Veshja e presidentit ukrainas, Volodymyr Zelensky, ka qenë çështje diskutimi në takimin e mëparshëm kokë më kokë mes tij dhe Trump, i cili përfundoi në një fiasko diplomatike.

Shtëpia e Bardhë, iu drejtua zyrtarëve ukrainas për të mësuar nëse presidenti Volodymyr Zelensky, do të shfaqet me kostum gjatë takimit të tij me presidentin Donald Trump në Zyrën Ovale sot.

Sipas mediave te huaja, kjo cështje ka rëndësi, pasi në takimin e mëparshëm mes dy liderëve, në muajin mars, paraqitja e Zelenskyt ishte komentuar gjerësisht.

Trump kishte ironizuar zgjedhjen e presidentit ukrainas për të veshur uniformë me stil ushtarak, duke thënë gjatë pritjes në Shtëpinë e Bardhë se “sot është veshur shumë zyrtarisht”.

Zyrtarë amerikanë në atë kohë vlerësuan se çështja e veshjes kontribuoi, qoftë edhe pjesërisht, në klimën negative që mbizotëroi në takim.

Për vizitën e re, të njëjtat burime theksuan se Zelensky do të paraqitet me të njëjtin xhaketë të zezë që kishte veshur edhe në samitin e NATO-s në Holandë në qershor.

Me xhaketë të zezë, ai u shfaq gjithashtu edhe në takimin e djeshëm me Ursula von der Leyen në Bruksel.

Një këshilltar i Trump komentoi për Axios me shaka se; “do të ishte një shenjë e mirë për paqen” nëse Zelensky do të shfaqej me kostum, por shtoi se “nuk e presim”.

Një tjetër bashkëpunëtor i presidentit vuri në dukje se; “do të ishte ideale nëse do të mbante kravatë, por as këtë nuk e presim”, duke theksuar se nënpresidenti J.D. Vance ishte ndjerë më i bezdisur nga paraqitja dhe qëndrimi i Zelenskyt herën e kaluar sesa vetë Trump.

Sipas të njëjtave informacione, presidenti ukrainas nuk do të mbajë kravatë të hënën.

Megjithatë, këshilltarët e Trump theksuan se pakënaqësia e liderit amerikan herën e kaluar nuk kufizohej vetëm te veshja, por pasqyronte një shqetësim më të gjerë

The post Veshja e presidentit ukrainas çështje diskutimi para takimit me Trump, cila do të jetë zgjedhja e Zelensky-t appeared first on Albeu.com.

Presidenti rus Vladimir Putin ka kaluar tre vitet e fundit duke mohuar legjitimitetin e Volodymyr Zelensky-t si lider i Ukrainës. Prandaj, ndoshta jo rastësisht, ndërsa Trump doli nga samiti i Alaskës duke premtuar një takim të ardhshëm trilateral, Kremlini mohoi se kjo temë ishte diskutuar. Një gazetar rus, që foli për CNN në kushte anonimiteti, […]

The post Testi i madh për Trump: Si ta bindë Putinin të ulet me Zelenskyn appeared first on BoldNews.al.

Donald Trump mbërriti në Alaskë duke thënë se donte një armëpushim dhe duke specifikuar në avion se e dinte që mund të mos ishte i menjëhershëm, por se nuk do të ishte i lumtur nëse armëpushimi nuk do të arrihej. Dita përfundoi pa një armëpushim dhe me një konferencë të përbashkët të shkurtër për shtyp, […]

The post Trump-Putin, takimi 3 orësh mbyllet pa marrëveshje për armëpushimin në Ukrainë appeared first on BoldNews.al.

Presidenti i Shqipërisë, Bajram Begaj, zhvilloi një bisedë telefonike me Presidentin e Azerbajxhanit, Ilham Aliyev.

Begaj e përgëzoi homologun e tij për normalizimin e marrëdhënieve mes Azerbajxhanit dhe Armenisë, si dhe për nënshkrimin e deklaratës dhe dokumenteve të rëndësishme të arritura nën kujdesin e Presidentit të SHBA-së. Ai vlerësoi vendosmërinë e Aliyevit në këtë proces dhe mbështetjen e dhënë nga presidenti amerikan.

Nga ana e tij, Aliyev falënderoi Begajn për urimet, duke theksuar se Azerbajxhani ka iniciuar agjendën e paqes në rajon dhe ka hartuar tekstin e marrëveshjes së paqes. Ai nënvizoi gjithashtu rëndësinë e dokumenteve të miratuara në takimin e Uashingtonit dhe rolin e SHBA-së në mbështetjen e këtij procesi.

Të dy presidentët vlerësuan bashkëpunimin e ngushtë dhe mbështetjen reciproke mes Azerbajxhanit dhe Shqipërisë në kuadër të organizatave ndërkombëtare.

The post Marreveshja me Armeninë, Presidenti Begaj uron përmes një bisede telefonike homologun azer, Ilham Aliyev appeared first on Albeu.com.

Uashingtoni dhe Moska, sipas Bloomberg, synojnë të arrijnë një marrëveshje për Ukrainën që do të ngrijë situatën në terren, duke hapur rrugën për një armëpushim dhe për diskutime teknike mbi një marrëveshje paqeje të qëndrueshme. Kjo marrëveshje paraprake parashikon që Rusia të mbajë territoret e pushtuara dhe kështu të ngrijë linjën e frontit. Sipas Wall […]

The post Cila mund të jetë një marrëveshje e mundshme mes Ukrainës dhe Rusisë (Pikat) appeared first on BoldNews.al.

Një tjetër pengesë për qendrat e emigrantëve në Shqipëri të promovuara nga qeveria Meloni, e cila tashmë ndodhet nën presion të fortë në Europë për të shpëtuar një eksperiment të dështuar dhe jashtëzakonisht të kushtueshëm. Problemet nuk lidhen më vetëm me përcaktimin e listës për vendet e sigurta, një kriter kyç për procedurën e përshpejtuar […]

The post Marrëveshja Rama-Meloni për refugjatët/ Gjykata e Romës: Nuk garantohet e drejta për kujdes shëndetësor appeared first on BoldNews.al.

Nëntor 2023-korrik 2025, vetëm 132 emigrantë të transferuar në kampin e Gjadrit, 32 prej të cilëve janë rikthyer në Itali. Protokolli Shqipëri-Itali, shpenzime të mëdha dhe rezultate minimale.

