LISBONË, 6 gusht /ATSH/- Portugalia po përjeton një valë të re të të nxehtit, me temperatura që arrijnë në 41 gradë Celsius. Gushti mund të jetë muaji më i nxehti në 15-20 vitet e fundit, sipas “Euronews”.

Temperaturat minimale variojnë nga 16 deri në 24 gradë Celsius, ndërsa temperaturat maksimale variojnë nga 28 deri në 41 gradë Celsius.

Rajonet veriore të Portugalisë, Viana do Castelo, Braga, Porto, Vila Real dhe Bragança, janë sërish subjekt i një alarmi të kuq të të nxehtit.

“Alarmi i kuq, shkalla më e lartë, është lëshuar për shkak të vazhdimësisë së temperaturave maksimale jashtëzakonisht të larta, përveç bregdetit”, sipas Institutit Meteorologjik Portugez (IPMA).

Gushti mund të jetë më i nxehti në 15-20 vitet e fundit, në terma të përgjithshëm, veçanërisht për sa i përket temperaturave minimale, por edhe për sa i përket temperaturave maksimale.

Duke filluar nga 10 gushti, Portugalia do të përjetojë një rritje të mëtejshme të temperaturave.

Portugalia ka hyrë në një gjendje gatishmërie për shkak të rrezikut të lartë të zjarreve në ditët në vijim.

“Në Lisbonë parashikohen temperatura mbi 35 gradë Celsius deri në 50 ditë në vit”, sipas një grupi ekspertësh. //a.i/

The post METEO – Portugalia goditet nga një valë e re e të nxehtit, temperatura deri në 41ºC appeared first on Agjencia Telegrafike Shqiptare.

Teksa ditë më parë Portugalia dhe Spanja u përballën me zjarre të shumta të nxitura nga temperaturat e larta, erërat e forta dhe kushtet e thata, një video me interval kohor të temperaturës në Spanjë dhe Portugali tregon se këto vende do të arrijnë deri në 40 gradë Celsius në ditët në vijim. Sipas agjencisë […]

The post Temperaturat përvëluese, gjendje alarmi në Spanjë e Portugali appeared first on BoldNews.al.

Portugalia kontinentale do të hyjë në gjendje gatishmërie nga mesnata e së dielës për shkak të rrezikut në përkeqësim të zjarreve si rezultat i “motit të nxehtë shumë të ashpër” me temperatura maksimale që pritet të variojnë nga 36 deri në 44 gradë Celsius.

Njoftimi u bë të shtunën nga Ministrja e Administratës së Brendshme Maria Lucia Amaral.

Do të jetë në fuqi deri në orën 23:59 të mbrëmjes, më 7 gusht.

“Ky vendim rrjedh nga temperaturat shumë të larta, nivelet e ulëta të lagështisë dhe nevojës për të miratuar masa parandaluese dhe të veçanta për t’iu përgjigjur rrezikut të zjarrit në një pjesë të madhe të Portugalisë kontinentale”, shpjegoi ministrja.

LISBONË, 31 korrik /ATSH/- Qeveria e qendrës së djathtë e Portugalisë do të konsultohet me partitë kryesore politike dhe presidentin konservator, Marcelo Rebelo de Sousa në lidhje me njohjen e mundshme të shtetit palestinez, tha sot kryeministri, Luis Montenegro sipas “Reuters”.

Ndryshe nga Spanja fqinje, qeveria e majtë e së cilës njohu shtetësinë palestineze në maj të vitit 2024 – së bashku me Irlandën dhe Norvegjinë dhe u bëri thirrje vendeve të tjera të BE-së të bënin të njëjtën gjë – Portugalia ka ndjekur një qasje më të kujdesshme, duke thënë se dëshironte të shihte fillimisht, një qëndrim të përbashkët me vendet e tjera të BE-së.

Presidenti francez Emmanuel Macron njoftoi javën e kaluar se vendi i tij, një fuqi e madhe në BE, planifikon të njohë shtetin palestinez, duke u bërë shteti i parë i madh perëndimor që e bën këtë.

