Në kryeqytetin italian, Romë, mijëra tifozë të Lazios dolën në rrugë për të protestuar kundër presidentit të klubit, Claudio Lotito.

Klubeve të tifozëve iu dërguan thirrje për tubim, dhe mbështetësit u mblodhën në Piazza Corrado Ricci përpara se të marshonin drejt Forumit Perandorak.

Sipas mediave italiane, rreth 10,000 tifozë morën pjesë në protestë, duke shprehur pakënaqësinë e thellë për drejtimin e klubit dhe situatën aktuale financiare të tij.

Claudio Lotito është president i Lazios që nga viti 2004 dhe fillimisht u vlerësua për shpëtimin e klubit nga falimentimi, pas krizës së trashëguar nga ish-pronari Sergio Cragnotti.

Megjithatë, lidershipi i tij është përballur shpesh me kritika, sidomos këtë verë, kur Lazio dështoi në tre teste të stabilitetit financiar dhe u ndalua nga transferimet.

Si pasojë, klubi nuk mund të nënshkruajë as lojtarë të lirë deri në janar të vitit 2026, përveç nëse Lotito vendos të injektojë fonde të reja në buxhetin e klubit, një hap që ai aktualisht e konsideron të panevojshëm.

Kjo situatë ka tensionuar më tej raportet mes presidentit dhe tifozëve, të cilët kërkojnë ndryshime të menjëhershme në drejtim dhe investime për të ardhmen e skuadrës.

Përballë spekulimeve, Lazio publikoi të martën një deklaratë zyrtare, duke mohuar kategorikisht se klubi është nxjerrë në shitje. /Telegrafi/

The post Mijëra tifozë të Lazios protestojnë kundër presidentit të klubit, skuadra italiane nuk mund të nënshkruajnë as me agjentë të lirë appeared first on Telegrafi.

Kristjan Asllani mund të jetë shumë afër një transferimi te Fiorentina. Mesfushori i Kombëtares shqiptare shihet nga drejtuesit e klubit vjollcë si profili ideal për të organizuar lojën në mesfushë.

Ky është një rol që po shkakton dilema në skuadrën toskane, ndaj afrimi i Asllanit shihet si zgjidhje afatgjatë. Sipas mediave italiane, trajneri Stefano Pioli ka dhënë dritën jeshile për transferimin.

Palët kanë nisur tashmë bisedimet dhe janë në fazën e parë të negociatave. Fiorentina është e interesuar ta mbyllë sa më parë marrëveshjen për ta pasur lojtarin në dispozicion që në fazën përgatitore.

Interi nuk është i prirur të heqë dorë lehtë nga shërbimet e mesfushorit 22-vjeçar. Edhe pse nuk ka qenë gjithmonë titullar, zikaltrit e vlerësojnë lart potencialin e tij.

Asllani ka refuzuar një ofertë konkrete nga Real Betis, duke treguar qartë dëshirën për të qëndruar në Serie A. Ai është i bindur se ky kampionat është më i përshtatshmi për zhvillimin e tij si futbollist.

Fiorentina, megjithatë, duhet të plotësojë kërkesën financiare të Interit. Kampionët e Italisë kërkojnë plot 15 milionë euro për kartonin e mesfushorit shqiptar.

Nëse kjo shumë do të ofrohet, gjasat janë që Kristjan Asllani të veshë fanellën e Fiorentinës për sezonin 2025/26. /Telegrafi/ 

The post Trajneri jep dritën e gjelbër, Asllani drejt transferimit te klubi italian appeared first on Telegrafi.

AC Milan ka identifikuar Fran Garcian si zëvendësuesin ideal për Theo Hernandez, i cili është larguar nga klubi pas gjashtë sezoneve për t’u transferuar te Al Hilal në Arabinë Saudite.

Sipas gazetarit Rudy Galetti, mbrojtësi i majtë i Real Madridit është alternativa kryesore për të përforcuar krahun e majtë të kuqezinjve. Klubi italian e vlerëson Garcia-n për përzierjen e rinisë, përvojës dhe potencialit që ai sjell.

Garcia ka treguar paraqitje të mira me Real Madridin, përfshirë edhe në Kupën e Botës për Klube, ku ishte titullar i rregullt. Milan kërkon një profil më ofensivë, qëndrueshmëri mbrojtëse dhe aftësi fizike, cilësi që lojtari spanjoll i zotëron.

Ndërkohë, situata e Garcias te Real Madrid është bërë më e ndërlikuar. Mbërritja e pritshme e Alvaro Carreras dhe rikuperimi i Ferland Mendy mund ta shtyjnë atë në plan të dytë.