Nga 1400 vendet e premtuara në dy qendrat në Shengjin dhe Gjadër, më pak se 800 janë aktualisht operative. Numri i personave të transferuar nga Italia në Shqipëri është vetëm 132, prej të cilëve 32 janë rikthyer sërish. Kostoja e parashikuar e këtij projekti kap shifrën mbi 800 milionë euro për një periudhë pesëvjeçare, ose rreth 170 milionë euro në vit, pa asnjë efekt të dukshëm mbi kontrollin dhe reduktimin e flukseve migratore drejt Italisë.

Raporti evidenton se izolimi dhe mbajtja në qendrat e Gjadrit nuk janë vetëm një kusht material, por një gjendje sistemike e margjinalizimit që e bën emigrantin të padukshëm, të heshtur dhe pasiv. Ky lloj qëndrimi është më ekstrem se ai në kampet italiane, për shkak të mungesës së transparencës institucionale, mungesës së mundësisë për të ndjekur apo kontrolluar ligjërisht procedurat, dhe mungesës së aksesit të shoqërisë civile dhe mediave.

Një nga momentet e analizuara të raportit është operacioni i rimatrikulimit të detyruar të datës 9 maj 2025. Pesë qytetarë egjiptianë u morën me forcë nga CPR-ja në Gjadër, u transportuan me automjete drejt Tiranës dhe më pas u ngarkuan në një avion charter që i çoi në Kajro, Egjipt. Kjo operacion u krye jashtë çdo juridiksioni gjyqësor dhe në shkelje të hapur të nenit 3 të Direktives 2008/115/CE të Bashkimit Evropian, si dhe në shkelje të protokollit italo-shqiptar, i cili parashikon që të gjitha veprimet të kryhen brenda zonave që janë nën “gjurisdiksion të plotë italian”.

Ky veprim ka ngjallur reagime të forta nga organizatat për mbrojtjen e të drejtave të njeriut dhe është edhe objekt i një interpelance në parlamentin italian nga deputetja Rachele Scarpa.

Gjatë 34 ditëve të monitorimit, në raport janë regjistruar 42 ngjarje kritike, përfshirë tentime për vetëvrasje, mbajtje arbitrare, transferime pa dokumente dhe përdorim të forcës me shenja dhune, të cilat kanë dëmtuar rëndë dinjitetin dhe sigurinë e personave të ndaluar.

Në raport kërkohet menjëherë pezullimi i protokollit italo-shqiptar, hapja e një debati publik dhe transparent parlamentar, si dhe rivendosja e të gjitha garancive themelore për personat që preken nga ky model, duke përfshirë mbrojtjen ligjore, të drejtën për trajtim shëndetësor dhe të drejtën për azil.

“Plagë kufinjsh” paraqet një portret të qartë të një politike migracioni që funksionon mbi bazën e propagandës, shpenzimeve të mëdha, shkeljeve të rëndë të të drejtave të njeriut dhe mungesës së transparencës institucionale.

Raporti shpreh shqetësimin se ky model mund të shndërrohet në një standard për Bashkimin Evropian, duke dëmtuar parimet demokratike dhe duke krijuar plagë sociale dhe institucionale shumë të thella.

Kostoja financiare e këtij projekti është jashtëzakonisht e lartë, duke kapur mbi 800 milionë euro për një periudhë pesëvjeçare, që përkthehet në rreth 170 milionë euro në vit, shifër kjo që nuk ka reflektuar një ndikim të dukshëm në kontrollin apo reduktimin e flukseve migratore drejt Italisë. Ky fakt tregon se investimi i madh financiar nuk po përkthehet në rezultate konkrete, duke ngritur pyetje për efektivitetin dhe qëndrueshmërinë e modelit Shqipëri-Itali në politikën migratore.

The post Raporti në Parlamentin Italian/ Modeli Shqipëri-Itali: Izolim dhe kosto pa kontroll migrator. Dështimi i marrëveshjes migratore Shqipëri-Itali, kur politika migratore shndërrohet në plagë sociale appeared first on Albeu.com.

Turqia dhe Britania kanë nënshkruar një memorandum mirëkuptimi (MoU) për t’i lejuar Ankarasë të jetë përdoruese e aeroplanëve luftarakë Eurofighter Typhoon, në një hap të madh drejt sigurimit të prokurimit të avionëve pas vitesh negociatash.

Turqia ka qenë në bisedime për të blerë 40 aeroplanë luftarakë, të cilët janë ndërtuar nga një konsorcium i Gjermanisë, Britanisë, Italisë dhe Spanjës, të përfaqësuar nga Airbus, BAE Systems dhe Leonardo.

“Ministrat e Mbrojtjes kanë nënshkruar sot së bashku një Memorandum Mirëkuptimi. Ky dokument kodifikon marrëdhëniet midis vendeve, duke i çuar ato një hap më afër një marrëveshjeje të plotë për Typhoon”, tha Ministria Turke e Mbrojtjes në një deklaratë, shkruajnë mediat e huaja.

“Të dy Ministrat e mirëpresin nënshkrimin si një hap pozitiv drejt sjelljes së Turqisë në klubin Typhoon dhe ndajnë një ambicie të ndërsjellë për të përfunduar marrëveshjet e nevojshme sa më shpejt të jetë e mundur”, është thënë më tej në deklaratë.

Më parë, revista Spiegel raportoi se Gjermania kishte hapur rrugën edhe për dorëzimin e 40 aeroplanëve luftarakë në Turqi, pas një vendimi pozitiv nga këshilli federal i sigurisë.

Marrëveshja vjen një ditë pas bisedës telefonike të presidentit Rexhep Tajip Erdogan me kryeministrin britanik Keir Starmer, në të cilën ata shqyrtuan progresin e fundit në lidhje me prokurimin e mundshëm të aeroplanëve luftarakë nga Turqia.

Të dyja palët shprehën optimizëm se zhvillimet në këtë fushë do të forconin më tej bashkëpunimin në mbrojtje midis Ankarasë dhe Londrës.

Erdogan më herët të dielën tha se Britania dhe Gjermania treguan një qëndrim “pozitiv” ndaj blerjes së mundshme të Eurofighters nga Turqia, duke theksuar se Ankaraja dëshiron ta finalizojë blerjen sa më shpejt të jetë e mundur.

The post Turqia dhe Britania nënshkruajnë marrëveshjen që i lejon Ankarasë të jetë përdoruese e aeroplanëve luftarakë Eurofighter appeared first on Albeu.com.

