Ditën e sotme, Gjykata e Korçës, ka caktuar masat e sigurisë për katër të arrestuarit, që akuzohen për përfshirje në plagosjen e 27-vjeçarit, në fshatin Dvoran të Korçës.

Burime bëjnë me dije se Gjykata vendosur masën “detyrim paraqitje” për tre prej të arrestuarve: Isuf Dalip, Dhimitër Kodra dhe Bilal Shkëmbi.

Ndërsa për Thanas Paskalin, është vendosur që të hetohet në gjendje të lirë.

Sipas ekspertizës mjeko-ligjore, Aleks Qiqi, i cili mbeti i plagosur ka pësuar dëmtime të lehta nga të katërt personat e arrestuar.

Ngjarja ndodhi pas një konflikti, kur Qiqi goditi me thikë 27-vjeçarin Ari Kodra. Në reagim ndaj këtij akti, katër të arrestuarit e kanë goditur Qiqin, duke i shkaktuar plagë të lehta.

Sa i përket autorit të plagosjes me thikë, Ari Kodra, masa e sigurisë ndaj tij pritet të zhvillohet në ambientet e spitalit rajonal të Korçës, pasi ai vijon të jetë nën kujdes mjekësor për shkak të plagëve të marra gjatë ngjarjes.

Hetimet për këtë rast vijojnë ndërkohë që autoritetet po zbardhin plotësisht rrethanat e ngjarjes.

The post Plagosja e 27-vjeçarit në Korçë! Gjykata cakton masat e sigurisë për katër të arrestuarit appeared first on Albeu.com.

Veshja e presidentit ukrainas, Volodymyr Zelensky, ka qenë çështje diskutimi në takimin e mëparshëm kokë më kokë mes tij dhe Trump, i cili përfundoi në një fiasko diplomatike.

Shtëpia e Bardhë, iu drejtua zyrtarëve ukrainas për të mësuar nëse presidenti Volodymyr Zelensky, do të shfaqet me kostum gjatë takimit të tij me presidentin Donald Trump në Zyrën Ovale sot.

Sipas mediave te huaja, kjo cështje ka rëndësi, pasi në takimin e mëparshëm mes dy liderëve, në muajin mars, paraqitja e Zelenskyt ishte komentuar gjerësisht.

Trump kishte ironizuar zgjedhjen e presidentit ukrainas për të veshur uniformë me stil ushtarak, duke thënë gjatë pritjes në Shtëpinë e Bardhë se “sot është veshur shumë zyrtarisht”.

Zyrtarë amerikanë në atë kohë vlerësuan se çështja e veshjes kontribuoi, qoftë edhe pjesërisht, në klimën negative që mbizotëroi në takim.

Për vizitën e re, të njëjtat burime theksuan se Zelensky do të paraqitet me të njëjtin xhaketë të zezë që kishte veshur edhe në samitin e NATO-s në Holandë në qershor.

Me xhaketë të zezë, ai u shfaq gjithashtu edhe në takimin e djeshëm me Ursula von der Leyen në Bruksel.

Një këshilltar i Trump komentoi për Axios me shaka se; “do të ishte një shenjë e mirë për paqen” nëse Zelensky do të shfaqej me kostum, por shtoi se “nuk e presim”.

Një tjetër bashkëpunëtor i presidentit vuri në dukje se; “do të ishte ideale nëse do të mbante kravatë, por as këtë nuk e presim”, duke theksuar se nënpresidenti J.D. Vance ishte ndjerë më i bezdisur nga paraqitja dhe qëndrimi i Zelenskyt herën e kaluar sesa vetë Trump.

Sipas të njëjtave informacione, presidenti ukrainas nuk do të mbajë kravatë të hënën.

Megjithatë, këshilltarët e Trump theksuan se pakënaqësia e liderit amerikan herën e kaluar nuk kufizohej vetëm te veshja, por pasqyronte një shqetësim më të gjerë

The post Veshja e presidentit ukrainas çështje diskutimi para takimit me Trump, cila do të jetë zgjedhja e Zelensky-t appeared first on Albeu.com.

Kamioni i përmbysur në rrugë dhe një automjet tërësisht i shkatërruar. Kjo është panorama e tmerrshme e aksidentit të ndodhur pak më parë në Shkodër, ku një person humbi jetën dhe tre të tjerë mbetën të plagosur.

Bëhet fjalë për shtetasit Mateo Luli, Laura luli, Hilmi Shkrelaj, të cilët mësohet se janë jashtë rrezikut për jetën dhe po marrin ndihmë mjekësore në spitalin e Shkodrës.
Ndërkohë personi i cili ka humbur jetën është identifikuar si Altin Lulo, i cili ndodhet i bllokuar brenda automjetit.

Përmbysja e kamionit në rrugë ka bllokuar edhe trafikun, ku prej një ore aksi Shkodër-Lezhë është i bllokuar për qarkullimin e mjeteve.

The post Dalin pamjet nga aksidenti i rëndë në Shkodër (VIDEO) appeared first on Albeu.com.

Miklovan Danaj, është zhdukur në Spanjë pa asnjë gjurmë prej datës 11 Maj. I zhdukur është babai i një fëmije të mitur dhe sipas gazetares Klodiana Lala, personi i fundit që e ka takuar është bashkëshortja e tij.

Danaj është babai i një fëmije të mitur dhe nuk ka asnjë të dhënë rreth fatit të tij që prej datës 11 maj.

Gruaja e të zhdukurit ka bërë denoncim në Spanjë. Denoncim është bërë edhe në Shkodër

Pas zhdukjes së tij, një person ka shkuar tek familja dhe ka thënë që; “Miklovani është vrarë, mos e kërkoni”.

Miklovan Danaj, ka qenë i ndaluar në burg në Itali për 3 muaj. Familjarët kanë dyshime se ai është vrarë dhe kërkojnë zbardhjen e ngjarjes./B.W

The post U vra, mos e kërkoni/ Zhduket pa gjurmë në Spanjë Miklovan Danaj, mesazhi që mori familja… appeared first on Albeu.com.

Numri i diplomave të doktoraturave po tkurret me shpejtësi këto vitet e fundit, por me 2024 u dhanë vetëm 31 të tilla, ose 73 për qind më pak se me 2023 dhe shumë më pak se me vitin 2017 ku u shpërndanë 890 doktoratura.

Ekspertet e Arsimit i lidhin arsyet e rënies me reduktim drastik të pranimeve në programet e doktoraturës dhe me emigrimin e lartë te të rinjve akademik. Shqipëria po përballet me një hemorragji të humbjes së talenteve drejt vendeve të tjera që ofrojnë kushte më të mira për doktorantë dhe kërkues. Anketat e mëparshme kanë treguar se Shqipëria ka nivelet më të larta të emigrimit të trurit në rang global në dekadën e fundit.

Në Shqipëri, programet doktorale kanë pësuar tranzicion gjatë viteve të fundit. Në vitin 2014, qeveria shqiptare vendosi të mbyllë të gjitha programet e ciklit të tretë të studimeve (doktoraturat) në universitetet publike dhe private, për shkak të shqetësimeve mbi cilësinë dhe shkeljet procedurale. Kjo ndërprerje zgjati për rreth pesë vjet, duke shkaktuar pasoja negative për kërkimin shkencor dhe zhvillimin akademik në vend.

Pas kësaj periudhe, disa universitete kanë rifilluar programet doktorale me kritere më të rrepta. Universiteti Europian i Tiranës (UET) rinisi programin e doktoraturave në vitin 2022, ndërsa Universiteti Bujqësor i Tiranës ka hapur thirrje për aplikime në disa fusha për vitin akademik 2024-2025.

Sakaq, ministria e Arsimit dhe Sportit ka planifikuar të fillojë programe të reja për mbështetjen dhe financimin e doktoraturave në fillim të vitit 2025.

Këto zhvillime ndikojnë negativisht kërkimin shkencor në vend, pikërisht në kohën kur shkenca dhe inovacioni janë vënë në qendër të konkurrencës globale. Shqipëria rrezikon të mbetet në periferi të zhvillimit teknologjik dhe shkencor, pa kapacitete të brendshme për të zhvilluar projekte të rëndësishme.

Nga ana tjetër trupa akademike e universiteteve po plaket, ndërkohë që ka mungesa të brezit të ri me titull doktor. Kjo do të ndikojë në cilësinë e arsimit të lartë dhe në aftësinë për të konkurruar në nivel rajonal dhe europian.

