Në serinë e tretë të sezonit të katërt të podcastit “Zëra”, gazetarja Erisa Kryeziu sjell në diskutim mënyrën se si trajtohet kujtesa historike në Shqipëri duke marrë shkas nga rasti i restaurimeve të nisura dhe më pas të pezulluara në ish-burgun e Spaçit.

Të ftuar në këtë bisedë janë Brisejda Lala, studiuese e historisë, dhe Arnen Sula, arkitekt dhe drejtues i qendrës “Tek Bunkeri”.

Një projekt filmik ngjalli diskutime në muajin qershor mbi kujtesën historike pasi u shoqërua me ndërhyrje pa transparencë në burgun e Spaçit.

Sula ngre shqetësime për mënyrën se si u transformua ambienti i dhomës së takimeve në burg.

“Këto vrima që përdoreshin për të përgjuar familjarët e të burgosurve, edhe në çaste intime, janë zhdukur. Ato janë dëshmi të drejtpërdrejta të së kaluarës,” thotë ai.

Drejtuesi i qendrës “Tek Bunkeri” thekson se ndërhyrjet e fundit bien ndesh me Planin e Menaxhimit të Spaçit, që parashikonte ruajtjen e gjendjes ekzistuese për të reflektuar jo vetëm periudhën e diktaturës, por edhe dekadat e braktisjes dhe plaçkitjes pas saj.

“Rrezikojmë të humbasim historitë që ato mure mbartin,” paralajmëron ai.

Për studiuesen Brisejda Lala, është e papranueshme që, pas kaq vitesh, burgu i Spaçit ende nuk është shpallur muze. Ajo thekson se çdo ndërhyrje, sado e vogël, duhet të kalojë në filtrin e një studimi të mirëfilltë, duke respektuar statusin si Monument Kulture i Kategorisë II.

“Shoqëria shqiptare nuk e ka kthyer kokën nga e kaluara. Jemi zgjuar vonë,” thotë ajo, ndërsa e lidh këtë “rizgjim” me zhgënjimin kolektiv nga tranzicioni dhe shembujt pozitivë nga vendet ish-komuniste që e kanë integruar kujtesën historike në ndërtimin e identitetit kombëtar.

Arkitekti Sula kujton bisedat me ish-të dënuarit politikë, të cilët, sipas tij, ndihen të braktisur.

“Njëri prej tyre qante kur tregonte që as djali i vet nuk e dëgjon më,” thotë ai. Për të, kjo është dëshmi e një harrese shoqërore që shkon përtej institucioneve.

Lala shton se mungesa e një vendi zyrtar kujtese e bën të pamundur përfaqësimin e denjë të atyre që kanë vuajtur.

“Fatmirësisht, kemi ende të gjallë shumë prej tyre. Dëshmitë e tyre janë thelbësore për të ngritur narrativën e së vërtetës historike,” shpjegon ajo.

Podcastin mund ta ndiqni dhe në Spotify:

Në bisedë, Brisejda dhe Arneni nënvizojnë nevojën që të rinjtë të njihen me këtë pjesë të historisë. Kjo, sipas tyre bëhet në shkolla, duke e përfshirë këtë pjesë të historisë në kurrikulat shkollore.

“Edukimi duhet të fillojë që në shkollën 9-vjeçare, që duhet të kemi një lloj specifikimi të temave që do të zhvillohen në lidhje me komunizmin dhe zgjerim të njohurive”, u shpreh Brisejda Lala.

Sipas Lalës, shembujt në rajon për mënyrën si është trajtuar në shkolla janë të shumtë.

“Në Rumani kanë module të përcaktuara në klasën e 12-të që zhvillohet vetëm në diktaturën komuniste të implementuar në Rumani dhe ka edhe në klasën e 11-të një modul sa i përket periudhës së Holokasustit”.

Për Arnen Sulën, nevoja për të folur me të rinjtë për periudhën e diktaturës komuniste është e rëndësishme, pasi shumë pak dinë.

“Shumë nga situatat politike dhe sociale që kemi sot si shoqëri, vijnë si pasojë e traumave që na ka lenë diktatura”, argumenton Sula.

Lala sugjeron që të ketë një program të detyruara në shkolla për të vizituar vendet e kujtesës, ndërsa vë në dukje nevojën për të pasur një hartë të vendeve të kujtesës në Shqipëri.

Ndërsa Arnen Sula sjell në vëmendje praninë në postet drejtuese të sotme të personave që kanë shërbyer gjatë diktaturës.

“Është shumë e dhimbshme për ish të përndjekurit politikë të shikojnë figura të tilla ende në pozicione drejtuese”, u shpreh Sula.

Podcasti “Zëra” sjell në çdo episod zëra kritikë dhe reflektime për shoqërinë shqiptare, me qëllim të nxisë mendim të pavarur dhe dialog publik. Hapësira e këtij podcasti i dedikohet gjithashtu qytetarëve që angazhohen në kauza publike, zëri i të cilëve mbytet ose mpaket nga ngjarjet e shumta politike e sociale, që shpesh nuk e kalojnë kryeqytetin.

The post “Zëra”, Episodi 3: Brisejda Lala dhe Arnen Sula flasin për restaurimin e Spaçit dhe kujtesën historike appeared first on Citizens.al.

Në serinë e dytë të sezonit të katërt të podcakstit “Zëra”, gazetarja Erisa Kryeziu sjell në diskutim përfaqësimin e vajzave dhe grave në politikë, kjo në kuadër edhe të zgjedhjeve parlamentare.

E ftuar në këtë bisedë është Ines Leskaj, aktiviste e të drejtave të njeriut dhe njëkohësisht drejtuese e Rrjetit të Fuqizimit të Gruas në Shqipëri (AWEN).

Gjatë bisedës me të, Leskaj sjell një panoramë të gjerë për rolin e vajzave dhe grave në politikë, rëndësinë e kuotave gjinore, sfidat që gratë përballin me stereotipet diskriminuese si dhe mënyrat se si mund të sfidojnë narrativat tradicionale që i kufizojnë.

Sipas Leskajt, kuotat janë të rëndësishme dhe fakti që partitë i kanë në vëmendje është për t’u vlerësuar. Mirëpo, nuk duhet të mbetemi vetëm ay, pasi nevojitet më tepër angazhim dhe përfaqësim.

Gjatë fushatës zgjedhore të 11 majit, media ka luajtur rol domethënës për qasjen gjinore, qoftë në diskutime apo tematika të trajtuara. Mirëpo, sërish panelet, sipas Leskajt, janë të dominuara nga burrat. Ajo thotë se gratë ftohen kryesisht “për të mos lënë vetëm një panel me burra”.

“Është zgjedhja e autorëve të programeve apo moderatorëve […] që të përfshijnë tek-tuk ndonjë grua dhe çuditërisht dhe veçanërisht ta pyesin për aspektin e emocioneve të tyre, si u ndjeve ti kur lexove këtë lajmin që kishte të bënte me çantën tënde kostumet e tua, pamjen tënde të jashtme”, theksoi Leskaj duke shtuar se pyetje të tilla nuk u bëhen kurrë burrave.

Podcastin mund ta ndiqni dhe në Spotify:

Ndër pyetjet tipike që nuk u drejtohen kurrë burrave por gjithmonë vajzave dhe grave Leskaj përmend: “Si e balanconi jetën familjare me jetën në politikë dhe si po e përballoni ju si grua këtë fushatën që është kaq intensive?”

Sipas saj, pyetje të tilla nxjerrin një kontekst të gabuar dhe forcojnë stereotipet ndaj grave. Sa i takon programeve Leskaj thotë se barazia gjinore nuk trajtohet si duhet.

“E kanë cekur […] se e dinë që nuk mund të lihet më jashtë në mënyrë fare të hapur, por në vija të përgjithshme. Pa e prekur realisht dhe nëpërmjet hapave, masave konkrete që do të merren nga qeveria në fjalë”, u shpreh gjatë podcastit Leskaj.

Drejtuesja e AWEN-it veçoi pjesëmarrjen e ulët si folëse të vajzave dhe grave në takimet elektorale të kandidatëve për deputetë. Sipas saj, pjesëmarrja e tyre është e dukshme në zonat urbane dhe më pak në zonat rurale. Ndërsa, edhe kur pjesëmarrja është e dukshme, e folura në këto takime mbetet ende prioritet i burrave.

“Edhe në këto takime ku nga publiku zgjedhin të flasin gra, do të shikosh që janë gjithnjë e më shumë gra në moshë që nuk kanë ndonjë sulm për të marrë mbi shpatulla, apo nuk kanë çfarë të humbin nga pjesa e nderit dhe diskutimeve të këtij”, u shpreh Leskaj.

Podcasti “Zëra” sjell në çdo episod zëra kritikë dhe reflektime për shoqërinë shqiptare, me qëllim të nxisë mendim të pavarur dhe dialog publik. Hapësira e këtij podcasti i dedikohet gjithashtu qytetarëve që angazhohen në kauza publike, zëri i të cilëve mbytet ose mpaket nga ngjarjet e shumta politike e sociale, që shpesh nuk e kalojnë kryeqytetin.

Ndiq dhe podcastin e shkuar:

• “Zëra”, Episodi 1: Ervin Goci analizon komunikimin politik të Veliajt pas arrestimit

The post “Zëra”, Episodi 2: Ines Leskaj analizon përfaqësinë gjinore në politikë appeared first on Citizens.al.

TIRANË, 19 prill/ATSH-Maela Marini/ Kryeministri Edi Rama kishte sot të ftuar në podkastin “Flasim” katër të rinj të kthyer nga jashtë vendit, ku kishin krijuar eksperiencat e tyre profesionale në fusha të ndryshme, të cilët tashmë janë përfshirë në poste të larta drejtuese në qeveri.

“Katër UFO në vendin e shqiponjave” emërtohet podkasti i sotëm, ku të ftuar janë Florian Semani, zv.ministër i Financave, i kthyer nga SHBA ku punonte si ekspert taksash; Blerina Abrazhda, zv.ministre e Mbrojtjes, e kthyer pas 25 vitesh studime e pune në Itali, SHBA, Lindjen e Mesme; Andi Memeti, zv.ministër i Financave, i kthyer nga Londra pas 20 e ca vitesh studime e pune në industrinë bankare dhe Erinda Aliaj, e kthyer nga SHBA, dhe që tani punon në administratë, në Kryeministri, si eksperte e teknologjisë.

Dy prej tyre, zv.ministri i Financave Andi Memeti dhe Erinda Aliaj ishin bërë më parë pjesë e platformës “Deputeti që duam”.

Ndërsa treguan eksperiencat e tyre jashtë vendit, pika që i përbashkonte rrëfimet e tyre jetësore ishte dëshira dhe vendosmëria për t’u kthyer dhe për të kontribuar në Shqipëri.

