Kryeministri Edi Rama nëpërmjet një statusi në Facebook, ka reaguar sërish kundrejt gjyqtarit Hazbi Balliut.  i cili vendosi të bllokojë vendimin e konfiskimit të një pallati në kryeqytet, ndërtesë pa leje, ku u vendos që të zhvendosej Agjencia e Kadastrës.

Reagimi i kryeministrit Edi Rama

Më në fund gjykatësi Balliu e nxori arsyetimin e shkruar të vendimit të tij skandaloz për të marrë në mbrojtje palën përfaqësuese të një pallati të ndërtuar totalisht pa leje dhe të konfiskuar në Tiranë, ku u sistemua Agjencia Shtetërore e Kadastrës, e cila prej disa vitesh e vazhdonte punën në një objekt të vjetër e të dëmtuar seriozisht nga tërmeti.

Se si mund të angazhohen prokurorë a gjykatës të republikës në favor të ndërtuesve të paligjshëm kjo kërkon të kesh akses në trurin e prokurore Gjelit a të gjykatës Balliut, por se si mund të shkruajë një gjykatës se ASHK nuk ka prova që nuk mund të vazhdojë të rrijë në një godinë ku bien tavanet e muret, kjo kërkon një durim heroik në pritje që organet e kontrollit e të qeverisjes së gjyqësorit të zgjohen nga gjumi i tyre gjithnjë e më i rrezikshëm për fatet e vetë Reformës në Drejtësi

Në foto keni (mos)arsyetimin e gjykatës Balliut si edhe situatën e godinës së vjetër të ASHK-së, e cila mesa duket për Balliun është normale për sa kohë nuk ka viktima

Liderët europianë nuk kanë humbur kohë dhe pas takimit me Donald Trump në Shtëpinë e Bardhë patën një video-konferencë për të koordinuar hapat e radhës në lidhje me negociatat e paqes.

Kryeministri britanik Keir Starmer dhe presidenti francez Emmanuel Macron thirrën një takim virtual të “koalicionit të vullnetshëm”, një grup vendesh që mbështesin përpjekjet e Ukrainës në këtë luftë.

Garancitë e sigurisë për të mbrojtur Ukrainën nëse arrihet një marrëveshje paqeje, ishin pika kryesore e takimit.

Po ashtu u diskutua presioni i mëtejshëm ndaj Rusisë, përfshirë edhe sanksionet deri sa Vladimir Putin të tregojë se është gati për t’i dhënë fund luftës.

Pas takimit me homologët e saj kryeministrja italiane, Giorgia Meloni, tha se Perëndimi është i bashkuar për të arritur paqen dhe sigurinë e kombeve dhe popujve europianë.

Presidenti i Këshillit Europian, António Costa, tha se Ukraina mbetet në krye të agjendave të liderëve të kontinentit në javët dhe në muajt në vijim. Si hap I parë drejt paqes tha ai, Rusia duhet t’I japë menjëherë fund dhunës.

Costa kryesoi një takim të Këshillit Europian në lidhje me Ukrainën dhe pati gjithashtu një bisedë me presidentin Volodymyr Zelensky. Ata theksuan se garancitë e sigurisë janë arritja më e rëndësishme e përpjekjeve të përbashkëta për paqen.

Europa ka marrë një rol thelbësor në negociatat për fundin e luftës dhe mund të presë takimin mes Vladimir Putin dhe Zelensky. Emmanuel Macron ka propozuar Gjenevën si një vendtakim dhe Zvicra është treguar e gatshme për t’i mirëpritur liderët.

Për këtë takim, ministri I jashtëm rus Sergeri Lavrov tha se duhet përgatitur në detaje dhe jo të mbahet për efekt mediatik. Ai theksoi se territoret nuk kane qene kurrë qëllimi i Rusisë, por qe te mbroje popullin rus qe prej shekujsh ka jetuar ne ato zona. Lavrov gjithashtu ftoi sërish presidentin amerikan Donald Trump në Moskë për një takim me Putin.

