Presidenti amerikan, Donald Trump, ka deklaruar se presidenti rus, Vladimir Putin dhe presidenti ukrainas, Volodymyr Zelensyy, do të zhvillojnë një takim ballë për ballë dhe shprehu keqardhje që kjo akoma nuk ka ndodhur ende.

Trump u pyet nga një gazetar se çfarë do të nevojitej që ky takim të realizohej, ndoshta me praninë e tij.

“Do të ndodhë, por duhet të kishte ndodhur tre muaj më parë. Do të ndodhë”, tha Trump teksa po përgatitej të largohej nga Shtëpia e Bardhë për në Skoci.

Sot më herët, presidenti turk, Recep Tayyip Erdogan, tha se Turqia do të punojë për të sjellë së bashku Trumpin dhe Putinin në Stamboll, si pjesë e negociatave të vazhdueshme për zgjidhjen e konfliktit Rusi-Ukrainë.

“Këtë javë, duke zhvilluar bisedime me Putinin dhe Trumpin, do të përpiqemi të shohim nëse mund t’i sjellim këta liderë së bashku në Stamboll,” u tha Erdogan gazetarëve pas faljes së së premtes në Stamboll.

Të mërkurën, Moska dhe Kievi zhvilluan raundin e tretë të bisedimeve në Stamboll. Palët shkëmbyen propozime për zhvillimin e mëtejshëm të procesit të paqes, ndërsa Kievi propozoi një samit të liderëve në fund të gushtit.

Kremlini ka deklaruar se një takim midis Putinit dhe Zelenskyt është i mundur vetëm për finalizimin e një marrëveshjeje paqeje. /AA/

The post Trump: Takimi mes Putinit dhe Zelenskyt do të ndodhë appeared first on Telegrafi.

Ukraina mbylli raundin e tretë të bisedimeve të drejtpërdrejta me Rusinë me një propozim për të mbajtur një “samit të liderëve” deri në fund të gushtit me presidentin ukrainas Volodymyr Zelensky, presidentin rus Vladimir Putin, presidentin turk Recep Tayyip Erdogan dhe presidentin Donald Trump.

Samiti i propozuar do të mbahet midis Zelenskyt dhe Putinit, dhe do të përfshijë “pjesëmarrjen” e presidentëve të SHBA-së dhe Turqisë, sipas një deklarate nga Andriy Yermak, kreu i zyrës së Zelenskyt, shkruajnë mediat e huaja.

Ukraina e bëri propozimin në Turqi gjatë raundit të fundit të bisedimeve, të cilat dhanë pak rezultate dhe i lanë delegacionet nga të dy vendet të ndihen shumë larg një marrëveshjeje për një armëpushim ose përfundim të luftës.

“Është e qartë se Rusia ende nuk është gati për t’i dhënë fund luftës – por ka ende kohë për të rishqyrtuar dhe për t’i dhënë fund kësaj çmendurie”, tha Yermak në deklaratë.

Ai tha se është bërë përparim në çështjet humanitare, duke përfshirë shkëmbimet e të burgosurve dhe rikthimin e fëmijëve ukrainas të rrëmbyer gjatë luftës.

Rustem Umerov, kreu i delegacionit ukrainas, tha pas bisedimeve se “ende nuk kemi bërë përparim” në një armëpushim”. /Telegrafi/

The post Ukraina propozon takim me Putinin, Trumpin, Zelenskyn dhe Erdoganin appeared first on Telegrafi.

Kritikat ndaj lëvizjes së Ukrainës për të kufizuar kompetencat e agjencive antikorrupsion janë të përhapura.

Protestat janë përhapur në të gjitha qytetet – në demonstratën e parë të madhe kundër qeverisë së Volodymyr Zelensky që nga fillimi i luftës në Rusi.

Tani Franca ka shprehur shqetësimin e saj, transmeton Telegrafi.

Benjamin Haddad, ministri i çështjeve evropiane, ka thënë se situata ende mund të shpëtohet.

“Nuk është tepër vonë për t’u tërhequr nga kjo. Ne do të jemi jashtëzakonisht vigjilentë për këtë temë”, tha Haddad për radion France Inter.

Në fjalimin e tij të mbrëmjes, të ndarë pas mesnatës, Zelensky tha se kishte folur me shefin e Byrosë Kombëtare Antikorrupsion, Semen Kryvonos dhe prokurorë të tjerë të lartë.

Organet antikorrupsion, tha ai, do të vazhdojnë të funksionojnë “por pa asnjë ndikim rus”.

“Gjithçka duhet të pastrohet. Duhet të ketë më shumë drejtësi. Sigurisht, NABU dhe SAPO [Zyra e Prokurorit të Specializuar Kundër Korrupsionit] do të vazhdojnë punën e tyre”, tha ai. /Telegrafi/

 

The post Franca i kërkon Zelenskyt të anulojë projektligjin kontrovers për korrupsionin appeared first on Telegrafi.

Presidenti ukrainas Volodymyr Zelensky deklaroi se integrimi i Ukrainës me vendet e NATO-s vazhdon në nivel pune.

Në këtë drejtim, ai u kërkoi diplomatëve ukrainas të ndërmarrin “çdo hap të mundshëm në nivel politik” për të mbështetur procesin.

Zelensky e tha këtë gjatë fjalimit të tij para pjesëmarrësve të takimit vjetor të krerëve të misioneve diplomatike të huaja të Ukrainës, shkruajnë mediat e huaja, përcjell Telegrafi.

“NATO mbetet arkitektura e sigurisë më e fortë dhe potencialisht më efektive në Evropë dhe ndoshta në botë. Pa dyshim për të gjithë, dhe ne jemi plotësisht të vetëdijshëm për këtë. Në nivel pune, integrimi ynë me NATO-n vazhdon, dhe ne gjithashtu duhet të ndërmarrim çdo hap të mundshëm në nivel politik”, ka thënë Zelensky.

“Ju kërkoj të vazhdoni të përcillni këtë qëndrim në angazhimin tuaj me partnerët – është NATO që është garancia e paqes në Evropë, më efektive nga ana e kostos – është një fakt – garancia më efektive nga ana e kostos dhe më efikase”, ka shtuar Zelensky.

Ai shtoi se Rusia flet shumë për përparimin e NATO-s, por është pikërisht aty ku NATO ka përparuar që dekada të tëra paqeje kanë zënë vend, ndërsa në vendet ku NATO është e ngadaltë në veprim, paqja shpesh është e pakët.

Mediat ukrainase kujtojnë se në prill, presidenti i SHBA-së, Donald Trump i tha revistës Time se nuk besonte se Ukraina do t’i bashkohej ndonjëherë Aleancës së Atlantikut të Veriut. /Telegrafi/

The post Zelensky tregon se “në cilën fazë” është integrimi i Ukrainës në NATO appeared first on Telegrafi.

Kievi i ka propozuar Moskës një raund të ri bisedimesh paqeje javën e ardhshme, njoftoi presidenti i Ukrainës, Volodymyr Zelensky, pasi negociatat ngecën në fillim të qershorit.

Dy raunde bisedimesh në Stamboll midis Moskës dhe Kievit nuk arritën të sjellin ndonjë përparim drejt një armëpushimi, duke dhënë në vend të kësaj shkëmbime të të burgosurve në shkallë të gjerë dhe marrëveshje për kthimin e trupave të ushtarëve të vrarë, shkruan the Guardian.

“Sekretari i Këshillit të Sigurisë Rustem Umerov raportoi gjithashtu se kishte propozuar takimin e ardhshëm me palën ruse për javën e ardhshme”, tha Zelensky në fjalimin e tij të mbrëmjes drejtuar vendit.

“Vrulli i negociatave duhet të rritet”, shtoi ai.

