Të premten e ardhshme, më 15 gusht, fillon sezoni 2025-26 i LaLiga-s. Një ditë më vonë, Barcelona do të luajë ndeshjen e saj të parë në “Son Moix” kundër Majorkës.

Koha po mbaron dhe klubi Blaugrana nuk i ka bërë të gjitha detyrat e shtëpisë për ta përgatitur skuadrën për ndeshjen.

Pavarësisht se kanë bërë lëvizje në tregun e transferimeve dhe kanë nënshkruar me tre lojtarë, ata ende nuk i kanë regjistruar ata.

Por, nuk janë vetëm nënshkrimet. Deri më sot, lista e lojtarëve të Barcelonës në La Liga, ka tetë lojtarë që ende nuk janë regjistruar, megjithëse rrethanat ndryshojnë shumë në secilin rast.

Dhe ky është një problem për Flik, i cili nuk e di saktësisht se kujt mund t’i besojë për Mallorcën. Janë të gjitha spekulime dhe qëllime të mira, por realiteti është se ka ende shumë punë për t’u bërë dhe ka lojtarë të rëndësishëm që nuk janë në dispozicion të trajnerit.

Tetë lojtarët që nuk janë regjistruar janë: Joan Garsia, Shezni, Gerard Martín, Hektor Fort, Bernal, Rashford, Runi Bardgi dhe Oriol Romeu, megjithëse ky i fundit është pothuajse i sigurt se do të largohet nga klubi.

PORTA – Problemi më i madh është te porta. Joan Garsia, për të cilin klubi pagoi 25 milionë te Espanjoli dhe Shezni, i cili rinovoi kontratën e tij disa javë më parë, ende nuk janë regjistruar.

Megjithatë, dy portierët në të cilët klubi nuk mbështetet janë: Ter Shtegen dhe Injaki Penja. Ka një luftë të hapur me të parin, sepse ai refuzon të nënshkruajë autorizimin që klubi të dërgojë raportin mjekësor në LaLiga pas operacionit të tij për shkak të mospërputhjeve në kohëzgjatjen e mungesës së tij.

Dhe Injaki Penja, portieri i katërt i Flik, ka qenë në kërkim të një destinacioni gjatë gjithë verës.

SULMI – Problemi i dytë vjen nga sulmi, ku dy nënshkrimet e reja të ekipit nuk janë regjistruar në La Liga.

Më i rëndësishmi është Rashford, një sulmues i cili duhet të jetë një pjesë kyçe e skemës së Flik gjatë gjithë sezonit.

Bardgi mund të nënshkruajë me ekipin rezervë. Asnjëri prej tyre nuk është aktualisht i regjistruar dhe është e habitshme që Ansu Fati, mbetet i regjistruar pavarësisht se është huazuar te Monako.

MËNYRAT PËR T’U REGJISTRUAR – Ka dy mënyra që Barcelona të regjistrojë lojtarë. Njëra është të përdorë regjistrimin e Ter Shtegen nëse gjermani mungon për të paktën katër muaj.

Dhe tjetra është që auditori, dhe më pas La Liga, të autorizojë ndenjëset VIP në “Camp Nou”. Nëse do të ishte kështu, Barcelona do të kthehej te rregulli 1:1 dhe do të ishte në gjendje të regjistronte nënshkrimet.

The post Vetëm tetë ditë para fillimit të La Ligës, Barcelona ka ende shtatë lojtarë për t’u regjistruar appeared first on Albeu.com.

Në orët e para të mëngjesit të sotëm, një ngjarje e rëndë ka ndodhur  në fshatin Nënmavriq, Shkodër, ku një 47-vjeçar është gjetur pa shenja jete pranë banesës së tij.

Dyshohet se shkak për vdekjen e tij, është bërë pickimi nga bletët.

Policia dhe grupi hetimor po punojnë për zbardhjen e plotë të rrethanave.

Njoftimi i policisë:

Në orët e para të mëngjesit të sotëm, në fshatin Nënmavriq, është gjetur nga familjarët, në afërsi te banesës, trupi i pajetë i shtetasit Z. V., 47-vjeç. Nga këqyrja e trupit nuk janë konstatuar shenja dhune.

Paraprakisht, dyshohet se 47-vjeçari e ka humbur jetën, si pasojë e pickimit nga bletët. Grupi hetimor po heton për të dokumentuar rrethanat e rastit.

The post E rëndë në Shkodër, 47-vjeçari gjendet pa shenja jete, për çfarë dyshohet appeared first on Albeu.com.

Kryetari i Grupit Parlamentar të Partisë Demokratike, Gazment Bardhi, ka publikuar sërish në rrjetet sociale video nga zgjedhjet e 11 Majit, duke akuzuar patronazhistët e Partisë Socialiste për prishjen e sistemit të videomonitorimit në disa qendra votimi.

Sipas Bardhit, në shumë qendra votimi kamerat ose nuk janë ndezur fare, ose kanë funksionuar vetëm për pak minuta, duke krijuar mundësi për shkelje të procesit të votimit. Ai thotë se në disa qendra votimi, kamera janë vendosur në pozicione që nuk filmojnë procesin e votimit, por vetëm dyshemenë apo tavanin.

Postimi i Gazment Bardhit:

Episodi 3/ Mungesë transparence = Farsë Elektorale
Sipas nenin 22 të Kodit Zgjedhor, KQZ-ja instalon dhe përdorë sisteme videomonitorimi në qendrat e votimit (QV), për të monitoruar dhe provuar rregullshmërinë e procesit në mjediset e brendshme të tyre. Për këtë proces, KQZ-ja ka shpenzuar rreth 5 milionë euro nga paratë e qytetarëve shqiptarë.
Në ato pak QV ku sistemi i videomonitorimit është vënë në punë, nga ana jonë janë evidentuar shkelje të rënda të procesit të votimit dhe haptazi krime të shumëfishta elektorale, të cilat janë bërë apo do të bëhen publike këto ditë.
Në rastin më poshtë konstatohet sesi një patronazhiste e PS, e kamufluar si punonjëse e KQZ, është shndërruar në terroriste elektorale, duke shpërdoruar detyrën dhe duke prishur haptazi sistemin e videomonitorimit. Në QV 2817, njësia administrative Dushk, Bashkia Lushnjë, vetëm 2 orë pasi ka filluar procesi i votimit dhe ku janë regjistruar shkelje të shumta, punonjësja e KQZ prish sistemin e videomonitorimit, duke ndryshuar dhe pozicionuar kamerën në këndin e ambienteve të jashtme të QV. Ky është një krim elektoral dhe KQZ ka detyrimin ta identifikojë punonjësen e vet dhe ta mbajë përgjegjëse penalisht për shpërdorimin e detyrës.
Ndërkohë, nga të dhënat zyrtare të marra nga vetë KQZ rezulton se në më shumë se 85% të QV të qarkut Fier, regjistrimi me sistem video ka qene jashtë funksionit, duke mos arritur të monitorohet rregullshmëria e procesit. Kjo për shkak se:
Në shumë QV nuk ka regjistrime të procesit me sistem videomonitorimi, sepse kamerat nuk janë ndezur fare apo janë ndezur vetëm pak minuta, sipas sistemit të KQZ. Për këtë KQZ ka paraqitur provat nga sistemi i saj që tregojnë që kamerat nuk kanë regjistruar!
Në shumë QV kamera është vendosur në pozicione të cilat nuk arrijnë të identifikojnë proceset e votimit brenda QV, por filmojnë dyshemenë apo tavanin, duke shmangur detyrimin ligjor. Për këtë KQZ shprehet se ajo i ka udhëzuar punonjësit e saj se si duhet vendosur kamera, por udhëzimet e saj nuk janë zbatuar!
Në shumë QV regjistrimi është pa cilësi që të bëjnë të dallueshme procesin e votimit brenda QV me sistem videomonitorimi; për shkak se kamera është lënë e bllokuar. Për këtë KQZ shprehet se kamera mund të ketë humbur cilësinë e saj apo të jetë dëmtuar gjatë transportit!
Në shumë QV regjistrimi është i pjesshëm që nuk përfshin nisjen apo përfundimin e tij (veçanërisht procesin e sigurimit të kutisë së votimit).
Qartazi kjo tregon se zgjedhjet e 11 Maj nuk përmbushën asnjë garanci për rregullshmërinë e tyre. Operatorët Teknik të KQZ kanë shpërdoruar hapur detyrën. Mirëpo, Belinda Balluku që urdhëroi që sistemi i videomonitorimit të nxirrej jashtë funksionit në pjesën dërrmuese të QV-ve në qarkun Fier, ishte edhe garancia e terroristëve elektoralë, të veshur si punonjës të KQZ-së, që të shkelnin ligjin pa pasoja. Ndërsa Task Forca kundër krimeve zgjedhore ishte e zënë duke bërë foto, që të mbanin gjallë alibinë e Edi Ramës se janë duke punuar e luftuar “fuqishëm” krimet zgjedhore!

The post Bardhi publikon sërish video nga zgjedhjet: Ja si një patronazhiste e PS prish sistemin e videomonitorimit appeared first on Albeu.com.

Gjykata Kushtetuese e Kosovës, tha se deputetët e Kuvendit të Kosovës duhet të zgjedhin kreun e ri të organit ligjvënës përmes votimit të hapur.

Konstituimi i Kuvendit, duhet të permbyllet brenda 30-ditësh. Në aktgjykimin e shpallur më 8 gusht, Kushtetuesja tha se kryesuesi i seancës, Avni Dehari, nuk ka vepruar në bazë të aktgjykimit të mëhershëm të kësaj gjykate të 26 qershorit, duke shtuar se të gjitha seancat e mbajtura nga 27 qershori deri më 26 korrik “të shpallen të pavlefshme”.

Gjykata Kushtetuese e Kosovës, ka urdhëruar kryesuesin e seancës konstituive të Kuvendit të Republikës së Kosovës të vazhdojë me pikën 3 të rendit të ditës së seancës lonstituive, të miratuar më 8 prill 2025, dhe të “ftojë përfaqësuesin e grupit më të madh parlamentar për të propozuar kandidatin/en për kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në tre herë për kandidatin/en e njëjtë”.

Gjithashtu, ka urdhëruar që gjatë procedurës së zgjedhjes së kryetarit/es dhe nënkryetarëve të Kuvendit të Republikës së Kosovës, të jenë të gjithë deputetët e zgjedhur të pranishëm dhe të votojnë.

Pas shpalljes së aktgjykimit, deputetja e LDK-së, Hymete Bajrami, tha se aktgjykimin e sotëm, Kushtetuesja vërtetoi se udhëheqësi i LVV-së, njëherësh kryeministri në detyrë, Albin Kurti, e ka “detyruar Deharin të shkelë Kushtetutën”.

“I njëjti kandidat nuk mund të votohet më shumë se tri herë – Albin Kurti më nuk mund ta bllokojë Kosovën për emrin e Albulena Haxhiut sepse shteti i është më i rëndësishëm se gjithçka tjetër”, shkroi ajo në Facebook.

Deputetët e dalë nga zgjedhjet e 9 shkurtit kishin shpërfillur një vendim të Kushtetueses, e cila u dha afat deri më 26 qershor të konstituonin organin ligjvënës.

Pas kësaj, Gjykata vendosi masë të përkohshme, deri në shqyrtimin e lëndëve të dërguara nga Partia Demokratike e Kosovës dhe Lidhja Demokratike e Kosovës, lëndë për të cilat shpalli aktvendimin të premten, më 8 gusht.

Nga 15 prilli deri më 26 korrik, deputetët mbajtën 54 vazhdime të seancës, por dështuan që ta konstituonin organin ligjvënës.

Nga 1 maji, kryesuesi i seancës, Avni Dehari, e ndryshoi rendin e ditës, duke shmangur votimin e hapur dhe duke kërkuar formimin e një komisioni që do të mbikëqyrte votimin e fshehtë për kryeparlamentar.

Kjo formë e votimit u kundërshtua nga PDK-ja, LDK-ja, Aleanca për Ardhmërinë e Kosovës dhe Lista Serbe, që refuzuan të propozonin anëtar për këtë komision.

Gjatë seancave para 1 majit – kur votimi ishte i hapur – e propozuara e LVV-së për kryeparlamentare, Albulena Haxhiu, në disa votime nuk kishte arritur që të merrte 61 votat e nevojshme.

Haxhiu është cilësuar nga PDK-ja dhe AAK-ja si “figurë përçarëse”, ndërkaq LDK-ja ka deklaruar se nuk voton për asnjë kandidat të LVV-së për postin e kryetarit të Kuvendit./ REL

The post Ngërçi me konstituimin në Kosovë/ Kushtetuesja: Kuvendi duhet të zgjedhë kreun e ri përmes votimit të hapur appeared first on Albeu.com.

Në orët e para të mëngjesit të sotëm, Prokuroria e Posaçme, (SPAK), ka kryer operacion në 3 qytete kryesore në vend, në Tiranë, Durrës dhe Elbasan.

Emrat e të dyshuarve kanë dalë në aplikacionin “Sky Ecc”, ku dyshohet se kryenin trafik ndërkombëtar.