“Deri para pak muajsh nuk jetonin në Shqipëri, të gjithë ishin jashtë Shqipërisë dhe sot janë në Shqipëri dhe mbulojnë detyra goxha të rëndësishme duke marrë përgjegjësi jo të vogla pas një eksperience që është njëra më interesante se tjetra në rrugët e botës. Kanë ardhur sot për të ndarë eksperiencën e tyre dhe nga ana tjetër publiku të shohë se cilët janë disa nga njerëzit që nuk bëjnë bujë, nuk dalin në televizor por që punojnë pa u ndjerë dhe me shumë efikasitet në shërbim të shtetit shqiptar”, i prezantoi Rama të ftuarit.

Blerina Abrazhda, aktualisht zv.ministre e Mbrojtjes e kthyer pas 25 vitesh studime e pune ne Itali, SHBA dhe Lindjen e Mesme tregoi rrugëtimin e saj profesional dhe vendimin për t’u kthyer në Shqipëri.

“Nuk jam kthyer nga ndjenja e nostalgjisë por nga përgjegjësia për të bërë diçka për vendin. Kam jetuar në shumë vende të ndryshme, kudo që shkon ka nevojë për një periudhë përshtatjeje. Por këtu ndihem mirë se gjërat janë përmirësuar jashtëzakonisht për mirë”, tha ajo.

Sipas saj, “ka një fokus të veçantë që të përmirësohet jo vetëm imazhi i Shqipërisë që është përmirësuar në mënyrë të jashtëzakonshme, por ka një tjetër mënyrë se si njerëzit kanë filluar t’i qasen punës”.

Abrazhda tregoi formimin e saj profesional i cili nisi nga Italia si eksperte taksash e tatimesh dhe u konsolidua më tej si kryenegociatore në Lindjen e Mesme në industrinë e mbrojtjes.

Ndërsa Florian Semani, zv.ministër i Financave, i kthyer nga SHBA ku punonte si ekspert taksash tregoi se përse vendosi në një moment të caktuar të kthehej dhe të kontribuonte në Shqipëri.

Sipas tij Shqipëria ndodhet shumë pranë anëtarësimit në BE dhe ai do të donte të jepte kontributin e vetë në këtë drejtim.

“Normalisht ka nevojë për një periudhë përshtatjeje, por kam gjetur një staf shumë akomodues dhe jam ndjerë shumë i akomoduar te Ministria e Financave. E konsideroj  privilegj dhe ndihem mirë që të bashkëpunoj me ta. Jam larguar prej 26 vitesh nga vendi, dhe Shqipëria vërtetë më ka surprizuar për mirë. Ka shumë gjëra të tjera për t’u bërë por është krijuar një themel shumë i shëndetshëm për të vijuar më tej”, tha ai.

Ndërsa mbante një pozicion pune në Los Anxhelos si konsulent në Agjencinë e Taksave, pjesë e Departamentit Amerikan të Shtetit, Semani tregon se u kthye në Shqipëri pasi mendon se vendi është në një moment shumë delikat për t’u futur në BE.

“Unë dua të jap kontributin tim. Kam besim të plotë se me vizionin që ka qeveria juaj, vetëm me vizionin tuaj vendi mund të hyjë në BE, ndaj jam këtu”, tha ai.

Andi Memeti, zv.ministër i Financave, i kthyer nga Londra pas mbi 20 viteve studime e pune në industrinë bankare, tregon se fillimisht u bë pjesë e platformës “Deputeti që duam”, ku nuk arriti të fitonte.

Kryeministri Rama tregoi se ajo që i bëri përshtypje ishte vendosmëria e tij për t’u kthyer vijuar dhe për të dhënë kontributin në Shqipëri edhe pse ishte pjesë e një institucioni prestigjioz në Londër si “City Bank”.

“Kisha disa pikëpyetje në kokën dhe në mendje time, por në momentin që u ktheva te Ministria e Financave kam gjetur një staf shumë të përgatitur. Jam larguar në moshën 17-vjeçare si student ekselent në Londër, gjithmonë me përqasjen për t’u përfshirë në politikë. Kam rreth 12 vite eksperiencë në fushën e shërbimeve financiare atje dhe në audit për 7 vite. Kam punuar te “City Bank” në Londër ku në momentin që vendosa të rikthehesha në Shqipëri sapo isha ngritur në detyrë. Më ofruan shpërblim financiar për të qëndruar, por u thashë se nuk ka shpërblim financiar që mund të më ndryshojë mendjen. Dua të kthehem të jap kontributin tim. Është patriotizëm, por edhe nder të përfshihem në grupin fantastik që keni krijuar për të afruar Shqipërinë në BE”, tha ai.

Ndërsa Erinda Aliaj, e kthyer nga SHBA dhe që punon në administratë në Kryeministri si eksperte e teknologjisë tregon se u largua nga Shqipëria drejt SHBA-së në vitin 2001.

“Nuk e di çfarë guximi kanë pasur prindërit e mi që të dërgojnë një fëmijë 16 vjeç në një vend që është shumë larg. Kjo tregon si ka qenë Shqipëria atëherë. Shqipëria atëherë ka qenë shumë keq, firmat piramidale i kam përjetuar në Vlorë me shtetin që nuk ekzistonte dhe me krimin. Këto kanë qenë kushtet ku unë jam larguar, ndërsa tani vendosa të kthehem”, tha ajo.

/r.e/

The post Të ftuarit në podkastin “Flasim”: Shqipëria në një moment shumë delikat për t’u futur në BE, duam të kontribuojmë appeared first on Agjencia Telegrafike Shqiptare.

Kryeministri Edi Rama, në podkastin “Flasim”, përgjigjet për administratën dhe akuzat ndaj saj.

“Unë vetë personalisht kam pasur më shumë stres nga hijet e administratës e mjaftueshëm motivim për ti dalë për zot”, deklaroi Kryeministri. Rama theksoi se krenari për të janë vlerësimet e vendeve të BE për administratën që janë të angazhuar në procesin e integrimit në BE.

Edi Rama:

 Është një referen i përsëritur në pafundësi që ministrat, administrata…, hajdutët, hajdutët, të gjithë hajdutë. Ndërkohë që padiskutim që administrata ka hijet e veta, nuk diskutohet do ishte komplet e pandershme që ne ta fshihnim këtë, por unë vetë personalisht kam pasur më shumë stres nga hijet e administratës se mjaftueshëm motivim për ti dalë për zot. Por kjo është përmbysur komplet kur kemi bërë procesin screening dhe të gjithë bashkëpunëtorët e dinë shumë mirë që thosha dhe me vete e kam pasur vazhdimisht si borxh se çfarë do të ndodhë në orën e të vërtetës.

Ora e të vërtetës për mua ishte momenti kur negociatat do të fillonin me screening, me gjithë diagnozën e shtetit shqiptar ku faktikisht janë 1000 vetë nga ana këtej dhe 1000 nga ana andej që ulen përballë njëri-tjetrit me 36 grupe, në mos janë më shumë, dhe që i hyjnë deri në qelizë shtetit shqiptar dhe aty ka shumë rëndësi si performon ti, si luan ti pjesën tënde.

Kur filloi procesi isha shumë në tension sepse thosha gjithë kjo luftë e gjithë këto përpjekje për të bindur dynjajnë se ne nuk jemi ata. Imagjino sikur të fillojë të fusë ujë varka, të fillojnë varjet e turinjve dhe pastaj pëshpërimat, pastaj të bëhen shurdhuese, që “këta nuk janë gati, s’kanë lidhje’. Dhe kur papritur filloi një tjetër këngë, më thoshin tanët që po ecim mirë, thosha ‘jo’. Filloi një muzikë, kryeministri i Holandës më tha “Edi po dëgjoj fjalë të mira nga ekipi shqiptar, mbresat nga Brukseli janë shumë të forta’. Eh, kryeministri i Danimarkës “ç’ndodhi me administratën tuaj se kam parë raportet e ministrisë së jashtme, për pjesën e proceseve të vende që duan të hyjnë, jeni on top’.” Pastaj kryeministri i Spanjës, pastaj kur procesi hyri më thellë filluan ta thoshin qartësisht ata që “është një surprizë, administrata është shumë e përgatitur, njerëzit shumë serioz, negociatorët on the point, një vend perëndimor. Kjo gjëja më ka dhënë shumë krenari.

The post “Administrata…, hajdutët, hajdutët”/ Kryeministri Rama në podkastin “Flasim”: Kam pasur stres, por… appeared first on Sot News | Lajme.

TIRANË, 12 prill /ATSH/ Kryeministri Edi Rama, në episodin e 14 të sezonit të 4 në  podkastin “Flasim” kishte të ftuar Lolita Lumi nga Temali i Dukagjinit, Aleksandër Çifligu nga Tirana dhe Besniku nga fshati Këmishtaj i Divjakës që të tre të kthyer nga emigrimi pas disa vitesh dhe që kanë investuar në vendin e tyre të lindjes.

E titulluar “Koha për t’u kthyer”, Rama u shpreh gjatë podkastit se që të tre janë emigrantë “të penduar” që kanë ikur dhe janë kthyer në Shqipëri, por nuk janë penduar si shqiptarë të kthyer.

“Është koha për ta menduar seriozisht kthimin, por njëkohësisht koha ku shumëkush i kundërvihet me egërsi kësaj ideje. Të tre vijnë nga gjeografi, por edhe rrugë të ndryshme të jetës, por i bashkon ideja e emigrantëve të penduar, sigurisht edhe eksperienca në emigracion ka pasur vlerën e vet, i ka ndihmuar të njohin botën dhe të mësojnë”, tha Rama.

Lolita, një prej protagonisteve të këtij podkasti, u shpreh se vjen nga Temali i Dukagjinit, një nga zonat më të thella të vendit, e rritur në një familje të madhe, me gjyshër e gjyshe, mes maleve, aty ku edhe këmba e njeriut është e vështirë të shkelë. Ajo rrëfeu rrugëtimin e saj, nga largimi nga Shqipëria, te hapja e një dyqani të vogël me punime artizanale në pedonalen e Shkodrës dhe mandej, vendimi përfundimtar para dy muajve për t’u rikthyer përfundimisht në Shqipëri.

“Kemi dy muaj që jemi kthyer përfundimisht dhe jetojmë në Theth. Shtëpia e të parëve është mbajtur nga të afërmit, po ne duam ta mbajmë siç është. Po shohim mundësitë e hotelerisë, turizmit dhe zhvillimit të asaj zone”, tha Lumi.

Nga ana e tij, Kryeministri Rama e ftoi Lolitën që të aplikojë për “Paketën e Maleve”, ku 500 fituesit e parë nuk do të kenë taksa për 10 vjet.

“Unë nuk jam me idenë që duhet t’u bëj moral të tjerëve, secili bën zgjedhjet e veta në jetë. Por, ne jetojmë në një botë të lirë, edhe bota është gjithmonë e më e vogël”, pohoi Rama.

Aleksandër Çifligu, një tjetër emigrant i kthyer nga Greqia në vitin 2011, u shpreh se Shqipëria është sot magji, dhe u bëri një ftesë të gjithë atyre emigrantëve që e mendojnë rikthimin te rrënjët e tyre. Ai tregoi se u largua me familjen në moshën 13-vjeçare në Athinë, ku muajt e parë ishin kriza dhe probleme të të gjitha natyrave, deri kur vendosi të përfundojë shkollën e mesme natën dhe njëkohësisht të punonte.

