Këshilla praktike për t’i kthyer konkurrencën dhe xhelozinë në lidhje të ngrohta vëllazërore

Marrëdhëniet midis vëllezërve e motrave nuk janë gjithmonë të lehta, sidomos kur në familje vjen një foshnjë e re. Është e natyrshme që fëmija më i madh të përjetojë ndjenja xhelozie, konkurrimi apo distancimi, por me qasje të durueshme dhe të qëndrueshme, lidhja mes tyre mund të forcohet gradualisht.

Mbani parasysh se afërsia nuk lind brenda natës, fëmijët kanë kohë të mjaftueshme për ta ndërtuar këtë marrëdhënie. Roli juaj si prind është ta lehtësoni këtë proces.

1. Jepini vëmendje të dedikuar fëmijës më të madh

Shpesh, pas ardhjes së një fëmije të vogël, vëmendja e prindërve shpërndahet në mënyrë të pabarabartë. Planifikoni çdo ditë të paktën 30 minuta vetëm për të madhin, pa shpërqendrime, ku mund të lexoni një libër, të bëni një aktivitet ose thjesht të bisedoni.

Ky “kohe vetëm për ju të dy” i tregon se është ende po aq i rëndësishëm dhe i dashur, gjë që zvogëlon ndjesinë se po e zëvendëson dikush tjetër, transmeton Telegrafi.

2. Menaxhoni xhelozinë me bisedë të hapur

Mos e minimizoni ndjenjën e xhelozisë – është një reagim normal. Inkurajojeni fëmijën të flasë hapur për emocionet e tij dhe dëgjojeni pa gjykim. Mund t’i thoni:

“E kuptoj që ndonjëherë është e vështirë. Edhe unë ndonjëherë ndihem kështu kur duhet të ndaj kohën dhe vëmendjen time.”

Kjo qasje jo vetëm që e lehtëson tensionin, por edhe forcon besimin mes jush.

3. Forconi rolin e vëllait ose motrës së madhe

Kur fëmija më i madh ndjen se ka një rol të veçantë dhe të vlefshëm në familje, vetëbesimi i tij rritet.

Lavdërojeni për gjeste të vogla ndihme: “Shiko si u qetësua bebja kur i buzëqeshe. Vetëm ti mund ta bësh atë të ndihet kështu.”

Përfshijeni në aktivitete të thjeshta kujdesi: t’i japë pelenat, t’ia mbajë shishen ose t’i zgjedhë rrobat.

Kështu, fëmija jo vetëm që ndjehet i dobishëm, por edhe fillon ta shohë të voglin si një “partner” dhe jo si konkurrent.

4. Mbani pritshmëri realiste

Mos prisni që fëmija më i madh të jetë gjithmonë i lumtur dhe i dashur ndaj të voglit. Ka ditë të mira dhe ditë më sfiduese.

Vazhdoni t’i përforconi sjelljet pozitive dhe të mos e qortoni rëndë për momentet e nervozizmit – ato janë pjesë e procesit të përshtatjes.

Këshillë shtesë:
Shpesh ndihmon edhe krijimi i “ritualit të vëllezërve/motrave” – një aktivitet i vogël që bëhet gjithmonë bashkë (p.sh. të thonë natën e mirë, të këndojnë një këngë ose të ndajnë një lodër të veçantë para gjumit). Ky ritual krijon një ndjenjë përkatësie dhe lidhjeje që rritet me kohën. /Telegrafi/

The post Kur i madhi nuk e duron të voglin: Si ta ktheni rivalitetin e fëmijëve në miqësi appeared first on Telegrafi.

Leximet e para nuk harrohen kurrë dhe janë një hap thelbësor në rritjen e një fëmije.

Por cila është mënyra e saktë për t’i afruar të vegjlit me librat? Si është e mundur t’i bëjmë ata të apasionuar pas leximit?

Identifikoni nivelin e duhur të vështirësisë për të filluar

Eshtë e rëndësishme që fëmija të përjetojë një ndjenjë sfide dhe një shkallë të mirë të kënaqësisë: nëse tregimi është shumë i vështirë, ose përtej mundësive të fëmijës, ekziston rreziku që ta bëjë atë të ndiejë zhgënjim dhe zemërim; nëse është shumë i lehtë, ose jo shumë stimulues, rrezikoni ta mërzitni atë.

