Eksperti i kriminalistikës, Ervin Karamuço thotë se vizitat e amerikanëve në SPAK, apo diplomatëve të tjerë të huaj, janë pasuar me arrestime të mëdha.

Në emisionin “Real Story” në ABC News, Karamuço u shpreh se mbështetja e SHBA ndaj SPAK nuk do të përfundojë.

“Vizitat e herë pas hershme të diplomatëve, gjithmonë pasohen nga një arrestim i madh. Na kanë ndodhur herë pas herë, kur ka shkuar anglezi, amerikanët na kanë dalë përshtypjet. Është si një mesazh mbështetjeje. Nga ana tjetër, po zhvillohet debat për drejtuesin e ri të BKH. Amerika ka dhënë kontribut, edhe në testimet e para, trajnimet që ka pasur. Sot ishte testi fizik, në repartin e RENEA-s, u zhvilluan që në mëngjes. Është reduktuar në përgjithësi mbështetja, por mbështetja nuk ka për të përfunduar ata. Është një mesazh që ti dërgon, që ata janë mbrapa gjithmonë dhe nuk ikin.”, theksoi ai./abcnews.al

Eksperti i kriminalistikës, Ervin Karamuço thotë se përgjime ambientale diktuan paligjshmërinë, në lidhje me zaptimin e hapësirës publike nga biznese private.

Në emisionin “Real Story” në ABC News, Karamuço u shpreh se persona përgjegjës për territorin, u thonin pronarëve të bizneseve se gjërat do të rregullohen me vonë.

Karamuço shtoi se personat që kanë marrë ryshfet duhet të shkojnë në burg.

“Ka përgjime ambientale gjatë këtyre 72 orëve, ku persona përgjegjës me autoritet shtetëror që duhet ta kishin kontrolluar me kohë këtë territor, u justifikohen këtyre operatorëve të paligjshëm, me faktin që tani kjo është vendimmarrje e kryeministrit, do na e bëni hallall, por do rregullohet më vonë. Pastaj, këta persona i gjen në shpurën e ministrave që shkojnë në disa prej qyteteve dhe evidentojnë zonat, dhe janë të zverdhur, kanë marrë lekët. Ne kemi masën e parë, ndaj biznesit të paligjshëm, por duhet të heqim shpurën mbrapa që kanë dy paga, një në shtet dhe një në privat. Disa prej tyre duhet të shkojnë në burg. Ne duhet t’i heqim nga administrata zgjedhore. Duke i pasur si numërues, deputetët i promovojnë. Nëse shmanget, është një nga gjërat, që politika dhe vendimmarrja bëhet më e qëndrueshme. Nuk duhet të bëjmë fushata. Këta pronarët e lokaleve të shohin në sy, a e keni seriozisht? Ai shkon e prish në drekë dhe në darkë me pronarin, shohin se si do e bëjnë. Kjo duhet të përfundojë një herë e mirë.”, theksoi ai./abcnews.al

“SPAK ka ‘gjunjëzuar’ shumë banda kriminale, por ka të tjera që ende nuk njihen!” Këtë tha profesori i kriminologjisë, Ervin Karamuço në emisionin “360 Gradë” duke shtuar se kjo është një sfidë për Gjykatën e Posaçme.

Sipas tij janë zbardhur vetëm ngjarje, që kanë ndodhur deri në mars të 2021.

“Edhe në Shkodër ka emra të rinj, që do t’i marrim vesh kur të fillojnë bëmat e reja! Edhe për Lezhën, Kukësin, janë disa zona që nuk i kemi llogaritur, por na dalin që kanë aktivitet. Kemi Rrëshenin, Dibrën, kemi Korçën që vijnë të dhëna nga policia greke, që thotë kalojnë kokainë, kalojnë heroinë. Kush grup i ka në posedim? Janë disa grupe që kanë punuar nën rrogoz, me vitrinën e bizneseve të tyre të ligjshme! E s’kanë rënë në sy. Këtu është puna e SPAK, të luftojë dhe këta që s’bien në sy se janë të rrezikshëm,” sqaroi Ervin Karamuço.

Ai shtoi se SPAK ka kapacitete dhe mjetet që të zbulojë figurat e reja të krimit.

Ndërsa gazetarja, Anduena Llabani sqaroi se teknologjia po sofistikon grupet kriminale. Shumë nga ta shtoi gazetarja, janë ndarë në nëngrupe për shkak të eliminimit të krerëve.

Ajo bëri të ditur se janë të shpërndarë në Durrës, Tiranë, Elbasan, Vlorë dhe se mes tyre ka konflikte të brendshme, që jo në pak raste kanë kryer ekzekutime mafioze.

“Grupet janë prekur nga SPAK, por kanë ende ndikime në zonat ku kanë vepruar. Rrënjët e tyre janë shumë të thella,” përfundon Llabani.

