Një ngjarje tragjike ka ndodhur këtë të mërkurë në Krujë, në zonën e Qerekës. Babai ka përplasur aksidentalisht me makinë në ambientet e biznesit, vajzën e tij 4 vjeçe.

E mitura është dërguar me urgjencë në spital, por fatkeqësisht nuk mundi që t’u mbijetonte plagëve të marra.

“Më datë 23.07.2025, në zonën e Qerekës, automjeti me drejtues shtetasin A. S., dyshohet se në ambientet e biznesit të tij, aksidentalisht ka përplasur vajzën e tij të mitur, rreth 4 vjeçe, e cila ka ndërruar jetë në spital”, njofton policia.

Grupi hetimor po punon për sqarimin e rrethanave të aksidentit dhe dokumentimin e plotë të rastit./abcnews.al

Një mandat i falur. Në përfundim të telenovelës, Endri Shabani i kujton ish-aleatit të tij, Adriatik Lapaj se ia dhuroi familjares se tij postin e deputetit. Kurse për akuzat e bashkëpunimit me Ramën, e paralajmëron se do i kthehen mbrapsht.

“U mbars mali dhe njëmijë akuza. Sot, njeriu im më i afërt dha dorëheqjen dhe mandatin e mori Kleana Xhuveli. Kleana nuk është daja im po motra e Adriatik Lapajt! Deri dje na akuzonte do bëheshim vota e 84 e Ramës.  Sot që mori mandatin për motrën, Adriatiku na thotë që i qenka lutur Rama për bashkëqeverisje. Medemek Rama që mezi e përzuri LSI-në kur kishte 74, po i lutet Adriatikut fiks tani që ka 83 dhe ka gllabëruar çdo pushtet!”

Mandati vërtet i shkoi familjares, por për Shabanin, Lapaj tashmë mbetet vetëm një politikan, që s’mban fjalën dhe jo më i ri.

“Tullumbaci i 71 mandateve që Adriatiku përbetohej se do merrte, ende nuk qenka shfryrë në kokën e tij nga gjilpëra e realitetit të 11 majit, ku pa votat tona do kishte mbetur edhe e motra pa mandat.  Nejse, kjo ishte kostoja krejt e panevojshme që ne të Nismës morëm për ndershmërinë dhe seriozitetin tonë në koalicion me një politikan të ri që më mirë se sa ne, njeh të gjitha metodat e vjetra. Ndërsa Adriatikut ia kam falur se nuk diti se ç’bëri dhe uroj të nxjerrë edhe ai mësimet e veta siç kam nxjerrë unë të miat.” / abcnews.al

Kryeministri Edi Rama thotë se strukturat e Agjencisë Kombëtare të Bregdetit, por dhe agjencive rajonale janë çdo ditë në terren, për të monitoruar garantimin e një sezoni turistik të pastër e të rregullt.

Përmes një postimi në rrjetet sociale, Rama u shpreh se dyfishimi i aksesit në plazhet publike, shton edhe përgjegjësitë për mirëmbajtjen, pastrimin dhe modelin qytetar në respektimin e hapësirave të përbashkëta.

“Me Agjencinë Kombëtare të Bregdetit, agjencitë rajonale dhe strukturat e tjera, jemi çdo ditë në terren, për të monitoruar garantimin e një sezoni turistik të pastër, të rregullt dhe respektim të parcelave publike siç parashikohet në rregulloren e re të menaxhimit të plazheve, ku dyfishimi i aksesit në plazhet publike, shton edhe përgjegjësitë për mirëmbajtjen, pastrimin dhe modelin qytetar në respektimin e hapësirave të përbashkëta

* Sarandë, Zvërnec, Darzezë, Radhimë, Ksamil, Livadh, Velipojë, Golem, Spille, Golem dhe Gjiri i Lalzit.”, shkruan Rama në Facebook./abcnews.al

Bashkimi Evropian kërcënon me tarifa ndëshkuese ndaj SHBA-së nëse nuk arrihet marrëveshja tregtare. Bashkimi Evropian po përgatit vendosjen e tarifave ndëshkuese ndaj produkteve amerikane, me vlerë gati 100 miliardë euro, nga uiski e deri te avionët Boeing – nëse presidenti amerikan, Donald Trump nuk arrin një marrëveshje tregtare me BE-në deri në fund të javës së ardhshme.

