Një vatër e madhe zjarri është shfaqur në fshatin Bolenë të Himarës pasditen e sotme.

Nga informacionet e publikuara në media, mësohet se flakët kanë në pyllin me pisha dhe rrezikojnë fshatin aty pranë.

Në vendngjarje kanë mbërritur një zjarrfikëse me forca dhe po niset dhe një tjetër nga Himara.

The post Zjarr i madh përfshin pyllin me pisha në Himarë, rrezikohen edhe banesat e fshatit Bolenë first appeared on JavaNews.al.

“Nga një lagje komunale në lindje të Londrës, drejt shkëlqimit të Dubait”, kështu e përshkruan media britanike Daily Mail rrugëtimin e grupit të njohur kriminal shqiptar Hellbanianz, i cili ka ndërtuar emrin mbi frikën, dhunën dhe një imazh publik të mbushur me luks të tepruar dhe arrogancë në rrjetet sociale.

Prej kullave të larta në zonën Gascoigne Estate në Barking, ku ata shpërndanin kokainë dhe rekrutonin të rinj shqiptarë në rrugët e Londrës, Hellbanianz janë zhvendosur në një tjetër kontinent. Larg syve të policisë britanike, pjesëtarët e lartë të grupit janë vendosur tashmë në Dubai, ku po shijojnë frytet e një pasurie të dyshimtë, makina ‘Rolls Royce’, darka me pamje nga Burj Khalifa dhe festa luksoze në shkretëtirë.

Nga betonet e Barking te shkretëtira e Dubait

Sipas Daily Mail, vendimi për t’u larguar nga Mbretëria e Bashkuar erdhi pas prishjes së shumicës së ndërtesave ku grupi kishte “vendosur bazën” e tij në Gascoigne Estate, si pjesë e një programi rehabilitimi urban nga Bashkia Barking dhe Dagenham.

Me rënien e bazës, ra dhe kontrolli i tyre i drejtpërdrejtë mbi zonën. Udhëheqësi i grupit, Ervin Selita – i njohur me nofkën “Vinz”, thuhet se është zhvendosur në Dubai bashkë me disa nga bashkëpunëtorët më të ngushtë.

Pas një periudhe burgimi në Shqipëri, ku ishte arrestuar për një tentativë vrasjeje në Tiranë në vitin 2022, Selita u lirua në korrik 2023 me detyrimin për të mbajtur kontakte me shërbimin e provës. Menjëherë pas lirimit, ai u kthye përkohësisht në Britani dhe më pas u zhvendos përfundimisht në Emiratet e Bashkuara Arabe.

Jeta e re luksoze dhe “marketingu kriminal” në TikTok

Fotografi dhe video të shumta në TikTok tregojnë Selitën dhe të tjerë anëtarë të grupit duke udhëtuar me makina luksoze nëpër Dubai, duke shijuar jetën në vendpushime luksoze dhe duke përdorur etiketa si “#DubaiSettings” dhe “life style like Arab”.

Në një foto të shpërndarë nga vetë grupi, anëtarët, përveç Selitës, kanë mbuluar fytyrat me shami keffiyeh, teksa pozojnë në shkretëtirë mbi një buggy. Në një tjetër pamje, Selita dhe bashkëpunëtori i tij i njohur si “Diablo” pozojnë pa bluza me rrokaqiejt në sfond.

Në TikTok, përmes një lloj “propagande kriminale”, grupi vazhdon të frymëzojë të rinjtë shqiptarë, veçanërisht ata nga veriu i Shqipërisë, që i shohin si modele suksesi përmes krimit.

Nga skena muzikore te jeta kriminale

Hellbanianz nisi fillimisht si një grup muzikor në vitin 2000, por u kthye në një organizatë kriminale që në 2002. Me moton “We are God of the Streets”, grupi e përdori muzikën si mjet për të rekrutuar të rinj dhe për të lavdëruar stilin e jetës kriminale.

Në vitin 2011, grupi u përfshi në një përleshje të armatosur në Trafalgar Square me bandën rivale OTR – “On Top of the Rest”, ku morën pjesë edhe të mitur.

Disa nga anëtarët më të njohur si “Skilla” (Sabajet Shuti) dhe “Gucci” (Fabion Kuci) janë aktualisht në burg për vepra të rënda, përfshirë vrasje dhe grabitje të armatosura. Skilla u ekstradua nga Suedia dhe u dënua me burgim të përjetshëm për vrasjen e 27-vjeçares Lumturi Zeqja në Leytonstone.

Pavarësisht se disa ndodhen pas hekurave, grupi vazhdon të ketë ndikim në rrugët e Barking, ku individë si vëllai i Skilla-s, Emirlion Shuti (OneMili), ende shfaqen në rrjete sociale me simbole dhe mesazhe të qarta për përkatësinë e tyre.

Në një video të fundit, OneMili dhe të tjerë pozojnë para një Mercedes-i me targë “3 SKILLA”, ndërsa në rrjet qarkullojnë komente të shumta me shprehjen “Free Skilla”.

Dubai, streha ideale për bosët e drogës

Sipas burimeve të Daily Mail, Dubai është kthyer prej kohësh në një strehë të preferuar për trafikantët ndërkombëtarë, përfshirë ata britanikë, irlandezë dhe rusë. Mundësitë për të investuar para të pista, për të marrë “vizë të artë” nëse blejnë prona me vlerë mbi 400 mijë paund, si dhe largësia nga juridiksioni britanik e bëjnë Dubain ideal për kriminelët që kërkojnë të “zhduken nga radari”.

“Nëse dikush nga grupi ngrihet në nivel drejtues në Londër, e dinë që rrezikojnë të përballen me drejtësinë. Ndërsa liderët, si Selita, jetojnë të qetë në Dubai, duke menaxhuar gjithçka nga distanca”, thotë një burim për Daily Mail.

Po sipas këtij burimi, kriminelët shpesh përdorin Dubai-n edhe për të ndërtuar rrjete të reja – duke takuar trafikantë të tjerë me akses në porte strategjike për dërgesat ndërkombëtare të drogës.

“Dubai është epiqendra e parave të pista. Prej vitesh, trafikantët udhëtojnë atje me para cash për të blerë ar apo për të hapur biznese fiktive, shpesh të lidhura me larje parash, prostitucion apo industri luksoze për makina sportive”, vijon ai.(Përktheu TCH)

The post “Përse lanë Londrën dhe shkuan në Dubai?”/ Daily Mail shkruan për grupin e njohur “Hellbanianz” first appeared on JavaNews.al.

