Lauren Sanchez, e njohur për dashurinë e saj ndaj bizhuterive luksoze, ka shkaktuar reagime të shumta në rrjetet sociale pas publikimit të një videoje ku shihet me një unazë të re martese me diamant gjigant. Fansat janë bindur se unaza është aq delikate në dizajn, saqë ekziston rreziku që guri i çmuar të bjerë nga momenti në moment.

Kujtojmë se ish-gazetarja 55-vjeçare tregoi për herë të parë unazën e saj të fejesës në vitin 2023, pasi u propozua nga themeluesi i Amazon, Jeff Bezos, në superjahtin e tij luksoz prej 500 milionë dollarësh, “Koru”. Pas një darke romantike nën qiellin e hapur, Bezos kishte fshehur unazën madhështore poshtë jastëkut të saj dhe i kishte bërë propozimin.

Unaza e parë, me një diamant të rrallë rozë me peshë rreth 30 karatësh, vlerësohet të kushtojë mes 3 dhe 5 milionë dollarë. Më vonë, në një intervistë për Vogue, Sánchez zbuloi se bëhej fjalë për një gur tepër të veçantë.

Megjithatë, për ceremoninë e martesës, ajo vendosi të mos e mbante këtë unazë të fejesës dhe e zëvendësoi me një tjetër, duke e vendosur të parën në dorën tjetër. Gjatë dasmës luksoze në Venecia, ajo prezantoi unazën e re, për të cilën ekspertët e bizhuterive mendojnë se kushton rreth 4 deri në 5 milionë dollarë – një “imtesi” për një miliarder si Bezos.

Megjithëse pranga e re vezulloi para syve të të ftuarve VIP, komentet në rrjetet sociale nuk vonuan. Shumë përdorues kritikuan dizajnin, duke thënë se është shumë i brishtë për një diamant kaq masiv.

Deena Bassam, pronare e kompanisë Deena Diamond Designs, në një video virale në TikTok u shpreh: “Një unazë kaq e hollë me një diamant të përmasave të tilla… është një aksident që pret të ndodhë”. Në përshkrimin e videos, ajo shtoi: “Jam e frikësuar”.

@deenafinejewelry I’m scared. But rest assured, I will always steer you in the right direction. Part of being a designer is making sure your ring fits all facets of your life! Your ring should not only fit your aesthetic preferences but also suite your lifestyle! #laurensanchez #jewelrydesign #30ctdiamond #engagementring #largediamond #foryoupage ♬ original sound – SAINTED

Dizajnerja nga Dallasi sqaroi se një unazë nuk duhet të përputhet vetëm me estetikën, por edhe me stilin e jetës së mbajtëses. Ajo theksoi për Daily Mail se gjithmonë u kujton klientëve të saj: “Nuk ekziston një bizhuteri prej metali të çmuar që të jetë e pashkatërrueshme, pavarësisht sa mirë është punuar”.

Përdoruesit në rrjet u pajtuan menjëherë me të, duke shprehur habinë për përmasat e diamantit dhe për faktin që unaza dukej e brishtë. Shumë besojnë se diamantët më të vegjël që zbukurojnë rrethin e unazës mund ta dobësojnë më tej strukturën, duke e bërë më të rrezikshme për përdorim. Por duhet pasur parasysh se Sánchez nuk kryen punë të zakonshme si mbledhja e valixheve apo larja e enëve – aktivitete gjatë të cilave një gur i tillë mund të dëmtohej lehtësisht.

Disa komentues shkruan: “Janë të pasur në mënyrë të çmendur dhe me siguri unaza është e siguruar. Nëse i bie, do blejnë një tjetër”, “Me pasurinë që kanë, nuk ka rëndësi nëse thyhet pas një muaji”.

@tiamogemco Lauren Sanchez Engagement Ring is a STUNNING 30-45 carat oval natural diamond! But is it a sturdy, functional ring setting? C0ntact me to build your dream custom ring for less with diamonds or moissanite! #laurensanchez #ovalengagementring #ovaldiamond #customengagementring #ringinspo #celebrityrings #privatejeweler #engagementring ♬ original sound – YOUR CONCIERGE JEWELLER

Ndërkohë, gemologia Olivia Landau gjithashtu konfirmoi për Daily Mail se vendosja e një diamanti kaq të madh në një unazë kaq të hollë nuk rekomandohet. “Nëse rrethi është shumë i hollë, ekziston rreziku që diamantët më të vegjël të bien,” – sqaroi ajo nga Nju Jorku.

Megjithatë, jo të gjithë janë të mendimit se katastrofa është e pashmangshme. Monil Kothari, themelues i Haus of Brilliance, deklaroi: “Platina është materiali më i fortë në botën e bizhuterive – e qëndrueshme, rezistente dhe e ndërtuar për të zgjatur”.

Ai vlerësoi se dizajni është në fakt shumë i menduar. “Duket se shpërndan peshën e diamantit në mënyrë të barabartë në gisht, çka e zvogëlon presionin mbi rrethin. Nuk është një ndërtim i keq,” – tha ai.

“Diamanti është mahnitës, unaza është e mrekullueshme, dhe interneti është thjesht shumë negativ”.

Në përfundim, Kothari shtoi: “Sinqerisht, më duket qesharake ideja që themeluesi i Amazon-it pret të thyhet unaza për të marrë dëmshpërblim nga siguracioni. Bezos nuk bën pazar në Alibaba! Profesionistët e vërtetë e ndërtojnë një prangë të tillë për të zgjatur përjetësisht”. /Telegrafi/

The post Unaza prej një milion dollarësh e Lauren Sanchez nën kritika: A është tepër e brishtë për një diamant kaq të shtrenjtë? appeared first on Telegrafi.

Prej kohësh është thënë se akademia e të rinjve e Real Madridit, e njohur si La Fabrica, është një nga më të mirat në botë. Klubi madrilen ka prodhuar ndër vite futbollistë që kanë mahnitur botën me talentin e tyre. Ndërkohë që te Barcelona po flitet shumë për Lamine Yamal, Real Madrid tashmë ka të riun premtues David Sánchez.

