Vetëm 17 vjeç, Gout Podagra, i njohur si “Usain Bolti i ardhshëm”, po jeton një jetë të dyfishtë mes lavdisë atletike dhe bankave të shkollës.

Të premten ai do të garojë për herë të parë në Diamond League në Monako, përballë sprinterëve më të mirë në botë. Të hënën? Do të rikthehet në klasë në Ipswich Grammar në Brisbane, Australi, për të ndjekur lëndë si kontabilitet, psikologji dhe biologji.

Gout është tashmë i përzgjedhur në ekipin kombëtar të Australisë për Kampionatin Botëror në Tokio, pasi ka përmbushur kohët kualifikuese për 200 metra. Ai u bë i njohur ndërkombëtarisht pas medaljes së argjendtë në Kampionatin Botëror U-20 në Lima në 2023 dhe një kontrate me Adidas, sponsorin e Noah Lyles.

Djalli i shpejtë me origjinë nga Sudani i Jugut u rrit në Brisbane, me një jetë modeste: babai punon si teknik ushqimi dhe shofer Uber, ndërsa nëna ishte pastruese. Emri i tij i vërtetë është Guot, por u shkrua gabim në dokumentet e emigrimit në Egjipt.

Karriera e tij nisi rastësisht, në një garë atletike shkollore, ku u dallua për lëvizjen e rrjedhshme dhe shpejtësinë natyrale. Që nga ajo ditë, trajnerja e tij Di Sheppard dhe agjenti James Templeton e kanë udhëhequr në çdo hap drejt suksesit ndërkombëtar.

Në dhjetor 2023, Gout theu rekordin kombëtar U-18 në 100m me 10.17 sekonda dhe rekordin legjendar të Peter Norman në 200m me 20.04 sekonda, duke e bërë atë adoleshentin më të shpejtë ndonjëherë në këtë distancë. Usain Bolt vetë reagoi në Instagram: “Duket si unë i ri”.

Megjithë krahasimet me legjendën xhamajkane, Gout mbetet me këmbë në tokë: “Unë dua të jem Gout-i i ardhshëm, jo dikush tjetër”. Ai aktualisht stërvitet në Gjermani dhe po përgatitet për debutimin e tij madhor në Tokio. Templeton thotë se famën po e menaxhojnë me kujdes, duke e mbajtur larg vëmendjes komerciale.

Ekspertët si Darren Campbell vlerësojnë teknikën e tij, veçanërisht kontaktin minimal me tokën dhe ritmin e mbresëlënës.

Edhe pse ende fizikisht i papjekur, potenciali i tij është i jashtëzakonshëm. “Ai vetëm po ngrohet”, thotë Templeton – dhe bota e atletikës po e pret shpërthimin e tij në skenën më të madhe. /Telegrafi/

The post Njihuni me 17-vjeçarin e quajtur ‘Usain Bolt i ardhshëm’, emri i të cilit është shkruar gabimisht appeared first on Telegrafi.

Faith Kipyegon, Julien Alfred dhe Kishane Thompson janë ndër atletët më të mire që konfirmuan praninë e tyre në garën e 9 sezonale të “Wanda Diamond League” në “Prefontaine Classic” në Eugene këtë të shtunë. Pjesëmarrja e atletëve më të mirë premton një event eksploziv në “Hayëard Field”. Keniani i garave në distance, Faith Kipyegon kthehet në “Diamond League” pas provës së miljes në 4 minuta në Paris, javën e kaluar. Ndërsa Kampioni olimpik, Letsile Tebogo rikthen rivalitetin me amerikanin Kenny Bednarek në garën e 200m për meshkuj. 

Medalisti i artë në 100m, Julien Alfred dhe dy herë Kampionia olimpike, Beatrice Chebet kërkojnë të zgjasin serinë impresionuese të fitoreve në Eugene. Tifozët amerikanë do të ndjekin edhe emra të tjerë në pistë si Sha’Carri Richardson, Tara Davis-Woodhall dhe Quincy Hall. Aktiviteti fillon në orën 21:27 me garën e hedhjes së gjyles për femra ndërsa transmetimi global starton në orën 22:00 me garën e 400m me pengesa për meshkuj.

The post Eugene publikon listën e pjesëmarrësve në Diamond League appeared first on Gazeta Si.

Atleti Franko Burraj vijon të thyejë rekorde kombëtare. Pas rekordit në garën e 400 metrave, në Kampionatin Evropian Liga 3, që po mbahet në Maribor të Sllovenisë, Franko Burraj regjistroi edhe një tjetër rekord kombëtar në 200 metra. Burraj e ndali kronometrin në kohën 20:97, duke i dhënë pikë të rëndësishme ekipit kombëtar për kualifikimin […]

The post Atleti Franko Burraj, rekord të ri kombëtar në 200 metra appeared first on BoldNews.al.

TIRANË, 26 qershor /ATSH/ Atleti Franko Burraj vijon të thyejë rekorde kombëtare.

Pas rekordit në garën e 400 metrave, në Kampionatin Evropian Liga 3, që po mbahet në Maribor të Sllovenisë, Franko Burraj regjistroi edhe një tjetër rekord kombëtar në 200 metra, njoftoi Komiteti Olimpik Kombëtar Shqiptar.

Burraj e ndali kronometrin në kohën 20:97, duke i dhënë pikë të rëndësishme ekipit kombëtar për kualifikimin në Ligën 2.

 

View this post on Instagram

 

A post shared by Olympicalbania (@olympicalbania)

/a.f//r.e/

The post Atleti Franko Burraj, rekord të ri kombëtar në 200 metra appeared first on Agjencia Telegrafike Shqiptare.

Ky është denoncimi i bërë në rrjetet e saj sociale nga Luiza Gega e cila deklaroi se nuk do të marrë pjesë në evropianin slloven që fillon të martën e ardhshme. Shkak është bërë organizimi i udhëtimit me autbus të cilin kampionia e Evropës në vitin 2022 e konsideron të papërshtatshëm për të garuar dhe fituar në një kompeticion të tillë. Luiza Gega fajëson për këtë Presidentin e ri të Federatës Shqiptare të Atletikës, për të cilin thotë se – “e ktheu atletikën, dy dekada më mbrapa”. Gjithashtu ajo tregon se uniformat e fundit kombëtare janë marrë para dy vitesh (dhe atëherë paguar nga Presidenti i asaj kohe, Stërmasi), ndërsa pasardhësi Smajlaj nuk ka shpërndarë ende asnjë të tillë.

