Source

Juventusi është në prag të disa vendimeve të rëndësishme strategjike për afatin kalimtar të verës. Për të siguruar fonde për përforcime të bujshme, drejtuesit bardhezi po përgatisin largimin e dy prej lojtarëve me peshë në skuadër.

Sipas La Gazzetta dello Sport, klubi ka dhënë dritën jeshile për shitjen e Douglas Luiz. Mesfushori brazilian pritet t’i bashkohet Nottingham Forest, me marrëveshjen që mund të mbyllet për pak mbi 30 milionë euro – më pak nga shuma 40 milionë euro që Juventusi shpresonte fillimisht të arkëtonte.

Në të njëjtën kohë, edhe sulmuesi argjentinas Nico Gonzalez është në listën e largimeve. Shitja e tij do t’i sillte arkës së klubit edhe rreth 30 milionë euro të tjera.

Në total, vetëm nga këto dy operacione, Juventusi synon të grumbullojë 60–70 milionë euro, një shumë e konsiderueshme që do të përdoret menjëherë për afrime të reja.

Në krye të listës së dëshirave të klubit është rikthimi i Randal Kolo Muanit nga PSG, i cili shihet si sulmuesi i duhur për të shtuar forcën ofensive. Francezi mund të vijë fillimisht në formë huazimi me të drejtë blerjeje.

Krahas tij, Juventusi po punon edhe për transferimin e mbrojtësit argjentinas Nahuel Molina nga Atletico Madrid, një investim prej rreth 25 milionë euro.

Emri tjetër që ka fituar prioritet është ai i Edon Zhegrovës. Anësori i Lilles është në vitin e fundit të kontratës dhe vlerësohet me një shumë të ngjashme si Molina.

Klubi italian beson se kosovari mund të sjellë kreativitet dhe rrezikshmëri në krahët e sulmit, duke qenë një profil që i mungon aktualisht Allegrit.

Në këtë mënyrë, Juventusi synon të përfitojë nga shitjet për të ndërtuar një skuadër më të balancuar dhe konkurruese. /Telegrafi/ 

The post Dy shitje të rëndësishme për tri blerje të mëdha – Juventusi në garë me kohën për ta kompletuar planin appeared first on Telegrafi.

Të shesësh për të blerë. Por, edhe të shesësh pa nxitim dhe sipas kushteve të tua – kushte që i vendos Juventusi pa u kapluar nga ethet e një merkatoje largimesh që, sidoqoftë, bëhet vendimtare për operacionet hyrëse. Sidomos kur koha fillon të shtrëngohet.

Kanë mbetur njëzet ditë deri në fillimin e kampionatit – më 24 gusht, debutimi i Juves në ‘Allianz Stadium’ ndaj Parmës dhe ndonëse Comolli nuk është tipi që ndikohet nga ankthi i një kalendari që përpin ditët, mbetet fakt që koha nuk do të luajë edhe për shumë gjatë në favor të Zonjës së Vjetër.

Sigurisht, afati kalimtar përfundon më 1 shtator (gongu bie në orën 20:00), por në mënyrë ideale përforcimet që i nevojiten Igor Tudorit do të duhej të mbërrinin në Continassa përpara ndeshjes së parë të sezonit. Të paktën ata që janë menduar si titullarë; për rastet e minutës së fundit, ka gjithmonë kohë.

pic.twitter.com/UZ8xBNMVaG

— JuventusFC (@juventusfcen) August 5, 2025

Njëzet ditë, pra, për të arritur kuotën 100 milionë euro gjithsej, një milion më shumë a më pak, dhe natyrisht jo të gjitha menjëherë dhe, mbi të gjitha, për të nisur lëvizjen vendimtare për ambiciet e Juventusit.

100 milionë euro në këtë periudhë është një objektiv i arritshëm për Zonjën e Vjetër, nëse do të arrinte të realizonte të gjitha këto shitje me çmimet që kërkon: Timothy Weah për 18 milionë euro (është gati, mungon vetëm zyrtarizimi i kalimit te Marseille), Fabio Miretti për 15 milionë euro (Napoli është në pritje), Duas Vlahovic për 25 milionë dhe Douglas Luiz për 40 milionë euro.

Llogaritja bëhet lehtë. Dhe kjo shumë pritet të rritet nëse ndodhin edhe largime të tjera, si ajo e Arthur Melo, apo lojtarë me kontrata që përfundojnë në vitin 2026, si Daniele Rugani, Tiago Djalo, Filip Kostic dhe Weston McKennie.

Për momentin, lista e largimeve ku përmenden vetëm Alberto Costa dhe Samuel Mbangula nuk ka qenë e mjaftueshme për të plotësuar të gjitha nevojat hyrëse.

Zgjerimi i kësaj liste do të thotë rritje e numrit të përforcimeve: Randal Kolo Muani për të përmbyllur çështjen e sulmit, Mortel Hjulmand, Matt O’Riley apo ndonjë ‘mister X’ tjetër me cilësi për mesfushën (pavarësisht kthimit të mundshëm të Teun Koopmeiners në qendër), si dhe një zgjidhje shtesë apo mundësi për mbrojtjen. /Telegrafi/

The post Juventusi ka objektiv t’i fitojë 100 milionë brenda 20 ditësh – katër largime për të zhbllokuar përforcimet appeared first on Telegrafi.

