❌

Reading view

There are new articles available, click to refresh the page.

Drita eliminohet nga faza kualifikuese për në Ligën e Kampionëve, vazhdon rrugëtimin në atë të Evropës

Drita është eliminuar nga faza kualifikuese për në fazën e ligës së Ligës së Kampionëve, pasi u mposht me rezultat të përgjithshëm 3-0 nga Copenhagen.

Ndeshjen më mirë e nisi kampioni i Kosovës, duke rrezikuar qysh në minutën e katërt me anë të Besnik Krasniqit që harkoi në zonë, por që mbrojtja daneze e largoi topin.

Në minutën e 14-të, Copnhagen kishte menduar se kishte shënuar gol nëpërmjet Andreas Cronelius, por që ai ishte në pozicion jashtë loje.

Drita mbeti në një situatë katastrofale, pasi Liridon Balaj u ndëshkua me karton të kuq për një ndërhyrje të ashpër.

Copenhagen vazhdoi më pas me dominimin, duke mos lejuar më Dritën të kishte lirinë në fushë shkaku i epërsisë numerike.

42â€Č | Goal for Copenhagen.

Drita âšȘ 0-[1] 🟱 Copenhagen
âšœ Cornelius | Agg: 0-3#UCL | #Drita | đŸ‡œđŸ‡°đŸ‡©đŸ‡° pic.twitter.com/yqIsiWodQG

— Kosovo Football đŸ‡œđŸ‡° (@FootballKosovo) July 29, 2025

Drita nuk ia doli të mbahej në këta 45 minutat e parë, duke pësuar gol fare në fund.

Cornelius shënoi në minutën e 43-të për rezultatin 1-0, ndërsa epërsia e përgjithshme skuadrës daneze tani ka shkuar në 3-0.

45 minutat ishin më të zbehtë, por që Drita me 10 lojtarë në fushë ia doli të mbahej mirë.

Klubi gjilanas nuk pranoi gol, duke qëndruar stoik në mbrojtje, derisa Copenhagen natyrisht se e kishte dominimin.

Nga ky eliminim, Drita do të garojë tashmë në raundin e tretë të Ligës së Evropës, për të tentuar kalimin në fazën e ligës.

Nëse eliminohet edhe nga këtu, atëherë do të jetë në Ligën e Konferencës, nga raundi i katërt kualifikues për në fazën e ligës në Ligën e Konferencës. /Telegrafi/

The post Drita eliminohet nga faza kualifikuese për në Ligën e Kampionëve, vazhdon rrugëtimin në atë të Evropës appeared first on Telegrafi.

Athletic Bilbao dënohet rëndë nga UEFA

UEFA ka gjobitur Athletic Bilbaon me 80,000 euro për sjellje të pahijshme të tifozëve gjatë gjysmëfinales së Ligës së Evropës kundër Manchester United.

Sanksionet janë ndarë si më poshtë:

30,000 euro pĂ«r ndeshjen e parĂ« nĂ« “San MamĂ©s” mĂ« 1 maj:

20,000 euro për hedhjen e sendeve në fushë;

10,000 euro për thirrje të paligjshme nga tribuna;

20,000 euro pĂ«r ndeshjen e kthimit nĂ« “Old Trafford” mĂ« 8 maj:

10,000 euro për përdorim të fishekzjarrëve;

10,000 euro për brohoritje të mëtejshme të papranueshme.

Përveç kësaj, mbrojtësi Yeray Alvarez është pezulluar përkohësisht pasi ka rezultuar pozitiv për një substancë të ndaluar në testin antidoping pas ndeshjes së parë. Sipas raportimeve, rezultati pozitiv lidhet me një trajtim për rënien e flokëve, të cilin lojtari pretendon se e ka përdorur pa dijeni gjatë procesit të rikuperimit nga kanceri në testikuj.

UEFA ka hapur një proces disiplinor ndaj futbollistit dhe çështja mbetet në shqyrtim.

Athletic Bilbao ka lëshuar një komunikatë zyrtare duke shprehur keqardhje për incidentet dhe duke theksuar angazhimin për të nxjerrë mësime nga kjo situatë. Klubi gjithashtu u ka bërë thirrje tifozëve për më shumë përgjegjësi dhe respekt në stadiume.

Pavarësisht se gjatë shumicës së sezonit tifozët kanë treguar sjellje shembullore, incidentet e shënuara në këtë përballje kanë ndikuar negativisht në imazhin e klubit dhe kanë sjellë pasoja disiplinore.

Manchester United fitoi gjysmĂ«finalen me rezultat tĂ« pĂ«rgjithshĂ«m 7–1 ndaj Athletic Bilbaos, para se tĂ« mposhtej nĂ« finale 1–0 nga Tottenham Hotspur. /Telegrafi/

The post Athletic Bilbao dënohet rëndë nga UEFA appeared first on Telegrafi.

Me 50 gola dhe 60 asistime nĂ« 42 ndeshje – sensacioni i Chelseat po i çmend tĂ« gjithĂ«

Le tĂ« flasim pĂ«r Ibrahim Rabbaj – talentin 16-vjeçar tĂ« akademisĂ« sĂ« Chelseat, i cili po tĂ«rheq vĂ«mendje tĂ« madhe pĂ«r performancat e tij mbresĂ«lĂ«nĂ«se dhe po krahasohet me legjendĂ«n Lionel Messi.

Raportime tĂ« shumta kanĂ« qarkulluar nĂ« rrjet rreth statistikave tĂ« tij, duke pĂ«rmendur 50 gola dhe 60 asistime nĂ« 42 ndeshje nĂ« nivele tĂ« ndryshme tĂ« akademisĂ«. MegjithatĂ«, kĂ«to tĂ« dhĂ«na janĂ« tĂ« vĂ«shtira pĂ«r t’u verifikuar, pasi nuk Ă«shtĂ« e qartĂ« nĂ«se pĂ«rfshijnĂ« ndeshje jozyrtare, tĂ« zakonshme pĂ«r moshat e reja, dhe statistikat zyrtare nĂ«n moshĂ«n 18-vjeçare nuk janĂ« tĂ« publikuara.

Ajo qĂ« Ă«shtĂ« e sigurt, Ă«shtĂ« se Rabbaj i kalon tĂ« gjitha testet “me sy”. Ai tashmĂ« luan pĂ«rtej grupmoshĂ«s sĂ« tij dhe Ă«shtĂ« pjesĂ« e kombĂ«tares sĂ« tĂ« rinjve. NĂ« debutimin e tij si titullar nĂ« LigĂ«n Premier muajin e kaluar, ai shĂ«noi dy gola brenda 23 minutave kundĂ«r Leicesterit.

Ndërkohë, Anglia dhe Maroku kanë qenë në garë për përfaqësimin e tij ndërkombëtar. Së fundmi, ai ka vendosur të përfaqësojë Marokun, pas disa vizitave në qendrën moderne stërvitore të vendit në Casablanca, ndërsa përflitet si një potencial për Kupën e Botës 2030.

Chelsea do të duhet të presë deri në janar të vitit 2026 për të nënshkruar kontratën e tij të parë profesionale, kur Rabbaj të mbushë 17 vjeç.