Doktorantët janë të nevojshëm jo vetëm në universitete, por edhe në institucione publike, agjenci zhvillimi, dhe sektorin privat për të analizuar, projektuar dhe zbatuar politika me bazë të dhënash.

BE kërkon nga vendet aspirante si Shqipëria zhvillim të qëndrueshëm të kërkimit shkencor, si pjesë e kapitujve të negociatave në kapitujt 25 dhe 26. Pa doktorantë dhe pa zhvillim shkencor të qëndrueshëm, Shqipëria do ta ketë më të vështirë të përmbushë këto standarde.

Rënia e doktoraturave është një sinjal alarmi për një boshllëk strukturor që po krijohet në sistemin akademik, shkencor dhe zhvillimor të vendit./ Monitor.al

The post Shqipëria rrezikon të mbetet pa titullin “doktor”, numri i diplomave të doktoraturave ra me 73% në 2024 appeared first on Albeu.com.

Ishte një e diel makthi për Nejmarin dhe Santosin. Përpara një turme vendase në Vila Belmiro, skuadra e Sao Paulos pësoi një humbje të thellë 0-6 kundër Vasko da Gamës në ligë.

Ky rezultat shënoi humbjen më të keqe në karrierën e yllit brazilian, pasi nuk ishte mposhtur kurrë me një diferencë të tillë (ai u lëndua në humbjen e famshme 7-1 të Brazilit në gjysmëfinale kundër Gjermanisë në Kupën e Botës 2014).

Ylli i mbrëmjes ishte Filipe Kutinjo, i cili shënoi dy gola që e bënë humbjen e Santos edhe më të dhimbshme.

Nejmar, i paaftë të reagonte, u rrëzua në tokë në fishkëllimën e fundit dhe qau për një kohë të gjatë, i pangushëllueshëm pavarësisht përpjekjeve të shokëve të ekipit dhe madje edhe të trajnerit kundërshtar Fernando Diniz për ta inkurajuar.

When football wants to finish you, it does so brutally… Neymar left the pitch in tears after a 6-0 defeat to Vasco da Gama, marking the biggest loss of his career. 💔 pic.twitter.com/LcwMz0M12y

— 11.19s (@Seny_jr) August 17, 2025

“Ishte një turp. Nuk kam përjetuar kurrë diçka të tillë në jetën time. Tifozët kanë të drejtë të na fyejnë”, pranoi numri 10 dukshëm i tronditur.

Humbja shkatërruese pati pasoja të menjëhershme. Kleber Havier, në krye të ekipit që nga prilli, u shkarkua nga detyra e tij menjëherë.

Drejtuesit e Santos, të protestuar tashmë nga tifozët, zgjodhën t’i jepnin fund një periudhe që kishte zgjatur vetëm katër muaj, duke e konsideruar poshtërimin kundër Vaskos një pikë pa kthim.

Ndërkohë, skuadra po rrëshqet drejt zonës së rënies nga kategoria, në vendin e 15-të. Për Nejmarin, 33 vjeç, i cili u rikthye në Brazil mes pritshmërive të mëdha, por është penguar nga lëndimet, ky është një nga momentet më të vështira të karrierës së tij. Tani skuadra mund të mbështetet te Horge Sampaoli.

The post Natë makthi për Nejmarin/ Braziliani pëson humbjen më të thellë në karrierë dhe shpërthen në lot… (VIDEO) appeared first on Albeu.com.

Ministria e Arsimit dhe Sportit, ka miratuar kalendarin zyrtar për vitin e ri shkollor 2025–2026. Sipas njoftimit, institucionet arsimore në të gjithë vendin përfshirë arsimin bazë dhe atë të mesëm të lartë, do të nisin procesin mësimor më 8 shtator 2025.

Mbyllja e vitit shkollor për nxënësit, përveç maturantëve, do të bëhet më 12 qershor 2026.

Për maturantët shkolla përfundon më 29 maj, ndërsa provimet e tyre janë planifikuar të zhvillohen nga data 1 deri më 26 qershor.

Ndërkohë, nxënësit e klasave të nënta do t’i nënshtrohen provimeve kombëtare në periudhën 15–26 qershor 2026.

Procesi i regjistrimit për klasën e parë dhe klasën e dhjetë, do të realizohet përmes portalit e-Albania dhe do të qëndrojë i hapur deri më 31 gusht 2025.

Pushimet dimërore janë caktuar nga 22 dhjetor 2025 deri më 2 janar 2026, ndërsa ato pranverore do të zhvillohen nga data 30 mars deri më 3 prill 2026.

The post Viti i ri shkollor 2025-2026/ Mësimi nis më 8 shtator, datat e periudhave të pushimeve dhe provimeve të klasave të 9-ta e maturës appeared first on Albeu.com.

Tender 9.1 milionë euro i dekoderave të RTSH, duket të jetë simboli gjatë këtij viti se si politika dhe biznesi përplasen dhe merren vesh kur duhet në dëm të interesave të qytetarëve.

Prej disa muajsh vijon një përplasje mes RTSH, Komisionit të Prokurimit Publik dhe kompanisë R&T e biznesmenit Renis Tërshana për tenderin në fjalë.

Ai duket se ishte qepur që në fillim si një kostum për Tërshanën, por pas ardhjes së administratës së re në krye të RTSH, gjërat ndryshuan. Tenderi u anulua dhe u rishpall dhe Renis Tërshana e çoi çështjen në KPP.

Pas shqyrtimit të këtij të fundit, u urdhërua shpallja fituese e kompanisë së Tërshanës.

Ndërkohë që pritej të zbatohej vendimi, Skyweb.al mëson se RTSH ka anuluar sot tenderin me argumentet që Tërshana nuk ka vërtetuar që nuk ka qenë dënuar gjatë periudhës që kërkuar nga kontraktuesi is edhe nuk ka vërtetuar që ka paguar taksat në bashkitë ku operon.

Intriga dhe përplasje në KPP

Në tenderin me objekt “Blerje shërbimi i mirëmbajtjes për Rrjetin e Shpërndarjes DVB-T2 për 48 muaj”, me fond limit rreth 907 milion lekë pa TVSH (9.1 milion euro), u shpall fitues paraprakisht biznesmeni Renis Tërshana në korrik, pas një gare të gjatë të shoqëruar me ankesa dhe debate.

Por sot, RTSH ka deklaruar se operatori “R&T”, nuk dorëzoi brenda afatit vërtetimin që provon se nuk është subjekt i dënuar penal, certifikatën për pagesën e detyrimeve tatimore vendore, si dhe ekstraktin e pronarit përfitues, të cilat konsiderohen dokumente detyruese për kualifikim sipas ligjit për prokurimet publike.

Në këto kushte, RTSH e konsideroi ofertën “të pavlefshme” dhe anuloi procedurën me arsyetimin se “nuk është paraqitur asnjë ofertë e përshtatshme”.

Ky vendim kundërshton urdhrin e KPP-së, që pak javë më parë konstatoi se skualifikimi i “R&T” ishte bërë në kundërshtim me ligjin dhe urdhëroi autoritetin kontraktor të rikthente Renis Tërshanën si fitues të tenderit.

Procedura është shoqëruar gjatë gjithë kohës me intriga dhe përplasje në KPP, duke ngritur dyshime se tenderi ishte “qepur” që në nisje pikërisht për kompaninë “R&T”, në kohën kur RTSH drejtohej nga Aurora Polo.

Mirëpo ndërhyrja e re në drejtimin e institucionit duket se ka ndryshuar kursin, duke mos lejuar dhënien automatike të kësaj kontrate të majme.

Ofertuesi tjetër në këtë tenderi është kompania Idea-Tel, pas së cilës qendron z.Idlir Karkini, i shpallur në kërkim nga prokuroria pas një skandali tokash në 2018.

Mbetet të shihet nëse RTSH e ka anuluar përfundimisht tenderin apo do ta rishpallë. /skyweb.al

The post THRILLERI/ Renis Tërshana s’e gëzon tenderin 9.1 mln euro të dekoderave, marrë me urdhër të KPP, RTSH e anulon: S’na vërtetoi që nuk ka qenë i dënuar appeared first on Albeu.com.

Në harkun kohor nga ora 09:00 e datës 17 gusht deri në orën 09:15 të datës 18 gusht 2025, janë evidentuar gjithsej 23 vatra zjarri në territorin e vendit.

