Edhe pse ishte shumë pranë transferimit te Milan, mbrojtësi i majtë anglez, Archie Brown, vendosi në fund të transferohej te Fenerbahce. Klubi turk pagoi 9 milionë euro te belgët e Gent për kartonin e 23-vjeçarit, i cili do të përfitojë 1.5 milionë euro rrogë në sezon. Mediat turke dhe ato italiane raportojnë se të njëjtat […]

The post Archie Brown zbulon arsyen pse refuzoi Milanin dhe u transferua te Fenerbahce appeared first on BoldNews.al.

Këngëtari i njohur amerikan, Chris Brown, është deklaruar i pafajshëm për dy akuza të reja në lidhje me një sulm të dyshuar në një klub nate në Londër në vitin 2023. Ai u paraqit në Gjykatën e Kurorës në Southwark të premten, më 11 korrik, për seancën më të fundit gjyqësore.

Sipas BBC, 36-vjeçari u deklarua i pafajshëm për shkaktim të dëmtimit të vërtetë trupor ndaj producentit muzikor Abe Diaw, si dhe për mbajtje të një arme të rrezikshme, në këtë rast një shishe tekile, gjatë incidentit të dyshuar.

Prokuroria e përshkroi sulmin si të “paprovokuar”, ndërsa gjatë daljes nga gjykata, Brown – përshëndeti shkurtimisht fansat që kishin ardhur ta mbështesnin. Më herët, më 20 qershor, autori i hitit “Forever” ishte deklaruar po ashtu i pafajshëm për shkaktim të lëndimeve të rënda trupore lidhur me të njëjtin incident.

Chris Brown u arrestua më 15 maj 2025 nga Policia Metropolitane e Londrës në një hotel në Manchester. Sipas deklaratës zyrtare:

“Një 36-vjeçar u arrestua rreth orës 02:00 në lidhje me një sulm të dyshuar më 19 shkurt 2023 në një lokal në Hanover Square.”

Më 21 maj, ai u lirua me garanci prej 6.7 milionë dollarësh, duke paguar menjëherë 4.5 milionë dhe pjesën tjetër brenda një jave. Atij iu kërkua të dorëzojë pasaportën nëse nuk është në udhëtim për turne, dhe të njoftojë gjykatën për adresën e banimit.

Derisa të nisë gjyqi më 24 tetor 2026, Brown nuk lejohet të largohet nga Mbretëria e Bashkuar, nuk mund të kontaktojë me akuzuesin dhe nuk mund të vizitojë klubin ku ndodhi incidenti.

Në nëntor 2023, Abe Diaw e paditi Brown në një gjykatë civile në Los Angeles, duke pretenduar se ishte goditur në kokë  dhe kishte pësuar lëndime të përhershme, përfshirë çarje në kokë, dëmtime në këmbë dhe shqetësim të madh emocional. Si armë u përmend një shishe tekile Don Julio 1942.

Sidoqoftë, më 27 qershor 2025, Diaw kërkoi të tërhiqte padinë civile, me vendim që e ndalon atë të rihapë çështjen në të ardhmen. Megjithatë, procesi penal në Mbretërinë e Bashkuar mbetet aktiv dhe Brown përballet ende me akuzat penale.

The post Chris Brown deklarohet i pafajshëm për sulmin në Londër appeared first on Lapsi.al.

Aktorja britanike, Millie Bobby Brown, 21 vjeçe, ndau me ndjekësit e saj në Instagram disa çaste relaksuese nga pushimet në plazh, ku shfaqet me bikini shumëngjyrëshe që theksojnë siluetën e saj dhe lëkurën e puthur nga dielli.

E martuar prej një viti me Jake Bongiovi, Brown dukej natyrale dhe e lumtur, ndërsa pozonte buzë detit me syze dielli dhe bizhuteri të thjeshta.

Në përshkrimin e postimit, aktorja e “Stranger Things” zgjodhi disa emoji me temë deti, si dielli, guaska dhe valët – duke reflektuar atmosferën verore të pushimeve të saj, shkruan DailyMail.

Fotografitë kanë marrë miliona pëlqime dhe komente pozitive, përfshirë edhe nga marka e saj Florence by Mills që e quajti “ikonë absolute”.

E njohur për karrierën e saj në aktrim, Millie është gjithashtu aktive si sipërmarrëse dhe prodhuese.

