Kohët e fundit u përfol shumë për një transferim të mundshëm të Viktor Boniface nga Bayer Leverkusen te Milani, por gjithçka ka dështuar në momentet e fundit.

Rossonerët kishin arritur marrëveshjen me lojtarin për kushtet personale të kontratës dhe mungonte vetëm kontrolli mjekësor. Por pikërisht aty u prish gjithçka.

Sulmuesi nigerian iu nënshtrua dy ekzaminimeve mjekësore: i pari zbuloi probleme, ndaj u shty nënshkrimi; ndërsa testi i dytë i thelloi dyshimet.

Sipas mediave italiane, gjuri i djathtë i Boniface detyroi drejtuesit kuqezinj të tërhiqeshin nga marrëveshja. Edhe vetë lojtari më vonë e konfirmoi këtë fakt.

Problemet e tij shëndetësore nuk janë të reja. Boniface ka një histori të rëndë dëmtimesh në gju, duke këputur ligamentet e kryqëzuara dy herë (2019 dhe 2020) përpara transferimit në Bundesliga, ndërsa sezonin e kaluar humbi pothuajse gjysmën e ndeshjeve për shkak të një tjetër dëmtimi.

Në rrjete sociale qarkulluan edhe foto të gjurit të tij, që tregojnë qartë gjendjen e vështirë të sulmuesit.

Mediat italiane shkruajnë se ai mund ta ketë stërvitur më shumë se ç’duhet gjatë rikuperimit këtë verë, gjë që ka ndikuar negativisht.

Në këtë situatë, Milani duket se mori vendimin e duhur duke ndërprerë çdo negociatë, pasi një huazim i tillë do të kishte qenë një rrezik i madh sportiv dhe financiar. /Telegrafi/

The post E dhimbshme se përse dështoi transferimi i Boniface te Milani appeared first on Telegrafi.

Sezoni 2025/26 pritet të sjellë emocione të mëdha, dramë dhe spektakël në fushë.

Inteligjenca artificiale ka analizuar formën e skuadrave, afrimet e reja, taktikat dhe gjendjen aktuale për të parashikuar se kush do të fitojë ligat më të mëdha, garat evropiane dhe çmimet individuale.

Fituesit e ligave kryesore

Premier League – Liverpool

Liverpool, nën drejtimin e Arne Slot, shihet si favorit për të marrë fronin në Angli.

Blerjet e reja kanë balancuar fuqinë sulmuese me stabilitetin në mbrojtje, ndërsa eksperienca në ndeshjet e mëdha u jep avantazh ndaj Manchester Cityt dhe Arsenalit.

La Liga – Real Madrid

Me Xabi Alonson në stol, Real Madrid ka ndërtuar një skuadër të balancuar mes përvojës dhe përforcimeve të reja.

Fleksibiliteti taktik dhe aftësia për të fituar ndeshje vendimtare i bëjnë favoritë ndaj Barcelonës dhe Atleticos për titullin në Spanjë.

Serie A – Napoli

Kampionët në fuqi kanë shtuar emra të mëdhenj, mes tyre edhe Kevin De Bruyne.

Disiplina taktike dhe efikasiteti në sulm i japin Napolit një hap përpara rivalëve Juventus, Inter e Milan, duke i bërë favoritë për të mbrojtur Scudetton.

Bundesliga – Bayern Munich

Pas 12 titujve në 13 vitet e fundit, Bayern mbetet skuadra për t’u mposhtur në Gjermani.

Me Luis Diaz që forcon sulmin dhe Vincent Kompany që sjell stabilitet taktik, bavarezët janë favoritë, megjithëse Dortmund, Leipzig dhe Leverkusen pritet të sfidojnë.

Ligue 1 – Paris Saint-Germain

Pas një sezoni historik me katër trofe, PSG e Luis Enriques mbetet dominues në Francë.

Thellësia e skuadrës dhe ekuilibri mes repartit mbrojtës e atij ofensiv i japin avantazh të madh ndaj Monacos, Marseilles dhe Lyonit.

Fituesit e garave evropiane

Liga e Kampionëve – Paris Saint-Germain

Pas suksesit të sezonit të kaluar, PSG synon të bëhet skuadra që e mbron titullin.

Cilësia e lojtarëve, përvoja dhe disiplina taktike i vendosin ata favoritë, megjithëse Liverpooli, Real Madridi dhe Bayerni do të jenë pengesa të vështira.

Liga e Evropës – Roma

Skuadra italiane ka treguar vazhdimësi në Evropë dhe shikohet si një nga favoritët për trofeun.

Përvoja dhe forca taktike i japin mundësi reale për ta ngritur kupën në Stamboll.

Liga e Konferencës – Fiorentina

Pas dy finaleve të humbura radhazi, Fiorentina kërkon më në fund trofeun.

Me më shumë përvojë dhe një skuadër të ekuilibruar, “Viola” shihet si favorit për ta fituar Ligën e Konferencës.

Çmimet individuale

Këpuca e Artë – Erling Haaland (Manchester City)

Makina norvegjeze e golave mbetet favorit absolut për të kryesuar listën e golashënuesve në Evropë.

Me një ekip ofensiv dhe një trajner si Guardiola, Haaland ka të gjitha kushtet për të thyer rekorde.

Topi i Artë – Ousmane Dembele (PSG)

Francezi është vendimtar në sukseset e PSG-së, si në kampionat ashtu edhe në Evropë.

