TikTok ka nisur përmirësimin e sistemit të mesazheve direkte, duke prezantuar funksione të reja për përdoruesit mbi moshën 16 vjeç.

Tani, përveç mesazheve të zakonshme, përdoruesit mund të dërgojnë mesazhe zanore, imazhe dhe video deri në një minutë në DM.

Zëdhënësi i TikTok, JaShel Jones, ka konfirmuar se funksionet do të bëhen të disponueshme për të gjithë përdoruesit gjatë javëve në vijim. Kujdes: nëse shtypni dhe mbani butonin e mikrofonit për të regjistruar një mesazh zanor, ai do të dërgohet automatikisht sapo ta lëshoni, përveç nëse e anuloni duke e tërhequr majtas ose lart.

Gjithashtu, përdoruesit mund të dërgojnë deri në nëntë imazhe ose video në të njëjtën kohë – një hap që afron TikTok më shumë me platformat e tjera sociale.

Sinjali – aty ku e vërteta flet para lajmit!

/GazetaSinjali/

The post TikTok sjell risi të reja për përdoruesit appeared first on Sinjali.

Deputetja e Lidhjes Demokratike të Kosovës, Doarsa Kica Xhelili, ka deklaruar se Vetëvendosja e Albin Kurti duhet t’i përgjigjet qytetarëve të Kosovës pse e ‘‘urren patologjikisht’’ Kushtetutën dhe Kosovën bashkë me të.

Ajo ka thënë edhe se Kosova është ajo që dobësohet kur Kushtetuta trajohet si ‘’paçavër’’ e jo Serbia.

”Sidoqoftë, meqë deklaruan se duan të votojnë qeverinë pa konstituim të plotë të Kuvendit, jam kurioze t’i shoh se si mblidhen 61 deputetë – meqë edhe ashtu na thonin se i kanë numrat. E pastaj ta shohim qeverinë e cilit shtet po e votojnë dhe me cilën Kushtetutë, meqë e Republikës së Kosovës nuk po u pëlqen”, ka shkruar ajo mes tjerash.

Sinjali – aty ku e vërteta flet para lajmit!

/GazetaSinjali/

The post Kica-Xheli: Duke e trajtuar Kushtetutën si paçavër nuk e dobëson Serbinë, por Kosovën appeared first on Sinjali.

Modelja Ana Skrel ka publikuar një fotografi të re në rrjetet sociale, duke treguar se është në formë të shkëlqyer pas ndarjes nga këngëtari Robert Berisha.

E veshur me të bardha, me një buzëqeshje të çiltër dhe pamje të kuruar deri në detaj, Ana u shfaq në një moment elegance dhe vetëbesimi.

Përkundër spekulimeve rreth ndarjes së saj me Berishën, postimet e fundit të modeles tregojnë një gjendje të qetë dhe të lumtur. Ajo po e shijon jetën, ndërsa ndjekësit e saj në Instagram nuk kanë ngurruar ta komplimentojnë për paraqitjen.

Modelja duket se ka lënë pas dramat dhe po fokusohet në vetveten, modën dhe karrierën.

Sinjali – aty ku e vërteta flet para lajmit!

/GazetaSinjali/

The post Anës nuk i bëhet vonë për ndarjen nga Roberti, shfaqet në top formë nga pushimet appeared first on Sinjali.

Kryeministri izraelit Benjamin Netanyahu njoftoi sonte se trupi i pengut Idan Stevie është gjetur në Rripin e Gazës.

Pas gjetjes së trupit të Stevie, Izraeli tha se 48 pengje mbeten në enklavën palestineze, nga të cilët besohet se vetëm 20 janë gjallë. Nëna e një pengu izraelit të mbajtur në Rripin e Gazës për gati 23 muaj kërcënoi kryeministrin Benjamin Netanyahu se do ta padisë për “vrasje” nëse djali i saj nuk kthehet i gjallë.

“Netanyah, nëse Matan kthehet tek unë në një qese kufome (…), unë personalisht do të sigurohem që ti të akuzohesh për vrasje”, tha Einar Zangauker, një figurë kryesore në Forumin e Familjeve të Pengjeve, duke folur në Tel Aviv përpara një tubimi që bënte thirrje për lirimin e pengjeve të mbajtura në Gaza.

Matan Zangauker u rrëmbye më 7 tetor 2023, së bashku me më shumë se 200 të tjerë, gjatë një ofensive të paprecedentë të Hamasit në Izraelin jugor që shkaktoi luftën në Gaza, raporton TCH.

“Nëse Netanyahu zgjedh të pushtojë Rripin e Gazës në vend që të pranojë marrëveshjen e propozuar të armëpushimit, kjo do të jetë e barabartë me ekzekutimin e pengjeve dhe ushtarëve tanë të dashur”, shtoi Zangauker, duke folur me gazetarët jashtë Ministrisë së Mbrojtjes.

Jo shumë larg ministrisë, mijëra protestues kërkuan lirimin e pengjeve dhe përfundimin e luftës në Gaza.

Hamasi njoftoi së fundmi se kishte pranuar një propozim nga ndërmjetësit për një armëpushim 60-ditor me lirimin e pengjeve në dy faza. Megjithatë, Izraeli nuk është përgjigjur zyrtarisht dhe qeveria i ka urdhëruar ushtrisë të përgatitet për një sulm të madh në Qytetin e Gazës, me qëllimin e deklaruar të qeverisë izraelite për asgjësimin e Hamasit dhe kthimin e pengjeve.

Sinjali – aty ku e vërteta flet para lajmit!