Në një intervistë për ‘Vanity Fair’, ajo foli për jetën në fermën e saj në Xhorxhia me Jake, duke theksuar se ajo nuk e bën këtë stil jetese për estetikë, por nga dashuria për natyrën dhe kafshët.

Çifti i ri vazhdon të zgjerojë “familjen e tyre të vogël fermere”, pasi këtë muaj mirëpritën një gomar të porsalindur të quajtur Florence – kafsha e 63-të në pronën e tyre.

Përveç kësaj, Millie ka ndarë se të pasurit një familje të madhe është një nga synimet e saj jetësore dhe mezi pret të bëhet nënë.

“Që e vogël, kam dashur të jem si nëna ime”, tha Millie gjatë një interviste në podcastin Smartless, duke shtuar se Jake ndan të njëjtin vizion për të ardhmen dhe e mbështet plotësisht. /Telegrafi/

The post Millie Bobby Brown shijon pushimet në plazh me bikini, ndërsa rrëfen dëshirën për t’u bërë nënë appeared first on Telegrafi.

Dan Brown është një nga shkrimtarët më të shitur në ditët tona dhe proza e tij vjen si produkt i gërshetimit të fantazisë, ngjarjeve historike dhe misterit, shkruan KultPlus.

Dan Brown lindi më 22 qershor 1964 në New Hampshire. Është autorë i disa librave të suksesshëm, midis të cilëve renditen Kodi i Da Vinçit dhe Engjëj dhe Djaj. Para se të merrej me shkrimin e librave ai ishte mësues i gjuhës angleze.

Dan Browni jeton dhe shkruan në Massachusetts në SHBA. Ai dhe bashkëshortja e tij (Blythe) janë njohës të mirë të historisë dhe kulturës evropiane. Librat e tij karakterizohen nga tema e zbulimit të aventurave misterike, të bazuara jo gjithmonë në ngjarje dhe personazhe të vërtetë.

Brown është ndër autorët më të përkthyer edhe në gjuhën shqipe, njëherësh edhe i preferuar nga mijëra lexues. /KultPlus.com

Chris Brown u deklarua i pafajshëm të premten ndaj një akuze për rrahje dhe lëndim të rëndë të një producenti muzikor me shishe në një klub nate në Londër në vitin 2023.

Brown, 36 vjeç, u paraqit në Gjykatën e Kurorës në Southwark dhe u deklarua i pafajshëm për një akuzë për shkaktim të dëmtimit të rëndë trupor me qëllim.

Miku dhe bashkëpunëtori i tij muzikor, Omololu Akinlolu, i njohur me emrin artistik “Hoody Baby,” gjithashtu u deklarua i pafajshëm për të njëjtën akuzë.

Prokurorët thanë se Brown dhe Akinlolu sulmuan producentin Abe Diaw në një bar brenda klubit të njohur “Tape” në lagjen luksoze Mayfair në shkurt të vitit 2023.

Sipas akuzës, Brown e sulmoi Diaw-n në mënyrë të paprovokuar, duke e goditur disa herë me shishe dhe më pas duke e grushtuar dhe shkelmuar.

Sulmi është kapur nga kamerat e sigurisë përpara një klubi të mbushur me njerëz, thanë prokurorët.

The post Chris Brown mohon akuzat për sulm ndaj producentit appeared first on Lapsi.al.

Chris Brown, 36 vjeç, është paraqitur sot në Gjykatën e Lartë të Southwark në Londër, për të dhënë deklaratën e tij lidhur me një sulm të dyshuar ndaj producentit muzikor Abraham Diaw, në një klub nate në shkurt 2023.

Sipas akuzës, Brown e ka goditur Diaw disa herë me shishe, dhe më pas e ka ndjekur në një zonë tjetër të lokalit ku e ka rrahur me grushta dhe shqelma, ndërsa viktima ndodhej i shtrirë në tokë. Ngjarja është filmuar nga kamerat e sigurisë dhe përshkruhet si “shumë serioze”.

Reperi amerikan është arrestuar në Manchester më 15 maj, disa orë pasi kishte mbërritur në Mbretërinë e Bashkuar me avion privat. Ai është liruar nga burgu me një kaucion prej 5 milionë paundësh, por me disa kushte të rrepta, përfshirë:

•Të qëndrojë në një adresë të përcaktuar në Mbretërinë e Bashkuar
•Të mos i afrohet klubit “Tape” në Londër
•Të mos kontaktojë viktimën, bashkëpandehurin apo dëshmitarët
•Pasaportën ta përdorë vetëm për lëvizje të lidhura me turneun

Nëse shkel ndonjë nga këto kushte, rrezikon të humbasë shumën e garancisë dhe të kthehet pas hekurave.

