Administrata e presidentit Donald Trump ka njoftuar nisjen e një hetimi zyrtar ndaj praktikave tregtare të Brazilit, të cilat Uashingtoni i cilëson si “të padrejta dhe diskriminuese”.

Në një deklaratë zyrtare, Zyra e Përfaqësuesit të Tregtisë së SHBA-së (USTR) tha se hetimi do të përfshijë politikat braziliane që lidhen me tregtinë digjitale, shërbimet e pagesave elektronike, tarifat preferenciale ndaj partnerëve të tjerë dhe ndërhyrjet në çështje të korrupsionit.

Qëllimi i hetimit është të përcaktojë nëse këto praktika “janë të paarsyeshme apo diskriminuese dhe nëse ato pengojnë apo dëmtojnë tregtinë amerikane”.

Sipas përfaqësuesit amerikan të tregtisë, Jamieson Greer, hetimi është urdhëruar drejtpërdrejt nga presidenti Trump. Ai akuzoi Brazilin se ka ndërmarrë veprime kundër kompanive amerikane të rrjeteve sociale dhe ka zbatuar politika tregtare që dëmtojnë kompanitë, punëtorët, fermerët dhe inovatorët teknologjikë amerikanë.

“Kam arritur në përfundimin se barrierat tarifore dhe jotarifore të Brazilit meritojnë një hetim të thelluar dhe, nëse është e nevojshme, masa reciproke”, tha Greer.

Ai akuzoi gjithashtu Brazilin se po favorizon vendet e tjera me tarifa më të ulëta, duke vënë në disavantazh eksportet amerikane. Hetimi do të shqyrtojë gjithashtu përpjekjet e pretenduara të Brazilit për të ndëshkuar kompanitë amerikane në sektorin digjital për shkak të refuzimit të tyre për të censuruar përmbajtje me përmbajtje politike.

Një tjetër shqetësim i ngritur nga USTR është mungesa e zbatimit të duhur të të drejtave të pronësisë intelektuale në Brazil, gjë që – sipas deklaratës – dëmton punëtorët amerikanë që varen nga sektorë të mbështetur në inovacion dhe krijimtari.

Trump e kishte paralajmëruar këtë hetim në një letër drejtuar presidentit brazilian Luiz Inácio Lula da Silva javën e kaluar. Në të njëjtën letër, ai kishte shpallur një tarifë shtesë prej 50% ndaj produkteve braziliane duke nisur nga 1 gushti.

Presidenti Lula reagoi duke paralajmëruar se Brazili do të kundërpërgjigjej me masa të njëjta tarifore nëse SHBA zbaton tarifat e reja.

Vitin e kaluar, vlera e tregtisë ndërmjet dy vendeve arriti në 90 miliardë dollarë. SHBA raportoi një suficit tregtar prej 7.4 miliardë dollarësh me Brazilin për vitin 2024 – një rritje prej 33% krahasuar me një vit më parë.

Shtetet e Bashkuara do të tarifojnë Rusinë me 100% tarifa tregtare nëse Vladimir Putin nuk pranon t’i jap fund luftës me Ukrainën brenda 50 ditësh. Ishte ky njoftimi i fortë i paralajmëruar nga Presidenti Amerikan që u dha këtë të hënë nga Shtëpia e Bardhë, pasi Trump takoi Sekretarin e përgjithshëm të NATO-s, Mark Rute.

Kreu i Shtëpisë së Bardhë deklaroi se presioni, i tij tregtar ka shërbyer për të ndalur dhe parandaluar disa luftëra, ku mes tyre sipas asaj që Trump tha ishte edhe një luftës mes Kosovës dhe Serbisë.

“Jemi shumë të pakënaqur me Rusinë dhe ne do të vendosim tarifa shumë të ashpra nëse ata nuk arrijnë një marrëveshje paqeje brenda 50 ditësh. Tarifa tregtare prej 100%, do ti quaja tarifa dytësore dhe ju mund ta kuptoni se çfarë do të thotë kjo. Ne kemi qenë të suksesshëm në zgjidhjen e shumë luftërave nëpërmjet presionit tregtar. Keni Indi – Pakistan, keni Ruandë – Kongo keni gjithashtu Kosovën dhe Serbinë. E përdora tregtinë për ta ndalur këtë luftë mes tyre”, tha Trump.

Donald Trump tha se është koha që Vladimir Putin ti kthejë vendit të tij ekonominë që meriton, ndërsa shtoi se nuk është i sigurt nëse tani ne këto momente duhen Sanksione te reja ndaj Rusisë. Presidenti Amerikan tha se ai ka folur disa herë me Presidentin Rus dhe tha se bisedimet me të ishin shumë të mira, por shtoi se Kreu i Kremlinit sapo mbyllte telefonatën me të zgjidhte të bombardonte qytetet Ukrainës duke shfaqur qarte zhgënjimin me të.