Nga këto:

16 vatra janë shuar

4 vatra janë ende aktive

3 vatra janë në monitorim

Vatra të shuara plotësisht:

Janë izoluar dhe shuar zjarret në Gramsh (Teqeja e Dushkut, Mali i Kushovës), Vlorë (në afërsi të hangarëve të avionëve), Skrapar (Osnat), Përmet, Durrës (Gjuricaj dhe Shënavlash), Krujë (Virjon dhe afër Fabrikës së Çimentos), Memaliaj, Shkodër (Prekal dhe Mali Kolaj), Patos, Delvinë, Elbasan (Shushicë).

Vatra aktive dhe në monitorim:

o Bashkia Bulqizë, fshati Tërnovë: dy vatra zjarri me zhvillime në zonën e Liqenit të Zi dhe në Valikardhë, ku vijon ndërhyrja nga forcat zjarrfikëse, pyjore dhe bashkiake.

o Bashkia Bulqizë, fshati Val: vatra me zhvillime të pakta, aktualisht në monitorim nga njësia administrative dhe banorët.

o Bashkia Fushë Arrëz, fshatrat Xeth, Kolumri dhe Trun: disa vatra jashtë kontrollit, me terren të thyer e të vështirë. Në terren janë angazhuar strukturat vendore dhe 50 forca të Forcave të Armatosura me një mjet zjarrfikës.

o Fshatrat Damjan-Fortuzaj (Vaqarr) dhe Pezë Helmës: zjarret janë minimizuar, por mbahen nën mbikëqyrje.

o Fshati Ibë, njësia Bërzhitë: vatër në terren të vështirë, pa rrezik për banesa, nën vëzhgim të MZSH dhe APR.

o Bashkia Kolonjë, Parku Natyror i Gërmenjit: zjarri vijon të përhapet drejt kufirit, me angazhim të forcave zjarrfikëse, pyjore, të AdZM, bashkisë dhe 30 ushtarëve të repartit ushtarak të Drenovës. (Aktiv)

o Bashkia Delvinë, Parku i Rëzomës, pranë tunelit të Skërficës: një vatër nën mbikëqyrje të strukturave vendore të mbrojtjes civile.

Agjencia Kombëtare e Mbrojtjes Civile, në bashkëpunim me Forcat e Armatosura, shërbimet zjarrfikëse, strukturat vendore dhe banorët e zonave të prekura, po vijon punën për neutralizimin e plotë të vatrave të mbetura dhe për mbrojtjen e komuniteteve.

The post Situata e zjarreve në vend/ Ministria e Mbrojtjes: Në 24 orë janë evidentuar 23 vatra zjarri, 4 ende aktive appeared first on Albeu.com.

Ditën e sotme, pas daljes nga SPAK, kreu i PD, Sali Berisha, dha një deklaratë për mediat, ku akuzoi institucionin për bashkëpunim të nivelit të lartë me krimin e organizuar.

Sipas tij, 250 urdhër-arreste nuk janë ekzekutuar dhe krerët e karteleve janë informuar paraprakisht. Berisha theksoi se asnjë prej drejtuesve të karteleve të drogës nuk ndodhet në burg.$

Berisha: Sot unë lashë këtë shënim: Altin Troplini, se çfarë gjeta unë aty, aty ishte Elvis Doçi. Elvis Doçi, po i varte në qafë një pllakatë Altin Troplinit, në të cilën e shpallte president i nderit i kartelit Troplini për shkallën më të lartë të bashkëpunimit dhe mbështetjes që ai i dha këtij karteli.
Por shqiptarët duhet ta dinë se ky institucion, në të cilin pa diskutim ka njerëz të ndershëm, ka burra, gra, vajza dhe djem të ndershëm, por ka kriminelë më të poshtër, më të rrezikshëm se Troplinët, se Çelët dhe se shumë të tjerë.

Nga bilanci i një gazetari kurajoz, investigativ, del se bashkëpunëtorët e krimit në këtë institucion, si dëshmi e këtij bashkëpunimi, 250 urdhër arreste ndërkombëtare dhe kombëtare nuk janë ekzekutuar sepse si në rastin e Elvis Doçit, janë mbajtur, janë informuar krerët e karteleve dhe de facto asnjë prej tyre nuk është në burg në Shqipëri.

Është një bashkëpunim i shkallës më të lartë me krimin. Në qoftë se prokuroria e krimeve të rënda kishte një ekzekutim të mandateve të arrestit sipas statistikës së saktë, që shkonte në 85-90 përqind, Altin Troplini dhe pasardhësi i tij, ish-xhelati i policisë sekrete të Enver Hoxhës, kanë një ekzekutim që për bosët nuk shkon as në 10 përqind.

Dhe unë u bëj thirrje gazetarëve, që unë kam respekt për ta, që merren me informacionet e këtij institucioni, të mos bien viktimë e mashtrimeve dhe trillimeve të tyre. Informuan se janë kapur 17 tonelata drogë.

Tani dëgjoni, dy javët e fundit, lajmet ndërkombëtare të vërtetuara janë se në duart e karteleve shqiptare të Çelajt dhe Ndreut apo atij Hoxhosmanit, kanë qarkulluar 34 tonë kokainë, e barabartë me 6.5 miliardë euro.

Asnjë gram nuk është kapur në Shqipëri dhe dezinformojnë, mashtrojnë se u kapën 17 tonelata.
Pra, pse e theksova këtë moment, e theksova se në qoftë se Altin Troplinin e dekoroi sot, aty po e dekoronte Elvis Doçi, e shpalli president nderi të kartelit Troplini pikërisht për këtë bashjëpunim kriminal të ngushtë që është vendosur mes personave të ngushtë këtu.

Nuk përjashtohet, një pjesë është edhe policia pa diskutim, por rastet janë flagrante, që akuzohen vetë këta prokurorë dhe kjo përbën një problem madhor për rendin dhe sigurinë, pasi unë u them ju që sot padrinot janë të lirë, janë në Xhafzotaj, jetojnë në një territor ku nuk futet policia dhe askush dhe vazhdojnë të qetë njësoj si Suel Çela, i cili në një kohë kur bënte terror në Elbasan për zgjedhjet, Altin Troplini dizinformonte të huajt se ai është në Dubai apo në dhera të tjera.

The post Berisha flet pas daljes nga SPAK: 250 urdhër-arreste nuk janë ekzektuar, krerët e karteleve u arratisën pasi u informuan appeared first on Albeu.com.

Dosja hetimore e “çiftit të parë të Tiranës”, Erion Veliaj dhe Ajola Xoxa, për një rastësi interesante, ka brenda saj dy personazhe të tjerë, me të njëjtin emër-Gentian Sula.

Njëri prej tyre, biznesmeni i ndërtimit, i njohur edhe për ngritjen e kompleksit rezidencial “Kodra e Diellit” në Tiranë, është marrë i pandehur në kuadër të hetimeve që zhvilloi Prokuroria e Posaçme për veprat penale të “korrupsionit” e “pastrimit të parave”.

Ndërsa Gentian Sula tjetër, Drejtor Ekzekutiv dhe aksioner i shoqërisë së sigurimeve “Intersig-Viela Insurance Group” dhe i disa shoqërive të tjera, megjithëse thuajse në të njëjtat situata me adashin e tij të ndërtimit, është “mirëkuptuar” nga Prokuroria e Posaçme dhe duket se nuk do të jetë në listën e të pandehurve në çështjen “Veliaj-Xoxa”.

Të dhënat e siguruara nga Prokuroria e Posaçme tregojnë se Gent Sula i “Intersig” i ka dhënë Ajola Xoxas, bashkëshortes së kryebashkiakut të arrestuar të Tiranës, Ajola Xoxa, një vilë pa qira dhe pa kontratë në qendër të zonës më të shtrenjtë të ish-Bllokut, në kryeqytet, për ushtrimin e aktivitetit të organizatës kulturore e artistike, “Nan Gallery”. Ky raport “pa qira” ndërmjet Gent Sulës dhe Ajola Xoxas është konsideruar “fiktiv” nga Prokuroria e Posaçme.

Në foto: Biznesmeni Gentian Sula, pronar i “Noa Holding” dhe CEO e aksioner i “Intersig”

Gjithashtu, Prokuroria e Posaçme zbuloi një tjetër marrëdhënie fiktive financiare mes këtyre dy personazheve, ku Gentian Sula i “Intersig” tentoi të mbulonte një shumë prej 110 mijë euro, të cilat iu gjetën Ajola Xoxas në gjendje cash në kasafortën e zyrës së saj ligjore, “Partner’s Law”.

