Read More...

Read More...

Read More...

Analisti Ergys Mërtiri u shpreh se figurat e votuara në PD si Ilir Alimehmeti apo edhe Jorida Tabaku duke qëndruar pas Sali Berishës, nuk kanë për të fituar kurrë.

Gjatë intervistës, në emisionin “Real Story” në ABC News u shpreh se duhet një “Foltore” kundër doktorit.

“Duke qëndruar pas doktori nuk kanë për të fituar kurrë. Alimehmeti nuk ka për të fituar kurrë. Duhet të bashkohen kundër doktorrit…Kështu si janë, janë thjesht vartës së një kauzë të humbur. Duhet foltore kundër doktorit”, tha Mërtiri.

Nga ana e tij eksperti ligjor Indrit Sefa, tha se i detyrohen demokratëve që të mbajnë një qëndrim dhe të bëjnë bashkë Partinë Demokratike që presin demokratët.

Ndërsa analisti Roland Bejko u shpreh se në rast se do të prevalonte ideali, atëherë figurat që morën më shumë vota nga demokratët, do të dilnin edhe kundër Berishës që shihet si figura që po e dëmton PD.

Pjesë nga biseda në studio:

Bejko: U mbështetën mbi parime, mbi moralin, ndërkombëtarët, moralin. Humbëm na mundi. Ne ikëm me njollën se u ndamë nga Saliu. Ndërsa Lapaj kishte avantazhin se ishin të rinj.

Mërtiri: Berisha nuk është i fortë. Në momentin që njerëzit perceptojnë se nuk e mund dot Ramës, atëherë nuk vlen. Ndaj duhet që forca të reja duhet të grumbullojnë të gjithë votat që mos shkojnë te Berisha.

Sefa: A i ke parë të gjithë eksponentët dhe që kanë marrë vota në listë të hapur. Thonë të ikin të gjithë, por ai jo (Berisha). Ai duhet të reformojë PD.

Bejko: Ky kontigjent votuesish nëse nuk do gjente Joridën, Alimehmetit, apo Aulon Kalanë, ose do qëndronin në shtëpi, por vota Berishës nuk do i jepnin. Pra në rast se këto vota që i kanë shkuar Lapaj dhe Shabanit për shkak se donin një figurë të re…po të ndodhë në zgjedhjet e ardhshme Berisha po ndryshoi strategji, mund të kthehen votat, lëre pastaj po të ikën Berisha, mund të jetë edhe më mirë. Ata kanë marrë vota të demokratëve që janë për PD, por jo për Saliun. Po të prevalojnë interesat e idealit, del kundër Berishës, por kërkon këllqe dhe besim te vetja. Ata nuk kanë besim te vetja.

Sefa: Edhe për detyrimin që i kanë demokratëve, duhet të mbajnë një qëndrim për atë që ka ndodhur. Por ata kanë detyrimin të dalin përballë dhe të bëjnë PD.

/abcnews.al/

“Një nga dobësitë që kam vënë re ishte fakti se sa më shumë Lapaj rritej në përqindje aq më arrogant bëhej”, kështu u shpreh analisti Roland Bejko gjatë intervistës në emisionin “Real Story” në ABC News, ndërsa komentoi përplasjen Lapaj-Shabani,.

Gjithashtu ai theksoi se pritshmëritë e qytetarëve për figurat e reja ishin shumë të larta, por treguan shumë papjekur politike dhe se nuk arritën të menaxhonin si duhej pakënaqësitë mes tyre.

“Treguan që kanë mungesë pjekurie politike. Duhet të dëshmonin se ideali i tyre është më i lartë se çdo gjë tjetër. Por sot shikohet që këta u zunë për një karrige. Tani duhet të bëjnë akte shumë të forta që të ndryshohet qasja. Lapaj që do të vazhdojë duhet të tregojë që realisht është ndryshe…”, tha më tej Bejko.

Ndërsa për analistin Ergys Mërtiri, Adriatik Lapaj duhet të mbajë përgjegjësi. Po ashtu u shpreh se papjekuria e tyre nisi që nga deliri, “kur deklaronte gjatë fushatës se do të merrte 71 mandate”

“Papjekuria e parë fillon tek deliri që shprehej se do merrnin 71 mandate. Pjesa tjetër është mungesë menazhimi mes idesë që ke krijuar për veten dhe realitetin. Politika është sporti më i vështirë. Megjithatë un them se po i dënojmë më tepër se sa e meritojnë”, tha Mërtiri.