/abcnews.al/

VLORË- Një ngjarje e rëndë është regjistruar në në fshatin Dukat Fshat. Një i moshuar ka tentuar të vetëdigjet me benzinë shtetasi. 76 vjeçari po transportohet drejt spitalit të Tiranës, për mjekim të specializuar.

Grupi hetimor po kryen veprimet për zbardhjen e rrethanave të ngjarjes dhe dokumentimin e plotë të saj

Një zjarr ka rënë në kodrat e fshatit Lapardha të Bashkisë së Selenicës. Menjëherë janë angazhuar forcat zjarrfikëse për të ndërhyrë.

Terreni shumë i vështirë, vështirëson edhe punën e zjarrfikësve. Ndërkohë pritet edhe ndërhyrja nga ajri për të mos rrezikuar përhapjen e flakëve drejt fshatit dhe banesave.

/abcnews.al/

Presidenca e ka konsideruar urgjencë shtetërore konstituimin sa më të shpejtë të institucioneve të dala nga vullneti i popullit.

Në një reagim, një ditë pas publikimit të plotë të aktgjykimit të Kushtetueses, Presidenca ka thënë se në këtë periudhë të zhvillimeve dinamike në kontinent dhe sfidave globale që e prekin edhe rajonin, krijimi sa më i shpejtë i institucioneve të reja në përputhje me procedurat e parapara në aktgjykimin e Gjykatës Kushtetuese është jetik për stabilitetin, përfaqësimin demokratik dhe për adresimin e interesave të qytetarëve.

Theksohet se zvarritja e deritanishme ka dëmtuar jo vetëm kredibilitetin e institucioneve e zhvillimin e vendit, por edhe përparimin e vendit në arenën ndërkombëtare.

Një grup prej 30 deri në 50 fëmijësh palestinezë, të sëmurë rëndë dhe të plagosur, do të evakuohen nga Gaza në Britaninë e Madhe për trajtim mjekësor në javët e ardhshme.

Ata do të jenë të parët që do të pranohen si pjesë e një operacioni të koordinuar nga qeveria laburiste e Keir Starmer, e koordinuar nga Ministria e Jashtme, e Brendshme dhe ajo e Shëndetësisë.

Fëmijët do të udhëtojnë me familjet e tyre. Vendimi erdhi pasi 96 deputetë të Westminster nga parti të ndryshme i shkruan një letër kryeministrit Starmer duke i kërkuar atij të transferonte fëmijët pa vonesë në ishull.

Protestuesit në Serbi po shprehin tendencën se protestat e tyre mund të kalojë në luftë civile, nëse qeveria nuk realizon kërkesat e tyre.

Kështu thotë hulumtuesi në Institutin për Studime të Luftës Hibride “Octopus”, Gurakuç Kuçi i cili e vlerëson situatën politike në Beograd të ngjashme me anarkinë, ndërsa rrahjet dhe incidentet e vazhdueshme ndaj protestuesve po ndodhin me urdhrin e presidentit serb Aleksandër Vuçiç.

“Akoma nuk mund të themi që Serbia është në luftë civile pasi nuk kemi protestues të armatosur, të cilët kanë armët e tyre e po ashtu kanë edhe një në thonjëza ‘regjiment sulmues’ dhe po ashtu nuk kemi edhe një qeveri e cila ka filluar të jetë në anarki të plotë në Serbi”, tha analisti Gurkuç Kuçi.

Kuçi i quan manipulime deklaratat e Vuçiçit, përmes së cilave ai akuzon Perëndimin se po ndihmojnë financiarisht protestuesit në Serbi.