Lëvizja e tij erdhi mes një proteste globale në rritje për krizën e urisë dhe shkatërrimin në Gaza, ndërsa Izraeli zhvillon luftën kundër militantëve të Hamasit atje.

Britania e Madhe dhe Kanadaja thanë se mund të njohin gjithashtu shtetin palestinez.

“Qeveria vendosi të nxisë konsultimet me presidentin dhe partitë politike të përfaqësuara në parlament – me qëllim që të shqyrtohet njohjen e shtetit palestinez në një proces që mund të përfundojë … në Asamblenë e Përgjithshme të OKB-së në shtator”, tha Mali i Zi në një deklaratë.

Rreth 144 nga 193 shtetet anëtare të Kombeve të Bashkuara e njohin Palestinën si shtet, duke përfshirë pjesën më të madhe të jugut global, si dhe Rusinë, Kinën dhe Indinë. //a.i/

The post LISBONË – Portugalia shqyrton njohjen e shtetit palestinez appeared first on Agjencia Telegrafike Shqiptare.

Portugalia po shqyrton mundësinë për të njohur shtetin palestinez, duke iu bashkuar në këtë mënyrë Francës, Britanisë dhe Kanadasë.

Qeveria portugeze pritet të zhvillojë konsultime me presidentin dhe parlamentin e vendit, mbi mundësinë e njohjes së shtetit palestinez në OKB në shtator.

“Portugalia “po shqyrton njohjen e shtetit palestinez, brenda kuadrit të një procesi që mund të përfundojë në javën e Asamblesë së 80-të të Përgjithshme të Kombeve të Bashkuara, e cila do të mbahet në New York në shtator”, thuhet në deklaratën e qeverisë.

Këto iniciativa vijnë pasi një grup ndërkombëtar i monitorimit të urisë i mbështetur nga OKB-ja konfirmoi të martën se në Gaza po zhvillohet “skenari më i keq i urisë”.

/abcnews.al/

Edhe Portugalia po planifikon të njohë Shtetin e Palestinës.

Kjo deklaratë vjen pas vendimit të Francës, Kanadasë dhe Britanisë së Madhe për njohjen e shtetit palestinez në shtator nëse Izraeli nuk i jep fund luftës në Gaza.

Në një deklaratë zyrtare, qeveria tha se po “studion njohjen e Shtetit të Palestinës si pjesë e një procesi që mund të zhvillohet gjatë sesionit të 80-të të Asamblesë së Përgjithshme të Kombeve të Bashkuara në Nju Jork këtë shtator”.

The post Kriza humanitare në Gaza/ Pas Francës dhe Britanisë së Madhe, Portugalia planifikon të njohë shtetin palestinez appeared first on Albeu.com.

Gadishulli Iberik është goditur nga zjarret dhe valë të nxehti që i kanë çuar temperaturat deri në 40 gradë Celsius.

Portugalia vijon betejën me flakët për disa ditë me radhë, teksa në terren janë angazhuar mbi 3 mijë forca zjarrfikëse, 1 mijë automjete dhe 26 helikopterë e dronë.

Zjarri në pjesën veriore të vendit, afër kufirit me Spanjën vijon që prej mbrëmjes së të shtunës dhe kërcënon fshatrat dhe zonën e mbrojtur natyrore te Geres.

Ndërkohë një zjarr tjetër në rajonin qendror u përhap shumë shpejt për shkak të erërave të forta dhe temperaturave të larta.

Ndërkohë që një pjesë e vendit përballet me zjarret, në kryeqytetin Lisbonë temperaturat arritën thuajse 40 gradë Celsius. Kjo bëri që banorët të drejtoheshin në plazhet apo pishinat më të afërta.  Megjithatë ata shprehën shqetësimin për temperaturat e larta, që janë bërë gjithnjë e më të zakonshme.

Në Spanjën fqinje spanjolle të emergjencës po përballen me disa zjarre, ndërsa temperaturat u rritën ndjeshëm në disa rajone të vendit.

Zjarret më shqetësuese janë në rajonin e Avilës, afërsisht një orë larg Madridit.