Vetëm 11 vjeç, David Sanchez po tërheq vëmendjen e të gjithëve me talentin dhe pjekurinë në fushë. Shpejtësia, aftësia e jashtëzakonshme për të dribluar dhe lehtësia me të cilën i shpëton markimeve janë disa prej cilësive që e dallojnë. Edhe pse ende shumë i ri për të menduar për ekipin e parë, performancat e tij kanë emocionuar ambientin madrilen.

Në këtë moshë, David Sanchez ka treguar më shumë potencial sesa shumë bashkëmoshatarë të tij, madje ka nisur të krahasohet edhe me Lamine Yamal, duke e përforcuar bindjen se Real Madridi ka një tjetër talent të jashtëzakonshëm në radhët e veta.

Xhevahiri i ri i La Fabricas

David Sanchez Miralles është emri që pritet të dëgjohet gjithnjë e më shumë në vitet e ardhshme. I lindur në vitin 2014, ai iu bashkua akademisë së Real Madridit në vitin 2023, pas një periudhe të shkurtër te Elche. Sipas strategjisë së zakonshme të klubit për të mbledhur talentet më të mirë që në moshë të vogël, “Los Blancos” e pritën Davidin me entuziazëm.

Si pjesë e ekipit Benjamín A, David ka treguar cilësi që zakonisht shihen te lojtarët shumë më të rritur. Mënyra se si kalon kundërshtarët dhe vizioni në lojë kanë befasuar trajnerët, shokët e ekipit dhe drejtuesit e akademisë.

Edhe pse është në hapat e parë të rrugëtimit të tij futbollistik, e ardhmja e David Sanchez duket premtuese. Në Madrid besojnë se ai ka gjithçka që i duhet për të arritur nivelet më të larta.

La Fabrica vs La Masia

Ky zhvillim e rihap diskutimin e kahershëm mes dy akademive më të njohura në Spanjë: La Fábrica e Real Madridit dhe La Masia e Barcelonës. Sipas mediave pranë klubit madrilen, edhe një herë është dëshmuar se Real Madrid po ecën me hapa më të sigurt në zhvillimin e talenteve të rinj.

David Sanchez konsiderohet si ylli më i ri i një akademie që ka prodhuar emra si Raul Gonzalez, Dani Carvajal, Lucas Vazquez, Gonzalo Garcia dhe Nico Paz.

The post Njihuni me sensacionin më të ri të Real Madridit, premton të jetë më i mirë se Lamine Yamal appeared first on Telegrafi.

MADRID, 9 korrik /ATSH/- Kryeministri spanjoll Pedro Sanchez prezantoi sot masat kundër korrupsionit në përgjigje të rasteve në rritje të korrupsionit që kanë përfshirë Partinë e tij Socialiste ndersa theksoi sërish se nuk do të tërhiqej nga detyra, sipas AP.

Duke folur në parlament në një seancë të jashtëzakonshme rreth hetimit për korrupsion që përfshinte një ish-zyrtar të Partisë Socialiste – kryeministri spanjoll mori përgjegjësinë për gjykimin e tij të dobët, ndërsa tha se nuk do të tërhiqej nga detyra – duke e quajtur veten “një politikan të ndershëm” dhe krenar për drejtimin e një partie shembullore.

“Nuk do të jap dorëheqjen”, tha Sanchez.

Deklarata e tij erdhi një javë pasi një gjyqtar i Gjykatës së Lartë urdhëroi paraburgimin e Santos Cerdan, një ish-ndihmës i kryeministrit dhe më parë anëtari i tretë më i lartë i Partisë Socialiste – i akuzuar për marrjen e ryshfeteve për kontratat e punëve publike.

Sanchez prezantoi sot 15 masa kundër korrupsionit, duke përfshirë rritjen e transparencës në financimin politik dhe publik, dhe bashkëpunimin me Organizatën për Bashkëpunim dhe Zhvillim Ekonomik – për të goditur korrupsionin.

Masa të tjera përfshinin futjen në listën e zezë të kompanive të shpallura fajtore për korrupsion, përdorimin e inteligjencës artificiale për të mbikëqyrur kontratat e prokurimit publik dhe sanksionimin e partive politike të përfshira në korrupsion.

Lideri spanjoll ka qenë në pushtet që nga viti 2018 dhe drejton një qeveri koalicioni minoritar me aleatë të majtë.

Qeveria e tij nuk ka qenë në gjendje të miratojë legjislacionin dhe në javët e fundit, e ardhmja e saj është dukur gjithnjë e më e pasigurt mes hetimeve për korrupsion.

Udhëheqësit e partive të ekstremit të majtë dhe nacionaliste, aleatë me socialistët e Sanchez – deri më tani nuk i kanë mbështetur thirrjet e opozitës për shpalljen e zgjedhjeve të parakohshme.

Megjithatë, disa zyrtarë kërkuan që i takonte votuesve të vendosnin për të ardhmen e qeverisë nëse hetimet për korrupsion do të përshkallëzoheshin. //a.i/

The post SPANJË – Sanchez njofton masa kundër korrupsionit: Nuk do të tërhiqem nga detyra appeared first on Agjencia Telegrafike Shqiptare.

Një nga 27 fustanet e nusërisë së Lauren Sanchez u zhduk gjatë dasmës së saj me Jeff Bezos. Fustani u zhdukur që nga dita e ceremonisë dhe mediave ai ishte vjedhur nga një “mysafir i paftuar i veshur me stil”. Megjithatë, kjo teori nuk konsiderohet më si e mundshme dhe nuk është paraqitur asnjë raport zyrtar policor.

