PASKUQAN- Personi që shihni në foto është Sadik Llanaj, 39-vjeç,  i dyshuar ai autor i vrasjes së Ardian Baloshit.

Policia ka ngritur pika kontrolli për lokalizmin dhe kapjen e tij.

Dyshohet se ngjarja ka ndodhur për shkaqe banale, megjithatë grupi hetimor po punon për zbardhjen e rrethanave./abancews.al

TIRANË– Apeli i Posaçëm rrëzon kërkesën e Ilir Beqajt për zëvendësim të masës së sigurisë “arrest në burg” me një masë më të butë, këmbim të garancisë pasurore në vlerë 20 mijë euro.

Vendimi ndaj ish-ministrit u dha nga gjyqtarja Miliana Muça./abcnews.al

Presidenti i Ukrainës, Volodymyr Zelensky, dhe aleatët e tij kryesorë evropianë, kryeministri britanik Keir Starmer, presidenti francez Emmanuel Macron dhe kancelari gjerman Friedrich Merz, kanë paraqitur pesë kushte për arritjen e një marrëveshjeje “të drejtë dhe afatgjatë” për përfundimin e luftës me Rusinë.

Në një deklaratë të përbashkët pas takimeve të mbajtura në Londër, liderët theksuan se do të vazhdojnë të qëndrojnë fuqishëm në mbështetje të Ukrainës.

Pesë kushtet përfshijnë ndërprerjen e luftimeve, fillimin e negociatave duke u bazuar në situatën aktuale në terren dhe ofrimin e garancive të forta të sigurisë për Ukrainën. Ata ritheksuan gjithashtu se Shtetet e Bashkuara duhet të jenë pjesë e procesit të paqes, në një kohë kur vëmendja e presidentit amerikan Donald Trump është përqendruar te konflikti me Iranin.

Liderët kujtuan se në dhjetor SHBA-ja kishte ushtruar presion ndaj Rusisë dhe Ukrainës për të pranuar shpejt një plan për përfundimin e luftës, e cila nisi pas vendimit të presidentit rus Vladimir Putin për të nisur pushtimin e plotë të Ukrainës në shkurt të vitit 2022.

Ndërkohë, sulmet mes dy vendeve janë intensifikuar javët e fundit. Rusia ka vazhduar të godasë qytetet ukrainase me raketa dhe dronë, ndërsa Ukraina ka demonstruar aftësi të shtuara për të kryer sulme thellë brenda territorit rus me teknologji të reja.

Të shtunën, dronët ukrainas goditën Saint Petersburg, qytetin e dytë më të madh të Rusisë, gjatë ditës së fundit të një forumi të madh ekonomik. Autoritetet ruse e përshkruan sulmin si “të paprecedentë”. Vetëm disa ditë më parë, Kievi kishte sulmuar periferinë e të njëjtit qytet, rreth 1,000 kilometra larg kufirit ukrainas.

Në prag të forumit ekonomik, Zelensky i kishte dërguar një letër të hapur Putinit duke kërkuar negociata të drejtpërdrejta për t’i dhënë fund luftës, ofertë që sipas raportimeve është refuzuar vazhdimisht nga lideri rus. Putini ka deklaruar se lufta do të përfundojë vetëm pasi të arrihen objektivat e Rusisë.

Tre fuqitë perëndimore që u takuan në Londër përbëjnë të ashtuquajturin grup E3 dhe konsiderohen ndër mbështetësit më të fortë të Ukrainës. Britania e Madhe dhe Franca udhëheqin gjithashtu nismën “Koalicioni i të Gatshmëve”, e cila synon të ofrojë garanci sigurie për Ukrainën në kuadër të çdo procesi të ardhshëm paqeje.

Liderët mirëpritën letrën e Zelenskyt drejtuar Putinit dhe mbështetën thirrjen e tij për “dialog të drejtpërdrejtë mes Ukrainës dhe Rusisë, me pjesëmarrje aktive të SHBA-së dhe Evropës”.

Në një referencë të tërthortë ndaj kërkesës së Moskës që Ukraina të heqë dorë nga synimi për anëtarësim në NATO, ata theksuan se e drejta e Ukrainës për të zgjedhur vetë marrëveshjet e saj të sigurisë dhe aleancat duhet të respektohet plotësisht.