/abcnews.al/

Në një kohë tensionesh gjeopolitike globale dhe me luftërat ne Europën Lindore dhe Lindjen e Mesme, presidenti i Serbisë Aleksandër Vuçiç në një deklaratë të bërë disa ditë më parë, tha se forcat ushtarake të vendit të tij ndodhen në pozitën e tyre me të fuqishme.

Ai deklaroi se shumë nga blerjet ushtarake të viteve të fundit janë bërë në mënyrë konfidenciale dhe vetëm një rreth shumë i kufizuar individësh është në dijeni të plotë për to, duke sinjalizuar kështu forcimin e mëtejshëm të ushtrisë serbe.

Eksperti i Kriminalistikës, Ervin Karamuço, foli për këtë çështje në emisionin “ABC e Mëngjesit” në ABC News. Ai tha se Serbia ka blerë shumë armë sekrete.

Gjatë një parade të madhe në shtator, ushtria do tregojë armët që posedon.

“Serbia ka blerë shumë armë sekrete, edhe serbët vetë do të habiten nga sasia. Vetëm pesë persona e dinë e çfarë armësh janë marrë”, tha mes të tjerash Karamuço.

Kujtojmë se presidenti serb, gjithashtu pati deklaruar se Beogradi zyrtar duhet të mbrohet dhe shembull për diçka të tillë mori marrëveshjen rajonale mes Shqipërisë, Kosovës dhe Kroacisë në fushën e mbrojtjes.

Gjithashtu Karamuço u ndal edhe tek deklaratat e presidentit amerikan Donald Trump, lidhur me dialogun mes Serbisë dhe Kosovës.

Presidenti Trump më herët deklaroi se gjatë mandatit të tij të parë presidencial, Kosova dhe Serbia ishin “duke shkuar drejt një përplasje të ashpër” dhe ishte gati shpërthimi i një lufte, por sipas asaj që shkroi në rrjete sociale, theksoi se ishte ai që e ndaloi atë, duke e akuzuar pasardhësin e tij, ish-presidentin Joe Biden, se kishte “ka dëmtuar perspektivën afatgjatë me disa vendime shumë të pakuptimta”.

/abcnews.al/

Faqja e bashkisë së Tiranës, Tirana.al, u sulmua të premten nga një grup hakerash, duke e bërë të pa mundur aksesimin online.

Sulmi në fjalë është marrë përsipër nga rrjeti iranian i hakerave “Homeland Justice”, të cilët janë përgjegjës edhe për sulmin që iu bënë institucioneve shqiptare online në vitin 2022.

Në një intervistë në “Tirana Live” në ABC News, eksperti i Kriminalistikës, Ervin Karamuço, tha se sipas tij këto nuk janë sulem që vijnë drejtpërdrejt nga Irani. Karamuço, u shpreh se këto sulme, vijnë nga brenda vendit. Megjithatë u mbetet hetimeve të zbardhin më me detaje rastin.

“Nuk janë sulme që vijnë drejtpërdrejt nga Irani, por që vijnë nga brenda vendit. Janë ene në hetim. Ka pasur dyshime të vazhdueshme      që kjo nuk është faqe autentike e atyre që ne na sulmuan në atë kohë”, tha ai.

/abcnews.al/

Ervis Daka, Maksim Koçi dhe Aldo Xhika, tre miq të Talo Çelës u ekstraduan një natë më parë nga Dubai.

Eksperti Ervin Karamuço, në një intervistë në “Tirana Live”, në ABC News tha se do të ketë deportime të tjera dhe se nuk ka të bëjë me ekstradime, por deportime.

Ai nënvizoi se kjo nuk po bëhet vetëm për shqiptarët, por edhe për gjithë rajonin. Gjithashtu shtoi se ka informacion se një nga të ekstraduarit, mund të kthehet në bashkëpunëtor i drejtësisë.

“Ka një informacion të pakonfirmuar që njëri prej tyre që ka ardhur mund të kthehet në bashkëpunëtor të drejtësisë. Ende nuk është konfirmuar, dhe kjo mbetet të shihet në vijim. Pra mund të themi që ka një person që ka shprehur dëshirën për të folur. Ai mund të ndihmojë hetimet dhe pse jo mund të jetë komplementar. Këto i bëjnë mirë procesit. Deri tani nuk ka asnjë informacion për Talo Celën, nuk dihet deri më sot fati i tij”, tha ai.

/abcnews.al/

Të shtëna me armë zjarri u raportuan në orët e para të mëngjesit të kësaj të premteje, në një lokal në Fushë Krujë. Pronari i lokalit rezultoi të jetë Mond Voga, i cili ka qenë ish-shoferi i Arjan Ndojës, të cilit iu bë atentat në vitin 2019, në një kohë kur ishte prokuror.

Sipas ekspertit të Kriminalistikës, Ervin Karamuço, kjo ngjarja është një mesazh që kanë tentuar të japin autorët.

