Partitë të cilat kanë qenë në opozitë në mandatin e fundit kanë qëndruar sërish në sallën e Kuvendit të Kosovës pas dështimit të përpjekjes së 49-të për konstituimin e Kuvendit të Kosovës.

Sipas PDK-së, LDK-së, e AAK-së, “Lëvizja Vetëvendosje po mban peng Kuvendin, Qeverinë dhe po shkel Kushtetutën, ligjin e të gjitha normat juridike”.

Deputeti i PDK-,së Artan Behrami tha se Lëvizja Vetëvendosje po keqpërdor të drejtën për të propozuar kryetarin e kuvendit për agjenda antidemokratike që kërcënojnë në përmbysje të rendit kushtetues.

“Kuvendi i Kosovës në këto 49 seanca është ndarë në këto parti që kemi mbetur në sallë për të mbrojtur Kushtetutën – aktgjykimin e Gjykatës Kushtetuese, Ligjin e rregulloren dhe praktikat parlamentare. Partitë që sapo dolën, janë parti që keqpërdorin të drejtën për të propozuar kryetarin e Kuvendit për agjenda anti-demokratike që kërcënojnë në përmbysje të rendit kushtetues që mbajnë peng Kuvendin, Qeverinë dhe shkelin Kushtetutën, ligjin dhe të gjitha normat”, tha Behrami.

Ndërsa, deputetja e LDK-së, Arjeta Abazi theksoi se Kuvendi është kthyer në një “teatër të stërzgjatur për shkak të një partie që nuk ka kuptuar që pushteti nuk është pronë personale”.

“Le të mos shtiremi se gjithçka është në rregull, seancë pas seance dhe ende nuk po arrijmë të ecim përpara. Kuvendi është kthyer në një teatër të stërzgjatur, ku për fat të keq aktorët kryesorë janë më të interesuar për skenën sesa për skenarin dhe nuk po ndalemi për shkak të ndonjë emergjence apo fatkeqësie natyrore, po për shkak të një partie që ende nuk e ka kuptuar që pushteti nuk është pronë personale, një parti që për 20 vjet luftoi për të ardhur në pushtet e sot po e shkatrrën atë përmes kokfortësisë dhe arrogancës”, theksoi Abazi, raporton kp.

Lexo po ashtu Vazhdon bllokada, dështon edhe tentativa e 49-të për konstituimin e Kuvendit

E deputetja e AAK-së, Time Kadrijaj tha se Gjykata Supreme e ka bërë të qartë se VV-ja po shkel ligjin dhe Kushtetutën.

“Gjykata Supreme e ka thënë qartë dhe me një vendim ua ka qartësuar qartë njerëzve që po shkelin ligjin dhe Kushtetutën se nuk kanë të drejtë me marrë asnjë vendim, ndërsa Kurti po mburret po thotë qeverisje dy plus. I ke uzurpuar institucionet, Kuvendin dhe Qeverinë”, tha Kadrijaj.

Sot, dështoi sërish tentimi i 49-të për konstitumin e legjislaturës së nëntë të Kuvendit të Kosovës. Dështimi ndodhi, pasi që ashtu si herët e kaluara, me mosarritjen e formimit të Komisionit për votim të fshehtë. Vetëm 50 deputetë votuan pro këtij Komisioni.

Kryesuesi i seancës konstituive të Kuvendit të Kosovës, Avni Dehari theksoi se vazhdimi i seancës së radhës mbahet të hënën në orën 11:00.

The post ​Partitë ish-opozitare: VV-ja po mban peng kuvendin e qeverinë appeared first on Telegrafi.

Ka dështuar edhe përpjekja e 49-të për konstituimin e Kuvendit.

Kryesuesi i seancës, Avni Dehari, u bëri thirrje subjekteve politike që të propozojnë nga një përfaqësues për Komisionin Zgjedhor, i cili do të mundësonte zgjedhjen e kryetares së Kuvendit dhe të nënkryetarëve, transmeton Telegrafi.

Subjektet politike nuk ofruan propozim, duke sjellë kështu një tjetër dështim në procesin e konstituimit të Kuvendit.

Ndryshe, deputetja e Nismës, Xhevahire Izmaku, ka paralajmëruar se sot mund të ketë takim ndërmjet liderit të LVV-së, Albin Kurti dhe kryetarit të Nismës, Fatmir Limaj.

“Ne presim që sot të zhvillohet takimi, jemi në afatin e fundit kushtetues. Unë pres sinjal pozitiv nga takimi që besoj sot do të ndodhë. Pres sinjal pozitiv, guxim nga lideri i LVV-së, Albin Kurti, duke e parë që jemi në afatin e fundit kushtetues. Ky është realiteti politik, Limaj e ka zgjatur dorën e bashkëpunimit, presim nga lideri i LVV-së që të ketë vullnet dhe ta përkthejë në veprim të shpejt politik”, theksoi ajo.

Që nga 15 prilli, Kuvendi ka dështuar plot 47 herë radhazi në zgjedhjen e kryetarit dhe nënkryetarëve.

Procesi i konstituimit ka mbetur i bllokuar pasi Lëvizja Vetëvendosje ka propozuar Albulena Haxhiun për kryetare të Kuvendit, por kjo kandidaturë nuk ka gjetur përkrahje nga partitë e tjera parlamentare. /Telegrafi/

The post Vazhdon bllokada, dështon edhe tentativa e 49-të për konstituimin e Kuvendit appeared first on Telegrafi.

Deputetët e Kuvendit do të mblidhen sërish sot, duke filluar nga ora 11:00, në një tjetër përpjekje për ta konstituar legjislaturën e re.

Që nga 15 prilli, Kuvendi ka dështuar plot 48 herë radhazi në zgjedhjen e kryetarit dhe nënkryetarëve, raporton Telegrafi.

Procesi i konstituimit ka mbetur i bllokuar pasi Lëvizja Vetëvendosje ka propozuar Albulena Haxhiun për kryetare të Kuvendit, por kjo kandidaturë nuk ka gjetur përkrahje nga partitë e tjera parlamentare.