Zelensky përsëriti gatishmërinë e tij për të pasur një takim ballë për ballë me presidentin rus, Vladimir Putin.

“Një takim në nivel udhëheqësish është i nevojshëm për të siguruar vërtet paqen – paqe të qëndrueshme”, tha ai.

Ndryshe, në bisedimet e muajit të kaluar, Rusia përshkroi një listë kërkesash të ashpra, duke përfshirë thirrjet që Ukraina të lëshojë më shumë territor dhe të refuzojë të gjitha format e mbështetjes ushtarake perëndimore.

Kiev i hodhi poshtë ato si të papranueshme dhe në atë kohë vuri në pikëpyetje qëllimin e negociatave të mëtejshme nëse Moska nuk ishte e gatshme të bënte lëshime.

Kremlini tha më parë këtë muaj se ishte gati të vazhdonte bisedimet me Ukrainën pasi Donald Trump i dha Rusisë 50 ditë për të arritur një marrëveshje paqeje ose të përballej me sanksione.

Presidenti amerikan u zotua gjithashtu të furnizonte Kievin me ndihmë të re ushtarake, të sponsorizuar nga aleatët e NATO-s, ndërsa qytetet e saj vuajnë nga sulmet ajrore gjithnjë e në rritje ruse. /Telegrafi/

The post Ukraina kërkon raund të ri bisedimesh me Rusinë, Zelensky: Një takim ballë për ballë me Putinin appeared first on Telegrafi.

Zërat për ndryshime në qeveri kanë kohë q% kanë qarkulluar në Ukrainë  tani ato janë bërë realitet. Të mërkurën, parlamenti ukrainas miratoi dorëheqjen e kryeministrit Denys Shmyhal. Kabineti u shpërbë automatikisht. Shmyhal kishte shërbyer më parë për më shumë se pesë vjet – më gjatë se çdo kryetar tjetër qeverie ukrainas para tij. Dy ditë më parë, Presidenti Volodymyr Zelensky kishte propozuar ish-Ministren e Ekonomisë, Yulia Svyrydenko në krye të qeverisë së. 39-vjeçarja kishte qenë më parë zëvendëse e Shmyhal dhe u bë e njohur gjatë negociatave disajavore për një marrëveshje për lëndët e para me Shtetet e Bashkuara,  e cila u nënshkruan në Uashington në fund të prillit. Svyrydenko dëshmoi të ishte një negociatore e fortë.

Zelensky tha se ishte e nevojshme të ristrukturohej ekzekutivi në vend, mënyrë që të zbatoheshin marrëveshjet e arritura me partnerët ndërkombëtarë. Presidenti ukrainas deklaroi se priste së shpejti një program të ri qeveritar.

A mund të bëhet ndryshim qeverie nën gjendjen e jashtëzakonshme?

Parlamenti ukrainas pritet të votojë qeverinë e re që të enjten (17 korrik). Megjithatë, neni 10 i gjendjes së jashtëzakonshme thotë se kompetencat e presidentit, parlamentit, qeverisë, Bankës Kombëtare dhe disa organeve të tjera shtetërore nuk mund të ndërpriten gjatë vendosjes së tij. Përfaqësuesit e opozitës dyshojnë në legjitimitetin e ndryshimit të qeverisë. “Parlamenti kohët e fundit e zgjati afatin e gjendjes së jashtëzakonshme dhe mund të shkelë Nenin 10 me këtë, megjithëse të gjithë bien dakord se legjislacioni duhet të më parë precizohet ose ndryshohet “, tha Yaroslav Zheleznyak, një anëtar i fraksionit opozitar “Holos”- “Zëri”.

Ishte presidenti i pakënaqur me qeverinë?

Studiuesi i shkencave politike dhe bashkëthemeluei i Platformës Kombëtare për Qëndrueshmëri dhe Kohezion, Oleh Saakyan, është i mendimit, se parlamenti do të votojë për këtë rezolutë për shkak të oportunitetit politik, duke injoruar ligjet. Saakyan argumenton se ky ndryshim i qeverisë “është i vonuar”, në fakt ai ishte planifikuar për vitin 2024.

Arsyet kryesore për këtë janë tensionet e vazhdueshme brenda qeverisë dhe “një numër problemesh të dukshme të menaxhimit” në fusha të ndryshme të politikave qeverisëse – nga sektori i mbrojtjes te infrastruktura dhe politika sociale. “Qeveria dëshiron të qetësojë publikisht disa nga këto tensione. Ata duan të fitojnë ‘kredibilitet të ri’, si të thuash, në kohën e duhur”, thekson eksperti. Ndëtsa Volodymyr Fesenko, politolog dhe kreu i Qendrës Ukrainase për Studimet Politike të Aplikuara “Penta”, dyshon megjithatë se ndryshimi i kreut të qeverisë do të sjellë ndryshime të mëdha politike të brendshme. “Vendimet kryesore politike do të vazhdojnë të merren në zyrën presidenciale dhe Svyrydenko, ashtu si qeveria, do t’i zbatojë ato”, tha Fesenko. Svyrydenko, që më parë ka qenë zëvendëskryetare e administratës presidenciale nën Andriy Yermak, konsiderohet si e besuara e Zelensky-t dhe një politikane e re dhe dinamike që potencialisht mund të sjellë qasje të reja. Fesenko thekson se Svyrydenko ka “përvojën e nevojshme në punën në kushte lufte dhe në marrëdhëniet me institucionet ndërkombëtare”.

Do të ndryshojë puna e qeverisë?

Petro Oleshchuk, ekspert i politikës në Universitetin Taras Shevchenko në Kiev, beson se pavarësisht disa skandaleve të korrupsionit në kabinetin qeveritar, Zelensky dëshiron të tregojë se ai ende ka një ekip që do të vazhdojë të punojë me të – aq më tepër që qeveria nuk do të ndryshohet plotësisht dhe një numër ministrash do të mbeten në detyrë.

Edhe Denys Shmyhal nuk pritet të largohet plotësisht nga qeveria, përkundrazi pritet të bëhet Ministër i Mbrojtjes. “Transferimi i Shmyhal në një pozicion tjetër brenda qeverisë synon të tregojë se nuk ka mosmarrëveshje të brendshme. Këto janë thjesht ndryshime personeli brenda një ekipi”, tha Oleshchuk për DW.

Nga ana tjetër, eksperti Oleh Saakyan beson se ndryshimi i pjesshëm i qeverisë tregon një mungesë akute të personelit të kualifikuar dhe të besueshëm. Ministrat e rinj dhe ata aktualë janë të detyruar të japin rezultate shpejt. Saakyan është skeptik në lidhje me perspektivat afatgjata. “Kjo është një dozë adrenaline për qeverinë aktuale. Por nuk do ta ndryshojë në thelb cilësinë”, thekson eksperti politik ukrainas.

Ndërkohë, Presidenti Zelensky ka përcaktuar tashmë prioritetet kryesore për qeverinë e re të ardhshme, duke përfshirë rritjen e prodhimit vendas të armëve, zhvillimin e projekteve të mbrojtjes dhe liberalizimin gjithëpërfshirës të ekonomisë./DW

 

Parlamenti ukrainas do të shkarkojë kryeministrin Denys Shmyhal dhe të gjithë kabinetin e tij sot. Të nesërmen, deputetët planifikojnë të emërojnë Yuliia Svyrydenko si kryeministre të re dhe të votojnë për një numër ministrash të rinj.

Kryeministrja e re hyn në kabinet me një pozicion shumë më të fortë se sa ka pasur ndonjëherë Denys Shmyhal, transmeton Telegrafi.

Ashtu si paraardhësit e saj, Svyrydenko do të ketë ministrin e saj të kabinetit. Ka të ngjarë të jetë Kostiantyn Marievych, Zëvendës Sekretari aktual i Shtetit.