“Nga rrethanat në vendngjarja ajo është vetëm për kërcënim, shantazh. Apo për të dhënë një mesazh. Ngjarja me avokatin mendoj që është shumë larg dhe nuk ka lidhje me atë ngjarje. Mund të ketë lidhje me ngjarje që janë më të freskëta. Pasi avokati Ilia, ka pasur problemet që ka pasur dhe drejtësia është marrë. E mira është të mos vendosim një paralele sepse mendoj që janë gjëra që nuk kanë lidhje me njëra tjetrën”, tha ai.

Po ashtu theksoi se kjo ngjarje sipas tij mund të ketë në problematiken e saj situata që i përkasin individit.

“Nuk mendoj se kjo ka lidhje me zotin Ndoja. Por me probleme që lidhen me zonën, pasurinë dhe që i përkasin ati si individ. Pra duhet të jetë fokusi më shumë tek kjo pjesë. Në lidhje me motivet duhet të flasë vetë i shënjestruari, por në të tilla ngjarje duhet të shihen kamerat e sigurisë, gëzhojat, në vendngjarje, të dhëna nga dëshmitarë të ndryshëm. Janë shumë veprime që po ndërmerren nga ana e grupit hetimor”, tha më tej ai.

/abcnews.al/

Eksperti i kriminalistikës, Ervin Karamuço, ka ngritur alarmin për një krizë të thellë besimi në drejtësi, duke deklaruar në emisionin “Real Story” se “97-98% e shtetasve vuajnë ende simptomat e rënda që nuk i zgjidhi dot reforma në drejtësi”.

Ai theksoi se, ndonëse SPAK po bën një punë të mirë, nuk mund të mjaftohemi me hetime nga platformat Sky ECC dhe Enco Chat, ndërkohë që gjyqtarë e prokurorë “marrin lekë ditën për diell”.

Karamuço paralajmëroi se kalimi i vetting-ut po keqinterpretohet si një formë imuniteti nga disa funksionarë të korruptuar, të cilët po “kalbin sistemin” dhe po rrënojnë çdo shpresë të qytetarëve te drejtësia.

“Sigurisht që nuk i mohohet puna e mirë SPAK-ut, por ashtu siç e përmendën edhe kolegët vetëm 2-3% e dhënies së drejtësisë, përfshirë Gjykatën e Posaçme dhe Prokurorinë përgjigjen për shtetasin, gati 97-98% vuajnë këto simptomat e rënda që nuk i zgjidhi dot reforma në drejtësi.

Kemi nga ata që kanë kaluar ‘vetting-un’ dhe po korruptohen më shumë nga sa janë korruptuar më përpara, sepse mendojnë se kalimi i ‘vetting-ut’ është një imunitet që nuk më hyn më asnjë gjemb në këmbë edhe kjo duhet parë.

Sepse SPAK po shikon vetëm këto Sky ECC dhe Enco Chat, ku del ndonjë gjyqtarë, ndonjë prokuror. Por ke sot gjyqtarë dhe prokurorë që të marrin ‘ditën për diell’ lekë. Këtyre çfarë do u bësh?! Sepse këta po kalbin dhe po humbin besimin e qytetarëve”, tha Karamuço./abcnews.al

Eksperti i kriminalistikës, Ervin Karamuço, në emisionin “Real Story” në ABC News, komentoi mbi ngadalësimin e proceseve hetimore dhe sfidat në zbatimin e reformës në drejtësi, duke reflektuar shqetësimet e ngritura edhe në raportin e fundit të Komisionit Europian për Shqipërinë. Raport i cili nga njëra anë  lavdëroi punën e SPAK, por nga ana tjetër kritikoi sistemin në KLP dhe në KLGJ.

Sipas Karamuços, pas një periudhe të karakterizuar nga arrestime dhe operacione të mëdha, ka një ngecje të dukshme, veçanërisht që nga muaji shkurt, e cila u thellua gjatë fushatës zgjedhore, ndonëse ishte premtuar e kundërta.

Ai theksoi se ende mungon një qasje efektive për hetimin e krimeve zgjedhore dhe kërkoi mënyra të reja për përgjim në kohë reale, ndërsa nënvizoi se problemi nuk qëndron vetëm te institucionet, por edhe te infrastruktura e munguar dhe pengesat strukturore që kanë sjellë një ngërç në funksionimin e drejtësisë.

“Ka humbur pak atë që ne herë pa here ishim mësuar që ne të kishim arrestime apo operacione të mëdha, ka ngecur në disa gjëra, por mendoj se do të dalin edhe ato nga vera. Do të zëvendësojnë kohën që nuk pati lëvizje, sidomos nga shkurti.

Thanë që nuk do të ndalohemi as një fushatë dhe as në zgjedhje, dhe ndodhi krejt e kundërti e cila më pas u cilësua si një heshtje zgjedhore. Gazetarët shpesh thonë se do të ketë arrestime për krimet zgjedhore, por unë ende nuk shikoj dritë në fund të tunelit.  Duhet gjetur një gjejnë mënyra të reja për të përgjuar bisedat në kohë reale. Duhet të ecin më shumë përpara.