Riti i të lexuarit

Eshtë e rëndësishme që leximi të bëhet pjesë e rutinës prind-fëmijë. Mund të jetë një herë në ditë, çdo dy ditë ose çdo javë: të dielën në mëngjes me një filxhan çaj bimor të zierë, në mbrëmje menjëherë pas darkës, të shtunën pasdite. Zhdukni të gjitha shpërqendrimet, mendimet dhe shqetësimet e jashtme, bëje të qetë dhe kushtojuni vetëm faqeve të librit që keni në dorë.

Rrëmbehuni nga leximi: emocione dhe argëtim

Roli i të rriturit është thelbësor për suksesin e aktivitetit. Gëzimi, argëtimi, imagjinata janë përbërësit për të përfshirë fëmijën dhe për të hapur mendjen e vet. Po aq e rëndësishme do të jetë, që prindi të ketë aftësinë të ndalet herë pas here, sepse vëmendja e fëmijëve ka një kohëzgjatje shumë të kufizuar.

Rëndësia e zërit për të artikuluar rrokjet dhe fjalët

Për fëmijën shumë fjalë dhe fraza janë thjesht një grup shkronjash ose rrokjesh. Prandaj, mbështetja juaj do të jetë thelbësore si për shqiptimin e saktë të fjalës, ashtu edhe për intonacionin e tërë fjalisë dhe për të kuptuar tekstin. Prandaj është e rëndësishme që së pari t’i jepet kënaqësia që ta lexojë fjalën në mënyrë të pavarur. Pastaj përsërisni fjalën e lexuar për të, duke qenë shumë të kujdesshëm për të vendosur theksin në rrokjen e saktë. Pasi fëmija të ketë lexuar të gjitha fjalët që përbëjnë fjalinë, ajo rilexohet, duke u siguruar që të jep intonacionin e saktë të zërit, të shtojë ngjyra në tekst dhe të lehtësojë të kuptuarit.

Rindërtoni të gjithë historinë së bashku

Pasi të keni lexuar fjalën e fundit të fjalisë së fundit, lexoni sërish tregimin së bashku. Tani që fëmija është njohur me fjalët, ai mund të përqendrohet në kuptimin e tekstit që ka lexuar. Pasi të lexoni përsëri historinë, përpiquni të argëtoheni me aktivitetet e propozuara në fund të tregimit, për të forcuar të kuptuarit tuaj për tekstin e lexuar./KultPlus.com

Një ngjarje e rëndë është regjistruar në një kompleks pushimi në Shëngjin, ku një fëmijë është rrezuar nga këndi i lojërave. Sipas policisë fëmija është rrëzuar në një kënd lojërash, në ambientet e një kompleksi pushimi, në Shëngjin. I mituri është transportuar me urgjence drejt Spitalit të Traumës në Tiranë. “Më datë 30.07.2025, rreth orës […]

The post U rrëzua në një kompleks pushimi në Shëngjin, i mituri pëson dëmtime të rënda appeared first on BoldNews.al.

Mbrëmjen e djeshme rreth orës 22:00, në spitalin e Lezhës, një fëmijë 2-vjeç është rrëzuar nga një kënd lojërash në një kompleks pushimi në Shëngjin.

Ai është dërguar fillimisht në spitalin e Lezhës nga familjarët dhe më pas është transportuar me urgjencë në Spitalin e Traumës në Tiranë.

Fatmirësisht, fëmija ndodhet jashtë rrezikut për jetën. Policia po heton për të zbardhur rrethanat e ngjarjes.

Njoftimi i policisë:

Shëngjin/Informacion paraprak

Më datë 30.07.2025, rreth orës 22:00, në spitalin e Lezhës, është dërguar nga familjarët, për mjekim, një fëmijë 2-vjeç. Sipas deklarimeve të familjarëve, fëmija është rrëzuar në një kënd lojërash, në ambientet e një kompleksi pushimi, në Shëngjin. 2-vjeçari është transportuar për ndihmë mjekësore në Spitalin e Traumës dhe është jashtë rrezikut për jetën.

Po punohet për verifikimin e rrethanave të rastit.

The post E rëndë në Shëngjin, 2-vjeçari rrëzohet nga këndi i lojërave, niset me urgjencë drejt Tiranës appeared first on Albeu.com.