/GazetaSinjali/

The post ‘Nëse djali im nuk kthehet gjallë do të sigurohem që të akuzohesh për vrasje’, nëna e pengut izraelit kërcënon Netanyahun appeared first on Sinjali.

Agjencia e Menaxhimit Emergjent ka bërë të ditur se gjatë ditës së sotme në nivel vendi janë regjistruar gjithsej 57 vatra zjarri, prej tyre dy vatra vazhdojnë të jenë aktive ndërsa 55 të tjera janë lokalizuar.

Në njoftimin e lëshuar për media thuhet se me përmasa më të mëdha dhe rrezik më të lartë është shënuar vatra e zjarrit në lagjen “Pajtimi” në Shtime, ku disa qytetarë janë detyruar të marrin trajtim mjekësor si pasojë e ekspozimit ndaj tymit.

“Agjencia apelon tek qytetarët që të shmangin çdo veprim që mund të shkaktojë zjarr të denoncojnë pranë organeve ligjzbatuese çdo rast të zjarrvënies së qëllimshme dhe të raportojnë rastet emergjente në numrat 112, 193 dhe 192”, thuhet në njoftim.

Sinjali – aty ku e vërteta flet para lajmit!

/GazetaSinjali/

The post 57 vatra zjarri në Kosovë gjatë ditës, dy prej tyre ende aktive appeared first on Sinjali.

Largimi i pushuesve kosovarë nga plazhet e Shëngjinit, Tales dhe Velipojës ka shkaktuar trafik të rënduar gjatë mbrëmjes së sotme, edhe në Rrugën e Kombit.

Segmenti më problematik është paraqitur nga Miloti në Rrëshen, ku janë krijuar radhë të gjata kilometrike automjetesh.

Për të menaxhuar situatën, policia rrugore është vendosur në pika të ndryshme të aksit, me synim lehtësimin e lëvizjes së automjeteve, megjithatë fluksi i lartë ka sjellë vonesa të konsiderueshme.

Top Channel bën me dije se rrugët e Lezhës dhe Shëngjinit tashmë janë normalizuar, por problematike mbetet aksi Milot-Rrëshen-Morinë si dhe Shkodër-Lezhë.

Sinjali – aty ku e vërteta flet para lajmit!

/GazetaSinjali/

The post Trafik i dendur në Rrugën e Kombit për shkak të largimit të pushuesve nga Velipoja dhe Shëngjini appeared first on Sinjali.

Në Ditën Ndërkombëtare të Personave të Zhdukur me Dhunë, Presidentja e Kosovës, Vjosa Osmani, ka bërë thirrje për drejtësi duke theksuar se 1,584 qytetarë të Kosovës vazhdojnë të mungojnë.

Në një postim në Facebook, Osmani tha: “Pas çdo numri është një jetë e ndërprerë, një familje e cila prej më shumë se dy dekadash pret drejtësinë për më të dashurit.”

Ajo theksoi rëndësinë e kujtesës dhe drejtësisë, duke shtuar: “Varret e hapura janë dëshmi e gjallë e krimeve të luftës dhe krimit të përsëritur nga regjimi gjenocidal serb, si dhe kujtesë e përditshme se drejtësia nuk është vënë ende në vend. Për sa kohë sa mijëra qytetarë tanë mbesin të zhdukur, paqja mbetet e paplotë.”

Presidentja gjithashtu u shpreh për veprimet e Serbisë: “Regjimi i Vuçiqit vazhdon të fle mbi varreza masive, duke mbajtur peng zbardhjen e fatit të të zhdukurve.”

Duke bërë apel për ndërhyrjen ndërkombëtare, Osmani tha: “Është koha që partnerët ndërkombëtarë ta rrisin presionin mbi Serbinë, sepse vetëm zbardhja e fatit të të zhdukurve si dhe drejtësia mund t’u japin familjeve qetësinë që meritojnë.”

Sinjali – aty ku e vërteta flet para lajmit!

/GazetaSinjali/

The post Osmani: Partnerët ndërkombëtarë duhet të shtojnë presionin ndaj Serbisë për çështjen e të zhdukurve appeared first on Sinjali.

Agim Bahtiri, deputeti i Lëvizjes Vetëvendosje, përmes një postimi të bërë në Facebook, ka thënë se ai më para do ta presë dorën e tij, se sa të ia jap votën ‘për’ një deputetit të Listës Serbe për nënkryetar të Kuvendit të Kosovës.

Bahtiri ka deklaruar se ai s’ia jep votën deputetëve të kësaj partie se s’mund të harrojë gjenocidin që ‘‘shteti të cilin ata e mbrojnë bëri mbi popullin tonë’’.

‘‘Më përpara e pres dorën, sesa me këtë dorë t’i jap voten PËR, listës kriminale serbe”, ka shkruar Bahtiri.

Sinjali – aty ku e vërteta flet para lajmit!

/GazetaSinjali/

The post Bahtiri: Më përpara e pres dorën, se t’i jap voten PËR Listës Serbe appeared first on Sinjali.

Këshilli Prokurorial i Kosovës (KPK) ka mbajtur sot testin kualifikues, si pjesë e procesit të rekrutimit dhe emërimit të 21 prokurorëve të rinj në prokuroritë themelore të Kosovës.

Testi u zhvillua në ambientet e Akademisë së Kosovës për Siguri Publike në Vushtrri, ku morën pjesë gjithsej 330 kandidatë.