Olof Gill, përfaqësuesi tregtar i Komisionit Evropian, deklaroi se BE-ja synon ende të arrijë një marrëveshje, por po përgatitet për çdo skenar. Ai shtoi se bashkimi i dy listave do t’i bëjë kundërmasat më të qarta dhe më të forta.

Pas kërcënimeve të Trumpit për tarifa prej 30 për qind mbi të gjitha importet nga BE-ja, Brukseli po forcon qëndrimin e tij. Gjermania, që më parë favorizonte një marrëveshje të shpejtë për të hequr tarifat ekzistuese, tani mbështet përdorimin e “Instrumentit Kundër Detyrimit” (ACI), i cili lejon BE-në të përgjigjet me tarifa dhe ndalim të shërbimeve, një goditje e rëndë për sektorin amerikan të teknologjisë.

Industria evropiane e makinave është goditur rëndë nga tarifat, me kompanitë Stellantis dhe Volvo që raportojnë humbje të mëdha. Presidenti francez Macron dhe kancelari gjerman Merz kanë kërkuar prej kohësh një reagim më të fortë të BE-së ndaj presionit amerikan.

Megjithatë, disa ekspertë kritikojnë vonesën e BE-së në përgjigje dhe sugjerojnë se situata mund të zgjidhet vetëm përmes një takimi personal midis Trump dhe liderëve evropianë. Kërcënimi i tarifave evropiane vjen para një samiti të rëndësishëm me Kinën, ku BE-ja do të përpiqet të balancojë marrëdhëniet tregtare, ndërsa eksportet kineze drejt Evropës vazhdojnë të rriten dhe sfidat për industrinë gjermane përkeqësohen nga ndalimet e eksportit të metaleve të rralla nga Kina.

Gjykata Themelore në Prishtinë, vendosi që t’i kthejë në paraburgim pesë zyrtarët policorë që dyshohen për veprën penale “vrasje nga pakujdesia” të 27-vjeçarit Agon Zejnullahu.

Rasti ishte në rigjykim nga 21 korriku, me kërkesë të mbrojtësve të tyre.

Në aktvendimin e fundit të Gjykatës Themelore thuhet se të dyshuarve u caktohet masa e paraburgimit në kohëzgjatje prej një muaji dhe se ajo do të llogaritet prej datës së ndalimit të tyre, më 7 korrik 2025, deri më 6 gusht 2025.

Aty, po ashtu, thuhet se “pas shqyrtimit të kërkesës së prokurorisë për caktimin e masës së paraburgimit dhe pas vlerësimit të kundërshtimeve dhe argumenteve të të pandehurve dhe mbrojtësve të tyre”, ka “arsye të mjaftueshme që të pandehurve t’iu caktohet masa e paraburgimit”.

Zejnullahu ka vdekur në orët e para të 7 korrikut, pasi është arrestuar nga policia në Lipjan.

Vdekjen e tij në vendngjarje e ka konstatuar edhe ekipi mjekësor.

Policia ka thënë se i ndjeri dyshohet se ka qenë nën ndikimin e alkoolit dhe duke sulmuar automjete e kalimtarë, kur është ndaluar nga autoritetet e rendit.

Por, sipas familjarëve dhe avokatit të tyre mbrojtës, policia ka përdorur forcë të tepruar kundër tij.

Komandanti i Policisë për rajonin e Lipjanit, Argjend Gashi, ka dhënë dorëheqje pas vdekjes së Zejnullahut./abcnews.al

Gazetari Shkodran Hoti komentoi për ‘Ballkan Update’ zhvillimet e fundit në Kosovë sa i takon institucioneve politikbërëse të cilat kanë mbetur në kolaps që prej shkurtit të këtij viti.

