Arabia Saudite nënshkroi marrëveshje të rëndësishme investimi dhe partneriteti me Sirinë më 24 korrik, me vlerë prej 6.4 miliardë dollarësh, për të ndihmuar në rindërtimin e infrastrukturës, telekomunikacionit dhe sektorëve kryesorë të tjerë të vendit të shkatërruar nga lufta.

Mbretëria e pasur me naftë në Gjirin Persik është një nga mbështetëset kryesore të Qeverisë e re siriane, e cila mori pushtetin pas një ofensive të udhëhequr nga islamistët që rrëzoi nga pushteti udhëheqësin e komtshëm të Sirisë, Bashar al-Assad, në dhjetor.

Duke folur në Forumit të Investimeve Siri-Arabi Saudite të mbajtur në pallatin presidencial në Damask, ministri saudit i Investimeve, Khalid Al-Falih, njoftoi për “nënshkrimin e 47 marrëveshjeve dhe memorandumeve mirëkuptimi… me një vlerë totale prej gati 6.4 miliardë dollarëve”.

Me praninë e presidentit të përkohshëm sirian, Ahmed al-Sharaa, dhe zyrtarëve të tjerë, ministri sirian i Ekonomisë, Mohammed al-Shaar, e quajti këtë forum “një hap të madh në historinë e marrëdhënieve midis dy vendeve tona vëllazërore”.

Falih tha se 2.9 miliardë dollarë do të dedikohen për infrastrukturë dhe do të ndërtohen tri fabrika të çimentos. Kompanitë saudite të telekomunikacionit do të investojnë rreth 1.07 miliardë dollarë “me qëllim zhvillimin e infrastrukturës dhe përmirësimin e kapaciteteve të sigurisë kibernetike”, shtoi ai. Sektorë të tjerë, përfshirë bujqësinë dhe financat, pritet gjithashtu të përfitojnë nga marrëveshjet e mëdha.

Të enjten, ekspertët e Kombeve të Bashkuara mirëpritën heqjen e sanksioneve ndaj Sirisë nga Shtetet e Bashkuara dhe shtetet e tjera perëndimore, duke thënë se kjo “hap rrugë premtuese për rimëkëmbje”.

“Ne i bëjmë thirrje Qeverisë së përkohshme t’i japë prioritet rindërtimit të infrastrukturës së qëndrueshme dhe shërbimeve publike për të përmbushur gamën e gjerë të të drejtave të njeriut që janë në rrezik në Siri”, tha OKB-ja.

Lufta 14-vjeçare civile në Siri shkatërroi pjesën më të madhe të infrastrukturës së vendit, dhe udhëheqësit e rinj shpresojnë të marrin mbështetje ndërkombëtare për përpjekjet e rindërtimit, të cilat OKB-ja i vlerëson se mund të kushtojnë mbi 400 miliardë dollarë.

Në fillim të këtij muaji, presidenti amerikan, Donald Trump, formalizoi heqjen e sanksioneve amerikane ndaj Sirisë, duke synuar riintegrimin e vendit në ekonominë globale.

Në maj, ai veçse kishte hequr shumicën e masave, pas thirrjeve nga Arabia Saudite dhe Turqia.

Në maj, Siria nënshkroi një marrëveshje për energji në vlerë prej 7 miliardë dollarësh me një konsorcium kompanish nga Katari, Turqia dhe SHBA-ja për të ndihmuar ringjalljen e sektorit të energjisë elektrike./REL

Në një debat të zhvilluar në emisionin “Real Story” në ABC News, analistët Martin Leka dhe Roland Bejko trajtuan çështjen e fragmentimit të partive kryesore në Shqipëri, me fokus të veçantë mbi të majtën dhe të djathtën politike.

Leka theksoi se përçarja e së majtës së Ramës mund të vijë vetëm nga një forcë e majtë me ideale të qarta, duke kritikuar partitë e vogla që, sipas tij, thjesht qahen.

“Berisha thotë kërkon edhe të ikë Veliaj edhe të qëndrojë në bashki. Ai kërkon që të përçajë të majtën e Ramës. Partia e majtë e Ramës mund të çahet vetëm nga një parti e majtë apo e qendrës së majtë duke pasur ideale dhe programe të ndryshme nga këto partitë e vogla që qahen”, tha analisti Martin Leka.

Ndërkohë, Bejko argumentoi se vetëm largimi i Berishës, si akt i vetëdijshëm apo si pasojë e ndërhyrjes së faktorit ndërkombëtar, mund të çojë drejt një bashkimi të së djathtës dhe një ndryshimi të vërtetë politik.

“Partia çahet vetëm nëse Berishës i vjen një frymëzim hyjnor dhe dorëhiqet. E çan një e djathtë e bashkuar. Nëse Berisha tërhiqet dhe kujdeset për një proces të paanshëm, ose drejtësia dhe amerikanët”, u shpreh analisti Roland Bejko./abcnews.al

Në një analizë mbi zhvillimet e fundit në skenën politike, analisti Martin Leka në emisionin “Real Story” në ABC News kritikoi ashpër nismën “Shqipëria Bëhet”, të cilën e cilësoi si një dështim që konfirmon modelin e vjetër të politikës.