Me gola, asiste dhe paraqitje konstante në ndeshjet e mëdha, Dembele shihet si kandidati kryesor për të fituar Topin e Artë 2026. /Telegrafi/

The post Kush do ta dominojë sezonin 2025-26, parashikon Inteligjenca Artificiale appeared first on Telegrafi.

Gazetari i njohur i transferimeve, Fabrizio Romano, ka njoftuar se transferimi i Dani Ceballos drejt Olympique Marseille është anuluar.

“Marrëveshja për Dani Ceballos te Olympique Marseille është aktualisht e anuluar”, shkroi ai në platformën X.

“Asgjë nuk është bërë apo nënshkruar pavarësisht bisedimeve të avancuara mbrëmë… dhe OM nuk do të presë më”.

Romano shtoi se Marseille do të përqendrohet në objektiva të tjerë, pasi vetë Ceballos ka vendosur të reflektojë mbi të ardhmen e tij.

Kjo nënkupton se mesfushori spanjoll duket i gatshëm të qëndrojë te Real Madridi dhe të luftojë për një vend në formacionin e Xabi Alonsos.

Megjithatë, fakti që klubi ishte i hapur për ta shitur dhe që ai ende nuk ka luajtur asnjë minutë në dy ndeshjet e para, e lë të pasigurt rolin e tij për pjesën tjetër të sezonit. /Telegrafi/

The deal for Dani Ceballos to Olympique Marseille is currently OFF.

As reported earlier, nothing was done or sealed yet despite advanced talks last night… and OM won’t wait anymore.

OM will focus on different targets as Dani Ceballos wants to reflect on his future. pic.twitter.com/y9QrB6QNzn

— Fabrizio Romano (@FabrizioRomano) August 27, 2025

The post Dështon transferimi i Ceballos te Marsille appeared first on Telegrafi.

Një ish-drejtues i njësisë ndërkombëtare për hetimin e krimit në sport ka deklaruar se disa lojtarë të Ligës Premier kanë qenë të përfshirë në kurdisjen e ndeshjeve.

Fredrik Gardare, i cili udhëhoqi për vite me radhë një njësi policore suedeze kundër krimit të organizuar në sport, tha se gjatë një bastisjeje në një kazino të paligjshme në vitin 2021 u sekuestrua një telefon me prova të qarta për trukime ndeshjesh.

Sipas tij, në aplikacionin Telegram gjendeshin biseda ku lojtarë profesionistë bashkëpunonin me një kriminel për të manipuluar duele në ligat evropiane, përfshirë edhe ndeshje ndërkombëtare në Ligën e Kombeve.

Gardare theksoi se mes të implikuarve kishte më shumë se një lojtar të Ligës Premier. Ata dyshohet se kishin ndikuar në situata specifike të lojës, si kartonët e verdhë, goditjet nga këndi dhe episode të tjera të ndeshjeve, për t’i shfrytëzuar në baste.

Megjithatë, pavarësisht provave, policia e Stokholmit dhe autoritetet kombëtare suedeze vendosën të mos e çonin më tej hetimin. Gardare e cilësoi këtë vendim “zhgënjyes dhe të pashpjegueshëm”, duke theksuar se telefoni me provat ende ndodhet në duart e policisë.

“Ishte një prioritet shumë i lartë për mua, e gjithë njësia ime u angazhua në këtë hetim. Ne ia dhamë informacionin edhe federatës suedeze të futbollit, duke i paralajmëruar se ishte një çështje serioze. Shpresoj që ata ta kenë ndarë edhe me FA-në”, u shpreh ai për Daily Mail Sport.

Lexo po ashtu Erling Haaland ndryshon emrin në fanellë

FA, nga ana tjetër, thuhet se nuk ka marrë ende informacion të drejtpërdrejtë nga autoritetet suedeze, por është e interesuar t’i shqyrtojë gjetjet.

Ky zbulim tronditës ngre pikëpyetje serioze për përhapjen e manipulimit të ndeshjeve në futbollin evropian dhe nëse autoritetet ndërkombëtare janë duke bërë mjaftueshëm për ta ndalur këtë fenomen. /Telegrafi/

The post Futbollistët e Ligës Premier ‘po kurdisin ndeshje’: Pretendimi tronditës i ish-shefit të njësisë policore pas bastisjes në kazino appeared first on Telegrafi.

Erling Haaland pritet të shfaqet me një ndryshim interesant në fanellën e Norvegjisë gjatë ndeshjeve të ardhshme të kombëtares: në pjesën e pasme, përveç mbiemrit të tij të zakonshëm, do të figurojë edhe emri i mesëm – “Braut”.

Sulmuesi i Manchester Cityt lindi në Leeds në korrik të vitit 2000, në kohën kur babai i tij Alf-Inge luante për Leeds United në Ligën Premier. Familja u rikthye në Norvegji në vitin 2004 dhe aty Haaland bëri hapat e parë në futboll me Bryne FK.

Edhe pse kishte të drejtën të përfaqësonte Anglinë, Haaland zgjodhi Norvegjinë, ku debutoi me ekipin U15 në vitin 2015. “Ishte e natyrshme për mua të zgjidhja Norvegjinë”, kishte thënë ai më herët, duke shtuar se është krenar për këtë vendim.

