Nga Gazeta ‘SI’- Me Kodin e ri Penal lidhja e më shumë se një martese në të njëjtën kohë do të konsiderohet vepër penale dhe do të ndëshkohet me burgim deri në 3 vjet, sipas nenit 742 të draftit që është hedhur për konsultim publik.

Në draft theksohet se bigamia, pra lidhja e dy ose më shumë martesave njëkohësisht, dënohet me gjobë ose me burgim deri në tre vjet. Ndërsa në rast se personi vazhdon të jetojë në bigami edhe pas një dënimi penal të mëparshëm, atëherë dënimi ashpërsohet dhe parashikohet burgim nga 6 muaj deri në 4 vjet.

1. Lidhja e dy ose më shumë martesash në të njëjtën kohë dënohet me gjobë ose me burgim deri në tre vjet

2. Nëse bigamia vazhdon pas dënimit të parë, dënohet me burgim nga gjashtë muaj deri në katër vjet.

3. Ky nen gjen zbatim edhe kur fakti është konsumuar jashtë territorit nga një shtetas shqiptar ose nga një i huaj me banim në Shqipëri ose në dëm të një shtetasi shqiptar ose të një të huaji me banim në Shqipëri, në vende apo shtetas të vendeve që e lejojnë bigaminë.

Një tjetër nen në dokument kriminalizon edhe bashkëjetesën me të mitur për qëllime të ngjashme me martesën, në varësi të moshës së të miturve.

Bashkëjetesa e një personi madhor me një të mitur nga mosha 14 deri nën 16 vjeç, dënohet me burgim nga 4 deri në 8 vjet. Nëse bashkëjetesa ndodh me një të mitur 16 deri në 18 vjeç, dënimi është nga 2 deri në 5 vjet.

Për rastet më të rënda, kur bashkëjetesa ndodh me një të mitur nën moshën 14 vjeç, dënimi shkon nga 8 deri në 16 vjet burg. Ndërkohë, kur bashkëjetesa me të miturin kryhet me qëllim përfitimi pasuror, dënimi në secilin rast rritet me deri në 50%.

Drafti parashikon edhe dënime për prindërit apo kujdestarin në rast se ata udhëzojnë, lejojnë, këshillojnë, ose e shtyjnë të miturin e moshës 14 deri 18 vjeç që të bashkëjetojë me personin madhor. Ata rrezikojnë dënim me burgim nga pesë deri në dhjetë vjet.

The post Drafti/ Nga 3 deri në 16 vite, bigamia dhe bashkëjetesa me të mitur do të dënohet me burg! appeared first on Gazeta Si.

Nga Gazeta ‘SI’- Situata në Delvinë ka arritur në një nivel kritik për shkak të zjarreve të përhapura që kanë rrezikuar jetën dhe pronat e banorëve.

Ministria e Mbrojtjes, përmes strukturave të Mbrojtjes Civile, ka urdhëruar këtë të premte, më 24 korrik, evakuimin e menjëhershëm të banorëve të fshatrave Palavli, Vergo dhe Kopaçëz në Bashkinë Delvinë. Ky vendim është marrë për shkak të rrezikut serioz nga flakët që përhapen me shpejtësi në këtë zonë.

Në një njoftim zyrtar, Ministria bën thirrje që të gjithë banorët të respektojnë udhëzimet e emergjencave civile:”U bëhet thirrje të gjithë banorëve të respektojnë udhëzimet e emergjencave civile dhe të bashkëpunojnë me forcat e Policisë dhe autoritetet vendore, të cilat janë angazhuar për mbrojtjen e jetës dhe pronës së tyre.”

Në terren janë përfshirë forca të shumta zjarrfikëse, ndërsa në operacionet e shuarjes së flakëve po ndihmojnë edhe dy helikopterë të Forcës Ajrore në zonën e Delvinës. Dy helikopterë të tjerë janë të angazhuar në operacionet ajrore në qarkun Berat-Dimal, duke mbështetur përpjekjet për kontrollin e zjarreve në disa zona kritike.

The post Zjarret në Delvinë, Ministria e Mbrojtjes urdhëron evakuimin e tre fshatrave appeared first on Gazeta Si.