Plani i kryeministrit Benjamin Netanyahu për të pushtuar Gazën shqetëson jo vetëm bashkësinë ndërkombëtare, por edhe udhëheqjen e Forcave Mbrojtëse të Izraelit. Kryesor midis tyre është Shefi i Shtabit të IDF-së, Gjeneral-lejtnant Eyal Zamir, i cili ka paralajmëruar se çdo pushtim i Rripit do të rrezikonte ta fuste Izraelin në një “vrimë të zezë” të kryengritjes së zgjatur, përgjegjësive humanitare dhe rrezikut në rritje për pengjet.

Por kush është Zamir, i cili aktualisht konsiderohet “armiku i parë vendas” i Netanyahut?

Studimet dhe karriera ushtarake

I lindur më 26 janar 1966, në Eilat, skaji më jugor i Izraelit me pamje nga Deti i Kuq, Zamir studioi shkenca politike në Universitetin e Tel Avivit dhe më pas u specializua në sigurinë kombëtare në Universitetin e Haifës. Pasi ndoqi akademinë ushtarake në Tel Aviv, ai filloi të shërbente në IDF, Forcat Mbrojtëse të Izraelit, në vitin 1984. Që andej, ai filloi ngritjen e tij të ngadaltë në pushtet, duke u bërë kreu i Komandës Jugore të IDF, sekretar ushtarak i kryeministrit dhe zëvendësshef i shtabit.

Në vitin 2023, ai u emërua drejtor i Ministrisë së Mbrojtjes nga ministri i atëhershëm Yoav Gallant, i cili mbeti në detyrë deri në nëntor 2024 pas muajsh “turbulencash” të rënda me Netanyahun. Pas largimit të Gallant, Zamir njoftoi qëllimin e tij për të dhënë dorëheqjen, por u bind të qëndronte nga Israel Katz, Ministri i ri (dhe aktual) i Mbrojtjes.

Në krye të IDF-së

Në mars të vitit 2025, Zamiri fitues i dy medaljeve për dy luftën u emërua Shef i Shtabit të IDF-së për të zëvendësuar Herzi Halevi-n, i cili la postin pasi mori përgjegjësinë e plotë për dështimin e 7 tetorit 2023, ditën kur Hamasi pushtoi territorin izraelit, duke vrarë 1,200 njerëz – civilë dhe ushtarë izraelitë – dhe duke rrëmbyer 250 të tjerë, përfshirë fëmijë. Tani, vetëm disa muaj pas emërimit të tij, Zamiri është përplasur me Netanyahun, duke shprehur dyshime dhe rezistencë ndaj planit për të pushtuar Gazën.

Siç raportohet nga media lokale, gjatë takimit maratonë me dyer të mbyllura të Këshillit të Sigurisë Izraelite, gjenerali paralajmëroi kryeministrin për rreziqet konkrete të planit të tij, të cilat mund të rrezikonin seriozisht jetën e pengjeve dhe ta lodhin më tej ushtrinë e shtetit hebre pas gati dy vitesh lufte.

Kritikat ndaj Netanyahut

“Ne do të vazhdojmë të shprehim qëndrimin tonë pa frikë, konkretisht, në mënyrë të pavarur dhe profesionale”, paralajmëroi Zamir. “Ushtria, do të vazhdojë të veprojë me përgjegjësi, me integritet dhe vendosmëri, duke menduar vetëm për të mirën e vendit dhe sigurinë e tij”, shtoi ai.

Më pas, ai dha detaje rreth planit të Netanyahut, duke argumentuar se “nuk ka përgjigje humanitare për miliona njerëz që Izraeli do të zhvendosë në Gaza”. “Gjithçka do të jetë jashtëzakonisht komplekse”, shtoi gjenerali.

Zamir shprehu shqetësime më të gjera rreth zgjerimit të operacioneve ushtarake, të cilat do të vinin me koston e jetës së ushtarëve, do të shteronin burimet ushtarake dhe do të çonin në probleme serioze humanitare dhe shëndetësore. “Një operacion i tillë mund të zgjasë me muaj, duke përkeqësuar presionin mbi ushtrinë e rregullt dhe rezervat”, tha ai.

Lufta e brendshme

Fjalët e gjeneralit kanë shkaktuar trazira brenda qeverisë izraelite. “Nëse Zamir nuk është dakord, ai duhet të japë dorëheqjen”, thanë burime në zyrën e Netanyahut. Sipas Channel 12, ministrat e kabinetit kritikuan ashpër deklaratat e shefit të IDF-së, duke pretenduar se operacioni ushtarak tokësor i planifikuar për në maj 2025 dështoi të arrinte objektivat e tij të deklaruara. Zamir i kundërshtoi shkurt akuzat, duke theksuar se operacioni arriti të krijonte kushtet e nevojshme për shpëtimin e pengjeve të mbetura.

Por shefi i IDF-së padyshim nuk është i vetmi që kundërshton planin e pushtimit. Ai mbështetet edhe nga familjet e pengjeve, të cilat kanë frikë për fatin e të dashurve të tyre që mbahen ende nga Hamasi dhe të cilët në orët e fundit kanë demonstruar jashtë zyrës së Netanyahut në Jerusalem.

The post Kush është Eyal Zamir, gjenerali “rebel” që i tha jo “Bibit” për pushtimin e Gazës? first appeared on JavaNews.al.

11 vdekje të tjera si pasojë e urisë janë raportuar në Gaza, sipas ministrisë së Shëndetësisë të drejtuar nga Hamas. Kjo e çon në 212 totalin e personave që kanë humbur jetën nga kequshqyerja në enklavën e copëtuar, përfshirë 98 fëmijë.

Ndërkohë të paktën 38 vetë u vranë dhe 491 u plagosën si rezultat i aktivitetit ushtarak të ushtrisë izraelite gjatë 24 orëve të fundit. Bilanci i viktimave vazhdon të rritet mes raportimeve se banorëve u është thënë te evakuohen nga qyteti i Gazës deri më 7 tetor të 2025, pas njoftimit të planit kontrovers të Izraelit për të marrë kontrollin e plotë të zonës.

Sipas mediave izraelite qeveria ka caktuar një afat 2 mujor para nisjes së operacionit ushtarak në qytetin kryesor të Gazës, që do të përkojë edhe me dy vjetorin e nisjes së luftës. Plani i ri, i aprovuar nga kabineti i sigurisë izraelite dhe i detajuar të premten liston 5 parime për ti dhënë fund luftës në Gaza, përfshirë marrjen e kontrollit të sigurisë në territor.

Raportimet në media bëjnë me dije se plani do te fokusohet fillimisht në pushtimin e qytetit të gazës, duke detyruar shpërnguljen e rreth 1 milion banorëve që gjenden atje, më në jug. Plani është kritikuar ashpër nga liderët botërore dhe ka nxitur reagime të forta edhe brenda izraelit, përfshirë nga zyrtarë ushtarak dhe familjarë të pengjeve që druhen për sigurinë e tyre.

