Normal view

There are new articles available, click to refresh the page.
Today — 30 August 2025Main stream

Figo lavdëron Kylian Mbappen: Është i ngjashëm me fenomenin Ronaldo

30 August 2025 at 09:15

Legjenda e Real Madridit, Luis Figo, ka lavdëruar Kylian Mbappen, duke e vendosur atë në një piedestal të ngjashëm me fenomenin Ronaldo Nazario Da Lima.

Mbappe është bërë ylli kryesor i Los Blancos, dhe performancat e tij tashmë po krahasohen me më të mëdhenjtë e të gjitha kohërave.

“Kylian Mbappe është i ngjashëm me Ronaldo Nazarion, por mendoj se krahasimi nuk është perfekt”, ka thënë fillimisht Figo.

“Mbappe ka cilësitë e tij unike; talent të jashtëzakonshëm, i shpejtë, që shënon”.

Mbappe vazhdon të dominojë Evropën, duke lënë pas vetes emra të mëdhenj si Kane dhe Lewandowski.

“Ai është i ngjashëm me Ronaldon në këtë aspekt, në aspektin e fuqisë, shpejtësisë dhe shpërthimit, por mendoj se nuk duhet të krahasohen.”, përfundoi ish-ylli i Realit.

Sinjali – aty ku e vërteta flet para lajmit!

/GazetaSinjali/

The post Figo lavdëron Kylian Mbappen: Është i ngjashëm me fenomenin Ronaldo appeared first on Sinjali.

Kombëtarja U-21, trajneri Bushi publikon listën e lojtarëve për miqësoret ndaj Gjermanisë & Zvicrës

30 August 2025 at 09:30

TIRANË, 30 gusht /ATSH/ Trajneri i Kombëtares U-21, Alban Bushi, ka shpallur listën me 23 lojtarët e ftuar për dy ndeshjet miqësore që do të zhvillohen në muajin shtator ndaj Gjermanisë dhe Zvicrës.

Në këtë grumbullim ka dy risi. Mesfushori i Hellas Verona, Adi Kurti, dhe portieri i Inter, Alain Taho, janë ftuar për herë të parë me Kombëtaren U-21, pas paraqitjeve pozitive me ekipet kombëtare të moshave U-15, U-16, U-17 dhe U-19.

Gjithashtu, në listë janë përfshirë edhe gjashtë lojtarë nga klubet e Kategorisë së Parë dhe “Abissnet Superiore” në Shqipëri. 

Kombëtarja U-21 do të nisë zyrtarisht grumbullimin më 31 gusht, me seancën e parë stërvitore të planifikuar pasdite.

Miqësorja e parë, Shqipëri U-21 – Gjermani U-21, do të luhet më 5 shtator, në orën 18:00, në stadiumin “Elbasan Arena”.

Takimi i dytë, Zvicër U-21 – Shqipëri U-21, është programuar të hënën, më 8 shtator, në orën 18:30, në stadiumin “Brügglifeld” të qytetit Aarau.

Më poshtë lista me 23 lojtarët e ftuar nga stafi teknik i Kombëtares U-21:

/j.p/

The post Kombëtarja U-21, trajneri Bushi publikon listën e lojtarëve për miqësoret ndaj Gjermanisë & Zvicrës appeared first on Agjencia Telegrafike Shqiptare.

‘Rally del Paraguay’, udhëtimi drejt të panjohurës

30 August 2025 at 09:59

Nga Gazeta Si – Paraguaj debutues shkruan historinë në “FIA World Rally Championship” këtë fundjavë me garën që do të zhvillojnë atje 48 makinat pjesëmarrëse.

Toyota do të përfaqësohet me pesë makina “GR Yaris Rally1”. Tetë herë kampioni Sébastien Ogier bashkohet me kryesuesin aktual, Elfyn Evans, dy herë kampionin Kalle Rovanperä, Takamoto Katsuta-n dhe Sami Pajari-n në raundin e 10.