Policia e Tiranës ka shpallur në kërkim 30-vjeçaren E.D, pas një kallëzimi të bërë nga bashkëshorti i saj. Çifti është në proces për zgjidhjen e martesës, ndërsa 30-vjeçarja akuzohet se ka marrë pa të drejtë fëmijën e tyre nga banesa familjare. ”Specialistët për Hetimin e Krimeve të Komisariatit të Policisë Nr. 6 shpallën në kërkim shtetasen E. D., 30 vjeçe, pasi ka kallëzuar bashkëshorti i saj…

Source

Këngëtarja e njohur shqiptare, Dafina Zeqiri, po përjeton një nga periudhat më të bukura dhe të rëndësishme të jetës së saj – pritjen për t’u bërë nënë për herë të parë.

Artistja, e njohur për stilin unik dhe ndjeshmërinë në muzikë, ka ndarë së fundmi me ndjekësit e saj një moment shumë personal dhe të ëmbël nga shtatzënia.

Në një fotografi të publikuar në Instagram, Dafina shfaqet e qetë dhe rrezatuese, ndërsa përqafon barkun e saj të rrumbullakosur me përkujdesje e dashuri.

Krahas imazhit, ajo ka shkruar: “Mezi pres të të mbaj në krah”, një frazë e thjeshtë, por thellësisht prekëse, që ka prekur mijëra ndjekës dhe fansa të saj.

Ky postim shënon një tjetër hap të afërt dhe emocional që Dafina po ndan me publikun, duke e bërë këtë përvojë kaq të veçantë jo vetëm për të, por edhe për komunitetin që e ndjek e e mbështet prej vitesh.

Gjatë muajve të fundit, këngëtarja ka qenë aktive në rrjete sociale, duke ndarë fragmente të shtatzënisë së saj.

Dafina Zeqiri është një nga artistet më të suksesshme në skenën shqiptare dhe më gjerë. Me një karrierë që përfshin hite të shumta dhe bashkëpunime të suksesshme ndër vite, ajo ka treguar se është një artiste e kompletuar.

The post Dafina Zeqiri emocionon me dedikimin e ndjerë për të birin: Mezi pres të të mbaj në krah appeared first on Albeu.com.

Një ngjarje e rëndë është regjistruar mbrëmjen e së martës në qytetin e Elbasanit, ku një fëmijë 6-vjeçar është gjetur i pajetë në lumin Shkumbin.

Sipas njoftimit zyrtar të Policisë së Elbasanit, rreth orës 19:50, shtetasja D. A. ka raportuar humbjen e nipit të saj, i cili kishte humbur kontaktet për rreth tre orë. Menjëherë pas njoftimit, forcat e policisë kanë nisur kërkimet intensive në zonë.

Rreth orës 21:30, trupit i pajetë i të miturit është gjetur buzë lumit Shkumbin, në lagjen “Çezme”. Nga këqyrja paraprake e trupit nuk janë konstatuar shenja dhune, ndërsa hetimet paraprake tregojnë se fëmija dyshohet të jetë mbytur aksidentalisht në lumë.

Policia bën të ditur se materialet procedurale janë referuar Prokurorisë së Elbasanit për vlerësim të mëtejshëm ligjor.

LEXONI GJITHASHTU:

• Hidhet në lumin Drin t’i japë fund jetës, policia shpëton 83-vjeçarin
• VIDEO| Gruaja në Vlorë tenton të mbytet në det, shpëtohet nga turistët

The post Tragjedi në Elbasan, gjendet i mbytur në lumin Shkumbin një fëmijë 6-vjeçar appeared first on Euronews Albania.

Terapia me muzikë ndihmon në përmirësimin e disponimit dhe përshpejtimin e periudhës së rikuperimit

Studimet tregojnë se muzika ka efekte të thella terapeutike në trurin e njeriut. Terapia muzikore përdoret gjithnjë e më shumë si një metodë mbështetëse në trajtimin e çrregullimeve emocionale dhe fizike, duke ndikuar pozitivisht në rritjen e disponimit dhe shërimin më të shpejtë pas sëmundjeve apo ndërhyrjeve të rënda mjekësore.

Mësimi i muzikës përshpejton rikuperimin edhe pas sulmit në tru

Hulumtimet klinike kanë vërtetuar se të luajturit një instrument muzikor aktivizon pjesë të trurit të lidhura me lëvizjen, kujtesën dhe emocioneve, gjë që ndihmon pacientët në rehabilitimin pas sulmeve cerebrale. Gjithashtu, tek fëmijët me çrregullime të të nxënit, si disleksia, muzika përmirëson përpunimin e tingujve dhe perceptimin e gjuhës, duke lehtësuar të kuptuarit e fjalëve dhe leximin, transmeton Telegrafi.

