Ish-deputeti i PD-së i ftuar në një studio televizive tha  se ndërsa duhet të ishte një solidaritet, ata u fshehën të gjithë dhe heshtën, sepse i tremben atij për aktin që bëri. Ai thekson se PD i përket një çete të zgjedhir nga Berisha, i cili e ka kthyer partinë në një kasolle për interesa personale, e si kapiten i saj po e fundos anijen.

Një ditë të trishtueshme dhe turpi e cilësoi Ferdinand Xhaferraj braktisjen e Ervin Salianjit nga liderët e partisë ditën që doli nga burgu dhe shkoi në seli.

Duke paralajmëruar ndryshime dhe zgjedhje të reja brenda PD-së në vjeshtë, ai nënvizoi se nëse nuk do bëhen këto ndryshime me alternativa të reja si Salianji, atëherë në zgjedhjet lokale humbja do jetë edhe më e thellë. Pëer Xhaferrajn koha e Berishës ka mbaruar, ai është kthyer si një kompjuter me Windows të vitit 1995 të Microsoft-it, që është mbushur me viruse të gërdecit apo 21 janarit.

“Ishte ditë e trishtueshme. Në vend të kthehej në një ditë solidariteti në PD, u kthye në një ditë të rrënimit të madh të saj, në një ditë turpi. Kjo tregoi se partia nuk është ngritur dhe nuk shërben si një alternativë për të rrëzuar Edi Ramën, por është kthyer në një kasolle, që i shërben vetëm interesave personale të kryetarit dhe ndokujt tjetër aty. Salianji u burgos, ai u burgos për denoncim, nuk mund ta them politik, dhe partia e priti me heshtje. Edhe ajo fshehje dhe heshtje tregon se kujt realisht i takon PD-ja. Heshtja dhe fshehja mendoj se tregoi frikë. Po për çfarë? Jo pë Salianjin, por për aktin e tij, se ishte një denoncim ndaj korrupsionit. Dhe tregon se kujt i takon partia, një çete që janë blerë nga Berisha, ato 50 mandate një herë për të shkuar te ballkoni e njëherë te SPAK. Demokratët janë te Salianji, duan alternativë”, tha Xhaferaj.

Ai këmbënguli për reformim të PD-së dhe për spostimin e Berishës, sepse koha e tij kishte mbarruar dhe qëndrimi në krye vetëm e rrënon më shumë partinë dhe është kthyer në një kapiten që po e fundos anijen. Ai kërkoi lënien e hapësirave për alternativat e reja si Ervin Salianji.

“Kjo vjeshtë duhet të ketë zgjedhje për PD-në. I shikoni urdhrat për shkarkim drejtorësh, ky është rrëznim i qeverisë dhe institucional, kanë dështuar të gjitha, kush i la ndërtimet. Edhe këto veprime antiinstitucionale të kryeministrit tregojnë opozitën e dobët. Nuk abuzon pushteti në këtë mënyrë kur opozita është e fortë. Ku ka degraduar përfaqësimi jonë? Vetëm në shprehjen e hallit personal të kryetarit të partisë, që është kthyer në kapiten që po fundos anijen”, vijoi ish-deputeti demokrat.

Në analogji krahasimore, ai e cilësoi Berishën me programin kompjuterik Windows të vitit 1995.

“Ju mendoni se fryma krijohet me post, alternativa krijohet me post? E kundërta është e vërtetë, kur postet uzurpohen, do ishte mirë që ai grup të mos ekspozohej si ata që shkojnë te ballkoni dhe SPAK-u. Nuk kam asgjë me ta, por realiteti është ky. Berisha i 2025 është kthyer si Windows-i i 1995 i Microsoftit. Ai i vjetër është mbushur me viruse, me 21 janarit, me Gërdecin dhe të tjera. Jemi në krah të Berishës të gjithë për kohën e bashkëpunimit, por kjo s’na pengon të themi të vërtetën. E kam thënë se Berisha ka kontribut, por vjen një kohë që nuk je më vagon i rëndësishëm”, tha ish-ligjvënësi i PD.

Xhaferraj tregon se ambienti në PD pas daljes së Salianjit po zien dhe veprimi i tij është i duhuri për ta ringritur partinë, duke i dhënë mbështetjen.

“Veprimi i Salianjit është i duhuri, për të ringritur Partinë Demokratike. Unë do mbështes si zotin Salianji, ashtu edhe të tjerët që mbështetet në këto parime dhe alternativa, kundër pushtetit, patjetër do ketë mbështetjen time personale. Nuk e paralajmëroj unë, është ambienti që zien, një drejtues i lartë i PD i dënuar se ka denoncuar, del dhe shkon në seli, të tjerët fshihen. Nuk respektohet statuti atje, funksionon si çetë. Po të funksiononte statuti, i pari që duhet të ikte është Berisha. S’e bën Salianji, do e bëjë një tjetër, s’do lindi alternativa në vjeshtë, do nisi në pranverë”, nënvizoi ai.

Ish-deputeti la të kuptohej se edhe rezultati i zgjedhjeve ishte i paravendosur, teksa kryeministri e ka kapur Berishën, nëpërmjet drejtësisë dhe vulës së partisë.

“Rezultati ishte i paravendosur, ndeshja e trukuar, ishin ndeshje të turpshme, e kam thënë. Edhe kjo e Salianjit këtë tregon. Ndaj kreu i opozitës thotë se zgjedhjet ishin vjedhur, se atë duhet që të thotë, ndryshe duhet të largohej. Ndaj edhe raporti i OSBE-ODIHR u bë në atë mënyrë sipas informacioneve të mia, qeverisë i intereson pak kritikë brenda raportit, që Berisha të jetë në krye të PD-së, e të pretendojë manipulimin e zgjedhjeve, të ketë atë përballë. Do që ta ketë aty, e ka kapur, edhe me sistemin e drejtësisë, edhe me dhënien e vulës”, theksoi Xhaferraj.

