Universiteti i Prishtinës (UP) dhe Kolegji i Kirurgëve të Kosovës (KKK) kanë bërë të ditur se Këshilli Drejtues i Universitetit të Prishtinës më 17 korrik 2025 miratoi unanimisht propozimin për themelimin e Qendrës për Kërkime, Simulime dhe Trajnime të Avancuara Kirurgjike dhe Mjekësore të Kosovës (QKSTK).

Në njoftimin për media bëhet e ditur se kjo iniciativë e UP-së dhe KKK-së synon të përmirësojë edukimin kirurgjik dhe mjekësor në Kosovë dhe rajon, duke riafirmuar angazhimin e të dyja institucioneve për ta avancuar trajnimin mjekësor dhe për ta përmirësuar kujdesin ndaj pacientit.

“Kjo qendër, QKSTK, do të shërbejë për edukim, kërkime shkencore  dhe përparime teknologjike, duke u përqendruar në të gjitha degët kirurgjike, të traumës dhe të urgjencës, sikurse edhe në kurset dhe programet tjera edukative të standardeve më të reja shkencore.

Qendra do të përdorë teknologji të përparuara të simulimit, për të zbatuar një kurrikulë të strukturuar dhe të bazuar shkencërisht, e cila do të përmirësojë trajnimin e profesionistëve të kujdesit shëndetësor dhe do të rrisë rezultatet për pacientët në vend e përtej”, thuhet në njoftim.

Rektori i UP-së, Arben Hajrullahu theksoi se me këtë qendër po bëhet një hap i rëndësishëm drejt modernizimit të arsimit dhe praktikës së kujdesit shëndetësor në Kosovë.

“Qendra do të nxisë përsosmërinë në trajnimin mjekësor, do të promovojë bashkëpunimin ndërdisiplinor si dhe do të rrisë standardet e ofrimit të kujdesit shëndetësor në vendin tonë e përtej”, theksoi Hajrullahu.

Në këtë qendër pritet të angazhohen profesionistë mjekësorë, inxhinierë të industrisë së kujdesit shëndetësor dhe ekspertë të tjerë të teknologjive të përparuara nga vendi, rajoni e bota, duke ofruar programe trajnimi të avancuara, iniciativa kërkimore dhe mundësi për bashkëpunim me departamente të ndryshme brenda UP-së si dhe me institucione akademike në nivel global.

“Jetësimi dhe funksionimi i suksesshëm i Qendrës për Kërkime, Simulime dhe Trajnime të Avancuara të Kosovës (QKSTK) do të funksionojë sipas Statutit dhe rregullores për institute dhe qendra të Universitetit të Prishtinës, e cila, ndër të tjera, parasheh edhe partneritetin me palë tjera siç është p.sh. Kolegji i Kirurgëve të Kosovës (KKK) dhe jo vetëm”, thuhet tutje.

Ndërkaq, profesor Rifat Latifi, themelues dhe president i Kolegjit të Kirurgëve të Kosovës, si dhe ideator edhe i QKSTK-së tha se kjo qendër, e para e tillë në rajonin e Ballkanit Perëndimor dhe më gjerë, do të shërbejë si një vatër kryesore për arsim, kërkim dhe përparim teknologjik kirurgjik, duke u përqendruar në mjekësinë kirurgjikale, të traumës dhe të urgjencës.

“Duke përdorur teknologjinë e fundit të simulimit dhe kurrikula të bazuara në prova, qendra synon t’i pajisë profesionistët e kujdesit shëndetësor me aftësitë e nevojshme për t’u përballur me sfidat në zhvillim të mjekësisë moderne”, tha ai.

Tutje, Latifi shtoi se përmes kësaj qendre do të kapërcejnë hendekun midis kirurgjisë moderne në botë dhe asaj të Kosovës, duke ofruar hulumtime akademike dhe edukim praktik të përditësuar, në mënyrë që Kosova të vazhdojë të rritet si një qendër për përsosmëri në kujdesin kirurgjik dhe atë shëndetësor në Ballkanin Perëndimor e përtej.

Qendra e Kosovës për Kërkime, Simulime dhe Trajnime të Avancuara në Universitetin e Prishtinës (QKSTK) synon të përmirësojë arsimin e avancuar mjekësor dhe ofrimin e kujdesit shëndetësor përmes partneritetit që në fillim të punës, jo vetëm me Kolegjin e Kirurgëve të Kosovës (KKK), por edhe me International Virtual e- Hospital Fondation e përtej.

QKSTK-ja do të shërbejë si një kullë e kirurgjisë dhe edukimit kirurgjikal, të traumës dhe të mjekësisë emergjente, duke përdorur teknologjitë më të fundit të simulimit dhe kurrikula inovative për të zhvilluar një fuqi punëtore mjekësore shumë të kualifikuar.

Ndër objektivat kryesorë të QKSTK-së janë: krijimi i programeve gjithëpërfshirëse të trajnimit; ngritja e aftësive kërkimore; integrimi i teknologjive të përparuara dhe qëndrueshmëria. Për më shumë, qendra do të shërbejë edhe si çati e publikimeve, siç janë ato të Kolegjit të Kirurgëve të Kosovës, duke promovuar ekspertizën shkencore dhe praktikat klinike dhe do të zhvillojë bashkëpunim ndërkombëtar me universitete, organizata dhe institute ndërkombëtare gjithandej.

