Të paktën 18 emigrantë kanë vdekur dhe 50 të tjerë rezultojnë të zhdukur pasi varka e tyre u fundos në brigjet e Tobrukut gjatë fundjavës. Lajmi tragjik u konfirmua nga Organizata Ndërkombëtare për Migracionin, e cila u referohet burimeve lokale.  

Dhjetë persona janë shpëtuar deri më tani. Tobruku është një qytet bregdetar në kufirin e Libisë me Egjiptin .

“Kjo tragjedi e fundit është një kujtesë e zymtë e rreziqeve vdekjeprurëse me të cilat përballen njerëzit në kërkim të sigurisë dhe mundësive. Libia mbetet një qendër e madhe për migrantët dhe refugjatët, shumë prej të cilëve përballen me shfrytëzim, abuzim dhe udhëtime kërcënuese për jetën”, shtoi Organizata Ndërkombëtare për Migracionin. 

Që nga përmbysja e Muamar Gadafit në vitin 2011, Libia është bërë një qendër tranziti për emigrantët që kërkojnë të arrijnë Evropën duke kaluar shkretëtirën dhe Detin Mesdhe për t’i shpëtuar luftës dhe varfërisë.

Raportohet se kryeministri izraelit, Benjamin Netanyahu, i paraqiti kabinetit të tij të sigurisë një plan për të aneksuar disa zona të Gazës në mënyrë që të mbajë në qeveri ministrin e Financave të ekstremit të djathtë, Bezalel Smotrich, i cili ka kërcënuar të japë dorëheqjen.

Sipas lajmit të gazetës “Haaretz”, Netanyahu me qëllimin për të mbajtur ministrin Smotrich në qeveri i paraqiti kabinetit të sigurisë një plan të miratuar edhe nga administrata amerikane.

Thuhet se Hamasit do t’i jepen disa ditë për të pranuar armëpushimin në Gaza dhe nëse kjo nuk ndodh do të vihet në zbatim plani i cili parashikon aneksimin me faza të një pjese të Gazës.

Smotrich ka sinjalizuar tërheqjen e tij nga qeveria izraelite nëse lejohet hyrja e ndihmës humanitare për Gazën.

Në një deklaratë të bërë më parë nga Zyra e kryeministrit izraelit ishte pretenduar se po kryhet bashkëpunim me organizatat ndërkombëtare, SHBA-në dhe vendet evropiane për të ofruar ndihmë humanitare në Gaza.

Në deklaratë pretendohet se sulmet ndaj zonave me popullsi të dendur në Gaza ndalen çdo ditë midis orës 10:00 dhe 20:00 dhe se janë përcaktuar rrugë të sigurta për të garantuar kalimin e sigurt të autokolonave të ndihmave midis orës 06:00 dhe 23:00.

 Gaza po “vdes nga uria”

Rripi i Gazës, nën sulmet izraelite dhe nën një rrethim të rreptë që kufizon ndihmën humanitare, po përjeton një katastrofë humanitare, me uri të përhapur dhe mungesë uji, ilaçesh, furnizimesh mjekësore dhe furnizimesh higjienike.

Vdekjet për shkak të urisë, veçanërisht të fëmijëve, janë në rritje në Rripin e Gazës. Qarqet lokale dhe ndërkombëtare theksojnë se Izraeli përdor “urinë dhe etjen si armë”.

Ushtria izraelite, e cila ka shkatërruar 88 për qind të Rripit të Gazës duke bombarduar edhe infrastrukturën civile, shpeshherë shënjestron palestinezët që ka zhvendosur me urdhra të dëbimi në zonat ku ata strehohen.

Numri i njerëzve të zhvendosur nga sulmet dhe urdhrat e dëbimit të Izraelit në Gazën e cila ka popullsi prej afërsisht 2.3 milionë banorësh, raportohet të ketë arritur në 2 milionë dhe se shumë njerëz janë zhvendosur disa herë.

Të privuar nga furnizimet bazë, palestinezët luftojnë për të mbijetuar në tenda të improvizuara ose në shkolla të mbipopulluara ku mungojnë furnizimet higjienike ndërsa lavamanët janë të pamjaftueshëm dhe sëmundjet infektive po përhapen.

Ndërkohë, ushtria izraelite me sulmet e përditshme që kryen bombardon tendat dhe strehimoret civile të të zhvendosurve.