Prejardhja dhe rrugëtimi

I lindur në Spanjë, Rabbaj është djali i Mohammed Rabbaj, i cili ishte pjesë e akademisë së klubit të njohur maroken Raja Casablanca. Familja ka jetuar për një kohë të shkurtër në Leicester, para se të kthehej në Marok me gjashtë fëmijët.

MegjithatĂ«, talenti i hershĂ«m i Ibrahim Rabbajt, i cili luante me top nĂ« moshĂ«n dyvjeçare, e bindi familjen tĂ« zhvendosej pĂ«rfundimisht nĂ« Angli – nĂ« Ashford tĂ« Kentit – pĂ«r t’i ofruar atij mundĂ«sinĂ« pĂ«r tĂ« hyrĂ« nĂ« sistemin e akademive elitare.

Ai nisi me prova te Arsenali, pĂ«r tĂ« kaluar mĂ« pas te paraakademia e Charlton Athletic dhe mĂ« vonĂ« te Crystal Palace, ku qĂ«ndroi deri nĂ« moshĂ«n 11-vjeçare. MĂ« pas, Chelsea e nĂ«nshkroi dhe i ofroi platformĂ«n pĂ«r t’u zhvilluar mĂ« tej.

NjĂ« vit pauzĂ« pĂ«r shkak tĂ« çështjeve tĂ« regjistrimit dhe shtati i tij i shkurtĂ«r ishin sfida pĂ«r Rabbajn, por cilĂ«sitĂ« e tij teknike tĂ« jashtĂ«zakonshme shquheshin gjithsesi. Ai Ă«shtĂ« pĂ«rfaqĂ«suar nĂ« nivele tĂ« ndryshme nga tĂ« dyja kombĂ«taret – Anglia dhe Maroku – por tashmĂ« ka zgjedhur zyrtarisht kĂ«tĂ« tĂ« fundit.

Rabbaj flet arabisht me dialekt maroken dhe shpesh pĂ«rmendet fjala “maktub” – qĂ« do tĂ« thotĂ« â€œĂ«shtĂ« shkruar” – pĂ«r tĂ« pĂ«rshkruar rrugĂ«timin e tij tĂ« jashtĂ«zakonshĂ«m qĂ« mund ta çojĂ« nĂ« majat e futbollit botĂ«ror. /Telegrafi/

The post Me 50 gola dhe 60 asistime nĂ« 42 ndeshje – sensacioni i Chelseat po i çmend tĂ« gjithĂ« appeared first on Telegrafi.

Përleshje midis tifozëve të Dritës dhe Kopenhagës në qendër të Prishtinës para ndeshjes së Ligës së Kampionëve

NjĂ« pĂ«rleshje ka ndodhur sot nĂ« qendĂ«r tĂ« PrishtinĂ«s midis tifozĂ«ve tĂ« klubit kosovars DritĂ«s, tĂ« njohur si “IntelektualĂ«t”, dhe atyre tĂ« ekipit danez, Copenhagen.

Sipas raportimeve tĂ« para, incidenti ka ndodhur nĂ« disa kafene pĂ«rreth sheshit tĂ« kryeqytetit, pak minuta para fillimit tĂ« ndeshjes sĂ« kthimit nĂ« kuadĂ«r tĂ« kualifikimeve pĂ«r LigĂ«n e KampionĂ«ve, qĂ« do tĂ« zhvillohet nĂ« stadiumin “Fadil Vokrri”.

Policia ka ndërhyrë për të qetësuar situatën, por ende nuk ka të dhëna zyrtare për të lënduar apo të arrestuar.

Drita, kampione në fuqi e Kosovës, do të përballet sonte me Copenhagen në një sfidë ku duhet të përmbysë disavantazhin 2-0 të pësuar në ndeshjen e parë në Danimarkë. /Telegrafi/

The post Përleshje midis tifozëve të Dritës dhe Kopenhagës në qendër të Prishtinës para ndeshjes së Ligës së Kampionëve appeared first on Telegrafi.

Xhaka përpiloi formacionin me ikonat e futbollit, befasi se kush përfshihet në 11-she

Granit Xhaka ka përzgjedhur formacionin e tij më të mirë me lojtarët më ikonik në histori të futbollit.

Ylli shqiptar është në prag të prezantimit si lojtar i Sunderlandit, duke u rikthyer në Angli, ku më parë kishte luajtur për Arsenalin.

Xhaka po largohet nga Bayer Leverkuseni për të vazhduar karrierën në Ligën Premier, ndërsa ka ndarë kohë për të përpiluar një formacion me 11 lojtarët më ikonik në histori të futbollit.

Në portë ai vuri legjendën e Bayern Munichut dhe Gjermanisë, Oliver Kahn.

Para tij janë katërshja mbrojtëse, Maicon, Nesta, Maldini dhe Carlos, ndërsa si mesfushor defanziv e vendosi Gennaro Gattuson.

Si organizues e sheh Toni Krossin, ndërsa para sulmuesve si Ronaldo Nazario dhe Kaka, është i vendosur Zinedine Zidane. /Telegrafi/

The post Xhaka përpiloi formacionin me ikonat e futbollit, befasi se kush përfshihet në 11-she appeared first on Telegrafi.

Bota e tenisit nuk ka parë kurrë një fatkeqësi më të madhe: Ai u detyrua të dorëzohej në pesë Grand Slam radhazi, dhe nuk do të shkojë as në të gjashtin

Tenisti bullgar, Grigor Dimitrov, i cili për vite me radhë është konsideruar si një nga talentet më premtues të gjeneratës së tij, duket se po përjeton një nga periudhat më të vështira të karrierës. Pas një sërë dëmtimesh të përsëritura, Dimitrov ka marrë edhe një tjetër lajm të keq: do të humbasë edhe turneun e ardhshëm të US Open.

Në Wimbledon, Dimitrov ishte pranë eliminimit të kampionit të ardhshëm, Jannik Sinner, duke udhëhequr 2:0 në sete. Megjithatë, një dëmtim e detyroi të tërhiqej nga ndeshja, duke i mohuar një nga fitoret më të mëdha të karrierës së tij.

Ky ishte rasti i pestĂ« radhazi kur Dimitrov Ă«shtĂ« detyruar tĂ« tĂ«rhiqet nga njĂ« turne Grand Slam pĂ«r shkak tĂ« dĂ«mtimit – njĂ« rekord negativ i padĂ«gjuar mĂ« parĂ« nĂ« historinĂ« e kĂ«tij sporti. Para Wimbledonit, ai ishte dorĂ«zuar nĂ«:

Roland Garros (2024), në raundin e parë kundër Ethan Quinn,

Australian Open, kundër Francesco Passaro,

US Open, në çerekfinale kundër Frances Tiafoe,

Wimbledon (2023), ndaj Daniil Medvedev.

❌ Dimitrov retires for the FIFTH consecutive Major, this time leading Sinner 2-0 at Wimbledon

Sport can be so cruel sometimes
 pic.twitter.com/xLdUTaSVTJ

— Olly Tennis đŸŽŸđŸ‡ŹđŸ‡§ (@Olly_Tennis_) July 7, 2025

Fatkeqësitë nuk përfunduan me kaq. Menaxheri i Dimitrov ka konfirmuar se dëmtimi muskulor i pësuar në Wimbledon është aq serioz, saqë bullgari do të mungojë edhe në edicionin e ardhshëm të US Open që zhvillohet në shtator.