“Hyundai Motorsport” merr pjesë me formacionin e plotë “i20 N Rally1” që pilotohen nga Ott Tänak, Kampioni në fuqi, Thierry Neuville dhe Adrien Fourmaux.

Ndërsa “M-Sport Ford” pilotohet nga Grégoire Munster dhe Josh McErlean në “Puma Rally1”. Oliver Solberg kryeson në “Printsport-run Toyota GR Yaris Rally2”.

Pasi humbi titullin e vitit 2024 për vetëm 3 pikë dhe pas fitores së parë në “Rally Estonia”, Solberg vjen me ambicje të mëdha.

Paraguaj është një eksperiencë unike që gërsheton vijat e gjata të shpejta me sektorë të ngushtë që nuk lejojnë asnjë gabim në drejtim.

Sipërfaqja me çakullin e butë favorizon pilotët e shpejtë sidomos në fazën e dytë, kombinuar me frenimin e fortë.

Vizibiliteti është një tjetër faktor – rëra nuk do të mungojë në ajrin e lagësht ndërsa reshjet e shiut mund të ndryshojnë strategjinë sa hap e mbyll sytë.

Të dhënat e limituara për skuadrat dhe inxhinierët e bëjnë “Rally del Paraguay” një test të vërtetë përshtatshmërie.

Stafet që mësojnë shpejt dhe ruajnë fleksibilitetin, do t’ja dalin. Ata që do të hidhen menjëherë në sulm dhe do të nënvlerësojnë kushtet, do ta paguajnë shtrenjtë.

2025 është viti i parë që Paraguaj pret një Garë të “FIA World Rally Championship”.

“Rally del Paraguay’ ka qënë pjesë e kalendarit të “CODASUR” dhe njihet për kulturën vibrante të disiplinës.

“Encarnación”, baza e eventit ndodhet në “Paraná River”, një nga qytetet më të njohura në Paraguaj që do të bëhet shteti i 3 amerikano-latin që pret një raund të “WRC”, pas Argjentinës dhe Kilit.

The post ‘Rally del Paraguay’, udhëtimi drejt të panjohurës appeared first on Gazeta Si.

U dëmtua në stërvitje, zbulohet sa do të mungojë Jashari te Milani

By: el da
29 August 2025 at 22:55

Ardon Jashari do të qëndrojë jashtë fushave për disa muaj.

Mesfushori shqiptar, i transferuar për 39 mln euro te Milani gjatë merkatos së verës, u dëmtua gjatë një seance stërvitore.

Nëilan konfirmoi zyrtarisht dje se Jashari ka pësuar një frakturë të fibulës së djathtë. Fillimisht u tha se ai do të mungonte rreth dy muaj, por sot mediat raportojnë se rikuperimi i tij kërkon disa javë më shumë.

23-vjeçari është një nga lojtarët më premtues të Milanit dhe urojmë të kthehet sa më shpejt në fushë. m.p.

Kur do largohet nga kombëtarja? Messi jep sinjalet e para…

By: el da
29 August 2025 at 22:25

Lionel Messi, tashmë 38 vjeç, po i afrohet fundit të karrierës së tij si futbollist, dhe së fundmi ka konfirmuar se po mendon realisht për ditën kur do të njoftojë largimin nga kombëtarja. Edhe pse pas fitores në Kupën e Botës 2022 pritej që ai të tërhiqej nga kombëtarja, Messi ka vendosur të vazhdojë deri në përfundimin e Botërorit 2026, duke synuar mbrojtjen e titullit kampion.

Në komentet e tij të fundit, “Pleshti” ka bërë të qartë se objektivi i tij është pjesëmarrja në Kupën e Botës 2026, pas së cilës pritet që të mbyllë përfundimisht karrierën ndërkombëtare.

