Gledi Mici është përforcimi i dytë zyrtar i Strugës së Bledi Shkëmbit. Mbrojtësi 34-vjeçar bashkohet me skuadrën shqiptare që militon në elitën e futbollit maqedonas, pas aventurës së fundit me Tiranën. Gjatë karrierës së tij, Mici ka fituar plot 5 trofe, Kupën me Kukësin dhe Flamurtarin, kampionatin me Shkëndijën dhe Prishtinën si dhe një Kupë […]

The post Struga e Bledi Shkëmbit bën merkato te Tirana, firmos me Gledi Micin appeared first on BoldNews.al.

21 qershori tradicionalisht shënon fillimin e sezonit të plotë turistik në tri bashkitë që rrethohen nga Liqeni i Ohrit – Struga, Ohri dhe Pogradeci.

Për herë të parë Dita e Liqenit të Ohrit është shënuar në vitin 2002, me qëllim kontribuimin në mbrojtjen e pasurisë natyrore dhe kulturore të rajonit, si dhe përafrimin e mëtejshëm të banorëve në të dyja anët e liqenit.

Vendi mikpritës i manifestimit qarkullon nga njëra bashki te tjetra, por mesazhi është gjithmonë i njëjtë: ngritja e vetëdijes të opinioni për bashkëpunim sa më të madh të qytetarëve dhe të pushtetit për mbrojtjen e basenit të liqenit të Ohrit, si pasuri e pazëvendësueshme natyrore.

Struga Trim Lum ka zyrtarizuar Bledi Shkëmbin si trajner të ri, duke pasuar Ilço Gjorgjioskin në pankinën bardhekuq, njofton Telegrafi.

Shkëmbi, emër i njohur në futbollin shqiptar si lojtar dhe trajner, vjen pas dy periudhave në krye të KF Tiranës. Pas ndarjes me bardheblutë, ai nis një sfidë të re në Strugë me objektiva afatgjatë.
Kontrata me trajnerin korçar është dyvjeçare, me mundësi vazhdimi edhe për një vit tjetër. Ndihmës i tij do të jetë Sabien Lilaj, ish-mesfushor i Skënderbeut.

Pjesa tjetër e stafit teknik mbetet e pandryshuar: Meriton Gega dhe Dejan Leskaroski si ndihmës, Stefan Meçkarovski trajner kondicional, dhe Dardan Miftari trajner i portierëve. /Telegrafi/

The post Zyrtare: Bledi Shkëmbi trajner i ri i Struga Trim Lum appeared first on Telegrafi.

Bordi drejtues i Federatës së Futbollit të Maqedonisë ka miratuar zyrtarisht kalendarin e garave për Ligën e Parë dhe të Dytë, si dhe për Kupën e Maqedonisë për sezonin garues 2025/26, njofton Telegrafi.

Ndeshjet e Ligës së Parë do të zhvillohen gjatë fundjavës, të shpërndara në tre ditë: e premte, e shtunë dhe e diel. Ndeshjet e Ligës së Dytë do të luhen të shtunave, ndërsa ndeshjet e Kupës do të zhvillohen gjatë ditëve të punës – të martën, të mërkurën ose të enjten.

Pjesa e parë e sezonit në Ligën e Parë do të nisë mes datave 8 dhe 10 gusht, ndërsa sezoni në Ligën e Dytë fillon më 23 gusht.

Edicioni i ri i Kupës së Maqedonisë nis me rrethin e parë më 26/27 gusht. Finalja e madhe e Kupës është caktuar të luhet më 30 maj 2026./Telegrafi/

The post Sezoni i ri i futbollit në Maqedoni fillon me 8 gusht appeared first on Telegrafi.

E ardhmja e Bledi Shkëmbit te Tirana është e paqartë. Drejtuesit e bardhebluve ende nuk kanë vendosur nëse do të vazhdojnë me korçarin edhe në sezonin e ri apo do të ndajnë rrugët mes tyre.

Gjithsesi një vendim i tillë do të merret këto ditë, saktësisht ditën e hënë pritet që mes palëve të ketë një tjetër takim, ku do të diskutohet fillimisht e ardhmja e Shkëmbit dhe më pas do të vendosen edhe pikat mbi “i” sa i takon skuadrës.

Siç dihet për Shkëmbin ka oferta edhe nga skuadra të tjera. Struga është ekipi që kërkon timonierin aktual të bardhebluve.

Oferta e skuadrës shqiptare të Maqedonisë së Veriut qëndron në “tavolinë” dhe mbetet të shihet se çfarë do të vendoset në fillim e javës së ardhshme.

The post Oferta e Strugës në tavolinë, Tirana vendos për të ardhmen e Bledi Shkëmbit appeared first on Albeu.com.

Me dëshminë e të akuzuarit për emërim të paligjshëm të drejtorëve në shkollat fillore “Goce Dellçev” në Podgorcë (dy lëndë), “Murat Llabunishti” në Llabunishtë dhe “Ashim Agushi” në Ladorishtë sot në Gjykatën themelore në Strugë vazhdoi procesi gjyqësor kundër kryetarit të komunës, Ramiz Merko.

Për lëndën e ndarë për shkollën “Vëllezërit Milladinovci” në Strugë, u dëgjuan dy dëshmitarë, ndërsa në seancëne  ardhshme është paralajmëruar dëgjimi i këshilltarit teknik, pas çka do të pasojnë fjalët përmbyllëse dhe aktvendimi.