E ardhmja fillon në fëmijëri: Muzika si mburojë kundër demencës

Ekspozimi ndaj muzikës dhe trajnimi muzikor që në fëmijëri lidhet me funksione më të zhvilluara kognitive në moshë të shtyrë. Sipas studimeve, njerëzit që janë marrë me muzikë që në moshë të hershme kanë më pak gjasa të zhvillojnë demencë ose sëmundje neurodegjenerative si Alzheimeri.

Muzika përmirëson koordinimin

Gjatë luajtjes së një instrumenti muzikor, truri përpunon njëkohësisht informacionin vizual (notat), dëgjimin dhe lëvizjet fizike të koordinuara të duarve. Ky proces kompleks stimulon lidhjet neuronale, përmirëson reagimin e trurit dhe e zhvillon ndjeshëm koordinimin sy-duar, një aftësi e rëndësishme për jetën e përditshme.

Muzika e stërvit dëgjimin

Muzikantët kanë aftësinë për të dalluar zërat dhe tonet individuale në një ambient të mbushur me zhurmë. Mësimi i muzikës ndihmon në përpunimin e detajuar të sinjaleve dëgjimore, gjë që përmirëson jo vetëm dëgjimin selektiv, por edhe të kuptuarit e të folurit në mjedise të zhurmshme,  aftësi e çmuar, sidomos për fëmijët në mjediset shkollore.

Largon stresin dhe përmirëson shëndetin mendor

Të luajturit një instrument muzikor është një formë natyrale e relaksimit mendor. Muzika ndihmon në uljen e nivelit të kortizolit (hormonit të stresit), zvogëlon tensionin e gjakut dhe ndihmon në përballimin e ankthit, depresionit dhe çrregullimeve të gjumit. Madje, edhe dëgjimi aktiv i muzikës qetësuese mund të ketë efekte të ngjashme.

Ushtrim për trurin: Muzika mpreh kujtesën dhe mendimin

Luajtja e një instrumenti është një nga format më të fuqishme të ushtrimit të trurit. Ajo aktivizon njëkohësisht shumë zona të trurit, përfshirë ato që lidhen me kujtesën, planifikimin dhe kreativitetin. Kjo është arsyeja pse muzikantët tregojnë performancë më të mirë në detyra që kërkojnë përqendrim dhe kujtesë afatgjatë. Gjithashtu, studimet tregojnë se muzika mund të ngadalësojë përparimin e sëmundjeve degjenerative të trurit si Alzheimeri dhe demenca.

Në një kohë kur fëmijët po kalojnë gjithnjë e më shumë kohë para ekraneve, një instrument muzikor nuk është thjesht një alternativë, por një investim i vlefshëm për zhvillimin e tyre emocional, mendor dhe fizik. /Telegrafi/

The post Zgjedhja e mençur për fëmijën tuaj: Instrument muzikor në vend të pajisjeve elektronike appeared first on Telegrafi.

Një ngjarje e rëndë ka ndodhur në Gramsh, ku një fëmijë është paraqitur me shenja helmimi në spitalin e qytetit. Pas analizave të kryera, ka rezultuar që ushqimi ka pasur prani të salmonelës.

Kopshti, i cili ofron shërbim për drekë për fëmijët, është shtetëror, ndërkohë, grupet e hetimit janë vënë në dispozicion teksa kanë marrë gjithsej 72 mostra për analiza. Këto mostra përfshijnë fëmijët e kopshtit, çerdhes, si dhe punonjësit e institucioneve përkatëse. Nga këto mostra, 12 raste dyshohet të jenë të infektuara, ndërsa përgjigjet e analizave priten të dalin nesër.

Ndërkohë, një fëmijë ka rezultuar i konfirmuar lidhur me këtë rast, ai i cili u paraqit fillimisht në spital me shenja të helmimit.

LEXONI GJITHASHTU:

• Gjirokastër/ Starton festivali ndërkombëtar i muzikës klasike “Gjiroclassica”
• Rriten kërkesat për arsimin profesional, kryeson qyteti i Korçës

The post Gramsh/ Fëmija helmohet nga ushqimi i kopshtit, dyshohet për prani salmonele appeared first on Euronews Albania.

Fëmija sekret i Freddie Mercury është ‘zbuluar’ për herë të parë në 48 vjet, sipas një libri të ri tronditës.

Legjenda e grupit Queen pati një vajzë në vitin 1976 pas një aventure të gjatë me gruan e një miku të ngushtë.