The post Atletika shqiptare pa uniforma dhe në evropian me autobus appeared first on Gazeta Si.

TIRANË, 5 qershor/ATSH/ Vllaznia e Shkodrës ka triumfuar në kampionatin Kombëtar U-20 në Atletikë, i cili u zhvillua në “Elbasan Arena”

Kryetari i Bashkisë së Shkodrës, Benet Beci, përmes një njoftimi në rrjetet sociale ndau foto nga ceremonia e shpërndarjes së medaljeve atletëve kampionë.

“Pas sukseseve të mëparshme me titullin Kampion Kombëtar U-16, fitoren e Kupës së Shqipërisë për të rritur dhe titullin Kombëtar me U-18, Vllaznia Atletikë shkëlqen sërish – kësaj here me titullin Kampion Kombëtar për të Rinj (U-20).

“Në pistën e Elbasan Arena, atletët tanë dominuan thuajse çdo garë, duke grumbulluar plot 99 pikë dhe u shpallën më të mirët në Shqipëri”, shkruan Beci.

Suksesi, siç u theksua në postim, është rezultat i punës së palodhur të trajnerëve: Albert Marashi, Bruno Rrotani, Dorjan Tafa dhe Jetmir Jahaj.

Rezultatet kryesore teknike:
110m/pengesa: Ergi Dallnesi| Andrea Nenshati

200m: Arijon Alibali | Renis Jasini

400m/pengesa: Sidrit Kopliku | Ergi Dallnesi

800m: Sidrit Kopliku

400m: Dejan Balla

400m (vajza): Roah Bashli

Kërcim së larti: Andrea Nenshati | Sulejman Taka

Kërcim së gjati: Elizeo Spathari | Mario Cepi

Kërcim së gjati (vajza): Elois Heta

Kërcim trehapësh: Elizeo Spathari | Elibet Ahmeti

1 nga 4

The post Vllaznia fiton kampionatin Kombëtarë U-20 në Atletikë appeared first on Agjencia Telegrafike Shqiptare.

Shelly-Ann Fraser-Pryce kthehet në pistë ndërsa Letsile Tebogo do të garojë për të parën herë në 200m këtë sezon në mitingun e tretë të “Wanda Diamond League 2025” në Doha. Një total prej 45 kampionësh olimpikë dhe medalistë në botëror do të përballen në kthimin e “Wanda Diamond League” në Doha. Këto janë pesë aspektet kryesore të “Qatar Sports Club”.

Kthimi i Fraser-Pryce – Me 25 fitore dhe 5 tituj, Legjenda e sprintit xhamaikan, Shelly-Ann Fraser-Pryce është nga sportistet më të suksesshme në historinë e “Diamond League”. 38 vjeçarja shpreson të shtojë medalje të tjera në kur të garojë në 100m kundër Mujinga Kambundji dhe patrioteve Natasha Morrison, Tia & Tina Clayton.

Tebogo garon në 200m – I pari afrikan që fitoi medaljen e artë olimpike në 200m në Paris, atleti nga Botswana Letsile Tebogo nuk do të garojë në 100m (sic bëri në Xiamen dhe Keqiao) por në familjaren 200m në Doha. Kanadezi Aaron Brown dhe liberiani Joseph Fahnbulleh do të provojnë t’ja vështirësojnë garën kampionit olimpik.

Sfidë olimpike në Diamond League – Gara e 3000m me pengesa do të ketë 3 medalistet olimpike në start. Winfred Yavi (Bahrein) që fitoi medaljen e artë në Paris, ndërsa Peruth Chemutai (Uganda) dhe Faith Cherotich (Kenia) morën përkatësisht medaljen e argjendit dhe bronzit. Për të treja do të jetë paraqitja e parë sezonale në “Diamond League”.

Chopra shpall ambicjet për titull – Neeraj Chopra (Kampion Olimpik hedhjen e shtizës në 2021) shkroi historinë në vitin 2022 kur u bë i pari indian që fitoi titullin në “Diamond League” dhe shpreson të përsërisë suksesin gjatë këtij viti. Chopra do të marrë pjesë për të katërtën herë në mitingun e Katarit.

Show në kërcimin trehapësh – Një tjetër sfidë olimpike në konkurimin e femrave do të jetë në kërcimin 3 hapësh. Kampionia olimpike në Paris, Thea LaFond do të ketë përballë nën kampionen nga Xhamaika, Shanieka Ricketts. Dy rivale që rezultatin më të mirë e kanë më shumë se 15 metra. Ricketts ka një paraqitje më të mirë në “Diamond League” me 6 fitore ndaj 1 të LaFond dhe rrëmbeu titullin në vitin 2019. Në të njëjtën bateri me to do të jetë edhe Ivana Spanovic.

The post Doha 2025: Pesë duelet më të rëndësishme appeared first on Gazeta Si.

Skandali i rradhës duket se është zbuluar në sportin shqiptar dhe për ironi të fatit në Federatën e Mbretëreshës së Sporteve. Akoma më keq, ajo që nuk përkrahet dhe lihet jashtë është sportistja më e mirë e kësaj Federate, Luiza Gega. Ishte vetë sportistja e shumë medaljeve dhe titujve që që zbuloi gjithçka në profilin e saj në Instagram. Asambleja e Zakonshme do të duhej të ishte zhvilluar disa javë më parë, por ajo u shty për verifikimin e mandateve të pjesëmarrësve.

Kandidatët për President ishin Taulant Stërmasi (nga sot ish President) dhe atleti Izmir Smajlaj (nga sot President dhe anëtar i KE të KOKSH). Sipas asaj që zbuloi Gega – Taulant Stërmasi u tërhoq nga gara dhe komuniteti i Atletikës bëri gjithçka që as ajo (Luiza) të mos ishte pjesë e Asamblesë dhe të mos kandidonte. Luiza Gega ka postuar 3 video në Instagram dhe ky është teksti i plotë i saj:

Sot u mbajt Asambleja e Federatës Shqiptare të Atletikës, ku kandidati i vetëm për President ishte Izmir Smajlaj, pasi trajneri im u tërhoq. Ai nuk e ndjente më veten pjesë të gjithë pisllëqeve që po ndodhin, dhe këtë qëndrim e respektoj pa masë. Unë, pak kohë më parë, u përpoqa me të gjitha forcat që kjo situatë të mos shkonte drejt këtij drejtimi. E bëra sepse e dua atletikën me gjithë zemër. Ky sport është jeta ime — i kam dhënë gjithçka, çdo ditë, për shumë vite me radhë. Por mesa duket, sot, forca e të paaftëve dhe intrigave është më e madhe se zëri i atyre që punojnë ndershëm.

