Dhjetëra ushtarë izraelitë kanë kryer një operacion në qytetin Nablus të Bregut të pushtuar Perëndimor, thanë dëshmitarët dhe zyrtarët palestinezë më 27 gusht, ndërkaq Gjysmëhëna e Kuqe ka raportuar për të paktën shtatë të plagosur gjatë këtij operacioni.

Ushtria izraelite ka konfirmuar për AFP-në se forcat e saj po kryejnë një operacion në këtë qytet në veri të Bregut Perëndimor, por nuk kanë dhënë detaje se cili është qëllimi i tij.

Operacioni nisi në orën 03:00, sipas kohës lokale, thanë banorët, të cilët raportuan se ushtarët me autoblinda ia mësynë disa lagjeve të qytetit të vjetër të Nablusit, që ka një popullsi prej rreth 30.000 banorësh.

Operacioni vjen një ditë pasi forcat izraelite në Ramallah, ku gjendet selia e Autoritetit Palestinez, bën bastisje në një këmbimore në qendër të qytetit, duke lënë të plagosur dhjetëra palestinezë, sipas Shoqatës palestineze të Gjysmëhënës së Kuqe.

Guvernatori i Nablusit, Ghassan Daghlas, i tha AFP-së se “sulmi i së mërkurës… është thjesht një shfaqje force pa asnjë justifikim”.

Ndërkaq, një dëshmitar tha se ushtarët dëbuan një çift nga shtëpia e tyre.

Është raportuar po ashtu për përleshje në pjesën lindore të qytetit të vjetër, kur të rinjtë hodhën gur në drejtim të ushtrisë izraelite, e cila raportohet se është përgjigjur me zjarr dhe me gaz lotsjellës.

Ushtria izraelite ka ritheksuar edhe njëherë se nuk heq dorë nga plani i saj për pushtimin e plotë të Gazës.

Ndërsa kanë paralajmëruar palestinezët se evakuimi nga Gaza është i pashmangshëm.

Zëdhënësi i ushtrisë, Avichay Adraee tha se familjet që do të zhvendoseshin në jug do të merrnin ndihmë dhe përkujdesje më të detajuar.

Mijëra njerëz janë zhvendosur tashmë për shkak të përparimeve të fundit izraelite, kryesisht në pjesë të tjera të qytetit, ku ende jetojnë rreth një milion palestinezë.

Thirrja për evakuim ripërsëristet, ndërsa Presidenti i SHBA-së, Donald Trump, pritet të kryesojë një takim në Shtëpinë e Bardhë mbi një vizion pas luftës për Gazën.

/abcnews.al/

Shefi i ushtrisë izraelite, Eyal Zamir, ka ashpërsuar paralajmërimet e tij lidhur me planin për marrjen nën kontroll të qytetit të Gazës, duke i bërë thirrje kryeministrit Benjamin Netanyahu që të pranojë një propozim armëpushimi për lirimin e pengjeve të mbetura.

“Ka një marrëveshje mbi tryezë, është marrëveshja e përmirësuar Witkoff, duhet ta pranojmë”, citoi televizioni izraelit “Channel 13” fjalët e Zamir drejtuar komandantëve gjatë një vizite në një bazë detare në Haifa.

Shefi i ushtrisë iu referua një propozimi të negociuar më parë nga i dërguari i posaçëm amerikan, Steve Witkoff, që parashikon një armëpushim 60-ditor, gjatë të cilit do të liroheshin 10 pengje izraelite të gjallë në këmbim të të burgosurve palestinezë.

“Ushtria ka krijuar kushtet për një marrëveshje mbi pengjet, tani kjo është në duart e Netanyahut”, shtoi ai.

/abcnews.al/

Ushtria izraelite njoftoi të mërkurën se do t’i thërrasë dhjetëra mijëra rezervistë dhe do ta zgjasë shërbimin për ushtarët e tjerë për një operacion të zgjeruar ushtarak në Qytetin e Gazës.

Ministri i Mbrojtjes i Izraelit, Israel Katz i miratoi planet për të nisur një fazë të re të operacioneve në disa prej zonave më të dendura të Gazës, bëri të ditur ushtria izraelite të mërkurën.

Sipas planit, që pritet ta marrë pëlqimin përfundimtar nga shefi i shtabit në ditët në vijim, do të thirren 60.000 rezervistë dhe do të zgjatet shërbimi për 20.000 të tjerëve që tashmë janë në detyrë.