“Në respektim të parimit të transparencës, llogaridhënies dhe barazisë në qasje, pyetjet e Testit Kualifikues janë hartuar sot, në ditën e testimit, në prani të vëzhguesve dhe monitoruesve vendorë e ndërkombëtarë, me qëllim të garantimit të integritetit dhe besueshmërisë së procesit të rekrutimit”, thuhet në njoftimin për media të KPK-së.

Testi u mbikëqyr personalisht nga kryesuesi i Komisionit, Ardian Hajdaraj, së bashku me anëtarët e tjerë të Komisionit. Procesi u monitorua edhe nga partnerë vendorë dhe ndërkombëtarë, përfshirë Misionin e Bashkimit Evropian për Sundimin e Ligjit (EULEX) dhe Institutin e Kosovës për Drejtësi (IKD).

Pas këtij testi, procesi i rekrutimit do të vazhdojë me testin me shkrim dhe intervistimin e kandidatëve, duke u zhvilluar “në përputhje me standardet më të avancuara të meritokracisë, profesionalizmit dhe paanësisë, të garantuara me legjislacionin përkatës dhe praktikat më të mira ndërkombëtare në fushën e prokurorisë”.

Sinjali – aty ku e vërteta flet para lajmit!

/GazetaSinjali/

The post U mbajt testi kualifikues i kandidatëve për prokurorë appeared first on Sinjali.

Talebanët kanë lëshuar një urdhër që synon sallonet e bukurisë që veprojnë në mënyrë klandestine në të gjithë Afganistanin, duke i paralajmëruar gratë që i drejtojnë ato se kanë një muaj kohë për t’i ndaluar ose do të përballen me arrestimin.

Zyrtarisht, talebanët mbyllën të gjitha sallonet e bukurisë në gusht 2023, duke mbyllur 12,000 biznese dhe duke eliminuar më shumë se 50,000 vende pune për estetistët.

Megjithatë, sallonet klandestine vazhduan të vepronin në komunitete në të gjithë vendin,shkruan the Guardian.

Tani talebanët kanë thënë se synojnë të çrrënjosin dhe eliminojnë këto biznese të fshehta, duke lëshuar urdhra për udhëheqësit e komunitetit dhe pleqtë në të gjithë vendin për të identifikuar sallonet klandestine të bukurisë dhe për të raportuar ata që i drejtojnë ato në polici, shkruan the Guardian, përcjell Telegrafi.

Frestha, një nënë 38-vjeçare e tre fëmijëve të vegjël, tha se kishte drejtuar sallonin e saj të bukurisë në fshehtësi që kur u ndalua në vitin 2023, sepse nuk kishte zgjidhje tjetër përveçse të punonte dhe asnjë mënyrë tjetër për të fituar para.

“Kur talebanët mbyllën sallonet tona të bukurisë, unë isha e vetmja që i siguronte jetesën familjes sime; burri im ishte i sëmurë dhe unë kisha tre fëmijë, shpenzimet e të cilëve duhej t’i mbuloja”, tha ajo, duke shtuar: “Gjithashtu vazhdova të punoja sepse ndihem shumë mirë të jem në gjendje të rikthejë bukurinë e një gruaje. Kur një grua shikohet në pasqyrë dhe buzëqesh, lumturia e saj bëhet lumturia ime.”

Tani ajo mendon se nuk mund të vazhdojë sepse rreziku është shumë i madh dhe nuk e di se çfarë do të ndodhë më pas me familjen e saj.

Ndryshe, që kur talebanët morën kontrollin e Afganistanit në gusht 2021, grave u është ndaluar shumica e formave të punësimit të paguar dhe vajzave u është ndaluar të ndjekin shkollën e mesme ose universitetin.

Grupet e të drejtave të njeriut pretendojnë se talebanët zbatojnë një sistem de facto të aparteidit gjinor, duke i penguar gratë të marrin pjesë në çdo jetë publike.

Përveç salloneve të bukurisë, palestrave dhe hapësirave të tjera të përbashkëta që janë mbyllur, grave u ndalohet gjithashtu të ecin në parqe publike, të udhëtojnë pa një shoqërues mashkullor, duhet të mbulohen plotësisht kur dalin nga shtëpia dhe nuk lejohen të flasin në publik.

Sinjali – aty ku e vërteta flet para lajmit!

/GazetaSinjali/

The post Talebanët urdhërojnë ‘çrrënjosjen’ e salloneve të fshehta të bukurisë appeared first on Sinjali.

Evropa është një nga rajonet më të goditura nga sulmet kibernetike në vitin 2025, sipas një raporti nga një kompani amerikane e sigurisë në cloud.

Më shumë se 8 milionë sulme digjitale goditën botën në gjysmën e parë të vitit 2025, me Evropën si një nga kontinentet më të goditura, sipas raportit.

Shumica e sulmeve krijuan ndërprerje që zgjatën midis pesë dhe 15 minutave kundër kompanive të telekomunikacionit në Gjermani, Francë, Poloni, Rusi dhe Arabinë Saudite.

Kompania amerikane e sigurisë në cloud NETSCOUT zbuloi se vendet evropiane, të Lindjes së Mesme dhe të Afrikës (EMEA) këtë vit u goditën me 3.2 milionë skema të shpërndara të mohimit të shërbimit (DDoS), sulme që mbingarkojnë një sistem, faqe interneti ose rrjet të synuar.

Bëhet e ditur se Inteligjenca Artificiale (IA) po nxit sulmet kibernetike dhe përdoret nga shtetet dhe hakerët për të shkelur sigurinë në fronte të ndryshme dhe për të përhapur sulme mbi ofrues të shumtë të internetit (IP) për të shmangur zbulimin.

