Largimi i Kristjan Asllanit nga Interi po bëhet gjithnjë e më i mundshëm, pasi klubi zikaltër tashmë është i gatshëm të dëgjojë oferta për mesfushorin e Kombëtares shqiptare.

Sipas mediave italiane, për Asllanin ka interes konkret, dhe së fundmi është zhvilluar një bisedë telefonike mes drejtuesve të Interit dhe atyre të Bolognës. Kjo e fundit synon të vazhdojë ecurinë pozitive në Serie A dhe të garojë për një vend në Ligën e Kampionëve, ndaj është në kërkim të përforcimeve cilësore.

“Corriere Dello Sport” raporton se sapo Bologna është informuar për çmimin prej rreth 18 milionë eurosh, të vendosur nga Interi për kartonin e Asllanit, drejtori sportiv Giovanni Sartori ka reaguar qartë: klubi nuk është i gatshëm të paguajë një shumë të tillë.

Megjithatë, Bologna nuk e ka hequr dorë nga mesfushori shqiptar. Klubi vlerëson potencialin e tij dhe e sheh si një element të rëndësishëm për idetë taktike të trajnerit Vincenzo Italiano.

Pritet që negociatat të vazhdojnë në ditët në vijim, me synimin për të gjetur një marrëveshje që kënaq të dyja palët.

Interi duket i hapur ndaj një formule të re ose uljes së çmimit, nëse oferta e Bolognës vjen me kushte të favorshme, qoftë për shitje të plotë apo huazim me të drejtë blerjeje.

Asllani kërkon më shumë minuta në fushë, dhe një lëvizje në një skuadër ku mund të ketë më shumë hapësira, siç është Bologna , shihet si një hap logjik për të ardhmen e tij. /Telegrafi/

The post Interi po vazhdon negociatat me klubin italian për Asllanin, por problem mbetet çmimi i lartë appeared first on Telegrafi.

Real Madridi është eliminuar nga Paris Saint-Germain në Kupën e Botës për Klube, pas një humbjeje të rëndë 4-0 që tronditi klubin spanjoll.

Parisienët dominuan ndeshjen dhe e demoluan skuadrën e Xabi Alonsos pa mëshirë.

Trajneri i madrilenëve, Xabi Alonso, u shfaq i dëshpëruar pas përfundimit të ndeshjes, duke pranuar se rezultati ishte një pasqyrë reale e gjendjes aktuale të ekipit.

“Tani e dimë ku jemi. Ka shumë gjëra që duam t’i bëjmë më mirë. Dhemb kjo humbje,” tha Alonso.

Lexo po ashtu Courtois kritikon bashkëlojtarët, teksa bën një deklaratë të çuditshme pas humbjes së thellë nga PSG-ja

Alonso theksoi se PSG ishte një kundërshtar i organizuar dhe i fuqishëm, ndërsa Real Madridi është ende në fazën e ndërtimit. “Vuajtëm; ishte e vështirë. PSG është një ekip i kompletuar. Ne sapo kemi filluar,” shtoi ai.

Përkundër rezultatit të rëndë, trajneri u përpoq të nxjerrë mësime nga kjo ndeshje. “Rezultatet e sotme janë të mira për ne, pasi na tregojnë sa shumë kemi për të përmirësuar. Jemi ende në fillim,” u shpreh Alonso.

Ai e përmendi edhe mungesën e përgatitjes si faktor kyç. “Kemi qenë në një mjedis konkurrues për tre javë pa stërvitje. Tani duhet të analizojmë ku jemi dhe të përgatitemi për rikthimin pas katër javësh.”

Sipas tij, gabimet taktike ishin të shpeshta dhe ndikuan direkt në rezultat. “Gjithmonë vonoheshim pak dhe kur ndodh kjo, të gjithë dalin nga pozicioni. Ata vrapojnë përpara dhe ti humbet kohë për të rikuperuar,” tha Alonso.

Në fund, ai u shpreh se kjo humbje duhet të shërbejë si një alarm. “Ky turne më ka treguar se ku jemi dhe çfarë mund të përmirësojmë. Kjo ishte ndeshja e fundit e sezonit 2024/25. Sezoni i ri nis në gusht”, përfundoi Alonso. /Telegrafi/ 

The post Alonso i dëshpëruar me debaklin e pësuar nga PSG: Kjo humbje dhemb, por na tregon situatën ku jemi appeared first on Telegrafi.

Juventusi ka bërë ofertën e parë për transferimin përfundimtar të Francisco Conceicao, por është refuzuar nga Porto.

Sipas gazetarit Nicolo Schira, klubi portugez nuk ka pranuar shumën prej 22 milionë eurosh.

Anësori 22-vjeçar ishte i huazuar te Juventusi gjatë sezonit 2024/25 dhe ka shprehur dëshirën e tij për të qëndruar në Torino.

Megjithatë, klubi italian nuk është i gatshëm të aktivizojë klauzolën e lirimit prej 30 milionë eurosh, e cila është e vlefshme deri më 15 qershor 2026.

Juventusi po përpiqet të negociojë një marrëveshje të re me çmim më të ulët, të paguar në disa këste, duke shpresuar në mirëkuptimin e Portos.

Conceicao është dalluar me paraqitjet e tij, përfshirë dy gola në fitoren 5-0 kundër Al Ain në Kupën e Botës për Klube.

