Xherdan Shaqiri ka filluar fazën përgatitore me Baselin, duke lënë të kuptohet se synon të vazhdojë rrugëtimin e tij me ekipin zviceran edhe në sezonin e ri.
Pas rikthimit nga SHBA, ai e udhëhoqi skuadrën drejt fitimit të titullit të kampionit dhe triumfit në Kupën e Zvicrës.
Së fundmi, ish-trajneri i Baselit, Fabio Celestini, mori drejtimin e CSKA Moskës dhe gazeta Blick, e pyeti Shaqirin dhe drejtuesit e klubit për këtë zhvillim.
Shaqiri ka thënë se nuk e ka ndërmend të largohet nga ekipi ku është kapiten dhe lider.
“Për momentin nuk ka para që më largojnë nga Baseli. Ndihem komod këtu, ashtu si e kemi parë në edicionin e kaluar”, ka thënë Shaqiri.
Por, ai nuk ka kritikuar Celestinin për kalimin në Rusi.
“Fabio me vetëdije zgjodhi rrugën e tij dhe duhet të respektohet kjo. Kalimi në Moskë me gjasë është zgjedhje e duhur për të. Qartë se do të bëj punë të mirë atje”, ka theksuar Shaqiri. /Telegrafi
Xherdan Shaqiri dhe Granit Xhaka e kishin fatin ta gëzonin një karrierë të suksesshme duke luajtur për klube elitare të futbollit evropian.
Derisa i pari luajti për ekipet si Basel, Bayern Munich, Inter, Stoke City, Liverpool, Lyon e Chicago Fire, i dyti luajti në Basel, Borussia Monchengladbach, Arsenal dhe Bayer Leverkusen.
E sigurisht, paraqitjet në këto klube ua kanë mundësuar dy yjeve kosovare të Kombëtares zvicerane që t’i mbushin kontot e tyre bankare me para.
Por, ku i kanë shpenzuar Shaqiri e Xhaka milionat e fituara nga futbolli?
Mediumi i njohur zviceran “Blick” i ka hyrë më thellë kësaj teme duke zbuluar detaje rreth investimeve të dy prej futbollistëve më të mirë shqiptarë ndonjëherë, përcjell “Gazeta Express”.
Sa i përket Xhakës, ai së bashku me vëllain e tij Taulantin dhe babanë e tij, Ragipin, ka investuar në ndërtimtari, ndërsa është bashkëpronar i Generation Immobilien AG me seli në Basel të Zvicrës.
Edhe para themelimit të kompanisë, futbollisti i Leverkusenit e bleu një pallat apartamentesh në vitin 2018 në lagjen jo dhe aq luksoze Grenchen SO.
Portofoli i tij i pasurive të patundshme përfshin gjithashtu prona në Basel dhe në Kosovë, atdheun e prindërve të tij.
Që nga viti 2020, ylli i mesfushës ka qenë gjithashtu një stilist mode.
Së bashku me partnerët e biznesit, ai e themeloi markën e tij të veshjeve. Nën markën “Grajo”, Xhaka shet veshëmbathje të zakonshme për meshkuj.
Sa i përket Shaqirit, futbollisti i Baselit, i cili u tërhoq nga Kombëtarja helvetike në vitin 2024, po i riinveston milionat e tij të fituara nga futbolli në futboll.
Në fillim të vitit, 33 vjeçari u bë aksionar minoritar i klubit FC Rapperswil-Jona, i cili në atë kohë po ngjitej në një kategori më të lartë garash.
“Rappi është klubi perfekt për ta parë nga afër menaxhimin”, thoshte Shaqiri në atë kohë për “Blick”.
Klubi nga St. Gallen është ngjitur në divizionin e dytë të futbollit zviceran, Challenge League.
Kjo ishte hera e parë për Baselin që shpallet kampion i Kupës pas plotë gjashtë vitesh, teksa për herë të fundit e kishin fituar gjatë sezonit 2018/2019.
Në këtë ndeshje për Baselin u aktivizuan gjithashtu edhe dyshja Albian Ajeti dhe Leon Avdullahu, ndërsa Yll Avdyli ishte në bankën rezervë tek ekipi kundërshtar./Telegrafi/
Presidentja e Republikës së Kosovës, Vjosa Osmani, ka marrë pjesë në një darkë shtetërore të organizuar nga Presidentja e Zvicrës, Karin Keller-Sutter, dhe Këshilli Federal zviceran, në kuadër të vizitës së saj zyrtare në këtë shtet mik.