“Të ashtuquajturat sulme DDoS tani janë armë të udhëhequra me precizion të ndikimit gjeopolitik të afta për të destabilizuar infrastrukturën kritike, gjë që sjell një “rrezik kibernetik të paparë” për organizatat në të gjithë botën”, tha kompania në një njoftim për shtyp, shkruan euronews.

“Ndërsa grupet shfrytëzojnë më shumë automatizimin, infrastrukturën e përbashkët dhe taktikat në zhvillim, organizatat duhet të pranojnë se mbrojtjet tradicionale nuk janë më të mjaftueshme”, tha Richard Hummel, drejtor i inteligjencës së kërcënimeve në NETSCOUT, në një njoftim për shtyp.

Raporti nga NETSCOUT vjen ndërsa kompania e Al, Anthropic tha në raportin e saj të fundit të kërcënimeve se ndaloi një operacion në korrik që përdori chatbot-in e saj Claude për të kryer vjedhje në shkallë të gjerë dhe zhvatje të të dhënave personale, përveç nëse viktimat paguanin shpërblime që ndonjëherë tejkalonin 500,000 dollarë (pothuajse 430,000 euro).

Versione keqdashëse të ChatGPT përdoren për të kryer sulme

Aktivistët e hackut po përdorin asistentë të Al ose modele të mëdha gjuhësore (LLM) si WormGPT dhe FraudGPT për të koordinuar sulmet e tyre, thuhet në raport.

Rakesh Krishnan, një analist i lartë kërcënimesh në kompaninë indiane Netenrich, e cila zbuloi FraudGPT, e përshkruan atë si një robot të Al të shitur në Dark Web që është ndërtuar ekskluzivisht për “qëllime ofensive”, siç është krijimi i email-eve phishing, thyerja e fjalëkalimeve ose përdorimi dhe mbledhja e informacionit të kartës së kreditit pa leje.

Kjo do të thotë që një aktor kërcënimi mund të hartojë një email duke përdorur FraudGPT që tingëllon si një “mesazh i shkurtër por profesional” për të joshur marrësin të klikojë në një lidhje keqdashëse.

Krishnam përdor FraudGPT si shembull në një postim në blog, duke shkruar një mesazh teksti që përfaqësonte Bankën e Amerikës, e cila i kërkonte një përdoruesi të kontrollonte një lidhje të rëndësishme për të “siguruar llogarinë bankare online”.

Daniel Kelley, studiues sigurie, tha se WormGPT ka shumë nga të njëjtat karakteristika si FraudGPT, por mund të kryejë edhe sulme të kompromentimit të email-eve të biznesit (BEC), ku kriminelët kibernetikë imitojnë drejtuesit për t’i bërë punonjësit t’u dërgojnë para ose të dhëna.

Këto mashtrime u kushtojnë bizneseve “miliona” çdo vit, sipas ekipit të sigurisë së Microsoft, me shumë kompani të vogla që nuk janë në gjendje të rimëkëmben financiarisht.

Ngjarjet globale katalizator për rritjen e sulmeve

Për raportin, NETSCOUT mblodhi të dhëna nga platforma e saj e inteligjencës së kërcënimeve, e cila monitoron “dhjetëra mijëra” sulme aktive dhe potenciale DDoS çdo ditë, duke testuar se si faqet e internetit do të reagonin ndaj një sulmi dhe duke mbledhur të dhëna nga trafiku aktual i internetit.

Ai gjithashtu gjurmon “botnets” të shumëfishta, ose rrjete kompjuterësh të infektuar që kryejnë sulme së bashku me shërbimet DDoS me pagesë.

EMEA pësoi pak më pak se gjysmën e sulmeve DDoS të vitit 2025 me 3.2 milion sulme, një rënie prej 11% krahasuar me muajt e fundit të vitit 2024.

Ngjarjet globale ishin gjithashtu katalizatorë të mëdhenj për sulmet kibernetike, siç është konferenca e Forumit Ekonomik Botëror në Davos në Zvicër, e cila pa më shumë se 1,400 sulme – që është dyfishi i sasisë krahasuar me të njëjtën periudhë të vitit të kaluar, tha WEF.

Italia gjithashtu pësoi shumë sulme DDoS në shkurt dhe mars që kishin në shënjestër organet publike rajonale dhe lokale në të gjithë vendin, në përgjigje të asaj që kompania e quan “një seri diskutimesh politike”.

Jashtë Evropës, përshkallëzimi i konflikteve rajonale midis Pakistanit dhe Indisë, si dhe midis Iranit dhe Izraelit, pa sulme DDoS më të larta se mesatarja.

Për shembull, raporti zbuloi se Irani duroi më shumë se 15,000 sulme kibernetike që nga 13 qershori, me 2,800 që ndodhën vetëm në një ditë, duke sugjeruar se vendi “është një objektiv kryesor”. /Telegrafi/

The post Al po rrit sulmet kibernetike në mbarë botën dhe Evropa është një nga rajonet më të goditura – ja pse appeared first on Telegrafi.

Kate Moss tërhoqi gjithë vëmendjen në Venecia, ku mori pjesë në eventin “Black Orchid Reserve” të Tom Ford, i mbajtur në koleksionin Peggy Guggenheim.

Supermodelja 51-vjeçare u shfaq me një bluzë argjendi të shndritshme dhe një fund elegant saten të zi, duke shkëlqyer përkrah modelit australian Jordan Barrett, 28 vjeç, të cilin e ka mbrojtur dhe promovuar prej vitesh në industrinë e modës.