Seanca u zhvillua edhe në prani të bashkëpandehurit, reperit amerikan Omololu Akinlolu, 38 vjeç, me të cilin do të përgatitet procesi gjyqësor.

The post Ja kushtet që Chris Brown duhet të respektojë pas akuzës për sulm në Londër appeared first on iconstyle.al.

Chris Brown ka ndarë me ndjekësit një detaj të rrallë nga jeta e tij, që tregon qartë ndikimin që fama ka në shëndetin e tij mendor. Në një postim në Instagram, këngëtari shkruan:

“Më pëlqen të dal fshehurazi vetëm, kur jam në qytete të ndryshme. Më ndihmon të ndihem si njeri dhe normal. Kjo është shumë e rëndësishme për shëndetin tim mendor, sepse nuk mund të ec i lirë gjatë ditës. Më ndihmon të qëndroj me këmbë në tokë.”

Artisti shton se izolimi nga aktivitetet e zakonshme të përditshme mund të të çojë në çmenduri, duke nënvizuar presionin që vjen me jetën në qendër të vëmendjes.

The post Chris Brown rrëfen anën e tij të padukshme: Dal fshehurazi për të ndjerë veten si njeri i zakonshëm appeared first on iconstyle.al.

Chris Brown është parë në Amsterdam teksa përgatitej për koncertin e tij të parë që nga momenti kur u lirua me kusht kundrejt një shume prej 5 milionë paundësh, pas një sulmi të dyshuar me shishe në një klub nate në Londër.

Këngëtari i R&B, 36 vjeç, u fotografua të premten duke kaluar rrugën me një kapele të zezë, atlete Nike, pantallona cargo jeshile dhe një bluzë të trashë ngjyrë bezhë. Ai ka mbërritur në Holandë për të nisur turneun e tij, “Chris Brown”, që fillon të dielën.

Turneu hapet në Amsterdam më 8 qershor, më pas zhvendoset në Gjermani më 11 qershor dhe përfundon pjesa europiane në Britani më 15 qershor.

Pas lirimit nga paraburgimi muajin e kaluar, Chris postoi në Instagram për 144 milionë ndjekësit e tij: “Nga qelia në skenë!!!”, duke shtuar edhe emrin e turneut: Breezybowl.

Pasaporta e tij mbahej nga avokatët dhe policia, por u lehtësua për të mundësuar udhëtimin për turneun në Europë, SHBA dhe Kanada, u tha në gjykatë.

The post “Nga qelia në skenë”! Chris Brown nis turneun mes akuzave dhe miliona paundëve për liri appeared first on iconstyle.al.

Chris Brown u lirua me kusht nga një gjykatë në Londër të mërkurën, duke bërë të mundur që turneu i tij botëror të nisë muajin e ardhshëm.

Brown është akuzuar për shkaktim të dëmtimit të rëndë fizik në atë që prokurorët e përshkruan si një “sulm të paprovokuar” ndaj producentit muzikor Abraham Diaw, me një shishe, në një klub nate në Londër në vitin 2023.

Këngëtari 36-vjeçar nuk është kërkuar ende të deklarojë fajësinë apo pafajësinë për këtë akuzë. Ai nuk ishte i pranishëm në Gjykatën e Southwark Crown kur gjyqtari Tony Baumgartner vendosi ta lirojë me kusht.

Fillimisht, të premten iu refuzua lirimi me kusht, por të mërkurën iu dha kjo mundësi me kusht që të paguajë 4 milionë paund (rreth 5.4 milionë dollarë), me një shumë shtesë prej 1 milion paund që duhet të paguhet brenda shtatë ditëve.

Gjithashtu, Brown duhet të dorëzojë pasaportën, përveç rasteve kur udhëton për turneun e tij. Turneu i tij “Breezy Bowl XX” pritet të nisë më 8 qershor në Holandë.

The post Chris Brown lirohet me kusht pas akuzave për sulm appeared first on Lapsi.al.

Reperi amerikan, Chris Brown, është liruar me kusht nga një gjykatës në Londër dhe duhet të paguajë një garanci prej gjashtë milionë eurosh në gjykatë.