Nuk dihet se cili nga fustanet mund të ketë humbur, por me siguri nuk është fustani i bardhë me dantellë me jakë të rrumbullakët nga Dolce & Gabbana, të cilin 55-vjeçarja e veshi në dasmën e saj me themeluesin e Amazon në Venecia të premten, më 27 qershor. Çifti u martua në ishullin e San Giorgio Maggiore.

Lauren Sanchez postoi një foto të saj dhe Jeff Bezos në Instagram menjëherë pas ceremonisë, së bashku me datën e dasmës. Në foto, Sanchez tregoi fustanin e saj mahnitës të nusërisë. Ajo u fotografua me fustanin e nusërisë para dasmës për Vogue. Duke folur për revistën, ajo kujtoi se u ndje si një “princeshë” gjatë provës së përgjithshme, e cila u zhvillua në Milano.

“Ishte më tronditëse nga sa prisja”, – tha ajo për momentin kur e veshi për herë të parë. Ajo zbuloi gjithashtu se Jeff Bezos iu lut t’ia tregonte fustanin, por, siç është zakoni ajo shpjegoi se nuk do t’ia zbulonte para ditës së madhe. “Gati sa nuk u dorëzova”, – pranoi ajo, duke shtuar: “Por doja që të ishte një surprizë. Teksa plakesh, nuk ka shumë surpriza në jetë. Mezi prisja të shihja fytyrën e tij”.

Lauren Sanchez gjithashtu bëri përshtypje me një fustan rozë prej mëndafshi muslini Atelier Versace, të dizenjuar nga vetë Donatella Versace, për dasmën e fundit. Fustani kishte një korse, të qëndisur me dorë me kristale Swarovski ngjyrë ari rozë./lapsi.al/ KultPlus.com

Një nga 27 fustanet e nusërisë së Lauren Sanchez u zhduk gjatë dasmës së saj me Jeff Bezos. Fustani u zhdukur që nga dita e ceremonisë dhe mediave ai ishte vjedhur nga një “mysafir i paftuar i veshur me stil”. Megjithatë, kjo teori nuk konsiderohet më si e mundshme dhe nuk është paraqitur asnjë raport zyrtar policor.

Nuk dihet se cili nga fustanet mund të ketë humbur, por me siguri nuk është fustani i bardhë me dantellë me jakë të rrumbullakët nga Dolce & Gabbana, të cilin 55-vjeçarja e veshi në dasmën e saj me themeluesin e Amazon në Venecia të premten, më 27 qershor. Çifti u martua në ishullin e San Giorgio Maggiore.

Lauren Sanchez postoi një foto të saj dhe Jeff Bezos në Instagram menjëherë pas ceremonisë, së bashku me datën e dasmës. Në foto, Sanchez tregoi fustanin e saj mahnitës të nusërisë. Ajo u fotografua me fustanin e nusërisë para dasmës për Vogue. Duke folur për revistën, ajo kujtoi se u ndje si një “princeshë” gjatë provës së përgjithshme, e cila u zhvillua në Milano.

“Ishte më tronditëse nga sa prisja”, – tha ajo për momentin kur e veshi për herë të parë. Ajo zbuloi gjithashtu se Jeff Bezos iu lut t’ia tregonte fustanin, por, siç është zakoni ajo shpjegoi se nuk do t’ia zbulonte para ditës së madhe. “Gati sa nuk u dorëzova”, – pranoi ajo, duke shtuar: “Por doja që të ishte një surprizë. Teksa plakesh, nuk ka shumë surpriza në jetë. Mezi prisja të shihja fytyrën e tij”.

Lauren Sanchez gjithashtu bëri përshtypje me një fustan rozë prej mëndafshi muslini Atelier Versace, të dizenjuar nga vetë Donatella Versace, për dasmën e fundit. Fustani kishte një korse, të qëndisur me dorë me kristale Swarovski ngjyrë ari rozë. ©LAPSI.al

The post Një nga 27 fustanet e nusërisë së Lauren Sanchez u zhduk gjatë dasmës appeared first on Lapsi.al.

Lauren Sánchez paketoi 27 fustane për dasmën e saj me themeluesin miliarder të Amazon, Jeff Bezos, në Venecia javën e kaluar, por u largua me vetëm 26 pasi njëri u zhduk. Çifti, i cili tani po kalon muajin e mjaltit në Taormina të Siçilisë, u martua gjatë një feste tre-ditore plot yje në qytetin e lagunës.

Ata u larguan nga Venecia të dielën, por misteri mbi fustanin e humbur ka ngjallur debat në Venecia, me Corriere della Sera që pretendon se është vjedhur, ndoshta nga dikush që i ka shpëtuar sigurisë dhe ka hyrë me forcë në një festë në ishullin e vogël të San Giorgio-s, ku çifti shkëmbeu unazat. Gazeta tha se numri i vizitorëve që kishin hyrë në këtë event ishte i tillë sa oficerë nga njësia lokale e skuadrës antiterrorizëm të Italisë.

Gazeta pretendoi gjithashtu se një fustan i vjetër i dizenjuar nga Dolce & Gabbana, i veshur ose nga nusja ose nga e ftuara e dasmës Ivanka Trump, u gris dhe u përfshi nga flakët gjatë një feste tjetër.

Burime të njohura me situatën konfirmuan se një fustan ishte zhdukur, por mohuan se ishte vjedhur. Nuk është e qartë se ku dhe kur është zhdukur fustani. Çifti akomodoi në hotelin shtatë yjesh Aman, ku thuhet se veshjet e nuses u mbajtën nën mbikëqyrje të ngushtë.

Burimet theksuan se nuk ishte bërë asnjë ankesë ligjore në polici për fustanin e humbur, me pritjen që veshja përfundimisht do të “shfaqej”. Ata gjithashtu mohuan raportin se një fustan u përfshi nga flakë dhe se në festime ishin infiltruar persona që kishin hyrë në portë.

The post Misteri mbi veshjen e ‘humbur’ të dasmës së Lauren Sanchez, një nga 27 fustanet ‘zhduket’ appeared first on iconstyle.al.

