TIRANË, 5 korrik /ATSH/ Kampi veror RinCamp2025 në sesionin e tij përmbyllës bëri bashkë shumë të rinj, por edhe përfaqësues të pushtetit vendor dhe atij qendror.

Ministrja e Shtetit për Rininë dhe Fëmijët, Bora Muzhaqi tha se në këtë sesion përmbyllës të RinCamp2025 morën pjesë Enkelejda Muça, zv.ministre e Energjisë dhe Infrastrukturës, Eriselda Sefa, kryetare e bashkisë Lushnjë, Besfort Lamallari, zv.ministër i Brendshëm etj.

Muzhaqi tha se u prezantuan programet dhe mundësitë që ofrohen për të rinjtë në administratën publike, pushtetin vendor dhe në fushën e teknologjisë, përmes projekteve inovative dhe përfshirjes aktive në vendimmarrje.

Ministrja Muzhaqi shtoi se në këtë kamp veror u diskutua gjërësisht për procesin e negociatave në sektorë të ndryshëm, dhe si të rinjtë mund të bëhen faktorë në këto procese të rëndësishme.

Ky kamp, tashmë një traditë e përvitshme, mbledh në Jalë 100 të rinj nga e gjithë Shqipëria, dhe shërben si një platformë e mirë për të rritur socializimin dhe ndërveprimin rinor, përmes shkëmbimit të përvojave, përfshirjes në trajnime dhe aktivitete që fuqizojnë aftësitë e tyre personale, emocionale dhe shoqërore.

Përmes sesioneve të hapura të diskutimit me profesionistë të fushave të ndryshme, diskutime me përfaqësues të pushtetit lokal dhe të institucioneve qendrore, RinCamp 2025 synon të kthehet në një hapësirë frymëzuese ku të rinjtë jo vetëm marrin dije, por edhe japin ide dhe propozime konkrete për përmirësimin e politikave rinore.

RinCamp 2025 mbetet një shembull i mirë se si institucionet mund të krijojnë ura komunikimi të vërtetë me brezin e ri, duke e vlerësuar si partner strategjik në ndërtimin e një Shqipërie më të fortë, më të shëndetshme dhe më të përfshirë për të gjithë.

Nga sesioni përmbyllës i kampit veror RinCamp2025

1 nga 15

/e.i//r.e/

The post RinCamp2025, njohje me programe dhe mundësi për të rinjtë në administratën publike appeared first on Agjencia Telegrafike Shqiptare.

Kampi veror RinCamp2025 në sesionin e tij përmbyllës bëri bashkë shumë të rinj, por edhe përfaqësues të pushtetit vendor dhe atij qendror. Ministrja e Shtetit për Rininë dhe Fëmijët, Bora Muzhaqi tha se në këtë sesion përmbyllës të RinCamp2025 morën pjesë Enkelejda Muça, zv.ministre e Energjisë dhe Infrastrukturës, Eriselda Sefa, kryetare e bashkisë Lushnjë, Besfort Lamallari, zv.

Source

TIRANË, 4 korrik/ATSH/ Ministria për Rininë dhe Fëmijët dhe Agjencia Kombëtare e Rinisë nisën kampin veror RinCamp 2025, i cili zhvillohet në Jalë nga data 2 deri më 6 korrik.

Ky kamp, tashmë një traditë e përvitshme, mbledh 100 të rinj nga e gjithë Shqipëria, dhe shërben si një platformë e mirë për të rritur socializimin dhe ndërveprimin rinor, përmes shkëmbimit të përvojave, përfshirjes në trajnime dhe aktivitete që fuqizojnë aftësitë e tyre personale, emocionale dhe shoqërore.

Përmes sesioneve të hapura të diskutimit me profesionistë të fushave të ndryshme, diskutime me përfaqësues të pushtetit lokal dhe të institucioneve qendrore, RinCamp 2025 synon të kthehet në një hapësirë frymëzuese ku të rinjtë jo vetëm marrin dije, por edhe japin ide dhe propozime konkrete për përmirësimin e politikave rinore.

Shëndeti mendor është përzgjedhur si temë qendrore e takimit të këtij viti si një nga çështjet më shqetësuese të brezit të ri.

Të rinjtë kanë mundësi që në një letër, në mënyrë krejt anonime të artikulojnë problemin e tyre, i cili do të trajtohet nga psikologë të ftuar gjatë ditëve të organizimit të kampit. Kjo nismë synon që të fuqizojë të rinjtë të mposhtin frikën dhe madje të jenë aktiv në përballimin e problemeve dhe vështirësive që hasin.

