Një prej zërave më aktivë të Lëvizjes Vetëvendosje në Klinë, Lulzim Dragidella, njoftoi sot publikisht dorëheqjen e tij nga kjo parti, duke e cilësuar atë si “vendimin më të vështirë” në karrierën e tij politike.

Ai kritikoi mungesën e demokracisë së brendshme, mungesën e transparencës dhe përjashtimin e zërave kritikë brenda strukturës partiake.

“Gjatë viteve të fundit, një element themelor që e bëri këtë lëvizje të fuqishme – demokracia e brendshme – është zbehur deri në zhdukje. Sot vendimmarrja ndodh kryesisht në rrethe të ngushta, larg syve dhe mendimeve të shumicës së anëtarëve. Mendimet e ndryshme, që dikur pasuronin debatin, sot shpesh trajtohen si rrezik për unitetin, në vend që të shihen si forcë e tij. Në terren, sidomos në zona si Klina, kam parë një braktisje të angazhimit real me qytetarët. Struktura lokale shpesh lihet pas dore, njerëzit që japin kohën dhe mundin e tyre injorohen, ndërsa kontributet e sinqerta nuk vlerësohen. Kam parë shokë dhe kolegë që janë zhgënjyer deri në heshtje, sepse zëri i tyre nuk gjen hapësirë”, thotë ai.

Lexo po ashtu Ish-kandidati për kryetar të Klinës, Lulzim Dragidella largohet nga LVV

Megjithatë, dokumenti i siguruar nga Dukagjini tregon se Dragidella kishte dhënë dorëheqje kohë më parë.

Në letrën e datës 23 korrik 2024, të adresuar për kryetaren e Qendrës së LVV-së në Klinë, Teuta Mulaj, Dragidella deklaron dorëheqjen e parevokueshme nga pozita e nënkryetarit të kësaj qendre, duke përmendur arsye personale.

“Për arsye personale jap dorëheqje të parevokueshme nga pozita e nënkryetarit të Qendrës në Klinë”, thuhet në dokumentin e nënshkruar nga ai./RTVD/

The post Dragidella ishte larguar nga LVV në korrik të vitit 2024 appeared first on Telegrafi.

Ish-kandidati i Lëvizjes për Vetëvendosje për kryetar të Klinës, Lulzim Dragidella ka njoftuar se është larguar nga LVV.

Në një deklaratë publike të bërë në profilin e tij në Facebook, ai ka shkruar se ky është ndër vendimet më të vështira në jetën e tij politike, transmeton Telegrafi.

Ai gjithashtu ka numëruar disa nga arsyet se pse po largohet nga kjo parti, duke thënë se demokracia e brendshme është zbehur deri në zhdukje.

“Sot vendimmarrja ndodh kryesisht në rrethe të ngushta, larg syve dhe mendimeve të shumicës së anëtarëve. Mendimet e ndryshme, që dikur pasuronin debatin, sot shpesh trajtohen si rrezik për unitetin, në vend që të shihen si forcë e tij”, ka deklaruar ai.

Më poshtë, deklarata e tij e plotë:

Deklaratë publike për dorëheqjen nga Lëvizja VETËVENDOSJE!

nga Prof. Dr. Dr. Dr. Lulzim Dragidella

Klinë, më 14.08.2025

Pas një procesi të gjatë mendimesh, analizash dhe betejash të brendshme, kam marrë vendimin më të vështirë në jetën time politike:

Të tërhiqem menjëherë nga Lëvizja VETËVENDOSJE!

Ky vendim nuk ka ardhur si pasojë e një momenti emocional, por si rezultat i një reflektimi të gjatë mbi rrugën time politike, mbi përvojat që kam kaluar dhe mbi realitetin aktual të kësaj lëvizjeje. Unë u bëra pjesë e VETËVENDOSJE-s sepse besoja se ajo përfaqësonte një vizion të qartë për ndryshim shoqëror: drejtësi, barazi, përgjegjësi, solidaritet dhe guxim për t’u përballur me çdo padrejtësi, pa kompromis me parimet.
Por çfarë ka ndryshuar?