Nga Gazeta ‘SI’- Gjykata e Posaçme kundër Korrupsionit dhe Krimit të Organizuar (GJKKO) ka pranuar këtë të premte, më 25 korrik, kërkesën e Prokurorisë së Posaçme (SPAK) dhe ka kaluar për gjykim në themel dosjen “Buka” ndaj ish-zv.kryeministrit Arben Ahmetaj.

Ahmetaj akuzohet për “shpërdorim detyre“, pasi dyshohet se i ka shkaktuar shtetit shqiptar një dëm ekonomik në vlerën e 7 miliardë lekëve në procesin e privatizimit të fabrikës së bukës. Ndërkohë, dosja për biznesmenin Lirim Fezollari dhe disa zyrtarë të tjerë të Ministrisë së Financave është ndarë dhe vetëm Ahmetaj është dërguar për gjykim. Vendimi është përfundimtar dhe nuk lejohet ankimimi.

Në fillim të korrikut, SPAK dorëzoi dokumente të reja në Gjykatë lidhur me hetimet ndaj ish-ministrit Ahmetaj për çështjen e njohur si dosja “Buka”, ku ai akuzohet për shpërdorim detyre në procesin e privatizimit të fabrikës së bukës. Ahmetaj, përmes avokatëve të tij, kundërshtoi akuzat dhe kërkoi pushimin e çështjes, duke pretenduar se nuk ka shkelje penale dhe as dëm ndaj shtetit.

Sjellim ndërmend se ish-ministri Ahmetaj është gjithashtu nën hetim për një tjetër çështje të lidhur me inceneratorët, ndërkohë që ndodhet në kërkim, i dyshuar për korrupsion dhe pastrim parash.

The post SPAK çon për gjykim dosjen ‘Buka’. Arben Ahmetaj akuzohet për shpërdorim detyre appeared first on Gazeta Si.

TIRANË, 25 korrik/ATSH/ Tradita e kulinarisë shqiptare mbetet një pikë e fortë krahas bukurive natyrore për tërheqjen e turistëve të huaj.

Kryeministri Edi Rama ndau sot një pjesë nga rrugëtimi 6-ditor i dy blogerëve të shijes  Daniel Balilti dhe videografes Lihi Parnes në zbulim të kuzhinës autentike shqiptare.

Shijet tradicionale të Shqipërisë, sipas kryeministrit, “po fitojnë zemra në mbarë botën”.

“Blogerët e shijes Daniel Balilti dhe videografia Lihi Parnes zbulojnë kuzhinën tonë autentike gjatë një qëndrimi 6-ditor të organizuar nga Agjencia Kombëtare e Turizmit””, bëri të ditur Rama.

Produktet bio dhe gastronomia shqiptare kanë potencial jo vetëm për të rritur ekonominë vendase, por edhe për fuqizuar sektorin e turizmit duke tërhequr gjithnjë e më shumë të huaj.

4,76 milionë turistë të huaj vizituan Shqipërinë gjatë 6 muajve të këtij viti. Vetëm në qershor 2025 Shqipërinë e vizituan 1 329 204 turistë të huaj, ose 7% më shumë krahasuar me qershor 2024.

/m.m/j.p/

The post Rama: Shijet tradicionale të Shqipërisë po fitojnë zemra në mbarë botën appeared first on Agjencia Telegrafike Shqiptare.

TIRANË, 25 korrik/ATSH/ Prej 1 viti, sporteli One Stop Shop në bashkinë e Kamzës ofron asistencë të drejtpërdrejtë për aplikimet elektronike në platformën e-Albania.

Kryetarja e Kuvendit, Elisa Spiropali vizitoi sot bashkinë e Kamzës, ku gjatë 2024-ës janë ofruar rreth 1500 shërbime, duke garantuar mbështetje të vazhdueshme për qytetarët.

“Falë dixhitalizimit të administratës, 95% e shërbimeve publike sot realizohen online, pa nevojë për prezencë fizike në institucionet shtetërore, ndaj lehtësimi i aksesit në përdorimin e platformës është më i rëndësishëm se kurrë”, u shpreh ajo.