Shkatërrimi që Izraeli i ka shkaktuar Gazës do të duhen vite që palestinezët ta kapërcejnë kështu shkruan BBC, ndërsa shtron pyetjen nëse do të arrijë Mbretëria e Bashkuar që të ndjekë hapat e Francës dhe të njohë shtetin palestinez.

Izraelit do t’i duhen gjithashtu vite që të kapërcejë dëmin që i ka shkaktuar qëndrimit të tij moral.

Perceptimet dhe mënyra se si njerëzit e shohin Izraelin  në lidhje me gjendjen e tij morale ka ndryshuar dhe ka një ndërgjegjësim gjithnjë e më të madh për këtë çështje edhe brenda Izraelit.

Dy organizata izraelite për të drejtat e njeriut dolën dhe thanë se Izraeli po kryente gjenocid. Dje dhe sot ka një mbledhje të kabinetit në Mbretërinë e Bashkuar ku do të diskutohet për njohjen e mundshme të një shteti palestinez nga ana e Britanisë.

Keir Starmer duket se po lëviz drejt kësaj ideje, pasi po përballet me një presion të madh brenda Partisë Laburiste.

Sigurisht, nuk ka shtet palestinez; është një aspiratë. Por është gjithashtu diçka që ka qenë politika e Mbretërisë së Bashkuar dhe shumë vendeve të tjera, përfshirë SHBA-në për shumë vite.

Realitetet në terren nënkuptojnë se zgjidhja me dy shtete është bërë praktikisht e pakuptimtë për shkak të zgjerimit të vendbanimeve hebraike, kundërshtimit të qeverisë izraelite dhe mënyrës se si territori ku do të ekzistonte fizikisht një shtet palestinez është gërryer dhe është marrë nga izraelitët, shkruan më tej Rama.

Edhe këtë mëngjes, në gazetat izraelite është folur për aneksimin nga Izraeli së bashku me presionin nga e djathta ekstreme të Bregut Perëndimor, i cili është gjithashtu territor që palestinezët e duan për shtetin e tyre.

Megjithatë, tani lind pyetja se si duhet të ndërmerret një hap konkret për ta bërë realitet zgjidhjen me dy shtete.

Presidenti i Francës, Emmanuel Macron ka vendosur që mënyra për ta bërë këtë është përmes njohjes. Francezët dhe britanikët e kanë diskutuar këtë për muaj të tërë në nivel diplomatik.

Pra, pyetja është nëse Britania ndoshta në Asamblenë e Përgjithshme të OKB-së në shtator do t’i bashkohet Francës për ta bërë këtë?

/abcnews.al/

Në Kroaci mbahen këtë të martë provat gjenerale për paradën e madhe ushtarake që shënon 30 vjetorin e operacionit “Stuhia”. Ky operacion shënoi betejën e fundit të madhe të luftës për pavarësi dhe një fitore kundër Serbisë.

Serbia nuk ka ngelur pa reagim. Përmes Ministrisë së Jashtme këshillon qytetarët e Republikës së Serbisë që të shmangin tubimet që sipas tyre mund të çojnë në incidente nëse ndodhen në Kroaci gjatë periudhës së lartpërmendur, ndërsa për ata qytetar që nuk ndodhen aty, kjo ministri këshillon që mos të udhëtojnë drejt Kroacisë për një periudhë 10 ditore.

Në një intervistë në emisionin “Balkan Update” në ABC News, Ermira Perlaskaj-Këshilltare në Ministrinë e Jashtme kroate foli për rëndësinë e kësaj parade, duke u shprehur se është një mesazh që tregon se me sa sakrificë është mbrojtur shteti kroat.

Sa i përket reagimeve nga ana e Serbisë, Perlaskaj i cilësoi thjesht si një propagandë, pasi  Kroacia ka treguar se “është qendër e stabilitetit në Ballkan”.

“Një mesazh për të treguar se sa me sakrificë është mbrojtur shteti kroat dhe se sa duhet të vazhdojë të mbrohet. Sa për rrezikun që përflitet mund të them se është vetëm një antipropagandë. Pasi Kroacia asnjëherë nuk ka bërë ndonjë promovim që ka bëjë me rrezikun dhe cënimin e kufijve serb dhe mendoj që është thjesht një lojë e Serbisë. Në këtë paradë janë të ftuar të gjithë ata që janë miq të Kroacisë. Do të jetë edhe një homazh për ata që e kanë dhënë jetën për vendin”, tha ajo.

Gjithashtu theksoi se Kroacia është duke financuar në teknologjinë e re dhe në Ushtrinë Kroate.