Qendra do të përfshijë fushat si:

Laboratori i Simulimeve Mjekësore dhe Kirurgjike: Do të ofrojë trajnime me besnikëri të lartë në skenarë klinikë realistë në të gjitha degët kirurgjike dhe mjekësore dhe vlerësimeve të performancës;

Laboratori i Trajnimit të Avancuar Laparoskopik dhe Artroskopik: Fokusohet në teknikat kirurgjike minimalisht invazive, me programe trajnimi të specializuara dhe bashkëpunim me degët dhe industrinë kirurgjike të të gjitha lëmive;

Programi i Telemjekësisë dhe Telekirurgjisë: Përmirëson qasjen në ekspertizën kirurgjike përmes konsultimeve në distancë dhe mentorimit;

Programet e Trajnimit Edukativ për Traumën dhe Kurset e tjera (ATLS, ACLS, BLS, PALS, TEAM): Ofrojnë punëtori për traumën dhe intervenimet tjera, duke simuluar skenarë emergjence për të përmirësuar aftësitë kritike të vendimmarrjes;

Zyra për Udhëzime dhe Protokolle Kirurgjikale dhe Klinike: Zhvillon udhëzime klinike të bazuara në prova dhe kryen kërkime për të standardizuar praktikat e kujdesit;

Njësia e Kërkimeve Shkencore Klinike dhe Bazike: Promovon kërkimin ndërdisiplinor, siguron fonde dhe publikon gjetjet për të rritur njohuritë mjekësore;

Zyrat për Revistën e Kirurgjisë së Kosovës (Kosova Journal of Surgery) dhe Klinikat Kirurgjike të Kosovës (Surgical Clinics of Kosova) si dhe botimet tjera: Shërbejnë si revistat kryesore shkencore për kirurgjinë në Kosovë, duke nxitur botimin dhe bashkëpunimin kërkimor shkencor dhe de facto duke u bërë shkollë e re e kirurgjisë së Kosovës.

Qendra e Kosovës për Kërkime, Simulime dhe Trajnime të Avancuara në Universitetin e Prishtinës (QKSTK) do t’i sjellë dobi të konsiderueshme sistemit të kujdesit shëndetësor në Kosovë, duke përmirësuar cilësinë e kujdesit kirurgjik dhe duke ngritur një fuqi punëtore mjekësore të aftë e të gatshme për t’u përballur me sfidat moderne të kujdesit shëndetësor. /Telegrafi/

The post UP-ja në partneritet me Kolegjin e Kirurgëve të Kosovës themelojnë Qendrën për Kërkime, Simulime dhe Trajnime të Avancuara appeared first on Telegrafi.

Policia e Shtetit ka bërë të ditur se ka arrestuar në Kavajë 54-vjeçaren, V.B me qëllim ekstradimin në Spanjë, pasi akuzohet nga autoritetet spanjolle, për kultivim të bimëve narkotike dhe vjedhje të energjisë elektrike.

Në njoftim thuhet se si rezultat i bashkëpunimit me shërbimet e Forcës së Posaçme Operacionale të DVP Durrës dhe i shkëmbimit të informacioneve më Interpol Tiranën, u lokalizua dhe u arrestua shtetasja shqiptare V. B., 54 vjeçe, banuese në Golem.

“Kjo shtetase ishte shpallur në kërkim ndërkombëtar pasi Gjykata e Sabadell, Spanjë, me vendimin e datës 30.06.2025, i ka caktuar masën e sigurisë ‘Arrest në burg’, për veprat penale ‘Kultivimi i bimëve narkotike’ dhe ‘Vjedhja e energjisë elektrike’, për të cilat maksimumi i dënimit është 6 vjet”, thuhet në njoftim.

Interpol Tirana, në bashkëpunim me homologët në Spanjë, do të kryejë procedurat për ekstradimin e kësaj shtetaseje. /Telegrafi/

The post Akuzohet për kultivim të bimëve narkotike dhe vjedhje të energjisë, 54-vjeçarja e arrestuar në Kavajë pritet të ekstradohet në Spanjë appeared first on Telegrafi.

Sot për të 52-në herë do të mblidhen deputetët për konstituimin e Kuvendit, proces ky që nuk është përmbyllur pas zgjedhjeve parlamentare të shkurtit për shkak të mosmarrëveshjeve të partive parlamentare.

Lëvizja Vetëvendosje nuk po heqë dorë nga emri i Albulena Haxhiut për kryetare të Kuvendit, gjersa kryesuesi po ashtu ka vënë si pikë të rendit të ditës formimin e një Komisioni që do të mundësonte votim të fshehtë në Kuvend për zgjedhjen e kryeparlamentarit.

Në anën tjetër, partitë tjera, PDK, LDK e AAK kanë thënë se nuk do ta votojnë Albulena Haxhiun për kryetare të Kuvendit, ndërsa po ashtu çështja e Komisionit zgjedhor nuk po arrihet në mungesë kuorumi.

E në seancë, në përpjekjen e 52-të të deputetëve për konstituimin e Kuvendit të pranishëm pritet të jenë edhe ambasadorët e shteteve mike.

Lexo po ashtu ​Ambasadorët e vendeve mike nesër pjesmarrës në seancën e 52-të për konstituimin e Kuvendit

Ambasada e Gjermanisë në Prishtinë ka njoftuar se duke pasur parasysh se nesër është mundësia e fundit për të konstituar Kuvendin para afatit të Gjykatës Kushtetuese, ambasadori Rohde, së bashku me kolegë të tjerë ndërkombëtarë, planifikon të marrë pjesë në seancën në parlament.

E të enjten, Gjykata Kushtetuese ka vendosur masë të përkohshme ndaj veprimeve dhe vendimeve të deputetëve të zgjedhur të Kuvendit, duke ndaluar çdo aktivitet parlamentar nga data 26 korrik 2025 deri në një vendim të mëtejmë.