Ndërsa Moss mahniti me paraqitjen e saj në event, ajo është gjithashtu në qendër të vëmendjes për një projekt të ri që lidhet me mikun e saj të ngushtë, legjendën e muzikës David Bowie, shkruan DailyMail.

Supermodelja ka marrë rolin e prezantueses në një seri me tetë episode për BBC Radio 6 Music dhe BBC Sounds, të titulluar David Bowie: Changeling.

Podcasti do të eksplorojë periudhën e transformimit artistik të Bowie-t mes viteve 1970–1975, duke përfshirë materiale të rralla nga arkivat, si dhe intervista të reja me artistë të njohur si Elton John, Iggy Pop, Robbie Williams, Boy George dhe Chrissie Hynde.

Duke folur për projektin, Moss u shpreh: “David Bowie ishte shumë më tepër se një mik, ai ishte një enigmë. Jam e lumtur që kam mundësinë të ndaj me publikun një kapitull të jashtëzakonshëm të jetës dhe artit të tij”.

Kate Moss dhe David Bowie ruajtën një miqësi të ngushtë për rreth një dekadë deri në ndarjen e tij nga jeta në vitin 2016.

Modelja ka treguar se shpesh është frymëzuar nga stili unik i ikonës britanike, madje në një rast ajo veshi një prej kostumeve të tij të famshme kur mori një çmim në emër të tij në BRIT Awards 2014. /Telegrafi/

The post Kate Moss shkëlqen në Venecia dhe prezanton projektin e saj për David Bowie appeared first on Telegrafi.

Një nga të drejtat që gëzojnë të burgosurit janë edhe takimet e zgjatura, apo të ashtuquajtura speciale, me bashkëshortet apo bashkëjetuesit e tyre.

Nga të dhënat e siguruara nga Drejtoria e Përgjithshme e Burgjeve rezulton se për gjashtëmujorin e parë të 2025 janë realizuar 677 takime speciale, një trend në rënie krahasuar me dy vitet e shkuara.

Diferenca është rreth 9,5% më pak takime se në 2024 nëse ritmi i gjashtëmujorit të dytë vazhdon po njësoj.

Në trevjeçarin e fundit, më shumë takime speciale janë realizuar gjatë vitit 2023, në total 1.659, ndërsa në vitin 2024 ato ranë në 1.496, duke shënuar një ulje prej rreth 9,8%.

Por, për të gëzuar këtë të drejtë do të duhet të përmbushen kriteret që përcaktohen nga rregullorja e brendshme e burgjeve dhe Kodi i Familjes.

Sipas nenit nr. 70 të Rregullores së Përgjithshme të Burgjeve, vizitat e zgjatura lejohen për të dënuarit e martuar ose bashkëjetues në përputhje me kriteret e përcaktuara në Kodin e Familjes, pasi bashkëjetesa të jetë verifikuar nga Policia e Shtetit.

Vizitat e zgjatura për të dënuarit e martuar ose bashkëjetues lejohen një herë në muaj, me një kohëzgjatje maksimale prej katër orësh. Këto vizita realizohen në dhoma të posaçme brenda institucionit të vuajtjes së dënimit.

Dispozita synon të mbështesë të drejtën për jetë private dhe familjare të të dënuarve, duke ruajtur njëkohësisht rregullin, kontrollin dhe sigurinë në ambientet penitenciare./RTSH

The post Ulet numri i “takimeve speciale” në burgjet e Shqipërisë mes të burgosurve me bashkëshortet apo bashkëjetueset appeared first on Telegrafi.

Presidenti legjendar i Interit, Massimo Moratti, mbetet në spital, por tani nuk është më i intubuar, pasi po frymon në mënyrë autonome.

80-vjeçari u dërgua në kujdesin intensiv në Istituto Humanitas di Rozzano në Milano të mërkurën, për shkak të vështirësive të mëdha në frymëmarrje të shkaktuara nga pneumonia.

Një duhanpirësgjatë gjithë jetës së tij, ai u intubua për disa ditë për të ndihmuar në frymëmarrje.

Sipas raportimeve nga Sport Mediaset dhe Tuttomercatoweb, Moratti u ekstubua këtë mëngjes, një shenjë se ai është në rrugën e shërimit.

Mjekët ishin të qartë se ai nuk ka qenë asnjëherë në një situatë kërcënuese për jetën gjatë këtij shqetësimi shëndetësor.

Ikona e Interit, e cila festoi ditëlindjen e 80-të në maj, gjithashtu ishte në gjendje të fliste për disa minuta me gruan e tij Milly, motrën Bedy, dhe fëmijët e tij.

Lexo po ashtu Presidenti legjendar i Interit, Moratti, në kujdes intensiv për shkak të pneumonisë

Ai kishte nënshkuar gjithashtu një operacion angioplastie për zemrën e tij në vitin 2023.

Një mbështetës i Interit që nga fëmijëria, kur babai i tij Angelo ishte në krye të klubit që fitoi Kupën e Europës në vitet 1960, Massimo Moratti mori pronësinë nga Ernesto Pellegrini në vitin 1995.

Ai ishte në krye të klubit për triumfin me tripletën në vitin 2010, duke fituar Ligën e Kampionëve, Scudetton dhe Kupën e Italisë në një sezon të vetëm nën trajnerin Jose Mourinho./Telegrafi/

The post Përditësohet gjendja shëndetësore e presidentit legjendar të Interit, Massimo Moratti appeared first on Telegrafi.