Tani, ajo ka thyer heshtjen për të zbuluar ekzistencën e saj, e cila deri më tani ishte e njohur vetëm nga shokët e grupit të Freddie-t, prindërit, motra dhe partnerja e tij prej kohësh, Mary Austin

Ajo ka folur për herë të parë në një libër të ri, Love, Freddie shkruar nga biografja Lesley-Ann Jones.

Megjithatë, ajo përmendet vetëm si B në biografi.

Përpara se këngëtari ikonik të vdiste nga pneumonia e shkaktuar nga SIDA në vitin 1991, Freddie i dha vajzës së tij 17 vëllime me ditarët e tij personalë.

Ajo i mbajti sekret për vite me radhë, por së fundmi ia dorëzoi autores për të formuar bazën e librit që do të dalë më vonë këtë vit.

Gruaja, e cila ka lindur në vitin 1976, thotë se gjithmonë e ka ditur se këngëtari legjendar ishte babai i saj – pavarësisht se është rritur nga një familje e dashur.

Ajo jeton në Evropë duke punuar si profesioniste mjekësore me fëmijët e saj, duke e bërë Freddie-n një gjysh pas vdekjes.

Përpara vdekjes së tij tragjike në moshën 45 vjeç, Freddie kishte një numër marrëdhëniesh me burra dhe gra.

 

LEXONI GJITHASHTU:

• Aktori Van Damme mesazh Putinit: Dua të vizitoj Rusinë si ‘ambasador i paqes’
• Depardieu sërish në gjykatë, aktori i njohur akuzohet për ngacmim seksual të 2 grave

The post Zbulohet fëmija sekret i Freddie Mercury, lindi pas aventurës me gruan e… appeared first on Euronews Albania.

Shërbimi Klinik Universitar i Kosovës ka bërë të ditur se në Klinikën e Otorinolaringologjisë të Qendrës Klinike dhe Universitare të Kosovës është shpëtuar jeta e një fëmije 5-vjeçar, i cili kishte aspiruar një farë të paqëruar luledielli që kishte bllokuar rrugët kryesore të frymëmarrjes.

Në njoftim thuhet se falë reagimit të shpejtë të ekipit kujdestar të ORL-së, i udhëhequr nga doktor Flamur Ukaj, otorinolaringolog, dhe bashkëpunimit të menjëhershëm me ekipin kujdestar të Anesteziologjisë, nga doktor Valmir Idrizi, u realizua me sukses ndërhyrja urgjente (trakobronkoskopi rigjid), me ç’rast u largua trupi i huaj dhe u shpëtua jeta e fëmiut.

“Fëmija është në gjendje stabile dhe është lëshuar në shtëpi pa komplikime. QKUK, apelon tek të gjithë prindërit që të kenë kujdes të shtuar ndaj fëmijëve të vegjël, duke shmangur kontaktin me trupa të huaj si fara, kikirikë, pjesë të vogla lodrash etj., pasi mund të paraqesin rrezik serioz për jetën e tyre”, thuhet në njoftim.

Në ekip morën pjesë edhe instrumentarja e sallës së ORL-së dhe specializantët nga ORL dhe Anesteziologjia. /Telegrafi/

The post Shpëtohet jeta e një 5-vjeçari në Klinikën e ORL-së, i ishin bllokuar rrugët e frymëmarrjes nga një farë e lulediellit appeared first on Telegrafi.

Një 3-vjeçar dyshohet se është dhunuar në një çerdhe në Shkodër. Ka qenë e ëma e vogëlushit, ajo e cila ka bërë ditën e djeshme denoncimi në Polici, e cila pretendon se djali i saj ka patur një dëmtim në qafë, e cila i është bërë gjatë kohës që ka qenë në çerdhe. “Specialistët për […]

The post Denoncon e ëma, një 3-vjeçar dhunohet në një çerdhe në Shkodër appeared first on BoldNews.al.

Policia e Beratit ka arrestuar një grua, e cila akuzohet se ka plagosur me thikë partneren e ish-bashkëshortit të saj. Në pranga është vënë shtetasja P. Sh., 42 vjeçe, banuese në fshatin Kamçisht, Berat. Raportohet se ajo ka goditur me thikë partneren e ish-burrit, pasi kjo e fundit i ka dhunuar djalin e saj të […]

The post I rrahu të birin, 42-vjeçarja nga Berati plagos me thikë partneren e ish-bashkëshortit appeared first on BoldNews.al.

