Presidenti i Shqipërisë, Bajram Begaj, ka shkarkuar nga posti i ambasadores së UNESCO-s , Besiana Kadarenë, vajzën e shkrimtarit të madh, Ismail Kadaresë.

Besiana Kadare më herët mbante postin si ambasadorja shqiptare në OKB, ndërkohë që prej 2021, me firmë të presidentit të asokohe Ilir Metës, ajo u emërua si ambasadore në UNESCO.

“Zonja Besiana Kadare lirohet nga detyra e Ambasadorit të Jashtëzakonshëm dhe Fuqiplotë të Republikës së Shqipërisë pranë Organizatës së Kombeve të Bashkuara për Edukimin, Shkencën dhe Kulturën (UNESCO), rezident”, thuhet në dekretin e firmosur nga presidenti i Republikës së Shqipërisë, Bajram Begaj.

E lindur në Tiranë, Besiana Kadare u diplomua në Universitetin Sorbonne Paris-IV në Paris, Francë. Ajo zotëron një diplomë Masteri në Letërsi Moderne dhe Krahasuese, të ndjekur nga një Diplomë e Studimeve të Larta të Specializuara (Diplôme d’Etudes Supérieures Spécialisées-DESS) në Letërsi Moderne të Specializuar.

Ajo e ka filluar karrierën e saj profesionale në Francë në sektorin e teknologjisë së informacionit dhe komunikimit (Grolier Interactive Europe, Lycos France dhe Lagardère Active media).

Në vitin 2002, Kadare iu bashkua Ministrisë së Punëve të Jashtme të Republikës së Shqipërisë, Departamenti i Organizatave Ndërkombëtare dhe më vonë u emërua Sekretare e Parë në Misionin e Përhershëm të Republikës së Shqipërisë në Kombet e Bashkuara në Nju Jork.

Në vitin 2005, ajo u bashkua me Agjencinë e Shteteve të Bashkuara për Zhvillim Ndërkombëtar (USAID) në Shqipëri, ku menaxhoi një projekt të madh ndërkombëtar për të parandaluar dhe luftuar trafikimin e grave dhe fëmijëve.

Në vitin 2008, u emërua në Ambasadën e Republikës së Shqipërisë në Francë, ku mbulonte kryesisht çështjet e UNESCO-s.

Nga viti 2011 deri në vitin 2016, Kadare shërbeu si Ambasadore dhe Delegate e Përhershme e Republikës së Shqipërisë në UNESCO (Organizata e Kombeve të Bashkuara për Arsim, Shkencë dhe Kulturë), dhe nga viti 2013 deri në vitin 2015 si Zëvendëskryetare e Bordit Ekzekutiv të UNESCO-s.

Në vitin 2016, Ambasadorja Kadare u emërua Përfaqësuese e Përhershme e Republikës së Shqipërisë në Kombet e Bashkuara dhe Ambasadore e Republikës së Shqipërisë në Kubë, jo-rezidente. Në Kombet e Bashkuara, ajo udhëhoqi punën përgatitore dhe fushatën e lobimit që rezultoi në zgjedhjen e Shqipërisë, për herë të parë, në Këshillin e Sigurimit të OKB-së, për një mandat 2-vjeçar 2022-2023.

Gjithashtu, ajo shërbeu edhe si Zëvendëspresidente e Bordit Ekzekutiv të UNDP/UNFPA/UNOPS për dy vjet rresht (2018-2019). P oashtu mbajti postin e Zëvendëspresidentes së sesionit të 75-të të Asamblesë së Përgjithshme të Kombeve të Bashkuara (2020-2021).

Në nëntor 2021, ajo u emërua Ambasador dhe delegat i Përhershëm i Republikës së Shqipërisë në UNESCO, post të cilin e mbajti deri para dy ditësh, pasi presidenti Begaj vendosi që ta lironte nga kjo detyrë.

The post Presidenti shkarkon nga detyra vajzën e Ismail Kadaresë, Besiana Kadare prej vitesh ambasadore në UNESCO appeared first on iconstyle.al.

Ka filluar kërkimi për një mënyrë “natyrale” për të arritur të njëjtën humbje drastike në peshë siç është parë me ilaçin revolucionar, Ozempic. Personat që mbajnë dietë kanë bërë një sërë sugjerimesh në mediat sociale, duke përfshirë suplementin pak të njohur Berberine dhe madje edhe kanellën, sipas Daily Mail.