Që atëherë, ylli norvegjez ka shënuar 42 gola në 43 paraqitje, duke u bërë lider i padiskutueshëm i skuadrës së Stale Solbakken. Objektivi i madh i tij mbetet të rikthejë Norvegjinë në Kupën e Botës për herë të parë që nga viti 1998. Aktualisht, skuadra kryeson Grupin I në kualifikimet e Botërorit 2026, me katër fitore në po aq ndeshje.

“Një kualifikim do të ishte sikur një komb tjetër i madh ta fitonte Kupën e Botës. Festat në Oslo do të ishin të pabesueshme”, shtoi Haaland për TIME. Megjithatë, ai ishte realist për shanset e tyre: “Norvegjia ka një shans prej 0.5% për ta fituar”.

Lexo po ashtu Emërohen pesë sulmuesit më të paguar në Ligën Premier

Norvegjezët rikthehen në fushë më 4 shtator me një miqësore kundër Finlandës, përpara ndeshjes kualifikuese me Moldavinë më 9 shtator. Përveç Haaland, në skuadër janë përfshirë edhe emra të njohur si Martin Odegaard, Sander Berge, Jørgen Strand Larsen dhe Oscar Bobb.

Në këto përballje, tifozët do të shohin për herë të parë emrin “Braut Haaland” në fanellën e tij kombëtare – një detaj që lidh yllin e City-t edhe më shumë me rrënjët e tij familjare. /Telegrafi/

The post Erling Haaland ndryshon emrin në fanellë appeared first on Telegrafi.

Gianluigi Buffon ka shprehur mbështetjen e tij për lojtarët italianë që zgjedhin të transferohen jashtë vendit, veçanërisht në Ligën Premier, duke theksuar se Serie A nuk ka më peshën që kishte dikur në futbollin botëror.

Legjenda e Juventusit dhe Italisë foli në një konferencë në Milano, ku trajtoi tema të ndryshme që lidhen me ekipin kombëtar, emërimin e Gennaro Gattusos si trajner, të ardhmen e Gianluigi Donnarummas, rritjen e të rinjve si Pio Esposito dhe gjendjen fizike të Sandro Tonalit.

Buffon për Gattuson dhe Kombëtaren

Buffon tha se Gattuso ka nisur të fitojë besim në rolin e tij të ri dhe se vizitat e tij në qendrat stërvitore të klubeve të Serie A kanë ndihmuar për të krijuar një marrëdhënie më të fortë me trajnerët dhe skuadrat.

Lexo po ashtu Gjithçka që duhet të dini për djalin e Buffon, Louis dhe thirrjen e tij nga kombëtarja e Çekisë

“Kur merr një detyrë të tillë ka gjithmonë emocion, por tani Rino ka fituar vetëdijen e nevojshme. Kemi një grup lojtarësh cilësorë dhe duhet ta justifikojmë me paraqitje të denja për emrin e Italisë”, deklaroi ish-portieri.

Donnarumma drejt Ligës Premier

Buffon foli edhe për situatën e Donnarummas, i cili po lidhet me një kalim te Manchester City pas largimit nga PSG.

“Pres ta takoj personalisht. Për ne, Gigio mbetet gjithmonë një pikë e fortë e kombëtares, pavarësisht nga e ardhmja e tij”, u shpreh ai.

Lexo po ashtu Buffon: Serie A renditet e dyta pas Ligës Premier

Lojtarët e rinj dhe transferimet jashtë Italisë

Për sulmuesin e Interit, Pio Esposito, Buffon tha: “Është trajneri që vendos, por fakti që ai po tregon një rritje të tillë është diçka pozitive për gjithë futbollin tonë”.

Ai shtoi se Kombëtarja ka alternativa cilësore në sulm si Kean, Retegui dhe Scamacca.

Sa i përket lojtarëve që largohen nga Serie A, Buffon u shpreh: “Është një gjë pozitive nëse kemi gjashtë apo shtatë futbollistë që luajnë për klubet më të mëdha në botë. Kjo rrit nivelin e ekipit kombëtar. Serie A nuk është më pika e referencës, por shërben si trampolinë për ligat e tjera”.

Tonali në dilemë për shtatorin

Në fund, Buffon foli edhe për Sandro Tonalin, i cili u dëmtua ndaj Liverpoolit: “Trajneri ka marrë informacion nga ai dhe nga stafi mjekësor. Do të shohim nëse do të jetë i gatshëm për ndeshjet e shtatorit”. /Telegrafi/

The post Buffon u kërkon lojtarëve italianë të largohen nga Serie A appeared first on Telegrafi.

Liverpool ka marrë një fitore të madhe në javën e dytë të Ligës Premier, duke mposhtur Newcastle-in 3-2 në “St. James’ Park”.

Skuadra e Jurgen Klopp kaloi në avantazh me golin e Ryan Gravenberch në minutën e 35-të, ndërsa Hugo Ekitike dyfishoi shifrat sapo nisi pjesa e dytë (46’).

Newcastle reagoi me Bruno Guimaraes në minutën e 57-të dhe më pas arriti barazimin me William Osula në të 88-ën.

Takimi mori një tjetër kthesë, kur Anthony Gordon u ndëshkua me karton të kuq për një ndërhyrje të ashpër ndaj Virgil van Dijk.

Në rrjetet sociale qarkulluan foto të këmbës së mbrojtësit holandez, ku shiheshin qartë shenjat e goditjes.