Pavarësisht se në vitin 2025 ka pasur më shumë zjarre aktive sesa në vitet e kaluara, sipërfaqja e djegur është në krahasim deri më tani dukshëm më e vogël.

/abcnews.al/

Zjarret janë përhapur në të gjithë territorin portugez, teksa vendi është përfshirë nga një tjetër valë të nxehti.

Këtë të martë më shumë se 2 mijë zjarrfikës ishin në luftë me flakët, në të paktën tre vatra që ngritën alarm, po ashtu në terren ishin edhe 672 automjete zjarrfikëse dhe 21 mjete ajrore. Spanja gjithashtu dërgoi disa avionë për të ndihmuar në kontrollin e flakëve në zonë.

Në pjesën veriore të vendit, afër kufirit me Spanjën, një zjarr që filloi të shtunën në mbrëmje ka qenë duke djegur për disa ditë, duke kërcënuar fshatrat dhe zonën e mbrojtur natyrore të Geres.

Të hënën vonë, dy zjarre të tjera filluan në rajonin qendror të vendit, duke u përhapur me shpejtësi për shkak të erërave të forta dhe temperaturave të larta.

Zjarret janë të shpeshta në Portugali, veçanërisht në zonat rurale. Në vitin 2024, të paktën 5 persona humbën jetën si pasojë e zjarreve, teksa dhjetëra të tjerë u plagosën. Portugalia ka përjetuar një valë të nxehti ditët e fundit me temperatura afër 40 gradë Celsius.

/abcnews.al/

TIRANË, 26 korrik /ATSH/ Gjimnastika shqiptare është përfaqësuar denjësisht në kampionatin botëror të “World Gym for Life Challenge” të mbajtur në Portugali, duke fituar medaljen e bronzit.

Sipas Federatës Shqiptare të Gjimnastikës, vajzat kuqezi dhuruan një performancë fantastike, teksa morën edhe përgëzimet e jurisë.

Në garë u vendosën 33 shtete nga e gjithë bota, teksa në total në Lisbonë ishin rreth 3800 sportiste. Shqipëria u përfaqësua me gjimnastet: Merili Islami, Mishela Bitanji, Maria Zefi, Sara Moleci, Nil Elbasani, Nadia Daci, Enesa Sulaj, Chloe Qenanaj, Ilenia Sevdari, Silja Muhameti, Megi Papadhami, Iris Kadiu, Leandra Çela dhe Melisa Agolli.

Pa dyshim që meritë për këtë sukses, të gjimnasteve nga mosha 7-12 vjeç, kanë trajnerët e ekipit kombëtar, sekretarja e përgjithshme e Federatës Eliriana Karaj, por edhe presidenti Leonard Lulaj.

Vajzat të cilat morën pjesë në këtë kampionat ishin të ekipeve të Beratit, Shkodrës, Lushnjës dhe Tiranës.

The post Gjimnastet kuqezi fitojnë medalje të bronztë në botërorin e Portugalisë appeared first on Agjencia Telegrafike Shqiptare.

Kryetari i PD, Sali Berisha ka bërë një deklaratë të fortë pas pjesëmarrjes në sesionin e Asamblesë Parlamentare të OSBE-së në Porto, Portugali. Ai e ka cilësuar procesin e zgjedhjeve të 11-majit, si një farsë zgjedhore të orkestruar nga qeveria dhe strukturat e saj. Në fjalimin e tij, Berisha ka theksuar përdorimin e resurseve shtetërore […]

The post Berisha: Njohëm asamblenë e OSBE-së dhe EPP-në me farsën e 11 majit appeared first on BoldNews.al.

Pas pjesëmarrjes në sesionin e Asamblesë Parlamentare të OSBE-së në Porto, Portugali, kryetari i PD, Sali Berisha, ka bërë një deklaratë të fortë.

Ai e ka cilësuar procesin e zgjedhjeve të 11-majit, si një farsë zgjedhore të orkestruar nga qeveria dhe strukturat e saj.

Në fjalimin e tij, Berisha ka theksuar përdorimin e resurseve shtetërore për të manipuluar rezultatin e zgjedhjeve, duke përmendur praktika të tilla si blerja e votave, përdorimi i administratës publike për qëllime elektoraliste dhe organizimin e aktiviteteve për të ndikuar tek zgjedhësit, përfshirë evenimente të mëdha si Giro d’Italia.

