Mijëra raste me kancer të gjirit mund të parandalohen çdo vit nëse më shumë gra do t’u nënshtroheshin ndërhyrjeve parandaluese për heqjen e gjirit, sugjeron një studim i ri.

Mastektomia – operacioni për heqjen e gjirit – aktualisht u ofrohet kryesisht personave që janë diagnostikuar tashmë me kancer gjiri, ose grave që mbartin gjenet me rrezik të lartë si BRCA1, BRCA2 dhe PALB2. Por studiuesit thonë se edhe persona që mbartin gjene të tjera si ATM, CHEK2, RAD51C dhe RAD51D, mund të përfitojnë nga kjo masë parandaluese, sidomos nëse kanë edhe faktorë të tjerë rreziku.

Këto faktorë përfshijnë: historikun familjar me kancer, nëse gruaja ka ushqyer me gji, dendësinë e gjirit në mamografi, si dhe numrin e fëmijëve të lindur.

Sipas studimit, nëse të gjitha gratë e moshës 30 deri në 55 vjeç, me një rrezik prej 35% ose më shumë, do të identifikoheshin dhe do të kryenin mastektomi parandaluese (RRM), mund të parandaloheshin rreth 6,538 raste me kancer në vit.

Ky numër përfaqëson rreth 11% të totalit prej 59,000 grave që diagnostikohen çdo vit në Mbretërinë e Bashkuar me kancer gjiri.

Studiuesit theksojnë rëndësinë e përmirësimit të sistemit të identifikimit të grave në rrezik të lartë, si dhe zgjerimin e kritereve për ofrimin e mastektomisë parandaluese.

/ abcnews.al

Arabia Saudite nënshkroi marrëveshje të rëndësishme investimi dhe partneriteti me Sirinë më 24 korrik, me vlerë prej 6.4 miliardë dollarësh, për të ndihmuar në rindërtimin e infrastrukturës, telekomunikacionit dhe sektorëve kryesorë të tjerë të vendit të shkatërruar nga lufta.

Mbretëria e pasur me naftë në Gjirin Persik është një nga mbështetëset kryesore të Qeverisë e re siriane, e cila mori pushtetin pas një ofensive të udhëhequr nga islamistët që rrëzoi nga pushteti udhëheqësin e komtshëm të Sirisë, Bashar al-Assad, në dhjetor.

Duke folur në Forumit të Investimeve Siri-Arabi Saudite të mbajtur në pallatin presidencial në Damask, ministri saudit i Investimeve, Khalid Al-Falih, njoftoi për “nënshkrimin e 47 marrëveshjeve dhe memorandumeve mirëkuptimi… me një vlerë totale prej gati 6.4 miliardë dollarëve”.

Me praninë e presidentit të përkohshëm sirian, Ahmed al-Sharaa, dhe zyrtarëve të tjerë, ministri sirian i Ekonomisë, Mohammed al-Shaar, e quajti këtë forum “një hap të madh në historinë e marrëdhënieve midis dy vendeve tona vëllazërore”.

Falih tha se 2.9 miliardë dollarë do të dedikohen për infrastrukturë dhe do të ndërtohen tri fabrika të çimentos. Kompanitë saudite të telekomunikacionit do të investojnë rreth 1.07 miliardë dollarë “me qëllim zhvillimin e infrastrukturës dhe përmirësimin e kapaciteteve të sigurisë kibernetike”, shtoi ai. Sektorë të tjerë, përfshirë bujqësinë dhe financat, pritet gjithashtu të përfitojnë nga marrëveshjet e mëdha.

Të enjten, ekspertët e Kombeve të Bashkuara mirëpritën heqjen e sanksioneve ndaj Sirisë nga Shtetet e Bashkuara dhe shtetet e tjera perëndimore, duke thënë se kjo “hap rrugë premtuese për rimëkëmbje”.

“Ne i bëjmë thirrje Qeverisë së përkohshme t’i japë prioritet rindërtimit të infrastrukturës së qëndrueshme dhe shërbimeve publike për të përmbushur gamën e gjerë të të drejtave të njeriut që janë në rrezik në Siri”, tha OKB-ja.

