Normal view

There are new articles available, click to refresh the page.
Before yesterdayMain stream

Aksident në Deçan, lëndohen tre persona

20 June 2025 at 20:55

Tre persosna janë lënduar në një aksident trafiku që ka ndodhur sot rreth orës 14:55 në rrugën “Luan Haradinaj” në Deçan, ku janë përfshirë dy vetura.

Lajmin e ka konfirmuar  zëdhënësi i Policisë për rajonin e Pejës, Driton Rugova.

“Sot rreth orës 14:55, Policia është njoftuar për një aksident trafiku i cili ka ndodhur në rrugën ‘Luan Haradinaj’ në Deçan. Në këtë aksident ishin të involvuara 2 vetura dhe si pasojë e aksidentit 3 persona kanë pësuar lëndime trupore. Të njëjtit kanë pranuar tretman mjekësor”, ka deklaruar Rugova.

Policia ka dalë në vendin e ngjarjes dhe është duke u marrë me hetimin e rastit.

The post Aksident në Deçan, lëndohen tre persona appeared first on Telegrafi.

Tragjedi në familjen shqiptare: Tentoi të shpëtonte të birin por s’dinte not, humbin jetën nëna dhe djali 3 vjeç

13 June 2025 at 09:10

Një ngjarje tragjike ka tronditur lagjen Lachine të Montrealit, ku një grua 34-vjeçare dhe djali i saj trevjeçar humbën jetën pas mbytjes në një pishinë rezidenciale mbrëmjen e së martës. Viktimat janë nga Kosova, komuna e Deçanit; Viktimat janë Elzina Ramosaj Morina dhe djali i saj i mitur, Elon.

Oficerët e policisë u thirrën në vendngjarje rreth orës 21:35 për dy mbytje të mundshme në një shtëpi në Avenue-n e 20-të pranë Rrugës Provost. Me të mbërritur, ata i gjetën të dy viktimat pa ndjenja. Pavarësisht përpjekjeve nga policia dhe ndihmësit mjekësorë, gruaja dhe fëmija u shpallën të vdekur në vendngjarje. Sipas provave hetimore të mbledhura në vendngjarje nga Policia e Montrealit (SPVM), duket se nuk ka element kriminal në këtë tragjedi.

“Ky ishte një incident aksidental”, konfirmoi oficerja Caroline Chèvrefils, zëdhënëse e SPVM-së. Zyra e mjekut ligjor është njoftuar për këto vdekje dhe një hetim është duke u zhvilluar nga mjeku ligjor Dr. Edgard Nassif.

“Pas përfundimit të hetimit të tij, mjeku ligjor do të përgatisë një raport që detajon identitetin e të ndjerit, datën dhe vendin e vdekjes, si dhe shkaqet dhe rrethanat e mundshme që lidhen me vdekjen”, tha Jake Lamotta Granato, një zëdhënës i zyrës së mjekut ligjor të Kebekut.

“Nëse konsiderohet e përshtatshme, ai mund të japë edhe rekomandime, të cilat janë masa parandaluese që synojnë mbrojtjen e jetës njerëzore dhe parandalimin e vdekjeve në rrethana të ngjashme”, shtoi ai. Procesi hetimor i mjekut ligjor është konfidencial deri në publikimin e raportit të tij përfundimtar, i cili është publik. Sipas burimeve për CTV News, dyshohet se djali ka rënë fillimisht në pishinë, ndërsa nëna është hedhur për ta shpëtuar, por ajo nuk dinte not. Sipas dëshmitarëve, nëna dhe djali i vogël ishin parë së fundmi duke marrë pjesë në një paradë festive.

“Jam i traumatizuar. Është e pabesueshme që ndodhin gjëra të tilla,” tha banori Mike Mymryk.

Carol dhe Derrick Majeur, fqinjë të familjes, u shprehën thellësisht të pikëlluar: “Si do të ndihesha po të ishte një nga nipërit e mi? Do të isha jashtëzakonisht i mërzitur. Mund të imagjinoj si ndihet familja tani,” tha Carol. Kryetarja e Lachine, Maja Vodanovic, reagoi në rrjete sociale, duke e quajtur ngjarjen “makthin më të keq të mundshëm”. Sipas saj, gjithçka nisi nga një top që ra në pishinë, duke shkaktuar një zinxhir ngjarjesh që përfundoi me mbytjen e fëmijës dhe nënës së tij.