Lexo po ashtu Van Dijk zbulon çfarë i tha Gordonit pas ndërhyrjes që i solli kartonin e kuq

Në minutën e 100-të, kur gjithçka dukej e mbyllur në barazim, Mohamed Salah krosoi një top të ulët nga e djathta dhe 16-vjeçari Rio Ngumoha shënoi golin e fitores, duke siguruar tre pikë të arta për “The Reds”.

Ky ishte suksesi i dytë radhazi për Liverpoolin, ndërsa Newcastle regjistroi humbjen e parë në këtë edicion të Ligës Premier. /Telegrafi/

The mark on Virgil van Dijk's leg after that challenge from Anthony Gordon… pic.twitter.com/cOIjMCPYsA

— Sky Sports Premier League (@SkySportsPL) August 25, 2025

The post U akuzua se simuloi te kartoni i kuq i Gordon, dalin pamjet e këmbës së Van Dijk appeared first on Telegrafi.

Real Madridi dhe Atletico Madridi po e ndjekin nga afër 20-vjeçarin e kombëtares angleze të Manchester United, Kobbie Mainoo, i cili po vuan nga minutazh i lirë nën drejtimin e trajnerit Ruben Amorim, sipas Daily Mail.

Me afatin kalimtar të verës që do të mbyllet të hënën, më 1 shtator 2025, burimet tregojnë se të dy klubet spanjolle po shqyrtojnë një transferim huazimi për një sezon të tërë për mesfushorin për të forcuar skuadrat e tyre me praninë e tij dinamike.

Mainoo, një produkt i akademisë së United, nuk ka luajtur asnjë minutë në dy ndeshjet e para të United në Ligën Premier për sezonin 2025-26, pasi është zhvendosur në rolin e zëvendësuesit që kur u rikthye nga një dëmtim në dhjetor 2024.

Pavarësisht angazhimit të tij ndaj United, 20-vjeçari është i hapur për një transferim që garanton një ndeshje të rregullt në ekipin e parë dhe mundësinë për të garuar në Ligën e Kampionëve, një mundësi që të dy klubet e Madridit mund ta ofrojnë.

Lexo po ashtu Ruben Amorim shpjegon pse Mainoo nuk ka luajtur asnjë minutë deri më tani këtë sezon

Real Madridi, nën drejtimin e Xabi Alonsos, e sheh Mainoon si një lojtar të mundshëm për t’iu përgjigjur shqetësimeve të tyre për thellësinë e mesfushës, veçanërisht me Dani Ceballos të lidhur me një transferim te Marseille.

Atletico, e cila sapo ka nënshkruar me mesfushorë si Johnny Cardoso dhe Alex Baena, e sheh Mainoon si një shtesë të gjithanshme në sistemin e Diego Simeones. /Telegrafi/

The post Real Madridi dhe Atletico ‘luftojnë’ për Kobbie Mainoon appeared first on Telegrafi.

E ardhmja e Vinicius Junior te Real Madridi mbetet e pasigurt. Lojtari ka një kontratë deri më 30 qershor 2027, dhe klubi ka qenë duke u përpjekur prej kohësh ta rinovojë atë për të shmangur një largim të mundshëm si lojtar i lirë. Megjithatë, numri 7 i Realit po i merr gjërat me qetësi dhe nuk ka nënshkruar ende rinovimin.

Real Madridi i kishte ofruar një kontratë pesëvjeçare deri në vitin 2030 me një pagë neto prej 20 milionë eurosh në vit, por Vinicius kërkonte të paktën 25 milionë euro në vit.

Kjo ka bërë që negociatat të ngecin, dhe klubi tani shqetësohet se performanca e tij mund të ndikojë në ofertat e ardhshme.

Nëse ai nuk e rrit nivelin, Vinicius mund të përballet me një ofertë më të ulët kur të rifillojë diskutimi për kontratën, një situatë e ngjashme me atë që ndodhi me Sergio Ramos.

Sipas Okdiario, braziliani po shqyrton mundësinë e largimit nga Real Madridi para përfundimit të afatit të verës, një informacion që aktualisht është raportuar vetëm nga ky medium.

Një klub i paidentifikuar në Arabinë Saudite po përgatit një ofertë prej 130 milionë eurosh për Vinicius për të testuar vendosmërinë e Real Madridit për ta mbajtur atë.

Lexo po ashtu Tensione mes Viniciusit dhe Alonsos - publikohen pamjet

Ky lajm vjen pasi Vinicius u shfaq si zëvendësues në ndeshjen e fundit të La Ligas kundër Real Oviedo, një situatë që ka rritur spekulimet për të ardhmen e tij.

Vinicius Junior njihet si një lojtar impulsiv dhe pasionant. Në disa raste, kjo ka bërë që të marrë vendime ose të shprehë mendime që nuk i ka menduar plotësisht.

Megjithatë, synimi i tij gjatë muajve të fundit ka qenë gjithmonë të qëndrojë te Real Madridi, por me kushtin që të ndihet i vlerësuar si ylli i skuadrës.

Ai dëshiron që kompensimi i tij të afrohet sa më shumë me atë të Kylian Mbappe.

Real Madridi ka ende kohë për të arritur një marrëveshje të re me lojtarin që të jetë optimale për të dyja palët.

Klubi është i shqetësuar se Vinícius mund të presë deri në skadimin e kontratës së tij për të larguar si agjent i lirë, dhe kjo është arsyeja pse ata duan ta mbyllin sa më shpejt negociatën.

