Në ditët e nxehta të verës, zemra punon më shumë, duke rritur rrezikun për infarkte dhe probleme të tjera kardiovaskulare. Kardiologun Aurel Demiraj tha se rritja e temperaturave shton problemet kardiovaskulare, pasi me të nxehurin organizmi përpiqet të adaptohet duke shtuar punën në muskujt kardiakë dhe kështu rritet probabiliteti i pacientëve me probleme. Mjeku tha […]

The post Kardiologu: Sporti nuk shkakton sëmundje të zemrës, përkundrazi i parandalon ato appeared first on BoldNews.al.

Një grua ukrainase ka humbur jetën këtë të premte në Vlorë pas një incidenti të rrezikshëm në det, ku rrezikoi të mbytej dhe vajza e saj 18-vjeçare. Gruaja ndërroi jetë në spital, ndërsa vajza ndodhet në gjendje të rëndë dhe është intubuar.

Mjeku Edmond Breshani, i cili ka asistuar rastin, shpjegoi se vajza dhe nëna u paraqitën në spital në gjendje kome. Nëna, 44 vjeçe, ishte pa shenja jete dhe nuk u arrit të rikthehej në jetë për shkak të dëmtimit të thellë nga mbytja.

Vajza 18-vjeçare u paraqit në gjendje kome, me frymarrje të ngadalësuar, puls të dobët dhe tension të ulët, sipas mjekut. Ajo u intubua dhe dhe gradualisht, filloi të merrte frymë dhe të reagonte, ndërsa tensioni i është stabilizuar dhe ajo ndodhet në reanimacion.

“Vajza 18 vjeçe dhe nëna 44 vjeçe kanë ardhur në spital rreth orës 12:00 në gjendje shumë të rëndë, në koma. Pacientja mbi 40 vjeçe ishte pa shenja jete, pa puls dhe pa ton zemre.

Ekipi i urgjencës që e asistoi që në plazh zbatoi protokollin për pacientët e mbytur. Pacientja mbi 40 vjeçe ishte pa shenja jete kur erdhi në spital. Komunikuam më parë me ekipin e urgjencës që po vinte dhe zbatuam të gjitha protokollet, por ajo nuk arriti të kthehej në jetë, pasi zemra kishte dalë jashtë funksionit për shkak të uljes së oksigjenimit nga uji i madh dhe rëra që kishte marrë.

Vajza 18 vjeçe ishte në gjendje kome, me frymarrje të ngadalta, puls të dobët dhe tension 5. Ajo u fut në intubim dhe u bë ringjallja me oksigjenim sipas protokollit. Gradualisht filloi të merrte frymë vetë dhe të reagonte e të zgjohej.

Tensioni i është stabilizuar në 11 dhe ndodhet në reanimacion me frymarrje të drejtuar dhe i janë bërë të gjitha mjekimet e nevojshme, po ashtu po i bëhet aspirimi.

Për momentin vajza 18 vjeçare është në gjendje më të qëndrueshme dhe ka shanse për mbijetesë. Ambulancat dhe mjekët ishin në dispozicion dhe asistuan që në momentet e para të ngjarjes”, tha mjeku.

The post Mbytja e turistes në Vlorë, flet mjeku: Nëna s’mbijetoi, vajza erdhi në gjendje kome appeared first on Euronews Albania.

Gazetari Osman Stafa ka denoncuar sërish skandale që lidhen me korrupsionin në sektorin e shëndetësisë në vendin tonë. Gjatë një Podcasti, Stafa deklaroi se një pacient i sëmurë, priste të shiste viçin, që të paguante operacionin tek mjeku, pasi ky i fundit i kishte thënë që sëmundja e tij pret. Më tej gazetari theksoi se […]

The post Denoncimi i gazetarit: Pacienti i sëmurë priste që të shiste viçin, për të paguar lekët e operacionit appeared first on BoldNews.al.

A i tregoni gjithmonë të vërtetën mjekut tuaj?

Universiteti i Miçiganit kreu një studim me mijëra pacientë, nga të cilët 2,500 ishin të moshuar. Rezultatet treguan se 60% deri në 80% e njerëzve pranuan se nuk i tregonin gjithmonë të vërtetën mjekut të tyre.

Mjekët janë të habitur pse pacientët do të gënjenin për diçka për të cilën mund të merrnin ndihmë. “Kur të anketuarit shpjeguan pse nuk ishin të hapur, shumica thanë se donin të shmangnin gjykimin dhe nuk donin të dëgjonin leksione për sjellje të dëmshme,” raportoi ekipi kërkimor. “Më shumë se gjysma thjesht ndiheshin shumë të turpëruar për të treguar të vërtetën. Ata shqetësoheshin se do të etiketoheshin si njerëz që nuk marrin vendime të mira”.