Gjyqtari Tony Baumgartner miratoi lirimin me kusht të 36-vjeçarit të mërkurën në Gjykatën e Kurorës në Southwark, por Brown nuk mori pjesë personalisht.

Reperi u la në paraburgim pas seancës së tij të parë dëgjimore në Gjykatën e Kurorës së Mançesterit të premten, por tani mund të largohet deri në paraqitjen e tij të radhës në gjykatë në Londër më 13 qershor.

Ai përballet me një akuzë për lëndim të rëndë trupor pas një sulmi të dyshuar në klubin e natës Tape në Londër në vitin 2023. Kushtet e lirimit e lejojnë të vazhdojë të udhëtojë për një turne ndërkombëtar, i cili përfshin koncerte në qershor dhe korrik, por atij nuk i lejohet të përdorë pasaportën e tij për qëllime të tjera.

Brown, i njohur për hite të tilla si “Loyal”, “Run It” dhe “Under the Influence”, u arrestua në një hotel në Mançester në orët e para të mëngjesit të së enjtes.

Të nesërmen, duke u paraqitur para gjyqtarëve, ai dëgjoi me vëmendje prokurorin teksa përshkruante detajet e çështjes kundër tij.

Ajo pretendoi se Brown nisi një “sulm të paprovokuar” ndaj producentit të muzikës Abraham Diaw, duke përdorur një armë, konkretisht një shishe, “në një klub nate plot me njerëz”.

Një tjetër reper amerikan, i njohur më së miri me emrin e tij skenik HoodyBaby, është akuzuar gjithashtu për shkaktimin e lëndimeve të rënda trupore në të njëjtin incident. Ai do të paraqitet gjithashtu në gjykatë më 13 qershor. /Telegrafi/

The post Chris Brown lirohet me kusht, duhet të paguajë një garanci prej gjashtë milionë eurosh appeared first on Telegrafi.

Chris Brown, u arrestua të enjten në mëngjes në Manchester, Angli, për dyshimin se kishte goditur producentin muzikor Abe Diaw me një shishe tekile në një klub nate në Londër në vitin 2023.

Policia Metropolitane konfirmoi për gazetën The Sun se Brown, 36 vjeç, u ndalua në hotelin luksoz me pesë yje Lowry Hotel, nën dyshimin për shkaktim të lëndimeve të rënda trupore.

“Është marrë në paraburgim dhe ndodhet ende aty,” tha zëdhënësi i policisë. “Arrestimi lidhet me një incident të ndodhur në një lokal në Hanover Square më 19 shkurt 2023. Hetimi po drejtohet nga detektivë të Njësisë Komanduese të Zonës Qendrore Perëndimore.”

Në tetor 2023, Diaw paditi Brown-in, duke pretenduar se këngëtari e kishte sulmuar fizikisht tetë muaj më parë në klubin Tape London, ku sipas tij, Brown e kishte goditur në kokë me një shishe Don Julio 1942 dhe më pas e kishte shkelmuar dhe goditur në qafë, duke e lënë pa ndjenja për rreth 30 sekonda.

Diaw tha gjithashtu se ishte dërguar në spital me prerje në kokë dhe dëmtime në këmbë.

Në padi, producenti pretendoi gjithashtu se Brown kishte përhapur thashetheme të pavërteta për ta dëmtuar profesionalisht, përfshirë akuzat se ai ishte hajdut.

Chris Brown ka një histori të gjatë me probleme ligjore. Në vitin 2009, ai u shpall fajtor për sulm ndaj të dashurës së atëhershme, Rihanna.

Në vitin 2017, ish-e dashura tjetër e tij, Karrueche Tran, mori një urdhër ndalimi pesëvjeçar ndaj tij pas kërcënimeve dhe sjelljes agresive.

The post Chris Brown arrestohet për sulm ndaj producentit muzikor appeared first on Lapsi.al.

Chris Brown u arrestua diten e sotme në një hotel në Manchester.

Policia e arrestoi nën dyshimin për shkaktim të lëndimeve të rënda trupore ndaj producentit muzikor Abe Diaw në klubin e natës Tape në Mayfair, në qendër të Londrës, në shkurt të vitit 2023. Ylli amerikan i muzikës R&B, 36 vjeç, u arrestua pak pas orës 2 të mëngjesit në hotelin Lowry.