Në fund edhe një koment për partitë e reja, ku evidentoi përçarjen e partive të vogla dhe sjelljen e tyre me mentalitet të vjetër, duke mos e maksimalizuar votën në mandate fatkeqësisht.

“Populli e dha mesazhin, kërkon ndryshimin, votoi partitë e reja edhe pse ekspozuan praktika të një politike të vjetëruar edhe pse ishin të reja. Fatkeqësisht votat e partive të vogla nuk u përkthyen në mandate për shkak të sistemit. Ndaj e rithem se PD duhet ribërë, duhen ndryshime në vjeshtë, nëse PD-ja do jetë e kapur nga Berisha, në zgjedhjet lokale do shohësh që do rrënohet edhe më tej”, përfundoi ai komentin e tij.

The post “PD kasolle dhe çetë e kryetarit”/ Reagon ashpër ish-deputeti: Berisha me viruse të Gërdecit e 21 janarit… appeared first on Sot News | Lajme.

I ftuar në një studio televizive, Teliti deklaroi se lirimi i hapësirave publike është një detyrë normale e bashkisë dhe jo një veprim që duhet të vijë nga vetë kryeministri.

Këshilltari për Çështjet Ekonomike në Partinë Demokratike dhe njëherazi nënkryetar i Këshillit Bashkiak të Tiranës, Dorjan Teliti, ka reaguar për aksionin e ndërmarrë nga qeveria për lirimin e hapësirave publike të zëna nga subjektet private.

Dorjan Teliti:

“E kemi kërkuar me insistim në Këshillin Bashkiak që hapësirat publike të lirohen nga pushtimi i bizneseve dhe të përdoren në shërbim të qytetarëve. Kemi kërkuar vazhdimisht dokumentacionin mbi lejet e dhëna nga bashkia, por nuk kemi marrë asnjëherë përgjigje. Sot që po realizohet ky aksion, është mirë që po ndodh, por është thjesht puna normale e një institucioni vendor,” tha Teliti.

Ai vuri në dukje se mungesa e transparencës dhe mosveprimi ndër vite e ngre pyetjen: “Për muajt dhe vitet ku nuk kemi jetuar me këtë standard, kush mban përgjegjësi?”

Sa i takon ndërhyrjeve në Theth për shembjen e ndërtimeve pa leje, Teliti ngriti dyshime mbi qëllimet e qeverisë, duke përmendur përkimin e këtij aksioni me nisjen e aplikimeve për të ashtuquajturën “Paketë të Maleve”, një program për zhvillimin turistik të zonave malore.

“Nesër hapen aplikimet për Paketën e Maleve, dhe lind pyetja nëse ky aksion në Theth është i motivuar vetëm nga ligjshmëria apo edhe nga interesat që lidhen me këto zhvillime të reja. Sot po shemben ndërtime pa leje, nesër do të shohim kush do të përfitojë të drejtën për të ndërtuar në ato territore.”

The post “Kush mban përgjegjësi?”/ Lirimi i hapësirave publike, flet Këshilltari i PD: Detyrë e bashkive, jo e Kryeministrit appeared first on Sot News | Lajme.

Një tjetër incident raportohet nga Thethi, në vazhdën e prishjes së ndërtimeve pa leje.

Disa persona kanë gjuajtur me molotov fadromat e IKMT si dhe urën në lagjen “Gjelaj”.

Dëmet janë të konsiderueshme. Policia ndërkohë është vënë në ndjekje të tyre.

The post Sulm në Theth/ Fadromat e IKMT-së qëllohen me molotov nga disa persona appeared first on Sot News | Lajme.

Ende nuk dihen shkaqet e rënies së zjarrit në makinë.

Një makinë në ecje është përfshirë nga flakët paraditen e sotme në afërsi të Vlorës.

Fatmirësisht, nuk raportohet për persona të lënduar.

The post Përfshihet nga flakët makina në Vlorë/ Rruga ‘kaplohet’ nga tymi, ende nuk dihen shkaqet e ngjarjes… appeared first on Sot News | Lajme.

Diplomati më i lartë i Washingtonit është në Malajzi në udhëtimin e tij të parë në kontinentin e Azisë që kur e nisi detyrën, duke marrë pjesë në Samitin e Azisë Lindore dhe Forumit Rajonal të ASEAN-it, së bashku me homologët nga Japonia, Kina, Koreja e Jugut, Rusia, Australia, India, Bashkimi Evropian dhe shtetet e Azisë Juglindore.

Sekretari amerikan i Shtetit, Marco Rubio, është takuar të premten me homologun e tij kinez, Wang Yi, në Kuala Lumpur të Malajzisë, teksa dy fuqitë kryesore ekonomike po konkurrojnë për të shtyrë përpara agjendat e tyre në Azi, në kohën e tensioneve gjithnjë e në rritje për shkak të politikës tarifore të presidentit amerikan, Donald Trump.

Takimi i tij me Wang është zhvilluar paralelisht me rritjen e tensioneve globale si pasojë e vendimeve të Trumpit, përderisa autoritetet kineze i kanë paralajmëruar këtë javë Shtetet e Bashkuara që të mos i rivendosin tarifat e larta ndaj mallrave me origjinë nga Kina, ka raportuar Reuters.

Pekini zyrtar gjithashtu ka kërcënuar se do të hakmerret karshi vendeve që nënshkruajnë marrëveshje me SHBA-në, të cilat kanë për qëllim përjashtimin e Kinës nga zinxhirët e furnizimit.