“Nisa punë në punishtet e lagjes me tela dhe abazhurë, por fati e deshi që të kanalizohesha në studio televizive, butaforitë, serialet televizive, më dukej sikur shikoja Herkulin që shihnim në moshë të vogël. Aty filloi një pasion për skenografinë, deri në vitin 2011, kur vendosa të lëviz i ngopur, i mbushur me shumë projekte. Nuk u ktheva me idenë e qëndrimit, mendoja që ishte ajo Shqipëria fëminore që kisha lënë, por këtu gjërat kishin ecur shumë dhe Shqipëria ishte bërë burrërore. Sot në fushën e kreativitetit, Shqipëria është një magji në të gjitha dimensionet”, pohoi Çifligu, ndërsa kujtoi organizimet e disa prej eventeve dhe koncerteve më të mëdha ndër vite, për artistët si Elvana Gjata, Noizy, etj.

Ndërsa, i ftuari i tretë, Besniku nga Këmishtaj, bashkia Divjakë, u shpreh se u largua në drejtim të Greqisë shumë vite përpara, ku punoi në bujqësi, e më pas u orientua në ndërtim, duke hapur tri kompani të tijat.

“Mora vendimin që të kthehesha në Shqipëri, pikërisht kur vendosa që fëmija im i parë, djali, të lindte në Shqipëri. Shkriva të tre bizneset, bëra disa shitje dhe u ktheva aty ku kisha lindur. Vendosa që të merrem me bujqësi dhe sot kam krijuar një kooperativë model, me prodhues, përpunues dhe eksportues nga Shqipëria dhe gjithë bota”, tha ai, teksa shtoi se kompania e tij ka 450 fermerë të cilët organizohen në zona të caktuara të vendit dhe në modele të ndryshme.

Kryeministri e mbylli këtë episod të Podkastit “Flasim” me mesazhet e tre emigrantëve, që u bëjnë ftesë familjarëve dhe të afërmeve të tyre që të kthehen në Shqipëri, për më shumë sukses dhe më shumë fitime.

“Ka ardhur koha të bashkohemi, të gjithë në vendin tonë”, u shprehën ata.

/r.e/

The post Dëshmia e tre emigrantëve të kthyer në Shqipëri në podkastin me Ramën: Koha të bashkohemi të gjithë në vendin tonë appeared first on Agjencia Telegrafike Shqiptare.

Meghan Markle ka lançuar podcastin e saj më të ri, “Confessions of a Female Founder”, ku interviston gra të suksesshme në botën e biznesit. Në episodin e parë, ajo diskuton përvojat e saj me preeklampsinë pas lindjes, një gjendje e rrezikshme shëndetësore.

Megjithatë, podcasti ka marrë kritika për tonin e saj, duke u cilësuar si tepër i mbushur me lavdërime dhe pa thellësi substanciale. Një recenzent e përshkruan si “të padurueshëm” dhe sugjeron se është më shumë një mundësi për promovimin e markës së saj “As Ever”, sesa një burim i vlefshëm për dëgjuesit.

Në të kaluarën, Meghan ka pasur sukses me podcastin “Archetypes”, i cili arriti majat e klasifikimeve në SHBA dhe MB. Megjithatë, pas disa episodeve, ai ra në renditje, duke ngritur pyetje mbi angazhimin e audiencës.

Pavarësisht kritikave, podcasti i ri i Meghanit tregon përpjekjet e saj për të zgjeruar ndikimin në industrinë e medias dhe biznesit, duke ofruar një platformë për diskutimin e sfidave dhe arritjeve të grave në botën e korporatave.

The post Meghan Markle lançon podcastin e ri, por merr kritika! Përse vallë? appeared first on iconstyle.al.

TIRANË, 5 prill/ATSH-Maela Marini/ Kryepeshkopi i Tiranës, Durrësit dhe gjithë Shqipërisë, Fortlumturia e Tij, Imzot Joani ishte i ftuari i radhës i kryeministrit Edi Rama në podkastin “Flasim”.

Në episodin e 13-të të podkastit “Flasim” i emërtuar “Shqiptari i shumëpritur”, Imzot Joani tregoi se si vendosi të përqafojë fenë ortodokse kur lexoi për herë të parë Ungjillin në moshën e gjimnazit.

“Unë vij nga një familje shumë e madhe dhe jo e krishterë, në atë kohë nuk praktikohej asnjë lloj besimi. Nuk ishte konvertim. Kur lexova për herë të parë Ungjillin, në vitin e 4 të gjimnazit ndodhi diçka thellë brenda meje. Mu kthye sërish gëzimi i fëmijërisë. Në atë çast jeta ime ndryshoi. Pata fatin të njihesha edhe me njerëz që kishin akses në libra të tilla. Bindja për t’u bërë prift lindi atëherë”, theksoi Imzot Joani.

Kryeministri Rama tregoi njohjen e hershme me Kryepeshkopin Joan.

“Ne kemi njohje shumë të vjetër dhe kemi folur për këto tema duke bërë ecejake mbrëmjeve në rrugën ‘Myslym Shyri’ deri pas mesnate. Flitet për vitet ’80 dhe as nuk mendohej që ne do të dilnim në botën e lirë dhe do të kishim lirë të praktikonim fenë. Ju kishit një fjali shumë të thjeshtë kumbuese, që unë do të bëhem prift”, tregoi ai.

Një eksperiencë shumë të thellë, por shumë të dhimbshme, Imzot Joani përshkoi edhe shërbimin e tij pranë Spitalit Psikiatrik numër 5 në Tiranë, ku para se të bëhej prift ka shërbyer si infermier.

“Mendja është gjëja më e rëndësishme e njeriut. Këta njerëz duhet të ndihmohen”, u shpreh ai.

Rama kujton se kur ecnin bashkë në rrugën “Myslym Shyri”, Joani punonte infermier në spitalin psikiatrik, ndërsa u shpreh se “Psikiatria ishte palestra në mungesë të kishës, ku ai stërviste shpirtin”.

Kryepeshkopi Joan u shpreh se “Kisha nuk ka qenë asnjëherë kundër teknologjisë, por teknologjia në vetvete nuk mund ta zgjidhë akthin ekzistencial”.

I pyetur mbi raportin me Fan Nolin, Imzot Joani u shpreh se puna e tij është e pabesueshme dhe përkthimi i tij është i papërsëritshëm. Sipas tij, “Fan Noli mbetet një nga figurat qendrore të Kishës Ortodokse”.

“Kisha mbeti për mua gjithmonë dashuria ime e parë”, citoi Imzot Joani dorëshkrimet e Fan Nolit.

/a.f/

The post Kryepeshkop Joani në “Flasim”: Kisha nuk ka qenë asnjëherë kundër teknologjisë appeared first on Agjencia Telegrafike Shqiptare.

TIRANË, 21 mars / ATSH/ Ministri për Ekonominë, Kulturën dhe Inovacionin, Blendi Gonxhja sot në episodin e radhës të podkastit “JuFletKombinati”, bisedoi me Indritin dhe Kristianën nga Qendra e Shpëtimit dhe Kujdesit për Kafshët, mbi dashurinë dhe përgjegjësinë për katërputroshët.

I bashkëshoqëruar në këtë podkast nga katërputroshi “Koko”, Gonxhja tregoi mbi kujdesin dhe dashurinë e veçantë që tregojnë të gjithë në familjen e tij, për qenin e tyre Koko.

Ministri përgëzoi dy të rinjtë që janë angazhuar në organizata të mirëfillta që kanë për mision dhe qëllim mbrojtjen ndaj kafshëve shtëpiake por edhe atyre endacake.

“Sot kërkohet një kujdes dhe përgjegjshmëri më e madhe nga komunitetit për katërputroshët, aq më tepër kur Shqipëria synon anëtarësimin në BE, që është një standard i përcaktuar shumë qartë që duhet t’i përshtatemi. Të reflektojmë në radhë të parë financimin e institucioneve dhe detyrimet që duhen plotësuar, pasi nuk mund të jetë çështje vullnetarizmi por duhen fonde të garantuara që mbështeten nga bashkitë apo shtetit për të kontribuar në mbrojtjen e kafshëve”, u shpreh Gonxhja.

Ai tha se kërkohet më tepër sensibilizim i komuniteteve për mbrojtjen e tyre.

Kristiana tregoi se e nisi aktivitetin e prekur nga gjendja e qenve endacak që kishte në lagjen e saj.

“Unë nisa të kujdesem për ta individualisht, por kisha një problem madhor për t’iu dhënë një ndihmë dhe zgjidhje të qëndrueshme atyre dhe për këtë krijuam qendrën “Bamby” dhe sot jemi një organizatë jofitimprurëse. Kemi shumë punë dhe unë dua që të gjithë qenushët që kemi aty të kenë të njëjtin kujdes dhe dashuri sikurse ka Bamby, qeni im që unë e kam prej 6 vitesh në shtëpi”, tha ajo.

Ndërsa Indriti tha se, organizata për kujdesin e kafshëve, ku ai është angazhuar është ngritur që në vitin 2011. “Kjo organizatë lindi si nevojë për të bërë në mënyrë më të organizuar ndihmën dhe kujdesin ndaj kafshëve, gjë të cilën e bënim secili nga ne individualisht”, u shpreh ai, teksa vuri në dukje se, organizata po e shtrin funksionin e saj në të gjithë Shqipërinë.

Indriti tregoi se qenin e tij, Braunin e ka prej 13 vitesh.

“E kam adoptuar nga rruga. E kishte përplasur makina në anë të lumit Lanë. Kur unë shkova për ta marrë ai kishte rënë në Lanë dhe kishte thyer këmbën”, u shpreh Indriti.

Gonxhja e cilësoi këtë angazhim të të rinjve hapin e duhur për kujdesin e kafshëve endacake duke i sjellë ato rrugët në strehë. /j.p/

The post Gonxhja: Fonde të garantuara për të kontribuar në mbrojtjen e kafshëve appeared first on Agjencia Telegrafike Shqiptare.

TIRANË, 15 mars /ATSH/ Në mbyllje të podkastit maratonë të ditës së sotme, ku kryeministri Edi Rama prezantoi një pjesë të kandidatëve të Partisë Socialiste për zgjedhjet e 11 majit, kreu i ekzekutivit u shpreh se në skuadrën e PS ka një raport gjinor 60% me 40% në total mes burrave dhe djemve dhe grave dhe vajzave.