Por truku më i fundit ushqimor që thuhet se imiton efektet kundër urisë të Ozempic është i thjeshtë; përzierja e pak tërshëre.

I ashtuquajturi trend ‘Tërshërë-Zempik’ përfshin pirjen e një përzierjeje tërshëre, uji, kanelle dhe limoni çdo ditë, e cila, sipas tyre, mund të ndihmojë në humbjen e peshës së konsiderueshme. Shumica e atyre që e ndjekin këtë zakon të të ngrënit përmbahen nga ngrënia e vakteve të tjera, duke shtuar në vend të kësaj ushqime të vogla nëse i merr uria.

Përdoruesi i TikTok, ‘Fred_ddy92’ , ka humbur 4.5 kg gjatë 21 ditëve duke pirë ‘koktejin’ me tërshërë. Përdoruesja ‘anna.2490’ tha se kishte humbur pesë kilogramë, brenda një jave duke pirë ‘koktejin’ dy herë në ditë.

Ndërkohë, përdoruesja ‘TastyCara’ dëshmoi se brenda pesë ditësh kishte humbur katër kilogramë e gjysmë duke pirë këtë përzierje, duke alternuar edhe uljen e ushqimit. Pavarësisht bujës që bëhet, dietologët janë më pak të bindur se kokteili është një ilaç mrekullibërës.

The post E dinit? Pija me tërshërë që ka efektin e njëjtë si Ozempic appeared first on iconstyle.al.

Një teori e re konspiracioni ka filluar të qarkullojë në mediat sociale dhe kërcënon të ndezë fenomenin Labubu. Figurat e lezetshme ose edhe të frikshme (për disa) të Pop Mart, të cilat u bënë të njohura pasi u panë në çantat e personazheve të famshëm si Rihanna dhe Dua Lipa, tani po lidhen nga disa përdorues interneti me demonin e lashtë të Mesopotamisë Pazuzu.

Sipas mitologjisë, Pazuzu ishte mbreti i demonëve të erës, i lidhur me stuhitë dhe thatësirën. Ai shpesh përshkruhej me një kokë katrore, vetulla të mëdha, sy të fundosur, krahë dhe, më e rëndësishmja, një buzëqeshje të egër me dhëmbë të zbuluar – një tipar që, sipas teoricienëve të konspiracionit, është çuditërisht i ngjashëm me fytyrën e Labubu

Një imazh që u bë viral në mediat sociale tregon një ngjashmëri të supozuar midis një Pazuzu dhe një Labubu, me disa përdorues që deklarojnë se tani refuzojnë t’i zotërojnë ose edhe t’i mbajnë në shtëpi. “Nuk jam supersticioz, por nuk do të blija kurrë një Labubu. Ka origjinë djallëzore, vjen nga Pazuzu, i cili pushtoi vajzën në The Exorcist”, shkroi një përdorues në X (më parë Twitter). Të tjerë këshillojnë kujdes për këdo që entuziazmohet për trendet e reja: “Para se të biesh pre e kurthit të Labubu ose ndonjë mode, bëj kërkimin tënd më parë. Ata thonë se bazohen në një zot demon.”

Teoria ka arritur në një pikë të tillë sa disa njerëz shkojnë aq larg sa i djegin Labubu-të e tyre ose i spërkasin me ujë të bekuar për të “eliminuar” energjinë negative. Të tjerë besojnë se rritja e tyre mbresëlënëse dhe e papritur e popullaritetit nuk mund të jetë rastësi.

Labubu është krijim i artistit Kasing Lung, si pjesë e një serie personazhesh të quajtur Përbindëshat. Ai ka deklaruar se është frymëzuar kryesisht nga mitologjia nordike dhe jo nga mitet e lashta mesopotamiane.

The post Teoria e re e lidh Labubu me një demon mesopotamian që i ngjan atyre në pamje appeared first on iconstyle.al.

Nicki Minaj ka shpërthyer me akuza të ashpra ndaj këngëtares SZA, duke e quajtur “të pasuksesshme”, “të pavlerë” dhe “budallaqe”, në një postim të gjatë në platformën X.