Gjatë viteve të fundit, një element themelor që e bëri këtë lëvizje të fuqishme – demokracia e brendshme – është zbehur deri në zhdukje. Sot vendimmarrja ndodh kryesisht në rrethe të ngushta, larg syve dhe mendimeve të shumicës së anëtarëve. Mendimet e ndryshme, që dikur pasuronin debatin, sot shpesh trajtohen si rrezik për unitetin, në vend që të shihen si forcë e tij.

Në terren, sidomos në zona si Klina, kam parë një braktisje të angazhimit real me qytetarët. Struktura lokale shpesh lihet pas dore, njerëzit që japin kohën dhe mundin e tyre injorohen, ndërsa kontributet e sinqerta nuk vlerësohen. Kam parë shokë dhe kolegë që janë zhgënjyer deri në heshtje, sepse zëri i tyre nuk gjen hapësirë.

Shembujt janë të shumtë dhe të dhimbshëm:

Kam propozuar që të organizohen takime të rregullta me bazën në Klinë, ku çdo anëtar të ketë të drejtë të shprehë mendimin e tij – propozim që nuk u mor asnjëherë në shqyrtim. Kam kërkuar transparencë për mënyrën se si shpenzohen mjetet financiare të degës, por nuk mora asnjë raport zyrtar, pavarësisht kërkesave. Kam insistuar që lista e kandidatëve për zgjedhjet lokale të përpilohej me konsensus dhe miratim /votim nga kryesia, por vendimi erdhi i gatshëm nga qendra, pa asnjë konsultim.

Kam parë njerëz të devotshëm, me vite pune vullnetare, që përjashtoheshin nga proceset vendimmarrëse vetëm sepse nuk pajtoheshin me një qëndrim të caktuar. Këto përvoja nuk janë thjesht zhgënjyese – ato e bëjnë të pamundur për mua të vazhdoj të pretendoj se kjo lëvizje funksionon sipas parimeve për të cilat u bashkova.
Përse po largohem?

Po largohem sepse nuk dua të bëhem pjesë e një realiteti që nuk përfaqëson më idealet me të cilat fillova këtë rrugë. Po largohem sepse nuk dua të bëj kompromis me bindjet e mia për hir të pushtetit partiak.

Po largohem sepse dua të jem i ndershëm – me veten time, me punën time dhe me qytetarët që më kanë dhënë besimin e tyre.Nuk largohem nga politika, por nga një strukturë që nuk më lë më hapësirë për të vepruar me ndershmëri dhe transparencë. Udhëtimi im politik nuk mbaron këtu. Përkundrazi – fillon një kapitull i ri, ku do të vazhdoj të punoj për interesin publik, pa u lidhur me interesa të ngushta.

Dua t’i falënderoj të gjithë ata që më kanë mbështetur në këtë rrugë – kolegët që kanë ndarë me mua ideale dhe përpjekje, qytetarët që më kanë inkurajuar, dhe të gjithë ata që kanë besuar se politika mund të jetë mjet për të bërë mirë. Largohem me kokën lart, pa hidhërim personal, por me një ndjenjë të fortë përgjegjësie për të qëndruar besnik parimeve të mia.

Besoj ende se ndryshimi i vërtetë është i mundur – por ai nuk vjen nga heshtja, as nga bindja e verbër. Ai vjen nga guximi për të thënë të vërtetën dhe për të vepruar ndryshe, edhe kur kjo do të thotë të largohesh nga rruga që dikur mendoje se ishte e vetmja.
Me respekt dhe vendosmëri,
Prof. Dr. Dr. Dr. Lulzim Dragidella

The post Ish-kandidati për kryetar të Klinës, Lulzim Dragidella largohet nga LVV appeared first on Telegrafi.

Policia e Kosovës respektivisht Drejtoria për Hetimin e Krimit të Organizuar dhe Krimeve të Rënda në koordinim me Prokurorinë Themelore në Pejë e mbështetur edhe nga njësitë tjera policore, me datën 13.08.2025 ka realizuar urdhëresën e gjykatës kompetente, ku janë kontrolluar tri lokacione në Klinë dhe një lokacion në Prishtinë.