Edhe pse shumica prej nesh duam të shihemi si “nxënës të mirë” në sytë e mjekut tonë, duke mos treguar të gjithë të vërtetën për ato që po përjetojmë, mund të rrezikojmë më shumë shëndetin tonë sesa e kuptojmë. Këtu janë shtatë gjëra që, ndonëse mund të jenë të vështira për t’u pranuar, duhen treguar me sinqeritet gjatë kontrollit tuaj mjekësor:

Sasinë e ushtrimeve që bëni

Tundimi për të ekzagjeruar me aktivitetin fizik kur mjeku ju pyet mund të jetë i madh. E kuptojmë — askush nuk do të duket si dembel. Megjithatë, duke qenë të sinqertë për rutinën tuaj të aktivitetit fizik, apo mungesën e tij, mjeku mund t’ju sugjerojë aktivitete që mund t’i shijoni dhe që i bëjnë mirë trupit tuaj.

Të gjitha ilaçet që merrni, përfshirë suplementet

Është shumë e rëndësishme që mjeku të dijë të gjitha ilaçet që merrni — me recetë dhe pa recetë — në mënyrë që të shmangen efektet anësore të mundshme. Disa nga simptomat që ndjeni mund të jenë pasojë e ilaçeve që merrni. Nëse po harroni të merrni ilaçet, apo nuk po i merrni për shkak të kostos, mjeku duhet ta dijë. Mos harroni të përmendni edhe suplementet, pasi ato mund të ndikojnë në veprimin e ilaçeve të tjera.

Simptomat që ju shqetësojnë

Ndoshta keni vënë re një skuqje, një gungë, apo një dhimbje që nuk largohet, por për ndonjë arsye keni hezituar ta përmendni në vizitë. Është e natyrshme të shpresoni se do të largohet vetvetiu. Por, mbani mend: mjeku ka studiuar për vite të tëra për të kuptuar çështje të tilla dhe di më shumë se interneti! Edhe nëse ndiheni të turpëruar apo në siklet, është shumë e rëndësishme të jeni të sinqertë. Besoni që mjeku juaj ndoshta i ka parë dhe dëgjuar të gjitha më parë!

Përdorimi i alkoolit

Ndërkohë që njerëzit priren të ekzagjerojnë për sasinë e ushtrimeve që bëjnë, ata shpesh minimizojnë sasinë e alkoolit që konsumojnë. Disa mjekë madje këshillojnë: “Pyet sa pi pacienti, pastaj dyfishoje.” Fatkeqësisht, për shkak të kësaj, shumë raste të konsumit të dëmshëm të alkoolit nuk identifikohen deri sa ndodh një dëmtim serioz, si dëmtim i mëlçisë apo aksidente. Është e rëndësishme të jeni të hapur dhe të sinqertë për konsumimin e alkoolit, sidomos kur mjeku po mendon çfarë ilaçesh të përshkruajë.

Ndjenjat e depresionit dhe ankthit

Në ditët e sotme, mjekët shpesh ju pyesin nëse ndiheni të trishtuar apo të shqetësuar. Jini të sinqertë kur ju bëjnë këtë pyetje. Depresioni dhe ankthi janë të zakonshme tek të rriturit e moshuar dhe të dyja janë të trajtueshme. Shumë njerëz nuk kuptojnë që shqetësimet emocionale mund të jenë po aq dobësuese sa sëmundjet fizike — dhe nuk ka asgjë për t’u turpëruar kur kërkon ndihmë në këtë drejtim.

Nëse jeni rrëzuar

Një nga shkaqet kryesore të aftësisë së kufizuar dhe madje edhe vdekjes tek të moshuarit është rënia. Është e kuptueshme pse të moshuarit nuk duan të pranojnë se kanë rënë – kanë frikë se do t’u thuhet të “qetësohen” ose të konsiderohen të brishtë. Por në të vërtetë, nëse i tregoni mjekut tuaj që keni rënë ose po rrëzoheni shpesh, ai mund të vlerësojë arsyet dhe të rekomandojë ushtrime për balancë, ekzaminime për dëgjimin dhe shikimin, rishikim të ilaçeve, apo hapa të tjerë për të ulur rrezikun nga rëniet.

Ndryshimet në kujtesë

Kjo është një fushë që shpesh mohohet. Ndonëse është e lehtë të mendosh se harresa është thjesht një pjesë e plakjes, ndryshimet në kujtesë mund të jenë pasojë e ilaçeve apo edhe e një sëmundjeje të trajtueshme. Është më mirë që mjeku ta dijë dhe të ndihmojë me planin e duhur. Edhe nëse diagnostikoheni me Alzheimer apo një çrregullim të ngjashëm, sa më herët të zbulohet, aq më mirë.

The post Këto gjëra nuk duhet t’ia fshihni kurrë mjekut tuaj appeared first on Telegrafi.