Në njoftimin zyrtar, Gjykata thekson se masa është vendosur ex officio, me arsyetimin se çdo veprim pas kësaj date mund të shkaktojë “dëme të pariparueshme për rendin kushtetues të Republikës së Kosovës dhe funksionimin e institucioneve kyçe”.

“Gjykata vlerëson se ekzistojnë rrethana të interesit publik që ndërlidhen me themelimin e institucioneve shtetërore pas zgjedhjeve për Kuvend, dhe për këtë arsye ndalimi i çdo vendimi dhe veprimi nga ana e deputetëve të zgjedhur pas 26 korrikut është në interes publik”, thuhet në vendimin e publikuar.

Sipas Gjykatës, vendimi është marrë me qëllim ruajtjen e rendit kushtetues dhe mbrojtjen e interesave të qytetarëve të Kosovës, derisa të shqyrtohen kërkesat që kanë sjellë deri te kjo masë.

Ky vendim vjen në një periudhë të ndjeshme politike për vendin, pas zgjedhjeve të fundit parlamentare, dhe pritet të ketë ndikim të drejtpërdrejtë në procesin e konstituimit të institucioneve të reja. /Telegrafi/

The post Sot tentativa e 52-të për konstituimin e Kuvendit, ambasadorët e shteteve mike pritet të marrin pjesë appeared first on Telegrafi.

Shqipëria të premten do të jetë në ndikimin e kushteve atmosferike të qëndrueshme.

Shërbimi Meteorologjik Ushtarak njofton se moti parashikohet i kthjellët në të gjithë territorin, por pa përjashtuar kalime të pakta të vranësirave në relievet malore në verilindje.

Era me drejtim veriperëndim – verilindje me shpejtësi mesatare 7 m/s, në bregdet dhe lugina hera-herës do të arrijë 7-12 m/s

Deti – Valëzimi forcës 1-3 ballë. /Telegrafi/

The post Në Shqipëri temperaturat deri në 42 gradë Celsius appeared first on Telegrafi.

Instituti Hidrometeorologjik bën të ditur se sot në Kosovë do të mbajë mot me diell dhe vranësira të shpërndara, të cilat mund të sjellin reshje të izoluara.

IHK njofton se temperaturat minimale do të lëvizin ndërmjet 15 dhe 20 gradë Celsius, ndërkaq maksimalet do të shkojnë nga 35 deri në 39 gradë Celsius.

Era do të fryjë lehtë deri mesatare nga veriperëndimi.

Ndërkaq, për shkak të temperaturave të larta këtë javë Ministria e Shëndetësisë, në bazë të rekomandimeve të Institutit Kombëtar të Shëndetësisë Publike të Kosovës, rekomandon që institucionet publike dhe private të zbatojnë masa mbrojtëse për mbrojtjen e punëtorëve nga temperaturat e larta, për periudhën 22 – 25 korrik 2025.

Në njoftimin e MSH-së thuhet se temperaturat e larta ndikojnë negativisht në shëndetin e njeriut, veçanërisht tek grupet më të ndjeshme të shoqërisë, si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura apo në kushte pune me temperatura të larta.

“Ftohen të gjitha institucionet që t’i respektojnë këto rekomandime, me qëllim të mbrojtjes së shëndetit të punëtorëve dhe të grupeve të tjera të ndjeshme”, thuhet në njoftim.

Mbi masat mbrojtëse ndaj ekspozimeve në temperatura të larta

Ministria e Shëndetësisë rekomandon institucionet publike dhe private të marrin masa mbrojtëse të përgjithshme dhe specifike ndaj ekspozimeve në temperatura të larta, si në vijim:

Të shmanget puna në ambient të jashtëm prej orës 11:00-16:00;

Gratë shtatzëna të lirohen nga puna nga ora 11:00 deri në 16:00, nëse në vendin e punës nuk plotësohen kushtet sipas pikave 1.4, 1.5, dhe 1.6

Personat me sëmundje kronike të punojnë me orar të shkurtuar, maksimumi 4 orë në ditë;

Të përshtaten oraret e punës për të punësuarit, në mëngjes herët ose pasdite vonë, përfshirë edhe mundësinë e punës nga shtëpia;

Të sigurohet ajrosja e mjaftueshme në vendet e punës të mbyllura

Të vendosen pika freskimi (përdorimi i çadrave të lëvizshme dhe materialeve tjera për të krijuar hije apo zona freskimi) në vend punishtet e hapura për freskim të punëtorëve dhe të sigurohet qasje në ujë te ftoftë për punëtorët

Të shpërndahen informacione për mënyrat e mbrojtjes nga nxehtësia.

Ministria e Shëndetësisë rekomandon masat mbrojtëse të përgjithshme për qytetarët ndaj ekspozimeve në temperatura të larta, si në vijim:

Të shmanget qëndrimi në ambientin e jashtëm në kulmin e nxehtësisë;

Të konsumohet ujë për tu mbrojtur nga dehidrimi dhe të shmangen pijet e gazuara;

Të përdoren kapelë dhe syze mbrojtëse nga dielli kur qëndrohet jashtë;

Mos të lihen fëmijët vetëm në veturë derisa prindërit/kujdestarët kryejnë ndonjë punë;

Të kontaktohen rregullisht të afërmit e moshuar ose me sëmundje kronike për të vlerësuar nevojat shëndetësore të tyre;

Sipas nevojës të kërkohet ndihmë në shërbimet e urgjencës mjekësore, telefoni 194. /Telegrafi/

The post Mot përvëlues, temperaturat deri në 39 gradë appeared first on Telegrafi.