Gjithsesi, vendosa të kandidoj për anëtare të Kryesisë. Edhe pse pati përpjekje të hapura për të penguar klubet të më propozonin, një shoqatë vendosi të mos dorëzohej dhe më propozoi si kandidate. E dija mirë që nuk do të isha pjesë e Kryesisë — sepse ishte punuar fort që të mos ndodhte. Dhe për të qenë e sinqertë: nuk doja të isha pjesë e një drejtimi me njerëz që jo vetëm nuk e duan këtë sport, por për vite të tëra i kanë bërë dëm. Nuk kandidova për interesa personale. Doja të isha aty për të qenë zëri i një sporti që shpesh është përdorur për qëllime të gabuara.

Shpesh është thënë se unë “sulmoj” Izmirin — por sot është e qartë se ai dhe të ngjashmit me të nuk i duan afër njerëzit që kanë dhënë realisht për atletikën. Unë nuk mund ta mbështes dhe nuk do të bëhem kurrë pjesë e një komuniteti që i bën keq asaj që unë kam kontribuar me zemër, me përkushtim dhe me sakrificë për kaq shumë vite. Jam e sigurt që e ardhmja do të jetë ndryshe. E vërteta nuk fshihet përgjithmonë, dhe sporti ka nevojë për njerëz të pastër dhe të përkushtuar.
Me respekt,
Luiza Gega

The post Luiza Gega denoncon – ‘Në Federatën Shqiptare nuk më duan as mua dhe as Atletikën’ appeared first on Gazeta Si.

Mbi 300 fëmijë morën në garën “Fun Run Kids”, organizuar si pjesë e garave nga Prishtina Trails në bashkëpunim me LET Center dhe W Germia Parkrun, me përkrahje nga Raiffeisen Bank Kosova.

Gara u mbajt në Parkun e Gërmisë dhe përfshiu dy distanca – 1 km dhe 2 km – të përshtatura sipas grupmoshave, duke sjellë një atmosferë festive, sportive dhe familjare në zemër të
natyrës.

E shoqëruar nga aktivitete për fëmijë, argëtim dhe shumë buzëqeshje, ngjarja u zhvillua nën moton “Gërmia pa kerre!”, duke theksuar rëndësinë e mbrojtjes së mjedisit dhe hapësirave publike.

Në ngjarje ishte i pranishëm edhe Kryetari i Komunës së Prishtinës, Përparim Rama, i cili vlerësoi pjesëmarrjen masive dhe uroi që Gërmia të vazhdojë të mbetet një hapësirë e gjallë për komunitetin.

Një nga elementet më të veçantë të garës ishin medaljet unike të mbicikluara, të prodhuara nga kapakë plastikë – rreth 30 për secilën medalje – në laboratorin DYVO Lab. Ky projekt kreativ është rezultat i një bashkëpunimi me LET Center, ku fëmijët dhe qytetarët kontribuojnë duke mbledhur kapakë të shisheve plastike gjatë gjithë vitit.

Edicioni special për fëmijë nuk ishte vetëm një kujtim i bukur nga gara, por edhe një mesazh i fuqishëm për rëndësinë e kujdesit ndaj mjedisit dhe përfshirjes komunitare që në moshë të hershme.

“Ky është vetëm fillimi – interesimi i madh na motivon të organizojmë edhe më shumë gara për fëmijë në të ardhmen,” tha njëri nga organizatorët nga ekipi X-Trailers, duke konfirmuar angazhimin e tyre për të ndërtuar një kulturë të lëvizjes në natyrë që nga mosha e hershme.

“Fun Run Kids” u zhvillua si pjesë e javës së aktiviteteve të Prishtina Trails 2025, një ngjarje e certifikuar ndërkombëtarisht (UTMB Index dhe ITRA), që kulmon më 4 maj me tre gara: Classic 10km, Edge 23 km dhe Ultra 47 km.

Por siç tregoi kjo fundjavë, është gjenerata e re që po i jep energji dhe kuptim të ri këtij komuniteti vrapues në rritje.

Gara “Fun Run Kids” u përkrah nga partnerët e besuar të Prishtina Trails: Raiffeisen Bank Kosova, LET Center, Gusto Cafe, Rugove, Frostea – duke e bërë këtë ditë të paharrueshme për qindra fëmijë dhe familje në zemër të Gërmisë.

The post Gëzim dhe vrapim në natyrë – mbi 300 fëmijë garuan në “Fun Run Kids” në Gërmi appeared first on Telegrafi.

Me shtigje përmes Gërmisë pa kerre, medalje unike dhe çertifikim ndërkombëtar nga UTMB dhe ITRA, Prishtina Trails ofron një përvojë të paharrueshme për vrapues të çdo niveli që duan të sfidojnë veten dhe të mbrojnë natyrën.

Prishtina Trails nuk është thjesht një garë – është një përjetim që bashkon sportin, natyrën dhe angazhimin qytetar. Çdo kilometër që vrapon në këtë garë është një hap drejt një mënyre jetese më të shëndetshme, një lidhje më të fortë me mjedisin dhe një mbështetje për vlerat që duam t’i ruajmë në qytetin tonë. Ja pesë arsye të fuqishme pse duhet të bëhesh pjesë e kësaj aventure më 4 maj 2025.

Afati i regjistrimit: 28 prill
Regjistrohu sot

1. Vrapo për natyrë, për ajër të pastër, mendje të shëndoshë

Gërmia nuk është vetëm një park – është një arratisje nga betoni dhe zhurma e qytetit. Vrapimi në natyrë ka benefite të shumta për shëndetin: përmirëson funksionimin e zemrës dhe mushkërive, forcon muskujt, ul nivelin e stresit dhe rrit përqendrimin. Duke vrapuar në Gërmi, jo vetëm që ndihesh më energjik, por edhe më i qetë. Ndikimi i natyrës në mirëqenien mendore është i dëshmuar: redukton ankthin, përmirëson gjumin dhe të rikthen balancën që ndonjëherë e humbim në jetën e përditshme. Prishtina Trails është ftesa për t’u lidhur me veten – përmes natyrës.

