FC Malisheva ka zyrtarizuar transferimin e sulmuesit të krahut, Assane Diatta, i cili vjen pak ditë para mbylljes së afatit kalimtar.

Futbollisti senegalez i është bashkuar klubit kosovar për edicionin e ri, duke sjellë me vete eksperiencë dhe cilësi shtesë në repartin ofensiv.

Diatta në edicionin e kaluar ishte pjesë e Gostivarit në Maqedoninë e Veriut, ku u dallua për paraqitjet e mira dhe kontributin e tij në fazën sulmuese. Në 25 ndeshje, ai kishte 2 gola dhe 3 asistime.

Para kësaj aventure, ai ka luajtur edhe në futbollin turk me klubin Karşıyaka SK.

Përforcimi i ri pritet të rrisë konkurrencën brenda skuadrës dhe t’i ofrojë trajnerit Qatip Osmani një alternativë më shumë në fazën e avancuar të lojës.

Ky transferim shihet si pjesë e planeve të Malishevës për ta forcuar skuadrën në prag të edicionit të ri, ku synimet janë për paraqitje të forta si në Superligë, pasi në dy vitet e fundit ky klub e mbylli në pozitëne tretë. /Telegrafi/ 

The post FC Malisheva prezanton përforcimin e ri Assane Diatta appeared first on Telegrafi.

Leon Avdullahu ka marrë një vendim të rëndësishëm për karrierën e tij, duke zgjedhur të luajë për Kombëtaren e Kosovës.

Leon Avdullahu ka lindur dhe është rritur në Solothurn të Zvicrës, ndërsa ka rrënjë nga Kosova, më saktësisht nga Komuna e Kamenicës. Ai ka bërë të gjithë rrugëtimin e tij te Baseli, ku ka kaluar të gjitha grupmoshat e ekipit dhe ka bërë një paraqitje të shquar që e ka shpërblyer me debutimin në ekipin e parë në vitin 2023.

Gjatë kohës së tij te Baseli, Avdullahu ka arritur të shpallet kampion i Zvicrës dhe të fitojë Kupën e vendit, duke konfirmuar cilësitë e tij si një lojtar i talentuar dhe me potencial të lartë.

21-vjeçari luan në pozitën e mesfushorit defensiv dhe këtë verë ka bërë një hap të madh në karrierë duke u transferuar te skuadra gjermane Hoffenheim për një shifër prej 8 milionë eurosh.

Ai është titullar i rregullt në Bundesligë, duke treguar pjekuri dhe qëndrueshmëri në fushë, ndërsa vlera e tij aktuale në Transfermarkt është 10 milionë euro.

Avdullahu ka përfaqësuar Zvicrën në të gjitha grupmoshat nga U15 deri te U21, duke grumbulluar përvojë të vlefshme ndërkombëtare.

Ai kishte ftesë edhe nga Kombëtarja A e Zvicrës, por ka vendosur të marrë një drejtim tjetër në karrierën e tij, duke zgjedhur të luajë për Kombëtaren e Kosovës.

Debutimi i tij pritet të jetë pikërisht ndaj Zvicrës më 5 shtator, një moment simbolik dhe emocionues për të dhe për tifozët e Kosovës.

Ky është një vendim i madh për të ardhmen e Avdullahut dhe për Kombëtaren e Kosovës, duke i shtuar mesfushës një lojtar të ri, të talentuar dhe me vizion. /Telegrafi/ 

The post Kush është Leon Avdullahu, ardhja më e re te Kombëtarja e Kosovës? appeared first on Telegrafi.

Leon Avdullahu ka marrë një vendim të rëndësishëm për karrierën e tij, duke zgjedhur të luajë për Kombëtaren e Kosovës dhe duke refuzuar përfundimisht mundësinë për të përfaqësuar Zvicrën.

Kjo zgjedhje u konfirmua nga presidenti i FFK-së Agim Ademi, ku i shtoi se mesfushori i talentuar ka zgjedhur me zemër Dardanët.

“Pritjes i erdhi fundi, Leoni është i Kosovës. Ndjej kënaqësi të ndaj me ju lajmin e madh se Leon Avdullahu, i udhëhequr nga zemra e tij, ka vendosur që të luaj për Kombëtaren e Kosovës. Leoni më njoftoi sonte për vendimin e madh, që pason takimin që kishim pak kohë më parë kur edhe i kishim diskutuar të gjitha gjërat. Leoni me këtë vendim dëshmoi edhe një herë fuqishëm që Kosova mbetet zgjedhje zemre dhe se identiteti e prejardhja nuk mohohen. Mirë se vjen Leon, le të nisim së bashku një rrugë të gjatë e të suksesshme për ekipin kombëtar të Kosovës dhe për Ty”, ka shkruar Ademi në rrjetin e tij social.