”Kemi moshë mesatare 44 vjeç, të të gjithë ekipit. Kemi 39 juristë dhe juriste. Kemi 29 ekonomistë dhe ekonomiste. Kemi dhe një numër mes 16-18 mjekë, inxhinierë, financier dhe profesione të tjera më pas. Në të përgjithshmen janë 32 persona që janë të përfshirë nga platforma e “Deputetit që duam” dhe nga Akademia Politike. Mënd për herë tjetër për ata që e morën si teatër Akademinë Politike ose platformën Deputeti që duam. Më e rëndësishmja, në listat e mbyllura ku këneta ka kyçur të gjitha mbetjet arkeologjike dhe mbetjet e pariciklueshme ne kemi 52% gra dhe vajza dhe 48% burra dhe djem në listat e mbyllura. Domethënë kemi faktikisht një raport 24 në 46 dhe e fundit që kam është shikoni: Ne na thoni çdo gjë, jeni të lirë pa diskutim të thoni çdo gjë. Jeni në të drejtën tuaj të kritikoni, ankoheni, akuzoni, çfarë të doni, por vetëm një gjë kijeni parasysh që kur na akuzoni dhe na tregoni me gisht si një forcë politike, qeverisëse, hajdutësh, dhe numëroni emra dhe  numëroni raste që janë raste të drejtësisë mos e bëni gabimin ta harroni që nëse ne nuk do të kishim hapur rrugë drejtësisë, ju nuk do të shikonit njerëz të lidhur me pushtetin në dyert e drejtësisë”, tha Kryeministri Rama.

“Po të ishte ndryshe, do t’i kishit parë pa patur nevojë të na vinte rradha ne, mua të udhëhiqja PS, dhe t’i vinte radha PS, si forcë në shumicë e qeveri për të bërë reformën në drejtësi. Që nga 1912, kjo është zonja e drejtësisë, nga 1912 shpatën e ndëshkimit, peshoren e gjykimit dhe fashën e syve të mbuluar të paanësisë, ishte në duart e pushtetit politikë, kjo shpata ishte në duart e mia dhe të Partisë Socialiste në qeveri kur morëm detyrën.

S’kishte drejtësi të pavarur. Kishte drejtësi të kalbur dhe e dini çfarë është reforma në drejtësi, është dorëzimi i kësaj shpate të kësaj ‘zonje’, pasi drejtësia është ‘zonjë’. Me shpatën e pushtetit, me shpatën e ndëshkimit në duart e pushtetit me të cilën pushteti politik nga 1912-ta pavarësisht formës së regjimit ka goditur në emër të drejtësisë këdo që si ka ardhur për shtat ta ketë rrotull, ose kë do që donte të fundoste si dhe në duart tona, dhe ne e dorëzuar, dhe bashkë me dorëzimin e shpatës së pushtetit politikë, vendosëm në dispozicion dhe trupin”, vijoi Rama.

Kryeministri tha se “ajo shpatë është për të goditur, nuk është për muzeum”. “Kur e ka në dorë pushteti politik vendos kë të godas dhe si ta godas. Ndërsa sot shpatën e ndëshkimit e ka SPAK dhe GJKKO, dhe normalisht duhet ta kenë dhe gjithë të tjerët, por ende në këtë aspekt kemi shumë për të bërë, që e gjithë drejtësia të funksionojë si e tillë. Por, përveç shpatës, kanë edhe të gjithë gatishmërinë tonë, që jemi të paarmatosur përballë asaj shpate. Ne nuk kemi asnjë rrugë tjetër, përveçse të përballemi me të vërtetat tona dhe me të vërtetat që ne i dimë, për faktet e qeverisë. Por, edhe me të vërtetat që na shfaq procesi i hetimeve dhe gjykimeve, të cilat janë të vërteta të hidhura, por nuk ka rrugë tjetër dhe këtë shpatë duhet ta ketë në dorë kjo zonjë. Vetëm kështu ajo pasaporta europiane e Shqipërisë bëhet një realitet”, theksoi kreu i qeverisë.

“Përndryshe, bufi i kënetës ka vetëm një arsye përse rri vërdallë, që të shkojë të marri këtë shpatën dhe ta plagosi prapë në tokë këtë zonjën (drejtësinë) dhe jo vetëm bufi i kënetës, por të gjithë ato që janë përballë nesh me çfarë do lloj trupi dhe fytyre e Shqipërisë. Shqipërisë në 11 maji i duhet mandati i katërt i PS. Një mandat edhe më i fortë se tre të tjerat, që t’i japim çdo shqiptari pasaportën e BE-së dhe çdo qytetar shqiptar të jetë i barabartë individualisht dhe pasaportën evropiane ta marrin të gjithë emigrantët, ato që janë në Greqi të marrin pasaportën e BE-së dhe kudo ku ndodhen dhe shkelën shqiptarët jashtë vendit. E dyta për të garantuar që kjo shpata qëndron në duart e drejtësisë. Kjo është PS. PS, partia më e vjetër dhe më e re në Shqipëri”, pohoi Kryeministri.

Sipas Kryeministrit, “skuadra e PS është më e forta që ka patur në fushë ndonjëherë dhe më përfaqësuesja”.

“Nëse nuk ju pëlqen Antonela, zgjidhni Ilvën, nëse s’ju pëlqen Ilva dhe Antonela, janë atje plot e plotë të tjerë ku zgjedhja mund të shkojë e sigurtë dhe pa asnjë dyshim se është zgjedhja e duhur”, përfundoi Rama.

The post Rama: Shpatën e ndëshkimit ia kemi dorëzuar drejtësisë, vetëm kështu pasaporta europiane e Shqipërisë bëhet realitet appeared first on Agjencia Telegrafike Shqiptare.

TIRANË, 15 mars /ATSH/ Në podkastin “Flasim”, me episodin ekskluziv “Parti e re për Shqipërinë në BE”, Kryeministri Edi Rama prezantoi tre kandidatët e tjerë për qarkun e Tiranës, Kejsi Elezi, Sofika Lleshi dhe Endrit Braimllari.

Kandidatja që e nisi këtë bashkëbisedim, ishte Kejsi Elezi, e cila pohoi se vjen nga Kamza. “Vi nga një familje ku prioritet ka qenë biznesi. Ne jemi Tiranas prej shumë brezash. Studiova administrim biznesi. Tani jam këtu përpara të gjithëve duke përfaqësuar PS. Po ashtu, drejtimi i PS, falë juve, sot Shqipëria njihet në të gjithë botën. Unë jam në vit të dytë në universitet. Viti i parë është mësimi me ambientin, pedagogët, decani, etj. Viti i dytë është volumi më i lartë. Thirrja ime është që të mos lihen leksionet. Kam qenë e angazhuar në PS Kamëz. Edhe kur isha më e vogël, në gjimnaz isha tek “Deputet për një ditë”, tha ajo.

Kandidatja e dytë, Sofika Lleshi u shpreh gjatë bashkëbisedimit se ka lindur në Mirëditë dhe është banuese në Kamëz. Ajo theksoi ka përfunduar studimet te “Artet” dhe sot është mësuese. “PS e vetmja që më ka hapur derën, kur kam kërkuar të më dëgjohet zëri. Kam aplikuar tek platforma e Deputetit që duam. Kur aplikova thashë po e provojë, jo se kisha pritshmëri”, vijoi Lleshi.

Ndërsa, Endrit Braimllari u shpreh në këtë podkast se arsyeja pse u largua nga Partia e Lirisë për t’ju bashkuar PS, është sepse në këtë forcë politike ka gjetur mundësinë për të rinovuar ekipin dhe për të afruar gjeneratën e re me politikën.

“Unë kam vite që merrem me politikë. Sot duke parë dhe ekipin e përfaqësuesve të deputetëve, kam gjetur një kombinim perfekt mes gjeneratës së 2009 dhe asaj të vjetër. Dua t’i jap mundësi vajzave të mia të jetojnë këtu në vendin e tyre dhe të marrin pasaportën e BE. Kur kam marrë vendimin të bëhem pjesë e PS, kam vendosur me veten time, të marrë një vendim për vajzat e mia dhe ishin dy rrugë: O do rri në shtëpi, o do të lejojë që Shqipëria të shkoj pas, ose do të angazhohem për të ecur përpara. Unë vi nga një histori balte, nëna ime ka shkuar gjashtë herë në spital, duke dëgjuar akuzat ndaj meje”, tha ai.

Nga ana e tij, kryeministri Rama shtoi se “në këtë vend kemi detyrë të dëgjojmë atë që është për t’u thënë”.

“Konspiracioni këtu është bukë e përditshme. Unë të falenderoj për kurajën dhe për vendosjen e një besimi. Për hir të së vërtetës, dua ta dëgjojnë të gjithë, Ogerta më tha se Endriti s’ka kërkuar asgjë, s’më ka vënë asnjë kusht. Kur ishte emri yt në listë, unë besoj se përtej asaj që mund të thonë tradhtarë etj, koha do të tregojë se ti do të ndihesh si në shtëpinë tënde. Ti në territorin e qendrës së majtë, s’është faji yt se të tjerët shkuan në drejtim të paditur, por ishin disa që kalon nga djathtas, nga PD, tek PS. Nuk e kemi menduar kurrë që s’do të na paragjykojë njeri. Një dekane që kisha këtu, më tha se ishin kandidate dhe dy zonja të tjera që ishin me PS, kishte menduar se çfarë do të ndodhte. Se çfarë nuk thonë. Por në fund kishte fituar, dhe ishte habitur. Ne kemi njerëzillëk”, theksoi Rama.

The post Braimllari: Jam në PS, pasi dua që vajzat e mia të marrin “pasaportën e BE-së” appeared first on Agjencia Telegrafike Shqiptare.

TIRANË, 15 mars /ATSH/ Kryeministri Edi Rama në sesionin e tretë të podkastit maratonë për prezantimin e prurjeve të reja të skuadrës garuese të PS për zgjedhjet e 11 majit, kishte të ftuar edhe katër kandidatët për deputetë të qarkut Tiranë, Iris Luarasi, Roi Bashaj, Erjon Malaj dhe Blendi Sulaj.

Kandidatja Iris Luarasi foli në këtë podkast për origjinën e saj familjare dhe angazhimin, nga pedagoge në universistetin e Histori-Filologjisë te aktivizmi në shoqërinë civile.

“Vi nga një familje që është e majtë, kjo ka qenë gjithë pjesa e organizimit tim edhe nëpër debate televizive, jo gjithmonë pro të majtës sepse im atë ka dalë nga puna në vitin 1992 si pjesë e reformës që bëri në forcat e armatosura Berisha. Unë e mbaj mend familjen time, tre fëmijë dhe dy prindërit që jetonim me rrogën e sime mëje. Kur je i ri dhe përpiqesh të ecësh përpara, ime motër filloi të punonte që në shkollë të mesme, unë studente punoja dhe gjithë lekët si studente ekselente dhe programet në radio Tirana i sillja në shtëpi. Unë mendoj që këto janë momente që shënjojnë jetën e një njeriu dhe e bëjnë gati për rrugëtimin e mëtejshëm. Jam e martuar, kam dy fëmijë Noah 21 vjeç, Ashli 17, e madhja studion për drejtësi, tjetra do bioteknologji. Rrugëtimi im ka qenë i lidhur me gazetarinë që studente dhe pjesa tjetër ka qenë aktivizimi, gjithmonë kam luftuar për të drejtat e grave dhe prej shumë vitesh drejtoj një organizatë që është një linjë këshillimi për gra dhe vajza që merret me luftën ndaj dhunës në familje, etj. Shqipëria ka qenë një flamur suksesi për integrimin e fëmijëve të kthyer nga kampet e Sirisë, gjithë ky rrugëtim ka pasur uljet dhe ngritjet e veta, shto elementët si ekspertiza për organizata ndërkombëtare, OSBE dhe beteja televizive që është një gjë shumë e rëndësishme, pavarësisht fuqisë së rrjeteve sociale ende shohin televizor. Shpesh njerëzit e kanë keqkuptuar rolin tim nëpër debate, unë luftarake jam, por e egër jo”, tha Luarai.