Sipas tij, zgjedhjet në Tiranë mbeten thellësisht politike, për shkak të peshës së madhe elektorale të kryeqytetit. Ai theksoi se rrëzimi i kryeministrit Rama nuk mund të ndodhë pa një bashkëpunim të gjerë, përfshirë edhe figura si Berisha, Lapaj e Shehaj.

“Kemi përpara dy shembuj. Një shembull është politika e modelit të vjetër, si “Shqipëria Bëhet”, që tregon ë fakt që Shqipëria s’bëhet. Një komedi e paparë që i dha simptomat që në fushatë. Gjithçka bëhet dhe që duhet të diskutohet, është që zgjedhjet në Tiranë mbetet sërish politike sepse Tirana ka 1/3 e votuesve. Me shembullin që na tregoi “Shqipëria Bëhet” na tregon që nuk bëhet asnjë koalicion. Për të rrëzuar Ramën duhet të bëjë koalicion me Berishën, Lapajn, Shehajn e të tjerë”, tha analisti Leka.

Nga ana tjetër, Arlind Qori, kreu i “Lëvizjes Bashkë”, theksoi se formacioni i tij ka zgjedhur qëllimisht të dalë kundër rrymës politike të zakonshme, duke u mbështetur te idetë dhe jo te pazaret familjare apo aleancat e vjetra.

Ai shprehu kënaqësinë që nuk është përfshirë në konfliktet mes figurave të njohura, të cilat i cilësoi si përplasje mes “tezesh e dajash”. Sipas Qorit, problemi i partive të reja është se imitojnë më të keqen e të vjetrave, duke humbur vlerën e ideologjisë dhe reputacionit politik në afatgjatë.

“Ne dolëm kundër rrymës sepse ne besojmë në një politike të papëlqyer, ku kanë rëndësi idetë. Jam shumë i lumtur që Lëvizja Bashkë nuk u përfshi në sherr të tillë me teze dhe daja, se i binte të zgjoja edhe unë tezen time. PS dhe PD kanë qenë pjesë e organizimit të Shqipërisë, por që kanë degraduar rrugës. Problemi me partitë e reja janë që të imitojnë partitë e vjetra, por jo që në ideologjinë e tyre, por në fazën më të degraduar që kanë. Në politikën afatgjatë është shumë i rëndësishëm reputacioni. Në fund far është reputacioni që të mban në politikë”, tha Arlind Qori./abcnews.al

Kreu i “Lëvizjes Bashkë”, Arlind Qori, ka përsëritur distancimin e formacionit të tij politik nga të dy krahët tradicionalë të politikës shqiptare, qeveria dhe opozita, duke theksuar se Lëvizja Bashkë përfaqëson një alternativë të re.

Në një intervistë për emisionin “Real Story” në ABC News, Qori deklaroi se forca që ai përfaqëson do të ketë me siguri një kandidat për Bashkinë e Tiranës në rast të zgjedhjeve të parakohshme, ndërsa kërkoi sërish shkarkimin e kryebashkiakut Erion Veliaj.

“Nuk kemi asnjë gjë të përbashkët as me qeverinë dhe as me opozitën. Kështu që ne jemi të distancuar nga çdo element i së keqes që na ka mbytur prej dekadash. Është një pluralizëm i ideve të ngushta, por jo i popullsisë. Nuk e di nëse do të ketë zgjedhje në Tiranë. Ajo që Lëvizja Bashkë ka në dorë është që me siguri do të ketë kandidatin e vet në Bashkinë e Tiranës, nëse do të jem unë apo dikush tjetër ka kohë. E sigurt është që ne do të bëjmë të njëjtën fushatë të pazakontë, kudo të na vijë rasti. Ne vazhdojmë të kërkojmë shkarkimin e Erion Veliajt, e kemi kundërshtuar në çdo hap të tij. Për ne është gjë pozitive që Veliaj është duke u hetuar. Për ne Veliaj duhet të shkarkohet dhe Tirana të shkojë në zgjedhje të parakohshme”, tha Arlind Qori./abcnews.al

Analisti Frrok Çupi, i ftuar në “Tirana Live” në ABC News, ka krahasuar situatën e dy figurave të njohura të politikës shqiptare: Erion Veliaj dhe Sali Berisha.

Ai theksoi kontrastin mes qëndrimit të secilit ndaj drejtësisë, duke nënvizuar se ndërsa Veliaj përballet me hetime pa reaguar publikisht, Berisha sipas tij sulmon vazhdimisht institucionet si SPAK dhe drejtësinë në tërësi.

Çupi paralajmëron se pas humbjes së zgjedhjeve, Berisha mund të përballet me pasoja të rënda ligjore, për shkak të një sërë dosjesh të hapura ndaj tij.