 Forcat e Armatosura Kombëtare të Letonisë lëshuan sot një paralajmërim për një kërcënim të mundshëm në hapësirën ajrore në disa rajone pranë kufirit me Rusinë.

“Forcat e Armatosura Kombëtare të Letonisë njoftojnë – një kërcënim ajror në hapësirën ajrore letoneze. Kërkoni një vend të sigurt në një hapësirë ​​të mbyllur. Nëse shihni një objekt të dyshimtë që fluturon ulët, mos i afroheni dhe telefononi 112. Do të informoheni kur të mbarojë kërcënimi”, thuhet në deklaratën e ushtrisë, siç raportohet nga mediat vendase. 

Siç është specifikuar, kërcënimi i rrezikut ajror u shpall në rajonet e Aluksnës, Ludzhës dhe Balvit.

Kryeministri izraelit Benjamin Netanyahu do të mbajë sot një takim të kabinetit të sigurisë pas sulmeve të reja ajrore me Iranin, sipas mediave izraelite, transmeton Anadolu.

Takimi, ku do të marrin pjesë një grup ministrash kyç, është planifikuar për në orën 11:00 sipas kohës lokale, raportoi “The Times of Israel”, duke cituar një zyrtar izraelit.

Më herët gjatë ditës, një sulm ajror izraelit synoi një kompani petrokimike në Mahshahr të Iranit, duke shkaktuar dëme të pjesshme në kompleksin industrial, thanë zyrtarët iranianë.

Ndërkohë, sirenat u dëgjuan në disa qytete në Izraelin qendror dhe jugor pas lëshimeve të raketave nga Teherani.

Rajoni ka qenë në rrezik që kur SHBA-ja dhe Izraeli nisën sulmet ajrore ndaj Iranit në fund të shkurtit, duke shkaktuar hakmarrje iraniane ndaj Izraelit dhe vendeve të tjera të rajonit që strehojnë asetet e SHBA-së.

Një armëpushim i përkohshëm u arrit më 8 prill, por negociatat më vonë ngecën mes mosmarrëveshjeve mbi zbatimin e tij dhe zhvillimeve të mëvonshme rajonale.

Shefja e politikës së jashtme të Bashkimit Evropian, Kaja Kallas paralajmëroi sot kundër çdo përshkallëzimi të mëtejshëm në Lindjen e Mesme mes tensioneve të rritura midis Tel Avivit dhe Teheranit, duke thënë se rajoni nuk ka nevojë për konflikt të rinovuar, transmeton Anadolu.

“Gjatë natës ne kemi parë përsëri përshkallëzim. Rajoni nuk ka nevojë për një përshkallëzim, por në fakt që palët të ulen në një tryezë bisedimesh dhe të bien dakord”, tha Kallas përpara një takimi të ministrave të Mbrojtjes në Nikosia, administrata greke qipriote.

Duke riafirmuar se BE-ja mund të ndihmojë në lehtësimin e përpjekjeve pas një armëpushimi, ajo tha se përparësia e menjëhershme është sigurimi i ndalimit të luftimeve.

“Armëpushimi është shumë i pritur. Ndalimi i kësaj lufte tani, hapja e Ngushticës së Hormuzit dhe më pas përdorimi i kohës për diskutime më të gjata kur bëhet fjalë për temat më të vështira si ato bërthamore, por çështje të tjera kritike që janë atje”, shtoi Kallas.

Irani lëshoi ​​disa breshëri raketash drejt Izraelit verior të dielën vonë pas një sulmi ajror izraelit në periferitë jugore të Bejrutit, për të cilat Tel Aviv pretendoi se shënjestroi një qendër komandimi dhe planifikimi të Hezbollahut.

Sulmi izraelit vrau dy persona dhe plagosi 11 të tjerë në një numër paraprak. Sulmi iranian shënoi bombardimin e parë të tillë që nga një armëpushim i brishtë në fillim të prillit.