Kreu i Shtëpisë së Bardhë dha më shumë detaje edhe mbi armët që Washingtoni do ti jap Ukrainës ku theksoi se pagesat e këtyre armëve prej miliarda dollarësh  do të bëhen nga Bashkimi Europian dhe nga NATO, duke shtuar se kjo nuk do të jetë më një barrë vetëm e Amerikës. Trump tha se në dërgesat e armëve për Ukrainën  do të ketë edhe armë të tjera përveç sistemeve të mbrojtjes ajrore Patriot, por për diçka të tillë nuk dha më shumë detaje.

Në rastet e nevojave urgjente Kreu i shtëpisë së Bardhë tha  se armët për Ukrainën mund të dërgohen nga bazat amerikane në Europë dhe më pas Washingtoni do ti zëvendësoj ato në vende siç është Gjermania. Hapi i fundit i Donald Trump për të shtuar presionin maksimal ndaj Rusisë vjen pasi Presidenti Amerikan ka deklaruar më herët se mbyllja e luftës në Ukrainë mbetet një nga prioritetet e tij kryesore./abcnews.al

Bashkimi Evropian dhe Meksika kanë reaguar me zhgënjim ndaj kërcënimit të Presidentit amerikan Donald Trump për vendosjen e tarifave prej 30% ndaj importeve të tyre duke nisur nga 1 gushti.

Meksika e cilësoi këtë si një “marrëveshje të padrejtë” dhe theksoi se sovraniteti i saj nuk është i negociueshëm. Ndërkohë, Presidentja e Komisionit Evropian, Ursula von der Leyen, paralajmëroi se BE është gati të marrë “masa reciproke proporcionale”, nëse do të jetë e nevojshme. Megjithatë, të dyja palët shprehën dëshirën për të vijuar negociatat me SHBA-në.

Trump ka bërë të qartë se nëse ndonjë prej partnerëve tregtarë do të hakmerrej me tarifa të ngjashme, ai do të përgjigjej me rritje të mëtejshme të taksave mbi importet.

Gjatë kësaj jave, Trump njoftoi gjithashtu tarifa të reja ndaj mallrave nga Japonia, Koreja e Jugut, Kanadaja dhe Brazili, që do të hyjnë në fuqi muajin e ardhshëm. Në një letër drejtuar presidentes së Komisionit Evropian, Ursula von der Leyen, ai shkroi:

“Për vite me radhë kemi diskutuar marrëdhëniet tona tregtare me Bashkimin Evropian dhe kemi përfunduar se duhet të largohemi nga këto disbalanca të thella dhe të vazhdueshme tregtare, të krijuara nga tarifat dhe barrierat tuaja tregtare.”

Në të njëjtën letër, ai theksonte se marrëdhënia tregtare SHBA-BE ka qenë “larg reciprocitetit”. Në rast se BE ose Meksika vendosin tarifa të reja hakmarrëse, Trump paralajmëroi se do t’i përgjigjej me rritje të mëtejshme përtej 30%.

Në një intervistë të regjistruar për Fox News që u transmetua të shtunën në mbrëmje, Presidenti Trump deklaroi se disa vende janë “shumë të shqetësuara” nga tarifat, por sipas tij ato po sjellin “qindra miliarda dollarë në arkën amerikane”.

Brukseli dhe Uashingtoni pa marrëveshje para afatit

Bashkimi Evropian, që shpesh ka qenë në shënjestër të kritikave të Trump, ka përpjekur të arrijë një marrëveshje tregtare me Uashingtonin përpara afatit të 1 gushtit. Megjithatë, negociatat kanë mbetur pezull dhe nuk ka pasur njoftime për ndonjë përparim konkret.

Në vitin 2024, deficiti tregtar i SHBA-ve me BE-në arriti në 235.6 miliardë dollarë (rreth 202 miliardë euro), sipas Zyrës së Përfaqësuesit të Tregtisë së SHBA-së.

Von der Leyen konfirmoi se BE mbetet e gatshme “të punojë për një marrëveshje deri më 1 gusht”, por shtoi se “do të ndërmarrim të gjitha hapat e nevojshëm për të mbrojtur interesat evropiane, përfshirë miratimin e masave reciproke nëse është e domosdoshme”.

Reagime të ashpra nga liderët evropianë

Presidenti francez Emmanuel Macron e quajti vendimin e Trump “të papranueshëm” dhe kërkoi përgatitjen e masave hakmarrëse. Kryetari i Komitetit të Tregtisë në Parlamentin Evropian, Bernd Lange, e cilësoi lëvizjen si “një shuplakë në fytyrë për negociatat” dhe kërkoi që BE të veprojë pa vonesë.