“Sa për teknologjinë edhe armatimin po ndan një buxhet shumë të fuqishëm, pasi është pjesë e NATO-s dhe punon edhe për sigurimin e kufijve të shteteve të tjera, do të jetë një qendër e stabilitetit këtu në Ballkan. Ndërsa interesi i Kroacisë është që të avancohet marrëveshjet me aleatët e saj si Shqipëria dhe Kosova. Por nëse dëgjojnë deklaratat e serbë mendoj që është thjesht propagandë, pasi kemi parë viktimizim të Beogradit. Ne do të kemi avancim të ushtrisë jo vetëm asaj kroatë por edhe asaj shqiptare dhe kosovare”, u shpreh ndër të tjera ajo.

/abcnews.al/

Read More...

Në Kroaci mbahen këtë të martë provat gjenerale për paradën e madhe ushtarake që shënon 30 vjetorin e operacionit “Stuhia”. Ky operacion shënoj betejën e fundit te madhe të luftës për pavarësi dhe një fitore të madhe kundër Serbisë.

Më shumë se 3,400 pjesëmarrës, 500 automjete dhe 40 avionë të Forcave Ajrore kroate do të shënojnë 30-vjetorin e operacionit “Stuhia” dhe Ditën e Fitores, me paradën që do të zhvillohet në Zagreb.

Mbi 2,000 anëtarë të njësive të këmbësorisë të ushtrisë kroate dhe shërbimeve të tjera mblidhen çdo ditë në bazën ushtarake Pleso, ku gjatë dy javëve të fundit kanë bërë prova për paradë historike.

Ushtria Kroate ka shtuar përgatitjet dhe ka intensifikuar ushtrimet për të gjitha njësitë gjatë dy javëve të fundit. Çdo ditë, anëtarët e njësive të këmbësorisë, si dhe anëtarët e shërbimeve të tjera, mblidhen në bazën ushtarake në Ples, në Velika Gorica dhe ecin në një itinerar prej 2.4 kilometrash pesë herë në ditë, sepse aq do të jetë gjatësia e itinerarit të paradës në rrugët e kryeqytetit kroat.

Gjithashtu do të prezantohen armë të reja dhe pajisje moderne ushtarake, të tilla si dronë Bayraktar, tanket Leopard dhe dronët e vegjël luftarakë.

Sipas mediave vendase, Kroacia ka ftuar një sërë vendesh aleate për të marrë pjesë në këtë ngjarje madhore. Në mesin e të ftuarve përmenden Shtetet e Bashkuara të Amerikës, Turqia, Franca, Gjermania, Kosova, Shqipëria, Ukraina dhe Polonia.
Këto vende konsiderohen partnerë strategjikë të Kroacisë, si në kuadër të bashkëpunimit ushtarak në NATO, ashtu edhe në kuadër të marrëdhënieve të qëndrueshme diplomatike.

Serbia nuk ka ngelur pa reagim. Përmes Ministrisë se Jashtme këshillon qytetarët e Republikës së Serbisë që të shmangin tubimet që sipas tyre mund të cojnë në incidente nëse ndodhen në Kroaci gjatë periudhës së lartpërmendur, ndërsa për ata qytetar që nuk ndodhen aty, kjo ministri këshillon që mos të udhetojnë drejt Kroacisë për njëe periudhë 10 ditore.

/abcnews.al/

Në ditën e tretë të kërkimeve gjendet trupi i pajetë i emigrantit në Liqenin e Ujmanit. Pjesëtarë të Forcës së Sigurisë së Kosovës në bashkërendim me KFOR-in zhvilluan operacionin e kërkimit në Liqenin e Ujmanit, në veri të Kosovës, pasi dy dite me pare nga një prej urave të këtij liqeni dyshohet se një person kërceu dhe nuk doli më nga uji.

Ministri në detyrë i Mbrojtjes, Ejup Maqedonci, tha se FSK-ja u angazhua në mbështetje të autoriteteve civile për kërkimin e trupit.

“Forca e Sigurisë së Kosovës në kuadër të detyrave të saj thelbësore ka edhe mbështetjen e autoriteteve civile. Në këtë aspekt në bashkëpunim me Agjencinë e Menaxhimit të Emergjencave, Policinë e Kosovës dhe bashkërendim me KFOR, ekipet e specializuara të FSK-së kanë filluar operacionin e kërkimit në Liqenin e Ujmanit me synimin që sa më shpejt të nxirret trupi i mërgimtarit dhe t’i lehtësohet dhimbja familjes”, shkroi Maqedonci në Facebook.