Minaj ironizoi suksesin e SZA-s duke thënë se nëse çdo këngë e saj do të zhdukej, industria nuk do ta vinte re fare. “A mendon vërtet se je më e suksesshme se unë? Ti nuk je ikonë. Unë jam”, shkroi ndër të tjera reperja.

Në reagimin e saj, Nicki përmendi edhe performancat e mëdha në stadiume dhe akuzoi SZA-në për përdorim të tepruar të auto-tune. Ajo nuk kurseu as ofendime personale, duke e quajtur këngëtaren “e ndyrë” dhe “të zgjebosur”.

Minaj dhe SZA prej kohësh janë në përplasje virtuale, por ky shpërthim i fundit i ka ndezur sërish gjakrat në industrinë e muzikës. Fansat janë të ndarë, ndërsa priten reagime nga kampi i SZA-s.

The post Përplasje e ashpër mes Nicki Minaj dhe SZA: Ti nuk je ikonë, je budallaqe dhe e parëndësishme appeared first on iconstyle.al.

Udhëheqësi suprem i Iranit, Ajatollah Ali Khamenei, paralajmëroi se vendi i tij është i gatshëm t’i përgjigjet çdo sulmi të ri ushtarak, duke theksuar se Irani mund t’u shkaktojë armiqve një goditje edhe më të rëndë se gjatë përplasjes 12-ditore me Izraelin muajin e kaluar.

Në një fjalim të transmetuar nga televizioni shtetëror, Khamenei e quajti Izraelin “një tumor kanceroz” dhe akuzoi SHBA-në për bashkëpunim në “krimet izraelite”.

“Lufta kundër SHBA-së dhe qenit të saj në zinxhir, Izraelit, është e lavdërueshme”, deklaroi ai.

Komentet vijnë mes kërcënimeve të reja nga SHBA dhe BE për vendosjen e sanksioneve shtesë ndaj Iranit, nëse nuk arrihet një marrëveshje për programin bërthamor deri në fund të gushtit.

The post Khamenei kërcënon: Gati për luftë më të madhe se me Izraelin appeared first on iconstyle.al.

Robin Kaye, producentja e njohur e “American Idol”, dhe bashkëshorti i saj Thomas Deluca, u gjetën të vrarë në shtëpinë e tyre në Encino, Los Angeles.

Policia ka arrestuar 22-vjeçarin Raymond Boodarian, i cili dyshohet se hyri në shtëpi në mënyrë të paligjshme dhe qëlloi çiftin me armë zjarri. Viktimat u gjetën në dhoma të ndara me plagë të shumta.

Sipas hetimeve, Kaye dhe Deluca janë përballur me autorin sapo janë kthyer në shtëpi, çka dyshohet të ketë çuar në përplasjen fatale.

Robin Kaye kishte qenë pjesë e ekipit të “American Idol” që prej vitit 2009. Kompania e prodhimit shprehu dhimbje të thellë për humbjen, duke e përshkruar atë si të dashur dhe të pazëvendësueshme.

Hetimet për motivin e ngjarjes tragjike vijojnë.

The post Tronditje në Los Angeles: Vritet producentja e “American Idol” dhe bashkëshorti i saj appeared first on iconstyle.al.

Luani – Koha jote ka ardhur! Jo vetëm që të gjithë duan të jenë rreth teje, por edhe universi është në krahun tënd. Një mundësi e artë në karrierë ose një “jo” që kthehet në “po” do të të japë vetëbesim të ri. Jepi!

Peshorja – Harmonia që ke kërkuar më në fund po merr formë. Në lidhje apo në miqësi, dikush të kupton më mirë se kurrë. Lejo veten të pranosh dashurinë dhe mirësinë pa dyshim. Ti e meriton.

Shigjetari – Me Jupiterin që të favorizon, ndodh një kthesë që s’e kishe planifikuar, por që të shkon për shtat. Mund të marrësh një mesazh që të ndez zemrën ose një ide që të ndez ambicien. Mos rri duarkryq!

The post 3 shenjat që po e kthejnë javën në favorin e tyre appeared first on iconstyle.al.

Ikona e Liverpool-it dhe e futbollit anglez, Steven Gerrard, ka përjetuar një emocion krejt të ri, është bërë gjysh për herë të parë. Vajza e tij e madhe, Lilly-Ella, solli në jetë një vajzë, duke e bërë 45-vjeçarin zyrtarisht “gjyshin më cool”.