Lufta 14-vjeçare civile në Siri shkatërroi pjesën më të madhe të infrastrukturës së vendit, dhe udhëheqësit e rinj shpresojnë të marrin mbështetje ndërkombëtare për përpjekjet e rindërtimit, të cilat OKB-ja i vlerëson se mund të kushtojnë mbi 400 miliardë dollarë.

Në fillim të këtij muaji, presidenti amerikan, Donald Trump, formalizoi heqjen e sanksioneve amerikane ndaj Sirisë, duke synuar riintegrimin e vendit në ekonominë globale.

Në maj, ai veçse kishte hequr shumicën e masave, pas thirrjeve nga Arabia Saudite dhe Turqia.

Në maj, Siria nënshkroi një marrëveshje për energji në vlerë prej 7 miliardë dollarësh me një konsorcium kompanish nga Katari, Turqia dhe SHBA-ja për të ndihmuar ringjalljen e sektorit të energjisë elektrike./REL

Kreu i lëvizjes ‘Bashkë’ Arlind Qori i ftuar në ‘Real Story’ tha se në bashkinë e Tiranës votat në favor të PS kanë rënë ndjeshëm. Në bazë të shifrave rezulton që PS është 5.79 për qind në rënie votash për dy vite. Qori vijoi duke thënë më tej se në Tiranë ka vend për shpresë dhe se në zgjedhjet e ardhshme lokale, nëse mbahen, Rama ka një armë mangut e cila është humbja e Berishës.

“Ka një bashki ku votat kanë rënë ndjeshëm, dhe është Tirana. Po të krahasosh votat në dy vite janë 5.79 për qind në rënie me votuesit brenda vendit. Në zgjedhjet lokale kam përshtypjen nuk voton Diaspora sepse janë më indiferent.

 Politika nuk është aritmetikë. Në një kryeqendër si Tirana ka një frymë kundra. Niveli i presionit sepse Tirana është një qytet kompleks, ka një potencial më të madh politik. Në zgjedhje, Ramës do i mungojë një armë shumë e fortë. Me këtë rezultat që pati Berisha është më pak i besueshëm. Përpara zgjedhjeve kishte një optimizëm, ndryshimet e pushtetit në Amerikë krijuan një iluzion, kur Berisha mori rezultatin më të keq, e ka të vështirë të dalë të thotë votoni. Në mometin ku Rama nuk do shesë gogolin tek elektorati, votuesi do shohi që ka alternativa të tjera përveç PD. Mospërputhja mes simpatizimit dhe votës, njerëzit që na kanë simpatizuar kanë qenë shumë më tepër se ata që na kanë votuar dhe është shumë pozitive. Në Tiranë ka vend për shpresë!”

Qori tha me bindje se në zgjedhjet e ardhshme Lëvizja Bashkë do të hyjë si parti e vetme sepse për ta kanë rëndësi parimet.

“Ne e dimë që partitë në Shqipëri janë të pareformueshme. Mbas dy vjetësh do jetë i njëjti film. Lëvizja Bashkë do të hyjë si parti e vetme, për ne kanë rëndësi parimet. Me cilët faktorë nuk do bëjmë kompromis, kur shohim që partitë e tjra i kanë të zhytura duart ne mbajmë distancën dhe u tregojmë që ja ku keni një parti të vërtetë.” 

/ abcnews.al

Në një debat të zhvilluar në emisionin “Real Story” në ABC News, analistët Martin Leka dhe Roland Bejko trajtuan çështjen e fragmentimit të partive kryesore në Shqipëri, me fokus të veçantë mbi të majtën dhe të djathtën politike.

Leka theksoi se përçarja e së majtës së Ramës mund të vijë vetëm nga një forcë e majtë me ideale të qarta, duke kritikuar partitë e vogla që, sipas tij, thjesht qahen.

“Berisha thotë kërkon edhe të ikë Veliaj edhe të qëndrojë në bashki. Ai kërkon që të përçajë të majtën e Ramës. Partia e majtë e Ramës mund të çahet vetëm nga një parti e majtë apo e qendrës së majtë duke pasur ideale dhe programe të ndryshme nga këto partitë e vogla që qahen”, tha analisti Martin Leka.