Në rast se nuk arrihet një marrëveshje, Real Madridi mund të zgjedhë ta shesë lojtarin në verën e ardhshme për të mos rrezikuar ta humbasë falas vitin e ardhshëm.

Lexo po ashtu Çfarë po ndodh me Viniciusin?

Strategjia e klubit është qartësisht e fokusuar në mbrojtjen e interesave të tyre financiar dhe sportive.

Për momentin, situata mbetet e hapur dhe negociatat janë në pritje, ndërsa të dyja palët po shqyrtojnë opsionet për të ardhmen e Vinicius Junior te Real Madridi. /Telegrafi/

Vinicius busca una salida https://t.co/8pkzB6llXB

— okdiario.com (@okdiario) August 25, 2025

The post Real Madridi testohet me një ofertë 130 milionëshe për Vinicius Junior appeared first on Telegrafi.

Bruno Fernandes është rikthyer në radarin e klubeve nga Arabia Saudite, me Al-Ittihad që raportohet se po shqyrton një ofertë për kapitenin e Manchester United.

Portugezi humbi një penallti në barazimin 1-1 të United ndaj Fulham, duke shtuar presionin mbi të në nisje të sezonit.

Fernandes ka qenë më parë objekt i interesimit nga Arabia Saudite, me Al-Hilal që vitin e kaluar kishte ofruar rreth 100 milionë euro.

Megjithatë, mesfushori zgjodhi të qëndronte në Old Trafford.

Sipas The Guardian, deri më tani nuk ka pasur kontakte të reja as me klubin dhe as me lojtarin, por afati kalimtar po hyn në ditët e fundit dhe spekulimet vazhdojnë.

Nëse Fernandes do të shitej, kjo do të hapte rrugën për United që të ringjallte interesimin për mesfushorin e Brighton, Carlos Baleba.

Lexo po ashtu Al-Ittihadi i prezanton Bruno Fernandesit një “ofertë të parefuzueshme”

22-vjeçari kamerunas vlerësohet mbi 100 milionë euro nga “Seagulls”, duke e bërë një objektiv të kushtueshëm për “Djajtë e Kuq”.

Shitja e Fernandes mund të jetë çelësi për ta bërë të realizueshme këtë transferim të madh. /Telegrafi/

The post Nëse largohet Bruno, Man United ka gjetur zëvendësuesin perfekt appeared first on Telegrafi.

Borussia Dortmund ka vendosur të ashpërsojë rregullat e brendshme, duke ndaluar hyrjen e familjarëve në dhomat e zhveshjes, pas një incidenti që ndodhi të shtunën dhe që përfshiu babain e Jobe Bellingham.

Në ndeshjen hapëse të Bundesligës kundër St. Pauli, Dortmundi shpërdoroi epërsinë 3-1 dhe u ndal në barazim 3-3, duke shkaktuar tension të madh në skuadër. Situata u përkeqësua edhe më shumë kur Mark dhe Denise Bellingham, prindërit e lojtarit, u shfaqën të pakënaqur me zëvendësimin e djalit të tyre në pushimin e pjesës së parë dhe pritën në tunel për t’u përballur me drejtuesit e klubit.

Sipas Sky Sports Germany, Mark Bellingham, i cili është edhe këshilltar i Jobe-s, pati një diskutim të ngarkuar emocionalisht me drejtorin sportiv të Dortmundit, Sebastian Kehl, ku shprehu zhgënjimin për zëvendësimin dhe për lojën e ekipit. BILD raportoi se ai madje kërkoi takim të drejtpërdrejtë me trajnerin Niko Kovac.

Disa lojtarë të Dortmundit dyshohet se u befasuan nga intensiteti i reagimit të tij, që lidhej si me minutat e kufizuara të Jobe-s, ashtu edhe me humbjen e dy pikëve në fund.

Megjithatë, drejtori menaxhues i klubit, Lars Ricken, e minimizoi ngjarjen, duke thënë se bëhej fjalë vetëm për një bisedë emocionale. Ai shtoi se në të ardhmen do të vendoset një rregull strikt që vetëm lojtarët, trajnerët dhe stafi i klubit të kenë qasje në zonën e zhveshjes.

“Familja e Jobes fluturoi posaçërisht për ndeshjen e parë të tij në Bundesligë dhe donte ta takonte pas ndeshjes. Ishte një moment emocional, por jo problem. Megjithatë, situata të tilla nuk do të përsëriten më,” u shpreh Ricken.

Jobe Bellingham, i transferuar këtë verë nga Sunderland për 32 milionë funte, u largua nga fusha pas vetëm 45 minutash në debutimin e tij në Bundesligë. Dortmundi dukej në kontroll me epërsinë 3-1, por pësoi dy gola në fund, duke humbur fitoren.

19-vjeçari kishte ndihmuar më parë Sunderlandin të ngjitej në Premier League dhe ka nënshkruar kontratë pesëvjeçare me Dortmundin. Ai ka theksuar se transferimi i tij nuk kishte lidhje direkte me gjurmët e vëllait të tij, Jude Bellingham, i cili shkëlqeu për tri vite te Dortmundi përpara kalimit te Real Madrid në vitin 2023. /Telegrafi/

The post Babai i Jobe Bellingham ndalohen të hyjnë në zhveshtoren e Dortmundit pasi u konfrontua me trajnerin Niko Kovac appeared first on Telegrafi.