Një i mitur rreth moshës 3-4 vjeç është gjetur sot nga qytetarët në Tiranë në bulevardin ‘Dëshmorët e Kombit’, pa praninë e prindit. Ai ishte veshur me xhinse blu dhe bluzë po ngjyrë blu me kapuç. Fëmija i mitur u dërgua në ambientet e policisë së Tiranë, teksa policia i bën thirrje familjarëve apo të […]

The post Qytetarët gjejnë fëmijën në Tiranë pa praninë e prindit! I mituri dërgohet në polici appeared first on BoldNews.al.

Prindi i një fëmije në kryeqytet ka ka bërë një denoncim ne komisariatin Nr.3 lidhur me trajtimin e fëmijës së tij në kopshtin privat “BUCKO”.

Sipas denoncimit, fëmija është sulmuar për dy ditë me radhë nga një tjetër fëmijë në institucion, ndërsa stafi pedagogjik dhe drejtuesit e kopshtit janë akuzuar për mosreagim.

Nga komisariati thonë se janë mbledhur të gjitha materialet nga kamerat e sigurisë dhe po vazhdojnë hetimet.

The post Stafi edukativ fsheh ngjarjen/ Fëmija sulmohet fizikisht për dy ditë radhazi në kopshtin privat appeared first on Sot News | Lajme.

Raporti i Wall Street Journal që zbuloi planin sekret të Elon Musk për të pasur sa më shumë fëmijë të jetë e mundur, si pjesë e qëllimit të tij për të trajtuar… rënien e popullsisë globale ka shkaktuar një sensacion.

Personi më i njohur në mesin e grave që dyshohet se iu afrua manjatit është influencuesja Ashley St. Clair, e cila muajt e fundit ka pretenduar se është nëna e 13-të nga 14 fëmijët e Musk.

Duke folur për WSJ, St. Clair përshkruan se si kishte një fëmijë me Elon Musk, duke pretenduar se ai i ofroi asaj 15 milionë dollarë për të mbajtur heshtje për shtatzëninë dhe fëmijën. Sipas 26-vjeçares, konceptimi i Romulusit, siç është emri i djalit 7 muajsh që ajo thotë se ka me Musk, ka ndodhur gjatë një udhëtimi të Vitit të Ri.

Ajo pretendon se Musk kishte filluar të bënte shaka se “duhet të zgjedhim një emër” për fëmijën që do të kishin kur të bënin seks për herë të parë.

Sipas përshkrimit të gruas, në udhëtimin në fjalë ajo i tha Musk se ishte duke ovuluar, ndërsa ai u përgjigj: “Çfarë po presim?”

Siç raportohet në botim, negociatat për periudhën e ardhshme u ndërmorën nga menaxheri financiar i Musk, Jared Birchhall, i cili dyshohet se ofroi 15 milionë dollarë në shumën e përgjithshme dhe 100,000 dollarë në muaj në mënyrë që 26-vjeçarja të pranonte kushtet e Musk.

Mes tyre, sipas Wall Street Journal, Elon Musk kërkoi që fëmija të lindte me prerje cezariane, duke argumentuar se lindja normale kufizon madhësinë e trurit të të porsalindurit. Në të njëjtën kohë, thuhet se ai kërkoi të mos bëhej synet.

Artikulli raporton gjithashtu se një gjykatë e Nju Jorkut urdhëroi një test të atësisë që tregoi se fëmija i 26-vjeçares ka 99,9999% gjasa të jetë babai i Musk.

“Legjioni” i fëmijëve para Apokalipsit

Siç dihet, Musk është thellësisht i shqetësuar për rënien e popullsisë së botës. “Për të arritur në nivelin e legjionit përpara Apokalipsit, do të duhet të përdorim nënat surrogate”, shkroi ai në një mesazh.

Kur e pyetën me shaka nëse po kryente detyrën, ai u përgjigj: “Duhet të praktikosh atë që thua”. Pra, po, unë kam shumë fëmijë dhe inkurajoj të tjerët të kenë shumë fëmijë”.

The post Zbulime për “legjionin” e Musk, dha 15 milionë dollarë gruas që lindi fëmijën e tij appeared first on Albeu.com.

Së fundmi në rrjetet sociale, një pretendim mjaft delikat ka qarkulluar duke sugjeruar se këngëtarja Egli Tako, ka humbur një fëmijë gjatë lidhjes së saj me aktorin dhe këngëtarin e njohur Olsi Bylyku.