“Info Migrants” ka publikuar një artikull ku pasqyron qëndrimin e degës së Caritas-it (një konfederate globale e bamirësive) në Shqipëri lidhur e marrëveshjen për emigrantët me Italinë. Drejtuesja e zyrës së organizatës bamirëse Caritas në Shqipëri, Ariela Mitri, thuhet se dënon modelin e qendrës së paraburgimit të emigrantëve në Gjadër.

Sipas saj, të jetosh në kafaz nuk është humane dhe duhet t’u jepet njerëzve një mundësi, shpresë për një jetë më të mirë dhe më të sigurt. Drejtoresha e Caritas theksoi se, Shqipëria dha tokën, por qeveria në Tiranë nuk ka të bëjë fare me modelin, strukturën dhe kushtet.

Mitri theksoi natyrën “e pazakontë” të një procedure të tillë, meqenëse, në nivel ligjor, nëse njerëzit kanë zgjedhur Italinë si destinacion, atëherë ata duhet të vijnë në Itali. Sipas saj, ata nuk mund të zhvendosen. Gjithashtu ajo shton se kjo praktikë, pa asnjë lloj garancie minimale dhe me kosto më të larta, është absurde.

Arikulli i plotë marrë nga “Info Migrants”:

Modeli italian i paraburgimit në Shqipëri është ‘çnjerëzor dhe nuk duhet të zgjasë’, paralajmëron Caritas

Kryetarja e degës së Caritas-it (një konfederate globale e bamirësive) në Shqipëri dënoi modelin e qendrës së paraburgimit të emigrantëve në Gjadër.

“Të jetosh në kafaz nuk është humane”, vuri në dukje drejtuesja e zyrës së organizatës bamirëse Caritas në Shqipëri, Ariela Mitri, në një diskutim të botuar më 10 korrik në blogun Tra Cielo e Terra. Referenca ishte për qendrën e përhershme të riatdhesimit (CPR) në Gjadër, e krijuar si rezultat i një Memorandumi Mirëkuptimi midis Italisë dhe Shqipërisë.

“Ju duhet t’u jepni njerëzve një mundësi, shpresë për një jetë më të mirë dhe më të sigurt”, shtoi ajo duke përshkruar aktivitetet e organizatës kishtare gjatë dhjetë viteve të fundit, në përputhje me ftesën e Papa Françeskut për të mirëpritur, integruar, mbrojtur dhe për t’u qëndruar pranë emigrantëve.

“Rreziku i replikimit në Evropë”

“Gjadri është një realitet tjetër”, vazhdoi Mitri, duke nënvizuar aspektet e ndryshme të një “model pilot që, nëse do të funksiononte, do të zbatohej, sipas qëllimeve të atyre që e hartuan, edhe në vende të tjera të Evropës”.

Megjithatë, theksoi ajo, “nuk ka të ardhme dhe nuk duhet të ketë një të tillë”. Drejtoresha e Caritas theksoi se, “Shqipëria dha tokën, por qeveria në Tiranë nuk ka të bëjë fare me modelin, strukturën dhe kushtet”.

“Gjithçka menaxhohet nga Italia,” vuri në dukje ajo, “askush tjetër nuk është i përfshirë. Nëse, pas një identifikimi fillestar, merret vendimi që personi duhet të shkojë në Gjadër, atëherë ai dërgohet në atë vend që është një qendër paraburgimi de facto, jo një qendër pritjeje për emigrantë.”

“Projekti analog me atë skandaloz Britani-Ruandë”

Mitri theksoi natyrën “e pazakontë” të një procedure të tillë, “meqenëse, në nivel ligjor, nëse njerëzit kanë zgjedhur Italinë si destinacion, atëherë ata duhet të vijnë në Itali. Ata nuk mund të zhvendosen. Në rastin e riatdhesimeve, këta duhet të largohen nga Italia, dhe kështu ata duhet të kthehen në Itali dhe prej andej të dërgohen përsëri në vendin e tyre. Kjo lëvizje vajtje-ardhje nuk ka asnjë kuptim.”

Kjo praktikë, pa asnjë lloj garancie minimale dhe me kosto më të larta, është “absurde”, shtoi ajo.

“Po flasim për një model të ngjashëm me atë analog, i cili për fat të mirë nuk u miratua, i diskutuar tashmë kur Mbretëria e Bashkuar donte të dërgonte emigrantë, përfshirë shqiptarë, në Ruandë: diçka skandaloze.”

“Pati takime, por më pas ai propozim u la në pritje,” vuri në dukje ajo. “Në këtë rast, Italia ishte më e vendosur, si dhe më e shpejtë, dhe donte të sillte menjëherë modelin e Gjadrit”.

The post Marrëveshja për emigrantët Itali-Shqipëri, shoqatat bamirëse: Modeli i paraburgimit është çnjerëzor dhe nuk duhet të zgjasë appeared first on Albeu.com.

Biblioteka Kombëtare të Kosovës “Pjetër Bogdani” dhe Agjencia Shtetërore të Arkivave të Kosovës kanë nënshkruar marrëveshje të bashkëpunimit.

“Prioritet i veçantë i kësaj marrëveshjeje është digjitalizimi i plotë i fondit të gazetës ‘Rilindja’, një ndër pasuritë më të çmuara të trashëgimisë dokumentare të Kosovës”, thuhet në komunikatën e BKK.

Në këtë njoftim të nxjerrë nga BKK thuhet se marrëveshja synon të nxisë bashkëpunimin ndërmjet dy institucioneve për shkëmbim të koleksioneve, informacion bibliografik dhe njohuri teknike-teknologjike, digjitalizim dhe veprime kulturore/shkencore.

“Ky hap i rëndësishëm do të kontribuojë në ruajtjen, promovimin dhe qasjen më të gjerë në trashëgiminë kulturore dhe dokumentare të vendit”, thuhet në njoftimin e BKK-së në Facebook.

Presidenti i SHBA-së, Donald Trump, deklaroi se një marrëveshje për armëpushim në Rripin e Gazës mund të arrihet brenda javës.

Duke folur me gazetarët në një aeroport, Trump u shpreh optimist për përpjekjet diplomatike në zhvillim.

“Mendoj se jemi afër një marrëveshjeje për Gazën,” tha ai, duke nënvizuar vendosmërinë e tij për të ndërmjetësuar një armëpushim mes Izraelit dhe Hamasit, në kohën kur kryeministri izraelit Benjamin Netanyahu ndodhet në udhëtim drejt Uashingtonit.