Mësohet se 11 masa sigurie për akuzat e grupit dhe trafikut ndërkombëtar, janë firmosur nga gjykata me kërkesë të SPAK, ndërsa nga hetimi i prokurorit Vladimir Mara, rezulton se katër te dyshuarve u janë komunikuar masat në burg, ku gjenden për një dosje tjetër.

Aktualisht, janë arrestuar 3 persona nga policia ndërsa 4 të tjerë janë shpallur në kërkim.

The post SPAK aksion në Elbasan, Tiranë dhe Durrës/ Firmosen 11 masa sigurie për trafik ndërkombëtar, arrestohen 3 persona appeared first on Albeu.com.

Administratori i kompanisë Eco-Elb, Leli Kaja, që menaxhon zonën e trajtimit të mbetjeve në Elbasan, duket se hoqi dorë njëherë e mirë nga vënia në punë e inceneratorit, ndërsa e konsideroi situatën emergjente gjatë një interpelance me Këshillin Bashkiak të qytetit më 29 korrik.

Mali me mbetje i krijuar në Elbasan për shkak të mosfunksionimit të inceneratorit!

“Duhet ndërtuar një landfill i ri. Sasia e mbetjeve ka arritur të shembë disa skarpata anësore të landfillit”, tha Kaja, ndërsa akuzoi këshilltarët bashkiakë se nuk i ishin bërë krah për të gjetur një zgjidhje.

Sipas Kajës, në landfill hyjnë çdo ditë mbi 150 ton mbetje dhe është e pamundur sistemimi i kësaj sasie. “Do të ketë përsëri rrezik”, paralajmëroi ai.

E thirrur për shkak të zjarrit që shpërtheu në fillim të korrikut, interpelanca me Kajën nxorri një tjetër herë në pah krizën e thellë të trajtimit të mbetjeve, për shkak të dështimit të projektit qeveritar me inceneratorët.

Inceneratori i Elbasanit, është më i vogli mes tre impianteve të kontraktuara përmes skemës së partneritetit publik privat nga qeveria shqiptare dhe i kushtoi buxhetit të shtetit 26 milionë euro.

Ndonëse u mburr nga qeveria për teknologjinë dhe zgjidhjen që do të ofronte në përpunimin e mbetjeve, impianti u ndez me hope dhe gjendet prej vitesh me defekt.

Prej vitit 2021, zona e trajtimit të mbetjeve në Elbasan menaxhohet nga kompania publike Eco Elb, e cila e mori atë në administrim përmes një kontrate qiraje nga Agjencia e Administrimit të Pasurive të Sekuestruara dhe Konfiskuara.

Por kompania publike nuk mundi të vendosë në punë inceneratorin, ndërsa mali i plehrave në venddepozitimin pranë tij sa vjen e rritet.

Kriza e re në trajtimin e mbetjeve urbane, është një efekt anësor i kontratave korruptive të inceneratorëve, që u kushtuan taksapaguesve mbi 150 milionë euro për impiante me probleme ose që nuk u ndërtuan asnjëherë.

Në këto kushte, Bashkia e Elbasanit, po kërkon sërish ndihmën e qeverisë për të ndërtuar një landfill të ri ose për të zgjeruar venddepozitimin ekzistues.

Kryetari i Bashkisë së Elbasanit, Gledian Llatja, deklaroi në të njëjtën mbledhje të Këshillit Bashkiak se strategjia e qeverisë i detyronte ata që t’i dërgonin mbetjet në landfill, ndërsa shtoi se vetë bashkia nuk i kishte kapacitet financiare për të ndërtuar një të ri.

“E kemi të pamundur të bëjmë një landfill të ri me buxhetin dhe i kemi shtrirë dorën qeverisë shqiptare që të bëjmë landfillin e ri. Jemi të gjithë të gatshëm të shohim vende të tjera për të landfillin e ri”, deklaroi Llatja.

Këshilltarët bashkiakë të të dyja kampeve shohin gjithashtu, si të vetmen zgjidhje investimet e reja për t’i dhënë fund emergjencës mjedisore me plehrat.

Nënkryetari Zamir Muzhaqi, që përfaqëson të djathtën deklaroi se kjo ishte një çështje imediate për qytetarët e Elbasanit që kërkon zgjidhje.

“Si mund të mos ju alarmojnë 250 mijë tonë mbetje, kur kapaciteti i landfillit është për 25 mijë ton”-? tha ai.

Me një gjuhë më të rrumbullakosur, këshilltari socialist Bukurosh Stafa tha se Bashkia e Elbasanit, nuk ka pasur dorë në çështjen e inceneratorëve.

“Ne si këshill nuk kemi çfarë të bëjmë tjetër përveç një vendgrumbullimi të ri. Propozojmë që pas një muaji, bashkia të na sjellë propozim konkret për një landfill të ri”, tha ai./BIRN

The post BIRN: Harrojeni inceneratorin, Elbasani në kërkim të një landfilli të ri appeared first on Albeu.com.

Këtë të premte, uniformat blu në Tiranë, kanë vendosur në pranga një 28-vjeçar, i cili u kap duke qarkulluar me dy armë zjarri në makinë.

Spas informacioneve policore, 28-vjeçari rezulton shtetas me precedent penal, si pjesëtar i një grupi kriminal në Shkodër.

“Gjatë operacionit u arrestua në flagrancë shtetasi A. M., 28-vjeç, banues në Shkodër, me precedent për prodhim/shitje narkotikësh, në kuadër të grupit të strukturuar kriminal.

Nga kontrolli në automjetin me të cilin ai lëvizte në Allias, u gjetën 2 armë zjarri pistoleta, të cilat dyshohet se do t’ua shiste shtetasve që kryejnë krime kundër jetës dhe pronës”, informuan uniformat blu.

Njoftimi i policisë:

Finalizohet operacioni policor i koduar “Black market”. Sekuestrohen 2 pistoleta.

Arrestohet në Allias, një 28-vjeçar, banues në Shkodër, që dyshohet se do t’ua shiste armët e zjarrit, shtetasve që kryejnë krime kundër jetës dhe pronës.

I arrestuari, shtetas me precedent penal, si pjesëtar i një grupi kriminal në Shkodër.

Në vijim të kontrolleve dhe punës intensive operative të Policisë së Tiranës, me fokus kapjen e shtetasve që lëvizin të armatosur dhe për pasojë, janë rrezik potencial për rendin dhe sigurinë e qytetarëve, shërbimet e Komisariatit të Policisë Nr. 4 finalizuan operacionin “Black market”.

Gjatë operacionit u arrestua në flagrancë shtetasi A. M., 28 vjeç, banues në Shkodër, me precedent për prodhim/shitje narkotikësh, në kuadër të grupit të strukturuar kriminal.