Ky vendim vjen në një kohë kur negociatorët po përpiqen të arrijnë marrëveshje për armëpushim mes Izraelit dhe Hamasit, për t’i dhënë fund luftës 22-mujore, ndërkohë që udhëheqës ndërkombëtarë dhe organizata për të drejtat e njeriut paralajmërojnë se një sulm i zgjeruar mund të thellojë krizën humanitare në Gazë, ku shumica e banorëve janë të zhvendosur, lagjet janë shkatërruara dhe komunitetet përballen me uri.

Ushtria izraelite thotë se po thërret rreth 60,000 rezervistë përpara një ofensive të planifikuar tokësore për të pushtuar të gjithë Gazën.

Një zyrtar ushtarak tha se rezervistët do të paraqiteshin për detyrë në shtator dhe se shumica e trupave të mobilizuara për ofensivën do të ishin personel aktiv, shkruajnë mediat e huaja, përcjell Telegrafi.

Ata shtuan se trupat tashmë po vepronin në zonat Zeitoun dhe Jabalia si pjesë e përgatitjeve për planin, të cilin ministri i Mbrojtjes, Israel Katz e miratoi të martën dhe do t’i paraqitet kabinetit të sigurisë më vonë këtë javë.

Siç theksohet më tej, qindra mijëra palestinezë në Gaza pritet të urdhërohen të evakuohen dhe të shkojnë në strehimore në Gazën jugore.

Shumë nga aleatët e Izraelit e kanë dënuar planin, ndërsa OKB-ja dhe organizatat joqeveritare kanë paralajmëruar se një ofensivë tjetër dhe zhvendosje e mëtejshme masive do të kenë një “ndikim të tmerrshëm humanitar” pas 22 muajsh lufte.

Qeveria e Izraelit njoftoi qëllimin e saj për të pushtuar të gjithë Rripin e Gazës pasi bisedimet indirekte me Hamasin mbi një armëpushim dhe marrëveshje për lirimin e pengjeve dështuan muajin e kaluar.

Në anën tjetër, ndërmjetësuesit rajonalë po përpiqen të sigurojnë një marrëveshje para fillimit të ofensivës dhe kanë paraqitur një propozim të ri për një armëpushim 60-ditor dhe lirimin e rreth gjysmës së 50 pengjeve që mbahen ende në Gaza, të cilin Hamasi tha se e kishte pranuar të hënën.

Izraeli ende nuk ka paraqitur një përgjigje zyrtare, por zyrtarët izraelitë këmbëngulën të martën se nuk do të pranonin më një marrëveshje të pjesshme dhe kërkuan një marrëveshje gjithëpërfshirëse që do të shihte lirimin e të gjithë pengjeve.

Besohet se vetëm 20 nga pengjet janë gjallë.

Forcat e Mbrojtjes së Izraelit (IDF) thanë në një deklaratë se urdhrat për thirrjen e 60,000 rezervistëve u lëshuan të mërkurën si pjesë e përgatitjeve për “fazën tjetër të operacionit që nisi në maj.

Një zyrtar ushtarak izraelit tha se komandantët e lartë kishin miratuar planin për një operacion “gradual” dhe “të saktë” në dhe përreth Qytetit të Gazës, dhe se shefi i shtabit, gjenerallejtënant Eyal Zamir, pritej t’i finalizonte ato në ditët në vijim. /Telegrafi/

The post Izraeli thërret 60,000 rezervistë përpara ofensivës së planifikuar për të pushtuar të gjithë Gazën appeared first on Telegrafi.

Ushtria izraelite njoftoi se përpara se të nisë një ofensive të re për të vënë nën kontroll veriun e qytetit të Gazës do të zhvendosë palestinezët që jetojnë atje në jug të Rripit të Gazës.

Ushtria izraelite nuk e specifikoi se kur do të fillojë zhvendosja e palestinezëve. Ministri i Mbrojtjes, Israel Katz tha se “tani jemi në fazën e diskutimeve për të finalizuar planin për të mposhtur Hamasin në Gazë”. Forcat izraelite kanë shtuar operacionet në periferi të qytetit të Gazës, përfshirë edhe zonat Zeitoun dhe Shejaiya.

Kryeministri izraelit Benjamin Netanyahu tha se palestinezët do të zhvendosen në vende që ai i quajti si “zona të sigurta”. Ai gjithashtu tha se qyteti i Gazës është bastioni i fundit të grupit militant Hamas.

Qyteti i Gazës ishte qendra urbane më e populluar e enklavës palestineze deri në momentin që shumica e popullsisë së tij u zhvendos gjatë ofensivës së Izraelit.