Forma e tij ka tërhequr gjithashtu interesin e klubeve si Atletico Madrid dhe RB Leipzig, që po e ndjekin nga afër situatën e tij.

Bisedimet pritet të vazhdojnë në ditët në vijim, ndërsa Juventusi mbetet i vendosur për ta bërë portugezin pjesë të përhershme të skuadrës. /Telegrafi/ 

The post Juventusi kërkon ta blej përfundimisht Francisco Conceicao, Porto refuzon ofertën e parë appeared first on Telegrafi.

I lënë në një rol dytësor në radhët e Manchester City, Jack Grealish po shqyrton seriozisht mundësinë për të rinisur karrierën e tij duke filluar nga sezoni 2025-2026. Sulmuesi anglez është vlerësuar rreth 45 milionë euro dhe pritet të jetë një nga emrat më të përfolur të verës.

Manchester City pritet të jetë sërish aktiv në merkato, ashtu si gjatë afatit kalimtar të dimrit. Klubi po ndërton skuadrën për të ardhmen, ndërsa disa lojtarë mund të largohen nëse nuk gjejnë hapësirat e duhura.

Një ndër ta është edhe Jack Grealish, i cili, në moshën 29-vjeçare, nuk ka arritur të shfaqë versionin më të mirë të vetes nën drejtimin e Pep Guardiolës. Për këtë arsye, largimi i tij nuk përjashtohet gjatë verës.

Lexo po ashtu Shkëlqimi dhe rënia e Jack Grealish - çmimi i tij bie përtokë, por askush nuk do ta paguajë

Sipas mediave britanike, interesimi për Grealish është i madh. AC Milan ka hyrë në garë për nënshkrimin e tij, duke parë në të një mundësi për të forcuar repartin ofensivë. Rossonerët po e vlerësojnë seriozisht një ofertë konkrete.

Përveç Milanit, interes për lojtarin kanë shfaqur edhe Aston Villa dhe Napoli, ndërkohë që është përmendur edhe një pistë surprizë nga Barcelona. Kjo e bën të qartë se Grealish mbetet lojtar me profil të lartë në treg.

Megjithatë, transferimi te AC Milan nuk do të jetë i lehtë. Klubi italian e di se do t’i duhet të shpenzojë rreth 45 milionë euro për të bindur Manchester City, që deri tani nuk ka dhënë sinjale për ulje çmimi.

Tashmë mbetet të shihet nëse drejtuesit e Milanit do të vendosin të bëjnë një investim kaq të madh për të afruar Grealish, i cili kërkon të rikthehet si titullar i padiskutueshëm në një ambient të ri. /Telegrafi/ 

The post Grealish drejt transferimit në Serie A, gjiganti italian mendon për të appeared first on Telegrafi.

Liverpooli është shfaqur si pretendent serioz për të siguruar shërbimet e sulmuesit francez Hugo Ekitike nga Eintracht Frankfurt. Sipas gazetarit të njohur Nicolo Schira, palët janë në bisedime të avancuara për një kontratë që do të zgjaste deri në qershor të vitit 2030.

23-vjeçari pati një sezon mbresëlënës në Bundesliga, duke realizuar 22 gola dhe dhënë 11 asistime në 47 paraqitje gjatë edicionit 2024/25 dhe forma e tij ka tërhequr vëmendjen e disa klubeve të mëdha evropiane.

Eintracht Frankfurt ka vendosur një çmim prej 100 milionë eurosh për Ekitike, ndërsa Liverpooli po sheh mundësinë që ta financojë transferimin përmes shitjes së mundshme të Darwin Nunez.

Trajneri i ‘The Reds’, Arne Slot, e sheh sulmuesin francez si zëvendësuesin ideal të Nunez dhe po e shtyn klubin drejt finalizimit të marrëveshjes.

Ndërkohë, edhe Chelsea dhe Manchester United kanë shfaqur interes për Ekitike, por duket se Liverpooli është më pranë arritjes së një marrëveshjeje konkrete.

Bisedimet mes klubit anglez dhe përfaqësuesve të lojtarit po përparojnë me ritme të shpejta dhe janë në fazat përfundimtare.

Vetë Ekitike është i etur për një transferim në ‘Anfield’ dhe thuhet se është i impresionuar nga projekti sportiv i kampionëve të Ligës Premier. /Telegrafi/

The post Liverpooli mbetet skuadra favorite për të nënshkruar me Hugo Ekitiken appeared first on Telegrafi.

Lionel Messi ishte protagonist absolut në fitoren e Inter Miami me rezultatin 4-1 ndaj CF Montreal në ndeshjen e fundit të MLS.

Ylli argjentinas realizoi dy gola, duke i dhënë ekipit të tij një fitore të rëndësishme pas eliminimit në Kupën e Botës për Klube.

Por vendasit ishin ata që kaluan të parët në epërsi me golin e realizuar nga Prince Owusu.

Krejt kjo ndodhi falë një gabimi trashanik nga Lionel Messi.

MESSI MISTAKE!

Prince Owusu capitalizes on a HORRENDOUS Lionel Messi giveaway to put CF Montréal up early at Stade Saputo! #CFMTL 1-0 #InterMiamiCF | 2’ | #MTLvMIA pic.twitter.com/euhHNf4Pr3

— Canadian Soccer Daily (@CANSoccerDaily) July 6, 2025

Shtatë herë fituesi i Topit të Artë në tentim për ta rikthyer topin te portieri i tij asistoi te Owusu i cili ishte pranë golit dhe me lehtësi shënoi për 1-0.

