Presidenti turk Recep Tayyip Erdogan ka nisur një tjetër ofensivë ndaj bashkive që drejtohen nga kryetarë të bashkive të Partisë Popullore Republikane (CHP), partia kryesore opozitare. Kryetarët e bashkive të Antalias, Adijamanit dhe Adanas u arrestuan më 8 korrik si pjesë e hetimeve për korrupsion. Kryetari i bashkisë së Antalias, Muhittin Bocek, u shkarkua nga […]

The post Me arrestimet e kryetarëve të bashkive, Erdogani po përpiqet të ndalojë opozitën appeared first on Reporter.al.

Presidenti i Turqisë, Recep Tayyip Erdogan, deklaroi se ndikimi i Shteteve të Bashkuara ndaj Izraelit është vendimtar për arritjen e një armëpushimi të mundshëm 60-ditor në Rripin e Gazës.

“Faleminderit iniciativave të presidentit Trump, një plan për një armëpushim të përkohshëm prej 60 ditësh është aktualisht në tryezën e diskutimeve. Ndikimi i SHBA-së ndaj Izraelit do të jetë vendimtar në këtë proces. Në këtë fazë, është tejet e rëndësishme që vendet perëndimore, veçanërisht Shtetet e Bashkuara, të shtojnë presionin mbi Izraelin për të arritur një marrëveshje armëpushimi”, citohet të ketë thënë Erdogan për agjencinë turke “Anadolu”.

Presidenti turk, Recep Tayyip Erdogan foli për “zhvillime pozitive” në çështjen e blerjes së avionëve luftarakë Eurofighter në deklaratat që bëri pas Samitit të NATO-s dhe tha se Izraeli dhe Irani duhet të dëgjojnë “mikun e tij Trump”. Në të njëjtën kohë, ai tha se vendimi për qytetin turk ku do të mbahet Samiti i […]

The post Erdogan: Izraeli dhe Irani t’i kushtojnë vëmendje thirrjes së mikut tim, Trump appeared first on BoldNews.al.

Presidenti turk, Recep Tayyip Erdogan, ka folur për situatën në veri të Kosovës dhe prezencën e KFOR-it turk në vend.

Erdogani tha se pjesëtarët e KFOR-it turk janë në rajonin e Ballkanit Perëndimor “për paqe dhe qetësi”, teksa shtoi se derisa KFOR-i turk ndodhet aty, shpreson të mos ketë ndonjë problem.

“Siç e dini, KFOR-i turk është në rajon. Pse është në rajon? Për paqe, për qetësi, dhe përderisa ne jemi atje, dhashtë Zoti të mos kemi probleme atje”, deklaroi Erdogani në konferencën me media pas samitit të NATO-s në Hagë, teksa u pyet për situatën në veri të vendit nga një gazetar i Kosovës.

I pari i shtetit turk mori pjesë në Samitin e NATO-s i cili u mbajt në Hagë të Holandës.

The post Erdogan: Derisa KFOR-i turk ndodhet në veri të Kosovës, nuk do të ketë probleme appeared first on Telegrafi.

Presidenti turk, Recep Tayyip Erdogan, ka bërë thirrje për solidaritet më të fortë midis kombeve islamike për t’iu kundërvënë veprimeve izraelite në Lindjen e Mesme, duke akuzuar Izraelin për shkaktimin e pasigurisë rajonale dhe globale dhe duke e krahasuar kryeministrin izraelit, Benjamin Netanyahu, me Adolf Hitlerin.

Duke folur në Sesionin e 51-të të Këshillit të Ministrave të Jashtëm të Organizatës së Bashkëpunimit Islamik (OIC), udhëheqësi turk paralajmëroi gjithashtu kundër një “rendi të ri Sykes-Picot” në Lindjen e Mesme, duke iu referuar një marrëveshjeje të fshehtë të vitit 1916 midis fuqive perëndimore për të ndarë rajonin.

“Ne nuk do të lejojmë vendosjen e një rendi të ri Sykes-Picot në rajonin tonë me kufij që do të vizatohen me gjak”, tha Erdogan në Stamboll.

Bëhet e ditur se në vitin 1916, anglezët dhe francezët u takuan fshehurazi për të përcaktuar sferat e tyre të ndikimit dhe kontrollit të dakorduara reciprokisht nëse Perandoria Osmane do të ndahej – një marrëveshje e varur nga një fitore e Aleatëve gjatë Luftës së Parë Botërore, shkruan euronews, përcjell Telegrafi.

Marrëveshja propozonte që Franca të kishte kontroll ose ndikim mbi Sirinë dhe Libanin e sotëm, dhe Britania mbi Irakun, Jordaninë dhe pjesë të Palestinës së sotme.

Erdogan gjithashtu i përshkroi kushtet në Gaza si më të këqija se ato të kampeve të përqendrimit nazist gjatë fjalimit të tij në takimin e OIC-ut.

“Dy milionë motra dhe vëllezër tanë në Gaza kanë luftuar për të mbijetuar në këto kushte për 21 muajt e fundit”, tha lideri turk.

Ndryshe, komentet e tij vijnë ndërsa tensionet vazhdojnë të përshkallëzohen në Lindjen e Mesme, veçanërisht midis Iranit dhe Izraelit dhe konflikti hyn në javën e dytë. /Telegrafi/

The post Erdogan u bën thirrje myslimanëve të bashkohen kundër Izraelit appeared first on Telegrafi.

Qeveria e Benjamin Netanyahut është “pengesa më e madhe” për paqen në Lindjen e Mesme, ka thënë presidenti i Turqisë.

Recep Tayyip Erdogan tha se Izraeli është përpjekur të “sabotojë” çdo bisedime bërthamore midis SHBA-së dhe Iranit, duke treguar se nuk dëshiron diplomaci duke nisur sulmet e tij.

Ai u bëri thirrje vendeve të mos dëgjojnë dialogun “helmues” të Izraelit mbi konfliktin, por në vend të kësaj të gjejnë një zgjidhje diplomatike, shkruajnë mediat e huaja, përcjell Telegrafi.

Disa vende i kanë bërë thirrje Iranit të ulet në tryezën e negociatave për të gjetur një zgjidhje për konfliktin.

Zyrtarët iranianë kanë thënë se një zgjidhje diplomatike nuk do të jetë e mundur ndërsa sulmet e Izraelit vazhdojnë.

Ndërkohë ambasadorët nga gjashtë shtete të Gjirit kanë ngritur shqetësime te mbikëqyrësi bërthamor i OKB-së në lidhje me synimin e Izraelit ndaj lokacioneve bërthamore në Iranin fqinj.

Të dërguarit nga Këshilli i Bashkëpunimit të Gjirit (GCC) paralajmëruan Rafael Grossi-n, kreun e Agjencisë Ndërkombëtare të Energjisë Atomike, për “pasoja të rrezikshme” gjatë një takimi në Vjenë.