Një armëpushim i përkohshëm i ndërmjetësuar nga Pakistani u arrit më 8 prill, por negociatat më vonë ngecën mes mosmarrëveshjeve mbi zbatimin e tij dhe zhvillimeve të mëvonshme rajonale.

Presidenti i SHBA, Donald Trump, tha se Irani ka humbur shumicën e kapacitetit të tij për prodhimin e raketave dhe dronëve dhe se i ka mbetur vetëm “21-22 për qind” e stokut të raketave.

“Shumica e fabrikave të dronëve janë shkatërruar, shumica e platformave të lëshimit janë shkatërruar dhe shumica e zonave të prodhimit të raketave janë shkatërruar”, tha Trump në një intervistë për NBC News që do të transmetohet të dielën, ndërsa pjesë nga ajo u publikuan të premten.

“Ata ende kanë kapacitet. Kanë disa raketa, kanë disa dronë”, shtoi ai.

“Do të thosha në përqindje, ndoshta 21-22 për qind të raketave të tyre. Janë shumë raketa, por nuk është si më parë kur filluam sulmin”, theksoi Trump.

I pyetur pse Irani ende nuk ka pranuar një marrëveshje për t’i dhënë fund përhershëm luftës që filloi më 28 shkurt, pavarësisht, siç tha ai, “shpresës së tyre për zgjidhje”, Trump u përgjigj: “Ata janë krenarë dhe ka gjëra që kurrë nuk menduan se do t’i bënin, por tani do të detyrohen t’i bëjnë. Nuk kanë zgjedhje dhe kjo merr pak kohë”.

I pyetur pse nuk arriti një marrëveshje më të mirë pas tërheqjes nga marrëveshja bërthamore me Iranin gjatë mandatit të tij të parë, ai tha: “Duhet vite për t’i bërë këto gjëra. Këta njerëz kanë luftuar për 47 vjet

Read More...

TIRANË- Lihet në masën e sigurisë “arrest në burg” Violand Braçellari, autor i dyshuar i vrasjes së efektivit të policisë Enea Mekolli dhe plagosjes së efektivit Edison Adri.

Prokurorja e çështjes dhe gjyqtari Gentian Sallahu ia komunikuan masën e sigurisë në Spitalin e Traumës, ku ai ndodhet i shtruar.

Braçellari akuzohet për ngjarjen e rëndë që ndodhi më 4 qershor, gjatë operacionit të ndërmarrë për arrestimin e tij. I fshehur në stanin e tij, në momentin që ka konstatuar efektivët e policisë, ai dyshohet se ka qëlluar me kallashnikov në drejtim të tyre.

Një ditë para organizimit të operacionit, policia kishte marrë informacion në rrugë operative se Braçellari kishte zbritur nga mali dhe kishte qëndruar për disa orë në fshatin Lozhan./abcnews.al

Portugalia tregon forcën në prag të “Botërorit 2026”, duke mundur 2-1 Kilin në miqësoren e parë përgatitore. Një rezultat dhe paraqitje domethënëse për Kristiano Ronaldon dhe shokët e toj përballë një skuadre të fortë si ajo ameriako-jugore.

Gjithsesi CR7 pa nga pankina golat e luzitanëve. Ylli portugez u aktivizua si titullar, por nuk arriti të linte shenjë në këtë ndeshje. Në fakt, nuk bënë më mirë as futbollistët e tjerë vendas në pjesën e parë, e cila u mnyll me dy kartonë të kuq, nga një për secilin ekip. Rafael Leao dhe Roman mbyllën sfidën përpara kohe për sjellje antisportive.

Pas pushimit, Ronaldo i la vendin Guedes dhe ishte pikërisht ai që në minutën e 58-të zhbllokoi rezultatin në stadiumin kombëtar të Lisbonës.

Të zotët e shtëpisë gjetën edhe golin e qetësisë në minutën e 75-të.

Bruno Fernandezh dyfishoi shifrat për Portugalinë.

Vetëm në shtesë, Sepeda zbuti humbjen e Kilit, por nuk prishi festën e luzitanëve që japin sinjale pozitive në vigjilje të finaleve të Kupës së Botës.