Ndërkohë, Bejko argumentoi se vetëm largimi i Berishës, si akt i vetëdijshëm apo si pasojë e ndërhyrjes së faktorit ndërkombëtar, mund të çojë drejt një bashkimi të së djathtës dhe një ndryshimi të vërtetë politik.

“Partia çahet vetëm nëse Berishës i vjen një frymëzim hyjnor dhe dorëhiqet. E çan një e djathtë e bashkuar. Nëse Berisha tërhiqet dhe kujdeset për një proces të paanshëm, ose drejtësia dhe amerikanët”, u shpreh analisti Roland Bejko./abcnews.al

Read More...

Analisti Ergys Mërtiri komentoi për ‘Real Story’ përçarjen brenda lëvizjes ‘Shqipëria Bëhet’ mes Lapajt dhe Shabanit. Mërtiri tha se debatet brenda kësaj partie vijnë për shkak të mandateve të limituara dhe nuk ka një korelacion mes mungesës së idealeve dhe përçarjes politike.

Më tej në analizën e tij, Mërtiri tha se partitë e vogla duhet të bashkohen brenda një boshti politik.

“Fakti që zihen për një mandat, janë banale. Nuk do të thotë se ata nuk kanë parime apo nuk e duan këtë vend. Nuk mund tua mohojmë këtë gjë vetëm se tregojnë papjekuri në këtë aspekt. Nuk mund ju vendosim vizën. Mund ta quaj dhe egoizëm që këta nuk u bën bashkë përpara zgjedhjeve. Po të ishin bërë bashkë, do kishin bërë një goditje.

Do kishte mandate për të gjithë dhe nuk do ziheshit. Ata kanë një mandat prandaj zihen. Është e vështirë të mbash aktivistë të bashkuar dhe përçarja është normale. Njerëzit që përçahen nuk do të thotë që nuk kanë ideale. Duhet të ketë një bashkim, duhet të sillen si një bosht. Nëse flitet për ideale, ideali nuk mund të shkojë përpara pa thyer sistemin.” / abcnews.al

Në një analizë mbi zhvillimet e fundit në skenën politike, analisti Martin Leka në emisionin “Real Story” në ABC News kritikoi ashpër nismën “Shqipëria Bëhet”, të cilën e cilësoi si një dështim që konfirmon modelin e vjetër të politikës.

Sipas tij, zgjedhjet në Tiranë mbeten thellësisht politike, për shkak të peshës së madhe elektorale të kryeqytetit. Ai theksoi se rrëzimi i kryeministrit Rama nuk mund të ndodhë pa një bashkëpunim të gjerë, përfshirë edhe figura si Berisha, Lapaj e Shehaj.

“Kemi përpara dy shembuj. Një shembull është politika e modelit të vjetër, si “Shqipëria Bëhet”, që tregon ë fakt që Shqipëria s’bëhet. Një komedi e paparë që i dha simptomat që në fushatë. Gjithçka bëhet dhe që duhet të diskutohet, është që zgjedhjet në Tiranë mbetet sërish politike sepse Tirana ka 1/3 e votuesve. Me shembullin që na tregoi “Shqipëria Bëhet” na tregon që nuk bëhet asnjë koalicion. Për të rrëzuar Ramën duhet të bëjë koalicion me Berishën, Lapajn, Shehajn e të tjerë”, tha analisti Leka.

Nga ana tjetër, Arlind Qori, kreu i “Lëvizjes Bashkë”, theksoi se formacioni i tij ka zgjedhur qëllimisht të dalë kundër rrymës politike të zakonshme, duke u mbështetur te idetë dhe jo te pazaret familjare apo aleancat e vjetra.

Ai shprehu kënaqësinë që nuk është përfshirë në konfliktet mes figurave të njohura, të cilat i cilësoi si përplasje mes “tezesh e dajash”. Sipas Qorit, problemi i partive të reja është se imitojnë më të keqen e të vjetrave, duke humbur vlerën e ideologjisë dhe reputacionit politik në afatgjatë.