Tabloidi britanik “Daily Mail” i ka kushtuar një artikull të gjatë një të dënuarit shqiptar për vrasje, Edmond Kallmi.

“Një bandit shqiptar që kërcënoi të qëllonte me armë një shofer gjatë një debati për trafik droge ishte një emigrant i paligjshëm i cili ishte ekstraduar më parë nga Mbretëria e Bashkuar për një vrasje të tmerrshme në vendin e tij të lindjes”, shkruan “Daily Mail” për 50-vjeçarin nga Berati, i dënuar për vrasje në vendin tonë.

Pjesë nga investigim:

Edmond Kallmi, 50 vjeç, i drejtoi një armë zjarri imituese një gruaje në një rrugë në qytetin e vogël minerar uellsian të Ferndale përpara se t’i thoshte: “Po sikur të të qëllojmë, o idiote?”.

Ai u burgos për 18 muaj për incidentin në tetor 2022, ndërsa në seancën e dënimit të tij në vitin 2023 iu tha se nuk kishte leje qëndrimi në Mbretërinë e Bashkuar.

Por realiteti i plotë është edhe më tronditës, me dokumentet gjyqësore të para nga Ministria e Shtetit që zbulojnë se Kallmi ishte një shkelës i dhunshëm i përsëritur, i cili ishte dënuar më parë për vrasje në Shqipëri.

Sulmi i tmerrshëm i vitit 1998, ai dhe një burrë tjetër hynë me forcë në shtëpinë e një familjeje dhe qëlluan për vdekje një grua që mbante në krahë djalin e saj njëvjeçar. Kallmi dhe shoku i tij kishin pasur në një sherr në një bar me bashkëshortin e viktimës, objektivin e synuar.

Vrasësi iku në Britani pas ngjarjes, ku u dënua në vitin 2007 për një plagosje me thikë.

Pasi u ekstradua në Shqipëri dhe vuajti dënimin për vrasje, ai mundi të hynte në Mbretërinë e Bashkuar për herë të dytë dhe të vendosej me gruan dhe vajzën e tij.

Aktivistët thanë sot se mënyra se si një shkelës kaq “i pakëndshëm dhe brutal” arriti të qëndronte ilegalisht në Britani për të ndjekur jetën e tij kriminale jo një herë, por dy herë, ofroi “rastin e përsosur studimor” të gjendjes së mjerë të kufijve tanë.

Në procedurat e ekstradimit në vitin 2008 u dëgjua se Kallmi kishte kërkuar azil në Mbretërinë e Bashkuar duke përdorur informacion të rremë nën emrin Martin Buzi. Të dhënat e gjykatës tregojnë se Kallmi iku në Britani një ditë pas të shtënave më 12 shtator 1998. Dy vjet më vonë, ai u shpall fajtor në mungesë për vrasje dhe u dënua me 12 vjet burg.

Kallmi vazhdoi jetën e tij në Mbretërinë e Bashkuar dhe në mars të vitit 2007 u dënua me dy vjet burg në Gjykatën e Kurorës në Harrow, pasi u dënua për plagosje me dashje dhe përleshje.

Procedurat e ekstradimit që ishin vonuar nga gjyqi filluan përsëri ndërsa ai ishte në burg, dhe në mars të vitit 2008 një gjyqtar në Gjykatën e Magjistraturës së Westminsterit dha miratimin që Kallmi të dërgohej përsëri në Shqipëri për një rigjykim.

Vrasësi apeloi për disa arsye, përfshirë Nenin 8 të Konventës Evropiane për të Drejtat e Njeriut, i cili mbron të drejtën për një jetë familjare, por kjo u rrëzua nga Gjykata e Lartë dhe ai u ekstradua më në fund në korrik 2009.

Në nëntor 2012, pas rigjykimit të tij në Shqipëri, tre gjyqtarë miratuan një vendim që mbështeti dënimin e tij për vrasje.

Në rigjykim u dëgjua se Kallmi kishte pirë në një bar në fshatin Perondi në Shqipërinë me mikun e tij Dritan Vila kur ata u grindën me një burrë të quajtur Hamit Baci dhe filluan të godisnin njëri-tjetrin me shishe birre.

Baci doli nga lokali dhe shkoi në shtëpi. Më vonë u dëgjuan të shtëna me armë pranë shtëpisë dhe gruaja e tij, Arjana Baci, u gjet e vdekur në dysheme pranë djalit të saj njëvjeçar, të cilin më parë e kishte mbajtur në krahë.

Burri i saj ishte gjithashtu në shtëpi së bashku me vjehrrën e tij, por të dy shpëtuan.

Një dëshmitar tha se i panë Kallmin dhe Vilën të armatosur me Kallashnikov. Më vonë ata ikën përtej kufirit me Greqinë përpara se Kallmi të futej kontrabandë në Mbretërinë e Bashkuar.

Pavarësisht se mori një dënim të ri me burg prej tetë vitesh, që fillonte në vitin 2009 kur u ekstradua, Kallmi duket se ka dalë nga burgu vetëm gjashtë muaj pasi kreu dënimin.

Shqiptari hyri ilegalisht në Britani për herë të dytë dhe u vendos me gruan dhe vajzën e tij britanike në Pontypridd në Rhondda.

Më 21 tetor 2022, ai po ngiste makinën nëpër qytetin Ferndale kur doli nga një rrugë anësore përpara një shofereje grua, nëna e së cilës ishte në sediljen e pasagjerit.

Pasoi një grindje që përfundoi me kërcënimin e Kallmit ndaj shoferes me një armë të rreme përpara se ajo të largohej me makinë.