Izraeli i ka refuzuar kritikat, me ministrin e Mbrojtjes Izrael Katz që tha se ato nuk do ta dobësojnë vendosmërinë e tyre. Korit të zërave kundër Izraelit nuk u është bashkuar SHBA, me presidentin amerikan Donald Trump që tha më herët gjatë javës se vendimi për të pushtuar ose jo enklavën bregdetare i takonte izraelit.

The post Mbi 200 vdekje nga uria në Gaza, 2 muaj kohë para pushtimit, 1 milion banorë do të shpërngulen first appeared on JavaNews.al.

Dy turistë gjermanë janë shpëtura nga Policia Kufitare e Vlorës pasi veliera e tyre u bllokua në grykëderdhjen e lumit Seman.

Ngjarja ndodhi mbrëmjen e djeshme, kur dy turistët nisën udhëtimin nga Korfuzi, Greqi, por për shkak të kushteve të vështira në grykëderdhjen e lumit, veliera ngeci dhe ata nuk mund të vazhdonin lundrimin.

Drejtoria Vendore e Kufirit dhe Migracionit në Vlorë mori sinjalin e nevojës për ndihmë dhe menjëherë dërgoi Njësinë e Patrullës Detare, e cila arriti të shpëtojë dy shtetasit dhe t’i çojë në breg, ku janë nën kujdesin e Kapitenerisë së Portit.

Burime zyrtare konfirmojnë se gjendja shëndetësore e dy turistëve është e mirë dhe se ata po marrin ndihmën e nevojshme për të vijuar më tej udhëtimin.

The post Veliera e tyre u bllokua në grykëderdhjen e Semanit, policia shpëton dy turistët gjermanë first appeared on JavaNews.al.

Policia e Devollit ka arrestuar në flagrancë një 24-vjeçar, pasi dyshohet se ka ushtruar dhunë ndaj bashkëshortes së tij.

Sipas njoftimit të policisë, ngjarja ka ndodhur në banesën e çiftit në fshatin Tren, ku i riu mbante gjithashtu pa leje një armë gjahu.

Denoncimi u bë nga vetë bashkëshortja, 19 vjeçe, e cila ka kallëzuar në polici se ishte dhunuar nga shtetasi F. H., 24 vjeç. Menjëherë pas kallëzimit, policia ka ndërhyrë duke parandaluar përshkallëzimin e mëtejshëm të dhunës.

Gjithashtu, blutë ushtruan kontrolle në banesën e 24-vjeçarit, ku gjetën dhe sekuestruan një armë gjahu dhe një gjerdan me disa fishekë.

Njoftimi i Policisë:

Devoll/Ndërhyrja e menjëhershme e Policisë parandaloi një ngjarje kriminale në familje

Dhunoi bashkëshorten në banesën e tyre në fshatin Tren, ku mbante pa leje një armë gjahu; kapet 24-vjeçari.

Sekuestrohen në cilësinë e provës materiale arma e gjahut dhe një gjerdan me disa fishekë të saj.

Si rezultat i administrimit të menjëhershëm të denoncimit nga një 19-vjeçare, se bashkëshorti e kishte dhunuar, shërbimet e Komisariatit të Policisë Devoll parandaluan përshkallëzimin e dhunës, duke bërë kapjen në flagrancë dhe arrestimin e autorit, shtetasit F. H., 24 vjeç, banues në fshatin Tren.

Në vijim të veprimeve policore, gjatë kontrollit në banesën e këtij shtetasi, u gjet dhe u sekuestrua në cilësinë e provës materiale:

1 armë gjahu, e mbajtur pa leje;

një gjerdan me disa fishekë të kësaj arme.

Materialet procedurale iu referuan Prokurorisë së Korçës, për veprat penale “Dhuna në familje” dhe “Prodhimi dhe mbajtja pa leje e armëve të gjuetisë dhe sportive”.

The post Ushtroi dhunë ndaj bashkëshortes, arrestohet i riu në Devoll! Në banesë i gjendet edhe një armë gjahu pa leje first appeared on JavaNews.al.

Igor Popoviç, zv.drejtori i zyrës për Kosovën në qeverinë e Serbisë, e pranoi nën presion dhe jo me vullnetin e tij të lirë, marrëveshjen me prokurorët e Kosovës për të pranuar fajësinë për nxitje të përçarjes dhe mosdurimit.

Kështu u shpreh ministria e drejtësisë në serbi të shtunën. “Ne theksojmë se nënshkrimi dhe përdorimi i marrëveshjeve për pranimin e fajësisë në një rast të tillë shërben ekskluzivisht si një mjet për stigmatizim shtesë të popullit serb dhe forcimin e kontrollit politik, dhe jo si një instrument i sundimit të ligjit”, tha Ministria serbe në deklaratë.

Ajo nuk dha asnjë provë për të mbështetur pretendimin se Popoviç e pranoi fajësinë nën presion. Gjykata Themelore në Prishtinë e dënoi të premten Popoviçin me gjashtë muaj burgim, dënim që iu zëvendësua me një gjobë prej 3.000 eurosh, si dhe ia ndaloi hyrjen në Kosovë për dy vjet.

Popoviç arriti marrëveshje me Prokurorinë Speciale të Kosovës për pranimin e fajësisë për nxitje dhe përhapje të urrejtje dhe mosdurimit mes grupeve etnike, gjatë një fjalimi të mbajtur në Hoçë të Madhe të Rahovecit më 18 korrik. Gjatë atij fjalimi, Popoviç, ndër të tjera, e kishte cilësuar Ushtrinë Çlirimtare të Kosovës “organizatë terroriste”.

Vetë Popoviç e pranoi të premten para gjykatësit disa herë se qëndron prapa marrëveshjes për pranimin e fajësisë dhe se marrëveshjen e kishte nënshkruar pa asnjë lloj presioni.

The post “Popoviç e pranoi fajësinë nën presion”, Serbia: Vendimi nuk u mor me vullnetin e tij të lirë first appeared on JavaNews.al.

Ka filluar me reagimin e zëdhënëses së Ministrisë së Jashtme të Rusisë, Maria Zaharova, vazhdoi me një deklaratë jashtëzakonisht të ashpër të Ambasadës ruse në Sarajevë, dhe deri tani ka rezultuar me konsultime të jashtëzakonshme në Këshillin e Sigurimit të Kombeve të Bashkuara.

Të gjitha këto janë pjesë e një “ofensive” diplomatike ruse për ta mbrojtur pozitën e Millorad Dodikut, liderit prorus të partisë kryesore serbe në Bosnje e Hercegovinë, i dënuar me burgim dhe i ndaluar nga veprimtaria politike, të cilit i është hequr mandati si president i entitetit të Republikës Sërpska, (i shpallur edhe non grata nga SHBA-të, sikurse Sali Berisha në Shqipëri).