2. Tre distanca, një garë për të gjithë

Prishtina Trails ofron tri mundësi për vrapues të çdo niveli: distancën 10km, e cila është ideale për fillestarët dhe ata që duan të provojnë për herë të parë një garë në natyrë; distancën 23km, e cila ofron një sfidë të shkëlqyer për vrapuesit që kërkojnë më shumë emocion dhe mundësi për të zhvilluar aftësitë e tyre; dhe distancën 47km, për atletë më të përgatitur që kërkojnë një përvojë malore të vërtetë dhe një sfidë të vështirë. Çdo distancë është një mundësi për të testuar kufijtë e tu dhe gjithashtu ofron pika UTMB dhe ITRA, të cilat janë të njohura dhe të përdorura në gara ndërkombëtare.

3. Medalje speciale nga plastika e mbicikluar

Në Prishtina Trails, medaljet janë më shumë se një simbol përfundimi – ato janë një angazhim për të mbrojtur natyrën dhe për të kontribuar në një të ardhme më të qëndrueshme. Për këtë arsye, medaljet janë krijuar nga kapakë plastikë të ricikluar, një iniciativë që promovon riciklimin dhe uljen e mbetjeve plastike. Ky proces është mundësuar nga bashkëpunimi me LET Center, që mbledh kapakët plastikë nga komuniteti dhe DYVO Lab, që i shndërron ato në medalje të veçanta.

Ky angazhim për mbiciklimin dhe për një të ardhme më të pastër është një pjesë e rëndësishme e filozofisë së Prishtina Trails, që mbështet ruajtjen e hapësirave natyrore dhe pasurisë ekologjike, si Gërmia, e cila është e rrezikuar nga ndotja dhe ndikimi i automjeteve.

4. Bëhesh pjesë e mbrojtjes së parkut Gërmia

Prishtina Trails është më shumë se një garë – është një mundësi për të kontribuar në një kauzë të rëndësishme. Pjesëmarrësit e këtij evenimenti bëhen pjesë e fushatës “Gërmia pa kerre”, një iniciativë që kërkon të ndalojë hyrjen e automjeteve në Gërmi dhe të ruajë këtë hapësirë natyrore dhe qetësinë për qytetarët. Kjo fushatë ka për qëllim të mbrojë natyrën, të ulë ndotjen dhe të sigurojë një mjedis të pastër për të gjithë ata që shijojnë vrapimin, ecjen, dhe aktivitetet e tjera në natyrë. Pjesëmarrësit në Prishtina Trails kontribuojnë në rritjen e ndërgjegjësimit për këtë çështje dhe ndihmojnë që Gërmia të mbetet një hapësirë e pastër dhe e aksesueshme për të gjithë.

5. Komunitet, emocion dhe frymëzim

Prishtina Trails nuk është thjesht një garë – është një ngjarje që bashkon njerëz të gjitha moshave dhe niveleve, që ndajnë dashurinë për natyrën, vrapimin dhe frymën e aventurës. Atmosfera në ditën e garës është e mbushur me energji pozitive, mbështetje dhe motivim. Qoftë kur nis rrugën, kur kalon një pjesë të vështirë të shtegut apo kur mbërrin në finish, njerëzit rreth teje – organizatorët, vullnetarët dhe garuesit e tjerë – bëhen pjesë e një familjeje të përkohshme, por të fuqishme.

Kjo garë frymëzon të rinj dhe të moshuar, fillestarë dhe profesionistë, që të lëvizin më shumë, të shijojnë natyrën dhe të kujdesen për trupin e tyre. Dhe pikërisht kjo ndjesi e përkatësisë dhe bashkimit rreth një qëllimi të përbashkët – përtej kohës, distancës apo rezultatit – është ajo që e bën Prishtina Trails kaq të veçantë.

Kontakti:
X-Trailers | info@prishtinatrails.com
Instagram & Facebook: @prishtinatrails

The post Prishtina Trails: 5 arsye pse duhet të vraposh në garën më të gjelbër të Kosovës appeared first on Telegrafi.

TIRANË, 16 prill/ATSH/ Kryeministri, njëherazi kryetari i Partisë Socialiste, Edi Rama bëri të ditur sot se qeveria do të rrisë buxhetin për Federatën e Atletikës.

“Nuk mund të qëndrojmë në vendnumëro, vetëm me një pistë atletike, si ajo që është ndërtuar nga bashkia e Tiranës. Duhet të gjejmë rrugë alternative dhe të krijojmë një hapësirë edhe për atletikën në bashkëpunim edhe me Federatën e Atletikës, sepse është mbretëresha e sporteve. Dhe sepse na duhet, sa i përket edhe kulturës fizike, atletika është kyçe”, deklaroi ai gjatë prezantimit të vizionit për sportin në Shqipërinë 2030, pjesë e fushatës së zgjedhjeve të 11 majit, në Tiranë.

Rama tha se synimi është që përmes mbështetjes së Federatës, atletika të hyjë në disiplinat e ekipeve sportive në shkolla.

Më tej, ai theksoi se tashmë është zgjidhur edhe çështja e akomodimit të kampionëve pas përfundimit të karrierës së tyre garuese.

Sot, tha ai, nuk ka më kampionë që enden rrugëve.

“Kemi ndërtuar sistemin e gradave në Forcat e Armatosura që i vlerëson kampionët dhe ju jep një perspektivë jete, duke i kthyer ata në asete që vazhdojnë të shërbejnë si mentorë, këshilltarë apo trajnerë“, theksoi Rama.

Përtej kësaj, vuri në dukje Rama, buxheti për Komitetin Olimpik Shqiptar që ka marrë një pozicion të nderuar kombëtarisht apo ndërkombëtarisht dhe ka justifikuar veten përtej pritshmërive është i pamjaftueshëm.

Rama premtoi se nga viti i ardhshëm do të ketë një rritje të buxhetit të Komitetit Olimpik.

Rama po ashtu theksoi se ka ardhur koha të mbyllet edhe çështja e e ligjit të sponsorizimeve.