Nga kontrolli në automjetin me të cilin ai lëvizte në Allias, u gjetën 2 armë zjarri pistoleta, të cilat dyshohet se do t’ua shiste shtetasve që kryejnë krime kundër jetës dhe pronës.

Materialet procedurale iu referuan Prokurorisë së Tiranës, për veprime të mëtejshme.

The post Do t’u shiste armë shtetasve që kryejnë vrasje, arrestohet 28-vjeçari, i riu pjesëtar i një grupi kriminal në Shkodër appeared first on Albeu.com.

Prej disa ditësh, një vatër zjarri vijon të përfshijë zonat malore në bashkinë Finiq, duke djegur një sipërfaqe të konsiderueshme pyjore në malin mbi fshatin Dhivër.

Flakët janë përhapur edhe në zonën malore pranë fshatit Navaricë, duke shtuar rrezikun.

Ndërkohë, forcat zjarrfikëse nga disa bashki ndodhen në terren dhe po punojnë pa ndërprerje për të vënë nën kontroll vatrat e zjarrit.

Operacioni mbështetet edhe nga forcat operacionale dhe ndërhyrja ajrore, por terreni i vështirë malor dhe përhapja e shpejtë e flakëve kanë vështirësuar përpjekjet.

Sipas autoriteteve lokale, përparësi po i jepet parandalimit të përhapjes së zjarrit në drejtim të fshatit Leshnicë, ku banesat e banorëve mund të rrezikohen nëse situata përkeqësohet.

The post Zjarri në Finiq, rrezikohen banesat në Leshnicë appeared first on Albeu.com.

Prokuroria e Posaçme, është e bindur se Gentian Sula, administrator dhe një prej ortakëve të shoqërisë shqiptare të sigurimeve “Intersig-Viena Insurance Group”, ka ndihmuar Ajola Xoxën, bashkëshorten e kryetarit të arrestuar të Bashkisë së Tiranës, Erion Veliaj, që të kryejë “pastrim parash”.

Megjithatë, Prokurorët e SPAK-ut, duket se janë treguar tejet tolerantë me sipërmarrësin e sigurimeve, pasi emri i tij nuk gjendet në listën e episodeve korruptive të renditura për Xoxën, në aktin e marrjes së saj të pandehur, miratuar më 23 Korrik 2025.

Vilë falas në Bllok për OJQ-të e Ajolës

Gjatë një hetimi më shumë se një-vjeçar, Prokuroria e Posaçme, ka siguruar të dhëna, në bazë të të cilave ka forcuar bindjen se Ajola Xoxa, ishte pronare dhe drejtuese “faktike” e disa kompanive dhe organizatave-joqeveritare, të cilat formalisht ishin regjistruar në emër të personave të tjerë.

Thuajse të gjithë këto shoqëri kanë siguruar fonde publike nga Bashkia e Tiranës, nën drejtimin e Erion Veliajt dhe paratë, nëpërmjet transferimeve simultane, kanë përfunduar në llogaritë e bashkëshortes së tij, Ajola Xoxa. Të paktën, ky është thelbi i akt-akuzës të formuluar nga Prokurorët e SPAK-ut.

Ndër organizatat që kontrolloheshin nga Ajola Xoxa ishte edhe “Nan Gallery”. Qendra artistike është themeluar në Korrik 2023 nga Driant Zeneli.

Disa muaj më pas, në korrik 2023, ai ia dhuron shoqërinë “Nan Gallery” organizatës jo-fitimprurëse “Harabel” të Ajola Xoxës.

Qendra “Nan Gallery”, pasi kaloi në drejtimin e Xoxas, nisi ushtrimin e aktivitetit të saj në një vilë, në zemër të ish-Bllokut.

Vila dy-katëshe, me sipërfaqe rreth 270 m2, rezulton në pronësi të administratorit të ‘Intersig Viena Insurance Group”, Gent Sula dhe bashkëjetueses së tij, B.A.

Në foto: Gentian Sula, administrator dhe aksioner i “Intersig-Viena Insurance Group”

Nga të dhënat e siguruara nga Prokuroria e Posaçme, rezulton se Gent Sula, ia ka dhënë vilën Ajola Xoxës për përdorim dhe pa qira, në formën e ‘sponsorizimit” për qendrën “Nan Gallery”.

Gentian Sula, i pyetur në Prokurori për këtë favorizim ndaj bashkëshortes së kryebashkiakut, ka deklaruar se “Intersig Viena Insurance Group”, ka një politikë mbështetëse ndaj artit dhe kulturës, e, në këtë kuadër, ka mbështetur edhe qendrën “Nan Gallery”.

Por, ky qëndrim i është dukur i pabesueshëm grupit hetimor, pasi vila ishte në pronësi të Gent Sulës dhe bashkëjetueses së tij dhe jo të kompanisë së sigurimeve.

Pikëpyetjet mbi Gent Sulën

Raporti “falas” mes Gent Sulës së ‘Intersig” dhe Ajola Xoxës, ka ngritur shumë pikëpyetje për Prokurorët e Posaçëm.

Sipërmarrësi është pyetur në Prokurori dhe duket se nuk ka qenë i sinqertë për pjesën më të madhe të gjërave, që ka deklaruar fillimisht mbi raportet e tij pronësore me bashkëshorten e kryebashkiakut Veliaj.

Në materialin hetimor, ky raport përshkruhet me nota dyshuese.

“Në përmbledhje të deklarimeve të bëra nga shtetasi Gentian S. Sula, rezulton se pjesa më e madhe e tyre nuk mbështet në rrethanat e faktit të dokumentuara nga aktet e administruara në fashikullin penal. Një pjesë tjetër e tyre provojnë marrëdhënien e krijuar mes këtij shtetasi dhe shtetases Ajola Xoxa, kur bëhet fjalë për dhënien pa shpërblim të një vile”, thuhet në dosjen penale të Prokurorisë së Posaçme.

Në lidhje me këtë vilë, Gent Sula, në cilësinë e deklaruesit, është shprehur se ka qenë ai që i ka propozuar shtetases Xoxa, përdorimin e një vile pa qira për shfrytëzimin e saj për interesa të artit.

“Megjithëse deklaruesi shprehet se kompania ku ai është aksioner (Intersig Viena Insurance Group) është promovuese e artit, konstatohet se në rastin e vilës, ky objekt nuk i përket shoqërisë private, por disa individëve, në cilësinë e bashkëpronarëve. Këta të fundit, para dhënies së vilës pa pagesë në përdorim të Ajola Xoxas, e kishin dhënë atë me qira, nga ku përfitonin shuma të konsiderueshme. Kjo, edhe për shkak të pozicionit mjaft të mirë të ndërtesës, në një nga zonat më të shtrenjta të Tiranës (ish-Bllokut)”, thotë SPAK, duke lënë të kuptohet se nuk e beson variantin e raportet Sula-Xoxa pa pagesë.