Vizita e Rubios është pjesë e përpjekjeve për të rivendosur fokusin e SHBA-së në rajonin e Indo-Paqësorit dhe për të shkuar përtej konflikteve në Lindjen e Mesme dhe Evropë, që kanë preokupuar shumicën e agjendës së jashtme të administratës Trump.

Mirëpo, kjo është vënë nën hije nga njoftimi i kësaj jave për tarifat e reja amerikane kundrejt shumë vendeve aziatike dhe aleatëve të SHBA-së, që përfshijnë tarifa prej 25% mbi Japoninë, Korenë e Jugut dhe Malajzinë, 32% për Indonezinë, 36% për Tajlandën dhe Kamboxhian, dhe 40% për Myanmarin dhe Laosin.

Analistët kanë theksuar se qëllimi i vizitës së Rubios është që të riafirmohet pikëpamja se Shtetet e Bashkuara mbeten partner më i besueshëm se Kina.

Në Departamentin Amerikan të Shtetit kanë njoftuar se Rubio është takuar të premten edhe me homologët e Tajlandës, Kamboxhias dhe Indonezisë.

Një ditë më parë, ai u kishte thënë ministrave të jashtëm të Azisë Juglindore se rajoni i Indo-Paqësorit ngelet pikë kyçe e politikës së jashtme të SHBA-së.

The post Rubio, takim me homologun kinez/ Ja çfarë është diskutuar në tryezë appeared first on Sot News | Lajme.

Policia ka vendosur në pranga 25-vjeçarin Orgest Mehi alias Orgest Shehaj, i cili konsiderohet person me rrezikshmëri shoqërore.

Njoftimi i policisë:

Finalizohet operacioni policor i koduar “Fokusi”.

Lokalizohet në Fushë Kuqe, kapet dhe vihet në pranga një shtetas me rrezikshmëri shoqërore. Në muajin dhjetor 2023, ky shtetas rrezikoi jetën e punonjësve të Policisë, duke u larguar me shpejtësi, me automjetin në të cilin mbante një armë zjarri snajper me precizion të lartë, që dyshohet se ishte siguruar për të kryer vrasje.

Në vijim të punës së pandërprerë për lokalizimin dhe kapjen e shtetasve në kërkim, shërbimet e Komisariatit të Policisë Kurbin, bazuar në informaionet e siguruara në rrugë operative, organizuan dhe finalizuan operacionin e koduar “Fokusi”, gjatë të cilit u lokalizua, u kap dhe u vu në pranga shtetasi:

O. M. alias O. Sh., 25 vjeç, banues në Fushë Kuqe, Kurbin.

Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Lezhë, me vendimin e datës 09.02.2024, i ka caktuar masën e sigurisë “Arrest në burg”, për veprat penale “Sigurimi i kushteve dhe mjeteve për të kryer vrasje”, kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit” dhe “Mosbindja ndaj urdhrit të punonjësit të policisë”.

Më datë 18.12.2023, në Fushë Kuqe, shtetasi O. M. alias O. Sh. nuk i është bindur urdhrit të punojësve të Policisë në shërbim, për të ndaluar automjetin, dhe ka rrezikuar jetën e tyre, duke u larguar me shpejtësi, me automjet. Më pas, gjatë kontrollit në automjetin që ky shtetas e kishte braktisur në fshatin Gurëz, shërbimet e Policisë gjetën dhe sekuestruan një armë zjarri snajper me precizion të lartë dhe fishek në fole, si dhe një çantë me municion luftarak për këtë armë. Materialet procedurale i janë referuar Prokurorisë, për veprime të mëtejshme.

The post Finalizohet operacioni policor ‘Fokusi’/ Arrestohet 25-vjeçari, tentoi të sulmonte policinë, vite më parë përdorues i.. appeared first on Sot News | Lajme.

Shkreli, i cili është pyetur nga prokurori i SPAK Dritan Prençi, është për “korrupsion aktiv në zgjedhje” në procesin zgjedhor të 11 majit pasi dyshohet se bleu vota për Partinë Socialdemokrate të Tom Doshit.

Për gati një orë ka qëndruar në ambientet e Prokurorisë së Posaçme këtë të premte Kristjan Shkreli, kryetari socialist i Bashkisë Vau i Dejës, i cili është marrë në pyetje si person nën hetim për blerje votash.

Pak kohë më parë, me urdhër të SPAK dhe vendim të GJKKO iu sekuestrua aparati celular nga agjentët e BKH. Kujtojmë se PSD mori tre mandate në rang vendi, dy prej tyre ne qarkun e Shkodër. Hambari i votave për partinë e Tom Doshit, ishte zona e Vaut të Dejës, ku doli forcë e parë me plot 5951 vota.

The post Kryebashkiaku socialist i Vaut të Dejës pyetet 1 orë në SPAK/ Ja për çfarë dyshohet ai appeared first on Sot News | Lajme.

“Duhet të them se kapitulli i diasporës apo qëndrimi i Edi Ramës apo i Ramaduros ndaj votës së diasporës kalon çdo qëndrim të cilitdo diktatori tjetër në histori. Por shtypja që i ka bërë shqiptarëve në diasporë me manipulimin masiv të votave të tyre, tregon se është një armik i egër i shqiptarëve”- tha Berisha.

Kreu i Partisë Demokratike, Sali Berisha, ka hedhur akuza të forta ndaj qeverisë për mënyrën se si është trajtuar procesi i votimit nga diaspora. Në një deklaratë për shtyp, Berisha e cilësoi kryeministrin Edi Rama si “armik të egër të shqiptarëve jashtë vendit”, duke e krahasuar qëndrimin e tij ndaj votës së emigrantëve me sjelljet e diktatorëve në histori.