Gjithsesi Messi përmirësoi gabimin e tij duke shënuar dy gola të jashtëzakonshëm dhe duke asistuar në një tjetër.

Epo iu ndodh edhe më të mirëve në botë që ndonjëherë të gabojnë, Messi bëri një asistim fantastik, por për kundërshtarin. /Telegrafi/

The post Messi siç nuk e keni parë kurrë, me një gabim trashanik asiston te goli i skuadrës kundërshtare appeared first on Telegrafi.

Firos Mohamed, ish-portieri i njohur i Penang FC, ka ndërruar jetë tragjikisht gjatë një ndeshjeje bamirësie në Malajzi.

Ngjarja ndodhi në stadiumin e Këshillit Bashkiak Manjung, në shtetin e Perakut.

53-vjeçari po merrte pjesë në një aktivitet sportiv me karakter humanitar kur papritmas u rrëzua në fushë. Stafi mjekësor ndërhyri menjëherë, por përpjekjet për ta shpëtuar rezultuan të pasuksesshme.

Firos Mohamed ishte një figurë e njohur në futbollin malajzian gjatë viteve 1990, kur ai mbrojti portën e Penang FC dhe fitoi zemrat e tifozëve me paraqitjet e tij të qëndrueshme.

Terkini!

Penjaga gol lagenda Pulau Pinang, Firos Mohamed disahkan meninggal dunia selepas rebah ketika perlawanan Kejohanan ‘Legend All Stars’ Piala Dr Zambry Abd Kadir…

Takziah buat seluruh keluarga arwah dan semoga roh arwah dicucuri rahmat.@ASTROARENA pic.twitter.com/Nav3ezye8i

— Ainul Abd Rouf (@ainulameerul) July 5, 2025

Klubi i Penang ka reaguar me një deklaratë zyrtare, duke shprehur dhimbjen dhe ngushëllimet për familjen e ish-portierit. “Bordi drejtues i Penang dhe i gjithë stafi i tyre i shprehin ngushëllimet e sinqerta familjes së Firos Mohamed,” thuhet në deklaratë.

Vdekja e tij ka prekur thellë komunitetin sportiv në Malajzi, ku ai kujtohet si një sportist i përkushtuar dhe një njeri me shpirt të madh. /Telegrafi/

Penjaga gol Penang Legend All Stars, Firos Mohamed telah meninggal dunia.

Beliau rebah tidak sedarkan diri ketika perlawanan sempena Kejohanan 4 Penjuru All Stars dan terus dibawa ke hospital sebelum disahkan meninggal.#malaysiagazette #Takziah pic.twitter.com/sG1jMCzN1n

— Malaysia Gazette (@MalaysiaGazette) July 6, 2025

The post Tragjedi në Malajzi: Ndërron jetë ish-portieri gjatë një ndeshjeje bamirësie appeared first on Telegrafi.

Barcelona vazhdon të përballet me sfida të rëndësishme, ndërsa ka pasiguri rreth të ardhmes së kapitenit të tyre, Marc-Andre ter Stegen, ku pavarësisht se portieri ka ende tre vjet kontratë, klubi po përgatitet ta largojë atë.

Ter Stegen është planifikuar të rikthehet në stërvitjen parasezonal të ekipit nën drejtimin e trajnerit Hansi Flick, së bashku me pjesën tjetër të skuadrës. Portieri 33-vjeçar kishte arritur të bëhej portieri i parë i kombëtares gjermane, por një dëmtim në shtator e la jashtë për pjesën më të madhe të sezonit.

Gjatë mungesës së tij, portën e Barcelonës e mbajtën Inaki Pena dhe më pas Wojciech Szczesny, i cili po afron rinovimin e kontratës për dy sezone. Gjithashtu, Barcelona ka investuar 25 milionë euro për talentin e ri Joan García, duke e parë atë si të ardhmen.

Së fundmi, raportohet se gjiganti italian Inter ka hyrë në garë për Ter Stegen. Klubi italian po kërkon zëvendësues për Yann Sommer, i cili pritet të largohet drejt Galatasaray pas një sezoni të suksesshëm.

𝐁𝐑𝐄𝐀𝐊𝐈𝐍𝐆: Inter are interested in Marc-André ter Stegen, according to @sport.

Barça reportedly are willing to let the goalkeeper leave for free in order to save on his salary. pic.twitter.com/zq37YyfvYF

— 433 (@433) July 5, 2025

Sipas gazetës Il Corriere dello Sport, interesi për portierin gjerman po bëhet gjithnjë e më konkret. Barcelona do të mund ta transferojë Ter Stegen pa kosto, duke i hapur rrugë një marrëveshjeje të mundshme.

Për Ter Stegen, kalimi te Interi ofron një perspektivë interesante, me mundësinë për të luajtur sërish në Ligën e Kampionëve, çka do të ishte një hap i rëndësishëm në karrierën e tij.

Situata mbetet dinamike dhe pritet që në ditët e ardhshme të ketë zhvillime të reja rreth së ardhmes së portierit gjerman. /Telegrafi/

The post Ter Stegen në Serie A? Gjiganti italian futet në garë për transferimin e portierit nga Barcelona appeared first on Telegrafi.

Prishtina ka zyrtarizuar transferimin e mbrojtësit të majtë Djordje Saletic, duke forcuar radhët në prag të sezonit të ri.

