Një 23-vjeçar rezulton i zhdukur prej më shumë se një muaji, ndërsa familjarët kanë bërë kallëzim në Policinë e Memaliajt për ndihmë në gjetjen e tij.

Një grua ka bërë kallëzim në Policinë e Memaliajt, pasi kërkon ndohmë për gjetjen e djalit të saj 23-vjeç. Ajo ka deklaruar se që prej 10 qershorit ka humbur kontaktet me djalin e saj, sipas saj i riu ka qenë së fundmi në Francë, por prej atëherë nuk ka pasur asnjë komunikim me ta.

Policia ka nisur punën për zbardhjen e rrethanave dhe për gjetjen e të riut./abcnews.al

Një aksident ka ndodhur mesditën e kësaj të diele, rreth orës 12:25, në aksin rrugor ” Qafë Mali- Fierz “, ku turisti kroat  D. J., dyshohet se ka humbur kontrollin mbi drejtimin e motomjetit dhe si pasojë motomjeti është rrëzuar. Turisti është dërguar për mjekim në Spitalin e Pukës, jashtë rrezikut për jetën.

Grupi hetimor po punon për zbardhjen e rrethanave të aksidentit./abcnews.al

Nga plazhet tek pallatet. Një javë nga porosia e kryeministrit, hapësirat publike po lirohen nga ndërtimet pa leje. Në Golem të Kavajës, Policia ka ndërhyrë në një hapësirë e përshtatur si biznes nga dy qytetarët, të cilët tashmë akuzohen për Pushtim të Tokës.

Kurse në Tiranë, Policia ka liruar një hapësirë pallatesh e cila prej kohësh ishte kthyer vendparkim automjetesh. Nën hetim është vendosur autori 39-vjeçar në rrugën Medar Shtylla, kurse automjetet e parkuara u hoqën me karrotrec.

Nga ana tjetër, edhe Operatori i Shpërndarjes së Energjisë Elektrike ka filluar menjëherë zbatimin e porosisë së kryeministrit Rama për ndërtimet pa leje.

Në një deklaratë zyrtare, institucioni përgjegjës për energjinë paralajmëron se nuk do të pranohet asnjë kërkesë e re për lidhje të energjisë me çdo ndërtesë pa leje apo dhe ato me probleme.

“OSHEE është angazhuar për të forcuar kontrollin dhe për të mos lejuar asnjë lidhje të re me rrjetin elektrik për ndërtimet që nuk përmbushin kriteret ligjore. Vëmendje e veçantë do t’u kushtohet kërkesave për lidhje të reja, me qëllim që të shmangen çdo përpjekje për të anashkaluar ligjin. OSHEE nuk do të pranojë kërkesat për lidhje me energji elektrike të ndërtesave pa leje ndërtimi ose që nuk kanë zbatuar kushtet e lejes ndertimit.”

Në kuadër të këtij aksioni, OSHEE ka filluar kontrollet në territor në bashkëpunim me IMT dhe Policinë e strukturat përgjegjëse, pas porosive të kryeministrit kundër ndërtimeve pa leje.

Dy ditë më parë, në një mbledhje me ministra e kryebashkiakë në Durrës, kryeministri Rama si një nga masat për parandalimin e ndërtimeve pa leje, kërkoi ndalimin e furnizimit me energji elektrike dhe ujë për çdo ndërtim pa leje./abcnews.al

Kryeministri Edi Rama ka ndarë sot në rrjetet sociale detaje mbi programin “Shkolla Verore 2025”, një iniciativë që ka përfshirë mbi 1000 fëmijë nga klasa e parë deri në të pestën në një eksperiencë edukative dhe argëtuese.

Në aktivitet janë përfshirë 10 shkolla në Tiranë, Kamëz dhe Durrës, ndërsa në zbatimin e programit janë angazhuar 150 profesionistë, mësues, psikologë, oficerë sigurie dhe punonjës socialë si dhe 100 të rinj vullnetarë nga gjimnazet.

Sipas Kryeministrit, programi ka sjellë një gamë të gjerë aktivitetesh si art, zeje, kodim, gjuhë të huaj, sport dhe projekte krijuese, me fokus të veçantë tek pasioni për librin dhe leximi.

