Profesori i marrëdhënieve ndërkombëtare Enver Bytyçi tha në emisionin Balkan Talks se presidenti i Serbisë Aleksandër Vuçiç po bashkëpunon me forca ekstremiste në Republikën Srpska për të ndalur protestat në Serbi.

Sipas tij, këto forca ekstremiste janë një rrezik real, pasi mund të përdoren për të destabilizuar Ballkanin.

“Qytetarët në Serbi ballafaqohen me një regjim për arsye të provokimeve që bëjnë paramilitarët edhe nga republika Srpska. Mendoj se për Evropën është me rëndësi të merret seriozisht bashkëpunimi i Beogradit me ekstremistë në republika Srpska se këta njerëz që sot shërbehen për të dhunuar studentët për të ndalur protestat, nesër mund të shërbejnë për të destabilizuar Ballkanin. Nëse nisemi nga parullat  e ekstremistëve gjatë protestave për Kosovë besoj se këto janë sinjal i qeverisë së Beogradit se nuk do bëjë lëshime. Nëse protesta vazhdon dhe përkrahet nga bashkësia ndërkombëtare Vuçiç do përdorë mjete të dhunshme për të mbajtur pushtetin në emër të sovranitetit të Serbisë”, tha ai.

LEXONI GJITHASHTU:

• 77 të ndaluar gjatë protestës në Beograd, Vuçiç paralajmëron arrestime të reja
• Vuçiç ndaj studentëve protestues: Ultimatumi juaj nuk është pranuar

The post Bytyçi: Vuçiç me ekstremistët e Dodikut do destabilizojnë Ballkanin appeared first on Euronews Albania.

Analisti nga Kosova Agon Maliqi tha në emisionin Balkan Talks në Euronews Albania se presidenti i Serbisë nuk do të tërhiqet nga pushteti me gjithë protestat intensive të studentëve në Beograd kundër tij.

Sipas tij, do ketë të dhunës pasi format e protestave janë bërë me agresive ndaj do të jetë edhe më agresiv reagimi i regjimit

“Vuçiç është në një fazë të regjimeve totalitare ku ai ka shumëçka për të humbur. Është një regjim krejtësisht i korruptuar, i ndërtuar mbi figurën e tij me një parti që nuk ekziston pa të. Nuk gëzon mbështetje publike, pa atë pushtet ai rrezikon gjithçka. Vitet e fundit Serbia ka investuar shumë në buxhetin e institucioneve të sigurisë, buxheti i BIAZ është dyfishuar dhe ai po mundohet që përmes mekanizmave të jashtëm, grupeve kriminale të krijojë incidente të dhunës që i shkojnë për shtat atij, që e kthejnë opinion drejt idesë se regjimi ofron siguri. Lufta kryesore është për karakterin ideologjik të lëvizjes, ka përpjekje të Rusisë për ta uzurpuar që të marrë ngjyrime më nacionaliste. Përpjekja e Vuçiç do jetë të tërheqë vëmendjen drejt përçarjes së opozitës apo krizave në rajon”, tha ai.

LEXONI GJITHASHTU:

• Vuçiç bën thirrje për shmangien e bllokadave në Beograd, paralajmëron Beograd
• Beogradi i përfshirë nga protestat masive, Vuçiç: Shteti do mbrohet, qoftë me dhunë

The post “Do ketë përshkallëzim të dhunës”, Maliqi: Vuçiç ka shumëçka për të humbur appeared first on Euronews Albania.

Politikani serb Nenad Çanak komentoi në emisionin Balkan Talks situatën në Beograd dhe protestat e studentëve atje.

Çanak denoncoi terrorin që po ushtrohet nga forca të shërbimeve sekrete ndaj studentëve dhe qytetarëve në Serbi, ndërsa theksoi se edhe ndaj tij dhe familjes së tij është ushtruar presion.

“Nëna e djalit tim u arrestua dhe kaloi 2 muaj në burg dhe kur ishte në prag të gjendjes së komës u caktua të mbahet në arrest shtëpie. Edhe im bir u ndalua javën e kaluar pa asnjë arsye dhe u mbajt 4 orë në një stacion policie gjatë të cilave disa oficerë të shërbimeve sekrete e morën në pyetje. Gjithashtu, në apartamentin time personal kam vënë re se dikush ka hyrë kur nuk kam qenë i pranishëm, dhe ky është dërgimi i një mesazhi se unë jam nën përgjim. Në Serbi në këto momente nuk ka asnjë të drejtë civile dhe nga e ashtuquajtura polici po sillet si një forcë pushtuese ndaj qytetarëve të vendit dhe kjo është diçka shumë e rrezikshme”, tha ai.

The post “Shërbimet sekrete të Vuçiç po më përgjojnë” – Denoncimi i politikanit serb appeared first on Euronews Albania.

Mark Nelka, ish-kryeministër i Republikës së Polonisë në një intervistë ekskluzive këtë të premte në “Balkan Talks”, në Euronews Albania tha se është surprizë që lufta mes Rusisë dhe Ukrainës, po vazhdon.

Ai rikujtoi se Rusia nuk ishte e përgatitur për këtë rezistencë dhe këtë reagim kur nisi sulmet në shkurt të vitit 2022, pasi Putini pretendoi se mund ta  merrte Kievin për një  javë, por tashmë kanë kaluar 3 vite dhe lufta ende nuk duket afër fundit.