Por, ndërsa ky ishte i vetmi aleat i ngushtë që Denys Shmyhal kishte në qeveri, për Yuliia Svyrydenko, ky është vetëm fillimi.

Ukrainska Pravda ka zbuluar se nën Svyrydenkon, Ministria e Ekonomisë, Ministria e Ekologjisë dhe Ministria e Politikës Agrare do të bashkohen në një ministri të vetme burimesh, që do të drejtohet nga Oleksii Soboliev, aktualisht Zëvendës i Parë i Svyrydenkos.

Svyrydenko mund të forcojë gjithashtu ndikimin e saj duke emëruar zëvendësin e saj aktual Taras Kachka, si zëvendëskryeministër për integrimin evropian dhe euroatlantik, duke zëvendësuar Olha Stefanishyna.

Stefanishyna do të humbasë pozicionin e saj për shkak të çështjeve penale dhe skandaleve. Zelensky thuhet se planifikon të emërojë Stefanishyna si ambasadore të Ukrainës në Bashkimin Evropian.

Mykhailo Fedorov, zëvendëskryeministri aktual për Inovacionin dhe Ministri i Transformimit Digjital, pritet të emërohet zëvendëskryeministri i parë i qeverisë së re.

Kryeministri aktual Shmyhal pritet të bëhet ministri i ri i Mbrojtjes. Ministri aktual i Mbrojtjes, Rustem Umierov, pritet të emërohet si ambasador i Ukrainës në Shtetet e Bashkuara.

Disa anëtarë të ekipit të Zelensky i thanë Ukrainska Pravda, “nëse Umierov ka ndonjë forcë të vërtetë, është në negociata”.

Oksana Zholnovych, Ministre e Politikës Sociale, do të shkarkohet për shkak të shkurtimeve të pensioneve dhe përfitimeve sociale. Një zëvendësim nuk është përcaktuar ende.

Oksen Lisovyi, Ministër i Arsimit dhe Shkencës, pritet të japë dorëheqjen për shkak të vendimit të tij për të mbyllur shkollat e vogla rurale dhe për të konsoliduar universitetet. Zëvendësuesi i tij i mundshëm është zëvendësi i tij, Andrii Vitrenko.

Ministri i Energjisë, Herman Halushchenko, i cili është i afërt me Tymur Mindich, bashkëpunëtorin e Zelensky dhe bashkëthemeluesin e Studio Kvartal 95, pritet gjithashtu të japë dorëheqjen.

Ai mund të zëvendësohet nga Ministrja aktuale e Mjedisit, Svitlana Hrynchuk, të cilën burimet e Ukrainska Pravda në qeveri dhe parlament e përshkruajnë si një bashkëpunëtore të Halushchenko.

Përvoja e saj e vetme relevante është një vit shërbimi si zëvendëse e tij për çështjet ndërkombëtare.

Ministri i Unitetit Kombëtar, Oleksii Chernyshov, i cili është nën hetim për dyshimin se ka marrë mbi 14.5 milionë UAH (rreth 344,000 dollarë amerikanë) në përfitime të paligjshme, jo vetëm që do të humbë punën e tij, por e gjithë ministria e tij do të likuidohet.

Mykola Tochytskyi, Ministër i Kulturës dhe Komunikimeve Strategjike, do të kthehet në shërbimin diplomatik. Zelensky planifikon ta emërojë atë si përfaqësues të përhershëm të Ukrainës në Këshillin e Evropës.

Politika strategjike e komunikimit dhe informacionit do të ndahet nga Ministria e Kulturës dhe do t’i dorëzohet një agjencie vartëse.

Lista e ngushtë për Ministren e Kulturës përfshin dy figura kulturore: Veronika Seleha, ish-drejtoreshë e Drejtorisë për Politikë Humanitare në Zyrën Presidenciale dhe CEO e agjencisë krijuese Bickerstaff.345, dhe Olha Viieru, Drejtoreshë e Qendrës Kombëtare të Shtëpisë së Ukrainës.

Midis atyre që mbeten në qeveri janë Oleksii Kuleba, Zëvendëskryeministër për Restaurimin dhe Ministër për Komunitetet dhe Territoret; Ministri i Jashtëm, Andrii Sybiha; Nataliia Kalmykova, Ministre për Çështjet e Veteranëve; dhe Matvii Bidnyi, Ministre për Rininë dhe Sportet. Të gjithë u emëruan në shtator 2024.

“Veteranët” e kabinetit do të qëndrojnë gjithashtu: Zëvendëskryeministri Mykhailo Fedorov, Ministri i Financave, Serhii Marchenko, Ministri i Shëndetësisë, Viktor Liashko dhe Ministri i Brendshëm, Ihor Klymenko. /Telegrafi/

 

The post Qeveria e tretë e Zelenskyt, kush do të humbë postet e tyre dhe kush mund të bëhet ministër? appeared first on Telegrafi.

Presidenti amerikan Donald Trump ka thënë se armët tashmë po dërgohen në Ukrainë.

Duke folur me gazetarët, ai tha gjithashtu se nuk kishte folur me Vladimir Putinin që kur sanksionet kundër Rusisë u njoftuan të hënën.

Presidenti amerikan zbuloi se Uashingtoni do t’i shesë armë NATO-s, të cilat më pas mund t’i kalojnë Ukrainës, transmeton Telegrafi.

Disa vende evropiane janë zotuar tashmë ta mbështesin këtë iniciativë, përfshirë Gjermaninë, Norvegjinë, Danimarkën, Holandën, Suedinë, Mbretërinë e Bashkuar, Kanadanë dhe Finlandën.

Në anën tjetër, këto armë prej kohësh janë kërkuar nga presidenti ukrainas, i cili vazhdimisht theksonte nevojën për armë moderne të kalibrit të madh që do t’ju ndihmonte të ndalin sulmet ruse. /Telegrafi/

 

The post Trump thotë se armët tashmë po dërgohen në Ukrainë appeared first on Telegrafi.

Presidenti i SHBA-së, Donald Trump ka miratuar një plan të hënën që aleatët evropianë të blejnë pajisje ushtarake amerikane me vlerë miliarda euro që mund të transferohen në Ukrainë, ndërsa Kievi kërkon një mënyrë për të përmirësuar mbrojtjen e tij ajrore kundër sulmeve të intensifikuara ruse.

Sipas një marrëveshjeje të re, SHBA-të do t’u shesin armë anëtarëve të NATO-s të cilët më pas do t’ia furnizojnë ato Ukrainës, transmeton Telegrafi.

Trump nuk dha të gjitha detajet, duke thënë vetëm se armët në fjalë vlejnë “miliarda”. Por kur u pyet nëse marrëveshja përfshinte bateri mbrojtëse ajrore Patriot dhe raketa interceptuese, ai u përgjigj: “Është gjithçka”.

Ukraina ka kërkuar vazhdimisht që SHBA-të të ofrojnë më shumë bateri dhe raketa Patriot – një nga sistemet e pakta të mbrojtjes ajrore në botë që mund të rrëzojnë me siguri raketat balistike që vijnë.

Bateri Patriot për Ukrainën

SHBA-të planifikojnë t’u shesin bateri Patriot dhe armë të tjera aleatëve evropianë që do të transferohen në Kiev.

“Ne do ta furnizojmë NATO-n me armë në sasi të mëdha”, tha Trump.

Sekretari i Përgjithshëm i NATO-s, Mark Rutte, i cili ka punuar me vendet evropiane për të koordinuar blerjen e armëve amerikane, tha se Gjermania, Finlanda, Kanadaja, Norvegjia, Suedia, Mbretëria e Bashkuar dhe Danimarka do të jenë ndër blerësit që do të furnizojnë Ukrainën dhe vuri në dukje se “shpejtësia është thelbësore këtu”.