“Ne dolëm kundër rrymës sepse ne besojmë në një politike të papëlqyer, ku kanë rëndësi idetë. Jam shumë i lumtur që Lëvizja Bashkë nuk u përfshi në sherr të tillë me teze dhe daja, se i binte të zgjoja edhe unë tezen time. PS dhe PD kanë qenë pjesë e organizimit të Shqipërisë, por që kanë degraduar rrugës. Problemi me partitë e reja janë që të imitojnë partitë e vjetra, por jo që në ideologjinë e tyre, por në fazën më të degraduar që kanë. Në politikën afatgjatë është shumë i rëndësishëm reputacioni. Në fund far është reputacioni që të mban në politikë”, tha Arlind Qori./abcnews.al

Telenovela verore politike vijon, Veliaj në burg, Berisha me farsën dhe ‘Shqipëria Bëhet’ thellon përcarjen po aq sa humbjen. Analisti Roland Bejko tha për ‘Real Story’ se partitë opozitare duhet të bashkohen por kanë një mur të madh që është Berisha. Më tej, Bejko theksoi se zgjedhjet lokale në Shqipëri kanë pasur gjithmonë natyrë politike.

“Me këtë rezultat partitë opozitare duhet të bashkohen, praktikisht kanë një mur të madh që është Sali Berisha. Qenia e tij në krye të PD pengon një sërë faktorësh opozitar. Ata duke mos iu bashkuar këtij koalicioni i prishin punë. PD është dëmtuar pas zgjedhjeve, ka një rënie të entuziazmit të votuesve. Qytetarët votojnë ndryshe në zgjedhjet parlamentare dhe lokale. Në zgjedhje lokale votohet për një individë. Në zgjedhjet lokale në Shqipëri kanë gjithmonë natyrë politike, duke qenë se partitë identifikohen me liderin.”

Gjatë fjalës së tij, analisti Ergys Mërtiri tha se tre eksponentët kryesorë politik Rama, Veliaj dhe Berisha nuk duan që të ketë zgjedhje të reja lokale. Sipas Mërtirit dy palët fshihen pas njëri tjetrit dhe votuan për një Kod Zgjedhor që i garanton Ramës qëndrimin në krye të qeverisë, dhe Berishës postin e liderit të opozitës.

“Dy faktorët e rëndësishëm pozita dhe opozita sot janë në koalicion, sot nuk ka politikë. Janë të vegjlit që garojnë por nuk e rrëzojnë sistemin. Nëse zgjedhjet bashkiake janë administrative dhe ndryshojnë nga ato politikë, këto tani nuk janë as për të menaxhuar qytetin. Veliaj nuk do zgjedhje sepse është në burg. Berisha nuk do të ketë zgjedhje sepse nuk do që të humb. Rama nuk do të ketë zgjedhje sepse i hapet një bela brenda të vetëve. Të treja palët janë okej dhe janë në marrëveshje mos të ketë zgjedhje.

Kur politika është bipolare, dy palët fshihen pas njërit tjetrit. Kanë hyrë në një kod zgjedhor ku bëjnë marrëveshje të dyja palët, Rama të qëndroj në pushtet dhe Berisha të qëndrojë në krye të opozitës.” / abcnews.al

Kreu i “Lëvizjes Bashkë”, Arlind Qori, ka përsëritur distancimin e formacionit të tij politik nga të dy krahët tradicionalë të politikës shqiptare, qeveria dhe opozita, duke theksuar se Lëvizja Bashkë përfaqëson një alternativë të re.

Në një intervistë për emisionin “Real Story” në ABC News, Qori deklaroi se forca që ai përfaqëson do të ketë me siguri një kandidat për Bashkinë e Tiranës në rast të zgjedhjeve të parakohshme, ndërsa kërkoi sërish shkarkimin e kryebashkiakut Erion Veliaj.

“Nuk kemi asnjë gjë të përbashkët as me qeverinë dhe as me opozitën. Kështu që ne jemi të distancuar nga çdo element i së keqes që na ka mbytur prej dekadash. Është një pluralizëm i ideve të ngushta, por jo i popullsisë. Nuk e di nëse do të ketë zgjedhje në Tiranë. Ajo që Lëvizja Bashkë ka në dorë është që me siguri do të ketë kandidatin e vet në Bashkinë e Tiranës, nëse do të jem unë apo dikush tjetër ka kohë. E sigurt është që ne do të bëjmë të njëjtën fushatë të pazakontë, kudo të na vijë rasti. Ne vazhdojmë të kërkojmë shkarkimin e Erion Veliajt, e kemi kundërshtuar në çdo hap të tij. Për ne është gjë pozitive që Veliaj është duke u hetuar. Për ne Veliaj duhet të shkarkohet dhe Tirana të shkojë në zgjedhje të parakohshme”, tha Arlind Qori./abcnews.al

Kryeministri Edi Rama ka reaguar lidhur me aksionin e lirimit të hapësirave publike në zonën e Freskut, në Tiranë, duke theksuar rëndësinë e këtij procesi për përmirësimin e cilësisë së jetës në komunitet.