“Nuk e prisnim në fillim të viteve 2000, por pas aneksimit të Krimesë gjithçka dukej e mundur. Të gjithë u habitën kur ndodhi në shkurt të 2022-shit. Fillimisht rusët nuk e prisnin kurrë që të zgjaste kaq shumë.

Ata kishin në plan të pushtonin Kievin në më pak se një javë. Aty pati surprizë. Ukraina rezultoi shumë rezistente, populli, shoqëria, më pas ushtria dhe më pas mbështetja nga perëndimi. Është surprizë që po zgjat kaq shumë, kur të gjithë duan që mizoritë dhe lufta të marrë fund”,-tha Nelka.

LEXONI GJITHASHTU:

• Araghchi: Irani është gati të shqyrtojë diplomacinë ‘sapo të ndalet agresioni’
• Nga rrënjët e maleve, në art, Jorgo Liço i jep frymë drurit në Ersekë

The post “Ukraina, surprizë për Putinin”, ish-kryeministri polak: Lufta s’duhet të zgjaste appeared first on Euronews Albania.

Enver Bytyçi, ekspert i çështjeve ndërkombëtare tha në emisionin Balkan Talks në Euronews Albania se konflikti mes Iranit dhe Izraelit dhe jo vetëm i lidhur me regjimit të Khameneit.

Bytyçi u shpreh se deklarata e Trump lidhur me Iranin tregon se SHB A është përgatitur të hyjë në luftë, por sipas tij historia e ka treguar se SHBA përfshihen në luftë vetëm në fund të procesit.

Regjimi i Ajatollahëve duhet të bjerë se është konsumuar në 50 vjet, por regjimet nuk rrëzohen me luftë. Mendoj se deklarata e Trump është një deklaratë kërcënimi. Nëse është serioze, do të thotë që SHBA janë përgatitur të hyjnë direkt në luftë. Kam qenë i mendimit se SHBA nuk përfshihen në luftëra nëse ato vërtetë zgjasin, po SHBA po të kemi parasysh luftën e parë dhe të dytë botërore SHBA përfshihen në luftë vetëm në fund të procesit”, tha Bytyçi.

LEXONI GJITHASHTU:

• Starmer i kërkon Trumpit të tërhiqet nga Irani
• Protesta masive në Iran: Turma të mëdha në funeralet e viktimave

The post Bytyçi: Deklarata e Trump kërcënim, SHBA futen në luftë vetëm afër fundit appeared first on Euronews Albania.

Emisioni “Balkan Talks” kishte një lidhje të drejtpërdrejtë nga Izraeli me profesor Jehuda Hamovitz nga Haifa, ekspert i menaxhimit dhe diplomacisë në Universitetin e Haifës, i cili foli mbi situatën e fundit të sigurisë në Izrael pas sulmeve ajrore iraniane.

Gjatë intervistës për Euronews Albania, profesori ndau edhe pamje ekskluzive të pak minutave më parë, ku ai ndodhej në një strehimore, aty ku banorët izraelitë qëndrojnë çdo herë që aktivizohet alarmi për sulme ajrore.

Momentet e filmimeve ishin regjistruar menjëherë pas nisjes së sulmit iranian të së premtes ndaj Izraelit.

“Sapo jam kthyer nga strehimorja ku u futëm, pasi raketat po vinin nga Irani dhe u detyruam të strehoheshim brenda,” – tha Hamovitz.

Gjatë lidhjes, ai u shpreh i prekur nga situata:

“Shikoni këta njerëz të këndshëm që qëndrojnë në strehë, pasi dëgjuam sirenën për sulme nga Irani. Ka gra, fëmijë, të rinj, familjarë… shikoni bebet. Ne jemi duke mbrojtur njerëzit tanë. Ata nuk e bëjnë këtë gjë.”

Duke komentuar përgjigjen e Izraelit ndaj sulmeve iraniane, ai theksoi:

“Irani është një kërcënim për të gjithë botën, jo vetëm për Izraelin.”

LEXONI GJITHASHTU:

• “Irani kërcënim global”, profesori izraelit flet live nga Haifa: Sulmi sapo ka nisur
• VIDEO/ Rriten tensionet, mediat iraniane publikojnë pamje të raketave drejt Izraelit

The post Pamje ekskluzive nga strehimorja në Izrael gjatë sulmeve ajrore iraniane appeared first on Euronews Albania.

Ish-zëvendës komandanti i Forcave Detare të Shqipërisë, Artur Meçollari tha në emisionin Balkan Talks në Euronews Albania se dislokimi i 5 mijë forcave gjermane në Lituani në krahun lindor të NATO tregon se Evropa nuk beson më te Putin.

Sipas tij, presidenti nuk arriti dot të mundësonte negociatat që premtoi mes Rusisë dhe Ukrainës, ndaj Evropa është e detyruar të mbrohet në mënyrë të njëanshme nga rreziku i agresionit rus.

“Europa ka arsye të plota të besojë që Putin nuk mund të besohet më. Sot Europa duhet të përgatitet të mbrohet nga kërcënimi rus dhe kjo është një formulë e pranuar në Evropë veç disa vendeve si Hungaria. Duhet të pranojmë që Trump përfundimisht e ka humbur trenin e negociatave në Ukrainë. Pas telefonatës ai ishte shumë optimist kur tha se unë e kam mik Putini, Rusia e do paqen. Edhe pas telefonatës së Trump Rusia vendos kushte për negociata, kjo tregon se Rusia ende nuk është e gatshme për paqe ndaj Evropa është e detyruar të mbrohet në mënyrë të njëanshme”, tha ai.