Aksidentet me monopatina apo scooter janë kthyer në një shqetësim serioz kohët e fundit. Mjekët e spitalit të Traumës ngrenë shqetësimin se ato përdoren nga adoleshentët dhe të rinj, të cilët shpesh janë të pakujdeshëm dhe lëvizin pa asnjë veshje mbrojtëse.

“2024 ka qenë me mbi 650 raste, 2025 është gati tek gjysma e kësaj por tendenca është të jetë në këto shifra ose më shumë”, tha Ilir Hasmuça, ortoped në spitalin e Traumës.

Ortopedi thotë se krahas këtyre aksidenteve, vera shënon dhe rritje të të gjitha llojeve të traumave. Moshat më të predispozuara janë të rinjtë, ndërsa shkaqet nisin nga shkelja e rregullave deri tek sëmundjet që rëndohen nga vapa.

“Flasim më shumë për aksidentet e rrugës, qoftë biçikleta, motori. Këto aksidente shtohen gjatë verës. Janë dhe traumat që vijnë nga përdorimi i mjeteve motorike të ujit, të gjitha këto bashkë rrisin numrin e aksidenteve. Sidomos mosha 20-30 vjec, që kërkojnë më shumë adrenalinë dhe aventurë. Por aksidentet nuk përjashtojnë dhe moshat e tjera ku shkaqet janë të ndryshme si mosnjohja e terrenit, problemet me rrugen apo sëmundjet shoqëruese që ato kanë.”, shtoi ortopedi.

Konsumimi i alkoolit dhe përdorimi i mjeteve motorike, është një tjetër fatkor që shkakton aksidente dhe që mjekët apelojnë që askush të mos ngas makinën nën efektin e saj.

LEXONI GJITHASHTU:

• VIDEO| Pengmarrje në mes të ditës në Tiranë, merret me forcë në makinë 40-vjeçari
• PAMJE/ Kapet shefi për lexuesit e matësve të energjisë në Vlorë, për çfarë akuzohet

The post Aksidentet në rritje gjatë verës, mjeku: Shkak, alkooli dhe përdorimi i motorave appeared first on Euronews Albania.

Mjeku androlog Evi Dani tha në emisionin Health O’Clock në Euronews Albania se përdorimi pa kujdes i viagrës nga meshkujt mund të çojë në fatalitet.

Ai rekomandoi që përdorimi i këtij medikamenti të bëhet përmes këshillës së mjekut i cili i bën me dije pacientit edhe efektet anësore të përdorimit të saj.

“Viagra është një nga preparatet që ka bërë çudi se ishte i pari që me daljen në treg në ‘97 arriti të ketë suksese të mëdha. Të gjitha preparatet e tjera që quhen bimore nuk janë të tilla, janë preparate që kanë në përbërje këtë grup medikamentesh. Efektet sekondare janë të pashmangshme, është mjeku që ja bën të ditur pacientit. Viagra ka dhimbje koke, skuqje fytyre, por kur nuk jepet ashtu siç duhet mund të çojë edhe në pasoja të rënda deri në vdekje; bie tensioni dhe pacienti është i detyruar të përfundojë keq”, shpjegoi mjeku.

LEXONI GJITHASHTU:

• Abuzonte seksualisht me pacientet, vihet në pranga mjeku në Itali
• Shëndetësi shtohen infarktet e zemrës, mjeku: 1/3 pa shenja paralajmëruese

The post “Kujdes nga viagra”! Mjeku: Mund të shkaktojë edhe vdekje nëse keqpërdoret! appeared first on Euronews Albania.

Një gjykatë në Norvegji dënoi sot një mjek 57-vjeçar me 21 vjet burg për përdhunimin masiv dhe abuzimin seksual të dhjetëra pacienteve femra, në një rast që tronditi vendin skandinav.

BBC raporton se doktori Arne Bie u shpall fajtor për 70 akuza për përdhunim dhe sulm seksual, si dhe për 82 raste abuzimi me pozicionin e tij.

Pothuajse të gjitha krimet ndodhën gjatë ekzaminimit të pacientëve, ndërsa Bie punonte në qytetin e vogël të Frost, me popullsi më pak se 3,000 banorë.

Gjykata shqyrtoi aktakuzën, e cila mbulonte pothuajse dy dekada të punës së tij dhe i referohej 94 grave.

Leximi i vendimit zgjati më shumë se një orë, dhe gjatë kësaj kohe Bie qëndroi i qetë dhe pa emocione.

Mbrojtja kërkoi një dënim më të lehtë prej 17-18 vjetësh sepse Bie pranoi përdhunimin e 21 viktimave, dhe prokurorët thanë se ishin të kënaqur me vendimin, por do të shqyrtonin ende një apel.