“Edhe tek Fresku në Tiranë rikthehet ajri për komunitetin,” u shpreh Rama në një postim në rrjete sociale, duke theksuar se hapësirat e zëna në mënyrë të paligjshme po i kthehen qytetarëve.

Ky është pjesë e një fushate më të gjerë që po ndërmerret në disa zona të Tiranës, me qëllim rikthimin e hapësirave të përbashkëta për qytetarët, pas vitesh ndërtime apo zaptime informale.

Legjenda e mundjes, Hulk Hogan ka ndërruar jetë në moshën 71 vjeccare si pasojë e një arresti kardiak.

Hogan, emri i vërtetë i të cilit është Terry Gene Bollea, u gjet i vdekur në shtëpinë e tij në Clearëater, Florida, të enjten në mëngjes.

Sipas TMZ, ekipet e ndihmës së shpejtë mbërritën në shtëpi pasi morën një telefonatë për një “arrest kardiak”.

Ëorld Ërestling Entertainment konfirmoi vdekjen e Hogan në një deklaratë, duke thënë se ai ndihmoi që sporti i mundjes të ndiqej në të gjithë botën.

Disa javë para vdekjes së tij mediat kishin raportuar se Hogan kishteprobleme me shëndetin, madje nuk munguan as lajmet se ai ishte në shtratin e vdekjes.

Megjithatë, gruaja e Hoganit i hodhi poshtë lajmet dhe tha se zemra e tij ishte “e fortë” dhe se ai po shërohej nga një ndërhyrje kirurgjikale në qafë.

Hogan u bë një figurë e njohur gjatë viteve 1980, duke u ngjitur në nivele të reja ndërsa ishte pjesë e Ëorld Ërestling atëherë Federata Botërore e Mundjes.

Ndikimi i gjerë i Hoganit ndihmoi në transformimin e ËËE në një gjigant global të promovimit të mundjes.

Të paharrueshme mbeten ndeshjet e tij kundër André The Giant  Undertaker dhe King Kong Bundy.

Gjatë fushatës së Donald Trump në vitin 2024, Hogan shprehu hapur mbështetjen e tij për republikanin e madje u shfaq në një nga tubimet, ku grisi bluzën në skenë në shenjë mëbshtetjeje, per te shfaqur sloganin TRUMP 2024. / abcnews.al

Një ngjarje e rëndë është regjistruar pasditen e kësaj të enjte në Patok, ku një 15-vjeçar dyshohet se është mbytur në lagunën e Patokut.

Sipas njoftimit të policisë, i mituri është futur në ujë për t’u larë bashkë me shokun e tij bashkëmoshatar, dhe nuk ka mundur të dal më. I mituri tjetër është transportuar në spital për ndihmë mjekësore, ndërsa trupi i 15 vjeçarit u gjend pak më parë pas disa orësh kërkimesh.

Nga dyshimet paraprake, mendohet se të miturit do të kalonin lumin me not, por fatkeqësisht njëri prej tyre nuk mundi të dilte i gjallë.

Njoftimi i policisë:

Në vijim të informacionit paraprak në lidhje me ngjarjen e ndodhur në zonën e Patokut, Kurbin, ju informojmë se:

Polumbarët e Njësisë Speciale RENEA kanë bërë të mundur gjetjen dhe nxjerrjen nga uji të trupit të pajetë të 15-vjeçarit.

Grupi hetimor vijon punën për dokumentimin e plotë të rrethanave të ngjarjes.

Ministria e Drejtësisë ka reaguar pas raportimeve se ka mundësi që avokati i ish-presidentit Thaçi, Luka Misetic, të largohet nga mbrojtja e Thaçit për shkak të mungesës së mjeteve financiare.