Shoqata Shqiptare Kosova-Montreal ka njoftuar me dhimbje të thellë për vdekjen tragjike të Elzina Morina, 34 vjeç, dhe djalit të saj të vogël, Elon Morina, vetëm 3 vjeç, të cilët humbën jetën në një aksident të rëndë në një pishinë në Montreal.

“Kjo humbje ka tronditur thellësisht të gjithë komunitetin tonë. Vdekja e një nëne të re dhe e fëmijës së saj është një plagë e rëndë për familjen, të afërmit dhe të gjithë ata që i kanë njohur”, thuhet në njoftimin e shoqatës.

Ceremonia e lutjeve dhe nderimit për Elzinën dhe Elonin do të mbahet të shtunën, më 15 qershor 2025, në ora 13:00, në Xhaminë “Balkan Muslim Community”, në adresën:
???? 2836 Rue Allard, Montréal, QC.

Përcjellja për në banesën e fundit do të bëhet në:
???? 5505 Rang du Bas-Saint-François, Laval, QC H7E 4P2.

Pamja për ngushëllime do të mbahet të dielën, më 16 qershor, nga ora 10:00 – 14:00, po ashtu në ambientet e xhamisë “Balkan Muslim Community”.

The post Tragjedi në familjen shqiptare: Tentoi të shpëtonte të birin por s’dinte not, humbin jetën nëna dhe djali 3 vjeç appeared first on Sot News | Lajme.

Tragjedi në Deçan: Nënë e bir humbin jetën në pishinë

12 June 2025 at 21:07

Një ngjarje e rëndë ka tronditur komunitetin e Deçanit, ku dyshohet se një nënë dhe djali i saj janë mbytur në një pishinë. Lajmin e konfirmoi kryetari i Komunës së Deçanit, Bashkim Ramosaj, përmes një postimi në rrjetet sociale.

“Na e keni vrarë zemrën sot! Lagjës sonë do t’i mungojë buzëqeshja dhe mirësia jote, Elzina Halit Ramosaj, dhe birit tënd, Elonit!” shkroi kryetari Ramosaj, duke shprehur dhimbjen e thellë për këtë humbje tragjike.

Sipas informacioneve paraprake, dyshohet se fëmija ka rënë aksidentalisht në pishinë, ndërsa nëna ka tentuar ta shpëtojë, por fatkeqësisht asnjëri nuk ka mundur të mbijetojë.

Autoritetet lokale kanë nisur hetimet për të zbardhur rrethanat e sakta të ngjarjes.

LEXONI GJITHASHTU:

The post Tragjedi në Deçan: Nënë e bir humbin jetën në pishinë appeared first on Euronews Albania.

Aksident në Llukë të Deçanit, katër persona të lënduar

26 May 2025 at 19:38

Një aksident ka ndodhur në Llukë të Epërme të Deçanit në mes dy veturave.

Si pasojë e aksidentit janë lënduar katër persona.

Lajmin e ka konfirmuar Fadil Gashi, zëdhënës i Policisë së Kosovës për rajonin e Pejës.

“Aksidenti ka ndodhur në Llukë të Epërme, ku katër persona janë lënduar”, ka thënë ai.

The post Aksident në Llukë të Deçanit, katër persona të lënduar appeared first on Telegrafi.

Bora mbulon Strellcin në mes të pranverës

16 May 2025 at 08:43

Ndërkohë që jemi në mesin e muajit maj, reshje bore janë shënuar sot në bjeshkët e Strellcit, në komunën e Deçanit.

Pamjet nga terreni tregojnë shtresa dëbore mbi tokë, ndonëse pranvera është në kulmin e saj.

Reshjet e borës në këtë periudhë janë të pazakonta për këtë rajon, por jo të paprecedentë në lartësitë malore, ku temperaturat vazhdojnë të jenë më të ulëta.

Ndërkohë, moti i paqëndrueshëm ka përfshirë disa zona malore të Kosovës, duke sjellë reshje të shiut dhe rënie të temperaturave./Telegrafi/

The post Bora mbulon Strellcin në mes të pranverës appeared first on Telegrafi.

Në Deçan vazhdon tradita e bletarisë, por edhe asaj organike

4 May 2025 at 23:52

Në Deçan po vazhdon tradita e kultivimit të bletarisë. Madje njëri nga ta është i licencuar për bletari organike.

Metat Gjikokaj është njëri ndër bletarët deçanas që traditën e bletarisë po e vazhdon me mjaft sukses. Për më tepër, Metati është bletari i vetëm në Kosovë, i cili tani e 6 vjet është licencuar për bletari organike.