Ka një çështje që duhen zgjidhur, pasi ne po shikojmë që disa gjëra nuk po ecin në reformën në drejtësi. Kemi probleme edhe infrastrukturore, të drejtësisë së munguar që kanë çuar në ngërç, duhet të kompromis”, tha Karamuço./abcnews.al

Eksperti i Kriminalistikës Ervin Karamuço, në një intervistë në emisionin “Real Story” në ABC News, u ndal te pretendimet dhe akuzat e pretenduara nga opozita për manipulim masiv të zgjedhjeve, që e quajnë “tren bullgar”.

Gjatë fjalës së tij, Karamuço shpjegoi se të realizosh këtë formë të manipulimit masiv nuk është e thjeshtë, dhe është e pamundur në një qendër votimi, ndërsa nënvizoi se në rast se do të kishte një situatë të tillë “tren bullgar” do të kishte prova pa fund.

“Nuk është e lehtë të realizosh trenin bullgar. Ky proces nuk bëhet pa mbyllur sytë komisionerët dhe vëzhguesit sepse të gjitha lëvizjet mund të sillnin dyshim dhe kjo histori do prodhonte prova pa fund. U kap në Bullgari sepse u bë trashë…Këta që flasin për këtë trenin bullgar, para shumë vitesh janë marrë me varrezat…Janë të njëjtët njerëz që sot flasin për trenin bullgar, kjo bëhet për shtyrje numërimi dhe njëlloj heshtje për ta çuar vendin që në javën e parë të shtatorit të kemi zgjedhje të parakohshme vendore.

Nga ana tjetër analisti Arben Meçe po ashtu tha se është e pamundur që “treni bullgar” të jetë realizuar, duke shtuar se edhe telefoni nuk lejohej të nxirrej.

“Sot është e pamundur për të rast sepse edhe telefonin nuk e nxjerr dot. Dhe tjetra kur ky është veprim masiv, dhe del zbuluar. Një gjë të tillë duhet ta harrojnë”, tha ai.

Çështja e karteleve dhe e organizatave kriminale ka fituar gjithnjë e më shumë vëmendje në diskursin publik shqiptar, veçanërisht në dritën e zhvillimeve të fundit që përfshijnë bashkëpunimin ndërkombëtar në luftën kundër krimit të organizuar.

Në emisionin “360 Gradë” në ABC News, eksperti i sigurisë Ervin Karamuço sqaroi dallimet mes koncepteve të “kartelit”, “mafies” dhe organizatave të strukturuara kriminale, duke theksuar boshllëqet në legjislacionin penal shqiptar për sa i përket përcaktimit të këtyre fenomeneve.

Sipas tij, termi “kartel” shpeshherë përdoret në mënyrë të gabuar, si nga politika, ashtu edhe nga media, ndërkohë që në realitet lidhet me një strukturë shumë të sofistikuar kriminale që kontrollon të gjithë zinxhirin e trafikut të drogës nga prodhimi te shpërndarja. Karamuço thekson nevojën për një qasje më të qartë dhe më të kujdesshme, bazuar në elementë konkretë ligjorë dhe strukturorë, për të mos rënë në kurthin e përdorimit të termave të fortë për qëllime politike apo emocionale.

“Karteli është një organizatë kriminale, ose një grup organizatash kriminale të cilat quhen kartel, sepse vendosin çmimet e tregut. Të vendosësh çmimet do të thotë që ti je kultivues, më pas je edhe shitës, më pas mund të trafikosh transportin deri dhe shpërndarjen. Ndërkohë që ne nuk kemi të parashikuar në legjislacionin tonë penal asnjërën prej tyre, qoftë mafia që na thonë italianët, qoftë kartele që na thonë politikanët tanë, ose ndonjë politikan tjetër i Evropës.

Pra nuk janë në legjislacionin tonë, edhe në disa vende të Amerikës Latine nuk cilësohet si kartel. Kartel ka marrë këtë lloj emërtese vetëm nga ata lloj individësh me precedencë penale, të cilët kanë në dispozicion në kultivimin e tyre e bimëve. Edhe pse në operacionin “Ura” u përmend nga autoritet italiane, si mafia, ato janë në masa grup i strukturuar, pra një shkallë më poshtë. Pra ne duhet të jemi shumë të kujdesshëm që të përcaktojmë saktë, përmes këtyre elementëve dhe përmes këtyre strukturave që kanë këto organizata. Lideri i opozitës flet politikisht.

Organizata terroriste është njehsuar me kartelet sipas Trump. Organizatë terroriste është ajo që jo vetëm merret me tregtinë e paligjshme të drogës, por cenon struktura qeveritare për të arritur qëllimin për të stabilizuar një rend juridik shoqëror për të krijuar panik në popullsi dhe për të krijuar akte të rënda sabotazhi”, tha Karamuço./abcnews.al

Eksperti i kriminalistikës Ervin Karamuço ishte i ftuar në emisionin “NOW me Erla Mëhillin”, ku foli për luftën mes Rusisë dhe Ukrainës.