Jeff Bezos është djegur një herë. Dhe një djalë si ai nuk jep shanse te tjera në raste të tilla. Pra, pasi u detyrua t’i paguante 35/40 miliardë dollarë gruas së tij të parë MacKenzie Scott, pas divorcit të tyre në vitin 2019, tani me Lauren Sanchez, shefi i Amazon donte t’i sqaronte gjërat menjëherë.

Me një marrëveshje paramartesore që ekspertët e përcaktojnë si “shumë të detajuar dhe super të sigurt”. Në të cilën ata flasin për pasuri të luajtshme dhe të paluajtshme, aventura dhe kujdestari të katër fëmijëve të Bezos, vdekjen e parakohshme të manjatit dhe madje edhe një bonus të vetëm pas nënshkrimit të vetë marrëveshjes.

Klauzola e parë e përfshirë në kontratë thotë se gjithçka që Jeff Bezos fitoi dhe ndërtoi para martesës së tij me Lauren Sanchez përjashtohet nga negociatat në rast divorci. Duke pasur parasysh se pasuritë e themeluesit të Amazon vlerësohen në mbi 200 miliardë dollarë, duhet pranuar se nusja e re ka pranuar të heqë dorë nga mjaft gjëra.

Një ndërlikim tjetër me të cilin avokatët u përballën gjatë hartimit të dokumentit ishte për shkak të ligjeve që rregullojnë marrëveshje të tilla, të cilat në SHBA ndryshojnë nga shteti në shtet. Për shembull, Kalifornia do t’i kërkonte Jeff Bezos të shkruante (dhe për këtë arsye të zbulonte) të gjitha pronat e tij, si të luajtshme ashtu edhe të paluajtshme. Diçka që sigurisht asnjë manjat nuk do të donte të detyrohej ta bënte. Kjo është arsyeja pse duket se marrëveshja paramartesore është hartuar sipas ligjeve të Floridës, ku Bezos dhe Sanchez u martuan para ceremonisë në Venecia (e cila nuk kishte vlerë ligjore) dhe ku banojnë kryesisht, duke pasur parasysh se është në Miami ku Bezos ka pasuri të paluajtshme vlera e të cilave vlerësohet në rreth 250 milionë dollarë.

Epo, sipas ligjit të Floridës, në rast divorci, Lauren Sanchez do të ketë të drejtë për një mbështetje financiare të paracaktuar, por jo për një pjesë të të ardhurave ose investimeve të reja që Bezos do të fitojë gjatë martesës. Dhe kjo është gjithashtu një klauzolë themelore e marrëveshjes paramartesore. Pikërisht sepse kërkesa për divorc, veçanërisht për ata si Jeff Bezos që kanë prona në të gjithë botën, teorikisht mund të paraqitet në çdo shtet, duke e detyruar palën tjetër t’i nënshtrohet ligjeve të atij vendi.

Kështu, për shembull, një marrëveshje paramartesore e vlefshme në Nju Jork mund të anulohet në Londër. Kjo është arsyeja pse Jeff Bezos ka futur klauzolën mbi zgjedhjen e ligjit të zbatueshëm, e cila përcakton se cili juridiksion zbatohet (ai i Floridës, saktësisht) pavarësisht nga vendi ku ndodh divorci. Gjithashtu sepse, vetëm për të dhënë një shembull tjetër, marrëveshjet paramartesore si kjo në Itali nuk kanë vlerë ligjore. Dhe kjo shpjegon gjithashtu pse ajo në Venecia nuk ishte, në realitet, një martesë e vërtetë me kuptim formal.

The post Jeff Bezos dhe Lauren Sanchez, zbulohen detajet e marrëveshjes paramartesore appeared first on iconstyle.al.

Dasma e bujshme e themeluesit të Amazon, Jeff Bezos, dhe partneres së tij Lauren Sanchez ka qenë një nga eventet më të komentuar të javëve të fundit.

Me një organizim madhështor që kushtoi rreth 17 milionë euro dhe u zhvillua në Venecia, ceremonia zyrtare dhe festat që zgjatën tre ditë ishin të mbushura me yje të shumtë dhe momente të paharrueshme.

Megjithatë, mungesa e një prej artistëve më të mëdhenj në botë, Lady Gaga, në këtë dasmë ka ngjallur shumë spekulime dhe thashetheme në media. Në fillim u raportua se këngëtarja 39-vjeçare ishte planifikuar të performonte në këtë ceremoni madhështore.

Kjo la la shumë dyshime, duke bërë që mediat dhe fansat të spekulojnë për arsyet e mungesës së saj.

Një nga thashethemet më të përhapura ishte se Lady Gaga kishte kërkuar një tarifë prej pesë milionë eurosh për të kënduar në dasmën e Bezos, një shumë që themeluesi i Amazon dyshohet se nuk e pranoi.

Lexo po ashtu Ishte në festën e beqarisë së Lauren Sanchez, por jo në dasmë - arsyeja e Eva Longorias

Megjithatë, një burim i afërt me çiftin ka thënë për “Daily Mail” se këto spekulime janë të pavërteta dhe se mungesa e Lady nuk ka lidhje me çështjen e pagesës.

Sipas këtij burimi, asnjë ofertë serioze nuk është bërë kurrë për të angazhuar këngëtaren në dasmë.

Në fakt, nëse Jeff Bezos dhe Lauren Sanchez do të kishin dëshiruar që ajo të performonte, një marrëveshje do të ishte realizuar pa asnjë problem.

“Lady Gaga merr oferta çdo sekondë dhe sigurisht që do ta kishte konsideruar ftesën për dasmën e Bezos, por nuk ka pasur asnjë ofertë serioze apo reale që të diskutohej”, shpjegon burimi.

Burimi shtoi se çifti miliarder kishte “opsione të pafundme” dhe ide të ndryshme për organizimin e dasmës së tyre dhe vendosën të shkojnë në një drejtim tjetër artistik dhe muzikor.