Dy persona kanë humbur jetën brenda një automjeti të shkrumbuar nga zjarri i fuqishëm që ka përfshirë rajonin jugor të Qipros.

Mediat e huaja raportojnë se trupat e pajetë, të karbonizuar, u gjetën në një makinë të djegur në fshatin Malia, në Limasol, ku zjarri shpërtheu të mërkurën pasdite.

Mësohet se viktimat nuk janë identifikuar ende, por automjeti i përkiste një gruaje 77-vjeçare, e cila ishte shpallur e zhdukur.

Rreth 250 zjarrfikës janë angazhuar për të vënë nën kontroll flakët, të cilat janë përhapur me shpejtësi për shkak të erërave të forta dhe temperaturave ekstreme. m.p.

“Bashkia Shijak, në bashkëpunim me Zyrën e Punës, ka hapur 160 vende të reja pune për muajin Korrik” – njofton kryebashkiaku i Shijakut Elton Arbana përmes një postimi në Facebook.

Arbana shkruan se pozicionet e lira përfshijnë agjentë shitjesh, punëtorë fabrike, shoferë, juristë, IT, kamarierë, marangozë, si dhe profesione të tjera.

Elton Arbana duke theksuar se kjo nismë synon të mbështesë familjet dhe ekonominë lokale, sqaron se këto janë pozicione pune të mirë paguara me paga që shkojnë deri në 100,000 lekë të reja në muaj. m.p.

Kryeministrja italiane Giorgia Meloni është zgjedhur nga revista amerikane TIME për të qenë në kopertinën e numrit të saj më të fundit.

Artikulli shoqërues mban titullin: “Ku po e udhëheq Giorgia Meloni Evropën?”, duke analizuar rolin në rritje të lideres italiane në skenën europiane dhe më gjerë.

Në intervistën për revistën, Meloni thekson: “Unë besoj se duhet të mbrojmë atë që jemi: qytetërimin tonë, identitetin tonë, kulturën tonë.” Ajo e përkufizon nacionalizmin e saj si një formë vetëmbrojtjeje ndaj globalizmit, për të cilin thotë se “nuk ka funksionuar.”

TIME i kushton hapësirë edhe pozicionit të saj në politikën ndërkombëtare, duke përmendur mbështetjen që Meloni i ka dhënë presidentit ukrainas Volodymyr Zelensky dhe mënyrën sesi ajo komunikoi këtë qëndrim gjatë një takimi me ish-presidentin amerikan Donald Trump.

“Trump e dëgjoi, u përgjigj, por pa krijuar hidhërim,” shkruan revista. Meloni e komentoi takimin duke thënë: “Ne të dy jemi luftëtarë.”

Artikulli ndalet edhe në detaje më personale nga jeta e kryeministres. Motra e saj, Arianna Meloni – gjithashtu koordinatore e partisë Vëllezërit e Italisë – rrëfen se babai i tyre i braktisi kur ishin fëmijë: “Kjo tregon se, thjesht, nuk ishte i interesuar për ne.”

Në pjesë të tjera të intervistës, Meloni përpiqet të sqarojë pozicionet e saj përballë kritikave të shumta që i adresohen brenda dhe jashtë Italisë: “Më kanë akuzuar për gjithçka – nga lufta në Ukrainë deri te vdekja e njerëzve në Mesdhe. Ata thjesht nuk kanë argumente. Unë nuk jam raciste, nuk jam homofobe, nuk jam asgjë nga ato që thonë për mua.” m.p.

Kryeministri Edi Rama vijon me publikimin e pamjeve nga zona të ndryshme të Tiranës, ku hapësirat publike janë çliruar nga ndërtimet pa leje në Tiranë.

Këtë radhë, Rama ka publikuar pamjet nga zona e Freskut në kryeqytet, ku heqja e strukturave metalike të lokaleve brenda hapësirave të përbashkëta të pallateve, u ka rikthyer ajrin banorëve.

Aksioni për lirimin e hapësirave publike të zaptuara nga ndërtimet pa leje vazhdon prej disa ditësh në të gjithë vendin.

Kryeministri Rama u ka bërë thirrje pronarëve të lokaleve e bizneseve që t’i çmontojnë vetë këto struktura, në të kundërt do të përballen me gjoba. m.p.

Liverpooli vazhdon të kërkojë përforcime për repartin ofensiv dhe një nga emrat që mbetet fort në radarin e “The Reds” është Alexander Isak. Sulmuesi suedez, i cili shënoi 27 gola sezonin e kaluar, është vënë në qendër të vëmendjes pas mungesës së tij në turneun parasezonal të Newcastle United në Azi.

Newcastle United mbetet i vendosur: Isak nuk është në shitje. “Magpies” e vlerësojnë sulmuesin me 165 milionë euro dhe theksojnë se kanë avantazhin, pasi lojtari ka edhe tri vite të mbetura në kontratë. Bisedimet për një rinovim të mundshëm kanë ngecur, çka e ka përkeqësuar edhe më tej situatën.

Sipas “Sky Sports”, nuk është bërë ende asnjë kërkesë zyrtare për transferim nga ana e Isakut, por raportohet se ai është i zhgënjyer që Newcastle nuk i dha mundësinë të bisedonte me Liverpool-in më herët gjatë verës.

Nënshkrimi i Alexander Isak, pas Ekitike, do të ishte një deklaratë e qartë e ambicieve të Liverpool-it në këtë merkato. Newcastle po shqyrton një mundësi për të nënshkruar me Benjamin Sesko në rast se Alexander Isak largohet. m.p.

Një debat ka shpërthyer mes aktivistes konservatore Evi Kokalari dhe aktivistes për të drejtat e komunitetit LGBTQ+, Xheni Karaj, pas protestës të zhvilluar një ditë më parë në sheshin “Skënderbej” në Tiranë, në mbështetje të Palestinës.