Në njoftimin e bërë për media thuhet se lidhur me rastin në polici janë shoqëruar tre persona të dyshuar, mbi dyshimin për kryerjen e veprës penale ‘Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse’.

Gjatë kontrollit të realizuar si dëshmi materiale janë sekuestruar:

1. Një armë e gjatë snajper,
2. Dy karikatorë me 40 fishekë të armës,
3. Një pistoletë me një karikator dhe 8 fishekë,
4. Një pistoletë me dy karikatorë dhe 4 fishekë,
5. Një pistoletë me një karikator dhe 14 fishekë,
6. Një pistoletë me një karikator dhe 52 fishekë,
7. Një pushkë ajrore me 5 fishekë,
8. 14 fishekë të pistoletës me gas,
9. Një pushkë gjuetie,
10. Një automatik AK-47 me dy karikatorë,
11. Tre telefona mobile,
12. Një thikë,
13. Një shpatë e arteve marciale,
14. Një antiplumb.

Disa nga dëshmitë janë me leje dhe janë sekuestruar me qëllim të verifikimit dhe procedurave të mëtutjeshme.

Në konsultim me prokurorin kompetent është inicuar rast për veprën penale Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse, ndërsa njëri nga të dyshuarit pas intervistimit është ndaluar për 48 orë dhe dy të dyshuarit tjerë janë liruar në procedurë të rregullt. /Telegrafi/

The post Policia aksion në Prishtinë dhe Klinë, sekuestrohen disa armë zjarri dhe municion appeared first on Telegrafi.

Instituti Hidrometeorologjik i Kosovës ka bërë të ditur të hënën se në muajin korrik është regjistruar temperature rekorde – mbi 40 gradë Celsius.

“Vlerat maksimale prej 42.4°C në Klinë dhe 42.3°C në Han të Elezit janë të pashembullta në historinë klimatike të vendit dhe tregojnë një devijim të madh nga mesatarja shumëvjeçare për këtë muaj”, ka thënë Instituti përmes një postimi në Facebook, duke treguar se mesatarja e korrikut në Kosovë shkonte mes 30-35 gradë Celsius.

Para korrikut të vitit 2025, temperatura më e lartë ndonjëherë ishte regjistruar në Prizren më 1987 – 40.8 gradë Celsius.

Sipas Institutit, shifrat e korrikut të këtij viti janë konfirmim i paralajmërimeve shkencore për përshpejtimin e ndryshimeve klimatike.

“Rritja e temperaturave ekstreme është një nga pasojat më të drejtpërdrejta të ngrohjes globale. Modelet klimatike dhe raportet ndërkombëtare (p.sh., IPCC) parashikojnë se Evropa Juglindore, përfshirë Ballkanin, do të përballet me më shumë valë të të nxehtit, thatësira të gjata dhe reshje të rralla por intensive. Korriku 2025 përkon me këtë tendencë, duke reflektuar një klimë gjithnjë e më të paqëndrueshme dhe të ngarkuar me energji termike”, është thënë në postimin në Facebook.

Instituti ka përmendur edhe pasojat e temperaturave të larta, duke thënë se ato ndikojnë në rritje të sëmundjeve me të nxehtin – goditje termike, probleme kardiovaskulare – më pas në stres për bimësinë, kafshët dhe ekostetmet ujore, si dhe në dëme ekonomike, për shkak të dëmeve në bujqësi dhe rritjes së konsumit të energjisë për ftohje dhe rrezik për infrastrukturën.

“Ngjarjet klimatike të korrikut 2025 përbëjnë një sinjal të qartë për domosdoshmërinë e veprimit të menjëhershëm dhe të koordinuar për përshtatje ndaj ndryshimeve klimatike. Institucionet përgjegjëse duhet të fuqizojnë monitorimin meteorologjik, planifikimin urban, sistemet e paralajmërimit të hershëm dhe politikat mjedisore për të minimizuar rreziqet në të ardhmen”.

The post IHMK: Korriku i këtij viti muaji më i nxehtë ndonjëherë në Kosovë, në Klinë u thyen rekordet appeared first on Telegrafi.

