Kryetari i Partisë Demokratike Sali Berisha i ka bërë thirrje sot FBI-së amerikane, që të zgjerojë hetimet për miliarderin George Soros dhe të birin e tij Alex Soros deri në Shqipëri. Ai i bëri të njëjtën thirrje edhe qeverisë dhe Kongresit të SHBA-ve. Sipas tij, nëse hetojnë do zbulojnë se si Soros dhe i biri përdorën çdo lloj influence në favor të qeverisë së Edi Ramës.

“Thirrja ime për qeverinë e SHBA-ve dhe kongresin e SHBA-ve, thirrja ime për FBI-në, të shtrijnë hetimet e tyre për Xhorxhin dhe të birin edhe në Shqipëri gjatë 20 viteve dhe do gjejnë se si ata përdorën çdo lloj influence kundër një force politike në favor të ekstremit të majtë të Edi Ramës, bashkëshortes së tij dhe ish-bashkëshortes së tij, të gjitha drejtuese kryesore në fondacionin Soros, të ushqyera me miliona nga ky fondacion.

Të hetojnë politikën e jashtme të Xhorxh Sorosit, e cila në mënyrë absolute përputhej me Beogradin dhe binte ndesh me interesat e shqiptarëve, me politikën e ndjekur zyrtare të SHBA gjer në atë kohë, por dhe me politikën e ndjekur nga presidenti Donald Trump në mandatin e parë.

Iu bëj thirrje që duke përdorur aktin RICO, të hetojnë çdo veprim të Xhorxh Sorosit në të ashtuquajturën reformë kushtetuese dhe të drejtësisë, me të cilën kanë garantuar sot një pushtet që kontrollon mbi 95 përqind të çdo gjëje në këtë vend. Praktikisht pothuajse një monizëm të plotë.”, tha Berisha.

Kjo deklaratë e Berishës vjen një ditë pasi presidenti amerikan Donald Trump, kërkoi përmes një postimi nisjen e hetimeve ndaj Sorosit për mbështetje të protestave të dhunshme.

Në rrjetin e tij personal, “Truth”, Trump i kërkoi drejtësisë që të ngrejë akuza ndaj tyre në bazë të ligjit RICO, i cili parashikon dënimet penale për organizatat kriminale dhe që kryejnë korrupsion. Presidenti amerikan i cilësoi multimiliarderin dhe të birin si “të çmendur” dhe paralajmëroi se nuk do të lejojë më që të shkatërrojnë Amerikën.

Kryeministri Edi Rama ka postuar në rrjetet sociale një tjetër vendim të një gjyqtari për një ndërtim pa leje. Ai thotë se deklaratat e tij nuk janë presion, por qeveria nuk do të heshtë më përballë gjyqtarëve dhe prokurorëve “të paaftë, të papërgjegjshëm, të dyja bashkë apo edhe më keq, pa atdhe fare”.

Rama ka narë fotot e një biznesi, i cili sipas Ramës, po kryen veprimtari tregtare në kurriz të komunitetit dhe paraqet rrezik serioz për banorët në rast emergjencash, si zjarri.

Kreu i qeverisë e akuzoi gjyqtarin për shpërfillje të interesit publik dhe vuri në dukje se vendimi i tij i bashkohet një sërë rastesh të ngjashme që tashmë janë pjesë e një dosjeje të përgatitur nga Ministria e Drejtësisë dhe që do t’i përcillet organeve të kontrollit dhe vetëqeverisjes së gjyqësorit.

Postimi i plotë:

Gjykatësi Ligoraq vendosi në pak minuta pa praninë e palëve, që të mos hapet kalimi i mbyllur nga kjo ngrehinë pa leje me kupolë xhami mes dy pallateve, nën të cilën shtrihet një dyqan ku bëhet tregti në kurriz të komunitetit

Gjykatësi Ligoraq nuk e ka parë të udhës që të mbajë anën e komunitetit të zënë në kurth nga ky ndërtim pa leje dhe me siguri as nuk e ka menduar që mos o Zot, në rast zjarri ky dyqan kthehet në barrikadë vrastare, e pakapërcyeshme edhe për banorët edhe për zjarrfikësit

Gjykatësi Ligoraq i bashkohet kësisoj prokurores Gjeli, gjykatësve Balliu e Demiri, në dosjen që Ministria e Drejtësisë do t’i përcjellë organeve të kontrollit e të vetëqeverisjes së gjyqësorit, ndërkohë që ne do të kërkojmë që ankimimeve në këto organe t’u bashkohen edhe qytetarët e dëmtuar nga këto masa sigurie absurde, në dëm të komunitetit, mjedisit dhe rendit ligjor
Post Scriptum. Atyre që komentojnë apo bëjnë deklarata publike për gjasme presion nga ana ime mbi gjyqësorin, u them se për të mbrojtur interesin publik, të drejtën e komunitetit dhe të drejtat e liritë e njerëzve nga shpërdoruesit e detyrës në radhët e gjyqësorit, ne as do të heshtim më, as do të ndalemi së adresuari rastet e shpërdorimit në organet përkatëse të cilat Kushtetuta e ligji i ngarkojnë edhe me mbrojtjen e interesave të popullit e të shtetit, nga prokurorë e gjykatës të paaftë, të papërgjegjshëm, të dyja bashkë apo edhe më keq, pa atdhe fare

Por askush të mos ngatërrojë qëndrimin ndaj këtyre individëve, me qëndrimin tonë të palëkundur në mbështetje të drejtësisë dhe institucioneve të saj, në luftën kundër korrupsionit, krimit të organizuar dhe lirive e të drejtave të njerëzve

Shikojeni vetë çfarë tmerri ka marrë në mbrojtje gjykatësi Ligoraq.

Kryetari i Listës Serbe, Zlatan Elek, nuk ka marrë votat për t’u zgjedhur nënkryetar i Kuvendit të Kosovës, duke bërë që të dështoi kështu konsitutimi i institucionit.

Elek përmes shortit u hodh në votim tri herë radhazi për nënkryetar të legjislativit, në seancën e sotme të konstituimit të legjislaturës së nëntë, mirëpo nuk mori asnjë votë për, kundër ishin 54, kurse 19 deputetë abstenuan.

Në votim nuk morën pjesë deputetët nga Lista Serbe.