Sivjet është viti i gjashtë që Metati bletoren e tij e ka vendosur në thellësi të Grykës së Deçanit, vend i cili, sipas ekspertëve, i plotëson të gjitha kushtet për zhvillimin e bletarisë organike.

“Po nuk e deshe bletarinë nuk mund ta zhvillosh. Dashuria ndaj bletës ndoshta më ka nxit që të marrë këtë veprim sepse bletaria organike nuk është që është edhe aq fitimprurëse por është më e mira për bletën ku prej natyre të gjitha nënproduktet janë organike janë bio, atëherë është njëfarë kënaqësie me punua me to”, tha ai për RTK-në.

Certifikimi i bletarit Gjikokaj është shumë i mirëseardhur për Deçanin, thonë bletarët dhe ekspertët e bletarisë.

“I vetmi i tillë në bletarinë e Kosovës që certifikohet nga ‘Bioinspekta’ për prodhimin e mjaltit organik, një produkt që ka vlerë të madhe, ka çmime të mëdha dhe ka treg të madh në gjithë Evropën edhe në vet Kosovë. Kjo parcelë këtu në kilometrin e gjashtë afër fshatit Belle i plotëson të gjitha kriteret dhe kushtet për ushqim për ushqim organik dhe prodhimet e saj të dalin organike”, tha Bajram Çeku, ekspert i bletarisë.

E bletarët e tjerë deçanas, Metatin po e shohin model për kultivimin e bletarisë organike

“Shpresojmë që në ardhmen edhe ne do të mund të arrijmë e të shkojmë hapave të Metatit, secili të punojmë për të mirën e njeriut e posaçërisht edhe për bletën”, tha Sylë Cacaj, bletar.

Sipas zyrtarëve komunalë, në komunën e Deçanit janë të evidentuar rreth 300 bletarë të cilët kanë në pronësi mbi 7000 shoqëri bletësh.

The post Në Deçan vazhdon tradita e bletarisë, por edhe asaj organike appeared first on Telegrafi.

Të shtëna me armë në Strellc të Deçanit – një person plagoset

25 April 2025 at 09:30

Një person ka mbetur i plagosur si pasojë e të shtënave me armë zjarri që kanë ndodhur mëngjesin e sotëm në fshatin Strellc të komunës së Deçanit.

Rasti është raportuar rreth orës 06:40, ndërsa Policia ka dalë menjëherë në vendin e ngjarjes.

“I plagosuri fillimisht është dërguar në QKMF në Deçan, ndërsa më pas është transferuar në Spitalin Rajonal në Pejë për trajtim mjekësor,” ka konfirmuar për Telegrafin, zëdhënësi i Policisë për Rajonin e Pejës, Driton Rugova.

Sipas tij, njësitet relevante policore ndodhen ende në vendin e ngjarjes dhe janë duke u marrë me zbardhjen e rrethanave të rastit.

Nuk janë dhënë ende informacione për të dyshuarin apo motivin e sulmit, ndërkohë që hetimet po vazhdojnë./Telegrafi/

The post Të shtëna me armë në Strellc të Deçanit – një person plagoset appeared first on Telegrafi.

“Eshkë e ndezur mbi shkëlzen”: Nis zyrtarisht përgatitja për festivalin e 2025 në Deçan

23 April 2025 at 14:00

Sot, u mbajt takimi i parë i Këshillit Organizativ për festivalin “Eshkë e ndezur mbi shkëlzen”, që do të mbahet më 15 dhe 16 qershor 2025 në Deçan.

Ky takim shënon nisjen zyrtare të përgatitjeve për një edicion të paharrueshëm, me shumë energji dhe ide të reja.

Kryetari i Deçanit, Bashkim Ramosaj, theksoi rëndësinë e këtij festivali, i cili ka evoluar në një ngjarje të rëndësishme kulturore që bashkon shqiptarët nga të gjitha trojet dhe ruan me krenari traditat e pasura kulturore si këngën, vallen, veshjet dhe zakonet shqiptare.

Edicioni i ardhshëm do të sjellë një program të pasur artistik dhe pjesëmarrje të gjerë, duke e bërë këtë ngjarje një mundësi të shkëlqyer për promovimin e trashëgimisë kulturore./Telegrafi/

 

The post “Eshkë e ndezur mbi shkëlzen”: Nis zyrtarisht përgatitja për festivalin e 2025 në Deçan appeared first on Telegrafi.