Qindra persona u mblodhën këtë të hënë  në qytetin e Gazës për t’i dhënë lamtumirën e fundit gazetarit 28 vjeçar të Al Jazera Anas al Sharif, dhe 5 kolegëve të tij punonjës të medias të cilët u vranë nga sulmet ajrore izraelit të dielën

Trupat e tyre, të mbështjellë me çarçafë të bardhë, u vendosën në oborrin e spitalit Al Shifa, ku dhjetëra gazetarë dhe qytetarë u bashkuan në homazhe. Mes lotëve dhe dhimbjes, familjarët dhe miqtë përcollën të dashurit e tyre drejt banesës së tyre të fundit.

Sulmi qe vrau punonjësit e Medias goditi edhe hyrjen e një spitali Al Shifa sipas asaj qe tha drejtori i kësaj qendre Shëndetësore per Associated press.

Ushtria Izraelite deklaroi se punonjësit e medias qe mbeten te vrare nga sulmi i tyre përfshirë edhe Gazetarin 28-vjeçar Anas al Sharif, ishin militant të grupit palestinez Hamas, pretendim ky i mohuar nga Al Jazera qe tha se këto janë vetëm justifikime pas vrasjes se qëllimshme te gazetareve.

Gazetari 28 vjeçar i Al Jazera kishte paralajmëruar më herët se mund të vritej nga Izraeli pas kërcënimeve që kishte marre nga ushtria e këtij shteti.

Komiteti për Mbrojtjen e Gazetarëve tha se ishte i tmerruar dhe se Izraeli nuk kishte arritur të ofronte prova për të mbështetur akuzat e tij kundër al-Sharif.

Që nga fillimi i luftës në Gaza në tetor të vitit 2023, janë konfirmuar 186 gazetarë të vrarë.

Qeveria izraelite nuk lejon organizatat ndërkombëtare të lajmeve të hyjnë në Gaza për të raportuar, kështu që shumë media mbështeten te gazetarët me bazë në Gaza për të mbuluar ngjarjen.

/abcnews.al/

Ushtria izraelite – IDF ka publikuar pamje që pretendojnë se tregojnë militantë të armatosur të Hamasit duke plaçkitur një kamion me ndihmë humanitare në Gaza.

Duke publikuar videon në X të martën, ushtria izraelite akuzoi organizatën për “përhapjen e fushatave të rreme rreth një fushate të qëllimshme të urisë në Gaza”, shkruajnë mediat e huaja, përcjell Telegrafi.

Kjo vjen ndërsa Izraeli përballet me dënim të gjerë nga OKB-ja, grupet ndërkombëtare të ndihmës dhe qeveritë e huaja për situatën humanitare në Gaza, mes një fluksi imazhesh të fëmijëve palestinezë të dobësuar dhe raporteve për vdekje të lidhura me urinë në enklavën e shkatërruar nga lufta.

Por kryeministri izraelit Benjamin Netanyahu ka hedhur poshtë pretendimin se shteti hebre po zbaton një politikë të urisë së qëllimshme si një taktikë lufte dhe këmbëngul se Gaza nuk po përballet me një krizë urie.

Në pamjet e publikuara nga IDF, të cilat ata thonë se janë filmuar të premten, persona të armatosur mund të shihen duke qëndruar sipër një kamioni të mbushur me kuti ndërsa turma civilësh palestinezë rrethojnë automjetin.

Dhe një nga burrat drejton armën e tij poshtë nga turma ndërsa ai qëndron sipër kamionit.

Ushtria izraelite pretendon se pamjet filmike tregojnë operativë të armatosur të Hamasit që ‘plaçkitin me dhunë ndihmën humanitare që u soll në Rripin e Gazës, duke e penguar atë të arrijë tek popullsia civile’.

Situata humanitare e përkeqësuar në Gaza ka shkaktuar një luftë fjalësh në javët e fundit, me Izraelin dhe Fondacionin Humanitar të Gazës (GHF) të mbështetur nga SHBA-të nga njëra anë që përballen me dënime në rritje nga bashkësia ndërkombëtare për pretendimet për urinë në Rrip.

Kjo vjen pasi Izraeli njoftoi se do të fillonte ‘pauza taktike’ 10-orëshe në operacionet e tij ushtarake në tre zona të dendura të Gazës të hënën deri në njoftim të mëtejshëm për të lejuar korridore ndihme për konvojet e OKB-së. /Telegrafi/

The post Ushtria izraelite publikon disa pamje – thotë se tregojnë ‘militantët e Hamasit që plaçkitin kamionë me ndihma në Gaza’ appeared first on Telegrafi.