MD ka thënë se deri më 24 korrik 2025 janë realizuar pagesa të rregullta në funksion të përkrahjes së mbrojtjes juridike.

“Ministria e Drejtësisë njofton opinionin publik se nga fillimi i procesit gjyqësor pranë Dhomave të Specializuara në Hagë e deri më datë 24.07.2025, janë realizuar pagesa të rregullta në përputhje me marrëveshjet dhe obligimet e përcaktuara paraprakisht, në funksion të përkrahjes së mbrojtjes juridike.”

Në total janë paguar 32 milionë e 944 mijë e 287 euro e 77 centë, e nga kjo shumë për Thacin janë shpenzuar mbi 5 milionë euro.

MD ka shtuar se pagesat do të bëhen në përputhje me dispozitat përkatëse ligjore dhe marrëveshjet në fuqi.

Pertej ketij publikimi behet e ditur ne kjo ministry ka shfuqizuar nenin 11 te udhezimit administrative qe lidhet me mbrojtjen e ish krereve te uck, ku nder te tjera thuhet se ne rast nevoje mund te behet propozim per shtim buxheti. / abcnews.al

Read More...

Zjarri i përmasave të mëdha që ka nisur prej disa orësh djeg sipërfaqe të gjera me kullota në zonën e luginës së Kalasës, pranë Delvinës. Flakët kanë përfshirë tashmë disa plantacione me drurë frutorë dhe janë duke iu afruar rrezikshëm masiveve me ullinj në afërsi të fshatit Fushë-Vërri.

Një nga drejtimet e përhapjes së zjarrit është faqja e malit të Gjerë, drejt qafës së Skërficës, pranë rrugës nacionale Kardhiq – Delvinë, ndërsa një tjetër krah i flakëve po avancon drejt jugut. Era po favorizon përhapjen e zjarrit, i cili dyshohet se është i qëllimshëm.

Ndërhyrja nga toka paraqitet shumë e vështirë për shkak të terrenit të thepisur kodrinor dhe malor. Për këtë arsye, operacioni për frenimin e përparimit të flakëve po mbështetet edhe nga ajri, ku janë angazhuar dy helikopterë.

Disa dhjetëra forca zjarrfikëse janë në terren, ndërkohë që është kërkuar edhe ndihma e banorëve të fshatrave Kalasë, Tatzat, Fushë-Vërri dhe Vanë për të mbështetur përpjekjet për shuarjen e zjarrit.

Ndërkohë, dyshohet se zjarri mund të jetë i qëllimshëm dhe hetimet për përcaktimin e shkakut të tij kanë nisur. / abcnews.al

Analisti Frrok Çupi, i ftuar në “Tirana Live” në ABC News, ka krahasuar situatën e dy figurave të njohura të politikës shqiptare: Erion Veliaj dhe Sali Berisha.

Ai theksoi kontrastin mes qëndrimit të secilit ndaj drejtësisë, duke nënvizuar se ndërsa Veliaj përballet me hetime pa reaguar publikisht, Berisha sipas tij sulmon vazhdimisht institucionet si SPAK dhe drejtësinë në tërësi.

Çupi paralajmëron se pas humbjes së zgjedhjeve, Berisha mund të përballet me pasoja të rënda ligjore, për shkak të një sërë dosjesh të hapura ndaj tij.

“Kemi dy personalitet politike ballë-përballë, Erion Veliaj dhe Sali Berisha. Veliaj u thirr para disa muajsh, kurse Berisha vjet. Ndërkohë që Veliaj është i burgosur, Berisha është i lirë. Veliajt nuk i është mbyllur hetimi. Veliaj nuk ka bërë asnjë revoltë kundër drejtësisë, kurse Berisha bën grushte të fuqishme kundër SPAK dhe drejtësisë. Berisha në kundërshtim me ligjin i ka bërë të gjitha. Jemi në kohën kur krimin i madh po bëhet prezumor në çështje të tjera. Duket sikur Veliaj dhe çdo njeri tjetër i mazhorancës është si kukull në dorë në Berishës. Pas humbjes së zgjedhjeve Berishën e pret burgu, dosjet e tij janë njëra pa tjetrës. Patjetër që duhet të japë edhe dorëheqjen. Duhet zgjuar ndërgjegjja dhe vetëdija”, tha analisti./abcnews.al

Në një koment të drejtpërdrejtë në “Tirana Live” në ABC News, analisti Frrok Çupi ka dhënë një panoramë të zymtë për të ardhmen politike të Sali Berishës.