Kandidati Blend Sulaj foli për rrugëtimin e tij, nga pedagogia në biznes dhe vendimin për t’u angazhuar përfundimisht në politikë.

“Jam rritur dhe lindur në tiranë. Babai nga Tirana, mami nga Gjirokastra, babai me profesion skulptor. Shkollën 8-vjeçare e kam kryer te “Emin Duraku”, shkollën e mesme në të njëjtën zonë, ndërsa studimet e larta për drejtësi. Pa mbaruar universitetin, vazhdova të isha pedagog në të drejtën penale deri para pak vitesh, dhe e ndërpreva dhe u angazhova në biznes privat. Ka qenë e bukur dëshira që të ingranohesha në pjesën e fushatës së PS, sepse nuk ka më mirë se njerëzit që e kuptojnë vetë ndryshimin, dhe thonë pse kemi humbur kaq shumë.

Duke qenë pjesë e biznesit shikonim jashtë Shqipërisë, e vështirë t’i bindim, mbaj mend që donim të prezantonim kafenë tonë në një panair ndërkombëtar dhe ishte e vështirë. Sot është shumë e thjeshtë. Të huajt dinë shumë për ne për shkak të turizmit, kishte turistë që njihnin Sarandën, Durrësin, mendoj që kur e prek ndryshimin e kupton që do shkojmë këtu sepse kështu ecim përpara.

Kur mora këtë vendim, rreth 10 njerëz më thonin prit është e vështirë, duhen vite, por unë e kisha ndarë mendjen. Nuk e prisja këtë besim dhe përgjegjësi për të qenë pjesë e një skuadre dhe një grupi, tani kemi sfida përpara”, tha ai.

Kryeministri Rama kujtoi gjatë podkastit, bisedën me dekanen e Ekonomikut të Vlorës, ku thyerja e parë e fortë i ndodhi kur kandidoi për këtë pozicion, por në garë ishin edhe dy zonja të tjera nga PS.  “Ajo mendoi se ato do e sakatonin se kanë pushtetin, por ajo tha se nuk pa asnjë interferencë. Kur fitoi shumë socialistë e uruan me dashamirësi. Nuk duhet të ishte kështu, duhet të ishte normale që njerëzit të kalonin nga një anë të tjetrën pa gjë të keqe, por të kishte më shumë njerëzillëk. Keni punuar fort ju për t’i thënë që ai duhet të ketë vend në partinë tonë, për të gjithë, ata që ndihen të djathtë, të majtë, listën e kemi bërë me një farë brutaliteti se ndryshe nuk bëhet. Partia në territor, çdo parti si organizëm ka tendencën të vetëmbyllet dhe për ne është jetike që ta mbajmë të hapur”, pohoi Rama.

Kandidati tjetër,  Erion Malaj tha se është brezi i të rinjve që ka lindur dhe është rritur në Laprakë, nga një baba tropojan dhe një mama nga Palasa.

“Jam rritur gjithmonë me vlerat që mi ka përcjellë gjyshi im, mjek tropojan në Spitalin Ushtarak. Në moshën 18 vjeçare u largova dhe jetova në Itali, jeta më çoi me praktika studentore në SHBA, në OKB. Jam kthyer në Tiranë në vitin 2014, erdha mora me vete edhe një vajzë që sot është bashkëshortja ime, shqiptare, emigruar në Gjermani me eksodin. Kur erdhëm, lamë një dritare hapur me atë frikën që nuk do gjenim diçka reale. Atë dritare e mbyllëm pas gjashtë muajsh. Sot jetojmë, kemi mbi 11 vite në Tiranë, kam dy fëmijë. Ndoqa dhe studimet doktorale për biznes në Pekin. Erdhi një moment që po mbyllej një cikël dhe me dëshirën për të dhënë ide, aplikova te Deputeti që duam me bindjen se mund të bëjë diçka. Energjinë që pashë aty, u mundova ta përcjellë edhe unë dhe fillova një angazhim në terren prej tetorit, sidomos aty ku kam një pjesë të zemrës. Ndoqa të gjitha detyrimet e mirëfillta dhe ndjeva një lloj dëshire te njerëzit për të qenë mbështetje e PS”, pohoi Malaj.

Nga ana tjetër, Roi Bashaj me një angazhim prej 10 vitesh me të rinjtë në PS tha se është rritur në një familje ku nuk kishte asnjë lidhje me politikën.

“Unë kam vetëm një shtab që në çdo lloj detyre modeste që kam pasur është po i njëjti që është familja ime, të dy prindërit dhe dy vëllezërit e mi s’kanë lidhje me politikën. Studimet i kam bërë për financë kontabilitet në bachelor dhe financë bankë në master. Nga gjithë kjo energjia me fushatën, me partinë më dukej e frikshme të ulesha tetë orë para kompjuterit dhe të punoja në fushën time, ndaj e kam pasur si plan B fushën e financës,. 10 vitet e fundit gjithë historia ime është në selinë e PS dhe në gjithë fushatat. Pjesa e kandidimit më bëri pak të përjetoja një miks emocionesh pozitive, por kur zbret me këmbë në tokë, fillova të mendoj për sfidat. Ka një përfaqësi rinore që na bën shumë krenarë, por na jep një përgjegjësi që kur i besohet të rinjve duhet ta tregojmë me punë”, tha Bashaj.

Kryeministri e mbylli bisedën me një sqarim për atë që Rama e cilëson kënetë dhe bug. Kam “Një sqarim në fund kanë hall pse bufi pse këneta, kjo nuk është sharje është një konstatim”.

/a.f/

The post Rama: Listën e kemi bërë me një lloj brutaliteti, që të mbajmë hapur PS-së appeared first on Agjencia Telegrafike Shqiptare.

TIRANË, 15 mars /ATSH/ Kryeministri Edi Rama në sesionin e tretë të podkastit maratonë për prezantimin e skuadrës garuese të PS për zgjedhjet e 11 majit, zhvilloi një bisedë me kandidatët për deputetë të qarkut Dibër, Alma Selami dhe Murat Dani.

Kreu i ekzekutivit e nisi fjalën e tij se përtej mbarimit të ankthit me hapjen e tunelit të Murrizit, në këtë qark është thyer edhe një tjetër tabu duke vendosur një grua në listën e mbyllur të PS-së për zgjedhjet e 11 majit.

Nga e saj, kandidatja Alma Selami tha se vjen nga një familje e thjeshtë, me prindër intelektualë.

“Vinim nga një fis modest, nga njerëz model. Unë kam lindur në Peshkopi. Prej 22 vitesh kam dhënë kontributin tim dhe me PS jam bashkuar në vitin 1997. Isha maturante me ekipet e FRESH, në një kohë të rrëmujshme. Rezultati zgjedhoir? Nuk do guxoja të jepja shifra, se s’dua të jem peng i numrave. Ajo që kam vënë re është se skuadra jonë është gjithëpërfshirëse. Është e sigurtë që PS diti të ngrihej që kur morëm bashkëdrejtimin. Aty nisi të organizohej ndryshe. Nisi të kërkoj që nga organizatat që janë gjaku i një partie politike. Aty organizimi është kapilar, në një regjim ushtarak të të organizuarit në territor. Duke parë këtë organizim, objektivat janë të arritshëm”, tha Selami.

Nga ana tjetër, kandidati Murat Dani, i kthyer nga studimet në Londër me bindjen e një të ardhmeje të ndritur edhe në Shqipëri.

“Është nder i madh për të qenë përfaqësues i zonës time dhe qarkut Dibër. Unë kam lindur në Bulqizë, ku kam jetuar deri në moshën 7 vjeçare. Erdha me gjyshen në Tiranë. Pas shumë vitesh në Tiranë, vijova arsimin në Angli, Oxford, ku bëra gjimnazin. Më pas në Londër, ku mbylla bachelorin për inxhinieri elektrike dhe elektronike. Më pas bëra dhe msc. Këtë pranimin për garën me kandidaturën bëri që të kthehem më shpejt se çfarë e kisha menduar”, vijoi ai.

Kryeministri Rama u shpreh se “bota është aty, ambicia është të futemi në BE dhe më pas pastaj të jetojmë”.

“Dibra është vendi i tërmeteve. Prisni dhe do të shikoni. Në Dibër do të përsëritet tërmeti. Vazhdojnë ata këmbëngulin me ca tipa, që i marrin nga këneta e i çojnë në Dibër. Si ka mundësi, por vetëm dibranët s’duhet me i marrë për budallenj. Mos u jepni më vota atyre o burra dheu”, tha Rama.

/a.f/

The post Rama me kandidatët e Dibrës: Do të përsëritet tërmeti appeared first on Agjencia Telegrafike Shqiptare.

TIRANË, 15 mars /ATSH/ Kryeministri, njëherësh kreu i PS-së, Edi Rama në sesionin e tretë të podkastit maratonë për prezantimin e skuadrës garuese të PS për zgjedhjet e 11 majit, kishte të ftuar sot edhe pesë nga kandidatët për deputetë të qarkut Durrës, Jona Osmani, Dorina Laçi, Loer Kume, Etleva Budini dhe Edvin Prençi.

Kandidatja Jona Osmani, në profesion arkitekte është njëherësh mama e një vajze të vogël, ndërsa ka lindur dhe ka jetuar në Durrës. “Jam profilizuar në politeknikun e Barit. Kam ndjekur Akademinë Urban në Londër. Kam punuar në disa projekte zhvillimi, siç ishte “100 fshatrat”, një eksperiencë shumë e bukur. Por edhe eksperienca me “GiZ”, ishte një mundësi shumë e mirë. Kam pesë vite eksperiencë në administratën publike. Ne jemi çam si familje. Gjyshi u mërzit shumë kur kandidova, pasi është më Saliun”, tha ajo.

Kryeministri Rama pasoi me një batutë duke thënë se “akoma me kënetën ai, gjithë ky det në Durrës. Po pse me atë parti…”. Kandidatja Osmani tha se ky është koncepti për gjyshin e saj, pra një lloj vijimësie e Partisë së Punës.

“Çfarë vijimësie, po të ishte vijimësi s’do ishte goca sot kandidate e PS, por i erdhi radha dhe gocës dhe 7-8 demokratëve të tjerë. Pasaportën e BE-së do t’ja japim gjyshit dhe do të shkojë ku të dojë ai si anëtar i BE-së”, u shpreh Kryeministri Rama.

Kandidatja Osmani tha se ka qenë tek edicioni i parë i Akademisë Politike. “Të gjithë shokët e shoqet më pritën mirë, pasi isha edhe shtatzënë. Kur pashë mikpritjen dhe sjelljen pozitive, u frymëzova të aplikoja dhe tek Deputeti që duam. Kur doli emri në listë, të gjithë skeptikëve u ra argumenti që futesh me mik në parti”, pohoi Osmani.