Hoti tha se Limaj dëshiron pozicionin e kryeparlamentarit, kërkesë të cilën Kurti nuk ia plotëson për faktin se ka pakënaqësi brenda koalicionit dhe se ka mosbesim mes palëve të caktuara.

“Qëllimi apo oferta kryesore që do Limaj është vetë pozita e kryeparlamentarit.

Në takimin e fundit u diskutua më shumë për krizën sesa daljen nga kriza. Limaj është shumë i interesuar të ketë pozitën e kryeparlamentarit. Kurti nuk po ja jep sepse ka pakënaqësi brenda koalicionit. Limaj ka vetëm 3 deputetë dhe kanë shprehur pakënaqësi. E dyta është një lloj mosbesimi që kanë palët mes njëra tjetrës, mendon se nuk e ka nën kontroll dhe nëse Kurti nuk formon qeverinë Limaj mund të kthehet. Limaj është mosbesues ndaj Kurtit nëse merr listën brenda qeverisë.

Limaj ka ofruar alternativën e kryeparlamentit dhe duhet të ishte ofertë mjaftë e favorshme për Vetëvendosjen sepse hisja e ekzekutivit i mbetet të ndahet mes partisë Guxo dhe Nisma që i ka pasur brenda koalicionit.” / abcnews.al

Një aksident me pasojë vdekje ka ndodhur mesditën e sotme në orën 15:00 tek Ura e Luznis në fshatin Hotesht të Dibrës.

Një automjet është gjetur i përmbysur në oborrin e një banese. Gazetarja e ABC News, Xhoana Çallaku raporton se si pasojë e aksidentit kanë mbetur të plagosur çifti Hajri Çera dhe Arta Çera.

Kjo e fundit është dërguar në gjendje të rëndë me helikopter për në spitalin e Traumës, por ka ndërruar jetë gjatë rrugës, si pasojë e plagëve të marra./abcnews.al

Tentativa e 51 per konstituimin e Kuvendit ishte nje tjeter deshtim.
E planifikuar te niste ne oren 11, fundi I saj bashk me kohen qe moren deputet per tu pozicionuar erdhi per 15 minuta.

Kesaj here nuk u hodh per votim as ngritja e nje komisioni per votimin e fshehte te kryeparlamentarit dhe as nuk pati mundesi per partite e tjera te marrin fjalen, per shkak te nje debati mes kryesuesit te seances Avni Dehari dhe  deputetes se PDK Ganimete Musliu.

Deputetet gjithesesi nuk kane lene pa komentuar zhvillimet e nej dite me pare dhe drejtimin qe presidentja Osmani I beri Gjykates Kushteteuse per nje saktesim se cndodh nese mbaron edhe afati 30 ditor qe kjo e fundit I ka vene kuvendit per konstituimin e tij.

Kryetari i AAK-së, Ramush Haradinaj, ka thënë se gjendja nuk është e mirë.

Sipas tij, pas kërkesës së presidentes Vjosa Osmani, që t’i drejtohet Gjykatës Kushtetuese për interpretim lidhur me pasojat juridike që mund të lindin nëse Kuvendi i ri nuk konstituohet brenda 30-ditësh, krijohet hapësirë edhe disa ditë për Lëvizjen Vetëvendosje.

Ndersa Deputetja e Partisë Demokratike të Kosovës, Vlora Çitaku, ka kërkuar që Qeveria në largim të tregojë më shumë angazhim për lirimin e ushtarëve të Kosovës që po mbahen në burgjet serbe.
Sipas saj, rasti i ushtarëve të arrestuar është shndërruar në një ngjarje të përsëritur dhe shqetësuese, ndërsa veprimet institucionale po mungojnë.