Ligjvënësit iranian kanë thënë të mërkurën se Republika Islamike nuk do të vazhdojë bisedimet bërthamore me Shtetet e Bashkuara të Amerikës, derisa të plotësohen disa parakushte të caktuara, ka shkruar Reuters.

“Kur SHBA-ja i përdor negociatat si një mjet për të mashtruar Iranin dhe për të mbuluar një sulm të papritur ushtarak nga regjimi zionist (Izraeli), bisedimet nuk mund të zhvillohen si më parë. Duhet të vendosen parakushte dhe nuk mund të ketë negociata të reja derisa ato të përmbushen plotësisht”, thuhet në deklaratën e trupit legjislativ.

Në deklaratë nuk specifikohen ose definohen parakushtet, porse kryediplomati iranian, Abbas Aragchi, kishte thënë kohë më parë se duhet të ofrohen garanci të forta që Teherani zyrtar s’do të sulmohet më.

Izraeli dhe SHBA-të patën lansuar sulme ndaj impianteve bërthamore të Iranit muajin e kaluar, duke pretenduar se ato kishin për qëllim të shkatërronin programin e orientuar drejt zhvillimit të armëve bërthamore. Në anën tjetër, lidershipi iranian ka argumentuar e konsideruar qëmoti se programi i tij bërthamor është tërësisht për qëllime civile.

Teherani dhe Washingtoni kishin zhvilluar pesë runde negociatash indirekte të ndërmjetësuara nga Omani përpara luftës 12-ditore, teksa kërkesë kyç e delegacionit amerikan ishte që Republika Islamike të hiqte dorë nga pasurimi i uraniumit.

Javën e kaluar, Aragchi e kishte riafirmuar qëndrimin se Teherani zyrtar nuk do të pranojë një marrëveshje që ia ndalon pasurimin e uraniumit, si dhe ka refuzuar të diskutojë për çështje të tjera jashtë këtij programi.

Presidenti amerikan, Donald Trump, ka thënë të martën se s’është aspak në nxitim për të negociuar me Iranin pasi që bazat e tij bërthamore tashmë janë “shkatërruar”, ndonëse SHBA-ja dhe tri vende evropiane janë pajtuar për të caktuar fundin e muajit gusht si afatin final për arritjen e marrëveshjes bërthamore.

Ministri i Punëve të Jashtme i Francës, Jean-Noel Barrot, ka theksuar po ashtu se Parisi, Londra e Berlini do ta aktivizojnë të ashtuquajturin mekanizmin “snapback” të Kombeve të Bashkuara, i cili do të rivendoste sanksionet ndaj Iranit, deri në fund të gushtit në rast se s’ka përparim konkret lidhur me marrëveshjen.

Ushtria izraelite deklaroi sot në mbrëmje se ka pritur një raketë nga Jemeni.

Në një deklaratë, ushtria tha se sulmi me raketa shkaktoi aktivizimin e sirenave në zona të shumta në gjithë vendin, duke përfshirë pjesën më të madhe të Kudsit, Aeroportin Ben Gurion, Modiin, Rishon Lezion dhe disa vendbanime kolone në Bregun Perëndimor.

Ushtria tha se raketa u rrëzua nga forcat ajrore. Nuk u raportuan të lënduar.

Nuk pati asnjë koment të menjëhershëm nga grupi Houthi në Jemen mbi pretendimin izraelit.

Që nga nëntori i vitit 2023, Houthit kanë kryer sulme me raketa dhe dronë ndaj objektivave izraelite dhe kanë synuar anijet tregtare në Detin e Kuq, Gjirin e Adenit dhe Detin Arabik në mbështetje të palestinezëve në Gaza, ku më shumë se 56.600 njerëz janë vrarë në ofensivën izraelite.

Ushtria izraelite njoftoi këtë të hënë se një grup kolonësh hebrenj sulmuan forcat izraelite të sigurisë dhe vandalizuan mjete ushtarake si dhe instalime sigurie brenda dhe jashtë një baze ushtarake në Bregun e pushtuar Perëndimor.