Të zgjedhurit e popullit të enjten për herë të 60-të po tentojnë të zgjedhin trupat e legjislativit. Pas zgjedhjes së kryetarit të Kuvendit dhe katër nënkryetarëve, deputetë nuk po arrijnë konsensus për zgjedhjen e nënkryetarit tjetër nga komuniteti serb, që do t’i hapte rrugë konstituimit të Kuvendi.

Komisioni Rregullator në KQZ ka miratuar ditën e sotme rezultatin përfundimtar të zgjedhjeve të 11 majit.

Me tre vota pro dhe dy kundër, u miratua projektvendimi për rezultatin e zgjedhjeve.

Komisioni pasqyroi numrin e votave të fituara nga çdo subjekt zgjedhor në çdo zonë zgjedhore, numrin e mandateve të fituara nga secili subjekt dhe listën emërore të deputetëve për secilën zonë dhe në rang kombëtar.

Ky hap shënon mbylljen zyrtare të procesit zgjedhor dhe çel rrugën për konstituimin e Kuvendit të ri. Miratimi i rezultatit nga Komisioni Rregullator do të pasohet më pas me mbledhjen e parë të Kuvendit, ku do të zhvillohet edhe seanca e konstituimit.

Nga zgjedhjet e 11 majit, Partia Socialiste mori 83 mandate, Partia Demokratike-Aleanca për Shqipërinë Madhështore 50 mandate. Partia Socialdemokrate tre deputetë, Mundësia dy, ndërsa Lëvizja Bashkë dhe Nisma Shqipëria Bëhet nga një mandat.

Prokuroria Tiranës ka sekuestruar 18 pasuri të paluajtshme të shtetasit Kristian Koni dhe nënës së tij pensioniste. Sipas hetimeve këto pasuri janë përfituar në rrugë të paligjshme, dhe në sajë të aktiviteteve kriminale. Kristian Koni rezulton i përfshirë në një rrjet të strukturuar kriminal të trafikut të narkotikëve në Itali gjatë periudhës 2007–2012.

Njoftimi i prokurorisë:

Prokuroria pranë Gjykatës së Shkallës së Parë të Juridiksionit të Përgjithshëm, Tiranë, sekuestroi pasuritë e shtetasit K.K. (alias O. M, K. M, Z. R, K.Z.) dhe personave të lidhur me të, që dyshohet të jenë përfituar në mënyrë të paligjshme nëpërmjet veprimtarisë kriminale.

Në kuadër të hetimeve mbi procedimin pasuror nr.10, të datës 31.07.2025, rezultoi se ky shtetas dhe nëna e tij në pension, kanë veprimtari me origjinë kriminale që lidhet me shtetasin K.K. dhe historikun e tij të mëparshëm kriminal. Ai rezulton i përfshirë në një rrjet të strukturuar kriminal të trafikut të narkotikëve në Itali gjatë periudhës 2007–2012. Po ashtu, u dokumentua përdorimi i disa identiteteve të ndryshme, si dhe transaksione financiare të pajustifikuara në raport me të ardhurat e ligjshme të deklaruara të personave përkatës.

Sipas të dhënave të administruara nga sistemet zyrtare dhe burime të tjera ligjore, u evidentuan pasuri të shumta të paluajtshme, automjete luksoze dhe llogari bankare në emër të:

• Shtetasit K. K.

• Shtetases F.M., dhe

• Subjektit juridik “Kriol.AL” sh.p.k., me përfaqësues ligjor të njëjtin shtetas.

Në total janë vendosur masa sekuestroje preventive mbi 18 pasuri të paluajtshme, dy automjete luksoze të llojit Range Rover dhe Smart, të regjistruara me targa karakteristike, si dhe llogaritë bankare të personave fizikë dhe juridikë të përfshirë në këtë hetim. Pasuritë përfshijnë prona në zonat e Tiranës, Bathores, Farkës, Marikajt etj.

Sekuestrot janë vendosur me qëllim:

• Parandalimin e tjetërsimit ose përdorimit të këtyre pasurive për qëllime kriminale;

• Garantimin e ekzekutimit të vendimeve të mundshme gjyqësore mbi konfiskimin e tyre;

Prokuroria e Tiranes siguron opinionin publik se çdo veprim po zhvillohet në përputhje të plotë me legjislacionin procedural penal dhe masat kundër pastrimit të parave, në bashkëpunim të ngushtë me institucionet vendase dhe ndërkombëtare.

Hetimet vijojnë dhe pritet që në vijim të identifikohen edhe pasuri të tjera të lidhura me veprimtarinë kriminale.

Data 11 shtator pritet të jetë dita kur do të mbahet Asambleja e Partisë Socialiste, në të cilën do të shpallet kabineti i ri qeveritar.

Megjithatë, kjo datë ende nuk është konfirmuar zyrtarisht, pasi anëtarët e Asamblesë nuk kanë nxjerrë ende një njoftim për mbledhjen.

Kryeministri Edi Rama zhvilloi paraditen e së enjtes një takim me ministrin e Mbrojtjes, Pirro Vengu, që zgjati 30 minuta, ndërsa sjellim ndërmend se paraditen e së martës pati takime me disa ministra të tjerë. Takime këto që vijnë në prag të ndryshimeve qeveritare.

Një detaj interesant nga takimet e së martës së 26 gushtit, është se në Kryeministri ka qenë i pranishëm edhe biznesmeni i njohur kosovar, Behgjet Pacolli. Ai është parë duke dalë nga godina e qeverisë pas përfundimit të takimit, duke shtuar interes për atë që po diskutohej atë ditë në mjediset e larta të politikës shqiptare. Megjithatë nuk dihet nëse vizita e Pacollit kishte lidhje me takimin me ministrat.

Në Asamblenë e 11 shtatorit, do të bëhen publikë emrat e qeverisë së re, ndërsa pritet me shumë interes se çfarë ndryshimesh të tjera do të bëjë kryeministri Edi Rama./tvklan.al

Ka humbur betejën me sëmundjen e rëndë aktori i njohur shqiptar, Naun Shundi.

Së fundmi ai po kurohej në Qendrën Spitalore Universitare “Nënë Tereza”, pasi dy ministri shqiptare morën përsipër shpenzimet për kurimin e tij.