Portugalia nuk është mes favoriteve të mëdha të turneut që do të nisë më 11 qershor, por kjo nuk e pengon të kërkojë triumfin e parë në atë që me shumë mundësi do të jetë “Botërori” i fundit i Kristiano Ronaldo.

Rolando Maran duhet të ketë patur diçka tjetër në mendje, kur pranoi të ulej në pankinën e kombëtares së Shqipërisë. Por dy humbjet radhazi e kanë bërë shumë shpejt “malore” aventurën kuqezi të teknikut italian.

Këtë e ka kuptuar edhe vetë trajneri, sidomos pas disfatës me Luksemburgun.

“Nuk mund të ndjehesh mirë pas dy humbjesh, kjo pastaj që është një hap mbrapa. Më vjen keq, shpresoja që të bëja një ndeshje ndryshe. Por me shumë mundësi vuajtëm edhe pasojat e mosklasifikimit në Botëror. Ndoshta i sollëm në këto dy ndeshje. Nuk duhet të jetë alibi. Impenjimi ishte maksimal, por nga energjitë, skuadra e ka paguar pak moskualifikimin”, theksoi Maran.

Pavarësisht nisjes negative, Maran mundohet të marrë gjërat pozitive nga dy ndeshjet e para, megjithëse ato janë të pakta.

“Unë dija që për të provuar disa gjëra ekzistonte rreziku që të mos kishim paraqitje të mira. Por ishin dy teste që më nevojiteshin. Unë ose do të punoja për të ardhmen, ose për veten. Zgjodha të punoj për të ardhmen, për të parë se cfarë mund të bëjmë. Mora disa përgjigje pozitive, të tjera negative që më bëjnë të reflektoj. Unë jam i qetë, pasi tani ka gjëra vetëm për të rregulluar”, tha ai.

Sinjalet nuk janë aspak të mira, por trajneri kuqezi sheh të ardhmen me optimizëm.

“Them se po. Kësaj skuadre i munguan disa lojtarë të rëndësishëm. Nuk jam trajner prej një dite. Kur shoh lojtarë që impenjohen, pavarësisht se nuk bëjnë atë që do të donin edhe ata vetë, duhet të kuptojmë edhe vështirësitë e momentit. Shumë prej tyre kishin luajtur pak. Pastaj, nëse mendoj për lojtarët që do të kthehen dhe do të jenë në formë, atëherë jam optimist”, shtoi trajneri.

Maran nuk do të kalojë një verë të qetë. Kombëtarja kuqezi do të kthehet në fushë në shtator për ndeshjet në Ligën e Kombeve dhe deri atëherë, trajneri duhet të sistemojë shumë gjëra./abcnews.al

Gjermania prezantohet me fitore në Shtetet e Bashkuara të Amerikës, ku do të qëndrojë për finalet e “Botërorit 2026”. Skuadra e drejtuar nga Julian Nagelsman konfirmoi formën, duke kaluar 2-1 organizatorët amerikane në ndeshjen miqësore te luajtur në Çikago.

Një tjetër paraqitje e mirë për përfaqësuesen gjermane, pas asaj të katër ditëve më parë në miqësoren kundër Finlandës.

Kai Havertz hapi sfidën kur ende nuk ishin plotësuar dy minutat e para të sfidës. Goli rrufe i sulmuesit të Arsenal dha përshtypjen e një fitoreje të lehtë për miqtë.

Këto parashikime u rrëzuan në minutën e 37-të, kur Robinson barazoi shifrat dhe vendosi fatin e pjesës së parë.

Me rikthimin në fushë pas pushimit, skuadra e Nagelsman u kthye në sërish në epërsi. Leroi Sane shënoi golin e dytë në minutën e 57-të, ndërsa rrjeta e sulmuesit të Gallatasarajit do të vendoste edhe ndeshjen.

Nuk sollën asgje përpjekjet e të dyja skuadrave deri në fundin e sfidës, me Gjermaninë që mbyll me dy fitore miqësoret përpara Kupës së Botës.

“Panzerat” do të debutojë në “Botërorin 2026” më 14 qershor kundër Kurasao në Grupin E, ndërsa rivalë të tjerë në fazën e parë të turneut do të kenë Bregun e Fildishtë dhe Ekuadorin.