“Vuçiçi sot vazhdon akoma t’i përdorë narrativat e tij, (kinse) nuk është autokrat ose diçka e tillë, për shkak se ai i shfrytëzon interesat e ndryshme që kanë të bëjnë me BE-në dhe po ashtu ka filluar që çdo herë e më shumë ta kërcënojë BE-në dhe gjithë Perëndimin. Së fundi ai e shprehu edhe një akuzë ndaj gjithë Perëndimit se Perëndimi është duke i financuar dhe ndihmuar protestuesit në Serbi… Kjo ndikon edhe në përçarje. Deklarata të tilla të vetë Vuçiçit janë më shumë manipulime”, u shpreh ai.

Për të larguar vëmendjen nga trazirat që po ndodhin në Serbi, siç thotë Kuçi, presidenti Vuçiç vepron kundrejt Kosovës apo bën veprime agresive ndaj shteteve përreth saj duke përmendur arrestimet e njëpasnjëshme kohëve të fundit të kosovarëve nga autoritetet serbe.

Përmes protestave në Serbi që filluan nga nëntori i 2024-ës, kërkohet zgjedhje të parakohshme parlamentare dhe llogaridhënie lidhur me tragjedinë në Novi Sad. Përveç Beogradit ato janë shtrirë edhe ne qytetet te tjera, ndërsa javën e kaluar morën përmasa të mëdha, duke sulmuar edhe godinën e partisë së Vuçiç, çka pasojë me dhjetëra arrestime.

/abcnews.al/

Banorët që u prekën nga zjarret në fshatrat e Gramshit mund të aplikojnë për të përfituar dëmshpërblim. Thirrja është bërë nga bashkia e Gramshit.

Juristja Brizida Gjikondi e ftuar në “News Line” në ABC News, komentoi situatën e zjarreve duke u shprehur se ishte një ngjarje shumë e ndjeshme duke dëmtuar edhe banesat e qytetarëve.

Gjatë intervistës, theksoi se një situatë e tillë duhet të marrë më shumë vëmendje nga institucionet dhe të tregohet kujdes gjatë gjithë vitit.

“Ishte një situatë shumë e ndjeshme. Do të doja shumë që situata të trajtohej me kujdes. Nuk do përjashtoja asnjë skemë në Shqipëri, qoftë nga ata që përfitojnë apo qoftë nga qasja antikombëtare, por këto të çojnë në një pikë që pa bashkëpunim nuk do të kishte zgjidhje. Gjatë gjithë vitit duhet të ketë një sensibilizim, studim dhe hetim për shkaqet që ndodhin zjarret. Gjithmonë duhet parë sfondi korruptiv i këtyre zjarreve. Ndëshkimi besoj që po të kishte funksionuar nuk do kishim këtë situatë. Shteti duhet të funksionojë gjatë gjithë vitit për t’i paraprirë kësaj situate. Nuk mund ta lësh në mënyrë kaotike apo në vullnet të personave që kanë përfitime nga këto zjarrvënie. Pra filozofia ku i korruptuari nuk ndëshkohet ka bërë që të ketë një “amnisti” morale të turpshme. Nuk mund të presim mund të bjerë zjarri, por siç është zjarri, janë aksidentet, pastrimi i parave… Prandaj them që edukimi ka të bëjë me thelbin e moralit ndaj një vendit”, tha ndër të tjera Gjikondi.

/abcnews.al/

Juristja Brizida Gjikondi u shpreh se ish-kryeministri Sali Berisha ka treguar se është strehë e antiligjit.

Sa i përket sulmeve që Berisha ka bërë ndaj Altin Dumanit, Gjikondi nënvizoi se është për të ardhur keq kur dëgjon deklarata të tilla.

Gjatë intervistës në “News Line” në ABC News theksoi se Berisha gjithmonë ka synuar që të minimizojë të shkuarit në SPAK.

“Deklaratat e Berishës janë të shëmtuara gjithmonë është strehë e antiligjit. Do të s’fumojë dhe të minimizojë vajtjen e tij në SPAK. Ai gjithmonë merr në mbrojtje ata që shkelin ligjin dhe janë në krahun e shëmtuar të historisë”, tha Gjikondi.