Naun Shundi është një nga figurat më të vlerësuara të skenës shqiptare.

Ai ka kontribute të shumta në teatër dhe dramaturgji, si dhe është themelues i një hapësire të veçantë kulturore përmes teatrit të tij.

Naun Shundi ishte një personalitet, artist dhe krijues që ka kontribuar si në pasurimin e figurave artistike, por edhe dramaturgjisë shqiptare.

Ishte emri që ka hapur dyert e teatrit të tij shumë krijuesve të rinj, si dhe atyre në karrierë.

Rënia e vazhdueshme e shifrave të punësimit në prodhimin gjerman vazhdon, me industrinë e automobilave të vlerësuar të vendit që kryeson, sipas një studimi të ri të gjigantit të kontabilitetit EY (të njohur më parë si Ernst & Young) bazuar në të dhënat e zyrës së statistikave qeveritare.

EY regjistroi humbjen e afërsisht 51.500 vendeve të punës në industrinë e automobilave në harkun kohor të një viti, e barabartë me 6.7% të fuqisë punëtore totale të sektorit. Kjo përfaqëson pothuajse gjysmën e 114.000 vendeve të punës industriale të humbura në të njëjtën periudhë.

Fenomeni gjithashtu duket se po përshpejtohet: që nga viti 2019, para pandemisë COVID-19, afërsisht 112.000 vende pune janë eleminuar në industrinë e automobilave në Gjermani, pothuajse gjysma e tyre në 12 muajt e fundit.

Eksportet drejt Shteteve të Bashkuara dhe Kinës tashmë po bien me shpejtësi, dhe mosmarrëveshjet e ripërtërira tarifore me të dy vendet nuk ka gjasa të ndihmojnë.

SHBA e Kina kontribuojnë në humbjen e vendeve të punës në industrinë e automobilave
Shitjet e kompanive industriale gjermane ranë me 2.1 përqind në tremujorin e dytë të vitit 2025, shumë mbi rritjen negative të përgjithshme prej 0.3 përqind. Vetëm industria e elektronikës përmirësoi shitjet e saj gjatë tremujorit, ndërsa të ardhurat e kompanive të automobilave ranë me 1.6%.

Eksportet në Shtetet e Bashkuara, tregu më i madh i vetëm i Gjermanisë, ranë me rreth 10%. Jan Brohriker i, gjiganti i kontabilitetit, EY parashikon se “nuk ka përmirësim në horizont”, duke pasur parasysh futjen nga Presidenti Donald Trump të tarifave doganore të reja, pak më të larta prej 15% për automjetet.

Por rënia e ndjeshme e eksporteve në Kinë po ndikon gjithashtu në industrinë automobilistike. Tregu i dytë më fitimprurës i eksportit të Gjermanisë, Kina, ka rënë në vendin e gjashtë në renditje, me një rënie vjetore prej 14% në tremujorin e fundit.

“Shtetet e Bashkuara dhe Kina janë aktualisht një burim i madh shqetësimi”, tha Brohriker. “Tregu kinez ka qenë prej kohësh veçanërisht tërheqës për industrinë e automobilave, me marzhe shumë të larta fitimi. Por ndërkohë, situata ka ndryshuar, veçanërisht për prodhuesit e huaj të automobilave: kërkesa po bie në mënyrë drastike dhe shitjet po pakësohen.”

BE-ja dhe Kina kohët e fundit janë përfshirë në një betejë tarifash, veçanërisht në lidhje me automjetet elektrike kineze më të lira, dhe industria e automobilave në rritje të shpejtë e Kinës po përmbush gjithnjë e më shumë kërkesën e brendshme.

Tarifat amerikane ushtrojnë presion mbi prodhuesit gjermanë të automobilave

Pse Gjermania është në qendër të masave shtrënguese
Kompanitë e mëdha si Mercedes-Benz, Volkswagen, Audi, Bosch, Continental, ZF dhe Porsche kanë nisur të gjitha programe për uljen e kostove, dhe këto ulje shpesh fillojnë në Gjermani, jo në objektet e prodhimit jashtë vendit.

“Prodhuesit gjermanë të automobilave dhe prodhuesit e pjesëvepo reagojnë logjikisht ndaj situatës së vështirë të industrisë me një përpjekje për uljen e kostove”, thotë Brohriker i EY. “Rënia masive e fitimeve, kapaciteti i tepërt i prodhimit dhe dobësimi i tregjeve të eksportit i bëjnë të pashmangshme uljet e konsiderueshme të vendeve të punës, veçanërisht në Gjermani, ku janë përqendruar pozicionet e menaxhimit, administrimit dhe kërkim-zhvillimit”.

EY parashikon që rënia e punësimit do të vazhdojë, duke përmendur planet e vazhdueshme të ristrukturimit dhe uljes së kostove që do të vazhdojnë të çojnë në pushime nga puna. Ajo gjithashtu parashikon një të ardhme më sfiduese për të rinjtë.

“Industria e automobilave dhe sektori i inxhinierisë mekanike po punësojnë shumë më pak të rinj sesa në të kaluarën”, tha z. Brohriker. “Tregu i punës për inxhinierët e rinj po bëhet i vështirë dhe shumë prej tyre do të duhet të ndryshojnë karrierë. Do të shohim një rritje të papunësisë midis të diplomuarve në universitet, diçka që Gjermania nuk e ka parë prej kohësh.”/dw

PRISHTINË, 28 gusht/ATSH/ Kryetari i Partisë për Liri, Drejtësi dhe Mbijetesë, Nenad Rashiç nuk mori votat e mjaftueshme për tu zgjedhur nënkryetar i Kuvendit nga radhët e komunitetit serb.

Kryeparlamentari Dimal Basha tha se diskutimet do të vazhdojnë mes grupeve parlamentare, teksa e ka ndërprerë seancën konstituive.

The post Rashiç nuk zgjidhet nënkryetar, Basha ndërpret seancën appeared first on Agjencia Telegrafike Shqiptare.

TIRANË, 28 gusht/ATSH/ Federata Shqiptare e Futbollit ka përcaktuar disa rregulla të reja mbi mënyrën e grumbullimit të lojtarëve në ekipet kombëtare të moshave, duke vendosur një balancë mes futbollistëve që luajnë në kampionatet vendase dhe atyre që aktivizohen jashtë Shqipërisë.