Sipas raportimeve nga mediat izraelite, objektivi kryesor i sulmit ishte komandanti i bazës së Brigadës Rajonale Binjamin. Kolonët e quajtën atë “tradhtar”, pasi ai kishte qenë ndër ushtarët që tentuan të ndalonin hyrjen e tyre në një zonë të mbyllur ushtarake pranë fshatit palestinez Kafr Malik, ku më herët ishin vrarë të paktën tre palestinezë pas një sulmi nga kolonët.

Kryeministri izraelit Benjamin Netanyahu reagoi me tone të ashpra ndaj incidentit, duke e cilësuar si një akt “të dhunshëm dhe anarkik”. Ai theksoi se “asnjë shtet nuk mund të pranojë zjarrvënie ndaj bazave ushtarake, shkatërrim të pronës së ushtrisë apo sulme kundër personelit të sigurisë nga qytetarët e vet”.

Netanyahu kërkoi hetim të plotë dhe ndjekje penale për personat përgjegjës, të cilët i përshkroi si një “pakicë e dhunshme”. Ai mbrojti pjesën më të madhe të komunitetit të kolonëve, duke e cilësuar si “shembull për vendin”.

Ndërkohë, ministri i Mbrojtjes, Israel Katz, ka thirrur një mbledhje urgjente me agjencitë e sigurisë për të diskutuar incidentin. Ai shprehu mirënjohje për punën e ushtrisë që nga shpërthimi i luftës në Gaza dhe theksoi se Qeveria nuk do të lejojë që grupe të dhunshme të dëmtojnë forcat e saj të sigurisë.

Organizatat për të drejtat e njeriut kanë paralajmëruar për rritjen e dhunës nga ana e kolonëve në Bregun Perëndimor dhe për mungesën e masave ndëshkuese ndaj tyre.

Që nga nisja e lutës në Gaza, më 7 tetor 2023 pas sulmit të Hamasit ndaj Izraelit situata në Bregun Perëndimor është përshkallëzuar ndjeshëm, duke shënuar një rritje të incidenteve të dhunshme në këtë zonë të tensionuar./abcnews.al

Ushtria izraelite thotë se ka kryer sulme ajrore në të paktën gjashtë aeroporte në Iranin perëndimor, lindor dhe qendror.

Në një deklaratë të postuar në llogarinë e saj hebraike në X, Izraeli tha se avionë të telekomanduar shkatërruan 15 avionë dhe helikopterë iranianë. Një imazh i bashkangjitur në postim listoi aeroportet Mehrabad, Mashhad dhe Dezful si ndër ato të shënjestruara.

“Sulmet dëmtuan pistat, bunkerët nëntokësorë, një aeroplan furnizimi me karburant dhe avionë F-14, F-5 dhe AH-1 që i përkisnin regjimit iranian”, tha ajo.

“Forcat ajrore ndërprenë mundësinë e ngritjes nga këto aeroporte dhe funksionimin e fuqisë ajrore të ushtrisë iraniane prej tyre.”

LEXONI GJITHASHTU:

• Çmimet e naftës rriten pas sulmeve të SHBA-së ndaj Iranit
• Ministri i Jashtëm i Iranit: Do të diskutojmë “kërcënimet e përbashkëta” me Putinin

The post Ushtria izraelite: Kemi sulmuar 6 aeroporte në Iran appeared first on Euronews Albania.

Ushtria izraelite ka dhënë detaje të tjera lidhur me sulmet në Iranin jugperëndimor.

Sipas raportimeve nga mediat ndërkombëtare, Forcat e Mbrojtjes izraelite kanë njoftuar se kanë goditur dhjetëra objektiva.

Thuhet se rreth 30 avionë luftarakë goditën dhjetëra objektiva ushtarakë.

“Si pjesë e sulmeve, avionët luftarakë të IAF goditën një vend ku ishin ruajtur lëshuesit e raketave, disa prej të cilëve kishin lëshuar raketa në të kaluarën drejt Shtetit të Izraelit”.

Ushtria thotë se avionët luftarakë goditën gjithashtu vendet e sistemit të zbulimit të radarëve dhe infrastrukturën tjetër ushtarake.

/abcnews.al/

Forcat mbrojtëse të Izraelit kanë zbuluar atë që thuhet se është momenti kur trupi i kreut de facto të Hamasit, Mohammad Sinwar, u nxor nga tunelet poshtë një spitali në Khan Yunis rreth katër javë pasi objekti u godit nga sulmet ajrore.

IDF tha se kishte konfirmuar vdekjen e Sinwar – vëllai i ish-liderit të Hamasit në Gaza dhe organizatorit të sulmeve të 7 tetorit, Yahya Sinwar – të dielën me një test ADN-je.