Nuk ishte ndonjë triumf, por nuk po luhej për këtë. Triumfi duhet të vijë më vonë, ndërsa për pak ditë fillon Kupa e Botës, ndërsa pretendentët kryesorë, mes të cilëve Brazili, po luajnë ndeshjet e fundit përgatitore.

Pesë herë kampionët e rruzullit e mbyllën gjithçka me fitoren 2-1 ndaj Egjiptit në Klivlend, pra në Shtetet e Bashkuara të Amerikës.

Skuadra e madhe nga Amerika Latine luajti më mirë sesa të mbiquajturit “Faraonët” duke ia dalë falë golave të shënuar nga një lojtar me përvojë si Bruno Gimaresh, që është kapiteni I Njukasëllit në Premier Ligën angleze, dhe një adoleshent si Endrik, që është huazuar nga Reali tek Lioni në Francë.

Kjo ndodhi që në fillim të pjesës së parë, në minutën e shtatë, dhe pastaj në të njëjtën minutë të pjesë ssë dytë.

Në mes të dy golave, Egjipti barazoi me rrjetën nga Mostafa Ziko në 11’, pas një gabimi të mbrojtjës së “kanarinave”.

“Selesao” bëri më shumë dhe e meritoi, ndonëse sipas stilit pragmatist të trajnerit italian Karlo Ançeloti, nuk shkëlqeu në zotërimin e topit, me 51 për qind.

Gjithsesi, yjet brazilianë bënë 11 gjuajtje, nga të cilat plot 8 në kuadrat, ndaj vetëm një në kuadrat të egjiptianëve.

Tashmë, me miqësoren në stadiumin “Hantington Benk Fild” në shtetin e Ohajos, Brazili mbylli përgatitjet dhe pret nisjen e Botërorit.

Ndeshjet e pesë herë kampionëve do të jenë në 14 qershor ndaj Marokut në Nju Xhersi, në 20 qershor kundër Haitit në Filadelfia, dhe në 25 qershor përballë Skocisë në Majemi.

Tifozët argjentinas dhe jo vetëm duhet të presin finalet e “Botërorit 2026” për të parë në aksion Lionel Messi. Ylli I futbollit mungoi edhe në miqësoren e dytë dhe të fundit të kombëtares së tij përpara nisjes së Kupës së Botës.

Kampionët në fuqi të planetit janë duke e kursyer “Pleshtin” në mënyrë që ai të jetë në formë 100% për turneun. Gjithsesi, edhe pa Messi, Argjentina nuk zhgënjeu në miqësoren kundër Honduras, duke fituar 2-0 në stadiumin e Teksas.

Asnjë problem për kampionët në fuqi, që zgjdhën sfidën me nga një gol për çdo pjesë.

Lautaro Martinez vendosi fraksionin e parë, duke goditur saktë nga pika e penalltisë në minutën e 37-të.

Pas pushimit, Argjentina vulosi shpejt fitoren.

Xhuljano Simenone ndali topin në rrjetë në minutën e 54-rt, duke konfitrmuar formën e shkëlqyer që po kalon skuadra e tij në vigjilje të “Botërorit 2026”.

Në turneun që do të nisë vetëm pas katër ditësh në Shtetet e Bashkuara të Ameriknës, Meksikë dhe Kanada, Argjentina ka si mision mbrojtjen e titullit kampion.

Lionel Messi dhe shokët e tij do të nisin aventurën e tyre në grupin J me ndeshjen e parë më 17 qershor kundër Algjerisë, ndërsa rivalë të tjerë ka Austrinë dhe Jordaninë.

Një kanion spektakolar që hapet drejt një plazhi me guralecë të bardhë, duke krijuar një kontrast mahnitës me ujërat bruz dhe kristal të Detit Jon: ky është vendi që nuk e pret të gjesh në Shqipëri, një parajsë e vërtetë e fshehur që meriton patjetër një vizitë.

Bëhet fjalë për plazhin e Gjipesë, një nga plazhet më të bukura dhe më të egra të Shqipërisë, i vendosur në jug të vendit, përgjatë bregdetit madhështor midis Dhërmi dhe Himarë, shkruan thewom.com.