Saletic është 23 vjeç dhe luan në krahun e majtë të mbrojtjes, pozitë të cilën do ta mbulojë pas largimit të Dion Gallapenit.

Futbollisti malazez vjen nga kampionati i Malit të Zi, ku ishte pjesë e klubit Sutjeska Niksic për dy vite me radhë.

Karrierën e tij e ka nisur te FK Iskra, ndërsa më pas ka luajtur edhe për Drezga dhe disa skuadra të tjera në vendlindje.

Saletic ka përfaqësuar Malin e Zi në të gjitha grupmoshat nga U17 deri te U21, duke dëshmuar potencialin e tij që në moshë të re.

Te Prishtina, ai shihet si zëvendësuesi i drejtpërdrejtë i Gallapenit dhe pritet të ketë rol të rëndësishëm në skemat e trajnerit Arsim Thaqi.

Kryeqytetasit po vazhdojnë të përforcojnë skuadrën dhe transferimi i Saletic shihet si hap i rëndësishëm drejt një ekipi më konkurrues. /Telegrafi/

The post Prishtina zyrtarizon Djordje Saletic, zëvendësuesi i Gallapenit vjen nga Mali i Zi appeared first on Telegrafi.

Mesfushori spanjoll Marc Casado është vënë në shënjestër nga disa prej klubeve më të mëdha evropiane dhe thuhet se është i hapur për t’u larguar nga Barcelona gjatë kësaj vere.

Liverpool, Chelsea dhe Bayer Leverkusen kanë nisur lëvizjet për të siguruar shërbimet e tij, duke përfituar nga pasiguria që ekziston rreth rolit të Casados në ekipin e parë. Ai e vlerëson kohën e kaluar në klub, por po mendon gjithnjë e më shumë për një ndryshim, në kërkim të më shumë hapësire dhe stabiliteti.

Ngjitja e tij në skuadrën e parë ishte e menjëhershme, duke kaluar nga lider i Barcelonës B në pjesë të rëndësishme të planeve të trajnerit Hansi Flick. Performancat e mira e vendosën në qendër të vëmendjes, por një dëmtim në gju dhe konkurrenca e fortë në mesfushë e lanë jashtë në fundin e sezonit.

Prania e emrave si Frenkie de Jong, Gavi, Eric Garcia dhe Marc Bernal tashmë i rikuperuar e ka vështirësuar ndjeshëm pozitën e tij. Edhe pse stafi teknik e vlerëson, mungesa e minutave dhe dëshira për të qenë pjesë e Spanjës në Kupën e Botës 2026 po e shtyjnë ta konsiderojë largimin.

Klubet e interesuara kanë dërguar tashmë oferta që arrijnë deri në 40 milionë euro. Presidenti Joan Laporta nuk e ka përjashtuar një shitje të mundshme, por ka kërkuar që situata të vlerësohet me kujdes, në varësi të planeve të trajnerit për sezonin e ardhshëm.

Gjithçka do të varet nga hapësira që Marc Casado mund të ketë në projektin e ri të Barcelonës. Nëse nuk i garantohet një rol më aktiv, atëherë një transferim jashtë Spanjës bëhet gjithnjë e më i mundshëm.

Ndërkohë që e ardhmja e tij është ende e paqartë, emri i Casado-s vazhdon të qarkullojë me forcë në tregun evropian dhe duket se kjo verë mund të sjellë një kthesë të rëndësishme në karrierën e tij. /Telegrafi/

The post Tre klube të mëdha pas Casados, vendimin për të ardhmen e tij do ta marrë Hansi Flick appeared first on Telegrafi.

Futbolli evropian është tronditur nga lajmi tragjik për ndarjen nga jeta të sulmuesit portugez Diogo Jota dhe vëllait të tij, Andre Silva, pas një aksidenti fatal në Spanjë.

Dyshja humbi jetën në orët e para të mëngjesit të së mërkurës, kur makina e tyre doli nga rruga dhe u përfshi nga flakët, pas një shpërthimi të gomës.

Diogo Jota, vetëm 27 vjeç, ka lënë gjurmë të pashlyera në disa prej klubeve më të njohura në të cilat ka luajtur gjatë karrierës së tij: FC Porto, Atlético Madrid dhe Wolverhampton Wanderers. Pas lajmit të kobshëm, të tre klubet kanë reaguar me mesazhe prekëse për të nderuar kujtimin e tij.

Wolverhampton Wanderers, klubi ku Jota shkëlqeu në Ligën Premier para se të transferohej te Liverpool, shkruan:

We are heartbroken.

Diogo was adored by our fans, loved by his teammates and cherished by everyone who worked with him during his time at Wolves. The memories he created will never be forgotten.

Our hearts go out to the family, friends and loved ones of Diogo and his brother,… pic.twitter.com/MqMlp7o44M

— Wolves (@Wolves) July 3, 2025

“Jemi thellësisht të pikëlluar. Diogo ishte i adhuruar nga tifozët tanë, i dashur nga bashkëlojtarët dhe i çmuar nga të gjithë ata që punuan me të gjatë kohës së tij te Wolves. Kujtimet që ai krijoi nuk do të harrohen kurrë. Zemrat tona janë pranë familjes, miqve dhe të afërmve të Diogos dhe vëllait të tij, Andre. Do të na mungoni vërtet shumë dhe do të kujtoheni gjithmonë.”

