Këtë sezon, James Milner do të bëhet vetëm lojtari i tretë që luan në Ligën Premier në moshën 40-vjeçare, dhe për veteranin e futbollit do të jetë sezoni i tij i 24-të në radhët elitare të futbollit anglez, të cilit do t’i hyjë me një numër të ri në fanellë.

Milner vendosi ta mbajë numrin 20 në shpinë në sezonin e ri në nder të ish-shokut të tij të skuadrës nga Liverpooli, Diogo Jota, i cili humbi jetën tragjikisht javë më parë.

Te Brighton, Milner mbante fanellën me numër 6, por pasi iu dha mundësia, vendosi ta ndryshonte atë numër në kujtim të Jotës.

“Kur dëgjova se Carlos Baleba donte të ndryshonte numrin e tij dhe tani numri 20 është i lirë, doja ta bëja nga respekti dhe si një mënyrë për t’i bërë dedikim Diogos, i cili ishte një lojtar fantastik dhe të cilin isha shumë krenar ta quaja mikun tim. Do të jetë një nder i madh ta mbaj këtë numër në shpinë”, tha fillimisht Milner.

The lowdown on our new 25/26 numbers… pic.twitter.com/3YKtoEoZdQ

— Brighton & Hove Albion (@OfficialBHAFC) August 1, 2025

Milner theksoi se gjatë udhëtimeve me klubin ai flet me shokët e skuadrës për Jotan dhe bëmat e tyre me fanellën e Liverpoolit, duke theksuar se i pëlqente të ndante fushën dhe dhomën e zhveshjes me portugezin e ndjerë.

“Ai ishte një njeri fantastik, familjar, dikush që gjithmonë e doje pranë teje. Do t’u mungojë të gjithëve. Të gjithë atyre që e njihnin dhe të gjithë atyre që e donin si lojtar”, përfundoi anglezi.

Në nder të Jotës, Liverpooli tërhoqi numrin 20 në të gjitha ekipet.

Është hera e parë në historinë 133-vjeçare të klubit të Liverpoolit që një fanellë është tërhequr nga qarkullimi. /Telegrafi/

Introducing our 25/26 squad numbers! pic.twitter.com/iWmjmsVcmi

— Brighton & Hove Albion (@OfficialBHAFC) August 1, 2025

Same players, new numbers! pic.twitter.com/MirdBWlXCf

— Brighton & Hove Albion (@OfficialBHAFC) August 1, 2025

The post Milner ndryshon numrin e fanellës te Brighton, befason me zgjedhjen e tij appeared first on Telegrafi.

Pervis Estupinan është futbollisti më i ri i Milan. Mbrojtësi 27-vjeçar vendosi që të mbyllte aventurën e tij me Brighton për të nisur një të re në Serie A italiane, duke marrë vendin e Theo Hernandez. Ekuadoriani ka firmosur me kuqezinjtë kontratë 5-vjeçare, pra të vlefshme deri në verën e vitit 2025. Ndërkohë që për […]

The post Milan prezanton pasuesin e Theo Hernandez, kuqezinjtë paguajnë 17 milionë euro appeared first on BoldNews.al.

Ndjekja e Chelseat për sulmuesin e Brighton, Joao Pedro, përballet me një pengesë të madhe, pasi braziliani 23-vjeçar kërkon një garanci për të qenë sulmuesi i parë i zgjedhur në çdo klub të ri të mundshëm.

Sipas raportimeve, lojtari nuk është i gatshëm të bashkohet me një ekip ku nuk do t’i sigurohen ndeshje të rregullta si titullar.

Te Chelsea, Pedro do të përballet me konkurrencë të fortë nga Nicolas Jackson dhe Liam Delap i nënshkruar së fundmi, i cili tashmë ka lënë gjurmë nën drejtimin e Enzo Marescas në Kupën e Botës për Klube.

Lexo po ashtu Super kompjuteri i Optas parashikon fituesin e Kupës së Botës për Klube - asnjë shpresë për Real Madridin

Forma mbresëlënëse e Delap dhe njohja e mirë e taktikave të Marescas e bëjnë atë një pretendent të fortë për një vend në formacionin titullar.

Brighton thuhet se kërkon rreth 70 milionë euro për Pedron, që është dyfishi i shumës që Chelsea pagoi për Delap.

Ndërsa Pedro ka shënuar 10 gola në Ligën Premier, 12 golat e Delap dhe diferenca më e mirë e bëjnë atë një transferim më tërheqës në krahasim.

Kërkesat e Pedros përbëjnë një sfidë për Chelsean, e cila mund të ketë vështirësi t’i garantojë atij një vend titullar. /Telegrafi/

The post Joao Pedro i vendos kushte Chelseat për t’u transferuar në Stamford Bridge appeared first on Telegrafi.

Java e 29-të e Premier League solli sfida të vështira: Manchester City nuk arriti të fitonte për herë të dytë radhazi, edhe pse ishte në avantazh dy herë me Haaland dhe Marmoush. Citizens u arritën nga Brighton për një barazim 2-2, madje rrezikuan edhe humbjen. City mund të largohet nga zona Champions, ndërsa Nottingham Forest forcon vendin e tretë me një fitore 4-2 ndaj Ipswich. Në rikthimin e Armando Brojës në fushë pas dëmtimit të gjatë, Everton ndal West Ham-in (1-1), ndërsa Wolverhampton triumfon në transfertë.

MANCHESTER CITY-BRIGHTON 2-2

Manchester City nuk arrin të marrë tre pikët dhe, në mënyrë paradoksale, mund të jetë i kënaqur me një barazim 2-2 ndaj Brighton, që ndoshta e meritonte më shumë. Ndeshja nisi vrullshëm për “Pulëbardhat”, të cilëve iu anulua një gol i Mitomës, por në minutën e 9-të ishte City që kaloi në avantazh: Webster shkaktoi penallti ndaj Marmoush, dhe Haaland nuk gaboi nga pika e bardhë. Brighton barazoi me një goditje dënimi nga Estupiñán (22’), por më pas rrezikoi shumë: Savinho pati dy raste të mira, ndërsa Minteh gjithashtu ishte afër golit. Në minutën e 39-të, City kaloi sërish në avantazh me një gjuajtje të bukur nga distanca të Marmoush, por epërsia zgjati vetëm nëntë minuta.