Ish-ylli i Chelseat dhe Brazilit, David Luiz, ka bërë një rikthim befasues në futbollin evropian duke u bashkuar me skuadrën e  Pafos në Qipro. 

Mbrojtësi u largua nga Evropa në vitin 2021 pas dy sezonesh me Arsenalin. Ai u aktivizua në disa periudha me klubet braziliane Flamengo dhe Fortaleza, por tani është rikthyer në Evropë në moshën 38-vjeçare. 

Luiz, i cili nënshkroi për skuadrën braziliane , Fortaleza, në janar të vitit 2025 me një kontratë njëvjeçare, e ndërpreu atë me marrëveshje të ndërsjellë më 1 gusht, përpara se të siguronte transferimin në Pafos të Qipros. 

Ai ka nënshkruar një kontratë trevjeçare me klubin, i cili do të marrë pjesë në raundet kualifikuese të Ligës së Kampionëve. 

From Brazil to Europe, from Champions League glory to Copa Libertadores — now writing a new chapter in Cyprus.

A historic day for our club.
A new era begins.

𝗧𝗵𝗲 𝗙𝗨𝗧𝗨𝗥𝗘 𝗶𝘀 𝗡𝗢𝗪 and @DavidLuiz_4 is part of it! pic.twitter.com/XYIcft2XIC

— Pafos FC (@pafosfcofficial) August 3, 2025

“Pafos FC është krenar të njoftojë nënshkrimin e ikonës së futbollit brazilian, David Luiz, i cili i bashkohet klubit me një kontratë deri në vitin 2027”. 

“Kjo lëvizje historike përbën momentin më të rëndësishëm në historinë e futbollit qipriot – ardhja e një superylli global, emri i të cilit ka jehuar në stadiumet më të mëdha të botës”, thuhej në deklaratën e klubit qipriot. 

Luiz ndërpreu parakohe kontratën me Fortalezan pas vështirësive për të fituar minuta nën drejtimin e trajnerit Renato Paiva, për shkak të dëmtimeve të shpeshta. Ai pati vetëm 17 paraqitje me klubin. 

Mbrojtësi veteran është rikthyer tani në Evropë pas katër vitesh mungesë dhe pritet të garojë sërish në Ligën e Kampionëve gjatë sezonit 2025/2026./Telegrafi/

The post David Luiz bën rikthimin shokues në futbollin evropian në moshën 38-vjeçare appeared first on Telegrafi.

Juventusi thuhet se është i hapur për të dërguar ish-mesfushorin e Aston Villas, Douglas Luiz, te Manchester United, me shpresën se kjo do t’i ndihmojë ata të arrijnë një marrëveshje për Jadon Sanchon.

Sipas Corriere dello Sport, një marrëveshje shkëmbimi që përfshin Douglas Luiz dhe Sancho është një nga dy opsionet që Bianconerët besojnë se do t’i tundojnë Djajtë e Kuq ta pranojnë.

Raportet sugjerojnë se, përveç një shkëmbimi lojtarësh, Zonja e Vjetër është e gatshme të paguajë 25 milionë euro plus bonuse për sulmuesin anësor anglez, i cili e kaloi sezonin e kaluar në huazim te Chelsea.

“Blutë” zgjodhën të mos e bënin të përhershëm qëndrimin e Sanchos në kryeqytetin anglez dhe Unitedi mezi pret ta shesë lojtarin për të ndihmuar në financimin e transferimeve tjera këtë verë.

Megjithatë, tarifa nuk është pengesa e vetme, me kërkesën e raportuar të Sanchos për pagë prej 8 milionë eurosh në sezon mbi 6-7 milionë euro që Bianconerët dëshirojnë të ofrojnë (duke e vendosur atë në të njëjtin nivel me nënshkrimin e ri Jonathan David).

Juventusi idealisht do të donte të hiqte 12 milionë eurot në sezon që i paguan sulmuesit serb Dusan Vlahovic – të cilat në thelb do të mbulonin pagat e Davidit dhe Sanchos. /Telegrafi/

The post Juventusi i ofron Unitedit një marrëveshje shkëmbimi për të zhbllokuar transferimin e Sanchos appeared first on Telegrafi.

Juventusi po hyn në një verë të mbushur me lëvizje, ku nuk përjashtohet një mini-revolucion brenda skuadrës.

Plot 11 lojtarë nga ekipi aktual janë vendosur në listën e transferimeve, ndërsa drejtuesit e klubit po shqyrtojnë të gjitha ofertat që mund të sjellin përfitime financiare apo riorganizim teknik.

Pa përfshirë emrat që do të rikthehen nga huazimet – si rasti i Tiago Djalos që pritet të huazohet sërish – formacioni i lojtarëve që mund të largohen përbëhet nga: Mattia Perin; Lloyd Kelly, Daniele Rugani, Jonas Rouhi; Filip Kostic, Timothy Weah, Douglas Luiz, Samuel Mbangula; Nico Gonzalez, Dusan Vlahovic, Arek Milik.

Kontrata dhe prapaskena – kush mund të largohet më parë?