Nga ana tjetër, disa liderë të BE-së u shprehën për vijimin e dialogut. Kryeministrja italiane Giorgia Meloni tha se beson te një “marrëveshje e drejtë”, ndërsa kryeministri holandez Dick Schoof theksoi se BE “duhet të mbetet e bashkuar dhe e vendosur” për të arritur një marrëveshje të dobishme për të dyja palët.

Shoqata Gjermane e Industrisë së Automjeteve paralajmëroi për kosto të larta të mundshme për prodhuesit gjermanë dhe e cilësoi vendimin e Trump si “shqetësues për përshkallëzimin e konfliktit tregtar”.

Meksika: Sovraniteti nuk negociohet

Në një letër drejtuar presidentes meksikane Claudia Sheinbaum, Trump kritikoi Meksikën për mosveprim të mjaftueshëm ndaj trafikut të drogës, duke e cilësuar vendin si një “fushë loje për kartelet”.

Presidentja Sheinbaum u shpreh optimiste për një marrëveshje me SHBA-në, por theksoi se: “Ka gjëra për të cilat mund të negociojmë dhe gjëra që nuk negociohen kurrë. Sovraniteti ynë nuk është në tryezë”.

Në një deklaratë të përbashkët, ministritë e Ekonomisë dhe të Jashtme të Meksikës e quajtën lëvizjen e Trump një “marrëveshje të padrejtë”.

Ende nuk është e qartë nëse produktet meksikane që tregtohen brenda kuadrit të Marrëveshjes SHBA-Meksikë-Kanada (USMCA) do të përjashtohen nga tarifat, ndërkohë që Shtëpia e Bardhë ka deklaruar se Kanadaja do të përjashtohet.

Deri më tani, administrata Trump ka shpallur kushte tarifore për 24 vende dhe Bashkimin Evropian, dhe synon të përmbyllë “90 marrëveshje në 90 ditë”, sipas këshilltarit të tregtisë Peter Navarro. Deri tani janë njoftuar vetëm dy marrëveshje paraprake – me Britaninë e Madhe dhe Vietnamin.

Presidenti amerikan Donald Trump po rrit presionin ndaj vendeve partnere për të përshpejtuar arritjen e marrëveshjeve tregtare, ndërsa afati i pezullimit të tarifave të reja po i afrohet fundit.

Sipas këshilltarëve të Shtëpisë së Bardhë, Trump mund të bëjë koncesione të reja, por gjithçka mbetet në dorën e tij. Afati 90-ditor për pezullimin e tarifave skadon më 9 korrik, ndërsa aplikimi i tyre do të nisë më 1 gusht.

“Shtetet e Bashkuara janë gjithmonë të hapura për dialog. Por kur afatet skadojnë, presidenti vendos nëse do të ketë zgjatje apo jo”, deklaroi Kevin Hassett, drejtor i Këshillit Kombëtar Ekonomik.

Në të njëjtën linjë u shpreh edhe Stephen Miran, kreu i grupit të këshilltarëve ekonomikë, i cili konfirmoi se koncesione të tjera janë të mundshme, por nën presion.

Shtëpia e Bardhë pritet të dërgojë letra zyrtare vendeve të interesuara, duke i njoftuar për aplikimin e tarifave. Kjo lëvizje ka shtuar pasigurinë për bizneset dhe partnerët tregtarë të SHBA-së, të cilët nuk e dinë ende nëse do të përfshihen në këtë valë të re tarifash.

Tarifat e shpallura më 2 prill kishin ngritur shqetësime për ndikimin negativ në ekonominë globale, duke shkaktuar rënie të tregjeve financiare. Si pasojë, Uashingtoni pezulloi zbatimin për 90 ditë. Deri më tani, marrëveshje të plota janë arritur vetëm me Mbretërinë e Bashkuar dhe Vietnamin.

“Kush bashkohet me BRICS, përballet me 10% tarifë shtesë” – Trump paralajmëron vendet anti-amerikane

Në një tjetër deklaratë të ashpër, presidenti Trump paralajmëroi se çdo vend që bashkohet me politikat anti-amerikane të grupimit BRICS do të përballet me një tarifë shtesë prej 10 për qind.

“Çdo vend që rreshtohet me politikat anti-amerikane të BRICS do të përballet me një tarifë shtesë 10%. Nuk do të ketë përjashtime,” shkroi Trump në rrjetet sociale.

BRICS, grupim ku bëjnë pjesë Kina, India, Rusia, Brazili dhe Afrika e Jugut, është shpesh në fokus të kritikave të Trumpit. Presidenti amerikan e ka konsideruar këtë grup si një sfidë të drejtpërdrejtë për interesat ekonomike të SHBA-së.