Ministri gjerman i Mbrojtjes, Boris Pistorius, u takua me homologun e tij amerikan, Pete Hegseth, në Pentagon për të diskutuar detajet – veçanërisht në lidhje me bateritë Patriot – dhe vuri në dukje rritjen e shpenzimeve të mbrojtjes.

“Ne jemi të vendosur të marrim përsipër përgjegjësi më të madhe për parandalimin dhe mbrojtjen e Evropës”, tha ai.

Qeveria gjermane ofroi të financojë dy sisteme shtesë Patriot.

Përveç Gjermanisë, Greqia dhe Spanja janë ndër anëtarët e NATO-s që besohet se kanë Patriot rezervë për të dërguar në Ukrainë, për sa kohë që ato zëvendësohen përfundimisht.

Sa Patriot kërkoi Ukraina?

Ukraina operon të paktën gjashtë sisteme Patriot, të ofruara nga SHBA-ja, Gjermania, Holanda dhe Rumania.

Në Konferencën e katërt vjetore të Rimëkëmbjes së Ukrainës javën e kaluar në Romë, presidenti ukrainas Volodymyr Zelensky tha se Kievi kërkoi gjithsej 10 sisteme Patriot nga Uashingtoni.

“Me Presidentin Trump, kemi një dialog pozitiv në lidhje me sistemet Patriot. Kërkesa ime për 10 sisteme Patriot dhe numrin përkatës të raketave përkatëse për këto sisteme”, tha Zelenskyy.

Ai shtoi se Gjermania ishte me të vërtetë e gatshme të paguante për dy sisteme, Norvegjia do të paguante për një sistem dhe ka “një përgjigje të qartë nga prodhuesi dhe nga kapacitete të ndryshme të SHBA-së (se) partnerë të tjerë evropianë, do t’i bashkohen skemës së financimit të sistemeve amerikane Patriot”.

Të hënën, Trump zbuloi se Ukraina do të merrte gjithsej 17 sisteme.

“Janë të gjitha. Janë Patriot. Janë të gjitha. Është një komplet i plotë me bateritë”, tha Trump.

Një komb perëndimor i paidentifikuar kishte “17 Patriot gati për t’u dërguar”, deklaroi ai.

Jo vetëm Patriot

Media amerikane raportoi se Trump mund t’i ofrojë Ukrainës jo vetëm sistemet e mbrojtjes ajrore Patriot, por edhe raketat Tomahawk.

Avantazhi më i rëndësishëm i raketave Tomahawk mbi të gjitha armët që aktualisht janë në dispozicion të Forcave të Armatosura të Ukrainës, është rreze veprimi e tyre e gjatë.

Në varësi të modifikimit, raketat Tomahawk mund të arrijnë distanca nga 1,600 deri në 2,500 kilometra. Aktualisht, asnjë raketë tjetër në arsenalin e Kievit nuk mund të shkojë kaq larg, përveç dronëve të rinj sulmues me rreze të gjatë veprimi të Kievit.

Përveç rrezes së veprimit të saj, Tomahawk është projektuar të fluturojë me shpejtësi subsonike duke ruajtur një lartësi të ulët, duke e bërë të vështirë zbulimin e saj në radar. Ato gjithashtu kanë një kokë më të madhe dhe mund të mbajnë një ngarkesë konvencionale ose bërthamore.

Raketat Tomahawk u përdorën kundër objektivave në Iran muajin e kaluar, dhe nëse i ofroheshin Ukrainës, ato mund të arrinin thellë në territorin e Rusisë.

Ndërkohë, raportime të mëtejshme nga mediat amerikane kanë pohuar se Trump e pyeti Zelensky nëse Ukraina mund të godiste Moskën nëse do të pajisej me armë me rreze të gjatë veprimi amerikane, dhe pse Kievi nuk e kishte goditur kryeqytetin rus.

Zelensky thuhet se u përgjigj se një sulm i tillë do të ishte i mundur nëse SHBA-të do të furnizonin armët e nevojshme.

Nëse lëshohen nga Ukraina, raketat Tomahawk mund të arrijnë në Moskë dhe Shën Petersburg. /Telegrafi/

 

 

The post Marrëveshje e re amerikane për armët në Ukrainë: Çfarë do të marrë Kievi dhe kush do t’i paguajë ato? appeared first on Telegrafi.

Kryeministri i Ukrainës, Denys Shmyhal, ka paraqitur dorëheqjen.

Bëhet e ditur se kjo vjen një ditë pasi presidenti Volodymyr Zelensky propozoi Shmyhal si ministër të ri të Mbrojtjes të Ukrainës dhe tha se mbështetej në parlament për konfigurimin e ri të qeverisë së tij.

Ai propozoi Yulia Svyrydenko, aktualisht zëvendëskryeministre e parë, për të kryesuar qeverinë e re si kryeministre, shkruan skynews.

Shmyhal e ka mbajtur këtë post që nga marsi i vitit 2020, duke e bërë atë kreun e qeverisë që shërbeu më gjatë, që kur vendi fitoi pavarësinë nga Moska në vitin 1991, mes rënies së Bashkimit Sovjetik.

Ndryshe, nëse parlamenti mbështet dorëheqjen e Shmyhal, edhe qeveria jep dorëheqjen dhe ligjvënësit kanë 30 ditë për të votuar për kryeministrin e ardhshëm.

Seanca e radhës e parlamentit do të fillojë këtë javë.

Partia Shërbëtore e Popullit e Zelenskyt kontrollon shumicën e vendeve, të paktën 231 nga 450. /Telegrafi/

The post Jep dorëheqjen kryeministri i Ukrainës appeared first on Telegrafi.

Presidenti Volodymyr Zelensky ka emëruar Zëvendëskryeministren e Parë, Yulia Svyrydenko si Kryeministren e ardhshme të Ukrainës, tha ai më 14 korrik, duke nisur një riorganizim të qeverisë.

“Kam propozuar që Yuliia Svyrydenko të udhëheqë Qeverinë e Ukrainës dhe të rinovojë ndjeshëm punën e saj”, ka thënë Zelensky në një postim në X.

“Pres me padurim prezantimin e planit të veprimit të qeverisë së re në të ardhmen e afërt”, ka shtuar ai, përcjell Telegrafi.

Zelensky theksoi se ishte takuar me Svyrydenkon më herët gjatë ditës për të diskutuar bashkëpunimin me SHBA-në dhe Evropën, forcimin e ekonomisë, rritjen e prodhimit të armëve dhe reformimin e degës ekzekutive.

Sipas kushtetutës së Ukrainës, parlamenti emëron qeverinë.

I held a meeting with First Deputy Prime Minister Yuliia Svyrydenko. A report was delivered on the implementation of agreements with European and American partners regarding support for Ukraine reached during the recent Ukraine Recovery Conference. We must swiftly implement… pic.twitter.com/AIipRnpA1f

— Volodymyr Zelenskyy / Володимир Зеленський (@ZelenskyyUa) July 14, 2025

Që Svyrydenko të bëhet kreu i ardhshëm i qeverisë, Kryeministri Denys Shmyhal duhet të paraqesë zyrtarisht dorëheqjen e tij në parlament, i cili më pas është i detyruar të votojë për këtë çështje.

Nëse parlamenti mbështet dorëheqjen e Shmyhal, qeveria jep dorëheqjen dhe ligjvënësit kanë 30 ditë për të votuar për kryeministrin e ardhshëm.

Seanca e radhës e parlamentit do të fillojë këtë javë. Partia Shërbëtore e Popullit e Zelensky kontrollon shumicën e vendeve, të paktën 231 nga 450, dhe pritet të mbështesë shpejt vendimin e presidentit.