Në një atmosferë të ngrohtë bashkëpunimi dhe dialogu ndërinstitucional, në ambientet e restaurant “Ujana” në Klinë u zhvillua Konferenca Rajonale e Turizmit, si pjesë e projektit ndërkufitar “Rilindja Kulturore nga Liqeni i Shkodrës në Kosovë (Udhëtim në Kohë)”, i mbështetur nga Bashkimi Evropian.

Konferenca u organizua nga Fondi për Zhvillim Komunitar (CDF) në bashkëpunim me Komunën e Klinës, Qendrën për Iniciativat e Turizmit të Qëndrueshëm (CSTI) dhe Organizatën Kombëtare të Turizmit të Malit të Zi (NTO).

Qëllimi i saj ishte promovimi i turizmit kulturor dhe forcimi i bashkëpunimit ndërkufitar ndërmjet Kosovës dhe Malit të Zi.

Ngjarja mblodhi përfaqësues të institucioneve vendore dhe qendrore, ekspertë të trashëgimisë kulturore dhe turizmit, akademikë dhe organizata të shoqërisë civile nga të dy vendet, duke shërbyer si një platformë për ndarjen e ideve dhe zhvillimin e strategjive të përbashkëta.

Konferenca u zhvillua nën moton: “Forcimi i bashkëpunimit ndërkufitar dhe zhvillimi i qëndrueshëm i turizmit kulturor”, duke përfshirë:

Prezentimin e projektit “Udhëtim në Kohë” dhe shtigjeve tematike që lidhen me trashëgiminë kulturore në Kosovë dhe Mal të Zi;

Promovimin e lokaliteteve historike dhe arkeologjike në Klinë dhe në Mal të Zi;

Diskutimin mbi rolin e lokalitetit arkeologjik të Drsnikut si pjesë e zhvillimit lokal turistik;

Prezentimin e Strategjisë së Turizmit të Komunës së Klinës;

Promovimin e produkteve të turizmit kulturor nga NTO e Malit të Zi;

Iniciativa akademike të Universitetit “Haxhi Zeka” në Pejë për zhvillimin e kurrikulës së turizmit.

Një nga momentet më të rëndësishme të konferencës ishte prezantimi i produktit të ri të turizmit kulturor-historik “Udhëtim në Kohë”, i cili synon të ofrojë një përvojë gjithëpërfshirëse për vizitorët përmes rrëfimeve të gjalla dhe eksplorimit të destinacioneve me vlerë historike nga të dyja anët e kufirit.

Konferenca u përmbyll me një drekë partneriteti, ku pjesëmarrësit shfrytëzuan mundësinë për thellimin e bashkëpunimit dhe ndërtimin e projekteve të reja të përbashkëta në të ardhmen.

Projekti “Rilindja Kulturore nga Liqeni i Shkodrës në Kosovë (Udhëtim në Kohë)” po zbatohet në kuadër të programit të bashkëpunimit ndërkufitar Kosovë – Mali i Zi, përmes Instrumentit të Asistencës së Para-Anëtarësimit (IPA) të Bashkimit Evropian.

Ai ka nisur më 1 mars 2023 dhe do të zgjasë për një periudhë 30-mujore, me synim forcimin e zhvillimit kulturor dhe turistik në rajonet përfituese.

The post Mbahet Konferenca Rajonale e Turizmit në kuadër të projektit ndërkufitar “Udhëtim në Kohë” appeared first on Telegrafi.

Kosova po përballet me një situatë alarmante për shkak të zjarreve që kanë përfshirë gjithë territorin e vendit. Vetëm gjatë javës së fundit janë regjistruar mbi 320 vatra zjarri, ndërsa si pasojë kanë humbur jetën dy persona. Një zjarrfikës nga Gjakova dhe një qytetar nga komuna e Klinës janë viktimat e fundit të këtyre zjarreve […]

The post Zjarret në Kosovë shkaktojnë dy viktima, mbi 320 vatra në javën e fundit appeared first on BoldNews.al.

Një person ka humbur jetën këtë të diel në qytetin e Klinës, në rrethana ende të paqarta.