Në seancën e ardhshme të caktuar për më 19 qershor, mbrojtja, siç informoi gjykatësi i lëndës, Jordan Jovanov, do të ketë fjalë përmbyllëse për katër lëndë të bashkuara, pas çka do të kumtohet aktvendimi.

“Duke pasur parasysh se bëhet fjalë për katër lëndë të bashkuara në një, mbrojtja kërkoi kohë shtesë për të përgatitur fjalët përmbyllëse”, theksoi Jovanov.

Në dëshminë, Merko tha se nuk ka bërë asgjë gabim në raport me emërimin e drejtorëve në shkollat fillore, përkatësisht se ai vetëm ka nënshkruar atë që e kanë përgatitur shërbimet. Por, theksoi se nëse e ka shkelur ligjin, do t’i merreshin ingerencat nga Ministria e Arsimit dheShkencës, duke nënvizuar se ajo nuk ka ndodhur.

Ai pohoi se ish-ministri i Arsimit dhe Shkencës, Jeton Shakiqi ka qenë i njoftuar me gjendjen dhe i ka dhënë sqarime se ekzistojnë kushte ligjore për t’u emëruar u.d. drejtor një person i cili nuk vjen nga radhët e të punësuarve në institucion nëse në konkurs, asnjëri nga shkolla nuk ka parashtruar kandidaturë për drejtor dhe se për atë ka ekzistuar qëndrim i vendosur nga Ministria për Shoqëri Informatike dhe Administratë.

Theksoi se disa herë Shakiri i ka propozuar njerlzit të cilët ishin emëruar në funksion, duke përkujtuar se edhe drejtorët kanë thënë se nuk kanë pasur takim me kryetarin e komunës, por ishin vendosur nga ministri.

Sipas tij, si ka qenë e mundur të akuzohet për gjoja vepra të kryera penale pa u akuzuar ministri i Arsimit në kushte kur kompetencat u janë caktuar në nen të njejtë të ligjit. Duke shtuar se në fillim të vitit shkollor 2024/25 kur ministrja e Arsimit dhe Shkencës, Vesna Janevska i ka marrë ingerencat për shkollat fillore në Drasllajcë dhe Podgorcë ishin emëruar u.d. drejtorë, të cilët nuk i përmbushin kushtet.

Theksoi edhe se të gjithë drejtorët e vendosur në mënyrë të ndershme, të përgjegjshme dhe ndërgjegjshme e kan ë kryer funksionin dhe se nga dëshmia e inspektorëve më së shumti që ka kryer kryetari i komunës – ka qenë kundërvajtje, dhe jo vepër penale.

Kundër Merkos në rrjedhë janë dy procese gjyqësore dhe për akuza të tjera për punë të pandërgjegjshme në shërbim, ndërsa Gjykata e Strugës dje solli aktvendim lirues për furnizimin e automjetit luksoz “Audi” në vlerë prej 67.000 eruove. Ai ndodhet edhe më “listën e zezë” të Shteteve të Bashkuara të Amerikës për shkak të përzierjes në korrupsion.

The post Ramiz Merko dëshmoi për emërimin e paligjshëm të drejtorëve në shkolla appeared first on Telegrafi.

Gjermanishtja po bëhet gjuha e huaj më e dëshiruar për t’u mësuar nga nxënësit në shkollat e mesme dhe fillore në vend. Dëshira për të shkuar jashtë, sidomos në Gjermani, ku mijëra familje jetojnë dhe punojnë, është arsyeja pse të rinjtë vendosin ta zgjedhin gjermanishten si gjuhën e dytë të huaj. Kjo vlen edhe për shkollat fillore në Ohër dhe Strugë.

“Interesi më i madh i nxënësve dhe prindërve aktualisht është për mësimin e gjermanishtes. Nuk di nëse arsyeja për këtë është ikja jashtë vendit, në shtetet evropiane dhe kërkesa për gjermanishten, por tek unë ka nxënës që studiojnë edhe frëngjisht, por 90% e nxënësve janë në gjermanisht”, tha Marina Gjorgoska, Drejtoresha e Shkollës Fillore “Hristo Uzunov” Ohër.

Sipas ligjit, në klasën e pestë, shkollat janë të detyruara të kryejnë një anketë midis nxënësve në lidhje me gjuhën që dëshirojnë të studiojnë. Ka situata kur mësuesit që japin mësim frëngjisht mbeten pa mësim.

“Kam pesë paralele, nga të cilat 4 paralele u formuan në gjuhë gjermane, dhe vetëm një në gjuhën frënge, me 17 nxënës. Kolegia i humbi ato katër paralele ose 8 orë dhe në vend të saj u punësua një kolege e re në gjuhë gjermane, dhe kolegia në gjuhë frënge plotëson lëndët e tjera zgjedhore”, tha Marina Gjorgoska, Drejtoreshë e shkollës fillore Hristo Uzunov – Ohër.

Gjithashtu shqetësuese është se vazhdon trendi i braktisjes së shkollës nga nxënësit në mes të vitit shkollor për shkak të largimit nga vendi. Shkollat janë zbrazur në mënyrë drastike vitet e fundit, ka gjithnjë e më pak nxënës dhe në disa zona rurale, godinat e shkollave janë mbyllur.