“Kemi dy personalitet politike ballë-përballë, Erion Veliaj dhe Sali Berisha. Veliaj u thirr para disa muajsh, kurse Berisha vjet. Ndërkohë që Veliaj është i burgosur, Berisha është i lirë. Veliajt nuk i është mbyllur hetimi. Veliaj nuk ka bërë asnjë revoltë kundër drejtësisë, kurse Berisha bën grushte të fuqishme kundër SPAK dhe drejtësisë. Berisha në kundërshtim me ligjin i ka bërë të gjitha. Jemi në kohën kur krimin i madh po bëhet prezumor në çështje të tjera. Duket sikur Veliaj dhe çdo njeri tjetër i mazhorancës është si kukull në dorë në Berishës. Pas humbjes së zgjedhjeve Berishën e pret burgu, dosjet e tij janë njëra pa tjetrës. Patjetër që duhet të japë edhe dorëheqjen. Duhet zgjuar ndërgjegjja dhe vetëdija”, tha analisti./abcnews.al

Në një koment të drejtpërdrejtë në “Tirana Live” në ABC News, analisti Frrok Çupi ka dhënë një panoramë të zymtë për të ardhmen politike të Sali Berishës.

Ai thotë se lideri historik i së djathtës është tashmë i izoluar, i braktisur nga aleatët ndërkombëtarë dhe pa mbështetje reale në parti.

Sipas Çupit, “non grata” ndaj Berishës mbetet e palëkundur, morali ka rënë dhe PD-ja është e përçarë nga brenda. Ai sugjeron se Berisha po tenton të afrohet me Edi Ramën si një formë mbrojtjeje, por çdo përpjekje për t’u rikthyer në skenën politike duket e dënuar që në nisje.

“Berisha tani ka mbetur i izoluar nga mashtrimet e tij. Amerika nuk është më për të. “Non grata” nuk hiqet. Morali ka humbur. Partia i ka rrjedhur. Brenda për brenda në partinë e tij i ka punët keq. Berisha tenton me patjetër që të mbështetet tek një forcë e madhe. E shikon Ramën të madh, dhe kërkon ta shikojë si veten. I lëshon këto si sinjale për Ramën, që unë ta fala Veliajn, dhe bashkinë, ai kërkon të marrë mbrojtje nga Rama. Berisha nuk ka asgjë për të paraqitur. Këdo që të propozojë, edhe prej floriri të jetë, po qe kandidati i Berishës nuk ka për të fituar kurrë. Ajo çfarë ndodhi me Lapajn dhe të tjerët, ishte një festë për Berishën. Ishte një rast shumë i mirë për ta. Ai nuk merret për dy arsye me këtë gjë, për arsye se ai ka thënë se kush del prej nesh është i keq dhe e dyta, nëse ai u afrohet atyre sado pak politikisht, ai zbulon veten. Berisha ka bërë parti familjare si ata, janë e njëjta matrioshkë”, tha analisti Çupi./abcnews.al

Vëllai i viktimës Ferdinand Rama tregoi për mediat se bashkëshortët Anesti dhe Valbona Rama kishin një jetë me kontradikta, ajo nuk e donte, thoshte merreni mbajeni ju.

Ai shton se kishte 2 vite e gjysmë pa folur me të vëllain për shkak, se gruaja e 56-vjeçarit nuk i lejonte.

Kontradiktat me bashkëshortëve Rama nuk janë të panjohura edhe për policinë lokale pasi sipas të afërmeve të familjes policia është thirrur për të ndërhyrë shpesh here ne sherret e kësaj familjeje.

“Merreni thoshte mbajeni ju, i merrni pensionin e bëji çfarë të doni. Unë nuk e dua më. Kanë dy fëmijë, dy çupa. Unë kam qenë në Greqi, unë e mora vesh nga kunata. Kam rreth dy vite e gjysmë që nuk flisja me vëllain nuk e linte ajo që ne të flisnim”, tha vëllai i viktimës Ferdinand Rama.

Të nj1%jtë gjë ka konfirmuar edhe kushëriri i viktimës.

“Këtu nuk ka ardhur një polici, por nja 10-15 vetë. Kishin kontradikta të vazhdueshme. Kur e mora vesh thashë kushedi se çfarë do të kenë bërë. Ai shoku më tha mua i ka rënë infarkt. Kanë krijuar konflikte të vazhdueshme”, ka deklaruar kushëriri i viktimës, Edmond Rama.   /abcnews.al

Një zjarr i rënë në pjesën greke të Kakavijës, ka detyruar zyrtarët policorë që të ndërpresin përkohësisht punën.

Zjarri ka rënë larg objektit përpunues të pasaportave apo doganës greke, por tymi i çliruar nga flakët, ka nxitur policët fqinj që të zbatojnë protokollin e emergjencave të zjarreve duke ndaluar procesin e kalim-përpunimit si në hyrje dhe në dalje të territorit grek.