Po ashtu, ai ka folur për shkelje të ligjit në lidhje me legalizimet dhe ndarjen e lejeve të ndërtimit për të fituar mbështetje elektorale.

“Isha në Porto të Portugalisë, ku zhvilloi punimet sesioni i Asamblesë parlamentar të OSBE. Siç e dini, asambleja parlamentare e OSBE dhe institucionet e OSBE, ndër të cilat ODIHR, janë dhe institucionet e besimit të plotë të vendeve anëtare të OSBE-së, përsa u përket zgjedhjeve, karakterit, të zhvillimit të tyre, zgjedhjeve të drejta apo të padrejta, të barabarta apo të pabarabarta.

Unë shfrytëzoj rastin të falënderoj shumë përzemërsisht presidenten e grupit parlamentar të EPP-së zonjën Gundrun Kugler, për mundësinë që më krijoi të bëj një ekspoze të qartë, të plotë, të faktuar të farsës elektorale që u zhvilluar në Shqipëri në datën 11 maj 2025.

Interesi i kryetares së grupit parlamentar të EPP-së, të asamblesë parlamentare të OSBE-së dhe anëtarëve deputetë të këtij grupi ishte shumë i madh.

Në ekspozenë tonë, ne paraqitëm me fakte dhe dokumente se çfarë ishte procesi në Shqipërinë e Ramaduros, e narkoshtetit të parë dhe të vetëm në Europë.

Pa krahasuar me asnjë proces tjetër në Europë, informuam për angazhimin total të narkoshtetit, të të gjitha potencialeve të tij njerëzore, financiare, fuqia ekzekutive, për kontrollin e votës së qytetarëve shqiptarë dhe blerjen e saj.

Për përdorimin e gjysëm miliardi euro, për prokurorime publikë në kundështim flagrant me ligjin.

Për organizimin në kundërshtim me ligjin të 4500 evente kombëtare dhe ndërkombëtare duke përfunduar me Giro d’Italia ditët e fundit dhe ditën e zgjedhjeve për të ndikuar tek zgjedhësit.

Tek përdorimi i armatës së punonjësve të paguar nga taksa paguesit shqiptarë për tu shërbyer atyre dhe jo për tu angazhuar si policë elektoralë në procesin zgjedhor.

Firmosjen e mijëra e mijërave leje legalizimi, leje ndërtimi dhe certifikatave të pronësisë, për vota.

Dorëzimin e të gjitha të dhënave sekrete, personale të qytetarëve grupeve të patronazhistëve për ti kërcënuar dhe mikluar ata.

Si dhe vendimin për mbjelljen e 29 mijë hektarë kanabis në mbarë vendin për votë, ndërkohë ligji lejon gjithsej 200 hektarë.

Në takimet dhe ekspozetë tona ne informuam ata me të gjithë dukuritë e konstatuara nga vëzhgimi i kamerave ditën e votimit, nga rinumërimi i fletëve të votimit. I informuam për përdorimin më të gjerë të mekanizmit ‘treni Bullgar’. I informuam për shtetëzimin e votës së diasporës dhe procesit të votimit të diasporës.

Me fakte, dokumente me të dhëna. Mendoj se audienca me lajmet, me dokumentet, provat që dërguam mori informacionin më të vërtetë dhe më të duhur për farsën elektorale të 11 majit”, tha Berisha.

The post Berisha: Njohëm asamblenë e OSBE-së dhe EPP-në me farsën e 11 majit appeared first on Albeu.com.

Pjesa kontinentale e Portugalisë po përballet aktualisht me një valë të nxehti që ka prekur pjesën më të madhe të Evropës Perëndimore, me temperatura që arrijnë deri në 42 gradë Celsius në disa pjesë të Gadishullit Iberik, Greqisë dhe Francës.

I nxehti shkaktoi një gamë të gjerë motesh të paqëndrueshme në Portugali, siç janë reshjet e papritura të shiut, stuhitë e forta dhe breshëri. Këto fenomene ishin më intensive në brendësi të vendit.