Një 33-vjeçar dyshohet se kërceu nga ura në Ujman pasditen e së dielës. Ujmani gjendet në Zubin Potok, një nga katër komunat në veri të Kosovës, të banuara me shumicë serbe.

Pas këtij rasti Policia e Kosovës u ka bërë thirrje qytetarëve që të tregojnë kujdes gjate kalimit ne ure.

Liqeni i Ujmanit është përdorur nga qytetarët e zonës dhe shumë prej emigrantëve si një lokacion për t’u freskuar në ditët e nxehta të korrikut.

FIER- Policia e Fierit është vënë në kërkim ete një 30-vjeçari nga lagjja “Sheq u Madh” Fier pasi dyshohet se ka kryer marrëdhënie seksuale me një vajzë të mitur.

Bashkë me 30 vjetarin , pjesëmarrës në marrëdhëniet seksuale me vajzën 13 vjeçe dyshohet se kane qenë edhe dy adoleshentë, të cilët janë proceduar penalisht në gjendje të lirë.

Denoncimi është bërë në komisariatin e Fierit mëngjesin e së hënës nga prindërit e të miturës të cilët u thanë oficerëve se vajza nuk ishte kthyer në shtëpi që prej mbrëmjes së të dielës.

Të shqetësuar për fatin e vajzës, prindërit denoncouan zhdukjen e se bijës por kjo e fundit u kthye në banesë pak orë pas denoncimit.

Ndërkohë inspektorët e policisë që kishin nisur kërkimet për vajzën, vazhduan hetimin për rastin duke e dërguar të miturën për ekzaminim mjekësor.

Nga ekzaminimi rezultoi se vajza 13 vjeçe ishte abuzuar seksualisht. Ne prani të psikologut është marrë në pyetje e mitura, e cila tregoi se natën që mungoi në shtëpi, e kishte kaluar me disa miq.

Ajo tregoi identitetin e 30-vjeçarit dhe dy 15-vjecarëve për të cilët nisi kërkimi policor.

Por 30-vjecari, ndërkohe ishte larguar nga vendbanimi dhe policia është ende në kërkim të tij. Dy adoleshentët janë marrë në pyetje në prani të psikologut. Ata po ndiqen penalisht në gjendje të lirë./abcnews.al

VATIKAN- Papa Leoni XIV paralajmëroi për rrezikun e sulmit ndaj dinjitetit njerëzor, në kontekstin e përdorimit në rritje të Inteligjencës Artificiale  dhe në një epokë të dominuar nga “shkenca dhe teknologjia”.

“Asgjë që vjen nga njeriu dhe zgjuarsia e tij nuk duhet (…) të minojë dinjitetin e të tjerëve”, tha ai gjatë një meshe në Vatikan.

Rreziqet e Inteligjencës Artificiale janë një temë e përsëritur për papën amerikan.

“Ne jetojmë sot në një kulturë të re, thellësisht të formësuar dhe të ndërtuar nga teknologjia. Varet nga ne dhe nga ju, të sigurohemi që kjo kulturë të mbetet njerëzore”, tha ai.

“Sot, në një kulturë ku dimensioni digjital është i kudondodhur, në një kohë kur lindja e inteligjencës artificiale shënon një gjeografi të re në jetën e individëve dhe të shoqërisë në tërësi, kjo është sfida me të cilën duhet të përballemi, duke reflektuar (…) mbi aftësinë tonë për të dëgjuar dhe folur, për të kuptuar dhe për t’u kuptuar”, vazhdoi ai.

Që në qershor, papa paralajmëroi për pasojat e mundshme të Inteligjencës Artificiale në zhvillimin intelektual të të rinjve.

“Ne të gjithë jemi (…) të shqetësuar për fatin e fëmijëve dhe të rinjve, dhe për pasojat e mundshme të përdorimit të Inteligjencës Artificiale në zhvillimin e tyre intelektual dhe neurologjik”, paralajmëroi papa amerikan në një mesazh për pjesëmarrësit e Konferencës së dytë vjetore të Romës mbi IA-në.

“Asnjë brez nuk ka pasur ndonjëherë qasje kaq të shpejtë në sasinë e informacionit që është tani në dispozicion falë Inteligjencës Artificiale. Por edhe një herë, qasja në të dhëna, sado e gjerë, nuk duhet të ngatërrohet me inteligjencën”, shtoi papa.