Ushtria gjithashtu ndau dokumentacionin e tij të dyshuar dhe patentën e shoferit, përcjell Telegrafi.

Kufoma e tij e kalbur u zbulua e shtrirë në një dyshek të ndyrë në një nga disa anekse të vogla të lidhura nga një rrjet tunelesh nën Spitalin Evropian të financuar nga BE.

Supozohet se ai ka vdekur nga asfiksia pasi bombat shembën një pjesë të rrjetit të tuneleve dhe thithën ajrin nga strehimet nëntokësore.

Ushtarët izraelitë, të veshur me kamera trupi, eksploruan sistemin e lagësht të shpellave të ndërtuara nga njeriu, të mbushur me armë, mbeturina dhe luftëtarë të vdekur të Hamasit përpara se të gjenin shefin e vrarë të tyre.

Trupi i tij më pas u fut në një qese të bardhë, u vendos në një barelë të vogël dhe u ngrit nga një krater i madh pranë spitalit.

Mohammad u bë udhëheqësi i Hamasit në Rripin e Gazës dhe shefi i krahut të tij të armatosur, Brigadave Izz al-Din al-Qassam, pas vrasjes së vëllait të tij.

Zyrtarët izraelitë i shpallën sulmet që vranë Sinwarin dhe anëtarë të tjerë të lartë të Hamasit më 13 maj një operacion ‘të klasit botëror’ dhe u mburrën se kishin arritur të ‘vrisnin një terrorist të fshehur nën një spital, pa e goditur spitalin’.

Por pamjet e kamerave të sigurisë nga 13 maji tregojnë momentin kur bombat izraelite shkatërruan oborrin pak jashtë hyrjes së spitalit, ku po ecnin dhjetëra civilë.

Ndërkohë, IDF publikoi pamje të gjera të rrjetit të tuneleve të Hamasit nën Spitalin Evropian pasi konfirmoi vdekjen e Sinwarit. /Telegrafi/

The post Detaje dhe pamje nga nxjerrja e trupit të kreut të Hamasit nga ‘strofulla e tij’ nëntokësore pranë spitalit të Gazës appeared first on Telegrafi.

Forcat Mbrojtëse të Izraelit (IDF) kanë zgjeruar operacionet e tyre tokësore në Rripin e Gazës gjatë 24 orëve të fundit, duke eliminuar militantë dhe çmontuar objekte të ndryshme të infrastrukturës terroriste, përfshirë ato që ndodhen nën tokë, njoftoi shërbimi për shtyp i ushtrisë izraelite.

Në një deklaratë të lëshuar nga IDF, thuhet se gjatë këtyre operacioneve janë eliminuar disa “terroristë” dhe janë shkatërruar depo armësh, si dhe objekte të tjera të lidhura me Hamasin.

Shefi i Shtabit të Përgjithshëm të IDF, Eyal Zamir, vizitoi pjesën jugore të Rripit të Gazës më 1 qershor dhe zhvilloi një takim operativ. Pas këtij takimi, Zamir urdhëroi një ritje të shkallës së operacioneve ushtarake, me fokus në zgjerimin e luftës në pjesën jugore dhe veriore të Gazës. Ai theksoi se ushtria izraelite do të vazhdojë deri në krijimin e kushteve që do të mundësojnë kthimin e pengjeve izraelite dhe një disfatë vendimtare të Hamasit.

Ministri i Mbrojtjes i Izraelit, Israel Katz, gjithashtu konfirmoi se kishte urdhëruar vazhdimin e ofensivës ushtarake kundër pozicioneve të Hamasit, pavarësisht negociatave për paqe, duke shprehur qëllimin për të shkatërruar të gjithë infrastrukturën e këtij grupi militant në Rripin e Gazës.

LEXONI GJITHASHTU:

• “Nëse unë jam problemi jap dorëheqjen”, trajneri i Serbisë ashpërson tonet
• Armëpushim, ndihma dhe takim mes udhëheqësve, çfarë pritet nga bisedimet në Stamboll

The post Ushtria izraelite zgjeron operacionin e saj tokësor në Rripin e Gazës appeared first on Euronews Albania.

Ushtria izraelite ka zbuluar se planifikon të kontrollojë 75% të Gazës brenda dy muajsh, raportuan mediat lokale.

Kjo vjen ndërsa Izraeli vazhdon të rrisë ofensivën e tij në Gaza, në atë që e quan një përpjekje për të ushtruar presion mbi Hamasin që të lirojë pengjet e mbetura izraelite.