Të dielën, qindra notarë u habitën nga retë e dendura që dilnin nga oqeani dhe lëviznin drejt plazhit. Fenomeni, i njohur si një re dallgësh, goditi disa plazhe përgjatë bregdetit portugez gjatë pasdites.

Pamjet u përhapën shpejt në rrjetet sociale.

Retë e valëzuara janë një fenomen i rrallë meteorologjik që krijohet nga bashkëveprimi i masave ajrore me temperatura të ndryshme dhe flladit të detit. Këto re kanë formë tubulare dhe lëvizin horizontalisht. Edhe pse duken si një valë e madhe, për fat të mirë ato nuk kanë të bëjnë fare me tsunami.

Ndërsa retë afroheshin, u shfaq një erë e fortë që i habiti plazhistët.

Duke pasur parasysh se temperaturat pritet të rriten më tej gjatë javës, frika nga zjarret e mëdha po rritet. Shërbimi Kombëtar i Mbrojtjes Civile lëshoi ​​një paralajmërim për popullsinë me masa parandaluese dhe rekomandime të tjera.

Në deklaratë thuhej se rreziku i zjarrit në zonat rurale është shumë i lartë deri në maksimum në brendësi të veriut dhe qendrës, si dhe në Algarve.

LEXONI GJITHASHTU:

• Tragjedi në finalen Spanjë-Portugali: Një tifoz humb jetën pas rënieje nga tribuna
• Portugalia përmbys Gjermaninë, kualifikohet në finalen e Ligës së Kombeve

The post Fenomen i rrallë në plazhet portugeze: Një re si valë mbërriti nga deti (VIDEO) appeared first on Euronews Albania.

Një pamje e rrallë e një reje të ngjashme me cunami në Portugali të dielën i la disa pushues të habitur.

Siç shihet në videon që u bë virale, reja kishte formuar një strukturë si mur, duke dhënë përshtypjen se ishte gati të shpërthente në plazh. Sipas mediave ndërkombëtare, këto imazhe janë për shkak të fenomenit të rrallë meteorologjik të reve rrotulluese.

Këto re formohen nga bashkëveprimi i masave ajrore me temperatura të kundërta dhe fllade detare. Këto re janë në formë tubi dhe lëvizin horizontalisht, duke kujtuar një valë gjigante, e cila, megjithatë, nuk ka të bëjë fare me cunamet. Kur këto re iu afruan plazheve, filluan erëra të forta, duke habitur njerezit.

Cloud Tsunami Sweeps Over Three Portuguese Cities

A rare atmospheric phenomenon rolled across Portugal — a giant “roll cloud” resembling a tsunami in the sky. It was spotted in three coastal cities.

These clouds form due to sea breezes and appear as a long, horizontal mass… pic.twitter.com/H3KQeXB58p

— NEXTA (@nexta_tv) June 30, 2025

The post Reja e frikshme në një plazh në Portugali që u bë virale! Çfarë është fenomeni i reve rrotulluese? appeared first on iconstyle.al.

Vala e të nxehtit ka përfshirë një pjesë të madhe të Europës, me temperatura që kanë kaluar 40 gradë Celsius në disa vende.

Në Greqi, termometri në Athinë arriti deri në 41 gradë, duke shtyrë qytetarët drejt plazheve për t’u freskuar.

Në Turqi, temperaturat e larta janë shoqëruar me shpërthime zjarresh në qytetet Izmir, Bursa, Sakarya dhe Adana. Në këtë të fundit, një avion cisternë u rrëzua teksa po përpiqej të merrte ujë nga një digë.

Ndërkohë, edhe Portugalia dhe Spanja po përballen me temperatura ekstreme. Në disa zona të Portugalisë, pritet që termometri të arrijë deri në 44 gradë.

Autoritetet kanë dhënë alarmin për rrezik nga zjarret për shkak të thatësirës dhe erërave të forta.

Shërbimi meteorologjik portugez, ka dhënë paralajmërim të verdhë për pjesën më të madhe të vendit dhe portokalli për zonat e brendshme.