Gentian Sula, fillimisht deklaroi para prokurorëve të posaçëm se, shuma që u gjet në zyrën e Ajolës ishte një kapar që ai kishte lënë për blerjen e një apartamenti në pronësi të familjes Xoxa. Por, disa muaj më vonë, Sula i “Intersig” u detyrua të pranojë në Prokurorinë e Posaçme se, as nuk kishte ndërmend ta blinte atë apartament, as edhe nuk i kishte dhënë shuma monetare bashkëshortes së Erion Veliajt.

Sipërmarrësi i Sigurimeve, Sula, kërkoi “mirëkuptimin” e prokurorëve të SPAK-ut për deklarimet e tij të mëparshme të rreme, pasi, siç deklaroi vetë, “isha i turbullt në atë kohë dhe nuk e kuptova mirë situatën”.

Të dhënat e renditura në dosjen hetimore, krijojnë një panoramë, në të cilën Gent Sula i “Intersig-ut” ka qenë në dispozicion të kërkesave të Ajola Xoxas, nën argumentin se ata “e njihnin njëri-tjetrin dhe kishin shoqëri që niste, të paktën, prej vitit 2010”.

Tenderi 530 mijë euro pa garë

Megjithatë, informacionet zyrtare tregojnë se Gentian Sula ka pasur edhe raporte të tjera financiare me Bashkinë e Tiranës, të drejtuar nga Erion Veliaj.

“Boldnews.al” ka siguruar një njoftim të publikuar në Agjencinë e Prokurimit Publik, ku një prej kompanive në pronësi të Gentian Sulës së ‘Intersig-ut” ka fituar në vitin 2022, një tender me vlerë 530 mijë euro në Bashkinë e Tiranës. Dokumentat tregojnë se ky tender ka qenë pa garë, pasi në procedurë ka marrë pjesë vetëm një konkurent, i cili ishte një bashkim operatorësh, pjesë e të cilëve ishte edhe një prej shoqërive të Gentian Sulës, “Noa Control”, pjesë e “Noa Holding”.

Shoqëria “Noa Holding” është një shoqëri e krijuar në vitin 2023, me pronar 100 përqind të aksioneve Gentian Sulën. Kjo shoqëri, me krijimin e saj, përthithi disa kompani të tjera të mëparshme, të kontrolluara po nga Sula dhe familja e tij. Mes kompanive të përthithura ishte edhe “Noa Control” e cila ishte në treg prej vitit 2015.

Në Tetor të vitit 2022, pra pak kohë para se Gentian Sula t’i jepte në huapërdorje dhe pa pagesë vilën në zonën e ish-Bllokut, Ajola Xoxas, për aktivitetin e “Nan Gallery”, Bashkia e Tiranës, nën drejtimin e Erion Veliajt, shpalli tenderin me objekt: “Rioptimizimi dhe Standartizimi i Proceseve të punës të strukturës së institucionit të Bashkisë Tiranë”.

Në foto: Tenderi i Bashkisë së Tiranës, fituar nga “Noa Control”

Tenderi kishte fond limit 62.500.000 lekë të reja ose rreth 530 mijë euro, sipas kursit të kohës. Bashkia e Tiranës njoftoi se priste oferta për këtë procedurë deri në fund të nëntorit 2022.

Në përfundim të afatit, rezultoi se në garë kishte marrë pjesë vetëm një operator ekonomik: bashkimi i shoqërive “Noa Control” i Gentian Sulës, i njohur edhe si CEO i “Intersig” dhe një kompani kroate.

Garuesi i vetëm në këtë tender paraqiti ofertën ekonomike me vlerë 60.500.000 lekë të reja ose vetëm 2 milionë lekë (15 mijë euro më pak se fondi limit, sipas kursi të këmbimit të kohës).

Pasi shqyrtoi këtë ofertë, Bashkia e Tiranës, e drejtuar nga Erion Veliaj, shpalli fitues konkurentin e vetëm në garë, pjesë e së cilës ishte “Noa Control”./ Boldnews.al

The post Sponsorizoi Ajolën me vilë pa qira, Gentian Sula i “Intersig” fitoi 530 mijë euro pa garë nga Veliaj appeared first on Albeu.com.

Këtë të hënë, ish-kryeministri dhe kreu i Partisë Demokratike, Sali Berisha, u paraqit në ambientet e SPAK, në zbatim të masës së sigurisë “detyrim paraqitje”, të caktuar nga gjykata.

Ai akuzohet se gjatë kohës që mbante postin e kryeministrit, ka ndërmarrë veprime konkrete për miratimin e ligjeve dhe akteve nënligjore, nga të cilat ka përfituar dhëndri i tij, Jamarbër Malltezi, në ndërtimin e pallateve në truallin e ish-kompleksit sportiv Partizani.

Edhe vetë Malltezi përballet me akuza për korrupsion dhe pastrim parash. Sipas SPAK, ai ka përfituar në mënyrë të paligjshme rreth 5.4 milionë euro përmes një projekti ndërtimi, përfitime që lidhen me vendime të marra nga qeveria e drejtuar në atë kohë nga vjehrri i tij.

The post Në zbatim të masës së sigurisë “detyrim paraqitje”, Sali Berisha paraqitet në SPAK appeared first on Albeu.com.

Nga; Max Stephens dhe Besar Likmeta

Klani Çela-Çopja, ishte një nga sindikatat më të fuqishme të krimit në Europë, vendimet e të cilit diktonin çmimin e kokainës në mbarë kontinentin.

I drejtuar nga liderët e tij, Franc Çopja, 33-vjeç, dhe Ervis Çela, 41-vjeç, ky grup shqiptar kontrabandonte kokainë me vlerë miliarda paundësh nga Amerika Latine drejt porteve të Bashkimit Europian.

Pasuritë i pastronin përmes një perandorie të gjerë komerciale që përfshinte prona të shumta, një resort turistik me pesë yje, vila dhe apartamente.

Bosët e drogës kishin grumbulluar aq shumë para, saqë grindeshin mes tyre nëse ishte më mirë t’i fshihnin kartëmonedhat nën rrënjët e ullinjve apo t’i shndërronin në shufra ari.

Por brenda vetëm pak ditësh, karteli u gjunjëzua: Çopja dhe Çela u arrestuan së bashku me njerëzit e tyre më të afërt, ndërsa pasuritë iu sekuestruan nga SPAK – task-forca shqiptare kundër korrupsionit dhe krimit të organizuar.

Në mars të vitit 2021, hetuesit arritën të depërtonin në Sky ECC, një shërbim i mesazheve të enkriptuara, duke zbuluar veprat e tyre të dyshuara penale.

Çela, i kërkuar në Itali për torturimin dhe vrasjen e një konkurrenti shqiptar në trafikun e grave, u arrestua së bashku me dy vëllezërit e tij dhe tetë bashkëpunëtorë të tjerë në një seri bastisjesh të befasishme në qershor dhe gusht.

Çopja ishte arrestuar në Belgjikë në dhjetor 2023 dhe ndodhet në gjyq për vrasje, pasi u ekstradua nga vila e tij në Dubai.

Ai konsiderohet si mendja logjistike e operacionit, duke siguruar kalimin e kokainës përmes porteve të Europës veriore.

“Kjo organizatë kriminale mund të konsiderohet si një nga më të fuqishmet shqiptare në trafikun ndërkombëtar të kokainës”, deklaruan prokurorët Altin Dumani dhe Vladimir Mara në një deklaratë të përbashkët.

“Ajo kishte kapacitetin të ndikonte drejtpërdrejt në çmimin e kokainës në tregjet evropiane dhe të menaxhonte sasi të mëdha të kësaj substance narkotike në periudha të shkurtra kohore”, shtuan ata.

Karteli thuhet se kontrollonte të gjithë zinxhirin e trafikut të kokainës – nga prodhimi dhe përpunimi në laboratorët e Paraguait, deri te transporti ndërkombëtar dhe shpërndarja në tregjet evropiane, e në fund te pastrimi dhe qarkullimi i fitimeve të paligjshme në Shqipëri dhe vende të tjera.

Një pjesë e kokainës së grupit dyshohet se është trafikuar përtej Kanalit të La Manshit drejt Mbretërisë së Bashkuar, ku – sipas Agjencisë Kombëtare të Krimit – bandat kriminale që flasin shqip kontrollojnë një pjesë të konsiderueshme të tregut fitimprurës.

Një kilogram kokainë në Mbretërinë e Bashkuar vlerësohet të kushtojë rreth 40,000 paund, krahasuar me 20,000 paund në Evropë.

