite appeared first on Telegrafi.

Një skandal i madh shpërtheu në Kroaci kur një taksist u përpoq të përfitonte në mënyrë të padrejtë nga një turist nga Zelanda e Re, duke i ngarkuar asaj një shumë të jashtëzakonshme prej 1500 eurosh për një udhëtim të shkurtër drejt një blloku që ndodhej vetëm disa minuta larg.

Carol Cowan, në muajin maj në Zagreb, për një udhëtim prej vetëm një kilometër e gjysmë – nga Stacioni Kryesor i Trenit deri te rruga Frankopanska – mbeti pa 1506 euro, raporton index.hr.

Gjithçka filloi kur arriti në stacionin hekurudhor të Zagrebit, ajo nuk gjeti një taksi me shenja zyrtare dhe pranoi të hipte në një taksi të parregullt, në besim se do të paguante një çmim normal për një udhëtim të tillë.

Gjatë rrugës, ajo vuri re që taksimetri po rritej shumë shpejt dhe shifrat po bëheshin “astronomike”, por nuk e kuptoi menjëherë që shuma ishte në euro dhe jo në kuna, monedhën vendase kroate.

Vetëm pasi përfundoi udhëtimin dhe kontrolloi llogarinë e kartës së saj të kreditit, Carol u habit të shihte një ngarkesë prej 1506 eurosh.

Kjo shumë ishte pothuajse gjysma e të gjithë buxhetit që ajo kishte planifikuar për gjithë udhëtimin në Evropë.

E ndjerë e tradhtuar dhe e shqetësuar për sigurinë e saj, Carol vendosi të anulonte të gjitha rezervimet e mëtejshme dhe të kthente udhëtimin e saj në mënyrë të parakohshme.

Ngjarja nxjerr në pah rreziqet që mund të hasen nga turistët në destinacione të huaja, sidomos kur bëhet fjalë për transportin informal, dhe thekson rëndësinë e përdorimit të shërbimeve të licencuara dhe të besueshme për të shmangur abuzimet dhe skemat mashtruese. /Telegrafi/

A scandal erupted in Croatia — a taxi driver ripped off a tourist from New Zealand, charging her €1,500 for a ride to a nearby block

Carol Cowan had been traveling across Europe for eight weeks. Upon arriving at the Zagreb train station, she agreed to take a taxi without… pic.twitter.com/5qRVFcs8mi

— NEXTA (@nexta_tv) August 20, 2025

 

The post Turistja viktimë e një mashtrimi në Kroaci – taksisti ia faturon 1500 euro për 1.5 kilometra rrugë appeared first on Telegrafi.