 

View this post on Instagram

 

A post shared by Agim Ademi (@agimademi_official)

Vendimi i Avdullahut është i rëndësishëm për futbollin kosovar, pasi shton thellësinë dhe kualitetin në mesfushën e ekipit kombëtar.

Lojtari i ri ka treguar potencial të madh në karrierën e tij me klube dhe pritet të sjellë energji, vizion dhe kreativitet në fushë, duke përforcuar skuadrën në përballjet e ardhshme kualifikuese për Kupën e Botës 2026.

Avdullahu ka luajtur nga fillimet e tij te Baseli, ndërsa këtë vit për 8 milionë euro ai bëri hapin e madh duke u transferuar në Bundesliga te Hoffenheim.

Ai ka debutuar tashmë në Bundesliga, ku kishte një paraqitje briliante ndaj Bayer Leverkusen, ndërsa vlera e tij në Transfermakt është rritur në 10 milionë euro.

Avdullahu do t’i jap Franco Fodas një shtysë të re në mesfushë, ku Kosova në këto kualifikime, do të jetë përballë Suedisë, Zvicrës dhe Sllovenisë. /Telegrafi/ 

The post Pritjes i erdhi fundi – Leon Avdullahu ka zgjedhur Kosovën para Zvicrës appeared first on Telegrafi.

Interi ka startuar në sezonin e ri të Serie A me një fitore të jashtëzakonshme 5-0 ndaj Torinos, duke treguar forcë dhe efikasitet të lartë në “San Siro”.

Skuadra e drejtuar nga Cristian Chivu dominoi ndeshjen nga minuta e parë deri në të fundit, duke dërguar një sinjal të qartë për ambiciet e saj këtë edicion.

Pjesa e parë filloi me presion të madh nga zikaltërit. Marcus Thuram rrezikoi që në minutën e parë me një goditje me kokë që kaloi mbi traversë.

Epërsia erdhi në minutën e 18-të kur Alessandro Bastoni shënoi me kokë pas një goditjeje këndi të ekzekutuar nga Nicolò Barella.

Vetëm pas pak minutash, Interi dyfishoi rezultatin me Marcus Thuram, i cili u shërbye nga Petar Sucic dhe me qetësi dërgoi topin në rrjetë për 2-0.

Në minutat e fundit të pjesës, Acerbi dhe Sucic patën raste të tjera, por portieri Israel i Torinos reagoi mjaft mirë.

Pjesa e dytë ishte edhe më dominuese nga Interi. Në minutën e 52-të, një gabim i mbrojtjes së Torinos u shfrytëzua nga Lautaro Martinez, i cili shënoi nga afër për 3-0.

Vetëm 10 minuta më vonë, Bastoni asistoi Thuram për golin e katërt, duke e bërë rezultatin të pakapshëm (4-0).

Në minutën e 72-të, pas një aksioni të bukur të nisur nga Lautaro Martinez, debutuesi Ange-Yoan Bonny gjeti golin e pestë, duke vulosur një fitore të madhe 5-0.

Me këtë paraqitje, Interi tregon se është i gatshëm të luftojë për titull që nga starti. /Telegrafi/ 

The post Interi tmerron Torinon në ndeshjen hapëse – pesë gola, funksionoi gjithçka appeared first on Telegrafi.

Kasımpaşa ka bërë një ofertë zyrtare për Mërgim Berishën, sulmuesin 27-vjeçar që aktualisht luan te Hoffenheim, por ka mbetur i harruar.

Interesimi i Kasımpaşas u raportua nga gazetari Yagız Sabuncuoglu, i cili konfirmoi se klubi turk ka paraqitur një propozim formal për transferimin e lojtarit te Hoffenheimi.

Kontrata e Berishës me Hoffenheim skadon në vitin 2027, dhe vlera e tij në treg, sipas Transfermarkt, vlerësohet rreth 3.5 milionë euro.

ÖZEL | Kasımpaşa, Hoffenheim forması giyen Mergim Berisha için resmi teklif yaptı.

— Yağız Sabuncuoğlu (@yagosabuncuoglu) August 25, 2025

Të tjera klube, përfshirë Kayserispor dhe Hertha BSC, gjithashtu janë lidhur me lojtarin, që dikur refuzoi Kosovën për Gjermaninë, por asnjëherë nuk arriti të bëjë hapin e madh.

Nëse vendos të kalojë në Turqi, do të ishte një rikthim, pasi Berisha më parë ka luajtur te Fenerbahce.