Presidenti amerikan shtoi se një marrëveshje e mundshme për lirimin e pengjeve mund të arrihet gjithashtu brenda ditëve në vijim.

“Ka një shans të mirë që të arrijmë marrëveshje me Hamasin për shumë nga pengjet javën e ardhshme. Ne kemi liruar shumicën e tyre, por besoj se edhe ata që kanë mbetur do të lirohen. Shpresojmë që kjo të realizohet këtë javë,” tha Trump.

Ndërkohë, Hamasi ka dërguar një përgjigje “pozitive” ndaj propozimit të fundit për armëpushim, të ndërmjetësuar nga Katari dhe Egjipti.

Trump pritet të takohet sot në Shtëpinë e Bardhë, në orën 18:00 me orën lokale të SHBA-së, me kryeministrin Netanyahu, takim gjatë të cilit do të diskutohet edhe mbi presionin e SHBA-së për një ndalim të luftimeve në Gaza.

LEXONI GJITHASHTU:

• Trump: Izraeli pranon kushtet për armëpushim 60-ditor në Gaza, fillojnë bisedimet
• Trump: Dua që populli i Gazës të jetë i sigurt, megjithatë SHBA-ja…

The post Trump: Jemi afër një marrëveshjeje për Rripin e Gazës, mund të arrihet brenda javës appeared first on Euronews Albania.

Prokuroria e Posaçme SPAK, ka nxjerrë nga sirtarët e saj dhe ia ka vënë në dispozicion avokatëve, marrëveshjen ligjore të lidhur me të pandehurin Erjon Alibej alias Agim Shurbi “Krymi”, të akuzuar për 7 vrasje dhe krime të tjera.

Kjo kontratë pendesë, e siguruar nga “Ora News” që mban datën 29 qershor 2023, e lidhur mes financuesit të një zinxhiri vrasjesh nga Durrësi në Elbasan, Erjon Alibej dhe 3 prokurorëve të SPAK, është firmosur nga palët 1 vit pasi ai kishte dhënë rrëfimin e parë, përballë një kamere që filmonte dhe ndiqej nga oficerët e BKH-së dhe prokurorët.

“…kur vendosa të trokas në institucionin tuaj për të dhënë shpjegime dhe për të sqaruar pozicionin tim mbi gjithçka ka ndodhur në jetën time dhe familjarët e mi, kam hequr dorë nga çdo gjë, përfshirë këtu hakmarrjen për ato që mua dhe familjes time i kanë ndodhur. Unë tashmë ia kam lënë në dorë gjithçka drejtësisë…”,- thotë Erjon Alibej në rrëfimin e tij.

Por me rrëfimin e tij si në SPAK dhe në Gjykatë, i pandehuri Erjon Alibej, nuk solli identifikimin e ndonjë ngjarje kriminale të re apo arrestimin e ndonjë personi tjetër që SPAK, nuk kishte dijeni.

Ai ka treguar mbi kalvarin e familjes së tij, që nisi me “luftën” ballore me shokët e fëmijërisë të familjes Çopja, Kel Kamami, muhabetet që bënte me Suel Çelën, Arjan Spahinë, Sandër Bahon, Bujar Gërmizin, Florenc Çapjan, Kamer Mehjan e të tjerë dhe urdhërat apo financimet që realizonte për të kryer vrasje.

Vrasjet e realizuara në segmentin Durrës, Rrogozhinë, Peqin, Bradashesh, Elbasan dhe financimin e tyre, i kanë treguar tre të penduar të tjerë para Erjon Alibej.

Pendesa e Alibejt, është realizuar dy vite pasi u arrestua nga prokurori i Elbasanit, Ritvan Suka.

Dhe dy vite pasi bashkëpuntorët e tjerë të SPAK, Euglen Halili, Henrik Hoxhaj (i përjashtuar) dhe Nuredin Dumani, kishin treguar një pjesë të mirë të dinamikave kriminale të drejtuara dhe financuara nga Erjon Alibej.

Rrëfimi i Alibejt, nuk solli asnjë arrestim për SPAK. Vetëm se rrëfimet e tij janë përdorur nga SPAK si provë makiazhi në disa dosje të tjera të regjistruara, kundër elementëve kriminale, ku provat gjenerale janë komunikimet e “Sky”.

Kjo nuk është kontrata e pendesës, por kontrata e shpresës për të shpëtuar nga burgimi i përjetshëm, Erjon Alibej.

Por kontrata e pendesës së Alibej, është shpërndarë dje tek avokatët nga ftuesi i Gjykatës së Posaçme, pasi dy prokurorët e dosjes ia vunë në dispozicion gjyqtares, Ëngjellushe Tahiri, për ta administruar në dosjen e gjykimit.

Dhe në një farë mënyre me këtë lëvizje taktike, plotësuan “dëshirën” e avokatëve të të pandehurve në këtë proces gjyqësor, të cilët e kishin kërkuar marrëveshjen me insistim, përpara se të nisin pyetjen e bashkëpunëtorit të SPAK-ut, Erjon Alibej.

Mirëpo seanca e djeshme gjyqësore e dosjes penale që publikisht njihet si “Plumbi i Artë”, është shoqëruar me debate ligjore mes avokatëve mbrojtës dhe dy përfaqësuesve të prokurorisë së posaçme SPAK.

Avokatët, kërkuan që prokuroria të dorëzonte dhe 6 proces-verbale me deklarime të mara nga Erjon Alibej me video dhe audio, seanca pyetjesh këto që janë kryer në muajin qershor 2022 dhe muajin dhjetor 2022.

Kërkesë e cila u pranua nga gjykatësja Tahiri, e cila detyroi prokurorët që seancën e radhës (të Enjte) të vinin në dispozicion të këtij gjykimi dhe 6 deklarimet e tjera që i pandehuri Erjon Alibej, ka dhënë për prokurorinë SPAK.

Ndërkohë që dy proces-verbalët e tjerë të pyetjes së Erjon Alibej në muajin 12-13 Korrik 2023, ishin vënë më parë në dispozicion të avokatëve.

“Ora News”, ka mundur të sigurojë të plotë kontratën e pendesës, e cila mbështet në 7 pika, ku palët duhet ta zbatojnë në mënyrë reciproke.

Përmes kësaj kontrate 3 prokurorët e SPAK marrin përsipër se në këmbim të dhënieve dhe të dhënave të ofruara nga bashkëpunëtori i Drejtësisë, marrin përsipër t’i argumentojnë gjykatës dhe t`i kërkojnë asaj, uljen e dënimit apo dhe përjashtimit të dënimit të mbetur ndaj Erjon Alibej.