Lexo më tej: Guardiola e Cristina u divorcuan për shkak të City: familja u befasua nga vendimi

Në pjesën e dytë, një autogol i pafat i Khusanov (48’) vulosi përfundimisht barazimin 2-2. Të dyja skuadrat patën mundësi të tjera shënimi: Baleba dhe Minteh ishin shumë pranë golit, ndërsa Nico goditi shtyllën. Në fund, asnjëra nuk arriti të fitonte. Brighton ngjitet në top-7 me 47 pikë, ndërsa Guardiola mbetet me 48 dhe mund të bjerë më poshtë në renditje.

IPSWICH-NOTTINGHAM FOREST 2-4

Nottingham Forest vazhdon ecurinë fantastike, duke dominuar Ipswich-in në transfertë me një fitore 4-2 dhe duke forcuar pozitën e tretë. Vendasit nisën më mirë me një rast të Delap, por më pas ishin miqtë që morën kontrollin. Gibbs-White testoi fillimisht Palmer, dhe nga një goditje këndi që pasoi, Milenkovic shënoi për 1-0 në minutën e 35-të. Aty filloi spektakli i Nottingham-it, që shënoi tre herë në gjashtë minuta: Elanga realizoi një dopietë të shpejtë, duke e çuar rezultatin në 3-0 në pjesën e parë. Kalvin Phillips provoi të rikthente Ipswich-in në lojë, por pa sukses, ndërsa Sels ndali një rast të rrezikshëm të Davis.

Në pjesën e dytë, Gibbs-White dhe Yates ishin pranë golit të katërt për miqtë, por Ipswich reagoi vetëm në minutën e 82-të me një gol të Cajuste. Çdo shpresë për vendasit u shua në minutën e 86-të kur Jota Silva realizoi për 4-1. Hirst shënoi në minutën e 93-të për Ipswich-in, por nuk mjaftoi: ata mbeten me 17 pikë dhe -9 nga shpëtimi. Nottingham Forest arrin në 54 pikë dhe afrohet me zonën Champions.

EVERTON-WEST HAM 1-1

Everton dhe West Ham ndanë pikët në një ndeshje pa shumë raste, por me shumë ekuilibër. “Çekanët” e nisën më mirë, por rastet më të mira në pjesën e parë ishin për Everton-in: Beto dhe O’Brien nuk mundën të kalonin Areola, ndërsa një penallti e dhënë për ish-sulmuesin e Udinese u anulua nga VAR. Në pjesën e dytë, ritmi u rrit dhe Bowen u bë protagonist. Ai fillimisht ishte pranë golit, pastaj asistoi Souçek për avantazhin e West Ham-it në minutën e 67-të. Dhjetë minuta në fushë për sulmuesin e kombëtares Armando Broja. E pas hyrjes së tij, Everton barazoi në minutën e 91′ me një asist të Gueye dhe finalizimin e O’Brien. Rezultati përfundimtar ishte 1-1, duke i çuar të dyja skuadrat në 34 pikë, ku për momentin barazojnë me Manchester United dhe Tottenham.

SOUTHAMPTON-WOLVERHAMPTON 1-2

Një tjetër humbje për Southampton, që ndonëse luajti mirë, pësoi disfatën e 21-të të sezonit dhe të katërtën radhazi. Vendasit sulmuan që në fillim me Sulemana dhe Mateus Fernandes, por u ndalën nga portieri Sà dhe nga gabimet e tyre. Wolves e shfrytëzoi këtë dhe kaloi në avantazh në minutën e 19-të me një krosim të Bellegarde dhe finalizimin e Strand Larsen. Munetsi kishte dy mundësi për të dyfishuar shifrat, ndërsa edhe Southampton ishte pranë barazimit me Harwood-Bellis.

Në pjesën e dytë, trajneri Juric futi Onuachu në lojë, por skuadra e tij u ndëshkua sërish: Bellegarde asistoi përsëri Strand Larsen për 2-0 në minutën e 47-të. Southampton bëri një sulm të fortë në fund dhe më në fund shënoi në minutën e 74-të me Onuachu, i cili reagoi pas një topi në shtyllë nga Dibling. Megjithatë, kjo nuk mjaftoi për pikë, dhe Southampton mbetet i fundit me 9 pikë, shumë pranë rënies nga kategoria. Wolves, ndërkohë, ngjiten në 26 pikë dhe praktikisht sigurojnë mbijetesën, duke qenë 9 pikë mbi Ipswich dhe Leicester.

The post City ndalet dy herë, Brighton i rrëmben pikën: rikthehet Broja me Everton appeared first on Lapsi.al.

Manchester City bën një tjetër hap fals, që tani vë në rrezik dhe kualifikimin për në Champions League për sezonin e ardhshëm. Ekipi i drejtuar nga Guardiola ka barazuar 2-2 në shtëpi ndaj Brighton. “Qytetarët” gjetën golin që në minutën e 10-të me Haaland, norvegjezi shënoi nga pika e bardhë e penalltisë. Estupinan barazon shifrat […]

The post Man.City ndalet nga Brighton, rrezikon për të siguruar “biletën” për në Champions League appeared first on BoldNews.al.

Betejat e transferimeve të Ligën Premier vazhdojnë, me Chelsean që kërkon të transferojë anësorin e Brightonit, Kaoru Mitoma, sipas Fichajes.

Blutë thuhet se janë të përgatitur të ofrojnë 90 milionë euro për reprezentuesin japonez, i cili ka qenë një nga lojtarët më të spikatur të ligës këtë sezon.

Chelsea, nën Enzo Maresca, e sheh Mitoman si një shtesë ideale për të shtuar ritmin dhe kreativitetin në sulmin e tyre, duke zëvendësuar potencialisht Mykhailo Mudryk.

Shkathtësia e tij në të dy krahët e bën atë një objektiv kyç për skuadrën e Stamford Bridge.

Që nga bashkimi me Brighton, Mitoma ka shkëlqyer në situatat një-në-një dhe ka qenë një kërcënim vendimtar sulmues.