Kjo ka bërë që vetë lojtari të mendojë për një largim të mundshëm, në kërkim të më shumë minutave dhe një roli më të rëndësishëm në një ekip si Milan.

Përveç Garcia-s, në listën e Milanit gjenden edhe Sergio Reguilon, Emerson Palmieri dhe Fabiano Parisi si alternativa për pozitën e mbrojtësit të majtë. Megjithatë, profili i Garcia-s shihet si më i përshtatshmi.

Milan synon ta mbyllë sa më shpejt këtë çështje, për të siguruar stabilitet në prapavijë ndërsa merkatoja e verës po hyn në fazën vendimtare. /Telegrafi/

The post Gjiganti evropian po synon transferimin e Fran Garcias nga Real Madridi appeared first on Telegrafi.

Chelsea ka fituar Kupën e Botës për Klube, duke shkëlqyer në finalen kundër PSG-së me një fitore të pastër 3-0 dhe duke treguar dominim të plotë gjatë gjithë turneut.

Pas përfundimit të garës, është përzgjedhur edhe formacioni më i mirë i turneut, ku spikasin lojtarë nga skuadra kampione, por edhe nga ekipet më të mira pjesëmarrëse.

Në portë qëndron Yassine Bounou i Al Hilal, i cili me pritjet e tij vendimtare ndihmoi skuadrën saudite të arrijë një rezultat historik.

Mbrojtja përbëhet nga dyshja e PSG-së, Achraf Hakimi dhe Marquinhos, si dhe Thiago Silva i Fluminenses dhe Marc Cucurella i Chelseat, të cilët dhanë siguri e përvojë në prapavijë.

The best of the best
DAZN Editorial’s Team of the Tournament

GLOBAL HOME OF FOOTBALL | Every Match. Every Moment. | https://t.co/i0K4eUu4lJ | #FIFACWC #TakeItToTheWorld pic.twitter.com/neKbHBebuo

— DAZN Football (@DAZNFootball) July 14, 2025

Në mesfushë janë përzgjedhur Vitinha i PSG-së dhe dirigjenti i Chelseat, Enzo Fernandez, që udhëhoqën lojën në mesin e fushës me elegancë dhe intensitet.

Katërsheja e sulmit është e jashtëzakonshme: Pedro Neto dhe Cole Palmer nga Chelsea, të cilët ishin vendimtarë në fitimin e trofeut, si dhe Jhon Arias i Fluminenses dhe Gonzalo Garcia i Real Madridit, që u dalluan me gola e asistime.

Ky formacion përfaqëson më të mirët e Kupës së Botës për Klube 2025, një turne ku cilësia, intensiteti dhe spektakli nuk munguan. /Telegrafi/ 

The post Formacioni më i mirë i Kupës së Botës për Klube: Dominim nga futbollistët e Chelseat dhe PSG-së appeared first on Telegrafi.

Barcelona ka zyrtarizuar transferimin e Roony Bardghji nga FC Copenhagen, duke përforcuar repartin ofensivë me një talent premtues.

Anësori 19-vjeçar ka nënshkruar një kontratë katërvjeçare me klubin katalanas, e cila do të zgjasë deri në fund të qershorit 2029.

Për kartonin e tij, Barcelona ka paguar rreth 2.5 milionë euro, ndërsa Bardghji pritet fillimisht të marrë një numër te ekipi rezervë.

Ai do të luajë për skuadrën Barcelona B në fillim, por drejtuesit sportivë besojnë se do të ketë hapësira edhe me ekipin e parë gjatë sezonit.

Acuerdo con el FC Copenhague para el traspaso de Roony Bardghji

¡Bienvenido!

https://t.co/STRKQEacg9

— Barça Atlètic (@FCBarcelonaB) July 14, 2025

Gjatë qëndrimit te FC Copenhagen, Bardghji regjistroi 84 paraqitje me ekipin e parë, duke realizuar 15 gola në të gjitha garat dhe duke dhuruar pesë asistime.

Ai është konsideruar si një nga talentet më të mëdhenj të futbollit skandinav dhe ka tërhequr vëmendjen e shumë klubeve evropiane.

Bardghji është nënshkrimi i dytë i Barcelonës për verën e vitit 2025, pas portierit Joan Garcia, duke treguar një fokus të qartë te lojtarët e rinj. /Telegrafi/

The post Zyrtare: Barcelona zyrtarizon transferimin e Roony Bardghji appeared first on Telegrafi.