Spiropali theksoi se aktualisht në këtë bashki funksionojnë 5 sportele mbështetëse, të shpërndara në Njësitë Administrative, ku mesatarisht.

95% e shërbimeve publike të institucioneve qendrore janë tashmë të aksesueshme me një klikim të vetëm duke ofruar shërbime për mbi 3,3 milionë qytetarë dhe biznese.

/m.m/j.p/

The post Spiropali në Kamzë: One Stop Shop me asistencë falas për aplikimet në e-Albania appeared first on Agjencia Telegrafike Shqiptare.

Policia e Vlorës dhe Sarandës kanë kryer kontrolle në rrugë, banesa dhe ambiente të tjera publike dhe private në qytetin e Vlorës. Si rezultat i kontrolleve, policia ka konstatuar lëndë narkotike kanabis që posedonin 4 persona në banesat e tyre, konkretisht në Vlorë, Qeparo dhe Sarandë. Këta të fundit kishin për qëllim shitjen e lëndës […]

The post Shisnin kanabis në zonat turistike të Vlorës dhe Sarandës, 4 të arrestuar appeared first on BoldNews.al.

Një automjet tip Maserati, me targa AB 803 RX, ka marrë flakë në afërsi të daljes së tunelit të Skërficës, në aksin rrugor Sarandë – Gjirokastër, pasditen e sotme. Menjëherë pas marrjes së njoftimit, në vendngjarje u dërguan dy automjete zjarrfikëse me efektivët përkatës. Pas mbërritjes, u konstatua se zjarri kishte përfshirë pjesën e përparme […]

The post Maserati shpërthen në flakë pranë tunelit të Skërficës/ PAMJE appeared first on BoldNews.al.

Zjarri që nisi dy ditë më parë në zonën e Kalasës dhe Tatzatit në Delvinë, ka marrë përmasa të mëdha. Flakët janë përhapur me shpejtësi nga zona e quajtur Hallastar, duke hyrë në brendësi të fshatit dhe përfshinë banesa, sipërfaqe ullishtesh dhe pemë frutore. Në fshatin Senicë janë djegur 11 shtëpi, disa prej të cilave […]

The post Zjarri në Delvinë merr përmasa të mëdha, shkon në 11 numri i banesave të djegura në Senicë appeared first on BoldNews.al.

Një ngjarje e rëndë tronditi vendin ditën e djeshme (24 Korrik) ku u zbulua se 26-vjeçarja Emanilda Rama kishte mbytur me tel babain e saj dhe vdekjen e tij e kishte raportuar si aksidentale. Kryeplaku i fshatit ka treguar se nënën e bijë e dhunon viktimën, si edhe e linin pa bukë. Madje shtoi ai, […]

The post 26-vjeçarja mbyti me tel të atin, kryeplaku i fshatit: Nënë e bijë e rrihnin, e linin pa bukë appeared first on BoldNews.al.

Vajza tjetër e 56-vjeçarit Anesti Rama, i cili u mbyt me tel nga vajza e tij Emanilda Rama, ka folur për mediat lidhur me ngjarjen e rëndë teksa të dyshuara janë motra dhe nëna e saj. Ajo tha për Top Channel se e kishte telefonuar motra dhe i kishte thënë se babi ka rënë në […]

The post Vrasja në Fier, vajza e viktimës zbulon çfarë i thanë në telefon e ëma dhe motra appeared first on BoldNews.al.

Një 18-vjeçar është arrestuar në Durrës në kuadër të operacionit policor të koduar “Zona”. Klajdi Koçi u kap në lagjen nr. 13, Plazh duke drejtuar një automjet pa leje drejtimi. Gjatë kontrollit të ushtruar në automjet, shërbimet e Policisë gjetën dhe sekuestruan dhjetëra doza me lëndë narkotike të dyshuar cannabis sativa dhe qese farmaceutike, të […]

The post Shiste kanabis në zonën e plazhit në Durrës, arrestohet 18-vjeçari (EMRI) appeared first on BoldNews.al.