Kandidatja tjetër e qarkut Durrës, Dorina Laçi tha se vjen nga qyteti i Krujës, ku ka mbaruar studimet për Ekonomi në Tiranë, dega financë, master shkencor në Shkenca juridike dhe E drejtë tregtare. “Më pas u vendosa në Krujë, ku punova dhe u angazhova. Në fillim isha në sektorin privat si financiare. Jam nënë e dy djemve sot. Prej 10 vitesh drejtore në Zyrën Arsimore në Krujë. Tërmeti dhe pandemia u përballua me punë dhe përkushtim, ishin dy ngjarje të rënda dhe mjaft të vështira. Angazhimi në politikë është i hershëm, si anëtarë e  thjeshtë e partisë, më pas si punonjëse e zyrës së burimeve njerëzore dhe më pas tek forumi i gruas. Kandidimi është hap i rëndësishëm. Duke qenë se ka vite që jam marrë me politikë, patjetër që e dëshiroja dhe e prisja. Krujës premtojë se do t’i ofrojë një vëmendje të veçantë”, cilësoi ajo.

Kryeministri Rama shtoi se deputetja Milva Ekonomi do jetë bashkë me të. “Këtu jam me dy gra deputete dhe me një djalë. Është zhvillim i madh ky. Tani duken si përralla. Tek PS e Krujës kur hyra për herë të parë s’ka patur asnjë grua. Si s’ka gra këtu? Ku janë? Tani ka ndryshuar shumë…”, tha Rama.

Kandidati tjetër Loer Kume tha se nuk është bashkuar me politikën, por me më të mirën dhe me bindje të plotë. “Ishte një moment dhe për zhvillimin tim personal, ku ose unë do të bëja një hap, ose s’do ta bëja më. E gjithë karriera ime, në të dyja profesionet është zhvilluar në dy drejtime. Zyrtar si mjek stomatolog dhe ai artistik. Gjithmonë kam respektuar edhe angazhimin tim social, në favor të të qenit shkrimtar, që është shtylla ime. Dua të jap një kontribut social”, tha Kume.

Kandidatja e katërt për qarkun e Durrësit, Etleva Budini tha se si kandidate e bashkisë së Durrës, ajo ka lindur në Shijak, por është rritur në Durrës.

“Ka një detaj të vogël këtu, shtëpinë e kam patur në një pallat të ndërtuar nga bonifikimi dhe poshtë shtëpisë kemi pasur postën e Shijakut. Kur kam shkuar për t’u prezantuar në Shijak, posta ishte poshtë pallatit dhe më njohu një nga punonjësit e vjetër. Jam lindur nga prindër me origjinë nga Fieri, me dy vëllezër binjak, që nuk ngjajnë mes tyre. Janë shumë mbështetës. Kam kryer një veprimtari të madhe në fuqizimin e rolit të gruas. Por, vetëm jam me fat se mbështetem nga shumë burra. Kam dhe një kunatë shumë mbështetëse grua. Kam ato dy prindërit e mi, që janë në një cep të divanit, që janë nga Golloborda. Që janë me telefon në dorë prej orës 09:00 të mëngjesit. E diplomuar në ekonomi, administrim biznesi dhe jetë studentore të pasur për shkak të zhvillimeve demokratike në vend. Ne që vinim nga Durrësi, e kemi pas bërë me tren rrugën Tiranë-Durrës për të ndjekur fakultetin. Menjëherë pas përfundimit të fakultetit nisa punë. Nga ai moment nuk kam pushuar së punuari. Kam dhe nje diplomë tjetër në fushën e turizmit. Kam punuar 18 vite në fushën e turizmit falë kësaj diplome dhe këtij angazhimi. Po ashtu kam eksperiencë dhe në fushën e sigurimeve”, tha ajo.

“Angazhimi në politikë si kryetare organizate ka nisur që prej vitit 2013, në lagjen 13 në Durrës. U finalizua si anëtare e këshillit bashkiak 2019’-2023’. Kur nisëm punë si këshill bashkiak, isha kryetare komisionit të strehimit. Për fatin e keq ndodhi tërmeti 2019, e gjithë pesha ra tek komisioni strehimit. Punë voluminoze dhe shumë me emocione”, vijoi Budini.

Kandidati i pestë për qarkun e Durrësit Edvin Prençi tha se ka lindur në Lezhë, por është transferuar në Durrës kur ishte në klasën e tretë fillore. “Në vitin 2014, u kthyem në Shqipëri, pas një jetese në Itali. E pamë si opsion, pasi Shqipëria nisi të dukej si një vend ku shpresa se vendi po bëhej nisi të marrë jetë. Nisëm në një sektor, tek sektori fason, manifakturë. Nisëm me 6 makina qepëse, diçka modeste. Ambicia për të bërë më të mirën na dha mundësi për të ecur përpara dhe zgjeruar biznesin. Ambicia na bëri dhe skllav të këtij qëllimi. Një ambicie ishte dhe fakti i regjistrimit tim tek Deputeti që duam. U njoha me kandidaturën nga leximi që i bëri drejtuesja politike e Durrësit listës së kandidatëve”, pohoi Prençi.

Kryeministri Rama tha gjatë bashkëbisedimit se PS në Durrës ka një patronazhim të artë. “PS e Durrësit u bë për herë të parë, se këta janë komplet hajvanë, se thonë i vjedhin, etj, jo! Ne kemi organizim. Patronazhimi na ndihmon të dimë se sa vota do kemi në kuti, dimë sepse jemi gjithë kohës në takime. Patronazhim, partia e Melonit, apo serioze të tjera Republikanët, Demokratët, Konservatorët britanikë, Laburistët, e kanë dhe çfarë patronazhimi. Ne nuk e kemi shpikur këtë. Shkojnë rrugicë më rrugicë, pyesim, takojnë qytetarët”, u shpreh Kryeministri.

“Ne jemi socialista, specialista, ne bëjmë një punë të fortë. Këtë punë duhet të bëjnë të gjitha partitë. Unë shikoj listën e hapur, pasi me të mbyllurën s’kemi punë. Do jetë një betejë titanësh. Unë e shoh 9- 5 rezultatin final të deputetëve, 2 burra e 2 gra nga lista e hapur”, tha kandidatja Budini gjatë bashkëbisedimit në podkastin Flasim.

/a.f/

The post Rama me kandidatët e Durrësit: PS ka patronazhim të artë në këtë qytet; Budini: Fitojmë 9-5 appeared first on Agjencia Telegrafike Shqiptare.

TIRANË, 15 mars /ATSH/ Kryeministri Edi Rama në sesionin e tretë të podkastit maratonë për prezantimin e prurjeve të reja të skuadrës garuese të PS për zgjedhjet e 11 majit, kishte të ftuar edhe tre nga kandidatët për deputetë të qarkut Korçë, Vinjola Rota, Vesa Spaho, Gëzim Kora dhe Genti Jakollari.

Në fjalën e saj prezantuese, kandidatja Vinjola Rota tha se ka punuar në një kolegj maltez, që ishte një frymëzim për karrierën e saj.

“Kam punuar në gjermanizim “Themistokli Gërmenji” për nëntë vite. Më pas nis një sfidë, duke u emëruar në Drejtorinë Rajonale të Arsimit në Korçë. Kam jetuar me moton: Mos i bëni tjetrit, atë që nuk do të donit t’ju bënit juve. Për sa kohë do jem në atë post, apo në një post dua të bëjë më të mirën. Kur dëgjova Nikon, që më përmendi emrin ishte një kënaqësi e vlerësim. E them me bindje, ai që punon, vlerësohet”, u shpreh ajo.

Kandidatja tjetër, Vesa Spaho u shpreh se ka lindur dhe është rritur në Korçë, ndërsa ka studiuar në degën Inxhinieri Ndërtimi. “E treta herë që jam në listën për kandidat për deputet në listën e Korçës. Të gjithë miqve të mi, unë u jap një përgjigje që përse pranoj sot tre herë të jem në listën e deputetëve. Unë jam rritur në familje socialiste. Im atë kryetar i partie në 2001. Në 2005 ne humbasim pushtetin, në 2006 do vija në Tiranë për t’u punësuar. PD i hoqi të dy prindërit me listë emërore. U gjendëm para faktit që me dy prindër të pa punë ne duhet të bënim shkollë.  Unë them të përpiqemi të gjithë, që fëmijëve tanë t’i lëmë pasaportën e BE-së. Një socialist e ka të pamundur të jetojë në një vend që udhëhiqet nga PD, pasi kjo e fundit nuk njeh limite dhe heq njerëzit nga puna pa limite dhe pa kriter. Të punosh në PS, tejkalon veten”, cilësoi Spaho.

Nga ana e tij, kryeministri Rama theksoi se “sot mësuesit e mësueset mund të shkojnë në takim me palën kundërshtare me qeverinë, mund të flasin e të thotë çfarë të duan, e nuk i shkon njëri nga pas”.

“Më është kujtuar sesi tre mësueseve në Elbasan i hoqën një video të takimit tim në Elbasan kur ishim në opozitë. Në takimet tona që bëjmë në salla, mësuesit që ishin na çonin sms që nuk vijmë dot, se na shohin etj. Përdhunimi brenda poshtërimit ishte kur, që kur erdhën morën të ndjerën LSI në koalicion, që i vinte kusht që do të rrish në punë, qëndro me ne, ose kalo nga ne. Kjo ka qenë një histori tani e kaluar.

Tjetra që doja të thosha, është që ti ke pranuar përsëri të jesh në listën e deputetëve, duke mos ngritur asnjë pretendim edhe duke qenë shumë e qartë që kjo është një skuadër, që të fton të luash në mbrojtje, mesfushë, apo sulm, e them këtë pasi s’janë të gjithë kështu, pasi ka patur raste që thonë që s’mund të jem në listën e hapur për këtë apo atë arsye”, theksoi kreu i ekzekutivit.

Kandidati tjetër i Korçës, Gëzim Gora u shpreh se ka lindur dhe është rritur në Bilisht, Devoll. “Kam mbaruar atje arsimin deri në shkollën e mesme, më pas në Tiranë për studime në inxhinieri mekanike dhe më pas u profilizova për energjetikë. Pas shkolle kam punuar në sektorin privat. S’kam patur eksperiencë pune në shtet. Vi nga jashtë sektorit të shtetit”, pohoi ai.

Ndërkohë, Kryeministri tha në vazhdim të fjalës së kandidatit Gora se ai ka një vit e tre muaj që është bërë baba dhe një nga qëllimet është që ta afrojnë djalin e vogël sa më shumë me zonën atje. “Prindërit dhe gjyshi jetojnë atje. Djali duhet të njoh dhe të jetojë me prindërit. Gjumin e bënë më të rehatshëm atje”, u shpreh Kryeministri.

