Gjatë takimit në Zyrën Ovale me Sekretarin e Përgjithshëm të NATO-s, Mark Rutte, presidenti amerikan Donald Trump paralajmëroi ashpër Rusinë, duke i vendosur 50 ditë afat për arritjen e një marrëveshjeje paqeje me Ukrainën. “Jam i pakënaqur me Rusinë. Ne do të vendosim tarifa të ashpra nëse nuk arrijmë një marrëveshje brenda 50 ditëve. Taksat […]

The post Trump i jep 50 ditë afat Rusisë për paqe me Ukrainën appeared first on BoldNews.al.

Donald Trump e ka kërcënuar Rusinë me tarifa të reja, nëse nuk arrin një marrëveshje për t’i dhënë fund luftës në Ukrainë brenda 50 ditëve.

Duke folur në Shtëpinë e Bardhë së bashku me Sekretarin e Përgjithshëm të NATO-s, Mark Rutte, ai tha se ishte “shumë i pakënaqur” me Moskën.

Trump kërcënoi me “tarifa të rënda” nëse nuk arrihet një marrëveshje brenda 50 ditëve “rreth 100%”, transmeton Telegrafi.

Presidenti  amerikan thotë se ka arritur një marrëveshje për të dërguar armë në NATO për të ndihmuar Ukrainën

Ai gjithashtu theksoi se do t’i dërgon “armë të nivelit të lartë” NATO-s, e cila më pas do të jetë në gjendje t’i dërgojë ato në Ukrainë.

“Ne kemi arritur një marrëveshje sot ku do t’u dërgojmë atyre armë dhe ata do të paguajnë për to”, tha ai.

Trump tha se anëtarët e NATO-s, jo taksapaguesit amerikanë, do të mbulonin koston e armëve.

Lufta “duhet të ndalet. Këto janë pajisje ushtarake me vlerë miliarda dollarë që do të blihen nga Shtetet e Bashkuara, do t’i shkojnë NATO-s dhe do të shpërndahen shpejt në fushën e betejës”, shtoi ai.

Ai tha se bateritë e raketave Patriot do të dërgohen “brenda ditësh” dhe “do të fillojnë të mbërrijnë së shpejti”.  /Telegrafi/

The post Trump kërcënon Rusinë me tarifa të reja, thotë se ka arritur marrëveshje për të dërguar armë në NATO për të ndihmuar Ukrainën appeared first on Telegrafi.

Vetëm disa ditë pasi Sekretari i Përgjithshëm i NATO-s, Mark Rutte, e quajti samitin e aleancës në Hagë një sukses të padiskutueshëm, Shtetet e Bashkuara ndaluan një dërgesë të planifikuar pajisjesh ushtarake për Ukrainën dhe zbutën disa nga sanksionet ndaj disa bankave ruse. Që atëherë, presidenti amerikan Donald Trump, mesa duket, e ka kthyer pas […]

The post Pse ka frikë Evropa të mbrojë veten? appeared first on Reporter.al.

Sekretari i Përgjithshëm i NATO-s, Mark Rutte, ka folur me rastin e shënimit të 30-vjetorit të gjenocidit serbë në Srebrenicë, duke theksuar se tmerret që ndodhën nuk duhet të harrohen kurrë.

Në fjalimin e tij, Rutte tha se është detyrë e të gjithëve të ndërtojnë një të ardhme më të ndritur.

“Sot shënojmë 30-vjetorin e gjenocidit në Srebrenicë, një tragjedi që tronditi botën dhe që përgjithmonë lidhi vendin tim me tuajin. Kam vizituar Potoçarin si kryeministër i Holandës. Kurrë nuk do t’i harrojmë tmerret e atyre ditëve, dhe mendimet tona janë me të gjithë ata që u prekën. Është detyrimi ynë të ndërtojmë një të ardhme më të ndritur”, tha Rutte.

Më pas, ai u ndal edhe tek roli i NATO-s “Dejtoni ndoshta nuk është i përsosur, por mbetet gur themeli për një Bosnje dhe Hercegovinë stabile. NATO ndërhyri në Bosnje për të ndihmuar në ndalimin e një konflikti që mori qindra mijëra jetë nga të gjitha komunitetet. Atëherë ishim pranë jush. Për 30 vjet kemi ofruar stabilitet në rajon. Jemi me ju sot dhe do të jemi edhe në të ardhmen. Nuk do të lejojmë një vakum sigurie, dhe ju nuk duhet të lejoni që retorika përçarëse t’ju tërheqë pas”.

Në fund, ai foli edhe për takimet që ka pasur me studentët në Sarajevë “pashë shpresë për një të ardhme më të ndritur në fytyrat e studentëve që takova në Sarajevë. Ne u detyrohemi atyre dhe kujtimit të një gjenerate të humbur që të ndërtojmë paqe dhe mirëqenie. Çdo ditë, për të gjithë”.

Kujtojmë se në masakrën e Srebrenicës në korrik të vitit 1995, vlerësohet se janë vrarë rreth 8,000 burra dhe djem boshnjakë myslimanë, raporton klix.ba.

Ndryshe, gjenocidi në Srebrenicë nuk është vetëm fakt moral, por edhe ligjor – është vërtetuar nga Gjykata Ndërkombëtare e Drejtësisë (ICJ), Tribunali Penal Ndërkombëtar për ish-Jugosllavinë (ICTY), si dhe Gjykata e Bosnje e Hercegovinës.

Deri më tani, 54 persona janë dënuar me gjithsej 781 vite burg, përfshirë pesë dënime të përjetshme.

Ndër të dënuarit janë udhëheqësit më të lartë ushtarakë dhe politikë të Republikës Serbe dhe të ushtrisë serbe të Bosnjës. /Telegrafi/

The post Shefi i NATO-s, Rutte: Nuk do t’i harrojmë kurrë tmerret që ndodhën në Srebrenicë appeared first on Telegrafi.

Shefi i NATO-s, Mark Rutte ka paralajmëruar në mënyrë drithëruese se Lufta e Tretë Botërore do të fillojë me pushtime të njëkohshme nga Xi Jinping dhe Vladimir Putin. Sekretari i përgjithshëm sugjeroi se sulmet e kombinuara nga udhëheqësit kinezë dhe rusë mund të shkaktojnë një makth të Luftës së Parë Botërore dhe ta çojnë planetin në prag të “Armagedon”.

Sipas shefit të NATO-s, Kina do të fillojë duke kërkuar të marrë Tajvanin ndërsa do të sigurohet se diktatori i Kremlinit të sulmojë njëkohësisht territorin e NATO-s, mes frikës se Putin gjithsesi po i hedh sytë nga republikat baltike Estonia, Letonia dhe Lituania, ish-pjesë e BRSS-së.

Rusia iu kundërpërgjigj Rutte, duke pretenduar se ai kishte “ngrënë shumë nga kërpudhat magjike të dashura nga holandezët”, ndërsa paralajmëroi me ironi se po pret me padurim një të ardhme në një kamp pune në Siberi.

Duke theksuar nevojën urgjente për t’u riarmatuar dhe për të rritur buxhetet ushtarake, Rutte zbuloi për “New York Times” një vizion drithërues të së ardhmes.