Pas turneut në Londër, Dimitrov iu nënshtrua një operacioni rutinë, i cili u pasua nga një fazë rikuperimi më e gjatë sesa ishte parashikuar. Ai tani shpreson të rikthehet në fushë gjatë turneve në Kinë.

Aktualisht i renditur në vendin e 20-të në klasifikimin botëror, Dimitrov, tashmë 34 vjeç, po përballet me sfida serioze shëndetësore. Duke marrë parasysh moshën dhe historikun e lëndimeve, rikthimi i tij në formën më të mirë në turnetë Grand Slam duket gjithnjë e më i vështirë. /Telegrafi/

The post Bota e tenisit nuk ka parë kurrë një fatkeqësi më të madhe: Ai u detyrua të dorëzohej në pesë Grand Slam radhazi, dhe nuk do të shkojë as në të gjashtin appeared first on Telegrafi.

Deco i interesuar në yllin e Chelseat, dëshiron ta ketë sa më parë te Barcelona

Sulmuesi i Chelseat, Nicolas Jackson, ka pĂ«rjetuar dy sezone me ulje-ngritje qĂ« nga transferimi i tij nga Villarreal. MegjithatĂ«, pas afrimeve tĂ« Joao Pedro dhe Liam Delap, reprezentuesi senegalez po shqyrton seriozisht njĂ« largim nga “BlutĂ«â€, me njĂ« rikthim nĂ« La Liga qĂ« shihet si mundĂ«si reale.

Jackson u bashkua me Chelsean në vitin 2023 për 37 milionë euro, duke regjistruar 81 paraqitje, 30 gola dhe 12 asistime.

MegjithatĂ«, paqĂ«ndrueshmĂ«ria e tij pĂ«rpara portĂ«s ka bĂ«rĂ« qĂ« Chelsea tĂ« kĂ«rkojĂ« alternativa nĂ« sulm. Sipas “Caught Offside”, londinezĂ«t kanĂ« vendosur njĂ« çmim kĂ«rkese prej 50 milionĂ« eurosh pĂ«r 23-vjeçarin.

Barcelona e interesuar për huazimin e Jacksonit

E njëjta media raporton se Barcelona po konsideron një huazim të mundshëm me të drejtë blerjeje për Jacksonin. Drejtori i Futbollit, Deco, pritet të diskutojë këtë çështje në ditët në vijim. Gjigantët katalanas e shohin atë si një alternativë të mundshme ndaj Robert Lewandowskit në fazën e sulmit.

Interesim nga Liga Premier dhe Serie A

Nga ana e tij, Jackson preferon të qëndrojë në Premier League. Newcastle United mund të jetë në garë për të, në rast se Alexander Isak largohet. Një tjetër opsion është Aston Villa, pasi trajneri Unai Emery e njeh mirë lojtarin nga koha e tyre te Villarreal. Edhe Manchester United ka shfaqur interes, por Chelsea heziton të shesë lojtarët e saj te rivalët e drejtpërdrejtë në ligë.

Transferimi në Serie A shihet si një mundësi më e favorshme për Chelsean, por vetë lojtari ka refuzuar një kalim te AC Milan. Napoli tashmë ka orientuar interesin diku tjetër, ndërsa Juventusi vazhdon të jetë i interesuar.

Sa është i mundur kalimi te Barcelona?

Ndonëse një kalim te Barcelona mund të kishte qenë më i logjikshëm përpara transferimit të Marcus Rashford, tani duket më pak i mundshëm. Rashford pritet të luajë në krahun e majtë, gjë që përforcon rolin e Ferran Torres si sulmues qendror. Nëse Barça nuk planifikon të largojë Torresin apo ta bindë për një transferim, atëherë afrimi i Jackson do të konsiderohej si një përdorim joefikas i burimeve të klubit.

The post Deco i interesuar në yllin e Chelseat, dëshiron ta ketë sa më parë te Barcelona appeared first on Telegrafi.

Stadiumi i Real Madridit po transformohet në një projekt inxhinierik të paprecedentë

Stadiumi Santiago Bernabeu i Real Madridit është shndërruar në vitet e fundit në një projekt inxhinierik të paprecedentë, ku arkitektura moderne, teknologjia e avancuar dhe elementët vizualë spektakolarë ndërthuren në mënyrë mbresëlënëse.

Punimet nĂ« pjesĂ«n e brendshme tĂ« stadiumit janĂ« kryesisht tĂ« pĂ«rfunduara, ndĂ«rsa tani vĂ«mendja Ă«shtĂ« zhvendosur te fasada e jashtme – shkruan Marca, nĂ« artikullin e titulluar “Transformimi i Bernabeut”.

Fasada do të vishet me një guaskë alumini që përfshin 10,000 drita LED RGB, të cilat do të lejojnë stadiumin të ndriçohet me ngjyra të ndryshme, të krijojë efekte lëvizëse dhe të gjallërojë ambientin përreth në çdo ngjarje.

Disa prej këtyre dritave tashmë janë instaluar në kullat Castellana dhe Concha Espina, dhe testimet e para vizuale mund të shihen që tani edhe nga jashtë stadiumit.

Ky ndriçim i jashtëm do të ndihmojë gjithashtu në kontrollin e shpërndarjes së dritës së brendshme gjatë ndeshjeve që zhvillohen natën.

Paralelisht, po kryhet mirëmbajtja e strukturës së çatisë së lëvizshme, ku ndodhen të instaluara disa prej këtyre sistemeve ndriçuese.

Brenda stadiumit, ndërmjet unazës së dytë dhe të tretë të tribunave, do të instalohet një unazë e re LED, e cila pritet të jetë një komponent kyç në krijimin e një përvoje të unifikuar vizuale në Bernabéu.

Kjo unazë do të shërbejë për grafikë dinamike, efekte ndriçimi dhe mesazhe reklamuese, duke e ngritur përjetimin e spektatorëve në një nivel të ri. /Telegrafi/

The post Stadiumi i Real Madridit po transformohet në një projekt inxhinierik të paprecedentë appeared first on Telegrafi.

Harry Kane i habit të gjithë pasi iu kërkua të emëronte shokun e skuadrës me prekjen më të keqe të topit

Harry Kane mund tĂ« jetĂ« nĂ« pushim, por instinkti i tij prej golashĂ«nuesi mbetet nĂ« formĂ« tĂ« shkĂ«lqyer — si nĂ« mes tĂ« sezonit.

Sulmuesi i Bayern Munich, i cili po përgatitet për sezonin 2025/26, u bë viral pas një momenti të papritur gjatë një sesioni të qetë pyetje-përgjigjesh me tifozët, teksa promovonte këpucët e tij të reja.

GjatĂ« intervistĂ«s, Kane u pyet se cili prej shokĂ«ve tĂ« skuadrĂ«s ka “prekjen e parĂ« mĂ« tĂ« keqe”. Ai qeshi, hezitoi dhe nisi tĂ« pĂ«rgjigjej: “Oof, prekja mĂ« e keqe
 ndoshta ka disa qĂ« mund t’i pĂ«rmend
”.

Por para se tĂ« vazhdonte, njĂ« top erdhi papritur nga prapa. Pa e parĂ« fare, Kane e ndali me njĂ« prekje tĂ« parĂ« perfekte — njĂ« kontroll elegant, instinktiv dhe i ftohtĂ« — duke lĂ«nĂ« tĂ« gjithĂ« tĂ« habitur. Gjestin e bĂ«ri sikur ishte diçka e zakonshme.