Kryesuesi i seancës, Avni Dehari, ka propozuar që votimi për kryetaren të zhvillohet në mënyrë të fshehtë, por ky propozim nuk ka arritur të sigurojë shumicën e nevojshme në Kuvend.

Në seancën e kaluar, nga LVV deklaruan se do të ketë takim ndërmjet kryeministrit në detyrë, Albin Kurti dhe kryetarit të Nismës, Fatmir Limaj, në përpjekje për të arritur marrëveshje për bashkëpunim. Takimi mes Kurtit dhe Limajt ende nuk ka ndodhur, ndërsa, mbetet të shihet nëse dyshja do të takohet para seancës konstituive.

Ndryshe, të premten, presidentja e Kosovës, Vjosa Osmani zhvilloi sot një takim konsultativ me kryetarin e Nismës Socialdemokrate, Fatmir Limaj në kuadër të përpjekjeve për konstituimin e Kuvendit të Kosovës.

Takimi u zhvillua në prag të përfundimit të afatit kushtetues, të përcaktuar në Aktgjykimin e Gjykatës Kushtetuese në rastin KO124/25, i cili obligon që Kuvendi të konstituohet brenda 30 ditëve nga certifikimi i rezultateve, respektivisht deri më 26 korrik 2025.

Vendimi i Gjykatës Kushtetuese obligon konstituimin përfundimtar brenda 30 ditëve nga seanca e parë, duke e vënë afatin deri në 26 korrik./Telegrafi/

The post Sot përpjekja e 49-të për konstituimin e Kuvendit, a do të ketë takim Kurti-Limaj? appeared first on Telegrafi.

Subjektet politike kanë nisur zyrtarizimin e kandidatëve për kryetarë të komunave, për zgjedhjet lokale që do të mbahen më 12 tetor. Një garë interesante pritet të zhvillohet në disa komuna të Kosovës, ku kryetarët aktualë synojnë të ruajnë pushtetin, ndërsa kandidatët e rinj synojnë të fitojnë besimin e qytetarëve.

Pa dyshim edhe në komunat si Obiliq e Fushë Kosovë, gara do të jetë mjaft interesante, transmeton Telegrafi.

Komuna e Fushë Kosovës tash e 25 vite ka qenë nën udhëheqjen e LDK-së me Burim Berishën e që kësaj radhe, LDK synon sërish këtë komunë por me kandidatin Besnik Osmani i cili është nënkryetar i komunës.

Në garë për Fushë Kosovën janë edhe kandidatët tjerë, AAK ka zyrtarizuar Vildane Latifin, LVV e ka zyrtarizuar Valon Prebrezën dhe PDK pritet që në garë ta ketë Rrahim Ternavën.

LDK po ashtu tenton ta vazhdojë udhëheqjen e komunës së Obiliqit, me kryetarin aktual, Xhafer Gashi, i cili në zgjedhjet e 12 tetorit kërkon sërish besimin e votuesve.

AAK për Obiliq ka zyrtarizuar kandidatin Ali Krasniqi, ndërsa nga LVV do të jetë deputeti aktual Halil Thaçi, ndërsa PDK ende nuk ka bërë të ditur se kush do të jetë kandidat zyrtar. Lista mund të shtohet me kandidatë të tjerë nga NISMA dhe parti e iniciativa të tjera.

Ndryshe, Komisioni Qendror i Zgjedhjeve, tashmë ka nisur përgatitjet për zgjedhjet lokale të vjeshtës. Nga KQZ kanë njoftuar se tashmë kanë hapur procesin e aplikimit për certifikimin e subjekteve politike për Zgjedhjet Lokale 2025.

Zëdhënësi i KQZ-së, Valmir Elezi, kishte deklaruar për Telegrafin se subjektet politike mund të aplikojnë deri më 13 gusht.

“Duke filluar nga dita e sotme, 26 qershor dhe deri më 13 gusht 2025, subjektet politike mund të aplikojnë në Komisionin Qendror të Zgjedhjeve për t’u certifikuar për pjesëmarrje në Zgjedhjet Lokale, të cilat do të mbahen më 12 tetor 2025. Gjithashtu, gjatë kësaj periudhe subjektet politike (partitë politike, koalicionet, nismat qytetare dhe kandidatët e pavarur) duhet të dorëzojnë edhe listën me emrat e kandidatëve për Kryetarë të Komunave dhe për Kuvende Komunale”, deklaroi ai.

Zgjedhjet Lokale të vitit 2025 do të mbahen më 12 tetor dhe do të përcaktojnë përbërjen e re të Kuvendeve Komunale si dhe Kryetarët e rinj të Komunave në të gjithë vendin. /Telegrafi/

The post Zgjedhjet e 12 tetorit, kush është në garë për komunën e Fushë Kosovës dhe të Obiliqit? appeared first on Telegrafi.

Deputetët e Kuvendit do të mblidhen sërish sot, duke filluar nga ora 11:00, në një tjetër përpjekje për ta konstituar legjislaturën e re.

Që nga 15 prilli, Kuvendi ka dështuar plot 46 herë radhazi në zgjedhjen e kryetarit dhe nënkryetarëve, raporton Telegrafi.

Procesi i konstituimit ka mbetur i bllokuar pasi Lëvizja Vetëvendosje ka propozuar Albulena Haxhiun për kryetare të Kuvendit, por kjo kandidaturë nuk ka gjetur përkrahje nga partitë e tjera parlamentare.

Kryesuesi i seancës, Avni Dehari, ka propozuar që votimi për kryetaren të zhvillohet në mënyrë të fshehtë, por ky propozim nuk ka arritur të sigurojë shumicën e nevojshme në Kuvend.

Zgjedhjet parlamentare janë mbajtur më 9 shkurt. /Telegrafi/

The post Ngërçi në Kuvend, sot përpjekja e 47-të për konstituim appeared first on Telegrafi.

Sot, në mbledhjen e Këshillit të Përgjithshëm të Aleancës për Ardhmërinë e Kosovës, me votë unanime janë miratuar pesë kandidaturat e fundit për kryetarë komunash, me ç’rast u përmbyll me sukses cikli i nominimeve të AAK-së për zgjedhjet lokale të tetorit 2025.