Si pjesë e operacionit të tij ushtarak në zgjerim, Izraeli tha se do të nisë një mekanizëm të ri për shpërndarjen e ndihmave të hënën, do ta shtyjë popullsinë palestineze në tre zona të vogla në Gaza dhe më pas do të pushtojë tre të katërtat e mbetura të Gazës.

Forcat Mbrojtëse të Izraelit zbuluan se ofensiva e tyre e ripërtërirë në Rrip nuk ka më të bëjë me luftën kundër Hamasit, por përkundrazi me pushtimin e territorit, kontrollin e shpërndarjes së ushqimit dhe shkatërrimin e infrastrukturës së Hamasit, raportuan mediat lokale të dielën.

Hamasi më parë tha se do t’i lironte pengjet në këmbim të një armëpushimi të qëndrueshëm dhe një tërheqjeje ushtarake izraelite nga territori.

Megjithatë, kryeministri Benjamin Netanyahu i hodhi poshtë kushtet dhe tha se Izraeli planifikon të “marrë kontrollin e të gjithë Gazës” dhe dëshiron të krijojë një sistem të ri për shpërndarjen e ndihmës që anashkalon grupin militant.

Izraeli bllokoi të gjitha ushqimet, ilaçet dhe karburantet që të hynin në Gaza për gati tre muaj, gjë që shkaktoi kritika globale dhe shqetësime të përhapura në lidhje me rrezikun kritik të urisë.

Javën e kaluar, Izraeli më në fund lejoi që një sasi e vogël ndihmash të hynte në Rrip, megjithëse organizatat e ndihmës dhe Kombet e Bashkuara (OKB) paralajmëruan se sasia e ndihmës së shpërndarë nuk është e mjaftueshme. Ditën e djeshme (25.05.2025) një fëmijë 4-vjeçar humbi jetën si pasojë e urisë.

The post Ushtria izraelite planifikon të pushtojë 75% të Gazës brenda dy muajsh appeared first on Euronews Albania.

Ushtria izraelite vendos të gjithë brigadën e këmbësorisë në Gaza

Forcat izraelite kanë vendosur të gjitha brigadat e këmbësorisë dhe të blinduara të ushtrisë në Gaza, raportuan mediat lokale të shtunën.

Kjo vjen ndërsa Izraeli intensifikon ofensivën e madhe në Rrip. Më parë, ushtria tha se goditi më shumë se 100 objektiva në një periudhë kohore prej 24 orësh, duke pretenduar se ata po synonin infrastrukturën e përdorur nga Hamasi.

Ministria e Shëndetësisë e Gazës tha se trupat e 79 personave të vrarë në sulmet izraelite u sollën në spitale. Ky numër nuk përfshin spitalet në veriun e goditur, të cilat mbeten të paarritshme pasi janë të rrethuara nga trupat izraelite që pengojnë askënd të dalë ose të hyjë në objekte.

Nëntë nga 10 fëmijët e një mjeke ishin midis të vrarëve të premten, konfirmoi Ministria e Shëndetësisë, transmeton Telegrafi.

Alaa Najjar, e cila është pediatre në spitalin Nasser, ishte në detyrë kur një sulm ajror izraelit goditi shtëpinë e saj. Ajo kishte vrapuar në shtëpi për të gjetur shtëpinë e familjes së saj në flakë.

Burri i Najjar u plagos rëndë dhe fëmija i tyre i vetëm mbijetuar, një djalë 11-vjeçar, ishte në gjendje kritike. Nëntë fëmijët e vrarë në sulm ishin të moshës nga 7 muaj deri në 12 vjeç. Dy prej fëmijëve mbetën nën rrënoja.

Autoritetet lokale shëndetësore thanë se 3,747 persona janë vrarë në Gaza, që kur Izraeli intensifikoi ofensivën e tij më 18 mars në një përpjekje për të ushtruar presion mbi Hamasin që të çarmatoset dhe të lirojë të gjithë 58 pengjet e mbetura izraelite.

Hamasi tha se do t’i kthejë pengjet e mbetura vetëm në këmbim të më shumë të burgosurve palestinezë, një armëpushim të qëndrueshëm dhe një tërheqjeje izraelite nga territori.

Kryeministri izraelit Benjamin Netanyahu i ka hedhur poshtë këto kushte dhe është zotuar të ruajë kontrollin mbi Gazën, dhe të lehtësojë atë që ai e quan emigrim vullnetar të pjesës më të madhe të popullsisë palestineze.