Ai njoftoi se tashmë është në një fazë të re të këtij procesi, duke akuzuar qeverinë për manipulim të drejtpërdrejtë të zarfeve që u dërguan përmes DHL.

“Tani jemi përsëri në fazën ku DHL e qeverisë ka dorëzuar zarfat. Këtu kemi të bëjmë me zarfa që i adresohen një personi të caktuar”- tha ai.

“Shikoni firmat që ka vendosur personi V., sikur gjoja e ka marrë personi V. Zarfat e diasporës kanë firma, zhgarravina të manipuluara. Siç e shihni, zarfet nuk u dorëzuan te qytetarët, por në mënyrë kriminale u grumbulluan në një qendër që i përdori ato për PS-në”-vijoi kreu i PD-së.

Berisha tha se përpjekjet e Ramës për të shmangur vëmendjen publike nga kjo çështje janë të kota, pasi sipas tij, opozita nuk do ta njohë këtë proces.

“Rama, sado të mundohet ta largojë vëmendjen nga kjo farsë, kjo s’do të thotë që ne do t’i njohim. Ai ka vetëm një mbrojtës, që quhet Altin Troplini”- përfundoi Berisha.

The post “Zarfat u përdorën në mënyrë kriminale”/ Shpërthen në akuza, Berisha: Vota e diasporës është manipuluar appeared first on Sot News | Lajme.

Një dorë e ligë vendosi të më godasë aty ku më dhemb më shumë, duke djegur restorantin tim në zemër të Thethit, shkruan Gjeçaj në një postim në rrjetin social “Facebook”. Ajo distancohet nga aksioni i shembjeve të ndërtimeve pa leje në Theth. Aida Gjecaj, që zotëronte restorantin që u dogj një ditë më parë në Theth, thotë se zjarri në biznesin e saj ishte i qëllimtë.

Reagimi i plotë:

“Aty ku unë dhe familja ime kemi ndërtuar me vite sakrifice një hapësirë mikpritjeje, një vatër nderi për traditën, natyrën dhe turizmin shqiptar. Në të njëjtën kohë, disa zëra në media, të nxituar ose të painformuar, kanë zgjedhur të hedhin baltë mbi emrin tim, duke më lidhur padrejtësisht me aksionin e shembjes së ndërtimeve pa leje në Theth. Dua të jem shumë e qartë:

-Unë kurrë nuk kam kërkuar shembjen e askujt. E di sa e vështirë është të ndërtosh në këto male, e di çfarë do të thotë të ngresh një çati me mundin dhe djersën e familjes.

-Unë kam lobuar e ngritur zerin gjithmone në media per hallet e komunitetit si mungesa energjisë elektrike, plehrat apo rruga e keqe.

-Unë kam qenë gjithmonë për zhvillimin e qëndrueshëm, për ndërtimin me standard dhe për ruajtjen e identitetit arkitektonik e kulturor të Thethit – që ai të bëhet një Trentino i Shqipërisë, një destinacion model në Ballkan.

Emisioni i datës 8 Mars 2024, ku është përmendur emri im në mënyrë të pasaktë, ishte një podkast kushtuar grave në biznes. Aty nuk është përmendur asnjë fjalë për ndërtime në Theth. Është minimumi profesional që një analist ta dëgjojë emisionin për të cilin flet, përpara se të shpërndajë hamendësime.

Kam dhënë qindra intervista për mediat shqiptare ndër vite. Kam folur për mikpritjen, për zhvillimin, për turizmin, për femrën që ndërton në një fshat malor. Por kurrë nuk kam kërkuar të shembet mundi i tjetrit. Kam luftuar që të mos shkatërrohet ai i imi.

Në këtë moment të vështirë, dua të falënderoj nga zemra të gjithë ata që më kanë qëndruar pranë – familjarë, miq, fqinj, turistë dhe bashkëpunëtorë që më kanë shkruar, më kanë telefonuar, më kanë dhënë kurajo dhe fjalë ngushëllimi. E keni bërë dhimbjen më të lehtë për ta përballuar.

Zjarri i dikujt tjetër nuk do të më ndalë. Përkundrazi – do të rindërtoj më bukur, më fort dhe më me dashuri, sepse Thethi nuk do njerëz që ndajnë, por duar që ndërtojnë bashkë“.

The post “Një dorë e ligë më goditi ku më dhemb më shumë”/ Reagon sërish pronarja e biznesit në Theth: S’më ndalin dot appeared first on Sot News | Lajme.

Për prokuroren Elida Kaçini, Bexhdili duhet të dënohet me burg përjetë, për akuzën e rrëmbimit dhe zhdukjes së trupit të Jan Prengës në kuadër të grupit të strukturuar kriminal. Në seancën e së premtes SPAK lexoi pretencën për dënimin e Festim Bexhdilit, por prokurorët kërkuan dënime të ndryshme.

Ndërsa prokurori tjetër i çështjes Behar Dibra, kërkoi dënimin me 20 vite burg për Bexhdilin. Sipas tij nuk provohet që Festim Bexhdili ka vepruar në kuadër të grupit të strukturuar kriminal, duke i kërkuar Gjykatës së Apelit të rikualifikojë veprën penale dhe ta dënojë për rrëmbimin dhe zhdukjen e Prengës në kuadër të bashkëpunimit të thjeshtë dhe jo të grupit të strukturuar.

Gjykata e Apelit të Posaçëm për shkak të kompleksitetit të çështjes dhe përsëritjes së shqyrtimit gjyqësor, shtyn shpalljen e vendimit në datë 25 korrik ora 11:00.

The post Rrëmbimi dhe zhdukja e Jan Prengës/ Apeli i GJKKO tërhiqet për vendim, ja qëndrimet e prokurorëve… appeared first on Sot News | Lajme.