Në pikën Nr.1 të marëveshjes thuhet se: “…personi nën hetim Erion Alibej alias Dylgjeri merr përsipër të bashkëpunojë me Prokurorinë e Posaçme Kundër Korrupsionit dhe Krimit të Organizuar, duke dëshmuar dhe dhënë informacion të plotë e pa asnjë rezervë ose kusht për të gjithë faktet, ngjarjet dhe rrethanat që shërbejnë si prova vendimtare, për zbulimin, hetimin, gjykimin e të gjithë krimeve të rënda të kryera nga ai dhe të gjithë bashkëpunëtorët e tij, si dhe për parandalimin e krimeve të tjera të rënda dhe riparimin e dëmeve të shkaktuara prej tyre. Në dëshminë e tij personi nën hetim Erion Alibej/Dylgjeri duhet të identifikojë të gjithë pasuritë me origjinë kriminale në posedim të tij dhe bashkëpunëtorëve. Këto të dhëna duhet të jepen brenda 30 ditëve nga nënshkrimi i Marrëveshjes…”.

Në pikën Nr.2 të marrëveshjes thuhet se: “…personi nën hetim Erion Alibej/Dylgjeri merr përsipër që ta vazhdojë bashkëpunimin e tij me Prokurorinë e Posaçme Kundër Korrupsionit dhe Krimit të Organizuar në mënyrë konstante edhe gjatë gjykimit të çështjes, në çdo shkallë të procesit gjyqësor, deri në përfundimin e tij…”.

Në pikën Nr.3 të marrëveshjes thuhet se: ”…prokurorët marrin përsipër që ti njohin të hetuarit statusin e “Bashkëpunëtorit të Drejtësisë”, si dhe të gjitha përfitimet që i siguron ky status. Gjithashtu prokurorët marrin përsipër t’i argumentojnë gjykatës dhe t’i kërkojnë që, në këmbim të të dhënave dhe fakteve të ofruara nga bashkëpunëtori i drejtësisë, në varësi nga rëndësia e tyre për zgjidhjen e të gjithë elementëve të çështjes, uljen e dënimit apo edhe përjashtimin e tij nga dënimi i mbetur…”.

Në pikën Nr.4 të marrëveshjes thuhet se: ”…prokurorët marrin përsipër, gjithashtu, që nëse kërkohet nga pala në marrëveshje, të fillojnë menjëherë procedurat dhe të argumentojë marrjen e masave të posaçme të mbrojtjes për bashkëpunëtorin e drejtësisë, apo personat e afërm dhe të lidhur me të, sipas ligjit “Për mbrojtjen e dëshmitarëve dhe të bashkëpunëtorëve të drejtësisë…”.

Në pikën Nr.5 të marrëveshjes thuhet se: “…kjo marrëveshje bashkëpunimi mund të revokohet nga pala e akuzës, kur vërtetohet se bashkëpunëtori i drejtësisë bën deklarime të rreme, mban rezerva lidhur me faktet, ngjarjet dhe rrethanat që provohet se ka dijeni, ose kur ai me dashje shkel kushtet e përcaktuara në këtë akt marrëveshje…”.

Në pikën Nr.6 të kësaj marrëveshje thuhet se: “…kjo Akt Marrëveshje hyn në fuqi menjëherë pas nënshkrimit të saj…”.

Në pikën Nr.7 të marrëveshjes thuhet se: “…marrëveshja redaktohet në dy kopje me vlerë të njëjtë, njëra prej të cilave qëndron në fashikullin e prokurorit, kurse tjetra i vihet në dispozicion personit nën hetim…”./ Ora News

The post Kontrata e pendesës/ Nga ulja e dënimit deri tek pasuritë, marrëveshja me 7 pika e Erjon Alibejt me SPAK-un appeared first on Albeu.com.

Sipas marrëveshjes, prodhuesit britanikë të makinave do të përfitojnë nga një kuotë e re eksporti me tarifë të reduktuar 10%, nga 27.5% që ishte më parë. Po ashtu, tarifat aktuale 10% për motorët dhe pjesët e avionëve janë hequr plotësisht, duke rritur konkurrueshmërinë e industrisë ajrore britanike në tregun amerikan.

“Kjo është një fitore për eksportuesit britanikë dhe një sinjal i qartë për përmirësimin e marrëdhënieve tona tregtare me SHBA-në,” thuhet në deklaratën zyrtare.

Megjithatë, sfida mbetet për sektorin e çelikut dhe aluminit. Britania është përkohësisht e përjashtuar nga tarifat deri në 50% që SHBA vendosi për vendet e tjera në fillim të këtij muaji, por rrezikon përfshirjen në këto masa duke filluar nga data 9 korrik nëse nuk arrihet një marrëveshje përfundimtare.

“Ne do të vazhdojmë të shkojmë më tej dhe të bëjmë përparim drejt tarifave 0% për produktet kryesore të çelikut, siç është rënë dakord,” shtoi qeveria britanike.

LEXONI GJITHASHTU:

• Netanyahu: Fitorja kundër Iranit hap mundësi të reja për Izraelin
• Trump: SHBA shkatërroi plotësisht programin bërthamor të Iranit

The post Marrëveshja tregtare SHBA–Britani hyn në fuqi: Ulen tarifat për makinat appeared first on Euronews Albania.

Është e rëndësishme të kuptoni historitë dhe paragjykimet tuaja përpara se të bisedoni me vajzën tuaj, sepse ato mund të jenë shkak për mosmarrëveshje të mundshme

Ajo që vesh vajza juaj varet nga kultura në të cilën jetoni, kultura ku jeni rritur vetë dhe sa mirë e njihni personalitetin e saj. Pothuajse çdo kulturë promovon kontrollin prindëror, duke komentuar zgjedhjet e fëmijëve dhe duke vendosur rregulla rreth ndryshimeve që lidhen me trupin e femrës.

Ka shumë rregulla të pashkruara, por një e vërtetë është objektive: ju dëshironi të mbroni vajzën tuaj. Por cila është mënyra e duhur?

Gjëja e parë që duhet të bëni është të reflektoni për mënyrën si ndiheni për trupin tuaj dhe për veshjet që zgjidhni. Jo më kot thuhet: “Fillimi është nga vetja”. Kur keni qenë adoleshente, a keni dashur të eksperimentonit me veshjen? Me diçka më modeste? Apo diçka që binte në sy? A ishit të lira të ndiheshit si një individ autentik? Është me rëndësi të kuptoni historitë dhe paragjykimet personale përpara se të flisni me vajzën tuaj , sepse këto ndjesi mund të ndikojnë kur e shihni, bie fjala, “belin e saj të zhveshur”, transmeton Telegrafi.