Përmes një postimi në rrjetin social Facebook, Osmani ka bërë të ditur se në këtë ngjarje kanë marrë pjesë edhe pjesëtarë të mërgatës shqiptare në Zvicër.
“Mbrëmë, në Darkën Shtetërore të organizuar nga Presidentja e Zvicrës, Karin Keller-Sutter dhe Këshilli Federal zviceran, së bashku me shumë pjesëtarë të mërgatës sonë, ngremë dolli për miqësinë mes popujve tanë dhe për të ardhmen e partneritetit në mes shteteve tona”, ka shkruar Osmani.
Në fotografitë e publikuara nga ky takim zyrtar, Osmani shihet edhe në shoqërinë e futbollistit të njohur shqiptar që luan për përfaqësuesen zvicerane, Xherdan Shaqiri. /Telegrafi/
Bazeli u rikthye te titulli i kampionit në Zvicër pas shtatë viteve pritje. Për gjigantin zviceran ky ishte titulli i 21-të në histori të klubit, ndërsa meritat më të mëdha padyshim shkojnë për Xherdan Shaqirin i cili realizoi 18 gola dhe dhuroi 20 asiste. Festa ka qenë e jashtëzakonshme me tifozët teksa të gjithë brohorisnin emrin e tij. (VIDEO)
Pas kësaj arritje, Shaqiri ka folur për 20min.ch duke shfaqur emocionet për titullin e kampionit, derisa tha se për titullin është rikthyer.
“Kjo është arsyeja pse u ktheva. Erdha me ambicie dhe qëllime të qarta. Kur u largova nga Bazeli, klubi gjithmonë luftonte për tituj. Nuk do ta kisha menduar se do të ndodhte që në vitin e parë, por kjo e bën gjithçka edhe më të bukur. Tani kemi ende një shans për të fituar dy trofe”, vazhdoi tutje Shaqiri.
Bazel ka tri ndeshje të mbetura përpara finales së Kupës së Zvicrës më 1 qershor kundër FC Biel. /panoramasport
“I thashë në stadium: ‘Do të ndërtoj një monument për ty'”, deklaroi David Degen, CEO i Basel, gjatë festës krejtësisht të çmendur për titullin kampion, para disa dhjetëra mijëra tifozë festuan yjet e tyre.
Fjalët lavdëruese të Degenit ishin për Xherdan Shaqiri, i cili u rikthye verën e kaluar si shpëtimtari i madh – dhe i rezistoi presionit, duke e dërguar Baselin drejt lavdisë.
19 gusht 2024, ishte dita e madhe kur Xherdan Shaqir u prezantua para fansave, dhe që atëherë superylli i FC Basel ka dhënë rezultate të shkëlqyera – ku në 31 ndeshje ai ishte prezent në 38 gola. Shaqiri shënoi 18 gola dhe dha dhuroi 20 asistime.
“Kjo është arsyeja pse u ktheva. Erdha me ambicie, me qëllime. Kur u largova nga FC Basel, klubi luante gjithmonë për tituj. Qëllimi im i madh ishte ta sillja trofeun përsëri në shtëpi”, deklaroi Shaqiri.
Edhe pse Shaqiri e dha menjëherë rezultatin, ai thotë se nuk e prisite, por tani apetitet janë rritur, pasi Basel e do edhe trofeun e Kupës së Zvicrës.
“Nuk do ta kisha menduar se do të funksiononte në vitin e parë, por kjo është edhe më mirë. Tani kemi shans për dy trofe. Shanset janë shumë të mira”, nënvizoi Shaqa.
FCB tani ka tre ndeshje të mbetura deri në finalen e kupës më 1 qershor kundër FC Biel. Tri ndeshjet e radhës në kampionat janë me Lausannen, Young Boysin dhe Luzernin. Titulli i kampionatit është i sigurt, por superylli i FC Basel mund të arrijë ende diçka historike.
Pra, Shaqiri tani është pesë pikë larg barazimit të rekordit të të gjitha kohërave të Superligës së Zvicrës në tre ndeshjet e mbetura: Stéphane Chapuisat e vendosi atë në sezonin 2003/04 ndërsa luante për Young Boys.