Atletico Madrid, ku Jota kishte luajtur në sezonin 2016-17, reagoi me një deklaratë të shkurtër, por emocionuese:

El Atlético de Madrid está conmocionado por la trágica noticia del fallecimiento de Diogo Jota, ex jugador del club, y su hermano André.
Enviamos nuestro más sincero pésame a su familia y seres queridos.
Descansen en paz. pic.twitter.com/MQaelutaFh

— Atlético de Madrid (@Atleti) July 3, 2025

“Atletico de Madrid është i tronditur nga lajmi tragjik për vdekjen e Diogo Jotës, ish-lojtar i klubit, dhe vëllait të tij Andre. I dërgojmë ngushëllimet tona më të sinqerta familjes dhe të afërmve të tij. Pushofshin në paqe.”

Ndërkohë, Porto, ku Jota është rritur si futbollist në akademinë e klubit dhe ka debutuar profesionalisht ka reaguar gjithashtu:

“Futebol Clube do Porto është në zi. Me tronditje dhe dhimbje të thellë i dërgojmë ngushëllimet më të ndjera familjes dhe miqve të Diogo Jotës dhe vëllait të tij André Silva, i cili gjithashtu ka qenë një sportist i yni në nivelet e moshave. Pushofshin në paqe.”

O Futebol Clube do Porto está de luto.

É com choque e profundo pesar que enviamos as sentidas condolências à família e amigos do Diogo Jota e irmão André Silva, que também foi nosso atleta nos escalões de formação.

Descansem em paz.#FCPorto pic.twitter.com/BXlR8v7y7Z

— FC Porto (@FCPorto) July 3, 2025

Në këto momente të rënda për futbollin dhe më gjerë, bota e sportit është bashkuar në dhimbje, duke kujtuar jo vetëm një lojtar të shkëlqyer, por edhe një njeri të dashur dhe të respektuar në fushë dhe jashtë saj. /Telegrafi/

The post Reagimi emocionues i ish-klubeve të Diogo Jotas pas vdekjes tragjike të sulmuesit portugez appeared first on Telegrafi.

Qendra Deandre Ayton ka rënë dakord për një kontratë dyvjeçare me Los Angeles Lakers, pasi finalizoi largimin e tij nga Portland Trail Blazers. Lajmi është konfirmuar nga burimi i besuar i NBA-së, Shams Charania.

Kontrata e re do t’i sjellë Ayton-it 8.1 milionë dollarë nga Lakers për sezonin e ardhshëm, ndërsa ai do të vazhdojë të marrë edhe 25.6 milionë dollarë nga kontrata e vjetër me Portlandin. Në total, fitimi i tij pritet të shkojë në rreth 34 milionë dollarë.

Ky transferim vjen në një moment kur Lakers kishin nevojë të madhe për një qendër të re, pas largimit të Anthony Davis drejt Dallas Mavericks në muajin shkurt, në një marrëveshje që solli Luka Dončić në Los Angeles.

BREAKING: Deandre Ayton has agreed to sign with the Los Angeles Lakers, sources tell ESPN. Between Portland and L.A., Ayton will earn $34 million next season. Agents Nima Namakian of Innovate Sports and Bill Duffy of WME Sports reached the deal with Lakers president Rob Pelinka. pic.twitter.com/FUeNAkN19K

— Shams Charania (@ShamsCharania) July 2, 2025

Ayton pritet të zërë menjëherë vendin e titullarit në qendër, dhe përveç rolit të rëndësishëm në fushë, ai ribashkohet edhe me Dončićin, me të cilin ndan historinë nga Drafti i NBA-së 2018, ku u zgjodhën respektivisht i pari dhe i treti.

Gjatë karrierës së tij në NBA, Ayton ka mesatarisht 16.4 pikë dhe 10.5 kërcime për ndeshje, duke realizuar me 59% saktësi nga fusha në shtatë sezonet e fundit. Ai shihet si pjesa që i ka munguar deri tani bashkëpunimit mes Doncic dhe LeBron James.

Një fakt interesant është se Ayton është i vetmi lojtar që nga Dwight Howard që ka arritur të shënojë të paktën 10 pikë dhe 10 kërcime në secilin prej shtatë sezoneve të para në NBA.

Mediat amerikane e shohin këtë si një përgjigje të drejtpërdrejtë të Lakers ndaj lëvizjeve të Denver Nuggets, çka paralajmëron një garë të fortë dhe të ashpër për titullin kampion në sezonin e ri të NBA-së. /Telegrafi/ 

The post Lakers bëjnë një transferim të madh, synimi mbetet rikthimi i titullit appeared first on Telegrafi.

Atletico Madrid nuk e ka harruar Davide Frattesin, edhe pse Inter ka hedhur poshtë mundësinë për përfshirjen e një lojtari në marrëveshje, klubi madrilen ende po e konsideron mesfushorin italian si një objektiv për sezonin 2025/26.

Klubi nga La Liga është duke kaluar një merkato ambicioze dhe dinamike. Deri tani janë zyrtarizuar ose pritet të zyrtarizohen së shpejti tre përforcime kryesore: Alex Baena, Cardoso dhe Matteo Ruggeri. Këtyre u bashkohen edhe blerjet përfundimtare të Clement Lenglet dhe Juan Musso, pas huazimeve të suksesshme sezonin e kaluar.