Nga ana tjetër, Rusia ka reaguar ndaj deklaratës së presidentit amerikan, duke theksuar se BRICS “nuk është i orientuar kundër asnjë vendi” dhe promovon një rend botëror shumëpalësh dhe të drejtë.

LEXONI GJITHASHTU:

• BRICS kritika për tarifat dhe tensionet në Lindjen e Mesme por jo SHBA-në apo Rusinë
• Trump: Jemi afër një marrëveshjeje për Rripin e Gazës, mund të arrihet brenda javës

The post Trump rrit presionin, paralajmëron tarifa për vendet që nuk pranojnë marrëveshje appeared first on Euronews Albania.

Vendet anëtare të grupimit BRICS, të mbledhura në Rio de Zhaneiro, kanë dënuar rritjen e tarifave dhe tensionet në Lindjen e Mesme, përfshirë konfliktin në Iran, por pa i drejtuar gishtin e përgjegjësisë presidentit amerikan, Donald Trump.

Në deklaratën përfundimtare, grupi përfshiu edhe aksionet ushtarake të Izraelit, por shmangu kritikat ndaj Rusisë për luftën në Ukrainë, e cila u përmend vetëm një herë dhe pa referenca të drejtpërdrejta.

Blloku shprehu “shqetësime serioze” për rritjen e tarifave, duke theksuar se kjo bie ndesh me rregullat e Organizatës Botërore të Tregtisë dhe mund të dëmtojë ndjeshëm ekonominë globale.

“Tarifat rrezikojnë të reduktojnë tregtinë globale, të çrregullojnë zinxhirët e furnizimit dhe të krijojnë pasiguri”, thuhet në deklaratë.

Presidenti brazilian, Luiz Inácio Lula da Silva, kritikoi gjithashtu vendimin e NATO-s për të rritur shpenzimet ushtarake në 5% të PBB-së për vendet anëtare, duke u shprehur se “është më e lehtë të investosh për luftë sesa për paqe”.

Megjithatë, pavarësisht qëndrimit të përbashkët mbi çështjet ndërkombëtare, samiti nuk arriti pritshmëritë e plota për shkak të mungesës së liderëve kryesorë të grupit.

Presidenti kinez Xi Jinping dhe ai rus Vladimir Putin munguan në takim. Putin vijon të shmangë udhëtimet ndërkombëtare për shkak të urdhër-arrestit ndërkombëtar të lëshuar pas pushtimit të Ukrainës.

Po ashtu, në samit munguan edhe presidenti i ri i Iranit, Masoud Pezeshkian, si dhe ai egjiptian Abdel Fattah al-Sisi, duke i dhënë një ton më të zbehtë takimit të nivelit të lartë.

Çfarë është aleanca BRICS?

BRICS u formua fillimisht në vitin 2009 nga Brazili, Rusia, India dhe Kina, me Afrikën e Jugut që iu bashkua një vit më pas.

Është rritur në 11 anëtarë, përfshirë Arabinë Saudite, Egjiptin, Etiopinë, Iranin, Emiratet e Bashkuara Arabe dhe Indonezinë – anëtari i fundit që i është bashkuar bllokut.

10 vende të tjera, midis tyre Vietnami, Nigeria dhe Malajzia, janë bashkuar si “vende partnere” zyrtare, një kategori e re e prezantuar në samitin e 16-të të BRICS në Rusi.

Blloku, i cili e sheh veten si një zë për Jugun Global, përbën rreth 44% të PBB-së globale dhe më shumë se 56% të popullsisë së botës.

Ajo mbështet një rend global shumëpolar, dhe kërkon të kundërshtojë ndikimin perëndimor në frontin global.

LEXONI GJITHASHTU:

• Trump rrit presionin, paralajmëron tarifa për vendet që nuk pranojnë marrëveshje
• Gjendet i vdekur ministri rus, pak orë pas shkarkimit nga Putin

The post BRICS kritika për tarifat dhe tensionet në Lindjen e Mesme por jo SHBA-në apo Rusinë appeared first on Euronews Albania.

Pavarësisht nga sinjalet e shpresës, Gjermania ende duket larg rritjes së qëndrueshme ekonomike. Industria gjermane e ka filluar tremujorin e dytë me një pengesë. Sipas të dhënave të Zyrës Federale të Statistikave, industria, ndërtimi dhe furnizuesit e energjisë e ulën prodhimin në prill me 1.4%, krahasuar me muajin e kaluar, një rënie e papritur e ndjeshme. Në prill, eksportet […]

The post Tarifat amerikane prekin rimëkëmbjen ekonomike të Gjermanisë appeared first on BoldNews.al.

Ish-zëvendësministri i Jashtëm Andrej Zhernovski kritikoi Hristijan Mickoskin, duke kujtuar se ka kaluar një muaj që kur kryeministri njoftoi se Shtetet e Bashkuara do të korrigjojnë tarifën e re të lartë prej 33 përqind për Maqedoninë e Veriut.