Ndërsa Brighton ende nuk ka komentuar për interesimin e Chelseat, lëvizja mund të jetë një goditje e rëndësishme për ta nëse transferimi kryhet. /Telegrafi/

The post Chelsea ofron 90 milionë euro për lojtarin që i shpartalloi së fundmi appeared first on Telegrafi.

Një nga historitë më të çmendura të ditës së fundit të afatit kalimtar vjen nga Anglia, ku Brighton nënshkroi sulmuesin grek Stefanos Tzimas për 25 milionë euro.

Reprezentuesi i ri grek fillimisht u soll nga Nuremberg për 18 milionë euro, sa ishte shuma që duhej t’i paguanin PAOK-ut për të blerë kartonin e tij dhe më pas e shitën në Angli vetëm disa orë më vonë.

Nuremberg bëri kështu një blerje rekord për një klub në divizionin e dytë gjerman dhe menjëherë e rishiti atë në Angli për shtatë milionë më shumë.

Brighton have completed a deadline day move for sought-after Nurnberg striker Stefanos Tzimas in a deal worth an initial £20m #TDD pic.twitter.com/J3pEAzkICV

— Sky Sports (@SkySports) February 3, 2025

Interesant është fakti se Tzimas do të qëndrojë në huazim në klubin e divizionit të dytë gjerman deri në fund të sezonit, pasi ka bërë një nga marrëveshjet më të mira në këtë afat kalimtar.

“Jam shumë i lumtur që ëndrra ime për të luajtur në Ligën Premier do të realizohet këtë verë. Dua të falënderoj Nurnberg për mundësinë që më kanë dhënë dhe besimin që kanë treguar tek unë”, ka thënë Tzimas.

Quite a crazy Deadline Day for Stefanos Tzimas pic.twitter.com/wCwDUfYBYg

— Matt Hayes (@matthayesthfc) February 3, 2025

“Ne kemi thënë tashmë se ai ishte një lojtar i mirë, por nuk mund ta dinim se do të ishte kaq i mirë”, pranon drejtori sportiv i Nurnberg, Olaf Rebbe.

Këtë sezon, Tzimas ka shënuar dhjetë gola dhe ka shtuar dy asistime në 18 ndeshje të luajtura për Nurnberg. /Telegrafi/

The post Historia më e çmendur e afatit kalimtar: Blejtën një sulmues 18 milionë euro, e shitën menjëherë për 25 milionë, por e mbajtën deri në verë appeared first on Telegrafi.

Tifozët janë të shokuar pasi kanë parë se çfarë po përgatitet të ofrojë skuadra e Ligës Pro Saudite, Al Nassr për Kaoru Mitoman e Brightonit.

Me afrimin e ditëve të fundit të afatit kalimtar të janarit, Saudi Pro League ka qenë jashtëzakonisht e zënë në tregun e transferimeve, duke nënshkruar me disa nga emrat më të mëdhenj të sportit.

Të mërkurën, disa raportime pohuan se klubi saudit Al Nassr ka rënë dakord për kushtet me sulmuesin e ri shumë të vlerësuar të Aston Villa, Jhon Duran, me klubin e Ligës Premier që do të marrë më shumë se 70 milionë euro plus bonuse.

Por, duket se Al Nassr nuk ka përfunduar atje, pasi raportimet e reja kanë zbuluar se ata po përgatisin një tjetër ofertë masive për Kaoru Mitoman dhe fansat nuk mund ta besojnë tarifën.

Sipas The Athletic, Al Nassr paraqiti ofertën e parë zyrtare për ndërkombëtarin japonez të enjten, duke ofruar një tarifë transferimi prej 65 milionë euro për të siguruar shërbimet e tij.

Megjithatë, Brighton vendosi të refuzojë ofertën pasi ata hezitojnë të lënë Mitoman, i cili nënshkroi një kontratë të re në tetor 2023 duke e mbajtur atë në klub në 2027, të largohet nga klubi këtë muaj.

Por refuzimi i shpejtë i ofertës së parë të Al Nassr nga ana e skuadrës së Ligës Premier thuhet se nuk do të mjaftojë për t’i penguar ata, pasi korrespondenti i CBS Sports, James Benge ka pohuar se skuadra saudite po përgatit një ofertë të dytë rekord për klubin për Mitoma me vlerë deri në 100 milionë euro.

Siç qëndron, Duran do të bëhet transferimi rekord i Al Nassr sapo të konfirmohet, por nëse oferta e klubit të Pro League Saudite për Mitoman tejkalon 70 milionë euro të paguara për sulmuesin, ata do të thyejnë tarifën e tyre rekorde për herë të dytë në dy ditë.

Duke parë raportimet e ofertave në mediat sociale, është e sigurt të thuhet se tifozët e futbollit janë mahnitur.

Lexo po ashtu ChatGPT vs DeepSeek: Kush janë njëmbëdhjetë futbollistët më të mirë në histori?

Duke reaguar ndaj lajmit, një fans shkroi: “100 milionë?! Loja e bukur me të vërtetë ka përfunduar, ka vdekur”.

Ndërsa njëri komentoi: “Unë nuk e di se çfarë është më e egër që 100 milionët apo Brightoni të ngurrojnë”.

Dhe një tjetër pohoi: “Brighton patjetër do ta shesë. Ata nuk bëjnë shaka me marrëveshje të tilla. 1000 milionë janë të mëdha, është vetëm çështje kohe tani”. /Telegrafi/

The post Tifozët e futbollit nuk mund ta besojnë se për sa po shitet Mitoma te Al Nassr appeared first on Telegrafi.

Manchester United i drejtuar nga Amorim ende nuk po arrin të gjejë vazhdimësinë në rezultate për të dalë nga situata e vështirë në renditje, e cila nuk është aspak në përputhje me emrin dhe buxhetin e lartë të pagave të klubit. Pas barazimit me kryesuesit e Liverpool dhe fitoreve në FA Cup ndaj Arsenal dhe në Premier League kundër Southampton, Brighton i ka dhënë fund serisë pozitive të “Djajve të Kuq” duke triumfuar në “Old Trafford” me rezultatin 3-1. Kjo humbje ka nxjerrë sërish në pah problemet kronike të skuadrës së teknikut portugez, ku një ndër to është edhe forma e portierit André Onana, i cili përsëri është bërë protagonist për një gafë të rëndë që i dha golin e tretë ekipit kundërshtar dhe vulosi humbjen e United.