Abit Salihu është përforcimi i radhës i skuadrës së inkuadruar në Superligë, FC Prishtina e Re.

Mbrojtësi qendror i bashkohet kryeqytetasve të rinj nga radhët e FC KEK-ut.

Njoftimi i plotë nga Prishtina e Re:

Mirë se vjen, Abit Salihu

Reparti i mbrojtjes përforcohet me qendërmbrojtësin Abit Salihu, i cili i bashkohet skuadrës sonë nga FC KEK-u.

Abiti sjell qetësi dhe lexim të mirë të lojës në prapavijë, duke shtuar konkurrencën dhe alternativat në vijën e fundit të mbrojtjes.

Mirë se erdhe në familjen tonë, Abit. /Telegrafi/ 

The post Prishtina e Re vazhdon me përforcime, nënshkruan mbrojtësi Abit Salihu appeared first on Telegrafi.

Real Madridi ka vendosur të presë deri në verën e vitit 2026 për të finalizuar transferimin e mbrojtësit të Liverpoolit, Ibrahima Konate, sipas raportimeve nga “El Chiringuito”.

Klubi spanjoll nuk ka ndërmend të shpenzojë për ta nënshkruar atë në vitin 2025, por do të presë skadimin e kontratës së tij me Liverpoolin.

Plani i ‘Los Blancos’ është që ta marrin Konaten si lojtar të lirë, pa pagesë transferimi, në momentin kur ai të jetë i lirë nga çdo angazhim kontraktual.

Mbrojtësi francez thuhet se është dakord me këtë qasje dhe është i kënaqur me idenë për t’u bashkuar me Real Madridin në verën e 2026-ës.

Sipas burimeve të El Chiringuito, të afërta me lojtarin, Konate ka marrë tashmë vendimin për t’u bashkuar me madrilenët dhe është i gatshëm të presë fundin e kontratës së tij aktuale me Liverpoolin.

Ndërkohë, Real Madridi ka nisur të përforcojë mbrojtjen që këtë verë me transferimin e talentit Dean Huijsen, i cili shkëlqeu në Kupën e Botës për Klube.

Me afrimin e Konatés në horizont dhe prurje të reja në qendër të mbrojtjes, Real Madridi synon të ndërtojë një repart defensivë afatgjatë dhe të qëndrueshëm. /Telegrafi/

The post Zbulohet lojtari që Reali synon të nënshkruajë me të si agjent të lirë në vitin 2026 appeared first on Telegrafi.

Chelsea bëri histori pas fitores 3:0 ndaj Paris Saint-Germain, duke u shpallur fituesi i parë i Kupës së Botës për Klube në formatin e ri.

Megjithatë, momenti historik u zbeh disi nga një situatë e pazakontë me Presidentin amerikan, Donald Trump, i cili ia vodhi vëmendjen londinezëve gjatë ceremonisë së ndarjes së trofeut.

Trump ishte i pranishëm si mysafir nderi dhe kishte rolin për të dorëzuar trofeun, por pas këtij akti, ai refuzoi të largohej nga podiumi i fituesit.

¡EL CHELSEA ES CAMPEÓN DEL MUNDO!

NI TRUMP SE QUIERE IR DE LA FIESTA #FIFACWC #TakeItToTheWorld pic.twitter.com/94vKeWmL60

— DAZN Fútbol (@DAZNFutbol) July 13, 2025

Futbollistët e Chelseat, përfshirë kapitenin Reece James dhe golashënuesin Cole Palmer, mbetën të habitur nga qëndrimi i gjatë i Trump në skenën e festimeve.

James kërkoi nga bashkëlojtarët që të prisnin largimin e tij përpara se të vazhdonin me fotot dhe festën, ndërsa fytyra e Palmer u bë virale për reagimin e tij të çuditur.

Presidenti i FIFA-s, Gianni Infantino e ftoi për t’u larguar, por Trump qëndroi më gjatë sesa ishte parashikuar dhe u largua vetëm pasi trofeu u ngrit lartë nga futbollistët e Chelseat.

I LOVE COLE PALMER. SAYING WHY IS TRUMP HERE

pic.twitter.com/JVdZZVNlNI

— Conn (@ConnCFC) July 13, 2025

Ngjarja u komentua gjerësisht në rrjetet sociale, ku shumë tifozë reaguan ndaj momentit të sikletshëm që e prishi festën e Chelseas në skenën më të madhe. /Telegrafi/

The post Skenë e pabesueshme: Trump refuzoi të largohej nga podiumi gjatë festimit të lojtarëve të Chelseat, reagimi i Palmer është fantastik appeared first on Telegrafi.