“Nëse do të kishte pasur një ofertë serioze, ajo do të ishte bërë, por kjo kurrë nuk ndodhi, prandaj nuk duhet të ketë polemika për Lady Gagën në lidhje me këtë dasmë”, përfundoi burimi.

Në përfundim, duket se mungesa e Lady Gagës ishte thjesht pjesë e zgjedhjeve artistike dhe organizative të çiftit, që donin një atmosferë dhe program të ndryshëm për ditën e tyre të veçantë.

Dasma e Jeff Bezos dhe Lauren Sanchez u zhvillua me sukses dhe pa performanca live, duke sjellë një festë të paharrueshme për të gjithë të pranishmit. /Telegrafi/

The post I kërkoi pesë milionë euro? E vërteta pse Lady Gaga nuk performoi në dasmën e Jeff Bezos dhe Lauren Sanchez appeared first on Telegrafi.

Aktorja meksikano-amerikane, Salma Hayek, ishte e ftuar në dasmën e Jeff Bezos dhe Lauren Sanchez, por ajo nuk ishte e pranishme.

Megjithatë, bashkëshorti i saj, Francois-Henri Pinault, u pa në festë.

Në vend që të merrte pjesë në dasmën e çiftit të famshëm, Hayek shijoi ‘Festivalin Glastonbury’ në Somerset përkrah Stella McCartney, Cara Delevingne, Chelsea Handler, Anya Taylor-Joy dhe të tjerëve.

Disa nga emrat që performuan në festival përfshijnë Neil Young, the 1975, Charli XCX, Olivia Rodrigo, Rod Stewart dhe The Prodigy.

Nga ana tjetër, bashkëshorti i Salma Hayek, Francois-Henri Pinault, u fotografua duke hipur në një taksi uji në Venecia me Kim Kardashian, Oprah Winfrey, Orlando Bloom, Tom Brady dhe Leonardo DiCaprio.

Lexo po ashtu Të gjitha lajmet nga Salma Hayek

Hayek nuk është ylli i vetëm që nuk mori pjesë në dasmën e vitit.

Eva Longoria mungoi sepse po xhiron serialin “Eva Longoria: Searching for Spain”. Nga ana tjetër bashkëshorti i Longorias, Jose Baston, nuk u shfaq sepse po shërohet nga një operacion në shpatull. /Telegrafi/

 

View this post on Instagram

 

A post shared by Lauren Sánchez Bezos (@laurensanchezbezos)

The post Salma Hayek mungoi në dasmën e Jeff Bezos, ka një arsye appeared first on Telegrafi.

Një gjyqtar i Gjykatës së Lartë në Spanjë urdhëroi të hënën që një ish-zyrtar i lartë në Partinë Socialiste në pushtet të mbahej në paraburgim, si pjesë e një hetimi për korrupsion që mund të prishë qeverinë e pakicës së kryeministrit Pedro Sánchez.

Rasti që përfshin Santos Cerdán është i fundit dhe ndoshta më seriozi në një seri skandalesh që e detyruan Sanchezin të kërkonte falje publike dhe të shmangte thirrjet e kundërshtarëve të tij politikë për zgjedhje të parakohshme.

Gjykatësi Leopoldo Puente po heton akuzat kundër Cerdán, ish-ministrit të Transportit Jose Luis Abalos dhe ndihmësit të tij Koldo Garcia, se kanë marrë ryshfete për dhënien e kontratave të punëve publike.

Cerdán dha dorëheqjen nga detyra në fillim të këtij muaji, por i mohoi akuzat.

Abalos dhe Garcia gjithashtu thonë se janë të pafajshëm.

Dorëheqja e Cerdán erdhi pas një deklarate nga Puente ku citoheshin “prova të forta” të përfshirjes së tij të mundshme në “dhënien e pahijshme” të kontratave.

Në një dokument gjyqësor, Puente tha se ish-zyrtari mund të përballet me akuza duke përfshirë anëtarësimin në një organizatë kriminale, korrupsionin dhe ryshfetin.

Gjykatësi refuzoi një kërkesë për lirim me kusht për Cerdán, duke përmendur shqetësimet se ai mund të përpiqet të shkatërrojë ose fshehë provat, pasi shtëpia e tij nuk është kontrolluar ende.

Kris Jenner dhe partneri i saj afatgjatë, Corey Gamble, thuhet se kanë pasur një përplasje të tensionuar teksa po largoheshin nga dasma luksoze e Jeff Bezos dhe Lauren Sánchez në Venecia. Sipas Daily Mail, gjithçka ndodhi të premten, menjëherë pas ceremonisë, dhe momenti është kapur nga kamerat.

Sipas Nicole Hickling, eksperte për leximin e buzëve, arsyeja e debatit ishte insistimi i Kris që gjatë udhëtimit me taksi ujor të mos kishte asnjë pasagjer tjetër përveç tyre. Në video shfaqet Kris teksa futet në taksi, ndërsa pas saj vjen Corey. Hickling interpreton se në atë moment ai i drejtohet stafit duke thënë: “Jemi të lumtur që udhëtojmë vetëm. Kjo është ajo që Kris dëshiron.”

Kjo, thuhet, ka bërë që Jenner të ndërhyjë e irrituar dhe t’i thotë partnerit të saj: “Çfarë po bën? Duhet të flasësh? Ta kam thënë… për hir të Zotit… dua të udhëtoj e vetme”.

Corey atëherë doli për një moment nga varka për të konfirmuar me një punonjës se do të udhëtonin pa të tjerë në bord, e më pas u kthye pranë Krisit.

Pavarësisht tensionit të dukshëm me Coreyn, Jenner ruajti mirësjelljen ndaj stafit. Në një pjesë tjetër të videos, dëgjohet duke i thënë Coreyt: “Thuaju që i falënderova,” pasi një punonjës i portit i ofroi asaj një pecetë për t’u fshirë nga uji i mundshëm gjatë udhëtimit.