Ministrja për Rininë dhe Fëmijët, Bora Muzhaqi vlerësoi se ky takim rinor është një moment shumë i mirë për tu informuar mbi nisma dhe përpjekje në shërbim të tyre.

“Mbi të gjitha ky kamp shërben për të nxitur socializimin mes të rinjve nga e gjithë Shqipëria që mund të përkthehet në nisma rajonale rinore mes tyre”, tha Muzhaqi.

RinCamp 2025 vjen si pjesë e një sërë nismash dhe program është ndërmarra nga Ministria për Rininë dhe Fëmijët dhe Agjencia Kombëtare e Rinisë, që synojnë fuqizimin e të rinjve dhe përfshirjen e tyre aktive në zhvillimet shoqërore, arsimore dhe ekonomike të vendit.

Ministria e Shtetit për Rininë dhe Fëmijët, së fundmi kaloi në Këshillin e Ministrave ndryshimet në Programin Kombëtar të Praktikave të Punës.

Këto ndryshime ndërtojnë një platformë të konsoliduar për integrimin e të rinjëve në administratënshtetërore dhe trajtimin financiar të tyre. Programe të tjera të rëndësishme si program i nismave komunitare dhe i talenteve kanë marrë udhë dhe janë një investim shumë i rëndësishëm për zhvillimin dhe fuqizimin e të rinjve.

RinCamp 2025 mbetet një shembull i mirë se si institucionet mund të krijojnë ura komunikimi të vërtetë me brezin e ri, duke e vlerësuar si partner strategjik në ndërtimin e një Shqipërie më të fortë, më të shëndetshme dhe më të përfshirë për të gjithë.

1 nga 10

/k.s/j.p/

The post RinCamp 2025, Muzhaqi: Në qendër të vëmendjes shëndeti mendor i të rinjve appeared first on Agjencia Telegrafike Shqiptare.

Fusha e mbetjeve në Elbasan u përfshi nga zjarri rreth orës 15:00 të së hënës, në një kohë kur një makineri e kompanisë publike që menaxhon landfillin ishte duke punuar brenda tij. Flakët, të një zjarri të përsëritur në tre vitet e fundit, u përhapën me shpejtësi. Leli Kaja, administratori i EcoElb, kompanisë publike që […]

The post Zjarr në landfillin e mbetjeve në Elbasan, shkak temperaturat dhe tejmbushja appeared first on Reporter.al.

TIRANË, 30 qershor /ATSH/ Këshilli i Ministrave ka miratuar në mbledhjen e sotme projektligjin “Për vullnetarizmin”.

Ministrja e Shtetit për Rininë dhe Fëmijët, Bora Muzhaqi u shpreh se, pas dy vitesh punë intensive, sot u miratua në qeveri projektligji i ri për vullnetarizmin.

Muzhaqi theksoi se “ky projektligj është një detyrim për përputhje me legjislacionin e BE-së, por mbi të gjitha një angazhim ndaj të rinjve tanë”.

Ky projektligj sjell disa risi, si ndarje për herë të parë mes vullnetarizmit afatshkurtër dhe afatgjatë; Programe mbështetëse financiare nga qeveria për ofruesit; Skemë kompensimi për sigurimin e detyrueshëm të vullnetarëve; Njohje të eksperiencës vullnetare si përvojë pune; Platformë dhe regjistër elektronik, si dhe certifikatë zyrtare për çdo vullnetar.

Ky projektligj, theksoi Muzhaqi, u finalizua në bashkëpunim me Ministrinë e Ekonomisë, Kulturës dhe Inovacionit.

Muzhaqi shtoi se “ky është një akt i mirëmenduar dhe i përparuar, që forcon kuadrin ligjor për vullnetarizmin dhe na çon një hap më pranë Evropës – në mendim dhe në qasje sociale”.

Në vendimin e qeverisë thuhet se, ky ligj përcakton parimet bazë, rregullat për kryerjen e vullnetarizmit, të drejtat dhe detyrimet e vullnetarëve e të ofruesve të vullnetarizmit, kontratën e vullnetarizmit, organet shtetërore përgjegjëse dhe mekanizmat për nxitjen, mbështetjen e mbikëqyrjen e vullnetarizmit në Republikën e Shqipërisë.