The post Lufta Rusi-Ukrainë, Meçollari: Trump e humbi trenin e negociatave, Evropa po mbrohet appeared first on Euronews Albania.

Profesori shqiptar Andi Hoxhaj foli live nga Britania e Madhe në emisionin “Balkan Talks”, ku diskutoi mbi synimet e fundit të Britanisë për ngritjen e një kampi refugjatësh në Ballkanin Perëndimor.

Hoxhaj theksoi se, duke qenë se Britania është në negociata me të gjitha shtetet e rajonit për këtë plan, ajo nuk mund të bëjë kritika ndaj këtyre vendeve derisa çështja të marrë një drejtim të qartë.

Ai shtoi se në këto shtete përfshihet edhe Serbia, dhe se qasja e Britanisë në këtë moment është pozitive, përfshirë ndaj presidentit serb, Aleksandër Vuçiç.

Sipas tij, Keir Starmer është përfshirë në bisedime me Shqipërinë, Kosovën, Serbinë dhe Maqedoninë e Veriut për të mundësuar realizimin e këtij plani të qeverisë britanike.

“Duhet ta them qartë: Britania e Madhe nuk mund të kritikojë Vuçiç për momentin, pasi ka hyrë në negociata për ngritjen e një kampi refugjatësh në Ballkanin Perëndimor. Është diskutuar me Shqipërinë, dhe po zhvillohen bisedime me Kosovën, Serbinë dhe Maqedoninë e Veriut. Në këtë situatë, Britania nuk mund të shprehë shqetësime për Serbinë, sepse është në komunikim të drejtpërdrejtë me qeverinë e Vuçiçit. Pozicioni i saj do të bëhet i qartë vetëm pasi të zgjidhet kjo çështje”, tha Hoxhaj.

Ai shtoi se edhe kryeministri portugez Antonio Costa ka vizituar Serbinë, duke bërë deklarata pozitive për qeverisjen e Vuçiçit dhe bashkëpunimin e tij me BE-në në disa fusha.

“Ndërkohë, një grup deputetësh nga Partia Laburiste, miq të Kosovës, i kanë dërguar një letër ministrit të Jashtëm britanik David Lidington, ku kërkojnë që Britania të mbajë një qëndrim më të ashpër dhe më të qartë ndaj Serbisë. Për këtë letër, ai ende nuk është përgjigjur”, përfundoi Hoxhaj.

LEXONI GJITHASHTU:

• Liderët e Europës në Tiranë, eksperti: BE është e ndarë për zgjerimin
• Ish-ambasadori i Kosovës në Gjermani: Çfarë porosie kishte Merz në Tiranë për BE-në

The post Hoxhaj: Pozicioni i Britanisë ndaj Serbisë i ndikuar nga plani për kamp refugjatësh appeared first on Euronews Albania.

Duke folur për Samitin e Komunitetit Politik Evropian që u mbajt në Tiranë, publicisti i njohur dhe ish-ambasadori i Kosovës në Gjermani, Beqë Cufaj, i ftuar në “Balkan Talks”, tha se është jashtëzakonisht pozitive që kancelari gjerman, Friedrich Merz, vizitoi Shqipërinë.

Ai zbuloi edhe një porosi të rëndësishme që kancelari ia drejtoi liderëve evropianë gjatë samitit.

Sipas Cufajt, porosia e Merz për kolegët e tij ishte shumë e qartë: Evropa duhet të nisë menjëherë bisedime serioze për bashkëpunim me SHBA-në, pasi nuk mund të përmbushë objektivat e saj pa mbështetjen amerikane.

“Ajo që, sipas asaj që më thonë miqt e mi në politikën gjermane, por edhe mediat, ishte një porosi shumë interesante nga kancelari Merz, ndryshe nga një pjesë e mirë e kolegëve të tij. Porosia e kancelarit gjerman ishte shumë e qartë: ai kërkonte dhe insistonte që Komuniteti Politik Evropian të fillojë bisedime serioze me Shtetet e Bashkuara të Amerikës, sepse Evropa, edhe me armatën e saj të madhe, nuk do të mund të arrijë aq shpejt sa mendojmë ne, apo kolegët tanë, dhe se kjo mund të bëhet vetëm me ndihmën e SHBA. Kjo porosi është një mesazh i mirë dhe i qartë”, tha Beqe Cufaj.

Cufaj shtoi se Merz, vetëm dy ditë para samitit, kishte prezantuar programin e tij qeverisës në Bundestag, dhe fakti që zgjodhi të vizitojë Shqipërinë tregon rëndësinë që Gjermania po i jep Ballkanit Perëndimor.

“Nëse shohim tematikat e trajtuara sot në samit, çështja e parë ishte ajo e sigurisë – sidomos me praninë e presidentit të Ukrainës – ndërsa paralele ishin edhe bisedimet në Stamboll. Aspekti i dytë i rëndësishëm ishte emigracioni, veçanërisht për vendet anëtare dhe për Britaninë. Çështja e tretë, që për mendimin tim duhej trajtuar, ndonëse për shkak të kohës mbase nuk u nisedua, ishte thellimi i bashkëpunimit ekonomik”, tha Cufaj.

LEXONI GJITHASHTU:

• Rama dhe Macron vizitojnë Piramidën, nënshkruhet marrëveshja për teknologjinë
• Frederiksen: Rusia kërcënim për Evropën, riarmatimi duhet të jetë prioriteti numër 1

The post Ish-ambasadori i Kosovës në Gjermani: Çfarë porosie kishte Merz në Tiranë për BE-në appeared first on Euronews Albania.