Kandidaturat e reja të miratuara janë:

• Enver Hoti – Malishevë

• Hafize Sallahu – Kaçanik

• Mensut Ademi – Vushtrri

• Ali Krasniqi – Obiliq

• Beqir Kiqina – Drenas

Këtyre u shtohen edhe 19 kandidatura të zyrtarizuara më herët nga Aleanca:

• Ardian Gjini – Gjakovë

• Ali Berisha – Pejë

• Bali Muharremaj – Suharekë

• Smajl Latifi – Rahovec

• Zenun Elezaj – Klinë

• Bashkim Ramosaj – Deçan

• Bekë Berisha – Prishtinë

• Ajet Avdyli – Novobërdë

• Nazim Gagica – Gjilan

• Besnik Krasniqi – Prizren

• Xhemile Murati – Ferizaj

• Qazim Nimani – Mitrovicë

• Faton Jakupi – Kamenicë

• Ukë Blakaj – Istog

• Agron Kuçi – Junik

• Vildane Latifi – Fushë Kosovë

• Baki Feta – Podujevë

• Labinot Bislimi – Viti

• Ilir Tasholli – Lipjan

Në njoftimin e bërë nga kryetari i AAK-së, Ramush Haradinaj, theksohet se kandidatët e Aleancës përfaqësojnë vlera të dëshmuara, që kanë pas vetes jo vetëm përvojë, por edhe rezultate konkrete në shërbim të qytetarëve.

“AAK hyn në këto zgjedhje e bashkuar, me energji të re dhe me besim të plotë në përkrahjen qytetare. Vota për Aleancën është votë për zhvillim, për punë konkrete dhe për një mënyrë të drejtë e të përgjegjshme të qeverisjes,” thuhet ndër të tjera në njoftimin e Haradinajt.

The post AAK zyrtarizon kandidaturat për kryetarë komunash appeared first on Telegrafi.

Deputetët e Kuvendit do të mblidhen sërish sot, duke filluar nga ora 11:00, në një tjetër përpjekje për ta konstituar legjislaturën e re.

Që nga 15 prilli, Kuvendi ka dështuar plot 44 herë radhazi në zgjedhjen e kryetarit dhe nënkryetarëve, raporton Telegrafi.

Procesi i konstituimit ka mbetur i bllokuar pasi Lëvizja Vetëvendosje ka propozuar Albulena Haxhiun për kryetare të Kuvendit, por kjo kandidaturë nuk ka gjetur përkrahje nga partitë e tjera parlamentare.

Kryesuesi i seancës, Avni Dehari, ka propozuar që votimi për kryetaren të zhvillohet në mënyrë të fshehtë, por ky propozim nuk ka arritur të sigurojë shumicën e nevojshme në Kuvend.

Zgjedhjet parlamentare janë mbajtur më 9 shkurt. /Telegrafi/

The post Sot përpjekja e 45-të për konstituimin e Kuvendit appeared first on Telegrafi.

Situata në Kosovë mbetet e bllokuar, ndërsa heqja e mandateve të deputetëve – një opsion i përmendur në rast të moskonstituimit të Kuvendit deri më 26 korrik – nuk konsiderohet e realizueshme.

Ekspertët paralajmërojnë se, nëse ky afat shkelet, vendi do të përballet me një krizë politike dhe juridike të panjohur më parë.

Askush nuk ka përgjigje të qartë se çfarë do të ndodhë në Kosovë pas 26 korrikut – datë kur skadon afati prej 30 ditësh që Gjykata Kushtetuese u ka dhënë deputetëve të zgjedhur për të konstituuar Kuvendin.

Deri tani, përpjekjet për formimin e këtij institucioni ligjvënës kanë dështuar 44 herë.

Partitë politike vazhdojnë të fajësojnë njëra-tjetrën për ngërçin dhe të mos lëvizin nga qëndrimet e tyre.

Në këtë atmosferë bllokade, ish-gjyqtarja e Gjykatës Kushtetuese të Kosovës, Gjyljeta Mushkolaj, thotë se barra e përgjegjësisë duhet të kalojë tani mbi presidenten e vendit, Vjosa Osmani, e cila e ka detyrë kushtetuese të garantojë funksionimin demokratik të institucioneve.

Sipas saj, e para e shtetit duhet t’i intensifikojë përpjekjet për arritjen e një konsensusi mes partive politike, dhe nëse kjo dështon, të kërkojë interpretim shtesë nga Gjykata Kushtetuese, për të qartësuar hapat e ardhshëm.

“Gjykata Kushtetuese duhet të jetë më e prerë rreth afatit që e ka përcaktuar dhe pasojave që vijnë pas këtij afati. Roli i Gjykatës Kushtetuese nuk ka përfunduar ende”, thotë Mushkolaj.

Javën e kaluar, presidentja Osmani priti për dy ditë me radhë përfaqësuesit e partive politike, në përpjekje për të zhbllokuar situatën.

Pas takimeve, ajo u shpreh qartë se konstituimi i Kuvendit brenda afatit 30-ditor të përcaktuar nga Gjykata Kushtetuese, është “detyrim e jo opsion” dhe u bëri thirrje partive që sa më shpejt të gjejnë zgjidhje.

Radio Evropa e Lirë pyeti Zyrën e Presidentes nëse po e shqyrton mundësinë për t’iu drejtuar Kushtetueses, por, deri në publikimin e këtij artikulli, nuk mori përgjigje.

Në një deklaratë për mediat më 30 qershor, këshilltari për media i presidentes, Bekim Kupina, tha se “nëse paraqitet nevoja, presidentja mbetet e gatshme t’i drejtohet Gjykatës Kushtetuese për sqarime shtesë”.

Në Institutin e Kosovës për Drejtësi (IKD) thonë se konsensusi është e vetmja rrugë për të tejkaluar bllokadën dhe për të konstituuar Kuvendin deri më 26 korrik.

Nëse kjo nuk ndodh, Kosova do të përballet me një situatë të panjohur deri më tash, thotë Naim Jakaj nga ky institut.

“Kosova do të hyjë në një situatë të re juridike dhe politike, që nuk e ka përjetuar më herët. Pasojat e saj do t’i ndiejmë në muajt e ardhshëm, në rast se Kuvendi nuk konstituohet deri më 26 korrik”, thotë Jakaj.