“Ka edhe ushtarë të tjerë që mbahen në burgjet e Serbisë. Qeveria në largim duhet të jetë më aktive. Misionet tona diplomatike duhet të jenë më të angazhuara për t’i përdorur mekanizmat ndërkombëtarë për lirimin e tyre”, deklaroi Çitaku gjatë hyrjes në Kuvend të mërkurën. Ata njerëz nuk janë pa atdhe, dhe nuk duhet të trajtohen si të tillë.”

Gjatë ditës së djeshme, mediat serbe kanë raportuar se ish-ushtari i UÇK-së, Lulzim Halili, është arrestuar në Serbi dhe është ndaluar për 48 orë.

Deputeti i Lëvizjes Vetëvendosje, Faton Peci, ka gjetur ratsin te flasi per një marrëveshje të favorshme për Nismën Socialdemokrate, me qëllim të përfshirjes së saj në qeverinë e ardhshme.Sipas Pecit, oferta përfshin pozita të rëndësishme në ekzekutiv dhe hapësirë për të kontribuar me ide dhe program.

“Me aq sa kemi informacione, oferta e kryeministrit për Nismën ka qenë bukur gjeneroze për mundësinë që ata të marrin pozicione të rëndësishme në qeverinë e ardhshme dhe të japin kontributin, idenë, vizionin dhe programin me të cilin kanë garuar në zgjedhjet e fundit”, ka thënë Peci para hyrjes në Kuvend.”

Vete Limaj pas seances tha se nuk eshte i gatshem per zgjidhje gjysmake.

Nga rradhet e VV shprehen optimist se deri në fund të javës mund të ketë Kuvend të konstituar, por me nderkombetaret qe po qendrojne larg ketij zhvillimi duket se ne sfond nuk ka as deshire dhe as vullnet per dalje nga ngerci politik./abcnews.al

Ndërsa delegacionet ukrainase dhe ruse përgatiten për një raund të ri bisedimesh në Turqi sonte në mbrëmje, sulmet ndërkufitare kanë vazhduar.

Volodymyr Zelenskyy ka thënë se “përpjekjet e rimëkëmbjes” janë duke u zhvilluar në rajonin verior të Sumy pas një sulmi me dron rus.

“Dronët rusë goditën infrastrukturën energjetike”, tha ai në një postim në rrjetet sociale.

“Për shkak të dëmtimeve në objekte, më shumë se 220,000 konsumatorë në rajonin e Sumy-t mbetën pa energji elektrike – domethënë qindra mijëra familje ukrainase.”

Pjesa më e madhe e furnizimit është rikthyer, shtoi ai.

“Dhe sot, gjatë negociatave në Turqi, përfaqësuesit e Ukrainës do të këmbëngulin përsëri në nevojën për një armëpushim urgjent dhe të plotë, duke përfshirë ndalimin e sulmeve të tilla ndaj infrastrukturës civile”, shkroi ai.

Modelet më të avancuara të inteligjencës artificiale po konkurrojnë përkrah nxënësve të shkollave të mesme në olimpiadat ndërkombëtare të matematikës dhe në disa raste, edhe po triumfojnë. Si Google, ashtu edhe OpenAI kanë arritur të zgjidhin pesë nga gjashtë problemet e paraqitura nga Olimpiada Ndërkombëtare e Matematikës për të rinj, duke pretenduar secili medaljen e artë.

Nëse suksesi do të vlerësohej sipas rendit kronologjik të publikimit, atëherë OpenAI do të cilësohej fituese. Studiuesi Alexander Wei njoftoi në platformën X rezultatin mbresëlënës të modelit të avancuar të kompanisë: “Jam i lumtur të ndaj me ju që modeli ynë gjuhësor i ‘mendimit’ ka fituar medaljen e artë në garën më të vështirë të matematikës për inteligjencën artificiale.”

Megjithatë, sipas gazetës italiane Corriere della Sera, OpenAI nuk ka qenë zyrtarisht pjesëmarrëse në këtë kompeticion, për dallim nga Google. Kompania e njohur mori pjesë për të dytin vit radhazi në mënyrë të certifikuar, përmes modelit të saj të logjikës artificiale, DeepMind. Vitin e kaluar ajo fitoi medaljen e argjendtë.