Ky pretendim, u bë viral pas një story që Egli publikoi dy vite më parë në “Instagram”, ku ajo përshkruante një moment të dhimbshëm dhe të ngarkuar emocionalisht.

Në postimin e saj, Egli shkruante: “Ky ishte vendi ku ti mbroheshe, flije dhe ku pushove në paqe! Vendosa të të mbaj këtu përgjithmonë, ta mbaj këtë vend mbushur me ty, njësoj si zemrën time! Till we meet each other again snow. Mami të do!”.

Ky mesazh i ngarkuar emocionalisht, ka ngritur dyshime dhe ka bërë që disa individë të spekulonin se ai mund të ishte një aludim, për një humbje fëmijësh të mundshme.

Megjithatë, reagimi i familjarëve të këngëtares ka qenë i fortë dhe i drejtpërdrejtë. Ata, të cilët aktualisht menaxhojnë profilin zyrtar të Eglit në “Instagram”, kanë mohuar kategorikisht këto thashetheme, duke i quajtur ato spekulime të pabaza dhe të pavërtetuara.

Ata gjithashtu, kërkuan që përhapja e këtyre thashethemeve të ndalohej menjëherë, pasi ato cenojnë jetën private të Eglit dhe ndodhin në një moment të ndjeshëm për të.

 

 

Në një reagim të ashpër, familjarët e këngëtares shkruan: “Lat nam. Zotin ju kemi lënë se ju qenkeni fundi, s’ka më keq!”,

Ky reagim është një apel për të ndaluar përhapjen e spekulimeve të dëmshme dhe për të mbrojtur privatësinë dhe dinjitetin e Eglit.

Në këtë situatë, Egli është e mbyllur në shtëpinë e “Big Brother VIP Albania”, dhe për shkak të rregullave të këtij programi, ajo nuk ka mundësi të reagojë direkt.

Kjo ka shtuar edhe më shumë tensionin dhe ka nxitur reagime të forta nga familjarët e saj, të cilët kanë kërkuar respekt për të dhe për jetën e saj personale.

The post Egli Tako ka humbur një fëmijë gjatë lidhjes me Olsi Bylykun? Reagojnë ashpër familjarët e banores appeared first on Albeu.com.

Kur bëheni prindër, një nga pyetjet e para që lind është: “Pse po qan fëmija im?” Pavarësisht se sa shumë përpiqeni ta qetësoni fëmijën tuaj, ndonjëherë duket se asgjë nuk ju ndihmon.

Pikërisht kur menduat se fëmija ishte qetësuar, befas fillon të qajë. Për të ditur se si ta qetësoni fëmijën tuaj, është thelbësore të kuptoni shkakun e këtyre lotëve.

Çdo bebe nervozohet kur është i uritur dhe kjo shpesh manifestohet me të qara. Nëse foshnja qan në intervale ritmike, kushtojini vëmendje sjelljes së tij. Kur fëmija fillon të godasë buzët, të thithë duart ose të kthejë kokën në përpjekje për të gjetur gjoksin ose shishen, këto janë shenja të qarta se ai është i uritur dhe është koha për të ushqyer.

Foshnjat ndonjëherë e kanë të vështirë të bien në gjumë sepse gjumi kërkon disa aftësi që të porsalindurit nuk i kanë zhvilluar ende. Ritmi cirkadian, i cili rregullon gjumin, vendoset vetëm rreth muajit të katërt të moshës. Edhe pse të porsalindurit jo gjithmonë mund të bien në gjumë vetë, prindërit mund ta ndihmojnë foshnjën të flejë dhe të krijojë një model të shëndetshëm gjumi.

Disa foshnja mund të shtrihen ende në pelena të lagura ose të pista, ndërsa të tjerët reagojnë menjëherë duke qarë. Nëse vëreni fëmijën tuaj duke qarë, kontrolloni gjithmonë pelenën për t’u siguruar që është e pastër dhe e thatë.

Nëse foshnja qan menjëherë pas ushqyerjes, mund të nënkuptojë se ai duhet të ndihmohet për të gromësirë. Ndonjëherë, megjithatë, një foshnjë mund të ketë nevojë të gromësijë në raste të tjera, të tilla si pas lemzës ose duke qarë.

Dalja e dhëmbëve është një tjetër arsye pse foshnjat mund të qajnë. Edhe pse zakonisht fillon rreth muajit të katërt, dhimbja që shkakton dalja e dhëmbëve mund të jetë mjaft e pakëndshme. Përveç të qarit, shenjat e daljes së dhëmbëve përfshijnë shtimin e jargës dhe thithjen e gjithçkaje që mund të arrijë fëmija.