Arrestohet një i dyshuar për aksidentin me fatalitet në Baballoq të Deçanit

14 April 2025 at 23:42

Një person ka vdekur e dy të tjerë kanë pësuar lëndime trupore në një aksident trafiku më 14.04.2025 në fshatin Baballoq të Deçanit.

Lidhur me rastin Policia e Kosovës ka njoftuar se është ndaluar për 48 orë një person i dyshuar.

Ndërsa është bërë e ditur se trupi i pajetë i viktimës dërgohet në Institutin e Mjekësisë Ligjore për obduksion.

“Me urdhër të Prokurorit të Shtetit personi i dyshuar ndalohet pёr 48 orё, ndёrsa trupi i pajetë i viktimës dërgohet në Institutin e Mjekësisë Ligjore në Prishtinë për obduksion. Rasti vazhdon tё hetohet nga hetuesit e aksidenteve NJRKRR-DRP Pejё”- thuhet në njoftim.

Sipas Policisë, deri te ky aksident dyshohet se ka ardhur deri sa automjeti ishte duke qarkulluar nё rrugën Deçan-Gjakovё, me tё arritur nё fshatin Baballoq, ka kaluar nga shiriti tij qarkullues nё shiritin e kundёrt dhe godet veturën e cila ishte duke qarkulluar nga drejtimi Gjakovё-Deçan.

Tutje thuhet se tё lënduarit janё trajtuar nё Spitalin Rajonal nё Pejё, ndёrsa njёri nga ta pёr shkak tё natyrёs sё lëndimeve ёshtё dёrguar nё Qendrën Klinike Universitare të Kosovës në Prishtinё.

The post Arrestohet një i dyshuar për aksidentin me fatalitet në Baballoq të Deçanit appeared first on Telegrafi.

Aksident i rëndë në Deçan/ Përplasen dy makina, humb jetën një person, plagosen dy të tjerë

By: Mirgen
14 April 2025 at 22:43

Një aksident i rëndë është regjistruar sonte në fshatin Baballoq të Deçanit. Nga ky aksident ka humbur jetën një person, ndërsa dy të tjerë janë plagosur. Lajmin e ka konfirmuar zëdhënësi i policisë për rajonin e Pejës, Driton Rugova, i cili bëri të ditur se aksidenti ka ndodhur rreth orës 18:45. Më tej bëhet me […]

The post Aksident i rëndë në Deçan/ Përplasen dy makina, humb jetën një person, plagosen dy të tjerë appeared first on BoldNews.al.

Aksident tragjik në Deçan, një i vdekur e dy të lënduar

14 April 2025 at 20:29

Një aksident i rëndë trafiku ka ndodhur sonte në fshatin Baballoq të Deçanit, ku si pasojë ka humbur jetën një person, ndërsa dy të tjerë kanë pësuar lëndime trupore.

Lajmin e ka konfirmuar zëdhënësi i policisë për rajonin e Pejës, Driton Rugova, i cili bëri të ditur se aksidenti ka ndodhur rreth orës 18:45, ku janë përfshirë dy vetura.

“Sot rreth orës 18:45, Policia është njoftuar për një aksident trafiku në fshatin Baballoq-Deçan. Në këtë aksident ishin të involvuara dy vetura dhe si pasojë tri persona kanë pësuar lëndime trupore. Njëri nga të lënduarit ka arritur pa shenja jete në Spitalin Rajonal të Pejës, ndërsa vdekjen e tij e ka konstatuar ekipi mjekësor”, tha Rugova.

Policia ka nisur hetimet për të sqaruar rrethanat e këtij aksidenti, ndërkohë që identiteti i viktimës dhe të lënduarve nuk është bërë i ditur ende.

Autoritetet u kanë bërë thirrje shoferëve që të respektojnë rregullat e komunikacionit dhe të jenë të kujdesshëm për të shmangur tragjedi të tilla./Telegrafi/

The post Aksident tragjik në Deçan, një i vdekur e dy të lënduar appeared first on Telegrafi.

Kanosi policët për shkak të një kundërvajtje në trafik – arrestohet deçanasi

6 April 2025 at 10:45

Një person është arrestuar të shtunën pasdite në Deçan.

I njëjti dyshohet se ka kanosur verbalisht zyrtarët policorë.

Policia njofton se deri te kanosja ka ardhur si rezultat i shqiptimit të një kundërvajtje në trafik.