Sipas Europol-it, agjencisë policore të Bashkimit Evropian, Sky ECC ishte përdorur gjerësisht për qëllime kriminale, përfshirë trafik droge, pastrim parash dhe shpërndarje të materialeve abuzive ndaj fëmijëve.

Edhe pse Sky ECC është mbyllur, qindra miliona mesazhe të enkriptuara mbeten të aksesueshme dhe janë analizuar nga autoritetet ligjzbatuese në gjithë Evropën dhe më tej për vite me radhë.

Një aktakuzë prej 282 faqesh, e lëshuar më 8 gusht nga SPAK dhe e parë nga gazeta The Telegraph, zbulon se si banda dyshohet se përpiqej të transportonte 28 tonë kokainë të fshehur në kuti sapuni, kanaçe boje ose ngjitës industrial nga Paraguai drejt porteve të Hamburgut dhe Anversës gjatë viteve 2020-2021.

Më 12 shkurt 2021, 16.4 ton kokainë me pastërti të lartë, e fshehur në 1,700 kanaçe me llaç muri dhe me një vlerë në treg prej rreth 3 miliardë paund, u sekuestrua në porte — njëkohësisht kapja më e madhe e kokainës në historinë e Evropës në atë kohë.

Një tjetër ngarkesë që kaloi me sukses përmes portit të Anversës në vitin 2020, kishte një vlerë prej 1.3 miliardë paund.

Grupi kishte zhvilluar një sistem të sofistikuar për transferimin e fitimeve nga trafiku i drogës nga Evropa drejt Shqipërisë, përfshirë përdorimin e korrierëve për transferimin fizik të parave dhe një rrjet të ashtuquajtur “hawala”, i cili mundësonte qarkullimin e qindra milionë eurove në para cash.

Çela thuhet se e drejtonte operacionin ndërsa ishte në arrati në Paraguai.

Në një komunikim më 12 dhjetor 2020, Çela i tha Çopjës se planifikonte t’i groposte eurot në rrënjët e pemëve të tij të ullinjve në Shqipëri, ku kishte një plantacion me 200 rrënjë.

Megjithatë, Çopja e paralajmëroi se kartëmonedhat do të kalbeshin nën tokë dhe e nxiti të këmbehej në shufra ari.

Cela u përgjigj: “S’ka ar… Duhet të grabis një bankë… Duhet ta porosis nga Afrika”.

Çopja i tha: “Njoh dikë që mund të na e sigurojë [arin]”.

Çela u përgjigj: “Pyete, çfarëdo që ka, 100/200 kilogramë”.

Biseda më pas kaloi tek orët luksoze dhe tokat bujqësore.

Pasdite nga fundi i së njëjtës ditë, Cela paraqiti planet për të blerë dy ferma në Paraguai për 10 milionë paund, një investim që sipas tij do të sillte 1.8 milionë paund në vit.

Në një bisedë të ndarë me vëllain e tij në Sky ECC në nëntor 2020, Cela shkroi se 800,000 paund që i duhej nga një nga trafikantët e tyre po vonoheshin “për shkak të një rënieje në tregun e Britanisë së Madhe”.

Cela kishte qenë në arrati për 11 vjet para arrestimit të tij në fshatin bregdetar të Qeparoit në jug të Shqipërisë më 29 qershor.

Së bashku me vëllain Ardian dhe bashkëpunëtorin Hiseni Fatos, ai ishte dënuar në Itali për vrasjen e Petrit Kecit në shtator 2008, i cili kishte tentuar të përfshihej në rrjetin e prostitucionit të grupit në San Benedetto del Tronto.

Të tre u dënuan për rrahjen e Kecit dhe qëllimin e tij me gjashtë plumba në kokë, përpara se të digjnin trupin e tij për të fshehur krimin.

Çela u dënua me 30 vjet burg, ndërsa vëllai i tij me 18 vjet.

Megjithatë, çifti arriti të apelojë dënimin dhe u mbajtën në paraburgim para gjyqit, por afati i qëndrimit në paraburgim përfundoi para se të rigjykoheshin dhe u liruan në maj 2014, duke iu dhënë mundësinë të iknin jashtë vendit dhe të humbnin në botën kriminale.

Tani, Çela do të duhet të vuajë një dënim prej 21 vjetësh burg për vrasje, rrëmbim, përpjekje për fshehje të trupit, kërcënime, mbajtje të paligjshme të eksplozivëve dhe municioneve, si dhe pengim të drejtësisë, përveç ndonjë dënimi tjetër që mund të marrë për trafikimin e drogës dhe shkelje të tjera lidhur me të.

Një nga asetet më të spikatura të sekuestruara nga SPAK ishte kompleksi luksoz “Ajman Park” në Shijak, një qytet 27 kilometra në perëndim të kryeqytetit, Tiranës.

Faqja e internetit e këtij kompleksi është ende aktive dhe ofron “siguri 24-orëshe” për ata që dëshirojnë të marrin me qira pallatin në stilin greko-romak “Marvel Palace” për dasma, apo të shijojnë darkën në restorantin Sushi dhe Steakhouse.

Sekuestrimet shënuan një ndërhyrje të rrallë nga autoritetet shqiptare, të cilat thuajse kurrë nuk kishin nisur hetime mbi origjinën e kapitalit në shkallë të gjerë që investohej në sektorët e turizmit dhe ndërtimit në vend./ The Telegraph

The post Klani Çela-Çopja, rënia e shpejtë e bandës më të frikshme në Shqipëri appeared first on Albeu.com.

Presidenti ukrainas Volodymyr Zelensky, pasi ka mbërritur në Uashington për takimin me Donald Trump, shkroi në rrjete sociale duke shprehur mbështetjen për SHBA-të dhe partnerëve evropianë.

Rusia duhet ta përfundojë luftën që nisi, shton Zelensky, duke shprehur bindjen që së bashku me SHBA dhe evropianët do ta detyrojnë atë që të bëjë një paqe të drejtë.

“Jam mirënjohës. Ne të gjithë ndajmë një dëshirë të fortë për ta përfunduar këtë luftë shpejt dhe me besueshmëri. Paqja duhet të jetë e qëndrueshme. Jam i bindur se ne do ta mbrojmë Ukrainën, do të sigurojmë sigurinë e saj dhe populli ynë do të jetë gjithmonë mirënjohës ndaj Trump, Amerikës dhe çdo partneri për mbështetjen dhe ndihmën e tyre të paçmuar.

Rusia duhet ta përfundojë këtë luftë, të cilën e filloi vetë. Dhe shpresoj që forca jonë e përbashkët me Amerikën dhe miqtë tanë evropianë mund ta detyrojë Rusinë të bëjë një paqe të vërtetë”, shkroi ai.

The post Zelensky pas mbërritjes në Uashington: Mirënjohës për SHBA-të, bashkë me evropianët mund ta detyrojmë Rusinë për një paqe të drejtë appeared first on Albeu.com.

Publikimi së fundmi i draftit të Kodit të ri Penal nga Ministria e Drejtësisë, ka shkaktuar debate në radhët e ekspertëve të drejtësisë dhe organizatat e shoqërisë civile, për shkak të shtimit të ashpërsisë së propozuar në dhënien e dënimeve për veprat dhe kundërvajtjet penale.

Kodi i ri Penal përmban 952 nene. Prej fundit të muajit korrik, drafti është publikuar në faqen e Ministrisë së Drejtësisë dhe ka hyrë në fazën e konsultimeve.

Në këtë fazë të parë konsultimesh Profesionistët e Aleancës të Profesionistëve të Lirë (APL) nëpërmjet një letre dërguar ministrit të Drejtësisë Ulsi Manja, kanë kërkuar rishikim të kujdesshëm të dispozitave problematike, duke theksuar nevojën për respektim të parimit të proporcionalitetit dhe mbrojtje të lirive ekonomike dhe lirisë së fjalës.

Duke ngritur shqetësimin për zgjerimin e panevojshëm të ndërhyrjes penale në fusha që tradicionalisht janë trajtuar nga e drejta civile apo administrative, APL sjell në vëmendje disa nene që sipas tyre mund të sjellin pasoja negative në marrëdhëniet mes bizneseve.

Neni 537, që penalizon “tarifat e papërshtatshme të shërbimit”, duhet të rishikohet me prioritet, pasi në një ekonomi tregu, çmimet përcaktohen nga marrëdhënia kërkesë–ofertë dhe natyra e shërbimit, jo nga sanksione penale.