Analisti Roland Bejko komentoi në emisionin “Real Story” në ABC News , përplasje e krijuar mes Endrit Shabanit dhe Adriatik Lapajt. Ai u shpreh se u krijua një pritshmëri e lartë dhe se shumë njerëz treguan që donin t’i jepnin një shans të rinjve. Por sipas tij, këto dy figura treguan papjekuri politike dhe se mund ta kishin shmangur këtë sherr të krijuar mes tyre, pasi si shtoi Bejko, “treguan se u zunë për një karrige”.

“Shabani bënte sikur nuk e donte sikur ishte parimore dhe shprehej se i takonte Lapajt. Por nga ana tjetër i pari që e ngacmoi këtë situatë ishte daja i Shabanit. Dhe kur del daja në këtë moment , pra kur del garant për dikë dhe ai prish loja përgjegjësia të mbetet ty. Ata 60 mijë vota kanë votuar duke marrë parasysh lidershipin e asaj partie. Ai mandat i takonte Lapaj, por po të ishin dy figura politike të pjekura dhe të prevalonte ideali, do ta kishin zgjidhur pa dalë fare ky sherr. Treguan që kanë mungesë pjekurie politike. Duhet të dëshmonin se ideali i tyre është më i lartë se çdo gjë tjetër. Por sot shikohet që këta u zunë për një karrige. Tani duhet të bëjnë akte shumë të forta që të ndryshohet qasja. Lapaj që do të vazhdojë duhet të tregojë që realisht është ndryshe…”, tha më tej Bejko.

/abcnews.al/

Portugalia po shqyrton mundësinë për të njohur shtetin palestinez, duke iu bashkuar në këtë mënyrë Francës, Britanisë dhe Kanadasë.

Qeveria portugeze pritet të zhvillojë konsultime me presidentin dhe parlamentin e vendit, mbi mundësinë e njohjes së shtetit palestinez në OKB në shtator.

“Portugalia “po shqyrton njohjen e shtetit palestinez, brenda kuadrit të një procesi që mund të përfundojë në javën e Asamblesë së 80-të të Përgjithshme të Kombeve të Bashkuara, e cila do të mbahet në New York në shtator”, thuhet në deklaratën e qeverisë.

Këto iniciativa vijnë pasi një grup ndërkombëtar i monitorimit të urisë i mbështetur nga OKB-ja konfirmoi të martën se në Gaza po zhvillohet “skenari më i keq i urisë”.

/abcnews.al/

Shkodër- Një përplasje fizike ka ndodhur mes dy personave që ka degjeneruar në përdorimin e armës së ftohtë.

Njëri prej tyre ka nxjerrë thikën dhe ka goditur tjetrin, duke e lënë të plagosur. Sherri ka ndodhur në qytetin e Shkodrës, në zonën e njohur si “Ish Dega”.

Autori i ngjarjes 28-vjeç është shoqëruar menjëherë në komisariat nga forcat e policisë, ndërsa i plagosuri 42-vjeç ndodhet në spitalin rajonal të Shkodrës nën kujdesin e mjekëve.

Nuk dihen ende shkaqet që çuan në konfliktin mes tyre. Policia po vijon hetimet për të zbardhur rrethanat e ngjarjes.

/abcnews.al/

Policia e Himarës ka vënë në pranga një prej autorëve të dyshuar pas plagosjes me armë zjarri që u regjistrua në Borsh në orët e para të së enjtes. Policia thotë se në pranga ka përfunduar 42-vjeçari Hekuran Çela, ndërsa u shpall në kërkim Edmond Vlashi.

Sipas njoftimit zyrtar, ngjarja ka ndodhur në ambientet e brendshme të një lokali, pas një konflikti për motive të dobëta ku u përfshinë disa persona.

42-vjeçari Hekuran Çela nga Borshi është dhunuar fizikisht me grushte nga 55-vjeçari Edmond Vlashi. Pas këtij moment, 42-vjeçari është larguar nga lokali duke marrë një armë zjarri automatik me të cilën ka qëlluar në drejtim të automjetit tip “Volkswagen”, me drejtues shtetasin Erald Shullazi.

I riu Shullazi ndodhet aktualisht në spital, pasi ka marrë plagë në shpatull dhe në këmbë. Sipas hetimeve nga policia, Hekuran Çela ka goditur me qytën e armës edhe një 34-vjeçar.