Portieri 28-vjeçar kamerunas bëri një gabim aq të rëndë, sa që kësaj here as shokët e skuadrës nuk mundën ta fshehin zhgënjimin e tyre për gafën që sapo kishte ndodhur. Një krosim i ulët dhe i ngadaltë nga distanca i Yasin Ayari-t nuk dukej si një rrezik i madh, por Onana e menaxhoi keq situatën, duke u shtrirë për të kapur topin, i cili megjithatë i rrëshqiti nga duart dhe përfundoi te këmbët e Georginio Rutter, i cili e dërgoi lehtësisht në rrjetë.

Andre Onana’s mistake today against Brighton .pic.twitter.com/pXh33a7DUh

— Bloke (@UtdBloke_) January 19, 2025

LOJTARËT E UNITED NUK E BESONIN DOT

Pamjet treguan qartë reagimin e bashkëlojtarëve pas gafës së Onana. Ish-mbrojtësi i Milan, Diogo Dalot, dhe ish-lojtari i Juventus, Matthijs de Ligt, u rrëzuan përtokë të dëshpëruar, ndërsa Bruno Fernandes (i cili kishte shënuar golin e barazimit të përkohshëm 1-1) dhe Noussair Mazraoui vendosën duart në kokë, të pabesueshëm nga ajo që sapo kishte ndodhur.

Pas gabimeve që çuan në humbjen ndaj Nottingham Forest (ku atëherë u mbrojt publikisht nga Amorim) dhe një tjetër në Europa League kundër Viktoria Plzen, André Onana është sërish në qendër të kritikave për një tjetër humbje të rëndësishme të Manchester United. Sjellja e tij pas ndeshjes, teksa endet në fushë ende i tronditur nga gabimi, pa e vënë re se disa kundërshtarë ishin afruar për ta përshëndetur dhe ndoshta ngushëlluar, tregon qartë se edhe ai vetë mund të ketë dyshime nëse trajneri i tij ka humbur durimin këtë herë.

The post Onana gafa me United është e turpshme: shokët e skuadrës nuk mund të përmbanin veten appeared first on Lapsi.al.

Java e 22 e Premier League sheh një tjetër dështim të brendshëm të Manchester United kundër Brighton: Red Devils rrëzohen 3-1 ndaj Seagulls përpara publikut në Old Trafford, pasi i kishte dhënë lamtumirën mallëngjyese legjendarit Denis Law para ndeshjes. Vazhdon të fluturojë Nottingham Forest: 3-2 ndaj Southampton vlen kapjen e Arsenal. Spektakolar Manchester City, që luan praktikisht tenis në shtëpinë e Ipswich Town, duke e shkatërruar 0-6. Guardiola tani është i katërti, ndërsa nuk del nga makthi Tottenham: Everton mposht 3-2 Spurs.

IPSWICH TOWN-MANCHESTER CITY 0-6

Manchester City shfaq formën dominuese në Portman Road duke mposhtur Ipswich Town me rezultatin bindës 6-0. Fillimi i ndeshjes ishte disi i rrezikshëm për Citizens, me Delap dhe Hutchinson që iu afruan golit për vendasit, ndërsa Haaland goditi portierin Walton. Megjithatë, skuadra e Pep Guardiolës gjeti rrugën drejt rrjetës në minutën e 27′: De Bruyne asistoi perfekt për Foden, i cili shënoi mes gjashtë mbrojtësve të Ipswich.

Vetëm tre minuta më vonë, Kovacic dyfishoi avantazhin me një goditje precize në këndin e poshtëm të portës, ndërsa në minutën e 42′, kombinimi De Bruyne-Foden funksionoi sërish, me këtë të fundit që shënoi golin e tretë për City.

Në pjesën e dytë, Ipswich u dorëzua plotësisht. Doku realizoi golin e katërt në minutën e 50′ me ndihmën e një devijimi nga O’Shea, ndërsa në minutën e 57′, Haaland shënoi golin e tij të 17-të në Premier League, duke vulosur fitoren pas një aksioni të bukur. Rrjeti i fundit u shënua nga McAtee në minutën e 68′, duke e çuar rezultatin në 6-0.

Lexo më tej: “Të dashur mbrojtës”, Haaland rinovon me City për shifra rekord: akordi më afatgjatë

Guardiola pati mundësinë të aktivizonte të rinjtë Mubama dhe O’Riley, duke pushuar disa nga titullarët kryesorë si Haaland dhe De Bruyne. Me këtë fitore, Manchester City ngjitet në vendin e katërt në renditje me 38 pikë, duke e kaluar Newcastle për shkak të golavarazhit më të mirë (+15). Ndërkohë, Ipswich mbetet në vendin e 18-të, në zonën e rënies nga kategoria, me të njëjtat pikë si Wolverhampton (16), por me golavarazh më të dobët.

MANCHESTER UNITED-BRIGHTON 1-3

Ndeshja në Old Trafford midis Manchester United dhe Brighton filloi me një homazh prekës për Denis Law. Tingulli i një gajdeje shoqëroi skuadrat në fushë me melodinë e “Flower of Scotland”, ndërsa Sir Alex Ferguson vendosi një kurorë me lule në fushë për nder të “Mbretit” të Stretford End, i cili ndërroi jetë në moshën 84-vjeçare. Momenti u përmbyll me një poezi kushtuar fituesit të Topit të Artë 1964 dhe pjesëtarit të pavdekshëm të “United Trinity” (së bashku me George Best dhe Sir Bobby Charlton).

Pas fillimit të lojës, Brighton kaloi shpejt në avantazh. Vetëm pas pesë minutash lojë, Minteh shënoi golin e parë, pas një asisti nga Mitoma. United barazoi në minutën e 23’, kur Zirkzee fitoi një penallti që Bruno Fernandes e shndërroi në gol. Në minutën e 53’, Joao Pedro riktheu avantazhin për Brighton, por goli u anulua pas ndërhyrjes së VAR-it për një faull të van Hecke ndaj Dalot.