Ai u ndal te roli i SHBA-së dhe u shpreh se gjendja është e tensionuar jo vetëm mes Rusisë dhe Ukrainës por ka një situatë të rëndë dhe në Lindjen e Mesme, në konfliktin Izrael-Gaza dhe çështjen e armëve bërthamore të Iranit.

Sipas Karamuços, iranianët nuk po pranojnë propozimin amerikan për armët bërthamore dhe kjo ka bërë që Trump të diskutojë me Putinin një plan për goditjen e Iranit, për shkak të mospranimit të lësaj marrëveshje.

“Shikoni çfarë ndodhi sot, Trump diskutonte me Putinin dhe në njëfarë mënyre po koordinonin për Iranin. Ai tha se nuk do ta lejojë që Irani të ketë arsenal bërthamor. Kjo tregon se mund të ketë një plan tjetër për Iranin dhe një goditje ndaj tij, sepse iranianët nuk janë dakord me propozimin amerikan. Deri dje Trump i mbante dorën Izraelit që mos ta godiste Iranin, sepse kishte shpresë për marrëveshje dhe koordinim me Rusinë. Por tani situata është më komplekse, pasi Irani po bëhet një superfuqi bërthamore”, tha Karamuço.

LEXONI GJITHASHTU:

• Koloneli Demiraj: Shqetësimi më i madh për SHBA-në është Kina, jo Rusia
• Mbi 1.5 milionë pelegrinë nisin Haxhin nën temperatura ekstremisht të larta

The post Armët bërthamore, Karamuço: Trumpi po bashkëpunon me Putinin për të goditur Iranin appeared first on Euronews Albania.

I ftuar në “NOW me Erla Mëhillin”, eksperti i kriminalistikës Ervin Karamuço foli në lidhje me sulmin me dron të Ukrainës ndaj avionëve rusë ku shpjegoi se si hynë në territorin rus dhe mënyrën si u kamufluan.

Sipas tij, ato u futën në çatitë e disa strukturave prej druri, duke u fshehur në pjesët e sipërme të tyre ndërsa tha se shërbimi sekret ukrainas ka pasur rolin kryesor në këtë operacion.

Ai tha se këto shtëpi druri me dronët në çati janë afruar pranë bazave ajrore, duke sulmuar pesë prej tyre, por vetëm në njërën arritën të shkaktonin dëme.

“Dronët janë futur në Rusi ng disa çati druri të kabinave portative. Duke qenë se atje ka transport tregtar nga zonat e pushtuara nga rusët – importe dhe eksporte – është infiltruar SBU, shërbimi sekret ukrainas. Janë futur në çati dronët, në këto vila të vogla, brenda kamionëve, në pjesët e sipërme të tyre është bërë një hapësirë e modifikuar ku janë stivosur. Janë sulmuar pesë baza njëkohësisht, me një urdhër të koordinuar, por vetëm në njërën prej tyre kanë shkaktuar dëme. Efekti i tyre është shumë i madh, sepse të futesh në brendësi të tokës ruse është tipik operacion sabotazhi i shërbimeve sekrete. Këto priten dhe mund të ndodhin edhe në vazhdim, siç ndodhi dhe me urën e Krimesë”, tha Karamuço.

Ai tha gjithashtu se ndoshta në këtë operacion ka pasur edhe asistencë nga vënde të NATO-s, ndërsa shtoi se përgjigja ruse ndaj Ukrainës pritet të jetë me bombardime, pasi, sipas tij, “vetëm këtë opsion përdor më shumë” Rusia.

“Mbase në këtë operacion ka pasur dhe asistencë nga vende të NATO-s, të cilat janë të interesuara për t’i dhënë një mesazh Putinit, për t’i thënë se ‘ne vijmë edhe në thellësi të territorit tënd’. E mbani mend dronin që shpërtheu mbi Kremlin? Janë si promemorie – që të tregojnë se do të kesh problem. Është e pashpjegueshme si e thyen sistemin e mbrojtjes ruse, por ata gjithmonë bëjnë plane në kuadrin e sabotazhit. Mendoj se do të fillojë një breshëri e madhe ushtarake me bombardime, si kundërpërgjigje e rusëve, sepse vetëm këtë dinë të bëjnë në Ukrainë”, tha Karamuço.

LEXONI GJITHASHTU:

• “Ukraina nuk veproi vetëm”, koloneli: Ja kush e realizoi sulmin ndaj Rusisë
• Në fokus lufta në Ukrainë, Putin zhvillon bisedën e parë telefonike me Papa Leon XIV

The post Eksperti i kriminalistikës tregon si u futën dronët në brendësi të territorit rus appeared first on Euronews Albania.

Profesori i kriminalistikës, Ervin Karamuço thotë se në Shqipëri dhe Kosovë, ka çdo ditë ndikim rus.

Në emisionin “360 gradë” në ABC News, Karamuço u shpreh se nuk mund të konceptohet Serbia në Ballkan, pa Rusinë.