LEXONI GJITHASHTU:

• Ish-kreu i NATO-s Jens Stoltenberg, emërohet ministër i financave në Norvegji
• Norvegjia ndalon një anije të dyshuar për dëmtimin e kabllove nënujore

The post Rasti që tronditi Norvegjinë: Mjeku përdhunues serial dënohet me 21 vjet burg appeared first on Euronews Albania.

Një rast tronditës ka dalë në dritë në Milano, ku gastroenterologu dhe njëherësh kryebashkiaku i Rivolta d’Adda (Kremona), Giovanni Sgroi, 70 vjeç, është vendosur në arrest shtëpiak me akuzën e dhunës seksuale të rënduar ndaj katër pacienteve.

Hetimet janë zhvilluar nga karabinierët dhe janë koordinuar nga Prokuroria e Milanos, pas një denoncimi të bërë në maj 2024 nga një paciente 24-vjeçare. Gjatë hetimeve, përmes përgjimeve telefonike, analizave mjeko-ligjore dhe kërkimeve të tjera, janë identifikuar edhe tre viktima të tjera, të moshave 34, 36 dhe 43 vjeç.

Sipas rindërtimit të bërë nga prokurorja Letizia Mannella dhe kolegia e saj Alessia Menegazzo, abuzimet dyshohet se kanë ndodhur gjatë ekzaminimeve me ultratinguj të barkut në Qendrën Mjekësore Specialiste Pozzuolo Martesana, një strukturë private ku Sgroi ushtronte aktivitetin dhe mbante postin e drejtorit mjekësor. Sipas dosjes hetimore, mjeku dyshohet se shfrytëzonte pozitën e tij për të kryer veprime me natyrë seksuale, duke e kthyer aktin mjekësor në një mjet për të cënuar integritetin fizik dhe psikologjik të pacienteve. Ai përdorte një modus operandi të përsëritur, ku përziente pyetje profesionale me pyetje personale pa asnjë bazë mjekësore, dhe në mënyrë të papritur kryente akte të papranueshme ndaj pacienteve.

Në një prej rasteve, sipas dëshmive të përfshira në urdhrin e arrestit, pas një abuzimi të dyshuar ndaj një pacienteje të re, Sgroi i është drejtuar sekretares së qendrës me fjalët: “Jepi të voglës një zbritje”, duke shtuar edhe më shumë në peshen e dyshimeve për qëndrimin e tij ndaj viktimave.

Gjykatësja hetuese Sara Cipolla, e cila ka firmosur masën e arrestit shtëpiak, vlerëson se ekziston rrezik real për manipulim të provave dhe mundësi që mjeku të kryejë vepra të tjera të ngjashme nëse lihet i lirë. Kujtojmë se Sgroi ka qenë subjekt hetimesh edhe më parë, në vitin 2010, nga Prokuroria e Bergamos, por çështja u mbyll atëherë pa pasoja penale.

Duke marrë parasysh numrin e lartë të pacientëve që kanë kaluar nëpër duart e mjekut gjatë viteve të punës së tij, hetuesit nuk përjashtojnë mundësinë e viktimave të tjera. Autoritetet kanë bërë thirrje publike për denoncim, nëse ka persona të tjerë që mund të kenë qenë viktimë e sjelljeve të ngjashme nga Giovanni Sgroi.

LEXONI GJITHASHTU:

• Drogoi 3 të mitura dhe kreu marrëdhënie seksuale me njërën, arrestohet 40-vjeçari
• U njohën në rrjete sociale, si 40-vjeçari drogoi dhe kreu marrëdhënie me 15-vjeçaren

The post Abuzonte seksualisht me pacientet, vihet në pranga mjeku në Itali appeared first on Euronews Albania.

Ata që e ndjekin dhe e njohin mezi e kanë pritur librin e tij të parë. Fjala është për poetin dhe atdhetarin e njohur Isa Mjeku i cili jeton dhe vepron në Gjermani por origjina e tij është siç thotë ai Ilirida. Sadik Bicaj i cili është redaktor i këtij vëllimi do të fliste për këtë vëllim poetik mes të tjerash dhe kështu: “Ka shumë vite që Isa B. Mjeku është duke shkruar poezi dhe prozë në…

Source

Një lajm i hidhur vjen nga QSUT-ja, ku mjeku i njohur pediatër Bashkim Nezaj është ndarë nga jeta në mënyrë të parakohshme, teksa ishte në krye të detyrës, duke i shërbyer fëmijëve në Spitalin Pediatrik të Fëmijëve në Tiranë.

Ngjarja ndodhi në orët e para të mëngjesit të së enjtes, gjatë turnit të natës. Miqtë dhe kolegët kanë shprehur dhimbjen dhe keqardhjen për ndarjen e mjekut që njihej për qetësinë dhe përkushtimin në shërbim të të vegjëlve.