“Le të mos jemi naivë. Nëse Xi Jinping do të sulmonte Tajvanin, ai së pari do të sigurohej që t’i telefononte partnerit të tij më të vogël, Vladimir Vladimirovich Putin, i cili banon në Moskë, dhe t’i thoshte: “Hej, unë do ta bëj këtë dhe kam nevojë që ti ta bësh këtë për ta mbajtur të zënë Evropën duke sulmuar territorin e NATO-s. Kjo është me shumë mundësi mënyra se si do të përparojë kjo gjë dhe për t’i penguar ata, duhet të bëjmë dy gjëra”, – shtoi ai.

Duke vazhduar rrëfimin e tij të tmerrshëm, Rutte tha: “E para është që NATO, kolektivisht, të jetë aq e fortë sa që rusët nuk do ta bëjnë kurrë këtë. Dhe e dyta, të punojmë së bashku me Indo-Paqësorin, diçka që Presidenti [Donald] Trump po e promovon shumë, sepse kemi këtë ndërlidhje të ngushtë, duke punuar së bashku në industrinë e mbrojtjes, inovacionin midis NATO-s dhe Indo-Paqësorit” – tha ai.

Rutte paralajmëroi se Putin po riarmatoset me një ritëm të shpejtë, duke këmbëngulur që vendet perëndimore duhet të rrisin shpenzimet e mbrojtjes.

“Kemi një sfidë të madhe gjeopolitike në duar. Dhe kjo është para së gjithash Rusia, e cila po rindërtohet me një ritëm dhe shpejtësi të pakrahasueshme në historinë e kohëve të fundit. Ata tani po prodhojnë tre herë më shumë municione në tre muaj sesa prodhon e gjithë NATO në një vit. Kjo është e paqëndrueshme, por rusët po punojnë së bashku me koreano-veriorët, me kinezët dhe iranianët, mullahët, në luftën kundër kësaj lufte të paprovokuar agresioni kundër Ukrainës. Pra, këtu, Indo-Paqësori dhe Atlantiku po bëhen gjithnjë e më të ndërlidhur. Ne e dimë që Kina ka sytë nga Tajvani” – tha Rutte.

Zyrtari i lartë i sigurisë së Putinit, Dmitry Medvedev – një ish-president dhe ish-kryeministër rus u përgjigj në X: “Rutte është qartësisht i ngopur me shumë nga kërpudhat magjike të dashura nga holandezët. Ai sheh bashkëpunim midis Kinës dhe Rusisë për Tajvanin dhe pastaj një sulm rus ndaj Evropës. Por ai ka të drejtë për një gjë: Ai duhet të mësojë rusisht. Mund të jetë e dobishme në një kamp siberian” – shkroi Medvedev.

Paralajmërimet erdhën teksa Rusia vazhdon sulmin e saj ndaj Ukrainës edhe pasi Putin e informoi Trump në telefon se nuk kishte ndërmend të ndalte luftën e tij. Putini e goditi Ukrainën me katër raketa S-300 dhe 157 dronë, me 127 prej tyre të rrëzuar ose të shtypur nga lufta elektronike. Shpërthimet goditën Kievin dhe rajonin përreth, me shumë njerëz të plagosur dhe ndërtesa banimi të dëmtuara.

Në qytetin e dytë të Ukrainës, Kharkiv, një fëmijë dyvjeçar dhe një grua, 46 vjeç, ishin midis të lënduarve ndërsa Putini vazhdon të terrorizojë civilët, duke kërkuar të dobësojë vendosmërinë e popullsisë. Rusët goditën gjithashtu rajonin Zaporizhzhia të Ukrainës. Ndërtesat e apartamenteve u goditën gjithashtu në Kramatorsk në sulme me dronë.

Ukraina u kundërpërgjigj me një dron detar sulmi që u pa të shkatërrohej nga mbrojtjet ruse në Gjirin e Novorossiysk në Detin e Zi. Moska u detyrua të mbyllte aeroportin e saj të madh ndërkombëtar Sheremetyevo për shkak të kërcënimit të dronëve. Rutte vlerësoi Trumpin për përpjekjen për të bërë përparim me Putinin.

“Ai është personi që e theu bllokadën me Putinin. Kur u bë president në janar, ai i filloi këto diskutime me Putinin dhe ishte i vetmi që ishte në gjendje ta bënte këtë”, tha shefi i NATO-s. “Kjo duhej të ndodhte. Një dialog i drejtpërdrejtë midis presidentit amerikan dhe presidentit të Federatës Ruse.”

Megjithatë, kjo nuk ka rezultuar ende në një marrëveshje paqeje. “Nuk jemi ende atje, dhe kjo do të thotë që ndërkohë duhet të siguroheni që Ukraina të ketë atë që i nevojitet për të qëndruar në luftë” – tha Rutte. ©LAPSI.al

The post Paralajmërimi/ Shefi i NATO: Kina dhe Rusia do nisin bashkë Luftën e Tretë Botërore appeared first on Lapsi.al.

Kreu i NATO-s dhe ish-kryeministri i Holandës, Mark Rutte, ka paralajmëruarmundësinë e një konflikti global shkatërrues nëse Kina dhe Rusia ndërmarrin një sulm të koordinuar ndaj Tajvanit dhe territorit të NATO-s. “Nëse Xi Jinping do të sulmonte Tajvanin, ai më parë do të telefononte partnerin e tij më të vogël, Vladimir Putin, dhe do t’i […]

The post Paralajmërimi/ Shefi i NATO: Një sulm i koordinuar nga Kina e Rusia mund të ndezë Luftën e Tretë Botërore appeared first on BoldNews.al.

Duke përshkruar Izraelin dhe Iranin që luftojnë me njëri-tjetrin në konferencën e tij për shtyp para samitit të NATO-s në Hagë këtë javë, presidenti i SHBA-së, Donald Trump bëri një analogji me fëmijët që përleshen në oborrin e një shkolle, të cilët përfundimisht detyrohen të ndahen.

“Babit ndonjëherë i duhet të përdorë gjuhë të ashpër”, u përgjigj Mark Rutte, sekretari i përgjithshëm i NATO-s.

Shtëpia e Bardhë “i bëri jehonë” kësaj deklarate dhe bëri një video të vizitës së Trump në Holandë, të shoqëruar me muzikën e këngës “Hey Daddy” të Usher.

Por lajkat e Rutte për Trump nuk u ndalën këtu, shkruan Al Jazeera, përcjell Telegrafi.

Lidhur me trajtimin e luftës Rusi-Ukrainë, Rutte u tha gazetarëve para samitit të NATO-s: “Kur ai erdhi në detyrë, ai filloi dialogun me presidentin (Vladimir) Putin dhe unë gjithmonë mendoja se kjo ishte thelbësore. Dhe ka vetëm një udhëheqës që mund ta zgjidhte bllokimin fillimisht, dhe ai duhej të ishte presidenti amerikan, sepse ai është udhëheqësi më i fuqishëm në botë”.

Por sa të sinqerta janë deklaratat e udhëheqësve botërorë për Donald Trump? A shërbejnë ato vërtet për të përmirësuar marrëdhëniet dypalëshe dhe a funksionon lajkatimi?