“Një eksperiencë edukative dhe argëtuese për më shumë se 1000 fëmijë nga klasa I-V. 10 shkolla pjesëmarrëse në Tiranë, Kamëz dhe Durrës, 150 profesionistë, mësues, psikologë, oficerë sigurie dhe punonjës socialë dhe 100 të rinj vullnetarë nga gjimnazet të angazhuar në këtë projekt. Programi solli art, zeje, kodim, gjuhë të huaj, sport, projekte dhe mbi të gjitha pasion për librin”, ka shkruar kryeministri.

/abcnews.al

Turqia dhe Greqia qëndrojnë në krye të listës së shqiptarëve që duan të kalojnë pushimet e verës jashtë vendit. Një gjë të tillë e konfirmojnë operatorët turistikë, pasi kërkesat për këto dy vende kanë qenë të larta.

“Greqia për shkak se është afër ofron plazhe shumë të bukura dhe ke mundësi të zgjedhësh nga apartamentet deri tek vilat luksoze. Gjithashtu Turqia të ofron se i ke të gjitha të përfshira dhe nuk e ke mendjen më se çfarë do shpenzosh më pak”, tha operatorja turistike Fjorida Zani.

Për një përvojë ndryshe jashtë vendit të kërkuara janë gjithashtu edhe destinacione të tjera evropiane deri tek vendet më të largëta.

“Dhe pastaj është edhe Spanja shumë e kërkuar. Edhe Italia ka pasur goxha kërkesa sidomos Sicilia sepse ka fluturime direkt dhe çmimet janë të lira. Vendet e largëta, Zanzibari, Maldivet që më shumë i kërkojnë çiftet. Minimalisht shkojnë 1500 dhe 2 mijë euro personi. Dubai ka dy linja direkte dhe shqiptarët po e zgjedhin. Kemi shqiptarë që shkojnë me grupe pothuajse çdo javë”, shtoi operatorja turistike.

Dy muajt më të nxehtë të verës janë më të preferuarit nga shqiptarët për të pushuar.

“Piku është korriku dhe gushti, por edhe shtatori nuk mbetet pas sepse ka goxha, klima është e mirë. Çmimet janë më të lira në disa destinacione dhe ka shumë kërkesa sidomos nga mosha e tretë”, tha Fjorida Zani.

Sa i përket rezervimeve brenda vendit, emigrantët shqiptarë që kthehen në atdhe preferojnë bregdetin e Jonit.

“Fillojnë nga Vlora në Sarandë që janë kërkesat e emigrantëve shqiptarë për të vizituar Shqipërinë, kryesisht për plazh. Por ka edhe nga ata që zgjedhin malin, Thethin apo Luginën e Valbonës për një fundjavë”, përfundoi Fjorida Zani.

Numri i shqiptarëve që udhëtojnë ka ardhur duke u rritur vitet e fundit, ndërsa rekordi u thye vitin e kaluar mbi 4.4 milion udhëtime brenda dhe jashtë vendit, pjesa më e madhe e tyre me qëllim për të pushuar.

/abcnews.al

Mesditën e kësaj të diele 13 korrik 2025, një tërmet me magnitudë 3.4 ballë të shkallës Rihter, është regjistruar në afërsi të qytetit të Vlorës.

Sipas të dhënave paraprake, epiqendra e lëkundjes ndodhej rreth 17 kilometra në jugperëndim të Vlorës, në një thellësi prej 4.4 kilometrash.

Nuk raportohet për dëme materiale apo persona të lënduar./B.news

The post Lëkundje tërmeti në Shqipëri/ Magnituda dhe epiqendra appeared first on Albeu.com.

Pasi i furnizoi me energji elektrike në kundërshtim me ligjin për vite te tëra, Operatori i Shpërndarjes së Energjisë Elektrike (OSHEE), i është bashkuar aksionit të nisur nga qeveria kundër ndërtimeve pa leje në vend, duke marrë masa për të ndaluar lidhjet e reja me rrjetin elektrik.

Në një deklaratë zyrtare, OSHEE thekson se nuk do të pranojë asnjë kërkesë për lidhje të re me rrjetin elektrik nga ndërtesa që nuk kanë leje ndërtimi, ose që nuk kanë zbatuar kushtet e përcaktuara në lejen ekzistuese

Sipas OSHEE, vëmendje e veçantë do t’u kushtohet kërkesave të reja për lidhje, me qëllim që të parandalohet çdo përpjekje për të anashkaluar ligjin dhe për të garantuar një sistem të drejtë e të sigurt për të gjithë qytetarët.