Vala e të nxehtit pritet të zgjasë deri në fundjavë, kur temperaturat pritet të bien gradualisht.

The post I nxehti “pushton” Europën, temperatura mbi 40 gradë appeared first on Albeu.com.

Ekipi kombëtar i Portugalisë siguroi një fitore të paharrueshme ndaj Spanjës në finalen e Ligës së Kombeve.

Spanja mori epërsinë, por Nuno Mendes barazoi pesë minuta më vonë me një goditje të fuqishme.

La Roja rifitoi avantazhin nëpërmjet golit të Mikel Oyarzabal, i asistuar nga Pedri. Në pjesën e dytë, Cristiano Ronaldo barazoi rezultatin, duke i lënë mënjanë kundërshtarët e tij.

Ndeshja u vendos nga gjuajtjet e penalltive, ku dështimi i Alvaro Moratës, shkaktoi kritika dhe kërcënime të rënda.

Ronaldo, i cili shënoi një gol vendimtar, luajti pothuajse të gjithë ndeshjen, por u zëvendësua në minutën e 87-të për shkak të një dëmtimi.

Në atë moment, kamerat pikasën një banderolë tifozësh ku shkruhej: “Cristiano, të lutem më lejo të të prek”.

The post Kërkesa interesante e një tifozi drejtuar Cristiano Ronaldos tërheq vëmendjen në triumfin e Portugalisë në Ligën e Kombeve appeared first on Albeu.com.

MYNIH, 9 qershor /ATSH-DPA/ – Portugalia fitoi dje në mbrëmje vonë Ligën e Kombeve.

Cristiano Ronaldo fillimisht shënoi dhe më pas qau me lot gëzimi në stol, ndërsa Portugalia fitoi Ligën e Kombeve për herë të dytë të dielën, 5-3 me penallti kundër Spanjës.

Ronaldo u zëvendësua në minutën e 88-të, por fitoi një titull të tretë me vendin e tij pas Euro 2016 dhe Ligës së Kombeve 2019, kur penalltia e katërt e Alvaro Moratas për Spanjën u prit nga Diogo Costa dhe Ruben Neves më pas e siguroi atë për Portugalinë.

Favoritët, Spanja, kishin udhëhequr dy herë në kohën e rregullt, nga Martin Zubimendi në minutën e 21-të në një përpjekje për portën, dhe nga goditja e Mikel Oyarzabal në fund të pjesës së parë.

Por, Portugalia fillimisht barazoi nga goditja e Nuno Mendes në minutën e 26-të dhe nga një gjuajtje nga afër e Ronaldos.

Nuk pati më gola në kohën shtesë përpara se Portugalia t’i mohonte Spanjës titullin e tretë në po aq vite, pas suksesit në Ligën e Kombeve 2023 dhe Euro 2024.

Në gjuajtjet e penalltive, Portugalia shënoi të pesë golat nga Goncalo Ramos, i cili kishte zëvendësuar Ronaldon, Vitinhan, Bruno Fernandes, Mendes dhe Ruben Neves. Mikel Merino, Alex Baena dhe Isco shënuan për Spanjën përpara aksidentit të Moratës.

Ronaldo shënoi golin e tij të 138-të në ndeshjen e tij të 221-të, të dy duke thyer rekorde botërore, përpara se 40-vjeçari të zëvendësonte Ramosin me atë që dukej të ishte një problem në kofshë.

Mendes jo vetëm që shënoi në kohën e rregullt dhe në gjuajtjet e penalltive dhe asistoi golin e Ronaldos, por ai gjithashtu luajti një rol të madh në ndalimin kryesisht të sensacionit 17-vjeçar të Spanjës, Lamine Yamal, takimi i të cilit me Ronaldon ishte cilësuar si një duel brezash.

Yamal u zëvendësua në të 105-tën minutë.

Mendes u shpall Lojtari i Ndeshjes pasi fitoi titullin e dytë brenda nëntë ditësh në arenën e Mynihut, pasi kishte ndihmuar ”Paris Saint-Germain” të fitonte titullin e parë të Ligës së Kampionëve më 31 maj, së bashku me shokë të tjerë të ekipit të Portugalisë, si Vitinha.