Bukuria e tij qëndron pikërisht te fakti se është i vështirë për t’u arritur.

Kjo veçori e ka mbrojtur nga turizmi masiv, duke e ruajtur si një parajsë të paprekur dhe autentike.

Plazhi i Gjipesë, Gjiri i Zotit

Koha e duhur për të vizituar plazhin më të egër të Shqipërisë është tani, përpara se sekreti i tij të zbulohet dhe qetësia e tij të vihet në rrezik.

Gjipeja ndodhet mes lokaliteteve Ilias dhe Vuno, jo larg Dhërmiut më të njohur.

Thuhet se emri “Gjipe” vjen nga shprehja “Gjiri i Perëndisë”, një emërtim që përmbledh në mënyrë të përsosur madhështinë dhe bukurinë marramendëse të këtij vendi.

Plazhi shtrihet në grykëderdhjen e Kanionit të Gjipesë, një grykë e thellë me mure shkëmbore që ngrihen deri në 80 metra lartësi dhe që mbulohen nga bimësi e dendur dhe e harlisur.

Ky peizazh unik natyror e mbron plazhin dhe e bën atë një perlë të fshehur të bregdetit jonian.

Këtu uji është jashtëzakonisht i pastër, me nuanca që variojnë nga bruzja në blu të thellë, ndërsa plazhi është i mbuluar me guralecë të bardhë të lëmuar nga deti, duke krijuar një spektakël të vërtetë natyror.

Si të shkoni në Gjipe

Të arrish në plazhin e Gjipesë është një aventurë më vete.

Nuk ekziston një rrugë e asfaltuar që të çon drejtpërdrejt në gji dhe pikërisht kjo e bën atë kaq të veçantë.

Opsionet kryesore nisen nga Dhërmiu ose Himara.

Me makinë dhe në këmbë

Mënyra më e zakonshme është me makinë.

Duke ndjekur rrugën kryesore, duhet të ktheni sipas tabelave që tregojnë drejt Manastirit të Shën Theodhorit.

Pas rreth 2.5 kilometrash rrugë të paasfaltuar do të gjeni një parking me pagesë, ku tarifa zakonisht varion nga 200 deri në 300 lekë.

Nga aty fillon një shteg panoramik prej rreth 2.5 kilometrash që zbret drejt bregdetit.

Ecja zgjat afërsisht 30-45 minuta dhe është mjaft e ekspozuar ndaj diellit. Për këtë arsye rekomandohen këpucë të rehatshme, kapelë dhe ujë i mjaftueshëm, veçanërisht për ngjitjen në kthim, e cila mund të jetë e lodhshme.

Megjithatë, panorama gjatë rrugës është spektakolare dhe shpërblen çdo përpjekje.

Nëse dispononi një automjet 4×4, mund të përshkoni një pjesë më të gjatë të rrugës së paasfaltuar dhe të afroheni shumë pranë plazhit, duke reduktuar ndjeshëm ecjen.

Me varkë ose kajak

Një alternativë po aq magjepsëse është të arrini në Gjipe nga deti.

Nga plazhi i Jalës nisen taksi-varka që ju çojnë në pak minuta direkt në gji.

Kjo zgjedhje jo vetëm që është më komode, por ju ofron edhe një perspektivë unike të bregdetit, duke ju lejuar të admironi shkëmbinjtë madhështorë dhe shpellat detare përgjatë rrugës.

Për më tepër, mund të merrni me qira edhe një kajak dhe të lundroni drejt Gjipesë për një përvojë akoma më aventureske.

Çfarë të bëni në Plazhin e Gjipesë

Gjipeja nuk është vetëm një plazh për t’u çlodhur dhe për të notuar. Natyra e saj e egër ofron aktivitete të shumta për adhuruesit e aventurës.

Eksploroni Kanionin e Gjipesë

Nga plazhi mund të hyni në këmbë brenda kanionit.

Shtegu është rreth 2.5 kilometra i gjatë dhe bëhet gradualisht më sfidues, duke kërkuar në disa segmente aftësi ngjitjeje në shkëmbinj.