Videoja u shpërnda me shpejtësi në rrjetet sociale dhe tifozët e lavdëruan për aftësinë dhe natyrshmërinë e tij, madje duke bërë shaka se kishte ndikim më të madh aty sesa disa lojtarë gjatë një ndeshjeje të plotë.

Kane nuk e zbuloi asnjĂ«herĂ« emrin e lojtarit me “prekjen mĂ« tĂ« keqe” – ndoshta kontrolli i topit ia kurseu atij momentin e sikletshĂ«m.

Bayern pritet të riorganizohet zyrtarisht në Mynih javën e ardhshme pas eliminimit nga PSG në çerekfinalet e Kupës së Botës për Klube. Trajneri i ri Vincent Kompany do të drejtojë skuadrën në miqësoren hapëse kundër Lyon më 2 gusht në Allianz Arena.

NĂ«se Kane Ă«shtĂ« apo jo nĂ« fushĂ«, njĂ« gjĂ« Ă«shtĂ« e qartĂ«: ai Ă«shtĂ« tashmĂ« nĂ« modin “gati pĂ«r sezonin”. /Telegrafi/

The post Harry Kane i habit të gjithë pasi iu kërkua të emëronte shokun e skuadrës me prekjen më të keqe të topit appeared first on Telegrafi.

TifozĂ«t e Liverpoolit i kĂ«rkojnĂ« Slotit qĂ« t’i shet dy lojtarĂ« pas debaklit nga Milani

Tifozët e Liverpoolit kanë shpërthyer në rrjetet sociale pas humbjes së skuadrës së tyre në ndeshjen miqësore parasezonale kundër Milanit.

TĂ« shtunĂ«n, nĂ« stadiumin Kai Tak Sports Park nĂ« Hong Kong, “The Reds” zhvilluan pĂ«rballjen e radhĂ«s tĂ« parasezonit ndaj gjigantĂ«ve tĂ« Serie A. Florian Wirtz debutoi pĂ«r Liverpoolin nĂ«n drejtimin e trajnerit Arne Slot, duke dhĂ«nĂ« disa sinjale pozitive me paraqitjen e tij tĂ« parĂ«.

Megjithatë, Milani siguroi fitoren me rezultat 4-2, falë dy golave nga Noah Okafor, si dhe realizimeve nga Rafael Leao dhe Ruben Loftus-Cheek. Për Liverpoolin, shënuan Dominik Szoboszlai dhe Cody Gakpo.

Pas ndeshjes, një pjesë e konsiderueshme e tifozëve u shprehën të pakënaqur me performancën e Harvey Elliott dhe Tyler Morton, të cilët ishin pjesë e Anglisë U21 që fitoi Evropianin këtë verë.

“Elliott dhe Morton duhen larguar sa mĂ« parĂ«â€, shkroi njĂ« tifoz.

NjĂ« tjetĂ«r tha: “NjerĂ«zit zemĂ«rohen qĂ« nuk luajnĂ« mjaftueshĂ«m – por me kĂ«tĂ« paraqitje, s’kanĂ« ç’tĂ« kĂ«rkojnĂ«. West Ham, tĂ« lutem
”.

“Thjesht lĂ«rini tĂ« shkojnĂ«, Morton dhe Elliott”, shkroi dikush tjetĂ«r.

“Faleminderit pĂ«r shĂ«rbimin, por kaq ishte”, komentoi njĂ« tifoz.

“Morton nuk Ă«shtĂ« ende gati pĂ«r ekipin e parĂ«. Elliott po tregon pse Slot nuk i beson”, u shpreh njĂ« tjetĂ«r.

Dhe mĂ« shkurt: “Shiten: Harvey Elliott dhe Tyler Morton”. /Telegrafi/

The post TifozĂ«t e Liverpoolit i kĂ«rkojnĂ« Slotit qĂ« t’i shet dy lojtarĂ« pas debaklit nga Milani appeared first on Telegrafi.

Hajduku i Splitit prezanton zyrtarisht Ron Raçin me një kontratë afatgjate

Mbrojtësi i talentuar kosovar, Ron Raci, është zyrtarisht lojtari më i ri i Hajduk Split, pas marrëveshjes së arritur me Prishtinën për transferimin e tij.

Lajmin e ka konfirmuar vetë klubi kroat përmes një njoftimi zyrtar.

“HNK Hajduk dhe FK Prishtina kanĂ« rĂ«nĂ« dakord pĂ«r transferimin e mbrojtĂ«sit 22-vjeçar Ron Raci, i cili ka nĂ«nshkruar njĂ« kontratĂ« me tĂ« bardhĂ«t deri nĂ« verĂ«n e vitit 2029″, thuhet fillimisht nĂ« njoftim.

“MbrojtĂ«si i gjatĂ« do t’i bashkohet menjĂ«herĂ« seancave stĂ«rvitore tĂ« ekipit tĂ« parĂ« dhe do tĂ« veshĂ« fanellĂ«n me numĂ«r 14 te Hajduku”.

“Sezonin e kaluar, Raci pĂ«rjetoi afirmim tĂ« plotĂ« nĂ« radhĂ«t e PrishtinĂ«s, ku ishte lojtari mĂ« i mirĂ« i klubit. NĂ« karrierĂ«n e tij si senior, ai bĂ«ri mbi 40 paraqitje zyrtare dhe shĂ«noi tre gola me njĂ« asist”.

“Konfirmimi i cilĂ«sisĂ« sĂ« tij tĂ« lojĂ«s erdhi nĂ« qershor nĂ« formĂ«n e njĂ« thirrjeje nĂ« ekipin kombĂ«tar tĂ« KosovĂ«s, kur ai bĂ«ri debutimin e tij zyrtar nĂ« njĂ« ndeshje kundĂ«r Komoreve”.

“Ron, mirĂ« se erdhe nĂ« Hajduk. TĂ« urojmĂ« shumĂ« fat, suksese dhe performanca tĂ« mira me fanellĂ«n e bardhĂ«!”, pĂ«rfundon njoftimi i klubit kroat /Telegrafi/

The post Hajduku i Splitit prezanton zyrtarisht Ron Raçin me një kontratë afatgjate appeared first on Telegrafi.

Tifozët e Liverpoolit thonë të njëjtën gjë rreth debutimit të Florian Wirtz në humbjen nga Milani

Kjo verë ka qenë e mbushur me disa prej transferimeve më të mëdha në botën e futbollit, por padyshim asnjë nuk ka qenë më i bujshëm se ai i Florian Wirtz te Liverpooli.

Mesfushori gjerman shkĂ«lqeu me Bayer Leverkusen gjatĂ« viteve tĂ« fundit, duke u shndĂ«rruar nĂ« njĂ« forcĂ« tĂ« vĂ«rtetĂ« pĂ«r klubin e BundesligĂ«s. I konsideruar si njĂ« nga lojtarĂ«t mĂ« premtues nĂ« botĂ«, ai u tundua nga oferta e “The Reds”, tĂ« cilĂ«t paguan 140 milionĂ« euro pĂ«r ta sjellĂ« nĂ« Anfield.