“Kam lindur në Korçë, jetoj në Devoll. Kam përfunduar studimet për inxhinieri agronomike në Korçë. E kam lidhur jetën me Devollin. Jam pjesë e strukturave të PS, jam produkt i kësaj force politike. E kam nisur këtë punë si çdo adoleshent, pa ndonjë emocion, por me një adrenalinë që lidhet sa me miqësinë aq edhe me familjen. E nisa si lojë të themi, si një adoleshent 17 vjeç. Kam prej vitit 2000 që merrem me politikë. Për mua është falenderim shumë i madh, që jam edhe në listën e mbyllur. Kur dëgjova Nikon, u shkarkova nga emocionet dhe më kapi gëzimi”, pohoi kandidati Genti Jakollari.

/a.f/

The post Rama me kandidatët e Korçës: PS një skuadër që të fton të luash në mbrojtje, mesfushë apo sulm appeared first on Agjencia Telegrafike Shqiptare.

TIRANË, 15 mars /ATSH/ Në podkastin “Flasim”, me episodin ekskluziv “Parti e re për Shqipërinë në BE”, Kryeministri Edi Rama prezantoi tre kandidatët për qarkun e Hasit, Ali Hallaçi, Aristogena Poga Geca dhe Alban Zeneli në mungesë, pasi sipas Ramës përvoja e tij e gjatë në politikë nuk e bënte të nevojshme praninë në podkast, në dallim nga dy më të rinjtë që duhet të prezantojnë veten.

Kandidatja Aristogena, u shpreh se ka lindur dhe është rritur në Has nga dy prindër të thjeshtë, ku babai dikur kishte një punë minimaliste, ndërsa e ëma kujdesej që të rriste gjashtë fëmijët.

“Vij nga dy fise të mëdha të Hasit, kam një vajzë të vogël, por që kur isha vetë e vogël dëgjoja që Edi Rama kryetari i Bashkisë së Tiranës promovonte gratë dhe vajzat, kishte shumë drejtuese që ishin gra. Që atëherë kam guxuar të mendoj që do jem një si ato. Jam inkurajuar nga ju për fuqizimin e gruas dhe atëherë isha studente dhe mendoja të kthehesha në vendin tim për të kontribuuar sapo të mbaroja studimet. Nuk është e thjeshtë të thyesh tabunë atje, jam paragjykuar e gjykuar por nuk kam reshtur. Ju kam admiruar për mbështetjen dhe inkurajimin e grave sepse burrat në Has thoshin nuk ka gra”, tha ajo.

Kandidati Ali Hallaçi tha në fjalën e tij, se pasi mbaroi arsimin 8-vjeçar, lindi ideja e të vazhduarit të shkollës jashtë. “Burri i hallës, insistojë të shkoja në Damask të Sirisë. Asokohe ishte e vështirë, pasi ishte e vështirë të nisje e të merrje letra me postë.  Qytet që na ka lënë mbresa të mëdha. Kam bashkëshorten nga Libani, kam tre fëmijë me të. Në aktivitetin tim social kemi menaxhuar 5 000 jetim në Shqipëri”, u shpreh Hallaçi.

Kryeministri Rama theksoi në bashkëbisedimin me dy kandidatët e PS për qarkun e Hasit, se ata janë prova që personat e përfshirë në këtë skuadër që është një Parti Socialiste e re, por që ka edhe themelin e eksperiencës së një pjese.

“Do të jeni shumë të vlefshëm dhe të rëndësishëm më pas, jo thjesht se do të shkoni në Parlament, por edhe qeverisja në katër vitet e ardhshme do të ketë nevojë për një shtysë të re, por edhe pse PS-në duhet ta bëjmë të re, jo thjesht në përfaqësimin e lartë, por në të gjitha nivelet. Shpresoj, fakti që shumë si ju jeni në këtë skuadër duhet të shërbejë që ju të jeni kampionët e hapjes dhe përfshirjes së tjerëve”, pohoi Rama.

/a.f/

The post Rama me kandidatët e PS në Has: Qeverisja në katër vitet e ardhshme ka nevojë për një shtysë të re appeared first on Agjencia Telegrafike Shqiptare.

TIRANË, 15 mars /ATSH/ Kryeministri Edi Rama, njëherësh kreu i Partisë Socialiste, Edi Rama në sesionin e tretë të podkastit maratonë për prezantimin e skuadrës garuese të PS për zgjedhjet e 11 majit, kishte të ftuar sot tre kandidatë të qarkut të Vlorës, Briseida Çakërri, Erjona Ismaili dhe Endri Hyseni.

Kandidatja e PS-sdë për Vlorën, Erjona Ismaili ndau mënyrën se si ajo është njohur me Kryeministrin Rama, një njohje që ajo e quajti “ezauruese” për nga natyra e bisedës dhe komunikimit.

“Unë nuk mbahem për zbukurime, jam e drejtpërdrejtë, po mendoj që është ezauruese mënyra se si jemi njohur. Unë jam 35 vjeçe, por në energji ndihem mirë, kam një grintë që më mban në aktivitetet e përditshme të shumta. Jam rritur në një familje të madhe me gjashtë fëmijë, pesë motra dhe një vëlla, unë jam e vogla. Im atë është 85 vjeç sot, e keni parasysh vetë ndryshimin e mentaliteteve dhe botëkuptimeve kështu që kam qenë gjithmonë “delja e zezë” e shtëpisë në gjithçka që kam kërkuar. Ne bashkë jemi njohur duke u zënë, pas përmbysjes së dytë në Vlorë, ku një prej shtëpive të përmbytura ishte e imja. Jo më pak sherr kam bërë edhe herën e parë, por herën e dytë sherri arriti tek ju. Ju kam nisur një mesazh, bashkëlidhur një telefonatë me shërbimin në Vlorë, deri sa më pyetët a e ke të siguruar shtëpinë dhe zgjati në 13 minuta sherr”, tha Ismaili.

Kandidatja tjetër, Briseida Çakërri bëri një panoramë të angazhimit të saj personal dhe familjar, ndërsa tha se familja e saj është ndër themelueset e para të PS-së në Vlorë.

“Unë dua që të jem në atë varkën e përbashkët që do e çojë Shqipërinë drejt Evropës, ”, vijoi ajo, teksa shtoi se kontributi i saj në këtë forcë politike ka qenë i pandërprerë edhe në ato beteja ku PS ka fituar edhe në ato ku ka humbur.

Kryeministri Rama ndau me kandidatët, faktin që në takimet me drejtuesin politik të PS në Vlorë, Bledi Çuçi qasja ka qenë e kahershme që kjo forcë politike të hapet tek më të rinjtë dhe të “thyhet” muri se në PS ka vend vetëm për ata që janë brenda.

“Unë thjesht i kam ndjekur këto lista, ose këto idera nga drejtuesit politikë. Kur bëmë diskutimin me Bledin dhe përmendi emrin tënd foli me superlativa. Bledi Çuçin e kam çuar në Vlorë që të thyejë me vare murin rrethues të PS që ishte bërë i pathyeshëm dhe i kam thënë që do u japësh mundësi të gjithëve. Kjo parti është e të gjithëve dhe jo e disave që janë brenda dhe që e shohin nga jashtë dhe vijnë e votojnë. Për këtë arsye është bërë rinovim total dhe janë futur edhe persona kontrovers, për t’u thënë të gjithëve që kjo parti nuk është qëllimi i disave, por mjet në dispozicion të gjithkujt që do ta përdori dhe ka kapacitetin ta përdori për të bërë punë të mira”, tha Kryeministri Rama.

Kandidati i radhës për qarkun e Vlorës, Endri Hyseni është 37 vjeçari, me origjinë nga Çamëria, por lindur dhe rritur në Vlorë. Ai u shpreh se e ka nisur rrugëtimin si aktivist që në gjimnaz, pjesëmarrës në të gjitha aktivitetet që zhvilloheshin në shkollën, ndërsa ka studiuar për drejtësi.

“Jam licencuar dhe si avokat në Dhomën Kombëtare të Avokatisë. Kam bërë edhe disa sipërmarrje modeste, dhe ja erdhi momenti që të bëhesha pjesë e jetës publike përmes politikës”, pohoi ai.

Kryeministri Rama ndau me tre kandidatët e qarkut të Vlorës, kërkesën e tij për ta hapur në katërt anët PS-në në Vlorë dhe për të bërë të mundur atë që rasti i tyre të shërbejë si shembull për të tjerët.

“Nëse njeriu merret me politikë, nuk është si shkallët e jetës universitare, akademike apo të karrierës profesionale që ti bën një parashikim. Ky është det i hapur ku ka dallgë, rrjedha që të marrin, ka momente që koha është e duhura, por ti s’je aty etj”, tha Rama.

/a.f/

The post Rama me kandidatët për deputetë të Vlorës: PS parti e të gjithëve appeared first on Agjencia Telegrafike Shqiptare.

TIRANË, 15 mars/ATSH/ Kryeministri, njëherësh kreu i PS-së, Edi Rama në sesionin e tretë të podkastit maratonë për prezantimin e prurjeve të reja të skuadrës garuese të PS për zgjedhjet e 11 majit, kishte të ftuar edhe tre nga kandidatët për deputetë të qarkut Berat.

Në këtë podcast janë të ftuar Enriketa Jaho nga lista e mbyllur, Matea Rexhepi dhe Julian Zyla nga lista e hapur në këtë qark.

Kryeministri Rama tha se “Enriketa Jaho vjen nga salla e operacionit, është mjeke anesteziste reanimatore, do të na duhet për të ndihmuar në reanimimin e palës tjetër pas zgjedhjeve se do të ketë nevojë për reanimacion”.

Pyetjes së kryeministrit Rama se përse u angazhua në këtë betejë Jaho iu përgjigj se “gjithë jetën time kam qenë e majtë dhe gjithmonë kam votuar për PS-së. Por kam parë profesionin tim, këtë kohë ishte një ofertë dhe thashë pse jo? U mendova pak pastaj thashë pse të mos bëj më shumë për vendlindjen time jo vetëm në fushën e mjekësisë”.

Më pas kryeministri Rama iu drejtua Matea Rexhepit, për të cilën u shpreh se “është e vogël kur e shikon, por jo e aq e vogël në ambicien dhe në punën e saj”.

Matea Rexhepi tha se zgjodhi Partinë Socialiste dhe jo bufin .

“Pas aplikimit tek “Akademia Politike” zgjodha të aplikoj edhe platforma “Deputeti që duam”. Pas përzgjedhjes nga “Deputeti që duam” m’u hap dera nga PS-ja”, tha Rexhepi.

Ndërsa kandidati Julian Zyla mes emocioneve tha se “çdo gjë që kam bërë, që nga mosha që merrja vendime, nga shkolla e mesme deri sot është e lidhur me dy elemente, njëra është politika dhe një është Shqipëria. Kam studiuar shkenca politike dhe kam qenë në SHBA dhe kam punuar në Zërin e Amerikës. Ajo që tundoi për Zërin e Amerikës ishte një punë që ishte aq larg dhe kaq afër me Shqipërinë. Dua të veçoj një ditë në janar të 2010, ku prezantova temën. Një moment tjetër i rëndësishëm, ishte kur kryetari i komisionit të vlerësimit në shkollë më tha ‘Ju po ja bëni këtë nder vendit tuaj’. Ishte babi në sallë, kam 3 vjet që se kam. Edhe ai donte shumë që unë të merresha me politikë dhe ishe shumë suportues”.