Në foto: Pjesë nga dosja hetimore “Veliaj-Xoxa”

Më tej, grupi hetimor shprehet: “Këta individë (bashkëpronarët e vilës), mes të cilëve edhe bashkëshortja e Gentian Sulës (aksionerit të “Intersig”), sipas deklaruesit, kanë dhënë dakordësinë për dhënien e godinës në huapërdorim pa pagesë, pa asnjë akt të shkruar”.

Momenti që ka bindur Prokurorinë e Posaçme se, dhënia në huapërdorim pa kundërshpërblim e vilës në favor të Ajola Xoxës ishte “fiktive”, ishte pikërisht momenti kur organi hetimor kreu një kontroll në këto vilë.

“Pas kontrolleve nga Prokuroria e Posaçme, e drejta e përdorimit pa shpërblim, e dhënë me gojë, është revokuar me një akt të shkruar”.

Pra, sipas asaj që ka zbuluar SPAK-u, Gent Sula, i ka dhënë në përdorim vilën pa asnjë kontratë Ajola Xoxës, por, kur është detyruar që të ndërpresë këtë marrëdhënie për shkak të kontrolleve nga Byroja Kombëtare e Hetimit, e ka formalizuar ndërprerjet e raporteve me bashkëshorten e kryetarit të Bashkisë me një dokument të shkruar.

Ky është vetëm njëri nga disa episode që e lidhin në mënyrë të dyshimtë administratorin e ‘Intersig-Viena Insurance Group”, Gentian Sula, me interesat financiare të Ajola Xoxas.

Megjithatë, Prokuroria e Posaçme, të paktën deri më tani, nuk ka vlerësuar ta ngarkojë me përgjegjësi ligjore sipërmarrësin, pavarësisht se veprimet e tij nuk janë shumë të ndryshme në thelb nga ato të disa biznesmenëve të tjerë, të cilët janë të pandehur në dosjen “Veliaj-Xoxa”./ Boldnews.al

The post Dosja “Veliaj”/ Ndihmoi Ajolën për “pastrim parash”, SPAK toleroi Gentian Sulën e “Intersig” appeared first on Albeu.com.

Këtë të premte, GJKKO ka mbajtur seancën e lajmëruar për shqyrtimin e kërkesës së përfaqësuesve ligjorë të presidentit të Partisë së Lirisë Ilir Meta, për zëvendësimin e masës së sigurisë.

Pas përfundimit të seancës, GJKKO vendosi të lërë në fuqi masën e sigurisë.

Gjyqtari Erjon Bani, ka shpallur moskompetencën për të vendosur në lidhje me zëvendësimin e masës së sigurisë “arrest në burg” për Ilir Metën, që ka kërkuar lirinë dhe zëvendësimin me një masë më të lehtë.

Shpallja e moskompetencës u bë pas kërkesës së avokatit Kujtim Cakrani, për shkak se Erjon Bani nuk ka qenë gjyqtari i çështjes së Ilir Metës, por ka qenë i gatshëm.

Kërkesa per zevendesim mase u paraqit nga avokatët e Metës më 6 gusht, ku sipas këtyre të fundit tashmë nuk ekziston më mundësia që Ilir Meta mund të prishë provat, për shkak se hetimi është mbyllur dhe dosja ka kaluar për gjykim.

Meta nuk ishte i pranishëm në seancë.

The post GJKKO nuk ndryshon masën e sigurisë për Ilir Metën appeared first on Albeu.com.

Pas disa javësh të mbushura me sfida, katër shenja të zodiakut pritet të marrin “frymë” më lirshëm në muajin gusht.

Sipas një analize të publikuar në një faqe gjermane të specializuar për astrologjinë, Gaforrja, Binjakët, Ujori dhe Peshorja janë shenjat më me fat tw muajit Gusht.

Gaforrja

Pas një korriku emocionalisht të trazuar, ku shumë gjëra nuk shkuan sipas planeve, Gaforret më në fund do të ndiejnë një kthesë pozitive. Me hyrjen e Diellit në shenjën e Luanit, kjo shenjë fiton vetëbesim dhe qetësi. Komunikimi përmirësohet, planet ecin përpara dhe mundësitë në dashuri nuk përjashtohen.

Binjakët

Binjakët kanë ndier një bllokim, si në mendime ashtu edhe në fushën profesionale. Gushti sjell ndryshim për ta, falë ndikimit të planetit Mërkur. Do të kenë më shumë qartësi në vendimmarrje dhe energji për të ndjekur synimet. Udhëtimet spontane dhe ftesat e papritura mund të sjellin frymëzim të freskët.

Binjakët

Edhe pse zakonisht i hapur ndaj rrezikut dhe ndryshimeve, Ujori ka pasur zhgënjime në muajt e fundit. Por gushti vjen me një shtysë të re nga Urani, që sjell energji pozitive dhe mundësi të reja në horizont. Gjërat mund të ndryshojnë në mënyrë të papritur, por këtë herë në favor të tyre.

Peshorja

Peshoret, që kërkojnë gjithmonë ekuilibrin, kanë përjetuar një periudhë të vështirë, si në jetë private ashtu edhe në atë profesionale. Megjithatë, gushti rikthen harmoninë. Marsi ndihmon në qartësimin e situatave të tensionuara, ndërsa Venusi përmirëson marrëdhëniet ndërpersonale dhe sjell ndjenja më të thella.

The post Njihuni me katër shenjat e horoskopit që do të kenë fat të mbarë dhe shumë surpriza në muajin gusht appeared first on Albeu.com.

Në një përpjekje për të modernizuar dhe lehtësuar shërbimet për pensionistët, Instituti i Sigurimeve Shoqërore ka bërë të ditur se tashmë çdo pensionist mund të zgjedhë të marrë pensionin e tij përmes një llogarie bankare.

Ky ndryshim i rëndësishëm u vjen në ndihmë mijëra të moshuarve që, për vite me radhë, janë detyruar të presin në radhë pranë sporteleve të postës për të tërhequr pensionin mujor.

Tani, me një procedurë të thjeshtuar dhe transparente, ata mund ta marrin pensionin në mënyrë të rregullt, mujore, direkt në bankë, duke shmangur kontaktet e panevojshme, radhët dhe vonesat.

Për të përfituar nga kjo mundësi, çdo pensionist mund të paraqitet pranë një banke të nivelit të dytë, me të cilën ISSH ka marrëveshje bashkëpunimi dhe të hapë një llogari bankare pa komision, vetëm për qëllimin e marrjes së pensionit.