“Këtë vit kemi qenë pjesë e një programi pilot, ku rezultatet e modeleve tona janë vlerësuar dhe certifikuar zyrtarisht nga koordinatorët e Olimpiadës Ndërkombëtare të Matematikës, në përputhje me kriteret që përdoren për nxënësit,” thuhej në deklaratën zyrtare të ekipit të Google.

Megjithëse asnjë nga modelet nuk konkurroi kokë më kokë me nxënësit pjesëmarrës, performanca e tyre në këtë olimpiadë konsiderohet një tregues domethënës i aftësisë së modeleve gjuhësore për të zgjidhur detyra të arsyetimit të thellë, përtej gjenerimit të tekstit.

Nga gjuha natyrore tek logjika matematikore

Të dy modelet, ai i OpenAI dhe Gemini Deep Think i Google, i zgjidhën problemet brenda afatit kohor prej 4.5 orësh dhe u vlerësuan sipas standardeve të njëjta me pjesëmarrësit njerëzorë. Për këtë arsye, Gemini do të marrë një certifikim zyrtar për arritjen e tij.

Ndryshe nga disa modele të tjera të zhvilluara nga kompani më të vogla, të cilat kërkuan ndërhyrje për të thjeshtuar pyetjet e paraqitura në gjuhë natyrore, modelet e OpenAI dhe Google ishin në gjendje të kuptonin dhe zgjidhnin problemet në mënyrë autonome, pa asistencë njerëzore.

Ky është një përparim i dyfishtë: jo vetëm që AI-të po zgjidhin probleme të ndërlikuara matematikore, por edhe i përpunojnë ato përmes gjuhës natyrore – një arritje e rëndësishme për zhvillimin e teknologjisë së arsyetimit të avancuar.

Sipas Junehyuk Jung, profesor i matematikës në Universitetin Brown dhe anëtar i njësisë DeepMind të Google, ky është një hap më pranë ditës kur inteligjenca artificiale do të mund të zgjidhë probleme matematikore që ende i mbeten sfidë njerëzimit.

Kur fitorja nuk është gjithmonë e AI-së

Por jo çdo garë përfundon me sukses për modelet e AI. Javën e kaluar, OpenAI humbi me pak diferencë në një kompeticion të ngjashëm, AtCoder World Tour Finals 2025 Heuristic, një garë ndërkombëtare në fushën e programimit dhe optimizimit, e zhvilluar në Tokio.

Fitues doli programuesi polak Przemysław “Psyho” Dębiak, i cili u shpreh: “Njerëzimi fitoi (për momentin!). Jam i rraskapitur… mezi jam gjallë.”

Gara konsistonte në një problem të vetëm optimizimi që duhej zgjidhur brenda 600 minutash. Dëbiak fitoi me një epërsi të ngushtë prej 9.5% ndaj modelit të OpenAI, që ende nuk është i disponueshëm për publikun.

Për këtë model të quajtur OpenAIAHC, gara përfundoi me një medalje argjendi, një rezultat mbresëlënës që mund të jetë paralajmërim për një fitore të ardhshme, ashtu si ndodhi me Google në olimpiadën e matematikës./abcnews.al

Pas njoftimit se në një banesë në Farkë, një shtetas kishte hyrë për të vjedhur, menjëherë shërbimet e Komisariatit të Policisë Nr. 1 shkuan në adresën e dhënë.

Si rezultat i veprimeve të shpejta dhe profesionale policore, të kryera në kuadër të operacionit “Zona”, u kap në flagrancë autori, shtetasi L. D.(H.)., 49 vjeç, banues në Tiranë.