Evi Kokalari ka reaguar me tone të ashpra ndaj pjesëmarrjes së Karajt në protestë, duke e quajtur një “idiotllëk të financuar nga Soros dhe e majta ndërkombëtare”, ndërsa ka përfshirë në kritikat e saj edhe aktivisten e njohur suedeze Greta Thunberg.

“Fakti që Xheni Karaj dhe Greta Thunberg janë në krye të protestës tregon shumë mirë kush e financon këtë idiotllik.

Xheni Karaj ka marrë boll para nga Soros dhe organizata të majta për të shtyrë ‘të drejtat’ e homoseksualëve në Shqipëri dhe arriti deri aty që hidhte në gjyq për ‘diskriminim’ të krishterët që refuzonin që në një familje të hiqeshin emërtimet ‘nënë dhe baba’, e të zëvëndësoheshin me ‘prindi 1’ dhe ‘prindi 2’, pra Xheni Karaj është element që përdoret për degjenerimin total të shoqërisë civile nga ata të Davos

Greta Thunberg është produkt direkt i Partise së Davos dhe u përdor që kur ishte minorene.

Shto të gjithë ata që ju bashkuan këtyre sepse mendojnë se muhamedi i lindur diku nga shekulli i 7të, ka më shumë vlerë se Konstandini i madh, Justiniani, apo se mbreti Bardhyl dhe mbreti Agron dhe Gjergj Kastrioti, që ndërtuan themelet e këtij kombi.

Jam gati ti blej Xheni Karaj një biletë avioni (madje business) për të shkuar në Gaza dhe të bëhet ‘spokeperson’ për Hamasin dhe Gazën, të cilën e shkatërroi Hamasi vet, ama kur ta hedhin nga tarraca e ndonjë pallati sepse është GAY, mos të kërkoj ndihmë për t’u kthyer në atdhe.

Boll dëme po i bën shoqërisë tonë”,- shkruan Kokalari në rrjetet sociale.

Në përgjigje, Xheni Karaj e cilëson deklaratën e Kokalarit si plot urrejtje dhe paragjykim, duke theksuar se gratë si Kokalari janë rritur me “thërrimet e pushtetit patriarkal”, dhe nuk arrijnë të kapërcejnë “mediokritetin e qenies së tyre”.

“E dashur Evi,

Gratë si ti që janë mësuar të jetojnë me thërrimet që pushteti i burrave “konservatorë” dhe patriarkal ju hedh në tavolinë si lëmoshë, duke ju dhënë vetëm iluzionin se jeni të barabarta me ta nuk e tejkalojnë dot mediokritetin e qenies së tyre.

Kur bëhet fjalë për dhunimin dhe vdekjen e mijëra fëmijëve, grave e burrave të pafajshëm, ju heshtni, ose edhe më keq, lehni pas tastierës për të sharë e për të diskredituar ata që ngrihen për ti thënë jo vrasjes dhe vdekjes.

Ironia është se ti, e cila pretendon se po mbron “themelin e kombit” duke sulmuar një grua që mbron të drejtat e njeriut, në fakt po mbron vetëm privilegjet e atyre që historikisht na kanë mohuar historikisht ne grave çdo të drejtë, çdo vend, çdo zë.

Ti zgjedh të shpërfillësh faktin që unë dhe shumë të tjerë dalim në rrugë jo për t’u pasuruar nga “fondet e Davosit” apo “Soros”, por sepse besojmë se çdo jetë ka vlerë dhe se dhuna nuk justifikohet kurrë.

Kur përmend me lehtësi dhe ligësi të frikshme se do të më blesh një biletë për në Gaza, vetëm për të përmbushur fantazinë tënde perverse ku mua më hedhin nga tarraca e një pallati sepse jam lesbike, ti nuk po më ofendon mua.

Ti në fakt po zbulon më shumë skëterrën që ke brënda vetes tënde, të cilën e ke mësuar nga pushtetet e burrave që adhuron.

Mos u shqetëso për mua Evkë. Unë do të vazhdoj të jem këtu.

Do të vazhdoj të flas për të drejtat e grave, për të drejtat e fëmijëve, për të drejtat e njerëzve që shtypen nga të gjitha regjimet.

Do të vazhdoj të luftoj për një botë ku asnjë grua të mos dhunohet, heshtë e të përkulë kokën përballë urrejtjes.

E ti, e dashur Evi, nëse një ditë vendos të lësh mënjanë thërrimet dhe të ngresh kokën, ne do të jemi këtu.

Deri atëherë, vazhdo vill vrer e ushqehu me fantazi perverse sepse ne të tjerët do të vazhdojmë të bëjmë punën që duhet bërë për të krijuar një botë më të drejtë”, shkruan Karaj. m.p.

“Ra në tualet dhe vdiq”. Kjo është dëshmia e 26-vjeçares Emanilda Rama e cila mbyti me tel të atin e saj, Anesti Rama në Fier.

Ngjarja u krye nga e reja në bashkëpunim me të ëmën, e cila ndihmoi në pastrimin e trupit të viktimës dhe vendngjarjes me qëllim që të inskenonin vdekjen si aksidentale.

Policia nisi hetimet për rastin dhe zbuloi se 26-vjeçar kishte kryer krimin në bashkëpunim me nënën ndërsa të dyja përfunduan në pranga.

Krimin e bën edhe më tronditës deklarata e vajzës e cila në dëshminë e saj në polici ka pranuar vrasjen pasi sipas saj, i ati e trajtonte me shumë fanatizëm, duke mos e lejuar as të vishet në mënyrë bashkëkohore e as te argëtohet, një sjellje që i ushtronte shumë presion në përditshmërinë e saj. m.p.