The post Në Ohër dhe Strugë, gjermanishtja zëvendëson frëngjishten appeared first on Telegrafi.

Ohri dhe Struga druajnë se sezoni turistik këtë vit mund të pësojë katastrofë. Disa nga operatorët kryesorë turistikë dy nga Polonia dhe një nga Holanda “dymbëdhjetë pa pesë”, anuluan aranzhimet e tyre. Janë anuluar edhe aeroplanët çarter që i përdornin për të ardhur këtu. Bëhet fjalë për tridhjetë mijë turistë që pritej të mbërrijnë në Ohër.

“Sigurisht, është shqetësuese që tashmë ka pasur njoftime për disa anulime. Nuk e dimë se çfarë do të ndodhë me sezonin me ata turistë të huaj që kanë ardhur të organizuar me fluturime çarter për shumë vite. Nëse këto anulime do të kenë ndonjë ndikim ose jo, nëse numrat do të jenë të njëjtë me vitet e kaluara apo të ngjashëm, nuk mund ta themi”, tha Jakim Malenko, Punëtor turistik.

Ndër arsyet, nuk janë vetëm çmimet e larta të aranzhimeve hotelierike, por edhe heqja e ofertës “all-inclusive” nga ana e hoteleve.

“Fatkeqësisht, nuk janë vetëm polakët që kanë anuluar, ka një numër të madh grupesh që janë ose në stand-by ose e ulin numrin e mysafirëve në secilin grup ose duke i anuluar plotësisht. Ka ndryshim të dukshëm krahasuar me vitin e kaluar për sa i përket numrit të bujtjeve dhe cilësisë së turistëve që vijnë. Të gjitha ato çartere duhej të fillonin në maj dhe qershor”, tha Ana Jançeva, Menaxhere hoteli në Strugë.

Hotelierët megjithatë janë optimist se sezoni i verës do të shkojë mirë dhe se në periudhën e mbetur do të përpiqen ta mbushin këtë boshllëk me turistë nga vende të tjera dhe me oferta më tërheqëse për mysafirët vendas, si dhe për mërgimtarët./Alsat.mk

The post Maqedoni, punonjësit turistikë po përballen me humbje nga anulimet e aranzhimeve appeared first on Telegrafi.

Java e 31-të e kampionatit mund të jetë vendimtare për fatin e titullit kampion, ku Shkëndija ka mundësinë ta sigurojë matematikisht trofeun me një fitore ndaj Rabotniçkit. Në anën tjetër, gara për mbijetesë është përqendruar mes Brerës dhe Besës që ndajnë të njëjtin fat pikësh, njofton Telegrafi

Java e 31-të e Ligës së Parë të Maqedonisë së Veriut starton sot me përballjen ndërmjet Vardarit dhe Strugës, ndërsa tre ndeshjet e tjera luhen të mërkurën me fillim nga ora 17:00, ku në qendër të vëmendjes është dueli në Tetovë mes Shkëndijës dhe Rabotniçkit.

Skuadra kuqezi ka shansin e artë për të siguruar titullin kampion dy javë para fundit, por përballë do të ketë një ekip që tani ka siguruar pjesëmarrjen në garat evropiane. Edhe pse ndeshja zhvillohet në Tetovë, Shkëndija do ta luajë atë pa praninë e tifozëve për shkak të dënimit nga federata, çka e bën sfidën pak sa më të vështirë psikologjikisht.

Ndërkohë në Strumicë, FC Shkupi do të përballet me AP Breran. Skuadra nga Çairi tashmë e ka siguruar mbijetesën dhe do të luajë pa presion, por për Breran kjo është një ndeshje jetike në luftën për të ruajtur vendin që çon në balotazh. Në një tjetër duel të rëndësishëm për fatin e sezonit, Tikveshi pret Besën nga Dobërdolli. Tikveshi është i sigurt për qëndrimin në elitë, ndërsa Besa kërkon me çdo kusht pikët për të mos rënë nga liga – apo të paktën për të qëndruar në garën për vendin e balotazhit.

Me epilogun e sezonit që po afrohet, java e 31-të pritet të sjellë emocion dhe vendime të mëdha. Sytë janë kah Tetova, ku Shkëndija mund ta mbyllë garën për titullin, ndërsa poshtë në tabelë lufta për mbijetesë vazhdon mes Besës dhe Brerës.

Vlen të rikujtojmë se nga gara tashmë janë larguar dy skuadrat shqiptare, Voska Sport dhe Gostivari, duke ndikuar dukshëm në dinamikën e këtij sezoni. /Telegrafi/

The post Shkëndija në prag të titullit, java e 31-të hapet sot me duelin Vardari – Struga appeared first on Telegrafi.

Kampionati i Ligës së Parë të Maqedonisë hyn në fazën vendimtare, ku çdo pikë ka peshë të madhe dhe çdo duel mund të ndryshojë rrjedhën e renditjes. Java e 30-të sjell katër ndeshje mjaft të rëndësishme që pritet të na japin një pasqyrë më të mirë për tre javët e fundit, njofton Telegrafi.