Në këtë listë, situatat janë të ndryshme. Vlahovic, Kostic dhe Rugani janë nën kontratë deri më 2026, çka e bën më të ndërlikuar shitjen e tyre, përveç nëse ofrohet një çmim i majmë. Perin dhe Milik e kanë kontratën deri më 2027, ndërsa Weah, Mbangula dhe Rouhi janë të lidhur me klubin deri në 2028.

Treshja Douglas Luiz, Nico Gonzalez dhe Lloyd Kelly e kanë të nënshkruar marrëveshjen deri në vitin 2029.

Sidoqoftë, drejtori i përgjithshëm Damien Comolli është i hapur për bisedime për çdo lojtar, me kusht që oferta të jetë e favorshme dhe vetë lojtari të dëshirojë largimin.

Nga largimet te mundësitë

Synimi i Juventusit është që t’i hapë rrugën një projekti të ri, por pa përsëritur gabimet e së kaluarës. Një vit më parë, klubi ndërtoi një ekip të ri me nëntë afrime të reja dhe çdo lëvizje e gabuar mund të ndikojë në ekuilibrat brenda dhomës së zhveshjes. Ndërkohë, klube si Nottingham Forest janë afër me Timothy Weah dhe Samuel Mbangula, që mund të jenë ndër të parët që lënë Torinon.

Gjithashtu, Juventusi vazhdon bisedimet me PSG për Randal Kolo Muanin dhe me Porton për Francisco Conceicaon, me synimin për të zgjatur qëndrimin e tyre në klub.

A është ky rruga e duhur për të ndërtuar një Juventus të ri fitues? Mbetet për t’u parë, ndërsa Comolli dhe trajneri Igor Tudor mbajnë përgjegjësinë për vendimet që do të formësojnë sezonin 2025/26. /Telegrafi/ 

The post Juventusi vendos 11 lojtarë në shitje – të gjithë emrat, një mini revolucion te “Zonja e Vjetër” appeared first on Telegrafi.

Këngëtari dhe ish-fituesi i “Big Brother VIP”, Luiz Ejlli, ka ndarë një moment tepër prekës me ndjekësit e tij në Instagram, duke publikuar një foto të ëmbël me vajzën e tij, Lunen, teksa ajo luan në bateri, ndërsa ai e përqafon plot dashuri.

Në një tekst të ndjerë, Luiz shkruan:

“E puth në ballë për ta mbrojtur nga çdo dhimbje dhe të kuptojë se sa e veçantë është për mua. E ngre lart që të prekë yjet, ëndrrat e veta dhe të fluturojë mbi çdo pengesë. E mbaj në prehërin tim që të ndjejë ritmin e zemrës sime, se që kur erdhi ajo, çdo rrahje ka kuptim, dhe çdo moment më ngjall jetë dhe shpresë.”

Ky postim ka prekur zemrat e shumë fansave, të cilët e kanë vërshuar me komente pozitive dhe zemra, duke e cilësuar Luizin një baba të përkushtuar dhe të ndjeshëm.

The post FOTO/ Luiz Ejlli emocionon ndjekësit me dedikimin për vajzën: Çdo rrahje ka kuptim që kur erdhi ajo appeared first on Albeu.com.

Moderatorja Kiara Tito ka qenë së fundmi e ftuar në emisionin “Ndryshe” me Salsano Rapin dhe Elona Duron, ku ka ndarë me publikun disa rrëfime personale mbi jetën, karrierën dhe planet që po vijnë në horizont.

Ish-banorja e Big Brother VIP Albania surprizoi me një lajm të ri, duke zbuluar se së bashku me bashkëshortin e saj, Luiz Ejllin, janë në hapat e parë të një projekti filmi që pritet të realizohet shumë shpejt.

“Jemi duke u organizuar për të bërë një film bashkë, është hera e parë që e them. Ai e ka thënë pak edhe në Story megjithatë nuk kishte asgjë konkrete. Tani është momenti që ne jemi në fillimet tona sepse filmi normalisht që do shumë kohë që të dalë, por ky është një projekt që ne kemi dëshirë që ta bëjmë sa më shpejt. Në vazhdimësi do t’i mbledhim të gjitha detajet”, u shpreh Kiara.

Kur u pyet nëse filmi do të ishte një komedi apo një rrëfim mbi historinë e dashurisë së tyre, ajo nuk ngurroi të jepte një përgjigje të ëmbël:

“Sigurisht që do të ketë edhe dashuri brenda, ku do shkojmë ne të dy pa transmetuar pak dashuri.”

The post Kiara Tito zbulon projektin e radhës: Së shpejti një film me Luizin appeared first on iconstyle.al.

Douglas Luiz ishte goditja e madhe e merkatos së kaluar verore nga Juventus, që për ta marrë nga Aston Villa kishte shpenzuar 50 milionë euro. Braziliani deri tani ka qenë një dështim, fjalë për fjalë një vrimë në ujë. Vetëm 16 paraqitje në kampionat, por nëse llogariten minutat e luajtura, në realitet është si të kishte luajtur pak më shumë se pesë ndeshje të plota. Sezoni i tij do të konsiderohet negativ, Tudor i dha katër minuta kundër Monzas. Ka dëshirë për hakmarrje dhe e thekson Douglas Luiz, i cili duke iu përgjigjur një komenti në rrjetet sociale foli për dëmtimet e shumta që i kushtëzuan sezonin.