GCC është një aleancë politike dhe ekonomike midis Arabisë Saudite, Kuvajtit, Emirateve të Bashkuara Arabe, Katarit, Bahreinit dhe Omanit.

Paralajmërimi vjen pasi ushtria izraelite tha në një moment të enjten se kishte goditur centralin e vetëm bërthamor në funksion të Iranit, Bushehr, përpara se ta tërhiqte deklaratën si “një gabim”.

Objekti i ndërtuar nga Rusia ndodhet në bregdetin e Gjirit dhe një sulm mund të kontaminonte ajrin dhe ujin. /Telegrafi/

The post Erdogan me një tjetër akuzë për Netanyahu appeared first on Telegrafi.

Në një telefonatë të zhvilluar të hënën, Erdogan theksoi rëndësinë e përpjekjeve diplomatike për t’i dhënë fund tensioneve dhe konfliktit me Izraelin.

Presidenti turk Recep Tayyip Erdogan i bëri me dije homologut të tij iranian, Masoud Pezeshkian, se Turqia është e gatshme të luajë një rol aktiv në lehtësimin e bisedimeve bërthamore dhe rikthimin e dialogut mes palëve.

Ai gjithashtu shprehu shqetësimin për situatën dramatike në Gaza, duke theksuar nevojën për paqe dhe stabilitet në rajon. Ky hap i Turqisë shihet si një mundësi pozitive për avancimin e negociatave dhe uljen e tensioneve ndërkombëtare.

The post Konflikti Izrael-Iran/ Presidenti turk Erdogan ofron ndihmë për të lehtësuar bisedimet bërthamore appeared first on Sot News | Lajme.

Administrata e dytë e presidentit amerikan, Donald Trump, ka mbushur vetëm katër muaj në detyrë, por që tani ka shenja të një doktrine politike të jashtme në zhvillim. Dhe si shumë gjëra të tjera në lidhje me presidencën e tij, ajo përfaqëson një shkëputje të habitshme nga e kaluara. Doktrinat luajnë një rol të rëndësishëm […]

The post Doktrina Trump appeared first on Reporter.al.

Një Kuran i rrallë i është dhuruar xhamisë që gjendet në Kalanë e Prezës në Shqipëri nga presidenti turk, Recep Tayyip Erdogan disa vite më parë, peshon rreth 17 kilogramë, është i gjatë 60 cm dhe i gjerë 42 cm.

Fletët janë me përbërje lëkure.

Ka po aq fletë dhe radhë të shkruara mbi to sa në çdo libër tjetër të shenjtë të fesë islame, por përbërja e tyre është e veçantë ndërsa kaligrafia pasqyron artin osman.

“Suret janë të zbukuruara. Sipas studiuesve që e kanë parë, se ne dimë pak, është lëkurë, peshon 17 kg, është i veçantë, thuhet se janë prodhuar tre të tillë. Kaligrafia është diçka më e bukur, e larmishme, ka ngjyra zbukurime. Kuranët e tjerë s’i kanë këto”, thotë Imami i kësaj xhamie, Kasem Hafizi, raporton abcnews.

Kurani ruhet në xhaminë e Kalasë së Prezës, rreth 20 kilometra në verilindje të Tiranës. Imami Hafizi tregon se ai iu është dhuruar nga Presidenti i Turqisë Erdogan dhjetë vite më parë kur vizitoi xhaminë e restauruar nga Agjencia Turke për Bashkëpunim dhe Koordinim.

“Erdhi vetë bashkë me të shoqen, është bërë festë e madhe në kala… na solli dhuratë këtë”, thotë ai.

Kjo dhuratë, sipas imamit 78 vjeçar që prej 33 vitesh shërben në këtë xhami, është e rrallë. Ka pak kopje të tilla se kushtojnë shumë.

“Jam medresist, s’kam parë Kuran me këto përmasa, me këtë peshë… Kemi pare Kuranë të madhësive të ndryshme në atë kohë, pothuajse janë njëlloj. Ky jo vetëm që është më i madh, por fletët i ka të ndryshme…”

Kurani është riprodhuar nga Fondacioni i Arteve Klasike Turke. Dorëshkrimi origjinal me autor kaligrafin e njohur osman, Ahmed Karahisari, ruhet në Stamboll.

“Është shkruar më 1697 me sistemin tonë diellor, 1107 me kalendarin hënor, më shumë se 300 vjet”.

Libri i shenjtë i fesë islame ruhet në një arkë të mbyllur me xham përmes të cilit mund ta shohin besimtarë e turistë që vizitojnë kalanë e konsideruar nga studiuesit si tipike mesjetare ku ndodhet dhe xhamia shekullore.

“Sipas tregimeve nga të parët tanë, thuhet se ka qenë kishë fillimisht. Mendohet se ka qenë kishë 8 metra me 5 metra. Pastaj erdhën osmanët para më shumë se 500 vjetësh, shumica e prezianëve u kthyen në myslimanë dhe kisha u kthye në xhami. Meqë u shtuan myslimanët, nuk i zinte më xhamia, ajo u zgjerua. Prandaj ka tre vende ku falen imamët se është zgjeruar tre herë. Kjo është e veçanta e kësaj xhamie, rrallë ndodh”, thotë ai.

Xhamisë së Kalasë së Prezës me vlera historike i është shtuar dhe libri i shenjtë i fesë islame, i veçantë në llojin e tij. /abcnews/

The post Kurani i rrallë i xhamisë së Prezës, dhuratë nga presidenti turk Erdogan appeared first on Telegrafi.

Turqia, tha Erdogan, do të ndërmarrë hapa drejt organizimit të një takimi të nivelit të lartë mes tre liderëve pas raundit të fundit të bisedimeve midis delegacioneve.

Edhe pse e përshkroi takimin e Stambollit si të shkëlqyer, presidenti turk Recep Tayyip Erdogan, tha se shpreson që të arrijë të ulë në një tryezë bisedimesh Vladimir Putinin, Volodymyr Zelenskyn dhe Donald Trumpin.

Zëdhënësi i ministrisë së Jashtme ukrainase, Heorhii Tykhyi, e pohoi më herët se Zelensky do të takohej me shefin e Kremlinit nëse ky i fundit do të pranonte ftesën e tij. Raundi i dytë i bisedimeve të paqes u mbyll të hënën pa një pajtim mbi armëpushimin pa kushte, por me një tjetër marrëveshje për shkëmbim të burgosurish.

Takimi i mbajtur një ditë pas sulmeve masive ukrainase me dronë në bombarduesit strategjikë të Rusisë me kapacitet bërthamor, zgjati rreth një orë. Bisedimet – të dytat direkte mes dy palëve prej vitit 2022 –nisën me dy orë vonesë, teksa arsyeja nuk u bë e ditur.

Ukraina është pajtuar që në muajin prill për një armëpushim 30-ditor, sipas në propozimi nga SHBA-ja, por Rusia nuk ka shfaqur gatishmërinë për ta nënshkruar, dhe shumë prej aleatëve të Ukrainës e kanë akuzuar presidentin rus, Putin, se po përpiqet ta zvarrisë procesin, në mënyrë që të shfrytëzojë situatën aktuale në fushëbetejë, ku Rusia ka përparuar në territoret që synon t’i mbajë të pushtuara.