3 banesa janë djegur në fshatin Kakavijë, shumë pranë edhe me doganën që lidh vendin tonë me Greqinë.

Si pasojë e situatës së krijuar, qarkullimi i mjeteve për efekt sigurie për qytetarët u ndërpre për gati 60 minuta.

Dhimitraq Toli, kryetari i Bashkisë Dropull, u shpreh se situata u vendos nën kontroll falë angazhimit të forcave të repartit zjarrfikës, por edhe mbërritjes së dy avionëve nga shteti fqinj.

Për fat të mirë, nuk raportohen dëme në njerëz, ndërsa lëvizja vijon normalisht pranë pikës kufitare. m.p.

Luis Diaz do të transferohet te Bayern brenda 8 ditëve të ardhshme. Kështu shkruan gazeta e Mynihut, TZ, e cila ka zbuluar edhe detajet e transferimit.

Liverpool ka pranuar të ulet në bisedime për të caktuar çmimin e sulmuesit, duke dhënë qartë sinjalet se do ta shesë kolumbianin. Bayern ofron 75 mln euro për Luis Diaz, por klubi anglez kërkon diçka më shumë.

Metoda sesi mund të arrihet një akord është vendosja e një klauzole rishitjeje. Nëse Bayern e shet sulmuesin në Arabinë Saudite brenda tri vitesh, Liverpool kërkon një përqindje.

Paga aktuale e kolumbianit në “Anfield” është 2,7 mln euro neto në vit. Bayern pritet ta paguajë 7 mln euro neto në vit. m.p.

Për publicistin Namir Lapardhaja, me humbjen në zgjedhjet e 11 majit, kreu i Partisë Demokratike Sali Berisha nuk duhet që të jetë më në krye të PD, sipas statusit të kësaj partie.

I ftuar ditën e sotme në emisionin ‘Studio Live’ në Report Tv me gazetarin Arbër Hitaj, ai tha se Berisha vijon që të kërkojë albi për humbjen në zgjedhje për të mos dhënë dorëheqjen.

‘Sa kohë që një parti s’ka kurojë që ta lexoj drejt rezultatin do të gjejë justifikime, e gjithë përpjekja nga 11 maji dhe deri më sot mendoj se PD i duhet që të mbajë gjallë një kauzë, atë të vjedhjes së zgjedhjeve. Berishës i duhet alibi për të justifikuar qëndrimin e tij në krye të PD. Sepse si mund ta mbajnë gjallë ata frymën opozitare, vetëm duke krijuar alibi të tilla, pasi edhe grupi i PD është rrudhur.

E shoh si një përpjekje për të mbijetuar se sa për të zgjidhur diçka. Si çdo zgjedhje edhe ato të 11 majit kanë pasur problematika, por duke marr parasysh edhe rekomandimet e OSBE-së. Berishës i duhet alibia e farsës për të mos dhënë dorëheqjen, pasi në bazë të statusit të PD Berishës i takon sot që të mos jetë drejtues i PD. Sepse statusi thotë se lideri që humbet zgjedhjet duhet që të largohet’, tha ai.

Teksa u ndal tek përplasjet mes Adratik Lapajt dhe Endrit Shabanit, ai tha se një përplasje të tillë e kishte parashikuar para zgjedhjeve të 11 majit.

‘Unë e kisha parashikuar këtë përplasje mes tyre, pas disa shenjave arrogante që kishin treguar para zgjedhjeve. Nga këta politikan të rinj pritet që të sjellin frymë të re, kurse ata hodhën në erë besimin e shumë njerëzve tek politika e re’, tha ai.

Teksa në shtator do të nis edhe sesioni i ri parlamentar, Lapardhaja, parashikoi një opozitë që do të vijojë me rrëmujë dhe një mazhorancë më emra të rinj në kabinetin qeveritar.

‘Atë që kemi parë edhe më parë një kabinet i Ramës me emra të panjohur dhe përballë tij kemi një opozitë që do të bëjë rrëmujë. Rama në çdo zgjedhje të kaluara edhe pse del fitues, ai vazhdon fushatën për zgjedhjet e ardhshme. Po në këto ditë është sjell edhe si kryebashkiak, si drejtues i IKMT dhe si drejtues i drejtorive të caktuara të pushtetit vendor dhe kjo vjen nga mënyra e konceptit që Rama ka për shtetit’, tha ai. m.p.

Universiteti i Kolumbias në Nju Jork ka rënë dakord të paguajë 221 milionë dollarë pas një mosmarrëveshje me administratën e Presidentit të SHBA-së, Donald Trump, për t’i dhënë fund hetimeve mbi akuzat për antisemitizëm.

“Universiteti i Kolumbias ka arritur një marrëveshje me qeverinë amerikane për t’i dhënë fund hetimeve federale mbi shkeljet e dyshuara të ligjeve federale kundër diskriminimit”, tha universiteti në një deklaratë.

Sipas marrëveshjes, “shumica e subvencioneve federale që u anuluan ose pezulluan në mars të vitit 2025” do t’i vihen përsëri në dispozicion universitetit, tha ajo.

Trump akuzon Universitetin e njohur të Kolumbias dhe institucione të tjera arsimore se nuk kanë ndërmarrë veprime kundër antisemitizmit gjatë protestave mbarëkombëtare në lidhje me luftën në Gaza.

Qeveria kishte shkurtuar fondet federale për Universitetin e Kolumbias me 400 milionë dollarë (rreth 369.2 milionë euro) për shkak të akuzave për antisemitizëm dhe dështimit të tij për të mbrojtur studentët hebrenj.