E ardhmja e Gianluigi Donnarumma mund të jetë në elitën e futbollit anglez, Ligën Premier.

Dy klube të mëdha të Ligës Premier janë shumë të interesuara për portierin italian, pas paraqitjeve të tij mbresëlënëse me PSG.

Kontrata e Donnarummas me PSG skadon në vitin 2026, por negociatat për rinovimin kanë ngecur për shkak të mosmarrëveshjeve mbi pagën.

Chelsea dhe Manchester City janë dy klubet kryesore angleze që po monitorojnë situatën e portierit dhe kërkojnë një zëvendësues të besueshëm për sezonet e ardhshme.

Chelsea është në kërkim të një portieri pas largimit të Kepa Arrizabalaga dhe shitjes së Djordje Petrovic, ndërsa Manchester City po mendon për të ardhmen me Edersonin që është në shënjestër të disa skuadrave.

PSG shqetësohet se Donnarumma mund të largohet falas dhe po konsideron alternativa si Lucas Chevalier nga Lille.

Duke qenë se Donnarumma dëshiron të qëndrojë në Paris, e ardhmja e tij pritet të vendoset në javët e ardhshme, ndërsa Chelsea dhe Manchester City janë gati të veprojnë nëse PSG nuk ofron kushtet e duhura.

Reprezentuesi italian fiton një pagë prej 10 milionë eurove neto në seezon, derisa synon që me kontratën e re të fitojë 15 milionë euro, shumë që PSG nuk është gati t’ia përmbushë. /Telegrafi/ 

The post Pa marrëveshje për kontratë të re me PSG-në, dy gjigantët anglezë tentojnë transferimin e Donnarummas appeared first on Telegrafi.

Monaco ka shprehur interes për të nënshkruar me portierin e Barcelonës, Marc-Andre ter Stegen, sipas raportimeve nga Mundo Deportivo.

Klubi francez, që së fundmi huazoi Ansu Fatin nga Barça, ka kontaktuar me përfaqësuesit e gjermanit për të diskutuar një transferim të mundshëm këtë verë.

Megjithatë, përgjigja e Ter Stegen ka qenë negative. Ai ka bërë të qartë se dëshiron të qëndrojë në “Camp Nou” për sezonin 2025/26.

Kjo qëndrim vjen pavarësisht raportimeve se trajneri Hansi Flick i ka sugjeruar portierit se mund të ketë më pak hapësira pas mbërritjes së Joan Garcia.

Ter Stegen është i vendosur të luftojë për vendin e tij si titullar dhe të rifitojë statusin si portieri numër një i Barcelonës.

Aktualisht, asnjë marrëveshje nuk është në horizont, me lojtarin që mbetet i përqendruar te e ardhmja në Kataluni. /Telegrafi/ 

The post Një klub i ri futet në garë për Ter Stegen, gjermani vazhdon t’i refuzojë të gjithë appeared first on Telegrafi.

Sulmuesi i PSG-së, Desire Doue, ka ndarë pritshmëritë e tij për finalen e madhe të Kupës së Botës për Klube kundër Chelseat, që do të luhet sonte në New York të SHBA-ve.

Heroi i finales së Ligës së Kampionëve, ka thënë se qëllimi i tyre është të bëjnë botën të dashurohet me PSG-në.

“E dimë që Chelsea është një ekip shumë cilësor. I kemi parë ndeshjet e tyre dhe kanë shumë lojtarë të shkëlqyer,” tha ai.

“Qëllimi ynë është që përmes lojës sonë, ta bëjmë botën të dashurohet me PSG-në”, vazhdoi Doue.

Ai theksoi se finalet janë gjithmonë të paparashikueshme, por skuadra është e vendosur për të fituar.

“Do të ishte trofeu ynë i pestë këtë sezon. Një moment historik për klubin dhe për ne si lojtarë”. Duhet ta trajtojmë si çdo ndeshje tjetër, me përgatitje maksimale dhe mentalitet fitues”.

Sipas tij, ky është një shans i artë për të mbyllur një sezon të jashtëzakonshëm për PSG-në, që tashmë ka fituar edhe Ligën e Kampionëve.

“Është një privilegj të jesh pjesë e kësaj skuadre dhe e këtij momenti. Do të bëjmë gjithçka për ta sjellë trofeun në Paris”, tha 20-vjeçari.