“Është arrestuar i dyshuari m/k për shkak se i njëjti gjatë shqiptimit të një kundërvajtje në trafik ka kanosur verbalisht zyrtarët policorë. Po ashtu i dyshuari gjatë arrestimit ka rezistuar duke mos zbatuar urdhrat”, ka njoftuar policia.

I dyshuari pas inicimit të rastit me vendim të prokurorit është dërguar në mbajtje. /Telegrafi/

The post Kanosi policët për shkak të një kundërvajtje në trafik – arrestohet deçanasi appeared first on Telegrafi.

Deçanasi ishte jashtë shtetit – hajnat i hyjnë në shtëpi dhe i vjedhin armën me 15 fishekë

27 March 2025 at 10:45

Një rast i vjedhjes së rëndë ka ndodhur në Deçan, ku viktima ka raportuar se i është vjedhur arma – një pistoletë me 15 copë fishek, për të cilën ai posedon leje.

Viktima ka njoftuar policinë më 26 mars 2025, duke theksuar se vjedhja ka ndodhur gjatë periudhës kur ai ka qenë jashtë shtetit.

Njësitë relevante të Policisë së Kosovës kanë dalë në vendin e ngjarjes dhe janë duke hetuar rastin.

Sipas autoriteteve, po merren të gjitha masat për zbardhjen e këtij rasti dhe identifikimin e personave të dyshuar. /Telegrafi/

The post Deçanasi ishte jashtë shtetit – hajnat i hyjnë në shtëpi dhe i vjedhin armën me 15 fishekë appeared first on Telegrafi.

Nga shiu në diell – rritje temperaturash në rajonin e Pejës

17 March 2025 at 08:45

Rajoni i Pejës do të përjetojë një ndryshim të motit nga reshjet dhe temperaturat e ulëta në fillim të javës, drejt një rritjeje të ndjeshme të temperaturave dhe më shumë ditë me diell nga mesi i javës e tutje.

Fillimi i javës do të jetë i freskët me reshje shiu dhe vranësira, ndërsa nga e mërkura deri të premten priten kthjellime. Fundjava dhe fillimi i javës së ardhshme do të sjellin vranësira dhe rritje temperaturash.

Pejë, temperaturat mesatare do të variojnë nga 3°C në 19°C, me reshje shiu të hënën dhe kthjellime nga e marta deri të premten. Fundjava dhe fillimi i javës tjetër do të karakterizohen nga vranësira dhe temperatura deri në 22°C

Deçan, temperaturat mesatare do të lëvizin nga 3°C në 18°C, me një fillim jave të lagësht dhe kthjellime në mesjavë. Fundjava sjell vranësira, ndërsa fillimi i javës tjetër do të jetë më i ngrohtë me temperatura deri në 21°C.

Klinë, temperaturat do të variojnë nga 2°C në 17°C, me reshje dhe vranësira në fillim të javës. Nga e mërkura deri të premten priten ditë të kthjellëta, ndërsa fundjava dhe fillimi i javës tjetër sjellin vranësira dhe temperatura deri në 20°C.

Istog, temperaturat mesatare do të lëvizin nga 2°C në 18°C, me një fillim jave të freskët dhe pjesërisht të vranët. Nga e mërkura në fundjavë moti do të përmirësohet, ndërsa e hëna dhe e marta do të sjellin rritje të ndjeshme të temperaturave deri në 22°C./Telegrafi/

The post Nga shiu në diell – rritje temperaturash në rajonin e Pejës appeared first on Telegrafi.

Ben Blushi e promovon ‘Parajsën Artificiale’ në Deçan, nderohet edhe si ambasador i paqes

By: Kult Plus
15 March 2025 at 17:21

Në Deçan u mbajt aktiviteti për ambasadorët e paqes dhe promovimi i librit “Parajsa artificiale” nga shkrimtari i njohur Ben Blushi.

Në qytetin e bukur dhe paqësor të Deçanit, pikërisht në Ditën e Verës, Komuna e Deçanit, në bashkëpunim me Federatën e Paqes Universale, organizoi aktivitetin me temën “Paqja, trashëgimia jonë e përbashkët”. Kjo ngjarje e rëndësishme synonte promovimin e vlerave të paqes dhe nderimin e personaliteteve që kanë kontribuar gjatë gjithë jetës së tyre me punën dhe përkushtimin e tyre, duke i lënë shoqërisë vlera të mëdha të paqes shpirtërore dhe morale përmes veprimtarisë së tyre.