Kuvendi i Kosovës nuk është konstituuar as në përpjekjen e 45-të, meqë partitë politike vazhdojnë të ngulojnë se kanë të drejtë në qëndrimet e veta. Në seancën e 11 korrikut kanë marrë pjesë 93 deputetë.

Abelard Tahiri nga Partia Demokratike e Kosovës e ka akuzuar kryesuesin e seancës Avni Dehari – nga Lëvizja Vetëvendosje – për shkelje të Kushtetutës.

“Kjo është e papranueshme”, ka thënë Tahiri nga foltorja e Kuvendit, teksa Dehari ka kërkuar që atij t’i ndalet mikrofoni. Akuza kundër Deharit kanë pasur edhe përfaqësues të partive tjera, të cilëve, gjithashtu u është ndalur mikrofoni.

Partia Demokratike e Kosovës (PDK), Lidhja Demokratike e Kosovës (LDK), Aleanca për Ardhmërinë e Kosovës (AAK) dhe Lista Serbe – partia më e madhe e serbëve në Kosovë – nuk pranojnë të propozojnë nga një kandidat për formim të një komisioni për votim të fshehtë, me arsyetimin se mënyra e ndryshimit të votimit është jokushtetuese.

Lëvizja Vetëvendosje – fituese e më së shumti votave në zgjedhjet e 9 shkurtit – kërkon që për Albulena Haxhiun – të propozuar për kryeparlamentare – të votohet vetëm një herë përmes votimit të fshehtë dhe nëse nuk i siguron 61 votat e nevojshme, ajo do të tërhiqet nga gara.

Ajo nuk i ka siguruar votat e nevojshme në disa seanca radhazi që janë mbajtur me votim të hapur. Për disa parti, ajo është figurë përçarëse dhe e papranueshme.

Pjesëtarë të shoqërisë civile kanë protestuar sërish para ndërtesës së Kuvendit duke i thirrur deputetët në përgjegjësi.

Ata janë parë duke mbajtur në duart pankarta me mbishkrimet: “Demokracia nuk është veç procedurë”, “Cirku i Republikës së Kosovës”, “120 rroga, 0 përgjegjësi”, e tjera.

Palët vazhdojnë të mos gjejnë një kompromis ndonëse ec afati i përcaktuar nga Gjykata Kushtetuese për konstitutim të Kuvendit.

Ndonëse gjykata e ka përcaktuar 26 korrikn si afat të fundit për konstituim, ajo nuk ka ofruar më shumë hollësi se çfarë ndodh tutje nëse partitë nuk merren vesh deri atëherë.

Presidentja e Kosovës, Vjosa Osmani është takuar me përfaqësuesit e partive politike ditë më parë, me shpresën e gjetjes së një zgjidhjeje, mirëpo situata nuk ka ndryshuar. Ajo e ka përmendur edhe mundësinë që t’i drejtohet Gjykatës Kushtetuese për sqarime shtesë. REL/

The post Kuvendi nuk konstituohet as në përpjekjen e 45-të appeared first on Sot News | Lajme.

158 trafikantë njerëzish të arrestuar dhe 1194 viktima të shpëtuara në një operacion global. Goditja me emrin e koduar “Zinxhiri Global” u përqendrua te trafikimi për shfrytëzim seksual, kriminalitet të detyruar dhe lypje të detyruar.

Organizata e Europol njoftoi sot se ka finalizuar një operacion ndërkombëtar në 43 shtete, përfshi edhe Shqipërinë, për shkatërrimin e një rrjeti të gjerë të trafikut të qenieve njerëzore, prostitucionit dhe lypjes, ku 3 prej viktimave janë shpëtuar në Shqipëri.

“Një operacion i madh kundër trafikimit të qenieve njerëzore ka çuar në shpëtimin e 1 194 viktimave të mundshme dhe arrestimin e 158 të dyshuarve. Si pjesë e hetimeve në vazhdim, janë identifikuar edhe 205 të dyshuar të tjerë për trafikim njerëzor. Goditja globale ishte e përqendruar te trafikimi për qëllime shfrytëzimi seksual, detyrim për të kryer vepra penale dhe lypje të detyruar, me një fokus të veçantë te viktimat e mitura”, njoftoi Europol.

Edicioni i këtij viti i operacionit, me emrin e koduar “Global Chain”, u zhvillua nga 1 deri më 6 qershor 2025 dhe u udhëhoq nga forcat e rendit në Austri dhe Rumani, me koordinim dhe mbështetje nga Europol, Frontex dhe INTERPOL. Qëllimi ishte zbulimi dhe goditja e grupeve të organizuara kriminale dhe “objektiva me vlerë të lartë” – që janë përgjegjëse për shumicën e rasteve të trafikimit – si edhe shpëtimi i viktimave, sekuestrimi i pasurive kriminale dhe nisja e hetimeve pasuese.

“Në Shqipëri u shpëtuan 3 gra kineze të shfrytëzuara seksualisht. Ato ishin rekrutuar në Dubai nga një rrjet kinez dhe ishin transferuar në Shqipëri për të punuar në një qendër masazhi. Një trafikant u arrestua dhe një tjetër shpallur në kërkim”, nënvizon organizata.