Duke folur në emisionin Balkan Talks në Euronews Albania, eksperti i sigurisë në Maqedoninë e Veriut, Bashkim Selmani, tha se aktualisht pritet një “pranverë ballkanike” dhe sipas tij, të gjitha vendet fqinje të Serbisë janë të kërcënuara nga fenomene si krimi i organizuar, problematikat ekonomike, politike, shpopullimi, etj.

Eksperti theksoi se Maqedonia e Veriut, aktualisht, duket se është më afër politikave serbe dhe sipas tij, roli i shqiptarëve po anashkalohet.

“Aktualisht, pritet pranvera ballkanike, e cila bën që çdo vend fqinj i Serbisë të jetë i pasigurt dhe i kërcënuar në aspektin ekonomik, nga krimi i organizuar dhe në shumë aspekte të tjera, përfshirë shpopullimin. Shohim tani Maqedoninë me një politikë pro-serbe dhe duket sikur Republika Srpska po vepron në Maqedoni. Kjo ka një ndikim të drejtpërdrejtë, duke cenuar çdo element të zhvillimeve pozitive të kombit shqiptar.”

Eksperti Selmani tha se Serbia ka një “bombë” në kuptimin figurativ dhe e kurdis për të krijuar problematika të ndryshme në vendet fqinje, duke përmendur këtu edhe zjarrin në Koçan dhe takimin mes krerëve të pozitës dhe opozitës maqedonase.

“Serbia aktualisht e ka “bombën” dhe e kurdis në të gjitha vendet fqinje në mënyra të ndryshme: në aspektin fetar, politik, ekonomik dhe në tensionet që vazhdojnë të rriten. Kjo është e dukshme edhe në rastin e Koçanit, ku shërbimet janë aktive dhe të lidhura. Nëse merret parasysh çështja shqiptare, asnjëherë nuk ka qenë më e goditur dhe shqiptarët po përzihen jashtë institucioneve. Për këtë çështje, mjafton të kujtojmë takimin mes liderit të opozitës dhe opozitës, dhe duket se kanë anatemuar pozitat e politikës shqiptare. Subjektet politike shqiptare nuk kanë kuptim të qëndrojnë në këtë qeveri. Duhet një reagim, dhe më vjen shumë keq që kjo po ndodh”, tha ai.

The post “Pranvera ballkanike”, eksperti: Rrezikohet stabiliteti i vendeve fqinje të Serbisë appeared first on Euronews Albania.

Diplomat amerikan dhe eksperti për Ballkanin James Hooper tha në një intervistë për emisioni Balkan Talks në Euronews Albania se protestat e studentëve në Serbi do ta arrijnë qëllimin final që është largimi i Vuçiç.

Sipas tij, studentët e lidhin tragjedinë e shembjes së stacionit të trenit në Novi Sad me korrupsionin në qeveri dhe përgjegjës kryesor për këtë presidentin Aleksandër Vuçiç.

“Pas incidentit të rëndë në stacionin e trenit në Novi Sad ata janë përqendruar te korrupsioni se ishte një marrëveshje korruptive ajo që çoi në shembjen e stacionit. Kjo ka bërë që studentët ta kthejnë këtë çështje në një problem. Mendoj se korrupsioni është një çështje serioze të Serbisë dhe tani është shumë  e vështirë për presidentin Vuçiç që të vetëmbrohet pasi administrata që ishte përgjegjëse për stacionin ishte nën drejtimin e tij. Nuk mund të mbrohet më, është një problem serioz për të, pasi kemi një mobilizim të madh të studentëve. Mendoj se ata janë shumë të fortë dhe ka mundësi që ata do ta gjunjëzojnë presidentin Vuçiç. Nuk parashikoj që kjo të ndodhë por mendoj se kjo është e mundur se çështja e korrupsionit i ka zemëruar serbët. Ata duan që kjo të përfundojë dhe nuk mendojnë se Vuçiç i ka kapacitet e duhura për t’i dhënë fund korrupsionit”, tha Hooper.

LEXONI GJITHASHTU:

• Vuçiç pret Sorensen në Beograd: Ishte takim i hapur dhe i drejtë
• Vuçiç: Serbia është lodhur nga ata që po e terrorizojnë këto 4 muaj

The post “Studentët do ta gjunjëzojnë Vuçiç!” – Paralajmërimi i ekspertit amerikan appeared first on Euronews Albania.

Koloneli shqiptar Çlirim Toci tha në emisionin Balkan Talks në Euronews Albania se lajmi që NATO do rishikojë pozicionin e vet në Kosovë dhe Ballkan nuk është i vërtetë dhe nuk ka për të ndodhur as në vite në vijim.

Toci u shpreh se kreu i NATO gjatë vizitës në Kosovë dha një mesazh shumë të qartë se NATO është në Kosovë dhe Bosnjë për ytë siguruar integritetin e tyre territorial.

“Disa ditë më parë mediat shqiptare në Tiranë dhe Prishtinë trumbetonin një informacion se NATO do shikojë pozicionin e saj në Kosovë apo Ballkan, kjo nuk është e vërtetë dhe nuk ka për të ndodhur në vitet në vijim. Një investim si ai në bazën e Bondstillit është për një kohë të qatë. Rutte dha një mesazh shumë të qartë të NATIO në Kosovë dhe Bosnjë për të siguruar integritetin territorial të Kosovës. Nga pala shqiptare, qeveria e Kosovës ka ratifikuar një marrëveshje në fushën e mbrojtjes me SHBA që tregon bashkëpunim serioz. Në këtë marrëveshje flitet jo vetëm në lidhje më asistencë në planifikim të mbrojtjes, por edhe në rritjen e kapaciteteve por edhe në ndërtimin e sistemit të mbrojtjes kundërajrore”, tha ai.