Shteti i Kosovës është në gjendje të jashtëzakonshme të pashpallur,  kështu e përshkruan situatën institucionale në Kosovë, politologu Dritëro Arifi, profesor në Kolegjin UBT në Prishtinë.

Sipas tij, kjo gjendje është pasojë e dështimit të deputetëve të Kuvendit të Kosovës për të përmbyllur konstituimin e këtij institucioni deri më 26 korrik.

Kjo datë shënonte skadimin e afatit prej 30 ditësh të caktuar nga Gjykata Kushtetuese për deputetët e Kuvendit, të cilëve, sipas një vendimi të po kësaj gjykate të publikuar më 24 korrik, u ndalohet të ndërmarrin çdo vendim apo veprim për konstituimin e Kuvendit nga data 27 korrik e deri më 8 gusht.

Politologu Arifi rikujton se Kosova është shtet parlamentar dhe, përderisa Kuvendi i Kosovës është institucion që ratifikon çdo ligj vendor dhe marrëveshje ndërkombëtare si dhe mbikëqyr institucionet tjera të shtetit, mosfunksionimi i tij e çon vendin në një situatë problematike.

“Shumica e të gjitha institucioneve relevante, me të cilat funksionon një shtet – sidomos një Republikë parlamentare – varen kryesisht nga Kuvendi. Pra, pa votat e Kuvendit nuk funksionon asgjë… Shteti i Kosovës është në gjendje të jashtëzakonshme, veçse se nuk është e shpallur. Është faktike”, thekson Arifi në një bisedë me Radion Evropa e Lirë.

Sipas Kushtetutës së Kosovës, gjendjen e jashtëzakonshme mund ta shpallë presidenti i vendit, në rast se: ka nevojë për masa emergjente të mbrojtjes; ka rrezik të brendshëm ndaj rendit kushtetues ose sigurisë publike; ka fatkeqësi natyrore, e cila prek tërë territorin e Republikës së Kosovës ose një pjesë të tij.

Radio Evropa e Lirë i është drejtuar Zyrës së presidentes së Kosovës, nëse presidentja Vjosa Osmani konsideron se vendi po hyn në një fazë të mosfunksionimit institucional dhe rreziqet e situatës aktuale. Deri në publikimin e artikullit, ky institucion nuk ka kthyer përgjigje.

Nga Instituti Demokratik i Kosovës sqarojnë se Kuvendi i Kosovës është gjeneratori kryesor që vë në lëvizje aktivitetin shtetëror, duke mbikëqyrur llogaridhënien e ekzekutivit, agjencive të pavarura dhe mekanizmave të tjerë, si dhe duke miratuar ligje dhe duke ratifikuar marrëveshjet e ndryshme ndërkombëtare.

Vullnet Bugaqku nga ky institut, thekson se përderisa Kuvendi mbetet i pakonstituuar, shteti i Kosovës është praktikisht në një bllokadë institucionale dhe aktualisht pa shtegdalje.

“Si pasojë e moskonstituimit të Kuvendit, shumë çështje mbesin pezull. Pa pasur një konstituim të Kuvendit, normalisht që edhe shteti nuk mund të veprojë dhe funksionojë në mënyrë normale dhe në mënyrë të plotë, në kuptimin e ushtrimit të përgjegjësive dhe funksioneve të secilit funksionar, por edhe të secilit institucion”, thekson Bugaqku.

Bllokada institucionale aktuale, sipas vëzhguesve të situatës politike në vend, tashmë po e përballë vendin me një varg pasojash.

Përplasjet politike, vlerësojnë ata, tashmë po dëmtojnë imazhin e Kosovës në botë, duke e paraqitur si një vend që nuk ka stabilitet politik.

Gjithashtu, pa Kuvend të konstituuar, që do të ratifikonte marrëveshjet ndërkombëtare, Kosova ende nuk ka arritur të marrë para-financimin nga fondi prej rreth 880 milionë eurosh nga Plani i Rritjes i Bashkimit Evropian, si dhe 90 milionë euro nga Banka Botërore.

Aktualisht shteti i Kosovës “është në pauzë” dhe nuk ka ndonjë sinjal se situata mund të dalë nga bllokada, thotë Bugaqku për Radion Evropa e Lirë.

Sipas tij, në mungesë të një Kuvendi të konstituuar, Qeveria në detyrë e Kosovës, e cila ka kompetenca të kufizuara, aktualisht nuk ka kujt t’i përgjigjet apo t’i raportojë.