Çifti ndodhej në Venecia me rastin e dasmës madhështore tre-ditore të Jeff Bezos dhe Lauren Sánchez, e cila mblodhi shumë fytyra të njohura dhe elitën botërore. Kris dhe Corey mbërritën të enjten, të shoqëruar nga vajzat e saj Kim dhe Khloé Kardashian, si dhe Kylie e Kendall Jenner.

Megjithatë, sipas një burimi pranë familjes, plani fillestar nuk përfshinte gjithë këtë shoqëri. Thuhet se Kendall, Khloé dhe Kylie nuk ishin të ftuara fillimisht, dhe ftesat për to erdhën vetëm pasi Kris ndërhyri. Gjatë qëndrimit në Paris për mbrëmjen e vajzave, Kris i kishte kërkuar Laurenit që të përfshinte edhe tri vajzat e tjera.

“Në fillim ishin ftuar vetëm Kim dhe Kris,” tha burimi. “Por Mama Kris e pyeti Laurenin nëse mund të sillte edhe vajzat e tjera teksa ishin në Paris.”

Po sipas burimit, Lauren Sánchez nuk i njeh shumë mirë Kendallin, Khloén dhe Kylen. Ky veprim nuk është i pazakontë për 69-vjeçaren Kris, e cila shpeshherë kërkon leje për të marrë gjithë familjen në ngjarjet më të rëndësishme.

Madje, flitet se Kris kishte edhe një motiv tjetër – sipas personave të afërt, ajo mendonte se kjo dasmë mund të ishte mundësi e mirë që vajzat e saj të pamartuara të njiheshin me partnerë të pasur dhe të famshëm. /Telegrafi/

The post Kris Jenner u grind me të dashurin e saj në dasmën e Bezos për një arsye të çuditshme appeared first on Telegrafi.

Ndërsa e gjithë familja Kardashian-Jenner ndodhej në dasmën luksoze të Jeff Bezos dhe Lauren Sánchez në Venecia, Kourtney Kardashian zgjodhi një fundjavë ndryshe — larg glamurit dhe larg vëmendjes së tepërt.

Vendimi i saj për të mos marrë pjesë në eventin e vitit u përshëndet nga fansat, të cilët e vlerësuan për autenticitetin dhe jetën familjare që po përqafon.

46-vjeçarja ndau në Instagram momente të qeta me bashkëshortin Travis Barker dhe fëmijët e saj, duke festuar përvjetorin e tretë të martesës në mënyrë intime dhe të personalizuar, shkruan DailyMail.

Me pamje nga një darkë romantike me trëndafila të kuq, veshje elegante dhe një atmosferë buzë oqeanit, ndjekësit e saj u shprehën se ajo “po jeton jetën e saj më të mirë”.

Kourtney u shfaq me një stil të kuruar, por të relaksuar — nga veshjet joshëse me dantella dhe taka elegante, deri te momentet e thjeshta me fëmijët e saj në Calabasas.

Fotografitë e publikuara përfshinin edhe dhuratat nga bashkëshorti i saj dhe një menu të personalizuar nga restoranti Caruso për përvjetorin e tyre.

Ndryshe nga motrat e saj që shpesh përballen me kritika për ekspozim të tepërt, Kourtney u vlerësua për zgjedhjen për të qëndruar pranë familjes. “Më e mira nga të gjitha motrat”, shkruante një komentues, ndërsa të tjerë e quajtën “shembull i thjeshtësisë me klas”.

Në një botë ku çdo lëvizje e familjes Kardashian përcillet me zhurmë, Kourtney duket se po ndjek rrugën e saj — më të qetë, më të thellë dhe ndjeshëm më njerëzore. /Telegrafi/

The post Kourtney Kardashian lavdërohet nga fansat për mungesën në dasmën e Bezos: Po jeton jetën tënde më të mirë appeared first on Telegrafi.

Kylie Jenner kaloi fundjavën në Venedik së bashku me motrat e saj Kim, Khloé dhe Kendall, si dhe me nënën Kris Jenner, për të marrë pjesë në dasmën madhështore të Jeff Bezos dhe Lauren Sanchez – një nga ngjarjet më të përfolura të vitit në botën e showbizit.

Përveçse tërhoqi gjithë vëmendjen në dasmë me një fustan që theu të gjitha rregullat tradicionale të veshjes për ceremoni martesore, Kylie bëri bujë edhe në rrugët e Venedikut me paraqitjen e saj provokuese.

Ylli i reality show-t dhe influencuesja 27-vjeçare u shfaq duke shëtitur në qytet e veshur me një top të zi shumë të shkurtër, nën të cilin dukej reçipeta e saj e zezë. Veshjen e kishte kompletuar me një fund të gjatë të zi, me detaje prej lëkure që i jepnin një pamje të guximshme dhe të sofistikuar.

Fotografët e kapën në momentin kur ajo po hipte në një taksi ujor, ndërsa vetë Kylie ndau pamje nga ky stil edhe në profilin e saj në Instagram.

Megjithatë, paraqitja e saj në dasmën e Bezos nuk kaloi pa komente të shumta në rrjetet sociale. Fustani i saj nxiti reagime të forta, ku përdoruesit e rrjeteve e akuzuan se po përpiqej të spikasë më shumë se vetë nusja.

“Ngjan si nuse”, “Të krijohet përshtypja se Kardashianet duan të errësojnë nusen”, “Të ekspozosh dekoltenë në një dasmë është e papërshtatshme” dhe “Këta njerëz duket qartë se kërkojnë vëmendje, dhe është vërtet neveritëse të shohësh këtë nivel kotësie”, ishin disa nga komentet që qarkulluan në rrjet. /Telegrafi/

The post Kylie Jenner mori vëmendjen në dasmën e Jeff Bezos, por edhe në rrugët e Venedikut appeared first on Telegrafi.

Lauren Sánchez i ka shtuar një bizhuteri të re koleksionit të saj të bizhuterive, dhe fotot e reja tregojnë një unazë martese në dorën e saj që vlerësohet të ketë një vlerë prej 4 milionë dollarësh (3.4 milionë euro).