Juve shpenzoi 50 milionë për Douglas Luiz

I lindur më 1998, sezonin e kaluar Douglas Luiz ishte protagonist i madh në Premier League duke e çuar, edhe me golat e tij (9), formacionin e Aston Villa drejt një kualifikimi historik në Champions League. Shumë skuadra të rëndësishme e kishin vënë në shënjestër, Juve veproi më mirë dhe më shpejt se të tjerat. 50 milionë dhe braziliani u bë bardhezi. Dukej se do të shpërthente në kampionat, në një futboll ku mesfushorët ofensivë bëjnë ose mund të bëjnë diferencën.

Vetëm 483 minuta në Serie A për brazilianin

Por në vend që të shpërthente, nisi keq, fillim i ngadaltë, Thiago Motta e aktivizonte me pikatore, në shtatë ndeshjet e para të Serie A vetëm një herë luan më shumë se një orë. Pas pauzës së tetorit luan gjithë ndeshjen kundër Lazios, por pak ditë më vonë dëmtohet dhe nis një rënie e vazhdueshme. Vetëm një herë do të jetë në fushë për 90 minuta, derbi me Torinon është ndeshja e vetme ku luan më shumë se gjysmë ore. Dëmtimet ishin tre: dy serioze, që e mbajtën jashtë si në vjeshtë, ashtu edhe në dimër. Për shkak të atyre dëmtimeve humbi 13 ndeshje (nga 34) në kampionat, pesë mes Champions dhe Kupës së Italisë. Në total 483 minuta në Serie A, vetëm 4 me Tudor.

Fjalët e Douglas Luiz në rrjetet sociale

Ky është bilanci. Disa ditë më parë Douglas Luiz publikoi një foto në profilin e tij në Instagram, me veshjen stërvitore të Juventusit. Komente me shumicë, ndaj njërës prej tyre reagoi në mënyrë të përkryer. Braziliani vë një vijë të qartë, foli për dëshirën për të luajtur dhe për të fituar.

Ai kujtoi atë që kishte bërë vitin e kaluar dhe pyeti pse nuk ka luajtur asnjëherë dy ndeshje rresht me Juven: “Nuk kam ardhur këtu vetëm për të postuar foto, askush tjetër nuk e ka bërë këtë, dhe unë dua që gjërat të jenë ndryshe. Kam ardhur këtu me një qëllim. Dëgjova zemrën kur erdha dhe vendosa të firmos. Tani dua të më përgjigjeni: pse një blerje si unë nuk ka luajtur dy ndeshje rresht me këtë fanellë? Mund të thoni çfarë të doni përpara shtypit më vonë: ‘Oh, Douglas nuk është në formë.’ A nuk jam në formë unë? Kam bërë gjithë fazën përgatitore dhe kam luajtur çdo ndeshje. Sapo kisha pasur një nga sezonet më të mira të karrierës sime, një nga mesfushorët më të mirë të Premier League”.

Lexo më tej: Douglas Luiz tronditet pas ndeshjes: banesa e bastisur, 500 mijë euro të vjedhura

Më pas foli për dëmtimet e tij, që nuk i konsideron ‘normale’, dhe për kohën e gjatë që kaloi në stol edhe kur ishte i shëndetshëm: “Dëmtimet më penguan, po. Por për sa kohë kam qëndruar në stol ndërsa isha në formë? Shumë. Këto dëmtime nuk ishin normale. Nuk kam qenë kurrë një lojtar që dëmtohet, por ka kaq shumë gjëra që mund të kenë shkaktuar këtë që preferoj të mos komentoj. Do të vazhdoj të jap gjithçka për këtë klub, edhe pse ndonjëherë është e vështirë, nuk është e lehtë, por mund të llogarisni te unë”.

The post Douglas Luiz akuzon Juventus: “Dëmtimet e mia jo normale. Tani përgjigjuni pyetjes appeared first on Lapsi.al.

David Luiz është 38 vjeç (mbushi para pak ditësh), ka pas vetes një karrierë të gjatë dhe të mbushur me trofe, dhe deri para pak ditësh kishte edhe një flokë të gjatë e të dendur, aq karakteristik sa që i kishte sjellë (bashkë me Cucurella) shumë meme që e krahasonin me personazhin e Simpsonëve “Telespalla Bob”.

Fotoja virale e David Luiz në ndeshje: nuk e njihet më

Të gjitha këto tani janë pjesë e së shkuarës, pasi mbrojtësi brazilian është bërë viral në orët e fundit për një foto që e tregon në ndeshje i panjohshëm, me kaçurrelat pothuajse të zhdukura dhe një zonë të dukshme pa flokë në kokë. Ish-futbollisti i Benficës, Chelseat, PSG-së dhe Arsenalit, që u kthye në Brazil në vitin 2021 për të luajtur te Flamengo dhe aktualisht është te Fortaleza, ka shpjeguar vetë në një video se çfarë po ndodh me flokët e tij – arsye për të cilën ka vendosur t’i japë fund pamjes së vjetër pas disa dekadash, duke ndryshuar krejtësisht stil.