Në minutën e 61’, Mitoma vulosi avantazhin e Brighton, duke u bërë lojtari japonez me më shumë gola në historinë e Premier League (15), duke kaluar Shinji Okazaki. Përkeqësimi i situatës për United erdhi në minutën e 75’, kur një gabim i portierit Onana çoi në golin e tretë të shënuar nga Rutter. Brighton e mbylli ndeshjen me një fitore të rëndësishme, duke arritur në kuotën e 34 pikëve dhe duke kaluar Fulham në vendin e nëntë. Manchester United qëndron në vendin e 13-të me 26 pikë.

NOTTINGHAM FOREST-SOUTHAMPTON 3-2

Në “City Ground”, Nottingham Forest siguroi avantazhin në minutën e 11-të falë një goli nga Anderson, i cili mposhti Ramsdale. Forest dyfishoi epërsinë në minutën e 28’ me një supergoditje nga jashtë zone nga Hudson-Odoi. Ekipi i Southampton dukej i paaftë për të reaguar dhe Forest thelloi rezultatin në minutën e 41’ me një gol nga Chris Wood, që vazhdon të tregojë formë të shkëlqyer në Premier League.

Në pjesën e dytë, një devijim nga Bednarek pas një goditjeje të Ugochukwu uli diferencën në 3-1 në minutën e 60’. Në minutën e 91’, një goditje me kokë nga Onuachu e afroi Southampton në 3-2, por ky ishte momenti i fundit emocionues i ndeshjes. Nottingham Forest ka tani tetë ndeshje radhazi pa humbje dhe është ngjitur në kuotën e 44 pikëve, duke barazuar Arsenal dhe duke qëndruar vetëm gjashtë pikë larg Liverpool kryesues. Southampton mbetet në fund të tabelës me vetëm 6 pikë pas 22 javësh.

EVERTON-TOTTENHAM 3-2

Në “Goodison Park”, Everton e filloi në mënyrën më të mirë ndeshjen kundër Tottenham. Një veprim i shkëlqyer nga Calvert-Lewin i dha epërsinë Everton në minutën e 13’. Në minutën e 30’, Ndiaye dyfishoi epërsinë pas një aksioni të mrekullueshëm personal. Në minutën e fundit të pjesës së parë, një autogol nga Gray e çoi rezultatin në 3-0 për Everton.

Tottenham reagoi vonë në lojë, duke shënuar dy gola: një nga Maddison në minutën e 77’ dhe një tjetër nga Richarlison në minutën e 92’. Pavarësisht kësaj, rezultati përfundimtar mbeti 3-2 në favor të Everton, që kthehet te fitorja pas tre humbjeve radhazi. Everton ngjitet në kuotën e 20 pikëve, duke u pozicionuar në vendin e 16-të. Ndërkohë, Tottenham vazhdon momentin e krizës së thellë me vetëm një pikë nga gjashtë ndeshjet e fundit dhe mbetet në vendin e 15-të me 24 pikë.

Premier League England

Everton 3-2 Tottenham Hotspur
Manchester United 1-3 Brighton
Nottingham Forest 3-2 Southampton
Ipswich Town 0-6 Manchester City

The post Video/ Tottenham e ManUnited humbasin përsëri, City asfalton 0-6 Ipswich appeared first on Lapsi.al.

Raundi i mesjavës në Premier League i sjell fat Manchester United: Djajtë e Kuq mposhtin 3-1 me përmbysje Southampton në ndeshjen e vlefshme për javën e 21 e kthehen të shijojnë fitoren në kampionat pas më shumë se një muaji nga hera e fundit. Autogoli i Ugarte (43’) futi në telashe Amorim, përmbysja erdhi mes minutës 82’ e 94’ me një tregolësh të një super Diallo. Brighton mposht ndërkohë 2-0 Ipswich.

MANCHESTER UNITED-SOUTHAMPTON 3-1

Manchester United rikthehet te fitorja në kampionat pas më shumë se një muaji, duke triumfuar 3-1 ndaj Southampton në Old Trafford. Ekipi i drejtuar nga Ruben Amorim vuajti në pjesën e parë, me një autogol të pafat të Ugarte në minutën e 43-të që i dha avantazhin Southampton. Në pjesën e dytë, “Djajtë e Kuq” reaguan fuqishëm falë një super Amad Diallo, i cili realizoi një hat-trick të vonshëm (82’, 90’, 94’) për të përmbysur rezultatin dhe për t’i dhënë United tre pikë të çmuara.

Manchester United ngjitet kështu në vendin e 12-të me 26 pikë, ndërsa Southampton mbetet në fund të tabelës me vetëm 6 pikë pas 21 javësh.

IPSWICH-BRIGHTON 0-2

Në një tjetër ndeshje të Premier League, Brighton siguroi një fitore bindëse 2-0 ndaj Ipswich në Portman Road. Mitoma ishte protagonisti kryesor për “Seagulls”, duke shënuar golin e parë në minutën e 59-të pas një pasimi të O’Riley. Golin e dytë dhe të sigurisë e realizoi Rutter në minutën e 82-të.

Me këtë fitore, Brighton ngjitet në vendin e 9-të me 31 pikë, ndërsa Ipswich mbetet në zonën e rënies nga kategoria, në vendin e tretë nga fundi me 16 pikë.

The post Tregolëshi i Diallo në 10′ e fundit përmbys Southampton: fitojnë United e Brighton appeared first on Lapsi.al.

Pamje të reja të incidentit që bëri që Brightoni të fitojë penallti ndaj Arsenalit në barazimin 1-1 janë zbuluar.

Brighton ishte duke humbur me rezultat 1-0 pas një goli të shënuar nga Ethan Nëaneri në minutën e 16-të, kur Ëilliam Saliba shkaktoi penallti pas një ndërhyrje ndaj Joao Pedros.

Në pamje të parë, dukej që Saliba e kishte goditur me kokë sulmuesin kundërshtar dhe gjyqtari Anthony Taylor ndau të njëjtin mendim dhe bëri me shenjë te pika e bardhë.

Pak kohë pas përfundimit të ndeshjes, Liga Premier lëshoi një njoftim zyrtar duke sqaruar vendimin e Taylor.

Lexo po ashtu Merr fund seria pozitive e Arsenalit, ndalen me barazim nga Brightoni

“Vendimi i gjyqtarit për të dhënë penallti pas një faulli të Salibas në Joao Pedron u rishikua dhe u konfirmua nga VAR, të cilët vendosën se kishte kontakt të mjaftueshëm për penallti”.