Operacioni përfshiu gati 15 000 efektivë nga 43 vende të ndryshme dhe u realizua në bashkëpunim me policinë, rojet kufitare, inspektorët e punës, si dhe autoritetet tatimore dhe doganore. Viktimat e mundshme ishin nga 64 vende, kryesisht nga Rumania, Ukraina, Kolumbia, Kina dhe Hungaria. Shumë prej tyre ishin trafikuar përtej kufijve, madje edhe kontinenteve, çka tregon për natyrën globale të trafikimit. Hetimet tregojnë se shumica dërrmuese e viktimave të shfrytëzimit seksual janë gra dhe të rritura, ndërsa shfrytëzimi i të miturve lidhet zakonisht me lypjen dhe veprimtari kriminale të detyruar si xhepitja. Në shumë raste, viktimat shfrytëzohen nga anëtarët e familjes, gjë që e bën më të vështirë mbrojtjen e tyre.

Jean-Philippe Lecouffe, zëvendësdrejtor Ekzekutiv i Europol, Drejtoria e Operacioneve, u shpreh:

“Bashkëpunimi i ngushtë dhe efektiv ndërmjet policisë dhe autoriteteve kufitare mbetet thelbësor për mbrojtjen e atyre që janë më të rrezikuar ndaj shfrytëzimit. Rezultatet e këtij operacioni ‘Global Chain’ nuk janë thjesht statistika – çdo individ i shpëtuar nga shfrytëzimi është një sukses i paçmuar. Trafikimi njerëzor mund të luftohet vetëm së bashku, dhe jam mirënjohës për të gjitha vendet dhe partnerët që u bashkuan me Europol për të ndihmuar viktimat dhe për të kërkuar drejtësi për to.”

Pikat kryesore të operacionit:

Austria: Policia arrestoi 7 trafikantë të dyshuar (1 hungarez dhe 6 rumunë) dhe shpëtoi 8 gra. U identifikua një grup kriminal familjar nga Rumania që vepronte në disa vende të BE-së. Gratë rekrutoheshin me metodën “lover-boy” dhe detyroheshin të prostituonin, të mashtronin klientët për para apo të vidhnin prej tyre.

Rumania: Policia kreu kontrolle në banesa, thirri 11 dëshmitarë dhe arrestoi 9 persona për trafikimin e 8 fëmijëve (mosha 7–15 vjeç) për lypje të detyruar.

Italia: Kontrolle në qendra masazhi; u identifikuan 75 viktima të mundshme nga Rumania, Kina dhe Kolumbia. U sekuestruan drogë dhe armë. U arrestua një italian për trafikim dhe 5 të tjerë për vepra të tjera penale.

Malta: U arrestua një trafikant dhe u shpëtuan 3 gra nga Kolumbia (2 motra dhe halla e tyre), të cilave iu ofrua punë si pastruese nga një shtetas italian, por pasi mbërritën në Maltë, iu morën pasaportat dhe u detyruan të prostituonin.

Shqipëria: U shpëtuan 3 gra kineze të shfrytëzuara seksualisht. Ato ishin rekrutuar në Dubai nga një rrjet kinez dhe ishin transferuar në Shqipëri për të punuar në një qendër masazhi. Një trafikant u arrestua dhe një tjetër shpallur në kërkim.

Greqia & Mali i Zi: U arrestuan persona që shfrytëzonin për lypje fëmijët e tyre apo të afërm të mitur, disa vetëm 2–3 vjeç.

Hungaria: Një vajzë 15-vjeçare u detyrua nga prindërit të prostituonte si burimi i vetëm i të ardhurave të familjes. Babai i saj u arrestua dhe ajo u dërgua në institucion për kujdesin e fëmijëve.

Bosnja dhe Hercegovina: Një vajzë e mitur u detyrua nga prindërit të martohej, pa pëlqimin e saj, për përfitime financiare. U shpëtua dhe vendosur në strehë të sigurt. Në një rast tjetër, 13 gra (9 kineze dhe 4 braziliane) ishin viktima të shfrytëzimit seksual; u arrestuan 3 trafikantë (2 boshnjakë dhe 1 kinez).

Ukraina: U zhvillua një operacion i fshehtë që zbuloi një rrjet që rekrutonte gra për shfrytëzim në Berlin. Një grua u arrestua dhe u zbuluan profile online për shërbime seksuale në Gjermani.

Brazili: Policia federale çmontoi një rrjet që rekrutonte viktima me premtime të rreme për punësim dhe i trafikonte në Myanmar për shfrytëzim seksual. Një viktimë u shpëtua përmes një njoftimi të INTERPOL-it.

Tajlanda: Policia çmontoi një rrjet prostitucioni me të mitur në një rrjet social të njohur. U arrestuan 12 persona (7 për trafikim), dhe u shpëtuan 2 viktima (14 dhe 17 vjeç).

The post Shkatërrohet organizata kriminale/ Prostitucion e lypje, 15000 policë në aksion, rrjeti i gjerë i trafikimit të… appeared first on Sot News | Lajme.

Dogjani ka kërkuar të paraqesë prova të reja. Në Gjykatën e Posaçme seanca gjyqësore për demokratin Asllan Dogjanin është shtyrë për në datën 23 korrik.

Dogjani akuzohet nga SPAK për “refuzim për deklarimin, mosdeklarimin, fshehje ose deklarim i rremë i pasurisë” lidhur me një apartament rreth 100 metër katrorë, për të cilin ai thotë se e ka e fituar si rezultat i këshillimit juridik. Por, sipas SPAK, Dogjani e bleu apartamentin rreth 126 mijë euro, vlerë të cilën e pagoi cash.

Deputeti demokrat është shprehur më herët se kallëzimi ndaj tij është bërë nga ndërtuesi Ilrijan Çelaj, të cilin ai e quan ‘zaptues’ pasi më parë e ka paditur për grabitjen e hapësirës publike para pallatit ku banon duke e kthyer në parkim me pagesë.

The post Akuzohet për fshehje pasurie, shtyhet seanca për Asllan Dogjanin, ja data kur do të jetë e rradhës appeared first on Sot News | Lajme.