Ky ligj ka për qëllim të krijojë një kuadër rregullator e institucional të favorshëm për kryerjen e vullnetarizmit dhe nxitjen e pjesëmarrjes së individëve në vullnetarizëm, zhvillimin e vlerave njerëzore dhe solidaritetin shoqëror.

Ky ligj zbatohet për të gjitha subjektet që kryejnë, ofrojnë ose përfitojnë vullnetarizëm në Republikën e Shqipërisë, vullnetarizmin afatgjatë dhe afatshkurtër.

Ky ligj nuk zbatohet për kryerjen e punëve ose të shërbimeve, që janë të zakonshme në familje, shoqëri apo në marrëdhëniet e fqinjësisë; dhurimin e gjakut; realizimin e detyrimeve të caktuara me vendim gjykate të formës së prerë; angazhimin në një program trajnimi apo formimi profesional, përpara lidhjes së kontratës së punës; përcaktimin e metodologjisë së prodhimit të statistikave zyrtare mbi vullnetarizmin; partitë politike; kryerjen e punëve ose të shërbimeve nga sindikatat apo shoqatat e tjera ekonomike, profesionale dhe tregtare, që synojnë realizimin e objektivave dhe të veprimtarive në interes të anëtarësisë së tyre, në bazë të parashikimeve të statutit; angazhimin dhe trajtimin e vullnetarëve në fushën e mbrojtjes civile, që kryhet sipas legjislacionit në fuqi për mbrojtjen civile.

Propozimi i projektligjit “Për vullnetarizmin”, i kalon për shqyrtim dhe miratim Kuvendit.

/gj.m//r.e/a.f/

The post Miratohet projektligji “Për vullnetarizmin”, Muzhaqi: Përputhje me legjislacionin e BE-së appeared first on Agjencia Telegrafike Shqiptare.

Ministri i Shtetit për Rininë dhe Fëmijët, Bora Muzhaqi ka shpallur hapjen e Thirrjes së X-të të Programit Kombëtar të Praktikave të Punës, një nismë konkrete për përgatitjen profesionale dhe integrimin e të rinjve në administratën publike. Programi do të qëndrojë i hapur për aplikime për 45 ditë dhe ofron mundësi të zgjeruara për 600 të rinj nga e gjithë Shqipëria.

Source

TIRANË, 27 qershor/ATSH/ Ditën e sotme janë hapur aplikimet për të rinjtë që kanë përfunduar studimet në ciklin e parë “Bachelor” dhe Master dhe duan të angazhohen në praktikë pune në institucionet publike.

Ministrja e Shtetit për Rininë dhe Fëmijët, Bora Muzhaqi në një video në rrjetet sociale theksoi se, “thirrja e dhjetë e Programit Kombëtar të Praktikave të Punës është hapur. Do të qëndrojë e hapur për 45 ditë dhe këtë herë me më shumë mundësi se më parë”.

“600 të rinj nga 21–29 vjeç, të cilët kanë përfunduar studimet në ciklin “Bachelor” dhe Master do të mund të aplikojnë dhe të kryejnë praktikën e tyre të punës në Administratën Publike, duke përfituar një trajnim të dedikuar nga Shkolla Shqiptare e Administratës Publike, si dhe kompensim financiar për shpenzimet gjatë praktikës”, tha Muzhaqi.

Ndërkohë që 250 më të mirët do të mund të përfitojnë kontratën 1-vjeçare të punës pranë institucionit ku do të zhvillojnë praktikën.

Periudha e praktikës do të përfshihet në periudhën shtator–dhjetor 2025 dhe për t’u bërë pjesë e Programit Kombëtar të Praktikave të Punës të rinjtë duhet të aplikojnë online.

Qëllimi i Programit Kombëtar të Praktikave të Punës është përfitimi i një përvoje kualifikuese, që ndikon në zhvillimin e kompetencave profesionale, akademike dhe personale. Programi mundëson njohjen me institucionet e administratës shtetërore dhe institucione të tjera publike apo private.

Institucionet bëjnë përzgjedhjen e praktikantëve që do të punësohen me kontratë 1- vjeçare, duke u bazuar te performanca e vlerësimit të praktikantëve si dhe nevojave të secilit institucion.

/k.s//r.e//a.f/

The post Praktikë pune në administratë, hapen aplikimet për 600 të rinj appeared first on Agjencia Telegrafike Shqiptare.