Ky ishte transferimi i parë madhor i trajnerit Arne Slot, teksa ai ndërton një skuadër që synon të rikthejë titullin e Ligës Premier sezonin e ardhshëm.

Si rrjedhojë, entuziazmi për Wirtz ishte i madh dhe tifozët më në fund patën mundësinë ta shihnin atë në fushë për herë të dytë, në miqësoren kundër Milanit të shtunën pasdite.

Mesfushori ofensiv nisi për herë të parë si titullar me fanellën e Liverpoolit, duke luajtur pjesën e parë të ndeshjes përpara se të zëvendësohej në pushim. Megjithatë, pavarësisht humbjes 4-2 ndaj skuadrës italiane, ajo pjesë e parë ishte e mjaftueshme për të ndezur komentet dhe entuziazmin në rrjetet sociale.

Edhe pse ndeshjet parasezonale nuk ofrojnë intensitetin e garës zyrtare, ato janë ideale për të parë nga afër fytyrat e reja të klubit. Dhe tifozët e Liverpoolit përfituan plotësisht, duke parë për herë të dytë Wirtz me fanellën e kuqe.

Pavarësisht se luajti vetëm 45 minuta, Wirtz u dha atyre shumë për të komentuar. Klubi mund ta ketë humbur ndeshjen, por performanca e tij u vlerësua gjerësisht, dhe momentet kryesore të paraqitjes së tij u bënë virale në rrjetet sociale.

TifozĂ«t nuk e kursyen vlerĂ«simin e tyre. NjĂ«ri prej tyre shkroi nĂ« X:”LigĂ«n Premier  nuk Ă«shtĂ« gati pĂ«r kĂ«tĂ« talent tĂ« gjeneratĂ«s”.

NjĂ« tjetĂ«r shtoi: “Jam kĂ«tu pĂ«r t’ju thĂ«nĂ« se Wirtz Ă«shtĂ« njĂ« blerje e jashtĂ«zakonshme pĂ«r Liverpoolin”.

NjĂ« mbĂ«shtetĂ«s tjetĂ«r u shpreh i entuziazmuar: “Wirtz Ă«shtĂ« njĂ« magjistar. MĂ«nyra se si krijon njĂ« rast nga asgjĂ«ja Ă«shtĂ« e pabesueshme. Pasimet e tij janĂ« tĂ« menjĂ«hershme, ai lĂ«viz sikur tĂ« ishte duke ecur. I paparashikueshĂ«m, brilant nĂ« hapĂ«sira tĂ« ngushta dhe i fortĂ« nĂ« mbajtjen e topit. NjĂ« numĂ«r 10 fantastik”.

NjĂ« komentues tjetĂ«r ishte disi mĂ« i matur, duke thĂ«nĂ«: “Wirtz luajti si njĂ« 9 i rremĂ« sot, ndaj nuk kishte shumĂ« kontakt me topin, por pamĂ« qartĂ« se çfarĂ« Ă«shtĂ« i aftĂ« tĂ« bĂ«jĂ« kur e ka atĂ«â€.

NdĂ«rsa komenti mĂ« i shkurtĂ«r, por i drejtpĂ«rdrejtĂ«, ishte: “Wirtz ishte i shkĂ«lqyer”. /Telegrafi/

The post Tifozët e Liverpoolit thonë të njëjtën gjë rreth debutimit të Florian Wirtz në humbjen nga Milani appeared first on Telegrafi.

Dita kur Blendi Memaj e mësoi se është pranuar në Akademinë e Besiktasit

Blendi Memaj ishte i ftuari i radhĂ«s nĂ« “Arena e Yjeve”, qĂ« Ă«shtĂ« prodhim i Telegrafit, ndĂ«rsa mbĂ«shtete nga Golden Eagle dhe Air Munich.

Ish-futbollisti ka rrëfyer shumë gjëra interesante rreth karrierës së tij, ndër to edhe si u pranua në akademinë e Besiktasit.

“Edhe sot kur e kujtoj Ă«shtĂ« njĂ« moment emocionues, pasi isha nĂ« lojĂ« dhe mezi kam pritur ta njoftoj familjen” rrĂ«fen Memaj nĂ« “Arena e Yjeve”.

“E mbaj mend qĂ« ishim nĂ« njĂ« garĂ« qĂ« me njĂ«farĂ« forme ishte jetĂ« a vdekje – njĂ« moment vendimtar”.

“Ishte njĂ« trajner nĂ« grupmoshat U-16, dha miratimin e tij qĂ« unĂ« tĂ« mbetesha pjesĂ« e tyre
”, rrĂ«fen mĂ« tej Memaj.

Episodi i plotë me Blendi Memajn transmetohet të shtunën në ora 17:10 në RTV Dukagjini, si dhe publikohet në kanalin zyrtar në YouTube të Telegrafit. Mos e humbisni këtë rrëfim të sinqertë e frymëzues nga një ish-futbollist që ka përjetuar majat dhe sfidat e karrierës. /Telegrafi/

 

The post Dita kur Blendi Memaj e mësoi se është pranuar në Akademinë e Besiktasit appeared first on Telegrafi.

Gvardiol vizitoi shtĂ«pinĂ« e Modricit, e cila u shemb dhe u dogj nĂ« luftĂ« – shihni çfarĂ« vari nĂ« derĂ«

MbrojtĂ«si i KombĂ«tares sĂ« KroacisĂ« dhe i Manchester Cityt, Josko Gvardiol, ka zgjedhur qĂ« pushimet t’i kalojĂ« nĂ« vendlindjen e tij, Kroaci, nĂ« vend tĂ« destinacioneve luksoze. Mes fotografive qĂ« ai postoi nga pushimet, njĂ«ra nĂ« veçanti tĂ«rhoqi vĂ«mendje tĂ« madhe.

NĂ« atĂ« foto, Gvardiol shfaqet pĂ«rpara shtĂ«pisĂ« sĂ« vjetĂ«r tĂ« Luka Modric, ku ai ka varur simbolikisht fanellĂ«n e kapitenit tĂ« KombĂ«tares kroate nĂ« derĂ«n e saj. Ky gjest prekĂ«s emocionoi shumĂ« tifozĂ«, duke rikujtuar fillimet e vĂ«shtira tĂ« Modrićit dhe rrugĂ«timin e jashtĂ«zakonshĂ«m tĂ« tij deri nĂ« majat e futbollit botĂ«ror.

ShtĂ«pia nĂ« fjalĂ« ndodhet nĂ« Zaton Obrovački, nĂ« rrĂ«zĂ« tĂ« malit Velebit, dhe dikur i pĂ«rkiste gjyshit tĂ« Modricit. PikĂ«risht kĂ«tu kaloi Luka pjesĂ«n mĂ« tĂ« madhe tĂ« fĂ«mijĂ«risĂ« sĂ« tij, duke ruajtur dhitĂ« dhe duke jetuar njĂ« jetĂ« tĂ« thjeshtĂ«, pĂ«rpara se tĂ« niste rrugĂ«n drejt famĂ«s.

GjatĂ« luftĂ«s sĂ« vitit 1991, shtĂ«pia u shkatĂ«rrua dhe iu vu zjarri, ndĂ«rsa gjyshi i Modrić u vra tragjikisht. Pas kĂ«saj ngjarjeje, familja Modrić u zhvendos nĂ« Zadar, ku pĂ«r njĂ« kohĂ« jetuan nĂ« hotele si refugjatĂ«.