The post I harruari Mërgim Berisha merr ofertë nga klubi elitar në Turqi appeared first on Telegrafi.

Njëri nga pilotët më të mirë të Formula 1, Lando Norris, ka zbuluar se zotëron një koleksion mbresëlënës prej 16 makinash në garazhin e tij privat.

Në një paraqitje të fundit në podcastin Quadcast, britaniku foli për pasionin e tij për veturat dhe zbuloi cila është e preferuara e tij.

Norris tha se ndonëse ka shitur disa modele së fundmi, koleksioni i tij mbetet i pasur dhe i veçantë.

Ai pranoi se makina e tij më e dashur është Lamborghini Miura P400, një klasik i viteve ’60 me motor V12, 350 kuaj fuqi dhe shpejtësi maksimale prej 280 km/h. Vlera e kësaj makine sot arrin deri në 2 milionë euro.

“Kjo ishte hera e parë që i bëra vetes një dhuratë të vërtetë. Shpenzova shumë para, por ishte një makinë që gjithmonë doja ta kisha”, tha Norris.

Një tjetër perlë e koleksionit të tij është Shelby Cobra, një model ikonik amerikan. Norris e ka personalizuar atë duke e kromuar tërësisht dhe e ka sjellë në pistën e Silverstone, ku e ka vozitur me shumë pasion.

“Doja patjetër një të tillë. E ngava vitin e kaluar dhe ishte fantastike – tingulli është i pabesueshëm”, shtoi piloti i McLarenit.

Interesante mbetet fakti se, ndryshe nga shumica e pilotëve të rinj të Formula 1 që preferojnë modelet moderne, Norris është i lidhur më shumë me klasiket.

Pasioni i tij për makinat daton që nga fëmijëria, kur babai i tij – një entuziast i madh i automobilizmit – e shoqëronte në çdo garë që nga mosha shtatëvjeçare. /Telegrafi/ 

The post Lando Norris ka 16 makina në garazhin e tij – ai zotëron gjithashtu një Lamborghini me vlerë rreth 2 milionë euro appeared first on Telegrafi.

Sulmuesi anësor i Kosovës, ish-lojtar i AC Sparta Prague, Ermal Krasniqi, është huazuar te Legia Varshavë për sezonin 2025/26, me mundësi blerjeje.

Krasniqi ka zhvilluar 45 ndeshje për klubin më të suksesshëm të Republikës Çeke, përfshirë shtatë takime në fazën eliminatore të Ligës së Kampionëve të UEFA-s kundër finalistëve të mëvonshëm, Inter Milan dhe Manchester City.

Sukseset më të mëdha vendase i arriti me FK Ballkani, ku fitoi dy herë titullin e kampionit të Kosovës në vitet 2022 dhe 2023. Ai u bashkua me Ballkanin në moshën 19-vjeçare dhe spikati për katër sezone, çka e çoi në transferimin te CFR Cluj në janar 2023.

Në të njëjtin vit, Krasniqi përfundoi i dyti në kampionat dhe arriti në raundin e 32-shave të Ligës së Konferencës së UEFA-s.

Ermal Krasniqi ka gjithashtu përvojë ndërkombëtare, me tetë paraqitje dhe dy gola për Kosovën. Ai debutoi në nëntor 2022 kundër Ishujve Faroe dhe ishte pjesë e kampit stërvitor të ekipit kombëtar në qershor 2025, duke luajtur në një miqësore kundër Armenisë.

Ermal Krasniqi do të mbajë numrin 77 te Legia Varshavë. /Telegrafi/ 

The post Zyrtare: Ermal Krasniqi kalon te Legia Varshava appeared first on Telegrafi.

Albian Hajdari ka bërë një hap të madh në karrierën e tij, duke u transferuar nga Lugano te Hoffenheim në Bundesligë, një nga pesë ligat më të forta në Evropë.

Mbrojtësi 22-vjeçar ishte një nga elementët më të spikatur të Luganos dhe konsiderohet një shpresë e përfaqësueses zvicerane.

Megjithëse ishte pritur të transferohej në Ligën Premier, Hajdari përfundoi në Gjermani, ku do të bashkohet me Fisnik Asllanin dhe Leon Avdullahun, dy futbollistë me origjinë shqiptare që luajnë te Hoffenheimi.

Ky transferim erdhi pas lëndimit serioz të Koki Machidas, duke krijuar nevojën për një qendërmbrojtës të ri.

Hajdari është zhvilluar te Baseli dhe Juventusi, ndërsa te Lugano ka luajtur që nga viti 2022, duke u bërë një nga lojtarët kyç të skuadrës.