Lajmin e ka konfirmuar zëdhënësi i Policisë për rajonin e Pejës, Fadil Gashi, i cili bëri të ditur se fillimisht autoritetet janë njoftuar për një zjarr në atë zonë.

“Në vendin e ngjarjes, policia ka vërejtur një person të shtrirë në tokë, me lëndime trupore”, deklaroi Gashi.

Viktima është dërguar fillimisht në Qendrën e Mjekësisë Familjare dhe më pas në repartin e emergjencës, ku mjeku kujdestar ka konstatuar vdekjen e tij.

Aktualisht nuk është konfirmuar nëse vdekja ka ndodhur si pasojë e zjarrit apo për ndonjë shkak tjetër.

Policia dhe njësitë përkatëse janë duke hetuar rrethanat e plota të rastit./Telegrafi/

The post Vdekje e dyshimtë në Klinë, policia jep detaje appeared first on Telegrafi.

Një person është arrestuar dje me 28.06.2025 në Klinë, pasi që dyshohet se ka sulmuar fizikisht dhe ka ofenduar zyrtarët policorë.

Sipas Policisë, një zyrtar policor ka pësuar lëndime të lehta trupore.

I dyshuari me vendim të prokurorit pas inicimit të rastit është dërguar në mbajtje.

The post Arrestohet një person në Klinë, dyshohet se sulmoi policët appeared first on Telegrafi.

Sokol Bashota është votuar nga Këshilli Drejtues i Degës së Partisë Demokratike të Kosovës për kandidat për kryetar të Komunës së Klinës.

Bashota ka thënë se përgjegjësi dhe obligim për të punuar për zhvillimin e Komunës së Klinës.

“Me ndjenjën më të lartë të përgjegjësisë dhe mirënjohjes, dëshiroj të falënderoj Këshillin Drejtues të Degës së Partisë Demokratike të Kosovës në Klinë për kandidimin për kryetar të Komunës së Klinës në zgjedhjet e 12 tetorit. Ky vendim është për mua një nder i madh, por mbi të gjitha është një përgjegjësi që e pranoj me përkushtim të plotë ndaj qytetarëve të komunës sonë. Besimi që më është dhënë nga strukturat e partisë është dëshmi e qartë e vlerësimit për angazhimin tim të deritanishëm, por edhe një obligim i fortë për të punuar edhe më shumë për zhvillimin e Klinës”, thuhet mes të tjerash në postimin e tij në Facebook.

Ish-kryetari i kësaj komune është zotuar se do të punoj me përkushtim për zhvillimin e qytetit.

“Jam i vendosur që, me përkrahjen tuaj dhe të të gjithë qytetarëve të Klinës, do të vazhdojmë bashkë rrugën e ndërtimit të një komune më të zhvilluar, më të drejtë dhe më pranë qytetarit. Do të punoj çdo ditë me përkushtim për të garantuar mirëqenie, zhvillim dhe dinjitet për secilin qytetar.
Faleminderit edhe njëherë për besimin!”, thuhet në postimin e tij në Facebook.

The post Sokol Bashota, kandidat i PDK-së për kryetar të Klinës appeared first on Telegrafi.

Një burrë nga Klina është arrestuar nën dyshimin se ka ushtruar dhunë fizike ndaj gruas së tij.

Viktima ka pranuar trajtim mjekësor si pasojë e lëndimeve të marra. I dyshuari është arrestuar nga ana e Policisë dhe, me vendim të prokurorit të shtetit, është ndaluar në mbajtje për 48 orë.

Rasti është duke u trajtuar nga organet kompetente në përputhje me legjislacionin në fuqi./Telegrafi/

The post Ushtroi dhunë ndaj gruas së tij, arrestohet burri në Klinë appeared first on Telegrafi.

Një person ka pësuar lëndime si rezultat i një aksidenti rrugor në Gllarevë të Klinës.

Zëdhënësi i Policisë për Rajonin e Pejës, Driton Rugova ka deklaruar se në këtë aksident kanë qenë të përfshira dy vetura.