“Nuk e di nëse do të ketë ndeshje miqësore apo më shumë ndeshje pas kësaj që do luajmë me Venezuelën. Do të jem i shoqëruar nga familja ime, gruaja, fëmijët dhe prindërit e mi”, ka deklaruar Messi. m.p.

Yesterday — 29 August 2025Main stream

Presidenti i Lillet: S’ka ofertë nga Marseille për Zhegrovën

29 August 2025 at 21:28

Të premten, mediat franceze raportuan se sulmuesi kosovar kishte arritur marrëveshje personale me Marseillen, por këto lajme janë mohuar nga kreu i klubit francez.

Në një intervistë për “Canal+”, Létang theksoi se asnjë lojtar nuk mund të zhvillojë bisedime me një klub tjetër pa autorizimin e klubit të tij, duke shtuar se Lille nuk ka marrë asnjë ofertë për Zhegrovën.

“A ka një marrëveshje midis Marseillet dhe Edon Zhegrovës? Jam shumë i befasuar nga ajo që po më thoni, sepse rregulloret janë mjaft të qarta. Lojtari nuk mund të flasë me klub tjetër pa autorizim të klubit të tij. Nuk jam kontaktuar nga Olympique de Marseille. Nuk kam pasur asnjë kërkesë për të qenë në gjendje të flas me lojtarin tim”, ka deklaruar presidenti i Lillet.

Sinjali – aty ku e vërteta flet para lajmit!

/GazetaSinjali/

The post Presidenti i Lillet: S’ka ofertë nga Marseille për Zhegrovën appeared first on Sinjali.

3 emrat që trajneri Sylvinho “harroi” t’i grumbullonte me kombëtaren

By: el da
29 August 2025 at 21:06

Shqipëria ka disa opsione që trajneri Sylvinho nuk i konsideroi për grumbullimin e shtatorit.

Janë disa lojtarë të cilët kanë shkëlqyer në nisjen e këtij sezoni, por u lanë jashtë listës kuqezi për befasinë e të gjithëve.

Anis Mehmeti duket në formë, por po “refuzohet”. Ai shënoi në ndeshjen e parë të Championship. Fantazisti është titullar te Bristol City.

24-vjeçari ka rreth dy vite që nuk merr ftesë. Kur është ftuar, asnjëherë nuk ka luajtur titullar.

Armando Dobra gjithashtu e ka nisur mjaft mirë sezonin. Aktualisht ka dy gola në 6 ndeshje, gjithmonë si titullar. Të mos harrojmë edhe 23-vjeçarin Cristian Shpendi, i cili shënoi në ndeshjen e fundit me Cesenan. m.p.

Një “qylaxhi” si Mourinho, trajneri ka përfituar 103 milionë euro nga shkarkimet

By: e xh
29 August 2025 at 18:38

Midis shkarkimeve reale dhe atyre të fshehta (që do të thotë shkarkime konsensuale), Jose Mourinho e ka pasuruar ndjeshëm portofolin e tij.

Sipas të dhënave të mbledhura nga Daily Mail, thuhet se ‘Special One’ ka fituar mbi 100 milionë euro (konkretisht një shifër marramendëse prej 103 milionë eurosh). Kjo shumë e madhe ndahet midis shtatë herëve që ish-trajneri i Interit është ndarë nga ish-klubet e tij, ndonjëherë në një mënyrë të ‘stuhishme’.

Chelsea mban rekordin, duke i paguar atij 31 milionë euro në dy raste të ndara. Real Madrid, Manchester United dhe Tottenham gjithashtu kontribuan në këtë investim.

Përveç Romës, nga e cila Mourinho mori “vetëm” 3 milionë euro. “Dhurata” e fundit vjen nga Fenerbahce, e cila do t’i paguajë atij 9 milionë euro pas aventurës së tij në Turqi, e cila zgjati pak më shumë se një vit.

Tottenham zyrtarizon transferimin e Xavi Simons nga RB Leipzig

29 August 2025 at 18:30

Tottenham Hotspur ka konfirmuar transferimin e Xavi Simons nga RB Leipzig.