TIRANË, 23 qershor/ATSH/ Të rinjtë që kanë përfunduar studimet në ciklin e parë “Bachelor” dhe duan të angazhohen në praktikë pune në institucionet publike mund të aplikojnë nga 27 qershori deri në 10 gusht.

Ministrja e Shtetit për Rininë dhe Fëmijët, Bora Muzhaqi në një postim në rrjetet sociale tha se, “thirrja e dhjetë e Programit Kombëtar të Praktikave të Punës është pothuajse gati. Aplikimi është i hapur për të rinjtë 21–29 vjeç dhe periudha e praktikës do të përfshihet në periudhën shtator–dhjetor 2025”.

Muzhaqi tha se edicioni i 2025-s do të sjellë 600 vende praktike në administratë dhe institucione publike, kompensim financiar gjatë praktikës, trajnim i dedikuar nga Shkolla Shqiptare e Administratës Publike (ASPA) dhe mundësi kontrate pune për 250 praktikantë.

Për t’u bërë pjesë e Programit Kombëtar të Praktikave të Punës të rinjtë duhet të aplikojnë online.

Qëllimi i Programit Kombëtar të Praktikave të Punës është përfitimi i një përvoje kualifikuese, që ndikon në zhvillimin e kompetencave profesionale, akademike dhe personale. Programi mundëson njohjen me institucionet e administratës shtetërore dhe institucione të tjera publike apo private.

Institucionet bëjnë përzgjedhjen e praktikantëve që do të punësohen me kontratë 1- vjeçare, duke u bazuar te performanca e vlerësimit të praktikantëve si dhe nevojave të secilit institucion.

/k.s//r.e//a.f/

The post Praktika e punës në administratë, aplikimet nga 27 qershori – 10 gusht për 600 vende appeared first on Agjencia Telegrafike Shqiptare.

Ministrja e Shtetit për Rininë dhe Fëmijët, Bora Muzhaqi bën me dije çeljen e aplikimeve për në “Rin Camp 2025”. Duke u bërë apel të rinjve të marrin pjesë në këtë kamp veror, Muzhaqi tha se të gjithë të rinjtë 18–25 vjeç që duan të rriten profesionalisht, të fuqizohen dhe të bëhen pjesë e ndryshimit të aplikojnë deri më 22 qershor 2025. “A je gati të provosh një përvojë që të sfidon dhe…

Source

TIRANË, 20 qershor/ATSH/ Ministrja e Shtetit për Rininë dhe Fëmijët, Bora Muzhaqi njoftoi sot çeljen e aplikimeve për në “Rin Camp 2025”.

Duke u bërë apel të rinjve të marrin pjesë në këtë kamp veror, Muzhaqi tha se “të gjithë të rinjtë 18–25 vjeç që duan të rriten profesionalisht, të fuqizohen dhe të bëhen pjesë e ndryshimit të aplikojnë deri më 22 qershor 2025”.

“A je gati të provosh një përvojë që të sfidon dhe frymëzon? Nga 2-5 korrik rikthehemi me Rin Camp. Do flasim për çështje që na prekin, do mësojmë nga njëri-tjetri dhe do të ndërtojmë projekt ide dhe rrjete bashkëpunimi. Dhe po do ia kalojmë super bashkë, trajnime, art, sport, shëndet mendor. Të folurit në publik dhe plot të ftuar interesantë. Të gjitha këto në një kamp të vetëm, nëse do që zëri yt të dëgjohet dhe idetë e tua të marrin jetë, kjo është thirrja jote. Apliko tani vendet janë të kufizuara. Dhe të presim në Jalë”, tha Muzhaqi në një video të publikuar në rrjetet sociale.

RinCamp është një aktivitet që ka në qendër të rinjtë dhe synon të aktivizojë dhe të mbështesë angazhimin e tyre në sferën rinore, ngritjen e kapaciteteve personale dhe profesionale, fuqizimin e të rinjve etj.

Përgjatë këtyre ditëve, të rinjtë do të angazhohen në një sërë aktivitetesh të cilat do të kenë në fokus përfshirjen rinore dhe shëndetin mendor.

Gjithashtu, ata do të trajtojnë e zgjerojnë njohuritë e tyre në kohezion të plotë me qëllimet dhe objektivat specifikë të Strategjisë Kombëtare të Rinisë 2022-2029.

/k.s/a.f/r.e/

The post “Rin Camp 2025″, Muzhaqi: Nga 2-5 korrik në Jalë, ndajmë ide dhe rrjete bashkëpunimi appeared first on Agjencia Telegrafike Shqiptare.