The post NATO do tërhiqen nga Kosova? Koloneli shqiptar: Mesazhi i Rutte ishte i qartë appeared first on Euronews Albania.

Analisti serb, Dushan Janjiç, tha në emisionin Balkan Talks në Euronews Albania se nuk përjashtohet mundësia që presidenti serb Aleksandër Vuçiç të fusë në veprim paramilitarë nga ata që morën pjesë në sulmin terrorist të Banjkës në Kosovë kundër protestuesve ditën e nesërme.

Janjiç theksoi se një pjesë e këtyre personave janë stërvitur nga Republika Srpska dhe të tjerë janë trajnuar në Rusi.

“Ka disa zëra nga struktura të brendshme të inteligjencës se diku te 800 njerëz si njerëzit që morën pjesë në sulmin e Banjskës janë të përgatitur nga Republika Srpska, të njëjtat struktura që morën pjesë në Banjskë në Kosovë dhe tanimë janë duke folur me Dodik, një pjesë e tyre janë të trajnuar në Rusi. Në Bosnjë, në Republikën Srpska në policinë e tyre janë me mijëra njerëz  të mirëtrajnuar në Rusi. Nuk duhen përjashtuar incidente si ato të Banjskës. Nuk jam pro spekulimeve por po flas me hipoteza, Vuçiç po përballet me një problem, të bindë të tjerët se kemi një revolucion me ngjyra. Mund të kenë disa incidente nesër por ndoshta mund të ndërmarrë të njëjtat lëvizje si Millosheviçi në protestat e mëdha të marsit, pra për të shpërqendruar vëmendjen e ndërkombëtare në Republikën Srpska…Forcat evropiane tashmë janë në Bosnjë dhe i kanë planet, ndonjëherë veprimet ushtarake i ulin problemet. Në Kosovë pas Banjskës nuk ka më diskutim për kontrollin e territorit”, tha ai.

LEXONI GJITHASHTU:

• Vuçiç: Situata e sigurisë në Ballkan është seriozisht e lëkundur
• Gjeneralët e Bosnjës letër NATO-s: Rusia po ndërhyn në Ballkan. Vuçiç sjell rrezik

The post Analisti serb: Vuçiç mund të përdorë grupin e Banjskës kundër protestuesve nesër appeared first on Euronews Albania.

Në një lidhje live për “Balkan Talks“, në Euronews Albania, avokati Arian Sultafa foli nga Toronto për kërkesat e Presidentit Donald Trump ndaj Kanadasë dhe bisedimet e tij me Kryeministrin Justin Trudeau.

Sultafa theksoi se Trump shpeshherë e quan Trudeaun “guvernator”, një term që pasqyron marrëdhëniet e ngushta dhe ndikimin e fuqishëm të Shteteve të Bashkuara mbi vendin verior.

Sultafa shpjegoi se Kanadaja është e ndërvarur nga SHBA, duke bërë të mundur që Trump të ketë një dominim të jashtëzakonshëm në marrëdhëniet me Trudeau ndërsa përmendi edhe një detaj nga biseda e djeshme mes të dy liderëve, ku Trump e pyeste me ngulm se kur do të zhvillohen zgjedhjet në Kanada.

“Presidenti Trump dhe administrata e tij kanë një qasje më agresive dhe arrogante ndaj Evropës, Kanadasë dhe Meksikës. Ky është një problem i thellë që e ka origjinën tek angazhimet e këtyre vendeve, si dhe në përmbushjen e angazhimeve në kuadër të NATO-s,” tha Sultafa.

Ai theksoi se shpenzimet vjetore të ushtrisë nga Kanadaja janë vetëm 1.3%, një nivel shumë më i ulët se sa kërkohej më parë.

“Trump ka synuar të ndërgjegjësojë të gjithë se mënyra aktuale e të bërit të gjërave nuk funksionon dhe nuk ka dhënë rezultate. Ai ka qenë i pranishëm në bisedimet me Trudeau që nga takimi i parë, ku ai kuptoi se Kanadaja ka një varësi të madhe nga SHBA për sa i përket ekonomisë dhe biznesit,” shtoi ai.

Sultafa e cilësoi Trumpin si një figurë që ka sjellë një ndryshim të madh në diskursin ndërkombëtar, duke e bërë të qartë që Kanadaja është pjesë e një sistemi që është shumë i ndikuar nga politikat amerikane.

“Administrata e re është e ndërgjegjshme se fjalëve u ka ikur koha. Trump e sheh se burokracia ka ngulur rrënjë të thella në Europë dhe Kanada, duke e bërë të vështirë që të lëvizet diçka. Ai po synon të ndërgjegjësojë të gjithë se kjo mënyrë e të bërit të gjërave nuk funksionon, nuk ka ecur dhe nuk ka dhënë rezultate. Mendoj se që nga momenti i takimit të parë, kur kryeministri i Kanadasë u takua me presidentin Trump, ishte një moment në të cilin ai e kuptoi varësinë e politikës ekonomike të Kanadasë ndaj Shteteve të Bashkuara të Amerikës, në kuptimin tregtar, financiar dhe të mënyrës së të bërit biznes. Për këtë arsye, Trump ka përdorur vazhdimisht dhe në mënyrë konstante shprehje si ‘guvernatori Trudeau’ ose ‘shteti i 51 i SHBA’, duke sjellë këtë çështje në vëmendjen e publikut si pjesë të strategjisë afatgjate, për ta bërë atë pjesë të diskutimit dhe për të arritur diçka konkrete” tha ai.