Kryeministri Edi Rama, në fund të fjalës së tij gjatë takimit me kryetarët e bashkive të vendit, u ‘irritua’ me Dhimitër Tolin, kryetarin e Dropullit.

“O Dhimo ça ke? Ke që në fillim që bën ca gjeste të çuditshme. S’ka ujë në Dropull, ca ke? “, i drejtohet Rama.

The post “O Dhimo ça ke?”/ Rama ‘irritohet’ me kryebashkiakun e Dropullit: Po bën gjeste të çuditshme, s’ka ujë atje… appeared first on Sot News | Lajme.

Edhe pse në mënyrë paqësore sot minatorët nuk janë lejuar të protestojnë brenda ambienteve të minierës duke u bllokuar kartat e ‘chekin-it’.

Minatorët e Bulqizës prej dy ditësh po protestojnë për një rritje rroge prej 10%. Ata shprehen se kanë katër muaj që presin që t’u rritet paga, pasi me atë që marrin nuk i dalin dot.

“Jemi mbledhur për të kërkuar 10 % e rritjes së pagës, 5% na e kanë premtuar që prej janarit, por deri tani nuk kanë bërë asgjë. Ne kemi edhe një sindikatë por ata janë në krahun e kompanisë. Do ta vazhdojmë protestën, nuk kalojmë dot muajin me rrogën që marrim”, tha një minator.

“Jemi mbledhur për të drejtat tona, nuk na i kanë plotësuar kushtet. Kemi katër muaj që presim, për rritjen e pagës me 10%”, tha një tjetër.

The post “Kemi katër muaj që presim”/ Minatorët në protestë prej dy ditësh: Kërkojmë rritje rroge, të na plotësohen kushtet appeared first on Sot News | Lajme.

Salianji është shprehur se është në pritje të zbardhjen e vendimit të Gjykatës së lartë, për të vazhduar në Gjykatë Kushtetuese. Ish-deputeti i Partisë Demokratike, Ervin Salianji, ka folur për mediat pas paraqitjes së tij në “Shërbimin e Provës”, në kuadër të lirimit të tij me kusht, ku ka zbuluar hapat që do të ndërmarr për dënimin e tij me një vit burg, nga i cili kreu vetëm 9 muaj.

Më pas, siç tha ai, nëse Kushtetuesja nuk i jep zgjidhje, do t’i drejtohet Gjykatës së Strasburgut.

“Pres zbardhjen e vendimit të Gjykatës së lartë për të vazhduar në Gjykatë Kushtetuese dhe nëse nuk do ketë aty zgjidhje, mezi pres përballjen me regjimin në Gjykatën e Strasburgut”, tha ai. Sa i përket paraqitjes së tij në “Shërbimin e Provës”, Salianji tha se do të paraqitet edhe një herë tjetër brenda këtij muaji.

Ervin Salianji: Jemi në kushtet e një regjimi, ku dënimi im politik dhe çdo ditë qëndrimi në burg konfirmon që për interesa politike dhe për çdo interes tjetër që bie ndesh me ato të vullnetit personal të Edi Ramës për të mbajtur pushtetin me çdo formë, përdoren të gjitha institucionet dhe instrumentet ekstra politike për të krijuar klimë terrori.

Do të jem përsëri edhe një herë tjetër brenda këtij muaji, pastaj në vijim ndërtohet një program për shërbimin e provës. Përderisa është krijuar ky institucion dhe ndeke zbatimin vendimit të Gjykatës, jam në respekt të vendimit.

Pres zbardhjen e vendimit të Gjykatës së lartë për të vazhduar në Gjykatë Kushtetuese dhe nëse nuk do ketë aty zgjidhje, mezi pres përballjen me regjimin në Gjykatën e Strasburgut.

The post “Jam në respekt të vendimit”/ Salianji zbulon hapat që do ndërmarr për dënimin e tij: Po pres, më pas… appeared first on Sot News | Lajme.

Takimi vjen në një kohë kur kreu i qeverisë ka iniciuar një aksion të gjerë për lirimin e hapësirave publike, ndërsa pritet të kërkojë bashkëpunim më të fortë me pushtetin vendor.

Kryeministri Edi Rama mbledh sot në Durrës kryetarët e bashkive të gjithë vendit. Mësohet se fokusi i takimit, do të jetë tek problematikat gjatë sezonit veror dhe tek administrimi më efikas.

Takimi pritet të nisë në orën 10:00 dhe do të zgjasë deri në orët e pasdites. Të ftuar në këtë takim janë të gjithë kryebashkiakët, përfshirë edhe ata të spektrit të djathtë politik.

The post Kryeministri Rama takim ‘kokë më kokë’ me kryetarët e bashkive, ja fokusi i diskutimeve appeared first on Sot News | Lajme.

Presidentja e Kosovës, Vjosa Osmani është takuar më 10 korrik me zëvendëssekretarin amerikan të Shtetit, Christopher Landau në Uashington për t’i diskutuar fushat potenciale për bashkëpunimin ekonomik mes dy vendeve në të ardhmen.

Zëdhënësja e Departamentit amerikan të Shtetit, Tammy Bruce, ka thënë se palët kanë shprehur bindje që “prosperiteti ekonomik dhe bashkëpunimi do t’i ndihmojnë Ballkanit Perëndimor që të largohet nga ndasitë e së kaluarës dhe të promovojë paqe të qëndrueshme dhe stabilitet në rajon”.

Osmani ka thënë përmes një postimi në Facebook se “Kosova qëndron krah për krah me Shtetet e Bashkuara për të ndërtuar kapituj të rinj të bashkëpunimit strategjik, në përputhje me vizionin e fortë të Presidentit Trump”.