Shkolla Profesionale “Gjergji Canco” priti sot një vizitë të nivelit të lartë me fokus te politikat rinore dhe nismat që fuqizojnë të rinjtë në Shqipëri, me theks të veçantë te Garancia Rinore. Takimi u zhvillua në prani të Komisionerit të BE-së për Drejtësinë Ndërbreznore, Rininë, Kulturën dhe Sportin, Glenn Micallef; Ministres së Shtetit për Rininë dhe Fëmijët, Bora Muzhaqi…

Source

Në një intervistë për Euronews Albania, Ergys Muzhaqi, ekspert i sigurisë, ka komentuar përshkallëzimin e fundit të tensioneve midis Iranit dhe Izraelit, duke theksuar se ky konflikt nuk përbën një kërcënim të drejtpërdrejtë për përhapjen e luftës në rajon.

Sipas Muzhaqit, përplasjet me raketa mes dy vendeve janë të ngushtuara dhe nuk do të rezultojnë në një luftë të gjerë që mund të prekte shtetet e tjera të Lindjes së Mesme.

Ndërkaq, eksperti ka ndaluar në ndikimin e lobit izraelit në politikën amerikane. Ai është i bindur se Izraeli ka ndërmend të heqë presidencën e Donald Trumpit përpara zgjedhjeve të ardhshme.

Ai gjithashtu lidh këtë zhvillim me situatën aktuale në SHBA, duke përmendur protestat dhe angazhimin e ushtrisë nga ana e Trumpit, duke nënkuptuar se presidenti aktual nuk po i ofron mbështetje të fuqishme Izraelit.

“Për Trumpin thonë që shpejt do t ia heqin presidencën para zgjedhjeve tjera sepse nuk i ka pëlqyer Izraelit marrëdhënia që ka krijuar me arabët në dëm të influencës izraelite në rajon. Pra lobi izraelit nuk e do më presidencën e Trumpit.

E lidh këtë informacion edhe me situatën aktuale që kemi në Amerikë, me ato protestat që po ndodhin atje dhe me angazhimin e ushtrisë nga ana e Trumpit. Trump nuk është se i ka punët vaj në Amerikë apo me Netanjahun. Gjërat nuk janë bardh dhe zi apo lineare, ngjarjet janë të komplikuara dhe të tensionuara.

Kam thënë prej vitesh që pllakat teknike të rëndësishmë të qytetërimeve  njerëzore, kanë krijuar një lloj karikimi të madh saqë vendet ku përplasen këto pllaka, janë vendet e tërmetit dhe nuk përjashtohet dhe Shqipëria nga ky vend i tërmetit”, tha Muzhaqi.

LEXONI GJITHASHTU:

• Ekskluzive/ Ambasadorja shqiptare flet nga Izraeli: Kemi 5 shqiptarë në territor…
• Paralajmërojnë ekspertët: Konflikti Izrael-Iran mund të përhapet në vendet e rajonit

The post “Izraeli do t’i heqë presidencën Trumpit”, Muzhaqi: Nuk e do më në pushtet appeared first on Euronews Albania.

TIRANË, 4 qershor /ATSH/ Qeveria miratoi sot Programin Kombëtar të Praktikave të Punës në administratën shtetërore dhe institucionet publike për profesionistë të rinj, me qëllim përfitimin e përvojës profesionale dhe zhvillimin e aftësive në sistemin administrativ.

Ministrja e Shtetit për Rininë dhe Fëmjiët Bora Muzhaqi nëpërmjet një postimi në rrjetet sociale theksoi se thirrjet për aplikim do të hapen së shpejti.

Muzhaqi nënvizoi se të gjithë praktikantët që do të bëhen pjesë e këtij projekti do të trajtohen financiarisht për shpenzimet e tyre ditore.

‘’250 të rinjtë më të mirë do të kenë mundësinë e punësimit 1-vjeçar në institucionin ku kanë zhvilluar praktikën e tyre profesionale’’, u shpreh Muzhaqi.

E ndalur te përfituesit e këtij programi, ministrja tha se ‘’të gjithë të rinjtë të moshës 21-29 vjeç, kanë mundësi të aplikojnë dhe plot 600 prej tyre do të kenë mundësi të përzgjidhen, për sa kohë kanë përfunduar studimet bachelor ose master’’.

Praktika bëri më dije ministrja ‘’zgjat 3 muaj nga shtataori në dhjetor’’.