“Mezi pres ta filloj sfidën te Hoffenheimi dhe në Bundesligën gjermane, një nga top-ligat evropiane. Bisedimet me drejtuesit e klubit ishin shumë të mira. Synimi im është të jap gjithçka në fushë dhe të kontribuoj për realizimin e objektivave të skuadrës”, deklaroi Hajdari.

Në total, Hajdari ka regjistruar 110 paraqitje për Luganon dhe nëntë për Baselin. Në Superligën zvicerane ka luajtur 91 ndeshje, ndërsa 11 të tjera në Ligën e Konferencës dhe Kupën zvicerane. /Telegrafi/ 

The post Zyrtare: Albian Hajdari kalon te Hoffenheim appeared first on Telegrafi.

Conrad Harder do të bëhet qendërsulmuesi i ri i Milanit, pasi klubi dhe lojtari kanë arritur një marrëveshje për transferimin prej 27 milionë eurosh nga Sporting, përfshirë edhe bonuset.

Dakordësia ndërmjet klubeve u arrit dy ditë më parë, ndërsa që atëherë kuqezinjtë kanë punuar për të bindur Harder të pranojë projektin sportiv të Milanit.

Kjo përfshinte edhe refuzimin e ofertës nga Rennes, e cila ishte shumë afër finalizimit të marrëveshjes para se Milani të hynte në lojë.

Harder i ka dhënë bekimin e tij Milanit dhe tani po përgatiten detajet e fundit. Pasi përfundojnë formalitetet, ai do të udhëtojë drejt Italisë për të kryer vizitat mjekësore dhe për të nënshkruar kontratën.

Sulmuesi është një opsion që u shty përpara nga ndërmjetësi Busardò, ndërsa miratimi i tij u sigurua gjithashtu nga trajneri Max Allegri.

Megjithatë, kjo nuk ishte zgjedhja e parë e strategut italian, i cili fillimisht kishte shpresuar për një ribashkim me ish-sulmuesin e Juventusit, Dusan Vlahovic. /Telegrafi/ 

The post E kryer, Conrad Harder do të jetë qendërsulmuesi i ri i Milanit appeared first on Telegrafi.

Ekipi i boksierit amerikan Deontay Wilder ka thyer heshtjen pas thirrjeve të vazhdueshme nga rivali i tij në sportet luftarake, Francis Ngannou, ish-kampion i peshave të rënda në UFC.

Wilder mbetet një nga emrat më të njohur në boksin amerikan falë fuqisë së tij nokautuese, trilogjisë së paharruar me Tyson Fury dhe përpjekjes për t’u rikthyer edhe në moshën 39-vjeçare pas disa humbjeve radhazi.

Në periudhën 2023–2024, ai u mund nga Joseph Parker me vendim gjyqtarësh dhe më pas pësoi nokaut nga Zhilei Zhang në raundin e pestë, çka bëri të dukej sikur karriera e tij po shkonte drejt fundit.

Megjithatë, më 27 qershor Wilder u rikthye në ring dhe mposhti me nokaut në raundin e shtatë Tyrrell Herndon, duke treguar se ende ka përpara ndeshje të mëdha. Njëra prej tyre mund të jetë pikërisht përballja me Ngannou.

Gjithçka nisi kur Ngannou shtoi presionin publik ndaj Wilder, duke shkruar në rrjetet sociale: “Është koha që më në fund ta zgjidhim debatin, ‘Bombarduesi i Bronztë’”.

Dy sportistët janë krahasuar prej vitesh për fuqinë e jashtëzakonshme të goditjes: Ngannou u bë i famshëm në MMA duke rrëzuar emra si Alistair Overeem, Cain Velasquez dhe Stipe Miocic, ndërsa Wilder ka mposhtur me nokaut shumicën dërrmuese të kundërshtarëve në ringun e boksit.

Përfaqësuesi i Wilder, Shelly Finkel, konfirmoi për “Sky Sports” se një përballje është e mundshme: “Deontay do të ishte i hapur për atë ndeshje vitin e ardhshëm”.

Nuk dihet nëse Wilder do të zhvillojë një tjetër përballje këtë vit përpara se të sfidojë Ngannou, apo nëse do të pushojë derisa të përballet direkt me ish-kampionin e UFC-së.

Ngannou aktualisht është më aktiv në sportin e tij, pasi vitin e kaluar mposhti Renan Ferreiran në një event të PFL Super Fights brenda një raundi të vetëm.

Megjithatë, në ringun e boksit ai ende nuk ka shënuar fitore: në dy ndeshjet e zhvilluara humbi ndaj Tyson Furyt me vendim pas 10 raundesh dhe më pas pësoi nokaut nga Anthony Joshua në raundin e dytë.