“Nuk ka qenë e lehtë për ne, nga pikëpamja financiare, por sot është e mundur”, shtoi ai./j.p/

The post Rama: Nuk ka më kampionë që enden rrugëve, përfundojmë ligjin e sponsorizimeve në sport appeared first on Agjencia Telegrafike Shqiptare.

Është shfaqur një situatë krejtësisht e pabesueshme në Shtetet e Bashkuara të Amerikës në një garë stafetë në shkollë të mesme.

Gjatë garës së fundit 4×200 metra, e reja amerikane Kaelen Tucker vrapoi turneun e dytë për shkollën e saj Brookville dhe në gjysmën e garës së saj, ajo kaloi kundërshtaren.

Studentja e Norcom më pas bëri një lëvizje që u dënua nga publiku sportiv amerikan – ajo goditi rivalen e saj në pistë me shkop me të gjitha forcat e saj, duke “rikthyer” kështu vendin e dytë.

at

Në fund, natyrisht, shkolla e saj u skualifikua nga gara.

Tucker doli menjëherë nga pista dhe në spital ajo u diagnostikua me një tronditje.

“Unë ende nuk mund ta besoj atë që ndodhi, jam në shok. Më e keqja është se askush nuk ka kërkuar falje, as ajo, as trajneri i saj”, deklaroi Kaelen Tucker, e cila po ndihet më mirë dhe ka dalë nga spitali. /Telegrafi/

The post “Askush nuk ka kërkuar falje, jam në shok”, kaloi kundërshtaren në garën 4×200 metra, sportistja u godit me stafetë appeared first on Telegrafi.

Atleti xhamajkan, Usain Bolt hëngri një ushqim krejtësisht identik dhe të pazakontë gjatë Lojërave Olimpike, ku fitoi dy medalje të arta.

Bolt, njeriu më i shpejtë në botë, mban rekordin për kohën më të shpejtë në 100 dhe 200 metra dhe është fitues i tetë herë medalje ari olimpike.

Ai u diagnostikua me skoliozë kur ishte i ri dhe një artikull i vitit 2017 në New York Times sugjeroi se gjendja mund të kishte pasur një ndikim pozitiv te Bolt dhe e ndihmoi atë të bëhej demoni i shpejtësisë që të gjithë e njohim.

Ai bëri debutimin e tij olimpik në vitin 2008 në Lojërat e Pekinit, duke u bërë menjëherë rekordmeni botëror në 100 metra.

Sensacioni xhamajkan më pas theu rekordin botëror në 200 metra dhe sigurisht fitoi medalje të arta në të dyja garat.

Lexo po ashtu Usain Bolt nuk kishte asnjë dyshim kur u pyet nëse Cristiano Ronaldo do ta mundte atë në duelin e shpejtësisë

Ai vrapoi garën e 100 metrave në një 9.69 sekonda të pabesueshëm dhe më pas vrapoi në garën e 200 metrave për 19.30 sekonda, duke barazuar suksesin e dyfishtë të Carl Lewis në Lojërat Olimpike të 1984 dhe duke thyer rekordin botëror të Michael Johnson.

Ai i bëri të gjitha në moshën 21-vjeçare dhe tingëllon pothuajse e pabesueshme që Bolt u ushqye nga copat e pulave të McDonald’s gjatë gjithë ngjarjes, duke i konsideruar ato ushqimin e vetëm që mund t’i besonte pasi bëri një lëvizje të keqe duke ngrënë një ushqim kinez paraprakisht.

“Të jem i sinqertë, nuk kam ngrënë asgjë tjetër gjatë kohës që isha në Kinë, përveç copa pule. Ato ishin i vetmi ushqim që mund t’i besoja që nuk më shqetësonte stomakun”, zbuloi Bolt.

“Me të mbërritur në kampin stërvitor para-olimpik, provova një vakt lokal kinez, i cili nuk ishte si ato që hamë në Perëndim, dhe trupi im nuk reagonte mirë”.

“Kështu, duke e ditur se doja të haja përsëri mëngjesin, drekë dhe darkë, së bashku me ujë në shishe”, shkruan Bolt në autobiografinë e tij “The Fastest Man Alive”.

Bolt u kthye në Pekin në vitin 2015 për Kampionatin Botëror, duke grumbulluar edhe tri medalje ari në 100 dhe 200 metra dhe stafetën 4X100 metra.

Lexo po ashtu Thierry Henry zbulon se çfarë do të kishte ndodhur nëse do të kishte garuar me Usain Bolt në kulmin e karrierës së tij

Por këtë herë ai eksperimentoi pak më shumë me kuzhinën vendase dhe më pas e shijoi më shumë.

“Njeri, unë duhet të kisha fituar një medalje ari për gjithë atë ushqim. Ata vërtet ofrojnë ushqim shumë më të mirë këtu se në 2008, kështu që nuk do të kem copa pule këtë vit”, kujton Bolt në një autobiografi tjetër të quajtur “Faster se Lightning”. /Telegrafi/

The post Usain Bolt hante të njëjtin ushqim çdo ditë në Lojërat Olimpike ku fitoi dy medalje të arta appeared first on Telegrafi.

Suedezi Armand Duplantis vendosi një rekord botëror të ri në disiplinën e kërcimit me shtizë, për herë të 11-të në karrierën e tij, duke kërcuar 6.27 metra të premten në një takim në Clermont-Ferrand të Francës.

Ishte një takim në ambiente të mbyllura nga seria World Indoor Tour Silver, dhe në të njëjtin vend dy vjet më parë ai kaloi shiritin në një lartësi prej 6.22 m, që ishte rekordi botëror në lartësi në atë kohë.

Duplantis siguroi fillimisht fitoren me një kërcim prej 6.07 m, duke tejkaluar grekun Emmanouil Karalis, i cili vendosi një rekord të ri grek duke lënë shitirin në 6.02 m.

Here is the moment Mondo Duplantis broke the World Record in the Pole Vault with 6.27m in France!!

11 World Records so far in his career!! A LEGEND.pic.twitter.com/WCXfr1qe6I

— Track & Field Gazette (@TrackGazette) February 28, 2025

Mbajtës rekord që nga viti 2020

Duplantis vendosi rekordin e tij të parë botëror në vitin 2020, kur e kaloi me një centimetër lartësinë 6.16 cm, të cilën francezi Renaud Lavillenie e mbante që nga viti 2014 si rezultati më i mirë në historinë e kësaj disipline.