Gjatë intervistës, shtoi se kur prokurorët nuk janë në linjën e tij i sulmon pa asnjë kod etik dhe moral.

“Kur prokurorët nuk janë në linjën e tij ai i sulmon egërsisht dhe eskalon të gjithë kodin etik dhe moral që duhet të ketë një qytetar. Dosja e SPAK është e mirë-organizuar saqë asnjë gjyqtar që mund të ketë ngrënë thërrime nga oborri Berishës nuk do të dijë çfarë të bëjë. Tashmë është në lupën e drejtësisë dhe nuk besoj se do marrë kurajën që të zezës t’i thotë të bardhë. Berisha është një figurë komplekse në mëkatet e tij dhe ka edhe “21 janarin”, Gërdecin, por në tërësinë e tij ka dëmtuar shumë shqiptarët”, tha ajo.

/abcnews.al/

Në Fier vijon aksioni për lirimin e hapësirave publike. Mbi 20 objekte janë prishur deri më tani nga fadromat e Inspektoratit të Mbrojtjes së Territorit në lagjet ” 8 Shkurti” dhe “29 Nëntori”.

Pjesa më e madhe prej tyre ishin dyqane, mure rrethuese, ballkone me strehë dhe parkime të improvizuara pa leje.

Aksioni i nisur dy jave më pare mbështetet edhe nga qytetaret, të cilët kanë bërë denoncime të shumta në portalin qeveritar për zaptimin e hapësirave publike.

Aktualisht puna për lirimin e hapësirave publike është përqendruar në brendësi të lagjeve të qytetit, duke prishur objekte pa leje dhe liruar hapësirat mes pallateve. Gjithashtu janë liruar rreth 2500 metra katrorë, duke hequr vazo betoni, tabela apo goma, të vendosura në mënyrë të paligjshme.

/abcnews.al/

Vijon puna për Tatrin e ri Kombëtar. Kryeministri Edi Rama ka ndarë pamjet në Facebook, ndërsa shprehet se çdo ditë po punohet për t’i dhënë jetë një godine që sipas tij do të jetë një tjetër vepër arkitektonike e Tiranës dhe ikonë e artit dhe kulturës.

“Kantieri i Teatrit të Ri Kombëtar, ku punohet çdo ditë për t’i dhënë jetë një godine që do të jetë një tjetër vepër arkitektonike mbresëlënëse e Tiranës dhe ikonë e artit dhe kulturës mu në zemër të kryeqytetit”, shkruan Rama.

Një turiste e cila ishte duke fluturuar me parashutë ka humbur kontrollin dhe është përplasur në Lungomare.

Në vendin e ngjarjes ka mbërritur menjëherë policia dhe ambulanca. Turistja është transportuar drejt Spitalit të Vlorës.

Mësohet se ka përplasja ka marrë dëmtime të lehta.

Janë orë vendimtare për të ardhmen e Kristjan Asllanit. Mesfushori i kombëtares kuqezi do të largohet nga Inter, ndërsa pritet të vazhdojë karrierën në Serie A me Bologna.

Mediat italiane flasin për një përshpejtim të tratativave mes klubit emilian dhe atij zikaltër, ndërsa marrëveshja është shumë pranë.

Vetë Asllani ka gjetur akordin me Bologna, që është prezantuar me një ofertë zyrtare, e cila përfshin një formulë huazimi me të drejtë blerjen në fund të sezonit.

Inter nuk është kundër, por kërkon të vendosë një klauzolë me detyrim blerje të kartonit të futbollistit shqiptar.

Po ashtu, palët kanë ndasi edhe për vlerën e kartonit të futbollistit 23 vjeçar. Inter kërkon jo më pak se 15 milion euro, ndërsa Bolonja shpreson që të ulë këto pretendime.