Për një eksplorim të sigurt rekomandohet të shoqëroheni nga guida të specializuara dhe të përdorni pajisjet e nevojshme.

Kryeministri Edi Rama ka reaguar në rrjetet sociale  ndaj debatit për mbrojtjen e zonave natyrore.  Në një postim të gjatë, Rama solli si shembull rajonin e Camargue në France,  e cila sipas tij është një nga ligatinat më të rëndësishme të Europës, për të argumentuar se mbrojtja e natyrës nuk nënkupton domosdoshmërisht izolimin e saj nga zhvillimi ekonomik.

Sipas tij, Camargue është një model ku biodiversiteti, lagunat dhe habitatet natyrore bashkëjetojnë me turizmin, shërbimet, prodhimin tradicional dhe aktivitetet ekonomike, duke krijuar një ekonomi lokale që mbështetet pikërisht te ruajtja e peizazhit.

Rama theksoi se sfida nuk është zgjedhja mes natyrës dhe zhvillimit, por krijimi i një modeli ku të dyja përfitojnë. Ai argumentoi se kur peizazhi dhe mjedisi bëhen pjesë e ekonomisë, rritet edhe interesi i komuniteteve për t’i mbrojtur ato.

“Dy llafe si fillim për revolucionarët që hyjnë këtu dhe nëpër faqet sociale të kujtdo që mendon ndryshe prej tyre. Meqë nuk bashkojnë dot katër fjali bashkë për të formuar një koncept e kompensojnë boshllëkun me fjali bërtitëse, ku spikasin sharjet dhe thirrjet njërrokëshe: Lërini ambientalistët e vërtetë në punën e në të drejtën e tyre të protestës, lërini mbrojtësit dhe dashamirët e vërtetë të natyrës në punën e në të drejtën e tyre të protestës, lërini në të drejtën e tyre edhe qytetarët e shqetësuar, po patjetër lërini në rehatin dhe ngjyrën e tyre edhe flamingot, e mos ua bëni puplat bojëkafe me llumin e gjuhës së rrugës! Merruni me mua sa të doni, se mua vetëm shëndet dhe vullnet më bëhen sharjet e mallkimet tuaja, po boll e ndotët tërë mexhelisin shqipfolës të rrjeteve sociale me fjalorin tuaj me 40 fjalë ku 20 janë sharje e pisllëk!

Dhe tani një shembull tjetër

Kur flitet për ligatina, laguna dhe zona të mbrojtura, shpesh krijohet përshtypja sikur mënyra e vetme për t’i mbrojtur është t’i shkëpusësh nga jeta ekonomike. Por Camargue në Francë tregon një histori krejt tjetër. E vendosur në deltën e lumit Rhône, Camargue është një nga ligatinat më të rëndësishme të Europës. Një peizazh i jashtëzakonshëm me laguna, këneta, dunat bregdetare, kripore, flamingo rozë, kuajt e bardhë të famshëm të Camargue dhe qindra lloje shpendësh. Një parajsë e biodiversitetit. Por njëkohësisht edhe një motor ekonomik. Sot Camargue është një destinacion ndërkombëtar me hotele butikë, restorante, marina, turizëm natyror, kalërim, vëzhgim shpendësh, prodhim tradicional të kripës dhe një ekonomi lokale që jeton pikërisht falë peizazhit që ka ruajtur. Franca nuk e mbrojti Camargue duke e mbajtur qytetërimin larg saj.

E mbrojti duke e bërë të vlefshme për qytetërimin e saj. Duke kuptuar se natyra nuk është domosdoshmërisht kundërshtare e zhvillimit. Madje ndonjëherë ajo është vetë zhvillimi. Prandaj sot flamingot janë ende aty. Lagunat janë ende aty. Biodiversiteti është ende aty. Prandaj pyetja nuk është nëse natyra dhe ekonomia mund të bashkëjetojnë. Pyetja është nëse kemi vizionin për ta kthyer natyrën në një aset të ekonomisë. Sepse kur peizazhi bëhet pjesë e modelit ekonomik, njerëzit nuk janë më indiferentë dhe shpesh shkatërrues e ndotës të tij. Kanë interes ta mbrojnë. Dhe ky është mësimi i vërtetë i Camargue: Nuk zgjodhi mes natyrës dhe zhvillimit, por se gjeti mënyrën që të dyja të fitojnë bashkë.”, shkruan Rama.