“Ne kemi këtu, kemi pasur shoqata kulturore, kemi shumë bursa, kam qenë shumë herë në universitetin e Moskës. Ata numëronin sa studentë ishim. Ne kemi pasur më shumë në shkenca ekzakte. Pa fillluar konfliktet. Ne kemi çdo ditë ndikim rus. Ka sulme të mirëfillta, të shpëlarjes së trurit tonë. Kemi pasur një celulë, para dy a tre muajsh, në Prishtinë. Ishin të BIA-s. Këto janë gjërat që ne duhet të presim. Ka zgjatime rus, armatimet që u analizuan ishin ruse. Nuk mund ta kuptojmë dot Serbinë pa Rusinë në Ballkan”, theksoi ai./abcnews.al

Eksperti i kriminalistikës, Ervin Karamuço, ishte i ftuar në emisionin “NOW me Erla Mëhillin”, ku foli për goditjen e fundit të autoriteteve italiane dhe SPAK-ut ndaj një organizate shqiptare që vepronte në Itali në trafikun e drogës.

Duke komentuar për grupet e fuqishme kriminale Karamuço tha se grupet shqiptare më të rrezikshme nuk ndodhen fare në Shqipëri, por janë në lindjen e mesme.

“Grupet më të rrezikshme shqiptare nuk janë fare në Shqipëri. Janë grupe të përziera, mikse transnacionale, në kuadrin e globalizmit. Shtëpinë e kanë në Lindjen e Mesme, mallin e kanë në Ekuador, pritësit i kanë në Europë, aq sa i takon për mallin dhe pastaj shperndarjen. Më pas vijnë dhe investojnë në ndonjë hotel e lokal. Por këto, si kap dot ti Erla, domethënë shteti nuk i kap dot këto”, shpjegoi Karamuço.

LEXONI GJITHASHTU:

• “Shqiptarët s’janë bosët e drogës”, eksperti: Pala italiane nuk tregon realitetin
• “Ashensori i brendshëm lidhte 2 apartamentet”, gazetarja: Si shkoi SPAK te Veliaj

The post Karamuço: Grupet më të rrezikshme shqiptare e kanë “shtëpinë” në Lindjen e Mesme appeared first on Euronews Albania.

I ftuar në “NOW me Erla Mëhillin”, eksperti i kriminalistikës, Ervin Karamuço, komentoi lidhur me goditjen e fundit nga autoritetet italiane dhe SPAK ndaj një organizate shqiptare që vepronte në Itali në trafikun e drogës.

Karamuço shpjegoi hetimin e kryer nga pala italiane, duke sqaruar se veprimtaria e këtij grupi, sipas dokumenteve hetimore, është zhvilluar vetëm në territorin italian.

Ai u shpreh kritik ndaj prokurorëve dhe autoriteteve italiane, duke theksuar se “e fryjnë rolin e shqiptarëve, ndërkohë që ata në realitet nuk mund të krahasohen me organizata të mëdha si “Camorra” apo “Ndrangheta”.

Sipas tij, është e pavend të flitet për një “mafia shqiptare”, duke thënë se një term i tillë ushqehet nga ksenofobia dhe perceptimi i gabuar i realitetit kriminal.

“Shqiptarët janë grupe ‘proxy’, nënkontraktorë të italianëve – thjesht një vitrinë. Ne na përdorin ata që janë në radarët e organeve ligjzbatuese italiane për të shmangur vëmendjen, dhe vendosin përpara shqiptarët. Është pikërisht ‘Ndrangheta’ që na ka prezantuar me rrjetet në Ekuador, duke thënë: ‘Këta janë bashkëpunëtorët tanë, vazhdoni punën me ta. “Ndrangheta” të vë në punë dhe ti përfiton aq sa të takon si shqiptar që je i besuar dhe kontribuon në këtë trafik. Si mund të thuash që shqiptarët kanë pushtuar portet e Belgjikës apo sheshet e Romës? Të lë “Ndrangheta” apo “Camorra” të pushtosh Romën? Ku të lënë ata? E gjithë kjo që po quhet “mafia shqiptare” është ksenofobi. Ky term që përdorin disa prokurorë italianë nuk na takon, nuk e meritojmë. Nuk kemi asnjë atribut të një familjeje mafioze. Kemi grupe të strukturuara kriminale, ndoshta deri në organizatë, por jo mafie. Asnjëherë. Na fryjnë rolin në mënyrë të qëllimshme, për të na paraqitur më të rrezikshëm nga sa jemi në realitet”, tha Karamuço.

Në lidhje me hetimin, Karamuço konfirmoi se gjithçka ka nisur nga të dhënat e siguruara përmes aplikacioneve të komunikimit të enkriptuar, si Sky dhe EncroChat ndërsa theksoi se pjesa më e madhe e punës hetimore është bërë në Itali.