Ishte një ditë për t’u harruar për Manchester Cityn, pasi Tottenham Hotspur nën drejtimin e Thomas Frankut arriti një fitore të jashtëzakonshme 2-0 në Etihad. Londinezët e veriut ruajtën kështu rekordin e tyre të përsosur në Ligën Premier pas dy ndeshjesh.

Një rrëshqitje e John Stones në minutën e 35-të hapi rrugën për golin e parë të Spurs, me Richarlison që krosi për Brennan Johnson, i cili nuk gaboi nga afër. Në momentet e fundit të pjesës së parë, Joao Palhinha shënoi golin e dytë pas një pasimi të James Trafford, duke vulosur avantazhin 2-0 për ekipin mysafir.

Pas pushimit, Pep Guardiola bëri ndryshime duke futur Jeremy Doku, Rodri, Bernardo Silva dhe Phil Foden, por Tottenham tregoi vendosmëri dhe nuk lejoi asnjë gol, duke marrë fitoren e dytë radhazi pa pësuar.

Një moment i veçantë ishte një video virale e Phil Foden duke qeshur në stol, menjëherë pas golit të dytë të Spurs. Tifozët spekuluan se reagimi i tij mund të ketë lindur nga nervozizmi ose nga brohoritjet e tifozëve të Tottenhamit që kujtonin triumfin e tyre në Ligën Evropës.

Ederson, portieri i Cityt, dukej i shqetësuar gjatë ndeshjes, duke reflektuar pasditen e vështirë për ekipin e Guardiolës. Skuadra e Cityt nuk arriti të dominonte si zakonisht, dhe momentet kyçe u humbën për shkak të gabimeve individuale dhe mungesës së koordinimit.

Lexo po ashtu Man City mposhtet në shtëpi nga Tottenhami

Në konferencën për shtyp, Guardiola vlerësoi përpjekjet e ekipit, por pranoi se gabimet e thjeshta dhe mungesa e efikasitetit kishin bërë diferencën: “Performanca ishte më e mirë në disa momente, por na munguan gjërat e thjeshta, pasimet dhe ato që duhet të bëjmë kolektivisht.”

City do të përpiqet të rikuperojë përpara ndeshjes së ardhshme kundër Brighton, duke kërkuar riorganizimin dhe përmirësimin e performancës për të shmangur humbje të ngjashme në Ligën Premier. /Telegrafi/

The post Man City ishte duke humbur 2-0, por Phil Foden nuk ndalej së qeshuri appeared first on Telegrafi.

Viktor Gyokeres shënoi golat e tij të parë në Ligën Premier 2025/26, duke ndihmuar Arsenalin të triumfonte 5-0 ndaj Leeds United.

Sulmuesi suedez realizoi të dy golat e tij në pjesën e dytë, fillimisht duke shënuar një gol të bukur dhe më pas duke finalizuar një penallti në minutat e fundit të ndeshjes.

Pas realizimit të golit të dytë, Gyokeres tregoi një festim të veçantë. Ai fillimisht bëri lëvizjen e njohur të “maskës së mallkuar”, për të vazhduar më pas duke tundur flokët.

Ky festim duket se ishte një mënyrë për t’i tallur ata që e kritikonin për mënyrën si lëviz flokët, një gjest që kishte marrë vëmendje edhe gjatë fitores ndaj Manchester United.

Lojtari u tall për “lëvizjet e tij të flokëve”, dhe duket se kjo është arsyeja pse e përdori këtë gjest pas dy golave të shënuar kundër Leeds.

Lexo po ashtu Transferimi i Arsenalit për 65 milionë euro po dështon keq - Gyokeres nuk shënon përballë portierit

Arsenali, me këtë fitore të thellë, ruan formën e mirë në fillimin e sezonit dhe konfirmon potencialin e sulmuesit Gyokeres.

Festimi i tij i veçantë u bë menjëherë viral në rrjetet sociale, duke treguar karakterin dhe personalitetin e sulmuesit suedez. /Telegrafi/

Victor Gyokeres' vs Leeds.

Goals: 0
Shots: 0
Hair flicks: 44 pic.twitter.com/76aWpYmEVl

— Footy Humour (@FootyHumour) August 23, 2025

Despite only playing 60 minutes, no player completed more hair flicks for Arsenal against Manchester United than Gyokeres (65).

Photogenic. pic.twitter.com/IG60XgYmpg

— ☈ッ (@TheFergusonWay) August 17, 2025

The post “Karma funksionoi” – Viktor Gyokeres rregulloi flokët si tallje për ata që e kritikuan javën e kaluar appeared first on Telegrafi.

Thomas Frank ka insistuar se Tottenham Hotspur do të rikuperohet shpejt nga dështimi për të transferuar Eberechi Eze, i cili tashmë është prezantuar te Arsenali.

Trajneri i Crystal Palace, Oliver Glasner, la të kuptohet se mesfushori ofensiv kishte zhvilluar ndeshjen e tij të fundit me fanellën e “Shqiponjave”.

Ai e tërhoqi Ezen nga fitorja historike 1-0 ndaj Fredrikstad në play-off të Ligës së Konferencës, duke shtuar thashethemet për një transferim të afërt.

Glasner kishte konfirmuar se 27-vjeçari ishte planifikuar të ishte titullar në ndeshjen e parë të Palace në kompeticionet evropiane, por situata ndryshoi pas marrëveshjes së arritur me Arsenalin, që pagoi 70 milionë euro për shërbimet e tij.