Më pas, universiteti ra dakord për një sërë reformash për të rikuperuar fondet, duke shkaktuar zemërim tek shumë studentë.

Vitin e kaluar, shumë universitete amerikane, përfshirë Universitetin e Kolumbias, ishin skena e protestave të dhunshme anti-Izrael në lidhje me sulmin e Hamasit ndaj Izraelit më 7 tetor 2023 dhe Luftën pasuese në Gaza.

Columbia tha se gjithashtu ra dakord të zgjidhte hetimet e ngritura nga Komisioni i SHBA-së për Mundësi të Barabarta në Punësim për 21 milionë dollarë dhe se marrëveshja e saj me administratën Trump ruajti “autonominë dhe autoritetin e saj mbi punësimin e fakultetit, pranimet dhe vendimmarrjen akademike”.

Pasi qeveria anuloi fondet, shkolla pranoi më vonë në mars një sërë kërkesash që përfshinin shqyrtimin e departamenteve që ofronin kurse mbi Lindjen e Mesme dhe lëshime të tjera që u dënuan gjerësisht nga akademikët amerikanë. m.p.

Në një koment të ashpër, revista gjermane DER SPIEGEL ngre alarmin për shndërrimin e luftës së Izraelit në Gaza në një katastrofë politike, morale dhe ligjore me pasoja ndërkombëtare – dhe fajëson drejtpërdrejt qeverinë gjermane për bashkëpërgjegjësi të heshtur.

Sipas revistës DER SPIEGEL, krimet e luftës të ushtrisë izraelite në Gaza nuk mund të mohohen më. Vdekja e mbi 58’000 palestinezëve, përfshirë 17’000 fëmijë, shkatërrimi sistematik i infrastrukturës civile dhe, mbi të gjitha, uria masive e imponuar mbi një popullsi të bllokuar, janë dokumentuar botërisht.

Pamjet e fëmijëve të uritur deri në kockë, dëshmitë e mjekëve dhe deklaratat publike të zyrtarëve izraelitë për një strategji të zhvendosjes masive të popullsisë, nuk lënë më vend për dyshim: Izraeli po ndjek një politikë ndëshkimi kolektiv, jashtë çdo kuadri të ligjit ndërkombëtar humanitar.

Qeveria e Benjamin Netanjahut, sipas DER SPIEGEL, ka ngritur një regjim urie në Gaza që ka për qëllim të godasë jo më vetëm Hamasin, por vetë ekzistencën e palestinezëve në këtë territor. Deri edhe peshkimi u është ndaluar banorëve të Gazës. Furnizimi me ndihma është rrënuar, ndërsa çdo përpjekje për të siguruar ushqim shoqërohet me rrezik jete për civilët. Dhe të gjitha këto ndodhin përpara syve të botës – me heshtjen ose aprovimin pasiv të aleatëve perëndimorë.

Në këtë situatë, shtetet si Franca, Britania, Zvicra dhe mbi 30 qeveri të tjera perëndimore kanë bërë thirrje për ndalimin e menjëhershëm të luftës. Por Gjermania – jo. Në vend të kësaj, zyrtarët e saj shprehen hapur: “Ne jemi në krah të Izraelit”. Për revistën DER SPIEGEL, kjo është një tradhti ndaj vetë mësimeve të nxjerra nga historia gjermane. Të përkrahësh një qeveri që kryen krime lufte, në emër të mbështetjes historike për Izraelin, do të thotë të keqinterpretohet dhe të bëhet perverse ajo përgjegjësi që buron nga Holokausti: mbrojtja e jetës njerëzore, të drejtave të njeriut dhe ligjit ndërkombëtar.
Komenti thekson se lufta e Izraelit në Gaza, ndonëse nisi si përgjigje ndaj sulmeve terroriste të 7 tetorit, ka humbur çdo kufi të vetëmbrojtjes së ligjshme. Hamas ende nuk është shkatërruar, pengjet izraelite ende nuk janë liruar, dhe nuk ekziston asnjë plan serioz për të ardhmen politike të Gazës. Ajo që ka mbetur është vdekja, kaosi dhe hapësira për ëndrrat e kolonëve ekstremistë izraelitë, që kërkojnë Gazën pa palestinezë.

Ndërkohë, në Izrael shtohet presioni i brendshëm për armëpushim, por Netanjahu vazhdon luftën për të ruajtur koalicionin e tij të djathtë dhe pushtetin personal. Në botën perëndimore, lodhja dhe apatia ndaj konfliktit janë bërë normë, por në pjesë të tjera të globit, bëhet gjithnjë e më e qartë: bashkësia ndërkombëtare po dështon.

Juristë të njohur ndërkombëtarë tashmë po shqyrtojnë nëse në Gaza po kryhet gjenocid. Megjithëse kjo akuzë është juridikisht komplekse dhe politikisht e nxehtë, nuk ka më dyshim – nënvizon DER SPIEGEL – se Izraeli po kryen krime lufte: nga uria në masë, te ndëshkimi kolektiv dhe shkatërrimi sistematik i objekteve civile. Skandaloze është se reagimi vendimtar i shteteve perëndimore ka munguar – kjo është dështimi i vërtetë.

Gjermania, për shkak të lidhjes së saj të veçantë me Izraelin, ka instrumente dhe ndikim që mund ta përdorë. Dhe duhet t’i përdorë. DER SPIEGEL kërkon ndërprerjen e eksporteve të armëve drejt Izraelit, pezullimin e përfitimeve tregtare dhe ndaljen e bashkëpunimit politik brenda BE-së, për aq kohë sa lufta vazhdon. Po ashtu, i kërkohet Gjermanisë që të mbështesë Gjykatën Penale Ndërkombëtare, edhe nëse kjo gjykatë ngre aktakuzë ndaj zyrtarëve izraelitë.