A mund t’iu merret mandati deputetëve?

As Lëvizja Vetëvendosje, që doli e para në zgjedhjet parlamentare të 9 shkurtit, nuk ka një përgjigje të qartë për zhvillimet që mund të pasojnë nëse Kuvendi nuk konstituohet deri më 26 korrik.

Më 9 korrik, në përgjigje të pyetjes së gazetarëve për këtë çështje, deputetja e Vetëvendosjes, Mimoza Kusari-Lila, tha shkurt: “E paparashikuar”.

Dy ditë më parë, ajo përmendi mundësinë që të gjithë deputetët e Kuvendit të humbin mandatin, nëse nuk e konstituojnë institucionin brenda afatit 30-ditor, të përcaktuar nga Gjykata Kushtetuese.

“…janë 120 deputetë të legjislaturës së 9-të, që mund t’iu merret mandati, dhe të vazhdohet pastaj me deputetët që janë në listat e të gjitha partive politike”, tha Kusari-Lila.

Por, Mushkolaj shpjegon se mandatin e deputetëve të zgjedhur në mënyrë demokratike nuk mund ta marrë askush.

“Populli ua ka dhënë këtë mandat dhe populli ua merr mandatin. Vetëm nëse shkojmë në zgjedhje. Por, përsëri, duhet të konstituohet Kuvendi”, thotë profesoresha në Fakultetin Juridik të Universitetit të Prishtinës.

Jakaj, gjithashtu, nuk e sheh të mundshme heqjen e mandatit të deputetëve.

Ai thekson se Kushtetuta e Kosovës, në nenin 70, përcakton qartë arsyet për përfundimin ose pavlefshmërinë e mandatit të deputetit.

Ato përfshijnë: mosbetimin, dorëheqjen, emërimin në qeveri, përfundimin e mandatit të kuvendit, mungesën prej gjashtë muajsh në seanca, dënimin me vendim gjyqësor të formës së prerë për vepër penale me një ose më shumë vite burgim, ose vdekjen e deputetit.

“Në asnjë nga pikat e aktgjykimit, Gjykata Kushtetuese nuk i ka saktësuar pasojat kolektive apo individuale për deputetët, në rast të moskonstituimit brenda afatit prej 30 ditësh”, shton Jakaj.

Muhaxhiri: Nuk ka precedent për marrjen e mandateve

Edhe Artan Muhaxhiri, sociolog dhe njohës i politikës në Kosovë, thotë se vendimi i Gjykatës Kushtetuese nuk parashikon marrjen e mandateve nga deputetët, në rast të moskonstituimit të Kuvendit brenda afatit.

Për më tepër, thekson ai, në Kosovën e pasluftës nuk ka ndonjë precedent të ngjashëm.

Ai thotë se një hap i tillë do të kërkonte një vendim të ri të Gjykatës dhe ndryshime në mënyrën e zëvendësimit të deputetëve, por, prapëseprapë, nuk do të garantonte tejkalimin e bllokadës politike që po e pengon formimin e institucioneve.

“E para, ata deputetë që do të vinin, do të kishin më pak legjitimitet dhe pothuajse të gjithë do të ishin anonimë, pa përvojë politike. Vetë fakti që nuk janë zgjedhur, dëshmon se nuk kanë arritur sukses as në garën përbrenda partive të tyre”, thotë Muhaxhiri për Radion Evropa e Lirë.

Ai shton se personat që do t’i zëvendësonin deputetët aktualë, do të vepronin nën udhëzimet e liderëve të partive të tyre, ndaj sjellja e tyre në procesin e konstituimit të Kuvendit do të ishte e njëjtë me atë të deputetëve aktualë.

“Do të ktheheshim në pikën ku jemi tash, por me një humbje të kohës dhe me një dëmtim të perspektivës së Kosovës dhe imazhit institucional në përgjithësi”, thekson Muhaxhiri.

Ku ka mbetur seanca konstituive e Kuvendit të Kosovës?

Deri më tani, deputetët kanë përfunduar vetëm dy pika të agjendës: raportin e Komisionit të përkohshëm për verifikimin e mandateve dhe betimin e deputetëve.

Procesi ka ngecur te pika e tretë: zgjedhja e kryetarit të Kuvendit.

Kandidatja e Lëvizjes Vetëvendosje, Albulena Haxhiu, nuk ka arritur t’i sigurojë 61 votat e nevojshme në disa runde votimi për t’u zgjedhur në këtë post.

Dy parti parlamentare, PDK-ja dhe AAK-ja, e shohin Haxhiun si figurë përçarëse dhe kërkojnë nga Lëvizja Vetëvendosje të propozojë një emër tjetër për kryeparlamentar.

LDK-ja thotë se nuk do të mbështesë asnjë kandidat të Vetëvendosjes për këtë pozitë.

E, Vetëvendosje këmbëngul tani që votimi për Haxhiun të bëhet në mënyrë të fshehtë, duke premtuar se nëse ajo nuk i merr 61 vota, do të propozojë një kandidat tjetër.

Por, kjo formë votimi kundërshtohet nga partitë e tjera, duke e futur situatën në një rreth vicioz.

Gjykata Kushtetuese nxori aktgjykimin për konstituimin e Kuvendit me afat 30 ditësh më 26 qershor, pas 37 tentativave të dështuara në këtë proces.

Megjithatë, ekspertët kushtetues dhe partitë politike e kanë kuptuar dhe interpretuar këtë vendim në mënyra të ndryshme.

Muhaxhiri thotë se për të tejkaluar bllokadën në Kuvend, është e nevojshme që Gjykata Kushtetuese të dalë me një vendim më të qartë dhe më të drejtpërdrejtë, raporton REL.

The post Rreziku i një situate të paprecedentë në Kosovë pas afatit të 26 korrikut appeared first on Telegrafi.

Deputeti i Aleancës për Ardhmërinë e Kosovës (AAK), Bekë Berisha, ka komentuar zhvillimet e fundit politike në Kuvendin e Kosovës pas alarmit të rremë për bombë, duke theksuar nevojën për një reflektim të thellë dhe të përgjithshëm nga të gjithë akterët politikë.