Gjithsesi, duke qëndruar në atë që raportojnë mediat përtej Adriatikut, pritet që klubet të takohen në një pikë të mesme dhe akordi është çështje orësh.

Transferimi te Bologna mund të rezultojë një zgjedhje e duhur për Kristian Asllanin. Pasi luajti titullar në katër ndeshjet e Botërorit për Klube, me afrimin e sezonit të ri, futbollisti kuqezi ka kuptuar se nuk do të ketë hapësira në të ardhmen, pasi në miqësoret e fundit ka luajtur vetëm pak minuta.

Të skuadra tjetër italiane, mesfushori do të ketë më shumë hapësira për të kthyer sërish në ngjitje karrierën e tij.

Kapet në fshatin Papër dhe arrestohet me qëllim ekstradimin, një 41-vjeçar i shpallur në kërkim ndërkombëtar nga autoritetet spanjolle, për kultivim të bimëve narkotike dhe vjedhje të energjisë elektrike.

Shërbimet e Policisë Rrugore, në bashkëpunim me specialistët e Seksionit për Hetimin e Trafiqeve dhe Narkotikëve, të DVP Elbasan, bazuar në informacionet e shkëmbyera me Interpol Tiranën,  kapën në rrugën e fshatit Papër, ndërkohë që qarkullonte me automjet, dhe arrestuan shtetasin E. B., 41 vjeç.

Ky shtetas ishte shpallur në kërkim ndërkombëtar pasi Gjykata e Sabadellit, Spanjë, më datë 30.06.2025, ka lëshuar urdhër arresti, për veprat penale “Kultivimi i bimëve narkotike” dhe “Vjedhja e energjisë elektrike”.

Interpol Tirana, në bashkëpunim me homologët në Spanjë, do të kryejë procedurat për ekstradimin e shtetasit E. B.

Viti i ri shkollor 2025-2026 do të nisë në 8 shtator për arsimin bazë dhe arsimin e mesëm të lartë.

Lajmin e bëri sot të ditur ministrja e Arsimit dhe Sportit, Ogerta Manastirliu, e cila ndau disa informacione të rëndësishme për vitin e ri shkollor 2025-2026.

Manastirliu informoi se për maturantët e klasave të 12-a viti shkollor do të përfundojë në 29 maj 2026.

Ministrja publikoi po ashtu edhe kalendarin e pushimeve të dimrit për arsimin bazë dhe arsimin e mesëm të lartë, i cili do të jetë nga data 22 dhjetor 2025, deri në 2 janar 2026.

Ndërsa pushimet e pranverës për arsimin bazë janë në periudhën 30 mars deri në 3 prill 2026.

Provimet kombëtare për klasat e 9-a të arsimit bazë do të zhvillohen gjatë periudhës 15-26 qershor 2026, ndërsa Matura Shtetërore në periudhën 1-26 qershor 2026.

Ministrja Manastirliu informoi se regjistrimet online në “e-Albania” për klasat e para dhe të dhjeta vijojnë deri në 31 gusht.

Edhe këtë vit librat do të shpërndahen falas para fillimit të shkollës. “Shkolla do të afishojë listën e librave dhe do të njoftojë datat dhe vendin e shpërndarjes”, theksoi Manastirliu.

Në pritje të Serie A, Milan hapi zyrtarisht sezonin në Kupën e Italisë.

Skuadra kuqezi shpërbleu parashikimet me fitoren 2-0 kundër Barit, që e kualifikon në raundin e dytë të turneut.

Pavarësisht suksesit, 70 mijë tifozët e pranishëm në stadiumin “San Siro” morën sinjale pozitive thuajse nga të gjithë yjet e tyre, duke ndezur shpresat për një sezon tjetër nga ai i fundit I dështuar.

Rafael Leao shënoi golin e epërsisë në minutën e 14-të, por menjëherë pas festës, portugezi la fushën për një dëmtim në pulpë.