Kush “e ka trajtuar mirë Trumpin” dhe cilat kanë qenë rezultatet?

Sipas shkrimit të Al Jazeera, as Rutte, as ndonjë udhëheqës tjetër evropian, nuk u angazhua në ndonjë lloj dialogu me presidentin rus Vladimir Putin për një kohë të gjatë pas verës së vitit 2022, vitit të pushtimit të Ukrainës nga ana e tij, duke e konsideruar atë të pakuptimtë.

Kancelari gjerman Olaf Scholz u kritikua ashpër si “disfatist” për telefonatën me Putinin nëntorin e kaluar, ndërsa Viktor Orban i Hungarisë dhe Robert Fico i Sllovakisë, të vetmit udhëheqës evropianë që kanë vizituar Kremlinin gjatë luftës, janë parë si kolaboracionistë të hapur.

Megjithatë, kur Trump filloi bisedimet me Putinin, shumë evropianë i bënë atij të njëjtin kompliment si Rutte kur ata bënë vizitat e tyre të para në Shtëpinë e Bardhë pasi ai mori detyrën në janar.

Keir Starmer, Mbretëria e Bashkuar

“Faleminderit që ndryshuat bisedën për të sjellë mundësinë që tani të mund të kemi një marrëveshje paqeje dhe ne do të punojmë me ju”, tha kryeministri i Mbretërisë së Bashkuar, Keir Starmer, në Zyrën Ovale në shkurt.

Duke e ditur dashurinë e Trump për nocionin e pushtetit trashëgues, ai nxori nga xhaketa e tij një letër nga Mbreti Charles III që përmbante një ftesë për një vizitë të dytë shtetërore të paparë në Kështjellën Windsor.

Trump mbeti pa fjalë për një çast.

“Vendi juaj është një vend fantastik dhe do të jetë nder për ne të jemi atje, faleminderit”, tha Trump kur e mblodhi veten.

Starmer dhe Trump shkëmbyen disa shtrëngime duarsh ndërsa flisnin dhe Starmer i preku vazhdimisht shpatullën Trumpit “në një shenjë dashurie”.

Por a pati shumë efekt e gjithë kjo lajka?

Trump njoftoi se po ngrinte ndihmën ushtarake për Ukrainën muajin pasardhës, duke shkaktuar zemërimin e madh të Mbretërisë së Bashkuar, së bashku me vendet nordike dhe baltike, thekson Al Jazeera.

Giorgia Meloni, Itali

Si Starmer ashtu edhe kryeministrja e Italisë, Giorgia Meloni, e identifikuan Ukrainën si një çështje kyçe për Trump, i cili e ka bërë të qartë se dëshiron të fitojë Çmimin Nobel për Paqen duke i dhënë fund konflikteve ndërkombëtare.

Deri më tani, ai ka marrë meritat për përfundimin e “Luftës 12-ditore” të këtij muaji midis Izraelit dhe Iranit, parandalimin e luftës bërthamore pas betejës ajrore të 7 majit midis Indisë dhe Pakistanit dhe mbikëqyrjen e një marrëveshjeje paqeje midis Republikës Demokratike të Kongos (RDK) dhe Ruandës.

Meloni provoi një qasje të ngjashme lajkatuese ndaj Trump, gjithashtu.

“Së bashku kemi mbrojtur lirinë e Ukrainës. Së bashku mund të ndërtojmë një paqe të drejtë dhe të qëndrueshme. Ne mbështesim përpjekjet tuaja, Donald”, tha ajo gjatë vizitës së saj në Shtëpinë e Bardhë në prill.

Ajo madje e përshtati sloganin e Trump, “Bëjeni Amerikën të Madhe Përsëri”, në Evropë. “Qëllimi për mua është ta Bëjmë Perëndimin të Madh Përsëri. Mendoj se mund ta bëjmë së bashku”, i tha Meloni një Trumpi të gëzuar.

Por asgjë nga kjo nuk është përkthyer në një vizitë shtetërore të Trump në Romë, një veprim që do të çimentonte pozicionin e Melonit si një udhëheqëse e madhe evropiane, megjithatë, shkruan më tej Al Jazeera, përcjell Telegrafi.

Mark Carney, Kanada

Ndërkohë, kryeministri i sapozgjedhur kanadez Mark Carney ishte si lajkatues ashtu edhe i vendosur me Trump muajin e kaluar.

Ai e komplimentoi Trumpin për të qenë “një president transformues” që kishte mbajtur anën “e punëtorit amerikan”, por gjithashtu ia mbylli ambicien territoriale të Trumpit për të aneksuar Kanadanë si shteti i 51-të i SHBA-së.

“Nuk është në shitje, nuk do të jetë kurrë në shitje”, tha Mark Carney.

Marrëdhëniet dukeshin se kishin marrë një kthesë për mirë pas fërkimit të Trump me paraardhësin e Carney, Justin Trudeau.

Trump e quajti atë “shumë të pandershëm dhe të dobët” në samitin e G7 në Kanada në vitin 2018 përpara se të largohej.

Por edhe Carney mund të mos ketë pasur efekt.

Të premten, Trump përfundoi bisedimet tregtare me Kanadanë dhe kërcënoi të vendoste tarifa shtesë mbi eksportet për shkak të taksës së re të shërbimeve dixhitale të Kanadasë.

Cilat takime kanë shkuar edhe më keq?

Emmanuel Macron, Francë

Siç kujton Al Jazeera, pati pak ngrohtësi në takimin e Trump në Shtëpinë e Bardhë me presidentin francez, Emmanuel Macron në shkurt.

I përgatitur për përballje me një udhëheqës që pretendon se e udhëheq Evropën në mendimin strategjik, Trump foli me vërejtje të gjata, mbrojtëse dhe të shkruara, të cilat u përpoqën të justifikonin politikën e tij ndaj Ukrainës.

Macron predikoi se paqja në Ukrainë nuk duhet të nënkuptojë dorëzim – një ndjenjë e ndarë nga shumë udhëheqës evropianë, por jo e shprehur ndaj Trump. Trump ishte “i përzemërt me Macron, por jo i dashur”.

Ndërkohë, Franca po i bën presion çdo lloj kapitullimi ndaj Trump në bisedimet tregtare të Bashkimit Evropian.

E anëtarë të tjerë të BE-së duan të pajtohen me një marrëveshje tregtare “asimetrike” që mund t’i sjellë më shumë dobi SHBA-së sesa BE-së, vetëm për ta realizuar atë.

Për më tepër, pas takimit të G7 në Kanada dy javë më parë, ishte e qartë se nuk kishte humbur asnjë dashuri midis dy udhëheqësve: Trump tha për Macron se është “në kërkim të publicitetit” në një postim në mediat sociale më 17 qershor.

Volodymyr Zelensky, Ukrainë

Presidenti ukrainas Volodymyr Zelensky u sulmua nga Trump dhe zëvendëspresidenti JD Vance më 28 shkurt, kur shkoi në Shtëpinë e Bardhë për të nënshkruar një marrëveshje për të drejtat minerale që shpresonte se do të sillte ndihmë ushtarake amerikane.