“Tridhjetë ditë nga ‘edhe sot’ i Mickoskit. Sot mbushen saktësisht një muaj që kur kryeministri Mickoski deklaroi se “edhe sot pres lajme të mira për qytetarët maqedonas”, në lidhje me vendimin e SHBA-së për të futur një normë të lartë doganore prej 33 përqind për importet e produkteve dhe shërbimeve të vendit.

Ai na siguroi se miku i tij i ngushtë Trump do ta korrigjonte menjëherë veten, sepse “është e qartë se kjo është rezultat i një lloj gabimi ose dezinformimi”.

Sigurisht, të gjitha ato deklarata të papërshtatshme ishin për shkak të panikut që u krijua për shkak të dështimit të filmit në të cilin ai personalisht u shiste qytetarëve tanë se ishte shumë afër presidentit të SHBA-së, se ai tashmë e kishte “pushtuar fushën në Uashington”, domethënë “perimetrin përreth Trump” dhe se kjo ishte “normalja e re”.

Nëse në fillim ishte qesharake, tani është patetike. Ndërkohë, analizat serioze nga ekspertë vendas kanë mohuar dhe çmontuar deklaratën e tij se “vendimi i Trump është i pritshëm”, e cila u tha gjithashtu për të relativizuar debaklin e historisë së rreme.

Sipas të dhënave, Maqedonia ka deficit tregtar me Shtetet e Bashkuara. Eksportet janë rreth 110 milionë euro, importet janë rreth 180 milionë euro, bazuar në të cilat ekspertët pohojnë se një vendim i tillë është krejtësisht i papritur”, shkruan Zhernovski./Telegrafi/

The post Zhernovski: Mickoski gënjeu, SHBA-të nuk e korrigjuan tarifën prej 33 përqind appeared first on Telegrafi.

Presidenti i 47-të i SHBA-ve Donald Trump i qëndron këmbëngulës vendimit për të lehtësuar ndikimin e tarifave të tij mbi prodhuesit amerikanë të makinave. Lajmi është bërë i ditur për mediat e huaja nga një zyrtar i Shtëpisë së Bardhë.

“Kjo marrëveshje është një fitore e madhe për politikën tregtare të Presidentit duke shpërblyer kompanitë që prodhojnë në vend”, tha Sekretari i Tregtisë Howard Lutnick në një deklaratë të dhënë për agjencinë e lajmeve Reuters.

Presidenti Trump do të njoftojë masa për të ulur disa detyrime importi për pjesët nga jashtë që përdoren në automjetet e prodhuara në SHBA. Përveç kësaj, makinat e prodhuara jashtë vendit do të jenë ende subjekt i tarifave të automobilave, ato nuk do të preken nga taksa të mëtejshme si ato për produktet e çelikut dhe aluminit, raportoi më parë Wall Street Journal.

Trump do të mbajë një tubim në Michigan të martën për të shënuar 100 ditët e tij të para në detyrë. Ndërkaq në mandatin e tij të dytë si President, Trump i ka vendosur tarifat në qendër të planeve të tij ekonomike, duke e përshkruar atë si fjala më e bukur në fjalor./abcweb.al

Kreu i Partisë Demokratike, Sali Berisha, ka zhvilluar një takim me prodhuesit e bimëve medicinale, një sektor që e cilësoi ndër më të rëndësishmit për ekonominë natyrore të vendit.

“Një nga sektorët më të rëndësishëm të Shqipërisë natyrale. Shqipëria është vendi më i pasur në biodiversitetin e saj, ka një pasuri shumë të madhe në bimë mjekësore që kanë një treg të pashtershëm që nuk janë mbështetur nga shteti. Do të dyfishojmë buxhetin për të sektor”, tha Berisha.

Nga ana tjetër, ai ka deklaruar se qëndrimi i opozitës është dhe hapja e negociatave me qeverinë amerikane për vendosjen e tarifave zero në tregtinë mes dy vendeve. Berisha shton se nëse kjo nuk plotësohet, atëherë qeveria që ai synon të drejtojë do të garantojë subvencione.

“Qendrimi ynë është negociata me qeverinë e SHBA për 0 tarifa. Kjo me kërkesën që qeveria amerikane do të na përgjigjet njëlloj. Le të mendojmë se qeveria amerikane nuk e plotëson këtë, ne do t’ju subvencionojmë. Do të bëjmë gjithçka me grante”, tha ai.

The post Berisha: Do negociojmë me qeverinë amerikane për zero tarifa appeared first on Telegrafi.

Ari është rritur në një nivel të ri pasi investitorët shqetësohen për ndikimin e luftës tregtare midis SHBA-së dhe Kinës.