Lexo po ashtu Pse Duplantis thyen rekordin e tij botëror për vetëm 1 cm, pavarësisht se provoi se mund të shkojë më lart?

Që nga viti 2020, 25-vjeçari suedez ka thyer rekordin botëror dhjetë herë të tjera, dhe këtë e ka bërë katër herë në 11 muajt e fundit, çdo herë duke lëvizur shenjën me një centimetër.

Duplantis nuk do të garojë në Kampionatin Evropian të sallave të mbyllura në Apeldoorn të Holandës, i cili do të zhvillohet në datat 6-9 mars, ndaj Karalis do të jetë një nga favoritët kryesorë për të fituar. /Telegrafi/

The post Duplantis thyen rekordin botëror, bën kërcimin me shtizë më të lartin në histori appeared first on Telegrafi.

Norvegjezi Jakob Ingebrigtsen po kthehet në një dominues absolut në garat e atletikës. Edhe pse në moshën 24-vjeçare, ai arriti të thyejë dy rekorde botërore në një garë të vetme. Atleti fenomenal norvegjez, Jakob Ingebrigtsen vendosi dy rekorde botërore mbrëmë (e enjte) gjatë një gare të vetme në turin e brendshëm Botëror të Atletikës. Ingebrigtsen […]

The post Fenomeni norvegjez vendos dy rekorde botërore në atletikë appeared first on BoldNews.al.

Usain Bolt pati një përgjigje brilante kur u pyet nëse Cristiano Ronaldo do ta mundte atë në një garë shpejtësie.

Legjenda e atletikës do të etiketohet përgjithmonë si sprinteri më i mirë i brezit të tij.

Deri më sot, Bolt mban kohën e rekord botëror si për 100m (9.58s) dhe 200m (19.19s), vendosur në vitin 2009.

Shumë sportistë të mëdhenj janë përpjekur t’i afrohen kohës së Bolt, por askush nuk ka arritur ta mposht atë deri më tani.

Në vitin 2020, Bolt u pyet nëse pesë herë fituesi i Topit të Artë dhe ish superylli i Real Madridit, Ronaldo, do ta mundte atë në një garë.

Xhamajkani u përgjigj: “Për mua, ai stërvitet çdo ditë. Ai është një super atlet, e dini çfarë dua të them? Ai është gjithmonë në krye të lojës së tij. Ai punon shumë, është i fokusuar. Pra, për momentin, definitivisht mendoj se ai është më i shpejtë se unë”.

Pasi fitoi tetë medalje të arta, xhamajkani u pensionua nga sporti më i shpejtë në botë në vitin 2017 në moshën 31-vjeçare.

Bolt garoi nga viti 2008 deri në vitin 2016 dhe është ende i njohur si një nga sportistët më të mirë të të gjitha kohërave për shkak të arritjeve të tij fenomenale në pistë. /Telegrafi/

The post Usain Bolt nuk kishte asnjë dyshim kur u pyet nëse Cristiano Ronaldo do ta mundte atë në duelin e shpejtësisë appeared first on Telegrafi.

Nga Gazeta Si – Përfundon dashuria e familjes Colturi me Shqipërinë. Bëhet fjalë për një dashuri të sapolindur dhe për t’u marrë shembull, sepse deri dje ishte thjeshtë një huazim i një fëmije që trajnohej nga nëna e saj, një emër shumë i madh i skijimit botëror dhe italian si Daniela Cecarelli. Ndërsa sot flasim për një nga talentet e së ardhmes që po pushton pistat ndërkombëtare nën flamurin kuqezi.

Pas një përmirësimi të ndjeshëm të rezultateve të vitit të shkuar ku dalëngadalë po integrohej në arenën e madhe botërore, jo vetëm europiane të skive alpine për femra, në këtë edicion Lara Colturi dhe e gjithë familja e saj, babai, nëna dhe menaxheri janë të tjerë njerëz pasi Lara, me dy podiume në dy prej ndalesave të Kupës së Botës është një emër shumë më i lakuar dhe i lakmuar, por jo për faktin se kërkon Italia ta rimarrë, por thjeshtë për dëshirën për ta kthyer talentin e vajzës në rezultate dhe rezultatet në makineri parash.

Pikërisht në këtë vit kaq të rëndësishëm ku paralelisht po zhvillohet Kupa e Botës, në fillim të muajit shkurt është Botërori dhe në janar të vitit të ardhshëm Lojërat Olimpike dimërore në Kortina të Italisë, në rishkrimin e kontratës së bashkëpunimit, familja Colturi me në krye nënën Danielën dhe menaxherin e saj, kanë kërkuar një autonomi të paprecedentë nga Federata Shqiptare e Skive.

Për ta kuptuar pak më mirë, sot sponsorat që Lara mban në xhupin e saj, kapuçin apo çdo aksesorë janë të sajat dhe përfiton vetëm ajo. Për këtë, federata duket të ketë mbyllur një sy dhe një vesh duke mirëkuptuar edhe shpenzimet e mëdha që ka ky sport për këtë familje dhe që ne si Shqipëri me gjithë përpjekjet, ndërhyrjet e kryetarit të bashkisë Erjon Veliaj, kryeministrit Edi Rama, të nxitura nga këmbëngulja e presidentit Elvis Toçi, kanë arritur ti sigurojnë kësaj familje që na përfaqëson dhe reklamon më së miri në një sport elitar botëror, rreth 100.000 euro, ndërkohë që sipas tyre shpenzimet shkojnë në gjysmë milioni euro në vit.

Dhe këtë tolerim me sa duket e kanë shfrytëzuar më tepër seç duhet familja e vajzës dhe menaxheri duke dërguar në federate një kontratë të re ku kërkon autonomi të plotë nga ata, pra të mos përzihen aspak se çfarë sponsorash do të sigurojnë e në çfarë forme dhe njëkohësisht duke u zhveshur nga angazhimet kontraktuale normale të përfaqësimit të një federate, të një shteti.