Në një deklaratë për media, Berisha tha se këto situata po bëhen të tepërta dhe për pasojë po rritet rreziku për ngjarje serioze. Ai theksoi se mungesa e institucioneve funksionale për një kohë të gjatë është shkaktar i drejtpërdrejtë i tensioneve në rritje.

“Kjo ka qenë një alarm i rrejshëm, mirëpo kur nuk ka institucione për një kohë kaq të gjatë, këto mund të bëhen të vërteta pastaj. E kam paralajmëruar edhe më herët, por nuk më kanë marrë seriozisht”, tha ai.

Berisha gjithashtu paralajmëroi se mund të ketë ndryshim qëndrimi në votimin për kryetarin e Kuvendit, duke lënë të hapur mundësinë për votim të fshehtë dhe një qasje më reflektuese në seancat e ardhshme.

“Sikur ka ndodhur edhe më përpara, nuk kemi pasur ndonjë shqetësim se është pritur të jetë i rrejshëm. Kjo situatë besoj që tani është bërë e tepërt dhe na duhet që të reflektojmë të gjithë,” u shpreh ai.

Deputeti i AAK-së tha se nuk dëshiron që hidhërimet politike personale të bëhen barrë për vendin, duke shtuar se nuk e përcakton mendimin e tij asnjë kamp politik.

“Nuk dua që në kurriz të Kosovës të mbaj hidhërim me askënd. As nuk ma determinon mendimin politik as opozita, se unë nuk jam opozitë më së pari,” theksoi ai.

Ai shtoi se nëse në seancën e radhës krijohet shumicë për rrëzimin e opsionit aktual për kryetarin e Kuvendit, kjo do të ishte një rrugëdalje dhe një hap drejt zgjidhjes institucionale.

I pyetur nëse do ta mbështesë ndonjë kandidat nga Lëvizja Vetëvendosje për kryetar Kuvendi, Berisha u përgjigj shkurt:

“Po bash kanë të qesin,” duke lënë të kuptohet se  është i gatshëm të mbështesë çdo emër të propozuar.

The post Bekë Berisha nuk përjashton ndryshim qëndrimi për kryetarin e Kuvendit: Situata politike po bëhet e tepërt appeared first on Telegrafi.

Besnik Krasniqi është kandidat për kryetar të Prizrenit nga radhët e Aleancës për Ardhmërinë e Kosovës në zgjedhjet komunale të 12 tetorit.

Kryetari i AAK-së, Ramush Haradinaj tha se Besniku është një profesionist i dëshmuar me përvojë të gjerë në sektorin publik dhe atë ndërkombëtar, i cili ka ndërtuar karrierën e tij mbi parimet e përgjegjësisë, transparencës dhe shërbimit ndaj qytetarëve.

“Ai përfaqëson një zgjidhje të denjë për qytetarët e Prizrenit, në kohën kur ky qytet ka nevojë për një udhëheqje vizionare dhe të përgjegjshme. Prizreni meriton një epokë të re zhvillimi, përmes projekteve strategjike në sferën ekonomike, kulturore dhe në fuqizimin e trashëgimisë e ngjarjeve artistike që i japin identitet këtij qyteti. Unë besoj në vizionin e Besnikut dhe në përkushtimin e kandidatëve të AAK-së për asamblenë komunale”, ka shkruar Haradinaj në Facebook.

Zgjedhjet lokale në Kosovës mbahen më 12 tetor 2025.

The post Besnik Krasniqi kandidat i AAK-së për kryetar të Prizrenit appeared first on Telegrafi.

Subjektet politike kanë nisur tashmë përgatitjet për zgjedhjet lokale të vitit 2025, duke zyrtarizuar disa prej kandidatëve për kryetarë komunash.

Gara pritet të jetë veçanërisht interesante në komunë e Ferizajt dhe Gjilanit, ku kryetarët aktualë synojnë të sigurojnë një mandat të ri. Ndërkohë, kandidatët e rinj janë të vendosur të sfidojnë pushtetin aktual dhe të arrijnë fitoren në zgjedhjet që do të mbahen në vjeshtë, transmeton Telegrafi.

Në Gjilan, kryetari aktual Alban Hyseni, nga radhët e Lëvizjes Vetëvendosje (LVV), do të garojë për një mandat të dytë. Lidhja Demokratike e Kosovës (LDK) me Arbër Ismailin si kandidat, ndërsa Partia Demokratike e Kosovës (PDK) do të përfaqësohet nga Riad Rashiti. Aleanca për Ardhmërinë e Kosovës (AAK) ka vendosur që në këtë garë të hyjë me kandidatin Nazim Gagica.

Kush ka udhëhequr deri tani me komunën e Gjilanit?

Komuna e Gjilanit ka qenë nën drejtimin e Lidhjes Demokratike të Kosovës që nga viti 2014 deri në vitin 2021 me Lutfi Hazirin kryetar. Ndërsa, në vitin 2021, udhëheqjen e komunës e mori LVV, me Alban Hysenin, i cili aktualisht është në fund të mandatit të tij të parë, dhe po ashtu synon mandatin e dytë.

Gara për Ferizaj;

Ndërkohë, në Ferizaj, kryetari aktual Agim Aliu do të kërkojë një tjetër mandat, duke garuar sërish si kandidat i PDK-së. LDK do ta konfirmojë Visar Azemin si kandidatin e saj për zgjedhjet që do të mbahen më 12 tetor, ndërsa AAK do të përfaqësohet nga kandidatja Xhemile Murati.

Kush ka udhëhequr deri tani me komunën e Ferizajt?

Në 10 vitet e fundit, Ferizajn e kanë drejtuar dy kryetarë: Muharrem Svarqa (LDK) deri më 2017, dhe Agim Aliu (PDK) prej 2017 e deri më sot (2025), aktualisht në fund të mandatit të dytë dhe në garë për të tretin.

Përgatitjet për zgjedhjet nga KQZ;

Ndryshe, Komisioni Qendror i Zgjedhjeve ka hapur procesin e aplikimit për certifikimin e subjekteve politike për Zgjedhjet Lokale 2025.

Subjektet politike mund të aplikojnë deri më 13 gusht.