Këto udhëzime kanë për qëllim rritjen e përfaqësimit të lojtarëve nga kampionati vendas dhe ofrimin e më shumë mundësive për talentet që zhvillohen në Shqipëri. Përqindja ndryshon sipas grupmoshës, duke reflektuar nevojat specifike të secilës kombëtare.

Për ekipet kombëtare të vajzave:

U-19 (2007/08): 8 lojtare nga jashtë, 12 nga kampionati vendas (rreth 60%).

U-17 (2009): 7 lojtare nga jashtë, 13 nga kampionati vendas (rreth 65%).

U-16 (2010): 6 lojtare nga jashtë, 14 nga kampionati vendas (rreth 70%).

U-15 (2011): 5 lojtare nga jashtë, 15 nga kampionati vendas (rreth 75%).

U-14 (2012): 4 lojtare nga jashtë, 16 nga kampionati vendas (rreth 80%).

k

U-21 (2004/05): 16 lojtarë nga jashtë, 7 nga kampionati vendas (rreth 30%).

U-19 (2007/08): 14 lojtarë nga jashtë, 6 nga kampionati vendas (rreth 33%).

U-17 (2009): 11 lojtarë nga jashtë, 9 nga kampionati vendas (rreth 45%).

U-16 (2010): 8 lojtarë nga jashtë, 12 nga kampionati vendas (rreth 60%).

U-15 (2011): 6 lojtarë nga jashtë, 14 nga kampionati vendas (rreth 70%).

U-14 (2012): 5 lojtarë nga jashtë, 15 nga kampionati vendas (rreth 75%).

Megjithatë, Drejtoria Teknike e FSHF thekson se përzgjedhja finale e lojtarëve mbetet gjithmonë në vendimmarrjen e saj, duke pasur parasysh nevojat e skuadrës dhe performancën e secilit futbollist.

Ky vendim synon të krijojë një ekuilibër të qëndrueshëm mes zhvillimit të kampionatit vendas dhe shfrytëzimit të talenteve shqiptare që luajnë në kampionatet e huaja, duke garantuar progres të vazhdueshëm në të gjitha grupmoshat.

/e.i/j.p/

The post FSHF publikon rregullat e reja për përzgjedhjen e lojtarëve në ekipet kombëtare të moshave appeared first on Agjencia Telegrafike Shqiptare.

VJENË, 28 gusht /ATSH-DPA/ – Gjermania, Franca dhe Britania e Madhe mund të rikthejnë që sot sanksionet e OKB-së ndaj Iranit, nëse Teherani nuk përpiqet të zgjidhë mosmarrëveshjen mbi programin e tij bërthamor, pavarësisht se ekspertët ndërkombëtarë bërthamorë janë rikthyer në Iran.

Tre vendet evropiane, të njohura si E3 ,mund të aktivizojnë të ashtuquajturin mekanizëm të “snapback” në Këshillin e Sigurimit të OKB-së në Nju Jork.

Ky mekanizëm lejon që sanksionet e vjetra të OKB-së, si embargoja e armëve dhe masat ndëshkuese ndaj individëve dhe organizatave iraniane, të hyjnë sërish në fuqi.

Më herët, kreu i Agjencisë Ndërkombëtare për Energjinë Bërthamore (IAEA), Rafael Grossi, tha se inspektorët ndërkombëtarë bërthamorë janë rikthyer në Iran pas një mungese prej më shumë se shtatë javësh. Inspektorët u larguan nga vendi pas sulmeve të SHBA-së dhe Izraelit në qershor ndaj objekteve bërthamore iraniane.

Një ekip i IAEA-së është dërguar fillimisht në termocentralin bërthamor të Bushehr-it, i cili nuk ishte objektiv i sulmeve izraelite, dhe jo në impiantet e dëmtuara të pasurimit të uraniumit në Natanz dhe Fordo, sipas informacioneve të siguruara nga dpa.

Agjencia shtetërore iraniane e lajmeve IRNA raportoi se një ekip inspektorësh të IAEA-së ka nisur mbikëqyrjen e ndërrimit të karburantit në centralin e Bushehr-it.

IRNA citoi zëvendësministrin e Jashtëm, Kazem Gharibabadi, të ketë thënë se mbikëqyrja e këtij objekti nga agjencia, i cili operohet së bashku me Rusinë, ishte koordinuar paraprakisht me autoritetet lokale dhe Moskën./   /Ad.Ab./

The post VJENË – E3 kërcënon Iranin me rikthim sanksionesh appeared first on Agjencia Telegrafike Shqiptare.

TIRANË, 28 gusht/ATSH/ Kryeministri Edi Rama reagoi sërish sot për një tjetër vendim të marrë nga gjykata në favor të një ndërtimi pa leje në Tiranë.

Në një reagim në rrjetet sociale, Rama u shpreh se gjyqtari Ligoraq Toshi “nuk e ka parë të udhës që të mbajë anën e komunitetit të zënë në kurth nga ky ndërtim pa leje”.

Kryeministri theksoi se edhe ky gjykatës do t’i bashkohet dosjes që Ministria e Drejtësisë do t’i përcjellë organeve të kontrollit e të vetëqeverisjes së gjyqësorit, ndërsa kërkoi që ankimimeve në këto organe t’u bashkohen edhe qytetarët e dëmtuar.

Rama iu përgjigj edhe atyre që e konsiderojnë këtë “presion mbi gjyqësorin”, ndërsa siguroi se “nuk do të heshtim më, as do të ndalemi së adresuari rastet e shpërdorimit në organet përkatëse të cilat Kushtetuta e ligji i ngarkojnë edhe me mbrojtjen e interesave të popullit e të shtetit”.

Po ashtu Rama konfirmoi qëndrimin  e palëkundur në mbështetje të drejtësisë dhe institucioneve të saj, në luftën kundër korrupsionit, krimit të organizuar dhe lirive e të drejtave të njerëzve.

Më poshtë reagimi i plotë i kryeministrit Rama: 

Gjykatësi Ligoraq vendosi në pak minuta pa praninë e palëve, që të mos hapet kalimi i mbyllur nga kjo ngrehinë pa leje me kupolë xhami mes dy pallateve, nën të cilën shtrihet një dyqan ku bëhet tregti në kurriz të komunitetit.