Derbi i përjetshëm Shkupi – Vardari, dueli mes Strugës dhe Shkëndijës, që pritet të ndikojë drejtpërdrejt në garën për titullin, sfida me shumë rëndësi Sileksi – Rabotniçki, ku të dyja skuadrat synojnë Evropën, si dhe përballja për mbijetesë mes AP Brerës dhe Besës, që luftojnë për të kapur vendin e balotazhit, janë paralajmërim për futboll atraktiv.

Java e 30-të fillon me superduelin mes dy rivalëve të përjetshëm, Shkupit dhe Vardarit, që do të përballen të shtunën, më 3 maj, në stadiumin e Çairit, me fillim nga ora 16:00. Edhe pse këtë sezon të dy skuadrat nuk kanë pretendime për titull apo dalje në Evropë, lufta për tri pikët do të jetë më shumë për krenari. Shkupi ndodhet në vendin e shtatë me 35 pikë, ndërsa Vardari ka vetëm një pikë më shumë dhe mban pozitën e gjashtë.

Të gjitha ndeshjet e tjera të javës së 30-të do të zhvillohen të dielën, më 4 maj, me fillim nga ora 16:00. Në një tjetër duel të zjarrtë, Struga pret Shkëndijën, ku kuqezinjtë nga Tetova janë të detyruar të fitojë për të ruajtur epërsinë ndaj ndjekësit kryesor, Sileksit. Ky i fundit ka një ndeshje mjaft të vështirë në udhëtim kundër Rabotniçkit, që tashmë është përfshirë fuqishëm në garën për një vend që të çon në arenën ndërkombëtare dhe synon edhe pozitën e dytë në tabelë, meqë deri në fund mbeten edhe 12 pikë në lojë.

Një duel tjetër i rëndësishëm për mbijetesë është ai mes Besës dhe AP Brerës, që luftojnë për pozitën e 10-të, e cila siguron të paktën ndeshjen e balotazhit për qëndrim në elitë. Gostivari, ndërkohë, do të kërkojë tri pikë të arta përballë Pelisterit. Skuadra e Tikveshit është e lirë këtë javë, pasi Voska Sport i ka mbyllur tashmë para kohe garat në kampionat. /Telegrafi/

Dyshet për javën e 30-të: E shtunë – 3 maj, ora 16:00: Shkupi – Vardari

E diel – 4 maj, ora 16:00: Struga – Shkëndija, Besa– AP Brera, Gostivari – Pelisteri dhe Rabotniçki – Sileksi.

The post Të shtunën derbi Shkupi – Vardari, duel për titull të dielën në Strugë appeared first on Telegrafi.

Java e 29-të në Ligën e Parë të Maqedonisë së Veriut nuk solli ndryshime në krye të tabelës, pasi Shkëndija dhe Sileksi, dy rivalët për titull, barazuan ndeshjet e tyre dhe ruajtën të pandryshuar diferencën prej katër pikësh, njofton Telegrafi.

Në derbin shqiptar të javës, në Tetovë, Shkëndija dhe Shkupi u ndanë në një barazim spektakolar 3-3. Ndeshja u karakterizua nga tre autogola, por edhe gola të bukur, me Shkëndijën që edhe pse u rikthye në ndeshje pas një disavantazhi prej dy golash, nuk arriti të marrë më shumë se një pikë.

Nga ana tjetër, Sileksi nuk përfitoi nga hapi fals i liderit, duke barazuar pa gola (0-0) në duelin ndaj Strugës. Ky rezultat bën që katër javë para fundit të kampionatit, Shkëndija të mbetet me një epërsi jo dhe shumë komode prej katër pikësh.

Në duelin mes Gostivarit dhe Rabotniçkit, që u zhvillua në stadiumin “Boris Trajkovski” në lagjen Maxhari të Shkupit, u regjistrua një tjetër episod negativ. Pas një përmbysjeje në rezultat (nga 1-0 në 1-2 për Rabotniçkin), drejtuesit e Gostivarit urdhëruan futbollistët të largoheshin nga fusha, duke mos përfunduar ndeshjen. Klubi i Gostivarit përmes një reagimi zyrtar në rrjetet sociale theksoi se:

“Incidenti që ndodhi nuk është kundër kundërshtarit tonë Rabotniçkit. Reagimi ynë është ndaj gjyqtarit të ndeshjes, Igor Stojçevski! Ky gjyqtar njihet për menaxhim skandaloz të ndeshjeve dhe nuk është i dëshiruar nga asnjë ekip. Sa i përket deklaratës së FFM-së, çdo fjali e saj do të marrë përgjigje NJË E NGA NJË. Siç e thamë edhe në konferencën për shtyp dje, ne jemi të pastër, nuk ka asgjë që nuk mund ta sqarojmë!” – thuhet në deklaratën e FC Gostivarit.

Në ndeshjet tjera, Vardari mposhti Besën e Dobërdollit me rezultat 3-1, Pelisteri siguroi fitore të rëndësishme për mbijetesë duke mundur Tikveshin 1-0. Ndërsa ndeshja AP Brera – Voska Sportit është regjistruar me rezultat zyrtar 3-0, pasi dueli nuk u zhvillua për shkak të tërheqjes së kësaj të fundit nga kampionati. /Telegrafi/

Rezultatet e javës së 29-të: Shkëndija – Shkupi 3-3, Gostivari – Rabotniçki 1-2 (e ndërprerë), Sileksi – Struga 0-0, Vardari – Besa 3-1, Pelisteri – Tikveshi 1-0, AP Brera – Voska Sport (3-0 zyrtarisht)

The post Shkëndija ruan epërsinë, Struga ndali Sileksin appeared first on Telegrafi.