Ambasada e Shteteve të Bashkuara në Tiranë ka sqaruar në lidhje me afatet mbi vizat amerikane dhe kohëzgjatjen e qëndrimit në SHBA për vizitorët ndërkombëtarë. Në një postim në rrjetet sociale, Ambasada bën me dije se data e skadencës së vizës nuk përcakton kohëzgjatjen e lejuar të qëndrimit në SHBA. Sipas Ambasadës, është Oficeri i […]

The post Ambasada Amerikane: Ja kush e përcakton kohëzgjatjen e qëndrimit të vizitorëve në SHBA appeared first on BoldNews.al.

Policia e Tiranës ka arrestuar një 42-vjeçar, në kuadër të operacionit “Totali”, pasi ishte shpallur në kërkim për mashtrime të përsëritura ndaj qytetarëve. Arbër Ogreni u kap në zonën e “Xhamllikut”, pasi akuzohet se iu merrte qytetarëve shuma që varionin nga 300 000 deri në 400 000 lekë, duke i mashtruar se do t’u kryente […]

The post U merrte qytetarëve paradhënie për punimet, por nuk i kryente kurrë, arrestohet 42-vjeçari/ EMRI appeared first on BoldNews.al.

Nga Gazeta ‘SI’ – Sezoni veror 2025 nuk po ecën sipas pritshmërive.

Shifrat e INSTAT tregojnë se trendi rritës i turistëve gjatë qershorit 2025 është disa herë më i vogël se në qershorin e shkuar. Qershorin e këtij viti hyrjet në Shqipëri janë rritur me 7.6%, nga 21.5% një vit më parë.

Numri i të huajve është rritur me 7.1% këtë vit ndërsa një vit më parë raportohej rritje rreth 24%.

Sipas INSTAT në gjysmën e parë të vitit, Shqipëria u vizitua nga 4.76 milionë turistë të huaj, nga 4.54 milionë që ishte shifra në të njëjtën periudhë të vitit të kaluar duke u rritur me vetëm 4.85.

Sipas origjinës së shtetasve të huaj që kanë hyrë në vend, Europa vijon të jetë rajoni kryesor. Të dhënat tregojnë se 94 % e hyrjeve të shtetasve të huaj në Shqipëri janë nga rajoni i Europës, ku rajoni jugor zë 70 % të hyrjeve.

Qëllimi i hyrjes në territorin shqiptar i shtetasve të huaj, në 98 % të rasteve është për qëllime personale, ku dominojnë hyrjet për Pushime, vizitë tek të afërm, etj. Në Qershor 2025, ky tregues ka shënuar një rritje me 6.8% krahasuar me Qershor 2024. Hyrjet e shtetasve të huaj për qëllime Biznesi dhe profesionale janë rritur me 28%.

The post Vera 2025/ Rritje anemike e turistëve në Shqipëri appeared first on Gazeta Si.

TIRANË, 24 korrik/ATSH/ Aksioni për lirimin e hapësirave publike është shtrirë në të gjithë vendin ku po ndërhyhet jo vetëm në zonat urbane dhe plazhe, por edhe në akset kombëtare.

Kryeministri Edi Rama ndau sot foto nga ndërhyrja që po kryhet për çmontimin e një strukture në anë të një rruge kombëtare.

“Ka nisur edhe përpjekja për çlirimin e buzërrugëve kombëtare nga rraqet e llojllojshme të bizneseve anë rrugës”, tha Rama, ndërsa paralajmëroi se bizneset në anë të segmenteve rrugore kanë afat deri në 31 korrik për të larguar vetë çdo lloj materiali që ndodhet më pak se 20 m nga aksi i rrugës.

“Kjo është edhe distanca ligjore e sigurisë, përjashtuar objektet e ndërtuara me leje, po jo materialet në oborret e tyre të përparme, gardhet e të cilëve po ashtu do të duhet të tërhiqen në maksimumin e mundshëm, sipas projektit që do t’u dorëzohet më tutje nga ARRSH”, shtoi Kryeministri.

Rama tha se “mbajtja buzë rrugëve e rraqeve si këto në foto apo të tjera, nga materialet ndërtimore tek inertet dhe makinat e vjetra e me radhë, përtej afatit të paralajmëruar do të shoqërohet me masa të rënda ndëshkimore sipas parashikimeve ligjore në fuqi”.