“Sot rreth orës 15:30, policia është njoftuar për një aksident trafiku në fshatin Gllarevë – Klinë. Në këtë aksident ishin involvuar dy vetura dhe si pasojë një person ka pësuar lëndime trupore”, ka deklaruar Rugova.

Personi i lënduar është dërguar në QKMF-Klinë për tretman mjekësor.

The post ​Aksident trafiku në Gllarevë të Klinës, lëndohet një person appeared first on Telegrafi.

Prokuroria Themelore në Ferizaj, përmes një komunikate ka dhënë detaje të reja në lidhje me operacionin policor në Kaçanik e Klinë.

Prokuroria thotë se ka kërkuar nga Gjykata Themelore në Ferizaj, caktimin e masës së paraburgimit ndaj një personi të mitur , për shkak të dyshimit se i njëjti ka kryer ekzekutimin e Policit Muhamed Lika.

Në konferencën për shtyp gjatë ditës së sotme policia tha se personi në fjalë sot ka pasur ditëlindjen.

Lexo po ashtu Policia e Prokuroria me detaje për operacionin në Kaçanik: Shtatë të arrestuar për vrasjen e rreshterit Muhamed Lika

“Sipas Prokurorisë, ekziston dyshimi i bazuar se më 01.04.2025, rreth orës 23:00, në Kaçanik, në rrugën “Idriz Seferi”, përkatësisht në katin e II-të të hyrjes së ndërtesës, i mituri në bashkëkryerje me madhorët me iniciale: H.B., R.M., V. ç., E.L., Sh.K., dhe D.G., me dashje dhe përgatitje paraprake ka privuar nga jeta tani të ndjerin zyrtarin policor, M.L., në atë mënyrë që viktima pas përfundimit të orarit të punës, rrugës për në banesën e tij, ku i njëjti ishte përcjellë në vazhdimësi nga madhorët deri te hymja e banesës se tij ku, pasi që hynë në objektin e banesës ku ka jetuar duke u ngjitur shkallëve, i mituri i shkon nga mbrapa dhe pasi që viktima hynë në objektin banesor pas tij hyn edhe i mituri, ku me të takuar të ndjerin ka shtënë në drejtim të tij me armë zjarri”, thuhet në njoftimin e Prokurorisë.

Viktima Muhemed Lika, ishte dërguar në Qendrën e Mjekësisë Familjare në Kaçanik dhe nga ekipet mjekësore ishte konstatuar vdekja e tij, e cila ka ardhur si pasojë e plagëve të marra nga predhat e armës së zjarrit.

Prokuroria thotë se me këto veprime në bashkëkryerje do të kryenin veprën penale “Vrasje e rëndë” nga neni 173 paragrafi 1 nënparagrafi 1.9 lidhur me nenin 31 të KPRK-së./Telegrafi/

The post Prokuroria del me detaje tjera: I mituri dyshohet se ekzekutoi zyrtarin policor, ishte përgatitur nga të tjerët e moshës madhore appeared first on Telegrafi.

Katër persona kanë mbetur të lënduar si pasoj e një aksidenti mes trenit dhe një veture në fshatin Stupë të Klinës.

Lajmin e ka konfirmuar Driton Rugova, zëdhënës i policisë për rajonin e Pejës.

“Sot rreth orës 12:35 policia është informuar për një aksident mes trenit dhe një veture në fshatin Stupë të Klinës. Si pasoj e aksidentit katër persona kanë pësuar lëndime trupore”, tha Rugova.

Kujtojmë se javë më parë po ashtu në Klinë kishte ndodhur një aksident i mes trenit dhe një veture.

Si pasojë e goditjes së trenit, një person kishte humbur jetën e tre të tjerë ishin lënduar.

The post Edhe një aksident mes trenit dhe veturës në Klinë, katër të lënduar appeared first on Telegrafi.

Sot bëhen tetë vjet nga ndarja nga jeta e Dulaman Gashit, veprimtar i çështjes kombëtare, arsimtar i përkushtuar dhe figurë e respektuar në komunën e Klinës.

Gashi, nga fshati Sferkë, ishte një atdhetar i njohur, i cili gjatë gjithë jetës së tij kontribuoi për të mirën e përgjithshme, me theks të veçantë në arsim dhe shërbim publik.