Ndryshe nga llogaritë e zakonshme bankare, kjo llogari nuk ka tarifa mirëmbajtjeje, nuk ka asnjë kosto për tërheqjet apo shërbimet bazë dhe nuk kërkon asnjë pagesë shtesë nga ana e pensionistit.

Sapo të hapet llogaria, banka e zgjedhur ndjek të gjitha procedurat e nevojshme për njoftimin e ISSHsë, duke vepruar si ndërmjetës për të realizuar transferimin e qendrës paguese.

Brenda tre ditëve pune, kërkesa për transferimin e pensionit përpunohet, ndërsa në pesë ditët në vijim përfundon dhe procesi elektronik i regjistrimit të të dhënave.

Kjo do të thotë se brenda pak ditësh nga momenti i aplikimit, pensioni fillon të hidhet rregullisht në llogari, zakonisht rreth datës 20 të çdo muaji.

Një element i rëndësishëm që duhet të kenë parasysh të gjithë pensionistët që zgjedhin këtë formë të tërheqjes së pensionit është edhe detyrimi, për të konfirmuar dy herë në vit që dëshirojnë të vazhdojnë marrjen e pensionit nëpërmjet bankës.

Ky konfirmim, i quajtur “deklaratë për vazhdimin e kreditimit”, mund të bëhet shumë lehtë nëpërmjet “e-Albania”, duke përdorur shërbimin “online” përkatës, ose fizikisht në sportelin e bankës ku është hapur llogaria.

Afatet për këtë deklarim janë në muajin mars dhe në muajin shtator të çdo viti.

Moskryerja e deklarimit në kohë, sjell ndërprerjen e përkohshme të transferimit bankar dhe rikthimin automatik të pagesës në pikën e mëparshme të tërheqjes.

Kjo skemë e re nuk është vetëm një përmirësim teknik, por një hap drejt trajtimit me dinjitet dhe lehtësirave të merituara për pensionistët, shumë prej të cilëve kanë kontribuar për dekada me punën e tyre në sistemin shtetëror e privat.

Ajo u kursen kohë, përpjekje fizike dhe mbi të gjitha, u garanton një mënyrë më të sigurt dhe të kontrolluar për të administruar të ardhurat mujore.

Të dhënat zyrtare tregojnë se mijëra pensionistë tashmë kanë zgjedhur këtë formë dhe numri i aplikimeve është në rritje të vazhdueshme.

Në një periudhë ku teknologjia po bëhet pjesë e pandashme e shërbimeve publike, kjo është një mundësi reale për pensionistët që të përfshihen në ritmin e ri të shërbimeve, duke ruajtur sigurinë dhe qetësinë që meritojnë në vitet e pleqërisë.

Për çdo paqartësi ose asistencë gjatë aplikimit, zyrat e ISSH-së dhe vetë bankat janë të gatshme të ndihmojnë, ndërsa portali “e-Albania” ofron një platformë të sigurt për aplikime “online” pa nevojë për të dalë nga shtëpia.

The post Lehtësohet shërbimi/ Si bëhet transferimi i pensionit në bankë, përfituesit duhet të plotësojnë çdo 6 muaj një… appeared first on Albeu.com.

Këtë të premte, nis seanca në Gjykatën e Posacme në ngarkim të ish presidentit Ilir Meta, i cili kërkon zëvëndësim të masës së sigurisë “arrest në burg”.

Kërkesa do shqyrtohet nga gjyqtari i gatshëm Erjon Bani, ndërsa përfaqësues i Prokurorisë së Posacme është Alfred Shehu, i cili është i gatshëm këtë periudhë, duke qenë se prokurorët e cështjes Altin Dumani, Arben Kraja dhe Sotir Kllapi nuk janë të pranishëm.

Ilir Meta, i cili ndodhet në paraburgim që prej tetorit të vitit 2024, nuk është i pranishëm në seancën me dyer të mbyllura dhe ka shprehur dakordësinë që të përfaqësohet nga mbrojtësit e tij ligjorë.

The post Kërkon zëvendësimin e masës së sigurisë, nis seanca në GJKKO për Ilir Metën appeared first on Albeu.com.

Një ngjarje e rëndë është rregjistruar në zonën e Llogarasë, ku një tufë me kuaj dhe mushka që i përkasin fshatarëve të zonës së Dukatit, janë sulmuar me armë gjahu, (çifte), duke sjellë vrasjen e 7 prej tyre dhe plagosjen e 3 kafsheve te tjera.

Policia e Vlorës, është njoftuar për këtë krim mostruoz, duke shkuar në vengjarje së bashku me disa pronarë të Kafshëve, të cilët kanë konstatuar të vrara në mal, dy mushka, 5 të tjera të zhdukura, pasi ende nuk kanë gjendur dhe 3 kuaj të tjerë janë plagosur me saçma në pjesën e qafës.

Pamjet filmike tregojnë sulmin me armë që i është bërë kafshëve që qëndrojnë në malin e Llogarasë.

Një mjek veteriner, ka shkuar me banorë të zonës për mjekimin e 3 kuajve, duke i hequr saçmat e çiftes nga pjesa e qafës ku ishin goditur.

Mësohet se pjesa më e madhe e tufës së kafshëve që qëndrojnë të lira në llogara dhe gadishullin e Karaburunit, i përkasin Ksenofon Konomi, nga fshati Dukat i Vlorës.

Ky i fundit është një nga guidat më të vjetra të udhëtimit të turistëve me kafshë, në zonën e Karaburunit dhe Llogarasë.

Policia dyshon se për shkak të biznesit të tij mund të ketë ndodhur dhe ngjarja, ku motivi është konkurenca.

Ksenofon Konomi, ka depozituar një kallëzim penal në policinë e Vlorës, duke kërkuar zbardhjen ngjarjes dhe identifikimin e personit që vrau me armë zjarri 7 kafshë në malin e llogarasë dhe plagosjen e 3 të tjerave.

Policia dhe Prokuroria e Vlorës, tashmë kanë nisur hetimet për akuzën e “Vrasjes dhe keqtrajtimin të kafshëve shtëpiake”, ku shpresohet të identifikohet autori.

Në cilësinë e provës materiale, janë sekuestruar disa saçma të nxjera nga fishekë të qëlluar nga armë zjarri çifte, janë fotografuar kafshët e vrara dhe të plagosura.

Mësohet të jetë marë në pyetje veterineri që mjekoi kuajt e plagosur.

Ky është rasti i parë në Shqipëri që një tufë me kafshë të buta si mushka dhe kuaj, sulmohen në grup me armë zjarri çifte.

Kujtojmë se prej vitit 2019, Shqipëria ka bërë ndryshime në Kodin Penal, duke sjellë një nene të reja që parashikojnë dënime për ata që dhunojnë,braktisin apo vrasin kafshët e shtëpisë.