“Në kuadër të aksionit të nisur nga qeveria shqiptare për të goditur paligjshmërinë në fushën e ndërtimit, Operatori i Shpërndarjes së Energjisë Elektrike (OSHEE), shprehet i vendosur për të kontribuar në këtë përpjekje të përbashkët institucionale.

OSHEE, është angazhuar për të forcuar kontrollin dhe për të mos lejuar asnjë lidhje të re me rrjetin elektrik, për ndërtimet që nuk përmbushin kriteret ligjore.

Vëmendje e veçantë do t’u kushtohet kërkesave për lidhje të reja, me qëllim që të shmangen çdo përpjekje për të anashkaluar ligjin.

OSHEE, nuk do të pranojë kërkesat për lidhje me energji elektrike të ndërtesave pa leje ndërtimi ose që nuk kanë zbatuar kushtet e lejes ndertimit.

OSHEE, mbetet e angazhuar të veprojë në përputhje me legjislacionin dhe të kontribuojë për një mjedis të ndërtuar të sigurt, të ligjshëm dhe në shërbim të qytetarëve”.– thuhet në deklaratë.

The post Pasi i furnizoi me vite në kundërshtim me ligjin, OSHEE vendos të ndërpresë enegjinë për këto ndërtesa appeared first on Albeu.com.

Vijojnë ndryshimet në kupolën e lartë të drejtuesve të policisë së shtetit ku së fundmi, drejtori i Përgjithshëm i Policisë së Shtetit Ilir Proda, ka firmosur emërimet e reja për qarkun e Korçës dhe Elbasanit.

Kështu, drejtor i Policisë së Korçës, është emëruar Uljan Shpataraku, ndërsa Erion Ahmeti, që mbante më parë këtë post është transferuar drejtor i Policisë së Elbasanit.

Ditët e fundit, kryepolici Proda ka bërë ndryshime të shumta në rang komisariatesh në gjithë vendin, por edhe në drejtues qarqesh.

Ende nuk dihen arsyet e këtyre ndryshimeve të shumta.

The post Ndryshime në Policinë e Shtetit/ Emërohen drejtorët e rinj në Korçë dhe Elbasan (EMRAT) appeared first on Albeu.com.

Jo vetëm lirim të hapësirave publike, por dhe siguri detare. Bllokohen 36 mjete lundruese, shpëtohen 18 persona

Përveçse aksioneve për lirimin e hapësirave publike, autoritetet janë në ndjekje të sigurisë detare në vend.

Përmes një njoftimi zyrtar, policia bën me dije se janë bllokuar të paktën 36 mjete lundruese, nga Ksamili në Koman, ashtu sikurse janë shpëtuar nga mbytja 18 persona, shqiptarë e të huaj.

Nga mjetet e bllokuara, 24 janë jet ski, pesë skafe, katër gomone, si dhe tre varka metalike me motor uji të instaluar.

Të paktën 13 mjete lundruese u konstatuan brenda perimetrit të sigurisë, gjë që rrezikon jetën e të gjithë pushuese. Drejtuesit e këtyre mjeteve u gjobitën me 1 milionë lekë të vjetra secili.

Rastet e shpëtimit të jetës, janë regjistruar përgjatë gjithë vendit, që nga Velipoja deri në Ksamil. Ata ndodheshin në rrezik për shkak të dallgëve të forta, apo defekteve në mjetet e tyre lundruese.

“36 mjete lundruese të bllokuara, nga Ksamili në Koman. 18 shtetas (shqiptarë dhe të huaj) u shpëtuan në det, përmes ndërhyrjes së Policisë Kufitare.

Policia Kufitare në bashkëpunim me Njësinë Policore Detare në kuadër të operacionit “SIGURIA DETARE”, ka intensifikuar kontrollet përgjatë gjithë vijës bregdetare, në zonat liqenore dhe lumore, me fokus në garantimin e sigurisë për pushuesit dhe përdoruesit e mjeteve lundruese.

Gjatë javës së fundit, janë kontrolluar 254 mjete lundruese, nga të cilat 36 janë bllokuar për Shkelje të perimetrit të sigurisë detare, ushtrim aktivitetesh jashtë zonave të miratuara dhe pa dokumentacion përkatës.

Mjetet e bllokuara janë 24 Jet Ski, 5 Skafe, 4 gomone dhe 3 varka metalike me motor uji të instaluar. 13 mjete lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative 100,000 lekë secili.