Gjykatësi Ligoraq nuk e ka parë të udhës që të mbajë anën e komunitetit të zënë në kurth nga ky ndërtim pa leje dhe me siguri as nuk e ka menduar që mos o Zot, në rast zjarri ky dyqan kthehet në barrikadë vrastare, e pakapërcyeshme edhe për banorët edhe për zjarrfikësit.

Gjykatësi Ligoraq i bashkohet kësisoj prokurores Gjeli, gjykatësve Balliu e Demiri, në dosjen që Ministria e Drejtësisë do t’i përcjellë organeve të kontrollit e të vetëqeverisjes së gjyqësorit, ndërkohë që ne do të kërkojmë që ankimimeve në këto organe t’u bashkohen edhe qytetarët e dëmtuar nga këto masa sigurie absurde, në dëm të komunitetit, mjedisit dhe rendit ligjor.

Post Scriptum. Atyre që komentojnë apo bëjnë deklarata publike për gjasme presion nga ana ime mbi gjyqësorin, u them se për të mbrojtur interesin publik, të drejtën e komunitetit dhe të drejtat e liritë e njerëzve nga shpërdoruesit e detyrës në radhët e gjyqësorit, ne as do të heshtim më, as do të ndalemi së adresuari rastet e shpërdorimit në organet përkatëse të cilat Kushtetuta e ligji i ngarkojnë edhe me mbrojtjen e interesave të popullit e të shtetit, nga prokurorë e gjykatës të paaftë, të papërgjegjshëm, të dyja bashkë apo edhe më keq, pa atdhe fare.

Por askush të mos ngatërrojë qëndrimin ndaj këtyre individëve, me qëndrimin tonë të palëkundur në mbështetje të drejtësisë dhe institucioneve të saj, në luftën kundër korrupsionit, krimit të organizuar dhe lirive e të drejtave të njerëzve”.

/m.m/

The post Ngrehinë pa leje mes dy pallateve, Rama: Gjykatësi Ligoraq s’mbajti anën e komunitetit të zënë në kurth appeared first on Agjencia Telegrafike Shqiptare.

TIRANË, 28 gusht/ATSH/ Rektori i Universitetit të Tiranës, Artan Hoxha deklaroi sot se “UT mban edhe këtë vit peshën kryesore, ndërsa pret rreth 11 mijë studentë të rinj”.

Në një konferencë për shtyp një ditë përpara regjistrimit të studentëve për vitin e ri akademik, Hoxha tha se “këtë vit  500 maturantë më shumë do t’i drejtohen bankave të universiteteve dhe në veçanti UT e kanë zgjedhur më shumë të rinj nga viti i kaluar”.

Sipas tij, kjo është shenjë ë mirë për të rinjtë që tregon se ata i drejtohen bankave të universitetit dhe është një tregues kanë besim më shumë tek universitetet në vend në krahasim me vitin e kaluar që i drejtoheshin universiteteve jashtë vendit”.

“Universiteti i Tiranës padyshim që mban peshën kryesore të arsimit të lartë. Ne së bashku më të 3 ciklet e studimit presim mbi 11 mijë studentë. Për vitin akademik 2024-2025 kishim mbi 22 mijë studentë që tregon se pesha specifike e këtij institucioni të lartë vazhdon të jetë ajo që rëndon më shumë dhe që garanton të rinjtë shqiptarë që programet që zhvillohen në këtë universitetet janë programe të konsoliduara madje më traditë dhe të koordinuara me të gjitha zhvillimet e kohës duke u foksuar në ndërkombëtarizimin e tyre”, theksoi Hoxha.

“Nga rreth 20.200 maturantë në shkallë vendi, 60% kanë zgjedhur Universitetin e Tiranës, ndërsa në krahasim me vitin e kaluar janë 160 studentë më shumë që kanë preferuar këtë institucion. Ky është një tregues i qartë se studentët shqiptarë po e shohin gjithnjë e më shumë të ardhmen e tyre akademike te Universiteti i Tiranës. Programet tona janë të konsoliduara dhe të përditësuara me zhvillimet e kohës, duke garantuar arsim cilësor dhe mundësi të reja profesionale”, theksoi Hoxha.

Rektori Hoxha u shpreh se “të gjitha këto arritje që ka arsimi i lartë dhe në veçanti Universiteti i Tiranës rrisin vetëbesimin tek të rinjtë për të ndjekur studimet tek universitet tona”.

Hoxha foli edhe për degët që janë më të kërkuara nga të rinjtë në UT dhe ato më pak të preferuara.

“Ne kemi disa programe që janë të konsoliduara në disa fakultete që kanë edhe rritje si është Drejtësia, Ekonomia, Shkencat Sociale, Histori, Filologji. Gjithashtu, interes i lartë po vërehet në shkencat e natyrës dhe teknologjinë e informacionit, të cilat ofrojnë perspektivë të gjerë punësimi dhe kërkim të aplikuar. Megjithatë, sfidë mbeten programet e mësuesisë, ku interesi është më i ulët, duke reflektuar një prirje të maturantëve për të zgjedhur fusha të tjera më të lidhura me tregun e punës. Por kemi disa programe që vuajnë kryesisht ato të mësuesisë dhe disa programe të Shkencave të Natyrës, të cilat përzgjidhen nga një numër i madh studentësh dhe për to ka politika për ti mbështetur ata në vazhdimin e studimeve”, tha Hoxha.

Rektori Hoxha u ndal edhe tek dhënia e bursave.

“UT ka vite që ka mijëra studentë që marrin bursa. 2668 studentë këtë vit përfitojnë bursën me 100 mijë lekë të vjetra dhe janë 60 studentë nga programet që kanë interes kombëtar, të cilët pëfitojnë 400 mijë lekë të vjetra dhe sipas politikave që janë vendosur studentët e ekselencës nuk paguajnë tarifë shkollimi dhe studentë nën notën 9 paguajnë gjysmën e tarifës së studimit”, sqaroi Hoxha.

Rektori Hoxha u shpreh se Universiteti i Tiranës ka marrë përsipër edhe trajnimin e mësueseve të ciklit parauniversitar, të drejtueseve dhe roleve të tjera që marrin pjesë në procesin e mësimdhënies.