Ai gjithashtu e theksoi se është e pamundur për Kanadanë që të jetë plotësisht e pavarur nga SHBA, pasi rreth 90% e tregtisë dhe zhvillimit ekonomik të Kanadasë varet nga marrëdhëniet me Shtetet e Bashkuara.

“Nuk ka asnjë mundësi reale që një vend si Kanada, ku 90% e biznesit dhe zhvillimit ekonomik varet nga përdorimi i fushës së lojës dhe aktiviteteve ekonomike të Amerikës, të ketë sukses pa pasur një ndikim të fortë nga SHBA. Për këtë arsye, afërsia gjeografike e bën të vështirë dhe të pamundur për Kanada-n të zhvillojë aktivitetin e saj ekonomik pa rritur ndjeshëm kostot, duke i bërë ato kolosale për të bërë biznes.Në bisedën e djeshme që Trudeau dhe Trump patën, pyetja kryesore që Trump i bëri ishte: ‘Kur do të mbahen zgjedhjet në Kanada?’ Supremacia ekonomike dhe e tarifave është një mënyrë për të arritur një plan tregtar, por gjithashtu edhe një plan politik, ku Trump synon të realizojë ndryshimet që dëshiron”, tha Sultafa.

Në përfundim, ai u shpreh se Trump po punon për të krijuar një sistem ku të dy vendet mund të luajnë me rregulla dhe kushte të përbashkëta, duke siguruar një hapësirë më të gjerë ekonomike për të gjithë aktorët e përfshirë.

“Synimi përfundimtar mund të jetë krijimi i një hapesire të gjerë ekonomike, ku të gjithë aktorët e dy vendeve të luajnë sipas rregullave dhe kushteve të përbashkëta”, e mbylli ai.

LEXONI GJITHASHTU:

• Trump propozon mbajtjen e bisedimeve bërthamore me Iranin
• Trump “kërcënon” me sanskione Rusinë, Shtuni: Qasje e balancuar dhe korrekte

The post “Kanadaja e ndërvarur nga SHBA”, avokati nga Toronto: Trump do ndryshime të thella appeared first on Euronews Albania.

Eksperti i sigurisë, Drizan Shala, ka bërë të ditur se i dërguari special i Shtëpisë së Bardhë, Richard Grenell, do të vizitojë Kosovën dhe Serbinë në fillim të marsit, në përpjekje për të arritur një marrëveshje përfundimtare mes dy vendeve.

Gjatë një lidhje live në emisionin Balkan Talks në Euronews Albania, Shala theksoi se vizita e Grenellit do të fokusohet në arritjen e një marrëveshjeje gjithëpërfshirëse, me theks të veçantë te bashkëpunimi ekonomik mes Kosovës dhe Serbisë.

“Në periudhën që po flasim, deri në fund të javës së parë të marsit, Richard Grenell pritet të vizitojë Prishtinën dhe Beogradin në kuadër të përpjekjeve diplomatike për një marrëveshje përfundimtare. Thuhet se burime diplomatike kanë konfirmuar se kjo vizitë është pjesë e një axhende të ngjeshur për stabilitetin në rajon,” deklaroi Shala.

Sipas tij, kjo lëvizje mund të nxisë elementë destabilizues nga Serbia, të cilët mund të tentojnë të krijojnë tensione në Kosovë për të devijuar vëmendjen nga procesi i negociatave.

Akuzat kundër shërbimeve sekrete të Shqipërisë dhe Kosovës

Në të njëjtin diskutim, eksperti i sigurisë u ndal edhe tek akuzat e fundit të Serbisë ndaj shërbimeve sekrete të Shqipërisë dhe Kosovës.

Ai sqaroi se ditët e fundit në Republikën e Kosovës është ngritur një aktakuzë në lidhje me dekonspirimin e një strukture specifike të inteligjencës serbe, e cila kishte si qëllim jo vetëm mbështetjen e politikës së Beogradit ndaj Gjykatës Speciale, por edhe ndërhyrje në veprimtarinë politike në Kosovë.

Sipas burimeve, pjesë e kësaj veprimtarie ishte dhe vendosja e kamerave të fshehta në hotele të ndryshme për të përgjuar politikanë shqiptarë.

Shala tha se Serbia vazhdon të përdorë taktika të ndryshme për të mbajtur tensionin e lartë dhe për të minuar nacionalizmin shqiptar në rajon.

“Beogradi po shfrytëzon edhe Kroacinë për të ushtruar ndikim në zhvillimet politike, duke tentuar të përçajë dhe destabilizojë situatën në Ballkanin Perëndimor,” përfundoi eksperti.

LEXONI GJITHASHTU:

• Drizan Shala: Vuçiç do i shtypë protestat me metodat e FSB ruse
• Politikani Nenad Çanak analizon situatën në Serbi: Tubimi i 9 marsit, vendimtar

The post Eksperti: Grenell viziton Kosovën dhe Serbinë për marrëveshjen përfundimtare appeared first on Euronews Albania.

Në emisionin Balkan Talks këtë të premte, në një lidhje live, foli politikani serb Nenad Çanak, i cili trajtoi situatën në Beograd dhe protestat e studentëve atje.