Kur David Luiz luante në Angli, shumë tifozë të tij vishnin paruke në tribunë për ta nderuar. Ato kohë nuk do të kthehen më, pasi ish-fituesi i Champions League dhe Europa League me Chelsea, si dhe i Libertadores me Flamengon, ka zbuluar se po përballet me rënien e flokëve “prej shumë vitesh”. Futbollisti nga São Paulo ka publikuar një video bashkë me berberin e tij të besuar për të treguar se si po përballet me këtë problem: “Gjatë viteve kam humbur pak flokë, kam qenë duke trajtuar rënien e flokëve prej shumë vitesh”.

“Dikur isha i dashuruar pas kapeleve – ka shpjeguar Luiz në video, duke u shfaqur me një mbulesë koke – Tani, me kalimin e viteve, më është bërë shumë më e vështirë t’i mbaj flokët siç i doja, plot me kaçurrela, në atë stilin kaçurrel që më pëlqente. Për mua ishte më e lehtë të vishja kapelën dhe t’i rregulloja flokët ashtu”. Braziliani më pas hoqi kapelën për të treguar flokët e tij të gjatë, por pranoi se po holloheshin dhe kishin nevojë për më shumë kujdes.

Remember David Luiz’s hair? This is it now pic.twitter.com/aNXAAcTq1x

— Ginga Bonito (@GingaBonitoHub) April 20, 2025

Berberi e transformon në një njeri të ri

Berberi dukej më pak i shqetësuar, duke këmbëngulur se Luiz kishte ende një “potencial të madh” për të vazhduar me stilin e tij karakteristik. Më pas ia preu flokët, duke e bërë të dukej krejt ndryshe, ndërsa i bënte shaka: “Ku e ke futur tullacinë?”. Braziliani u shfaq i kënaqur me transformimin e madh, teksa kalonte gishtat në flokë për të parë nëse kishte ndonjë zonë pa flokë.

Pasi i përfundoi kontrata me Flamengon në dhjetor të vitit të kaluar, David Luiz firmosi si lojtar i lirë me Fortalezan në fillim të këtij viti, duke u lidhur me skuadrën nga Ceará deri më 31 dhjetor 2026, me mundësi rinovimi edhe për një sezon tjetër. Mbrojtësi ka qenë titullar në të pesë ndeshjet e para të kampionatit të këtij edicioni në Brasileirão me Fortalezan, që aktualisht renditet e 14-ta me pesë pikë.

DE CABELO NOVO!
Se liga no novo visual do David Luiz! O zagueiro do Fortaleza abandonou o cabelão e contou a relação do seu cabelo com a sua autoestima!

: Instagram/juarezleiteoficial pic.twitter.com/tXiWbYG8pI

— TNT Sports BR (@TNTSportsBR) April 23, 2025

The post David Luiz nuk njihet më: në një video shpjegon çfarë po ndodh me flokët e tij appeared first on Lapsi.al.

Juventusi dëshiron ta rikthejë në Serie A Sandro Tonalin. Siç shkruan sot e përditshmja “Tuttosport”, nuk është më një sekret që bardhezinjtë e shohin ish-mesfushorin e Milanit si njeriun ideal për të ngritur nivelin e mesfushës. Nuk do të jetë e lehtë, megjithatë, ta marrin nga Newcastle, klub me fuqi financiare që nuk ka nevojë […]

The post Juventusi synon Tonalin, pjesë e marrëveshjes Douglas Luiz dhe Vlahovic appeared first on BoldNews.al.

 Ish-mbrojtësi i Chelseat dhe Arsenalit, David Luiz, ka thënë se ylli i Anglisë, Cole Palmer, është në një ‘nivel tjetër’. 

 Palmer ka pasur një ngritje të shpejtë gjatë 18 muajve të fundit, duke kaluar nga një lojtar fillestar me pak kontribut te Manchester City në një super yll të Ligës Premier. 

Lojtari i dashur dhe i talentuar bëri 41 paraqitje për klubin e tij të fëmijërisë Man City para se të kompletonte një transferim prej 40 milionë eurosh në ‘Stamford Bridge’ në verën e vitit 2023.  

Duke pasur parasysh mungesën e minutave nën drejtimin e Pep Guardiolës, ajo tarifë ngriti disa dyshime, por Palmer ka dëshmuar të jetë një marrëveshje e shkëlqyer për Chelsean që shpenzon shumë.  

Palmer u emërua Lojtari i Vitit nga tifozët e Ligës Premier dhe Lojtari i Ri i Vitit në Ligën Premier pas një sezoni të parë të suksesshëm në ‘Stamford Bridge’ dhe ka vazhduar të impresionojë këtë sezon me 14 gola dhe gjashtë asistime. 

 Luiz e ka përshkruar Palmer si lojtar të nivelit botëror – madje duke e krahasuar atë me legjendën e Chelseat, Eden Hazard.

“Cole, ashtu si Eden, është në një nivel tjetër, ai është një lojtar i nivelit botëror”, tha fituesi i Ligës Premier dhe Ligës së Kampionëve për The Sun.  

“Ai mori një vendim të vështirë për të lënë Man Cityn dhe ishte vendimi i duhur për të. Të gjithë tani mund të shohin lojtarin e mrekullueshëm që është. Po e shijoj teksa e shoh duke luajtur”. 

Lexo po ashtu "Tifozët e Chelseat nuk janë të lumtur të shohin Palmerin duke buzëqeshur me Guardiolën" - Neville i ashpër me talentin anglez

“Ai është inteligjent dhe lojtarët inteligjentë janë të vështirë për t’u markuar. Ai do të kishte luajtur në ekipet e mia të Chelseat të vitit 2012 dhe 2017, për lojtarët e nivelit botëror ka gjithmonë një vend”, ka thënë Luiz.