Këto afrime tregojnë qartë vendosmërinë e trajnerit Diego Simeone për të përforcuar zonat kyçe të ekipit. Baena pritet të sjellë kreativitet në mesfushë, Cardoso do të ndihmojë në stabilitetin defanziv, ndërsa Ruggeri shton shkathtësi në krahun e majtë të mbrojtjes.

Sidoqoftë, Atletico nuk është ndalur këtu. Sipas gazetarit italian Gianluca Di Marzio, madrilenët kanë rihapur interesimin për Frattesin, mesfushorin e Inter që sezonin e kaluar ka zhvilluar 47 ndeshje, duke realizuar shtatë gola dhe pesë asistime.

Megjithatë, bisedimet nuk kanë qenë të lehta. Inter ka kërkuar që në marrëveshje të përfshihet Giuliano Simeone, djali i trajnerit të Atleticos. Por kjo kërkesë është refuzuar menjëherë nga klubi spanjoll.

Giuliano Simeone ka pasur një sezon mjaft pozitiv, me 50 paraqitje, pesë gola dhe nëntë asistime , ndaj drejtuesit e Atletico Madrid besojnë se ai ka një të ardhme të ndritur dhe nuk e konsiderojnë të negociueshëm.

Bisedimet mund të vazhdojnë mbi bazën e një transferimi të pastër financiar. Për momentin, Frattesi mbetet një dëshirë e qartë e Atleticos për të përforcuar mesfushën në sezonin e ardhshëm. /Telegrafi/

The post Interi i kërkon një yll Atleticos për shkëmbim me Frattesin, por madrilenët e refuzojnë propozimin appeared first on Telegrafi.

Manchester United ka identifikuar Fabián Ruiz si objektivin kryesor për përforcimin e mesfushës në këtë afat kalimtar. “Djajtë e Kuq” janë duke përgatitur një ofertë prej 50 milionë eurosh për mesfushorin spanjoll të PSG-së.

29-vjeçari ka pasur një sezon të shkëlqyer nën drejtimin e Luis Enrique, duke ndihmuar klubin parisien drejt titullit në Ligue 1 dhe sukseseve në Evropë. Ai regjistroi gjashtë gola dhe njëmbëdhjetë asistime në të gjitha garat.

Ruiz është vlerësuar për aftësinë e tij për të ndërtuar lojën, vizionin dhe prezencën në të dyja fazat, mbrojtje dhe sulm. Profili i tij e ka bërë atë ideal për partneritet me talentin premtues Kobbie Mainoo në qendër të mesfushës së United.

Në “Old Trafford”, ai shihet si një lojtar i qetë, por vendimtar, që mund t’i sjellë ekuilibër dhe klas skuadrës në ndërtimin e fazës ofensive dhe kontrollin e ritmit të lojës.

Megjithatë, PSG nuk pritet të heqë dorë lehtësisht nga një lojtar që ka fituar peshë në planet e klubit. Po ashtu, vetë Fabian do ta shqyrtojë me kujdes çdo ofertë, duke vlerësuar statusin që ka aktualisht në një nga projektet më serioze në futbollin evropian.

Oferta e United është në tryezë, por gjithçka varet nga kërkesat financiare të PSG-së dhe gatishmëria e lojtarit për të provuar një aventurë të re në Ligën Premier.

Nëse marrëveshja finalizohet, Ruiz do të ishte një nga transferimet më të rëndësishme të verës për Manchester United, një hap i rëndësishëm për klubin që kërkon të rikthehet në majat e futbollit anglez dhe evropian. /Telegrafi/ 

The post Gjiganti anglez po përgatitë ofertë për Fabian Ruiz appeared first on Telegrafi.

Mesfushori shqiptar Lindon Selahi është bërë me skuadër të re, pasi kontrata e tij me Rijekën ka përfunduar më 30 qershor.

Karrierën e tij ai do ta vazhdojë në kampionatin polak, duke u bashkuar me skuadrën e njohur Widzew Lodz.

Widzew ka fituar garën për nënshkrimin e Selahit përballë interesimit të madh nga Hajduku i Splitit, ndërsa në ekipin e ri ai do të gjejë edhe dy futbollistë të tjerë shqiptarë: Julian Shehun dhe Dion Gallapenin.

Pas prezantimit zyrtar, Selahi ka dhënë edhe deklaratat e para si lojtar i Widzew.

“Kisha nevojë për një sfidë të re dhe isha shumë i interesuar për idenë e ekipit që po krijohet këtu. E njoh shumë mirë edhe trajnerin, me të cilin kam punuar më parë dhe kemi folur shumë për Widzew. Së pari luajta kundër tij kur ai drejtonte Goricën, pastaj ishim bashkë në Rijeka. Patëm një bashkëpunim të mirë atje dhe një sezon të suksesshëm”, tha mesfushori shqiptar.

“Në fushë jam një mesfushor qendror modern që mund të luaj si në sulm ashtu edhe në mbrojtje. Jam i mirë me topin dhe në luftën për të, agresiv në mbrojtje, por gjëja më e rëndësishme është që të jap gjithçka nga vetja në çdo ndeshje. Kjo do të jetë e dobishme në përfaqësimin e ngjyrave të Widzew dhe në lojën për tifozët e saj”.

Selahi pritet të jetë një përforcim me peshë për skuadrën polake në sezonin e ri. /Telegrafi/ 

The post Zyrtare: Lindon Selahi transferohet te Widzew Lodz në Poloni appeared first on Telegrafi.