“Për herë të parë në mënyrë të konsoliduar Universiteti i Tiranës ka marrë përsipër të trajnojmë mësuesit e shkollave parauniversitsare, drejtuesit e tyre dhe të gjithë ata që marrin pjesë në procesin e mësimdhënies. Është një ndërmarrje e rëndësishme që ecën prej dy vitesh. Kjo ka bërë një ndërthurje dhe një lidhje me të mirë më universitetin dhe ciklin parauniversitar duke njohur më mirë njëri-tjetrin se çfarë ofrojmë nëpërmjet programeve universitare dhe parauniversitare dhe reformat që bëhen në arsim duhet të jenë të integruara pasi nxënësi kthehet në student dhe pastaj në tregun e punës”, u shpreh Hoxha.

Në lidhje me debatin për ndryshimin e ligjit për arsimin e lartë, Hoxha u shpreh se nuk është koha për një ligj të ri, por për një rishikim të tij pas një analize të plotë.

“Ligjet nuk duhen shfuqizuar, por përmirësuar. Ligji për arsimin e lartë ka treguar se i ka rezistuar kohës dhe i është përgjigjur qëllimit për të cilin është miratuar, por pas 10 vitesh zbatim ka ardhur koha për amendime që t’i përgjigjen realitetit të ri të arsimit dhe zhvillimeve që ka përjetuar Shqipëria”, tha Hoxha.

/k.s/j.p/

The post Hoxha: 11 mijë studentë të rinj në Universitetin e Tiranës për vitin e ri akademik appeared first on Agjencia Telegrafike Shqiptare.

TIRANË, 28 gusht/ATSH/ Ministrja e Turizmit dhe Mjedisit Mirela Kumbaro prezantoi sot, në një dalje publike së bashku me Kryeministrin Edi Rama, reformën e re të menaxhimit të integruar të mbetjeve. Ministrja Kumbaro pohoi se në një moment kur mblidhen rreth 98% të mbetjeve të gjeneruara në territor, është i nevojshëm një plan i ri për menaxhimin dhe trajtimin e tyre, që shkon përtej kapaciteteve të bashkive.

“Në vitin 2013 mblidheshin 51% e mbetjeve në territor, në vitin 2020 mblidheshin 87% e tyre, kurse në vitin 2024, gati 98% e mbetjeve. Në vitin 2013 kishim vetëm një landfill, atë të Bushatit, sot kemi 7 pika fundore të trajtimit të mbetjeve”, tha Kumbaro.

“Ne propozojmë një plan të ri kombëtar për menaxhimin e mbetjeve që ka së pari shtyllën e vet ligjore, kemi gati për miratim ligjin e ri të mbetjeve me të cilin respektojmë dhe plotësojmë nga pikëpamja ligjore të gjitha standardet europiane. E kemi bërë këtë në konsultim shumë të ngushtë me ekspertë europianë falë projektit IPA-circula economy me Bashkimin Europian. Po kështu ligjin e “Përgjegjësisë së Zgjeruar të Prodhuesit”, i cili ka shkuar në kuvend dhe bashkë me ligjin e mbetjeve miratohen brenda sesionit të parë të kësaj legjislature”, tha ministrja e Turizmit dhe Mjedisit Mirela Kumbaro.

Në kuadër të ndryshimeve, pritet krijimi i Operatorit Kombëtar të Trajtimit të Mbetjeve.
“Agjencia Kombëtare e Ekonomisë së Mbetjeve është krijuar në mars të vitit 2024 dhe aktualisht është agjenci nën varësinë e Ministrisë së Turizmit dhe Mjedisit. Propozojmë krijimin e Operatorit Kombëtar të Trajtimit të Mbetjeve, si një kompani shtetërore me kompetenca për ndërtim, operim dhe financim të infrastrukturës së mbetjeve në nivel kombëtar”, tha Kumbaro.

Ajo shtoi se bashkive nuk u lëviz kompetenca e menaxhimit të territorit, për sa i përket menaxhimit të mbetjeve. “Duhet theksuar se bashkive nuk iu lëviz kompetenca e menaxhimit të territorit për sa i përket menaxhimit të mbetjeve, siç e përcakton qartë edhe ligji i autonomisë vendore, edhe projektligji i menaxhimit të integruar të mbetjeve, bashkitë do të vijojnë të kenë përgjegjësinë dhe detyrën e mbledhjes së mbetjeve në territor, të menaxhimit të burimeve njerëzore, të administrimit të infrastruktures së lehtë e të lëvizshme të domosdoshme për të realizuar me sukses këtë kompetencë siç e kanë edhe sot”, tha Kumbaro.

Kumbaro prezantoi edhe investimet në proces në Zonat e Menaxhimit të Mbetjeve Berat, Dibër, Korçë, Durrës, Vlora-Veri, Gjirokastër – Vlora Jug dhe Kukës, nga pikat fundore deri te mbyllja e venddepozitimeve jashtë standardeve, si edhe ngritjen e Sistemit të Integruar të të Dhënave Mjedisore, si një platformë digjitale që do të sigurojë të dhënat parësore në kohë reale mbi regjistrin e mbetjeve urbane dhe transfertat e mbetjeve.

/e.i/j.p/

The post Kumbaro: Plan i ri për menaxhimin dhe trajtimin e mbetjeve përtej kapaciteteve të bashkive appeared first on Agjencia Telegrafike Shqiptare.

TIRANË, 28 gusht /ATSH/ Komisioni Rregullator shpalli sot rezultatin përfundimtar të zgjedhjeve për Kuvendin e Republikës së Shqipërisë, të datës 11 maj 2025.

Komisioni Rregullator votoi në parim dhe nen për nen me 3 vota pro dhe 2 kundër projektvendimin e Komisionerit Shtetëror të Zgjedhjeve Ilirjan Celibashi për shpalljen e rezultatit përfundimtar të zgjedhjeve.

Gjatë mbledhjes së Komisionit Rregullator, u miratua numri i votave, numri i mandateve dhe lista emërore e deputetëve për çdo subjekt zgjedhor, për çdo zonë zgjedhore.

Po ashtu, Komisioni Rregullator miratoi numrin e votave, numrin e mandateve dhe listën emërore të deputetëve për çdo subjekt zgjedhor në rang vendi.