Nga hetimet rezultoi se ai kishte vjedhur sende me vlerë, në një tjetër banesë në Farkë, më datë 19.07.2025. / abcnews.al /

Në një ditë të vështirë, Erion Veliaj fitoi një aleat TE pamundur. Sali Berisha prej disa vitesh kërkon burgosjen e Erion Veliajt. Por ditën që ai merret zyrtarisht i pandehur, ai e mbrojti publikisht atë.

“Partia Demokratike ka bërë me dhjetëra e dhjetëra protesta për arrestimin e këtij delinkuenti, i cili është akuzuar as për 20 përqind të krimeve që ka kryer. Por, cilido qoftë i burgosuri, trajtimi i tij në përputhje me rregullat dhe kodin e trajtimit të të burgosurve, është standardi i domosdoshëm për çdo vend anëtar të Këshillit të Europës.”

Vetëm pak pasi iu komunikuan akuzat, doktori i doli krah duke e krahasuar edhe me Ilir Metën. Duke I bere një kërkesë edhe ish avokates se tij Erinda Ballanca.

“dhe unë i kërkoj Avokatit të Popullit të nisë një hetim të plotë edhe për qëndrimet ndaj këtij delinkuenti ordiner, por që në një vend anëtar të Këshillit të Europës gëzon ato të drejta që ligjet e vendit u njohin personave të burgosur.”

Berisha po përgatit të vetët për betejë të enjten në këshillin bashkiak. Por tani fokusi nuk është te Erion Veliaj.

Por si gjithmonë doktori i rri larg të vërtetës. Ndërsa mbron me fjalë Veliajn. Të enjten në Këshill Bashkiak, Këshilltarët e opozitës do të kërkojnë shkarkimin e Erion Veliajt (document) dhe mbajtjen e zgjedhjeve të parakohshme në Tiranë. Si gjithmonë, mbrojtjet e doktorit, janë si dardha që e ka bishtin mbrapa. Te shohim nëse të enjten, vallja e këshilltarëve, do jetë një tango dyshe bashke me palën tjetër.

/abcnews.al/

Gjykata e Apelit te Posacme ka prishur denimi me burg   per Alqi Bllakon lidhur me dosjen per Inceneratorin e Tiranës.

Bllako u denua nga shkalla e pare ua me 4 vite burg në 11 mars të këtij, dënim i cili zbriti në 2 vite e 8 muaj për shkak të procedurës së gjykimit të shkurtuar, pasi u gjet fajtor për kryerjen e veprës penale “korrupsion pasiv” në dy raste.

Po Apeli ka urdheruar prishjen e ketij vendimi dhe rigjykimin me nje tjeter trupe gjykuese. Alqi Bllako është dënuar më herët me vendim të formës së prerë edhe për inceneratorin e Elbasanit me 2 vite e 8 muaj burg, ndërsa për inceneratorin e Fierit çështja është rikthyer pëe rigjykim nga Apeli në Shkallë të Parë. /abcnews.al/ 

Një aksident ka ndodhur në Bulqizë. Mësohet se dy persona kanë humbur jetën.

Viktimë mësohet se kanë mbetur Desta Gjeta dhe Burhan Gjoka.

Ndërsa një i mitur është plagosur dhe është nisur te Trauma.

Read More...

Ambasadorët e 27 vendeve anëtare të Bashkimit Europian i kanë dhënë dritën jeshile vijimit të negociatave me vendin tonë për grupkapitullin e pesë që përfshin Bujqësinë dhe Kohezionin. Ky është edhe grupkapitulli i fundit i negociatave të anëtarësimit për vendit tonë. Një reagim lidhur me këtë çështje është bërë edhe nga kryeministri Edi Rama i cili nënvizon se “Shqipëria nuk ndalet” sa i përket progresit të vazhdueshëm dinamik në rrugën e negociatave të anëtarësimit.