Portugalia u konsiderua si e dobët kundër ekipit në dukje të pamposhtur ”La Roja”, ashtu siç kishte bërë në vitin 2016 kur mposhti Francën për titullin e Kampionatit Evropian në Paris – ku Ronaldo kishte dalë jashtë loje për shkak të lëndimit në fillim.

“Jemi të vegjël në madhësi, por jemi të mëdhenj në talent, të mëdhenj në personalitet”, tha Bruno Fernandes i ”Manchester United”.

“E dinim se do të ishte një ndeshje shumë e vështirë. Spanja është një nga ekipet kombëtare më të mira në botë. Por, ne gjithashtu kemi një ekip shumë të mirë. Kur kemi këtë bashkim, është shumë e vështirë të na mposhtësh”, theksoi ai./ a.jor.

The post FUTBOLL – Portugalia fiton Ligën e Kombeve appeared first on Agjencia Telegrafike Shqiptare.

Një ngjarje e rëndë ka tronditur finalen e Ligës së Kombeve mes Spanjës dhe Portugalisë, e zhvilluar të dielën në stadiumin “Allianz Arena” të Mynihut. Gjatë pjesës së parë të kohës shtesë, një tifoz humbi jetën pasi ra nga lartësia e tribunës, mbi zonën ku ishin pozicionuar mediat.

Lajmi u konfirmua nga një zyrtar i UEFA-s, i cili, duke folur në kushte anonimiteti, pohoi se personi pësoi lëndime fatale si pasojë e rënies. Ngjarja ndodhi në një moment tensioni të lartë në fushë dhe entuziazmi të madh në shkallët e stadiumit. Menjëherë pas incidentit, ekipet mjekësore, forcat e sigurisë dhe policia ndërhynë në vendin e ngjarjes, por përpjekjet për shpëtimin e jetës së viktimës rezultuan të pasuksesshme.

Tragjedia la një hije të rëndë mbi finalen, të cilën Portugalia e fitoi me penallti pas një ndeshjeje dramatike. Trajneri i Spanjës, Luis de la Fuente, shprehu ngushëllimet e tij në fillim të konferencës për shtyp pas ndeshjes.

“Para se të fillojmë me pyetjet, dua të shpreh ngushëllimet e mia për vdekjen e një tifozi në tribuna sot. Mendimet e mia janë me familjen e tij,” u shpreh De la Fuente.

Identiteti dhe kombësia e viktimës nuk janë bërë ende të ditura. Autoritetet kanë nisur hetimet për të sqaruar rrethanat e aksidentit.

LEXONI GJITHASHTU:

• Ronaldo “i madh” për Yamal, Portugalia fiton për herë të dytë Ligën e Kombeve
• Portugalia përmbys Gjermaninë, kualifikohet në finalen e Ligës së Kombeve

The post Tragjedi në finalen Spanjë-Portugali: Një tifoz humb jetën pas rënieje nga tribuna appeared first on Euronews Albania.

Kombëtarja e Portugalisë ka fituar finalen e Ligës së Kombeve, pasi ka mposhtur Spanjën pas ekzekutimit të penalltive.

‘Furia e Kuqe’ kaloi në avantazh në minutën e 21-të përmes Martin Zubimendit i cili u gjend në kohën e duhur dhe në vendin e duhur për të shënuar.

Portugezët reaguan shpejtë duke barazuar shifrat vetëm pesë minuta më vonë me anë të Nuno Mendes (26’) i cili realizoi një gol të bukur për 1-1.

Në pjesën e dytë Cristiano Ronaldo shënoi në minutën e 61-të për të barazuar rezultatin në 2-2.

Në penallti më të saktë ishin portugezët të cilët fituan me rezultat 5-3, pasi tek Spanja dështoi të realizojë Alvaro Morata.

Lojtari më i mirë në këtë ndeshje sipas Sofascore ishte Nuno Mendes që u vlerësua me notën 8.0.

Vlerësime të larta në këtë sfidë për Portugalinë morën gjithashtu edhe Diogo Costa (7.5), Vitinha (7.3) dhe Cristiano Ronaldo (7.2).