Thashethemet për zëvendësimin e Shmyhal – kryeministrit me shërbimin më të gjatë në vend – kanë qarkulluar që nga vera e kaluar.

Edhe pse Zelensky zëvendësoi disa zyrtarë në shtator 2024, Shmyhal mbeti në detyrë. /Telegrafi/

The post Zelensky emëron kreun e ri të Qeverisë së Ukrainës – do të jetë një grua appeared first on Telegrafi.

Komisioni Evropian ka pushuar nga puna një përkthyes të punësuar nga Bashkimi Evropian për të marrë pjesë në samite të mëdha së bashku me udhëheqësit botërorë, për shkak të shqetësimeve për një shkelje të mundshme të sigurisë.

Në një deklaratë për POLITICO, Komisioni tha se kishte ndërmarrë veprime për “një incident që lidhet me marrjen e shënimeve” gjatë një takimi të Këshillit Evropian, ku mori pjesë presidenti ukrainas Volodymyr Zelensky më 19 dhjetor 2024, transmeton Telegrafi.

Mbajtja e shënimeve me shkrim në seanca të ndjeshme ku diskutohen çështje si mbrojtja dhe siguria është e ndaluar sipas kodit të sjelljes së Komisionit.

Rregullat u sollën si përgjigje ndaj frikës nga spiunazhi i mundshëm dhe transferimi aksidental i informacionit në shtete armiqësore si Rusia.

“Shënimet u konfiskuan menjëherë. Pas shqyrtimit të kujdesshëm të fakteve, Komisioni mori masat e duhura për të parandaluar përsëritjen e këtij incidenti”, tha ekzekutivi i BE-së.

“Në këtë rast të veçantë, është vendosur që shërbimet e përkthyesit në fjalë nuk do të përdoren më në të ardhmen”, u tha ndër tjera.

Përkthyesi ishte një punonjës i pavarur franko-ukrainas i sjellë për të ndihmuar udhëheqësit të komunikojnë me Zelenskyn, sipas gazetës franceze Le Monde, e cila raportoi e para shkarkimin.

Brukseli ka parë një sërë akuzash për spiunazh të hetuara në vitet e fundit. Në nëntor, POLITICO mori një letër dërguar stafit në Komision që paralajmëronte për një kërcënim “real” nga agjentë të huaj.

“Brukseli është një nga qendrat më të mëdha të spiunazhit në botë, me qindra oficerë aktivë të inteligjencës që synojnë institucionin tonë”, tha ajo.

Vitin e kaluar, Parlamenti Evropian sanksionoi ish-deputeten letoneze Tatjana Ždanoka pas një sërë ekspozimesh mediatike në të cilat u raportua se ajo kishte punuar për Shërbimin Federal të Sigurisë Ruse (FSB), pasardhësen e KGB-së së epokës sovjetike. /Telegrafi/

 

The post Përkthyesi mbajti fshehurazi shënime nga takimi me Zelenskyn, BE-ja e largon menjëherë appeared first on Telegrafi.

Presidenti amerikan Donald Trump tha se nuk ishte i sigurt nëse do të ishte në gjendje t’i jepte fund luftës së Rusisë kundër Ukrainës, shumë larg premtimit të tij për t’i dhënë fund shpejt konfliktit që bëri gjatë fushatës zgjedhore.

“Nuk e di. Nuk mund t’ju them nëse kjo do të ndodhë apo jo”, u tha Trump gazetarëve në bordin e Air Force One, kur u pyet nëse ishte i bindur se do të ishte në gjendje t’i jepte fund luftimeve.

Kur u pyet nëse përfundimi i luftës ishte një përparësi, presidenti tha: “Po. Do të doja ta shihja të ndodhte.”

Bëhet e ditur se gjatë gjithë fushatës, Trump u zotua të përfundonte luftimet midis dy vendeve që në ditën e parë të marrjes së detyrës.

Ai më vonë u tërhoq në një intervistë me revistën TIME, duke e quajtur premtimin “një ekzagjerim”.

“Ne ndihmuam shumë vende”, tha Trump.

“Situata në Ukrainë – kjo është një marrëveshje e Bidenit. Nuk është një marrëveshje e Trumpit. Po përpiqem ta përfundoj.”

Trump është përpjekur të ndërmjetësojë një marrëveshje paqeje midis dy vendeve, shkruan Politico.

Por në të kaluarën, ai ka kërcënuar të largohet nga lufta, mes frustrimit të tij në rritje me luftimet e vazhdueshme.

Ai foli në telefon si me presidentin rus Vladimir Putin ashtu edhe me presidentin ukrainas Volodymyr Zelensky këtë javë.

Telefonata e tij me udhëheqësin rus “nuk pati përparim,” siç konfirmoi vetë Trump.

Ndërsa biseda e tij me Zelenskyn dukej më produktive, sipas Zelenskyt.

Zelensky tha se të dy udhëheqësit patën një “bisedë shumë të rëndësishme dhe të frytshme” në të cilën diskutuan mbrojtjen ajrore të Ukrainës, prodhimin e përbashkët të mbrojtjes dhe “prokurimin dhe investimet e ndërsjella”.

Trump tha se me liderin ukrainas pati një telefonatë shumë të mirë dhe strategjike.

“Ju thashë se isha shumë i pakënaqur me telefonatën time me presidentin Putin”, vazhdoi ai.

“Ai dëshiron të shkojë deri në fund, thjesht të vazhdojë të vrasë njerëz, nuk është mirë.”

Ndryshe, Pentagoni më parë këtë javë ndaloi disa dërgesa armësh në Ukrainë.

Kur u pyet për atë ndalesë, Trump tha: “Nuk e kemi bërë. Po japim armë. Por kemi dhënë kaq shumë armë. Por po japim armë dhe po punojmë me ta dhe po përpiqemi t’i ndihmojmë”. /Telegrafi/

The post Trump: Nuk jam i sigurt nëse mund ta ndaloj luftën në Ukrainë appeared first on Telegrafi.

Presidenti ukrainas, Volodymyr Zelensky, ka thënë të premten se ka biseduar në telefon me presidentin amerikan, Donald Trump, mbi nevojën për të forcuar mbrojtjen ajrore të Ukrainës, në mesin e sulmeve gjithmonë e në rritje të Rusisë ndaj qyteteve ukrainase, ka raportuar The Guardian.

Në një njoftim të shkurtër që u publikua në rrjetin social Telegram, ai ka thënë se presidenti amerikan ishte “shumë mirë i informuar” për situatën në Ukrainë, teksa të që të dy liderët diskutuan sa u përket “mundësive për mbrojtjen ajrore dhe ranë dakord që do të punojnë për të forcuar mbrojtjen në qiell”.

Ai ka shtuar se janë pajtuar edhe për të zhvilluar një tjetër takim të veçantë mes ekipeve të tyre për këtë çështje.

Zelensky ka bërë të ditur se është folur edhe për mundësitë e prodhimit të përbashkët të armëve, tek ka deklaruar se janë të gatshëm për projekte të drejtpërdrejta me Amerikën, si dhe për blerje e investime të tjera të përbashkëta.

Presidenti ukrainas i ka përcjellë gjithashtu urimet për Ditën e Pavarësisë së SHBA-së, duke falënderuar Amerikën për mbështetjen që ia ka dhënë deri më tani.

“Kemi bërë shumë së bashku me Amerikën dhe mbështesim të gjitha përpjekjet për të ndalur vrasjet dhe për të rivendosur paqe normale, të qëndrueshme dhe me dinjitet. Nevojitet një marrëveshje e ndershme për paqen, dhe Ukraina mbështet propozimet amerikane”, ka thënë Zelensky.