Më pak se 24 orë pas këtyre konsultimeve, të thirrura me kërkesë të Rusisë, Ministria e Jashtme e Bosnjës njoftoi se do t’u dërgojë letër vendeve të QUINT-it (SHBA, Britania e Madhe, Gjermania, Franca dhe Italia), për t’i paralajmëruar mbi “kërcënimet serioze ndaj stabilitetit dhe sovranitetit të Bosnjës” që, sipas saj, vijnë nga Rusia.

Letra lidhet me vendimin e fundit të Komisionit Qendror Zgjedhor të Bosnjës për t’ia hequr Dodikut mandatin, pas një vendimi të formës së prerë që e dënoi me një vit burgim dhe ndalim të funksioneve publike për gjashtë vjet, për moszbatimin e vendimeve të Përfaqësuesit të Lartë ndërkombëtar në Bosnje.

Ministri i Jashtëm, Elmedin Konakoviq, tha për Radion Evropa e Lirë se letrat do t’u dërgohen kryeqyteteve të QUINT-it më 8 gusht, ndërsa më 11 gusht do të zhvillojë takim me ambasadorët e këtyre vendeve në Sarajevë.

“Moska po e shfrytëzon vazhdimisht krizën politike në Bosnje e Hercegovinë si hapësirë për të zgjeruar ndikimin e saj, veçanërisht duke mbështetur udhëheqjen e Republikës Sërpska dhe liderë politikë si Dodiku. Nuk do të lejojmë që me mesazhe të tilla të inkurajohen ata që bëjnë thirrje për bllokimin e zgjedhjeve ose për referendum që vë në pikëpyetje rendin kushtetues. Këto nuk janë deklarata diplomatike, por kërcënime të hapura ndaj shtetit”, tha Konakoviq për Radion Evropa e Lirë.

Nga ambasadat e vendeve të QUINT-it në Bosnje e Hercegovinë nuk iu përgjigjën menjëherë pyetjeve të Radios Evropa e Lirë lidhur me pretendimet ruse dhe përpjekjet për shpëtimin e mandatit të Dodikut.

Konakoviq tha se institucionet e Bosnjës janë të gatshme t’u përgjigjen “kërcënimeve ruse”.

“E dimë që Rusia nuk vepron vetëm politikisht. Ata janë të gatshëm për aktivitete spiunazhi, sulme kibernetike dhe fushata dezinformuese. I kemi parë operacionet e tyre në Moldavi, Rumani dhe Gjeorgji. Bosnja nuk është përjashtim”, tha Konakoviq.

Ai shtoi se aktualisht nuk ka informacione për ardhjen e shtetasve rusë në Bosnje, por se është në dijeni “për disa aktivitete të tjera”, për të cilat nuk mund të flasë ende derisa të arrijnë “informacione dhe konfirmime shtesë”.

“Bëhet fjalë ekskluzivisht për njerëzit e tyre që janë këtu dhe që kanë, ose kanë pasur më herët, disa status diplomatik… Kur të kem informacion, edhe ne kemi interes që ju ta dini, dhe do ta bëjmë publik”, tha Konakoviq.

Ambasada e Federatës Ruse në Sarajevë nuk iu përgjigj menjëherë pyetjeve të REL-it në lidhje me pretendimet e Konakoviqit.

Konsultimet urgjente të Këshillit të Sigurimit të OKB-së, të mbajtura me dyer të mbyllura më 7 gusht, shënuan herën e parë që Moska përdori drejtpërdrejt strukturat e OKB-së për të tentuar shpëtimin e një lideri pro-rus të partisë kryesore serbe në Bosnje e Hercegovinë.

Rusia, në të gjitha reagimet pas dënimit të formës së prerë ndaj Millorad Dodikut, ka bërë të qartë se vendimin nuk e sheh si “legjitim”, por si “përpjekje për të larguar një lider të padëshiruar”, siç tha zëdhënësja e Ministrisë së Jashtme ruse, Maria Zaharova.

Zëvendësambasadori rus në OKB, Dmitry Polyanskiy, deklaroi pas konsultimeve se “ndjekja penale e Dodikut rrezikon stabilitetin e Bosnjës”, duke përsëritur narrativën e Moskës se përfaqësuesi i lartë, Christian Schmidt, nuk është legjitim sepse nuk është konfirmuar nga Këshilli i Sigurimit.

Përfaqësuesit rusë pretendojnë se vendimet gjyqësore janë politikisht të motivuara dhe produkt i presionit perëndimor, ndërsa Dodiku paraqitet si simbol i “rezistencës” ndaj një pushteti të “imponuar”.

Nga Ambasada ruse në Sarajevë mbërritën edhe deklarata që shkojnë përtej gjuhës tradicionale diplomatike: “Për Bosnjën ka ardhur momenti i së vërtetës”, thuhej në një reagim, ku shteti cilësohej se ndodhet “para pikës pa kthim”.

Ambasadori i Bosnjës në OKB, Zllatko Lagumxhija, shkroi në rrjetet sociale se përpjekja e Rusisë për ta vendosur çështjen e dënimit të Dodikut në tryezën e Këshillit të Sigurimit ishte e pasuksesshme.

“Rusët ishin të vetmit që mohuan vendimet gjyqësore. Të gjitha vendet e tjera riafirmuan integritetin territorial dhe sovranitetin e Bosnjës, si dhe mbështetën sundimin e ligjit dhe vendimet legjitime të institucioneve”, shkroi ai.

Megjithëse Rusia pretendon se Schmidt nuk është i ligjshëm sepse mandati i tij nuk është konfirmuar nga Këshilli i Sigurimit, shumica e bashkësisë ndërkombëtare – përfshirë SHBA-në dhe pjesën më të madhe të vendeve të BE-së – e konsideron atë të emëruar në përputhje me kompetencat e Këshillit për Zbatimin e Paqes në Bosnje. OKB-ja ka sqaruar më herët se Schmidt ka legjitimitet të plotë për të ushtruar detyrën, duke hedhur poshtë pretendimet ruse.

Pse Rusia qëndron pas Dodikut?

Sipas Aleksandar Trifunoviq, redaktor i revistës “Buka”, për Rusinë “nuk është aq i rëndësishëm Dodiku sa mundësia për të ndikuar në zhvillimet në Bosnje”, vend që është “më i afërti me BE-në nga lindja”.

“Republika Sërpska është pika më e afërt e lindjes me Kroacinë, që është anëtare e BE-së, dhe me Vjenën. Rusia e shfrytëzon këtë mundësi, ashtu siç shfrytëzon edhe Dodikun, i cili shkon te Putini”, tha ai, duke kujtuar se në fillim të pushtimit rus të Ukrainës, Ambasada e Rusisë në Sarajevë i kujtoi Dodikut marrëveshjet me Putinin.