Kjo ka shkaktuar radhë kilometrike në të dy anët e kufirit. Në vendngjarje janë angazhuar forcat zjarrfikëse greke si dhe një helikopter për të shuar flakët e zjarrit.

Situata për momentin është nën kontroll dhe pritet nga momenti në moment të stabilizohet./abcnews.al

Një krim i rëndë ka ndodhur në një familje në fshatin Frashër të Fierit rreth orës 23:00 të ditës së djeshme.

26-vjeçarja Emanilda Rama ka mbytur babain e saj me tel, 56-vjeçarin Anesti Rama. Më pas e reja ka shkuar në polici dhe e ka kallëzuar si një ngjarje aksidentale. Policia ka arrestuar të renë, bashkë me të është shoqëruar në komisariat edhe e ëma.

Kjo e fundit dyshohet se ka ndihmuar 26-vjeçaren për pastrimin e trupit të 56-vjeçarit të vrarë, me qëllim inskenimin e ngjarjes si aksidentale.

Vijojnë hetimet, në drejtimin e Prokurorisë, me qëllim dokumentimin me prova ligjore të të gjitha rrethanave të këtij rasti.

Materialet procedurale iu referuan Prokurorisë së Fierit, për veprime të mëtejshme./abcnews.al

Një ngjarje e rëndë ka ndodhur në Luginën e Patokut, pasditen e kësaj të enjteje. Dy 16-vjeçarë kanë hyrë në det për t’u larë, duke kaluar përmes kanalit që lidh lagunën me detin, njëri prej 16-vjeçarëve është nxjerrë nga uji dhe është transportuar në spital.

Ndërsa 16-vjeçari tjetër dyshohet se është mbytur dhe trupi i tij nuk është gjetur ende.

Në vendngjarje ndodhen shërbimet e Komisariatit të Policisë Kurbin dhe të Policisë Kufitare, si dhe është kërkuar ndërhyrja e polumbarëve të RENEA-s, për kërkimin dhe gjetjen e trupit.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes./abcnews.al

Të paktën pesë persona humbën jetën nga sulmet ajrore me dron të ndërmarra nga Rusia dhe Ukraina, disa orë pas përfundimit të raundit të tretë të bisedimeve për armëpushim, të mbajtura në Stamboll.

Tre viktima u gjetën nën rrënojat e një banese të goditur në rajonin lindor të Kharkivit, ndërsa disa persona të tjerë u plagosën në qytetet Çerkasi dhe Zaporizhia. Në qytetin port të Odesës, në Detin e Zi, u dëmtuan tregu i njohur Pryvoz dhe një bulevard qendror që është pjesë e trashëgimisë botërore të UNESCO-s. Autoritetet raportuan disa zjarre të shpërthyera në qytet pas sulmeve të natës.

Ndërkohë, autoritetet ruse bënë të ditur se dy persona u vranë dhe 11 të tjerë u plagosën nga një sulm me dron ukrainas në qytetin Soçi, në rajonin Krasnodar të Rusisë. Një tjetër sulm rus në Kharkiv të enjten në mëngjes la të plagosur 33 persona.

Delegacionet e Rusisë dhe Ukrainës u takuan të mërkurën në mbrëmje në Stamboll për raundin e tretë të bisedimeve për armëpushim. Takimi zgjati më pak se një orë dhe nuk pati ndonjë përparim domethënës.

Kreu i delegacionit rus, Vladimir Medinsky, deklaroi se palët u dakordësuan për shkëmbimin e 1 mijë e 200 të burgosurve të luftës dhe se Rusia ka ofruar t’i kthejë Ukrainës trupat e 3.000 ushtarëve të rënë. Megjithatë, nuk u morën hapa konkretë për t’i dhënë fund konfliktit, i cili tashmë ka hyrë në vitin e katërt. Të dyja palët akuzuan njëra-tjetrën për mungesë gatishmërie për kompromis.

“Ne nuk prisnim ndonjë përparim. Është vështirë të ndodhë një përparim në këtë fazë,” tha zëdhënësi i Kremlinit, Dmitry Peskov, të enjten.

Përpara takimit, kreu i delegacionit ukrainas, Rustem Umerov, tha se prioritet për Kievin mbetet organizimi i një takimi midis presidentëve Vladimir Putin dhe Volodymyr Zelensky para fundit të gushtit. Por Peskov e hodhi poshtë këtë ide, duke e quajtur të parakohshme.

“Ata [Ukraina] po i paraprijnë ngjarjeve. Duhet shumë më tepër punë përpara se të mendohet një takim i tillë,” deklaroi ai.

Deputeti ukrainas Oleksiy Hocharenko tha në Facebook se Umerov dhe Medinsky zhvilluan edhe një takim dypalësh të mbyllur, jashtë kuadrit zyrtar të bisedimeve. Ai shtoi se të dy kanë një “marrëdhënie të mirë” personale.