Tani, ai shpreson ta ndryshojë këtë ecuri pikërisht kundër Wilder. /Telegrafi/ 

The post Ngannou nuk ndalet me meçe ndaj emrave të njohur të boksit – tani merr përgjigje nga ‘Bombarduesi i Bronztë’ appeared first on Telegrafi.

Bayern Munich ka arritur një marrëveshje personale me sulmuesin e Chelseat, Nicolas Jackson, raporton gazetari gjerman Christian Falk nga “BILD”.

Aktualisht, bisedimet po zhvillohen mes dy klubeve, me bavarezët që preferojnë një marrëveshje huazimi, ndërsa Chelsea është i prirë drejt një transferimi të përhershëm.

Blutë e Londrës janë të gatshëm të ulin çmimin fillestar prej 90 milionë eurosh për ta lehtësuar largimin e lojtarit.

Bayern Munich have reached an agreement with Nicolas Jackson.

( Bild) pic.twitter.com/9Id48B7J7M

— Catenaccio Sports (@CatenaccioSPRT) August 25, 2025

Jackson, 24-vjeçar, u transferua te Chelsea në verën e vitit 2023 nga Villarreal dhe sezonin e kaluar shënoi 13 gola e regjistroi 5 asiste në 34 paraqitje.

Megjithatë, afrikanoveriorit nuk i është dhënë hapësirë këtë edicion nga trajneri i ri Enzo Maresca, i cili nuk e sheh atë si pjesë të planeve afatgjata të klubit.

Një marrëveshje për Jackson pritet të konkretizohet në ditët e ardhshme, ndërsa Bayern Munich kërkon me ngulm përforcime në repartin ofensiv. /Telegrafi/ 

The post Bayern Munich godet në sulm, afër marrëveshjes për Nicolas Jackson appeared first on Telegrafi.

Sulmuesi i Atalantës, Gianluca Scamacca, shënoi golin e tij të parë pas 455 ditësh, duke i dhënë fund një thatësie të gjatë.

Scamacca shënoi në barazimin 1-1 të Atalantës me Pizzën në një ndeshje të luajtur të dielën në mbrëmje.

Gjatë sezonit të kaluar, ai kaloi vetëm pesë minuta në fushë me fanellën e Atalantës, arsyeja ishte një dëmtim serioz në kofshë, i cili ndodhi pasi u rikuperua nga një operacion në gju. Më parë, ai shënoi golin e fundit në maj të vitit 2024, saktësisht 455 ditë para ndeshjes me Pizza.

“Punova shumë për këto momente. Kam kaluar disa muaj të vështirë pas meje, por çdo seancë stërvitore ishte e fokusuar në rikthimin në fushë për të ndihmuar shokët e skuadrës”.

“Më vjen keq për barazimin, por performancat ishin të mira. Duhet të vazhdojmë të përmirësohemi. Isha i motivuar, por i mbajta këmbët fort në tokë”.

“Dua të jem më i mirë dhe të shënoj gola të rëndësishëm. Kam pritur gjatë dhe tani kam ndërmend të vazhdoj të shënoj gola”, deklaroi Scamacca për DAZN. /Telegrafi/ 

The post Sulmuesi italian Scamacca shënon golin e parë pas 455 ditësh appeared first on Telegrafi.

Hoffenheimit pritet t’i bashkohet së shpejti edhe një futbollist shqiptar. Bëhet fjalë për qendërmbrojtësin e Luganos, Albian Hajdari.

Sipas mediumit zviceran Blick, mbrojtësi 22-vjeçar është afër të kompletojë kalimin në Bundesliga, pasi ka pranuar një ofertë të mirë nga Hoffenheimi.

Hajdari të hënën nuk ishte i pranishëm në stërvitjen e Luganos, gjë që ka shtuar spekulimet për largimin e tij.

Edhe pse ende nuk ka asgjë zyrtare, interesimi për të ka qenë i madh. Kohë më parë u raportua se Hajdari kishte arritur një marrëveshje me West Ham Unitedin, ndërsa për shërbimet e tij kanë shfaqur interes edhe disa klube të tjera evropiane.

Hajdari është cilësuar si një nga mbrojtësit më të talentuar në Superligën e Zvicrës. Ai ka kontratë me Luganon deri në qershor të vitit 2028, klub të cilit iu bashkua në vitin 2023. Më parë është zhvilluar si futbollist te Baseli dhe Juventusi.

Në rast të transferimit, ai do të bashkohej te Hoffenheimi me dy futbollistët shqiptarë që tashmë janë pjesë e klubit, Fisnik Asllanin dhe Leon Avdullahun.