Ai vlerëson se është e paqartë nëse reagimi aktual i Rusisë i përshtatet Dodikut, pasi si ai, ashtu edhe udhëheqja e Serbisë, po kërkojnë të afrohen me administratën amerikane.

“Mendoj se Dodiku nuk po insiston në këtë lloj mbështetjeje radikale, me tone që nuk i përshtaten diplomacisë, aq sa Rusia po e shfrytëzon rastin për të reaguar kështu”, tha Trifunoviq.

Për të ardhmen, ai parashikon se Moska do të vazhdojë të shfrytëzojë çdo mundësi për të demonstruar ndikimin e saj mbi Serbinë dhe Republikën Sërpska, madje edhe duke e shtyrë Dodikun drejt hapave që mund ta komplikojnë situatën.

Më 6 gusht, pas dënimit përfundimtar nga gjykata, Komisioni Qendror Zgjedhor i Bosnjës ia hoqi Dodikut mandatin, duke hapur rrugën për zgjedhje të parakohshme në Republikën Sërpska. Ai reagoi duke paralajmëruar referendum për mandatin e tij – një mekanizëm që nuk parashihet në Kushtetutën e Bosnjës – dhe tha se zgjedhjet nuk do të mbahen “sa të jetë ai president”.

Megjithë retorikën kërcënuese, institucionet e RS-së deri tani nuk kanë ndërmarrë asnjë hap ligjërisht të detyrueshëm për të kundërshtuar vendimin e Komisionit Zgjedhor ose për të bllokuar formalisht zgjedhjet. /REL/

The post I dënuar dhe i shpallur ‘non grata’ si Berisha, Rusia në ‘ofensivë’ për shpëtimin e mandatit të Dodikut first appeared on JavaNews.al.

Irani ka arrestuar 20 persona që i akuzon si operativë të agjencisë izraelite të spiunazhit Mossad në muajt e fundit, raporton Reuters. Zëdhënësi i gjyqësorit, Asghar Jahangiri, u tha gazetarëve në Teheran se akuzat kundër disa prej të arrestuarve ishin rrëzuar dhe ishin liruar. Ai nuk dha një numër të caktuar.

“Gjyqësori nuk do të tregojë asnjë butësi ndaj spiunëve dhe agjentëve të regjimit sionist, dhe me vendime të prera, do t’i bëjë të gjithë shembull”, u citua Jahangiri nga mediat iraniane.

Ekzekutimet e iranianëve të dënuar për spiunazh për Izraelin janë rritur ndjeshëm këtë vit, me të paktën tetë dënime me vdekje të kryera në muajt e fundit. Të mërkurën, Irani ekzekutoi shkencëtarin bërthamor Rouzbeh Vadi, i cili u dënua për spiunazh për Izraelin.

Izraeli kreu 12 ditë sulme ajrore ndaj Iranit në qershor, duke synuar gjeneralët më të lartë të Iranit, shkencëtarët bërthamorë, instalimet bërthamore, si dhe lagjet e banimit. Irani u përgjigj me breshëri raketash dhe dronësh mbi Izraelin.

Grupi i të drejtave të njeriut HRANA raportoi 1,190 vdekje iraniane gjatë sulmeve 12-ditore izraelite, përfshirë 436 civilë dhe 435 personel sigurie. Izraeli tha se 28 persona u vranë në sulmin hakmarrës të Iranit.

The post Akuzohen si operativë të Mossadit, Irani arreston 20 persona të dyshuar si spiunë të Izraelit first appeared on JavaNews.al.

Kreu i një organizate kriminale të trafikut të armëve mes Shqipërisë dhe Italisë është arrestuar nga Policia e Shtetit në Lezhë ditën e sotme, në bashkëpunim edhe me Guardia di Financën dhe zyrën e ekspertit në Ambasadën Italiane në Tiranë.

30-vjeçari Françesk Mecaj, nga Malësia e Madhe, me precedentë penalë të theksuar në Milano të Italisë dhe i dënuar dy herë si kreu i grupit në Lecco për armë dhe trafik droge, u arrestua si rezultat i operacionit të koduar “Dërgesa”.

Në pranga ranë edhe dy persona të tjerë, drejtues të mikrobueis për transport udhëtarësh Shqipëri-Itali, në bagazhet e të cilit u gjet armatimi. Ai akuzohet se kishte dërguar 5 armë zjarri dhe municion drejt vendit fqinj.

Operacioni u zhvillua nga DVP Lezhë në bashkëpunim me Departamentin e Policisë Kriminale, DVP Shkodër dhe GdF Italiane, në koordinim me Interpol Tiranën dhe Zyrën e Ekspertit të Sigurisë pranë Ambasadës Italiane në Shqipëri.

“30-vjeçari, me precedentë të theksuar kriminal në fushën e trafikimit të lëndëve narkotike dhe i dënuar dy herë si kreu i një grupi kriminal që vepronte në qytezën e Lecco-s pranë Milanos/Itali, u arrestua si rezultat i operacionit. Në pranga u vunë gjithashtu edhe dy shtetas, drejtues të një mikrobusi për transport udhëtarësh, në bagazhet e të cilit u gjetën armët dhe municioni luftarak. Sekuestrohen 5 armë zjarri automatike të tipit kallashnikov; qindra fishekë luftarakë dhe 4 krehra fishekësh”, bëri me dije Policia.

Sekuestrimi u bë në kufirin mes Sllovenisë dhe Italisë, ku u ndalua mikrobusi i nisur nga Shqipëria me destinacion Italinë, i drejtuar nga të dyshuarit E. M. dhe A. D. Të dy janë shoqëruar nga Policia Italiane për veprime të mëtejshme.

“Hetimet e Policisë së Lezhës bënë të mundur identifikimin e shtetasit F. M., 30 vjeç, lindur në Shkodër dhe banues në Hot të Malësisë së Madhe, i cili kishte dërguar armët drejt Italisë kundrejt fitimit financiar. Nga grumbullimi dhe analiza e informacionit, rezultoi se ky shtetas siguronte armë dhe municione luftarake për palë të treta në BE, duke përdorur shoqëri transporti privat dhe duke i kamufluar në valixhe me sende të ndryshme”.

Operacioni vijon në Shqipëri e Itali për identifikimin dhe kapjen e pritësit të armëve, si dhe të personave të tjerë të përfshirë në këtë aktivitet.

Materialet procedurale ndaj Mecajt i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprën penale “trafikim i armëve dhe municioneve luftarake”.

The post Trafik armësh e municionesh nga Shqipëria në Itali, arrestohet në Lezhë kreu i organizatës kriminale! first appeared on JavaNews.al.

Vera është simbol i pushimeve, diellit, plazheve dhe aventurave të paharrueshme.