Lilly ndau lajmin e bukur në Instagram, ku postoi një foto të partnerit të saj duke dalë nga spitali me mbajtësen e bebit në dorë. Ajo kishte lajmëruar shtatzëninë që në janar, me një postim të ëmbël ku shkruante: “Sekreti ynë i vogël, lajmi më i mirë, ja ku vjen ‘mini ne’”.

Gerrard, që ishte në Arabi si trajner i Al Ettifaq, u kthye menjëherë në Britani pas lajmit. Tashmë ai është larguar zyrtarisht nga klubi dhe ka nisur një kapitull të ri si komentator për TNT Sport, ndërsa në horizont përflitet edhe për një rikthim te Rangers.

The post Nga legjendë në… gjysh: Steven Gerrard bëhet gjysh në moshën 45-vjeçare appeared first on iconstyle.al.

E keni vënë re ndonjëherë që ti dhe shoqja jote e ngushtë përfundoni në “kampin e dhimbjeve” në të njëjtën kohë?

Nuk është thjesht një rastësi, kjo quhet sinkronizim menstrual, ose siç njihet ndryshe, Efekti McClintock.

Kur kalon shumë kohë me dikë, qoftë shoqe dhome, motër apo kolege e afërt, ciklet tuaja mund të fillojnë të përputhen. Kjo mund të ndikohet nga hormonet, stresi, oraret e gjumit… apo thjesht nga energjitë tuaja të lidhura.

Edhe pse shkenca ende e diskuton nëse është e vërtetë apo rastësi totale, një gjë është e sigurt:

“Girl math” = lidhje emocionale + ndarje çokollatash = njësoj perioda.

Prandaj herën tjetër kur po qani bashkë për një film romantik dhe po kërkoni akullore, thjesht pranojini:

jeni të sinkronizuara.

The post Po, është e vërtetë: cikli yt mund të sinkronizohet me atë të shoqes së ngushtë appeared first on iconstyle.al.

Një ngjarje e rëndë është shënuar këtë të martë në Fushë Milot, ku një 72-vjeçar ka humbur jetën si pasojë e zjarrit.

I moshuari dyshohet se kishte ndezur zjarr për të djegur mbeturina, por flakët janë përhapur me shpejtësi në një zonë me shkurre dhe barishte të thata, duke e përfshirë edhe vetë atë.

Pavarësisht ndërhyrjes së shpejtë, shtetasi D.H. ka pësuar djegie dhe është asfiksuar. Ai u transportua në spitalin e Kurbinit, ku fatkeqësisht ndërroi jetë.

Grupi hetimor po punon për të zbardhur plotësisht rrethanat e ngjarjes.

The post Tragjedi në Fushë Milot: 72-vjeçari humb jetën nga zjarri që ndezi vetë appeared first on iconstyle.al.

Bebe Rexha i është bashkuar trendit më të ri të lodrave koleksionuese, duke ndarë me ndjekësit e saj në Instagram një “Labubu” simpatik që e mban në dhomën e gjumit.

“Çfarë mendoni për të?”, pyeti ajo, por jo të gjithë reaguan me të njëjtin entuziazëm. Një ndjekës e quajti lodrën “demonike” dhe i sugjeroi ta “gjuante larg”.

Bebe, si gjithmonë me humorin e saj të veçantë, vendosi ta publikojë mesazhin, duke treguar se nuk e merr seriozisht dramën e rrjeteve sociale.

The post Bebe Rexha s’i reziston trendit të ri, por fansat kanë dyshime për “lodrën Labubu” appeared first on iconstyle.al.

Të paktën 20 palestinezë kanë humbur jetën sot gjatë një shpërndarjeje ndihmash në Khan Younis, në jug të Gazës, në një incident që ka sjellë sërish në vëmendje kaosin dhe pasigurinë që shoqëron ndihmën humanitare në këtë zonë të goditur nga lufta.

Fondacioni Humanitar i Gazës (GHF), një organizatë e mbështetur nga Izraeli dhe e financuar pjesërisht nga SHBA, deklaroi se turma e njerëzve doli jashtë kontrollit dhe u përshkallëzua për shkak të individëve të armatosur, të cilët sipas tyre kishin lidhje me Hamasin.