Kryeministri Rama tha se “besoj se babai të shikon nga lart dhe është krenar për ty”.

Kryeministri Rama theksoi se “dua të them diçka edhe për ata që e kanë si motiv, u ripërtëri partia dhe u lanë jashtë ata… sepse këtu është çfarë uji i dhe gomarit. E vërteta është shumë e thjeshtë. PS nuk është qëllimi i atyre që e kanë, por është mjeti dhe duhet të jetë mjeti që duan ta përdorin për qëllimin e përbashkët”.

“Nëse PS nuk hapet, nuk transformohet në vijimësi dhe nuk jeton me idenë që për të ndryshuar më shumë Shqipërinë, duhet të ndryshojmë vetveten, është e destinuar të kthehet në kënetë. Një kënetë më e këndshme se këneta e neveritshme që ti fole, por ujë i ndenjur. Ndërkohë që sot dhe këtë moment kur rrethanat tona të brendshme e rrethanat e Evropës ne kemi oportunitetin historik që ta fusim Shqipërinë në BE tani dhe është një mundësi që e kemi tani dhe nuk diskutohet që do të jetë aty përgjithmonë”, tha Rama.

Kryeministri Rama u shpreh se “Shqipëria ka humbur oportunitete historike në të kaluarën dhe nuk duhet ta humbë këtë oportunitet dhe për ta bërë këtë realitet na duhet partia më vjetër dhe më e re në të njëjtën kohë. Partia më e vjetër me eksperiencë dhe kemi njerëzit me eksperiencë dhe partia më e re në energji, dhe faktikisht, të gjithë ata që duan të votojnë të rinjtë nuk kanë asnjë zgjidhje më të mirë sepse duke votuar PS-në voton për shumë të rinj”.

“Ndërsa me idenë që po votoj një logo të re, voton një logo ku nëse do kesh fat do çosh një deputet në parlament dhe nuk do kesh fuqinë që të jep PS. Ti nuk ke ardhur për t’i zënë vendin dikujt që ka kontribuar më shumë”, tha Rama.

/k.s/ /a.g/

The post Rama me kandidatët për deputetë të Beratit: Duke votuar PS-në, voton për shumë të rinj appeared first on Agjencia Telegrafike Shqiptare.

TIRANË, 15 mars/ATSH/ Kryeministri Edi Rama deklaroi sot se mund të sigurojmë çdo shqiptari dhe shqiptareje pasaportën evropiane të Shqipërisë 2030 brenda kësaj dekade.

Në podkastin “Flasim”, me Episodin Ekskluziv, “Parti e re për Shqipërinë në BE”, kryeministri Rama tha se “sa herë që zbresim prej 35 vjetësh në një aeroport në Itali, Gjermani, Greqi apo kudo tjetër në BE na tregojnë me gisht një korridor ku ne shqiptarët duhet të shkojmë të futemi të gjithë në radhë”.

“Ndërkohë që evropianët që zbresin bashkë me ne nga avioni kalojnë në një korridor të tyre pa radhë edhe ikin avullojnë sa hap e mbyll sytë. Ne vërtetë s’kemi viza për të lëvizur në Evropë, por ama s’kemi as të drejtë për të qëndruar në një vend të BE-së”, tha Rama.

Kryeministri Rama u shpreh se “prandaj kur arrijmë në kufijtë e BE-së ne jo vetëm na fusin në radhë, por na marrin dhe në pyetje policë, të cilët na e kthejnë mbarë e mbrapsht pasaportën tonë dhe ndërkohë që shohin na pyesin ku po shkon sa lekë ke, me kë je, kush të ka ftuar dhe kur do ikësh nga këtu pa hyrë akoma mirë brenda”.

“Ne mund ta mbyllim përfundimisht këtë histori diskriminimi poshtëruese dhe mos të na ndajë më askush si dele të zeza nga tufa e bashkudhëtarëve tanë evropianë kur hyjmë në një kufi. Të mos i japim më llogari një polici në aeroport se pse po hyj në një vend të BE-së dhe kur do iki. Ne mund të sigurojmë çdo shqiptari dhe shqiptareje pasaportën evropiane të Shqipërisë 2030”, nënvizoi Rama.

Kreu i qeverisë u shpreh se “kjo pasaportë duhet të ndryshojë dhe në këtë pasaportë duhet të shtohet diçka themelore Bashkimi Evropian Republika e Shqipërisë”.

“Për t’ju dhënë pasaportën e BE-së na duhet jo thjesht një mandat i katërt, por më i fortë se të tre mandatet e deri sotme. Prandaj kush e do pasaportën e  BE-së ka vetëm një mundësi dhe vetëm një rrugë, të bashkohet dhe me votën e bashkuar t’ua japë këtë mundësi që të pajisim çdo shqiptar dhe çdo shqiptare me pasaportën e BE-së brenda kësaj dekade”, tha Rama.

Pasaporta e evropiane e shqiptarëve, vijoi Rama, nuk është vetëm liri hyrje në çdo kufi të BE-së, nga një korridor pa radhë në aeroport, në çdo port apo doganë tokësore, por është edhe liri qëndrimi në çdo pikë brenda kufijve të BE-së.

“Me pasaportën e BE-së Evropa bëhet e vogël sa Shqipëria dhe Shqipëria bëhet e madhe sa Evropa, kjo nuk është retorikë, ky është horizonti ynë më i afërt se kurrë. Me pasaportën e BE-së vajzat e djemtë e Shqipërisë mund të studiojnë në çdo universitet të Evropës me tarifa të njëjta si studentë të barabartë evropianë dhe jo me tarifa ekstra si student të huaj në Evropë”, tha Rama.

Rama vuri në dukje se “me pasaportën e BE-së, çdo shqiptar dhe shqiptare do të mund të punojë pa leje pune kudo qoftë nga Stokholmi në Lisbonë, nga Madridi në Varshavë duke gëzuar të njëjtat të drejta si suedezët në Suedi, si portugezët në Portugali su spanjollët në Spanjë apo si polakët në Poloni dhe duke përfituar njësoj si ata sigurimet e shoqërore dhe shëndetësore në cilindo shtet ku punon brenda perimetrit të BE-së”.

“Me pasaportën e BE-së do të behet shumë  më e lehtë hyrja në shumë vende të BE-së apo punësimi në ato vende me procedura të thjeshtuara për leje qëndrimi dhe leje pune. Me pasaportën evropiane të Shqipërisë shqiptarët do të përfitojnë nga të njëjtat standarde të larta të mbrojtjes së të drejtave individuale në punë dhe para çdo institucioni apo gjykate të çdo vendi të BE-së. Me pasaportën evropiane të Shqipërisë çdo shqiptar e shqiptare do të fitojë të drejtën të votojë dhe të kandidojë në zgjedhjet lokale ku jeton brenda be dhe parlamentin evropian gjithashtu. Ndërkohë edhe Shqipëria do të jetë pjesë e zgjedhjeve evropiane dhe do të ketë përfaqësuesin e saj në qeverinë e BE-së, komisioner apo komisionere në BE, si dhe plot djem e vajza shqiptare në administratën e Brukselit”, nënvizoi Rama.

E fundit por jo për nga rëndësia, tha Rama, çdo ambasadë e BE-së i vjen në ndihmë kudo ku ndodhet një shqiptar apo shqiptare që zotëron pasaportën e BE-së nëse nuk ka aty pranë një ambasadë shqiptare.

“Ky është horizonti ynë i mandatit të katërt i konkretizuar”, tha Rama.

/k.s/

The post Rama: Për t’ju dhënë shqiptarëve pasaportën e BE-së, na duhet mandati i katërt appeared first on Agjencia Telegrafike Shqiptare.

TIRANË, 14 mars / ATSH/ Ministri për Ekonominë, Kulturën dhe Inovacionin, Blendi Gonxhja sot episodin e katërt të Podkastit “JuFletKombinati”, një format i veçantë me histori e ndjesi reale, kishte të ftuar dy të rinj.

The post Dy të rinj në podcast me ministrin Gonxhja: Angazhimi në politikë, rrugëtim për të kontribuar në zhvillimin e vendit appeared first on Agjencia Telegrafike Shqiptare.

TIRANË, 8 mars/ATSH-Maela Marini/ I ftuar në podkastin “Flasim” të kryeministrit Edi Rama ishte sot edhe Edjon Maliqi, një i ri nga Përmeti i cili u ndal veçanërisht tek investimet që e kanë kthyer Përmetin në një destinacion tërheqës për turistët e huaj.

Bashkë me dy të reja të tjera, pjesëmarrëse në Kuvendin Rinor Kombëtar të Partisë Socialiste, që ishin të ftuar në podkastin “Flasim”, Edjoni solli në vëmendje transformimin e Përmetit gjatë viteve të fundit.

Edjoni tha se misioni i tij mbetet promovimi i qytetit, ndërsa shtoi se në Përmet para vitit 2017 ka pasur vetëm 189 struktura akomoduese.

“Para Rilindjes Urbane numri i turistëve të huaj në Përmet nuk i kalonte 10 mijë. Në vitin 2023 kemi 110 mijë turistë të huaj, ndërsa në vitin 2024 kanë kaluar 150 mijë vizitorë të huaj. Përmeti nuk kishte rrugë dhe ujë deri para vitit 2017, ndërsa sot qyteti nuk është më një xhep i fshehur”, shtoi ai.

Sipas Edjonit, Përmeti nuk e përballon dot fluksin turistik që ka. “Një guidë rafting sot fiton 2500 deri në 3 mijë euro në muaj dhe sot operojnë 10 kompani të tilla në Përmet”, tha ai.

Kryeministri theksoi se ishin pikërisht investimet në kuadër të programit të “Rilindjes Urbane” që shtuan vizitorët në qytet.

“Rilindja Urbane i dha Përmetit atë që i mungonte, duke sjellë njerëz, edhe pse thoshin që është vetëm për ‘fasada e zbukurime’. Unë në këtë pikë jam absolutisht në gjendje të bëj konkurs me çdokënd. E kam bredhur Shqipërinë cep e më cep dhe në Përmet i kam provuar të dyja hotelet. Në atë kohë ishin bosh, ndërsa sot ato hotele janë komplet tjetër gjë, edhe falë faktit që kanë filluar të kenë xhiro dhe të bëjnë të ardhura. Ne i kemi dhënë mbështetje duke u bërë një taksim pozitiv se prapë në Përmet ato mbeten biznese të vogla dhe xhiroja vjetore nuk shkon përtej 100 mijë euro”, shtoi Rama.

Kryeministri theksoi se 4,6 miliardë lekë të ardhura që solli vjet turizmi në Shqipëri janë para që mbeten këtu.

/r.e/

The post Mbi 150 mijë vizitorë të huaj në Përmet, Rama: Taksim pozitiv për bizneset e vogla, “Rilindja Urbane” transformoi qytetin appeared first on Agjencia Telegrafike Shqiptare.