The post “Dua të ul në tryezë Trumpin, Putinin dhe Zelenskyn”/ Negociatat për paqe mes Ukrainës e Rusisë, flet Erdogan për… appeared first on Sot News | Lajme.

Sulmuesi nigerian, Victor Osimhen, i huazuar te Galatasaray nga Napoli, është takuar me Presidentin turk Recep Tayyip Erdogan, një takim që ka nxitur interesim të madh në median turke dhe ndërkombëtare.

Ky takim vjen në një moment kritik për klubin turk, i cili po përpiqet të sigurojë transferimin e përhershëm të lojtarit, pasi ai bëri përshtypje të madhe gjatë huazimit, duke shënuar 25 gola dhe duke dhënë pesë asistime në 29 ndeshje.

Presidenti i Galatasarayt, Dursun Ozbek, theksoi entuziazmin e madh të tifozëve për Osimhen, duke thënë: “I famshmi ynë, Osimhen. Tifozët janë çmendur, bëjnë thirrje ‘President, sill Osimhenin shpejt'”.

Kjo deklaratë pasqyron presionin e madh mbi klubin për të përmbushur pritshmëritë e tifozëve, përkundër sfidave financiare dhe interesimit nga klube të mëdha evropiane si Chelsea dhe Manchester United.

Takimi me Presidentin Erdogan, i cili është një figurë kyçe në politikën turke dhe ndikues në skenën ndërkombëtare, mund të shihet si një përpjekje strategjike e Galatasarayt për të rritur profilin e Osimhenit dhe për të krijuar një ambient të favorshëm për negociatat e transferimit.

Megjithatë, situata mbetet e ndërlikuar për shkak të kufizimeve financiare dhe interesimit të klubeve të tjera, duke e bërë të ardhmen e Osimhenit te Galatasaray një çështje ende të hapur. /Telegrafi/

The post Erdogan i dha dorën Osimhenit – vërshohet me komente nga tifozët e Galatasarayt appeared first on Telegrafi.

Presidenti turk, Recep Tayyip Erdogan, ka thënë se propozimi i Rusisë për të mbajtur një raund tjetër bisedimesh paqeje me Ukrainën në Stamboll muajin e ardhshëm, ka rritur shpresat për paqe.

Duke folur me gazetarët në një fluturim nga Azerbajxhani, Erdogan tha se qeveria e tij ishte në kontakt me të dy vendet dhe shtoi se momenti i fundit në përpjekjet për paqe, ishte një mundësi për të arritur paqe të qëndrueshme.

“Rruga drejt një zgjidhjeje kalon përmes më shumë dialog, më shumë diplomaci. Ne po përdorim të gjithë fuqinë dhe potencialin tonë diplomatik për paqe”, u citua të thoshte udhëheqësi turk nga zyra e tij sot, transmeton Telegrafi.

Lexo po ashtu Kancelari gjerman thotë se furnizimi i Ukrainës me raketa Taurus është i mundur

Më parë, Kremlini tha se ishte ende duke pritur një përgjigje nga Ukraina mbi propozimin e Rusisë për të mbajtur raundin e ardhshëm të bisedimeve të paqes në Stamboll më 2 qershor, për të filluar diskutimet mbi draftin e memorandumeve për një marrëveshje paqeje.

Rusia dje propozoi raundin e ri të negociatave të drejtpërdrejta, duke synuar t’i paraqesë Ukrainës një memorandum që përshkruan atë që e përshkroi si elementët kryesorë për “kapërcimin e shkaqeve rrënjësore” të konfliktit. /Telegrafi/

The post Erdogan: Potencial për paqe pas propozimit rus appeared first on Telegrafi.

Presidenti Recep Tayyip Erdogan, ka deklaruar se nuk ka ndërmend të kandidojë përsëri për president, duke theksuar se Turqia ka nevojë për një Kushtetutë të re, e cila pasqyron frymën e kohës moderne dhe vlerat demokratike.

“Nuk kam asnjë qëllim të kandidoj sërish. Qëllimi ynë i vetëm është të rrisim reputacionin e vendit tonë. Turqia po ndryshon, bota po ndryshon. A mendoni se në një botë kaq dinamike mund të ecim përpara me një Kushtetutë të krijuar në kohën e grusht shtetit, që ende mban erën e mentalitetit të puçistëve? Turqia nuk mund të ecë më me një Kushtetutë të tillë. Na duhet një Kushtetutë e propozuar nga civilët, jo nga puçistët”, ka deklaruar Erdogan, sipas agjencisë shtetërore Anadolu.

Erdogani prej kohësh ka qenë mbështetës i hartimit të një Kushtetute të re, për të cilën thotë se do të jetë më demokratike, më civile dhe në përputhje me nevojat bashkëkohore të shoqërisë.

Kushtetuta aktuale e Turqisë u miratua në vitin 1982, pas grusht shtetit ushtarak të vitit 1980, dhe megjithëse është ndryshuar disa herë, kritikët thonë se ajo ende përmban elemente të një sistemi autoritar dhe logjikë puçiste.

Megjithatë, opozita turke shpreh shpesh dyshime mbi qëllimet e Erdoganit, duke pretenduar se reformat e tij synojnë forcimin e pushtetit personal dhe dobësimin e institucioneve të pavarura.

Sidoqoftë, deklarata për tërheqjen e tij nga gara presidenciale mund të hapë një dinamikë të re politike në vend, veçanërisht në prag të zgjedhjeve presidenciale dhe parlamentare të vitit 2028.

Erdogan u rizgjodh president për herë të tretë në vitin 2023, dhe sipas mandatit aktual, do të qëndrojë në detyrë deri në vitin 2028.

Analistët parashikojnë se çështja e Kushtetutës së re do të jetë temë qendrore në vitet në vijim, pasi forma e sistemit kushtetues do të përcaktojë rregullat e garës politike në Turqinë e pas-Erdoganit.

Ndërsa presidenti Donald Trump kërkon të riformësojë politikën e jashtme të Uashingtonit në Lindjen e Mesme, udhëheqësi i SHBA-së ka shikuar gjithnjë e më shumë drejt një aleati të hershëm i cili është shfaqur si një nga zërat më me ndikim në rajon – dhe më gjerë.

Vetëm gjatë javës së kaluar, presidenti turk Rexhep Tajip Erdogan ka dëshmuar veten si një lojtar i rëndësishëm në disa fronte gjeopolitike.

Disa ditë pasi mbikëqyri fundin e një kryengritjeje katër dekadëshe të zhvilluar nga Partia separatiste e Punëtorëve të Kurdistanit (PKK), Erdogan u vlerësua nga Trump për bindjen e tij për të hequr sanksionet ndaj Sirisë dhe madje për t’u takuar me rebelin e vendit, i cili u shndërrua në udhëheqës të përkohshëm, Ahmad al-Sharaa, gjatë një vizite të profilit të lartë në Arabinë Saudite, udhëtimi i parë i huaj i presidencës së dytë të Trumpit.