Reagimi i kryeministrit Edi Rama

Shqipëria nuk ndalet – Sot, më 23 korrik 2025, në vijim të progresit të vazhdueshëm e dinamik të Shqipërisë në rrugën e negociatave të anëtarësimit në Bashkimin Evropian, Komiteti i Përfaqësuesve të Përhershëm të Vendeve Anëtare të Bashkimit Europian autorizoi Presidencën Daneze të ftojë Shqipërinë për të paraqitur Pozicionin e saj Negociues për negociatat lidhur me kapitujt që përbëjnë Grupkapitullin 5 “Burimet, Bujqësia dhe Kohezioni”.

SHQIPËRI-Shqipëria ka shënuar një tjetër moment historik në rrugën e saj drejt anëtarësimit në Bashkimin Evropian. Komiteti i Përfaqësuesve të Përhershëm të vendeve anëtare të BE ka dhënë miratimin për të vijuar negociatat me vendin tonë për Grupkapitullin 5, që përfshin Burimet, Bujqësinë dhe Politikat e Kohezionit.

Lajmin e bëri të ditur Kryeministri Edi Rama përmes një postimi në rrjetet sociale, ku theksoi se Presidenca Daneze e BE-së është autorizuar tashmë të ftojë zyrtarisht Shqipërinë për të paraqitur Pozicionin e saj Negociues mbi këtë grupkapitull.

“Sot, më 23 korrik 2025, në vijim të progresit të vazhdueshëm e dinamik të Shqipërisë në rrugën e negociatave të anëtarësimit në Bashkimin Evropian, Komiteti i Përfaqësuesve të Përhershëm të Vendeve Anëtare të BE-së autorizoi Presidencën Daneze të ftojë Shqipërinë për të paraqitur Pozicionin e saj Negociues për negociatat mbi Grupkapitullin 5.

Ky grupkapitull përfshin sektorë me rëndësi jetike për zhvillimin ekonomik dhe social të vendit, si bujqësia, zhvillimi rural, menaxhimi i burimeve natyrore, si dhe politikat e kohezionit territorial dhe rajonal, të cilat janë themelore për përafrimin me standardet e BE-së dhe për përfitimin e fondeve europiane në mënyrë efikase dhe të drejtë.

Ajo që e bën këtë hap edhe më të rëndësishëm është fakti se Grupkapitulli 5 është kapitulli i fundit i negociatave, duke i hapur rrugë përmbylljes së fazës së hapjes së të gjithë kapitujve teknikë. Kjo do të thotë se procesi i negociatave hyrëse për secilin grup tematik tashmë është i plotë, dhe Shqipëria i ka përmbushur të gjitha kriteret për të kaluar në fazën përfundimtare të përmbylljes së kapitujve dhe përgatitjes për anëtarësim të plotë./abcnews.al

Kukës- Shtetasi turk 22-vjeçar është arrestuar nga policia kufitare në Morinë.

Nga hetimet ka rezultuar se 22-vjeçari ishte shpallur në kërkim ndërkombëtar nga Interpol Ankara, pasi Gjykata e Shkallës së Parë e Gaziosmanpasa Turqi, e ka dënuar me 4 vjet e 2 muaj burgim, për kryerjen e veprës penale “Mbajtja e paligjshme e armëve të zjarrit”.

Ndërkohë Interpol Tirana, në bashkëpunim me homologët në Turqi, vijon procedurat për ekstradimin e 22-vjeçarit.

/abcnews.al/

Presidenti i Republikës, Bajram Begaj ishte sot në qytetin e Beratit për të përkujtuar 113-vjetorin e Kuvendit të Sinjës, një nga ngjarjet më të rëndësishme të Rilindjes Kombëtare, që parapriu shpalljen e Pavarësisë së Shqipërisë.

Kreu i Shtetit u prit nga kryetari në detyrë i Bashkisë Berat, Ervin Ceca me të cilin diskutoi mbi projektet dhe iniciativat lokale.

Në shoqërinë e autoriteteve vendore, deputetëve, përfaqësuesve të komuniteteve fetare dhe të shoqërisë civile, Presidenti vendosi një kurorë në monumentin kushtuar Kuvendit dhe vizitoi muzeun përkujtimor.