The post Krim i rëndë në Llogara/ Sulmohet me çifte tufa e kuajve, vriten 7 kafshë dhe tre të tjera plagosen, shkak konkurrenca mes pronarëve të guidave (VIDEO) appeared first on Albeu.com.

Ish-banorja e “Big Brother Vip 3”, Rike Roçi, është në një lidhje dashurie. Ajo e ka mbajtur jetën private sekrete, por ka zbuluar se tashmë zemra e saj është e zënë.

Biondja seksi po shijon pushimet në Itali dhe ka publikuar një foto krah partnerit të saj.

Në imazhin e publikuar, shihet në rërën e plazhit hija e Rike Roçit duke u puthur në buzë me të dashurin.

Por, Rike Roçi, ka vendosur të mos zbulojë identitetin e mashkullit që i ka rrëmbyer zemrën.

The post Kush është mashkulli misterioz që i ka rrëmbyer zemrën Rike Roçit (FOTO) appeared first on Albeu.com.

Një 22-vjeçar shqiptar, është arrestuar si pjesë e një hetimi të Agjencisë Kombëtare të Krimit mbi krimin e organizuar të emigracionit në Britani.

Mediat britanike, raportojnë se shqiptari u nxor nga një qendër ndalimi për emigracionin pranë Aeroportit Gatwick dhe u intervistua nga oficerët e NCA-së me dyshimin për ndihmë në emigracionin e paligjshëm.

Ai dyshohet se është i përfshirë në lehtësimin e transferimit të emigrantëve nga Shqipëria në Mbretërinë e Bashkuar, nëpërmjet anijeve të vogla dhe mjeteve të rënda.

“Ky arrestim është bërë si pjesë e një hetimi të vazhdueshëm mbi udhëtimet shumë të rrezikshme të kontrabandës së njerëzve duke përdorur anije të vogla dhe mjete të rënda nëpër Kanal. NCA nuk do të lërë gur pa lëvizur – në çdo hap të rrugës së kontrabandës së njerëzve – në punën tonë për të trajtuar autorët e krimit të organizuar të imigracionit”, tha Komandantja e Degës së NCA-së, Sara-Jayne Moore.

The post I përfshirë në trasportimin ilegal të emigrantëve, arrestohet 22-vjeçari shqiptar në Britani appeared first on Albeu.com.

Gjashtë ditë para se të përballet me PSG-në në Superkupën e Evropës, trajneri i ri i Tottenhamit, Thomas Frank, ndoshta kishte imagjinuar një ndeshje miqësore më të kontrolluar kundër Bayern Munich.

Por ekipi i tij u shkatërrua (0-4) nga kampionët e fuqishëm gjermanë, të cilët shënuan katër gola në tetë gjuajtjet e tyre në portë.

Bavarezët u shënuan në mënyrë të dukshme me Harry Kane (12’) dhe Kingsley Coman (61’). Golat e mbrëmjes u realizuan edhe nga lojtarët e akademisë së të rinjve të Mynihut: Lennart Karl (74’) dhe Jonah Kusi-Asare (80’).
Lojtarët e Vincent Kompany mund të kishin fituar edhe me një epërsi më të madhe nëse nuk do të kishte qenë për një penallti të humbur nga Harry Kane (15’) dhe një pritje të shpejtë nga Guglielmo Vicario para qendërsulmuesit britanik (66’).

Luis Diaz, i cili mbërriti të mërkurën, më 30 korrik nga Liverpool për 75 milionë euro, luajti 76 minuta para se të zëvendësohej nga i riu Wisdom Mike (16 vjeç).

Në vështirësi serioze mbrojtëse, lojtarët e Tottenhamit treguan gjithashtu ngathtësi përpara portës kundërshtare, siç ilustrohet nga goditja me kokë e Richarlison jashtë portës kur sulmuesi brazilian ishte pozicionuar në mënyrë ideale në zemër të zonës (69’).

Përpara kësaj ndeshjeje, Spurs kishin fituar ndeshje miqësore kundër Arsenalit më 31 korrik (1-0) dhe kundër Reading më 19 korrik (2-0), dhe kishin pësuar tre barazime kundër Newcastle (1-1, 3 gusht), Luton (0-0) dhe Wycombe (2-2), dy ndeshjet e fundit ishin luajtur me katër orë diferencë më 26 korrik.

The post Tottenham “poshtërohet” nga Bayern para sfidës për Superkupën e Evropës (VIDEO) appeared first on Albeu.com.

Aksioni për çlirimin e hapësirave publike ka vijuar pa ndërprerje në zona të ndryshme në Tiranë, por është shtrirë edhe në qytete të tjera.

Këtë të premte, kryeministri Edi Rama në “Facebook”, ka ndarë së fundmi pamje nga aksioni i zhvilluar në Shkodër.

Në mesazhin e tij në facebook, Rama shkruan se çlirimi i hapësirave publike në Shkodër vazhdon si në një sërë qytetesh të tjera, për t’i hapur rrugë Rilindjes Urbane 2.0, me një program të ri qeveri-bashki – sipërmarrje-komunitet, në funksion të cilësisë së hapësirave komunitare e të Shqipërisë 2030 në BE.

The post Rama poston video nga Shkodra: Program i ri në funksion të cilësisë së hapësirave komunitare të Shqipërisë 2030 appeared first on Albeu.com.

Shumica e aksidenteve rrugore që shkaktojnë plagosje dhe humbje jete, kryhen nga shoferët me përvojë në drejtim e mjetit.

Sipas të dhënave të INSTAT, grupi i shoferëve me përvojën më të madhe, mbi 9 vjet zotërimi leje drejtimi, përbën pjesën më të madhe të aksidenteve me 925 të plagosur në 2024, nga 632 në 2023, teksa viktimat kanë rënë lehtë, nga 82 në 2023 në 73 në 2024.

Kjo kategori e drejtuesve të mjeteve, shkaktoi 44 për qind të plagosjeve në aksidentet rrugore gjatë vitit të kaluar dhe 42 për qind të viktimave.

Të dhënat më të fundit mbi aksidentet rrugore në Shqipëri, tregojnë një rritje të ndjeshme të numrit të të plagosurve dhe të vdekurve për vitin 2024, sidomos në rastet kur drejtuesit janë pa leje drejtimi, të mitur apo janë larguar nga vendi i ngjarjes.

Në kategorinë “Pa leje drejtimi”, në vitin 2024 u regjistruan 99 të plagosur, një rritje me 29% krahasuar me vitin 2023 (77 të plagosur).