Ai bëri këtë kërkesë gjatë takimit me Ministrin e Jashtëm gjerman, Johann Wadephul, në Kiev. Presidenti ukrainas Volodymyr Zelensky i ka kërkuar Gjermanisë të dërgojë sisteme shtesë mbrojtëse ajrore Iris-T, për të përballuar sulmet e ashpra me raketa dhe dronë nga Rusia.

Kjo ishte vizita e parë e Wadephulit në kryeqytetin ukrainas që nga marrja e detyrës së tij në fillim të majit.

Gjatë vizitës, ai inspektoi një nga sistemet Iris-T që Gjermania i ka dhuruar Ukrainës në prill, kur u dorëzuan gjashtë njësi, ndërsa premtuan edhe 10 të tjera.

Në takimin me Wadephulin, Zelensky theksoi interesin për zgjerimin e bashkëpunimit në fushën e mbrojtjes midis dy vendeve, duke njoftuar se në ditët në vijim mund të përfundojnë deri në 20 marrëveshje të reja partneriteti.

Ministri gjerman e përshkroi situatën si një mundësi pozitive për të dyja palët, duke theksuar se kompanitë gjermane të mbrojtjes janë tashmë aktive në Ukrainë, ndërsa kompanitë ukrainase operojnë në Gjermani.

Ai shtoi se kjo përvojë e përbashkët ndihmon të dyja vendet dhe tregon se siguria është e ndërlidhur, duke sjellë edhe përfitime ekonomike.

The post Presidenti Zelensky kërkon mbështetje shtesë për mbrojtjen ajrore ndaj sulmeve/ Ukraina forcon aleancën me Gjermaninë appeared first on Sot News | Lajme.

Presidenti i Ukrainës, Volodymyr Zelensky, ka thënë se Rusia po investon në sektorin e dronëve dhe planifikon të rrisë numrin e dronëve në sulmet kundër Ukrainës.

“Do të flas me partnerët tanë për investime të reja në Ukrainë, në armët tona. Prioriteti janë dronët, dronët interceptues, dronët për sulme me rreze të gjatë veprimi. Sigurisht, kjo është vija e frontit dhe gjithçka që ushtarët tanë kanë nevojë në vijën e frontit, gjithçka që vërtet frenon sulmet ruse”, tha Zelensky, transmeton Telegrafi.

“Jam mirënjohës për të gjithë prodhuesit ukrainas të dronëve, për çdo zhvillues, për të gjithë ata që po përpiqen të zhvillojnë në mënyrë aktive sektorin e interceptorëve [dronëve]. Kjo është jashtëzakonisht e rëndësishme. Rusia po investon në sektorin e dronëve dhe Rusia planifikon të rrisë numrin e dronëve në sulmet e saj ndaj vendit tonë. Ne po përgatisim kundërmasat tona”, shtoi presidenti ukrainas.

Ai gjithashtu vuri në dukje se një nga qëllimet është të nisë një prodhim sistematik të sistemeve të mbrojtjes ajrore.

Nw anwn tjetwr po vazhdon tw kwrkoj nga SHBA-tw shitjen e sistemeve tw avancuara raketore Patriots, pwr tw cilat Zelensky thotw se ka nevojw vendi i tij. /Telegrafi/

The post Zelensky: Rusia planifikon të përdorë një numër më të madh dronësh në sulme, Ukraina përgatitet të përgjigjet appeared first on Telegrafi.

Gjatë shekujve, “Perëndimi” ka arritur në atë pikë saqë të përfaqësojë shumë më tepër se një rajon gjeografik. Ai mishëron trashëgiminë e qëndrueshme të Greqisë së lashtë dhe Perandorisë Romake, arritjet kulturore të Rilindjes Evropiane, evolucionin e filozofisë politike dhe frymën e eksplorimit dhe zbulimit. Megjithatë, që nga përfundimi i Luftës së Dytë Botërore, ky […]

The post Irani dhe Perëndimi i përçarë appeared first on Reporter.al.

Duke përshkruar Izraelin dhe Iranin që luftojnë me njëri-tjetrin në konferencën e tij për shtyp para samitit të NATO-s në Hagë këtë javë, presidenti i SHBA-së, Donald Trump bëri një analogji me fëmijët që përleshen në oborrin e një shkolle, të cilët përfundimisht detyrohen të ndahen.

“Babit ndonjëherë i duhet të përdorë gjuhë të ashpër”, u përgjigj Mark Rutte, sekretari i përgjithshëm i NATO-s.

Shtëpia e Bardhë “i bëri jehonë” kësaj deklarate dhe bëri një video të vizitës së Trump në Holandë, të shoqëruar me muzikën e këngës “Hey Daddy” të Usher.

Por lajkat e Rutte për Trump nuk u ndalën këtu, shkruan Al Jazeera, përcjell Telegrafi.

Lidhur me trajtimin e luftës Rusi-Ukrainë, Rutte u tha gazetarëve para samitit të NATO-s: “Kur ai erdhi në detyrë, ai filloi dialogun me presidentin (Vladimir) Putin dhe unë gjithmonë mendoja se kjo ishte thelbësore. Dhe ka vetëm një udhëheqës që mund ta zgjidhte bllokimin fillimisht, dhe ai duhej të ishte presidenti amerikan, sepse ai është udhëheqësi më i fuqishëm në botë”.

Por sa të sinqerta janë deklaratat e udhëheqësve botërorë për Donald Trump? A shërbejnë ato vërtet për të përmirësuar marrëdhëniet dypalëshe dhe a funksionon lajkatimi?

Kush “e ka trajtuar mirë Trumpin” dhe cilat kanë qenë rezultatet?

Sipas shkrimit të Al Jazeera, as Rutte, as ndonjë udhëheqës tjetër evropian, nuk u angazhua në ndonjë lloj dialogu me presidentin rus Vladimir Putin për një kohë të gjatë pas verës së vitit 2022, vitit të pushtimit të Ukrainës nga ana e tij, duke e konsideruar atë të pakuptimtë.

Kancelari gjerman Olaf Scholz u kritikua ashpër si “disfatist” për telefonatën me Putinin nëntorin e kaluar, ndërsa Viktor Orban i Hungarisë dhe Robert Fico i Sllovakisë, të vetmit udhëheqës evropianë që kanë vizituar Kremlinin gjatë luftës, janë parë si kolaboracionistë të hapur.

Megjithatë, kur Trump filloi bisedimet me Putinin, shumë evropianë i bënë atij të njëjtin kompliment si Rutte kur ata bënë vizitat e tyre të para në Shtëpinë e Bardhë pasi ai mori detyrën në janar.

Keir Starmer, Mbretëria e Bashkuar

“Faleminderit që ndryshuat bisedën për të sjellë mundësinë që tani të mund të kemi një marrëveshje paqeje dhe ne do të punojmë me ju”, tha kryeministri i Mbretërisë së Bashkuar, Keir Starmer, në Zyrën Ovale në shkurt.

Duke e ditur dashurinë e Trump për nocionin e pushtetit trashëgues, ai nxori nga xhaketa e tij një letër nga Mbreti Charles III që përmbante një ftesë për një vizitë të dytë shtetërore të paparë në Kështjellën Windsor.

Trump mbeti pa fjalë për një çast.

“Vendi juaj është një vend fantastik dhe do të jetë nder për ne të jemi atje, faleminderit”, tha Trump kur e mblodhi veten.

Starmer dhe Trump shkëmbyen disa shtrëngime duarsh ndërsa flisnin dhe Starmer i preku vazhdimisht shpatullën Trumpit “në një shenjë dashurie”.

Por a pati shumë efekt e gjithë kjo lajka?

Trump njoftoi se po ngrinte ndihmën ushtarake për Ukrainën muajin pasardhës, duke shkaktuar zemërimin e madh të Mbretërisë së Bashkuar, së bashku me vendet nordike dhe baltike, thekson Al Jazeera.