Ai thotë se lideri historik i së djathtës është tashmë i izoluar, i braktisur nga aleatët ndërkombëtarë dhe pa mbështetje reale në parti.

Sipas Çupit, “non grata” ndaj Berishës mbetet e palëkundur, morali ka rënë dhe PD-ja është e përçarë nga brenda. Ai sugjeron se Berisha po tenton të afrohet me Edi Ramën si një formë mbrojtjeje, por çdo përpjekje për t’u rikthyer në skenën politike duket e dënuar që në nisje.

“Berisha tani ka mbetur i izoluar nga mashtrimet e tij. Amerika nuk është më për të. “Non grata” nuk hiqet. Morali ka humbur. Partia i ka rrjedhur. Brenda për brenda në partinë e tij i ka punët keq. Berisha tenton me patjetër që të mbështetet tek një forcë e madhe. E shikon Ramën të madh, dhe kërkon ta shikojë si veten. I lëshon këto si sinjale për Ramën, që unë ta fala Veliajn, dhe bashkinë, ai kërkon të marrë mbrojtje nga Rama. Berisha nuk ka asgjë për të paraqitur. Këdo që të propozojë, edhe prej floriri të jetë, po qe kandidati i Berishës nuk ka për të fituar kurrë. Ajo çfarë ndodhi me Lapajn dhe të tjerët, ishte një festë për Berishën. Ishte një rast shumë i mirë për ta. Ai nuk merret për dy arsye me këtë gjë, për arsye se ai ka thënë se kush del prej nesh është i keq dhe e dyta, nëse ai u afrohet atyre sado pak politikisht, ai zbulon veten. Berisha ka bërë parti familjare si ata, janë e njëjta matrioshkë”, tha analisti Çupi./abcnews.al

Bashkimi Evropian po e ndjek çështjen e trajtimit të shqiptarëve në Luginën e Preshevës dhe pret nga Serbia që të jetë në përputhje me standardet ndërkombëtare sa i përket asaj, ka thënë presidenti i Këshillit të Evropës, Antonio Costa.

Në një përgjigje ndaj deputetit shqiptar në Parlamentin serb, Shaip Kamberi, Costa ka shtuar se çështja e pakicave në Serbi luan rol në procesin e anëtarësimit të Serbisë në BE.

“Të jeni të sigurt se BE-ja po e ndjek trajtimin e pakicave kombëtare, përfshirë komunitetin shqiptar në Serbi. Kjo është e rëndësishme sa i përket angazhimeve të Serbisë në procesin e anëtarësimit të saj në BE. Serbia pritet që të bashkërendojë kornizën ligjore në përputhje me të drejtat e pakicave sipas standardeve ndërkombëtare dhe evropiane”, thuhet në përgjigjen e zyrës së Costas, publikuar nga vet Kamberi

Sa i përket çështjes së pasivizimit të adresave, Costa ka thënë se BE-ja do të vazhdojë t’i nxisë autoritetet serbe që të ofrojnë sqarime të qarta për publikun mbi mënyrën se si kryehen kontrollet për statusin e vendbanimit.

Te drejtat e Shqiptareve ne Serbi kane qene gjithmone nje teme delicate, ndersa Kamberi e ka quajtur kete reagim te presidentit te Keshillit te Europes si një hap drejtë internacionalizimit të çështjes së shqiptarëve të Luginës. / abcnews.al

Vëllai i viktimës Ferdinand Rama tregoi për mediat se bashkëshortët Anesti dhe Valbona Rama kishin një jetë me kontradikta, ajo nuk e donte, thoshte merreni mbajeni ju.

Ai shton se kishte 2 vite e gjysmë pa folur me të vëllain për shkak, se gruaja e 56-vjeçarit nuk i lejonte.

Kontradiktat me bashkëshortëve Rama nuk janë të panjohura edhe për policinë lokale pasi sipas të afërmeve të familjes policia është thirrur për të ndërhyrë shpesh here ne sherret e kësaj familjeje.