Dyshja luajtën si startues në fundjavën që lamë pas, ku Hoffenheim shënoi fitore ndaj Bayer Leverkusen si mysafir.   /Telegrafi/ 

The post Albian Hajdari drejt Hoffenheim, shkon në tre numri i shqiptarëve te klubi gjerman appeared first on Telegrafi.

Rodrygo mori një mundësi të rrallë si titullar për Real Madridin në ndeshjen ndaj Real Oviedos, një shans për të treguar veten përpara Xabi Alonsos.

Megjithatë, braziliani nuk arriti të ndikojë në lojë dhe u zëvendësua në minutën e 63-të, duke i lënë vend Vinicius Juniorit.

Pas zëvendësimit, Rodrygo u duk i frustruar dhe hodhi bluzën e stërvitjes në tokë, gjest që la të kuptohet pakënaqësia e tij.

Rodrygo it’s never too late to join mancity
It’s obvious Real Madrid don’t want you there pic.twitter.com/DBHAdrD4fH

— ×͜× (@MciNicoo) August 24, 2025

Mbetet e paqartë nëse veprimi i lojtarit ishte drejtuar ndaj tij vetë apo trajnerit, por emocionet dhe frustrimi ishin të dukshëm.

Pavarësisht performancës së tij, Real Madrid shënoi fitore të qetë 3-0.

𝗕𝗥𝗘𝗔𝗞𝗜𝗡𝗚: RODRYGO IS ANGRY AFTER BEING TAKEN OFF! pic.twitter.com/IG1tKKWteW

— The Touchline | 𝐓 (@TouchlineX) August 24, 2025

Kylian Mbappé realizoi dy gola fantastikë, ndërsa Vinicius Junior vulosi rezultatin me një tjetër gol të bukur, duke e ngritur ekipin në kuotën e 6 pikëve dhe në krye të klasifikimit të La Ligës pas dy javëve të para. /Telegrafi/

The post Rodrygo hedh fanellën në tokë nga frustrimi pas zëvendësimit të hershëm kundër Oviedos appeared first on Telegrafi.

Real Madrid shënoi fitore të qetë me rezultat 3-0 ndaj Real Oviedos në ndeshjen e javës së dytë të La Ligës, duke u bashkuar me Barcelonën dhe Villarrealin në krye të klasifikimit.

Ndeshja nisi me disa raste për skuadrën e Real Madridit.

Në minutën e 36-të, Franco Mastantuono provon nga brenda zonës, por portieri i Oviedos, Escandell, ndërhyn saktë.

Pak çaste më vonë, Arda Güler merr një pasim dhe gjuan drejt portës, por topi përfundon sërish te duart e portierit.

Në minutën e 37-të, erdhi gol, me Arda Güler që shërben një top të gjatë për Kylian Mbappé, i cili depërton në zonë dhe shënon me një goditje fantastike në qoshen e poshtme të majtë, duke çuar Real Madridin në avantazh prej 1-0.

MBAPPE OPENS THE SCORING FOR REAL MADRID!

Real Oviedo 0-1 Real Madrid.pic.twitter.com/hrjykgevCc

— Tekkers Foot (@tekkersfoot) August 24, 2025

Në minutën e 82-të, Kwasi Sibo provon një gjuajtje nga brenda zonës për Oviedon, por goditja e tij përfundon në shtyllën e majtë.

Një minutë më vonë, Vinicius Junior realizon një pasim të saktë mbrapa te Kylian Mbappe, i cili nga afër rrëmben topin dhe e dërgon në qoshen e poshtme të djathtë për të vulosur rezultatin 2-0 në minutën e 83-të.

MBAPPE DOUBLES THE LEAD FOR REAL MADRID! VINICIUS JR WITH THE ASSIST!

Real Oviedo 0-2 Real Madrid.pic.twitter.com/9mFRLLd3b6

— Tekkers Foot (@tekkersfoot) August 24, 2025

Në kohën shtesë shënoi edhe Vinicius Junior, i cili përfitoi nga asistimi i Brahim Diaz për 3-0.

VINICIUS JR MAKES IT THREE FOR REAL MADRID!

Real Oviedo 0-3 Real Madrid.pic.twitter.com/SkVAFtOgKg

— Tekkers Foot (@tekkersfoot) August 24, 2025

Me këtë fitore, Real Madrid ngjitet në kuotën e 6 pikëve, duke u bashkuar me Barcelonën dhe Villarrealin në krye të klasifikimit të La Ligës pas dy javëve të para. /Telegrafi/ 

The post Mbappe dy herë, Vinicius i bashkohet festës – Real Madridi fiton pastër ndaj Real Oviedos appeared first on Telegrafi.