I pyetur nga drejtuesi i emisionit, Franko Egro, mbi mungesën e reagimit nga Kisha Ortodokse Serbe ndaj protestave, Çanak tha se kjo është një çështje delikate për institucionin fetar, i cili ndodhet mes presionit politik dhe interesave financiare.

“Kisha Ortodokse Serbe ndodhet në një situatë problematike. Nëse mbështet studentët, do të humbasë të ardhura të mëdha që regjimi po i jep për ta pasur në anën e vet. Nga ana tjetër, një mbështetje e hapur për qeverinë do të bënte që Kisha të humbasë shumë besimtarë,” tha Çanak.

Ai theksoi se studentët janë një grup i vështirë për t’u manipuluar.

“Nuk mund t’i gënjesh, nuk mund t’i korruptosh dhe nuk mund t’i pajtosh. Ata janë fëmijë të dikujt, nipa të dikujt tjetër, dhe familjet e tyre i mbështesin. Në këtë moment, të gjithë po mbrojnë fëmijët e tyre dhe kjo mbrojtje ka bashkuar Serbinë pas dekadash ndarjeje,” shtoi ai.

Sipas Çanakut, heshtja e Kishës Ortodokse Serbe është një strategji pritjeje për të parë se si do të zhvillohet situata politike në vend.

LEXONI GJITHASHTU:

• Politikani Nenad Çanak analizon situatën në Serbi: Tubimi i 9 marsit, vendimtar
• Vuçiç dhe Dodik takohen në Beograd për të ardhmen e Serbisë dhe Republikës Sërpska

The post Nenad Çanak: Pse Kisha Ortodokse Serbe nuk reagon ndaj protestave appeared first on Euronews Albania.

Na ndan vetëm një muaj nga zgjedhjet elektorale të Kosovës më datë 9 shkurt, fushata për të cilën ka ngjallur diskutime dhe opinione të ndryshme nga analistë të ndryshëm.

Alma Lama, ish ambasadore e Kosovës dhe analiste, ka bërë një pasqyrim të asaj se si është shfaqur deri më tani kjo fushatë.

“Karakteristika kryesore, është një pozitë agresive në raport me opozitën , tesa kjo e fundit ka zgjedhur të mos përfshihet në debat me të. Lëvizja ‘Vetëvendosja’, konkretisht kryeminstri i Kosovës, në çdo takim elektoral po sulmon deri në fyerje opozitën, kjo është një nga shqetësimet e kësaj fushate.

Nga ana tjetër po sulmon mediat dhe po kërkon armiq në territorin e Kosovës, kështu mund të karakterizohet kjo fushatë elektorale”, tha analistja.

E pyetur se përse është kjo lloj strategjie e sulmit nga ana e ‘Vetëvendosjes’ ndërkohë që ishte në pushtet 4 vite, në një vlerësim të përgjithshëm ajo tha se është një kopmensim në mungesë të rezultateve në çdo fushë. Sipas Alma Lamës, qeveria e Kosovës ka dështuar në qeverisjen e saj.

“Mendoj se lidhet me varfërinë e ofertës së tyre. Pavarësisht qeverisjes 4-vjeçare, në përgjithësi kanë dështuar në të gjitha fushat. Kanë ardhur me premtime të mëdha në shkurtin e 2021, por rezultatet  janë tepër të dobëta për këtë qeveri. Ka dështuar në politikën e jashtme, në dialog, në anëtarësimin e Kosovës siç ishte ai në Këshillin e Evropës.

Gjithashtu nuk ka zhvillim ekonomik. Nuk ka investime të huaja, ka ikje masive të popullsisë, rezulate nuk ka as në shëndetësi e arsim. Në mungesë të rezultateve, po mundohen ta kompensojnë me gjuhën e ashpër elektorale për të marrë vëmendjen mediatike, është strategji elektrorale”, tha Alma Lama, ish ambasadore e Kosovës.

LEXONI GJITHASHTU:

• Kosovë/ Subjektet politike nisin sot fushatën për zgjedhjet e 9 shkurtit
• Kryeministri Albin Kurti pret në takim zv.sekretarin e SHBA-ve, Richard Verma

The post “Kurti ka dështuar në çdo fushë”! Ish ambasadorja e Kosovës: Po sulmohet opozita appeared first on Euronews Albania.

Ivan Videnoviç, profesor në Universitetin e Beogradit, ka komentuar incidentin e ndodhur gjatë protestave të së enjtes në Beograd, ku një makinë u fut mes turmës dhe aksidentoi një studente.

Gjatë fjalës së tij në programin Balkan Talks në Euronews Albania, Videnoviç shprehu dyshimet se aksidenti mund të ketë qenë i planifikuar nga individë që mbështesin qeverinë e Aleksandar Vuçiç.

Ai theksoi se, sipas mendimit të tij, ky ishte një aksident i organizuar nga ata që janë kundër protestave dhe që synojnë të prishin demonstratat.

“Nëse e shikon me vëmendje pamjen e aksidentit, makina kalon drejt trotuarit dhe jo drejt rrugës, duke goditur vajzën e cila përfundoi mbi çatinë e makinës dhe u rrëzua duke pësuar lëndime,” tha Videnoviç.

Profesor Videnoviç shtoi se këto incidente janë të zakonshme për ata që janë kundër protestave dhe se individët që shkaktojnë aksidente të tilla janë të lidhur me qeverinë në pushtet, të udhëhequr nga Vučiç.

Ai përfundoi duke thënë se, megjithëse nuk mund të konkludohet se aksidenti ishte i qëllimshëm, besohet se ai ishte shkaktuar nga një person i përgatitur dhe i lidhur me pushtetin.