Brown kishte udhëtuar drejt aeroportit të Manchesterit me një avion privat pasditen e djeshme, ndoshta për të filluar provat për turneun e tij në Mbretërinë e Bashkuar, i cili nis më 15 qershor në Manchester.

‘The Sun’ kontaktoi policinë pasi konfirmoi që Brown ndodhej në vend, duke pyetur nëse ai do të arrestohej për incidentin. Hetuesit e Metropolitaneve më pas udhëtuan drejt Manchesterit për të arrestuar këngëtarin pas marrjes së informacionit.

The post Theu shishen e tekilës mbi kokën e producentit muzikor, arrestohet Chris Brown appeared first on iconstyle.al.

Chris Brown po përballet me një betejë të re ligjore.

Një grua, e identifikuar si “Jane Doe”, e cila më parë e kishte paditur këngëtarin Chris Brown për sulm seksual, ka kërkuar nga gjykata të hedhë poshtë padinë e tij për shpifje prej 500 milionë dollarësh.

Ajo pretendon se akuzat e Brown nuk kanë bazë dhe se deklaratat e saj janë të mbrojtura nga Amendamentet e Parë dhe të Katërmbëdhjetë të Kushtetutës Amerikane, që lidhen me lirinë e shprehjes dhe barazinë para ligjit.

Padia e Brown vjen pas transmetimit të dokumentarit “Chris Brown: A History of Violence“ në Investigation Discovery, i cili shqyrton akuzat kundër tij ndër vite.

Ai pretendon se dokumentari e paraqet gabimisht si një “përdhunues dhe abuzues seksual serial”, duke dëmtuar rëndë reputacionin e tij.

Padia e mëparshme e Jane Doe ndaj Brown ishte hedhur poshtë në gjykatë, pasi dolën prova (duke përfshirë mesazhe tekstuale) që thuhej se rrëzonin akuzat e saj.

Megjithatë, në padinë e tij aktuale, Brown ka përfshirë si të paditur edhe Warner Bros (prind i Discovery) dhe producentët e dokumentarit.

The post Chris Brown, në një betejë të re ligjore appeared first on Lapsi.al.

Aktorja e njohur Millie Bobby Brown ka habitur fansat me një zbulim të papritur mbi emrin e saj të vërtetë. Gjatë një interviste me Chris Pratt, partnerin e saj në filmin The Electric State, ajo pranoi se emri i saj i mesëm nuk është Bobby, siç është besuar prej vitesh.

“Emri im i mesëm është Bonnie,” tha ajo gjatë intervistës për BuzzFeed UK, duke bërë që Pratt të habitej dhe të pyeste nëse emri i saj i plotë është Millie Bobby Bonnie Brown.

“Jo. Nuk është Bobby,” sqaroi aktorja. “Është Millie Bonnie Brown… dhe këtë nuk ia kam thënë askujt më parë.”

Ky zbulim i papritur ka ngjallur reagime të shumta mes fansave të saj, të cilët nuk e prisnin këtë ndryshim në identitetin e aktores së famshme.

The post Më mirë vonë sesa kurrë! Millie Bobby Brown zbulon emrin e saj të vërtetë appeared first on iconstyle.al.

Emri i vërtetë i Millie Bobby Brown nuk është në të vërtetë Millie Bobby Brown.

Ylli i “The Stranger Things” zbuloi se ajo ka përdorur një emër skenik gjatë një interviste që kishte me BuzzFeed UK.

“Emri im i mesëm është Bonnie,” tha ajo. “Nuk është Bobby. Është Millie Bonnie Brown. Unë kurrë nuk i kam thënë askujt këtë. Ju e keni dëgjuar këtu së pari!” Tha Brown.

Edhe pse Brown nuk tregoi pse zgjodhi emrin Bobby, disa besojnë se ajo e bëri këtë për të bërë homazhe ndaj babait të saj, Robert Brown.

 

View this post on Instagram

 

A post shared by BuzzFeed UK (@buzzfeeduk)

The post Millie Bobby Brown zbulon emrin e saj të vërtetë dhe pse e ndryshoi atë appeared first on iconstyle.al.

Aktorja Millie Bobby Brown ka reaguar ndaj komenteve negative për pamjen e saj, veçanërisht ndaj atyre që pretendojnë se ajo duket më e vjetër se mosha e saj. Përmes një videoje në Instagram, ajo tha se kjo është një çështje që prek çdo vajzë të re në vëmendjen e publikut.