Ari arriti në 3,357.40 dollarë (2,540 £) për ons të mërkurën, përpara se të binte nga kulmi i tij. Është rritur me rreth një të tretën që nga fillimi i vitit. Rritja vjen pas komenteve të kreut të bankës qendrore amerikane i cili tha se politikat tarifore të Presidentit Donald Trump ka të ngjarë të nënkuptojnë rritje më të ngadaltë, çmime më të larta dhe rreziqe papunësie.

Metali i çmuar shihet si një aktiv më i sigurt për investitorët gjatë periudhave të pasigurisë ekonomike.

Administrata Trump ka thënë se masat do ta kthejnë prodhimin në SHBA, do të krijojnë vende pune për punëtorët amerikanë dhe do të gjenerojnë miliarda dollarë të ardhura nga taksat./abcnews.al

Presidentja e Kosovës, Vjosa Osmani, ka thënë se Zyra e Presidencës ka bërë gati një ligj që do të mundësonte heqjen e tarifave prej 10 për qind ndaj mallrave të importuara nga SHBA-ja, por se për miratimin e këtij ligji duhet fillimisht të konstituohet Kuvendi i ri. “Ne e kemi gati ligjin që do t’ia […]

The post Osmani: Kemi gati ligjin për heqjen e tarifave ndaj SHBA-së appeared first on BoldNews.al.

Duket se Presidenti i SHBA-ve Donald Trump ka ndryshuar sërisht mendje sa i takon tarifave për celularët inteligjentë. Trump thotë se telefonat inteligjentë të prodhuar në Kinë dhe pajisjet e tjera elektronike nuk do të përjashtohen nga tarifat, duke shtuar se ato thjesht po kalojnë në një kategori tjetër taksash.

Tregjet evropiane të aksioneve u rritën të hënën në mëngjes pas njoftimit zyrtar të së premtes se disa prej këtyre produkteve do t’i shpëtonin taksave deri në 145%.

Kina i ka bërë thirrje Donald Trumpit që të “anulojë plotësisht” regjimin e tij të tarifave dhe “të kthehet në rrugën e duhur të respektit të ndërsjellë”. Sidoqoftë, zyrtarët amerikanë thanë të dielën se produktet do t’i nënshtroheshin një “tarifash gjysmëpërçuese”, ndërsa Trump pritet të zbulojë më shumë detaje më vonë./abcnews.al

Pyetjes se pse Pekini nuk po tërhiqet nga Donald Trump për tarifat, përgjigja është se nuk duhet! Udhëheqësit e Kinës do të thoshin se nuk janë të prirur t’i nënshtrohen një “dhunuesi”(kështu e ka cilësuar prej kohësh qeveria kineze administratën e Donald Trump).

Përpara se të fillonte lufta e tarifave, Kina kishte një vëllim masiv shitjesh në SHBA, por, për ta vënë atë në kontekst, kjo arrinte vetëm në 2% të PBB-së së saj.

Thënë kështu, Partia Komuniste do të preferonte qartë të mos përfshihej në një luftë tregtare me SHBA-në në një kohë kur ajo ka qenë duke luftuar për të rregulluar krisjet e saj të konsiderueshme ekonomike, pas viteve të një krize të pasurive të paluajtshme, borxhit të stërmadhuar rajonal dhe papunësisë së vazhdueshme të të rinjve.

Megjithatë, pavarësisht kësaj, qeveria i ka thënë popullit të saj se është në një pozicion të fortë për t’i rezistuar sulmeve nga SHBA. Ajo gjithashtu e di se tarifat e saj do të dëmtojnë qartë edhe eksportuesit amerikanë.

Trump është mburrur me mbështetësit e tij se do të ishte e lehtë të detyronte Kinën të nënshtrohej. Trump mendonte se këtë do e bënte fare thjesht, mjaftonte që të nënshkruante disa tarifa, që ta hidhnin përtokë Kinën, por jo, ato nxitën më tepë zemërimin e saj. Prandaj SHBA duhet të përgatitet për një kundërpëgjigje tarifash dhe për një “luftë të ftohtë”. Kësaj here një lufte tregtare me Kinën.

Pekini nuk do të dorëzohet.

Udhëheqësi i Kinës Xi Jinping i tha kryeministrit spanjoll Pedro Sanchez të premten se vendi i tij dhe Bashkimi Evropian duhet të “rezistojnë së bashku ndaj praktikave të njëanshme të ngacmimit” të administratës Trump. Sanchez, nga ana tjetër tha se tensionet tregtare të Kinës me SHBA-në nuk duhet të pengojnë bashkëpunimin e saj me Evropën.