Të dy klubet arritën marrëveshje me një vlerë prej 60 milionë eurosh për sulmuesin 22-vjeçar të përfaqësueses së Holandës.

Simons ka nënshkruar një kontratë pesëvjeçare me Spurs, me opsion për dy vite shtesë.

Futbollisti kreu testet mjekësore të enjten, përpara se të finalizonte kalimin e tij te skuadra e Londrës Veriore.

XS7 ✅ pic.twitter.com/GJPahgMcsV

— Tottenham Hotspur (@SpursOfficial) August 29, 2025

Sinjali – aty ku e vërteta flet para lajmit!

/GazetaSinjali/

The post Tottenham zyrtarizon transferimin e Xavi Simons nga RB Leipzig appeared first on Sinjali.

F1 – Holanda, stacioni i radhës

29 August 2025 at 19:13

AMSTERDAM, 29 gusht /ATSH-AA/ – Kampionati Botëror në Formula 1 do të vazhdojë me fazën e 15-të të sezonit, me Çmimin e Madh (Grand Prix) të Holandës.

Gara do të zhvillohet me 72 xhiro në pistën me një gjatësi prej 4.2 kilometrash në qytetin Zandvoort të Holandës. Xhirot e renditjes do të mbahen të shtunën në orën 15:00 ndërsa gara të dielën më 31 gusht në orën 15:00.

Deri më tani në sezon, piloti i McLaren-it, Oscar Piastri ka 6 fitore ndërsa shoku i skuadrës Lando Norris 5, kampioni i fundit piloti i Red Bull-it, Max Verstappen 2 dhe piloti i Mercedesit, George Russell një fitore.

Pesë vendet e para të klasifikimit të pilotëve dhe skuadrave janë si në vijim:

– Pilotët:

1. Oscar Piastri (Australi): 284

2. Lando Norris (Britani e Madhe): 275

3. Max Verstappen (Holandë): 187

4. George Russell (Britani e Madhe): 172

5. Charles Leclerc (Monako): 151

– Ekipet:

1. McLaren: 559

2. Ferrari: 260

3. Mercedes: 236

4. Red Bull Racing: 194

5. Williams: 70     /os/

The post F1 – Holanda, stacioni i radhës appeared first on Agjencia Telegrafike Shqiptare.

Ndër lëvizjet më surprizuese të merkatos, Xavi Simons firmos me Tottenhamin

By: Admin
29 August 2025 at 18:50

Xavi Simons është lojtari më i ri i Totenhem. Klubi i Premier Ligë ka blerë kartonin e tij për 65 milionë euro nga RB Leipzig.

Simons ka firmosur kontratë të vlefshme deri në vitin 2030. Kjo ishte edhe një nga lëvizjet më surprizuese të kësaj merkato vere.

Tottenham called and he answered 📞 pic.twitter.com/2OVw8ALgWx

— Tottenham Hotspur (@SpursOfficial) August 29, 2025

“Totenhem më thirri dhe unë u përgjigja”, tha Simons. Tifozët po ashtu janë të entuziasmuar për arritjen e kësaj marrëveshje.

Talenti i Holandës do e ketë eksperiencën e parë në Angli. Më parë ka luajtur në Francë dhe Holandë, ndërsa e mbylli me eksperiencë mjaft pozitive edhe në Gjermani./ D.C

Don't listen to the noise… pic.twitter.com/K966GFrOks

— Tottenham Hotspur (@SpursOfficial) August 29, 2025

Vendim surprizues nga Fenerbahçe, klubi turk shkarkon trajnerin Jose Mourinho

By: e xh
29 August 2025 at 17:57

Jose Mourinho nuk është më trajneri i Fenerbahçes. Sipas gazetarit të njohur të merkatos, Fabrizio Romano, klubi turk ka vendosur ta shkarkojë teknikun portugez pas dështimit për të siguruar një vend në fazën grupore të Ligës së Kampionëve.