Sipas GHF, 19 persona u shkelën nga turma dhe një tjetër u godit me thikë. Ndërkohë, zyrtarë palestinezë të shëndetësisë thanë për Reuters se viktimat vdiqën nga mbytja, pasi turma u ngjesh në një hapësirë të kufizuar.

The post Gaza: Të paktën 20 palestinezë humbin jetën në një shpërndarje ndihmash mes kaosit dhe akuzave politike appeared first on iconstyle.al.

Një koment i vetëm ka mjaftuar që ndjekësit të ndezin rrjetin me pyetjen: a po ndodh diçka mes Don Xhonit dhe Loredana Bratit?

Reperi i njohur ka lënë së fundmi një koment në njërën prej fotove të modeles Loredana Brati, dhe sigurisht nuk ka kaluar pa u vënë re.

Nuk dihet nëse mes tyre ka nisur ndonjë shkëndijë apo thjesht është një koment spontan, por një gjë është e qartë: rrjeti e pa, e komentoi dhe… “plasën cokollatat”.

The post FOTO/ Upsss! Loredana në një romancë me Don Xhonin? appeared first on iconstyle.al.

I fshehur mes Alpeve, midis Zvicrës dhe Austrisë, Principata e Lihtenshtajnit duket si një përjashtim i çuditshëm në një botë të trazuar. Pa një aeroport kombëtar, pa një ushtri, madje as monedhë të vetën, ky shtet i vogël renditet ndër më të pasurit dhe më të sigurtët në botë.

Përdor frangën zvicerane përmes një marrëveshjeje monetare me Zvicrën, ndërsa banorët e tij udhëtojnë përmes aeroporteve në Zvicër apo Austri. Ushtria u shfuqizua që në vitin 1868 dhe siguria mbështetet vetëm në një forcë të vogël policie dhe bashkëpunim me fqinjët.

Por pavarësisht këtij “minimalizmi shtetëror”, Lihtenshtajni ka një PBB për frymë rreth 187,000 dollarë, pothuajse zero krim të organizuar, nivele të ulëta të burgosjes dhe një standard jetese që shumë vende vetëm mund ta ëndërrojnë.

Në një kohë kur shumica e shteteve përballen me tensione, korrupsion dhe pasiguri, ky vend i vogël ofron një model ndryshe: një shoqëri e bazuar në besim, thjeshtësi dhe mirëqenie të përbashkët, dëshmi se ndonjëherë, më pak është më shumë.

The post Pa aeroport, pa ushtri, pa monedhë, por ndër më të pasurit në Europë appeared first on iconstyle.al.

Sean “Diddy” Combs duket i vendosur të ndryshojë imazhin e tij, teksa pret shpalljen e dënimit më 3 tetor. Sipas TMZ, reperi 55-vjeçar ka nisur psikoterapi dhe po ndjek programe vetëpërmirësimi në burgun federal të Brooklyn, përfshirë programin STOP kundër dhunës dhe rehabilitimin nga droga të Dr. Wexler.

Lëvizja vjen pak ditë pasi ai u shpall i pafajshëm për trafikim seksual, por fajtor për transportimin e dy grave për qëllime imorale.

Burime pranë Diddyt thonë se ai po “punon për ta përmirësuar veten”, por kritikët dyshojnë se veprimet e tij janë një strategji për të zbutur dënimin. Prokurorët kanë rekomanduar katër vite burg, por fjala e fundit i mbetet gjyqtarit Arun Subramanian.

The post Reperi Diddy ndjek terapi në burg: Sinjal pendese apo strategji ligjore? appeared first on iconstyle.al.

Janë shpallur zyrtarisht nominimet për edicionin e 77-të të Primetime Emmy Awards, që do të mbahet më 14 shtator 2025. Seriali triller “Severance” i Apple TV+ kryeson listën me 27 nominime, duke u pozicionuar si një nga favoritët kryesorë të këtij viti.

Menjëherë pas tij vjen “The Penguin” nga HBO Max me 24 nominime, ndërsa serialet e njohura “The White Lotus” dhe “The Studio” marrin nga 23 nominime secili. “The Studio” hyn kështu në garë si një nga komeditë më të vlerësuara të vitit, përkrah fituesit të vitit të kaluar, “The Bear”.

Një moment historik në këtë edicion është nominimi i parë ndonjëherë për Harrison Ford, në moshën 83-vjeçare, për rolin e tij dytësor në komedinë “Shrinking”.