Turistët çdo vit kërkojnë destinacione të reja dhe emocionuese për të eksploruar, dhe Shqipëria kohët e fundit është kthyer në një nga vendet kryesore për tu vizituar.

Kështu shkruan e përditshmja spanjolle “Super Deporte” për vendin tonë.

E vendosur në Evropën Juglindore, Shqipëria ofron një ndërthurje të historisë, kulturës dhe peizazheve mahnitëse. “Super Deporte” e përshkruan si një destinacion magjepës të pazbuluar më parë.

Me bregdetin e Adriatikut dhe Jonit që sipas medias spanjolle rivalizojnë plazhet e Greqisë dhe Italisë dhe me histori të pasur që daton mijëra vjet më parë, me ndikime nga qytetërimet ilire, greke, romake dhe osmane.

Qytete si Butrinti, një vend i trashgimisë botërore të UNESCO-s shkruan “super deporte” u ofrojnë vizitorëve mundësinë të zbulojnë të kaluarën e lashtë të vendit. Nga malet te liqenet piktoreske, vendi ofron një shumëllojshmëri peizazhesh mahnitëse dhe mundësi për aventura në natyrë.

Media spanolle shkruan për kuzhinë të pasur e çmime të përballueshme dhe vlerëson mikpritjen e vendasve si një nga aspektet e paharrueshme të vizitës në Shqipëri.

The post “Shqipëria, destinacion magjepsës”/ Mediat spanjolle: Vijë bregdetare me bukuri që rivalizojnë Greqinë dhe Italinë first appeared on JavaNews.al.

Presidenti i SHBA-së, Donald Trump, dhe Presidenti i Rusisë, Vladimir Putin, do të takohen në Alaskë të premten e ardhshme për të diskutuar mbi të ardhmen e luftës në Ukrainë.

Trump njoftoi për takimin e 15 gushtit në rrjetet sociale dhe më pas ky informacion u konfirmua nga një zëdhënës i Kremlinit, i cili tha se vendndodhja ishte “mjaft logjike”, duke pasur parasysh afërsinë relative të Alaskës me Rusinë.

Nuk pati reagim të menjëhershëm nga Ukraina.

Njoftimi për takimin erdhi vetëm disa orë pasi Trump kishte sinjalizuar se Ukraina mund të detyrohet të dorëzojë një pjesë të territorit për t’i dhënë fund luftës, e cila filloi me pushtimin në shkallë të plotë të saj nga Rusia në shkurt 2022.

“Po flasim për territore që janë luftuar për tre vjet e gjysmë, shumë rusë kanë vdekur. Shumë ukrainas kanë vdekur,” tha Trump të premten në Shtëpinë e Bardhë.

“Është shumë e ndërlikuar. Do të marrim disa territore mbrapsht, disa do të shkëmbehen. Do të ketë një ndërrim territoresh, në të mirë të të dyja palëve”.

Presidenti amerikan nuk dha detaje të mëtejshme mbi atë se si do të dukej një propozim i tillë.

The post Caktohet data dhe vendi, takimi Trump-Putin do të mbahet në tokën amerikane first appeared on JavaNews.al.

Një zjarr i madh ka përfshirë pak minuta më parë kodrat e fshatit Sejmenas, në njësinë administrative Fier-Shegan.

Flakët kanë djegur ullishte dhe sipërfaqe të konsiderueshme me shkurre, ndërsa rreziku i përhapjes drejt banesave është i lartë.

Në vendngjarje kanë mbërritur tre mjete zjarrfikëse të Bashkisë Lushnje, të cilat po punojnë për izolimin dhe shuarjen e flakëve.

The post Përfshihen nga zjarri kodrat e fshatit Sejmenas në Lushnjë, rrezikohen banesat përreth first appeared on JavaNews.al.

Kreu i “Shqipëria Bëhet”, Adriatik Lapaj, ka deklarur se sulmi ndaj News24 është qasje e dhunshme ndaj një televizioni që ka qenë dritare për mendimin ndryshe.

“Solidarizohem plotësisht me gazetarët dhe median News 24, Ballkanweb, Panorama dhe Gazeta Shqiptare që sot janë ndaluar së ushtruari misionin e tyre informues për qytetarët”, thekson ai.

Lapaj theksoi se Shqipëria drejtohet nën diktatin e një njeriu, i cili sipas tij, ndryshon vetëm subjekti radhës ku aplikohet fadroma dhe “ligji”.

Postimi i plotë:

Solidarizohem plotësisht me gazetarët dhe median News 24, Ballkanweb, Panorama dhe Gazeta Shqiptare që sot janë ndaluar së ushtruari misionin e tyre informues për qytetarët.

Mund ta shtjellojnë si të duan e sa të duan, në sytë e mi kjo është qasje e dhunshme ndaj një televizioni që ka qenë dritare edhe për mendimin ndryshe.

Në një vend të kapur si ky, do të gjendet gjithmonë një zyrtar, një gjykatës apo një drejtues policie që i kopsit letrat si duhen për të “zbatuar ligjin” nga Maliqi.

E vërteta është që Shqipëria drejtohet nën diktatin e një njeriu, ndryshon vetëm subjekti radhës ku aplikohet fadroma dhe “ligji”.

The post Sulmi ndaj News24, Adriatik Lapaj: Qasje e dhunshme ndaj një televizioni që ka qenë dritare për mendimin ndryshe! first appeared on JavaNews.al.

Ministrja në detyrë e Drejtësisë, Albulena Haxhiu ka thënë sot se shteti i Serbisë jo vetëm që keqpërdor vizitat zyrtare në Kosovë përmes zyrtarëve të saj duke nxitur urrejtje dhe përçarje, por vazhdon propagandën edhe pas marrëveshjeve me institucionet e Republikës së Kosovës për pranim të fajësisë si në rastin e Igor Popoviq.

Reagimi i ministres Haxhiu vjen sot pasi u raportua se Ministria e Drejtësisë e Serbisë ka deklaruar se zyrtari i Qeverisë serbe, Igor Popoviq, e nënshkroi “nën presion, dhe jo me vullnetin e tij të lirë” një marrëveshje me prokurorët e Kosovës për ta pranuar fajësinë për nxitje të përçarjes dhe mosdurimit.

Pas një deklarate të tillë të Ministrisë së Drejtësisë së Serbisë, ministrja e Drejtësisë e Kosovës, Albulena Haxhiu tha se Serbia duhet ta kuptojë se Republika e Kosovës është vend demokratik, ku sundon drejtësia dhe dinjiteti njerëzor janë të garantuara e ku pushtetet janë qartësisht të ndara.