Luiz kaloi pjesën më të madhe të karrierës së tij në Ligën Premier te Chelsea, por gjithashtu pati një periudhë te rivalët e tyre londinezë, Arsenal.  

Ai për fund tek ekipi aktual i Chelseat tha se i pëlqejnë edhe dyshja Enzo Fernandez dhe Moises Caicedo, teksa shtoi se Nicolas Jackson dhe Robert Sanchez kanë mundësi të përmirësohen në vazhdim./Telegrafi/

The post David Luiz përzgjedh yllin e Anglisë që është në një ‘nivel tjetër’ appeared first on Telegrafi.

Tuttosport pretendon se Manchester City ka dërguar një ofertë të re për mesfushorin e Juventusit, Douglas Luiz, ku parashihet një huazim me opsion blerjeje për 35 milionë euro. 

Gjigantët e Ligës Premier, Manchester City i kanë dërguar një ofertë të re Juventusit për mesfushorin e tyre Douglas Luiz. 

Sipas Tuttosport, skuadra e Pep Guardiolës ka propozuar një marrëveshje huazimi deri në fund të sezonit me një opsion blerjeje për 35 milionë euro. 

Douglas Luiz ka pasur vështirësi për të luajtur në Juventus që kur përfundoi një transferim prej 50 milionë eurosh nga Aston Villa verën e kaluar, por gjigantët e Serisë A nuk janë të bindur nga oferta e Man City. 

Sipas raportit, Bianconerët janë të interesuar vetëm për një transferim të përhershëm ose një marrëveshje huazimi me një detyrim blerje të lidhur me objektiva ‘të lehta’. 

Douglas Luiz është nën kontratë me Juventusin deri në qershor të vitit 2029. Ai ka grumbulluar 18 paraqitje me Zonjën e Vjetër këtë sezon, por ende nuk ka shënuar apo asistuar. 

Lexo po ashtu Pep Guardiola shikon në Serie A për tri përforcimet e radhës te Man City

Ai pritet të luajë sonte në ndeshjen e Ligës së Kampionëve kundër Benficës. 

Manchester City mbetet i interesuar edhe për shokun e skuadrës së Douglas Luiz, Andrea Cambiaso dhe sipas disa burimeve italiane, ata do t’i dërgojnë një ofertë Juventusit në orët në vijim. /Telegrafi/

The post Man City i dërgon një ofertë të re Juventusit për Douglas Luiz appeared first on Telegrafi.

Chelseat i është ofruar mundësia ‘befasuese’ për të nënshkruar në formë huazimi mesfushorin e Juventusit, Douglas Luiz, sipas gazetarit Simon Phillips.

26-vjeçari brazilian kaloi në Juventus nga Aston Villa vetëm disa muaj më parë, pasi bëri përshtypje në Ligën Premier.

Megjithatë, koha e tij në Itali nuk ka shkuar siç pritej, dhe Luiz mund të jetë sërish në lëvizje në kërkim të një kohe më të rregullt për të luajtur.

Lojtarët si Enzo Fernandez dhe Romeo Lavia janë aktualisht të lënduar, duke nxitur nevojën që Chelsea të gjejë një zgjidhje.

Blutë duan që të transferojnë brazilianin, por fillimisht duhet të largojnë disa lojtarë.

Carney Chukwuemeka dhe Cesare Casadei janë në listën e largimeve, andaj Chelsea do të kishte mundësinë e huazimit të Luiz me opsionin për ta blerë. /Telegrafi/

The post Chelseat i ofrohet mundësia e transferimit të Douglas Luiz appeared first on Telegrafi.

Futbollisti brazilian Douglas Luiz mund të largohet nga Juventusi dhe të kthehet në Angli pas vetëm disa muajsh qëndrim në Torino.

Mesfushori që mbërriti te Juve si përforcimi më i madh këtë verë nga Aston Villa, luajti në Torino vetëm 13 ndeshje (354 minuta) në të gjitha garat.

Përveç problemit të lëndimit, Luiz ka pasur vështirësi edhe me përshtatjen në klubin e ri dhe nuk i ka ndihmuar as ardhja e të dashurës së tij Alisha Lehman, e cila gjithashtu kaloi nga skuadra e femrave të Aston Villa në Juventus.

Braziliani nuk arriti të imponohej dhe gjithnjë e më shpesh flitej se trajneri Thiago Mota nuk ishte aspak i kënaqur me lojërat e tij.

Siç raporton Sky Sport, dy klube angleze të cilave nuk iu ka bërë i ditur emri po punojnë për të sjellë në huazim Luizin, i cili dëshiron të kthehet në Angli dhe është mjaft i sigurt për largimin e tij nga Juventusi në janar.

Sezonin e kaluar, Luiz luajti 53 ndeshje për Aston Villan në të gjitha kompeticionet dhe arriti një performancë të shkëlqyer prej dhjetë gola dhe 10 asistime./Telegrafi/

The post Juventus dhe Douglas Luiz të hapur për ndarje, dy klube të Ligës Premier të interesuar për brazilianin appeared first on Telegrafi.