Ndërkohë nga Ksamili në Velipojë, Policia Kufitare ka ndërhyrë në 10 raste për t’u ardhur në ndihmë 18 shtetasve, të cilët ndodheshin në rrezik për shkak të dallgëve të forta apo defekteve në mjetet e tyre lundruese.

Policia Kufitare apelon për respektimin me rigorozitet të rregullave për përdorimin e mjeteve lundruese që të mos shkelin perimetrin e sigurisë,, të lundrojë vetëm në zonat e lejuara dhe të jenë të pajisur me mjetet e shpëtimit.

Policia e Shtetit fton qytetarët dhe pushuesit të denoncojnë çdo rast të shkeljes së perimetrit të sigurisë detare apo të masave të sigurisë, në numrin pa pagesë 112 duke u garantuar reagim të menjëhershëm dhe masa konkrete ndaj çdo shkelësi“, njofton policia.

The post Bllokohen 36 mjete lundruese nga Ksamili në Koman! Gjoba deri në 100 mijë lekë për ata që rrezikuan pushuesit first appeared on JavaNews.al.

Kryeministri i Shqipërisë, Edi Rama ka ndarë disa detaje lidhur me projektin “Shkolla Verore 2025”.

Përmes një postimi në rrjete sociale, Rama thotë se kjo e gjitha është një eksperiencë edukative, por edhe argëtuese, për më shumë se 1 mijë nxënës.

Më tej, ai thekson se ky program ka të përfshirë 150 profesionistë, mësues, psikologë, oficerë sigurie dhe punonjës socialë, ashtu sikurse dhe 100 të rinj vullnetarë nga gjimnazistët.

““Shkolla Verore 2025” – Një eksperiencë edukative dhe argëtuese për më shumë se 1000 fëmijë nga klasa I-V
10 shkolla pjesëmarrëse në Tiranë, Kamëz dhe Durrës, 150 profesionistë, mësues, psikologë, oficerë sigurie dhe punonjës socialë dhe 100 të rinj vullnetarë nga gjimnazet të angazhuar në këtë projekt

Programi solli art, zeje, kodim, gjuhë të huaj, sport, projekte dhe mbi të gjitha pasion për librin”, shkruan Rama në rrjete sociale.

Në kuadër të kontrolleve për sigurinë në det, policia ka bllokuar 36 mjete lundruese nga Ksamili në Koman.

Sipas uniformave blu mësohet se janë kontrolluar 254 mjete lundruese, nga të cilat 36 janë bllokuar për shkelje të perimetrit të sigurisë detare, ushtrim aktivitetesh jashtë zonave të miratuara dhe pa dokumentacion përkatës.

Mjetet e bllokuara janë 24 Jet Ski, 5 Skafe, 4 gomone dhe 3 varka metalike me motor uji të instaluar.

“Policia Kufitare në bashkëpunim me Njësinë Policore Detare në kuadër të operacionit “SIGURIA DETARE”, ka intensifikuar kontrollet përgjatë gjithë vijës bregdetare, në zonat liqenore dhe lumore, me fokus në garantimin e sigurisë për pushuesit dhe përdoruesit e mjeteve lundruese.

Gjatë javës së fundit, janë kontrolluar 254 mjete lundruese, nga të cilat 36 janë bllokuar për Shkelje të perimetrit të sigurisë detare, ushtrim aktivitetesh jashtë zonave të miratuara dhe pa dokumentacion përkatës.

Mjetet e bllokuara janë 24 Jet Ski, 5 Skafe, 4 gomone dhe 3 varka metalike me motor uji të instaluar.

13 mjete lundruese janë konstatuar duke lundruar brenda perimetrit të sigurisë, duke rrezikuar jetën e pushuesve. Drejtuesit e tyre janë ndëshkuar me masë administrative 100,000 lekë secili.

Ndërkohë nga Ksamili në Velipojë, Policia Kufitare ka ndërhyrë në 10 raste për t’u ardhur në ndihmë 18 shtetasve, të cilët ndodheshin në rrezik për shkak të dallgëve të forta apo defekteve në mjetet e tyre lundruese”, njofton policia.

Policia Kufitare apelon për respektimin me rigorozitet të rregullave për përdorimin e mjeteve lundruese që të mos shkelin perimetrin e sigurisë, të lundrojë vetëm në zonat e lejuara dhe të jenë të pajisur me mjetet e shpëtimit.