Kuptimi i arsyeve për të qarat e foshnjës suaj mund t’ju ndihmojë të gjeni mënyrën e duhur për ta qetësuar atë dhe për t’iu përgjigjur nevojave të saj.

The post Arsyet më të zakonshme pse foshnjat qajnë: Si t’i njohim dhe të reagojmë shpejt? appeared first on Telegrafi.

Një ngjarje e rëndë ka ndodhur në 27 Korrik të vitit 2021 në Maternitetin “Koço Gliozheni” në Tiranë. Një vajzë e sapolindur ka humbur jetën pas dy ditësh, pasi gjinekologët kanë përdorur pajisjen e quajtur Forceps, për ta tërhequr bebin. Foshnja u dëmtua në kokë, e pas dy ditësh nuk ia doli. Adelina Zeqiri, nëna […]

The post Kriminale/ Fëmija vdes në Maternitetin “Koço Gliozheni” dy ditë pas lindjes, e dëmtojnë mjekët appeared first on BoldNews.al.

Si prindër, shpesh ballafaqohemi me deklarata të ndryshme nga fëmijët tanë – nga komentet e përditshme e deri te vërejtjet më serioze. Ndërsa disa mund të duken të padëmshme, disa deklarata mund të tregojnë çështje ose nevoja më të thella që nuk duhet t’i shpërfillim. Njohja dhe përgjigjja në kohën e duhur ndaj deklaratave të tilla është thelbësore për shëndetin emocional dhe psikologjik të fëmijës.

Pra, sipas ekspertëve të ndryshëm, këto janë disa fraza që prindërit nuk duhet t’i anashkalojnë.

“Askush nuk më do”

Kur një fëmijë shpreh ndjenjat e mospranimit ose vetmisë, mund të sinjalizojë probleme me marrëdhëniet me bashkëmoshatarët ose vetëbesim të ulët. Është e rëndësishme të eksplorohen arsyet e ndjenjave të tilla dhe t’i ofrohet mbështetje fëmijës në ndërtimin e një imazhi pozitiv për veten.

“Unë nuk dua të shkoj në shkollë”

Refuzimi për të shkuar në shkollë mund të tregojë probleme të ndryshme, si vështirësi në të mësuar, konflikte me bashkëmoshatarët, apo edhe ngacmim. Në vend që të supozojmë menjëherë se është dembelizëm, duhet të flasim me fëmijën dhe të përpiqemi të kuptojmë se çfarë po e shqetëson atë.

“Të urrej”

Edhe pse kjo lloj deklarate mund të jetë e dhimbshme për prindërit, ajo shpesh thuhet në një moment zhgënjimi ose zemërimi. Në vend që të reagojmë në mënyrë mbrojtëse, duhet të qëndrojmë të qetë dhe ta ndihmojmë fëmijën të shprehë ndjenjat e tij në një mënyrë konstruktive.

“Unë dua të jem vetëm”

Nevoja për t’u tërhequr mund të jetë normale në faza të caktuara të zhvillimit, por nëse një fëmijë shmang vazhdimisht shoqërinë ose aktivitetet që më parë i kanë sjellë gëzim, kjo mund të tregojë probleme më serioze. Është e rëndësishme të monitorohet një sjellje e tillë dhe, nëse ajo vazhdon, të kërkoni ndihmë profesionale.

“Ti nuk më dëgjon kurrë”

Nëse një fëmijë mendon se një prind nuk po i dëgjon, kjo mund të çojë në zhgënjim dhe ndjenja të neglizhencës. Dëgjimi aktiv dhe vërtetimi i ndjenjave të fëmijës ndihmon në ndërtimin e besimit dhe komunikimit të hapur. Sipas këshilltares dhe terapistes së shëndetit mendor Dr. Kailey Spini Horan , vërtetimi i ndjenjave të fëmijës është çelësi për përmirësimin e ndërveprimeve prind-fëmijë dhe reduktimin e konfliktit.

Njohja e këtyre pohimeve dhe kuptimi i kuptimeve të tyre të mundshme na ndihmon të mbështesim më mirë fëmijët tanë në përballjen e sfidave. Biseda e hapur dhe empatike është çelësi për ndërtimin e besimit dhe sigurisë në një mjedis familjar.

The post Pesë deklarata të fëmijëve që prindërit nuk duhet t’i injorojnë appeared first on Telegrafi.