Gjatë mbledhjes anëtarët e Komisionit Rregullator Muharrem Çakaj dhe Helga Vukaj shprehën votën e tyre kundër këtij certifikimi.

Çakaj tha se “pata shpresë së SPAK do ta luftonte krimin zgjedhor, por çfarë ndodhi, nuk kemi asnjë ndëshkim të krimit zgjedhor. Krim zgjedhor kishte, vetëm KQZ dhe SPAK nuk e pa”.

Ndërsa Vukaj u shpreh se “këto zgjedhje nuk ishin të lira, ishin larg standardeve, rezultatet nuk ishin reale dhe jemi në një regjim. Në këto kushte deklaroj votën time kundër këtij rezultati”.

Kundër këtij vendimi mund të bëhet ankim në Kolegjin Zgjedhor Gjyqësor pranë Gjykatës Administrative të Apelit Tiranë, brenda 5 ditëve nga shpallja e tij.

Në zgjedhjet e 11 majit, Partia Socialiste mori 83 mandate, Partia Demokratike-Aleanca për Shqipërinë Madhështore 50 mandate. Partia Socialdemokrate 3 deputetë, partia “Mundësia” 2, ndërsa Lëvizja Bashkë dhe Nisma Shqipëria Bëhet nga një mandat.

/m.q/j.p/

The post Komisioni Rregullator certifikon rezultatin përfundimtar të zgjedhjeve të 11 majit appeared first on Agjencia Telegrafike Shqiptare.

PEKIN, 28 gusht /ATSH-DPA/ –  Udhëheqësi i Koresë së Veriut, Kim Jong Un, do të udhëtojë në Pekin në shtator për një paradë ushtarake, në një nga udhëtimet e tij të rralla jashtë vendit, njoftoi sot qeveria kineze.

Presidenti rus, Vladimir Putin, do të marrë gjithashtu pjesë në paradën ushtarake në Pekin më 3 shtator, e cila shënon kapitullimin zyrtar të Japonisë ndaj forcave aleate në vitin 1945 dhe konsiderohet fundi i Luftës së Dytë Botërore në Kinë.

“Kina dhe Koreja e Veriut janë fqinjë miqësorë dhe Pekini e mirëpret ngrohtësisht Kimin”, tha zëvendësministri i Jashtëm, Hong Lei.

Ai theksoi se Pekini dhe Pheniani luftuan së bashku gjatë Luftës së Dytë Botërore, duke shtuar se Kina është e gatshme të forcojë bashkëpunimin me Korenë e Veriut dhe të promovojë paqen në rajon.

Kim rrallëherë udhëton jashtë vendit. Që nga pandemia e koronavirusit, ai ka lënë vendin vetëm një here, në shtator 2023 për një samit me Putinin, që u zhvillua në Lindjen e Largët, rreth 100 kilometra nga kufiri me Kinën.

Vizita e fundit e Kim në Kinë ishte në janar 2019, kur ai u takua me presidentin Xi Jinping në Sallën e Madhe të Popullit në Pekin.

Në total, Pekini pret 26 liderë të huaj që të marrin pjesë në përkujtimet.

Sipas burimeve kineze, nga Evropa pritet të udhëtojnë presidenti serb Aleksandar Vuçiç dhe kryeministri sllovak Robert Fico./   /Ad.Ab./

The post KINË – Kim dhe Putin në Pekin për një paradë ushtarake appeared first on Agjencia Telegrafike Shqiptare.

TIRANË, 28 gusht/ATSH/ Përfaqësuesit e pesë komuniteteve fetare në vendin tonë kanë firmosur së bashku një deklaratë në të cilën kërkojnë përfundimin e luftës në Gaza.

Deklarata e përbashkët është firmosur nga kreu i komunitetit mysliman shqiptar Bujar Spahiu, kryepeshkopi Joani, Gjergj Meta që përfaqëson Kishën Katolike, kreu i bektashinjve Baba Edmond Brahimaj dhe nga kishat ungjillore, pastori Ergest Biti.

Në të thuhet se Këshilli Ndërfetar i Shqipërisë ka ndjekur me vëmendje ndër vite çdo shqetësim kombëtar dhe ndërkombëtar, që ka cenuar paqen sociale dhe bashkëjetesën shoqërore.

“Komunitetet fetare në Shqipëri, bashkojnë zërin me thirrjet ndërkombëtare të organizatës Religions for Peace Europe, institucion ku bëjnë pjesë, thirrjes së fundit të Patriarkanës Latine dhe asaj Ortodokse të Jerusalemit, thirrjes së 80 rabinëve ortodoksë nga e gjithë bota, komuniteteve islame dhe të krishtera nga mbarë bota, OKB-së dhe institucioneve të tjera ndërkombëtare, ku me apelin e tyre, ata shprehin shqetësimin e thellë për situatën dramatike humanitare në Gaza dhe Bregun Perëndimor, duke kërkuar përfundimin e menjëhershëm të luftës dhe lirimit të të gjithë pengjeve”, thuhet në deklaratë.

KNFSH kërkon ndalimin e dhunës dhe garantimin e mbrojtjes së jetës së civilëve të pafajshëm, veçanërisht grave dhe fëmijëve, të cilët janë viktimat më të mëdha të këtij konflikti. Shpërngulja e detyruar e popullsisë, pengimi i ndihmës humanitare dhe shkatërrimi i infrastrukturës bazë nuk mund të justifikohen në asnjë mënyrë dhe përbëjnë një shkelje të rëndë të dinjitetit njerëzor.

Në frymën e solidaritetit ndërfetar dhe të përgjegjësisë morale që feja mbart, Këshilli Ndërfetar i Shqipërisë riafirmon se paqja e qëndrueshme mund të ndërtohet vetëm mbi drejtësi, mëshirë dhe respekt të ndërsjellë.

Krerët fetare shqiptare i bëjnë thirrje udhëheqësve botërorë, institucioneve ndërkombëtare dhe të gjithë njerëzve të vullnetit të mirë të shtojnë përpjekjet për t’i dhënë fund konfliktit, për të siguruar menjëherë ndihmën e nevojshme humanitare dhe për të hapur rrugën drejt një paqeje të drejtë e të qëndrueshme në Tokën e Shenjtë dhe përreth saj.