Emër i madh në botën e futbollit, Mourinho ishte prezantuar me bujë si trajner i Fenerbahçes një vit më parë më parë, menjëherë pas largimit të tij nga AS Roma. Por aventura në Stamboll duket se ka qenë më e shkurtër se ç’pritej për 62-vjeçarin, i cili nuk arriti të përmbushte objektivat e klubit për sezonin e ardhshëm.

Romano, përmes një postimi në rrjetin social X, konfirmoi lajmin, duke theksuar se “moskualifikimi në Champions ka qenë vendimtar për të ardhmen e Mourinhos në klub”.

Trajneri portugez, i njohur për sukseset e tij me ekipe si Porto, Chelsea, Inter, Real Madrid dhe Manchester United, nuk arriti të lërë gjurmë në eksperiencën e tij më të fundit.

Largimi i tij shënon një tjetër ndalesë të shkurtër në një karrierë të gjatë dhe shpeshherë të luhatshme në vite të fundit.

Fenerbahçe pritet të bëjë publike së shpejti vendimin dhe hapat e radhës për zëvendësimin e tij në pankinë.

Klubi prizrenas firmos me Jan Palokajn

29 August 2025 at 17:23

Bashkimi ka bërë një përforcim të rëndësishëm për edicionin e ri të garave në Superligë.

Të premten, klubi prizrenas njoftoi se ka firmosur me Jan Palokajn, njërin prej basketbollistëve më të mirë vendorë në Superligë. Palokaj ka nënshkruar kontratë dyvjeçare me prizrenasit. Ai ka luajtur më parë për Golden Eagle Ylli për disa edicione, si dhe për Sigal Prishtinën.

Ndërkohë, Trevon Allen i është bashkuar Yllit të Suharekës.

Klubi rahovecas, Grapeland, ka firmosur me Fisnik Rugovën, kapitenin e deritashëm të Sigal Prishtinës.

Po ashtu, Jon Ismajli është huazuar te Vëllaznimi nga Sigal Prishtina dhe konsiderohet një basketbollist i talentuar.

Sinjali – aty ku e vërteta flet para lajmit!

/GazetaSinjali/

The post Klubi prizrenas firmos me Jan Palokajn appeared first on Sinjali.

Ekipi më i padëshiruar në Europë, UEFA përballet me kërkesë të veçantë nga disa klube

By: M C
29 August 2025 at 16:43

UEFA është testuar nga disa klube në Europë, që në mënyrë jo zyrtare kanë kërkuar të mos luajnë përballë Makabi Tel Avivit. Këto të fundit janë të vetmit përfaqësues nga Izraeli, që do të luajnë në grupet e një kompeticioni europian.

Sot u hodh shorti për Ligën e Europës dhe Makabi “peshkoi” Aston Vilën, Dinamo Zagrebin, Lionin, Paokun, Midtjilland, Freiburgun, Bolonjën, Shtutgartin.

Makabi do të luajë dy transferta në Gjermani, si dhe në Angli e Greqi. “The Times” ka publikuar shqetësimet që po lindin në futboll për shkak të luftës me Izrael-Gaza. Klubet e Izraelit nuk ndalohet, që të luajnë në Europë. Shqetësimi i raportuar nga Anglia sa vjen dhe shtohet.

The post Ekipi më i padëshiruar në Europë, UEFA përballet me kërkesë të veçantë nga disa klube appeared first on Albeu.com.

Një lojtar i kampionatit shqiptar meriton kombëtaren! Sylvinho përmend emrin

By: el da
29 August 2025 at 17:55

Përveç Dajsinanit dhe Alijit, a ka ndonjë futbollist tjetër që mund të merret nga Abissnet Superiore?

Kjo ishte një pyetje që iu bë sot trajnerit Sylvinho në konferencë për shtyp. Tekniku i kombëtares shqiptare përmendi emra.