Fjalën e mirëseardhjes e mbajti Kryesuesi i Asamblesë Komunale të Deçanit, Hajdar Sutaj, i cili theksoi:

“Deçani di të respektojë vlerat e luftës dhe të paqes, duke i parë ato si pjesë të pandashme të identitetit dhe historisë sonë. E sotmja është një dëshmi e përkushtimit tonë për të ruajtur dhe promovuar këto vlera, duke i dhënë brezave të ardhshëm një shembull të mirë të përkushtimit ndaj paqes, dijes dhe kulturës.”

Më pas, aktiviteti vijoi me një prezantim nga Ejona Içka, kryetare e Federatës së Paqes, e cila foli mbi vlerat, parimet dhe veprimtarinë e Federatës Universale të Paqes, duke përshkruar historikun e saj dhe shtrirjen në vende të ndryshme të botës.

Promovimi i librit “Parajsa artificiale” nga shkrimtari i njohur Ben Blushi

Një nga momentet kryesore të aktivitetit ishte promovimi i librit “Parajsa artificiale” nga shkrimtari i njohur Ben Blushi. Në fjalën e tij përshëndetëse, autori u shpreh:

“Deçani ka burra shumë trima dhe gra mikpritëse, një vend me vlera të mëdha të traditës. Për mua është një kënaqësi e veçantë të jem sot për herë të parë në Deçan, përpara këtij publiku kaq të madh e të dashur, për të promovuar librin tim “Parajsa artificiale.”

Ai shpjegoi se ky libër është një dialog mes dy personazheve brenda 12 orëve, i ndarë në dy pjesë: Ferri dhe Parajsa, duke ofruar një reflektim të thellë mbi jetën dhe shoqërinë. Pas prezantimit, Blushi zhvilloi një bashkëbisedim me të pranishmit, të cilët patën mundësinë të bëjnë pyetje mbi librin dhe krijimtarinë e tij letrare.

Në këtë aktivitet morën pjesë shkrimtarë, poetë, piktorë, gjeneralë, mësues, anëtarë të Asamblesë Komunale, artdashës të librit, nxënës dhe të ftuar të tjerë.

Nderimi me titullin “Ambasador i Paqes”

Një nga momentet më emocionuese të aktivitetit ishte ndarja e titullit “Ambasador i Paqes”, ku 14 personalitete u vlerësuan për kontributin e tyre në ndërtimin e një shoqërie më paqësore. Ndër të nderuarit ishin:

• Sami Cacaj – Nënkryetar i Komunës së Deçanit

• Ben Blushi – Politikan, gazetar dhe shkrimtar i njohur

• Abdyl Mushkolaj – Gjeneral i nderuar

• Musë Prelvukaj – Piktor i njohur

• Lumturie Haxhishabani Nura – Mësuese e dalluar

• Agron Mulliqi – Piktor dhe profesor në Fakultetin e Arteve

• Merita Myderrizi Maloku – Profesoreshe në Fakultetin e Arteve

• Bija Jasiqi – Piktore

• Ajete Povataj – Poete me stil unik dhe emocionues

• Mirushe Byci – Mësuese

• Merita Luzha Kuraja – Ambientaliste e përkushtuar

• Iliriana Hasaj – Mjeke që ka dhënë kontribut të madh gjatë luftës dhe vazhdon të kontribuojë në fushën e mjekësisë

• Edone Kameraj – Përgjegjëse për informimin e qytetarëve përmes uebfaqes zyrtare të Komunës

• Ismet Kukleci – Ekspert i reformave në administratë dhe i licencuar nga Ministria e Drejtësisë për negocimin dhe zgjidhjen e mosmarrëveshjeve

Federata Universale e Paqes i vlerësoi këta individë për angazhimin e tyre në fusha të ndryshme, duke kontribuar në ndërtimin e një bote më të mirë dhe më paqësore.

Momente të veçanta nga aktiviteti

• Nxënësit e gjimnazit “Vëllezërit Frashëri” në Deçan lexuan 21 shprehje të zgjedhura nga libri “Parajsa artificiale”, duke përcjellë mesazhe të fuqishme për të pranishmit.