“Kur nuk ka Kuvend, nuk mund të formohet një qeveri e re dhe legjitime. Rrjedhimisht, shtohen mundësitë që kjo që është tani [Qeveria në detyrë] të prodhojë vendime të kundërligjshme dhe jokushtetuese, si dhe të krijojë një lloj situate kaotike për sa i përket zbatimit të kushtetutshmërisë, por edhe ligjshmërisë në vend”, thekson Bugaqku.

“Përveç presidentes që ka një legjitimitet, madje shumë të cunguar, sepse presidentja zgjidhet prej Kuvendit…Pra, absurditet në vete. I vetmi institucion ku jepet llogaridhënia është Parlamenti, ndërkaq ne nuk kemi Parlament”, thotë Arifi.

Vëzhguesit e zhvillimeve politike në Kosovë, tashmë janë në pritje të një vendimi të Gjykatës Kushtetuese, që pritet të sqarojë rrugën drejt konstituimit të Kuvendit pas 8 gushtit.

Lidhur me moskonstituimin e Kuvendit ka reaguar Ambasada e SHBA-së në Kosovë. Ajo u ka thënë mediave vendore se ngërçi politik po vonon progresin e aspiratave të Kosovës dhe po rrezikon integritetin e institucioneve të Kosovës, si dhe u ka bërë thirrje liderëve politikë që të punojnë për të arritur një marrëveshje për konstituimin e organit ligjvënës./REL/

KSAMIL- Dy persona janë arrestuar në flagrancë e në Ksamil pasi dyshohet se në bashkëpunim me njëri-tjetrin kanë dhunuar një person tjetri.

Sipas policisë, i dhunuari është vëllai i njërit prej agresorëve.

“Specialistët për Hetimin e Krimeve në Komisariatin e Policisë Sarandë arrestuan në flagrancë shtetasit Sh. H., 62 vjeç dhe E. H., 35 vjeç (babë e bir), banues në Ksamil, pasi më datë 28.07.2025, gjatë një konflikti, në bashkëpunim me njëri-tjetrin, kanë goditur me sende të forta shtetasin B. H., 57 vjeç (vëllai i shtetasit Sh. H.), banues në Ksamil, duke i shkaktuar dëmtime në pjesën e kokës”, thekson Policia./abcnews.al

Teksa Ballkani dhe Europa janë në luftë me zjarret që kanë shkrumbuar mijëra hektarë dhe kanë detyruar mijëra njerëz të evakuohen, Rumania përballet me një situatë të pazakontë të motit për këtë stinë.

Të paktën tre persona kanë humbur jetën në Rumaninë lindore për shkak të përmbytjeve. Ndërkohë qindra njerëz u evakuuan teksa autoritetet po kërkojnë për persona të zhdukur.

Rreth 25 fshatra në nëntë rajone u goditën nga shirat e rrëmbyeshëm dhe erërat e forta që shkatërruan çatitë dhe shkulën pemët, duke bllokuar qarkullimin në rrugët kombëtare.

Qarqet më të goditura në Rumaninë veriore ishin Neamt dhe Suceava, ku dy lumenj dolën nga shtrati, duke lënë të vdekur një 66-vjeçar dhe duke detyruar qindra njerëz të evakuoheshin.

Agjencia e emergjencave tha gjithashtu se dy gra, të moshës 85 dhe 83-vjeç, gjithashtu humbën jetën si pasojë e përmbytjeve.

Agjencia e menaxhimit të ujërave e Ministrisë së Mjedisit tha se niveli i ujit në dia lumenj u rrit në nivele rekord dhe po vijon puna për riparimin e urave të shembura.

Read More...

Read More...

“Skenari më i keq i urisë po ndodh aktualisht në Rripin e Gazës”, tha autoriteti kryesor ndërkombëtar për kriza ushqimore më 29 korrik, duke parashikuar “vdekje të shumta” nëse nuk merren masa të menjëhershme.

Ky paralajmërim, që ende nuk përbën shpallje zyrtare të urisë, vjen pas reagimeve të shumta pas publikimit të imazheve të fëmijëve të kequshqyer dhe raportimeve për dhjetëra vdekje të lidhura me urinë pas gati 22 muajsh luftë.

Presioni ndërkombëtar e shtyu Izraelin që gjatë fundjavës të shpallë disa masa, përfshirë ndalesa të përditshme në luftime për shkaqe humanitare në disa pjesë të Gazës dhe hedhjen nga ajri të pakove me ndihma.