Në kuadër të aksionit të ndërmarrë nga Qeveria Shqiptare për të goditur paligjshmërinë në fushën e ndërtimit, Operatori i Shpërndarjes së Energjisë Elektrike ka nisur të marrë masa për të ndaluar lidhjet e reja me rrjetin elektrik.

Përmes një deklaratë zyrtare, OSHEE thekson se nuk do të pranojë asnjë kërkesë për lidhje të re me rrjetin elektrik nga ndërtesa që nuk kanë leje ndërtimi ose që nuk kanë zbatuar kushtet e përcaktuara në lejen ekzistuese.

Sipas OSHEE, vëmendje e veçantë do t’u kushtohet kërkesave të reja për lidhje, me qëllim që të parandalohet çdo përpjekje për të anashkaluar ligjin dhe për të garantuar një sistem të drejtë e të sigurt për të gjithë qytetarët.

Njoftimi i OSHEE:

Në kuadër të aksionit të nisur nga qeveria shqiptare për të goditur paligjshmërinë në fushën e ndërtimit, Operatori i Shpërndarjes së Energjisë Elektrike (OSHEE) shprehet i vendosur për të kontribuar në këtë përpjekje të përbashkët institucionale.

OSHEE është angazhuar për të forcuar kontrollin dhe për të mos lejuar asnjë lidhje të re me rrjetin elektrik për ndërtimet që nuk përmbushin kriteret ligjore.

Vëmendje e veçantë do t’u kushtohet kërkesave për lidhje të reja, me qëllim që të shmangen çdo përpjekje për të anashkaluar ligjin.

OSHEE nuk do të pranojë kërkesat për lidhje me energji elektrike të ndërtesave pa leje ndërtimi ose që nuk kanë zbatuar kushtet e lejes ndertimit.

OSHEE mbetet e angazhuar të veprojë në përputhje me legjislacionin dhe të kontribuojë për një mjedis të ndërtuar të sigurt, të ligjshëm dhe në shërbim të qytetarëve.

Ka vijuar edhe këtë të dielë aksioni i IKMT-së për prishjen e ndërtimeve pa leje në Theth.

Situata ditën e sotme paraqitet më e qetë, ndërsa bëhet e ditur se deri më tani janë prishur rreth 70 objekte pa leje.

Më herët IKMT ka bërë të ditur se janë konstatuar rreth 80 objekte pa leje në këtë zonë, por burime pranë saj bëjnë të ditur se ky numër mund të jetë edhe më i lartë.

Gjatë ditës së sotme pritet që banorët e zonës së Thethit të mbajnë edhe një takim mes tyre për të koordinuar qëndrimin që do të mbajnë lidhur me aksionin e IKMT-së.

Tv Klan

Presidenti i Republikës së Shqipërisë, Bajram Begaj ka zhvilluar një takim me politikanin shqiptar, Ali Ahmetin.

Përmes një postimi në rrjete sociale, Begaj ndau disa foto nga ky takim, teksa shprehet se është kënaqësi bisedimi me Ahmetin.

Po kështu, Begaj thotë  se shqiptarët në Maqedoninë e Veriut janë faktor vendimtar shtetformues, ashtu sikurse dhe mbështetës të rrugës Euroatlantike të vendit.

“Me Ali Ahmetin është gjithmonë kënaqësi të takohesh e të ndash mendime.

Shqiptarët në Maqedoninë e Veriut janë faktor vendimtar shtetformues dhe mbështetës të palëkundur të rrugës Euroatlantike të vendit, duke dëshmuar ngahera përkushtim ndaj paqes, stabilitetit, bashkëjetesës dhe vlerave demokratike”, shkruan Begaj në rrjetet sociale.

Ministria e Mbrojtjes ka publikuar të dhënat lidhur me situatën e zjarreve në vendin tonë për 24 orët e fundit.

Sipas ministrisë, u raportuan për 18 raste zjarri në vend, nga të cilat kanë mbetur aktive ende dy prej vatrave.

Dy të tjera, janë gjithashtu nën monitorim.

Vatrat aktive janë ajo tek “Liqeni i Luleve” në Dibër, e në fshatin Zambish të Tiranës. Tek ky rasti i fundit, flakët janë përhapur edhe në fshatrat Berdal, Thartor dhe Moroj, duke rrezikuar kështu banesat.