Turqia, e njohur zyrtarisht si Türkiye, vazhdoi të priste bisedime bërthamore me rrezik të lartë midis Evropës dhe Iranit, së bashku me diskutime të pakapshme të kohës së luftës midis Rusisë dhe Ukrainës.

Angazhimet erdhën ndërsa Trump kërkoi të udhëhiqte përpjekjet diplomatike për të dyja çështjet dhe tani e gjen veten duke u rreshtuar me të vetmin udhëheqës që duket se është i aftë të ndihmojë në avancimin e vizionit të tij.

“Z. Trump e quan atë mik”, kujton Cagri Erhan, këshilltari kryesor i Erdoganit dhe anëtar i këshillit të sigurisë dhe politikës së jashtme të presidencës turke.

“Dhe ai dëshiron që ai të jetë një aktor kyç, si në nivel rajonal ashtu edhe global, për të bashkëpunuar me Shtetet e Bashkuara nën administratën Trump”, thotë Erhan për Newsweek, përcjell Telegrafi.

“Dhe unë mendoj se të dy vendet mund të përfitojnë reciprokisht në këtë epokë të re”, shton Erhan.

“Receta e Erdoganit” për sukses

Erhan ia atribuon suksesin e Erdoganit katër faktorëve që ai argumenton se përbëjnë një përzierje të dallueshme atributesh që kanë kontribuar në pozicionin e tij si udhëheqësi më me ndikim i Turqisë që nga Mustafa Kemal Ataturku, i cili themeloi republikën moderne në vitin 1923 pas rënies së Perandorisë Osmane dhe Luftës Turke për Pavarësi.

“I pari, ai është me përvojë, për më shumë se 23 vjet tani, ai ka udhëhequr një nga vendet kryesore të NATO-s dhe një nga ekonomitë kryesore midis 20 kombeve të botës”, ka thënë Erhan në margjinat e panelit “Përtej Aleancës: Ripërcaktimi i Marrëdhënieve SHBA-Turqi në një Botë në Ndryshim” të organizuar në Nju Jork nga Drejtoria e Komunikimit e presidencës turke.

Duke dalë nga një “fillim i përulur” në Stamboll, Erdogan e nisi karrierën e tij politike duke u ngjitur në radhët e disa partive islamike që u përplasën me kushtetutën laike të vendit të tij përpara se të themelonte Partinë për Drejtësi dhe Zhvillim (AKP) që përfundimisht e çoi atë në pozitën për kryeministër në vitin 2003.

Ai e ka udhëhequr vendin që atëherë, duke siguruar presidencën në vitin 2014, pas së cilës ai fuqizoi pozicionin dikur ceremonial dhe shpërbëri plotësisht rolin e kryeministrit.

Duke u marrë me shumë presidentë amerikanë dhe udhëheqës të ndryshëm nga kombe të tjera, Erdogan “është i vetëdijshëm për çdo dinamikë në nivel rajonal dhe global”, mendon Erhan. “Ai ka qenë pjesë e tendencave dhe proceseve me të cilat jemi përballur për një çerek shekulli tani”.

Erhan gjithashtu argumentoi se Erdogan ishte jashtëzakonisht “i besueshëm” dhe “gjithmonë i ka mbajtur premtimet dhe zotimet e tij ndaj aleatëve dhe vendeve mike”.

Edhe midis “disa prej vendeve armiqësore”, tha Erhan, “besueshmëria e tij respektohet shumë mirë”.

Ndikimi i presidentit turk i ka dhënë atij “një zë në nivelet rajonale”, sipas Erhan, duke e vendosur atë në një pozicion të shkëlqyer për të çuar përpara qëllimet e tij në disa nga konfliktet më të vështira në botë.

“Kur bëhet fjalë për krizën Rusi-Ukrainë, ai nuk dëshiron që dy fqinjë të Turqisë të luftojnë me njëri-tjetrin dhe [dëshiron që ata] të ulen në një tryezë paqeje”.

Siç vë në pah shkrimi i Newsweek, përcjell Telegrafi, pavarësisht ofertave nga shumë kombe të tjera, Turqia deri më tani ka provuar të jetë i vetmi vend që ka bashkuar me sukses dy palët në konfliktin më vdekjeprurës të Evropës që nga Lufta e Dytë Botërore.

Përpara bisedimeve të fundit të mbajtura të premten në Stamboll, Erdogan kishte arritur të mbikëqyrte negociatat midis përfaqësuesve rusë dhe ukrainas në pranverën e vitit 2022, dhe atë verë ndërmjetësoi një marrëveshje për të lejuar eksportin e grurit përmes Detit të Zi.

Në atë kohë, Erdogan kishte bërë tashmë lëvizje sizmike në disa rajone të tjera.

Këto përfshijnë forcimin e qeverisë së njohur ndërkombëtarisht të Libisë në Tripoli kundër rivalit të saj me bazë në Bengazi, mbështetjen e operacioneve të Azerbajxhanit për të rimarrë territorin e diskutueshëm të Nagorno-Karabakut nga separatistët e lidhur me Armeninë dhe ruajtjen e ndihmës për grupet rebele siriane të cilat më vonë do të rrëzonin presidentin e hershëm Bashar al-Assad, një aleat i Iranit dhe Rusisë, në dhjetor.

“Kur bëhet fjalë për bashkëpunimin rajonal në Kaukaz, ai dëshiron që të tre këto vende të Kaukazit të kontribuojnë në krijimin e një rajoni Kaukazi më të qëndrueshëm dhe të begatë”, vë në pah Erhan. “Kur bëhet fjalë për Lindjen e Mesme, ai ka fjalën e tij. Ai dëshiron që rajoni të pastrohet nga organizatat terroriste, etj”.

Së fundmi, Erhan tha se, “ai ka një perspektivë të ardhshme, një vlerësim të ardhshëm për nivelin global”, një vlerësim në të cilin vendet e përhershme të Këshillit të Sigurimit të Kombeve të Bashkuara zgjerohen përtej pesë vendeve aktuale, dhe reformat ndiqen për të arritur një rend ndërkombëtar “më të drejtë” që gjithashtu ngushton hendekun midis të pasurve dhe të varfërve në mbarë botën.

“Kjo është arsyeja pse këto katër karakteristika e bëjnë Erdoganin një udhëheqës unik, jo në shkallë rajonale, por në shkallë botërore”, thotë Erhan. “Dhe mendoj se zoti Trump e di këtë”.

‘Mua më pëlqen ai, dhe atij i pëlqej unë’

Lëvdatat e Trump për Erdoganin gjatë turneut të tij në Lindjen e Mesme ishin vetëm shembulli i fundit i udhëheqësit amerikan që shprehu admirim për homologun e tij turk.