Në gjyqin e tij të mëvonshëm, Gjykata e Kurorës Merthyr Tydfil dëgjoi se viktima kishte mbetur “e tronditur dhe e frikësuar” nga incidenti.

Policia u thirr, por Kallmi kishte arritur ta fshihte ose ta asgjësonte armën. Kjo armë nuk është gjetur kurrë, megjithëse oficerët gjetën bombola gazi dhe kushineta me sfera.

Kallmi u shpall fajtor për posedim të një arme zjarri imituese me qëllim shkaktimin e frikës nga dhuna.

Duke dhënë dënimin, regjistruesi Duncan Bould tha: “Ky ishte një gjest jashtëzakonisht kërcënues i përforcuar nga prodhimi i një arme zjarri me pamje realiste me qëllim që [viktima] të besonte se kundër saj do të ishte përdorur dhunë e paligjshme, se do të qëllohej nga afër.”

“Kjo e bindi viktimën tënde dhe të tjerët se ishte një armë e vërtetë. Ti e mbaje atë send me vete duke parashikuar se do të kishe mundësi ta përdorje. Ti pretendove se ke përdorur një telefon celular, por nuk e sqarove më hollësisht këtë shpjegim dhe juria e hodhi poshtë”, shtoi ai.

Kallmi u dënua me 18 muaj burg në tetor 2023 përpara se të lirohej në qendrën e largimit të imigracionit në Colnbrook në dhjetor.

Robert Bates, Drejtor i Kërkimeve në Qendrën për Kontrollin e Migracionit, tha: “Ky njeri është një kërcënim, prania e të cilit në Britani është jashtëzakonisht e padëshirueshme.”

Fakti që ai u dëbua nga vendi ynë, por mundi të hynte përsëri me forcë, është rasti i përsosur studimor se sa të trazuar janë kufijtë tanë.

Politikanët po e zhgënjejnë publikun duke lejuar që më të pakëndshmit dhe brutalët në botë t’i trajtojnë rrugët tona si shesh lojërash për veten e tyre.

Ministria e Brendshme refuzoi të thoshte nëse ai do të deportohej dhe kur./Top Channel

The post Ekzekutoi në Shqipëri gruan që mbante në dorë fëmijën 1-vjeç, “Daily Mail” investigim për vrasësin nga Berati: Si u fut dy herë ilegalisht në Angli?! appeared first on Telegrafi.

Real Madridi ka shënuar fitore me rezultat të ngushtë 2-1 në shtëpi ndaj Mallorcas në kuadër të javës së tretë në La Liga.

Kylian Mbappe realizoi për 1-0 në minutën e shtatë, por goli iu anulua për pozicion të parregullt.

Të parët që kaluan në epërsi ishin mysafirët që realizuan përmes Vedat Muriqit për 1-0 në minutën e 18-të.

Nuk vonoi shumë reagimi i Real Madridit, të cilët barazuan në minutën e 37-të për 1-1 me Arda Guler i cili realizoi me kokë.

Vetëm një minutë më vonë Vinicius Junior realizoi një gol të bukur për 2-1 pas një kundërsulmi të shpejtë nga ‘Los Blancos’.

Cómo no te voy a querer pic.twitter.com/dj0q5DrIG1

— Real Madrid C.F. (@realmadrid) August 30, 2025

Mbappe ishte sërish në qendër të vëmendjes, kur pak çaste para përfundimit të pjesës së parë realizoi sërish këtë herë për 3-1, por goli edhe kësaj radhe u anulua për pozitë jashtë loje.

Se Real Madridi nuk kishte shumë fat në këtë ndeshje u dëshmua në minutën e 55-të kur edhe Gulerit iu anulua një gol për prekje të topit me dorë.

Në minutën e 66-të Mallorca pati mundësinë ideale për të barazuar shifrat por Alvaro Carreras ishte shpëtimtari i Real Madridit duke e larguar topin nga vija fatale.

Kjo ishte fitorja e tretë për Real Madridin në po aq ndeshje, teksa pas pauzës me kombëtare ata do të luajnë në udhëtim ndaj Real Sociedadit./Telegrafi/

The post Tri ndeshje, tri fitore – Real Madrid shkon me bilanc perfekt në pauzën e kombëtareve appeared first on Telegrafi.

Zgjedhja e nënkryetarit të Kuvendit nga komuniteti serb po shihet si çështje më shumë kombëtare sesa partiake. Analistët thonë se Lista Serbe nuk ka më mbështetje të plotë, prandaj partitë politike duhet të gjejnë zgjidhje brenda deputetëve serbë që janë pjesë e kuvendit.

Politologu Dorajet Imeri ka komentuar procesin e zgjedhjes së nënkryetarit të Kuvendit nga komuniteti serb. Ai kujtoi se në vitin 2022, LVV kishte votuar Simiqin, pasi në atë kohë të gjitha ulëset e serbëve i takonin Listës Serbe, gjithashtu sipas tij, atëbotë nuk kishte kryer sulmi terrorist në Banjskë.

“Sot situata është ndryshe. Nëse Nenad Rashiq nuk do të ishte deputet, kjo çështje nuk do të hapej, sepse përfaqësuesit serbë do të ishin vetëm nga Lista Serbe. Por tash kemi deputetë të tjerë dhe logjika është që nënkryetari të vijë nga ky komunitet, përmes zgjedhjeve të lira dhe demokratike”, thotë Imeri.

Ai theksoi se fakti që Lista Serbe ka vetëm nëntë vota në Kuvend, tregon mungesën e përkrahjes politike, duke shtuar se kjo nuk është diskriminim, por kërkim i një figure të pranueshme.