Dy raundet e mëparshme të bisedimeve u zhvilluan në maj dhe qershor, me nismën e presidentit amerikan Donald Trump, i cili ka deklaruar disa herë se dëshiron t’i japë fund “luftës së përgjakshme dhe të tmerrshme” që nisi me pushtimin rus të Ukrainës në vitin 2022.

Në fillim të këtij muaji, Trump vendosi një afat prej 50 ditësh për përfundimin e luftës, duke paralajmëruar “tarifa të rënda” ndaj Rusisë nëse nuk arrihet një marrëveshje.

Rusia vazhdon të këmbëngulë në kushtet e saj për paqe, duke përfshirë neutralitetin e Ukrainës, uljen drastike të kapaciteteve ushtarake dhe heqjen dorë nga aspiratat për anëtarësim në NATO,  kërkesa të papranueshme për Kievin dhe aleatët e tij perëndimorë.

“Do të bëjmë gjithçka që diplomacia të funksionojë,” shkroi Zelensky në rrjete sociale pas takimit. “Por është Rusia ajo që duhet ta përfundojë këtë luftë, të cilën e nisi vetë.”/abcnews.al

Kompania turke Aselsan prezantoi teknologji të reja në panairin ndërkombëtar të mbrojtjes IDEF 2025 në Stamboll, të zhvilluara për sistemin shumë-shtresor të mbrojtjes ajrore “Steel Dome”.

Drejtori i përgjithshëm Ahmet Akyol njoftoi prezantimin e sistemit “Ejderha”, që neutralizon dronët me valë elektromagnetike në distancë deri një kilometër. Ai theksoi gjithashtu versionin e përmirësuar të sistemit elektronik “Koral”, i cili bllokon radarët armiqësorë me efikasitet dyfish më të lartë.

Sistemi “Turan”, i bazuar në inteligjencë artificiale, do të lidhë dhe menaxhojë të gjitha komponentët e “Steel Dome” përmes një rrjeti të vetëm. Ndërkohë, “Gurz”, një automjet autonom tokësor, do të ofrojë mbrojtje kundër raketave dhe sulmeve ajrore.

Akyol prezantoi edhe sistemin “Goktan”, që kombinon raketa dhe municion të drejtueshëm nga toka, i qëndrueshëm ndaj ndërhyrjeve GNSS dhe i aftë për goditje të sakta nga çdo drejtim. Ai tha se Aselsan po kontribuon edhe në arkitekturën e mbrojtjes ajrore të NATO-s.

IDEF 2025, në edicionin e 17-të, do të zgjasë gjashtë ditë dhe organizohet nga KFA Fairs me mbështetjen e Sekretariatit të Industrisë së Mbrojtjes së Turqisë dhe Fondacionit të Forcave të Armatosura Turke. Partner global i komunikimit është agjencia Anadolu./abcnews.al

Drejtoria e Hetimit të Krimit Kibernetik në Policinë e Shtetit informon opinionin publik lidhur me një skemë mashtruese që po qarkullon së fundi, përmes mesazheve SMS dhe aplikacioneve të komunikimit elektronik.

Shtetas ende të paidentifikuar po dërgojnë mesazhe që përmbajnë linke të rreme, me pretendimin se është i nevojshëm përditësimi i të dhënave bankare ose verifikimi i llogarisë së qytetarëve. Pasi qytetarët klikojnë mbi këto linke dhe japin të dhënat e tyre personale apo bankare, autorët e këtyre veprimeve arrijnë të aksesojnë llogaritë bankare dhe në shumë raste, kanë realizuar vjedhjen e shumave të konsiderueshme monetare.

Policia e Shtetit thekson se asnjë institucion bankar apo shtetëror nuk kërkon përmes SMS-ve apo linkeve të dyshimta dërgimin e të dhënave sensitive, si numrat e kartave bankare, kodet PIN apo kredencialet e tjera të sigurisë.

Për këtë arsye, iu bëjmë thirrje të gjithë qytetarëve: Të mos klikojnë në asnjë link të dërguar nga burime të panjohura; Të mos japin të dhënat e tyre personale apo bankare në forma të dyshimta online. Të verifikojnë çdo informacion të tillë drejtpërdrejt me institucionin përkatës (bankë apo agjenci shtetërore).

Të raportojnë menjëherë çdo rast të dyshuar pranë strukturave të hetimit të krimit kibernetik në Policinë e Shtetit.

Policia e Shtetit vijon të ndjekë me prioritet këto raste dhe po bashkëpunon ngushtë me institucionet financiare dhe partnerët, për identifikimin dhe ndjekjen penale të autorëve. Respektoni sigurinë tuaj digjitale! Mos ndani të dhëna personale me burime të pasigurta!

Një re zie ka mbuluar Shqipërinë këtë të mërkurë, 23 korrik 2025, teksa gjashtë jetë u shuan brenda vetëm 24 orëve në aksidente tragjike.