Që nga lehtësimi i bllokadës së ndihmës të hënën, Izraeli ka thënë se 388 kamionë me ndihma kanë hyrë në Gaza. Megjithatë, grupet palestineze të ndihmës e kundërshtojnë këtë, duke deklaruar se vetëm 119 kamionë kanë kaluar kalimin Karem Shalom.

Ministria e Shëndetësisë e Gazës raportoi se numri i përgjithshëm i të vdekurve, i cili nuk bën dallim midis luftëtarëve dhe civilëve, tani është 53,901 që nga 7 tetori 2023, kur militantët e Hamasit sulmuan Izraelin jugor duke vrarë 1,200 njerëz. /Telegrafi/

The post Ushtria izraelite vendos të gjithë brigadën e këmbësorisë në Gaza appeared first on Telegrafi.

Ushtria e Izraelitë i ka paralajmëruar njerëzit të martën të largohen nga pjesët përreth aeroportit kryesor të kryeqytetit të Jemenit, Sana.

Ky paralajmërim vjen një ditë pasi ushtria izraelite e goditi portin e Hudejdës si përgjigje ndaj sulmit raketor që rebelët Huthi e kryen në afërsi të aeroportit kryesor të Izraelit.

Tensionet janë përshkallëzuar mes Izraelit dhe rebelëve Huthi të Jemenit, sepse grupi i lidhur me Iranin po vazhdon të kryejë sulme si përgjigje ndaj zgjerimit të operacioneve të Izraelit në Rripin e Gazës.

“Mosevakuimi ju vë në rrezik”, tha ushtria izraelite drejtuar njerëzve në Sana. Ajo e publikoi një hartë të zonës përreth Aeroportit Ndërkombëtar të Sanas.

Izraeli e sulmoi portin e Hudejdës në Jemen të hënën, duke i vrarë katër njerëz dhe duke i plagosur 39 të tjerë, sipas Ministrisë së Shëndetësisë të kontrolluar nga Huthi.

Kryeministri i Izraelit, Benjamin Netanyahu, u zotua për hakmarrje pasi një raketë e lëshuar nga rebelët Huthi ra pranë Aeroportit Ben Gurion të Izraelit.

Sulmoi i detyroi kompanitë ajrore evropiane dhe amerikane t’i pezullojnë fluturimet drejt Tel Avivit për disa ditë.

Rebelët Huthi kanë kryer sulme ndaj Izraelit dhe anijeve në Detin e Kuq që nga fillimi i luftës mes Izraelit dhe Hamasit në Gazë, siç thonë ata, në shenjë solidariteti me palestinezët.

Hamasi është i shpallur organizatë terroriste nga Shtetet e Bashkuara dhe Bashkimi Evropian.

LEXONI GJITHASHTU:

• Pas dështimit të votimit në raundin e parë, zgjidhet kancelari i ri i Gjermanisë
• OKB: 92 për qind e foshnjave në Gaza të privuar nga ushqimi bazë

The post Ushtria izraelite i paralajmëron njerëzit të largohen nga zonat afër aeroportit Sana appeared first on Euronews Albania.

Ushtria izraelite njoftoi sot në mbrëmje se kishte kryer sulme ajrore ndaj infrastrukturës së rebelëve Houthi në Hodeida, në Jemenin jugor, një ditë pas një sulmi me raketa në aeroportin ndërkombëtar të Tel Avivit, të cilin e morën përsipër rebelët aleatë të Iranit.

”Sulmet u kryen në përgjigje të sulmeve të përsëritura nga regjimi terrorist Houthi kundër shtetit të Izraelit duke përdorur raketa dhe dronë”, thuhet në një deklaratë të ushtrisë izraelite.

Sipas ushtrisë, ”infrastruktura terroriste e goditur në portin e Hodeidës përdoret për transferimin e armëve dhe pajisjeve ushtarake iraniane”.

Zëdhënësi i ushtrisë izraelite Avichai Andrai në një reagim në platformën X tha se banorët do të duhet të largohen nga disa ndërtesa në lagjen Hadat dhe të lëvizin në një distancë prej ” të paktën 300 metra “.

Ushtria izraelite dha një urdhër evakuimi për banorët e një lagjeje jugore të Bejrutit. Pasi sipas tyre këto objekte i përkasin grupit terrorist Hezbollah.

The post Ushtria izraelite urdhëron evakuimin në një lagje të Bejrutit appeared first on Albeu.com.