Sipas Muzhaqit ‘’ky program nuk është vetëm një mundësi praktike, por është një ftesë për të filluar një rrugëtim, është një dritare për të parë nga afër si ndërtohet vendi, si punohet me përkushtim, si merren vendime, për të mos qenë spektatore, por për të qenë pjesë e vendimarrjes’’.

/a.f/

The post Miratimi i Programit Kombëtar të Praktikave të Punës, Muzhaqi: Aplikimet hapen së shpejti appeared first on Agjencia Telegrafike Shqiptare.

TIRANË, 3 qershor/ATSH/ Mjediset e Piramidës u mbushën dje plot jetë e energji duke u shndërruar në “JAA BizTown”, një qytet funksional, i drejtuar nga qytetarët dhe punonjësit më të vegjël e më të zellshëm.

Ky projekt i Junior Achievement Albania çdo vit shton risi në edukimin financiar të fëmijëve.

Në këtë aktivitet ishte e pranishme edhe ministrja e Shtetit për Rininë dhe Fëmijët, Bora Muzhaqi, e cila tha se “këtë vit, në 5 shkolla, sollëm një program të ri ku pika kulmore ishte një ditë e jashtëzakonshme në mjediset e Piramidës: Fëmijët e klasave të pesta ndërtuan një qytet të improvizuar – me banka, zyra punësimi, kompani teknologjie e ndërtimi, zyra mediatike dhe madje edhe zgjedhje për të ardhmen e qytetit të tyre”.

“Edukimi financiar mësohet më mirë duke e praktikuar dhe këta fëmijë na treguan se janë më se gati për sfidat e së nesërmes. Nuk duhet të kemi frikë nga risia. Përkundrazi, duhet ta përqafojmë dhe ta kthejmë në një avantazh për fëmijët tanë, për t’i rritur të përgatitur, të pavarur dhe me mendje sipërmarrëse”, theksoi Muzhaqi.

Fëmijët morën role të ndryshme si qytetare apo punonjës dhe drejtuan me pasion:Bankën, Postën,  Zyrën e urbanistikës, Agjencinë e udhëtimit,  Agjencinë e punësimit, Kompaninë e ndërtimit, Kompaninë e sigurimeve, Agjencinë imobiliare, Kompaninë e medias dhe  Kompaninë e telekomunikacionit.

Përveç roleve në qytetin e tyre imagjinar, fëmijët patën mundësinë të vizitojnë edhe dy biznese reale që u bashkuan me eksperiencën: “switch technologies” dhe “pigi app”, duke i afruar edhe më shumë me botën reale të teknologjisë dhe sipërmarrjes.

Fëmijët mësuan si funksionon një qytet përmes bashkëpunimit, menaxhimit të parave, marrjes së vendimeve dhe komunikimit.

Ky aktivitet ishte një përvojë edukative dhe argëtuese që ngjalli shumë buzëqeshje dhe ndjesi suksesi tek të vegjlit.

1 nga 10

/k.s/a.f/

The post Edukimi financiar, Muzhaqi: Fëmijët gati për sfidat e së nesërmes appeared first on Agjencia Telegrafike Shqiptare.

TIRANË, 31 maj /ATSH/ Të rinjtë e Sarandës do të kenë në shërbim të tyre Qendrën e re Rinore, një hapësirë moderne dhe funksionale, e kthyer nga një godinë e rrënuar në një mjedis zhvillimi dhe krijimtarie për mbi 6 mijë të rinjtë e qytetit bregdetar.

Ministrja për Rininë dhe Fëmijët, Bora Muzhaqi theksoi rëndësinë e këtij investimi si një përgjigje konkrete ndaj një kërkese të kahershme të të rinjve sarandiotë.

“Kjo qendër është një dëshmi se kur të rinjtë artikulojnë nevojat e tyre dhe institucionet dëgjojnë, ndryshimi është i mundur. Nga një godinë e rrënuar, sot kemi një qendër moderne me sallë leximi, sallë kompjuterash, klub libri, podcast dhe kinema. Tani është radha juaj, të dashur të rinj të Sarandës, ta merrni këtë hapësirë në dorë dhe ta ktheni në një pikë zhvillimi personal, profesional dhe akademik”, nënvizoi Muzhaqi.