“Aktualisht mbeten aktive vatrat:

• Qarku Dibër. Në vendin e quajtur “Liqeni i Luleve”, pjesë e Parkut Kombëtar Lurë, njësia administrative Lurë, bashkia Dibër, ka vijuar puna për shuarjen e zjarrit të rënë në një sipërfaqe pyjore me pisha dhe livadh. Për shuarjen e tij u angazhuan 6 efektivë të MZSH Dibër, 5 forca pyojre, 20 forca bashkiake, 30 efektivë nga Forcat e Armatosura, dhe helikopteri Cougar. Si pasojë është përshkuar njësipërfaqe rreth 30 ha. Ditën e sotme po vazhdon puna me të njëjtat kapacitete nga forcat operacionale, për shuarjen e vatrës së zjarrit.

• Qarku Tiranë. Në fshatin Zambish, njësia administrative Lekaj, bashkia Rrogozhinë, është punuar për shuarjen e zjarrit të rënë në një sipërfaqe me dushqe. Gjatë ditës së djeshme zjarri ka marrë përmasa akoma dhe më të mëdha për shkak të erës dhe është përhapur edhe në fshatrat Berdal, Thartor dhe Moroj, duke rrezikuar banesat në disa momente. Në vendngjarje u angazhuan Shërbimi vendor i MZSH të bashkisë Rrogozhinë me 1 automjet zjarrfikës dhe 10 efektivë, 30 forca bashkiake, 20 forca vullnetare, si dhe 1 helikopter i Forcave të Armatosura. Ditën e sotme forcat operacionale po vazhdojnë punën në terren për fikjen përfundimtare të zjarrit.

Sakaq, nën monitorim mbetet kufiri midis fshatrave Skuraj dhe Gallatë të Lezhës, si dhe zona “Mal Plak” në Elbasan.

“Në monitorim:

• Qarku Lezhë. Në kufirin midis fshatrave Skuraj dhe Gallatë, njësia administrative Milot, bashkia Kurbin. Në vendngjarje u angazhuan 25 forca bashkiake, 20 forca policore, 6 forca nga Shërbimi Pyjor, 3 forca vullnetare dhe 30 efektivë të Forcave të Armatosura, bënë krehjen e zonës. Terreni është i pjerrët dhe me shkurre. Vatra mbetet nën monitorimin e strukturave vendore. Sipërfaqa e djegur është rreth 23 ha.
• Qarku Elbasan. Në vendin e quajtur “Mal Plak”, njësia Administrative Polis, bashkia Librazhd, ka vijuar puna për shuarjen e zjarrit tërënë në një sipërfaqe pyjore. Në vendngjarje u angazhuan Shërbimi vendor i MZSH Librazhd me 1 automjet zjarrfikëse dhe 8 efektivë, 3 inspektorë të pyjeve si edhe 10 forca vullnetare, të cilët punuan deri vonë për vënien nën kontroll të vatrës . Zjarri ka intesitet të ulët dhe vatra mbetet nën monitorimin e strukturave vendore.

Dëmet janë të konsiderueshme, teksa janë djegur rreth 79 hektarë sipërfaqe me shkurre dhe bimësi. Flakë pati dhe tek një banesë në Rrëshen, ku për pasojë u dogj kuzhina dhe dhoma e ndenjës. Shkaqet e zjarrit tek kjo banesë private janë ende të panjohura.

“Kryesisht zjarret janë regjistruar në sipërfaqe me shkurre dhe bimësi, ku si pasojë janë djegur rreth 79 hektarë. Në një rast, në fshatin Tarazh, njësia administrative Rrëshen, bashkia Mirditë zjarri ka rënë zjarr në një shtëpi private. Si pasojë, u dogj kuzhina dhe salloni i shtëpisë. Shkaku i rënies së zjarrit është i panjohur.

Në qarqet Lezhë, Tiranë, Elbasan, Fier e Berat, pritet që niveli i rrezikut të jetë i lartë, ashtu sikurse dhe në jug të Shkodrës, apo në verilindje të Durrësit. Nivel i moderuar pritet të jetë në të gjitha qarqet e tjera.

Bazuar në parashikimet e Institutit të Gjeoshkencave, sot priten reshje të dobëtanë qarkun Shkodër, ndërsa në qarqet e tjera nuk priten reshje.