“Duke filluar nga dita e sotme, 26 qershor dhe deri më 13 gusht 2025, subjektet politike mund të aplikojnë në Komisionin Qendror të Zgjedhjeve për t’u certifikuar për pjesëmarrje në Zgjedhjet Lokale, të cilat do të mbahen më 12 tetor 2025. Gjithashtu, gjatë kësaj periudhe subjektet politike (partitë politike, koalicionet, nismat qytetare dhe kandidatët e pavarur) duhet të dorëzojnë edhe listën me emrat e kandidatëve për Kryetarë të Komunave dhe për Kuvende Komunale”, ka deklaruar për Telegrafin, Valmir Elezi, zëdhënës i KQZ-së.

Zgjedhjet Lokale të vitit 2025 do të mbahen më 12 tetor dhe do të përcaktojnë përbërjen e re të Kuvendeve Komunale si dhe Kryetarët e rinj të Komunave në të gjithë vendin. /Telegrafi/

The post Zyrtarizimi i kandidatëve për Ferizaj dhe Gjilan – nga kush do të sfidohen kryetarët aktualë Agim Aliu dhe Alban Hyseni appeared first on Telegrafi.

Kryetari i Aleancës për Ardhmërinë e Kosovës (AAK), Ramush Haradinaj, ka akuzuar kryeministrin në detyrë, Albin Kurti, për thellim të krizës politike dhe mungesë vullneti për zgjidhje institucionale.

Pas dështimit të radhës të seancës së Kuvendit për konstituim, Haradinaj tha se Kurti “e ka ndarë mendjen ta bëjë keq e më keq” dhe se nuk po vepron në përputhje me interesin e vendit.

“Ky e ka nda mendjen me bë më keq Kosovën, është problem me këtë njeri. Nuk kam pse me u taku, sepse ai po bën lojë”, deklaroi Haradinaj.

Ai theksoi se Kurti po e injoron hapur edhe mundësitë për dialog institucional, duke kujtuar një rast kur kryeministri në detyrë kishte refuzuar të merrte pjesë në një takim me kryesuesin e Kuvendit, pavarësisht se ishte fizikisht prezent në sallë.

“Ne ishim në seancë, ai kërkoi një konsultë para seancës, por qëndroi në sallë dhe nuk erdhi. Aty shihet se nuk ka qëllim për zgjidhje – por vetëm me bë më keq e më keq”, tha Haradinaj.

Duke iu referuar vendimit të fundit të Gjykatës Kushtetuese, Haradinaj theksoi se votimi i hapur është rruga kushtetuese për të dalë nga bllokada, por sipas tij, Vetëvendosje po e refuzon këtë mundësi.

“Gjykata ua dha mundësinë të kthehen në votim të hapur, por ata nuk e respektojnë këtë. Ne propozuam që të kthehemi në kushtetutshmëri, por ata po e mbajnë procesin të bllokuar”, përfundoi ai.

The post Haradinaj: Kurti e ka ndarë mendjen ta bëjë më keq Kosovën appeared first on Telegrafi.

Deputetja e Aleancës për Ardhmërinë e Kosovës (AAK), Time Kadrijaj, ka deklaruar se takimi i liderëve politikë i thirrur nga kryeministri në detyrë, Albin Kurti, nuk solli asnjë përparim drejt zhbllokimit të Kuvendit të Kosovës. Sipas saj, Lëvizja Vetëvendosje nuk ka pranuar asnjë nga ofertat e propozuara nga partitë opozitare.

“Erdhëm me shpresë në këtë takim, por po shohim që nuk ka shpresë, nuk ka konsensus. Partia në pushtet nuk e ka pranuar asnjë ofertë që e kemi ofruar,” tha Kadrijaj për mediat pas takimit.

Ajo akuzoi Vetëvendosjen se po përdor në mënyrë të njëanshme aktgjykimin e Gjykatës Kushtetuese të vitit 2014, duke marrë vetëm pikat që i konvenojnë, ndërsa refuzon të pranojë të tjerat, përfshirë afatin 30-ditor dhe respektimin e mënyrës së votimit.

Kadrijaj e quajti të papranueshme kërkesën e VV-së që të votohet në pako për kryetarin dhe nënkryetarët e Kuvendit.

“Kërkuam të mos vazhdohet me votimin e komisionit. Të kthehet votimi i hapur, e më pas është e drejta e LVV-së ta kandidojë secilin që do. Por këta po duan të votohet në pako kryetari bashkë me nënkryetarët – kjo nuk është praktikë e mirë, është antiligjore dhe shkel Rregulloren e Kuvendit”, u shpreh Kadrijaj.

Duke folur për mbledhjen e së dielës, ajo paralajmëroi se nëse vazhdohet me votimin për komisionin për votim të fshehtë, do të bëhet shkelje e qëllimshme e Kushtetutës.

“Nëse edhe nesër i vazhdojmë të njëjtat praktika, ata po e shkelin me qëllim Kushtetutën,” përfundoi deputetja e AAK-së.

The post Time Kadrijaj: LVV s’pranoi asnjë ofertë për dalje nga kriza appeared first on Telegrafi.

Kryeministri i Kosovës në detyrë, Albin Kurti ka ftuar krerët e subjekteve politike për një takim të përbashkët të shtunën në orën 16:00, në Kuvendin e Kosovës.

Kurti përmes një postimi në rrjetin social në Facebook ka shkruar se këtë po e bën në përpjekje të konsensusit për konstituimin e Kuvendit.

“Aktgjykimi i djeshëm i Gjykatës Kushtetuese thekson qartë se obligimi për ta konstituuar Kuvendin është obligim i të gjithë deputetëve dhe jo vetëm i subjektit të parë. Si kryetar i Lëvizjes VETËVENDOSJE! dhe në emër të grupit më të madh parlamentar të dalur nga zgjedhjet e 9 shkurtit 2025, sot u jam drejtuar të gjithë krerëve të subjekteve të përfaqësuara në legjislaturën e nëntë, me ftesë për takim të përbashkët të shtunën (nesër) në orën 16:00, në përpjekje të radhës në funksion të konsensusit për konstituim të Kuvendit”, ka shkruar Kurti.