Struga ka arritur ta mposht pas dy ndeshjesh Shkëndijën, duke kaluar në finalen të Kupës së Maqedonisë, ku i bashkohet Vardarit që në dy ndeshje ishte më i mirë se Berar Strumnica. 

Struga kishte fituar takimin e parë si mysafir me Shkëndijën (2-1), ndërsa takimin e dytë të zhvilluar sot u mbyll baras 1-1.  

Golin e vetëm për vendasit në këtë takim e shënoi mesfushori Hogan Ukpa, në minutën e 20-të të ndeshjes. 

Edhe pse takimi u shënua me raste të tjera, gola më shumë kishte, deri në kohën shtesë, kur vendasit shënuan autogol.

Në anën tjetër, Vardari kaloi në finale, pasi kishte fituar takimin e parë me rezultat 3-0, ndërsa i dyti i zhvilluar sot përfundoi 1-1. 

Finalja e madhe do të zhvillohet më 22 maj, ku do të luftojnë për trofeun e dytë me peshë, atë të Kupës së Maqedonisë së Veriut. /Telegrafi/  

The post Struga – Vardari, finalja e Kupës së Maqedonisë së Veriut  appeared first on Telegrafi.

Java e 28-të në elitën e futbollit të Maqedonisë së Veriut solli emocione të shumta, duele të atraktive, gola spektakolarë dhe tensione brenda e jashtë fushës, ngjarje që tejkalojnë kornizat sportive, njofton Telegrafi.

Në Gostivar, Besa, një ndër skuadrat më të rrezikuara për rënie, priti liderin Shkëndija në një ndeshje me ritëm të lartë dhe shumë gola. Besa kaloi e para në epërsi me golin e Selmanit, por Shkëndija reagoi fuqishëm me golin e Ibraimit nga penalltia dhe më pas me Tamban. Pjesa e dytë solli një tjetër barazim nga Selmani, por Merxhani vulosi fitoren për tetovarët në minutat e fundit. Shkëndija mban kreun, ndërsa Besa vijon të luftojë për mbijetesë.

Çairasit nuk ia dolën të rikthehen te fitorja para tifozëve të vet, duke u mposhtur nga Sileksi në një ndeshje të tensionuar. Ansah realizoi një gol të bukur, por Sileksi barazoi me një gol të diskutueshëm për pozitë jashtë loje. Fitoren e siguroi Aliç, pas një gabimi të rëndë të portierit Denkovski. Pas ndeshjes, FC Shkupi reagoi ashpër ndaj arbitrimit, duke e quajtur vendimin për golin e barazimit “skandaloz” dhe duke kërkuar ndërhyrje urgjente nga institucionet përkatëse.

Ndeshja ndërmjet Struga Trim Lum dhe Gostivarit ishte dramatike deri në fund, me rezultat përfundimtar 1-1. Mysafirët kaluan në epërsi me Kalanoskin, por në fund, zëvendësuesi Kehinde barazoi për Strugën. Diata i Gostivarit u ndëshkua me të kuq në minutat e fundit, duke shtuar tensionin. Pas ndeshjes, ndodhi një përplasje fizike mes futbollistëve të dy skuadrave. Klubi i Gostivarit njoftoi se tre lojtarë dhe një anëtar i stafit teknik u ndaluan nga policia lokale për disa orë, pa pasur mundësi të komunikojnë me familjarët apo ekipin. Incidenti është dënuar ashpër nga klubi, që kërkon trajtim më korrekt dhe hetim të plotë të rastit.

Një nga episodet më të përfolura të javës ndodhi në Ohër, ku dueli mes Voskës dhe Vardarit u ndërpre në minutën e 76-të, me rezultatin 1-1. Voska kaloi e para në epërsi me Osein, por Vardari barazoi me një gol të kontestuar të Duranskit, që shkaktoi protesta të mëdha. Në shenjë pakënaqësie ndaj arbitrimit, skuadra vendase u tërhoq nga fusha. Klubi i Voska Sport reagoi më pas me një deklaratë të ashpër ndaj Federatës së Futbollit të Maqedonisë, duke e cilësuar gjykimin si tendencioz dhe të dëmshëm për integritetin e garës. Ata kërkojnë masa konkrete për të shmangur situata të ngjashme në të ardhmen.

Në përballjet e tjera të javës, Rabotniçki fitoi me rezultat 2-1 ndaj Pelisterit, ndërsa Tikveshi mposhti AP Brerën po me të njëjtin rezultat./Telegrafi/

Rezultatet e plota të javës së 28-të: Besa– Shkëndija 2-3, Shkupi – Sileksi 1-2, Struga – Gostivari 1-1, Voska Sport – Vardari (ndërprerë në minutën e 76-të, 1-1), Rabotniçki – Pelisteri 2-1, Tikveshi – AP Brera 2-1

Java e 29-të (27 prill, ora 16:00): Shkëndija – Shkupi, Sileksi – Struga, Vardari – Besa, AP Brera – Voska, Gostivari – Rabotniçki dhe Pelisteri – Tikveshi.