Një turiste nga Holanda humbi tragjikisht jetën në plazhin e Filikurit në zonën e Potamit në Himarë pasi u rrëzua nga lartësia. 23-vjeçarja holandeze rreshqiti aksidentalisht. Shoku i saj u përpoq ta mbajë, por nuk ka mundur, duke bërë që ajo bjerë nga një lartësi prej rreth 30 metrash.

Mesditën e kësaj të mërkure një aksident i rëndë ndodhi në Bulqizë, ku humbën jetën dy persona, Desta Gjeta dhe Burhan Gjoka. Kurse një fëmijë i mitur mbeti i plagosur dhe u ndodhet te Spitali i Traumës në gjendje të rëndë shëndetësore.

Ndërkohë një aksident tjetër u shënua në Dibër. Tek Ura e Luznis në fshatin Hotesh, një makinë u gjet e përmbysur në oborrin e një banesë, ku për pasojë ndërroi Arta Çera dhe mbeti i plagosur bashkëshorti i saj, Hajri Çera.

Një tragjedi ndodhi në Krujë. Ku një vajzë e mitur, rreth moshës 4-vjeçare u përplas aksidentalisht me makinë nga babai i saj, në afërsi të biznesit të tyre. E mitura u çua menjëherë në spital, por fatkeqësisht nuk mundi që t’u mbijetonte plagëve.

Një aksident i rëndë me pasojë vdekjen e dy personave dhe plagosjen e tre të tjerëve ka ndodhur në aksin rrugor Lezhë–Shkodër, në afërsi të fshatit Piraj, mbrëmjen e kësaj të mërkure.

Një autoveturë u përplas me një trailer me targa serbe dhe më pas ka përfunduar jashtë rruge, duke u rrëzuar në një kanal. Si pasojë e përplasjes, një grua e moshuar që udhëtonte si pasagjere në autoveturë ka humbur jetën në vend, ndërsa tre pasagjerë të tjerë, mes tyre edhe një fëmijë, si dhe drejtuesi i mjetit, kanë mbetur të plagosur./abcnews.al

Read More...

Shtetet e Bashkuara kanë dhënë miratimin për një paketë të re shitjeje ushtarake drejt Ukrainës, me një vlerë prej 322 milionë dollarësh. Marrëveshja përfshin raketa për mbrojtje ajrore si dhe automjete taktike, me qëllim forcimin e kapaciteteve mbrojtëse të Kievit përballë sulmeve të vazhdueshme nga Rusia.

Kjo ndihmë vjen në një kohë kur Ukraina ka nisur të zbatojë një strategji të re mbrojtjeje, e përqendruar te zhvillimi dhe përdorimi i dronëve interceptorë mjete ajrore pa pilot të destinuara për të ndaluar dhe asgjësuar objektiva ajrore armike.

Pavarësisht se forcat ukrainase disponojnë sisteme të avancuara si bateria raketore Patriot, përdorimi i tyre është i kufizuar për shkak të kostos së lartë dhe numrit të kufizuar. Një raketë e vetme Patriot arrin një çmim mbi 3 milionë dollarë, çka i bën ato më pak të përshtatshme për përdorim të shpeshtë pa ndikuar në rezervat strategjike.

Në kontrast, dronët interceptorë ofrojnë një alternativë më të lirë dhe më të qëndrueshme, si në aspektin financiar ashtu edhe në aspektin operacional. Investimi në këtë teknologji synon të zgjerojë mbulimin ajror të Ukrainës me mjete më të aksesueshme dhe të përshtatura për luftën moderne.

Kriza humanitare në Gazë po thellohet mes sulmeve të vazhdueshme izraelite dhe bllokadës së ndihmave. Ministria palestineze e Shëndetësisë ka njoftuar se 10 persona kanë vdekur nga uria në 24 orët e fundit në enklavë. E para njoftimit, mbi 100 organizata kanë kërkuar ndërhyrje urgjente ndërkombëtare për të ndalur urinë dhe për të siguruar një armëpushim të përhershëm. Por me paralajmërimin e organizatave humanitare nuk është pajtuar Qeveria e Izraelit.

Të paktën dhjetë persona kanë vdekur nga uria në Rripin e Gazës në 24 orët e fundit, ka njoftuar të mërkurën Ministria palestineze e Shëndetësisë.

Sipas drejtorit të përgjithshëm të kësaj ministrie, Munir al – Boursh, situata është alarmante.

“Numri i vdekjeje nga uria dhe kequshqyerja po rritet në shkallë alarmante. Këta nuk janë thjesht numra janë thirrje për ndihmë, një lutje njerëzore për botën që të veprojë para se të jetë vonë”, ka theksuar al- Boursh.

Njoftimi i Ministrisë së Shëndetësisë u dha pak kohë pasi mbi 100 organizata humanitare dhe të drejtave të njeriut u bënë thirrje qeverive të ndërmarrin veprime urgjente për të ndalur përhapjen e urisë në Gazë.