Kiara Tito ka vendosur të sqarojë ndjekësit për pyetjen e shpeshtë që merr mbi unazat e saj. Në një postim të fundit në Instagram, ajo u përgjigj një pyetjeje: “Unazat pse nuk i vendos më? Luizi nuk i ka hequr kurrë.”

Moderatorja sqaroi se arsyeja nuk lidhet me mungesën e dëshirës, por thjesht me faktin se ato nuk i përshtaten më.

“Nuk është se nuk dua, por realisht nuk më futen më. Kemi bërë porosi për unaza të reja,” shkroi Kiara.

Mesa duket, çifti po përgatitet për unaza të reja, duke treguar edhe një herë përkushtimin dhe dashurinë e tyre për njëri-tjetrin. Sikurse shihet, fansat janë kuriozë mbi çdo detaj në jetën e çiftit.

The post FOTO/ Luizi e mban unazën ndërsa ajo jo, Kiara Tito zbulon arsyen pse appeared first on Albeu.com.

Gjatë një podkast-i të zhvilluar së fundmi, Dalina Buzi ka bërë një deklaratë të fortë për çiftin Luiz-Kiara.

Ajo ka komentuar mbi marrëdhënien e tyre duke thënë:

“Kiara është e zgjuar, veç e veç për pasurinë, bashkë për fëmijën“.

Mirëpo si t’i shpëtonte Luizit diçka e tillë? Pa humbur kohë, ky ishte komenti i tij:

“Shpresa e fundit që të bëhej opinioniste ishte kjo skena këtu. Mirë që i iku bosh edhe kjo, por i doli boja ftyr2mijëshes”. Në një tjetër replikë Luizi shkruan: “Se harrova. Urime për emisionin këtyre 3 gocave”.

The post Dalina bën deklaratën e fortë për Kiarën, Luizi i reagon ashpër appeared first on iconstyle.al.

Shifrat e Juventus, në vitin e parë nën drejtimin e teknikut Thiago Motta po shqetësojnë tifozët: vendi i 6-të në kampionat, -6 pikë nga Napoli kryesues dhe me Milan që e ndjek nga pas, vendi i 19-të në Champions League me vetëm tre ndeshje të mbetura në fazën e grupeve dhe, mbi të gjitha, vetëm tetë fitore në 19 ndeshjet e zhvilluara deri tani. Pas barazimit të fundit në Lecce, kanë nisur edhe vërshëllimat dhe protestat e para për një fillim sezoni shumë poshtë pritshmërive, jo vetëm për 7 pikët më pak krahasuar me një vit më parë. Edhe ata që mendonin se largimi i Allegrit do të sillte një përmirësim të menjëhershëm po fillojnë të ndërrojnë mendje. Dëmtimet e shumta janë një justifikim i vlefshëm, por nuk mund të fshehin disa probleme që dolën menjëherë në pah. Le t’i analizojmë.

NJË MERKATO ME SHUMË ZHURMË, POR PAK REZULTATE

I pari që po kritikohet është Cristiano Giuntoli. Edhe pse balanca ekonomike mes blerjeve dhe shitjeve duket më e arsyeshme, nuk mund të mohohet që Juventus ka shpenzuar shumë këtë verë, por jo gjithmonë me sukses. Veçanërisht shqetësues janë 110 milionë eurot (përfshirë kartonët e Barrenechea dhe Iling-Junior) të shpenzuara për të siguruar Koopmeiners dhe Douglas Luiz. Holandezi është shumë larg nivelit që tregoi te Atalanta, ku ndoshta dha maksimumin e tij. Gabimet e shumta, disa edhe teknike, po bëjnë që vlera e tij reale të vihet në dyshim. Për sa i përket Douglas Luiz, paksa që u pa para dëmtimit nuk e përmbush aspak nivelin e kërkesave të Juventus, saqë tashmë përflitet për largimin e tij në merkaton e janarit.

Lexo më tej: Di Canio fundos teknikun Thiago Motta: “Juventus luan njësoj si me Allegrin”

Po ashtu, largimet e bujshme si ato të Chiesa, Rabiot, Szczesny, Kean dhe Kostic kanë revolucionarizuar ekipin, por nuk janë zëvendësuar me lojtarë të një niveli të duhur për rolet e tyre. Në përgjithësi, në Torino kanë mbërritur lojtarë që kanë më shumë potencial sesa një cilësi të provuar. Deri tani, këto blerje nuk kanë sjellë ndonjë hap përpara krahasuar me të kaluarën e afërt.

ZGJEDHJE E KONTESTUARA TË FORMACIONIT

Edhe Thiago Motta po jep kontributin e tij në situatën e komplikuar. Fillimisht sepse ai ka aprovuar të gjitha zgjedhjet e Drejtorit Sportiv Giuntoli dhe, më pas, sepse duket se ende nuk ka ide të qarta. Duke nisur nga portieri. Alternimi i vazhdueshëm mes Di Gregorio dhe Perin, dy portierë me vlera të ngjashme, mund të nxisë konkurrencën e brendshme, por nuk ndihmon për të sjellë qartësi, as për shokët e skuadrës, në një rol kaq të ndjeshëm.