Sot, shtëpia ndodhet në gjendje të rrënuar, pa asnjë shenjë që të tregojë rëndësinë historike apo personale që ajo përfaqëson. Megjithatë, turistët që vizitojnë zonën shpesh kërkojnë të shohin vendin ku ka filluar historia e futbollistit të madh.

NĂ« kĂ«tĂ« drejtim, Agjencia e Zhvillimit tĂ« Qarkut Zadar “ZADRA NOVA” ka nisur njĂ« iniciativĂ« pĂ«r restaurimin e shtĂ«pisĂ«, me synimin qĂ« ajo tĂ« shndĂ«rrohet nĂ« njĂ« qendĂ«r interpretimi qĂ« do tĂ« pĂ«rfshijĂ« njĂ« ekspozitĂ«, njĂ« dyqan suveniresh dhe hapĂ«sira informuese.

MegjithatĂ«, projekti nuk Ă«shtĂ« ende zyrtarizuar, pasi nuk ka marrĂ« miratimin e familjes Modrić. PĂ«r mĂ« tepĂ«r, shtĂ«pia konsiderohet pronĂ« shtetĂ«rore, pasi nuk ka qenĂ« nĂ« pronĂ«si private. /Telegrafi/

 

View this post on Instagram

 

A post shared by Joško Gvardiol (@josko_gvardiol)

The post Gvardiol vizitoi shtĂ«pinĂ« e Modricit, e cila u shemb dhe u dogj nĂ« luftĂ« – shihni çfarĂ« vari nĂ« derĂ« appeared first on Telegrafi.

Rodrygo shokon Arsenalin me kĂ«rkesĂ«n pĂ«r pagĂ« – refuzohet menjĂ«herĂ«

Arsenali ka refuzuar me vendosmëri të përmbushë kërkesat e larta të pagës të përfaqësuesve të sulmuesit brazilian Rodrygo, duke ndërprerë efektivisht negociatat për një transferim të mundshëm në sezonin 2025/26, raportojnë mediat britanike.

“TopçinjtĂ«â€, tĂ« cilĂ«t janĂ« pĂ«rfolur pĂ«r interesimin ndaj yllit 24-vjeçar tĂ« Real Madridit si njĂ« pĂ«rforcim tĂ« mundshĂ«m nĂ« repartin ofensiv tĂ« Mikel ArtetĂ«s, nuk janĂ« tĂ« gatshĂ«m tĂ« pranojnĂ« kĂ«rkesat financiare tĂ« lojtarit dhe agjentĂ«ve tĂ« tij.

Rodrygo, i njohur për shpejtësinë, teknikën dhe aftësinë e tij për të shënuar gola vendimtarë, u pa si një element i rëndësishëm për të shtuar thellësi dhe cilësi në sulmin e Arsenalit pas një sezoni të fortë në Ligën Premier 2024/25.

MegjithatĂ«, vendimi pĂ«r t’u tĂ«rhequr nga bisedimet tregon pĂ«r njĂ« qasje tĂ« kujdesshme tĂ« klubit londinez nĂ« menaxhimin e burimeve financiare, duke i dhĂ«nĂ« pĂ«rparĂ«si ekuilibrit tĂ« skuadrĂ«s dhe qĂ«ndrueshmĂ«risĂ« afatgjatĂ«, pas investimeve tĂ« konsiderueshme nĂ« vitet e fundit.

Rodrygo aktualisht përfiton një pagë javore prej rreth 250,000 eurosh te Real Madridi, ndërsa thuhet se ka kërkuar një rritje të ndjeshme në rast të një transferimi në Londër.

Me tĂ« ardhmen e tij ende tĂ« paqartĂ«, mbetet pĂ«r t’u parĂ« nĂ«se braziliani do tĂ« vazhdojĂ« karrierĂ«n nĂ« “Santiago Bernabeu” apo do tĂ« kĂ«rkojĂ« njĂ« aventurĂ« tĂ« re. /Telegrafi/

The post Rodrygo shokon Arsenalin me kĂ«rkesĂ«n pĂ«r pagĂ« – refuzohet menjĂ«herĂ« appeared first on Telegrafi.

Hamilton i bën thirrje bashkësisë ndërkombëtare me një foto tronditëse nga Gaza: Nuk mund të heshtim më

Një nga pilotët më të mëdhenj të të gjitha kohërave, Lewis Hamilton, ka reaguar sërish me shqetësim ndaj asaj që po ndodh në Rripin e Gazës, duke dënuar ashpër veprimet e ushtrisë izraelite dhe heshtjen ndërkombëtare përballë vuajtjeve të popullatës palestineze.

Hamilton publikoi një reagim të fuqishëm në Instagram, ku ndau foto dhe mesazhe prekëse, ndër to edhe një imazh tronditës të një nëne me fëmijën e saj të uritur, që nuk kishte ngrënë prej ditësh.

“ËshtĂ« e vĂ«shtirĂ« tĂ« gjej fjalĂ« pĂ«r tĂ« pĂ«rshkruar tmerrin e plotĂ« qĂ« ndjej duke parĂ« atĂ« qĂ« po ndodh nĂ« Gaza”, shkroi fillimisht britaniku.

Foto: Instagram

“FĂ«mijĂ«t po vdesin urie, ndĂ«rsa organizatat humanitare nuk mund tĂ« ofrojnĂ« ushqim, ujĂ« tĂ« pastĂ«r apo ndihmĂ« mjekĂ«sore – gjĂ«rat mĂ« bazike pĂ«r jetesĂ«.

“Nuk ka asnjĂ« justifikim pĂ«r kĂ«tĂ«â€, thuhet nĂ« shkrimin e Hamilton.

Foto: Instagram

Sipas Hamiltonit, më shumë se 100 fëmijë janë vrarë vetëm në javën e parë të këtij muaji, dhe ai e konsideron të papranueshme që komuniteti ndërkombëtar të qëndrojë pasiv përballë një tragjedie të tillë.

“Heshtja dhe mungesa e veprimit nga bashkĂ«sia ndĂ«rkombĂ«tare do tĂ« gjykohen nga brezat e ardhshĂ«m”, shtoi Hamilton.

Foto: Instagram

“Çdo ditĂ« qĂ« kalon pa armĂ«pushim dhe pa lejuar ndihmat tĂ« arrijnĂ« te palestinezĂ«t, nĂ«nkupton mĂ« shumĂ« jetĂ« tĂ« humbura”.

“Ata qĂ« janĂ« nĂ« pushtet duhet tĂ« bĂ«jnĂ« gjithçka qĂ« munden pĂ«r t’i dhĂ«nĂ« fund kĂ«saj vuajtjeje – dhe duhet ta bĂ«jnĂ« tani”, pĂ«rfundoi piloti i Formula 1.

Krahas reagimit, ai publikoi edhe disa mënyra të mundshme për të ndihmuar njerëzit në Gaza, duke i bërë thirrje ndjekësve që të mos qëndrojnë indiferentë. /Telegrafi/

Foto: Instagram

The post Hamilton i bën thirrje bashkësisë ndërkombëtare me një foto tronditëse nga Gaza: Nuk mund të heshtim më appeared first on Telegrafi.