Sipas njoftimit nga QSUT dhe postimeve të miqve në rrjete sociale, mjeku tropojan humbi jetën si pasojë e një infarkti.

Ai ishte në shërbimin e mjekut të rojës kur u nda nga jeta, duke dhënë frymën e fundit në vendin e punës.

Reagimi i Qendrës Spitalore Universitare “Nënë Tereza”:

“Me dhimbje të thellë morëm lajmin për ndarjen e parakohshme nga jeta të Dr. Bashkim Nezaj. Një profesionist i përkushtuar, një njeri i qetë dhe i dashur, një mjek që ia kushtoi jetën dhe zemrën shërbimit ndaj fëmijëve. Për më shumë se 20 vite, Dr. Bashkimi ka qenë pranë çdo vogëlushi që ka kaluar pragun e Pediatrisë, duke u bërë shembull i humanizmit dhe profesionalizmit të rrallë.

Humbja e tij është një dhimbje e madhe për familjen, kolegët dhe për të gjithë ata që patën fatin ta njihnin e të punonin me të.

Prehu në paqe, doktor Bashkimi. Kontributi yt nuk do të harrohet kurrë”.

Shuarja e mjekut Nezaj ka tronditur jo vetëm familjen dhe miqtë, por edhe gjithë komunitetin mjekësor, veçanërisht kolegët e tij në QSUT, ku për vite me radhë ai shërbeu me përkushtim të plotë ndaj fëmijëve të sëmurë.

LEXONI GJITHASHTU:

• Shëndetësi shtohen infarktet e zemrës, mjeku: 1/3 pa shenja paralajmëruese
• Mjeku i Vatikanit: Papa vdiq nga një goditje në tru

The post E trishtë/ Mjeku pediatër i QSUT ndërron jetë në krye të detyrës appeared first on Euronews Albania.

Tashmë zëri i mijëra shqiptarëve që jetojnë në shtetin e Pensilvanisë të SHBA-ve, do të përfaqësohet nga mjeku Gentian Toshkëzi.

Ai u emërua konsull nderi në Filadelfia, titull ky që iu dorëzua nga ambasadori ynë në SHBA, Andi Bushati.

Doktor Toshkëzi e vlerësoi këtë titull, duke organizuar një mbrëmje pritëse me miqtë e tij shqiptarë dhe të huaj, ku nuk mungonin pjesëtarë të trupave diplomatike si kolegë të tij konsuj të shteteve të tjera në SHBA.

Ndërsa kolegët konsuj e cilësuan Toshkëzin si përfaqësuesin më të përshtatshëm të Shqipërisë në Filadelfia.

Ndërkaq, Dritan Matraku, kryetari i shoqatës “Bijtë e shqipes”, e cila prej më shumë se 20 vitesh, ruan, promovon dhe përhap në Filadelfia vlerat më të mira të Shqipërisë, u shpreh se e mirëpret kontributin e dr Toshkëzit për komunitetin shqiptar atje.

Ambasadori Bushati tha mes të tjerave se diplomacia shqiptare do të pasurohet me punën e konsullit të ri të nderit.

Këngët e Mira Konçit përcollën emocion tek të pranishmit, të cilët përmes duartrokitjeve shijuan repertorin e saj.

Një ndër personazhet që spikaste ishte ai i John Alites, amerikano-shqiptarit me famë botërore, me të kaluar të pasur në botën kriminale të SHBA-ve, si mafioz përkrah gangsterëve të njohur, por që tashmë i është rikthyer normalitetit e madje është angazhuar edhe në politikën amerikane.

Gentian Toshkëzi është shpallur disa herë si një prej neurokirurgëve më të mirë të Filadelfias e madje ka marrë edhe titullin e një prej mjekëve më të mirë në SHBA.

The post FOTO+VIDEO/ Mjeku Toshkëzi, Konsull Nderi në Filadelfia, titulli i dorëzohet nga ambasadori Bushati, i pranishëm dhe John Alite appeared first on Albeu.com.

Prokuroria e Fierit ka dërguar në gjyq dy persona, një mjek dhe një infermier, për akuzat e “Korrupsionit pasiv” dhe “Shpërdorimit të detyrës” pas dyshimeve për shkelje të protokolleve mjekësore në lidhje me lëshimin dhe dhënien e medikamentit “Metadon”.

Hetimet e Prokurorisë së Fierit zbuluan se mjeku me iniciale L.B., një toksikolog, ka lëshuar një recetë për përdorimin e “Metadonit” për një person që pretendonte se ishte përdorues i lëndëve narkotike, pa pasur analizat e duhura dhe pa rekomandimin e mjekut të familjes, përkundrejt përfitimit material.