Në nanë tjetër tek Spanja lojtari më i vlerësuar ishte Lamine Yamal me 7.9 po aq sa e kishte notën edhe Martin Zubimendi.

Dështimi i ndeshjes doli të jetë Alvaro Morata i cili u vlerësua me notën 6.1 pas penalltisë së humbur.

Notat e lojtarëve tjerë të të dyja ekipeve:

The post Notat e lojtarëve, Portugali-Spanjë: Nuno Mendes dominoi mbi të gjithë appeared first on Albeu.com.

Kombëtarja e Portugalisë ka fituar finalen e Ligës së Kombeve, pasi ka mposhtur Spanjën pas ekzekutimit të penalltive.

Joao Neves rrezikoi i pari në minutën e pestë, por goditja e tij shkoi larg shtyllës së portierit Unai Simon.

Në minutën e 17-të Nico Williams pati një mundësi për gol, por goditja e tij përfundoi mbi traversë.

‘Furia e Kuqe’ kaloi në avantazh në minutën e 21-të përmes Martin Zubimendit i cili u gjend në kohën e duhur dhe në vendin e duhur për të shënuar.

Portugezët reaguan shpejtë duke barazuar shifrat vetëm pesë minuta më vonë me anë të Nuno Mendes (26’) i cili realizoi një gol të bukur për 1-1.

Pak çaste pa përfunduar pjesa e parë, Spanja e riktheu sërish avantazhin, kësaj radhe përmes Mikel Oyarzabal që realizoi për 2-1 në minutën e 45-të pas asistimit të Pedrit.

Në pjesën e dytë Cristiano Ronaldo shënoi në minutën e 61-të për të barazuar rezultatin në 2-2.

Deri në fishkëllimën e fundit të gjyqtarit nuk pati më ndryshim të rezultatit dhe u desh të luheshn vazhdimet dy herë nga 15 minuta për t’u përcaktuar fituesi.

As në vazhdime nuk pati një fitues, andaj radha erdhi për t’u ekzekutuar penalltitë.

Në penallti më të saktë ishin portugezët të cilët fituan me rezultat 5-3, pasi tek Spanja dështoi të realizojë Alvaro Morata.

The post Portugalia fiton Ligën e Kombeve ndaj Spanjës me penallti appeared first on Albeu.com.

Ka përfunduar me rezultat të barabartë 2-2 pas 90 minutave finalja e Ligës së Kombeve mes Portugalisë dhe Spanjës.

Joao Neves rrezikoi i pari në minutën e pestë, por goditja e tij shkoi larg shtyllës së portierit Unai Simon.

Në minutën e 17-të Nico Williams pati një mundësi për gol, por goditja e tij përfundoi mbi traversë.

‘Furia e Kuqe’ kaloi në avantazh në minutën e 21-të përmes Martin Zubimendit i cili u gjend në kohën e duhur dhe në vendin e duhur për të shënuar.

Portugezët reaguan shpejtë duke barazuar shifrat vetëm pesë minuta më vonë me anë të Nuno Mendes (26’) i cili realizoi një gol të bukur për 1-1.

Pak çaste pa përfunduar pjesa e parë, Spanja e riktheu sërish avantazhin, kësaj radhe përmes Mikel Oyarzabal që realizoi për 2-1 në minutën e 45-të pas asistimit të Pedrit.

Në pjesën e dytë Cristiano Ronaldo shënoi në minutën e 61-të për të barazuar rezultatin në 2-2.

Ronaldo në minutën e 86-të u detyrua të largohej nga loja për shkak të një problemi muskular.

Deri në fishkëllimën e fundit të gjyqtarit nuk pati më ndryshim të rezultatit dhe tani do të luhen vazhdimet dy herë nga 15 minuta për t’u përcaktuar fituesi.

Në rast se nuk ka fitues as pas 30 minutave lojë, atëherë do të ekzekutohen penalltitë.

The post Nuk ka fitues pas 90 minutave, ndeshja Portugali-Spanjë shkon në vazhdime appeared first on Albeu.com.