Sidoqoftë, tani disa pamje nga një kënd i ri janë përhapur në rrjetet sociale, aty ku duket që Saliba bëri kontakt me topin para se ta godiste kokën e Joao Pedros.

Terry is right. The ball comes off of Saliba’s head before the contact.

Even if Saliba had not touched the ball, you never see a clash of heads given as a pen.

But this is a horror decision.
How did VAR not overturn it? https://t.co/wrdtmO6new pic.twitter.com/aDdUww5yIT

— Magic hat (@themagic_tophat) January 4, 2025

Kjo ka bërë që të shkaktohet debat në rrjetet sociale mbi atë se a ishte a po jo i drejtë vendimi i Taylor, një gjyqtar i cili shpeshherë ka qenë në qendër të vëmendjes për vendimet e tij./Telegrafi/

The post Dalin pamje të reja nga penalltia që shkaktoi Saliba – a ishte i drejtë vendimi i gjyqtarit? appeared first on Telegrafi.

Arsenali ka luajtur baras me rezultat 1-1 në udhëtim ndaj Brightonit në kuadër të javës së 20-të në Ligën Premier.

Të parët që kaluan në avantazh ishin mysafirët të cilët realizuan në minutën e 16-të përmes Ethan Nëanerit i cili shënoi një gol të bukur.

Arsenal pati mundësinë që të dyfishonte epërsinë në minutën e 40-të, por gjuajtja me kokë e Mikel Merinos përfundoi pak centimetra mbi traversë.

Në pjesën e dytë Brightoni fitoi penallti pas një ndërhyrje të palejueshme nga William Saliba brenda zonës.

17-year-old Ethan Nwaneri scores his second Premier League goal in his second Premier League start.

The world is at his feet pic.twitter.com/GCGPIdvdOd

— B/R Football (@brfootball) January 4, 2025

I saktë nga pika e bardhë u tregua Joao Pedro i cili në minutën e 61-të shënoi për 1-1 duke e mposhtur David Rayan.

Vendasit patën një rast të mirë shënimi në minutën e 77-të përmes Yankuba Minteh, por nuk ia dolën të realizojnë.

SALIBA GIVES UP THE PENALTY AND JOÃO PEDRO EQUALIZES FROM THE SPOT VS. ARSENAL pic.twitter.com/0DVi7rTeKv

— ESPN FC (@ESPNFC) January 4, 2025

Pas këtij barazimi Arsenali vazhdon të mbetet në pozitën e dytë me 37 pikë të grumbulluara, pesë më pak se lideri Liverpool që ka 40 sosh, me këta të fundit që kanë dy ndeshje më pak të luajtura.

Xhiron e ardhshme në Ligën Premier, Arsenali do të jetë nikoqir i Tottenhamit në ‘Emirates’./Telegrafi/

The post Merr fund seria pozitive e Arsenalit, ndalen me barazim nga Brightoni appeared first on Telegrafi.

Java e 19-të e Premier League përfundon me një dështim të dyfishtë për Chelsea dhe Manchester United. Blues rrëzohen 2-0 në shtëpinë e Ipswich Town e mbeten -10 nga kryesuesit e Liverpool. Red Devils pësojnë të njëjtin rezultat në Old Trafford përballë Newcastle: Magpies ngjiten kështu në vendin e pestë, përpara City. Barazim 2-2 në Villa Park mes Aston Villa e Brighton.

IPSWICH TOWN – CHELSEA 2-0

Chelsea i Enzo Maresca pëson një humbje të rëndë në Portman Road kundër Ipswich Town. Megjithë disa mundësi në pjesën e parë, me një shtyllë të Palmer dhe një gol të anulua për João Félix, Blues detyrohen të dorëzohen. Pas një penalltie të realizuar nga Delap në minutën e 12-të, Chelsea po afronte barazimin, por ishte goli i ish-lojtarit Hutchinson në minutën e 53-të që vulosi fitoren. Ipswich fitoi ndeshjen e tretë të sezonit dhe kaloi Leicester, ndërsa Chelsea mbeti në vendin e katërt, por -10 nga lideri Liverpool.

MANCHESTER UNITED – NEWCASTLE 0-2

Manchester United, në krizë të thellë, humbet 2-0 në shtëpi kundër Newcastle. Magpies janë përpara që në minutat e para, me dy gola identikë: Isak dhe Joelinton shënojnë pas pasimeve nga Gordon. Megjithë disa mundësi në pjesën e dytë, me një shtyllë nga Maguire, Newcastle siguron tri pikët e rëndësishme dhe ngjitet në vendin e pestë me 32 pikë, ndërsa Manchester United mbetet në vendin e katërt me vetëm 22 pikë.

ASTON VILLA – BRIGHTON 2-2

Një barazim emocionues midis Aston Villa dhe Brighton, që përfundon 2-2. Brighton kalon në avantazh në minutën e 12-të me një gol të bukur nga Adingra, por Aston Villa përgjigjet me një penallti të realizuar nga Watkins në minutën e 37-të dhe kalon përpara me një asist të Watkins për Rogers. Megjithatë, Brighton gjen barazimin në minutën e 82-të me Lamptey, pas një pasimi nga João Pedro. Me këtë barazim, Aston Villa ngjitet në 29 pikë dhe Brighton në 27, respektivisht në vendin e nëntë dhe të dhjetë.

Lexo më tej: Broja titullar, Everton humbet: Nottingham ëndërron i dyti, City kthehet te fitorja

Një tjetër ditë me tension të lartë në Premier League, me klubet më të mëdha që kanë vështirësi të gjejnë vazhdimësinë e nevojshme për të ngjitur klasifikimin.

The post Video/ Chelsea shkërmoqet në Ipswich: United jeton në një makth në Premier League appeared first on Lapsi.al.