Nocioni është i paqartë dhe rrezikon të penalizojë ofruesit e shërbimeve, duke ndërhyrë në mënyrë të panevojshme në marrëdhënie kontraktuale që tradicionalisht trajtohen nga e drejta civile ose administrative.

Neni 604 që parashikon se mospagimi, brenda afatit ligjor, i detyrimeve tatimore të vetëdeklaruara përbën kundërvajtje penale, e dënueshme me gjobë ose burgim deri në një vit, por pa dalluar ndërmjet vonesave të paqëllimshme dhe shmangies së qëllimshme;

Neni 625, mund të penalizojë konkurrencën e ligjshme në marrëdhënie tregtare, duke e penalizuar ofertën në prani të një marrëveshjeje paraprake.

Gjithashtu, ata ngrenë shqetësimin edhe për nene të tjera për shpifjen, ndikimin në pavarësinë e gjykatësve etj.) rrezikojnë se do të dobësojnë rolin mbikëqyrës të medias dhe do të rrezikojnë transparencën në një shtet ligjor funksional.

Aleanca kërkon që procesi i miratimit të Kodit të mos nxitohet, por të shoqërohet me konsultime të gjera dhe gjithëpërfshirëse, ku të përfshihen profesionistë të drejtësisë, përfaqësues të biznesit dhe shoqërisë civile.

Profesionistët e APL shprehen të gatshëm të kontribuojnë me ekspertizë dhe propozime konkrete, duke theksuar se kjo reformë duhet të sërbejë për të ndërtuar një sistem më të drejtë, efikas dhe në përputhje me standardet europiane.

REPUBLIKA E SHQIPËRISË

MINISTRIA E DREJTËSISË, KRYEMINISTRIA, MEDIA

Drejtuar: Ministrit të Drejtësisë

Për Dijeni: Zyra e Kryemi

nistrit, Media

Nga: Aleanca e Profesionistëve të Lirë (APL)

Lënda: Propozime dhe gatishmëri për bashkëpunim mbi projekt-Kodin Penal

Po ndjekim me vëmendje procesin e hartimit dhe konsultimit publik për projekt-Kodin e ri Penal. Ekspertët tanë janë angazhuar tashmë në analizimin e dispozitave të propozuara dhe kemi nisur identifikimin e fushave ku nevojiten qartësime, harmonizim me legjislacionin ekzistues dhe përafrim me standardet ndërkombëtare, e sidomos të Bashkimit Europian, ku ne po bëjmë përpjekje për t’u bërë pjesë.

Ne mbetemi të gatshëm të kontribuojmë drejtpërdrejt në këtë proces, duke vënë në dispozicion ekspertizën tonë ligjore dhe burimet njerëzore të nevojshme, me synimin për të ndihmuar në përgatitjen e një Kodi Penal të balancuar, të zbatueshëm dhe të harmonizuar me parimet kushtetuese e detyrimet ndërkombëtare të Shqipërisë.

Nga shqyrtimi fillestar, nënvizojmë disa çështje që kërkojnë vlerësim të kujdesshëm gjatë fazës së diskutimit:

Shtrirja e përgjegjësisë penale në fushat civile dhe tregtare
Projekt-Kodi përfshin dispozita që zgjerohen përtej fushës tradicionale të së drejtës penale, duke penalizuar sjellje që deri më tani janë trajtuar përmes instrumenteve civile ose administrative. Një qasje e tillë kërkon vlerësim të kujdesshëm për të ruajtur parimin e proporcionalitetit dhe për të shmangur mbivendosjen e panevojshme të mekanizmave ndëshkues. Disa shembuj për ilustrim:

Neni 537 i projekt-ndryshimeve në Kodin Penal, që parashikon ndëshkime për “tarifa të papërshtatshme të shërbimit”, duhet të rishikohet me prioritet. Në një ekonomi tregu, çmimet përcaktohen nga marrëdhënia kërkesë–ofertë dhe natyra e shërbimit, jo nga sanksione penale. Vetë nocioni “tarifë e papërshtatshme” është juridikisht i paqartë dhe nuk mund të përbëjë objekt të së drejtës penale, përveç rasteve të provuara të mashtrimit ose fiktivitetit. Përfshirja e tij në Kodin Penal rrezikon të penalizojë padrejtësisht ofrues shërbimesh, duke ndërhyrë në mënyrë të panevojshme në marrëdhënie kontraktuale që tradicionalisht trajtohen nga e drejta civile ose administrative.

Neni 604 i projektit parashikon se mospagimi, brenda afatit ligjor, i detyrimeve tatimore të vetëdeklaruara përbën kundërvajtje penale, e dënueshme me gjobë ose burgim deri në një vit. Ky është një zgjerim i konsiderueshëm i ndërhyrjes penale në marrëdhënie fiskale, pasi situata të tilla kanë qenë më parë objekt i procedurave administrative ose civile. Penalizimi penal i mospagimit, pavarësisht nëse buron nga pamundësia objektive (p.sh., pagesa të vonuara nga klientët apo institucionet publike) apo nga harresa, nuk dallon mes qëllimit për shmangie dhe vështirësive reale të tregut. Një qasje e tillë cenon parimin e proporcionalitetit dhe mund të dëmtojë bashkëpunimin ndërmjet tatimpaguesve dhe administratës.

Neni 625 tërheq vëmendjen për shkak se parashikon ndëshkime penale për ofertat alternative të mallrave apo shërbimeve në marrëdhënie tregtare, kur ekziston një marrëveshje paraprake me një palë të tretë. Kjo do të thotë se penalizohet tentativa për të konkurruar një marrëveshje ende të pafinalizuar, edhe në mungesë të mashtrimit apo fiktivitetit. Një parashikim i tillë kufizon lirinë e konkurrencës dhe sjell ndërhyrje penale në marrëdhënie që natyrshëm i përkasin së drejtës civile dhe tregtare. Formulimet e paqarta si “ofertë e bërë me dijeni të një marrëveshjeje paraprake” krijojnë hapësirë për interpretim subjektiv dhe rrezik penalizimi të padrejtë. Në çdo sistem modern, zgjidhja e këtyre çështjeve duhet të bazohet në nevojë të qartë, qëllim të ligjshëm dhe proporcionalitet të saktë.

Ndikimi mbi liritë politike dhe ekonomike
Disa parashikime mund të krijojnë kufizime mbi të drejtat dhe liritë themelore, të mbrojtura nga Kushtetuta dhe marrëveshjet ndërkombëtare ku Shqipëria është palë. Është e rëndësishme që këto dispozita të rishikohen në dritën e standardeve të BE-së dhe jurisprudencës ndërkombëtare për të garantuar përputhshmëri të plotë.

Si për shembull, draft‑Kodi i ri parashikon deri në 3 vjet burg për “profanim” të Republikës, duke përfshirë simbolet shtetërore, institucionet ose individët me statusin e “Martirit të Atdheut”. Përkufizimi përfshin shprehje të paqarta si “fyerje”, “tallje” apo “përbuzje” ndaj këtyre subjekteve. Ky nen cenon lirinë e shprehjes, që është një element themelor i çdo demokracie. Për më tepër, përkufizimet e gjerë dhe subjektive rrisin rrezikun e interpretimeve të gabuara dhe të shtrëngimit të hapësirës për kritikë ndaj institucioneve shtetërore.

Organizatat si “Safe Journalists” dhe ato të shoqërisë civile kanë vënë në dukje se ndryshimet e propozuara (përfshirë nenet për shpifjen, ndikimin në pavarësinë e gjykatësve etj.) do të dobësojnë rolin mbikëqyrës të medias dhe do të rrezikojnë transparencën në një shtet ligjor funksional. Kriminalizimi i gazetarëve apo kufizimi i fjalës së lirë përmes Kodit penal jo vetëm krijon frymë frike, por kërcënon edhe funksionin kyç të medias si kontrollues i pushtetit dhe garantues i transparencës.

Nevoja për kohë të mjaftueshme konsultimi dhe gjithëpërfshirje
Duke qenë se Kodi Penal është një nga aktet më themelore të rendit juridik, procesi i konsultimit duhet të jetë i zgjeruar në kohë dhe përmbajtje, duke përfshirë të gjithë aktorët relevantë, organet e drejtësisë, profesionistët e ligjit, biznesin, akademinë dhe shoqërinë civile. Kohëzgjatja aktuale e konsultimit është e kufizuar për një analizë të plotë të të gjitha aspekteve ligjore dhe praktike.