Giorgia Meloni, Itali

Si Starmer ashtu edhe kryeministrja e Italisë, Giorgia Meloni, e identifikuan Ukrainën si një çështje kyçe për Trump, i cili e ka bërë të qartë se dëshiron të fitojë Çmimin Nobel për Paqen duke i dhënë fund konflikteve ndërkombëtare.

Deri më tani, ai ka marrë meritat për përfundimin e “Luftës 12-ditore” të këtij muaji midis Izraelit dhe Iranit, parandalimin e luftës bërthamore pas betejës ajrore të 7 majit midis Indisë dhe Pakistanit dhe mbikëqyrjen e një marrëveshjeje paqeje midis Republikës Demokratike të Kongos (RDK) dhe Ruandës.

Meloni provoi një qasje të ngjashme lajkatuese ndaj Trump, gjithashtu.

“Së bashku kemi mbrojtur lirinë e Ukrainës. Së bashku mund të ndërtojmë një paqe të drejtë dhe të qëndrueshme. Ne mbështesim përpjekjet tuaja, Donald”, tha ajo gjatë vizitës së saj në Shtëpinë e Bardhë në prill.

Ajo madje e përshtati sloganin e Trump, “Bëjeni Amerikën të Madhe Përsëri”, në Evropë. “Qëllimi për mua është ta Bëjmë Perëndimin të Madh Përsëri. Mendoj se mund ta bëjmë së bashku”, i tha Meloni një Trumpi të gëzuar.

Por asgjë nga kjo nuk është përkthyer në një vizitë shtetërore të Trump në Romë, një veprim që do të çimentonte pozicionin e Melonit si një udhëheqëse e madhe evropiane, megjithatë, shkruan më tej Al Jazeera, përcjell Telegrafi.

Mark Carney, Kanada

Ndërkohë, kryeministri i sapozgjedhur kanadez Mark Carney ishte si lajkatues ashtu edhe i vendosur me Trump muajin e kaluar.

Ai e komplimentoi Trumpin për të qenë “një president transformues” që kishte mbajtur anën “e punëtorit amerikan”, por gjithashtu ia mbylli ambicien territoriale të Trumpit për të aneksuar Kanadanë si shteti i 51-të i SHBA-së.

“Nuk është në shitje, nuk do të jetë kurrë në shitje”, tha Mark Carney.

Marrëdhëniet dukeshin se kishin marrë një kthesë për mirë pas fërkimit të Trump me paraardhësin e Carney, Justin Trudeau.

Trump e quajti atë “shumë të pandershëm dhe të dobët” në samitin e G7 në Kanada në vitin 2018 përpara se të largohej.

Por edhe Carney mund të mos ketë pasur efekt.

Të premten, Trump përfundoi bisedimet tregtare me Kanadanë dhe kërcënoi të vendoste tarifa shtesë mbi eksportet për shkak të taksës së re të shërbimeve dixhitale të Kanadasë.

Cilat takime kanë shkuar edhe më keq?

Emmanuel Macron, Francë

Siç kujton Al Jazeera, pati pak ngrohtësi në takimin e Trump në Shtëpinë e Bardhë me presidentin francez, Emmanuel Macron në shkurt.

I përgatitur për përballje me një udhëheqës që pretendon se e udhëheq Evropën në mendimin strategjik, Trump foli me vërejtje të gjata, mbrojtëse dhe të shkruara, të cilat u përpoqën të justifikonin politikën e tij ndaj Ukrainës.

Macron predikoi se paqja në Ukrainë nuk duhet të nënkuptojë dorëzim – një ndjenjë e ndarë nga shumë udhëheqës evropianë, por jo e shprehur ndaj Trump. Trump ishte “i përzemërt me Macron, por jo i dashur”.

Ndërkohë, Franca po i bën presion çdo lloj kapitullimi ndaj Trump në bisedimet tregtare të Bashkimit Evropian.

E anëtarë të tjerë të BE-së duan të pajtohen me një marrëveshje tregtare “asimetrike” që mund t’i sjellë më shumë dobi SHBA-së sesa BE-së, vetëm për ta realizuar atë.

Për më tepër, pas takimit të G7 në Kanada dy javë më parë, ishte e qartë se nuk kishte humbur asnjë dashuri midis dy udhëheqësve: Trump tha për Macron se është “në kërkim të publicitetit” në një postim në mediat sociale më 17 qershor.

Volodymyr Zelensky, Ukrainë

Presidenti ukrainas Volodymyr Zelensky u sulmua nga Trump dhe zëvendëspresidenti JD Vance më 28 shkurt, kur shkoi në Shtëpinë e Bardhë për të nënshkruar një marrëveshje për të drejtat minerale që shpresonte se do të sillte ndihmë ushtarake amerikane.

Ai dhe Vance u përplasën për bisedimet e drejtpërdrejta me Rusinë për Ukrainën, dhe Vance e kritikoi ashpër Zelenskyn për dështimin për të treguar “mirënjohje” të mjaftueshme ndaj SHBA-së.

“Po luani me jetën e miliona njerëzve. Po luani me Luftën e Tretë Botërore”, tha Trump.

Megjithatë, Zelensky dhe Trump duket se i kishin rregulluar pak gjërat kur mbajtën një takim të improvizuar ndërsa merrnin pjesë në funeralin e Papa Françeskut në Vatikan në prill.

Një zëdhënës i Shtëpisë së Bardhë e përshkroi takimin si “shumë produktiv”.

Cyril Ramaphosa, Afrika e Jugut

Muajin e kaluar, Trump i bëri “një pritë” presidentit të Afrikës së Jugut, Cyril Ramaphosa, në Shtëpinë e Bardhë, kur ai i tregoi një video të një tubimi të partisë opozitare të Afrikës së Jugut në favor të dëbimit të fermerëve të bardhë.

Trump akuzoi Afrikën e Jugut për kryerjen e një “gjenocidi” kundër fermerëve të bardhë.

Ramaphosa ishte dukshëm i shqetësuar, por ai shpjegoi me durim se sipas një sistemi parlamentar, shprehen pikëpamje të ndryshme, të cilat nuk përfaqësojnë politikën qeveritare, dhe se Afrika e Jugut është një vend i dhunshëm ku shumica e viktimave të dhunës janë të zinj.

“Ju jeni partner i Afrikës së Jugut dhe si partner po ngrini shqetësime për të cilat ne jemi të gatshëm të flasim me ju”, tha Ramaphosa, duke e qetësuar pak Trumpin.

Trump u shpërqendrua duke folur për një Jumbo Jet që Katari ia kishte dhuruar gjatë turneut të tij në Lindjen e Mesme.

“Më vjen keq që nuk kam një aeroplan për t’ju dhënë”, tha Ramaphosa, sikur të bënte një virtyt të mungesës së tij të lajkatimit.

A funksionon “lajkatimi me Trumpin”?

Disa ekspertë besojnë se lajkatimi mund të ndihmojë në parandalimin e përballjes me Trumpin.

Disa vëzhgues kanë argumentuar se kjo ndihmon “për të përmbajtur impulset e presidentit amerikan”.

Por lajkat nuk bëjnë shumë për të ndryshuar politikën aktuale të SHBA-së, vlerëson shkrimi i Al Jazeera.

Rutte dhe udhëheqës të tjerë të NATO-s dështuan ta tërhiqnin SHBA-në përsëri në Grupin e Kontaktit duke ndihmuar Ukrainën me armë.

“Një samit i dedikuar vetëm qëllimit për ta bërë Trumpin të ndihet mirë është një samit me qëllime shumë të kufizuara. E tëra çfarë bën është t’i shtyjë vendimet e vështira përpara për një ditë tjetër”, shkroi Andrew Gawthorpe, një ekspert i historisë dhe studimeve ndërkombëtare në Universitetin Leiden, Holandë, në The Conversation, një botim në Mbretërinë e Bashkuar.