Ndërkaq, pjesëmarrja në takim është konfirmuar nga PDK, LDK, AAK e Nisma Socialdemokrate.

E të enjten, Gjykata Kushtetuese ka publikuar aktgjykimin në rastin KO124/25, lidhur me kërkesën e parashtruar nga deputetja Time Kadrijaj dhe dhjetë deputetë të tjerë të Kuvendit, që kundërshtonin vendimin për refuzimin e formimit të Komisionit për votim të fshehtë dhe vendime të tjera të ngjashme, të marra gjatë seancave konstituive të Kuvendit të mbajtura në prill dhe maj 2025.

Gjykata ka theksuar se seanca konstituive e Kuvendit e nisur më 15 prill 2025 nuk ka përfunduar, për shkak të moszgjedhjes së Kryetarit/es dhe nënkryetarëve, duke mos përmbushur kështu kërkesat kushtetuese të nenit 66 të Kushtetutës;

Po ashtu, Gjykata ka vendosur që deputetët e zgjedhur janë të obliguar që brenda 30 ditësh nga hyrja në fuqi e këtij aktgjykimi, të përfundojnë seancën konstituive përmes zgjedhjes së Kryetarit dhe nënkryetarëve të Kuvendit.

Kjo nënkupton se palët politike kanë tashmë një afat të përcaktuar dhe një orientim më të qartë për të zgjidhur bllokadën dhe për të formuar organet drejtuese të Kuvendit në përputhje me rendin kushtetues. /Telegrafi/

The post Sot takimi i liderëve partiakë, në përpjekje për të gjetur zgjidhje për konstituimin e Kuvendit appeared first on Telegrafi.

Kryetari i Aleancës për Ardhmërinë e Kosovës (AAK), Ramush Haradinaj, ka reaguar pas vendimit të Gjykatës Kushtetuese që e shpalli të pranueshme kërkesën e dorëzuar nga partia e tij, lidhur me kushtetutshmërinë e veprimeve të Kuvendit për votimin e Kryetarit të Kuvendit të Kosovës.

Në një postim në Facebook, Haradinaj theksoi se qëllimi i kërkesës nuk ka qenë përfitimi politik, por ofrimi i një zgjidhjeje për situatën e pazakontë të krijuar pas zgjedhjeve parlamentare të shkurtit 2025.

“Në një situatë të një bllokade totale të krijimit të institucioneve të Republikës së Kosovës, përfshirë edhe konstituimin e Kuvendit – një rast i padëgjuar për botën demokratike – kemi kërkuar rrugëdalje në Gjykatën Kushtetuese. Nuk e kemi bërë për interesa partiake, por për interes të vendit dhe të zbatimit të vullnetit të shprehur me votë,” u shpreh ai.

Lexo po ashtu Vendimi i Kushtetueses: Për 30 ditë duhet të përfundojë seanca konstituive e Kuvendit

Haradinaj tha se AAK nuk e ka përdorur këtë proces si një mjet politik dhe se pas dorëzimit të kërkesës më 12 maj 2025, partia ka qëndruar larg komenteve publike, për të mos ndikuar në vendimmarrjen e Gjykatës.

“Nuk mund të mos shprehemi të lehtësuar që kërkesa e AAK-së për interpretim dhe zgjidhje nga Gjykata Kushtetuese është pranuar dhe Gjykata ka nxjerrë vendim për këtë çështje, duke krijuar një bazë ligjore për të dalë nga ngërçi i krijuar,” shtoi ai.

Haradinaj u bëri thirrje të gjithë deputetëve të Kuvendit, pavarësisht përkatësisë politike, që ta zbatojnë vendimin e Gjykatës Kushtetuese dhe të ndihmojnë në përfundimin e procesit të konstituimit të Kuvendit dhe formimit të institucioneve të dala nga zgjedhjet.

Lexo po ashtu Vendimi i Kushtetueses: Për 30 ditë duhet të përfundojë seanca konstituive e Kuvendit

The post Haradinaj: Vendimi i Kushtetueses hap rrugën për dalje nga ngërçi institucional appeared first on Telegrafi.

Aleanca për Ardhmërinë e Kosovës (AAK) ka zyrtarizuar sot një pjesë të kandidaturave për zgjedhjet lokale të tetorit 2025, duke hyrë kështu në fazën përfundimtare të përgatitjeve për garën zgjedhore.

Në mbledhjen e mbajtur nga Këshilli i Përgjithshëm i partisë, janë miratuar me vota unanime 11 kandidatë për kryetarë komunash, të cilët do të përfaqësojnë Aleancën në garën elektorale të vjeshtës.

Kandidaturat e zyrtarizuara janë:

Nazim Gagica – Gjilan

Besnik Krasniqi – Prizren

Xhemile Murati – Ferizaj

Qazim Nimani – Mitrovicë

Faton Jakupi – Kamenicë

Ukë Blakaj – Istog

Agron Kuçi – Junik

Vildane Latifi – Fushë Kosovë

Baki Feta – Podujevë

Labinot Bislimi – Viti

Ilir Tasholli – Lipjan

Gjatë mbledhjes, përfaqësuesi i AAK-së në Komisionin Qendror të Zgjedhjeve (KQZ), Muharrem Nitaj, informoi anëtarët e Këshillit për ndryshimet e fundit në Rregulloren për Zgjedhjet, përfshirë edhe procedurat e votimit nga jashtë vendit.

Kryesuesi i mbledhjes, Pal Lekaj, dhe nënkryetari Besnik Tahiri, prezantuan një pasqyrë të përgatitjeve organizative për zgjedhjet lokale, ndërkohë që Lulzim Leci raportoi mbi auditimin e pasqyrave financiare për vitin 2024 dhe mbi përfshirjen e anëtarëve të AAK-së në Komisionet Komunale të Zgjedhjeve (KKZ).

Diskutimet u shoqëruan edhe me analizë të zhvillimeve të fundit politike në vend, ndërsa drejtuesit e Aleancës theksuan rëndësinë e një organizimi të qëndrueshëm dhe të koordinuar në të gjitha nivelet.