Ky projekt është realizuar nga Ministri i Shtetit për Rininë dhe Fëmijët përmes Agjencisë Kombëtare të Rinisë dhe në bashkëpunim me Bashkinë Sarandë, si pjesë e mbështetjes së infrastrukturës rinore. Qendra rinore e Sarandës e con në 15 numrin e bashkive në të gjithë vendin në të cilat rinia ka tashmë “shtëpinë e vet” dhe mund të organizojë takime dhe aktivitete në funksion të edukimit dhe rritjes së bashkëpunimit mes tyre.

Më herët ka përfunduar ndërtimi i qendrave rinore në Tiranë, Librazhd, Malësi e Madhe, Dibër, Mat, Durrës, Shkodër, Korcë, Pogradec, Lezhë, Elbasan, Roskovec, Gjirokastër dhe Kamëz. Përmes këtij programi, Ministri i Shtetit për Rininë dhe Fëmijët synon të garantojë infrastrukturë cilësore për të rinjtë në të gjithë Shqipërinë, duke krijuar hapësira për edukim, krijimtari, bashkëpunim dhe rritje të potencialit të tyre.

Ministrja e Shtetit për Rininë dhe Fëmijët në Qendrën e re Rinore në Sarandë

1 nga 2

/a.f/

The post Muzhaqi: Qendra e re Rinore në Sarandë, mjedis zhvillimi për mbi 6000 të rinjë appeared first on Agjencia Telegrafike Shqiptare.

TIRANË, 31 maj/ATSH/ Qendra Rinore Kreative Multifunksionale, e financuar nga Agjencia Kombëtare e Rinisë dhe Bashkia Sarandë, hapi dyert për mbi 6 mijë të rinj të moshave 15–29 vjeç.

Në hapjen e qendrës ishte e pranishme ministrja e Shtetit për Rininë dhe Fëmijët, Bora Muzhaqi, kryetari i bashkisë Sarandë, Oltion Çaçi, të rinj, etj.

Kjo qendër është një hapësirë moderne që përfshin: bibliotekë dhe kënd studimi, sallë teknologjike dhe trajnimesh, studio podcast-i dhe krijimi për media, zona arti dhe grafiti të realizuara nga vetë të rinjtë, ambiente për takime, klube dhe aktivitete komunitare.

Ministrja Muzhaqi tha në një postim në rrjetet sociale se “kjo qendër është më shumë se një ndërtesë, është një hapësirë për rritje, bashkëpunim dhe frymëzim”.

“Qendra është një investim konkret që flet me vepra për angazhimin e qeverisë ndaj të rinjve”, tha Muzhaqi.

Kjo qendër vjen si domosdoshmëri për transformimin e vizionit të shoqërisë dhe krijimin e një mjedisi miqësor për të rinjtë që të kenë mundësi të rrisin kapacitetet dhe të zhvillojnë aftësitë e tyre në moshë të hershme. /k.s/ /a.g/

1 nga 7

The post Qendra Rinore Kreative Multifunksionale hap dyert në Sarandë appeared first on Agjencia Telegrafike Shqiptare.

TIRANË, 30 maj/ATSH/ Ministrja e Shtetit për Rininë dhe Fëmijët, Bora Muzhaqi tha sot se ka përfunduar trajnimi dyditor i ekipit të rinisë, një investim i rëndësishëm në forcimin e njohurive mbi metodologjitë e ndjekura nga Bashkimi Evropian, në funksion të përgatitjes për hartimin dhe zbatimin e programeve për të rinjtë.

Sipas Muzhaqit, pas takimit të parë informues mbi strukturat drejtuese të programeve ndërkufitare dhe mundësitë që ofron BE, dita e dytë kishte në fokus proceset që garantojnë cilësinë dhe qëndrueshmërinë e projekteve si metodologjia LOD dhe parimet e saj, qëllimi i monitorimit të zbatimit, vlerësimi i rreziqeve dhe konsultimi i rasteve konkrete.

Muzhaqi nënvizoi faktin se përmes këtij trajnimi, përforcohet edhe njëherë vizioni i përbashkët për ndërtimin e projekteve me ndikim real për të rinjtë, me standarde evropiane dhe me përgjegjësi ndaj çdo hapi që ndërmerret. /j.p/

The post Hartimi dhe zbatimi i programeve për të rinjtë, përfundon trajnimi dyditor appeared first on Agjencia Telegrafike Shqiptare.

TIRANË, 28 maj /ATSH/ Nxënësit e shkollës “Dhaskal Todhri” dhe shkollës “Teknike Ekonomike Tiranë”, zhvilluam aktivitetin përmbyllës të projektit “Fibsat”. Falë kësaj nisme rreth 60 të rinj u trajnuan për të menaxhuar financat e tyre, madje edhe duke investuar online.