42-vjeçari Hekuran Çela akuzohet për “Vrasje me dashje”, mbetur në tentativë, dhe “Prodhimi dhe mbajtja pa leje e armëve luftarake dhe e municionit”. Ndërsa I shpalluri në kërkim Edmond Vlashi akuzohet për veprën penale “Dëmtime të tjera me dashje”.

Në vendngjarje janë sekuestruar në cilësinë e provës materiale 4 gëzhoja dhe një krehër me fishekë.

/abcnews.al/

Durrës- Pesë persona janë shpëtuar nga efektivë të njësisë policore detare, për shkak se rrezikuan të mbyteshin në det. Gomonia e tyre po fundosej për shkak të moti të keq

Autoritetet ndërhynë në kohë dhe bënë të mundur nxjerrjen në breg të qytetarëve, të cilët ndodheshin në gjendje të mirë shëndetësore.

Autoritetet bëjnë thirrje që të tregohen të kujdesshëm në çdo rast.

/abcnews.al/

Juristja Brizida Gjikondi ka vlerësuar punën e SPAK ndër vite. Sipas saj është institucioni që shqiptarët kanë besim dhe që ka kthyer shpresën tek drejtësia.

Gjatë intervistës në “Tirana Live” në ABC News, Gjikondi la të nënkuptohej se edhe gjatë muajit gusht nuk do të ketë pushime për SPAK dhe se mund të ketë “aksione” të radhës, ndërsa vlerësoi operacionin e fundit të goditjes së një grupi kriminal që merrej me mashtrime kompjuterike.

“Besoj që gushti nuk do ketë pushim për SPAK. Mund të ketë pushim për politikën shqiptare, por jo për SPAK dhe jo më jep disi shpresë. Dumani mendoj që është i njëtrajtshëm në profesionalizmin e tij. Por është e trishtueshme kur tha “që politika shqiptare mund të kufizojë hapësirën apo ndoshta edhe për ta mbyllur si institucion”. Por Shqipëria është një vend që ka nevojë për një institucion si SPAK për të rikthyer vlerën dhe moralin. Është shpresa e vetme pavarësisht sulmeve që i bëhen. Deri tani besoj se nuk ka arritur të ndikohet dhe të zbehë sulmin e saj ndaj të keqes”, tha ndër të tjera Gjikondi.

/abcnews.al/

Juristja Brizida Gjikondi u shpreh se PD tashmë i takon të shkuarës dhe se sipas saj është pajtuar me fatin e trishtë të saj, “për të pasur një person me probleme në krye të saj”. Tanimë nuk u bën më përshtypje është apo jo Berisha non-grata sepse sipas saj i bashkon interesi dhe jo ideali.

Gjatë intervistës në “Tirana Live” në ABC News, Gjikondi tha se PD duket se ka marrë totalisht pushimet dhe se sipas saj, nuk do të jetë çudi që në shtator të nisin sërish “teatrin” e tyre.

“Berisha dhe e vërteta nuk janë asnjëherë në të njëjtin kah. Ata janë thjesht lobues, kanë marrë një shumë të majme pagesash. Dhe një nga arsyet për t’i treguar DASH se kanë të bëjnë me një të moshuar mjeran, këto janë histori të njohura kush merret me ligje dhe amnisti”, tha ajo.

/abcnews.al/

As Bashkia e Tiranës nuk i shpëtoi rifreskimit. Këtë të enjte, katër nënkryetarët paraqiten dorëheqjen nga detyra. Deri më tani nga ky riorganizim nuk është prekur Anuela Ristani, e cila vijon të mbajë detyrën e kryetares së komanduar.

Juristja Brizida Gjikondi në një intervistë në “Tirana Live” në ABC News komentoi këto ndryshime në Bashkinë e Tiranës, duke e vlerësuar si një “rifreskim” dhe domosdoshmëri. Gjatë intervistës, Gjikondi theksoi se zëvendësuesit e rinj, janë emrat e duhur për Bashkinë.

“Bashkia e Tiranës ka nevojë për një rifreskim edhe për shkak të traumës që ka kaluar. Besoj që filozofia e Ramës do të ndikonte edhe në Tiranë. Në këtë hark kohor ku pritet që Rama të shpallë zgjedhjet për Bashkinë e Tiranës duhet me patjetër që të vazhdojë puna. Mendoj që kanë qenë vendime të duhura dhe mirëmenduar. Patjetër e nevojshme sepse ndihej impakti në qytetet i problemeve që kishte vetë administrata e Bashkisë. Edhe Veliaj me mospozicionin e tij të qartë nuk ka ndikuar për mirë për këtë klimë në bashkinë e Tiranës. Mendoj që është momenti i duhur që të shpallen zgjedhjet e parakohshme”, tha ajo.