Ai shërbeu për vite me radhë si mësimdhënës dhe drejtor i shkollës fillore “Emin Duraku” në vendlindje.

Përveç angazhimit në arsim, Dulamani ishte edhe anëtar i Kuvendit Komunal të Klinës, ku dha kontribut të vlefshëm në çështje me interes për komunitetin.

Familjarë, miq, ish-kolegë dhe nxënës të tij e kujtojnë me respekt si një njeri të urtë, të përkushtuar dhe të dashur, që la pas një trashëgimi të çmuar në shërbim të vendit dhe brezave të rinj./Telegrafi/

The post Kujtohet Dulaman Gashi në tetëvjetorin e ndarjes nga jeta appeared first on Telegrafi.

Një aksident i rëndë trafiku ka ndodhur sot në fshatin Jagodë të Klinës, ku treni është përplasur me një veturë.

Siç raportohet në mediat lokale, dyshohet se si pasojë e këtij aksidenti ka humbur jetën një person.

Policia është në vendin e ngjarjes.

Telegrafi ka kontaktuar me Policinë e Kosovës në rajonin e Pejës, por deri më tash nuk kemi marrë ndonjë informacion. /Telegrafi/

The post Treni përplaset me një veturë në Klinë, dyshohet për viktima appeared first on Telegrafi.

Një aksident trafiku ka ndodhur mëngjesin e sotëm në Rixhevë të Klinës, ku janë përfshirë katër automjete dhe pesë persona janë lënduar.

Zëdhënësi i policisë për rajonin e Pejës, Fadil Gashi, konfirmoi lajmin për Telegrafin, duke theksuar se aksidenti ka ndodhur rreth orës 10:10.

Të lënduarit janë dërguar për trajtim mjekësor, ndërsa policia ka nisur hetimet për shkaqet e aksidentit.

The post Aksident zinxhir në Rixhevë të Klinës, raportohet për 5 të plagosur appeared first on Sot News | Lajme.

Punimet për ndërtimin e rrugës transit Klinë – Skenderaj – Istog po ecin me ritme të shpejta, duke sjellë një lehtësim të madh për qarkullimin dhe sigurinë rrugore.

Kryetari i Komunës së Klinës, Zenun Elezaj, së bashku me drejtorin e Urbanizmit, Enver Berisha, inspektuan nga afër ecurinë e punimeve në LOT 2 të projektit, i cili ka një gjatësi prej 1550 metrash dhe përfshin ndërtimin e dy urave, trotuareve dhe shtigjeve për biçikleta.

Vlera totale e investimit arrin në 8.5 milionë euro, ndërsa LOT 2 ka një kosto prej 1,977,619.35 euro. Projekti financohet nga Komuna e Klinës dhe Ministria e Mjedisit dhe Planifikimit Hapësinor, në bazë të një memorandumi bashkëpunimi me zëvendësministrin Hysen Durimishi.

Kryetari Elezaj ka kërkuar që punimet të përfundojnë sa më shpejt, në mënyrë që të nisë asfaltimi i rrugëve dytësore dhe kyçjeve në rrugën kryesore. Ai falënderoi Qeverinë e Kosovës dhe MMPHI-në për mbështetjen e këtij projekti të rëndësishëm për qytetarët e Klinës./Telegrafi/

The post Investim prej afro 8.5 milionë euro për rrugën transit në Klinë appeared first on Telegrafi.

Kujdesi në Grup për Prindërim po vazhdon me sukses në komunat e Klinës dhe Lipjanit, në kuadër të QKMF/QMF-ve – Dhomave për Promovim dhe Edukim Shëndetësor.

Ky program synon të ofrojë mbështetje për prindërit dhe të kontribuojë në zhvillimin e shëndetshëm të fëmijëve.

Gjatë sesioneve edukative, prindërit marrin njohuri mbi prindërimin pozitiv, zhvillimin e fëmijës dhe kujdesin prenatal/postnatal, duke u ndihmuar të krijojnë një mjedis të sigurt dhe të dashur për fëmijët e tyre.