PSG synon të përmbyllë sezonin 2024/25 me një tjetër titull të rëndësishëm, për të vulosur dominimin në arenën ndërkombëtare./Telegrafi/

The post Doue flet para finales me Chelsean: Qëllimi ynë është ta bëjmë botën të dashurohet me PSG-në appeared first on Telegrafi.

Mirlind Daku ka zgjatur qëndrimin te Rubin Kazan, duke nënshkruar një kontratë të re që e mban të lidhur me klubin rus deri në vitin 2029.

Sulmuesi i Kombëtares shqiptare është kthyer në një nga lojtarët më të rëndësishëm të skuadrës dhe do të vijojë të jetë një pjesë kyçe e projektit të klubit.

Daku ishte shumë pranë transferimit te Zeniti, por marrëveshja u prish në momentet e fundit, duke e hapur rrugën për rinovimin me Rubin Kazan.

Zyrtarizimi i marrëveshjes erdhi përmes një videoje kreative, e frymëzuar nga seriali i famshëm “Squid Game”.

 

View this post on Instagram

 

A post shared by Рубин Казань Rubin Kazan (@fcrk)

Në klipin simbolik, Daku zgjedh letrën e kuqe që përfaqëson Rubin Kazanin dhe i gjuan bluzës blu të Zenitit, një mënyrë origjinale për të shpallur vendimin e tij.

Klubi rus i ka plotësuar kërkesat financiare të sulmuesit shqiptar, gjë që ka ndikuar direkt në vendimin për të rinovuar kontratën.

Më parë, kontrata e Dakut ishte e vlefshme deri në verën e vitit 2026, por tani ai është i lidhur me Rubinin edhe për tri sezone të tjera. /Telegrafi/

The post Zyrtare: Mirlind Daku mbetet te Rubin, nënshkruan deri në vitin 2029 appeared first on Telegrafi.

Levi Colwill ka shprehur entuziazmin e tij për finalen e ardhshme të Kupës së Botës për Klube, ku Chelsea do të përballet me PSG-në më 13 korrik 2025.

Mbrojtësi i talentuar i londinezëve u shpreh se ekipi nuk ka ardhur në këtë turne vetëm për të qenë pjesëmarrës, por për ta fituar atë.

“Jemi të emocionuar që jemi finalistë, por erdhëm për të fituar, jo vetëm për të arritur këtu”, deklaroi Colwill.

Preparations are underway. pic.twitter.com/BFBEO2ZkmT

— Chelsea FC (@ChelseaFC) July 11, 2025

Ai vlerësoi kundërshtarin francez, duke përmendur cilësitë e PSG-së dhe fitoren e tyre në gjysmëfinale. “Ata janë një ekip i shkëlqyer, por ne jemi të ndryshëm nga Real Madridi ose Interi”, vazhdoi tutje Colwill.

Colwill tha se mënyra se si luan Chelsea i jep atij dhe bashkëlojtarëve bindje të plotë për sukses. “Presioni dhe stili ynë na dallojnë.”

Ai gjithashtu theksoi përkushtimin e skuadrës ndaj filozofisë së trajnerit Enzo Maresca: “Ne kemi pasur sukses me futbollin tonë, pse të ndryshojmë tani?”

Duke përfunduar, Colwill shprehu besimin e plotë në formën e ekipit. “Ne besojmë se mund të mposhtim këdo”, përfundoi mbrojtësi anglez. /Telegrafi/

The post Colwill flet para përballjes me PSG-në: Qëllimi është të fitojmë trofeun appeared first on Telegrafi.

Interi është duke shqyrtuar mundësinë për të përforcuar mesfushën dhe një emër që ka dalë në plan të parë është Granit Xhaka. Mesfushori i Bayer Leverkusenit shihet si një alternativë me përvojë dhe që mund t’i përshtatet menjëherë stilit të zikaltërve.

Edhe pse nuk është më pjesë e brezit të ri, Xhaka vazhdon të tregojë nivel të lartë. Ai ka qenë kyç si te Arsenali ashtu edhe së fundmi te Leverkuseni i Xabi Alonsos, ku luajti rol të rëndësishëm në sukseset e sezonit të fundit.

La Gazzetta dello Sport raporton se Interi po planifikon ndryshime të mundshme në mesin e fushës, sidomos nëse Hakan Çalhanoglu largohet. Largimi i tij mund të krijojë një boshllëk që duhet mbushur me një lojtar të përgatitur dhe të besueshëm.