Po ashtu, infermieri me iniciale E.M., i cili punon në Sektorin e Shërbimit Parësor në NJVKSH Fier, ka dhënë dyfishin e sasisë së përcaktuar të “Metadonit” një pacienti, duke shkelur protokollin mjekësor dhe pa kartelë mjekësore për këtë person, gjithashtu përfitues i përfitimeve material.

Prokuroria vijon hetimet, ndërsa çështja pritet të kalojë për gjykim në Gjykatën e Shkallës së Parë të Fierit.

LEXONI GJITHASHTU:

• Procedohet në gjendje të lirë 38-vjeçari që dhunoi djalin e ish-deputetit
• Ukraina humbet deri në 305 trupa në 24 orë nga forcat ruse

The post Dhanë ‘Metadon’ në shkelje të protokollit, dërgohen në gjyq mjeku dhe infermieri appeared first on Euronews Albania.

Emisioni “Fiks Fare” sjell një rast mitmarrje nga ana e bluzave të bardha në qytetin e Fierit. Mjeku Musa Skënderaj akuzohet nga dy prindër se u ka marrë 40 mijë lekë për operimin e djalit të tyre, ndërkohë që sot i mituri rrezikon të humbasë një testikul dhe duhet të rifutet sërish në operacion. “Përveç […]

The post Fier/ Mjeku merr ryshfet për operacion në testikuj, i mituri humb njërin: Do e rioperoj appeared first on BoldNews.al.

1 në 3 persona që paraqiten tek mjeku I familjes, kërkon ndihmë për probleme të shëndeti mendor. Sipas OBSH për Europën, shqetësimet e shëndetit mendor janë një ndër arsyet më të shpeshta përse qytetarët kërkojnë ndihmë në shërbimet e kujdesit parësor, por shpesh, këto probleme nuk identifikohen në kohë ose nuk trajtohen siç duhet, duke u përkeqësuar në heshtje.

Një dokument i ri I hartuar nga ekspertët e shëndetësisë botërore për rajonin europian thotë që edhe qendrat shëndetësore.

Në qendër të kësaj strategjie janë katër drejtime, trajnimi i mjekëve të familjes për të njohur herët shenjat e çrregullimeve mendore, përfshirja e psikologëve në qendrat shëndetësore, lidhja më e mirë me specialistët, dhe bashkëpunimi me shërbime të tjera si strehimi, arsimi apo punësimi.

Në Evropë, mbi 125 milionë njerëz jetojnë me çrregullime të shëndetit mendor, por vetëm një pjesë e vogël prej tyre marrin ndihmën e nevojshme. Sipas OBSH-së, kjo vjen si pasojë e mungesës së specialistëve, burimeve të kufizuara dhe stigmës që lidhet me shëndetin mendor.

Ekspertët vlerësojnë se fuqizimi i kujdesit parësor është mënyra më e qëndrueshme dhe efektive për të siguruar mbështetje të vazhdueshme dhe të besueshme për pacientët, duke ulur njëkohësisht presionin mbi spitalet dhe kostot për sistemin shëndetësor.

Ata janë të mendimit se kujdesi parësor është vendi ku pacientët kanë besim, zhvillojnë marrëdhënie afatgjata me mjekët, dhe është aty ku mund të kapen në kohë shqetësimet, pa stigmatizim dhe me kosto më të ulët.

LEXONI GJITHASHTU:

• OBSH nis ristrukturimin e stafit pas shkurtimit të fondeve nga SHBA-ja
• Teknologjia dhe interneti, OBSH: 1 në 10 fëmijë të varur nga rrjetet sociale

The post OBSH: 1 në 3 persona kërkon ndihmë për shëndetin mendor te mjeku i familjes appeared first on Euronews Albania.

Dr. Mihallaq Prifti, një nga figurat më të njohura të mjekësisë shqiptare, është ndarë nga jeta këtë të enjte, në moshën 91-vjeçare. I njohur nga të gjithë si “Misha i Madh”, ai ka dhënë një kontribut të jashtëzakonshëm në zhvillimin e Shërbimit të Anestezisë dhe Reanimacionit në Shqipëri.

Lindur në Nartë të Vlorës, Dr. Prifti ka qenë një pionier në fushën e anestezisë, duke u specializuar në Shën Petërsburg në vitin 1958 dhe duke punuar për shumë vite në Spitalin Ushtarak, ku u bë dhe shefi i parë i Shërbimit të Anestezisë. Ai ka qenë një figurë e dashur për kolegët dhe pacientët, i njohur për përkushtimin e tij dhe profesionalizmin e lartë.

Edhe pas daljes në pension, Dr. Prifti vazhdoi të kontribuonte për shumë vite me përvojën dhe njohuritë e tij, duke mbetur një mentor për brezat e rinj të mjekëve.