Megjithatë, Kombet e Bashkuara dhe palestinezët në Gazë thonë se situata ka ndryshuar pak, teksa turmat e dëshpëruara të palestinezëve vazhdojnë të dynden drejt kamionëve me ndihma para se ato të arrijnë në destinacionet e parapara.

Klasifikimi i Integruar i Sigurisë Ushqimore (IPC) paralajmëroi se Gaza që dy vjet është buzë urisë, por zhvillimet e fundit kanë “përshkallëzuar në mënyrë dramatike” situatën.

Shpallja zyrtare e urisë, që është e rrallë, kërkon të dhëna që nuk mund të merren në Gazë për shkak të pengimit të qasjes në këtë territor.

Porm ekspertët e pavarur thonë se nuk kanë nevojë për një shpallje formale për të kuptuar atë që po shohin në Gaza.

“Ashtu si një mjek familjar mund ta diagnostikojë shpesh një pacient me të cilin është i njohur bazuar në simptomat e dukshme, pa pasur nevojë të dërgojë mostra në laborator dhe të presë rezultatet, po ashtu mund t’i interpretojmë simptomat e Gazës. Kjo është uri e vërtetë”, tha për Associated Press Alex de Waal, autor i librit “Uria Masive: Historia dhe e Ardhmja e Saj” dhe drejtor ekzekutiv i Fondacionit për Paqe Botërore.

Teksa situata humanitare në Gazë është rënduar, Ministria e Shëndetësisë në territorin palestinez njoftoi më 29 korrik se numri i viktimave që nga nisja e luftës më 2023 ka shkuar në mbi 60.000.

Lufta në Gazë ka nisur më 7 tetor 2023, kur radikalët e Hamasit grupit palestinez të shpallur organizatë terroriste nga Shtetet e Bashkuara dhe Bashkimi Evropian sulmuan jugun e Izraelit, duke vrarë afër 1.200 persona dhe duke rrëmbyer afër 250 të tjerë. Afër 50 persona besohet se ende mbahen në Gazë, ndërsa të tjerët janë liruar në marrëveshjet paraprake të armëpushimit./REL

Kryeministri Edi Rama ka reaguar përmes një postimi në rrjetet sociale lidhur me lavazhet që ushtrojnë aktivitetin e tyre në mënyrë të paligjshme brenda zonave të banuara.

Ai ka paralajmëruar se nuk do të lejohet më pastrimi i automjeteve nëpër trotuare, duke e cilësuar këtë si një shkelje me pasoja mjedisore.

“Asnjë lavazh nuk do të qëndrojë mes lagjeve për të larë makinat nëpër trotuare, prandaj kush i ka t’i heqë vetë që të mos paguajë edhe gjobën e krimit mjedisor”, ka shkruar kryeministri Rama në Facebook./abcnews.al

Si rezultat i veprimeve të shpejta profesionale të kryera nga specialistët për Hetimin e Krimeve të Komisariatit të Policisë Himarë, u bë e mundur identifikimi dhe arrestimi në flagrancë i autorit të dyshuar të vjedhjes së një shume parash nga automjeti i një pushuesi, shtetasit:

A. S., 25 vjeç, banues në Kosovë.

Nga veprimet hetimore ka rezultuar se ky shtetas, në bashkëpunim me një shtetas tjetër, për të cilin vijon puna për kapjen, më datë 26.07.2025, ka vjedhur shumën prej 1400 euro nga automjeti i një pushuesi, i cili ishte i parkuar në plazhin e “Porto Palermos”.

Shuma e vjedhur, së bashku me automjetin tip Volkswagen, i cili dyshohet se është përdorur për kryerjen e vjedhjes, u sekuestruan në cilësinë e provës materiale.

Tregu i sigurimeve është zgjeruar në periudhën janar-qershor duke u rritur me mbi 8%. Pesha kryesore dhe rritja më e madhe ka ardhur kryesisht nga sigurimet motorike, teksa një tendencë në zgjerim ka parë edhe segmenti i sigurimit të jetës.

Ekspertja e sigurisë Romina Radonshiqi u shpreh se sigurimi i banesave nga tërmeti është një masë mbrojtëse që duhet të merrej më herët. Më tej, Radonshiqi tha se për pensionistët dhe të papunët qeveria ka gjetur një zgjidhje duke marrë mbulimin e kostove për këto familje në nevojë për të cilat kjo pagesë ka një peshë në buxhetin e tyre.