Ka qenë një situatë tronditëse – veçanërisht sepse rasti u rishikua nga VAR, i cili nuk e kundërshtoi aspak vendimin e munguar të gjyqtarit – ajo që ndodhi të premten mbrëma në Premier League, gjatë ndeshjes midis Brighton dhe Brentford, që përfundoi 0-0. Rreth 15 minuta para fundit të ndeshjes, sulmuesi i Brighton, Joao Pedro, nuk mori asnjë ndëshkim për një përpjekje të qartë për të goditur me bërryl Yehor Yarmoliuk. Fatmirësisht, përpjekja dështoi, sepse gjesti ishte aq brutal sa do t’i kishte shkaktuar dëmtime serioze në fytyrë lojtarit të Brentford. Nëse gjyqtari Andrew Madley mund të ketë alibinë se nuk e ka parë incidentin, VAR-i nuk ka asnjë justifikim, pasi e ka rishikuar situatën me qetësi dhe ka mundur të ndërhyjë – sipas protokollit – për t’i kërkuar gjyqtarit që brazilianit t’i jepej një karton i kuq, siç do të ishte e drejtë sipas nenit 12 (“Faullet dhe sjelljet e gabuara”) të Rregullores së Futbollit.

João Pedro? pic.twitter.com/Hc15KQXnks

— Tekkers Foot (@tekkersfoot) December 27, 2024

Joao Pedro nuk u përjashtua – çfarë thotë rregullorja

“Një lojtar titullar, rezervë ose i zëvendësuar duhet të përjashtohet nëse kryen një nga shkeljet e mëposhtme,” thuhet në tekstin e rregullores, që më pas përfshin në listën e sjelljeve për karton të kuq edhe “sjelljen e dhunshme”, e cila përkufizohet kështu: “Një lojtar është fajtor për sjellje të dhunshme kur përdor ose tenton të përdorë forcë të tepruar ose brutalitet kundër një kundërshtari, pa pasur një përplasje për topin, ose kundër një shoku skuadre, një zyrtari, një arbitri, një spektatori ose ndonjë personi tjetër, pavarësisht nëse ka apo jo kontakt.”

Vetë tentativa – e qartë dhe e padiskutueshme – për të goditur një kundërshtar me bërryl në fytyrë, pa pasur ndonjë përplasje për topin dhe pavarësisht nëse ka pasur apo jo kontakt, do të ishte arsye e mjaftueshme që VAR-i ta konsideronte si një “gabim të qartë dhe të dukshëm” nga ana e gjyqtarit dhe t’i rekomandonte atij që Joao Pedro të përjashtohej. Këtë mendim ndanë tifozët dhe dashamirësit e futbollit, të cilët menjëherë mbushën rrjetet sociale me komente që theksonin gabimin e rëndë të bërë. Në të njëjtën linjë ishte edhe trajneri i Brentford-it, Thomas Frank, i cili iu referua direkt rregullores: “Ai pati fat që qëndroi në fushë. Sipas rregullave që unë di, nuk mund të përdorësh krahët për të tentuar të godasësh dikë. Pavarësisht nëse e godet apo jo, është karton i kuq.”

Absolutely crazy from Joao Pedro.

I’m sending him off for this. Don’t care if he didn’t make any contact. #BHABRE pic.twitter.com/atmukmzwVY

— G. Pirlo (@GingerPirlo_) December 27, 2024

Për VAR nuk pati “gabim të qartë dhe të dukshëm” nga arbitri

Joao Pedro nuk mori asnjë ndëshkim, ndërsa Yarmoliuk u ndëshkua me karton të verdhë për një faull taktik, pasi e tërhoqi brazilianin për të ndalur një kundërsulm të rrezikshëm të Brighton-it. Vendimi i përgjegjësit të VAR-it, Chris Kavanagh, i cili vlerësoi se nuk kishte pasur sjellje të dhunshme për shkak të mungesës së kontaktit, u postua në kohë reale gjatë ndeshjes në një llogari zyrtare të Premier League-s, duke ‘zyrtarizuar’ në mënyrë të pabesueshme gabimin.

“Nuk pati gabim të qartë dhe të dukshëm nga ana e gjyqtarit për mos përjashtimin e Joao Pedro-s për sjellje të dhunshme,” thuhej në postim. Barazimi pa gola e lë Brighton-in dhe Brentford-in pranë njëra-tjetrës në mesin e tabelës së Premier League-s, përkatësisht në vendin e 10-të dhe të 11-të, me 26 dhe 24 pikë (Liverpool-i është në krye me 42 pikë, 6 më shumë se Arsenali).

The post Gabim i pabesueshëm nga arbitri e nga VAR: ndaj Joao Pedro nuk u zbatua rregullorja appeared first on Lapsi.al.

“Fantazisti” 26-vjeçar i sulmit, Kaoru Mitoma ka hyrë në sezonin e tij të tretë, te “Pulëbardhat” e Brighton, teska është kthyer në një nga protagonistët e skuadrës angleze, me këtë të fundit që po bën mrekulli me skuadrën në elitën e Premier League.

Falë performancave “magjike”, në “Amex Stadium”, sulmuesi japonez tashmë ka tërhequr vëmendjen e “gjigantëve” evropian, me “Katalanasit’ e Barcelona, që janë të interesuar për “yllin” e Kombëtares së Japonisë, teksa prej kohësh vuajnë mungesën e një lojtari cilësor në krahun e majtë të fushës.

Ndërkaq, se në total te skuadra e Brighton, Mitoma ka zbritur plot 81 herë në fushë për skuadrën e Brighton, duke arritur të shënojnë 16 gola, si dhe të asistojë 15 herë të tjera për shokët e tij të skuadrës. /i.m /abcnews.al

Java e 16-të e Premier League solli një përmbysje spektakolare nga Manchester United, që triumfoi në derbin kundër Manchester City me një fitore dramatike 2-1 në minutat e fundit. Gvardiol hapi rezultatin në pjesën e parë, por Bruno Fernandes (me penallti) dhe Diallo përmbysën gjithçka mes minutës së 88-të dhe 90-të, pas një gabimi fatal të Matheus Nunes që shkaktoi penalltinë. Gjithashtu, Crystal Palace mori një fitore të rëndësishme 3-1 kundër Brighton, falë golave të Chalobah dhe dyshes Sarr.

MANCHESTER CITY-MANCHESTER UNITED 1-2

Derbi i Mançesterit në “Etihad” ishte një nga përplasjet më të pritura të sezonit në Premier League. Të dyja skuadrat po vinin nga momente të vështira: Guardiola kishte humbur 2-0 kundër Juventusit në Champions League, ndërsa trajneri i ri i United, Rúben Amorim, po përballej me presion pas dy humbjeve radhazi në kampionat.