Të tjera çështje të identifikuara nga ne të ngritura si shqetësim nga palët e tretë, kolegët dhe organizatat partnere. Ekspertët e drejtësisë kritikojnë Kodin e Ri Penal për formulime të paqarta në disa nene, që lënë hapësira për interpretime arbitrare nga gjykatat dhe prokuroria. Kjo rrezikon të cenojë drejtësinë dhe të rrisë korrupsionin. Shumë vëzhgues dhe organizata të shoqërisë civile ngrenë shqetësime për rritjen e kompetencave të prokurorisë dhe policisë në kod, pa mekanizma efektivë kontrolli, duke rrezikuar lirinë dhe privatësinë e qytetarëve. Media dhe ekspertët kritikojnë përfshirjen e disa shkeljeve të vogla ose mesatare me masa penale, duke i bërë kodin më të ashpër se sa duhet dhe duke mbingarkuar sistemin gjyqësor.

Ne e shohim këtë reformë si një mundësi të çmuar për të forcuar kuadrin penal në vendin tonë, duke e bërë atë më efektiv, më të drejtë dhe në harmoni me parimet e shtetit të së drejtës. Jemi të bindur se, përmes bashkëpunimit të hapur dhe angazhimit të përbashkët, mund të arrijmë rezultate të prekshme dhe të qëndrueshme për të gjithë qytetarët.

Si Aleancë e Profesionistëve të Lirë, shprehim gatishmërinë tonë për të qenë pjesë aktive e këtij procesi, duke ofruar ekspertizën, përvojën dhe idetë tona në çdo fazë nga diskutimi deri te finalizimi. Ne besojmë se dialogu konstruktiv, shkëmbimi i lirë i ideve dhe bashkëpunimi ndërinstitucional janë çelësi për të krijuar një sistem më të drejtë dhe funksional.

The post Profesionistët e Lirë letër ministrit Manja: Drafti i Kodit Penal cenon lirinë ekonomike appeared first on Albeu.com.

Çmimet e kafesë, qirave dhe shtresave të dyshemesë janë rritur 5.4 deri në 7 për qind, gati dy dhe herë dhe më shumë në krahasim me nivelin e përgjithshëm të çmimeve, sipas tabelës së detajuar mbi inflacionin nga INSTAT.

Qiratë për banesat janë rritur ndjeshëm që prej vitit 2021 dhe kanë vijuar me këtë trend deri në mesin e vitit 2025, sidomos në periudhën midis muajve janar 2023 dhe korrik 2025, rritja ka qenë e qëndrueshme, me norma mujore që shpesh arrijnë nga 3% deri në 5% në bazë vjetore.

Në muajin korrik 2025, ndryshimi vjetor i çmimit të qirasë ishte 5.4%, nga 0.9 për qind që ishte ky ndryshim në shkurt 2025.

Ky ritëm rritjeje ka reflektuar presionin që po përballin familjet shqiptare, veçanërisht në zonat urbane, ku kërkesa për banesa me qira mbetet e lartë për shkak të urbanizimit dhe fluksit të lartë të turistëve, sidomos në Tiranë ku ka edhe lëvizje migratore te brendshme.

Një faktor kryesor që ka ndikuar në shtrenjtimin e qirave afatgjata lidhet me zhvillimet turistike, ku shumë ndërtesa janë dhënë me qira afatshkurtra, duke i hequr ato nga tregu i qirave afatgjata, që kanë si klientë kryesisht familjet vendase.

Nëse jep shtëpinë me qira mujore, sipas të dhënave nga agjencitë e pasurive të paluajtshme, në kryeqytet, një apartament 1+1, më i liri është në zonën e Freskut, që varion nga 330-400 euro, më i shtrenjti te zona e ish-Bllokut dhe e Stadiumit Air Albania, deri në 800 euro/muaj. Për apartamente 2+1, qiraja fillon nga 550 euro 2+1 dhe arrin në 1300 euro në zonën e Stadiumit Air Albania dhe ish-Blloku.

Të gjithë drejt qirave ditore, por u rritën ato mujore, duke dëmtuar klientët vendas

Një tjetër kategori që ka njohur rritje të ndjeshme çmimesh mbi mesataren e përgjithshme janë pijet joalkoolike dhe shërbimet e kafeneve. Në korrik 2025 çmimet mesatare të kafesë u rritën me 6% në krahasim me korrikun 2024.

Çmimet e kafesë, çajit dhe ujit të ofruara në ambiente publike janë rritur në mënyrë të qëndrueshme, sidomos pas vitit 2022, duke reflektuar kostot në rritje për pagat e stafit dhe çmimet e importit të kafesë.

Kjo duket se nuk ka ndikuar shumë në kërkesën për konsum, pasi kafeneja mbetet një pjesë e rëndësishme e kulturës shqiptare.

Megjithatë, për konsumatorët me të ardhura të kufizuara, frekuentimi i përditshëm i kafeneve është kthyer gjithnjë e më shumë në një luks të vështirë për t’u përballuar.

Ndërkohë që qiratë dhe pijet në kafene mbeten ndër sektorët me rritje më të lartë, edhe disa kategori të tjera kanë shënuar luhatje.

Gjithashtu, mbulesat e dyshemesë ndonëse janë një produkt që nuk kanë shumë peshë në shpenzimet e buxheteve të familjeve janë në rritje të vazhdueshme.

Në korrik 2024 çmimet e këtij grupi u rriten mesatarisht 6.7%. Një vit më parë në korrik ky ndryshim ishte 2.9%.

Edhe pse normat e përgjithshme të inflacionit kanë filluar të bien krahasuar me kulmin në vitin 2022, çmimet nuk po kthehen në nivelet e mëparshme, duke u shndërruar në barrë të përhershme mbi konsumatorët./ Monitor.al

The post Shqipëria po bëhet më e shtrenjtë, rriten qiratë dhe ngrihet çmimi i kafesë appeared first on Albeu.com.

Të dyshuarit për vrasjen e tre personave në Gjilan, Mefail Shkodra dhe djemtë e tij, ende nuk janë arrestuar nga Policia e Kosovës.

Gjersa hetimet kanë hyrë në javën e dytë të tyre, njohës të këtyre çështjeve thonë se Shkodra i takon kategorisë së personave të përgatitur dhe mund të ketë gjetur një strehim në Serbi.

Ata udhëzojnë që Policia e Kosovës të bashkëpunojë me EULEX-in.

Para një jave në Gjilan, ndodhi një vrasje e trefishtë pas të shtënave me armë që dyshohet se erdhën si shkak i fajdeve.

Të dyshuarit kryesorë për këtë rast, Mefail Shkodra dhe djemtë e tij, Engjulli dhe Edonisi nuk kanë arritur të lokalizohen ende nga Policia e Kosovës edhe pse janë në kërkim prej 7 ditësh.

Të dielën, Drejtoria e Policisë në Gjilan ka deklaruar se po punohet intensivisht për kapjen e tyre.

Por, për njohës të çështjeve ku të përfshirë janë persona të kësaj natyre, lokalizimi i tyre s’është i lehtë.

“S’është e lehtë të gjendet persona të tillë sepse pas kryerjes së aktit, ata përgatitin terrenin dhe i shmangen komunikimit, jetojnë në situata tejet sekrete dhe për këtë paraqet vështirësi edhe tek organet e rendit. Me punë operative, me persona të caktuar zyrtar që nuk janë në uniformë punojnë në terren, komunikojnë për të ardhur deri te mundësia e gjetjes nëse janë brenda territorit”, ka thënë për Tv Dukagjinin Emrush Kastrati, ish-gjyqtar.

Me hetimet që po hyjnë në javën e dytë, Kastrati thotë se nuk duhet përjashtuar mundësia që ata të kenë kaluar në Serbi, për ç’ka, Policia e Kosovës, sipas tij, duhet të ndërmarrë veprime shtesë.

“Realisht dhe në formë potenciale ekziston mundësia që për shkak të pozitës gjeografike të Gjilanit dhe pjesës së Serbisë ku jeton komuniteti shqiptar, të njëjtit të kenë kaluar andej mirëpo, në rast se gjinden atje, mundësitë e bashkëpunimit me Serbinë janë të pamundshme sepse Serbia nuk bashkëpunon juridikisht me organet e Kosovës por mund të kryhet përmes EULEX për aq kohë sa ka vullnet edhe Serbia”, shprehet Emrush Kastrati.