The post Shkëndija nuk ndalet, pa përfundim në Ohër, arrestime në Strugë appeared first on Telegrafi.

Gostivar barazoi dje 1 me 1 në transfertën e Strugës. Një rezultat që nuk i shkon për shtat Gostivarit, pasi tashmë janë 4 pikë larg zonës së Europës. Pas përfundimit të ndeshjes, një situatë e pazakontë për futbollin pasoi. Pjesëtarë nga Gostivari u përleshën me policinë. Më pas pati të arrestuar, që u shoqëruan në […]

The post VIDEO/ Sherr me policinë, lojtarët e klubit shqiptar përfundojnë në rajon appeared first on BoldNews.al.

Java e 27-të e Ligës së Parë të Maqedonisë së Veriut dhuroi emocione të shumta, zhvillime të rëndësishme në kreun e tabelës dhe tension në fundin e saj, njofton Telegrafi.

Me vetëm gjashtë xhiro të mbetura deri në fund të sezonit, gara për titull, për Evropë dhe për mbijetesë po hyn në fazën më vendimtare.

Shkëndija e Tetovës konfirmoi edhe një herë se është pretendente serioze për titull, duke mposhtur në mënyrë bindëse Voska Sportin me rezultat 4-0. Me këtë fitore, kuqezinjtë ruajtën pozitën e parë dhe distancën prej katër pikësh ndaj ndjekësit më të afërt, Sileksit, që gjithashtu ishte i pamëshirshëm ndaj Besës, duke fituar me rezultatin e thellë 5-0 në Kratovë.

Gara mes këtyre dy skuadrave po zhvillohet në mënyrë dramatike, ku çdo pikë pritet të jetë vendimtare. Shkëndija ka përpara disa ndeshje ku duhet të ruajë ritmin, ndërsa Sileksi po pret çdo hap të gabuar për të marrë kreun.

Në luftën për pozitën e tretë, që siguron pjesëmarrje në garat evropiane, ndodhi një ndryshim i madh. Rabotniçki, që deri tani kishte komoditet në këtë vend, u mposht në shtëpi nga kampionët në fuqi Struga, me rezultat 0-1. Kjo humbje ka rihapur garën, pasi tani Gostivari (dy pikë) dhe Struga (katër pikë), janë afruar ndjeshëm, duke e bërë betejën për Evropë shumë më interesante në javët e mbetura.

Ndërkohë, edhe Gostivari bëri një hap të madh përpara, duke triumfuar me rezultat 3-1 ndaj Shkupit, në një ndeshje ku tregoi forcë karakteri.

Lufta për mbijetesë, është bërë më e ashpër se kurrë. Në fundin e tabelës, tensioni është i lartë. Katër skuadra ndodhen brenda vetëm dy pikëve dhe secila prej tyre po lufton për të shmangur zonën e rrezikshme. AP Brera mori fitore shumë të rëndësishme në transfertë ndaj Pelisterit, ndërsa Tikveshi ndau pikët me Vardarin, por mbetet i përfshirë në betejë.

Besa, Tikveshi, AP Brera dhe Voska Sport janë skuadrat më të rrezikuara, me çdo ndeshje që mund të jetë vendimtare për fatin e tyre në elitë.

Të dielën, më 20 prill, me fillim nga ora 16:00, na presin sfida të tjera kyçe që pritet të kenë ndikim të drejtpërdrejtë në të gjitha zonat e tabelës. Kjo xhiro pritet të japë më shumë përgjigje, por ndoshta edhe të hapë rrugën për befasi të tjera në një kampionat që po shkon drejt një fundi dramatik. /Telegrafi/

Java e 28-të: Besa – Shkëndija, Struga – Gostivari, Shkupi – Sileksi, Voska Sport – Vardari, Rabotniçki – Pelisteri dhe Tikveshi – AP Brera.

The post Shkëndija nuk ndalet, Gostivari dhe Struga rikthehen në garë për Evropën appeared first on Telegrafi.

Java e 27-të e Ligës së Parë të Maqedonisë së Veriut, sjellë duelin në Tetovë, ku Shkëndija mbron kreun, Struga dhe Shkupi do të kenë përballje dramatike në Shkup, njofton Telegrafi.

E diela sjell emocione të mëdha në elitën e futbollit të Maqedonisë së Veriut, ku do të luhen përballjet e javës së 27-të. Në qendër të vëmendjes do të jenë ekipet shqiptare, të cilat luftojnë në pole të ndryshme të tabelës – për titull, për Evropë dhe për mbijetesë.

Shkëndija e Tetovës, që aktualisht kryeson tabelën, do të luajë në shtëpi ndaj Voska Sport, një përballje shqiptare ku tetovarët janë të vendosur të marrin tri pikët për të ruajtur epërsinë ndaj ndjekësve dhe për të hedhur një hap më pranë titullit. Përballë tyre do të jetë një skuadër e rrezikuar nga zona e rënies, ku Voska kërkon pikë shpëtimi dhe pritet të bëjë gjithçka për të ndalur liderin.

Në Kratovë zhvillohet një tjetër duel me peshë, ku Sileksi, ndjekësi më i afërt i Shkëndijës, pret Besën e Dobërdollit. Sileksit i nevojitet fitorja për të mos lejuar shkëputjen e kuqezinjve, ndërsa Besa synon pikë të vlefshme në luftën për mbijetesë – duke e bërë këtë sfidë një përplasje mes ambicieve të kundërta, por me qëllim të njëjtë: grumbullimin e pikëve.