Ederson i Atalantës është një nga objektivat kryesorë të klubit, por kërkesa prej 60 milionë eurosh nga klubi bergamask po e bën të vështirë afrimin e tij. Kjo ka shtyrë Interin të vlerësojë opsione më të arsyeshme financiarisht.

Xhaka do të kushtonte rreth 12–15 milionë euro dhe është i hapur për një sfidë të re. Një marrëveshje e mundshme do të përfshinte kontratë trevjeçare, duke sjellë stabilitet në një repart të rëndësishëm.

Trajneri Chivu po mendon të ndryshojë paksa strukturën e mesfushës, duke kaluar nga një organizator klasik te dy mesfushorë qendrorë me profil më fizik dhe disiplinë taktike. Në këtë sistem, Xhaka do të përshtatej mjaft mirë.

Nga ana tjetër, Çalhanoglu mbetet një pikëpyetje. Galatasaray nuk ka bërë ende një ofertë konkrete, por mbetet në prapaskenë, veçanërisht për shkak të lidhjes kombëtare dhe prestigjit që do sillte një rikthim në Turqi.

Interi i ka vendosur një çmim prej 25–30 milionë eurosh për mesfushorin turk. Klubi nuk do ta kundërshtonte qëndrimin e tij, por në të njëjtën kohë, po punon për të pasur gati një zëvendësues nëse ai largohet.

Në këtë skenar, Xhaka përfaqëson një zgjidhje të besueshme: një lojtar me përvojë ndërkombëtare, lider në fushë dhe me karakter të fortë. Interi po analizon të gjitha detajet përpara se të marrë një vendim përfundimtar.

Nëse çdo gjë shkon sipas planit, nuk përjashtohet që Granit Xhaka ta veshë për herë të parë fanellën zikaltër dhe t’i bashkohet projektit të ri të klubit në Serie A. /Telegrafi/ 

The post Interi me një plan special për të arritur te Granit Xhaka, Chivu e do si zëvendësim të Calhanoglus appeared first on Telegrafi.

Ylli i Chelseat, Cole Palmer, ka ndarë mendimet e tij nga “Top of the Rock” në Rockefeller Center, përpara finales së FIFA Club World Cup ndaj PSG, që zhvillohet të dielën, më 13 korrik 2025.

“Nuk e dinim çfarë të prisnim kur erdhëm këtu. Shpresojmë ta realizojmë,” tha Palmer, duke shfaqur besim në suksesin e skuadrës së tij.

Mesfushori ofensivë 23-vjeçar ka vlerësuar performancat e bashkëlojtarëve të tij, duke veçuar Joao Pedro dhe Pedro Neto: “Të dy kanë shënuar disa gola. Të gjithë kanë bërë mirë deri më tani”, ka deklaruar Palmer.

Palmer ishte protagonist në suksesin e Chelseat në finalen e Ligës së Konferencës duke dhënë dy asistime në fitoren 4-1 ndaj Real Betis.

Ai ka regjistruar 16 gola dhe 12 asistime në 51 ndeshje, duke qenë një nga lojtarët më të rëndësishëm në skemat e trajnerit Enzo Maresca.

Pavarësisht një dëmtimi në kofshë, Palmer ka konfirmuar se është plotësisht i rikuperuar dhe gati për sfidën e madhe ndaj kampionëve të Francës.

Chelsea, fitues i të tre garave evropiane, kërkon të shkruajë histori edhe në Botërorin e Klubeve, me Palmer në qendër të lojës kundër një PSG-je të udhëhequr nga Ousmane Dembele. /Telegrafi/

The post Palmer me vetëbesim flet para finales me PSG-në, lavdëron edhe dy yjet e Chelseat appeared first on Telegrafi.

Roma po vazhdon negociatat për të transferuar mesfushorin kolumbian Richard Rios nga Palmeiras, raportoi Fabrizio Romano të dielën.

25-vjeçari është i gatshëm të heqë dorë nga 10% e të drejtave të transferimit, që i takojnë atij sipas kontratës me klubin brazilian, një shumë që llogaritet rreth 3 milionë euro.

Oferta më e fundit e Romës është 25 milionë euro plus 5 milionë në formë bonusesh, por Palmeiras kërkon 30 milionë euro të garantuara.

Rios ka zhvilluar një sezon mbresëlënës me Palmeiras, duke shënuar 4 gola dhe dhënë 4 asistime në 35 ndeshje gjatë sezonit 2024/25.

Richard Rios, prepared to give up his 10% as part of deal with Palmeiras in order to join AS Roma.