Lexo po ashtu Aprovohet marrëveshja për pranim fajësie ndaj Igor Popoviqit, 6 muaj burgim zëvendësohet me 3 mijë euro gjobë dhe dëbim 2-vjeçar nga Kosova

“Shteti i Serbisë jo vetëm që keqpërdor vizitat zyrtare në vendin tonë përmes zyrtarëve të saj duke nxitur urrejtje dhe përçarje, por vazhdon propagandën e saj edhe pas marrëveshjeve me institucionet e Republikë Kosovës për pranim të fajësisë si në rastin e Igor Popoviq. 

Ministria e Drejtësisë së Serbisë paska dalë me akuzë tjetër të rreme duke thënë se zyrtari i saj Igor Popoviq e ka pranuar fajësinë nën kushte presioni. Por, në videon më poshtë mund ta shihni se jo vetëm i akuzuari Popoviq, por edhe vet avokati i tij theksojnë se me vullnet të plotë është bërë si pranimi i fajësisë ashtu edhe marrëveshja.

Serbia me kutin e saj gjykon edhe Republikën e Kosovës, por ajo duhet ta kuptojë se Republika e Kosovës është vend demokratik, ku sundon drejtësia dhe dinjiteti njerëzor janë të garantuara e ku pushtetet janë qartësisht të ndara”, shkruan ajo.

Ndryshe, Igor Popoviqi, ndihmësdrejtor i të ashtuquajturës “Zyrë për Kosovë” në Qeverinë e Serbisë është shpallur fajtor në Gjykatën Themelore në Prishtinë, Departamenti Special, për veprën penale të nxitjes së përçarjes dhe urrejtjes etnike.

Gjykata ka caktuar dënimin prej 6 muajsh burgim, i cili u zëvendësua me gjobë prej 3 mijë eurosh dhe dënim plotësues, dëbim nga Kosova për një periudhë prej dy vjetësh.

Në këtë rast, gjykata ka aprovuar marrëveshjen për pranim fajësie mes tij dhe Prokurorisë Speciale të Republikës së Kosovës.

Popoviq ishte arrestuar më 19 korrik në pikën kufitare të Bërnjakut dhe akuzohet se më 18 korrik 2025 në Rahovec kishte mbajtur një fjalim publik me përmbajtje nxitëse, duke përhapur urrejtje dhe mosdurim ndërmjet grupeve etnike në Kosovë. /Telegrafi/

The post Rasti i Popoviqit, Haxhiu i reagon Serbisë: Republika e Kosovës është vend demokratik, ku sundon drejtësia dhe dinjititeti njerëzor appeared first on Telegrafi.

Flakët vijojnë ende të djegin sipërfaqe toke në Finiq dhe Mirditë.

Flakët në fshatin Livinë të Finiqit janë vendosur nën kontroll dhe aktualisht nuk paraqesin rrezik për banesat. Operacionet për shuarjen e zjarrit po zhvillohen  nga ajri me helikopterin Black Hawk dhe avionin kroat Canadair, ashtu edhe nga toka.

Mjetet zjarrfikëse dhe forcat tokësore janë pozicionuar përreth fshatit, në gatishmëri për të ndërhyrë në çdo moment.

Autoritetet mbeten në gatishmëri të plotë për të shmangur çdo rrezik të mundshëm për komunitetin.

Ndërsa në Mirditë operacionet për shuarjen e zjarreve në zonën e Mirditës vijojnë me mbështetjen e mjeteve ajrore. Deri tani, avioni “Canadair” nga Italia ka realizuar 7 hedhje mbi vatrat e zjarrit, duke lëshuar rreth 50 mijë litra ujë në terren.

Ndërhyrja nga ajri po kombinohet me punën e forcave tokësore dhe mjeteve zjarrfikëse, të cilat po operojnë për izolimin dhe shuarjen e plotë të flakëve.

The post Zjarret në Finiq dhe Mirditë, ndërhyjnë nga ajri “Black Hawk” dhe “Canadair”, zjarrfikësit pozicionohen përreth fshatit Livinë appeared first on Telegrafi.

Hysni Mehani është kandidat i Lëvizjes Vetëvendosje për kryetar të Skenderajt.

Në njoftimin e LVV-së thuhet se Skenderaj ka nevojë për një drejtim të ri, një drejtim që vendos qytetarin mbi gjithçka, një komunë që punon me ndershmëri, planifikon me vizion dhe i shërben me përkushtim çdo familjeje – në çdo lagje e çdo fshat.

“Hysni Mehani është kandidati ynë për kryetar të Skenderajt – një njeri i palodhur, i afërt me qytetarët, që njeh çdo problem dhe ka planin për ta zgjidhur.

Në takimin e sotëm me strukturat organizative të Qendrës së Skenderajt, në prani të Kryeministrit dhe Kryetarit të Lëvizjes VETËVENDOSJE!, Albin Kurti, Sekretarit të Përgjithshëm, Alim Rama, Koordinatorit të Qendrave dhe deputetit Salih Zyba, si dhe deputetes Arjeta Fejza, u dha mbështetja e plotë dhe e vendosur për Hysni Mehanin”, thuhet në njoftim. /Telegrafi/

The post Hysni Mehani, kandidat i LVV për kryetar të Skenderajt appeared first on Telegrafi.

Një person në Pejë ka raportuar në Policinë e Kosovës se është sulmuar fizikisht nga tre persona të panjohur, ku njëri nga të dyshuarit i kishte marr telefonin me vlerë rreth 200 euro.

Rasti ka ndodhur në rrugën “Besnik Lajqi” në Pejë, të premten në ora 06:20.

“Viktima mashkull kosovar, ka raportuar se është sulmuar fizikisht nga tre persona të pa njohur, ku njëri nga të dyshuarit i kishte marr telefonin me vlerë rreth 200 euro”, thuhet në raport.

Viktima ka pranuar tretman mjekësor, ndërkaq rasti është duke u hetuar. /Telegrafi/

The post Grabitet një person në Pejë, i merret telefoni dhe 200 euro appeared first on Telegrafi.

Fermeri Erbril Mazreku, 32-vjeçar nga komuna e Mamushës në rajonin e Prizrenit, ka të mbjellë rreth 2.5 hektarë tokë me domate në serrë.

Mazreku, nga mesi i muajit qershor deri në fillim të muajit gusht, ka mbledhur rreth 150 tonë domate dhe pret të vjelë edhe 150 të tjerë.

E gjithë kjo sasi është shitur në tregjet evropiane.

“Domatet në treg vendor nuk i shes. Çmimi është më i lirë, kurse jashtë i shes më shpejtë dhe me shtrenjtë. Të freskëta i dërgoj në një pikë grumbulluese këtu në Mamushë dhe ai i eksporton jashtë vendit. Çmimi sivjet është i mirë, 60 cent për kilogram, kurse në tregun vendor shkon më lirë”, i tha ai Radios Evropa e Lirë.