Ai dhe Vance u përplasën për bisedimet e drejtpërdrejta me Rusinë për Ukrainën, dhe Vance e kritikoi ashpër Zelenskyn për dështimin për të treguar “mirënjohje” të mjaftueshme ndaj SHBA-së.

“Po luani me jetën e miliona njerëzve. Po luani me Luftën e Tretë Botërore”, tha Trump.

Megjithatë, Zelensky dhe Trump duket se i kishin rregulluar pak gjërat kur mbajtën një takim të improvizuar ndërsa merrnin pjesë në funeralin e Papa Françeskut në Vatikan në prill.

Një zëdhënës i Shtëpisë së Bardhë e përshkroi takimin si “shumë produktiv”.

Cyril Ramaphosa, Afrika e Jugut

Muajin e kaluar, Trump i bëri “një pritë” presidentit të Afrikës së Jugut, Cyril Ramaphosa, në Shtëpinë e Bardhë, kur ai i tregoi një video të një tubimi të partisë opozitare të Afrikës së Jugut në favor të dëbimit të fermerëve të bardhë.

Trump akuzoi Afrikën e Jugut për kryerjen e një “gjenocidi” kundër fermerëve të bardhë.

Ramaphosa ishte dukshëm i shqetësuar, por ai shpjegoi me durim se sipas një sistemi parlamentar, shprehen pikëpamje të ndryshme, të cilat nuk përfaqësojnë politikën qeveritare, dhe se Afrika e Jugut është një vend i dhunshëm ku shumica e viktimave të dhunës janë të zinj.

“Ju jeni partner i Afrikës së Jugut dhe si partner po ngrini shqetësime për të cilat ne jemi të gatshëm të flasim me ju”, tha Ramaphosa, duke e qetësuar pak Trumpin.

Trump u shpërqendrua duke folur për një Jumbo Jet që Katari ia kishte dhuruar gjatë turneut të tij në Lindjen e Mesme.

“Më vjen keq që nuk kam një aeroplan për t’ju dhënë”, tha Ramaphosa, sikur të bënte një virtyt të mungesës së tij të lajkatimit.

A funksionon “lajkatimi me Trumpin”?

Disa ekspertë besojnë se lajkatimi mund të ndihmojë në parandalimin e përballjes me Trumpin.

Disa vëzhgues kanë argumentuar se kjo ndihmon “për të përmbajtur impulset e presidentit amerikan”.

Por lajkat nuk bëjnë shumë për të ndryshuar politikën aktuale të SHBA-së, vlerëson shkrimi i Al Jazeera.

Rutte dhe udhëheqës të tjerë të NATO-s dështuan ta tërhiqnin SHBA-në përsëri në Grupin e Kontaktit duke ndihmuar Ukrainën me armë.

“Një samit i dedikuar vetëm qëllimit për ta bërë Trumpin të ndihet mirë është një samit me qëllime shumë të kufizuara. E tëra çfarë bën është t’i shtyjë vendimet e vështira përpara për një ditë tjetër”, shkroi Andrew Gawthorpe, një ekspert i historisë dhe studimeve ndërkombëtare në Universitetin Leiden, Holandë, në The Conversation, një botim në Mbretërinë e Bashkuar.

Siç theksohet më tej, ata që kanë marrëdhënie të mira me Trumpin nuk marrin domosdoshmërisht gjërat që duan.

Marrëveshja tregtare SHBA-MB e Starmerit mban në fuqi tarifat për kompanitë britanike që eksportojnë në SHBA, megjithëse më të ulëta se sa kishte kërcënuar Trumpi.

Meloni ende pret që “Trumpi t’i dhurojë” një vizitë.

Nga ana tjetër, vendosmëria respektuese duket se funksionon.

Trump ka hequr dorë nga fushata e tij për të rivizatuar kufijtë e SHBA-së duke përvetësuar Kanadanë dhe Grenlandën, e cila është në pronësi të Danimarkës.

Vendosmëria e Carney-t ndihmoi, sepse mbartte një ndjesi përfundimtare.

Carney sapo kishte fituar zgjedhjet dhe Trump pranoi se “ishte ndoshta një nga rikthimet më të mëdha në historinë e politikës. Ndoshta edhe më e madhe se e imja”.

Danimarka ka qenë po aq e vendosur. Kryeministrja Mette Frederiksen ka thënë se marrëveshjet ekzistuese me SHBA-në tashmë i lejojnë asaj të vendosë baza ushtarake atje, ndërsa banorët e Grenlandës nuk duan të kolonizohen nga amerikanët.

Ndërsa sa i përket “përpjekjeve të Trump në raport me Zelenskyn dhe Ramaphosan”, Evropa ka ndërhyrë për të kompensuar mungesën e ndihmës ushtarake amerikane për Ukrainën, duke e paraqitur SHBA-në si një aleat të paqëndrueshëm.

Ndërsa videoja e Trump për “gjenocidin e bardhë” bëri pak për të bindur amerikanët se Afrika e Jugut po kryente një gjenocid. /Telegrafi/

The post Lajkat si diplomaci: Sa efektive kanë qenë “fjalët e bukura” drejtuar Trumpit nga udhëheqës të ndryshëm botërorë? appeared first on Telegrafi.

Komenti që tërhoqi vëmendjen e shumë njerëzve dje – dhe ndoshta edhe i argëtoi disa të tjerë – ishte shefi i NATO-s, Mark Rutte, i cili iu referua Donald Trump si “baba”.

Dhe tani duket se Shtëpia e Bardhë u argëtua po aq shumë nga komentet, transmeton Telegrafi.

Administrata ka vendosur qartë të argëtohet pak me fjalët duke ndarë një video të vizitës së presidentit në Hagë, e shoqëruar me këngën Hey Daddy (Shtëpia e babës) nga këngëtari amerikan Usher.

I pyetur dje për luftën e Izraelit dhe Iranit, Trump i krahasoi të dy kombet me “dy fëmijë në oborrin e një shkolle”, duke thënë “ata rrahën, nuk mund t’i ndalosh”.

“Lërini të rrahën për rreth dy, tre minuta. Pastaj është më e lehtë t’i ndalosh”, shtoi presidenti amerikan.

Rutte më pas bëri shaka: “Dhe pastaj babi ndonjëherë duhet të përdorë gjuhë të ashpër për t’i ndaluar”. /Telegrafi/

The post ‘Shtëpia e babës’ – Shtëpia e Bardhë ndan videon e vizitës së Trump në NATO, e cila do të shoqërohet me këngën e Usher appeared first on Telegrafi.

Sekretari i Përgjithshëm i NATO-s, Mark Rutte, mohoi se e kishte quajtur Presidentin Donald Trump “baba”, gjatë një interviste ekskluzive për agjencinë Reuters sot.

Rutte shpjegoi se kishte përdorur fjalën “baba” gjatë një konference shtypi më herët me Trump, ku presidenti amerikan e kishte përshkruar konfliktin mes Iranit dhe Izraelit si një përleshje mes dy fëmijëve, sepse, sipas Rutte, disa vende i bëjnë shpesh pyetjen nëse SHBA do të vazhdojë të qëndrojë në NATO.