Nominimet u shpallën nga aktorët Harvey Guillén (“What We Do in the Shadows”) dhe Brenda Song (“Running Point”), ndërsa dy kategori të veçanta, reality competition dhe talk show, u zbuluan gjatë programit “CBS Mornings”.

Kategoria për serialin më të mirë dramatik përfshin emra të mëdhenj si “The Last of Us”, “The White Lotus”, “The Diplomat” dhe “Slow Horses”.

Në komedi, priten përballje të forta mes “Hacks”, “The Bear”, “Shrinking” dhe “Only Murders in the Building”.

Te miniseritë dhe filmat televizivë, spikatin “The Penguin”, “Black Mirror” dhe rikthimi i papritur i Bridget Jones në ekranin e vogël me filmin “Mad About the Boy”.

Ceremonia e ndarjes së çmimeve do të transmetohet drejtpërdrejt në CBS, me komedianin Nate Bargatze në rolin e prezantuesit, i cili gjithashtu është vetë i nominuar për specialin e tij “Your Friend, Nate Bargatze”.

Disa nga nominimet kryesore për Emmy 2025:

Serial dramatik:
“Andor”, “The Diplomat”, “The Last of Us”, “Paradise”, “The Pitt”, “Severance”, “Slow Horses”, “The White Lotus”

Serial komedi:
“Abbott Elementary”, “The Bear”, “Hacks”, “Nobody Wants This”, “Only Murders in the Building”, “Shrinking”, “The Studio”, “What We Do in the Shadows”

Miniseri apo serial antologjik:
“Adolescence”, “Black Mirror”, “Dying for Sex”, “Monsters: The Lyle and Erik Menendez Story”, “The Penguin”

Reality show më i mirë:
“The Amazing Race”, “RuPaul’s Drag Race”, “Survivor”, “Top Chef”, “The Traitors”

Talk Show më i mirë:
“The Daily Show”, “Jimmy Kimmel Live!”, “The Late Show with Stephen Colbert”

Lista e plotë përfshin qindra emra, ndërsa fituesit do të shpallen më 14 shtator. Tashmë, betejat e mëdha kanë nisur dhe publiku pret me padurim të shohë kush do të ngrejë trofetë më të rëndësishëm të televizionit amerikan.

The post EMMY Awards 2025: Rikthehen emrat e mëdhenj dhe surprizat e vitit! appeared first on iconstyle.al.

Sot, vendi ynë do të jetë nën ndikimin e kushteve atmosferike të qëndrueshme.

Sot, vendi ynë do të jetë nën ndikimin e kushteve atmosferike të qëndrueshme. Sipas parashikimeve të meteorologëve, moti do të jetë kryesisht i kthjellët në shumicën e territorit, ndërsa vranësirat pritet të shfaqen gjatë orëve të mesditës, kryesisht në zonat malore.

Era do të fryjë nga verilindja dhe veriperëndimi me një shpejtësi mesatare prej 5 m/s. Ndërkohë, përgjatë vijës bregdetare dhe në zonat luginore, era pritet të jetë më e fortë, duke arritur deri në 8 m/s.

The post Mot kryesisht i kthjellët, ja parashikimi për këtë të mërkurë appeared first on iconstyle.al.

Një ngjarje tragjike ka tronditur ndjekësit e influencueses braziliane Natália Cavanellas, e cila humbi jetën pas një ndërhyrjeje kirurgjikale kozmetike në São Paulo. Ajo ishte vetëm 40 vjeç.

Sipas CNN Brasil, Cavanellas pësoi një arrest kardiorespirator gjatë procedurës dhe ndonëse ndodhej në kushte të rregullta spitalore, ajo nuk arriti të mbijetojë. Rasti është regjistruar si “vdekje e papritur”, ndërsa hetimet për shkakun e saktë të vdekjes janë ende në vijim nga Instituti i Mjekësisë Ligjore.

Në rrjetet sociale, ajo njihej si një figurë frymëzuese, një nënë, grua dhe sipërmarrëse që drejtonte një komunitet me qindra gra profesioniste. Profili i saj privat në Instagram kishte mbi 105 mijë ndjekës, ndërsa një tjetër llogari e dedikuar për rrjetëzimin dhe strategjinë kishte afro 30 mijë ndjekës të tjerë.