Oferta prej 70 milionë eurosh e Tottenham për mesfushorin argjentinas Nico Paz të Como është refuzuar, sipas raportimeve të Fabrizio Romano.

20-vjeçari, aktualisht po luan te Como, ka shprehur dëshirën për të qëndruar në klubin italian edhe për sezonin e ardhshëm, me synimin për t’u rikthyer më vonë te Real Madrid.

Klubi spanjoll ka një klauzolë riblerjeje prej 10 milionë eurosh, e cila hyn në fuqi në vitin 2026, dhe planifikon të kompensojë Comon për të ruajtur kontrollin mbi të ardhmen e lojtarit.

EXCLUSIVE: Tottenham bid worth €70m package for Nico Páz has been turned down tonight.

Páz wants to stay at Como with view on Real Madrid future + Real were gonna match any proposal in any case.

Real have €10m buy back clause in 2026 but will compensate Como in future. pic.twitter.com/8eaCZihgDq

— Fabrizio Romano (@FabrizioRomano) August 24, 2025

Megjithëse Tottenham ofroi një shumë të konsiderueshme, prej 70 milionë euro.

Sezoni i fundit i Paz te Como ka qenë i shkëlqyer nën drejtimin e trajnerit Cesc Fabregas, me 6 gola dhe 9 asiste, duke tërhequr vëmendjen e disa klubeve evropiane, përfshirë Tottenham.

Sot mesfushori shënoi një gol të bukur nga goditja e dënimit, në fitoren 2-0 të Comos ndaj Lazios.

WHAT A FANTASTIC FREE KICK FROM NICO PAZ WITH COMO! pic.twitter.com/kyaSynR2Uh

— Tekkers Foot (@tekkersfoot) August 24, 2025

Për momentin, Paz mbetet i vendosur të qëndrojë te Como, ndërsa Real Madrid planifikon hapat strategjikë të ardhshëm të karrierës së tij./Telegrafi/ 

The post Como refuzon 70 milionë euro të klubit anglez për Nico Paz appeared first on Telegrafi.

Në kuadër të xhiros së dytë të Superligës së Kosovës, Prishtina ka shënuar një fitore të pastër ndaj Llapit me rezultat 3-0 në stadiumin “Fadil Vokrri”. 

Stadiumi para ndeshjes ushtonte nga “Plisat” që kishin ardhur në numër të madh për ta përkrahur Prishtinën.

Kosovo: Os ultras do FC Prishtina, estão prontos para o dérbi contra o Llapi.pic.twitter.com/eVrbvyeFWP

— Curiosidades Europa (@CuriosidadesEU) August 24, 2025

Ndeshja filloi me epërsi të Llapit, që krijoi disa raste të pasuksesshme në minutat e para. Arianit Hasani kishte rastin më të mirë, por portieri i Prishtinës, Altin Gjokaj, ishte vendimtar, duke mbajtur portën e paprekur.

Llapi arriti të shënojë në minutën e 33-të me Alex Gnapin, por sulmuesi i shpejtë ishte në pozitë jashtë loje, ku VAR e konfirmoi.

Pas tre minutash, Prishtina hapi rezultatin. Djordje Saletic depërtoi nga e majta dhe shërbeu te Mario Ilievski, i cili nuk gaboi para portës, duke vendosur rezultatin 1-0.

Pjesa e dytë nisi me presion nga Llapi, por Prishtina arriti të mbante rezultatin.

Në minutën e 55’, pas ndërhyrjes së Ladrit Ramës ndaj Valmir Veliut, gjyqtari shikoi VAR-in dhe akordoi penallti për Prishtinën.

Rin Ahmeti nuk gaboi dhe shënoi golin e dytë në minutën e 57’.

Pas golit të dytë, Prishtina kishte edhe disa raste për të thelluar epërsinë, duke përfituar nga kundërsulmet dhe depërtimet e Veliut dhe Baftiut.

Prishtina fitoi edhe një penallti, në kohën shtesë, ku Valmir Veliu ishte i paguar duke shënuar për 3-0.

Kjo fitore e vendos Prishtinën si lider të Superligës me 6 pikë, ndërsa Llapi ende nuk ka arritur të shijojë fitoren këtë sezon dhe mbetet me vetëm 1 pikë./Telegrafi/ 

The post Prishtina, Plisat dhe VAR-i: Kryeqytetasit nënshtrojnë Llapin me tre gola në “Fadil Vokrri” appeared first on Telegrafi.

Sezonin e kaluar Leart Paqarada ishte një prej figurave kyçe të Koln. Mbrojtësi i majtë i Kosovës luajti rregullisht si titullar dhe kontribuoi ndjeshëm në sigurimin e rikthimit të klubit në Bundesligë.