Me sa duket sot familja Colturi e ndjen veten se përfaqëson një shtet të panjohur në këtë arenë dhe sipas tyre, duke u nënkuptuar, pasi nuk e përmendim drejtpërdrejtë, përfaqësimi i një shteti që nuk njihet në fushën e skive nuk i ka ndihmuar për të siguruar kontrata që mund t’i siguronin nën flamurin Italian. Por në këtë rast ata harrojnë se nën flamurin italian do të jenë një mes dhjetra vajzave të kombëtares së Italisë të skive alpine dhe atje askush nuk mbyll syrin e as veshin, në asnjë moment, pasi sponsorat janë të federatës, jo sportistëve.

Ky propozim i pahijshëm ka sjellë një krisje të madhe në vazhdimësinë e bashkëpunimit dhe sot palët janë në përballje avokatësh dhe ligjesh apo rregullash, ku FSHS (Federata Shqiptare e Skive) i ka vendosur ultimatum për të pranuar kushtet normale, pra të një bashkëpunimi brenda rregullave të federatës sonë dhe federatës ndërkombëtare, përndryshe, Lara Colturi mund të zhvishet shumë shpejt nga flamuri kuqezi.

The post Ekskluzive/ Federata Shqiptare e Skive ‘ngrin’ Lara Colturin, përplasja që mund të sjellë ndarjen appeared first on Gazeta Si.

Nga Gazeta Si – Vetëm 24 orë pas arritjes së madhe të Lara Colturit në Sllallomin Gjigand të Kranjska Gorës në Slloveni, situata duket se nuk është më e qetë në kampin e familjes së saj, që është praktikisht edhe ekipi i Larës, ku kryesorja është nëna Daniela Ceccarelli, ish-kampionia italiane e Botës dhe Olimpike dhe babai i Larës së bashku me menaxherin.

Por kur Lara që deri dje ishte thjesht një fëmijë i vogël me pak shpenzime dhe me kërkesa minimaliste, pasi rezultatet dhe pjesëmarrja ishte në aktivitete të rinjsh gjërat ishin ndryshe, ndërsa sot, në këtë edicion të Kupës së Botës dhe kur e gjithë bota e skive përgatitet për Olimpiadën Dimërore të janarit të ardhshëm në Kortina të Italisë, gjërat janë ndryshe.

Lara ka arritur që në dy prej 9 etapave të Kupës së Botë që janë zhvilluar të renditet e dyta, jashtë pritshmërive, por me kërkesa, motivim e ambicie gjithnjë e në rritje.

Për të arritur deri këtu, sigurisht të angazhuar familjarisht, nëna, babai dhe menaxheri i saj, kostot sipas burimeve konfidenciale për Gazetasi.al janë rreth 500 mijë euro në vit, ndërkohë sponsorët aktual që Larta mban në fanellën e saj janë të gjitha të ardhura për të dhe familjen, por nuk janë kontrata të mëdha, madje të njëjtat burime na bëjnë me dije se këto sponsora sjellin rreth 150.000 euro për ta dhe rreth 100.000 euro i sigurohen nga Federata Shqiptare e Skive në bashkëpunim me Bashkinë e Tiranës dhe sponsora të ndryshëm. Dhe nuk ka nevojë shumë për të kuptuar që sot familja e larës së bashku me të, dalin me humbje.

Nëna e saj Daniela Ceccarelli përpara se Lara të rritej dhe pasi kishte lënë sportin ishte komentatore teknike e Rai Sport dhe Sky Italia dhe paralelisht së bashku me bashkëshortin e saj kishin një shkollë skish që përdorej padyshim mbiemri Ceccarelli që në Itali është një simbol i skive.

Të gjitha këto biznese dhe para u ndaluan për të ndjekur talentin e vajzës e për ta ngjitur në majën e skive që rrjedhimisht do t’i sillte edhe para të një tjetër niveli nga ato çfarë po i sigurojmë ne sot.

Lajmi i rremë i publikuar për 24 orë në Sky Italia që më pas u hoq

Sky Italia ditën e djeshme nxori një lajm sipas të cilit Daniela, nëna e Larës, aludonte në një rikthim të vajzës së saj tek Italia, ndoshta edhe për Lojërat Olimpike dimërore. Ky lajm solli një debat të ashpër mes drejtuesve të Federatës Shqiptare të Skive dhe Danielës së cilës ju kërkuar me ultimatum përgënjeshtrimi i lajmit, duke thënë se ishte një lajm i rremë gazetaresk.

Dhe në fakt paraditen e sotme të gjitha mediat italiane, publikuan përgënjeshtrimin e  Daniela Ceccarellit për lajmin e një dite më parë dhe ky lajm është hequr nga faqja online e sky sporti italia.

E shkuara e Danielës si kolege e gazetarëve të Sky të bën të aludosh në një fare mënyre, nisur edhe nga klima jo e qetë e marrëdhënies së saj me drejtuesit e federatës sonë, për arsyet financiare, një aludim ky që mund të qëndrojë.

Sa shanse ka Lara Colturi të garojë për Italinë dhe përse nuk ka garuar deri më tani?!

Federata e skive të vendeve të mëdha përveçse kanë disa miliona euro buxhete, kanë edhe shumë sportistë dhe sigurisht një staf të ekipit kombëtarë që emërohet nga bordet teknike të federatës, jo secili sportist mund të zgjedhë apo të ketë një trajner specifik personal, por do të bëjë me grupin. Kjo gjë nuk i ka shkuar për shtat me sa duket Daniela Ceccarellit dhe prej kohësh marrëdhënia e saj me drejtuesit e federatës italiane është thuajse e ngrirë për arsye influencash dhe egosh.

Një tjetër arsye e fortë është se në një federate si e jona, dhe një shtet si i yni, ku një sportiste të këtij niveli nuk e suportojmë dot, marrëveshja është bërë që të gjithë sponsorat që ajo mban në fanellë t’i marrë vetë paratë, gjë që nuk ndodh tek kombëtarja e Italisë, pasi sponsorat janë të federatës dhe secili sportist mban veshjet me logot që cakton federata, pa asnjë përfitim financiar.

Gjithsesi ato sponsora që sot Lara mban në uniformën e saj sjellin pak para, pasi flamuri ynë i vogël kuqezi në krahun e saj të djathtë, sigurisht përfaqëson një vend të vogël dhe federatë pa influencat e lobimeve që kërkojnë sponsorat e mëdhenj të arenës europiane dhe botërore.