Programi mbështetet nga UNICEF Kosovo Programme dhe AMC, duke u ofruar prindërve udhëzime dhe këshilla të vlefshme për sfidat e prindërimit. Sesionet do të vazhdojnë edhe në komunat e tjera të Kosovës, me qëllim rritjen e ndërgjegjësimit dhe mbështetjen e familjeve në rritjen e fëmijëve të shëndetshëm./Telegrafi/

The post Sesionet edukative për prindërim zhvillohen në Klinë dhe Lipjan appeared first on Telegrafi.

Policia e Kosovës mëngjesin e së dielës ka arrestuar dy persona në Klinë, të dyshuar për veprat penale ‘mbajtje nё pronёsi, kontroll ose posedim tё paautorizuar tё armëve’, ‘pёrdorim i armёs’

Deri te arrestimi i tyre ka ardhur pas pranimit të informatës për të shtëna me armë në fshatin Dollc.

“Policia menjëherë ka shkuar nё atё loakcion dhe kanё indetifikuar vendin e ngjarjes ku gjatё bisedёs me tё dyshuarin i njëjti nuk ka pranuar se ka shtёnё me armё”, ka njoftuar policia.

Pas kontrollit nga Policia janё gjetur disa gёzhoja,  e mё pas janё gjetur dhe janë sekuestruar: njё armё automatike AK47, njё karikator i tё njëjtёs armё, njёqind e tetёdhjetё e tre (183) fishekë kal: 7.62×39, gjashtё gёzhoja kal:7.62×39.

Lexo po ashtu Të shtëna me armë në Dollc të Klinës - arrestohen dy persona, sekuestrohen kallashnikov e granata dore

Nё vazhdën e hetimve nga hetuesit e Stacionit Policor Klinё, nё tё njëjtin lokacion janё gjetur dhe janë sekuestruar: njё mortajё dore 69/40, njё karikator i AK47,  tridhjetё e katёr fishekё 7.62×39 dhe nёntё fishekë kalibër i panjohur.

Tё dyshuarit, pas intervistimit nga hetuesit, me urdhёr të prokurorit tё shtetit, janё ndaluar pёr 48 orё. /Telegrafi/

The post Policia jep detaje nga arrestimi i dy personave në Klinë ku u sekuestruan kallashnikov e granta dore appeared first on Telegrafi.

Rajoni i Pejës do të përjetojë një ndryshim të motit nga reshjet dhe temperaturat e ulëta në fillim të javës, drejt një rritjeje të ndjeshme të temperaturave dhe më shumë ditë me diell nga mesi i javës e tutje.

Fillimi i javës do të jetë i freskët me reshje shiu dhe vranësira, ndërsa nga e mërkura deri të premten priten kthjellime. Fundjava dhe fillimi i javës së ardhshme do të sjellin vranësira dhe rritje temperaturash.

Në Pejë, temperaturat mesatare do të variojnë nga 3°C në 19°C, me reshje shiu të hënën dhe kthjellime nga e marta deri të premten. Fundjava dhe fillimi i javës tjetër do të karakterizohen nga vranësira dhe temperatura deri në 22°C

Në Deçan, temperaturat mesatare do të lëvizin nga 3°C në 18°C, me një fillim jave të lagësht dhe kthjellime në mesjavë. Fundjava sjell vranësira, ndërsa fillimi i javës tjetër do të jetë më i ngrohtë me temperatura deri në 21°C.

Në Klinë, temperaturat do të variojnë nga 2°C në 17°C, me reshje dhe vranësira në fillim të javës. Nga e mërkura deri të premten priten ditë të kthjellëta, ndërsa fundjava dhe fillimi i javës tjetër sjellin vranësira dhe temperatura deri në 20°C.

Në Istog, temperaturat mesatare do të lëvizin nga 2°C në 18°C, me një fillim jave të freskët dhe pjesërisht të vranët. Nga e mërkura në fundjavë moti do të përmirësohet, ndërsa e hëna dhe e marta do të sjellin rritje të ndjeshme të temperaturave deri në 22°C./Telegrafi/

The post Nga shiu në diell – rritje temperaturash në rajonin e Pejës appeared first on Telegrafi.