“Tanimë Shqipëria po troket në derën e Bashkimit Europian dhe kjo fazë kalimtare e ushtrimit të aktivitetit ekonomik në dëm të komunitetit e të mjedisit në tërësi, po edhe të sigurisë së qarkullimit në rrugët kombëtare në veçanti, duhet të konsiderohet e mbyllur. Nga të gjithë dhe me mirëkuptimin më të madh kombëtar, për Shqipërinë 2030 në BE”, u shpreh kryeministri.

Lirimi i hapësirave publike shihet si një hap i domosdoshëm për rritjen e shërbimit, funksionalitetit të çdo biznesi dhe sipërmarrjeje në përputhje me standardet kombëtare të mikpritjes dhe shërbimit jo vetëm në zonat turistike, por në çdo cep të Shqipërisë.

Gjatë gjithë muajit korrik lirimi i hapësirave publike do të jetë në fokus të angazhimit të pushtetit vendor dhe qendror.

Lirimi i hapësirave publike në qytete dhe plazhe në të gjithë vendin, synon të garantojë një bashkëjetesë brenda standardeve për të gjithë komunitetin.

/m.m/

The post Rama apel bizneseve në akset kombëtare: Deri më 31 korrik lironi hapësirat ose masa të rënda appeared first on Agjencia Telegrafike Shqiptare.

Për herë të 52-të me radhë, Kuvendi i Kosovës nuk arriti të konstituohej, duke shtyrë edhe më tej ngërçin institucional në vend. Kryesuesi i Kuvendit, Avni Dehari, njoftoi se seanca e radhës do të mbahet të shtunën, më 26 korrik, në orën 14:00. “Dje jeni njoftuar me vendimin e Gjykatës Kushtetuese për masën e përkohshme […]

The post Kuvendi i Kosovës dështon për herë të 52-të të konstituohet, nesër seanca e radhës appeared first on BoldNews.al.

Policia e Gjirokastrës ka arrestuar një person të akuzuar në Spanjë se ka kultivuar bimë narkotike, me llamba, në ambient të mbyllur. Në kuadër të operacionit të koduar “The Wanted” u vu në pranga me qëllim ekstradimin shtetasi E. B., 39 vjeç. Gjykata e Sabadell, Spanjë, në muajin qershor 2025, i ka caktuar masën e […]

The post Në kërkim nga Spanja për “shtëpi bari”, arrestohet në Gjirokastër 39-vjeçari appeared first on BoldNews.al.

Prokuroria e Tiranës ka sekuetruar pasuritë e pajustifikuara dhe të padeklaruara të ish-ambasadorit të Shqipërisë në Doha, Edmond Çaça, si dhe bashkëshortes së tij, Bianka Çaça. Hetimet nisën pas referimit të materialit kallëzues nga ILDKPI për veprën penale ‘Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur […]

The post Llogari bankare dhe mijëra hektarë pyje, sekuestrohen pasuritë e ish-ambasadorit shqiptar appeared first on BoldNews.al.

Sektori i blegtorisë prej vitesh ishte në krizë, por numri i shpendëve ishte në rritje nga investimet në pulari të mëdha në zonën e qendrës së vendit. Kjo tendencë ka ndryshuar vitet e fundit. Sipas të dhënave zyrtare të INSTAT numri i pulave në vend në vitin 2024 ishte në rënie për të tretin vit […]

The post Sektori i pularisë hyn në vitin e tretë të rënies, qarqet me humbjet më të mëdha appeared first on BoldNews.al.

Ministri i Drejtësisë, Ulsi Manja, prezantoi këtë të premte draftin e ri të Kodit Penal, për të cilin u shpreh se puna ka nisur që në vitin 2019 nga një grup ekspertësh. Në draftin e ri të Kodit penal vihet re se janë shtuar disa vepra të reja penale që kanë të bëjnë me sigurinë […]

The post Hiqen disa nene nga dekriminalizimi, zbardhet drafti i Kodit të ri Penal appeared first on BoldNews.al.