“Është një masë mbrojtëse që duhet të ndërmerrej para shumë vitesh. Sigurimi i banesave është diçka shumë e rëndësishme, duhet të edukohemi t’i kushtojmë rëndësi sigurimit të jetës dhe pronës. Banesa është shumë e rëndësishme sepse hyn tek nevojat fiziologjike. Shqipëria është një vend me risk të lartë sizmik dhe sigurimi i ndërtesës duhet të na ulë mbrojtjen dhe menaxhimin e riskut. Është një nismë e vonuar, niveli i sigurimit të pronave ishte tepër i ulët nga qytetarët.

Në draft kemi edhe përshpejtim të procedurave, në një periudhë 9 mujore qeveria e ka përshpejtuar procedurën dhe kjo është një gjë shumë e mirë. Nuk do të influencojë shumë tek financat e individit. Pensionistët ose të papunët, për ta një shumë do të ndikonte në buxhetin e tyre ndaj dhe qeveria ka gjetur zgjidhje duke marrë mbulimin e kostove për këto familje në nevojë.” / abcnews.al

“Skenari më i keq i urisë po ndodh aktualisht në Rripin e Gazës”, tha autoriteti kryesor ndërkombëtar për kriza ushqimore më 29 korrik, duke parashikuar “vdekje të shumta” nëse nuk merren masa të menjëhershme.

Ky paralajmërim, që ende nuk përbën shpallje zyrtare të urisë, vjen pas reagimeve të shumta pas publikimit të imazheve të fëmijëve të kequshqyer dhe raportimeve për dhjetëra vdekje të lidhura me urinë pas gati 22 muajsh luftë.

Presioni ndërkombëtar e shtyu Izraelin që gjatë fundjavës të shpallë disa masa, përfshirë ndalesa të përditshme në luftime për shkaqe humanitare në disa pjesë të Gazës dhe hedhjen nga ajri të pakove me ndihma. Megjithatë, Kombet e Bashkuara dhe palestinezët në Gazë thonë se situata ka ndryshuar pak, teksa turmat e dëshpëruara të palestinezëve vazhdojnë të dynden drejt kamionëve me ndihma para se ato të arrijnë në destinacionet e parapara.

Klasifikimi i Integruar i Sigurisë Ushqimore (IPC) paralajmëroi se Gaza që dy vjet është buzë urisë, por zhvillimet e fundit kanë “përshkallëzuar në mënyrë dramatike” situatën.

Shpallja zyrtare e urisë, që është e rrallë, kërkon të dhëna që nuk mund të merren në Gazë për shkak të pengimit të qasjes në këtë territor.

Përmbytjet e shkaktuara nga shirat e fortë në Pekin dhe zonat përreth kanë shkaktuar të paktën 30 të vdekur dhe kanë detyruar evakuimin e dhjetëra mijëra njerëzve. Shirat e shpeshta u intensifikuan rreth kryeqytetit kinez dhe zonave të tjera përreth, ku qyteti ka regjistruar reshje deri në 54 cm gjatë një periudhe “shira ekstreme të pandërprerë”, sipas agjencisë zyrtare të lajmeve Xinhua.

Sipas një deklarate nga Pekini, 28 persona humbën jetën në distriktin Miyun dhe dy të tjerë në distriktin Yanqing deri në mesnatë të së hënës. Të dy këto zona janë zona malore larg qendrës së qytetit.

Mbi 80,000 njerëz janë evakuuar në Pekin, duke përfshirë rreth 17,000 në Miyun, thuhet në deklaratën e qeverisë. Po ashtu, katër persona u raportuan të vdekur nga një shpërthim dheu në një zonë rurale të qarkut Luanping në provincën e Hebei, e cila kufizohet me Pekinin. Tetë persona janë shpallur të zhdukur.

Presidenti kinez Xi Jinping urdhëroi përpjekje të plota për kërkim-shpëtimin pas mesnatës së së hënës, për të minimizuar viktimat. Përmbytjet e fundit kanë shkaktuar viktima dhe dem ete medha në Pekin dhe provincat e Hebei, Jilin dhe Shandong, tha ai, sipas Xinhua.

Autoritetet e Pekinit shpallën një përgjigje emergjente të nivelit të lartë në orën 20:00 të së hënës, duke urdhëruar njerëzit të qëndrojnë brenda, duke mbyllur shkollat, pezulluar punët e ndërtimit dhe ndaluar turizmin dhe aktivitetet e jashtme.

/ abcnews.al