No agreement club to club yet as Palmeiras want €30m guaranteed as starting point, but Roma remain in active talks.

https://t.co/dRchX44RHW pic.twitter.com/0ewH5sER4y

— Fabrizio Romano (@FabrizioRomano) July 13, 2025

Ai është objektivi kryesor i trajnerit Gian Piero Gasperini, i cili kërkon të forcojë mesfushën e skuadrës për sezonin e ardhshëm.

Për mesfushorin kolumbian kanë treguar interes edhe Interi, Porto dhe Manchester United, por Roma mbetet favoriti kryesor dhe klubi i preferuar i lojtarit.

Nëse palët arrijnë marrëveshje, Richard Rios pritet të bëhet përforcimi i parë i rëndësishëm i verdhekuqve në këtë afat kalimtar veror. /Telegrafi/

The post Rios sakrifikon 10 për qind të kontratës për t’iu bashkuar gjigantit italian appeared first on Telegrafi.

Largimi i Kristjan Asllanit nga Interi po bëhet gjithnjë e më i mundshëm, pasi klubi zikaltër tashmë është i gatshëm të dëgjojë oferta për mesfushorin e Kombëtares shqiptare.

Sipas mediave italiane, për Asllanin ka interes konkret, dhe së fundmi është zhvilluar një bisedë telefonike mes drejtuesve të Interit dhe atyre të Bolognës. Kjo e fundit synon të vazhdojë ecurinë pozitive në Serie A dhe të garojë për një vend në Ligën e Kampionëve, ndaj është në kërkim të përforcimeve cilësore.

“Corriere Dello Sport” raporton se sapo Bologna është informuar për çmimin prej rreth 18 milionë eurosh, të vendosur nga Interi për kartonin e Asllanit, drejtori sportiv Giovanni Sartori ka reaguar qartë: klubi nuk është i gatshëm të paguajë një shumë të tillë.

Megjithatë, Bologna nuk e ka hequr dorë nga mesfushori shqiptar. Klubi vlerëson potencialin e tij dhe e sheh si një element të rëndësishëm për idetë taktike të trajnerit Vincenzo Italiano.

Pritet që negociatat të vazhdojnë në ditët në vijim, me synimin për të gjetur një marrëveshje që kënaq të dyja palët.

Interi duket i hapur ndaj një formule të re ose uljes së çmimit, nëse oferta e Bolognës vjen me kushte të favorshme, qoftë për shitje të plotë apo huazim me të drejtë blerjeje.

Asllani kërkon më shumë minuta në fushë, dhe një lëvizje në një skuadër ku mund të ketë më shumë hapësira, siç është Bologna , shihet si një hap logjik për të ardhmen e tij. /Telegrafi/

The post Interi po vazhdon negociatat me klubin italian për Asllanin, por problem mbetet çmimi i lartë appeared first on Telegrafi.

Real Madridi është eliminuar nga Paris Saint-Germain në Kupën e Botës për Klube, pas një humbjeje të rëndë 4-0 që tronditi klubin spanjoll.

Parisienët dominuan ndeshjen dhe e demoluan skuadrën e Xabi Alonsos pa mëshirë.

Trajneri i madrilenëve, Xabi Alonso, u shfaq i dëshpëruar pas përfundimit të ndeshjes, duke pranuar se rezultati ishte një pasqyrë reale e gjendjes aktuale të ekipit.

“Tani e dimë ku jemi. Ka shumë gjëra që duam t’i bëjmë më mirë. Dhemb kjo humbje,” tha Alonso.

Lexo po ashtu Courtois kritikon bashkëlojtarët, teksa bën një deklaratë të çuditshme pas humbjes së thellë nga PSG-ja

Alonso theksoi se PSG ishte një kundërshtar i organizuar dhe i fuqishëm, ndërsa Real Madridi është ende në fazën e ndërtimit. “Vuajtëm; ishte e vështirë. PSG është një ekip i kompletuar. Ne sapo kemi filluar,” shtoi ai.

Përkundër rezultatit të rëndë, trajneri u përpoq të nxjerrë mësime nga kjo ndeshje. “Rezultatet e sotme janë të mira për ne, pasi na tregojnë sa shumë kemi për të përmirësuar. Jemi ende në fillim,” u shpreh Alonso.

Ai e përmendi edhe mungesën e përgatitjes si faktor kyç. “Kemi qenë në një mjedis konkurrues për tre javë pa stërvitje. Tani duhet të analizojmë ku jemi dhe të përgatitemi për rikthimin pas katër javësh.”