Blendi Memaj rrĂ«fen karrierĂ«n nĂ« “Arena e Yjeve” – nga Besiktasi te rikthimi nĂ« SuperligĂ«n e KosovĂ«s

NĂ« episodin mĂ« tĂ« ri tĂ« podcastit “Arena e Yjeve”, prodhim i Telegrafit, vjen njĂ« rrĂ«fim i rrallĂ« nga ish-futbollisti kosovar Blendi Memaj, i njohur pĂ«r eksperiencat e tij me gjigantin turk Besiktas, ekipin Beylikduzuspor dhe disa klube nĂ« KosovĂ«. Ky episod realizohet me mbĂ«shtetjen e sponsorĂ«ve zyrtarĂ« Golden Eagle dhe Air Munich.

NĂ« kĂ«tĂ« intervistĂ« tĂ« veçantĂ«, Memaj rrĂ«fen hapat e parĂ« nĂ« karrierĂ« – nga fillimi me KF Liria, deri te pĂ«rzgjedhja nĂ« ekipin kombĂ«tar U15 tĂ« KosovĂ«s, ku ra nĂ« sy tĂ« njĂ« menaxheri qĂ« e çoi drejt akademisĂ« sĂ« Besiktasit.

Ai tregon emocionet e momentit kur mori lajmin për pranimin në këtë klub të madh turk, jetën si pjesë e akademisë dhe rutinën e përditshme si lojtar i ri në një ambient profesionist.

Memaj ndalet edhe te stërvitjet me ekipin e parë të Besiktasit nën urdhrat e Slaven Bilic dhe Edin Terzic, si dhe takimet me yje si Ricardo Quaresma, Vincent Aboubakar dhe Anderson Talisca. Një moment vendimtar ishte lëndimi gjatë stërvitjes me ekipin e parë, që ndikoi në rrjedhën e karrierës së tij.

Pas njĂ« periudhe te Rabotnicki, Blendi kujton ndalimin e papritur nĂ« Serbi gjatĂ« kthimit nga njĂ« provĂ« nĂ« Kroaci, si dhe rikthimin nĂ« KosovĂ« te Trepça ’89 dhe mĂ« pas sĂ«rish te Liria, pĂ«rpara se tĂ« kalonte te Beylikduzuspor nĂ« Turqi.

Në fund, ai ndalet edhe te eksperiencat me Lirinë, Llapin dhe Dukagjinin, si dhe momentin emocional të penalltisë që e riktheu klubin e zemrës së tij në Superligë.

Episodi i plotë me Blendi Memajn transmetohet të shtunën në ora 17:10 në RTV Dukagjini, si dhe publikohet në kanalin zyrtar në YouTube të Telegrafit. Mos e humbisni këtë rrëfim të sinqertë e frymëzues nga një ish-futbollist që ka përjetuar majat dhe sfidat e karrierës. /Telegrafi/

The post Blendi Memaj rrĂ«fen karrierĂ«n nĂ« “Arena e Yjeve” – nga Besiktasi te rikthimi nĂ« SuperligĂ«n e KosovĂ«s appeared first on Telegrafi.

Pagat bruto dhe neto tĂ« lojtarĂ«ve tĂ« Real Madridit – ka pakĂ«naqĂ«si nĂ« zhveshtoren e Los Blancos

Real Madridi ka njoftuar zyrtarisht se për sezonin financiar 2024/2025 ka arritur një rekord të ri në të ardhura, me plot 1.185 miliardë euro të gjeneruara dhe një fitim neto prej 24 milionë eurosh pas taksave.

Këto rezultate theksojnë menaxhimin financiar të shkëlqyer të klubit të drejtuar nga Florentino Perez, duke shënuar një nga momentet më të forta ekonomikisht në historinë moderne të klubit.

Në mënyrë të veçantë, klubi ndan vetëm 43% të të ardhurave për pagat bruto dhe neto të skuadrës, shumë më poshtë pragut të rekomanduar prej 70 për qind nga UEFA.

Në fakt, kjo është përqindja më e ulët që nga sezoni 2009/2010, duke reflektuar kontrollin e rreptë të politikave të brendshme të pagave, pa ndikuar aspak në performancën e ekipit.

Mbappe dhe hierarkia e pagave

Lojtari mĂ« i paguar aktualisht te “Los Blancos” Ă«shtĂ« Kylian Mbappe, i cili pĂ«rfiton 31 milionĂ« euro bruto nĂ« sezon (rreth 16 milionĂ« euro neto). NĂ« krahun tjetĂ«r tĂ« spektrit, Endrick Felipe, pĂ«rforcimi i ri brazilian, pĂ«rfiton mbi 4 milionĂ« euro bruto (rreth 2 milionĂ« neto), duke qenĂ« lojtari mĂ« i lirĂ« nĂ« aspektin financiar.

NĂ« krahasim me vitin e kaluar, tĂ« ardhurat totale janĂ« rritur me mĂ« shumĂ« se 10 pĂ«r qind, ndĂ«rsa pĂ«rqindja e shpenzimeve pĂ«r paga Ă«shtĂ« ulur nga 47 pĂ«r qind nĂ« 43 pĂ«r qind. Klubi thekson se ky Ă«shtĂ« njĂ« tregues i “pĂ«rsosmĂ«risĂ« sĂ« brendshme financiare”, pasi tĂ« dy pĂ«rqindjet janĂ« nĂ«n kufirin optimal prej 50 .

Rroga në defanziv: Alaba dhe Courtois kryesojnë

Në repartin mbrojtës, David Alaba kryeson me një pagë prej 22.5 milionë euro bruto (11.25 milionë neto), i ndjekur nga portieri Thibaut Courtois me 15 milionë bruto (7 milionë neto). Rudiger dhe Militão ndajnë një pagë të ngjashme prej 14.5 milionë bruto (7.25 milionë neto), ndërsa Carvajal dhe Mendy marrin rreth 10.5 milionë bruto (5.25 milionë neto) secili.

Fran García (5.2 milionë bruto/2.6 neto) dhe Andriy Lunin (4.5 milionë bruto/2.25 neto) përmbyllin listën. Ndërkohë, Lucas Vazquez dhe Jesus Vallejo janë larguar, përkatësisht me paga prej 9.4 dhe 1.8 milionë euro bruto.

Mesfusha nën komandën e Bellingham

Jude Bellingham është lojtari më i paguar në mesfushë, me 20.8 milionë euro bruto (10.4 milionë neto), duke kaluar Fede Valverde që merr 16.7 milionë bruto (8.4 neto). Pas tyre renditen Tchouameni dhe Camavinga, me 12.5 milionë bruto (6.3 neto). Dani Ceballos dhe Arda Guler përfitojnë 10.4 dhe 5.2 milionë bruto përkatësisht, me paga neto që shkojnë në 5 dhe 2.6 milionë euro.

Veterani Luka Modric ka reduktuar ndjeshëm pagën pas rinovimit, duke marrë 10.5 milionë bruto sezonin e kaluar (afro 5 neto).

Sulmi: Mbappe dhe Vinicius në krye

NĂ« sulm, MbappĂ© mbetet i pakapshĂ«m me 16 milionĂ« euro neto nĂ« sezon, pa llogaritur bonuset e firmĂ«s. Vinicius Junior ka tĂ« njĂ«jtĂ«n pagĂ« si Bellingham – 20.8 milionĂ« bruto (10.4 neto) – dhe synon njĂ« rinovim qĂ« ta vendosĂ« nĂ« nivelin e francezit, megjithĂ«se negociatat mbeten tĂ« ndĂ«rlikuara.