Takimi i tyre u zhvillua në kryeqytetin kinez në orët para se Pekini të rriste sërish tarifat e tij për mallrat nga SHBA. Megjithëse ka thënë se nuk do t’i përgjigjet rritjeve të mëtejshme të tarifave amerikane. Javën e ardhshme Xi do të vizitojë Malajzinë, Vietnamin dhe Kamboxhia. Këto janë të gjitha vendet që janë goditur rëndë nga tarifat e Trump.

Ministrat e tij kanë takuar homologë nga Afrika e Jugut, Arabia Saudite dhe India, duke biseduar për një bashkëpunim më të madh tregtar. Përveç kësaj, Kina dhe BE thuhet se janë në bisedime për heqjen e mundshme të tarifave evropiane për makinat kineze, për t’u zëvendësuar me një çmim minimal në vend të kësaj, për të frenuar një raund të ri dumping.

Me pak fjalë, ngado që të hedhësh syrë mund të kuptosh se Kina ka opsione.

Dhe analistët kanë thënë se këto rritje të ndërsjellë të tarifave nga dy superfuqitë tani po bëhen pothuajse të pakuptimta, pasi ato tashmë kanë kaluar pikën e ndërprerjes së pjesës më të madhe të tregtisë mes tyre. Pra, rritja e tarifave në të dy drejtimet është bërë më shumë si simbolikë, dhe një sagë hakmarrjes të njëpasnjëshme.

Zëdhënësi i Ministrisë së Jashtme të Kinës, Mao Ning, gjatë dy ditëve të fundit, ka postuar imazhe të kryetarit Mao në mediat sociale, duke përfshirë një video gjatë Luftës së Koresë, kur ai i tha SHBA-së se “pavarësisht se sa do të zgjasë kjo luftë, ne kurrë nuk do të dorëzohemi”. Mbi këtë, ajo ka postuar komentet e saj duke thënë: “Ne jemi kinezë. Nuk kemi frikë nga provokimet. Nuk do të tërhiqemi”. Kur qeveria kineze largon kryetarin Mao, ju e dini se ata po bëhen seriozë./abcnews.al

Pas terrorit, euforia. Më 9 prill, kur Presidenti Donald Trump vendosi të shtyjë për 90 ditë tarifat më të pakuptimta dhe më shkatërruese të tij, pas një rënie dramatike në tregjet financiare, indeksi S&P 500 i aksioneve amerikane u rrit me 9.5% – rritja ditore më e shpejtë në pothuajse 17 vjet. Skenarët më të […]

The post The Economist: Politika tregtare e paqëndrueshme e Trump do të shkaktojë dëme afatgjata appeared first on BoldNews.al.

Dollari arriti nivelin më të ulët ndaj euros në më shumë se tre vjet të premten. Indeksi i dollarit amerikan tani është ulur 1.2% në 99.50, duke shënuar nivelin e tij më të ulët që nga prilli 2022. Më herët, Kina njoftoi tarifa shtesë për produktet amerikane prej 125%, sipas Reuters. Ky është më i […]

The post Dollari shënon sot nivelin më të ulët në tre vite appeared first on BoldNews.al.

Presidenti amerikan po e mban botën pezull. Pak ditë më parë ai vendosi tarifa doganore për shumë vende, tani pason ndryshimi befasues i kursit të Donald Trump dhe tërhiqen tarifat e vendosura. Vendimi erdhi pas trazirave të mëdha në tregjet e aksioneve dhe financiare në mbarë botën. Presidenti i SHBA tani do t’i japë shumë vendeve një pauzë 90-ditore nga tarifat doganore. […]

The post Pezullimi i tarifave/ Analiza e DW: Çfarë fshihet pas kthesës së Trump? appeared first on BoldNews.al.

Ministri kinez i Financave ka njoftuar vendosjen e një tarife 84% për mallrat e importuara nga SHBA. Kjo është në vazhdën e hakmarrjeve për tarifat e vendosura më herët nga Shtëpia e Bardhë.

Rritja e tarifave, nga 34% erdhi pasi tarifa prej 104% e Presidentit të SHBA Donald Trump për mallrat kineze hyri në fuqi. Pekini thotë se tarifat reja do të hyjnë në fuqi nga e enjtja.

Kina i ka bërë thirrje botës që të bashkohet kundër tarifave të Trump, teksa eksportuesit e vendit tërhiqen nga taksat e reja “gjymtuese”. Një pjesë e veçantë bëri thirrje që Bashkimi Evropian të punojë me të për të mbajtur tregtinë e lirë dhe globale.

“Pekini kundërshton me vendosmëri dhe nuk do të pranojë kurrë praktika të tilla hegjemoniste dhe ngacmuese”, u tha gazetarëve të mërkurën zëdhënësi i ministrisë së jashtme Lin Jian.