Nuk mjafton më që kancelari Friedrich Merz të shprehë “mosaprovimin” e tij të vakët ndaj veprimeve të Izraelit. Ai duhet të dalë hapur dhe të kërkojë ndaljen e menjëhershme të luftës. Të gjitha aktet e shkatërrimit, urisë dhe çnjerëzimit duhet të marrin fund. Netanjahu duhet të ndalet. Dhe bota duhet të ndërtojë një plan për rindërtimin e Gazës dhe për një zgjidhje politike afatgjatë.

DER SPIEGEL përmbyll komentin me një thirrje të qartë: Pas tmerrit të 7 tetorit dhe katastrofës në Gaza, duhet domosdoshmërisht të vijë një përpjekje serioze për paqen dhe krijimin e dy shteteve – një për palestinezët dhe një për izraelitët. Kjo është një detyrë e madhe, por Gjermania nuk mund dhe nuk duhet të qëndrojë më pasive. Tani është koha që të veprojë. m.p.

Debatet dhe akuzat kanë shoqëruar mbledhjen e radhës së këshillit bashkiak te Tiranës. Keshilltarët e opozitës kanë përsëritur kërkesën për shkarkimin e Erion Veliajt nga detyra e kryebashkiakut, pas marrjes së tij të pandehur të mërkurën.

Anuela Ristani, e cila vijonte jetë kryetarja në detyrë e bashkisë së Tiranës nuk bëri asnjë koment ndaj kërkesës së opozitës për shkarkimin e Erion Veliajt. Por përgjigjia erdhi e prerë nga grupi i këshilltarëve socialistë.

Demokratët akuzuan kryeministrin Rama për shkelje të kushtetutës, të autonomisë vendore dhe pushtim të bashkisë së Tiranës.

Edhe në këtë rast Anuela Ristani nuk bëri asnjë koment, ndërsa ndërhyrja bëhej vetëm nga Megi Fino, kryetarja e Këshillit Bashkiak.

Rendi i ditës kishte 18 pika, një prej tyre dhe më e diskutuara ishte kalimi i godinës “Pallatit të Kongreseve” në administrim të Ministrisë së Kulturës. Debatet vijuan edhe për aksionin e lirimit të hapësirave publike, ku demokratët kërkuan sqarime se si do të veprohet me objektet e prishura, por që kanë leje nga bashkia e Tiranës.

Pas tri orë debatesh dhe diskutime, Këshilli Bashkiak me kartonat e shumicës kaloi pikat e rendit të ditës, ndërsa disa prej tyre u shtynë pas kërkesës së opozitës. Ndërkaq burime nga Bashkia bëjnë të ditur se vijojnë të jenë në detyrë edhe nënkryetarët, të cilëve Rama pak ditë më parë u kërkoi largimin. m.p.

Një vatër zjarri e përmasave të mëdha përfshiu këtë të mërkurë fshatin Kakavijë në bashkinë Dropull, duke shkaktuar panik dhe dëme materiale. Flakët shpërthyen fillimisht pranë kishës së fshatit dhe u përhapën me shpejtësi në një sipërfaqe të gjerë, duke e kthyer situatën në problematike.

Në vendngjarje ndërhynë menjëherë forcat zjarrfikëse dhe efektivë të policisë kufitare të Kakavijës. Për shkak të terrenit të vështirë dhe përmasave të zjarrit, në operacion u përfshinë edhe helikopterë të ardhur nga Greqia.

Flakët arritën të përfshijnë edhe një banesë e cila, sipas burimeve nga vendi i ngjarjes, rezulton të jetë e braktisur prej vitesh pasi pronarët janë emigrantë.

Pas orësh përpjekjesh, zjarri është vendosur nën kontroll dhe forcat e emergjencës vijojnë punën në terren për izolimin dhe shuarjen e plotë të tij. m.p.

Familja Rama në Frashër të Patosit ka hapur dyert e mortit ndërsa të afërm pas vrasjes së Anesti Rama, që u mbyt me tel nga vajza e tij.

Vëllai i të ndjerit, Ferdinant Rama, ka thënë për gazetarët se kishte më shumë se 2 vite që nuk fliste me vëllain, pasi sipas tij, bashkëshortja e të ndjerit, Valbona Rama, nuk e lejonte.

Ai thotë se vëllai i tij kishte shumë konflikte me bashkëshorten.

“E kemi ditur dhe më përpara, nuk shkonin, ajo thoshte nuk e dua burrin. Thoshte merreni dhe mbajeni ju, merrni pensionin e bëni çfarë të doni, unë nuk e dua. Çifti ka dy fëmijë, dy vajza. Unë e mësova nga kunata, lajmëroi gruan time e mori në telefon edhe tha që ka vdekur Anesti. Kam rreth 2 vjet e gjysmë që nuk flisja me vëllanë, se nuk na linte ajo të llafoseshim. E dija që nuk shkonin mirë. Pyesja vëllain tjetër, i them si është Anesti”, tregoi ai.

56-vjeçari Anesti Rama u vra me mbytje nga vajza e tij Ermalinda Rama 26 vjeç. Krimi ndodhi mbrëmjen e së mërkurës para mesnate dhe u tentua të fshihej si aksidentale, por ngjarja u zbulua sot. Vajza u arrestua, ndërsa e shoqëruar mbahet edhe nëna e saj pasi dyshohet si bashkëpunëtore. m.p.