“Ky hetim ka filluar me të dhëna nga Sky dhe Encro si indicie, dhe nga këto indicie janë zhvilluar më tej hetimet. Pyetja që ngrihet është nëse ky krim vazhdon ende të ndodhë; nëse po, atëherë hetimet do të vazhdojnë. Këto hetime kanë qenë shumë komplekse dhe janë shtrirë nga Amerika Latine deri në Shqipëri, ku edhe ne kemi marrë detyra konkrete për hetimin.Megjithatë, pjesa më e madhe e hetimit është zhvilluar në Itali, sepse aktiviteti kryesor i grupit ishte aty. Në dosjen që kam në zotërim, që përmban rreth 1,400 faqe, flitet vetëm për territorin italian. Kjo paraqet një kontradiktë në raport me pohimet e prokurorëve italiane, që thonë se kanë ndjekur paratë deri në Shqipëri. Por, sa para janë ndjekur realisht? Janë sekuestruar vetëm 4.7 milionë euro, ndërkohë që në ato tonelata droge flitet për vlera prej qindra milionë eurosh. Ku janë këto para? Kjo tregon se kemi të bëjmë me një konstelacion ndryshe nga ajo që njohim nga organizatat kriminale italiane si ‘Ndrangheta’, ‘Santa Corona Unita’ si dhe disa nënkontraktore që merren me shërbimet përkatëse”, tha Karamuço.

LEXONI GJITHASHTU:

• Karamuço: Grupet më të rrezikshme shqiptare e kanë “shtëpinë” në Lindjen e Mesme
• “Ashensori i brendshëm lidhte 2 apartamentet”, gazetarja: Si shkoi SPAK te Veliaj
• Operacioni Ura, Gjykata e Tiranës miraton kërkesën për ekstradimin e Ekil Ndërjakut
• Prokurori italian zbërthen skemën se si vinin paratë e grupit të drogës në Shqipëri

The post “Shqiptarët s’janë bosët e drogës”, eksperti: Pala italiane nuk tregon realitetin appeared first on Euronews Albania.

Eksperti i kriminalistikës, Ervin Karamuço, ka deklaruar sot në një emision se një prej atentateve më të rrezikshme ndaj politikanëve ka qenë në vitin 1997, ku u tentua të vritej Berisha. Por kjo deklaratë u kundërshtua nga gazetari Fedinand Dervishi, i cili tha se ‘historia është fryrë’. Ndërkohë Karamuço shtoi se kjo ngjarje nuk është zbardhur dhe se ka një arsye për këtë.

Pjesë nga debati:

Karamuço: Rrezikun më të madh për t’u vrarë ka qenë Sali Berisha, e ka pasur në mars të 1997. Një grup i veshur me uniforma kanë sulmuar Presidencën, njëri prej tyre ka vdekur. Nuk e di pse nuk u zbardh rasti.

Dervishi: E di kush është personi që është vrarë, është një fryrje.

Karamuço: Unë jap versionin që di, të thënë dhe të lexuar. Unë e kam edhe nga bashkëpunëtorë të ngushtë që kanë vajtur një orë pas ngjarjes.

Dervishi: Mendon se nuk do e kishte thënë Sali Berisha këtë deri tani?

Karamuço: Është fryrë, nuk është fryrë, është tjetër gjë. Kjo ngjarje nuk është zbardhur dhe ka një arsye.

The post Berisha u tentua të vritej në zyrë? Dervishi përplaset me Karamuçon: Histori e fryrë appeared first on Sot News | Lajme.

Eksperti i Kriminalistikës Ervin Karamuço foli emisionin “360 Gradë” në ABC News, për luftën në Ukrainë.

Gjatë intervistës, Karamuço tha se lufta e Ukrainës me Rusinë ka zhvilluar një trafik ndërkombëtar shumë të fuqishëm të armëve, në të gjithë zonën veriore të Baltikut, edhe në Ballkan edhe në Azi.

“Agjencitë ligjzbatuese kanë disa ekrane të mëdha që mund të shohin në radar ato që quhen numrat e transponderëve. Rusia ka një potencial të madh që nuk po e shfrytëzon në tregun ndërkombëtar sidomos i gazit dhe po gjen forma alternativa për ta shitur këtë tek nevojtarët në Evropë. Kur je kontrabandë nuk paguan asgjë. Por çfarë ka përveç gazit? Përveç gazit dyshohet që ka edhe armë që po shiten. Lufta e Ukrainës me Rusinë ka zhvilluar një trafik ndërkombëtar shumë të fuqishëm të armëve, në të gjithë zonën veriore të Baltikut, edhe në Ballkan edhe në Azi. Po shiten pa fund armë që kanë destinacion fillestar fushat e luftimeve, por që shkojnë edhe në destinacione të tjera. Këtë kemi flotë në? Jo, kemi pasur flota të tjera hije që kanë ardhur për rikonjicion të të gjitha zonave dhe vëzhgimeve, na kanë hyrë deri në detin Jon, i kemi pasur në vëzhgim edhe ne si shtet shqiptarë. Na është thënë që kjo anije mbahet në survejim se është e zbulimit ushtarak rus dhe është kthyer mbrapsht sapo ka parë që është në survejim nga anijet tona luftarake, dronë apo avionë të tjerë që janë ngritur nga bazat e NATO-s në Greqi. Se ç’kanë dashur të vijnë deri këtë lart, është një gjë që duhet të na e shpjegojnë ata që nuk na e shpjegojnë kurrë. Por ky është një rrezik, kanë kohë që e bëjnë që kur filluan të dëmtojnë linjat e internetit, tubacionin. E kanë bërë me këto…që i vendos një identitet tjetër dhe kryen sulme”, tha mes të tjerash ai.