Gjithsesi, pavarësisht kësaj, Lara Colturi nuk e ka luksin dhe as nëna e saj që të largohet nga Shqipëria me presione, as me shantazhe mediatike apo me një marrëveshje të prishur, pasi të gjitha pikët që grumbullon një sportist kur arrin në nivele të tillë janë në teserën e saj, nën ngjyrat kuqezi dhe sot, nëse ajo vendos të largohet pa miratimin e federatës tonë, ato pikë i bëhen 0 dhe gjithçka i duhet ta fillojë nga fillimi.

The post Skiatorja Lara Colturi ‘fut në sherr’ Italinë dhe Shqipërinë, mediat fqinje i hedhin benzinë zjarrit appeared first on Gazeta Si.

Gout Gout, sprinteri australian me origjinë sud-sudaneze, feston sot 17-vjetorin pak ditë pas lajmit që shumë agjenci lajmesh në botë kanë raportuar: një marrëveshje e tij me Adidas, kompania gjermane e veshjeve sportive, për shumën prej 6 milionë dollarësh, plus stimuj të lidhur me rezultatet. Një shumë vërtet astronomike, duke marrë parasysh moshën e re të atletit dhe sportin e tij, i cili nuk sjell të ardhura të krahasueshme me sporte shumë më fitimprurëse.

Është diskutuar shumë sidomos për mënyrën se si shifra e përmendur në artikullin e referuar – botuar më 20 dhjetor nga “Josh Alston për Daily Mail Australia” – krahasohet me të ardhurat vjetore të disa prej atletëve më të mëdhenj në botë aktualisht. Midis tyre përmenden amerikanët Noah Lyles dhe Sha’Carri Richardson, të dy sprinterë si Gout, apo suedezi Armand Duplantis, specialist në kërcimin me shtizë. Madje, është bërë një krahasim edhe me legjendën Usain Bolt, atleti më fitimprurës në historinë e atletikës, që thuhet se ka arritur deri në 10 milionë dollarë në vit, por vetëm pasi kishte arritur suksese dhe rekorde të shumta.

E vërteta është se këto janë vetëm hipoteza. Kontratat në atletikë janë gjithmonë sekrete, dhe askush nuk mund të dijë shifrat e sakta. Në rastin e Gout, edhe nëse pranohet që marrëveshja kap shifrën 6 milionë dollarë, duket më e besueshme që kjo shumë të jetë e shpërndarë gjatë periudhës deri në Lojërat Olimpike të Brisbane 2032, në vendin e tij. Kjo do të thotë rreth 750,000 dollarë në vit, duke përfshirë bonuse të mundshme, por edhe penalitete nëse performanca nuk është në nivelin e pritur.

KONTRATA ËSHTË FIRMOSUR NË VERË

Një marrëveshje vjetore nën 1 milion dollarë është shumë më e besueshme, pasi – sipas artikullit të “Daily Mail” – kontrata është nënshkruar gjatë verës, pas vendit të dytë të Gout në Kampionatin Botëror U-20 në Lima, Peru. Ai fitoi medaljen e argjendtë në 200 metra me kohën 20”60, duke treguar potencialin e tij, por jo mjaftueshëm për të justifikuar shifra jashtë tregut për atletikën.

Rezultatet e jashtëzakonshme të Gout në fillim të dhjetorit, veçanërisht koha 20”04 në 200 metra – duke thyer rekordin kombëtar australian 20”06 të legjendës Peter Norman nga Olimpiada e Meksikos 1968 – kanë konfirmuar potencialin e tij të madh dhe zgjedhjen e zgjuar të Adidas. Kompania gjermane ka mposhtur konkurrencën e Nike dhe Puma. Sipas “Daily Mail”, menaxheri i sprinterit, James Templeton, deklaroi: “Markat e mëdha e kanë ndjekur që nga viti 2022, kur ai theu rekordin australian U-16 në 200 metra. Adidas tregoi që nga fillimi dëshirën për ta siguruar dhe shfaqi shumë durim.”

Në çdo rast, ky është një ditëlindje shumë e lumtur për Gout. I mbetet të ruajë qetësinë përballë kësaj fame të papritur, sepse nderet e mëdha sjellin përgjegjësi të mëdha. Ai duhet të konfirmojë potencialin e tij, jo vetëm vitin e ardhshëm, por edhe në vitet që pasojnë. Siç është shprehur presidenti i World Athletics, Sebastian Coe: “Është një talent i jashtëzakonshëm, por tani e presin shumë sfida, pasi kalimi nga kategoritë e të rinjve në ato të të rriturve është faza më e vështirë për çdo atlet.”

The post Ditëlindja luksoze e Gout Gout: fenomeni 17 vjeçar prej 6 milionë dollarë kontratë appeared first on Lapsi.al.

Nga Gazeta Si- Në Manama, kryeqytetin e Bahreinit është duke u mbajtur Botërori i Peshëngritjes, ku pjesë e garës janë edhe sportistë nga Shqipëria. Ditën e djeshme garoi Briken Calja që ia doli të ngrinte 153 kilogramë në stilin e shkëputjes, duke zënë vendin e katërt në botë.

Kampioni shqiptar nuk mundi të çonte lart asnjë nga tre tentativat për 183 kilogramë në shtytje, duke mos u futur në zonën e medaljes për pak. Pas garës ai ka reaguar në rrjetin social Facebook duke iu kthyer një përgjigje të gjithë atyre që e quajnë vendin e katërt në shkëputje një dështim.

“Është e trishtë të shohësh që përpjekja dhe djersa e një sportisti minimizohen kaq lehtë nga disa persona. Vendi i 4-t në botë në shkëputje është rezultat i një pune të palodhur, sakrificave të pafundme dhe pasionit për sportin. Le të mos harrojmë se bota numëron 8 miliardë njerëz dhe të jesh mes më të mirëve nuk është kurrë dështim. Për ata që e quajnë këtë një dështim, ju ftoj të ecni në rrugën time qoftë edhe për një ditë. Kritikat dashakeqe nuk më ndalin, vetëm më japin forcë për të shkuar më lart”, shkroi Calja pas garës.

The post Mori vendin e katërt në botë, Briken Calja ‘shpërthen’ pas garës: Trishtim, disa persona më hedhin poshtë djersën appeared first on Gazeta Si.