“Dhe unë thashë: kjo tingëllon pak si një fëmijë i vogël që i thotë babait të tij, ‘hej, do të rrish ende me familjen?’ Pra, në këtë kontekst e përdora fjalën ‘baba’, jo që e quajta Presidentin Trump ‘baba’,” shtoi ai.

Komente të tjera nga Rutte:

Më herët, Rutte dha një përshkrim mjaft të gjallë të mënyrës sesi Trump po e trajton krizën në Lindjen e Mesme gjatë bisedimeve të tyre sot.

Pasi Trump krahasoi palët ndërluftuese – në këtë rast Izraelin dhe Iranin – me “dy fëmijë në oborrin e shkollës”, Rutte ndërhyri me një krahasim të vetin:

“Atëherë babai duhet ndonjëherë të përdorë një gjuhë të ashpër,” tha ai.

Më vonë, Rutte e hodhi poshtë një pyetje në lidhje me qasjen e tij të konsideruar “të dobët” dhe “përulëse” ndaj Trump, duke e cilësuar si “çështje shijeje”, pasi e kishte përmendur presidentin amerikan si “babi”.

The post “Nuk e kam quajtur baba”/ Kreu i NATO-s sqaron komentet për Trump appeared first on Sot News | Lajme.

Kishte momente të papritura lehtësimi midis vendimeve të rëndësishme mbi kërcënimin që vjen nga Rusia, dhe rritjen e shpenzimeve të mbrojtjes në nivele të papara që nga Lufta e Ftohtë.

Ja çfarë mësuam nga dy ditë të mbushura me emocione në Hagë, transmeton Telegrafi.

Rritje e madhe e shpenzimeve të mbrojtjes

Përfundimi kryesor është angazhimi i aleatëve për një objektiv prej 5% të shpenzimeve të mbrojtjes, që duhet të arrihet brenda një dekade. Është një kërcim i jashtëzakonshëm nga udhëzimi aktual prej 2%, i cili aktualisht nuk përmbushet as nga tetë anëtarë të NATO-s nga 32.

Vetëm 3.5% e kësaj shifre është menduar të arrihet tërësisht përmes shpenzimeve kryesore të mbrojtjes për trupa dhe armë – ndërsa 1.5% e mbetur mund të përdoret për “shpenzime të lidhura me mbrojtjen”.

Dhe ky është një koncept mjaft i gjerë që mund të zbatohet për shpenzimet edhe nëse ato lidhen vetëm lirshëm me mbrojtjen: për sa kohë që përdoren për të “mbrojtur infrastrukturën kritike, për të mbrojtur rrjetet, për të siguruar gatishmërinë dhe qëndrueshmërinë civile, për të çliruar inovacionin dhe për të forcuar bazën industriale të mbrojtjes”.

Arritja e këtij objektivi prej 3.5% të shpenzimeve bazë të mbrojtjes do të jetë ende një kërkesë e rëndësishme për shumë vende të NATO-s, shumë prej të cilave aktualisht luhaten rreth vijës 2%.

Planet për të arritur shifrën 5% do të duhet të dorëzohen çdo vit dhe do të duhet të ndjekin një “rrugë të besueshme dhe graduale”. Një rishikim do të zhvillohet në vitin 2029.

Një për të gjithë dhe të gjithë për një

Për aq kohë sa ekziston NATO, Neni i saj Pesë mbi mbrojtjen kolektive ka qenë një parim thelbësor që do të thotë se një sulm kundër një aleati konsiderohet një sulm ndaj të gjithëve.

Pra, kur Trump sugjeroi gjatë rrugës për në samit se kishte “përkufizime të shumta” të garancisë së sigurisë së ndërsjellë, kjo ishte një kujtesë për komentet që ai bëri gjatë fushatës zgjedhore vitin e kaluar, kur sugjeroi që nëse një vend nuk paguante shpenzimet e veta, “Unë nuk do t’ju mbroja, në fakt do ta inkurajoja [Moskën] të bënte çfarë të donte”.

Kjo marrëveshje e samitit duket se i jep fund çdo shqetësimi të mbetur në lidhje me qëllimet e Trump, sepse riafirmon “angazhimin tonë të palëkundur për mbrojtjen kolektive”. “Unë mbështes [Nenin Pesë], prandaj jam këtu”, u tha ai gazetarëve më pas.

Kjo siguri do të pritet mirë nga shtetet anëtare të NATO-s që shihen si nën kërcënimin më të madh, por më pas ata i paguan shpenzimet e tyre gjithsesi. Dhe Trump është rikthyer në Uashington me një marrëveshje që do të thotë se të gjitha shtetet e tjera anëtare kanë rënë dakord të rrisin shpenzimet e tyre gjithashtu.

Trump dhe lufta ruse

Çështja e Rusisë do të ishte gjithmonë e ndërlikuar. Shumica e vendeve të NATO-s – veçanërisht ato në afërsi të kufirit rus – janë dakord se Moska mund të paraqesë një kërcënim të drejtpërdrejtë për to në të ardhmen e afërt; vetë Rutte ka thënë se Rusia mund të përdorë forcën ushtarake kundër aleancës brenda pesë viteve.

Deklarata e fundit të samitit të vitit të kaluar iu referua disa herë – me terma të qartë – “luftës brutale të agresionit” të Moskës.

Por Trump ka pasur një qasje shumë më të butë ndaj Moskës dhe i ka rezistuar trajtimit të saj si një kundërshtar. Si i tillë, gjithmonë ka qenë e pamundur që ai të miratonte një deklaratë që e etiketonte Rusinë si fajtoren e qartë për luftën e përgjakshme të Ukrainës, e cila tani është më shumë se tre vjeçare.

Pra, ndërsa deklarata përmend “kërcënimin afatgjatë të paraqitur nga Rusia për sigurinë euroatlantike” dhe riafirmon nevojën për të ofruar mbështetje të qëndrueshme për Ukrainën, nuk ka asnjë dënim specifik të Rusisë në komunikatë.

Spanja akuzohet nga Trump se dëshiron “një udhëtim falas”

Që nga përvoja e vështirë e Volodymyr Zelensky në Shtëpinë e Bardhë shkurtin e kaluar, udhëheqësit evropianë janë përpjekur të shmangin nisjen e gabuar me Donald Trump.

Kryeministri socialist i Spanjës, Pedro Sánchez, shkoi në Hagë tashmë i zhytur në skandale politike të brendshme dhe priste një kohë të vështirë.

Spanja mbështet fundin e ligës së shpenzimeve të NATO-s me 1.24% të prodhimit ekonomik në mbrojtje. Ai erdhi në Hagë duke këmbëngulur se 2.1% ishte e mjaftueshme dhe u tha gazetarëve pas nënshkrimit të deklaratës së samitit, se Spanja e konsideronte shumën “të mjaftueshme, realiste dhe të pajtueshme me modelin tonë social dhe shtetin e mirëqenies”.

Kryeministri spanjoll ishte dukshëm i ftohtë gjatë “fotos familjare”, duke preferuar të qëndronte në fund larg kolegëve të tij të NATO-s. Kishte sugjerime se ai kishte bërë çmos për të shmangur edhe Trumpin.

Por Sánchez tashmë i kishte rënë në sy Trumpit dhe presidenti amerikan nuk po e pranonte fare.