Organizatat kërkuan gjithashtu armëpushim të menjëhershëm dhe të përhershëm, si dhe heqjen e të gjitha pengesave për shpërndarjen e ndihmave humanitare.

Në deklaratën e nënshkruar nga 111 organizata, përfshirë “Mercy Corps”, Këshillin Norvegjez për Refugjatët dhe “Refugees International”, paralajmërohet se uria në Gazë po përhapet me shpejtësi të madhe, ndërkohë që ndihmat jetike, si ushqimi, uji dhe barnat, qëndrojnë të pashpërndara pranë kufirit, pasi organizatave humanitare u ndalohet të veprojnë.

“Derisa rrethimi i qeverisë izraelite po i lë të uritur banorët e Gazës, punonjësit e ndihmave po bashkohen me ta në radhët për ushqim, duke rrezikuar të qëllohen. Furnizimet kanë mbaruar plotësisht dhe organizatat humanitare po shohin kolegët dhe partnerët e tyre teksa rraskapiten para syve të tyre”, thuhet në reagimin e organizatave.

E zëdhënësi i Qeverisë izraelite, David Mencer, në reagimin e tij ka thënë se deklarata e organizatave humanitare është e rreme dhe s’përkon me realitetin në terren.

“Çdoherë që ka krizë të urisë në Gazë, ajo është e orkestruar nga Hamasi. Ata po përpiqen të parandalojnë shpërndarjen e ushqimit duke plaçkitur kamionët me ndihma”, ka deklaruar zëdhënësi i qeverisë izraelite.

Pavarësisht kësaj, ofensiva izraelite nuk ka ndaluar duke shkaktuar vdekjen e 21 palestinezeve në orët e hershme të së mërkurës. Në sulmin e fundit izraelit në enklavë raportohet se shumica e të vdekurve ishin gra dhe fëmijë.

Bombardimet goditën një shtëpi në pjesën veriperëndimore të qytetit të Gazës, duke lënë të vrarë të paktën 12 persona, bazuar në raportin nga spitali Shifa, në të cilin ishin trajtuar trupat e viktimave. Një tjetër sulm ka goditur një ndërtesë banimi në zonën Tal al-Hawa në veri të Gazës, duke vrarë të paktën gjashtë persona.

Mes të vdekurve ishin tre fëmijë dhe dy gra. Tetë të tjerë kanë mbetur të plagosur. Sulmi i tretë ka goditur një tendë në lagjen Naser të qytetit të Gazës në orët e vona të së martës, ku mbetën të vrarë tre fëmijë, theksohet në njoftim.

Sipas ushtrisë izraelite, forcat e saj kanë goditur rreth 120 caqe në të gjithë Gazën gjatë 24 orëve të fundit, duke përfshirë celula militante, tunele dhe ndërtesa të minuara.

Rundi i tretë i bisedimeve mes Rusisë dhe Ukrainës janë takuar mbrëmjen e 23 korrikut në Stamboll, me ministrin e Jashtëm turk, Hakan Fidan, që u ka bërë thirrje palëve që t’i japin fund sa më shpejt që të jetë e mundur “luftës së përgjakshme”, që ka nisur mbi tre vjet më parë.

“Qëllimi ynë është që t’i jepet fund luftës së përgjakshme sa më shpejt që të jetë e mundur. Qëllimi përfundimtar është një armëpushim që do t’i hapte rrugë paqes”, tha Fidan në nisje të negociatave.

Turqia, e cila ka raporte të mira me të dy fqinjët e saj në Detin e Zi, ka furnizuar Ukrainën me dronë dhe nuk i është bashkuar Perëndimit në sanksionimin e Moskës.

Ministri Fidan falënderoi liderët rus dhe ukrainas, Vladimir Putin dhe Volodymyr Zelensky, për shfaqjen e “vullnetit për të mbajtur këto bisedime”, si dhe presidentin amerikan Donald Trump, për thirrjet e tij për t’i dhënë fund luftës.

Ai tha se raundi i parë dhe i dytë i bisedimeve, të cilët gjithashtu u zhvilluan në Stamboll, arritën “rezultate të rëndësishme”.

“Jemi të gëzuar që kemi parë realizimin e këmbimit të të burgosurve”, tha ai.

“Shpresa jonë për këtë raund të tretë negociatash është që palët të zhvillojnë konsultime thelbësore dhe të orientuara drejt rezultateve mbi memorandumet që kanë shkëmbyer”, tha Fidan.

Ai shtoi gjithashtu se nëse arrihet një armëpushim, Turqia ka “infrastrukturën e nevojshme për një mekanizëm për ta monitoruar atë”.

Palët janë takuar në Stamboll në maj dhe qershor dhe janë pajtuar vetëm për këmbimin e të burgosurve dhe trupave të ushtarëve të vrarë.

Javën e kaluar, presidenti amerikan, Donald Trump, i dha Rusisë 50 ditë kohë që t’i japë fund luftës, në të kundërtën tha se Moska do të përballet me sanksione. Por, Kremlini nuk ka dhënë sinjale se ka vullnet për kompromis.