“Nuk është vetëm çështje e Vetëvendosjes. Nëse kryeministri nuk siguron shumicën, e humb mandatin, kjo është e thjeshtë. Por kur flasim për nënkryetarin serb, flasim për siguri kombëtare dhe për pengimin e një agjende që shkon kundër interesave të Kosovës. Kjo listë nuk ka qëllime paqësore e politike. Ka qëllime sabotazhi, agresioni dhe terrorizmi, dhe nuk përfaqëson serbët e Kosovës”, thotë Imeri.

Ndërsa analistja Fatime Hajdari tha se vendimmarrja për këtë pozitë duhet të bëhet duke u udhëhequr nga interesi i Republikës së Kosovës.

“Nuk mund të ketë mbrojtje të interesit të Kosovës nëse i krijohet hapësirë Listës Serbe. Ky është momenti kur secili deputet duhet të marrë përgjegjësi politike për shtetin e vet, përtej interesave të ngushta partiake, thotë Hajdari.

Ajo theksoi se Kosova ka krijuar privilegje të veçanta për komunitetin serb, më shumë se çdo vend tjetër, duke treguar gatishmërinë për barazi dhe integrim./RTK

The post Analistët: Lista Serbe – e pasigurt për Kosovën appeared first on Telegrafi.

Yjet e Hollywood-it u mblodhën në Palazzo Contarini Polignac për darkën madhështore të Tom Ford, gjatë Festivalit të 82-të Ndërkombëtar të Filmit në Venecia.

Paris Jackson, 27 vjeçe, tërhoqi vëmendjen me një fustan vjollcë që i theksonte elegancën, të kombinuar me këpucë të arta Louboutin dhe flokë biondë me onde të lira.
Ajo u shfaq me një pamje plot shkëlqim teksa mbërriti me varkë në event.

Në mesin e të ftuarve u dalluan edhe Noomi Rapace, me një fustan të zi pa rripa e aksesorë minimalistë, si dhe Tilda Swinton, e cila mahniti me një fustan argjendi me çarje tërheqëse dhe një rrip të zi elegant.

Mbrëmjen e pasuruan gjithashtu Indya Moore me një fustan të ngushtë e modern dhe Tish Weinstock, e cila u shfaq provokuese me një veshje gjysmë të tejdukshme me xixa dhe pupla. /Telegrafi/

The post Paris Jackson shkëlqen në darkën e Tom Ford në Venecia appeared first on Telegrafi.

Komuna e Shtimes ka nisur një projekt të ri të rëndësishëm dhe shumë të nevojshëm për banorët e saj.

Kryetari Qemajl Aliu ka bërë të ditur se ka nisur asfaltimi i rrugës që lidh rrugën “Hysiqi” me transitin drejt Ferizajt.

“Ky investim i ri e modern si dëshmi e vazhdimësisë së transformimit ka vlerë 350 mijë euro, gjatësi 1.2 km dhe gjerësi 5 metra, në respektim të standardeve më të larta të cilësisë”, ka thënë Aliu.

“Bashkë me qytetarët e zonës, përcollëm nga afër nisjen e punimeve të asfaltimit të rrugës që lidh rrugën “Hysiqi” me transitin drejt Ferizajt”, ka shtuar ai.

The post ​Komuna e Shtimes nis projektin e ri në vlerë 350 mijë euro appeared first on Telegrafi.

Paris Saint-Germaini ka shënuar fitore me rezultat të thellë 6-3 në udhëtim ndaj Toulouse në kuadër të javës së tretë në Ligue 1.

Joao Neves u përkujdes për t’i dhënë avantazhin mysafirëve duke shënuar për 1-0 në minutën e shtatë.

Vetëm dy minuta më vonë PSG-ja ia doli të dyfishojë rezultatin duke shënuar për 2-0 përmes Bradley Barcola.

Djelmoshat e Luis Enriques nuk u ndalën më kaq dhe gjetën edhe golin e tretë, ku autor i tij ishte sërish Neves që realizoi për 3-0.

pic.twitter.com/M0AvMqHvC4

— Paris Saint-Germain (@PSG_English) August 30, 2025

Në minutën e 41-të PSG-ja e gjeti edhe golin e katërt përmes Ousmane Dembele, i cili u tregua i saktë nga penalltia për 4-0.

Vendasit e shënuan ‘golin e nderit’ në minutën e 37-të përmes Charlie Cressëell që shënoi në portën e hapur për 4-1.

Toulouse pati mundësinë të shënonte edhe golin e dytë, por Cristian Casseres dështoi të shënojë nga penalltia.

JOAO NEVES WITH TWO BICYCLE KICKS IN JUST SEVEN MINUTES pic.twitter.com/ScWIUQXOqp

— ESPN FC (@ESPNFC) August 30, 2025

Dembele e gjeti edhe golin e tij të dytë personal në këtë sfidë, duke realizuar në minutën e 51-të për rezultatin 5-1.

Goditjen përfundimtare Toulouses ia dha Neves i cili në minutën e 78-të kompletoi het-trikun duke realizuar për 6-1.

Toulouse ndërkohë shënoi edhe dy gola të shpejtë përmes Yann Gboho në minutën e 90-të  dhe Alexis Vossah në minutën e 91-të për rezultatin përfundimtar 6-3./Telegrafi/

The post PSG-ja triumfon me rezultat tenistik ndaj Toulouse, shkëlqen Joao Neves me het-trik appeared first on Telegrafi.