Më 9 korrik, Osmani është takuar edhe me zyrtarin e lartë të Departamentit amerikan të Shtetit për Çështje Evropiane, Brendan Hanrahan, i cili pritet të vizitojë Kosovën në ditët në vijim.

Përmes një postimi tjetër në Facebook, Osmani ka thënë se bashkë me diplomatin amerikan kanë diskutuar për “thellimin e partneritetit strategjik midis Kosovës dhe Shteteve të Bashkuara”.

“Kosova është e gatshme ta avancojë bashkëpunimin me SHBA-të në fusha kyç si mbrojtja, ekonomia, si dhe investimet strategjike me interes të ndërsjellë”.

Në kuadër të vizitës së saj në Uashington, Osmani ka mbajtur edhe një ligjëratë në një institut, përgjatë së cilës ka thënë se ka “informacione të besueshme” se presidenti amerikan, Donald Trump, ka parandaluar së voni mundësinë e një përshkallëzimi të mundshëm të situatës nga Serbia në Kosovë.

“Ai (Trump) është shumë i qartë në deklaratën e tij se po flet për javët e fundit”, ka thënë presidentja Osmani, duke theksuar se nuk bëhet fjalë për zhvillime të vitit 2023 apo 2020, por “për zhvillime shumë, shumë të vona”.

“Ndaj, nuk duhet ta mohojmë mundësinë, sepse ka ndodhur më parë”, ka thënë Osmani, duke iu referuar sulmit të armatosur në Banjskë të Zveçanit më 2023, kur një grup serbësh patën sulmuar Policinë e Kosovës, duke vrarë rreshterin Afrim Bunjaku.

Në fjalën e saj, presidentja Osmani paralajmëroi se rreziqet nga Serbia janë të vazhdueshme dhe se ato nuk duhen nënvlerësuar. Sipas saj, presidenti Trump ka bërë gjithçka që është në fuqinë e tij deri tani, për të siguruar ruajtjen e paqes në gjithë rajonin e Ballkanit Perëndimor.

Duke folur për takimet që po zhvillon në SHBA dhe marrëdhëniet ndërmjet Kosovës dhe SHBA-së, Osmani ka thënë se administrata e presidentit Trump ka ide të reja për t’i forcuar më tej ato.

“Ne duam të ulemi me partnerët në këtë administratë për t’u shpjeguar se si Kosova ka këtë potencial. Kjo, natyrisht, është në interes të popullit tonë, në interes të vendit tonë dhe në interes të rajonit tonë. Por, në të njëjtën kohë, kjo përputhet me prioritetet e administratës Trump për ta bërë Amerikën më të sigurt, më të fortë dhe më të begatë”.

Sipas saj në takime me zyrtarët amerikanë, nuk është diskutuar për dialogun për normalizimin e marrëdhënieve me Serbinë – “për herë të parë pas shumë vitesh”.

“Kemi folur për Kosovën dhe Shtetet e Bashkuara. Për herë të parë, nuk kemi folur për Serbinë. Perfekt. Ishin biseda perfekte”, ka deklaruar Osmani, pa hyrë në shumë detaje.

Shtetet e Bashkuara kanë ndarë mbi 2 miliardë dollarë për Kosovën prej vitit 1998. Udhëheqës shtetërorë kosovarë e përsërisin shpesh që Amerika është partnerja më e rëndësishme e Kosovës dhe se mbështetja e saj është jetike. REL/

The post Osmani diskuton me zëvendëssekretarin Landau për bashkëpunimin ekonomik Kosovë – SHBA appeared first on Sot News | Lajme.

Sipas Corriere della Sera, i mituri ishte atje me vëllezërit e motrat e tij më të vegjël, me të cilët u argëtua duke hapur një gropë rreth një metër e gjysmë të thellë. Në një moment, vëllezërit e motrat e tij u larguan dhe ai mbeti vetëm. Babai i tyre thuhet se po pushonte në hijen e një çadre pa e kuptuar menjëherë se çfarë kishte ndodhur.

Një tragjedi ka ndodhur në plazhin Montalto di Castro në rajonin e Lacios në Itali, pasi një 17-vjeçar nga Roma humbi jetën, i bllokuar në një gropë që kishte hapur në rërë.

Menjëherë pas kësaj, kur babai vuri re se djali i tij i madh ishte zhdukur, menjëherë nisën kërkimet në plazh. Falë udhëzimeve të vëllezërve të tij më të vegjël, ata nxituan të gërmonin në vendin ku ishte bllokuar 17-vjeçari, por ishte tepër vonë. Policia, zjarrfikësit dhe një helikopter me mjekë mbërritën në vendngjarje.

Nuk dihet nëse kishte një roje plazhi në detyrë në plazhin e lirë në kohën e incidentit. Autoritetet po akoma po hetojnë rrethanat në të cilat ndodhi aksidenti.

The post Loja kthehet në tragjedi/ 17-vjeçari hap gropën buzë detit, por bie brenda dhe mbulohet nga rëra, gjendet pa jetë appeared first on Sot News | Lajme.

Në tregun e këmbimit valutor shqiptar, një dollar amerikan do të blihet sot me 83.2 lekë dhe do shitet me 84.2 lekë.

Ndërkohë monedha evropiane euro do blihet me 97.4 lekë dhe do shitet me 98.2 lekë.

Franga zvicerane sot në tregun shqiptar do blihet me 104 lekë dhe do shitet me 105 lekë. Ndërsa paundi britanik do blihet me 112.7 lekë dhe do shitet me 113.9 lekë.

The post Këmbimi valutor 11 korrik/ Me sa blihen e shiten dollari dhe euro, çfarë ndodh me monedhat e tjera appeared first on Sot News | Lajme.