Ndeshja filloi me tension, dhe United humbi shpejt Mount për shkak të një dëmtimi tjetër. City-t iu deshën disa përpjekje me Foden, por më në fund ishte Gvardiol që zhbllokoi rezultatin në minutën e 37-të me një goditje me kokë, duke shfrytëzuar dobësitë e mbrojtjes së United. Foden ishte pranë dyfishimit në fund të pjesës së parë, por Maguire dhe portieri Onana shpëtuan rezultatin.

Lexo më tej: Guardiola i hutuar, nuk di më çfarë të thotë për Man. City: përsërit të njëjtën fjali

Në pjesën e dytë, Diallo dhe Højlund u përpoqën të ndryshonin rrjedhën e lojës, ndërsa Bruno Fernandes humbi një shans të artë në minutën e 74-të. Megjithatë, portugezi mori hak në minutën e 88-të, duke realizuar një penallti të fituar nga Diallo pas një ndërhyrjeje të pamenduar të Matheus Nunes. City-t humbi totalisht fokusin dhe vetëm dy minuta më vonë, Diallo shënoi golin e fitores për United.

Kjo fitore ngjiti United në kuotën e 22 pikëve, duke i dhënë Amorim një fitore të paharrueshme në derbin e tij të parë. Ndërkohë, City mbetet në krizë, me vetëm 27 pikë dhe një disavantazh prej 9 pikësh nga Liverpool-i kryesues, që ka edhe një ndeshje më pak.

BRIGHTON-CRYSTAL PALACE 1-3

Në “Amex Stadium”, Crystal Palace tregoi një paraqitje mbresëlënëse duke fituar 3-1 kundër Brighton. Chalobah shënoi golin e parë në minutën e 27-të, ndërsa Sarr dyfishoi rezultatin në të 33-ën. Brenda gjashtë minutave, londinezët vendosën një avantazh të sigurt, duke shfrytëzuar momentet e duhura.

Eze ishte pranë golit të tretë para pushimit, ndërsa Brighton filloi pjesën e dytë me sulme të furishme përmes Dunk dhe Enciso, por portieri Henderson i mohoi me disa pritje të shkëlqyera. Në minutën e 67-të, Munoz shënoi për Palace, por goli u anulua për një faull në sulm. Megjithatë, Sarr vulosi gjithçka në minutën e 82-të me golin e tij të dytë, ndërsa një autogol nga Guehi në fund e çoi rezultatin përfundimtar në 3-1.

Crystal Palace u rikthye te fitorja dhe u ngjit në kuotën e 16 pikëve, ndërsa Brighton mbetet me 24 pikë, duke humbur terren në garën për zonat e larta të tabelës.

The post Video/ Guardiola, makth pambarim: United përmbys City me dy gola in extremis appeared first on Lapsi.al.

Padyshim objektivi kryesor ishte fitorja, ama në fund u mjaftuan vetëm me barazimin.

“Topçinjtë” e Arsenal nuk mundën të regjistronin triumfin e pestë radhazi, në të gjitha kompeticionet, teksa janë ndalur në barazimin 1-1, në “Craven Cottage”, ndaj vendasve të Fulham, me sfidën e vlefshme për javën e 15-të të kampionatit anglez të futbollit Premier Leauge,

Nga një gol në secilën pjesë mjaftuan për të vulosur rezultatin e përgjithshëm, teksa fillimisht ishte “bomberi” meksikan, Raul Jimenez, i cili dërgoi topin në rrjetën e djemve të Mikel Arteta, që në minutën e 12’-të e më pas “ylli” francez i mbrojtjes, William Saliba, i cili kap bukur një krosim të Havertz, duke shpëtuar 1 pikë.

Ndërkaq, në sfida të tjera Brighton barazoi 2-2 në transfertën e Leicester, ndërsa Bournemouth fitoi me përmbysje 2-1 në fushën e Ipswich. /abcnews.al

Prej kohësh tashmë, “Topçinjtë” e Arsenal janë në kërkim të një emri të madh apo të një talenti premtues, për sulmin e “gjigantëve” anglezë dhe siç dihet prej kohësh, “bomberi” francez, Randal Kolo Muani është objektivi i parë në listën e “të preferuarve” të klubit londinez, mirëpo nuk është emri i vetëm.

Sipas raportimeve më të fundit të mediave angleze, tashmë është zbuluar edhe një tjetër emër, kësaj here i një talenti të së ardhmes. Bëhet fjalë për “bomberin” irlandez, të “Pulëbardhave”, të Brighton, Evan Ferguson, me 20-vjeçarin, që në total ka arritur të shënojë plot 17 gola e të asistojë 5 herë në 73 sfidat e zhvilluara te Brighton.

Tekniku, Mikel Arteta beson se talenti irlandez mund të shpërthejë në të ardhmen dhe të bëhet një nga sulmuesit më të mirë në skenën ndërkombëtare, megjithatë, përveç “Topçinjve” të Arsenal, në listën e kandidatëve që kërkojnë për ta blerë atë gjatë verës janë bashkuar edhe “Djajtë e Kuq” të Manchester United, si dhe rivalët e përjetshëm të Tottenham. /i.m /abcnews.al

“Fantazisti” 26-vjeçar i sulmit, Kaoru Mitoma ka hyrë në sezonin e tij të tretë, te “Pulëbardhat” e Brighton, teska është kthyer në një nga protagonistët e skuadrës angleze, me këtë të fundit që po bën mrekulli me skuadrën në elitën e Premier League.

Falë performancave “magjike”, në “Amex Stadium”, sulmuesi japonez tashmë ka tërhequr vëmendjen e “gjigantëve” evropian, me “Katalanasit’ e Barcelona, që janë të interesuar për “yllin” e Kombëtares së Japonisë, teksa prej kohësh vuajnë mungesën e një lojtari cilësor në krahun e majtë të fushës.

Ndërkaq, se në total te skuadra e Brighton, Mitoma ka zbritur plot 81 herë në fushë për skuadrën e Brighton, duke arritur të shënojnë 16 gola, si dhe të asistojë 15 herë të tjera për shokët e tij të skuadrës. /i.m /abcnews.al