/abcnews.al/

Diplomati i lartë amerikan John Kelly në Këshillin e Sigurimit të OKB deklaroi se presidenti Trump kërkon një  marrëveshje për t’i dhënë fund luftës në Ukrainë.

“Si Rusia ashtu edhe Ukraina duhet të negociojnë një armëpushim dhe një paqe të qëndrueshme. Ka ardhur koha për të arritur një marrëveshje. Presidenti Trump këtë e ka bërë të qartë dhe se kjo duhet të arrihet deri më 8 gusht. Shtetet e Bashkuara të Amerikës po përgatiten të zbatojnë masa shtesë për të siguruar paqen”, ka thënë mes të tjerash diplomati i lartë amerikan, John Kelly.

/abcnews.al/

Një tjetër serb është dënuar nga autoritetet e drejtësisë në Kosovë me akuzën për krime lufte. Gjykata Themelore në Prishtinë ka dënuar Millosh Pleskoviçin me 15 vjet burgim.

Sipas aktakuzës, Pleskoviç bashkë me një grup serbësh të armatosur, kanë vrarë tre civilë shqiptarë me kallashnikov dhe kanë plagosur disa të tjerë në qytetin e Prizrenit.

Gjykatësi Rrahman Beqiri ka thënë këtë të enjte se vendimi do të ekzekutohet në afat prej 15 ditësh nga hyrja në fuqi e aktgjykimit, ndërsa Pleskoviç ka qenë ndërkohë nën masën e paraburgimit.

Ne dosjen e prokurorisë është përmendur edhe se familjarëve të të ndjerëve u ishte lejuar që t’i merrnin trupat e viktimave pas një jave nga vrasja.
Trupat e tyre ishin vendosur mbi njeri-tjetrin: njëri nga ta e kishte këmbën e prerë, ndërkaq viktima tjetër nuk e kishte kokën në trup.

Pas dënimit te serbit Millosh Pleskoviç avokati i viktimave Gent Gjini tha se ky kriminel është gjykuar me ligjin e Jugosllavisë. Ai ishte i shoqëruar nga familjaret e viktimave qe ishin prezent ne gjyq.

“Ky dënim është shumë pak, në raport me masakrat. Zonjës ia ka masakruar dy fëmijë binjak. Ua ka pre gjymtyrët. Janë faktet. Gjykata e ka dënuar shumë pak me ligje të Jugosllavisë. Pleskoviç ka qenë pjesë e “Beretave të Kuqe” të kriminelit serb Arkan”, është shprehur avokati Gent Gjini.

Gjatë luftës në Kosovë më 1998/99 u vranë mbi 13.000 civilë, ndërsa mijëra të tjerë u zhdukën.

Rreth 1.600 persona, kryesisht shqiptarë, janë ende të zhdukur.

Ndër vite, autoritetet e drejtësisë në Kosovë kanë akuzuar ose dënuar disa persona për krime lufte.

/abcnews.al/

Situata politike në Kosovë është më serioze sasa perceptohet. Kështu deklaron Ambasadori i Mbretërisë së Bashkuar në Kosovë, Jonathan Hargreaves duke shprehur hapur shqetësimin e tij për situatën institucionale në vend.

Sipas Diplomatit, ngërçi politik, deri në moskonstituimin e Kuvendit edhe pas 54 tentativave, duhet vlerësuar me rëndësinë që ka dhe se kriza politike në Kosovë është më e thellë se sa thjesht një çështje ligjore apo kushtetuese.

“Sipas mendimit tim, ende jemi në një fazë ku pritet vendimi i Gjykatës Kushtetuese. Megjithatë, në fund të fundit, kjo është një çështje që duhet të zgjidhet përmes kompromisit politik ndërmjet partive. Kjo është në thelb zemra e problemit. Kushtetuta dhe ligjet përbëjnë kuadrin, por është detyrë e partive që të bien dakord për rrugën përpara,” u shpreh Hargreaves.

Ai foli gjithashtu për zgjedhjet lokale të pritshme në vjeshtë, duke theksuar se ato përbëjnë një mundësi për të gjitha komunitetet – veçanërisht për komunitetin serb – që të shprehin vullnetin e tyre. Ai i inkurajoi ata të marrin pjesë, duke e parë këtë si një hap pozitiv për integrimin e serbëve në jetën institucionale të vendit.