LEXONI GJITHASHTU:

• Studenti protestues goditet me makinë në demonstratën antiqeveritare në Beograd
• Verma në Beograd: Sanksionet kundër NIS-it synojnë Rusinë, jo Serbinë

The post Profesori Ivan Videnoviç: Aksidenti gjatë protestave në Beograd ishte i planifikuar appeared first on Euronews Albania.

Politologu dhe analisti i mirënjohur, Janusz Bugajski, foli ekskluzivisht për Balkan Talks në Euronews Albania mbi zhvillimet e fundit ndërkombëtare.

Ai analizoi deklaratat kontraverse të presidentit të ri të SHBA-ve, Donald Trump, për mundësinë e blerjes së Grenlandës dhe idenë e bashkimit të Kanadasë me Shtetet e Bashkuara.

Bugajski vlerësoi se këto deklarata janë të pamundura dhe shpjegoi arsyet që qëndrojnë pas tyre. Ai theksoi se Trump shpesh bën komente për të krijuar përshtypje dhe se kjo është pjesë e stilit të tij politik.

“Trump shpesh thotë gjëra për të bërë përshtypje dhe shpesh përsërit gjëra që i ka dëgjuar. Kjo është politika e tij,” tha ai.

“Ai është një figurë që mendon se mund të bëjë marrëveshje, transaksione dhe kompromise, dhe ka një mënyrë shumë të paparashikueshme për të vepruar. Po ashtu, ai ofendohet shpejt dhe e sheh politikën e jashtme si një çështje personale.”

Sa i përket Grenlandës, Bugajski vlerëson se Trump mund të ketë ndërmend ta afrojë ishullin me NATO-n për shkak të rritjes së aktivitetit të Rusisë dhe Kinës në Arktik, duke përfshirë eksplorimin e burimeve minerale dhe natyrore.

“Mendoj se Trump synon të rrisë praninë ushtarake në Grenlandë dhe ta afrojë më shumë me NATO-n. Blerja e Grenlandës është një ide ekstreme dhe nuk ka shumë mundësi që të ndodhë,” shpjegoi ai.

Në lidhje me Kanadanë, Bugajski e quajti të pamundur bashkimin e këtij shteti me SHBA-në.

“Nuk ka mundësi që Kanadaja të bëhet shteti i 51-të i SHBA-ve, sepse kjo do të çonte në një mazhorancë të demokratëve në Kongres, një gjë që as republikanët nuk e duan,” shtoi ai.

Më tej, Bugajski shpjegoi se Trump mund të jetë duke i bërë presion Kanadasë në disa fusha, si tregtia dhe shpenzimet për mbrojtjen.

“Trump po i ushtron presion Kanadasë, veçanërisht përsa i përket shpenzimeve të saj për ushtrinë, pasi Kanadaja investon vetëm 2% të buxhetit të saj për NATO-n,” tha ai.

LEXONI GJITHASHTU:

• Gjykata e New York-ut jep vendimin për presidentin e zgjedhur Donald Trump
• Boeing dhuron 1 milion dollarë për inaugurimin e Trump

The post Ekskluzive/ Bugajski: Trump nuk do ta blejë Grenlandën, Kanadasë po i bën presion appeared first on Euronews Albania.

Gëzim Podgorica, ish-ambasdor i Shqipërisë në Kosovë ishte i ftuar në emisionin “Balkan Talks” në Euronews Albania si një njohës i mirë i realitetit politik në Ballkan.

Në këndvështrimin e tij, ai është i mendimit se nga lidershipi i Serbisë i përbërë nga dy grupe kriminale, mund të vijojë një përplasje e atillë që sjell destabilitet tektonik.

“Vuçiç po vazhdon të luajë, të demonstrojë në publik se ai është një aktor i rëndësishëm i Ballkanit, ka influencën e tij në Evropë, në Rusi, në Kinë. Që ka marrëdhënie është fakt, por ai ka luajtur me disa porta. Vuçiç ka një problem të brendshëm. Në lidershipin e Serbisë ka dy grupe kriminale që luftojnë me njëra-tjetrën dhe që kanë përplasje të fuqishme, pra është kryeminstri Vuçeviç me grupin e tij të Novi-Sad-it dhe vetë Vuçiç me klanin e Beogradit. Kjo përplasje mes tyre është një përplasje interesash dhe për dominim ekonomik, klane me strukturë kriminale të fuqishme dhe gjithë kjo mund të prodhojë një situatë jashtë kontrollit mes palëve dhe nëse arrijnë të dalin në sipërfaqe, mund të shkojë në një destabilitet tektonik në Serbi”, tha ish-ambasadori.

Ai ka shtuar se shumë situata të ndërlikuara në Ballkan, sjellin sa më pranë një situatë destabilizuese.

“Situata në Bosnje-Hercegovinë nëpërmjet Dodik-ut është agravuar, problematikat në Mal të Zi janë prezente. Edhe në Maqedoninë e Veriut kanë filluar sinjale që nëse rezonanca do të ketë fuqi, destabiliteti do të jetë shumë pranë”, tha Gëzim Podgorica.

LEXONI GJITHASHTU:

• “Po bëjnë gjithçka të rrëzojnë Vuçiçin”- Bërnabiç akuza të forta Kroacisë
• Rusia merr në mbrojtje Serbinë: Protestat në Beograd të paguara nga Perëndimi

The post Diplomati Podgorica: Destabilitet tektonik në Serbi! Vuçiç ka luajtur me disa porta appeared first on Euronews Albania.