Në kryeqytet do të luhen dy duele shumë interesante. Rabotniçki pret Strugën në një sfidë direkte për zonën evropiane. Të dyja skuadrat janë në garë për vendet që çojnë në garat ndërkombëtare dhe kjo përballje mund të jetë vendimtare për fatin e tyre në këtë sezon.

Po në Shkup, në lagjen Maxhari, Gostivari përballet me Shkupin, në një duel shqiptar ku të dyja skuadrat kanë nevojë për pikë – njëra për të siguruar pozitë më të mirë në mes të tabelës, tjetra për të shmangur çdo rrezik të mëtejmë. Dy përballjet e tjera të kësaj jave janë: Pelisteri – AP Brera, si dhe Vardari – Tikveshi, që plotësojnë javën e 27-të. /Telegrafi/

Java e 27, E diel ora 16:00: Gostivari – Shkupi, Rabotniçki – Struga, Shkëndija – Voska Sport, Sileksi – Besa, Pelisteri – AP Brera dhe Vardari – Tikveshi.

The post Shkëndija kërkon tri pikë për të ruajtur fronin, tri duele luhen në Shkup appeared first on Telegrafi.

Sot janë zhvilluar ndeshjet e para gjysmëfinale të Kupës së Maqedonisë së Veriut, ku gjithë vëmendja ishte e përqendruar në përballjen shqiptare mes Shkëndijës së Tetovës, lider aktual i kampionatit, dhe Struga Trim Lum, kampione në fuqi e vendit, njofton Telegrafi.

Dueli i zhvilluar në stadiumin e qytetit të Tetovës, për shkak të dënimit të Shkëndijës me pesë ndeshje pa tifozë, u luajt pa praninë e publikut, por kjo nuk pengoi që të zhvillohej një ndeshje me ritëm të lartë.

Shkëndija ishte skuadra që e nisi më mirë ndeshjen dhe kaloi në epërsi në minutën e 36-të, kur Florent Ramadani realizoi një super gol direkt nga rivënia këndore, duke befasuar portierin Qoshevski. Edhe pse të dyja skuadrat kishin përpjekje për të gjetur rrjetën, pjesa e parë u mbyll me epërsi minimale të kuqezinjve.

Në pjesën e dytë, Struga reagoi fuqishëm. Një lëshim në mbrojtjen e vendasve në minutën e 53-të u shfrytëzua nga Ukpa, i cili me një finalizim të saktë barazoi rezultatin në 1-1.

Kur dukej se ndeshja po shkonte drejt një barazimi, kampionët në fuqi goditën sërish. Në minutën e 82-të, pas një kundërsulmi të rrjedhshëm, Krivanjeva shërbeu për Ukpan, i cili këtë herë asistoi bukur për Radeskin – ish-lojtarin e Shkëndijës, që shënoi për përmbysjen 1-2.

Drama vazhdoi deri në fund, kur në minutën e fundit të shtesës Adonis Shala pati një rast të artë për të barazuar rezultatin, por goditja e tij u bllokua në momentin vendimtar nga mbrojtësi Radiq.

Në ndeshjen tjetër gjysmëfinale të zhvilluar në Shkup, Vardari siguroi një fitore bindëse 3-0 ndaj AP Brera, duke hedhur një hap të madh drejt finales.

Ndeshjet e kthimit do të zhvillohen më 23 prill, kur do të mësohet edhe dy finalistët që do të luftojnë për trofeun e dytë më të rëndësishëm në futbollin vendor – Kupën e Maqedonisë së Veriut. /Telegrafi/

The post Struga përmbys Shkëndijën në Tetovë, por finalja mbetet e hapur appeared first on Telegrafi.

E mërkura sjell emocione të forta në futbollin e Maqedonisë së Veriut, me zhvillimin e ndeshjeve të para gjysmëfinale të Kupës, njofton Telegrafi. Vëmendja do të jetë e përqendruar në Tetovë, ku Shkëndija pret kampionët në fuqi, Struga Trim & Lum, në një përballje që premton spektakël.

Kuqezinjtë e Tetovës hyjnë në këtë sfidë me moral të lartë, pas dy fitoreve radhazi në kampionat ndaj AP Brerës dhe Tikveshit. Në anën tjetër, edhe Struga vjen pas triumfit të rëndësishëm ndaj Pelisterit, ndonëse pozita në tabelë nuk është aspak e favorshme për ta.

Për këtë ndeshje, trajneri i Shkëndijës Jeton Beqiri nuk do të mund të llogarisë në mbrojtësin Mevlan Adili, i cili është i pezulluar pas kartonit të kuq të marrë në sfidën e fundit kampionale. Ndërkohë, mesfushori Kamer Qaka vazhdon të jetë jashtë fushës për shkak të lëndimit.

Ndryshe për Strugën ky duel ka peshë të veçantë. Të eliminuar praktikisht nga gara për titull dhe jashtë zonës që garanton pjesëmarrjen në garat evropiane, Kupa mbetet shansi i vetëm për një biletë drejt Evropës. Prandaj pritet që skuadra struganët të japin maksimumin në këtë sfidë.