“Është e tmerrshme ajo që kanë bërë”, tha Trump, i cili akuzoi Madridin se po kërkonte “pak fat”.

“Po negociojmë me Spanjën për një marrëveshje tregtare, por do t’i bëjmë të paguajnë dy herë”, shtoi Trump.

Për shkak se Spanja është anëtare e Bashkimit Evropian, Trump do ta ketë të vështirë ta bëjë këtë – por Sánchez do të kthehet në Madrid i izoluar në NATO, si dhe duke luftuar në shtëpi.

Rutte dhe “problemet e tij me babanë”

Askush nuk do të kishte qenë më i vetëdijshëm për grackat e mundshme të këtij samiti sesa Sekretari i Përgjithshëm i NATO-s, Mark Rutte, i cili ishte i përfshirë në një shkëmbim të habitshëm me presidentin amerikan në të cilin ai i referohej atij si “baba”.

Rutte e kishte lavdëruar tashmë Trumpin në një mesazh privat për “veprimin vendimtar në Iran” që “asnjë president amerikan në dekada nuk mund ta kishte bërë”. Trump më pas i kishte postuar fjalët e tij në rrjetin e tij të mediave sociale dhe Rutte mohoi të ishte turpëruar.

Por më pas, në një paraqitje të përbashkët me Trumpin të mërkurën, Rutte reagoi ndaj Trumpit që e përshkroi luftën midis Izraelit dhe Iranit si “si dy fëmijë në një oborr shkolle” që kishin pasur një grindje të madhe.

“Dhe pastaj babi ndonjëherë duhet të përdorë gjuhë të ashpër për t’i ndaluar”, shtoi Rutte.

I pyetur nëse kishte shkuar shumë larg me lajkat e tij, Rutte tha se nuk mendonte kështu: “Mendoj se ai meriton të gjitha lavdërimet”.

Trump, i shoqëruar nga Sekretari i Shtetit, Marco Rubio dhe Sekretari i Mbrojtjes, Pete Hegseth që qeshnin me të madhe, dukej i argëtuar nga e gjithë kjo: “Mendoj se ai më pëlqen, nëse jo… do të kthehem dhe do ta godas fort. Ai e bëri me shumë dashuri: ‘Babi, ti je babai im'”, qeshi ai. /Telegrafi/

The post Pesë pikat kryesore nga Samiti i madh i NATO-s mbi rritjen e shpenzimeve për mbrojtjen appeared first on Telegrafi.

Sekretari i NATO-s, Mark Rutte, në një konferencë të mbajtur për media në kuadër të Samitit të NATO-s në Hagë, ka përmendur edhe rajonin e Ballkanit Perëndimor, konkretisht Kosovën dhe Bosnje e Hercegovinën.

I pyetur nga një gazetar për mos përmendjen e Ballkanit Perëndimor në deklaratën e Samitit, Rutte ka thënë se NATO vazhdon të jetë e fokusuar në rajon përmes trupave të saj në Kosovë dhe Bosnje e Hercegovinë.

Rutte ka thënë se KFOR-i vazhdon të jetë në Kosovë dhe EUFOR-i në Bosnje e Hercegovinë.

“E kam vizituar rajonin, kam pasur bisedime me liderët në Bosnje dhe Kosovën. Jemi shumë të involvuar si NATO, si BE gjithashtu është shumë e involvuar. Koordinohemi ngushtë me Kaja Kallas dhe Ursula Von Der Leyen”, ka thënë Rutte.

“Ne vazhdojmë të jemi aty, asgjë s’ka ndryshuar”, ka shtuar tutje Sekretari i NATO-s./Express/ KultPlus.com

Shtetet e Bashkuara “duhet të ndërmarrin veprime kur është e nevojshme” për të siguruar paqen në të gjithë botën. Kështu u shpreh sekretari i përgjithshëm i NATO-s të mërkurën pas samitit të aleancës në Hagë.

“Ju jeni 25% e ekonomisë botërore, ju jeni padyshim fuqia më e madhe ushtarake në botë”. Historia ju bën udhëheqës. Historia ju bën ata që duhet të ndërmarrin veprime kur është e nevojshme.”, theksoi Rutte gjatë konferencës së sotme për shtyp.

Ai tha se “studimet që po kryhen” do të përcaktojnë “se cili ka qenë saktësisht efekti i kësaj”, duke shtuar: “Personalisht jam shumë optimist se kjo i ka dhënë një goditje të madhe Iranit.”

CNN e pyeti Rutte se sa i fortë është Neni 5, i cili e angazhon aleancën për një përgjigje kolektive ndaj një sulmi ndaj çdo shteti anëtar. “Neni 5 është absolutisht i qartë dhe në të njëjtën kohë, ne gjithmonë kemi thënë se nuk do të hyjmë kurrë në detaje se kur saktësisht do të aktivizohet Neni 5”, deklaroi Rutte./abcnews.al

Presidenti amerikan, Donald Trump, dhe Sekretari i Përgjithsëm i NATO-s, Mark Rutte, zhvilluan sot një konferencë të përbashkët për mediat në kuadër të samitit të NATO-s në Hagë, ku fokusi ishte tek rritja e shpenzimeve të mbrojtjes nga vendet anëtare të aleancës. Rutte deklaroi se “NATO do të vendosë në mënyrë unanime që vendet të rrisin shpenzimet e mbrojtjes në 5% të prodhimit të brendshëm…

Source

Sekretari i Përgjithshëm i NATO-s, Mark Rutte, tha se i qëndron besnik mesazhit të tij të urimit drejtuar Presidentit të SHBA-së, Donald Trump, për “veprimin e tij vendimtar në Iran”. Rutte e përgëzoi Trump dhe e quajti sulmin e SHBA-së ndaj Iranit “vërtet të jashtëzakonshëm”, në mesazhet me tekst të postuara nga presidenti në mediat sociale të martën.

Duke folur me gazetarët në samitin e NATO-s në Holandë të mërkurën në mëngjes, Rutte tha se nuk po e rishqyrtonte vlerësimin e tij për sulmet amerikane, pasi raportet e medias vunë në pikëpyetje efikasitetin e tyre.

“14 bombat e mëdha të hedhura në impiantin bërthamor në Iran, mendoj se ishin thelbësore për të bërë gjithçka që është e mundur për të shkatërruar kapacitetin bërthamor të iranianëve, të cilin NATO gjithmonë ka thënë se Irani nuk duhet ta ketë në dorë”, tha ai.

The post Shefi i NATO-s përgëzon Trump për sulmin ndaj Iranit: Vërtet të jashtëzakonshme appeared first on Lapsi.al.

Gjatë rrugës për në samitin e liderëve të NATO-s, Presidenti amerikan Donald Trump vuri në dyshim premtimin themelor të mbrojtjes së përbashkët të aleancës — duke injektuar tension në një mbledhje që është përshtatur për ta joshur Trump në çështjet e sigurisë europiane.

I pyetur nëse Shtetet e Bashkuara mbeten të përkushtuara ndaj nenit 5 të NATO-s, Trump u tha gazetarëve në bordin e Air Force One: “Varet nga përkufizimi juaj. Ka shumë përkufizime të nenit 5. E dini këtë, apo jo? Por unë jam i përkushtuar që të jem miku i tyre.”