Aktorja iu drejtua drejtpërdrejt gazetarëve që kishin shkruar artikuj mbi paraqitjen e saj, duke i cilësuar raportimet e tyre si “bullizim”. Ajo theksoi se nisi karrierën në moshën 10-vjeçare dhe se njerëzit nuk e pranojnë faktin që ajo është rritur, duke e trajtuar sikur duhet të duket ende si në sezonin e parë të Stranger Things.

“Fillova në këtë industri kur isha 10 vjeç. Unë u rrita përballë botës dhe për disa arsye, njerëzit nuk mund të rriten me mua. Në vend të kësaj, ata veprojnë sikur unë duhet të qëndroj e ngrirë në kohë, sikur duhet të dukem ende ashtu siç isha në sezonin 1 të Stranger Things. Dhe për shkak se nuk dukem ashtu, jam një objektiv”, pohoi aktorja britanike

View this post on Instagram

A post shared by Millie Bobby Brown (@milliebobbybrown)

The post U tha se s’dukej për moshën që ka,Millie Brown u përgjigjet kritikave të gazetarëve appeared first on iconstyle.al.

Millie Bobby Brown është një nga yjet e shumtë që e përqafon famën shumë shpejt, ndoshta në një kohë kur nuk jeni ende të vetëdijshëm për ndikimin që mund të ketë tek ju. Aktorja e re u bë e njohur kur ishte 12 vjeç, konkretisht në vitin 2016, pasi ishte protagoniste e serialit ikonik të Netflix ‘Stranger Things’.

Që atëherë, karriera e saj ka shkuar vetëm në ngritje dhe ka akumuluar projekte të ndryshme si ‘Enola Holmes’ apo ‘Damsel’. Ajo është bërë një personazh i vërtetë i famshëm dhe si e tillë ka persona që nuk e pëlqejnë. Në këtë rast, shumë përdorues tallen me fizikun e saj, diçka që zakonisht ndodh me personazhet e famshëm që bëhen të njohur shumë të rinj. Njerëzve u mbetet imazhi i projektit që i çoi drejt suksesit dhe harrojnë se evoluojnë.

Millie Bobby Brown është ngopur me këto lloj kritikash dhe ka vendosur të shprehet përmes një deklarate që ka shpërndarë përmes profilit të saj në Instagram, ku numëron 63.3 milionë ndjekës. “Dua të marr një moment për të trajtuar diçka që mendoj se është më e madhe se vetëm unë, diçka që prek çdo të ri që rritet nën vëzhgimin e publikut. Mendoj se është e nevojshme të flasim për këtë.

“Unë fillova në këtë industri kur isha 10 vjeç. Jam rritur përballë botës dhe për disa arsye, njerëzit nuk mund të rriten me mua. Në vend të kësaj, ata sillen sikur duhet të qëndroj e ngrirë në kohë, sikur duhet të dukem ende si në sezonin e parë të “Stranger Things”. Dhe për shkak se nuk e bëj, tani jam një objektiv”, vazhdon ajo.

“Kjo nuk është gazetari. Ky është ngacmim. Fakti që mediat po shpenzojnë kohën e tyre duke shpërndarë fytyrën time, trupin tim, vendimet e mia… Është shqetësuese. Fakti që disa nga këta artikuj janë shkruar nga gra? Akoma më keq. Ne gjithmonë flasim për mbështetjen dhe inkurajimin e grave të reja, por kur vjen koha, duket më e lehtë t’i grisësh ato për klikimet e saj.

“Njerëzit e zhgënjyer nuk mund të durojnë të shohin një vajzë të bëhet grua sipas kushteve të saj, jo të tyre. Unë refuzoj të kërkoj falje që u rrita. Refuzoj ta bëj veten më të vogël për t’u përshtatur me pritshmëritë jorealiste të njerëzve që nuk mund të durojnë të shohin një vajzë të bëhet grua. Nuk do të turpërohem për mënyrën se si dukem, si vishem apo si e prezantohem thjesht për t’u rritur për çdo grua të re, pa frikë se meriton” .

 

View this post on Instagram

 

A post shared by Millie Bobby Brown (@milliebobbybrown)

The post Kritikohet për dukjen e saj, Millie Bobby Brown: Refuzoj të kërkoj falje që u rrita appeared first on iconstyle.al.