Tiranë- Që në nisje të procesit të votimit në orët e para të mëngjesit, “ABC News”, ka ndjekur hap pas hapi ecurinë e këtij procesi zgjedhor.

Me një panel të ftuar në studio, është diskutuar, për ecurinë, si edhe qëndrimet e palëve gjatë ditës si edhe në qendrat e votimit, ku nuk kanë munguar edhe përplasje.

Një i tillë ka ndodhur edhe në Vorë, ku Flamur Noka është proceduar penalisht pasi dhunës së ushtruar ndaj votuesit në qendrën e votimit në këtë zonë.

Eksperti i Kriminalistikës, Ervin Karamuço tha se sipas tij nëse regjistrohet procedim penal do të përballet me akuzën e pengimit të votuesve, duke shpjeguar që është një vepër që nuk është kundërvajtje penale. Sipas tij nuk është deri në dy vite, por më shumë se dy vite dhe nënvizon se Noka  duhet ta shohë mirë pozitën.

“Ka filluar një lloj gare e heshtur në shifra dhe në përfundime. Pra të mos jetë vetëm SPAK, sepse SPAK nuk është polici shteti. Kjo duhet kuptuar…Duhet të njoftosh Policinë e Shtetit njëherë. Presim siç na ndodhi në Dibër, bllokuan në Dibër dhe prisnin SPAK. Jo njoftohet policia. Ndaj edhe veprat që janë ngritur në Dibër janë të vetëgjyqësi”, tha ai.

Gjithashtu u ndal edhe tek rasti i Elbasanit, tha se fakti që lë flukse të mëdha pa kontrolle, sjell edhe ato situata.

“Ajo e Elbasanit ndodhi edhe për shkak të mos veprimit. Deri tani askush nuk flet me denoncime konkrete, që është grupi filan. Ndërsa në Vorë nuk mund t’i thuash bandë sepse ishte vetëm një person”, tha ai.

/abcnews.al/

I ftuar në emisionin Review në Euronews Albania, eksperti i kriminalistikës Ervin Karamuço foli në lidhje me krimet zgjedhore.

Sipas tij, kodi penal është i varfër në lidhje me këto krime ndërsa foli shumë i shqetësuar mbi disa mesazhe që i kishin ardhur në celular, ku kandidatë të ndryshëm kërkonin votën.

Karamuço i quajti edhe këto mesazhe si krim zgjedhor dhe besdisje për njerëzit pasi shkelin dhe privatësinë dhe nuk dihet si përdoren të dhënat.

“Ne kemi një problem që në kodin penal ende të pandryshuar që e kemi aktualisht, e kemi shumë të varfër në lidhje me dispozitat e krimit zgjedhor. E dimë vetë, ato standaret e blerë, kush e bleu, iku me vulë komisionerët, tërheqja kjo ajo, po këtë realitet që po prekim sidomos pas 2021 që kulmoi në 2025. Dhe ai mesazhi që mua më vjen nga një deputet apo kandidat që une se njoh fare dhe thotë ‘shiko këtu, do më votosh mua’, duke përdorur të dhënat e mia personale është krim zgjedhor. Jam i barazlarguar dhe nuk dua të besdisem nga këto gjëra. Ti s’ke pse më përdor numrin tim pa leje, por vetëm kur ta jap lejen. Kam gati 10-12 mesazhe, që janë nga ato që nuk i kthej dot përgjigje, ku ti thoja, ku ma gjete numrin e telefonit”, tha Karamuço.

Karamuço tha se fushata gjithsesi ka qenë e qetë dhe pa incidente të rënda dhe është menaxhuar mirë nga strukturat e policisë së shtetit.

“Ne kemi pasur një fushatë të qetë dhe të mirëmenaxhuar nga ana e policisë. Me aq sa kapacitete kemi, nuk ka pasur agresivitet mes kandidatëve dhe mbështetësve të tyre. Nuk ka pasur përplasje fizike apo ngjarje të rënda, nuk po flas për krime zgjedhore, blerje votash etj.,” tha Karamuço.

LEXONI GJITHASHTU:

• Mbyllja e mitingjeve/ Nini: Ja kush mori më shumë klikime, Rama apo Berisha
• Agron Shehaj mbyll fushatën: Mundësi historike për të lënë pas të kaluarën

The post “Kam marrë gati 12 mesazhe nga kandidatë për deputetë”, Karamuço: Krim zgjedhor appeared first on Euronews Albania.