Tottenham shihte Ezen si zëvendësimin ideal për James Maddison, i cili do të mungojë gjatë për shkak të një dëmtimi të rëndë.

Mirëpo, me lojtarin që zgjodhi të ribashkohet me klubin e fëmijërisë së tij, Spurs mbetën jashtë garës dhe tashmë po kërkojnë alternativa të tjera.

Thomas Frank reagoi duke theksuar se nuk do të pranojë lojtarë që nuk duan të jenë pjesë e Tottenhamit: “Për të qenë shumë i qartë, nuk dua asnjë lojtar që nuk dëshiron të vijë në klub. Nëse nuk duan të veshin këtë stemë fantastike, ne nuk i duam këtu”.

Spurs tashmë po shqyrtojnë opsione të tjera, përfshirë anësorin e Manchester Cityt, Savinho, dhe yllin e Aston Villës, Morgan Rogers, i shpallur “Lojtari i Ri i Vitit” nga PFA.

“Jemi në treg dhe do të përpiqemi ta forcojmë ekipin. Shoh 23 lojtarë që punojnë shumë për ndeshjen e nesërme, por jam i bindur se do të sjellim edhe përforcime të reja,” shtoi Frank.

The post Trajneri i Tottenhamit shpërtheu për kalimin e Eze te Arsenali appeared first on Telegrafi.

Trajneri i Real Madridit, Xabi Alonso, ka dërguar një mesazh të qartë për lojtarët e tij në prag të sezonit të ri: Kylian Mbappe duhet të ketë përkrahjen maksimale nga e gjithë skuadra.

Gjatë konferencës për shtyp të së shtunës, Alonso theksoi se suksesi i Realit varet edhe nga mënyra se si grupi i përshtatet yllit francez.

“Përpiqem ta ndihmoj (Mbappen), ta bëj ekipin ta ndihmojë dhe sigurohem që ai ta ndihmojë ekipin të fitojë ndeshje. Për këtë, ai duhet të ndihet i kënaqur”, u shpreh Alonso para gazetarëve.

Trajneri shtoi se roli i Mbappes është i pazëvendësueshëm: “Kjo ka të bëjë me ekipin dhe Kylian është një pjesë kyçe e saj, për shkak të peshës dhe ndikimit që ai ushtron mbi grupin”.

Sezoni i kaluar, Mbappe ishte golashënuesi më i mirë i Los Blancos, por kontributi i tij nuk u shpërblye me trofe, pasi Reali dështoi në garat kryesore gjatë vitit 2025.

Alonso ka kërkuar nga ekipi që të shmangë gabimet e së kaluarës, kur golat e francezit nuk mjaftuan për të siguruar fitore. Një nga rastet më të freskëta ishte El Clásico, ku Mbappe realizoi tregolësh, por Real Madridi përsëri doli i mundur.

Mesazhi i trajnerit duket i qartë: për të arritur objektivat madhorë, Reali duhet të gjejë balancën mes forcës individuale të Mbappes dhe stabilitetit të grupit. /Telegrafi/

The post Xabi Alonso ka një kërkesë speciale për lojtarët e Real Madridit – ka të bëjë me Mbappen appeared first on Telegrafi.

Arsenali është duke fituar 2-0 përballë Leeds United në kuadër të javës së dytë në Ligën Premeir.

The Gunners vuajtën në fillim, duke mos arritur të tundin rrjetën kundërshtare.

Madje huqjen më të madhe e pati transferimi për 65 milionë euro, Viktor Gyokeres.

Sulmuesi suedez ishte i vetëm përballë portierit të Leeds United, mirëpo nuk ia doli të shënonte në portën e zbrazët.

Kjo huqje padyshim se u bë virale në rrjetet sociale, me disa që e quajnë edhe si blerja më e dështuar deri më tani në këtë sezon.

Golat për Arsenalin i realizuan Jurrien Timber në minutën e 34-të me një asistim të Declan Rice, ndërsa për 2-0 u përkujdes Bukayo Saka, që la portierin kundërshtar të ngrirë në këndë. /Telegrafi/

The post Transferimi i Arsenalit për 65 milionë euro po dështon keq – Gyokeres nuk shënon përballë portierit appeared first on Telegrafi.

Napoli është shumë afër që të sigurojë të ardhmen afatgjatë të mbrojtësit kosovar, Amir Rrahmani.

Sipas gazetarit italian Nicolo Schira, bisedimet mes klubit dhe lojtarit kanë qenë pozitive dhe pritet që palët të finalizojnë një marrëveshje për zgjatjen e kontratës deri në qershor të vitit 2029.

Marrëveshja e re do t’i garantojë kapitenit të Kosovës një pagë të rritur, me rreth 2.5 milionë euro në sezon. Ky është një hap i rëndësishëm që tregon vlerësimin e klubit për rolin e tij në skuadër.

Rrahmani, tashmë 31 vjeç, ka qenë një nga shtyllat kryesore të mbrojtjes së Napolit gjatë viteve të fundit. Me përvojën, lidershipin dhe stabilitetin e tij, ai është shndërruar në një nga mbrojtësit më të besueshëm të Serie A.

Aftësitë e tij në lojën ajrore, leximi i lojës dhe disiplinën taktike e kanë bërë një element kyç në sukseset e Napolit, veçanërisht në sezonin historik ku klubi fitoi titullin kampion pas më shumë se tri dekadash.