Kur të vijë puna te vajza juaj, përqendrohuni në pamjen e përgjithshme. Çfarë do të ndodhë me marrëdhënien tuaj nëse nuk e lejoni të veshë një fanellë të shkurtër? A është vajza juaj tipi që turpërohet dhe tërhiqet? Apo do t’i veshë gjithsesi rrobat që dëshiron, pa lejen tuaj? A do ta largojë mosmiratimi juaj, apo do t’ju afrojë?

Këto pyetje duhet t’ju ndihmojnë të arrini në disa përfundime mbi mënyrën si ta vazhdoni bisedën. Diskutimi për veshjen është një mundësi për të marrë vendime së bashku, në mënyrë që të ndiheni të respektuar të dyja. Qasuni me prani dhe bashkëpunim.

Mund t’i thoni diçka të tillë: “Më duket pak e sikletshme ideja e fustaneve shumë të shkurtër, sepse tregojnë shumë lëkurë. Por e kuptoj që ky është stili i sotëm dhe dua që ti të ndihesh e sigurt dhe e lumtur me atë që vesh. Si mund ta zgjidhim këtë bashkë?”

Dëgjoni më shumë sesa flisni dhe shikoni nëse mund të arrini një kompromis – që do të thotë të dyja palët heqin dorë nga diçka. Qëllimi nuk është kontrolli mbi vajzën tuaj, por ndërtimi i një dialogu.

Ndihmojeni atë të piqet pa turp, por me një ndjenjë mase dhe shije, raporton “WashingtonPost”. /Telegrafi/

The post A duhet të lejohen vajzat adoleshente të vishen siç dëshirojnë? appeared first on Telegrafi.

Cepi juglindor i Evropës, përfshirë Kosovën, po shndërrohet në terrenin ku shtetet më të fuqishme përpiqen të zhvendosin një nga dilemat e tyre: çfarë të bëjnë me migrantët që nuk i duan brenda kufijve të vet? Së fundi, Kosova është pajtuar të strehojë 50 migrantë nga shtete të treta që qëndronin në SHBA, ndërsa ka […]

The post Marrëveshjet me SHBA për migrantët: Çfarë përfiton Kosova dhe pse kritikohen ato? appeared first on BoldNews.al.

Qeveria në detyrë e Kosovës ka vendosur që të ofrojë mbrojtje të përkohshme për 50 persona nga shtetet e treta, në kuadër të bashkëpunimit me Shtetet e Bashkuara.

“Personat subjekt të këtij vendimi, gjatë kohës së qëndrimit në Republikën e Kosovës, do të veprojnë në përputhje me legjislacionin në fuqi dhe do të gëzojnë të drejtat e përcaktuara me legjislacionin në fuqi“, njoftoi ekzekutivi në detyrë, pasi mbajti një mbledhje elektronike më 11 qershor.

Kryeministri në detyrë i Kosovës, Albin Kurti, tha se qëndrimi i deri në 50 personave në vend, të cilët më pas do të kthehen në vendet e tyre të origjinës, do të menaxhohet dhe koordinohet nga Ministra e Punëve të Brendshme. Përmes një postimi në X, pas marrjes së këtij vendimi, Kurti shtoi se autoritetet kosovare do të punojnë “në bashkëpunim të ngushtë me autoritetet përkatëse amerikane gjatë gjithë procesit”.

Të enjten, një zëdhënës i Departamentit amerikan të Shtetit tha për Radion Evropa e Lirë se SHBA-ja i është “mirënjohëse partnerit tonë, Kosovës, për pranimin e shtetasve të vendeve të treta të dëbuar nga Shtetet e Bashkuara”.

“E mirëpresim bashkëpunimin për këtë përparësi kyçe të administratës Trump”.

Zëdhënësi nuk pranoi të përgjigjej në pyetjet specifike se pse u zgjodh Kosova, cilat kritere po përdoren për përzgjedhjen e imigrantëve, apo nëse Kosova do të marrë mbështetje ose stimuj në këmbim të pjesëmarrjes në këtë marrëveshje. Departamenti i Shtetit i referoi pyetjet e mëtejshme Qeverisë së Kosovës.

Më herët gjatë së mërkurës, zëdhënësi i ekzekutivit në detyrë të Kosovës, Përparim Kryeziu, kishte konfirmuar për Radion Evropa e Lirë se Kosova kishte shprehur gatishmërinë për të bashkëpunuar me SHBA-në lidhur me pranimin dhe zhvendosjen e përkohshme të shtetasve të vendeve të treta në Kosovë, “në përputhje me kushtet e përcaktuara”.

“Përgjatë një periudhe njëvjeçare, deri në pesëdhjetë persona mund të zhvendosen përkohësisht, me qëllim të lehtësimit të kthimit të tyre të sigurt në vendin e prejardhjes. Qeveria ka shprehur gatishmërinë që të angazhohet, me mundësinë për të përzgjedhur individë nga një listë e propozuar, për aq sa ata i plotësojnë kriteret e caktuara lidhur me sundimin e ligjit dhe rendin publik”, deklaroi Kryeziu.

Departamenti amerikan i Shtetit (DASH) ka konfirmuar për REL-in më 6 qershor se vendet e rajonit të Ballkanit janë përfshirë në kontaktet brenda një strategjie më të gjerë amerikane për dëbimin e shtetasve të huaj pa status të rregulluar.

“Partnerët amerikanë dhe udhëheqësit rajonalë po punojnë ngushtë me ne për t’i dhënë fund krizës së migrimit të paligjshëm dhe masiv”, theksoi DASH-i, duke shtuar se zbatimi i politikës së migracionit të administratës së presidentit Trump, është një nga prioritetet kryesore të tij.

“Largimi nga SHBA-ja i të huajve, për të cilët ekzistojnë urdhra përfundimtarë për dëbim, si dhe dëbimi i imigrantëve të paligjshëm, i mbron Shtetet e Bashkuara nga terroristët e huaj dhe kërcënimet e tjera ndaj sigurisë kombëtare dhe rendit publik”, thuhet në përgjigje.