Dortmundi siguron çerekfinalen, kompletohen çiftet e Kampionatit Botëror për Klube

Borussia Dortmund ka siguruar biletën e fundit për në çerekfinalet e Kampionatit Botëror për Klube, pas një fitoreje të vështirë ndaj skuadrës meksikane Monterrey me rezultat 2:1.

Heroi i ndeshjes për gjermanët ishte sulmuesi Serhou Guirassy, i cili realizoi dy gola të shpejtë në minutat 14 dhe 24. Monterrey reagoi në fillimin e pjesës së dytë përmes Berterame, i cili ngushtoi rezultatin në 2:1 në minutën e 48-të. Meksikanët tentuan barazimin, por Dortmundi menaxhoi mirë presionin dhe ruajti epërsinë deri në fund.

Me këtë fitore, Dortmund cakton një përballje të madhe me Real Madridin në çerekfinale, ndërsa tashmë janë kompletuar të gjitha çiftet e kësaj faze.

Vëmendja më e madhe padyshim do të jetë tek superdueli evropian mes PSG-së dhe Bayernit, i cili do të zhvillohet të shtunën.

Kampionati Botëror për Klube do të ketë një pushim dy-ditor, ndërsa ndeshjet çerekfinale janë planifikuar të zhvillohen ditën e premte dhe të shtunë. /Telegrafi/

Çiftet çerekfinale të Botërorit për Klube:

Fluminense – Al Hilal

Palmeiras – Chelsea

Paris Saint-Germain – Bayern Munich

Real Madrid – Borussia Dortmund

Next up: #FIFACWC Quarter-Finals. pic.twitter.com/T49Cj3bOOy

— FIFA Club World Cup (@FIFACWC) July 2, 2025

The post Dortmundi mposht Monterrey dhe siguron çerekfinalen në Kupën e Botës për Klube appeared first on Telegrafi.

Sergio Busquets po i afrohet fundit të karrierës së tij si futbollist aktiv, por klasi i tij në fushë mbetet i padiskutueshëm.

Edhe pse do të mbushë 37 vjeç pas dy javësh, mesfushori spanjoll vazhdon të tregojë se mosha është thjesht një numër.

Në një video që po qarkullon në rrjetet sociale, Busquets shihet duke dhuruar momente të nivelit të lartë teknik në Kupën e Botës për Klube. Aftësitë e tij në kontrollin e topit, vendosjen dhe pasimet janë ende të një niveli botërorë.

Sergio Busquets, el arte del engaño.pic.twitter.com/WN4EHEMUtM

— Sudanalytics (@sudanalytics_) June 28, 2025

Skuadra e tij, Inter Miami, u eliminua në fazën e 1/16 së finales nga Paris Saint-Germain, megjithatë, Busquets la përshtypje të forta në tri ndeshjet që zhvilloi përpara eliminimit.

Ish-mesfushori i Barcelonës ishte një nga më të mirët në fushë gjatë gjithë pjesëmarrjes së Inter Miami në këtë turne. Me qetësinë dhe përvojën e tij, ai i dha stabilitet skuadrës amerikane.

Pavarësisht moshës, Busquets vazhdon të jetë shembull për profesionalizëm dhe nivel të lartë loje. Ai mbetet një nga figurat më të respektuara në futbollin botëror. /Telegrafi/

The post Pas dy jave mbush 37 vite, por Busquets vazhdon të ketë klas në këmbët e tij appeared first on Telegrafi.

Talenti i ri i futbollit kosovar, Dion Gallapeni, ka zyrtarizuar kalimin e tij në klubin polak Widzew Lodz. Mesfushori premtues i është bashkuar një prej klubeve elitare të Polonisë, duke hapur një kapitull të ri në karrierën e tij ndërkombëtare.

Pas një periudhe të rëndësishme zhvillimi me Prishtinën dhe pas përfaqësimeve të suksesshme me moshat e Kosovës dhe Kombëtaren A, Gallapeni ka vendosur të ndërmarrë hapin e radhës në rrugëtimin e tij profesionist.

Klubi polak ka shfaqur interes serioz për të, dhe transferimi është tashmë i kompletuar, ku Prishtina ka fituar 300 mijë euro nga shitja e tij.

Nëpërmjet një postimi emocional në rrjete sociale, Gallapeni falënderoi të gjithë ata që kanë qenë pjesë e rrugëtimit të tij deri më tani:

“Të dashur tifozë, nga sot po fillon një kapitull i ri në jetën time me ekipin polak Widzew Lodz, jam shumë i lumtur që i jam bashkuar këtij klubit të madhë me të cilët pres suksese të mëdha. Faleminderit shtyllën e jetës sime, familjen, për gjithçka çfarë ka bërë për mua”.

“Falënderoj përzemërsisht klubin ku u zhvillova, FC Prishtina, për gjithçka çfarë ka bërë për mu, për emocionet e jashtëzakonshme që ndamë së bashku, çdo përjetim aty do të jetë i paharruar për mua, ky klub dhe ai qytet do të jetë familja ime e dytë çdo herë. Falënderoj shkollën e futbollit Winner për hapat e parë dhe kujdesin ndaj meje”.

“Nuk gjej fjalë si të falënderoj njeriun që ka bërë gjithçka për mua, njeriun që ka sakrifikuar gjithçka nga vetja që të jem unë, ky që jam sot, Kadri Cikaqi është rrugëtari i karrierës sime dhe njeriu që pa të asgjë nuk do të ishe e mundur”.