Fotot nga afër zbuluan dy unaza të mëdha diamanti në duart e saj. Njëra dukej e prerë me jastëk, ndërsa tjetra ishte një gur në formë ovali.

Sipas Zack Stone të shtëpisë së bizhuterive Steve Stone: “Vepra përmban atë që duket të jetë një diamant i mrekullueshëm 20 karatësh në formë jastëku, i vendosur në një unazë elegante platini”.

Stone vlerësoi se unaza me diamantin oval vlente plot 4 milionë dollarë (3.4 milionë euro), që është më shumë se unaza me diamant rozë 20 karatësh që Bezos përdori për t’i propozuar Sánchez në vitin 2023, e cila vlerësohej në 2.5 milionë dollarë (2.1 milionë euro).

Ish-gazetarja u pa gjithashtu duke mbajtur një byzylyk me inicialet “LB”, i cili të kujton inicialet e saj të reja.

Dasma vlerësohet të ketë kushtuar midis 46 dhe 55 milionë dollarëve (39 dhe 47 milionë eurove) . Megjithatë, vendasit e Venedikut nuk i pritën me krahë hapur dhe u organizuan protesta kundër dasmës mes rritjes së turizmit në qytet.

Si kujtesë, miliarderi dhe themeluesi i Amazon, Jeff Bezos, u martua me Lauren Sánchez të premten në Itali, në një martesë që ka vazhduar prej disa ditësh, edhe pse ata ishin tashmë të martuar ligjërisht në Shtetet e Bashkuara.

Ata shkëmbyen betimet në ishullin e San Giorgio Maggiore para personaliteteve të shumta, përfshirë disa anëtarë të familjes Trump, motra nga familja Kardashian, si dhe Oprah Winfrey, Leonardo DiCaprio, Bill Gates, Barbara Streisand, Usher dhe Orlando Bloom. /Telegrafi/

The post Lauren Sanchez tregon unazën e saj të martesës: Diamanti kushton plot katër milionë dollarë appeared first on Telegrafi.

Një dasmë që nuk kaloi pa u vënë re! Lauren Sánchez, prezantuesja dhe tashmë gruaja e Jeff Bezos, ka marrë titullin e shumëpritur, “Zonja Bezos”. Ceremonia e saj e martesës me themeluesin e Amazon, të zhvilluar të premten në Venecia të Italisë, ishte një ngjarje e paharrueshme që tërhoqi vëmendjen e të gjithë botës. Por […]

The post Tashmë zonja Bezos! Lauren Sánchez bën ndryshimin e menjëhershëm në rrjetet sociale appeared first on BoldNews.al.

Ivanka Trump, vajza e presidentit amerikan Donald Trump, tërhoqi vëmendjen në ceremoninë madhështore të martesës së pronarit të Amazon, Jeff Bezos, me Lauren Sanchez, të mbajtur të premten në Venecia.

E veshur me një fustan të zi elegant dhe të shkurtë, Ivanka u paraqit me një pamje të sofistikuar, duke marrë vlerësime për stilin e saj të thjeshtë, por magjepsës.

Pamja e saj u cilësua si një nga më të rafinuarat mes të ftuarve VIP.

Në një postim në rrjetet sociale, Ivanka ndau një foto nga eventi, shoqëruar me përshkrimin: “Një natë e ëmbël”.

Jeff Bezos dhe Lauren Sanchez kurorëzuan dashurinë e tyre në një ceremoni që u përshkrua si “dasma e shekullit”, me mbi 200 të ftuar të nivelit më të lartë nga bota e biznesit, artit, modës dhe politikës, përfshirë emra si Oprah Winfrey, Kim Kardashian, Tom Brady dhe Leonardo DiCaprio.

Dasma u zhvillua në ishullin San Giorgio Maggiore, një nga vendet më piktoreske në Venecia, ndërsa eventi u shoqërua nga një festë shumëditore me luks të pakursyer. /Telegrafi/

The post Ivanka Trump elegante në të zeza në dasmën luksoze të Jeff Bezos dhe Lauren Sanchez appeared first on Telegrafi.

Khloe Kardashian tërhoqi gjithë vëmendjen me paraqitjen e saj në dasmën luksoze të Jeff Bezos dhe Lauren Sanchez, e cila u mbajt në Venecia dhe kushtoi plot 20 milionë dollar (18.7 milionë euro).

Me një fustan rozë me xixa dhe një mantil tyl dramatik, ajo shkëlqeu në mesin e 200 të ftuarve VIP, përpara se të largohej para përfundimit të festës.

Ylli i “The Kardashians” ndau disa pamje përgatitore nga hoteli në Instagram, ku dukej elegante dhe plot stil, shkruan DailyMail.

Më vonë, Khloe u bashkua me motrën e saj Kim Kardashian, përpara se të dyja të largoheshin me gondolë nga vendi i dasmës – një dalje e papritur, ndërsa festimet ishin ende në kulm.

Në dasmën e përshkruar si “e shekullit” morën pjesë emra të mëdhenj si Oprah Winfrey, Ivanka Trump, Usher e Orlando Bloom.

Edhe pse festa e së premtes përfundoi pa Khloe dhe Kim, aktivitetet pritet të vazhdojnë gjatë fundjavës në qytetin ikonik italian. /Telegrafi/

The post Khloe Kardashian magjeps me dukjen në dasmën e Jeff Bezos appeared first on Telegrafi.

Jeff Bezos mund të jetë dukur elegant me ‘smokingun’ e tij në ditën e dasmës, por sipas një eksperti të modës, themeluesi i Amazon bëri një gabim mode gjatë festës së tij luksoze në Venecia.

Miliarderi 61-vjeçar u fotografua të premten pasdite, duke buzëqeshur, i veshur me një smoking të zi, duke hipur në një taksi uji jashtë një hoteli përpara dasmës së tij në ishullin San Giorgio Maggiore, ku u martua me Lauren Sanchez.