Lajmin për vdekjen e saj e dha bashkëshorti, Rafael Thomazella, përmes një postimi emocional në Instagram.

“Të gjithë e dinë çfarë gruaje e jashtëzakonshme ishte Natalia. E bukur, e pavarur, profesioniste, e dashur. Do t’i tregoj gjithmonë Manoellës se sa e jashtëzakonshme ishte nëna e saj, një grua që të gjithë e donin dhe e admironin”, shkroi ai.

Mjeku që kreu ndërhyrjen, Edgar Lopez, përmes një deklarate tha se procedura ishte planifikuar dhe realizuar në përputhje me të gjitha protokollet mjekësore. Megjithatë, Cavanellas pësoi një ndërlikim të rrallë, të dyshuar si emboli pulmonare, një rrezik i njohur, ndonëse i rrallë, edhe kur merren të gjitha masat parandaluese.

The post E rëndë! Ndërron jetë influencuesja braziliane pas një ndërhyrjeje estetike appeared first on iconstyle.al.

Dashi

Dashuria: Sot do të jetë një ditë ngjarjesh dhe pritjesh të papritura që do t’ju bëjnë nervoz. Do të jetë mirë që të izoloheni për një kohë dhe të përpiqeni të mos lini hije dyshimi mbi partnerin tuaj. Beqarët gjithashtu do jenë pak të acaruar për shkak të disa projekteve që janë rritur në tym.

Puna: Dita e punës do të ndikohet nga gjendja shpirtërore e ndryshuar dhe për pasojë do të jetë pak produktive.

Demi

Dashuria: Një ditë pajtimi, nëse keni patur një luftë me dikë afër jush, partnerin tuaj ose një anëtar të familjes, ai do të vijë duke kërkuar për ju me qëllime të mira. Do të jetë një rast i përshtatshëm për të sqaruar një keqkuptim të mundshëm. Beqarët do bëjnë miq të rinj.

Puna: Nuk ka mundësi që të humbisni për të bërë një hap cilësor, për të cilin keni aspiruar shumë kohë.

Binjakët

Dashuria: Me ndihmën e Venusit, çiftet tani mund të dalin nga kriza dhe të forcojnë bashkimin. Shumë do të kenë dëshirën për të krijuar së bashku një të ardhme. Njohje të reja për shumë beqarë në horizont, Marsi disponon takime dhe njohje intriguese.

Puna: Jini më reflektues, por në të njëjtën kohë veproni nëse nuk dëshironi mundësi që t’ju fryjnë nën hundë!

Gaforrja

Dashuria: Ata që janë së fundmi bashkë dhe po përjetojnë një dashuri të re nuk do të jenë pjesë e asaj kategorie që lënë kohën të ikë kot, do të bëjnë gjithçka për të thelluar këtë marrëdhënie! Beqarët mund të fillojnë diçka për argëtim dhe më pas … ta merrni seriozisht!

Puna: Nëse duhet të mbështeteni vetëm në forcën tuaj, sigurohuni të dini se çfarë duhet për të mbajtur gjithçka nën kontroll.

Luani

Dashuria: Çiftet që kanë përjetuar kohë të vështira sot do të jetojnë një ditë të qetë. Retë janë zhdukur dhe ju mund të shijoni zemrën tuaj të dashur! Beqarët do të shohin një ndjesi të bukur që nuk e kishin parashikuar për dikë afër tyre.

Puna: Zilia dhe xhelozia në punë sot do të shkaktojnë probleme dhe do të krijojnë probleme. Jini të qetë dhe të matur në këtë drejtim.

Virgjëresha

Dashuria: Një diskutim me të dashurin tuaj do të prishë marrëveshjen, por për fat të mirë pasioni do të bëjë gjithçka të kalojë. Mbrëmje intriguese gjatë rrugës! Për beqarët, do të ketë një dashuri të shpejtë që do ta ndryshojë jetën, por vetëm nëse e dëshironi!

Puna: Qëllimi për të arritur është afër, më shumë sesa mendoni, por keni nevojë për këmbëngulje dhe një shpirt sakrificash për të arritur atje.