“Ju premtoj që ky është vetëm fillimi i rrugëtimit tim, besoj dhe shpresoj në suksese të mëdha si me ekipin e re po ashtu edhe me ekipin kombëtar”.

“Falënderues përjetësisht të gjitha atyre që më kanë mbështetur dhe kanë bërë gjithçka për mua”.

Me këtë hap të rëndësishëm, Dion Gallapeni shpreson të shkëlqejë në arenën ndërkombëtare, ndërsa mbetet një prej emrave më premtues të gjeneratës së re të futbollit kosovar. /Telegrafi/

The post Gallapeni me postim emocionues pasi kompletoi transferimin te Widzew Lodz, falënderon të gjithë ata që e mbështetën appeared first on Telegrafi.

Klubet e Ligës Premier pritet të hyjnë në një javë intensive transferimesh për shkak të ndërrimit të vitit financiar, që fillon më 1 korrik sipas rregullave të ligës angleze.

Sipas Mail Sport, shumë ekipe kanë qëndruar të heshtura në treg deri tani, pasi duan që shpenzimet t’i regjistrojnë në bilancet e sezonit 2025/26 dhe jo në sezonin aktual 2024/25, për të respektuar rregullat financiare të qëndrueshmërisë (PSR).

Afati kalimtar ka qenë mjaft i qetë deri më sot, me përjashtim të disa goditjeve të mëdha si transferimi i Florian Wirtz te Liverpool për 125 milionë euro dhe kalimi i Matheus Cunha nga Wolves te Manchester United për 74.2 milionë euro.

Manchester City ka qenë klubi më aktiv, me Pep Guardiolën që po ndërton skuadrën për sezonin e ri para Kupës së Botës për Klube, por shumica e ekipeve kanë qëndruar të përmbajtura për shkak të kufizimeve financiare.

Revealed: Why Premier League clubs are ready to spend big on transfers THIS WEEK – with Man United set for positive conclusion in race for Brentford’s Bryan Mbeumo https://t.co/cB9E5h4cZI

— Mail Sport (@MailSport) June 29, 2025

Gjithçka pritet të ndryshojë këtë javë, pasi klubet janë vetëm një ditë larg përfundimit të afatit për të shmangur shkeljen e PSR-së. Çdo tejkalim mund të sjellë sanksione serioze, përfshirë zbritjen e pikëve.

Në këtë klimë të tensionuar, Manchester United është një nga klubet që po shtyn për transferime. Ata kanë paraqitur dy oferta për Bryan Mbeumon e Brentford, më e fundit me vlerë 64 milionë euro plus 9 milionë bonuse.

Brentford i ka refuzuar të dyja ofertat, duke vlerësuar se 25-vjeçari Mbeumo vlen më shumë se Cunha, duke iu referuar statistikave: ai shënoi 20 gola dhe dha shtatë asiste sezonin e kaluar, krahasuar me 15 gola dhe gjashtë asistime të brazilianit. /Telegrafi/

The post Pse klubet në Angli do të shpenzojnë shumë para për transferime këtë javë appeared first on Telegrafi.

Trajneri i Chelseat, Enzo Maresca, ka shprehur pakënaqësi të madhe ndaj organizatorëve të Kupës së Botës për Klube, pas ndërprerjeve të shumta gjatë ndeshjes kundër Benficës.

Chelsea arriti të kualifikohej në çerekfinale pas një fitoreje 4-1 pas kohës shtesë, ndërsa ndeshja e rregullt përfundoi 1-1. Por ndeshja zgjati mbi katër orë e gjysmë për shkak të ndalesave të shumta.

Takimi u shty disa herë për shkak të kërcënimeve nga stuhitë me rrufe, megjithëse nuk kishte stuhi specifike mbi stadium. Rregulloret amerikane nuk lejojnë zhvillimin e ndeshjeve nëse regjistrohet rrufe brenda një rrezeje prej 13 kilometrash.

Për këtë arsye, lojtarët e të dy skuadrave u detyruan të prisnin dy orë e gjysmë pas goditjes së fundit të rrufesë për të vazhduar lojën.

Maresca i quajti këto vendime “mashtruese” dhe kritikoi mënyrën e menaxhimit të turneut. Ai tha se është e pazakontë që gjashtë apo shtatë ndeshje të ndërpriten për të njëjtën arsye.

“Kjo është shaka. Si mund të menaxhosh një skuadër pas një ndërprerjeje dyorëshe? Lojtarët flasin me familjet, hanë, qeshin… është e pamundur të mbash përqendrimin”, tha trajneri italian.

Ai shtoi se, ndonëse është i lumtur për kualifikimin, mënyra si po zhvillohet gara nuk është normale dhe e vështirë për t’u menaxhuar në aspektin sportiv.

Maresca u shpreh gjithashtu se Charlotte dhe në përgjithësi Shtetet e Bashkuara mund të mos jenë vendi i duhur për të organizuar një turne të tillë nëse ndërprerjet e tilla vazhdojnë.

“Nëse shtatë apo tetë ndeshje janë ndërprerë, ndoshta ky nuk është vendi i duhur për futbollin. Mund ta kuptoj një pezullim për siguri, por kjo nuk ka më lidhje me futbollin,” përfundoi trajneri italian. /Telegrafi/

The post Enzo Maresca shpërthen ndaj amerikanëve: Ky vend nuk është për futbollin appeared first on Telegrafi.