Gabimi i modës i Bezos

Edhe pse eventi ishte mbresëlënës vizualisht dhe Bezos e përqafoi shkëlqimin, stilistja e modës nga Nju Jorku, Liz Teich, sugjeroi që ai bëri një gabim në modë duke zgjedhur një papion të lidhur paraprakisht.

“Ankesa ime më e madhe për pamjen e tij është se do të doja të mos kishte zgjedhur një papion të lidhur paraprakisht. Duket shumë më elegante kur e lidh vetë”, tha ajo për Daily Mail.

Liz nuk ishte e vetmja që kritikoi zgjedhjet e modës së Bezos. Gazetari i modës Derek Guy foli në Platform X për të sugjeruar që Bezos duhet të kishte zgjedhur një jelek tjetër.

Ceremonia martesore mes Bezos dhe Sanchez zgjoi një vëmendje të jashtëzakonshme mediatike, me çiftin që celebroi dashurinë e tyre në qytetin e bukur të Venecia-s me plot të ftuar të famshëm.

The post Zbulohet “gabimi” i sikletshëm i modës i Jeff Bezos në dasmën e tij me Lauren Sanchez appeared first on Telegrafi.

Ish-prezantuesja amerikane Lauren Sanchez është tani një nga gratë më të famshme në botë, pasi u martua me themeluesin e Amazon, Jeff Bezos.

Thashethemet se ajo iu nënshtrua operacionit kanë qarkulluar prej kohësh.

Ajo ka lindur në vitin 1969 në New Mexico. Gjithmonë ka dashur të bëhet moderatore lajmesh, por pasi mbaroi shkollën e mesme hoqi dorë nga ky plan sepse vuante nga disleksia. Vendosi të futej në aviacion.

Sanchez u zhvendos në Los Angeles dhe aplikoi për një punë si asistente fluturimi. Ajo u zemërua kur i thanë se ishte shumë e shëndoshë për të qenë asistente fluturimi, pavarësisht se peshonte vetëm 55 kilogramë. Më pas ajo u përqendrua përsëri në gazetari.

Ajo filloi të punonte në një media të vogël në Arizona dhe më pas punoi për Extra, Fox Sports Net dhe Good Day LA. Përmes gazetarisë, ajo u bë mikeshë me shumë personazhe të famshëm.

Ajo u bë e njohur në botë në vitin 2019, kur filluan të përhapeshin thashetheme se ajo po dilte me Bezos, gjë që rezultoi e vërtetë. Ata u martuan së fundmi dhe festimi i tyre luksoz në Venecia tërhoqi vëmendjen.

Lauren ka qenë prej kohësh objekt komentesh për pamjen e saj. Shumë besojnë se ajo e teproi me kirurgjinë plastike. Kirurgët plastikë i thanë më parë Daily Mail se ishte e qartë se ajo bëri një ‘lifting’ fytyre, vendosi mbushës në faqe dhe injektoi botoks, veçanërisht në zonën përreth buzëve.

The post Si dukej Lauren Sanchez para famës, sot ajo është një nga gratë më të famshme në botë appeared first on Telegrafi.

Lauren Sanchez theksoi ndjenjën e lirisë dhe sigurisë që ndjen në krah të bashkëshortit të saj, Jeff Bezos , në një intervistë që dha disa orë para dasmës së tyre në ishullin San Giorgio Maggiore në Venecia. Ajo tregoi se ai e ndihmoi të zbulonte vërtet veten. “Jeff nuk më ndryshoi. Jeff më “zbuloi”. Ndihem e sigurt. Ai më lejon të jem vetvetja. Ashtu siç thashë për Sophia Loren, e cila është e lirë pa kompromis, ai më lejon të jem e lirë pa kompromis”, tha ajo në një intervistë që dha për Vogue pak para dasmës së saj me themeluesin e Amazon.

Ceremonia e dasmës u zhvillua të premten, më 27 qershor, pak para orës 21:00, me personalitete të famshme të pranishme. Sanchez zgjodhi një krijim elegant nga Dolce & Gabbana, një fustan nusërie me mëngë të gjata dhe dantellë, me korse dhe kopsa që përfundonte në një fund në stilin e sirenës.

Gazetarja 55-vjeçare kujtoi herën e parë që provoi fustanin e nusërisë në Milano: “U ndjeva si një princeshë. Ishte më i fortë nga sa mendoja .” Ajo zbuloi gjithashtu se Bezos iu lut ta shihte fustanin e nusërisë para ditës së madhe, por ajo refuzoi ta mbante si surprizë: “Gati sa nuk u dorëzova,” pranoi ajo. “Por doja që të ishte një surprizë. Kur plakesh, nuk të kanë mbetur shumë surpriza. Mezi prisja të shihja fytyrën e tij,” theksoi ajo.

Duke dhënë detaje rreth krijimit të fustanit të nusërisë, ajo shpjegoi se në fillim e imagjinonte veten të veshur me diçka moderne dhe seksi. “Fillimisht doja një fustan të thjeshtë, seksi dhe modern. Por më pas doja diçka që të tregonte një moment dhe që shprehte se ku jam tani. Jam një person ndryshe nga sa isha pesë vjet më parë,” theksoi ajo.

Ky ndryshim, tha ajo, është kryesisht për shkak të Jeff Bezos. “Bëra shumë terapi dhe kjo më ndryshoi në shumë mënyra. Por në të vërtetë ka të bëjë me Jeffin”, tha ajo.

Ceremonia e dasmës mbaroi pak para orës 9 të mbrëmjes të premten, më 27 qershor, me një mori të ftuarish.

 

View this post on Instagram

 

A post shared by Lauren Sánchez Bezos (@laurensanchezbezos)

The post Lauren Sanchez për Jeff Bezos: Ai më lejon të jem vetvetja, të jem e lirë pa kompromis appeared first on iconstyle.al.