Ndeshja mes Shkëndijës dhe Strugës zhvillohet nesër (e mërkurë) në stadiumin e qytetit në Tetovë, me fillim nga ora 16:00, ku do të mungojnë tifozët duke e ditur se kuqezinjtë janë të dënuar pesë ndeshje të luajnë pa praninë e tyre. Në të njëjtën orë, në Shkup, do të përballen edhe Vardari dhe AP Brera në gjysmëfinalen tjetër të Kupës. /Telegrafi/

The post Finale para finales: Shkëndija sfidon Strugën në Tetovë appeared first on Telegrafi.

Java e 26-të e Ligës së Parë të Maqedonisë së Veriut ka vulosur edhe më shumë ndarjet në tabelë, duke nxjerrë në pah dy fronte të nxehta: garën për titull dhe betejën dramatike për mbijetesë, njofton Telegrafi.

Shkëndija e Tetovës vazhdoi serinë e fitoreve, duke mposhtur Tikveshin edhe pse për më shumë se 25 minuta luajti me një lojtar më pak. Kjo fitore e mban skuadrën kuqezi në krye të tabelës me katër pikë më shumë se ndjekësi më i afërt, Sileksi, i cili gjithashtu regjistroi fitore dramatike ndaj Voska Sportit. Me këtë ritëm, duket se titulli i këtij sezoni do të vendoset mes këtyre dy skuadrave, të cilat janë të vendosura t’ia rrëmbejnë fronin kampionit aktual, Strugës.

Në anën tjetër të tabelës, beteja për mbijetesë ka hyrë në fazën më kritike. Katër skuadra tashmë janë ndarë në fundin e klasifikimit dhe do të luftojnë me çdo kusht për të qëndruar në elitë: Besa e Dobërdollit, Voska Sport, Tikveshi dhe AP Brera. Çdo pikë nga këtu e tutje do të ketë peshën e artë për to.

Ndërkohë, nuk mungon as gara për një vend në arenën evropiane. Aktualisht, Rabotniçki mban pozitën e tretë, e ndjekur nga Gostivari dhe Struga, të cilat po tentojnë të përfitojnë nga çdo hap fals i rivalëve. Në grupin e mesëm të renditjes ndodhen Shkupi, Pelisteri dhe Vardari, që për momentin janë larg rrezikut, por nuk kanë luksin të qetësohen. Ata synojnë të ruajnë pozitat stabile që sigurojnë mbetje në elitë, ndërsa njëkohësisht mund të përgatiten për më shumë ambicie në sezonin e ardhshëm.

Rezultatet e plota të javës së 26-të: Besa – Gostivari 2-1, Shkupi – Rabotniçki 0-0, Tikveshi – Shkëndija 0-1, Voska Sport – Sileksi 1-2, AP Brera – Vardari 0-2, Struga – Pelisteri 4-1. /Telegrafi/

The post Shkëndija e Sileksi në duel titulli, katër ekipe në “zonën e kuqe”! appeared first on Telegrafi.

Java e 26-të e Ligës së Parë të Maqedonisë së Veriut është hapur sot me ndeshjen ndërmjet Strugës dhe Pelisterit, e zhvilluar buzë liqenit në Strugë, ku vendasit arkëtuan tri pikë të rëndësishme me një fitore të pastër 4-1, njofton Telegrafi.

Pjesa e parë solli raste nga të dyja anët, ndërsa të dyja golat u shënuan nga pika e bardhë. Fillimisht, në minutën e 22-të, sulmuesi nigerian Kehinde kaloi Strugën në epërsi, duke realizuar nga penalltia. Por vetëm tetë minuta më vonë, Pelisteri reagoi dhe barazoi shifrat, kur Ristevski ekzekutoi saktë një tjetër penallti për mysafirët.

Në minutat e fundit të pjesës së parë, Pelisteri mbeti me një lojtar më pak në fushë, pasi Boshkovski u ndëshkua me karton të kuq, duke i komplikuar gjërat për skuadrën nga Manastiri.

Këtë epërsi numerike, Struga e shfrytëzoi në mënyrën më të mirë të mundshme dhe menjëherë në fillim të pjesës së dytë, në minutën e 47-të, Vllajkoviq riktheu avantazhin për vendasit. Nga ai moment, struganët morën kontrollin e plotë të lojës dhe nuk lejuan që fitorja t’u ikë nga duart. Në minutën e 75-të, mesfushori Bunjamin Shabani shënoi golin e tretë. Në minutën e pestë të kohës shtesë, përsëri në skenë doli nigeriani Kehinde, i cili shënoi një gol të bukur me kokë, duke vulosur fitoren dhe duke e konfirmuar dominimin e skuadrës strugane.

Struga me këtë fitore vazhdon ndjekjen e pozicioneve të para në renditje dhe mban të gjallë shpresat për një vend që siguron pjesëmarrje në garat evropiane.

Kampionati vazhdon nesër me ndeshjet e tjera të javës së 26-të, ku nga ora 15:00 zhvillohen takimet: Besa – Gostivari, Shkupi – Rabotniçki, Tikveshi – Shkëndija, Voska Sport – Sileksi dhe AP Brera – Vardari. /Telegrafi/

The post Struga nis me fitore javën e 26-të, mposht Pelisterin me rezultat të pastër appeared first on Telegrafi.