Nga DASH-i theksuan, gjithashtu, se bashkëpunimi i vazhdueshëm me qeveritë e huaja është kyç për parandalimin e migrimit të paligjshëm dhe masiv, si dhe për sigurinë kufitare. Qeveria në detyrë e Kosovës tha se Shtetet e Bashkuara mbeten një aleat i palëkundur i Republikës së Kosovës.

“Partneriteti ynë i ndërsjellë, i ndërtuar ndër dekada, mbështetet në vlera të përbashkëta dhe bashkëpunim. E vlerësojmë lart mbështetjen e tyre, sidomos në rrugëtimin tonë drejt integrimit në institucionet euroatlantike”.

Agjencia e lajmeve Reuters, duke cituar median Bloomberg News, raportoi më 5 qershor se administrata e presidentit Trump po ushtron trysni ndaj Serbisë dhe vendeve të tjera të Ballkanit që t’i pranojnë migrantët e dëbuar nga Shtetet e Bashkuara.

Muajin e kaluar, Gjykata Supreme e SHBA-së i lejoi administratës Trump të tërheqë statusin e përkohshëm ligjor për qindra mijëra migrantë nga Venezuela, Kuba, Haiti dhe Nikaragua, që jetojnë në SHBA, duke forcuar kështu përpjekjet e presidentit republikan për shtimin e dëbimeve.

Sipas Bloomberg-ut, administrata Trump po kërkon destinacione të mundshme për migrantët që mund të dëbohen si rezultat i këtij vendimi. Qeveria në detyrë e Kosovës më 26 maj ka shprehur gatishmëri për të diskutuar edhe me Mbretërinë e Bashkuar, propozimin për ngritjen e “qendrave të kthimit” në Kosovë për azilkërkuesit e refuzuar nga ishulli britanik. Propozimi për ngritjen e qendrave të kthimit është pjesë e një strategjie më të gjerë të Mbretërisë së Bashkuar për të adresuar numrit në rritje të migrantëve që mbërrijnë në ishullin anglez përmes rrugëve të paligjshme.

Megjithatë, organizata ndërkombëtare Human Rights Watch ka shprehur shqetësimin se përdorimi i vendeve të Ballkanit si vende pritëse për migrantët mund të shkelë të drejtat e tyre dhe të krijojë sfida të reja për vendet pritëse. Në një marrëveshje të ngjashme që po ashtu kishte nxitur kritika, në vitin 2022, Kosova dhe Danimarka u pajtuan për dhënien me qira të 300 qelive burgu në Institucionin Korrektues në Gjilan për të strehuar të burgosur të huaj që pritet të dëbohen nga Danimarka pas përfundimit të dënimit.

Në këmbim, Kosova do të përfitojë mbi 200 milionë euro, të cilat do të investohen në Shërbimin Korrektues dhe në projekte të energjisë së ripërtëritshme. Kjo marrëveshje kishte ngjallur reagime nga organizatat ndërkombëtare dhe shoqëria civile, të cilat kanë shprehur shqetësime për mundësinë e shkeljes së të drejtave të njeriut dhe për sfidat që mund të sjellë menaxhimi i të burgosurve të huaj në Kosovë.

Më parë, Kosova kishte strehuar edhe rreth 1.900 shtetas afganë, që ishin evakuuar nga Afganistani pas rikthimit të talibanëve në pushtet në vitin 2021. Pas dy vjetësh funksionimi, kampi “Liya” në bazën ushtarake amerikane Bondsteel në Ferizaj ishte mbyllur. Sipas Ministrisë së Punëve të Brendshme të Kosovës, pjesa më e madhe e afganëve ishin transferuar tashmë në vendet pritëse, ndërsa një numër i vogël mbetet ende në Kosovë.

Sipas marrëveshjes ndërmjet Kosovës dhe Shteteve të Bashkuara, afganët do të qëndronin në Kosovë derisa do të kalonin procesin e verifikimit për t’u zhvendosur në SHBA, ose në ndonjë vend tjetër perëndimor./ REL

The post Marrëveshja me SHBA-në, Kosova pranon të strehojë përkohësisht 50 emigrantë appeared first on Lapsi.al.

Presidenti amerikan Donald Trump, njoftoi arritjen e një marrëveshjeje me Kinën për tarifat. Përmes një postimi në Twitter, Trump tha se tani marrëveshja është në fazat e fundit të miratimit nga ai dhe Presidenti Xi Jinping.

Si pjesë e marrëveshjes, Pekini do të marrë përsipër të furnizojë menjëherë Shtetet e Bashkuara me magnete dhe metale të rralla, duke mbuluar plotësisht nevojat përkatëse të industrisë amerikane.

Në anën tjetër, SHBA do të respektojnë angazhimet e tyre ndaj Kinës, përfshirë pranimin e studentëve kinezë në universitetet dhe kolegjet amerikane, një pikë kjo që, sipas Trump-it, “gjithmonë e kam mbështetur”.

Theks i veçantë iu vu edhe çështjes së tarifave, ku Trump sqaroi se Shtetet e Bashkuara do të mbajnë një normë totale tarifore prej 55%, ndërsa Kina do të aplikojë tarifa përkatëse prej 10%.

Ai e përshkroi gjendjen aktuale të marrëdhënieve dypalëshe si “të jashtëzakonshme”, ndërsa e mbylli mesazhin e tij duke falënderuar ata që po ndjekin nga afër zhvillimet rreth marrëveshjes.

The post Trump arrin e marrëveshjen me Kinën: Tarifa do të jetë 55%! appeared first on Lapsi.al.

Presidenti i SHBA-së Donald Trump, njoftoi arritjen e një marrëveshjeje me Kinën për tarifat, e cila, siç vuri në dukje ai, është tani në fazat e fundit të miratimit nga ai dhe Presidenti Xi Jinping. Si pjesë e marrëveshjes, Pekini do të marrë përsipër të furnizojë menjëherë Shtetet e Bashkuara me magnete dhe metale të […]

The post Trump njofton arritjen e marrëveshjes me Kinën: Tarifa do të jetë 55% appeared first on BoldNews.al.

Presidenti i SHBA-së, Donald Trump, ka deklaruar se është arritur një marrëveshje paraprake me Kinën pas dy ditësh bisedimesh në Londër mes zyrtarëve të lartë të të dy vendeve. Sipas tij, marrëveshja pret miratimin përfundimtar nga ai vetë dhe Presidenti kinez, Xi Jinping.

Në një postim në platformën e tij Truth Social, Trump tha se marrëveshja përfshin furnizimin e Shteteve të Bashkuara me metale të rralla dhe të lehtësimin e aksesit për studentët kinezë në institucionet arsimore amerikane.