Në fshatin Zenisht të Bashkisë Mat është gjetur pa shenja jete një 56 vjeçar, banues në Tiranë.

Sipas informacioneve paraprake, trupi i pajetë është konstatuar në lumin Mat rreth orës 10:00 të kësaj të diele.  Nga këqyrja e parë nuk janë evidentuar shenja dhune.

Dyshohet se vdekja ka ardhur si pasojë e mbytjes në ujë.

Grupi hetimor, nën drejtimin e Prokurorisë, po vijon punën për sqarimin dhe dokumentimin e plotë të rrethanave të ngjarjes.

Verdiktin e tyre e kanë hedhur tashmë në kutitë e votimit. Kreu i KQZ Kreshnik Radoniqi nga Peja u bëri thirrje qytetarëve që ta ushtrojnë të drejtën e tyre për të votuar.

“Për këtë ditë KQZ-ja ka qenë e angazhuar që nga shpallja e ditës së zgjedhjeve për përgatitjet dhe të gjitha përgatitjet gati kanë përfunduar. Pas kësaj dite fillon edhe numërimi në të gjitha qendrat komunale të numërimit. Në ora 7 ka filluar procesi zgjedhor dhe besoj se në të gjithë territorin ka filluar procesi në orën 7. Uroj që të gjithë ta shfrytëzojnë të drejtën e tyre për të votuar”, tha ai.

Ndryshe nga kreu i KQZ Kurti dhe Osmani kanë votuar nga Prishtina.

Kreu i VV bëri thirrje për pjesëmarrje masive në votime pasi sipas tij kjo do ta bënte më legjitime stabilitetin politik.

Sa më e lartë të jetë dalja e qytetarëve në zgjedhje, aq më i madh është legjitimiteti i institucioneve dhe aq më solid stabiliteti i tyre.  Sot vendosin ata që votojnë, prandaj edhe u bëj thirrje qytetarëve të Republikës së Kosovës që ta ushtrojnë të drejtën e tyre demokratike, ta përdorin mundësinë qytetare, të përcaktohen për përbërjen e ardhshme të Kuvendit të Republikës në legjislaturën e 11-të”, tha Albin Kurti.

Ndërsa Osmani shprehu mirënjohje për qytetarët dhe durimin e tyre përballë proceseve zgjedhore.

“Tashmë jemi në heshtje zgjedhore, por natyrisht unë jam shumë  e lumtur me mënyrën se si qytetarët e Kosovës, e marrin si detyrim kombëtar mundësinë që me kontribuuar në çdo proces zgjedhor edhe kjo është shumë shumë më rëndësi, sepse pa ta nuk ka demokraci dhe për këtë jam tepër mirënjohëse, për gjithçka që bëjnë për këtë vend dhe nuk e ndalin kurrë kontributin”, theksoi Osmani.

Nuk përbënë tashmë habi që Lista Serbe ashtu si edhe në zgjedhjet e kaluara ka votuar në mënyrë të organizuar në komunat veriore, edhe pse Ligji për Zgjedhje nuk lejon votimin në grup. Në krye të tyre ishte kryetari i Listës Serbe, Zlatan Elek.

Gjykata e Posaçme ka lënë në fuqi masën e sigurimit “arrest në burg” për Sajmir Kolaverin. Ai u ekstradua një ditë më parë nga Italia, pasi ishte i shpallur në kërkim për dyshimet se është i përfshirë në vrasjen dhe zhdukjen e kufomës së Klevis Lleshit në vitin 2020 në Burrel.

Ai dyshohet për veprat penale: “vrasje për gjakmarrje”, “fshehja ose asgjësimi i kufomës”, pjesëmarrje në grup të strukturuar kriminal, si dhe kryerjen e veprave penale nga grupi i strukturuar kriminal dhe organizata kriminale.

Kolaveri është familjar i Aurel Hoxhës, po ashtu i shpallur në kërkim për dyshimet si urdhërues i vrasjes së Klevis Lleshit.