• Piktori Musë Prelvukaj, i cili u nderua me titullin “Ambasador i Paqes”, dhuroi pikturën e tij të paqes për shkrimtarin e njohur Ben Blushi. Në fjalën e tij, ai u shpreh:

“Deçani, për gjashtë vite me radhë që marr pjesë në koloninë e piktorëve, më ka pritur gjithmonë me mikpritjen dhe traditën që i ka hije. Këtu ndihem mirë dhe sot, pikturën time të paqes ia dhuroj politikanit, gazetarit dhe shkrimtarit të njohur Ben Blushi. Vlerat në duart e vlerave – për mua është një nder i madh.”

Në përfundim të aktivitetit, të pranishmit patën mundësinë të marrin një kopje të librit Parajsa artificiale me autografin e autorit Ben Blushi, si dhe të realizojnë fotografi me të.

Erërat e forta shkatërrojnë çatitë e shtëpive në fshatin Prejlep të Deçanit

13 March 2025 at 14:45

Qyteti i Deçanit sot është goditur nga erëra të forta që kanë shkaktuar dëme në disa fshatra..

Erërat e fuqishme në fshatin Prejlep të kësaj komune kanë rrëzuar tjegullat nga çatitë e shtëpive, duke shkaktuar panik dhe dëme materiale.

Lexues të Telegrafit kanë dërguar pamje nga situata që po mbizotëron atje.

Përveç dëmeve materiale, nuk është raportuar për të lënduar megjithatë, autoritetet lokale kanë kërkuar nga qytetarët të jenë të kujdesshëm dhe të shmangin zonat e rrezikuara.

Shërbimi meteorologjik ka paralajmëruar se erërat e forta mund të vazhdojnë edhe gjatë orëve në vijim, duke kërkuar nga qytetarët që të jenë të kujdesshëm. /Telegrafi/

The post Erërat e forta shkatërrojnë çatitë e shtëpive në fshatin Prejlep të Deçanit appeared first on Telegrafi.

Rajoni i Pejës: Pas ditëve të ngrohta, 10 ditët e ardhshme me rënie temperaturash dhe reshje

10 March 2025 at 08:46

Në rajonin e Pejës, moti për dhjetë ditët e ardhshme do të jetë i ndryshueshëm, me alternime të ditëve me vranësira, reshje shiu dhe periudha me kthjellime.

Temperaturat do të pësojnë luhatje, duke shënuar vlera të buta në mesjavë dhe rënie në fundjavë.

Më poshtë është parashikimi i detajuar për secilin qytet të rajonit.

Peja

Në Pejë, moti do të jetë kryesisht me vranësira gjatë shumicës së ditëve, ndërsa të enjten dhe të dielën priten reshje shiu. Temperaturat maksimale do të lëvizin nga 16°C deri në 19°C, ndërsa ato minimale do të zbresin deri në 2°C në ditët e fundit të parashikimit.

Istogu

Në Istog, parashikimi tregon mot të ndryshueshëm, ku ditët me vranësira do të dominojnë, ndërsa në fundjavë pritet një rritje e temperaturave, duke arritur deri në 20°C të shtunën. Të dielën do të ketë reshje shiu, ndërsa në fund të javës temperaturat do të bien ndjeshëm.

Klina

Në Klinë, moti pritet të jetë i butë në mesjavë me temperatura deri në 21°C. Të premten moti do të jetë i kthjellët, ndërsa të dielën priten reshje shiu. Temperaturat do të bien ndjeshëm pas kësaj, duke arritur deri në 4°C gjatë natës në fund të parashikimit.

Deçani

Në Deçan, priten temperatura të moderuara me vranësira gjatë shumicës së ditëve. Reshjet e shiut parashikohen për të dielën, ndërsa temperaturat maksimale do të arrijnë deri në 19°C. Në fund të parashikimit temperaturat do të bien gradualisht.

Ky parashikim tregon një javë dinamike me ndryshime të ndjeshme të temperaturave dhe reshjeve të shiut në fundjavë. Për informacione më të detajuara, këshillohet të ndiqni përditësimet ditore të motit./Telegrafi/

 

 

The post Rajoni i Pejës: Pas ditëve të ngrohta, 10 ditët e ardhshme me rënie temperaturash dhe reshje appeared first on Telegrafi.

Zjarr i madh përfshin malet e Deçanit, kërkohet ndërhyrje urgjente nga autoritetet qëndrore

8 March 2025 at 23:31

Një zjarr i madh ka përfshirë malet e Deçanit, duke shkaktuar dëme të mëdha në sipërfaqe pyjore të pasura me bimësi dhe drunj të ndryshëm.