Sipas tij, gabimet taktike ishin të shpeshta dhe ndikuan direkt në rezultat. “Gjithmonë vonoheshim pak dhe kur ndodh kjo, të gjithë dalin nga pozicioni. Ata vrapojnë përpara dhe ti humbet kohë për të rikuperuar,” tha Alonso.

Në fund, ai u shpreh se kjo humbje duhet të shërbejë si një alarm. “Ky turne më ka treguar se ku jemi dhe çfarë mund të përmirësojmë. Kjo ishte ndeshja e fundit e sezonit 2024/25. Sezoni i ri nis në gusht”, përfundoi Alonso. /Telegrafi/ 

The post Alonso i dëshpëruar me debaklin e pësuar nga PSG: Kjo humbje dhemb, por na tregon situatën ku jemi appeared first on Telegrafi.

Juventusi ka bërë ofertën e parë për transferimin përfundimtar të Francisco Conceicao, por është refuzuar nga Porto.

Sipas gazetarit Nicolo Schira, klubi portugez nuk ka pranuar shumën prej 22 milionë eurosh.

Anësori 22-vjeçar ishte i huazuar te Juventusi gjatë sezonit 2024/25 dhe ka shprehur dëshirën e tij për të qëndruar në Torino.

Megjithatë, klubi italian nuk është i gatshëm të aktivizojë klauzolën e lirimit prej 30 milionë eurosh, e cila është e vlefshme deri më 15 qershor 2026.

Juventusi po përpiqet të negociojë një marrëveshje të re me çmim më të ulët, të paguar në disa këste, duke shpresuar në mirëkuptimin e Portos.

Conceicao është dalluar me paraqitjet e tij, përfshirë dy gola në fitoren 5-0 kundër Al Ain në Kupën e Botës për Klube.

Forma e tij ka tërhequr gjithashtu interesin e klubeve si Atletico Madrid dhe RB Leipzig, që po e ndjekin nga afër situatën e tij.

Bisedimet pritet të vazhdojnë në ditët në vijim, ndërsa Juventusi mbetet i vendosur për ta bërë portugezin pjesë të përhershme të skuadrës. /Telegrafi/ 

The post Juventusi kërkon ta blej përfundimisht Francisco Conceicao, Porto refuzon ofertën e parë appeared first on Telegrafi.

I lënë në një rol dytësor në radhët e Manchester City, Jack Grealish po shqyrton seriozisht mundësinë për të rinisur karrierën e tij duke filluar nga sezoni 2025-2026. Sulmuesi anglez është vlerësuar rreth 45 milionë euro dhe pritet të jetë një nga emrat më të përfolur të verës.

Manchester City pritet të jetë sërish aktiv në merkato, ashtu si gjatë afatit kalimtar të dimrit. Klubi po ndërton skuadrën për të ardhmen, ndërsa disa lojtarë mund të largohen nëse nuk gjejnë hapësirat e duhura.

Një ndër ta është edhe Jack Grealish, i cili, në moshën 29-vjeçare, nuk ka arritur të shfaqë versionin më të mirë të vetes nën drejtimin e Pep Guardiolës. Për këtë arsye, largimi i tij nuk përjashtohet gjatë verës.

Lexo po ashtu Shkëlqimi dhe rënia e Jack Grealish - çmimi i tij bie përtokë, por askush nuk do ta paguajë

Sipas mediave britanike, interesimi për Grealish është i madh. AC Milan ka hyrë në garë për nënshkrimin e tij, duke parë në të një mundësi për të forcuar repartin ofensivë. Rossonerët po e vlerësojnë seriozisht një ofertë konkrete.

Përveç Milanit, interes për lojtarin kanë shfaqur edhe Aston Villa dhe Napoli, ndërkohë që është përmendur edhe një pistë surprizë nga Barcelona. Kjo e bën të qartë se Grealish mbetet lojtar me profil të lartë në treg.

Megjithatë, transferimi te AC Milan nuk do të jetë i lehtë. Klubi italian e di se do t’i duhet të shpenzojë rreth 45 milionë euro për të bindur Manchester City, që deri tani nuk ka dhënë sinjale për ulje çmimi.

Tashmë mbetet të shihet nëse drejtuesit e Milanit do të vendosin të bëjnë një investim kaq të madh për të afruar Grealish, i cili kërkon të rikthehet si titullar i padiskutueshëm në një ambient të ri. /Telegrafi/ 

The post Grealish drejt transferimit në Serie A, gjiganti italian mendon për të appeared first on Telegrafi.