Në fjalën e tij përshëndetëse, Presidenti Begaj theksoi se Kuvendi i Sinjës ishte një akt guximi dhe bashkimi, ku shqiptarët vendosën të lënë mënjanë ndasitë fetare, krahinore apo personale për të vënë përpara një interes madhor: shpëtimin e Shqipërisë.

“Kuvendi i Sinjës ishte parathënia e shpalljes së Pavarësisë së Shqipërisë. Ishte një shprehje e fuqishme e unitetit dhe harmonisë kombëtare. Këtu u vendos që përballë kërcënimit nuk do të kishte më ndasi, as fetare, as krahinore, as personale, por vetëm një interes madhor, interesi i shpëtimit dhe mbijetesës së Shqipërisë,” – u shpreh Presidenti Begaj.

Duke e cilësuar historinë si “jo thjesht kujtim, por pasqyrë”, Kreu i Shtetit u ndal në domosdoshmërinë e unitetit kombëtar në sfidat e sotme, si: siguria, zhvillimi ekonomik dhe ruajtja e identitetit.

“Në një botë që ndryshon me ritme të vrullshme, ku sfidat janë të shumta, nga siguria, te zhvillimi ekonomik e teknologjik dhe ruajtja e identitetit kombëtar, na duhet më shumë se kurrë fryma e Kuvendit të Sinjës: fryma e bashkimit, e besimit te njëri-tjetri dhe përgjegjësia e përbashkët,” – theksoi Presidenti i Republikës.

Në një mesazh drejtuar të rinjve, Presidenti Begaj nënvizoi se historia shqiptare nuk është histori viktimash, por e qëndresës dhe e ringritjes, duke u bërë thirrje brezave të punojnë për një Shqipëri më të drejtë, më të bashkuar e më të denjë: “Të mos harrojmë se ashtu si në Sinjë, çdo brez ka kuvendin e vet dhe çdo brez duhet të dijë të bëjë zgjedhjen e duhur. Nëse gjeneratat e kaluara dhanë gjithçka për lirinë, ne duhet të japim gjithçka për dinjitetin, për mirëqenien, për zhvillimin e këtij vendi që e duam kaq shumë”, – përfundoi fjalën e tij Kreu i Shtetit.

Ceremonia përkujtuese e Kuvendit të Sinjës u mbyll me thirrjen e Presidentit për më shumë ndershmëri, bashkim dhe frymëzim nga vlerat e Rilindjes Kombëtare.
Presidenti vizitoi edhe muzeun e Sinjës, ndërsa ftoi autoritetet vendore të shtojnë vëmendjen e edukimit të rinisë me historinë nëpërmjet vizitave në muzeume.

ITALI- Gjashtë persona kanë humbur jetën në Itali që nga e premtja e kaluar si pasojë e valës së të nxehtit që ka goditur jugun e vendit.

Në katër ditët e fundit, një turist 19-vjeçar austriak, dy burra, të moshës 71 dhe 66 vjeç, dhe një grua 60-vjeçare italiane, të cilët po kalonin pushimet në jug të Italisë, vdiqën nga arresti kardiak.

Mjekët besojnë se shkaku kryesor i vdekjes – në të gjitha rastet – janë temperaturat e larta, të cilat tejkaluan 43 gradë Celsius.

Të martën një burrë 60-vjeçar dhe një burrë 81-vjeçar vdiqën nga arresti kardiak ndërsa ndodheshin në plazh.

Sipas parashikimeve, vala e të nxehtit pritet të fillojë të ulet nga mbrëmja e së enjtes, por në disa zona të Italisë jugore, temperaturat mund të mbeten më të larta se mesatarja për sezonin.

Italia është goditur nga disa valë të nxehti në fillim të kësaj vere dhe shërbimet meteorologjike të vendit thonë se ngjarjet e fundit klimatike janë shenjë e qartë se javët në vijim do të jenë me temperatura ekstreme, teksa një pjesë e vendit nga ana tjetër mund të përballet me stuhi të forta.