Deklarata e plotë:

Këshilli Ndërfetar i Shqipërisë, si përfaqësues i pesë komuniteteve fetare të vendit, ka ndjekur me vëmendje ndër vite çdo shqetësim kombëtar dhe ndërkombëtar, që ka cenuar paqen sociale dhe bashkëjetesën shoqërore. Sot, ne komunitetet fetare në Shqipëri, bashkojmë zërin tonë me thirrjet ndërkombëtare të organizatës Religions for Peace Europe, institucion ku ne bëjmë pjesë, thirrjes së fundit të Patriarkanës Latine dhe asaj Ortodokse të Jeruzalemit, thirrjes së 80 rabinëve ortodoksë nga e gjithë bota, komuniteteve islame dhe të krishtera nga mbarë bota, OKB-së dhe institucioneve të tjera ndërkombëtare, ku me apelin e tyre, ata shprehin shqetësimin e thellë për situatën dramatike humanitare në Gaza dhe Bregun Perëndimor, duke kërkuar përfundimin e menjëhershëm të luftës dhe lirimit të të gjithë pengjeve.

KNFSH kërkon ndalimin e dhunës dhe garantimin e mbrojtjes së jetës së civilëve të pafajshëm, veçanërisht grave dhe fëmijëve, të cilët janë viktimat më të mëdha të këtij konflikti. Shpërngulja e detyruar e popullsisë, pengimi i ndihmës humanitare dhe shkatërrimi i infrastrukturës bazë nuk mund të justifikohen në asnjë mënyrë dhe përbëjnë një shkelje të rëndë të dinjitetit njerëzor.

Në frymën e solidaritetit ndërfetar dhe të përgjegjësisë morale që feja mbart, Këshilli Ndërfetar i Shqipërisë riafirmon se paqja e qëndrueshme mund të ndërtohet vetëm mbi drejtësi, mëshirë dhe respekt të ndërsjellë.

Ne u bëjmë thirrje udhëheqësve botërorë, institucioneve ndërkombëtare dhe të gjithë njerëzve të vullnetit të mirë të shtojnë përpjekjet për t’i dhënë fund konfliktit, për të siguruar menjëherë ndihmën e nevojshme humanitare dhe për të hapur rrugën drejt një paqeje të drejtë e të qëndrueshme në Tokën e Shenjtë dhe përreth saj.

Zoti i bekoftë paqendërtuesit!

/e.i/j.p/

The post Këshilli ndërfetar i Shqipërisë firmos deklaratën e përbashkët: Ndalni luftën në Gaza, lironi pengjet appeared first on Agjencia Telegrafike Shqiptare.

Më 29 dhe 30 gusht 2025, në ambientet e Muzeut të Burgut të Prishtinës, “Burgu i Idealit”, do të shënohet Dita Ndërkombëtare e Personave të Zhdukur, nën moton simbolike “Çka po sheh?”. Kjo ngjarje përkujtuese, e organizuar nga organizata Molla e Kuqe me mbështetje nga Ministria e Kulturës, Rinisë dhe Sportit, sjell përmes artit, mendimit dhe muzikës një reflektim të thellë për mijëra njerëzit e zhdukur me dhunë gjatë luftës në Kosovë, dhe për trupin si hapësirë e kujtesës, dhimbjes dhe mungesës.

Më 29 gusht, aktivitetet nisin me fjalën shqyrtuese të Orgest Azizit: “Montazhe të dritës dhe forma të (zh)dukjes së trupave”, një reflektim kushtuar veprës ikonike të Michel Foucault, “Disiplinë dhe ndëshkim: Lindja e burgut”, në 50-vjetorin e botimit të saj.
Azizi, përkthyes i librit në shqip, shtjellon mënyrën sesi Foucault e vendos trupin në qendër të proceseve politike dhe estetike të disiplinës, ndërkohë që ndriçon mekanizmat e zhdukjes përmes mjeteve të mbikëqyrjes dhe dhunës sistematike, transmeton KultPlus.

Në këtë kontekst, ai sjell në diskutim edhe punën e kineastëve si Harun Farocki (Imazhe burgu) dhe Patricio Guzmán (Nostalgjia e dritës), të cilët përmes montazhit vizual ndërlidhin panoptizmin me an-optikën, kalimin nga trupi i kontrolluar, te trupi i zhdukur.

Në datën 30 gusht, në Ditën Ndërkombëtare të Personave të Zhdukur, aktiviteti artistik merr formën e një homazhi të ndjerë përmes muzikës, artit pamor dhe dokumentarit.

Nderim Arifi, përmes koncertit në kitarë klasike “Malli i yjeve”, sjell një dialog të heshtur me trupat e munguar, duke interpretuar vepra nga Silvius Leopold Weiss, Miguel Llobet, dhe Agustín Barrios Mangoré, një udhëtim muzikor nga terri drejt dritës.

Mentor Berisha, me ekspozitën dhe instalacionin e tij artistik, ndërton një vizualitet të ndjeshëm të dhimbjes kolektive dhe mungesës së formës. Ndërsa artistja Besa Berberi, përmes ninullave të saj në kuadër të thirrjes “Trup i mbyllur – Trup i zhdukur”, i jep zë një dhimbjeje që shpesh mbetet e heshtur, asaj të qindra fëmijëve të vrarë dhe të zhdukur gjatë luftës.

Ngjarja mbyllet me shfaqjen e filmit dokumentar “Mjegull” nga Ujkan Hysaj, i cili sjell histori të familjarëve të personave të zhdukur, të mbërthyer mes kujtimit dhe pritjes së pafund. Një rrëfim prekës për ata që ende presin, që çdo trokitje në derë ta kthejnë në një shpresë, qoftë edhe në ëndërr, për rikthimin e të dashurve të tyre.

Këto dy ditë veprimtarish në Burgu i Idealit, që tashmë funksionon si hapësirë muzeale dhe reflektimi, synojnë të kthejnë vëmendjen nga historia jonë më e errët, duke i dhënë zë dhe figurë trupave të zhdukur, jo vetëm përmes statistikave, por përmes artit që flet më thellë se fjalët.

Me moton “Çka po sheh?”, ngjarja sfidon shikuesin: A jemi ende të verbër përballë dhimbjes që vazhdon? A kemi guxim të shohim, të kujtojmë, dhe të mbajmë përgjegjësi?/KultPlus.com