Sa i përket zjarrëve në pyje, sot pritet nivel rrezik “I LARTË” në qarqet Lezhë, Tiranë, Elbasan, Fier e Berat, dhe nivel rrezik “I MODERUAR” në të gjitha qarqet e tjera. Nё disa qarqe pritet rrezik “I LARTË” vetёm nё zona tё lokalizuara, konkretisht: qarku Shkodër (Jug) dhe Durrës (Verilindje).

I gjithë sistemi i mbrojtjes civile vijon të jetë në ndjekje të situatës dhe në gatishmëri të plotë për ndërhyrje të shpejtë”, njofton ministria.

TIRANË, 13 korrik/ATSH/ Ministri për Evropën dhe Punët e Jashtme të Shqipërisë, Igli Hasani, mori pjesë në Forumin e Dubrovnikut 2025.

Në një postim në rrjetet sociale, Hasani tha sot se “mesazhi i qartë nga Evropa Juglindore në përfundim të Forumit të Dubrovnikut është që përkushtimi ynë ndaj paqes mbetet i palëkundur”.

“Lufta e Ukrainës na kujton se paqja duhet mbrojtur dhe jo të merret si e mirëqenë. Rikonfirmojmë qëndrimin tonë ndaj solidaritetit, qëndrueshmërisë dhe ndaj një Evrope të bashkuar”, tha Hasani.

Hasani shprehu mirënjohje ndaj ministrit për Çështjet e Jashtme dhe Evropiane të Kroacisë, Gordan Grlić-Radman, për mikpritjen me qëllim dhe vizion.

Ditën e djeshme në prani të përfaqësuesve të lartë nga rajoni, Evropa dhe më gjerë, përfshirë SHBA-në, Gjirin, Brazilin dhe Afrikën, ministri Hasani theksoi në fjalën e tij në Forumin e Dubrovnikut se “Ballkani Perëndimor nuk mund të trajtohet më si periferia e kontinentit, ai është pjesë thelbësore e së ardhmes strategjike të Evropës”.

“Shqipëria ka hapur katër grup-kapituj negociues, përfshirë kapitujt themelorë dhe tregun e brendshëm dhe se rruga drejt BE-së është strategjike, e pakthyeshme dhe e mbështetur në reforma të qëndrueshme”, tha Hasani.

1 nga 4

/k.s//a.f/

The post Hasani në Forumin e Dubrovnikut: Përkushtimi ynë ndaj paqes mbetet i palëkundur appeared first on Agjencia Telegrafike Shqiptare.

Presidenti i Shqipërisë, Barjam Begaj, ka zhvilluar një vizitë një ditore në Maqedoninë e Veriut. Ai është takuar me Ali Ahmetin, teksa ka publikuar edhe momente nga biseda e tyre nën shkrimin: “Me Ali Ahmetin është gjithmonë kënaqësi të takohesh e të ndash mendime. Shqiptarët në Maqedoninë e Veriut janë faktor vendimtar shtetformues dhe mbështetës […]

The post Begaj vizitë në Ohër, takohet me Ali Ahmetin: Mbështetës të palëkundur të rrugës Euroatlantike appeared first on FaxWeb.

Një aksident rrugor është regjistruar rreth mesditës së sotme, në aksin rrugor Qafë Mali – Fierz, në territorin e bashkisë Pukë. Sipas informacionit paraprak nga policia, rreth orës 12:25, shtetasi kroat D. J. dyshohet se ka humbur kontrollin mbi drejtimin e motomjetit dhe si pasojë është rrëzuar në rrugë. Menjëherë pas ngjarjes, ai është transportuar […]

The post Pukë/ Aksidentohet një turist kroat në aksin Qafë Mali – Fierz appeared first on FaxWeb.

Pas vlerësimit të parë nga RCS Sport & Events, organizatorja ndërkombëtare e Giro d’Italia, Policia e Shtetit ka marrë një tjetër vlerësim të rëndësishëm për angazhimin e saj maksimal dhe profesionalizmin në garantimin e sigurisë gjatë dy eventeve të mëdha sportive: Giro d’Italia dhe Turi i 82-të Çiklistik i Shqipërisë. Presidenti i Federatës Shqiptare të […]

The post Policia e Shtetit vlerësohet sërish për masat e shkëlqyera në Giro d’Italia dhe në edicionin e 82-të, të Turit Çiklistik të Shqipërisë. appeared first on FaxWeb.