Pastaj është rasti i kapitenit Danilo, i lënë mënjanë për të bërë vend për të riun Savona dhe i rikthyer në mënyrë të ngutshme për të mbuluar emergjencën në mbrojtje. Cabal, i përcaktuar si “qendror” nga Motta, po përdoret më shumë si mbrojtës krahu, ndërsa Rouhi, i hedhur në fushë papritur, ka qenë protagonist negativ në humbjen kundër Stuttgart dhe në barazimin në sekondat e fundit kundër Lecce. Fagioli është lënë jashtë për t’u mbështetur tek një Koopmeiners zhgënjyes, ndërsa mbizotëron konfuzioni për atë që duhet të zëvendësojë Vlahovic në mungesë të tij dhe të Milik. Në këtë situatë, duket se Thiago Motta ka shumë ide, por i duhet të marrë vendime më të qarta për titullarët dhe rezervat.

DËMTIMET: FAT I KEQ APO GABIME NË PËRGATITJE?

Së fundi, kemi çështjen e dëmtimeve. Disa mendojnë se janë thjesht fat i keq, por duke qenë se shumica janë muskulore, kjo tregon se diçka ka shkuar keq në përgatitje. Dhe këtu faji bie mbi stafin e teknikut italo-brazilian të Juventus. Nëse Bremer dhe Cabal kanë pësuar dëmtime aksidentale dhe Milik u dëmtua rëndë gjatë verës me kombëtaren e tij, e njëjta gjë nuk vlen për Nico Gonzalez, Douglas Luiz, Vlahovic, McKennie, Savona dhe Adzic, për të përmendur disa nga ata që aktualisht janë ende jashtë fushe.

Për Bremer dhe Cabal, sezoni duket praktikisht i përfunduar, por për të tjerët pritet një rikthim i shpejtë, ose të paktën kështu shpresohet. Gjithsesi, disa nga këta lojtarë po qëndrojnë jashtë më gjatë se sa pritej, duke ngritur dyshime. Për ndeshjen e së shtunës kundër Bologna-s, mund të jenë të gatshëm Vlahovic, McKennie dhe Savona, ndërsa për të tjerët, përfshirë Milik, dhjetori mund të jetë muaji i rikthimit. Problemi është se aktualisht nuk ka asnjë siguri për këto rikthime, gjë që e bën situatën edhe më shqetësuese.

The post Juventus, durimi po mbaron: nën akuzë dëmtimet, merkato e zgjedhjet teknike appeared first on Lapsi.al.

Juventusi është në pritje të ofertave nga klubet e Ligës Premierl për Nicolò Fagiolin dhe Douglas Luiz dhe sipas Gazzetta dello Sport, drejtori Cristiano Giuntoli ka folur për dyshen e mesfushës me Manchester United dhe Man Cityn.

Juventus shpreson që dyshja e tyre në mesfushë Fagioli dhe Douglas Luiz të marrin oferta nga klubet angleze në afatin kalimtar të dimrit, dhe sipas këtij mediumi, Giuntoli vetëm ka biseduar për kushtet me klubet e lartë përmendura.

Juventus udhëtoi në Angli për një ndeshje të Ligës së Kampionëve kundër Aston Villa të mërkurën dhe Giuntoli thuhet se e përdori udhëtimin për të takuar drejtorët e Man City dhe Man United.

Gazeta raporton se Giuntoli udhëtoi për në Mançester të dielën dhe më pas përsëri të martën.

Juventusi duhet të rrisë financat e tij për të nënshkruar të paktën me një mbrojtës të ri në afatin kalimtar të janarit, ndërsa Gleison Bremer dhe Juan Cabal janë jashtë për sezonin aktual nga lëndime në gju.

Giuntoli konfirmoi mbrëmë se Juventusi do të kërkojë mbrojtës në janar, por nuk do të nënshkruajë me një sulmues. /Telegrafi/

The post Juventusi bisedoi me dy gjigantët anglezë për shitjen e dy mesfushorëve appeared first on Telegrafi.

Moderatorja e dashur për publikun, Kiara Tito, ka bërë së fundmi një bashkëbisedim virtual me ndjekësit e saj në “Instagram”. E sigurisht që pyetjet e tyre kanë qenë të lidhur edhe me partnerin e Kiarës, Luiz Ejlli.

Një ndjekëse e ka pyetur nëse e ka menduar ndonjëherë se mund të lidhej me këngëtarin e njohur. Kiara i përgjigjet se kur ka hyrë në shtëpinë e “Big Brother VIP” ka menduar se do të qëndrojë ‘2-3 javë’. Por shton se ‘shkodrani i zemrës i prishi planin me humorin e tij’.

“Kiara a e ke menduar në fillim ndonjëherë se mund të lidheshe me Luizin dhe të arrije këtu ku je sot?”, e pyeti një ndjekës.

“Mendimi im ishte do futem në Big Brother dhe do dal mbas 2-3 javësh. Mirë që dola pas 3 muajsh, po u bëra me bashkëshort dhe me fëmijë. Jo kurrë s’do kisha menduar, se kam qenë e vendosur në fillim por ja që shkodrani i zemrës ma prishi mendjen me humorin e tij”, i përgjigjet

The post FOTO/ “A e ke menduar se mund të lidheshe ndonjëherë me Luizin”, Kiara Tito i përgjigjet sinqerisht pyetjes së ndjekësit appeared first on Albeu.com.