Menjëherë pasi Assad ra nga pushteti në një sulm të rrufeshëm nga kryengritësit sirianë, Trump shpejt i dha më shumë merita Erdoganit sesa udhëheqësi turk pretendoi për veten e tij, duke e quajtur atë “shumë të zgjuar dhe shumë të fortë”.

“Mendoj se Turqia do të mbajë çelësin e Sirisë, në fakt”, u tha Trump gazetarëve gjatë një konference për shtyp më 16 dhjetor pak më shumë se një muaj para inaugurimit të tij. “Nuk mendoj se e keni dëgjuar këtë nga dikush tjetër, por unë kam qenë mjaft i mirë në parashikime”.

Miratimi i Trump ishte edhe më i dukshëm gjatë një konference për shtyp më 7 prill së bashku me kreun e një aleati tjetër të lartë të SHBA-së në Lindjen e Mesme, kryeministrit izraelit Benjamin Netanyahu, i cili është përplasur gjithnjë e më shumë me Erdoganin për shkak të luftës në Gaza dhe luftës civile në Siri.

Ndërsa kryeministri izraelit paralajmëroi për rritjen e ndikimit turk në Siri nën qeverinë e re të Sharaa-s mes operacioneve ushtarake izraelite të vazhdueshme në vendin fqinj, Trump kishte vetëm “fjalë të ngrohta” për Erdoganin.

“Kam një marrëdhënie të shkëlqyer me një burrë të quajtur Erdogan. A keni dëgjuar për të? Dhe rastësisht më pëlqen ai, dhe atij i pëlqej unë”, tha Trump, përpara se të vazhdonte të ofrohej për të ndërmjetësuar “përplasjen midis Netanyahut dhe Erdoganit”.

“Çdo problem që keni me Turqinë, mendoj se mund ta zgjidh, dua të them për sa kohë që jeni të arsyeshëm”, i tha Trump, Netanyahut. “Ju duhet të jeni të arsyeshëm. Ne duhet të jemi të arsyeshëm”.

Deri më tani, mosmarrëveshja izraelito-turke duket se ka mbetur e tensionuar, pavarësisht bisedimeve të fundit të zhvilluara nga të dyja palët në Azerbajxhan.

Ndërkohë, shenjat e një përçarjeje midis Trump dhe Netanyahut janë bërë më të dukshme në javët e fundit.

Trump ka ndjekur bisedime të drejtpërdrejta me lëvizjen palestineze Hamas për të siguruar lirimin e një pengu amerikano-izraelit, ka arritur një marrëveshje armëpushimi me lëvizjen jemenase Ansar Allah, të njohur edhe si Huthitë, që nuk përfshinte sulmet e grupit kundër Izraelit, dhe ka vazhduar me bisedimet bërthamore me Iranin.

Në një tjetër goditje të mundshme ndaj raportit dikur të ngushtë të Trump dhe Netanyahut, Axios raportoi të hënën se zëvendëspresidenti JD Vance kishte anuluar një udhëtim të ardhshëm në Izrael mes shqetësimeve se vizita do të sinjalizonte mbështetje për vendimin e Izraelit për të rinovuar operacionet në Gaza pavarësisht përpjekjeve të SHBA-së për të promovuar një armëpushim, duke cituar një zyrtar të paidentifikuar amerikan, shkruan Newsweek, përcjell Telegrafi.

Sinan Ulgen, ish-diplomat turk i cili tani është bashkëpunëtor i lartë në Carnegie Endowment for International Peace, foli për arsyen pse besonte se Turqia po fitonte terren në kalkulimet e administratës Trump.

“Në Lindjen e Mesme, krahasuar me Izraelin, Turqia në realitet ka më shumë për të shtuar në qëllimet e politikës së jashtme të SHBA-së, të shërbyera nga aftësia dhe qëllimi i saj për të kontribuar në ndërtimin e shtetit, stabilizimin rajonal dhe zhvillimin ekonomik”, tha Ulgen për Newsweek.

“Kjo është veçanërisht e qartë në Siri”, shtoi ai, “ku që nga rënia e qeverisë së Assadit, përfshirja e Ankarasë ka qenë kritike për të drejtuar administratën e re në Damask në drejtim të një stili më gjithëpërfshirës qeverisjeje që do të ishte i dobishëm në sigurimin e normalizimit afatgjatë të vendit”.

Megjithatë, marrëdhënia midis Erdogan dhe Trump nuk ka qenë pa periudha tensioni.

Administrata e parë Trump ushtroi presion të fortë mbi Ankaranë për të liruar pastorin e burgosur Andrew Brunson pas ndalimit të tij në vitin 2016 të lidhur me një përpjekje të dështuar për grusht shteti atë vit në Turqi.

Ai u lirua përfundimisht në vitin 2018 në një veprim të cilësuar sot nga Trump si një shenjë e angazhimit pozitiv me Erdoganin, me të cilin udhëheqësi i SHBA-së tani thotë se “nuk ka pasur kurrë problem”.

Një tjetër episod ndodhi në vitin 2020, kur SHBA-të vendosën sanksione kundër Turqisë në përputhje me Aktin e Kundërshtimit të Kundërshtarëve të Amerikës Përmes Sanksioneve (CAATSA) për shkak të blerjes së sistemit rus të raketave tokë-ajër S-400.

Blerja ishte e lidhur me mosmarrëveshjet e mëparshme në lidhje me përpjekjet e Turqisë për të blerë sistemin amerikan Patriot, por vetëm sa i intensifikoi fërkimet, duke çuar në përjashtimin e Ankarasë nga programi i aeroplanëve luftarakë F-35.

Por kjo çështje duket se është në rrugën e zgjidhjes nën administratën e dytë Trump.

Duke folur me gazetarët të shtunën, Erdogan tha se ka pasur një “zbutje në CAATSA”.

“Me mikun tim Trump që mori detyrën, kemi arritur një komunikim më të hapur, më konstruktiv dhe më të sinqertë mbi këto çështje”, tha ai.

Ulgen u pajtua se zgjedhja e Trump ishte ndoshta një fitore për lidhjet SHBA-Turqi, të cilat kishin vazhduar të përkeqësoheshin nën ish-presidentin e SHBA-së, Joe Biden, i cili e quajti udhëheqësin turk një “autokrat” dhe shkoi aq larg sa kërkoi hapur mbështetjen e SHBA-së për opozitën e Erdoganit në fushatën e vitit 2020.

“Ndryshimi në administratë ka hapur rrugën për një bashkëpunim më të ngushtë Turqi-SHBA në diplomacinë rajonale”, tha Ulgen. “Me Administratën Trump, rezultati demokratik i Turqisë pushoi së qeni një faktor kufizues për një bashkëpunim më të thellë dypalësh. Uashingtoni vlerësoi saktë se mbështetja e Ankarasë do të ishte kritike për të adresuar disa nga sfidat e vështira rajonale, duke përfshirë Ukrainën dhe Sirinë”.