Peshorja
Dashuria: Kushdo që ndjen ndjenja shumë të forta për partnerin gjithashtu do të tolerojë një situatë të paqartë, por nuk do të jetë për shumë kohë. Ardhja e tërheqjeve të reja për beqarët, bërja përshtypje ndaj dikujt që ka pëlqyer prej kohësh do të jetë qëllimi i kësaj dite!

Puna: Kontakte dhe bashkëpunime të reja për shumë nga të lindurit e kësaj shenje, axhenda e kësaj dite është e mbushur me emërime.

Akrepi

Dashuria: Një ditë e ndërlikuar nga pikëpamja sentimentale, qëndrimet tuaja do të ngjallin xhelozi tek partneri juaj dhe do të jeni gati të detyruar të justifikoni veten. Nga ana tjetër veqarët do jenë mjaft magjepsës dhe të gatshëm për të bërë përparime!

Puna: Detyrat e reja që vijnë, ju do të tregoni aftësi të mëdha në menaxhim, të gjithë do t’ju japin lëvdata dhe komplimente.

Shigjetari

Dashuria: Nuk ka parashikime të mira për një histori që nuk jep më shumë stimulim, dikush do të dëshirojë të insistojë, por mbase nuk ia vlen. Në këto raste, ndryshoni më mirë ambjentin! Beqarët gjithmonë do të kërkojnë gjëra që janë të vështira për tu zgjidhur, të jenë të qetë për këtë!

Puna: Dita e kënaqshme, lajmet që vijnë në sferën e punës janë të mira.

Bricjapi

Dashuria: Çiftet e konsoliduara do të gjejnë guximin të shkojnë më tej dhe të marrin përgjegjësi të caktuara. Projektet sfiduese të jetës po vijnë! Dashuritë e mëdha vijnë madje edhe për beqarët që duan të takojnë shpirtin e tyre binjak, tërheqjet fatale dhe pasionin për yjet!

Puna: Ju po vendosni një rend në sferën e punës, ka kaq shumë gjëra që duhet të lihen mënjanë. Ndryshimet në horizont.

Ujori

Dashuria: Venusi nuk duket larg nga jeta juaj private dhe sot mund të mbështeteni në një dialog me një partner shumë intensiv. Ju duhet të bëni gjëra të caktuara. Edhe beqarët do jenë shumë komunikues dhe do të jenë në gjendje të magjepsin me fjalët e tyre.

Puna: Përqendrohuni në strategjitë fituese për tu vërejtur. Ata do të jenë trampolina për suksesin tuaj.

Peshqit

Dashuria: Një nostalgji e vogël vazhdon herë pas here për të përgjuar në zemrën tuaj dhe për të shtyrë emocionet e përjetuara. Ndoshta e tashmja nuk është ajo që ju dëshironi, por ka mundësi të mira për ta ndryshuar atë. Vijnë histori të reja për beqarët dhe flirtet emocionuese.

Puna: Ju keni një ide të qartë për atë që dëshironi, ju po bëni gjithçka për të arritur qëllimin tuaj. Shumë shpejt do ta arrini!

The post Horoskopi ditor, 16 korrik 2025! appeared first on iconstyle.al.

Nëse ke ndonjëherë tundimin ta shtysh larjen e dhëmbëve për mëngjesin e nesërm, është momenti të mendohesh sërish. Sipas dentistëve, larja e dhëmbëve në mbrëmje është më e rëndësishmja e ditës dhe ja pse:

Gjatë natës, goja jonë prodhon më pak pështymë, që do të thotë më pak mbrojtje natyrale ndaj baktereve. Nëse shkojmë në gjumë pa i larë dhëmbët, mbetjet e ushqimit dhe sheqernat krijojnë terrenin ideal për prishjen e dhëmbëve dhe zhvillimin e sëmundjeve të mishrave.

Bakteret shumëzohen më shpejt natën, duke e bërë gojën një “festë” për prishjen e dhëmbëve dhe aromën e keqe në mëngjes.

Larja para gjumit ndihmon jo vetëm në shëndetin oral, por edhe në cilësinë e gjumit. Një gojë e pastër = një ndjesi më e qetë dhe më e freskët për të fjetur.

Këshillë ekstra: Mos e shpëlaj gojën menjëherë pas pastës së dhëmbëve. Lëre fluorin të veprojë disa minuta për mbrojtje maksimale.

The post Goja jote natën: ç’ndodh kur s’i lan dhëmbët para gjumit? appeared first on iconstyle.al.