Për ish-hetues policorë, kërkimi i ndihmës nga EULEX-i mbetet mundësia e vetme.

“Meqenëse Policia e Kosovës dhe e Serbisë nuk kanë një bashkëpunim direkt dhe ky bashkëpunim bëhet përmes disa strukturave të Policisë së UMNIKU-t apo edhe Policisë së EULEX që të bahet një trysni përmes EULEX ose BE Serbisë, që t’i arrestojë dhe t’i ekstradojë në Kosovë. Përndryshe, mundësitë janë të kufizuara”, ka thënë Hilmi Canolli, ish-hetues në Policinë e Kosovës.

Mefail Shkodra, ishte i dënuar nga Gjykata e Gjilanit për armëmbajtje pa leje, vjedhje të shërbimeve komunale e për shkaktim të rrezikut të përgjithshëm.

Së bashku me djalin e tij, i kërkuar gjithashtu, ishin arrestuar e më pas liruar gjatë vitit të kaluar për veprën penale të fajdes e detyrimit, për shkak se kishin paguar dorëzani.

The post Vrasja e trefishtë në Gjilan/ Ish-hetuesit: Të dyshuarit mund të kenë kaluar në Serbi, t’i kërkohet ndihmë EULEX-it appeared first on Albeu.com.

Sot, më 18 gusht 2025, dollari amerikan, blihet me 82.1 lekë dhe shitet me 83.5 lekë.

Euro, blihet me 96.4 lekë dhe shitet 97.4 lekë.

Franga zvicerane, këmbehet në blerje me 101.5 lekë, ndërsa në shitje me 102.9 lekë.

Paundi britanik, blihet me 111 lekë dhe shitet me 112.9 lekë.

Dollari kanadez, sot në blerje këmbehet me 59.4 lekë, ndërsa në shitje me 61 lekë.

Më poshtë, po sjellim të dhënat e këmbimin valutor, për të gjitha monedhat e huaja:

The post Këmbimi valutor/ Çfarë po ndodh me monedhat e huaja? Me sa po blihen dhe shiten dollari dhe euro appeared first on Albeu.com.

Këtë të hënë vendi ynë, do të vijojë të jetë nën ndikimin e motittë qëndrueshëm, duke sjellë në vijën bregdetare dhe në ultësirën Perëndimore intervale të gjata me diell.

Ndërsa në zonat malore, pritet të ketë kalime të vranësirave.

Por pasditja dhe mbrëmja do të shpeshtojnë vranësirat në të gjithë vendin tonë, po ashtu do të ketë rritje të lagështirës në ajër duke bërë që në gjysmën Lindore të Shqipërisë vranësirat e shumta të gjenerojnë rrebeshe afatshkurtra shiu.

Reshjet më të theksuara do të jenë në Verilindje dhe Juglindje të Shqipërisë.

Temperaturat e ajrit do të ulen në mëngjes dhe në mesditë, duke luhatur vlerat ditore nga 12°C temperatura më e ulët deri në 36°C vlera më e lartë në rang vendi.

Era do të fryjë e lehtë, duke arritur shpejtësinë 30 km/h nga drejtimi kryesisht Veriperëndimor, kjo do të bëj që në brigjet detare të krijohet dallgëzim 2 ballë.

The post Parashikimi i motit 18 Gusht 2025, vranësira dhe reshje shiu appeared first on Albeu.com.

DASHI

Do kaloni një ditë mjaft të vecantë. Njerëzit e afërrm po bëjnë gjithçka dhe më të mirën për tju kënaqur .Bëni kujdes që ti respektoni sa më shumë. E nëse ata e teljakojnë kufirin, do jetë mundësia juaj më e mirë për të kuptuar vërtet se sa ju vlerësojnë e sa të tjerë jo.

DEMI

Shqetësimet tuaja sot duhet ti lini mënjanë përndryshe ju nuk do të mundeni të jeni të qetë dhe nuk do të jeni në gjendje të merrni vendimin e duhur në lidhje me atë që është më e rëndësishme. Mos u ndikoni nga paragjykimet dhe mentaliteti në mënyrën e të bërit mjafton vetëm vullneti për ti bërë gjërat sa më shpejt.

BINJAKËT

Do ju jepet shansi për të prezantuar veten sa me mirë, duke thyer rregullat që janë nji për të gjithë. Shfrytëzoni mundësinë për të mos I shgënjyer. Do keni mjaft konkurrencë e përballja nuk është e lehtë. Nga kjo varet nëse do keni mundesinë për menaxhimin e një biznesi ose jo.

GAFORJA

Të gjitha mundësitë tuaja në këtë periudhë mund të fshihen në qoftë se ju nuk do beni asnjë lëvizje për t`u angazhuar t“i kapni ato. Në fakt ju nuk mund të justifikikoheni , nëse ju nuk jeni të përgatitur. Keni pas mjaft kohë por e keni keqpërdorur. Vlerësojini mundësitë në kohën e duhur.

LUANI

Nëse keni një punë të caktuar për këtë ditë, përfundojeni atë në mënyrë të saktë, përndryshe ju do të dëgjoni ankesat e zakonshme dhe sharjet zakonshme. Ju nuk keni shumë për të diskutuar në qoftë se ju do të përpiqeni të gjeni një temë. Paragjykimet kundër teje nuk do të fshihen menjëherë , kështu që ju duhet të jeni të gatshëm për të marrë të gjithë peshën e tyre nëse nuk vëreni me zgjuarsi për të shmangur atë.

VIRGJËRESHA

Objektivat tuaja për të ardhmen me siguri nuk janë të lehta për u arritur, por me pak sukses mund ti arrini dhe sidomos sot ju mund të mbështeteni në ata që ju kanë mbështetur gjithmonë. Ju do të gjeni edhe më shumë kuptim të atyre që nuk janë gjithmonë në dispozicion.

PESHORJA

Ndoshta ju jeni mjaft i zënë ngushtë në këtë kohë për shkak të një personi i cili ju a ka bërë jetën të pamundur, por kjo periudhë është gati për t’i dhënë fund dhe kjo është arsyeja pse ju duhet të ruani qetësinë. Mundohuni të jeni sa më bindës e tia shpjegoni se nuk ka alternativë tjetër.

AKREPI

Nuk ka asgjë më të mirë se të filloni nga e para me të gjitha ose çdo gjë. Një sërë gabimesh do ju pasojnë nëse ju vazhdoni të ecni me paragjykimet që keni. Besimi duhet fituar është e vërtetë, por shumë herë kjo nuk është ajo që ju pengon, sidomos në marrëdhëniet me njerzit e afërm.

SHIGJETARI

Mundohuni të keni më shumë respekt për ata të cilët kanë treguar veten tashmë sepse nuk jeni superiore ndaj tyre, jeni të barabartë, kështu që në qoftë se tregojnë respekt, ju duhet të paktën të bëni të njëjtën gjë. Nesër mund të vijë dita të cilët do ju shërbejnë juve. Hakmarrja nuk ju takon juve.

BRICJAPI

Objektivat tuaja do të jenë të ndryshme gjatë ditës, por sigurisht një ide do të duhet për të përfunduar pa menduar, apo një plan që ndikon në familjen tuaj. Ju nuk mund ta shtyni

Një premtim është një premtim, veçanërisht në qoftë se bëhet për fëmijët tuaj apo nipat dhe mbesat. Me pak fjalë, ju nuk mund të zgjidhni për të qënë egoist sot do të jetë dita më e keqe, ndonjëherë në mesin e të gjithë atyre që ju mund të zgjidhni.

UJORI

Në këtë ditë ju duhet të mendoni pak për të ardhmen tuaj, pasi ka ardhur momenti. Ju nuk mund të neglizhoni e për më tepër duhet ti kushtoni rëndësinë e duhur. Keni pasur mjaft kohë për tu konsultuar me njerzit përreth , por vendimin jeni ju që do e merrni. Të tjerët mund të jenë të bindur për diçka të gabuar.

PESHQIT

Bëni kujdes sot për gjërat që jeni duke bërë në mënyrë që mos pendoheni me të vërtetë .

Nga dita në ditë do përjetoni gjëra të reja. Mundohuni të mos humbisni mëndjen dhe të përpiqeni të mos jeni të varrur nga disa situata që nuk do keni përfitime. Do të ishte qesharake të mos kuptoni se çfarë ka më shumë rëndësi për ju tani.

The post Horoskopi 18 Gusht 2025/ Njihuni me surprizat e yjeve për ditën e sotme appeared first on Albeu.com.