Siç theksohet më tej, ata që kanë marrëdhënie të mira me Trumpin nuk marrin domosdoshmërisht gjërat që duan.

Marrëveshja tregtare SHBA-MB e Starmerit mban në fuqi tarifat për kompanitë britanike që eksportojnë në SHBA, megjithëse më të ulëta se sa kishte kërcënuar Trumpi.

Meloni ende pret që “Trumpi t’i dhurojë” një vizitë.

Nga ana tjetër, vendosmëria respektuese duket se funksionon.

Trump ka hequr dorë nga fushata e tij për të rivizatuar kufijtë e SHBA-së duke përvetësuar Kanadanë dhe Grenlandën, e cila është në pronësi të Danimarkës.

Vendosmëria e Carney-t ndihmoi, sepse mbartte një ndjesi përfundimtare.

Carney sapo kishte fituar zgjedhjet dhe Trump pranoi se “ishte ndoshta një nga rikthimet më të mëdha në historinë e politikës. Ndoshta edhe më e madhe se e imja”.

Danimarka ka qenë po aq e vendosur. Kryeministrja Mette Frederiksen ka thënë se marrëveshjet ekzistuese me SHBA-në tashmë i lejojnë asaj të vendosë baza ushtarake atje, ndërsa banorët e Grenlandës nuk duan të kolonizohen nga amerikanët.

Ndërsa sa i përket “përpjekjeve të Trump në raport me Zelenskyn dhe Ramaphosan”, Evropa ka ndërhyrë për të kompensuar mungesën e ndihmës ushtarake amerikane për Ukrainën, duke e paraqitur SHBA-në si një aleat të paqëndrueshëm.

Ndërsa videoja e Trump për “gjenocidin e bardhë” bëri pak për të bindur amerikanët se Afrika e Jugut po kryente një gjenocid. /Telegrafi/

The post Lajkat si diplomaci: Sa efektive kanë qenë “fjalët e bukura” drejtuar Trumpit nga udhëheqës të ndryshëm botërorë? appeared first on Telegrafi.

Presidenti i Ukrainës, Volodymyr Zelensky, e nënshkroi të mërkurën vonë një marrëveshje me Këshillin e Evropës për themelimin e një tribunali të posaçëm që do t’i gjykonte zyrtarë të lartë përgjegjës për pushtimin e Ukrainës nga Rusia.

Tribunali do t’i ndjekë penalisht “krimet e agresionit” në lidhje me pushtimin dhe mund të gjykojë politikanë të lartë rusë, përfshirë presidentin Vladimir Putin.

“Çdo kriminel lufte duhet ta dijë se do të ketë drejtësi dhe kjo vlen edhe për Rusinë”, tha Zelensky pas nënshkrimit të marrëveshjes në Strasburg me sekretarin e përgjithshëm të Këshillit të Evropës, Alain Berset.

“Do të nevojitet guxim i madh politik dhe ligjor për t’u siguruar se çdo kriminel rus i luftës do të përballet me drejtësinë, përfshirë Putinin”, tha Zelensky në Asamblenë Parlamentare të Këshillit të Evropës pas nënshkrimit të marrëveshjes.

“Duhet ta dërgojmë një mesazh të qartë: agresioni çon në ndëshkim. Dhe, këtë duhet ta bëjmë së bashku, si Evropë”, shtoi ai më vonë në X.

Mandati i tribunalit do të jetë ndjekja penale e drejtuesve të lartë politikë dhe ushtarakë për krimin e agresionit kundër Ukrainës, tha Këshilli i Evropës.

“Kjo vepër penale i referohet vendimit për të përdorur forcën e armatosur kundër një shteti tjetër duke e shkelur Kartën e OKB-së”, tha këshilli.

Shtetas të Bjellorusisë apo Koresë së Veriut mund të ndiqen gjithashtu penalisht nëse provohet se kanë luajtur rol të rëndësishëm në krimin e agresionit kundër Ukrainës, shtoi ai.

Berset theksoi se e drejta ndërkombëtare “duhet të zbatohet për të gjithë, pa përjashtime dhe pa standarde të dyfishta”. Ai tha se Këshilli i Evropës shpreson se tribunali do ta nisë punën vitin e ardhshëm. Nuk është vendosur ende se ku do ta ketë selinë tribunali.

Kjo është hera e parë që një tribunal i tillë themelohet nën mbikëqyrjen e Këshillit të Evropës, organit më të lartë për të drejtat e njeriut në kontinent.

Këshilli i Evropës, me 46 anëtarë, nuk është pjesë e BE-së, dhe përfshin shtete evropiane të rëndësishme jashtë BE-së si, Turqia, Mbretëria e Bashkuar dhe Ukraina. Rusia u përjashtua pas pushtimit të Ukrainës. REL/

The post Zelensky nënshkruan ujdi me Këshillin e Evropës për themelimin e një tribunali për krime lufte appeared first on Sot News | Lajme.

Presidenti i Ukrainës, Volodymyr Zelensky, e nënshkroi të mërkurën vonë një marrëveshje me Këshillin e Evropës për themelimin e një tribunali të posaçëm që do t’i gjykonte zyrtarë të lartë përgjegjës për pushtimin e Ukrainës nga Rusia.

Tribunali do t’i ndjekë penalisht “krimet e agresionit” në lidhje me pushtimin dhe mund të gjykojë politikanë të lartë rusë, përfshirë presidentin Vladimir Putin.

“Çdo kriminel lufte duhet ta dijë se do të ketë drejtësi dhe kjo vlen edhe për Rusinë”, tha Zelensky pas nënshkrimit të marrëveshjes në Strasburg me sekretarin e përgjithshëm të Këshillit të Evropës, Alain Berset.

“Do të nevojitet guxim i madh politik dhe ligjor për t’u siguruar se çdo kriminel rus i luftës do të përballet me drejtësinë, përfshirë Putinin”, tha Zelensky në Asamblenë Parlamentare të Këshillit të Evropës pas nënshkrimit të marrëveshjes.

“Duhet ta dërgojmë një mesazh të qartë: agresioni çon në ndëshkim. Dhe, këtë duhet ta bëjmë së bashku, si Evropë”, shtoi ai më vonë në X.

Mandati i tribunalit do të jetë ndjekja penale e drejtuesve të lartë politikë dhe ushtarakë për krimin e agresionit kundër Ukrainës, tha Këshilli i Evropës.

“Kjo vepër penale i referohet vendimit për të përdorur forcën e armatosur kundër një shteti tjetër duke e shkelur Kartën e OKB-së”, tha këshilli.

Shtetas të Bjellorusisë apo Koresë së Veriut mund të ndiqen gjithashtu penalisht nëse provohet se kanë luajtur rol të rëndësishëm në krimin e agresionit kundër Ukrainës, shtoi ai.

Berset theksoi se e drejta ndërkombëtare “duhet të zbatohet për të gjithë, pa përjashtime dhe pa standarde të dyfishta”.

Ai tha se Këshilli i Evropës shpreson se tribunali do ta nisë punën vitin e ardhshëm. Nuk është vendosur ende se ku do ta ketë selinë tribunali.

Kjo është hera e parë që një tribunal i tillë themelohet nën mbikëqyrjen e Këshillit të Evropës, organit më të lartë për të drejtat e njeriut në kontinent.

Këshilli i Evropës, me 46 anëtarë, nuk është pjesë e BE-së, dhe përfshin shtete evropiane të rëndësishme jashtë BE-së si, Turqia, Mbretëria e Bashkuar dhe Ukraina.

Rusia u përjashtua pas pushtimit të Ukrainës./REL