“Klevi Qefalija është një lojtar që ka bërë ndeshje të mira, e pashë edhe mbrëmë. Ai nuk luajti shumë se pati një dëmtim të lehtë, është teknik, luan me këmbën e majtë, ka një dalje të bukur, taktikisht është lojtar inteligjent, është në listën e madhe, por nga dëmtimet dhe pas një diskutimi me klubin, nuk u grumbullua”.

“Egnatia, Tirana, Dinamo dhe Partizani kanë lojtarë që ne mund t’u referohemi dhe mund të jenë pjesë e Kombëtares, sigurisht në vazhdim. Dajsinani është një portier i mirë me këmbë, ka personalitet, vlerësohen të gjitha elementet”. m.p.

Slot gati për sfidat e Champions: “Përballja me Realin është e veçantë”

By: Admin
29 August 2025 at 17:20

Trajneri i Liverpulit, Arne Slot, ka reaguar pas shortit të skuadrës së tij.

Ai tha:”Mendoj se gjëja e parë që duhet thënë është se, ashtu si sezonin e kaluar, është një short shumë sfidues, por e dinim që do të ishte i tillë sepse në Ligën e Kampionëve, sidomos me formatin e ri, nuk ka short të lehtë.

“Por ajo që është gjithashtu e qartë, është se ky është një short shumë emocionues, plot me ndeshje të mëdha si në shtëpi ashtu edhe jashtë. Të kemi mundësinë ta presim Real Madridin sërish në Anfield është diçka e veçantë. Ndeshja e sezonit të kaluar ishte, sigurisht, një ndeshje e paharrueshme – dhe pres të njëjtën gjë edhe këtë herë. Jam i sigurt që kjo do të jetë një përballje që do ta ndjekë gjithë bota./ D.C

Kupa e Botës, publikohet lista e përfaqësueses së Kosovës

By: el da
29 August 2025 at 17:05

Trajneri i përfaqësueses së Kosovës në futboll, Franco Foda, ka publikuar sot listën e futbollistëve të ftuar për dy ndeshjet e para në Grupin B, në kuadër të kualifikimeve për Kupën e Botës 2026.

Kosova do t’i nisë këto kualifikime me dy përballje. Fillimisht si mike kundër Zvicrës, më 5 shtator në Basel dhe më pas në “Fadil Vokrri” kundër Suedisë. Dardanët synojnë të japin maksimumin në këto dy ballafaqime për të nisur mbarë këtë cikël kualifikues.

Stërvitjen e parë ekipi dardan do ta zhvillojë të hënën, më 1 shtator, në orën 17:00 në Hajvali. Më herët, në orën 12:00 trajneri Franco Foda do të paraqitet në konferencë për media.

Në listë bie në sy se trajneri ka grumbulluar futbollistë si: Muric, Vojvoda, Amir Rrahmani, Ermal Krasniqi, Edon Zhegrova, Baton Zabërgja, Meriton Korenica, Albion Rrahmani, Fisnik Asllani, Vedat Muriqi, apo afrimi i ri, Leon Avdullahu. m.p.

Edon Zhegrova zgjedh skuadrën e re

By: e xh
29 August 2025 at 15:56

E ardhmja e Edon Zhegrovës po bëhet gjithnjë e më e qartë. Sulmuesi 26-vjeçar, i cili së fundmi ka marrë pasaportën shqiptare, është shumë pranë një marrëveshjeje me klubin francez Olympique de Marseille.

Media franceze “FootMercato” citon burime të sigurta kur raporton se numri 23 i Lille OSC dhe drejtuesit e Marsejës kanë arritur një marrëveshje të plotë personale. Edon Zhegrova, i cili është nën kontratë me Lille deri në qershor të vitit 2026, ka zgjedhur t’i bashkohet ekipit francez, duke refuzuar interesimin e Juventusit.

Tani, gjithçka varet nga marrëveshja mes Marsejës dhe Lille për transferimin e futbollistit, që operacioni të përmbyllet zyrtarisht në ditët në vijim.