Shoqata e Anestezistëve dhe Reanimatorëve të Shqipërisë ka shprehur ngushëllimet e saj më të sinqerta për ndarjen nga jeta të Dr. Priftit, duke theksuar se ai do të mbetet gjithmonë një emër i paharruar dhe një model i përkushtimit në mjekësi.

Në një postim të saj në rrjetet sociale, Shoqata shkruan:

“Sot, në moshën 91-vjeçare, u nda nga jeta anestezisti më i vjetër i Shërbimit të Anestezi-Reanimacionit, Dr. Mihallaq Prifti, i njohur nga të gjithë si ‘Misha i Madh’. Dr. Prifti ishte një figurë e respektuar dhe një mentor i përkushtuar. Ai dha një kontribut të jashtëzakonshëm në vitet më të vështira të këtij shërbimi, duke punuar me përkushtim dhe profesionalizëm. Shoqata e Anestezistëve dhe Reanimatorëve të Shqipërisë shpreh mirënjohjen dhe ngushëllimet më të sinqerta familjes, kolegëve dhe miqve.”

LEXONI GJITHASHTU:

• Ndahet nga jeta legjenda e futbollit shkodran, Paulin Ndoja
• Ndahet nga jeta ikona e kinematografisë shqiptare, Margarita Xhepa

The post Ndahet nga jeta anestezisti i njohur shqiptar appeared first on Euronews Albania.

Doktori i Vatikanit Andrea Arcangeli në një certifikatë vdekjeje të lëshuar të hënën për Papën, tha se Papa Françesku vdiq nga një goditje në tru dhe dështim i pakthyeshëm i zemrës dhe si pasojë e dështimit të pakthyeshëm të zemrës.

Certifikata, e cila u botua nga Vatikani, thoshte se Papa kishte rënë në koma para vdekjes së tij herët të hënën.

Ndërkohë, në Vatikan po bëhen lutje për Papa Françeskun, udhëheqësin e parë latino-amerikan të Kishës Katolike Romake, i cili ka vdekur në moshën 88-vjeçare.

Vatikani konfirmoi se Papa vdiq në orën 07:35 me orën lokale të së hënës

LEXONI GJITHASHTU:

• Gazetari shqiptar nga Italia tregon 3 emrat e përfolur si pasues të Papa Françeskut
• Kardinali dom Ernest Simoni-Troshani reagon pas ndarjes nga jeta të Papa Françeskut

The post Mjeku i Vatikanit: Papa vdiq nga një goditje në tru appeared first on Euronews Albania.

Një mjek gjerman i kujdesit paliativ është akuzuar për vrasjen e 15 pacientëve të tij duke përdorur një koktej drogash vdekjeprurëse.

Prokurorët në Berlin kanë akuzuar 40-vjeçarin se i ka vënë zjarrin shtëpive të disa prej viktimave të tij të dyshuara për të mbuluar gjurmët, shkruajnë mediat e huaja, përcjell Telegrafi.

Ai dyshohet se vrau 12 gra dhe tre burra midis shtatorit 2021 dhe korrikut 2024, megjithëse prokurorët kanë thënë se besojnë se totali mund të rritet.

Mjeku, emri i të cilit nuk është bërë i ditur për shkak të ligjeve të rrepta të privatësisë në Gjermani, nuk i ka pranuar akuzat, thanë prokurorët.

Ai akuzohet se u ka dhënë një anestezi dhe një relaksues muskulor pacientëve të tij pa dijeninë apo pëlqimin e tyre.

Relaksuesi “paralizoi muskujt e frymëmarrjes, duke çuar në ndalim të frymëmarrjes dhe vdekje brenda pak minutash”, tha zyra e prokurorit në një deklaratë.

Ai ka punuar në disa rajone dhe moshat e tyre – rastet e të cilëve po trajtohen si të dyshimta – po variojnë nga 25 deri në 94 vjeç.

I dyshuari akuzohet për vrasjen e dy pacientëve në një ditë të vetme në korrik 2024 – një burrë 75-vjeçar në shtëpinë e tij në qendër të Berlinit dhe një grua 76-vjeçare në një lagje fqinje “disa orë më vonë”.

Mjeku fillimisht dyshohej se kishte vrarë katër persona nën kujdesin e tij kur u arrestua në gusht 2024, por hetimet kanë zbuluar vdekje të tjera të dyshimta, me më shumë zhvarrosje të viktimave të mundshme. /Telegrafi/

The post Mjeku gjerman akuzohet për vrasjen e 15 pacientëve – dhe numri mund të jetë më i madh appeared first on Telegrafi.

Endokrinologu Gjuro Macut është mandatari i ri për formimin e Qeverisë së Serbisë, lajmi u bë me dije nga presidenti Aleksandar Vuçiç.

Vuçiç tha se Qeveria e re serbe do të zgjidhet më 18 prill.