Në njoftimin zyrtar të partisë thuhet se në ditët në vijim do të zyrtarizohen edhe kandidaturat për komunat e tjera, duke përmbyllur kështu hartën zgjedhore të AAK-së për të gjitha komunat e Republikës së Kosovës.

“Procesi po zhvillohet me ritëm të mirë në shumicën e komunave dhe reflekton përkushtimin e strukturave tona për të ndërtuar një ofertë serioze dhe konkurruese për qytetarët në zgjedhjet e ardhshme,” thuhet në deklaratën për media të partisë.

The post Zgjedhjet lokale, AAK zyrtarizon 11 kandidatë për kryetarë komunash appeared first on Telegrafi.

Kryetari i Aleancës për Ardhmërinë e Kosovës (AAK), Ramush Haradinaj, ka reaguar në lidhje me zhvillimet ndërkombëtare, duke shprehur mbështetje të fuqishme për sulmet ajrore kundër kapaciteteve bërthamore të regjimit iranian, dhe duke bërë një krahasim të drejtpërdrejtë me ndërhyrjen ajrore të NATO-s në Kosovë më 1999.

“Në mars të vitit 1999, Amerika dhe aleatët e saj ndalën një regjim gjenocidal, ai i Millosheviqit, i cili në atë kohë mbështetej edhe nga regjimi iranian në planet për zhdukjen e popullit shqiptar në Kosovë. Sot, sërish, Amerika po vepron për paqe dhe siguri, kësaj here ndaj kërcënimit bërthamor të regjimit të Teheranit”, deklaroi Haradinaj.

Ai kujtoi se ndërhyrja ajrore e udhëhequr nga SHBA-të dhe NATO mbi caqet ushtarake serbe shpëtoi popullin shqiptar të Kosovës nga gjenocidi, dhe sipas tij, veprime të ngjashme janë të domosdoshme sot për të parandaluar kërcënime globale.

“Mbështesim fuqishëm angazhimin e Presidentit Trump dhe të Amerikës për paqe dhe siguri në botë”, thuhet në reagimin e Haradinajt./Telegrafi/

The post Haradinaj mbështet sulmet ajrore të SHBA-së: Irani ishte në krah të Millosheviqit për zhdukjen e popullit shqiptar appeared first on Telegrafi.

Deputetët do të mblidhen sot për të 35 herë më radhë në tentimin për të konstituar Kuvendin e Kosovës.

Përveç betimit të deputetëve të zgjedhur, Kuvendi i ri ka mbetur i pa konstituar në mungesë të zgjedhjes së kryetarit të ri dhe nënkryetarëve.

Tashmë seancat po janë vetëm çështje numri dhe procedure që po ndiqet çdo 48 orë.

Lëvizja Vetëvendosje nuk po heq dorë nga kandidatja Albulena Haxhiu për kryeparlamentare, ndërsa partitë tjera kanë theksuar se nuk do të votojnë Haxhiun për të parën e Kuvendit.

PDK dhe AAK kanë kërkuar nga LVV të propozojë kandidat tjetër, gjersa nga LDK kanë theksuar se nuk do të votojnë asnjë kandidat./Telegrafi/

The post Sot ​përpjekja e 35-të për konstituimin e Kuvendit appeared first on Telegrafi.

Është publikuar sondazhi i fundit i realizuar nga UBO Consulting, i cili mat perceptimin e qytetarëve për krizën politike dhe bllokadën që po ndodh në Kuvendin e Kosovës.

Në pyetjen: “Kush mendoni se është fajtori kryesor për bllokadën që po vazhdon në Kuvendin e Kosovës?”, shumica e të anketuarve kanë fajësuar të gjitha partitë politike.

Sipas rezultateve:

32.6% fajësojnë Lëvizjen Vetëvendosje.

7.2% mendojnë se përgjegjëse është Partia Demokratike e Kosovës (PDK).

6.3% fajësojnë Lidhjen Demokratike të Kosovës (LDK).

1.0% e konsiderojnë përgjegjëse Aleancën për Ardhmërinë e Kosovës (AAK).

3.1% e të anketuarve nuk kanë një përgjigje.

Ndërkaq në aspektin e përgjithshëm, 49.9% e qytetarëve vlerësojnë se krejt partitë e kanë përgjegjësinë.

Sondazhi është realizuar mbi një mostër përfaqësuese prej 1065 qytetarësh, me një interval besueshmërie prej 95% dhe margjinë gabimi ±3%. Matja është kryer në periudhën 9-18 qershor 2025.

The post Sondazhi i UBO Consulting: LVV fajësohet më së shumti me 32.6% për bllokadën në Kuvend, pasuar nga PDK appeared first on Telegrafi.

Aleanca për Ardhmërinë e Kosovës në Gjakovë po hyn në fazën vendimtare të konsolidimit politik para zgjedhjeve, me përkrahje të reja nga figura të njohura publike dhe politike të qytetit.

Ferdinand Kolaj, ish-kryetar i Partisë Shqiptare Demokristiane (PSHDK) dhe aktualisht drejtor komunal, së bashku me Krenare Bushajn, Gjevalin Nikollbibajn, Ardian Nushin dhe dhjetëra drejtues të tjerë lokalë – përfshirë drejtora dhe asambleistë, i janë bashkuar Aleancës dhe Kryetarit Ardian Gjini.

“Kjo përforcim i rëndësishëm vjen në një kohë kur Gjakova, nën qeverisjen e Gjinit dhe Aleancës, ka njohur transformime të mëdha në shërbim të qytetarëve pa dallim”.

Me një model qeverisës të vlerësuar për drejtësi dhe efikasitet, Aleanca synon të vazhdojë rrugën e zhvillimit edhe për katër vitet e ardhshme.

“Gjakova është bërë shembull i mirëqeverisjes. Aleanca është shtëpia e të gjithë atyre që besojnë në vlera, punë të ndershme dhe përkushtim ndaj qytetarëve. Bashkimi i këtyre emrave të dëshmuar është garanci për vazhdimësinë e suksesit”, ka deklaruar Kryetari i AAK-së, Haradinaj.

The post AAK në Gjakovë, emra të njohur nga PSHDK i bashkohen Ardian Gjinit appeared first on Telegrafi.