Foda zbardh listën e Dardanëve për ndeshjet ndaj Zvicrës dhe Suedisë – ftohen dy emra të rinj

29 August 2025 at 15:55

Përzgjedhësi i Kombëtares së Kosovës, Franco Foda, ka bërë publike listën me futbollistët që do të grumbullojë për dy ndeshjet e ardhshme kualifikuese të Kupës së Botës 2026.

Dardanët do të zbresin në fushë në muajin shtator, fillimisht më 5 shtator si mysafirë të Zvicrës, ndërsa tri ditë më vonë, më 8 shtator, do të presin Suedinë në stadiumin “Fadil Vokrri” në Prishtinë.

Trajneri gjerman ka vendosur t’i besojë 26 futbollistëve për këto dy sfida të rëndësishme në kuadër të Grupit B, me synimin për të arritur rezultate pozitive.

Në listë nuk mungojnë yjet e ekipit si Vedat Muriqi, Edon Zhegrova, Amir Rrahmani, Valon Berisha dhe Mërgim Vojvoda.

Ndërkohë, risi këtë herë janë Leon Avdullahu dhe Veldin Hodza, ndërsa ftesë kanë marrë edhe Dion Gallapeni, Florian Haxha dhe Baton Zabërxha.

Përveç listës kryesore, Foda ka shpallur edhe listën rezervë, ku bëjnë pjesë Faton Maloku, Leard Sadriu, Ron Raqi, Andi Hoti, Donat Rrudhani, Kreshnik Hajrizi, Ismet Lushaku, Behar Neziri, Kreshnik Krasniqi, Lirjon Abdullahu, Bledian Krasniqi dhe Rilind Nivokazi.

Sinjali – aty ku e vërteta flet para lajmit!

/GazetaSinjali/

The post Foda zbardh listën e Dardanëve për ndeshjet ndaj Zvicrës dhe Suedisë – ftohen dy emra të rinj appeared first on Sinjali.

Tefik Osmani emërohet drejtor i ri i Departamentit të Skautizmit në FSHF

29 August 2025 at 15:15

TIRANË, 29 gusht/ATSH/ Tefik Osmani është emëruar drejtor i ri i Departamentit të Skautizmit në Federatës Shqiptare të Futbollit.

Sipas njoftimit të FSHF-së, Osmani gëzon një karrierë të gjatë dhe të rëndësishme si futbollist, duke qenë pjesë e klubeve të njohura si Skënderbeu, Tomori, Partizani, Elbasani, Tirana, Teuta, Vllaznia, si dhe Metalurg Zaporizhya në Ukrainë. Ai ka qenë gjithashtu pjesë e Kombëtares shqiptare.

Pas përfundimit të karrierës si lojtar, Osmani ka ushtruar me sukses detyrën e drejtorit sportiv te klubet Tirana dhe Vllaznia. Në rolin e tij të ri në FSHF, ai do të angazhohet në procesin e identifikimit dhe ndjekjes së talenteve shqiptare, si brenda vendit ashtu edhe jashtë tij, me qëllim përfshirjen e tyre në ekipet kombëtare të moshave dhe ato përfaqësuese.

Ky rol është mbajtur më parë me profesionalizëm dhe kompetencë të lartë nga Ardi Behari, i cili do të vijojë karrierën e tij në Departamentin e Edukimit në FSHF, ku do të merret me organizimin e kurseve për trajnerët dhe zhvillimin e programeve edukative. Drejtoria Teknike e FSHF-së shpreh vlerësimin e saj për punën e palodhur të bërë nga Behari në Departamentin e Skautizmit dhe për kontributin e çmuar gjatë kësaj periudhe.

/e.i/j.p/

The post Tefik Osmani emërohet drejtor i ri i Departamentit të Skautizmit në FSHF appeared first on Agjencia Telegrafike Shqiptare.

❌
❌