Për “Një Turqi përsëri të Madhe”

Për më shumë se gjashtë shekuj, ndikimi turk mbizotëroi në pjesën më të madhe të Lindjes së Mesme nën sundimin e Perandorisë Osmane.

Shteti multietnik, me seli në ish-kryeqytetin bizantin të Kostandinopojës – më vonë i riemëruar Stamboll nga Ataturku – i dha fund gjurmëve të fundit të romakëve për t’u shfaqur si një fuqi globale deri në një rënie të gjatë që pa kontrollin dhe ndikimin e tij të zbehej mbi zotërimet në Ballkan dhe Afrikën e Veriut, duke humbur më në fund kontrollin e tij mbi botën arabe.

Por sot, dhe për pjesën më të madhe të shekullit të 21-të, shteti i tij pasardhës është përsëri në ngritje, me një numër mbështetësish dhe kritikësh të Erdoganit që i referohen politikave të tij si një formë e “neo-osmanizmit”.

Megjithëse Erdogani dhe rrethi i tij i ngushtë e kanë hedhur poshtë këtë term, udhëheqësi turk i është referuar shpesh popullit turk si “pasardhës të osmanëve” kur flet me mbështetësit e AKP-së.

James Jeffrey, ish-ambasador i SHBA-së në Turqi dhe më parë i dërguari i posaçëm presidencial i Trump për koalicionin e udhëhequr nga SHBA-ja kundër grupit militant të Shtetit Islamik (ISIS), identifikoi tri arsye pse ai ndihej përgjegjës për “rritjen dramatike të ndikimit të saj gjeostrategjik nga Turqia gjatë 25 viteve të fundit, afërsisht sa periudha e sundimit të Erdoganit”.

“Duke filluar në vitin 2000, periudha ‘unipolare’ e dominimit amerikan (mbështetur nga BE-ja) u zbeh, me Evropën dhe Amerikën (kryesisht Evropën) që ranë në aspektin e PBB-së globale [produktit të brendshëm bruto], shtetet anti-sistem që u rritën: Rusia, Kina, Irani (deri në 18 muajt e fundit)”, tha Jeffrey për Newsweek. “E gjithë kjo krijoi mundësi, dhe rriti rëndësinë një shteti të mesëm agresivisht aktiv në një vendndodhje gjeografikisht kritike, domethënë Turqinë”.

Ndërkohë, Jeffrey shtoi se “Turqia në të njëjtën periudhë u rrit si në krahasim me shumicën e vendeve të tjera ashtu edhe në terma realë: stabilitet (një parti në pushtet); forcë ekonomike (eksporte të jashtëzakonshme, shërbime dhe rritje industriale, hyrje në G-20); ushtri – si nga forca e forcave të armatosura ashtu edhe gatishmëria për t’i përdorur drejtpërdrejt ose tërthorazi në konflikte (dronët Bayraktar, Ukraina që mbyll Ngushticat për Rusinë, Siria, Iraku, Somalia, Kaukazi)”.

Ai shpjegoi se “Erdogani punoni për një vend në çdo tavolinë ndërsa përpiqej të zgjidhte konfliktet afatgjata” në këto rajone, ndërsa në të njëjtën kohë demonstroi “menaxhim të shkathët të pikave të dobëta të mundshme” në vend, duke përfshirë kritikat për konsolidimin e pushtetit të tij, problemet ekonomike dhe kryengritjen e PKK-së.

Kjo vjen “pavarësisht disa anëve negative të dukshme”, të cilat Jeffrey i vuri në dukje, duke përfshirë pyetjet e vazhdueshme të angazhimit të Erdoganit ndaj demokracisë midis anëtarëve të Kongresit dhe zërave të tjerë me ndikim në Uashington, si dhe kundërshtimin nga disa komunitete me ndikim në SHBA, duke përfshirë grupet e interesit armene, greke dhe izraelite.

Mbrojtja e aleancave të saj perëndimore nga Ankaraja duke ruajtur lidhjet me Moskën gjithashtu mund të jetë potencialisht e ndërlikuar, theksoi Jeffrey.

Megjithatë, Jeffrey pa një “të përbashkët interesi” midis dy burrave, të cilët ai tha se ndajnë një “qasje transaksionale jo moraliste ndaj çështjeve, qëndrime të ngjashme mbi Iranin dhe Rusinë, të gjitha në kontrast me partnerët evropianë të Amerikës”.

“Shekulli Turk”

Përkeqësimi i lidhjeve të Uashingtonit me aleatët evropianë të NATO-s që nga rikthimi i Trump në pushtet në janar vjen në mes të një beteje më të gjerë për lidership global, një garë që më shpesh portretizohet si kryesisht midis SHBA-së dhe Kinës, dhe në përgjithësi si midis Lindjes dhe Perëndimit.

Me Turqinë në mes, si në mënyrë figurative ashtu edhe në atë të drejtpërdrejtë, siç theksoi Erdogan në një intervistë me Newsweek korrikun e kaluar, udhëheqësi turk ka investuar në rolin e saj në NATO dhe ka kërkuar një angazhim më të ngushtë me Evropën, ndërsa njëkohësisht ka ndërtuar lidhje me blloqe të udhëhequra nga Kina dhe Rusia, përkatësisht BRICS dhe Organizatën e Bashkëpunimit të Shangait, përcjell Telegrafi.

Në tetor të vitit 2022, në 99-vjetorin e republikës së tij, Erdogan përshkroi më tej ambiciet e tij duke njoftuar “agimin e Shekullit të Turqisë”.

Richard Outzen, kolonel në pension i Ushtrisë Amerikane, i cili shërbeu si këshilltar civil dhe ushtarak në Departamentin e Shtetit të SHBA-së dhe më vonë në zyrën e përfaqësuesit special për Sirinë nën administratën e parë Trump, e quajti ngritjen gjeopolitike dhe projeksionin e fuqisë së Turqisë “një nga zhvillimet kryesore strategjike të shekullit të 21-të”.

“Pjekuria e liberalizimit ekonomik dhe ndërkombëtarizimit të vendit prej dekadash, reformat ushtarake, sofistikimi në rritje në industrinë e mbrojtjes dhe aftësitë e inteligjencës, dhe një politikë e jashtme më e hapur kanë qenë të gjitha faktorë”, tha Outzen për Newsweek.

“Vazhdimësia e ofruar nga qeverisja e pandërprerë nga partia AKP e Erdoganit, cilado qofshin implikimet e saj për politikën e brendshme, sigurisht që jep përparësi në politikën e fuqisë dhe çështjet ndërkombëtare”, shtoi ai. “Sistemi ndërkombëtar në ndryshim ka favorizuar fuqitë e mesme në shumë mënyra, dhe Ankaraja ka luajtur mirë në këtë drejtim”.

Ndryshimet në SHBA kanë luajtur gjithashtu një rol të spikatur, pasi Trump shfrytëzon “lodhjen kombëtare” për shkak të përfshirjes së zgjatur në konfliktet e huaja dhe kërkon ndihmë nga partnerët në përpjekjet e tij për paqe.