Në pikën grumbulluese Eurotaç, po në Mamushë, përveç domateve janë duke u grumbulluar edhe tranguj, lakra, qepë, patate, dhe pritet që së shpejti të fillojë edhe grumbullimi i specave. Shumica janë nga serrat dhe të gjitha eksportohen në vendet e Ballkanit dhe të Evropës.

Pronari i kësaj kompanie Nehat Thaçi, i tha Radios Evropa e Lirë se kërkesa për prodhime vendore e ka tejkaluar ofertën vendore.

“Sa të ofrojnë fermerët ne eksportojmë, specat dhe domatet janë shumë te kërkuara”.

“Vetëm për 20 ditë të muajit korrik kemi eksportuar këto lloje të kulturave në vlerë të mbi 1 milion eurove, ndërsa deri në fund të sezonit kemi të kontraktuar sasi deri në 3 milionë euro”, tha Mazreku.

Ai tregoi se vitin e kaluar ka eksportuar sasi në vlerë të 1.5 milion eurove.

“Për çdo vit ka rritje të kërkesave për të gjitha këto produkte”, tha Mazreku për Radion Evropa e Lirë.

Sipas të dhënave të Doganës së Kosovës, për periudhën janar-qershor 2025, eksportet e perimeve kanë arritur vlera të konsiderueshme: domatet rreth 30 mijë euro, specat 50 mijë euro, trangujt 277 mijë euro, ndërsa patatet afro 1.1 milion euro.

Këto shifra nuk përfshijnë muajin korrik, kur zakonisht arrihet kulmi i prodhimit dhe eksporti i këtyre kulturave.

Megjithatë, kjo rritje e eksportit nuk është reflektuar në ulje të çmimeve për konsumatorët vendorë.

Edhe pse në treg ka prodhime vendore, çmimet mbeten të larta për standardin e shumë qytetarëve, me pagë mesatare prej 639 eurosh.

Gjatë muajve të verës, çmimet për një kilogram speca arrijnë deri në 1.50 euro, domatet deri në 1.20 euro, trangujt mbi 1 euro, ndërsa patatet pak më lirë – çmime që ndryshojnë varësisht nga lokacioni apo dyqani.

Por, këto shifra ndryshojnë kur bëhet fjalë për përpunimin e këtyre perimeve.

Hartim Gashi, drejtor ekzekutiv në Shoqatën e Përpunueseve të Pemëve dhe Perimeve të Kosovës (PePeKo), i tha Radios Evropa e Lirë se viteve të fundit është rritur numri i kompanive që bëjnë përpunimin e perimeve sezonale dhe kjo krijon mungesë të produkteve në treg.

Në nivel vendi janë 1.700 kompani të tilla, që sipas Gashit, në shumicën e rasteve udhëhiqen nga gratë.

Sipas tij, 68 për qind e kompanive i eksportojnë produktet e tyre kryesisht në Gjermani, Zvicër dhe Austri.

“Fermerët vendorë prioritet e kanë eksportin e prodhimeve dhe fare pak merren me furnizim në tregun lokal. Kjo për faktin se çmimi është i mirë, pagesa e sigurt dhe koha e shkurtër për t’i dërguar në pikën grumbulluese”, tregon ai.

Në Kosovë, rreth 420 mijë hektarë tokë shfrytëzohen për arsye bujqësore. Prej tyre, më shumë se gjysma shfrytëzohet për kullosa dhe livadhe.

Megjithatë, Gashi shprehet se Kosova vazhdon të varet nga importi i këtyre produkteve nga shtete të tjera, si Turqia, Holanda dhe Shqipëria, dhe rrjedhimisht çmimet janë më të larta.

“ E kemi një situatë interesante – eksporti po rritet, por në të njëjtën kohë po rritet edhe importi. Kjo ndodh për shkak të mungesës së prodhimit vendor në periudha të caktuara, sidomos gjatë dimrit. Gjatë kësaj kohe, tregjet vazhdojnë të kenë perime, por ato nuk janë nga Kosova,” tha ai.

Fatmir Selimi, magjistër i agroekonomisë, vlerëson se sasia e lartë e importit lidhet edhe me faktin që, sipas traditës, në stinën e vjeshtës, qytetarët e Kosovës furnizohen me perime për turshi, të cilat i përdorin gjatë sezonit të dimrit.

Vetëm në periudhën janar – qershor, në Kosovë vlera e importuar e këtyre kulturave bujqësore në tregun vendor ka arritur në mbi 1.5 milion euro.

Si duhet të rritet prodhimi vendor?

Gashi dhe Selimi mendojnë se institucionet duhet t’i balancojnë nevojat e tregut të brendshëm me orientimin drejt eksportit.

Gashi propozon vendosjen e masave mbrojtëse dhe subvencioneve për zgjerimin e serrave, duke përmendur nevojën për vendosjen e kuotave për import gjatë sezonit të prodhimit vendor.

“Po e marr shembull domaten – nga 15 qershori deri më 15 shtator, nuk duhet të ndalohet plotësisht importi, por të kufizohet. Për shembull, të lejohen vetëm 100 tonë domate në ditë”, tha ai.

Selimi, ndërkohë, thekson nevojën për mbështetje financiare që do t’i ndihmonte fermerët ta rrisin rendimentin dhe cilësinë.

Ministria e Bujqësisë ka bërë të ditur për Radion Evropa e Lirë se gjatë vitit të kaluar ka subvencionuar rreth 5.000 hektarë tokë të mbjellë me kultura si domate, speca, tranguj, patate dhe qepë.

Sipas kësaj ministrie, fermerët që i kanë kultivuar këto perime në fushë të hapur janë subvencionuar me 600 euro për hektar, ndërsa ata që i kanë kultivuar në serra janë mbështetur me 850 euro për hektar.

Sipërfaqja e përgjithshme e serrave me perime në Kosovë arrin në 242 hektarë.

The post Perimet vendore shkojnë jashtë, tregu mbushet me import appeared first on Telegrafi.

Policia e Kosovës ka arrestuar një person pasi i njëjti dyshohet se ka sulmuar fizikisht vajzën e tij, duke i shkaktuar lëndime të rënda trupore.

Rasti ka ndodhur në Vushtrri, të premten në ora 19:00.

“Vushtrri 08.08.2025-19:00. Është arrestuar i dyshuari mashkull kosovar, pasi që i njëjti pas një mosmarrëveshje ka sulmuar fizikisht vajzën e tij, viktimën femër kosovare”, thuhet në raport.

Viktima ka pranuar tretman mjekësor, ndërsa i dyshuari pas intervistimit me vendim të prokurorit dërgohet në mbajtje. /Telegrafi/

The post Babai sulmon fizikisht vajzën, arrestohet i dyshuari në Vushtrri për lëndim të rëndë trupor appeared first on Telegrafi.