Duke parë përpara, drejtuesit e Napolit e shohin Rrahmanin si një figurë thelbësore në strukturën mbrojtëse të skuadrës, ndërsa ndërtojnë planet e tyre për të ardhmen. Sigurimi i tij me kontratë afatgjatë shihet si një prioritet strategjik për klubin.

Ky hap gjithashtu është një mesazh i qartë për tifozët: Napoli dëshiron të mbajë lojtarët më të rëndësishëm dhe të ruajë stabilitetin në skuadër për të qenë konkurrues si në Serie A, ashtu edhe në garat evropiane. /Telegrafi/

The post Amir Rrahmani po rinovon kontratën me Napolin – zbulohet edhe paga e tij appeared first on Telegrafi.

Eberechi Eze pritet të zyrtarizohet së shpejti si futbollisti më i ri i Arsenalit, pasi klubi londinez ka arritur marrëveshje me Crystal Palace për një transferim me vlerë 70 milionë eurosh.

Megjithatë, gjatë konferencës për shtyp të së premtes në London Colney, trajneri Mikel Arteta zgjodhi të mbajë qetësi rreth situatës, duke ndjekur parimin e tij për të mos folur për lojtarë që nuk janë ende pjesë e skuadrës.

Gazetarët, si zakonisht, nuk hezituan të kërkonin komente për Eze, por tekniku spanjoll u tregua i prerë.

“Nuk kam asgjë për të komentuar”, deklaroi trajneri spanjoll.

Lexo po ashtu Eberechi Eze do të marrë një dhuratë speciale nga Arsenali pasi injoroi Tottenhamin

“E dini që nuk flas kurrë për lojtarë që nuk janë pjesë e grupit tonë, të klubit tonë – ende. Kështu që nuk ka koment nga ana ime”.

Përdorimi i fjalës “ende” është tregues i qartë se prezantimi i Eze te “Topçinjtë” është vetëm çështje kohe. /Telegrafi/

The post Mikel Arteta nuk mund ta fshehë buzëqeshjen ndërsa përpiqet t’i shmanget pyetjes për Eberechi Eze appeared first on Telegrafi.

Manchester United është duke kërkuar me urgjencë një portier të ri, pas paraqitjeve zhgënjyese të Andre Onana dhe Altay Bayındır.

Në fokus ka dalë 23-vjeçari belg i Royal Antwerp, Senne Lammens, i cili po konsiderohet një kandidat kryesor për të zgjidhur problemet në portë.

Sipas Goal, transferimi i Lammens te “Djajtë e Kuq” do të konsiderohej një nga surprizat më të mëdha të afatit kalimtar. Portieri ka një përvojë të pasur për moshën e tij, duke luajtur 93 ndeshje për Antwerp gjatë dy sezoneve të fundit, përfshirë 41 ndeshje sezonin e kaluar dhe 52 vitin e kaluar.

Mediat angleze raportojnë se Lammens ka rënë dakord për kushtet personale me United, ndërsa vlera e transferimit mund të arrijë rreth 23 milionë euro.

Statistikat e tij flasin shumë: sezonin e kaluar, ai ishte portieri më i mirë në botë sa i përket golave të pritur sipas xGOT, me një shifër mbresëlënëse prej 16.47. Ai realizoi 127 pritje me një përqindje suksesi prej 81.4%, më e lartë se çdo portier tjetër në Ligën Premier, krahasuar me Robert Sánchez të Chelseat që arriti 76.4%.

Lexo po ashtu Katër lojtarë të Man United nuk janë në planet e Amorim

Përveç aftësive të shkëlqyera në portë, Lammens dallon edhe për lojen me këmbë: është ndër portierët më të mirë për pasime të suksesshme dhe pasime të shkurtra, ndërsa sezonin e kaluar priti katër penallti. Performanca të tilla i sigurojnë atij edhe thirrjen e parë në ekipin kombëtar belg në mars të këtij viti.

Interes për Lammens tregojnë gjithashtu klube nga Anglia, Italia dhe Franca, por United duket se mund të përfundojë marrëveshjen më shpejt. Një transferim në Old Trafford, sipas burimeve belge, do të ishte një ëndërr e bërë realitet për portierin e ri. /Telegrafi/

The post Manchester United përgatit surprizën më të madhe të afatit kalimtar appeared first on Telegrafi.

Para përballjes së Barcelonës me Levanten të shtunën, dhjetëra tifozë u mblodhën jashtë qendrës stërvitore për të përshëndetur trajnerin Hansi Flick.

Një prej tyre, me humor, e pyeti trajnerin gjerman nëse ekipi i tij mund të shënonte pesë gola në ndeshjen e ardhshme.

Flick reagoi me qetësi dhe një buzëqeshje të lehtë: “Tri pikë”.

Mesazhi ishte i qartë: për Flick, nuk ka rëndësi nëse Barcelona fiton 1-0, 2-1 apo 5-0 — fitorja është gjithçka që ka rëndësi.

Barcelona synon ta mbrojë titullin këtë edicion, pas sezonit të shkëlqyer në 2024/25. /Telegrafi/

The post Tifozi i Barçës i kërkoi Hansi Flickut pesë gola kundër Levantes – trajneri kishte përgjigjen perfekte appeared first on Telegrafi.