Në të njëjtën kohë, paparashikueshmëria e një rendi global në zhvillim të shpejtë, si dhe qasja jokonvencionale e Trump ndaj presidencës sjellin gjithashtu rreziqe, jo më pak të vogla prej të cilave, vuri në dukje Outzen, përfshijnë “nevojën për menaxhim të vazhdueshëm dhe të duruar të aleancave – dhe është e drejtë të vihet në dyshim nëse burokracitë në të dyja palët kanë memorien e duhur për ta bërë këtë punë”.

Megjithatë, deri më tani, të dy burrat duket se po gjejnë mjaftueshëm terren të përbashkët në axhendat e tyre përkatëse për të mbështetur një shtrirje të zgjatur.

“Të dy udhëheqësit mund të jenë të ndryshëm në stilin personal, por plotësues në qasjen e politikës së jashtme”, vlerëson Outzen. “Të dy respektojnë forcën, vlerësojnë tregtinë dhe marrëveshjet e mëdha të llojit politik ose të biznesit, dhe u besojnë qasjeve të personalizuara të politikave mbi qasjet e institucionalizuara”.

Dhe tani Trump duket se ka një vend për Erdoganin në “Epokën e Artë të Amerikës” të tij të shpallur.

“SHBA-të nuk kanë as oreksin dhe as, ndoshta, burimet për të menaxhuar në mënyrë të njëanshme botën – ato kanë nevojë për partnerë të aftë me një përputhje të përgjithshme, nëse jo të plotë, në rajone të ndryshme të botës”, mendon Outzen.

“Lista e konflikteve dhe sfidave rajonale ku interesat e SHBA-së dhe Turqisë mbivendosen është e gjatë, dhe Uashingtoni ka nevojë për partnerë me aftësi serioze ushtarake, ekonomike dhe diplomatike”, shtoi ai. “Përfitimet janë pra të qarta”. /Telegrafi/

The post Si u bë Erdogani i Turqisë një nga njerëzit më të fuqishëm në botë – dhe një aleat i Trumpit? appeared first on Telegrafi.

Presidenti turk Recep Tayyip Erdogan pasi ka mbërritur në Samitin e Tiranës i ka komentuar atletët kryeministrit shqiptar Edi Rama.

Në kuadër të samitit Erdogan ka ardhur i shoqëruar me një pjesë të kabinetit të tij.

Ndërkohë që gjatë takimit, Erdogan i ka tërhequr vëmendjen Ramës për atletet. Ndërsa më tej, Rama e ka shoqëruar deri në gjysmë të rrugës dhe më pas është kthyer.

Ndryshe, presidenti i Turqisë, Recep Tayyip Erdogan, tha sot në Tiranë se bota ka nevojë për një arkitekturë të re të administrimit global për ta tejkaluar atë që ai e përshkroi si zbehje ndaj besimit në arenën ndërkombëtare.

Erdogan mbajti fjalim në seancën e parë plenare të Samitit të Komunitetit Politik Evropian i cili po mbahet në kryeqytetin e Shqipërisë me pjesëmarrje të gjerë liderësh evropianë dhe të institucioneve të rëndësishme ndërkombëtare.

“Për ta tejkaluar zbehjen e besimit në arenën ndërkombëtare, kemi nevojë për ndërtimin e një arkitekture administruese globale të drejtë dhe gjithëpërfshirës”, theksoi presidenti turk.

The post Momente jo të zakonshme nga Samiti i Tiranës, Erdogan i komenton Ramës atletet appeared first on Telegrafi.

TIRANË, 16 maj /ATSH/ Presidenti i Turqisë, Recep Tayyip Erdogan ka mbërritur në Samitin e Komunitetit Politik në Tiranë, ku është pritur nga kryeministri Edi Rama.

Ai u shpreh për mediat se priten vendime pozitive nga Samiti që po mbahet sot në kryeqytetin shqiptar.

“Çfarë është ajo që prisnim, presim shumë gjëra me vëllan tim shqiptar. Në Shqipëri e gjithë bota do të thërrasë zërin e paqes”, ka thënë në turqisht Erdogan.

Presidenti Erdogan mberrin ne samitin e Tiranes, foto: Florian Abazaj

1 nga 9

/a.g/

The post Erdogan: Në Shqipëri e gjithë bota do të thërrasë zërin e paqes appeared first on Agjencia Telegrafike Shqiptare.

Presidenti ukrainas Volodymyr Zelensky ka mbërritur në Turqi për bisedime me presidentin turk Recep Tayyip Erdogan.

“Pati sinjale për negociata të drejtpërdrejta. Ukraina i konfirmoi ato sot këtu në Ankara. Delegacioni ynë është i nivelit më të lartë, duke përfshirë përfaqësues nga Ministria e Punëve të Jashtme, zyra ime, ushtria dhe inteligjenca, për të marrë vendime që mund të çojnë në një paqe të drejtë”, tha Zelensky, transmeton Telegrafi.

“Sa i përket natyrës së nivelit të lartë të takimit, ne do të fillojmë diskutimet me presidentin Erdogan dhe delegacionin e plotë të Turqisë. Jemi në kontakt me palën amerikane dhe besoj se ata gjithashtu do të përfaqësohen në një nivel të lartë në Turqi”, shtoi presidenti ukrainas.

Lexo po ashtu Zelensky arrin në Ankara për bisedime me Erdoganin: Duhet të presim një zgjidhje të drejtë

“Niveli i delegacionit rus mbetet zyrtarisht i panjohur për mua, por nga ajo që shohim, duket më shumë dekorativ sesa substancial. Ne do të vendosim për hapat tanë të ardhshëm pas bisedimeve me presidentin Erdogan. Ne duhet ta kuptojmë nivelin e delegacionit rus, mandatin e tyre dhe nëse ata kanë autoritetin për të rënë dakord për çdo gjë në mënyrë të pavarur. Dihet mirë se kush merr vendime në Rusi”, theksoi Zelensky.

Ai gjithashtu tha se së bashku me Erdoganin kanë planifikuar një takim të gjatë, për një bisedë dhe vendime të rëndësishme. /Telegrafi/

The post Zelensky kritikon delegacionin “dekorativ” të Rusisë në bisedimet e Turqisë appeared first on Telegrafi.

Presidenti turk, Recep Tayyip Erdogan, deklaroi të hënën se vendimi për t’u shpërbërë i grupit militant, Partia e Punëtorëve të Kurdistanit (PKK), ishte një hap i rëndësishëm “për ruajtjen e paqes dhe vëllazërisë”, dhe se Ankaraja do ta ndjekë nga afër këtë proces për të shmangur çdo problem. PKK-ja, që ka qenë në konflikt me shtetin turk për më shumë se katër dekada, ka vendosur të shpërbëhet dhe t’i japë fund kryengritjes së armatosur. Vendimi i PKK-së pritet të ketë pasoja të gjera politike dhe të sigurisë për rajonin, përfshirë edhe për Sirinë fqinje, ku forcat kurde janë aleate të forcave amerikane.