Tarifat vijnë në një kohë të vështirë për ekonominë e ngadaltë të Kinës: konsumi i brendshëm mbetet i dobët dhe eksportet janë ende një shtytës kryesor i rritjes.

Natyra gjithëpërfshirëse e tarifave të Trump ka bërë që bizneset kineze të përpiqen të rregullojnë zinxhirët e tyre të furnizimit me shumicën e vendeve të prekura, megjithatë firmat thonë se është e vështirë të gjesh një rrugëdalje nga kjo pasiguri./abcnews.al

Rënia në tregjet financiare botërore po vazhdon për shkak të tarifave dognore të paprecedenta që vendosi Presidenti Donald Trump ndaj shumicës së partnerëve tregtarë të SHBA. Investitorët po bëhen gjithnjë e më nervozë, sepse në horizont po shfaqet gjithnjë e më qartë mundësia e një lufte të madhe tregtare, e cila ka të ngjarë të shkaktojë një recesion global. […]

The post DW: Frikë për recesion dhe rënie kursesh në mbarë botën appeared first on BoldNews.al.

KE i ka ofruar presidentit Donald Trump një marrëveshje për heqjen e të gjitha tarifave ndaj mallrave industriale si pjesë e negociatave tregtare. Ursula von der Leyen ka theksuar se nëse bisedimet dështojnë, BE do të vazhdojë rrugën e saj për hakmarrje.

“Jemi gati për të negociuar me SHBA-në. Në të vërtetë, ne kemi ofruar tarifa ‘zero për zero’ për mallrat industriale, siç kemi bërë me sukses me shumë partnerë të tjerë tregtarë. Europa është gjithmonë e gatshme për një marrëveshje të mirë”, tha Von der Leyen.

Sipas Von von der Leyen marrëveshja u ofrua në të kaluarën në mënyrë të përsëritur për sektorin e automobilave.

“Komisioni e zgjeroi terrenin për të gjitha mallrat industriale ditët e fundit ndërsa bisedimet u intensifikuan”, tha një zëdhënës pa dhënë më shumë detaje.

“Ne preferojmë të kemi një zgjidhje të negociuar,” shtoi Von der Leyen, duke paralajmëruar se ekzekutivi i saj do të përdorë të gjitha instrumentet në dispozicion për të reaguar nëse është e nevojshme./abcnews.al

Presidenti Donald Trump njoftoi të premten se do të shtyjë përsëri zbatimin e ligjit të shitjes ose ndalimit të TikTok për 75 ditë. Vonesa vjen pasi njoftimi i tarifës së Trump prishi një marrëveshje që ishte vendosur për të transferuar kontrollin e operacioneve të aplikacionit në SHBA në pronësi amerikane.

“Administrata ime ka punuar shumë për një marrëveshje për të shpëtuar TikTok dhe ne kemi bërë përparim të jashtëzakonshëm. Marrëveshja kërkon më shumë punë për të siguruar që të gjitha miratimet e nevojshme janë nënshkruar,” tha Trump në një postim në Truth Social.
Trump nënshkroi të premten një urdhër ekzekutiv që zyrtarizon vonesën e zbatimit.  Njoftimi vjen vetëm një ditë përpara se ndalimi të hynte në fuqi, pasi Trump e vonoi me 75 ditë fillestare kur mori detyrën në Janar.

“Një marrëveshje u finalizua të mërkurën dhe Trump pritej ta nënshkruante zyrtarisht atë në një urdhër ekzekutiv këtë javë”, tha një burim për CNN.

Urdhri do të kishte nisur një periudhë 120-ditore për të përfunduar financimin dhe dokumentacionin për marrëveshjen, e cila do të kishte parë një sërë kapitalesh sipërmarrëse, fonde të kapitalit privat dhe gjigantë të teknologjisë të investonin në një kompani që do të kontrollonte operacionet e TikTok në SHBA. Pronari i TikTok me bazë në Kinë, ByteDance, do të kishte mbajtur 20% të aksioneve në kompaninë spinoff.

Që marrëveshja të jetë në përputhje me ligjin, ByteDance mund të zotërojë jo më shumë se 20% të platformës. Ai gjithashtu thekson se operacionet e aplikacionit në SHBA nuk mund të koordinohen me ByteDance në algoritmin e aplikacionit ose praktikat e shkëmbimit të të dhënave.

Investitorët e rinj dhe ekzistues amerikanë të TikTok, ByteDance dhe administrata Trump kishin rënë dakord të gjithë për marrëveshjen, tha burimi, por kjo ndryshoi pasi Trump njoftoi tarifën e tij shtesë prej 34% ndaj Kinës. Përfaqësuesit për ByteDance informuan Shtëpinë e Bardhë të enjten në mëngjes se Kina po tërhiqej nga marrëveshja derisa të zhvilloheshin negociatat në lidhje me tarifat./abcnews.al