“Magnetet e plota dhe çdo metal i rrallë i nevojshëm do të furnizohen paraprakisht nga Kina. Po kështu, ne do t’i ofrojmë Kinës atë që është rënë dakord, përfshirë studentët kinezë që do të përdorin kolegjet dhe universitetet tona, gjë që gjithmonë më ka pëlqyer!”, shkroi Trump.

Theks i veçantë iu vu edhe çështjes së tarifave, ku Trump sqaroi se Shtetet e Bashkuara do të mbajnë një normë totale tarifore prej 55%, ndërsa Kina do të aplikojë tarifa përkatëse prej 10%.

Ai e përshkroi gjendjen aktuale të marrëdhënieve dypalëshe si “të jashtëzakonshme”, ndërsa e mbylli mesazhin e tij duke falënderuar ata që po ndjekin nga afër zhvillimet rreth marrëveshjes.

Sekretari amerikan i Tregtisë, Hoëard Lutnick, konfirmoi se bisedimet kishin prodhuar një kornizë të re për zbatimin e marrëveshjes dhe synonin heqjen e kufizimeve mbi eksportet kineze të metaleve të rralla dhe magneteve – materiale jetike për teknologjitë moderne, nga telefonat inteligjentë deri te automjetet elektrike.

“Ne kemi arritur një kornizë për të zbatuar konsensusin e Gjenevës,” deklaroi Lutnick. “Sapo presidentët ta miratojnë, ne do të përpiqemi ta zbatojmë atë.”

Të dyja palët kanë ngritur shqetësime për shkelje të marrëveshjeve të mëparshme. SHBA akuzon Kinën për vonesa në eksportet e metaleve të rralla, ndërsa Pekini kritikon Uashingtonin për kufizimet mbi teknologjitë amerikane dhe ndalimin e vizave për studentët kinezë.

Bisedimet në Londër pasuan një telefonatë mes Trump dhe Xi më 5 qershor, që të dy liderët e përshkruan si konstruktive. Zëvendësministri i Tregtisë i Kinës, Li Chenggang, konfirmoi se të dy palët kishin arritur një konsensus për zbatimin e marrëveshjeve të mëhershme.

LEXONI GJITHASHTU:

• Trazirat në Los Angeles, Trump udhëzon agjencitë amerikane të ndërmarrin veprime
• Pse nisën tubimet në Los Angeles, Trump urdhëron futjen e Gardës Kombëtare: Rebelim

The post “Do na sigurojnë metalet e rralla”- Trump: Arritëm marrëveshjen tregtare me Kinën appeared first on Euronews Albania.

TIRANË, 11 qershor/ATSH/ Ministrja e Turizmit dhe e Mjedisit, Mirela Kumbaro ndau sot një videomesazh nga Nice, qyteti në Francë, aty ku po mbahet Konferenca e Oqeaneve të Kombeve të Bashkuara.

Kumbaro tha se Shqipëria nuk prezantohet vetëm në nivel pjesëmarrjeje në këtë aktivitet të rëndësishëm, por bëhet pjesë e Konventës për të drejtat e Detit dhe Oqeaneve duke firmosur angazhimin e saj në qeverisjen, përdorimin e qëndrueshëm dhe mbrojtjen e biodiversitetit detar krah 60 shteteve të tjera të botës.

“Nga Nice në Francë ku po mbahet Samiti për të drejtën e Detit dhe Oqeaneve në kuadrin e emergjencave nga ndryshimet klimatike ku të gjitha vendet e Kombeve të Bashkuara nën udhëheqjen e Francës dhe Presidentit Macron ratifikuan Konventën për të drejtën e Detit dhe Oqeaneve dhe rolin që mund të luajë secili nga vendet. Shqipëria e ratifikoi këtë konventë në Kuvendin e Shqipërisë të enjten e kaluar, dhe sot e dorëzojmë në prani të 60 vendeve të tjera, që ishte numri i detyrueshëm që kjo konventë të marrë formë ligjore”, tha Kumbaro.

Ministrja Kumbaro u shpreh se Shqipëria radhitet, krah vendeve të cilët bëjnë një punë shumë të madhe në mbrojtjen e mjedisit dhe mjedisit detar duke ruajtur zhvillimin e qëndrueshëm të Shqipërisë, të turizmit, por edhe mbrojtjes së mjedisit.

“Shqipëria nuk është vend ndotës, në rend global dhe as nuk impakton ndryshimet klimatike, por me modelet e saj vazhdon të jetë në krye të tavolinave të debatit që nga lumi i egër i fundit në Evropë, lumi Vjosa tashmë Park Kombëtar me 480 km vijë lumore, deri tek shtimi i sipërfaqeve të zonave të mbrojtura, gjetja e një ekuilibri të drejtë midis zhvillimit të qëndrueshëm të turizmit, ekonomisë lokale të agroturizmit dhe mbrojtjes së mjedisit”, pohoi Kumbaro.

Kumbaro pohoi se “janë të gjitha instrumente të cilat në një ekuilibër jo të lehtë për një vend kaq të vogël sa Shqipëria, që territoret i ka më kufizim të arrijë të bëhet model në mënyrë modeste krah vende me një zhvillim shumë të madh që i kanë kapërcyer kufijtë e kontinenteve”.

“Jemi këtu dhe do të vazhdojmë të ndërtojmë modelin tonë që Shqipëria ta mbrojë mjedisin, ta mbrojmë natyrën për fëmijët tanë. Ja u kemi borxh”, tha Kumbaro.

Kuvendi i Shqipërisë miratoi me 71 vota pro javën që kaloi projektligjin “Për ratifikimin e marrëveshjes sipas Konventës së Kombeve të Bashkuara për të drejtën e detit mbi ruajtjen dhe përdorimin e qëndrueshëm të diversitetit biologjik detar të zonave përtej juridiksionit kombëtar”.

Nëpërmjet ratifikimit të kësaj marrëveshje ajo që përfiton drejtpërsëdrejti Shqipëria është ndërtimi dhe përmirësimi i kapaciteteve dhe transferimi i teknologjisë detare, që konsiston në dhënien e mbështetjes për përforcimin e angazhimeve.

/e.i/a.f/

The post Kumbaro: Shqipëria firmos angazhimin për mbrojtjen e biodiversitetit detar krah 60 vendeve të botës appeared first on Agjencia Telegrafike Shqiptare.