“Jam i përkushtuar për të shpëtuar jetë. Jam i përkushtuar ndaj jetës dhe sigurisë. Dhe do t’ju jap një përkufizim të saktë kur të mbërrij atje. Thjesht nuk dua ta bëj nga pjesa e pasme e një avioni.”

Të mërkurën, pritet që liderët e NATO-s të bien dakord zyrtarisht për një objektiv të ri të shpenzimeve për mbrojtje, në nivelin 5% të prodhimit të brendshëm bruto — një rritje e ndjeshme nga objektivi aktual prej 2% dhe diçka që Trump ka kërkuar prej muajsh.

Ndërsa Sekretari i Përgjithshëm i NATO-s, Mark Rutte, ka këmbëngulur publikisht se objektivi i ri “nuk është për një audiencë të vetme”, një mesazh privat, servil dhe i publikuar nga vetë Trump tregon se e gjithë koreografia e samitit është ndërtuar kryesisht për t’i dhënë presidentit amerikan një fitore dhe për ta mbajtur atë brenda aleancës.

“Donald, ti na ke çuar në një moment vërtet shumë të rëndësishëm për Amerikën, Europën dhe botën. Do të arrish diçka që ASNJË president amerikan nuk ka mundur ta bëjë prej dekadash,” i shkruan Rutte, sipas një screenshot-i të publikuar nga Trump në Truth Social. “Europa do të paguajë në MËNYRË TË MADHE, siç duhet, dhe kjo do të jetë fitorja jote.”

Sekretari i përgjithshëm i NATO-s gjithashtu e përgëzoi presidentin amerikan për “veprimin vendimtar në Iran.”

Trump tha gjithashtu se ka folur me presidentin rus Vladimir Putin.

I pyetur në bordin e Air Force One për shkëmbimin e vazhdueshëm të zjarrit me raketa me rreze të gjatë mes Iranit dhe Izraelit, Trump zbuloi një telefonatë të fundit me liderin rus dhe shtoi se ai ende synon të arrijë një marrëveshje me Putinin për t’i dhënë fund luftës në Ukrainë.

“Siç e dini, Vladimir më telefonoi. Më tha: ‘Mund të të ndihmoj me Iranin?’ Unë i thashë: ‘Jo, nuk kam nevojë për ndihmë me Iranin. Kam nevojë për ndihmë me ty.’”

Pas sulmeve të Shteteve të Bashkuara dhe Izraelit ndaj objekteve bërthamore iraniane, Teherani u kundërpërgjigj me sulme ndaj aseteve amerikane në Katar, pozicioneve izraelite dhe infrastrukturës civile. Një armëpushim i brishtë tani është në rrezik.

Trump tha gjithashtu se ka gjasa të takohet me presidentin e Ukrainës, Volodymyr Zelenskyy, gjatë qëndrimit të tij në Hagë.

The post Trump vë në dyshim mbrojtjen e aleatëve të NATO-s para samitit appeared first on Lapsi.al.

HAGË, 24 qershor /ATSH-DPA/- Sekretari i përgjithshëm i NATO-s, Mark Rutte tha sot se është e paimagjinueshme që Rusia të arrijë të “prodhojë më shumë” se aleanca perëndimore e mbrojtjes, pasi ajo është gati të nënshkruajë një rritje masive të shpenzimeve të mbrojtjes.

“Ne duhet të bëjmë më shumë”, theksoi Rutte në një forum të industrisë së mbrojtjes përpara samitit të rëndësishëm të liderëve, në Hagë.

“Është thjesht e paimagjinueshme që Rusia, me një ekonomi 25 herë më të vogël se ajo e NATO-s, të jetë në gjendje të prodhojë më shumë dhe të armatoset më shumë”, theksoi shefi i NATO-s, Rutte.

“Ne duhet të shpenzojmë më shumë për të parandaluar luftën. Ne duhet ta fitojmë këtë luftë të re prodhimi”, shtoi ai.

Kohët e fundit, aleatët e NATO-s ranë dakord për objektiva të reja lidhur me rritjen më të madhe të riarmatimit që nga Lufta e Ftohtë – për të siguruar që aleanca të mund t’i rezistojë një sulmi të mundshëm rus.

Moska, në luftë me Ukrainën për më shumë se tre vjet, ka rritur masivisht prodhimin e saj të mbrojtjes, duke shkaktuar friknë se mund të jetë gati për një sulm në territorin e NATO-s brenda pak vitesh.

Udhëheqësit e NATO-s do të miratojnë zyrtarisht rritjen e shpenzimeve të lidhura me mbrojtjen në të paktën 5% të prodhimit ekonomik në samit, me qëllim financimin e përmirësimeve të kapaciteteve të saj. //a.i/

The post HAGË – Rutte: E paimagjinueshme që Rusia të jetë në gjendje të tejkalojë NATO-n appeared first on Agjencia Telegrafike Shqiptare.

Aleatët evropianë nuk duhet të shqetësohen për përkushtimin e Shteteve të Bashkuara ndaj NATO-s, tha të martën Mark Rutte, shefi i aleancës ushtarake, duke folur para një samiti ku pritet të miratohet një synim i ri për shpenzime të mëdha.

Takimi dyditor në Hagë ka për qëllim t’ia dërgojë një mesazh presidentit të Rusisë, Vladimir Putin, se NATO-ja është e bashkuar, pavarësisht kritikave të mëparshme të presidentit amerikan, Donald Trump, ndaj aleancës, dhe se është e vendosur ta zgjerojë dhe përmirësojë mbrojtjen për ta frenuar çdo sulm nga Moska.

“Presidenti amerikan dhe udhëheqja e lartë amerikane janë plotësisht të përkushtuar ndaj NATO-s”, tha Rutte në një forum publik para hapjes zyrtare të samitit, duke shtuar, megjithatë, se ky përkushtim vjen me pritshmërinë që vendet evropiane dhe Kanadaja t’i rrisin shpenzimet për mbrojtjen.

Samiti dhe deklarata përfundimtare e tij do të jenë të shkurtra dhe të përqendruara në përgjigjen ndaj thirrjes së Trumpit për t’i shpenzuar 5 për qind të prodhimit të brendshëm bruto – një rritje e madhe nga caku i tanishëm prej 2 për qind.

Rutte e përshkroi çështjen e shpenzimeve si “pengesë, irritim i madh, që është fakti se ne nuk po shpenzojmë sa duhet si evropianë dhe kanadezë, dhe ata duan që të barazohemi me atë që shpenzon SHBA-ja”.

Presidenti i Ukrainës, Volodymyr Zelensky, tha se ka planifikuar të takohet me Trumpin në Hagë – edhe pse ai nuk do të marrë pjesë në samit, pasi zyrtarët e NATO-s janë përpjekur të shmangin përplasjet mes Trumpit dhe udhëheqësve të tjerë për luftën në Ukrainë.

Zelensky tha në një intervistë për Sky Neës, të transmetuar të martën, se ekipet e dy liderëve po punonin për detajet organizative dhe kohën e takimit.

I pyetur për mundësinë e përfundimit të luftës trivjeçare në Ukrainë, Rutte tha: “Nuk mund të parashikoj kur do të ndodhë”.