Lidhja e Historianëve të Kosovës “Ali Hadri” dega në Deçan ka bërë thirrje për ndërhyrje të menjëhershme nga autoritetet shtetërore për të ndaluar përhapjen e flakëve.

“Ju bëjmë thirrje autoriteteve shtetërore për ndërhyrje emergjente në ndaljen e zjarreve në malet e Deçanit, zjarr i cili ka marrë përmasa shqetësuese. Dënojmë zjarrvënien e cila ka shkatërruar hektarë të tërë të pasur me bimë, gështenja e drunj të ndryshëm”, thuhet në reagimin e Lidhjes së Historianëve.

Deri më tani, nuk ka informacione për të lënduar, por dëmet në mjedis janë të konsiderueshme. Autoritetet ende nuk kanë dalë me një deklaratë zyrtare për situatën dhe masat që po ndërmerren për shuarjen e zjarrit./Telegrafi/

The post Zjarr i madh përfshin malet e Deçanit, kërkohet ndërhyrje urgjente nga autoritetet qëndrore appeared first on Telegrafi.

Panairi i Turizmit në Tiranë, promovohet potenciali turistik i Deçanit

13 February 2025 at 09:31

Drejtoria për Zhvillim Ekonomik po merr pjesë në Panairin e Turizmit, i cili po zhvillohet më 12-13 shkurt 2025 në Pallatin e Kongreseve në Tiranë.

Në njoftimin për media thuhet se kjo është një mundësi e shkëlqyer për të promovuar potencialin turistik të Deçanit, duke veçuar bukuritë natyrore dhe mundësitë unike që ofron rajoni ynë për ecje malore, aventurë dhe turizëm të qëndrueshëm.

“Si pjesë e shtegut Via Dinarica – Kosova, do të prezantojmë atë që e bën Deçanin një destinacion të jashtëzakonshëm. Nga malet e mahnitshme deri te kultura dhe tradita e pasur, Deçani është një vend ku natyra dhe historia takohen për të ofruar një përvojë të paharruar”, thuhet në njoftim.

Kjo pjesëmarrje mundësohet nga Via Dinarica Kosova dhe mbështetet nga NaturKosovo, një iniciativë e financuar dhe promovuar nga AICS Tirana, me mbështetjen e Ambasadës së Italisë në Prishtinë.

Projekti zbatohet nga Volontari nel Mondo RTM dhe CELIM Milano, në bashkëpunim me Fondacionin Utalaya, CAI – Club Alpino Italiano, Corpo Nazionale Soccorso Alpino e Speleologico (CNSAS), AITR – Associazione Italiana Turismo Responsabile dhe Agenzia Italiana per la Cooperazione allo Sviluppo. /Telegrafi/

The post Panairi i Turizmit në Tiranë, promovohet potenciali turistik i Deçanit appeared first on Telegrafi.

Rezultatet preliminare – këto janë përqindjet e numërimit të votave nga KQZ në rajonin e Pejës

10 February 2025 at 09:58

Komisioni Qendror i Zgjedhjeve (KQZ) është duke vazhduar me procesin e numërimit të votave për subjektet politike.

Komunën e Pejës deri më tani janë numëruar 81.82 për qind e votave, ku LVV ka marrë 41.49 për qind, LDK ka 27.99 për qind, PDK ka marrë 10.09 për qind dhe AAK-Nisma ka 12,70 për qind.

Ndërsa, në Komunën e Deçanit deri më tani janë numëruar 94 për qind e votave ku me përqindje të votave prin AAK-Nisma me 49.90 për qind të votave. Lëvizja Vetëvendosje ka marrë 22.84 për qind të votave, LDK 20.79 për qind, PDK 4.22 për qind të votave.

Komunën e Istogut  deri më tani janë numëruar 68.33 për qind e votave ku prin LVV-ja me 35.73 për qind të votave, ndërsa LDK-ja ka marrë 35.25 për qind, PDK-ja 11.95 për qind dhe AAK-Nisma 7.94 për qind të votave.

Ndërkaq, në Komunën e Klinës deri më tash janë numëruar 87.10 për qind e votave, në të cilat me vota prin Partia Demokratike e Kosovës me gjithsej 27.81 për qind e votave, më pas vjen LVV-ja me 26.14 për qind, AAK-Nisma ka marrë 23.57 për qind dhe LDK-ja 17.17 për qind të votave.

 

The post Rezultatet preliminare – këto janë përqindjet e numërimit të votave nga KQZ në rajonin e Pejës appeared first on Telegrafi.

❌
❌