“Askush nuk pret një rrugë të lehtë. Do të jetë shumë e vështirë”, u tha gazetarëve zëdhënësi i Kremlinit, Dmitry Peskov, kur u pyet për pritjet e tij për bisedimet.

Ukraina tha se shpreson që të dy vendet do të diskutojnë për lirimin e të burgosurve dhe të nisin punën për një takim mes Zelenskyt dhe Putinit.

Të dy palët kanë qëndrime krejtësisht të ndryshme për përfundimin e konfliktit.

Rusia ka kërkuar që Ukraina të tërhiqet nga katër rajonet ukrainase që Moska pretendon se i ka aneksuar në shtator të vitit 2022 një kërkesë që Kievi e ka cilësuar si të papranueshme.

Ukraina ka përjashtuar çdo negociatë për territorin para një armëpushimi dhe ka thënë se kurrë nuk do të njohë pretendimet e Rusisë mbi territoret e pushtuara përfshirë Krimenë, të cilën Moska e aneksoi në vitin 2014.

Rusia ka nisur pushtimin e plotë të Ukrainës në shkurt të vitit 2022. Lufta ka shkatërruar pjesë të mëdha në lindje dhe jug të Ukrainës dhe ka lënë të vrarë dhjetëra mijëra ushtarë dhe civilë.

Në një analizë të drejtpërdrejtë në emisionin “Real Story” në ABC News, analisti Arben Meçe komentoi zhvillimet më të fundit që lidhen me përballjen ligjore të kryebashkiakut të Tiranës, Erion Veliaj, si dhe solli në vëmendje raste të tjera të ngjashme në skenën politike shqiptare.

Meçe theksoi se ndryshe nga rasti i Jamarbër Malltezit, i cili ndodhet në fazë gjykimi për një vepër penale, apo Sali Berishës, që ndonëse përballet me akuza të rënda është ende i lirë, Veliaj po kalon një proces ku ka të drejtë të kërkojë ndryshimin e masës së sigurisë, ndërsa vazhdon të deklarojë pafajësinë e tij.

Sipas Meçes, situata ndaj Veliajt është kthyer në një përplasje mes ligjit dhe perceptimit publik, ku shumë qytetarë shohin një lloj ndëshkimi nga ana e kryeministrit Rama, një ide që ai e hodhi poshtë, duke argumentuar se Rama po qëndron jashtë këtij procesi dhe është i përqendruar në menaxhimin e punëve të qytetit.

“Jamarbër Malltezi e kishte kaluar fazën e deklarimit të veprës penale dhe ishte në gjykim. Berisha është me vepër penale sot dhe është i lirë. Veliaj ka të drejtë të kërkoj ndryshimin e masës së sigurisë. Erion Veliaj të gjitha deklaratat e i ka që unë jam i pafajshëm, ai nuk e pranon fajësinë. Ne jemi në një pistë ligjore dhe në një debat politik për Erion Veliajn. Jo më shumë se sa një orë më parë dy miqtë më takojnë dhe më thonë pse Edi Rama po dënon Erion Veliajn. Sepse kanë këtë perceptim, ndërkohë që Rama nuk është i përfshirë fare. Rama qëndron në distancë dhe është i fokusuar që të zgjidhë hallet që ka qyteti. Sali Berisha po paralizohet sepse prodhoi VKM dhe prodhuan korrupsion dhe normalisht duhet të pranojë që të japë dorëheqjen”, tha analisti./abcnews.al

Pothuajse 75 mijë meksikanë janë kthyer vullnetarisht në vendlindje nga Shtetet e Bashkuara në gjashtë muajt që kur Donald Trump nisi mandatin e dytë presidencial.

Kështu deklaroi presidentja e Meksikës, Claudia Sheinbaum, më 23 korrik.

Pasi Trump mori detyrën e presidentit në janar, Qeveria meksikane nisi një program të quajtur “Meksika të përqafon”, duke ofruar mbështetje për bashkëvendësit që dëshirojnë të kthehen.

Kjo u bë pasi administrata Trump shtoi bastisjet, ndalimet dhe dëbimet e migrantëve që nuk kanë dokumente qëndrimi.

Sheinbaum tha se 45 mijë qytetarë që kanë zgjedhur të kthehen kanë marrë një formë ndihme, pa dhënë detaje se për çfarë lloj ndihme bëhet fjalë.

Sipas Ministrisë së Jashtme të Meksikës, rreth 12 milionë shtetas meksikanë jetojnë jashtë vendit, shumica dërrmuese në Shtetet e Bashkuara.

Të martën, Sheinbaum i bëri thirrje Uashingtonit të kthejë në atdhe meksikanët që rrezikojnë të përfundojnë në qendrat e ndalimit në SHBA, ku grupet për të drejtat e njeriut kanë raportuar se ata përballen me shkelje dhe trajtim jo të duhur.