Ai gjithashtu lavdëroi Trumpin për angazhimin me Putinin. Rusia ka përmendur dëshirën e fqinjit të saj për t’u bashkuar me aleancën transatlantike të udhëhequr nga SHBA-ja si një nga arsyet pse e pushtoi Ukrainën në vitin 2022.

Zëdhënësi i Kremlinit, Dmitry Peskov, tha të martën se NATO – e themeluar në vitin 1949 për t’i bërë ballë kërcënimit nga Bashkimi Sovjetik komunist është krijuar për konfrontim dhe ndodhet në rrugë të “militarizimit të pakontrolluar”.

Lufta mes Izraelit dhe Iranit dhe statusi i pasigurt i një armëpushimi të shpallur gjatë natës nga Trumpi e bëjnë samitin shumë më pak të parashikueshëm nga sa do të dëshironte Rutte dhe vendet e tjera anëtare të NATO-s./REL

Sekretari i Përgjithshëm i NATO-s, Mark Rutte, tha se nuk ishte e vështirë të bindeshin anëtarët e Aleancës që të rrisnin shpenzimet e mbrojtjes në 5% të PBB-së për shkak të kërcënimit në rritje nga Rusia dhe theksoi se Trump mbeti absolutisht i përkushtuar për të mbështetur NATO-n.

Në një intervistë në prag të samitit të aleancës perëndimore, Rutte tha për The Guardian se të 32 anëtarët kishin rënë dakord të rrisnin shpenzimet e mbrojtjes sepse shumë gjëra janë në rrezik pas pushtimit të Ukrainës nga Moska.

Sipas marrëveshjes së planifikuar, anëtarët e NATO-s do të angazhoheshin për të rritur shpenzimet e mbrojtjes në 3.5% të PBB-së me një shtesë prej 1.5% të ndarë për investime më të gjera në lidhje me sigurinë, duke përfshirë sigurinë kibernetike dhe inteligjencën.

Rutte tha: “Situata e sigurisë ka ndryshuar kaq shumë […] Tani duhet të zbatoni me një përpjekje kolektive atë që premtuat.”

Është një moment kritik për aleancën, me luftën në Ukrainë tani në vitin e katërt pas pushtimit të Rusisë në vitin 2022, dhe konfliktin në Lindjen e Mesme në rrezik përshkallëzimi pavarësisht deklaratës së Donald Trump për një armëpushim midis Iranit dhe Izraelit.

Duke folur në Hagë, ish-kryeministri holandez e përshkroi Rusinë si kërcënimin më të rëndësishëm dhe të menjëhershëm për NATO-n, duke paralajmëruar se Moska mund të jetë në një pozicion për të nisur një sulm ndaj anëtarëve të aleancës brenda tre deri në pesë vjetësh.

“Është e qartë se Rusia dëshiron të zgjerojë territorin e saj. Për disa vite tani, ata janë riorganizuar me shpejtësi,” tha Rutte.

Rutte tha se Rusia prodhon tashmë katër herë më shumë municione sesa e gjithë aleanca e NATO-s, pavarësisht se ekonomia e saj vlen vetëm 2 trilionë dollarë krahasuar me 50 trilionë dollarët e NATO-s. Trump dhe SHBA-të janë ankuar vazhdimisht se aleatët evropianë mbështeten shumë në mbështetjen ushtarake amerikane.

Që nga marrja e detyrës në vitin 2024, Rutte është ngarkuar me menaxhimin e marrëdhënies shpesh të trazuar të NATO-s me presidentin e SHBA-së, i cili herë pas here ka vënë në pikëpyetje vetë ekzistencën e aleancës. Rutte, i cili ka kultivuar me kujdes marrëdhënie pozitive me Trump, këmbënguli që udhëheqësi amerikan mbetet absolutisht i përkushtuar ndaj NATO-s.

“U them evropianëve, ju lutem shqetësohuni pak më pak dhe përqendrohuni në atë që mund të bëni, shpenzoni më shumë, nxisni industrinë tuaj, sepse SHBA-të janë të përkushtuara, por ata gjithashtu presin që ne të shpenzojmë më shumë”, tha ai.

The post Mark Rutte: Trump i përkushtuar për të mbështetur NATO-n appeared first on Lapsi.al.

Shefi i NATO-s, Mark Rutte, është deklaruar përpara samitit të NATO-s.

Duke iu drejtuar situatës në Iran, ai tha se aleatët e NATO-s kanë rënë dakord prej kohësh që Irani nuk duhet të zhvillojë një armë bërthamore, shkruan skynews, përcjell Telegrafi.

“Aleatët i kanë kërkuar vazhdimisht Iranit të përmbushë detyrimet e tij sipas Traktatit të Mospërhapjes Bërthamore (NPT)”, tha Rutte.

Ai vazhdoi duke thënë se plani i ri i investimeve në mbrojtje i aleancës do të jetë 5% e GDP-së dhe kjo do të ndihmojë në sigurimin e mbrojtjes.

“Ndërsa udhëheqësit fillojnë të mblidhen për samitin këtu, ky është fokusi ynë – të sigurohemi që kemi gjithçka që na nevojitet për të penguar dhe mbrojtur nga çdo kërcënim”, shton ai.

Ai vëren se “kërcënimi më i rëndësishëm” me të cilin përballet aleanca e mbrojtjes është Rusia. /Telegrafi/

The post Shefi i NATO-s: Irani nuk duhet të zhvillojë armë bërthamore appeared first on Telegrafi.

Sekretari i Përgjithshëm i NATO-s, Mark Rutte deklaroi se sulmet ndaj Iranit janë “veprim i njëanshëm” i Izraelit dhe u bëri thirrje aleatëve, përfshirë SHBA-në, të ulin tensionet, transmeton Anadolu.

Rutte në një konferencë të përbashkët për media me kryeministrin suedez Ulf Kristersson, komentoi sulmin e Izraelit ndaj Iranit.

“Duket qartë se është një situatë e zhvilluar me shpejtësi. Ky ishte veprim i njëanshëm i Izraelit”, tha Rutte.

“Mendoj se është jetike që shumë aleatë, përfshirë SHBA-në, të punojnë për të ulur tensionet. E di që po e bëjnë këtë”, tha Rutte.

– Izraeli sulmon shumë qytete në Iran

Sot në orët e para të mëngjesit, Izraeli nisi sulme ndaj Iranit, përfshirë kryeqytetin Teheranin, Tabrizin, centralin bërthamor Natanz në Isfahan dhe qytetet Lorestan dhe Kermanshah.

Në sulme u vranë zyrtarë të lartë ushtarakë, përfshirë shefin e Shtabit të Iranit, gjeneral major Mohammad Bagheri, komandantin e përgjithshëm të korpusit të Gardës Revolucionare, gjeneral major Hossein Salami dhe 6 shkencëtarë bërthamorë.

Vendbanimet civile u goditën gjithashtu gjatë sulmeve të Izraelit në Teheran dhe shumë civilë humbën jetën./AA

The post Kreu i NATO-s, Rutte: Sulmet ndaj Iranit, veprim i njëanshëm i Izraelit! appeared first on Lapsi.al.