Edhe pas avantazhit, Milan dominoi me lojë dhe raste, por golin e qetësisë e gjeti vetëm në nisje të pjesës së dytë.

Në minutën e 48-të ishte Pulisik që dyfishoi shifrat dhe vulosi kualifikimin e skuadrës kuqezi në raundin e dytë të Kupës së Italisë.

Përveç fitores dhe golave, Milan shijoi edhe klasin e lojtarëve të transferuar në merkaton e verës si Jashari dhe Modriç.

Të dy bënë debutimin në “San Siro” duke fituar menjëherë zemrat e  tifozëve, që duan të harrojnë sa më shpejt zhgënjimin në edicionin e fundit.

Ministria e Mbrojtjes ka përditësuar të dhënat lidhur me situatën e zjarreve në vend. Gjatë orëve të fundit, janë evidentuar gjithsej 23 vatra zjarri në territorin shqiptar. 16 prej këtyre vatrave janë shuar, ndërsa 4 të tjera janë ende aktive. Gjithashtu 3 vatra të tjera janë në monitorim nga autoritetet.

Vatra të shuara plotësisht:

Janë izoluar dhe shuar zjarret në Gramsh (Teqeja e Dushkut, Mali i Kushovës), Vlorë (në afërsi të hangarëve të avionëve), Skrapar (Osnat), Përmet, Durrës (Gjuricaj dhe Shënavlash), Krujë (Virjon dhe afër Fabrikës së Çimentos), Memaliaj, Shkodër (Prekal dhe Mali Kolaj), Patos, Delvinë, Elbasan (Shushicë).

Vatra aktive dhe në monitorim:

o Bashkia Bulqizë, fshati Tërnovë: dy vatra zjarri me zhvillime në zonën e Liqenit të Zi dhe në Valikardhë, ku vijon ndërhyrja nga forcat zjarrfikëse, pyjore dhe bashkiake.

o Bashkia Bulqizë, fshati Val: vatra me zhvillime të pakta, aktualisht në monitorim nga njësia administrative dhe banorët.

o Bashkia Fushë Arrëz, fshatrat Xeth, Kolumri dhe Trun: disa vatra jashtë kontrollit, me terren të thyer e të vështirë. Në terren janë angazhuar strukturat vendore dhe 50 forca të Forcave të Armatosura me një mjet zjarrfikës.

o Fshatrat Damjan-Fortuzaj (Vaqarr) dhe Pezë Helmës: zjarret janë minimizuar, por mbahen nën mbikëqyrje.

o Fshati Ibë, njësia Bërzhitë: vatër në terren të vështirë, pa rrezik për banesa, nën vëzhgim të MZSH dhe APR.

o Bashkia Kolonjë, Parku Natyror i Gërmenjit: zjarri vijon të përhapet drejt kufirit, me angazhim të forcave zjarrfikëse, pyjore, të AdZM, bashkisë dhe 30 ushtarëve të repartit ushtarak të Drenovës. (Aktiv)

o Bashkia Delvinë, Parku i Rëzomës, pranë tunelit të Skërficës: një vatër nën mbikëqyrje të strukturave vendore të mbrojtjes civile.

Agjencia Kombëtare e Mbrojtjes Civile, në bashkëpunim me Forcat e Armatosura, shërbimet zjarrfikëse, strukturat vendore dhe banorët e zonave të prekura, po vijon punën për neutralizimin e plotë të vatrave të mbetura dhe për mbrojtjen e komuniteteve.

Ish-kryeministri Sali Berisha është paraqitur këtë të hënë në SPAK, në zbatim të masës “detyrim paraqitjeje” për aferën Partizani.

Ish kryeministri Sali Berisha akuzohet nga prokuroria e posaçme se ka nxjerrë akte nën ligjore për ti ardhur në ndihmë dhëndrit të tij Jamarbër Malltezi për të përfituar pronën në ish-kompleksin Partizani, por në kundërshti me ligjin.

Read More...

Read More...