Rodrygo Goes pĂ«rfiton 12.5 milionĂ« bruto (6.25 milionĂ« neto), ndĂ«rsa Brahim Diaz merr 7.3 milionĂ« bruto (3.7 neto). Endrick Felipe pĂ«rmbyll listĂ«n, por nĂ« horizont Ă«shtĂ« edhe talenti Gonzalo GarcĂ­a, i cili mund t’i bashkohet ekipit tĂ« parĂ« pas paraqitjeve tĂ« shkĂ«lqyera nĂ« KupĂ«n e BotĂ«s pĂ«r Klube. Klubi Ă«shtĂ« nĂ« negociata pĂ«r rinovimin e kontratĂ«s sĂ« tij, e cila skadon nĂ« vitin 2027 dhe pĂ«rmban njĂ« klauzolĂ« lirimi prej 50 milionĂ« eurosh. /Telegrafi/

The post Pagat bruto dhe neto tĂ« lojtarĂ«ve tĂ« Real Madridit – ka pakĂ«naqĂ«si nĂ« zhveshtoren e Los Blancos appeared first on Telegrafi.

Ka rinovuar kontratën me Mallorcan, Vedat Muriqi zbulon se sa fiton

Vedat Muriqi ka vendosur t’i qĂ«ndrojĂ« besnik Mallorcas – jo pĂ«r para, por pĂ«r familjen dhe vazhdimĂ«sinĂ«.

Sulmuesi i Kosovës ka rinovuar kontratën me klubin spanjoll deri në verën e vitit 2029, duke u konfirmuar si një nga figurat kyçe të skuadrës.

PavarĂ«sisht pritshmĂ«rive tĂ« tifozĂ«ve pĂ«r njĂ« rritje page pas rinovimit, 31-vjeçari zbuloi nĂ« njĂ« intervistĂ« pĂ«r “Cadena Ser” se paga e tij do tĂ« mbetet e njĂ«jtĂ« me atĂ« tĂ« sezonit tĂ« kaluar – rreth 4 milionĂ« euro nĂ« vit, çka e bĂ«n gjithsesi lojtarin mĂ« tĂ« paguar tĂ« ekipit.

“ShumĂ« njerĂ«z pyesin pĂ«r pagĂ«n time. Me rinovimin, unĂ« thjesht do tĂ« fitoj njĂ«soj si mĂ« parĂ«, por pĂ«r njĂ« periudhĂ« mĂ« tĂ« gjatĂ«. ParatĂ« nuk janĂ« gjithçka pĂ«r mua”, u shpreh Muriqi.

Ai shtoi se vendimin pĂ«r tĂ« qĂ«ndruar e kishte marrĂ« nĂ« koordinim me vajzĂ«n e tij. “Agjenti mĂ« tregoi pĂ«r disa oferta, por kur e pyeta vajzĂ«n nĂ«se dĂ«shironte tĂ« largohej nga Mallorca, ajo mĂ« tha jo”.

Muriqi iu bashkua Mallorcas në vitin 2022 nga Lazio për shumën prej tetë milionë eurosh, dhe që nga ajo kohë është bërë lider në fushë dhe i dashur për tifozët.

Deri tani ka regjistruar 118 paraqitje, duke realizuar 35 gola dhe 11 asistime në të gjitha garat.

Me këtë vendim, Muriqi jo vetëm që konfirmon stabilitetin e tij si lider i Mallorcas, por tregon edhe se ndonjëherë, lumturia dhe familja vlejnë më shumë sesa milionat shtesë. /Telegrafi/

The post Ka rinovuar kontratën me Mallorcan, Vedat Muriqi zbulon se sa fiton appeared first on Telegrafi.

Neymar kthehet në Evropë në një transferim surprizë?

Neymar mund të rikthehet në futbollin evropian, dhe një nga kandidatët më seriozë për të siguruar shërbimet e tij është Olympique Marseille, sipas disa burimeve të afërta me klubin.

Sulmuesi brazilian, i cili aktualisht luan pĂ«r Santos, thuhet se po shqyrton njĂ« rikthim nĂ« EvropĂ« pĂ«r tĂ« rifituar formĂ«n mĂ« tĂ« mirĂ« konkurruese dhe pĂ«r t’u pĂ«rgatitur sa mĂ« mirĂ« pĂ«r Kampionatin BotĂ«ror tĂ« ardhshĂ«m.

Raportohet se klubi francez tashmĂ« ka nisur negociatat pĂ«r transferimin e tij. Edhe pse marrĂ«veshja nuk pritet tĂ« jetĂ« e lehtĂ«, drejtuesit e Marseille besojnĂ« se dĂ«shira e Neymar pĂ«r t’u rikthyer nĂ« njĂ« ligĂ« elitare evropiane mund tĂ« jetĂ« vendimtare.

Braziliani është entuziast për mundësinë që të bëhet pjesë e një projekti ambicioz, në të cilin do të kishte një rol kyç në fushë dhe jashtë saj.

Për këtë arsye, Marseille është e gatshme të bëjë lëvizje të rëndësishme financiare dhe sportive për ta bindur yllin e Amerikës së Jugut dhe për të finalizuar transferimin sa më shpejt që të jetë e mundur, sipas mediave që ndjekin nga afër zhvillimet e fundit.

Statistikat e Neymar dhe lidhja me Francën

Neymar Ă«shtĂ« i njohur mirĂ« nĂ« futbollin francez. Ai ka luajtur pĂ«r Paris Saint-Germain nga viti 2017 deri mĂ« 2023, pas transferimit rekord prej 222 milionĂ« eurosh nga Barcelona. GjatĂ« qĂ«ndrimit nĂ« “Parc des Princes”, ai fitoi pesĂ« tituj tĂ« Ligue 1, luajti njĂ« finale tĂ« LigĂ«s sĂ« KampionĂ«ve, dhe shĂ«noi 118 gola duke dhĂ«nĂ« 79 asiste nĂ« 173 ndeshje zyrtare.

Rikthimi i tij te njĂ« klub francez si Marseille do tĂ« pĂ«rbĂ«nte njĂ« lĂ«vizje tĂ« bujshme, veçanĂ«risht pĂ«r shkak tĂ« rivalitetit tĂ« fortĂ« midis Marseille dhe PSG – dy klubet mĂ« tĂ« mĂ«dha nĂ« futbollin francez. PĂ«rballja e tyre klasike nĂ« Ligue 1 njihet si Le Classique, ndĂ«rsa ata janĂ« gjithashtu dy ekipet e vetme franceze qĂ« kanĂ« fituar tituj nĂ« arenĂ«n evropiane.

E ardhmja e afërt

Neymar aktualisht ka kontratë me Santosin deri në fund të këtij viti. Vendimi për të ardhmen e tij pritet të merret në muajt e ardhshëm, ndërsa Marseille mbetet me shpresë se mund ta rikthejë në skenën evropiane një nga talentet më të mëdhenj të brezit të tij. /Telegrafi/

The post Neymar kthehet në Evropë në një transferim surprizë? appeared first on Telegrafi.

❌