Deri me 8 gusht Kushtetuesja ja ka ndaluar deputeteve të këtij legjislacioni të dalë nga zgjedhjet e 9 shkurtit çdo veprim në Kuvend, por edhe jashtë tij duket se përpjekjet për t’i dhënë vendit institucionet e reja janë të papërfillshme.

Situata me zjarret vijon të mbetet problematike në Spanjë. Për t’i ardhur në ndihmë ekipeve të zjarrfikësve është angazhuar edhe Ushtria. Sipas statistikave Spanja ka regjistruar më shumë zjarre se në vitet e mëparshme.

Ndërkohë që zjarret po përhapen me shpejtësi në rajonet qendrore të Cacerres dhe në Avila. Aktualisht në Spanjë janë raportuar rreth 130 zjarre.

/abcnews.al/

Në një intervistë në “Edicioni i Fundit” në ABC News, avokati Romeo Kara foli çështjen Meta-Kryemadhi që kanë tre akuza të rënda korrupsion, pastrim parash dhe fshehje pasurie.

Gjatë intervistës, avokati tha se nëse provohen saktë akuzat dënimi për Metën mund të jetë 10-15 vite, ndërsa për Kryemadhin u shpreh: “nuk mund të them diçka të qartë”.

“Po të ishte një gjyq jo kaq i rëndësishëm nga ana e opinionit mund të shkonte edhe një muaj. Por mund të zgjasë edhe më tepër. Kjo seancë nuk besoj se do t’i kalojë më tepër se gjashtë muaj. Maksimumi them. Shkalla e parë mendohet që duhet të mbyllet edhe brenda 1 viti e gjysmë. Hetimi ka qenë shumë i rëndësishëm, tani jemi përballë vijueshmërisë provave. Le të shpresojmë të jetë një proces i drejtë gjyqësor”, tha më tej ai.

/abcnews.al/

Kanadaja po planifikon të njohë shtetin palestinez. Kështu ka deklaruar kryeministri Mark Carney. Kanadaja bëhet kështu vendi i tretë i G7 që merr një vendim të tillë. Megjithatë Carney tha se një veprim i tillë do të varet nga kushte të caktuara, duke përfshirë edhe angazhimet e Autoritetit Palestinez për të reformuar rrënjësisht qeverisjen e tij.

Ky qëndrim vjen një ditë pasi Britania deklaroi se do ta njihte shtetin palestinez në shtator nëse Izraeli nuk pranonte një armëpushim. Ndërsa javën e kaluar ishte Franca ajo që deklaroi se do ta njohë zyrtarisht shtetin palestinez.

/abcnews.al/

Kodi i ri penal ka shkaktuar shumë debate e diskutime me qëndrime edhe kundër. Avokati Romeo Kara, në “Edicioni i Fundit” në ABC News tha se mënyra se si janë parashikuar dispozitat do të krijojë shumë më tepër konfuzion.

Po ashtu nënvizoi se ka mundësi që të prekin disa parime kryesore të sigurisë juridike.

“Është bërë një hap shumë i nxituar, shpresoj të kthehet mbrapsht dhe të diskutohet nga të gjithë palët. Aktorë të rëndësishëm kanë thënë që ky Kod Penal parashikon pothuaj dyfishimin e veprave penale”, u shpreh ai.

Gjithashtu gjatë intervistës, avokati i qëndroi mendimit se këtij Kodi të Ri duhet të t’i jepet një tjetër formë diskutimi dhe të jetë më profesional.

“Ka një tendencë represive…Si mund të vijë një qytetar i huaj në Shqipëri dhe të ketë të bëjë me një kornizë ligjore që nuk ka edhe sens. Do të krijohet patjetër një çoroditje. Me këtë kod, kolapsi është i sigurt”, tha ai, duke shtuar: “Fakti që tani kanë dalë të gjithë aktorët të thonë që është punuar fshehurazi kjo nuk fshihet më. Nuk ka efektivitet në seanca gjyqësore. Mund të krijojë edhe pasoja nëse nuk trajtohet si duhet. Janë kujdesur për ata që kanë bërë vepra të rënda, edhe popullit i shton presionin. Taksat po shtohen, presioni ligjor po shtohet dhe ne nuk po marrim vesh se çfarë kemi lënë pa paguar”.

/abcnews.al/