“Merreni thoshte mbajeni ju, i merrni pensionin e bëji çfarë të doni. Unë nuk e dua më. Kanë dy fëmijë, dy çupa. Unë kam qenë në Greqi, unë e mora vesh nga kunata. Kam rreth dy vite e gjysmë që nuk flisja me vëllain nuk e linte ajo që ne të flisnim”, tha vëllai i viktimës Ferdinand Rama.

Të nj1%jtë gjë ka konfirmuar edhe kushëriri i viktimës.

“Këtu nuk ka ardhur një polici, por nja 10-15 vetë. Kishin kontradikta të vazhdueshme. Kur e mora vesh thashë kushedi se çfarë do të kenë bërë. Ai shoku më tha mua i ka rënë infarkt. Kanë krijuar konflikte të vazhdueshme”, ka deklaruar kushëriri i viktimës, Edmond Rama.   /abcnews.al

Mbledhja e këshillit bashkiak të Tiranës këtë të enjte nisi me debate mes mazhorancës dhe opozitës ndonëse tonet nuk ishin ato të herëve të shkuara.

Shkak u bë kërkesa e demokratëve  për të përfshirë  në  rendin e ditës dhe pika të tjera,  mes tyre  dhe kërkesën e bërë rreth dy muaj më parë për shkarkimin e  kryebashkiakut  Erion Veliaj  I cili prej dhjetë shkurtit ndodhet në paraburgimin e Durrësit.

Por përfaqësuesit e  Partisë Demokratike  këtë herë  ishin  më të moderuar.  Shmangën  nga artikulimi fjalën shkarkim dhe propozimin e përcollën si  kërkesë për të trajtuar situatën në bashki   pa kryetarin në detyrë.

“Kemi dy muaj që kemi dorëzuar në bashkinë e Tiranës dhe sekretariatin e këshillit bashkiak  kërkesën për të trajtuar në mbledhje të këshillit bashkiak  situatën aktuale të pozicionit juridik  të kryetarit të bashkisë I cili sot nuk gjendet në detyrë. Për më tepër nisur nga zhvillimet e djeshme ku kryetari I bashkisë Erion Veliaj, ende kryetar de jure  nuk është më një përson në hetim,  por një person I marrë I pandehur është domosdoshmëri e legjislatorit të Tiranës që është këshilli bashkiak për të futur në rend dite diskutimin e situatës aktuale të menaxhimit këtu në bashkinë e Tiranës. Po dëgjojmë për konkurse, për intervista, për thirrje të drejtorave  edhe nga stafi apo persona politik që nuk janë pjesë e strukturave të bashkisë së Tiranës. Bashkia e Tiranës është ekzekutivi dhe këshilli bashkiak , të vetmet autoritete që kanë të drejtën për menaxhimin e punëve.”, tha Teliti.

Përgjigja erdhi menjëherë nga përfaqësuesit e socialistëve në këshill të cilët refuzuan të diskutonin  për shkarkim të krybashkiakut në burg.

“Sa i përket kërkesës për shkarkim është bërë një debat në mbledhjen e kaluar, e ka marrë vendimarrje nga këshilli dhe nuk është për tu diskutuar në këtë mbledhje.”, tha Salianji.  

Opozita mbylli debatin për kryebashkiakun dhe   kërkoi shpjegime për kryeministrin.

“Na foli për projektvendimet, sna tha si ndihet pasi e ka thirr kryeministri në mbledhje dhe i ka kërkuar të shkarkojë  gjithë drejtorët e bashkisë nënkryetarët e bashkisë dhe nuk e di ca pozicioni i ka lënë vetë që të bëjë.”

Fryma e  Sali Berishës i cili dogji Tiranën për shkarkimin e Erion Veliajt e  tashmë  po e merr në mbrojtje,  jo më shumë për hallet e kryebashkiakut  se për të  tijat,   se pas humbjes së 11 majit  duhet të përballet me zgjedhje të parakohshme në kryeqytet  u  përcoll dhe në  këshill bashkiak. Ne mbledhjen ku mesa duket përfaqësuesit e partisë së tij i kishin marrë porositë për të zbutur tonet edhe për pak kohë. / abcnews.al