Presidenti Donald Trump ka shkarkuar papritur Shefin e Shtabit të Përgjithshëm, Gjeneralin CQ Brown, duke larguar kështu një pilot dhe oficer të respektuar, në kuadrin e lëvizjeve për të larguar nga strukturat drejtuese të forcave të armatosura drejtuesit ushtarakë që mbështesin lëvizjen për barazi dhe shumëllojshmëri në radhët e tyre. Largimi i Gjeneralit Brown, i […]

The post Presidenti Trump shkarkon shefin e shtabit, Gjeneralin CQ Brown appeared first on BoldNews.al.

Presidenti Donald Trump ka shkarkuar papritur Shefin e Shtabit të Përgjithshëm, Gjeneralin CQ Brown, duke larguar kështu një pilot dhe oficer të respektuar, në kuadrin e lëvizjeve për të larguar nga strukturat drejtuese të forcave të armatosura drejtuesit ushtarakë që mbështesin lëvizjen për barazi dhe shumëllojshmëri në radhët e tyre.

Largimi i Gjeneralit Brown, i cili ishte shefi i dytë i shtabit me prejardhje afrikano-amerikane, duket se do të ndihet në mbarë Pentagonin. 16 muajt e qëndrimit të tij në detyrë u përshkuan nga lufta në Ukrainë dhe zgjerimi i konfliktit në Lindjen e Mesme.

“Dua ta falenderoj Gjeneralin Charles ‘CQ’ Brown për mbi 40 vitet e shërbimit të tij për vendin tonë, përfshirë edhe si shefi i tanishëm i shtabit të përgjithshëm. Ai është një xhentëllmen i mirë dhe një udhëheqës i dalluar, dhe i uroj një të ardhme të shkëlqyer atij dhe familjes së tij”, shkruajti Presidenti Trump në median sociale.

Presidenti Trump tha se do të propozojë Gjeneralin Dan “Razin” Caine, po nga forcat ajrore, për t’u bërë shefi i ardhshëm i shtabit të përgjithshëm.

Presidenti Trump e ndërmori këtë hap megjithë mbështetjen e fortë për Gjeneralin Brown ndër ligjvënës kryesorë dhe një takim që u duk se ishte miqësor në mesin e muajit dhjetor, kur ata u ulën pranë njëri-tjetrit gjatë lojës së futbollit amerikan ndërmjet Ushtrisë dhe Marinës. Gjenerali Brown takohej rregullisht me Sekretarin e Mbrojtjes, Pete Hegseth, i cili mori drejtimin e Pentagonit vetëm katër javë më parë./voa

Aktorja e njohur e “Stranger Things”, Millie Bobby Brown, festoi ditëlindjen e saj të 21-të me një pamje të re bionde dhe një festë intime me miqtë.

Ajo ndau me ndjekësit në Instagram momente nga festa, ku shfaqej e veshur me një bluzë jeshile me shkëlqim, duke ndezur një qiri si cigare, ndërsa miqtë e saj qeshnin në sfond.

Mes komenteve nga miqtë e saj të famshëm si Hailey Bieber dhe Halsey, Brown falënderoi fansat për urimet duke shkruar: “Faleminderit për urimet… përshëndetje 21!”.

Ndërkohë, bashkëshorti i saj, Jake Bongiovi, i dedikoi një postim të ëmbël, duke i shprehur dashurinë në një selfie me aktore, shkruan DailyMail.

Çifti, në vend që të jetojnë në luksin e Hollywood-it, kanë zgjedhur një jetë të qetë në një fermë në Xhorxhia, duke u kujdesur për kafshët e tyre.

Brown ka shprehur pasionin e saj për kujdesin ndaj kafshëve, duke ndjekur edhe kurse veterinarie.

“Unë trajtoj plagët, marr pulsin dhe bëj të dhënat e tyre mjekësore vetë”, u shpreh ajo për ‘Vanity Fair’.

Aktorja gjithashtu foli për emocionet e saj mbi përfundimin e “Stranger Things”, duke pranuar se e ka prekur më shumë nga sa mendonte.

“Deri dje nuk më kishte goditur… pastaj fillova të qaja”.

Millie Bobby Brown vazhdon të shkëlqejë si në ekran ashtu edhe jashtë tij, duke ndjekur pasionet e saj dhe duke ndërtuar një jetë përtej famës së Hollywood-it. /Telegrafi/

The post Millie Bobby Brown feston ditëlindjen e 21-të me një pamje krejtësisht të re appeared first on Telegrafi.