Por vetëm pak javë pas këtij suksesi, emri i tij është në listën e lojtarëve që nuk janë më pjesë e planeve të trajnerit të ri, Lukas Kwasniok.

Sipas gazetës gjermane Kölnische Rundschau, Paqarada është përjashtuar nga grupi kryesor së bashku me dy lojtarë të tjerë dhe tani stërvitet individualisht.

Vendimi erdhi befasisht për 30-vjeçarin dhe njerëzit që e rrethojnë, të cilët e kanë cilësuar qasjen e klubit si zhgënjyese.

“Jemi të zhgënjyer me mënyrën se si klubi i trajtoi gjërat”, deklaroi menaxheri i Paqaradës.

Mbrojtësi që sezonin e kaluar shihej si zgjidhja kryesore në krahun e majtë të mbrojtjes, tani nuk është as në listën e grumbullimeve për ndeshjet e para të kampionatit.

Për më tepër, ai nuk ka asnjë ofertë konkrete nga klube të tjera, ndërkohë që afati i transferimeve në Gjermani mbyllet më 1 shtator.

Në këtë situatë, ekziston mundësia që mbrojtësi i Kosovës të mbetet në Koln, por pa qenë pjesë aktive e projektit sportiv. Ky skenar shihet si pjesë e një strategjie të trajnerit Kwasniok, i cili prej kohësh ka shprehur dëshirën për të sjellë në skuadër një mbrojtës tjetër. /Telegrafi/ 

The post Koln e njofton Leart Paqaradën se nuk llogarit në të – mbrojtësi nuk ka asnjë ofertë appeared first on Telegrafi.

Prishtina dhe Llapi do të përballen nga ora 20:45 në “Fadil Vokrri”  në kuadër të xhiros së dytë në Superligën e Kosovës.

Kryeqytetasit vijnë në këtë ndeshje pas fitore ndaj Dukagjinit, ndërsa Llapi pas barazimit pa gola ndaj Drenicës.

Në dhjetë ndeshjet e fundit mes këtyre dy skuadrave, ka shtatë barazime, rezultati më shpesh i arritur.

Prishtina në dhjetë ndeshje, ka arritur të marr dy fitore, më e embëla për ta, ajo e fundit në finalen e Kupës së Kosovës.

Në anën tjetër, Llapi ka vetëm një fitore, të arritur më 28 prill të vitit 2024, në “Fadil Vokrri”, me rezultat 1-0.

Prishtina: Gjokaj, Vitija, Limani, Veliu, Baftiu, Ilievski, Namani, Boueye, Saletic, Taipi, Ahmeti

Llapi: Coric, Emini, Shabani, Gnapi, Ramadani, Sadriu, Rama, Bytyqi, Useini, Hasani, Hyseni.

/Telegrafi/ 

The post Formacionet zyrtare, Prishtina – Llapi: Thaqi dhe Batatina me më të mirët në fushë appeared first on Telegrafi.

Fulham dhe Manchester United kanë barazuar me rezultat 1-1 në ndeshjen e javës së dytë të Ligës Premier.

Matheus Cunha e nisi ndeshjen furishëm, duke qenë rrezik i madh për portën e Fulham, duke rrezikuar që në minutën e 2-të.

Braziliani kishte rast edhe në minutën 14-të, por që goditja e tij u prit nga portieri. Fulham u kundërpërgjigj me Alex Iwobin, por portieri i Man Utd bëri një pritje të bukur. 

Në minutën e 33-të, Man Utd fitoi penallti, por kapiteni Bruno Fernandes gjuajti lartë mbi portë. 

Manchester United fans, cover your eyes…

Fan footage of Bruno Fernandes’ penalty miss!

With the game still at 0-0, this could be costly! pic.twitter.com/K7mukCmnn3

— Sleeper Football (@SleeperFooty) August 24, 2025

Në fillimin e pjesës së dytë, Djajtë e Kuq shënuan golin e epërsisë, me Rodrigo Muniz që shënoi në portën e tij për 1-0. 

Por vendasit nuk u dorëzuan dhe në minutën e 73-të, barazuan shifrat, me Alex Iwobin që asistoi te Emile Smith Rowe që shënoi për 1-1. 

Në minutën e 88-të, Man Utd ka mundur të fitojë kur Harry Maguire rrezikoi me kokë, por nuk ishte i saktë. 

Pas kësaj ndeshje, Fulham ka 2 pikë, ndërsa Man Utd ka 1 pikë. /Telegrafi/  

The post Bruno humbet penallti – Man Utd vetëm barazim ndaj Fulham appeared first on Telegrafi.