Mjeku Gjuro Macut ka përfunduar specializimin në endokrinologji. Është shef i repartit për tumoret e sistemit endokrin në Klinikën e Endokrinologjisë të Qendrës Klinike Universitare të Serbisë.

“Dr. Gjuro Macut, një njeri jashtëzakonisht i guximshëm, shumë i qetë, i matur, tolerant, i durueshëm dhe ndoshta specialisti më i madh në fushën e endokrinologjisë nga Vjena deri në Stamboll”, tha Vuçiç.

Presidenti serb më herët ka zhvilluar konsultime me partitë parlamentare për mandatarin e qeverisë së re, të cilat kanë filluar më 2 prill.

Opozita parlamentare kishte paralajmëruar më parë se nuk do të merrte pjesë në këto konsultime. Ata kishin propozuar formimin e një qeverie kalimtare, propozim që është refuzuar nga përfaqësuesit e pushtetit në Serbi.

Pas konsultimeve të 3 prillit, kryetari i Partisë Progresive Serbe (SNS), Millosh Vuçeviç, tha se koalicioni i mbledhur rreth SNS-së konsideron se nuk duhet të shpallen zgjedhje të reja, por duhet të formohet një qeveri e re.

Rënia e Qeverisë së Serbisë, e udhëhequr nga Millosh Vuçeviq, ndodhi në kulmin e protestave kundër pushtetit, të udhëhequra nga studentët. Studentët protestues, që nga fundi i nëntorit 2024, kanë bllokuar dhjetëra fakultete në mbarë Serbinë.

Në fokus të kërkesave të tyre, të adresuara institucioneve të Serbisë, është përcaktimi i përgjegjësisë juridike dhe politike për vdekjen e 16 personave nga shembja e strehës prej betoni të Stacionit Hekurudhor në Novi Sad, më 1 nëntor të vitit të kaluar.

LEXONI GJITHASHTU:

• Vuçiç mandaton endokrinologun, Gjuro Macut për formimin e Qeverisë
• Kryeministri Rama në Izrael, vizitë në qendrën mjekësore Sheba: Mezi e prita takimin

The post Kush është i mandatuari për të qenë kryeministri i ardhshëm në Serbi appeared first on Euronews Albania.

Nga Erion Dasho Teksasi dhe disa shtete të tjera të jugut të SHBA-ve janë duke luftuar prej muajsh me një shpërthim të sëmundjes së fruthit. Tre fëmijë kanë vdekur, midis disa qindra të sëmurëve. Për të kuptuar shkallën e rëndesës së problemit, vdekja e fundit nga fruthi në SHBA datonte në vitin 2019 dhe e […]

The post Vaksinat: Konspiracion apo mbrojtje e jetës? appeared first on BoldNews.al.

Në një intervistë televizive mjeku veterinar, Rushan Vrapi, foli në lidhje me temat më aktuale dhe më të përfolura, për mishin me salmonelë.

Mjeku nënvizoi rëndësinë e respektimit të kushteve higjeno-sanitare jo vetëm në thertore që duhet të jenë brenda standardeve, duke u ndalur edhe tek zinxhiri i ftohjes.
“Zinxhiri i ftohjes është shumë i rëndësishëm. Mishi pas therjes së kafshës duhet të mbahet për rreth 48 orë në temperatura nën 0, zakonisht minus 4 gradë celcius. Kjo ndikon në uljen e ngarkesës mikrobike, jo 100 për qind, por që ndikon. Kjo është rëndësishme pasi edhe mënyra se si reagon trupi ynë varet nga ngarkesë mikrobike”, u shpreh ai. Mjeku ka renditur edhe disa nga indikatorët që mund të na bëjë të kuptojmë nëse mishi të cilin po blejmë është i kontaminuar apo jo.

“Në lidhje me pamjen, një mish i freskët duhet të ketë një ngjyrë të kuqe në rozë, vëmendje duhet t’i kushtojmë edhe aromës së mishit apo lëngjet me ngjyra të ndryshme që mishi mund të ketë rreth e qark. Sa i ëprket strukturës së mishit, ai nuk duhet të jetë as xhelatinoz dhe as i fortë”, tha ai. Vrapi vuri theksin edhe në rrezikshmërinë që paraqet përdorimi i antibiotikëve tek kafshët dhe ndikimin që kjo ka tek organizmi i njeriut.

“Problem është edhe pjesa e përdorimit të antibiotikëve në kafshë, pasi nuk shkatërrohet me gatimin, as në temperatura të larta,100 gradë. Antibiotikët janë një nga problemet më të mëdha të botës kjo edhe për faktin sepse krijohet rezistencë ndaj antibiotikëve”’, tha ai.

The post Skandali me salmonelën/ Mjeku veterinar: Ja si ta kuptojmë që mishi është i kontaminuar appeared first on Sot News | Lajme.