Duke folur pas mbledhjes së kabinetit në Ankara, Erdogan tha se do të hapen dyert e një epoke të re, sapo PKK-ja të dorëzojë armët, duke e quajtur këtë një hap të rëndësishëm drejt synimit të Ankarasë për një vend të lirë nga terrorizmi.

Ai shtoi se Turqia e sheh këtë hap si një proces që përfshin edhe militantët kurdë në Irak, Siri dhe Evropë. PKK-ja, e cila është shpallur organizatë terroriste nga Turqia, Shtetet e Bashkuara dhe Bashkimi Evropian, e nisi kryengritjen e saj në vitin 1984 me synimin fillestar për krijimin e një shteti të pavarur kurd. Në vitet e fundit, kërkesat e saj janë zhvendosur drejt autonomisë më të madhe dhe të drejtave për kurdët brenda Turqisë. Më shumë se 40.000 njerëz janë vrarë gjatë konfliktit që nga viti 1984, kur PKK-ja nisi kryengritjen.

Turqia dhe aleatët e saj perëndimorë e kanë shpallur PKK-në organizatë terroriste. PKK-ja tha se procesi praktik i shpërbërjes dhe çarmatosjes do të menaxhohet dhe mbikëqyret nga Öcalan, i cili ndodhet në burgim në një ishull pranë Stambollit që nga viti 1999.

Wladimir van Wilgenburg, analist politik i specializuar për çështjet kurde, i tha Radios Evropa e Lirë se komuniteti kurd në Turqi ishte “lodhur nga konflikti dhe po shpreson për paqe”. Megjithatë, ai shtoi se kurdët nuk janë të sigurt nëse mund t’i besojnë qeverisë turke, dhe pyesin nëse Ankaraja do të ndërmarrë hapa drejt pajtimit, si lirimi i politikanit kurd, Selahattin Demirtash, dhe njohja e të drejtave të kurdëve.

“Pra, ata janë disi mosbesues dhe të pasigurt për atë që mund të ndodhë”, tha van Wilgenburg. Sipas deklaratës së kongresit, lufta e PKK-së “e ka sjellë çështjen kurde në pikën e zgjidhjes përmes politikës demokratike, duke përmbushur kështu misionin e saj historik”. Grupi nuk dha detaje të mëtejshme se çfarë nënkuptohet saktësisht me këtë, por van Wilgenburg tha se është e pamundur që komandantët e PKK-së të përfshihen në politikën turke, duke qenë se ekziston tashmë një parti pro-kurde aktive në Turqi – Partia Demokratike Popullore (HDP).

“Më së shumti ka gjasa që ata nënkuptojnë se nga tani e tutje politika kurde do të zhvillohet përmes politikës ligjore dhe Parlamentit të Turqisë, jo përmes luftës guerile”, tha Wladimir van Wilgenburg. REL/

The post Erdogan përshëndet shpërbërjen e PKK-së kurde si hap drejt “paqes dhe vëllazërisë” appeared first on Sot News | Lajme.

Presidenti turk Recep Tayyip Erdogan ka zhvilluar një bisedë telefonike me kryeministrin pakistanez Shehbaz Sharif për të shprehur solidaritetin e tij pasi India goditi Pakistanin dhe Kashmirin me raketa, njoftoi presidenca turke.

Pakistani, i cili ka lidhje të forta me Turqinë, tha se kishte rrëzuar pesë aeroplanë indianë dhe u zotua të hakmerret më tej, në përplasjen më të keqe midis fqinjëve të armatosur bërthamor në më shumë se dy dekada.

Bëhet e ditur se gjatë telefonatës, Erdogan i tha Sharifit se Turqia mbështet atë që ai i quajti “politikat e qeta dhe të përmbajtura” të Pakistanit.

Erdogan tha gjithashtu se e konsideroi “të përshtatshme” thirrjen e Islamabadit për një hetim mbi një sulm militant islamik që shkaktoi krizën, shkruan Reuters, përcjell Telegrafi.

Raportohet se militantët vranë 26 persona në Kashmir në sulmin e 22 prillit. Pakistani mohon akuzat indiane se ishte i lidhur me sulmin.

“Erdogan deklaroi se Turqia ishte e gatshme të bënte gjithçka që mundet për të parandaluar përshkallëzimin e tensioneve dhe se kontaktet e tij diplomatike në këtë drejtim do të vazhdojnë”, thuhet në deklaratë.

Ndryshe, Turqia e ka dënuar më parë sulmin e Indisë dhe u ka bërë thirrje të dyja palëve të veprojnë me sens të përbashkët.

Ministria e Jashtme e Turqisë tha se veprimi i fundit ushtarak nga India krijon rrezikun e një “lufte të gjithanshme”.

Ankaraja mban gjithashtu lidhje të përzemërta me Indinë. /Telegrafi/

The post Erdogan telefonon kryeministrin e Pakistanit – për çfarë biseduan ata? appeared first on Telegrafi.

Qasja në llogarinë e medias sociale të kryebashkiakut të burgosur të Stambollit, Ekrem Imamoglu, në X, është bllokuar në Turqi, tha të enjten një platformë monitorimi, masa e fundit kundër rivali kryesor të presidentit turk Recep Tayyip Erdogan.

Sipas Engelli Web, një faqe interneti që gjurmon dhe raporton censurën e internetit në Turqi, X kufizoi llogarinë e Imamoglu në Turqi në përputhje me një kërkesë ligjore nga autoritetet turke, të cilat përmendën shqetësime për sigurinë kombëtare dhe rendin publik, transmeton Telegrafi.

Nuk pati asnjë koment të menjëhershëm nga X, por një njoftim në platformë thotë se llogaria – e cila ka 9.7 milionë ndjekës – është “mbajtur në Turqi në përgjigje të një kërkese ligjore”. Llogaria mbetet e arritshme jashtë Turqisë.

Imamoglu, i parë si sfiduesi kryesor i opozitës ndaj sundimit 22-vjeçar të Erdogan, u arrestua më 19 mars dhe u burgos për akuza korrupsioni.

Ai u nominua nga partia e tij Republikane Popullore, ose kandidati presidencial i CHP ndërsa ishte në paraburgim.

Arrestimi i tij është parë gjerësisht si i motivuar politikisht, megjithëse qeveria këmbëngul se gjyqësori i Turqisë është i pavarur dhe i lirë nga ndikimi politik.

Pavarësisht paraburgimit të tij, Imamoglu kishte mbetur aktiv në mediat sociale. Avokatët e tij pritet të apelojnë kufizimin ligjor.

Politikanët e opozitës e kritikuan kufizimin si një sulm ndaj lirisë së fjalës në Turqi. /Telegrafi/

The post X-i i Musk bllokon profilin e kryetarit të arrestuar të Stambollit me kërkesë të Turqisë appeared first on Telegrafi.