Të rinjtë përmes aplikacionit, patën mundësi të kursejnë, të investojnë në portofolin e tyre digjital dhe të mësojnë nga video dhe pyetësorë ndërveprues, si edhe të shpërblehen për notat e mira.

Afro 90% të rasteve nxënësit zgjodhën të investojnë në llogari kursimi kundrejt mundësive që u ofron aplikacioni me investime si aksione Apple dhe Bitcoin. Të rinjtë ndonëse patën mundësi të tërhiqnin fitimet e tyre në gjysmën e programit, ata zgjodhën të vazhdojnë, tregues i qartë i vlerës që kjo përvojë pati për zhvillimin e tyre personal.

Ministrja për Rininë dhe Fëmijët, Bora Muzhaqi mori pjesë në ceremoninë përmbyllëse të këtij projekti, i cili në thelb është një tjetër nisme që synon fuqizimin e të rinjve dhe pajisjen e tyre me aftësi që do t’u shërbejnë gjatë gjithë jetës. Projekte inovative që kanë në fokus edukimin financiar të të rinjve janë të një rëndësie specifike për qeverinë shqiptare. “Në një Shqipëri që po ecën me hapa të shpejtë drejt digjitalizimit të shërbimeve publike, është thelbësore që fëmijët dhe të rinjtë të mësojnë të përdorin sisteme të reja financiare, të cilat do të reduktojnë përdorimin e parasë fizike dhe do të inkurajojnë përdorimin e aplikacioneve për transaksione”, u shpreh Muzhaqi.

Kjo nismë tregoi se risitë përmes digjitalizimit në edukimin financiar sjellin rezultate konkrete kur ndërthuren me përvojën, vendimmarrjen dhe shpërblimin real. Modeli i suksesshëm i pilotuar nga një bankë e nivelit të dytë, që lidh arritjet shkollore të nxënësve me një platformë bankare interaktive, ofron një qasje inovatore dhe praktike për edukimin financiar në Shqipëri. Ky model krijon bazën për një sistem të integruar ku nxënësit jo vetëm mësojnë teorikisht, por edhe praktikojnë menaxhimin e parave përmes monedhave virtuale të konvertueshme.

Edukimi financiar është thelbësor për t’i ndihmuar të rinjtë të ndërtojnë një marrëdhënie të qëndrueshme me financat që në moshë të hershme. Duke mësuar për kursimet, menaxhimin e parasë dhe shpenzimet, ata bëhen më të përgjegjshëm dhe të ndërgjegjshëm për vendimet financiare që ndikojnë të ardhmen e tyre. Kjo i ndihmon të shmangin vështirësitë ekonomike dhe të zhvillojnë strategji të qëndrueshme financiare.

Nga takimi i ministres Bora Muzhaqi me nxënësit e shkollës “Dhaskal Todri” dhe shkollës “Teknik...

1 nga 2

/r.e/a.f/

The post Muzhaqi: Projekte të reja në edukimin financiar për fuqizimin e të rinjve appeared first on Agjencia Telegrafike Shqiptare.

Jo vetëm nxënësit në shkolla po bëjnë hartimet me ChatGPT, por edhe ministret po e praktikojnë për fjalimet e tyre në këto takime elektorale.

Ministrja Bora Muzhaqi ka treguar hapur se i kishte kërkuar chat-it një fjalim duke i vendosur të gjitha fjalimet e saj të mëparshme, por edhe fjalimet e kryeministrit Rama.

Atë që do e bënte një specialist fjalimesh apo 5 këshilltarë, siç tha ministrja, tashmë e bën chati.

The post Ministrja Bora Muzhaqi: I kërkova fjalim ChatGPT, vendosa dhe të Ramës appeared first on Euronews Albania.

Ministrja e Shtetit për Rininë dhe Fëmijët Bora Muzhaqi, e njohur për gafat e saj që më pas janë kthyer virale në rrjet, ka deklaruar se e gjetur zgjidhjen për të shpëtuar nga memet. Tashmë ajo ka pranuar që fjalimet ia përgatit ChatGBT. Gjatë një takimi elektoral ku ishte prezent edhe Edi Rama çuditi të […]

The post Bora e Ramës ‘shpëton’ nga memet: Tani fjalimet m’i përgatit ChatGPT (VIDEO) appeared first on BoldNews.al.