Numri i të vdekurve në këtë kategori u rrit nga 12 në vitin 2023 në 20 në 2024, një rritje prej 66.6%, duke treguar një përkeqësim në pasojat e shkaktuara nga personat që drejtojnë pa leje drejtimi.

Ndërkohë, një tjetër grup shqetësues janë drejtuesit nën moshën 18-vjeç, përkatësisht në grup-moshën 0-3 vjet përvojë drejtimi, që zakonisht përfshin edhe drejtuesit e mitur.

Në vitin 2024, ata shkaktuan 391 të plagosur (nga 284 në 2023), me një rritje mbi 37%, ndërkohë që numri i viktimave mbeti thuajse i njëjtë nga 36 në 2023, dhe 35 në 2024.

Për grup-moshat me 3–6 vjet përvojë drejtimi, shifrat janë disi më të stabilizuara, nga 236 të plagosur në 2023, në 300 në 2024, ndërsa viktimat ranë nga 25 në 18.

Në të njëjtën kohë, drejtuesit me 6–9 vjet përvojë drejtimi shkaktuan 326 të plagosur në 2024, një rritje krahasuar me 277 në 2023, por me një ulje të viktimave nga 34 në 24.

Një tjetër shifër shqetësuese është rritja e rasteve kur drejtuesit janë larguar nga vendi i ngjarjes, pas një aksidenti. Nga 33 të plagosur dhe 3 viktima në 2023, në 39 të plagosur dhe 5 viktima në 2024.

Të dhëna sinjalizojnë se ka rënë vëmendja për kontrolle më të forta policore, ndëshkime më të rënda për drejtimin pa leje si për drejtuesit e papërgjegjshëm.

Aksidentet rrugore janë ende një shkaktar i madh i vdekjeve, sidomos në grup-mosha e reja dhe dëmtimin e rënde te një pjesë tjetër që kërkon kujdes shëndetësor gjithë jetën./ Monitor

The post Statistikat e INSTAT: Shoferët me shumë përvojë, kryejnë shumicën e aksidenteve rrugore me viktima dhe të plagosur appeared first on Albeu.com.

Kërkimet vazhdojnë intensivisht për biznesmenin 43-vjeçar turk Halit Yukay, i cili rezulton i zhdukur që nga nata e së shtunës, kur ai u nis me jahtin e tij nga Gialova në Turqinë jugperëndimore me destinacion Mykonos.

Jahti i 43-vjeçarit turk, u gjet nga roja bregdetare turke i dëmtuar dhe gjysmë i fundosur pranë Prokonnisos (një ishull në Detin Marmara pranë Propontis).

Ndërkohë, sipas një raporti në Milliyet, një kapiten anijeje mallrash ka treguar disa detaje rreth situatës që ai ka parë në det me anisen e biznesmenit duke u fundosur.

“Papritmas ndjeva një dridhje, nuk e kuptova çfarë po ndodhte, shikova përpara meje dhe pashë dy copa në të djathtë dhe të majtë. Nuk mund ta kuptoja çfarë po ndodhte.

Shikova përpara meje dhe pashë dy copa në të djathtë dhe të majtë. Pashë diçka si copa druri. Kalova nga mesi, por pas pak u ktheva me anijen.

Nuk u ndjeva rehat. Në atë moment, pashë një varkë shpëtimi. Nuk e kuptova se çfarë ishin copat e drurit që pashë në të djathtë dhe të majtë. Kur e kuptova se nuk kishte të bënte fare me mua (anijen time), vazhdova udhëtimin tim.

Pas pak kohe, thirra përfaqësuesin e kompanisë dhe i shpjegova situatën. Pastaj më thanë se nuk kishte të bënte fare me ne. Thashë: Po vazhdoj udhëtimin tim.

Normalisht, kur has një situatë të tillë, njofton rojen bregdetare. Por në gjendjen psikologjike që isha në atë moment, nuk mund të mendoja.

Kishte dy ose tre anije përpara meje. Nuk pashë ose dyshova se ishte një varkë, sepse ishte pa pilot në mes të detit dhe nuk kishte të bënte fare me ne. Nuk pati përplasje. Do ta kishim dëgjuar zhurmën, do ta kishim vënë re”, shprehet ai.

Halit Yukay, lindi në Stamboll në vitin 1982. Ai është sipërmarrës dhe krijues i Mazu Yachts, me të cilën u dallua në fushën e ndërtimit të anijeve, të cilat shumë njerëz të shquar në Turqi dhe jo vetëm i zgjedhin, për shkak të cilësisë së tyre.

Mazu Yachts, e themeluar në vitin 2011, njihet si një kompani me theks në dizajn dhe teknologji.

Ai vetë e donte detin që nga fëmijëria, siç pohoi në një intervistë që dha për Volvo Penta disa vite më parë, ai projektoi anijen e tij të parë në moshën 6-vjeç, në një fletore shkolle.

“Projektova projektin tim të parë, një varkë rreth 18 metra të lartë, dhe pata fatin ta shisja që në dizajnin e parë. Kështu filloi gjithçka”, tha 43-vjeçari.

Interesi i tij për varkat erdhi jo vetëm nga revistat që blinte i ati, por edhe nga verat që kalonte shpesh me familjen në një varkë.

“E dua detin. Më pëlqen shumë lundrimi me vela dhe kam lundruar që kur linda. Gjyshi im kishte një varkë dhe pastaj im atë, kështu që i kalonim të gjitha verat, dhe ndonjëherë edhe dimrat, duke lundruar”, tha ai.

Marrëdhënia e tij me Greqinë duket se nuk kufizohet vetëm në udhëtime, pasi sipas TRT Haber, 43-vjeçari është i martuar me një grua greke, e cila punon si menaxhere e Marketingut dhe Marrëdhënieve me Publikun në kompaninë e tij.

Ata kanë një fëmijë së bashku, siç mund të shihet nga profili i saj në Facebook.

Thriller me zhdukjen e 43-vjeçarit

Autoritetet ishin informuar nga të afërmit e Youkait, pasi ata nuk kishin mundur ta kontaktonin atë pas nisjes së tij për në ishullin e erërave.

Roja Bregdetare Turke, u njoftua në orën 23:40 të mbrëmjes së së hënës dhe disa orë më vonë, në orën 14:30 të së martës, një ekuipazh anijeje tregtare njoftoi dhomën e operacioneve se kishin parë rrënoja, të cilat rezultuan të ishin Graywolf e Youkai-t.

Në operacionin për kërkimin e biznesmenit turk, morën pjesë një zhytës, një helikopter dhe anije të rojes bregdetare.

The post Vazhdojnë kërkimet për gjetjen e biznesmenit turk/ Kush është Halit Yukay: Martesa e tij me një grua greke dhe kompania e anijeve appeared first on Albeu.com.