Ai kishte 43 pikë, me 24 ishin gola dhe 19 asistime. A do ta arrijë këtë Shaqiri? Në formën e tij të mrekullueshme aktuale, ai është i aftë për çdo gjë.
Foto e postuar e festimeve të titullit me 11 maj, tregon se për një periudhë prej nëntë muajsh, gjithçka mund të ndryshojë, por me një emër si Xherdan Shaqiri në skuadër. /Telegrafi/
Baseli është rikthyer te titulli i kampionit në Zvicër pas shtatë viteve pritje.
Për gjigantin zviceran ky ishte titulli i 21-të në histori të klubit, derisa më meritori padyshim që është Xherdan Shaqiri me 18 gola e 20 asistime.
Shaqiri ka folur për 20min.ch duke shfaqur emocionet për titullin e kampionit, derisa tha se për titullin është rikthyer.
“Kjo është arsyeja pse u ktheva. Erdha me ambicie dhe qëllime të qarta. Kur u largova nga FC Basel, klubi gjithmonë luftonte për tituj”.
Ai shtoi se synimi i tij kryesor ishte “ta sillte titullin përsëri në shtëpi”, duke theksuar rëndësinë që kishte për të rikthimi te skuadra ku shkëlqeu në fillimet e karrierës.
Shaqiri pranoi se suksesi erdhi më shpejt se sa e kishte pritur: “Nuk do ta kisha menduar se do të ndodhte që në vitin e parë, por kjo e bën gjithçka edhe më të bukur. Tani kemi ende një shans për të fituar dy trofe”, vazhdoi tutje Shaqiri.
FC Basel ka tri ndeshje të mbetura përpara finales së Kupës së Zvicrës më 1 qershor kundër FC Biel.
Të mërkurën luajnë në udhëtim ndaj Lausanne, më pas përballen me Young Boys dhe në fund presin në shtëpi FC Luzern.
Titulli kampion është siguruar, por Shaqiri dhe skuadra e tij synojnë të shkruajnë histori me dy trofe të fituar.
Përveç kësaj, Shaqiri është pesë pikë (gola/asistime) larg barazimit të rekordit të të gjitha kohërave të Superligës, të vendosur nga Stephane Chapuisat në sezonin 2003/04 me Young Boys.
Nga 43 pikët (gola e asistime) e Chapuisat, 24 ishin gola. Me formën e tij aktuale të shkëlqyer, Shaqiri ka të gjitha mundësitë të thyejë edhe këtë rekord prestigjioz. /Telegrafi/
Baseli e ka shpartalluar Luganon në play-off të Superligës së Zvicrës, duke e mposhtur 5-2 para tifozëve të tyre dhe Xherda Shaqiri ishte edhe njëherë lojtari kyç për liderin.
Pas vetëm tre minutash lojë, Uran Bisilmi e kaloi Luganon në epërsi, por që gëzimi i tij zgjati vetëm dy minuta.
Albian Ajeti i barazoi shifrat, ndërsa më pas shkoi në një nivel tjetër, duke u përjashtuar nga takimi në minutën e 33-të, pas kartonit të dytë të verdhë.
Nga aty, Shaqiri i mori gjërat në duart e tij dhe për dhjetë mintua kompletoi het-trikn.
Në minutën e 48-të, Xherdani kaloi Baselin në epërsi për 2-1, nga një asistim i Metinhos.
Tre minuta më vonë, ylli nga Zhegra e Gjilanit realizoi golin e dytë personal dhe të tretin për ekipin e tij.
Në minutën e 58-të, Shaqiri kompletoi het-trik-un e tij, për rezultatin 4-1.
Leroy shënoi goplin e pestë për Baselin në minutë e 61-të, duke thelluar epërsinë e Baselit në 5-2.
Vendasit u kundërpërgjigjën me anë të Grgic, që shënoi nga penalltia vetëm tetë minuta më vonë.
Baseli vazhdon si lider me 67 pikë, ndërsa Shaqiri ka shkuar në kuotën e 18 golave dhe 20 asistimeve në këtë sezon. /Telegrafi/
Nuk ka statistikë ku nuk është i pari. Xherdan Shaqiri kryeson Superligën e Zvicrës me Bazelin e tij, ndërsa duhet edhe pak deri në përfundimin e sezonit.
Veterani me origjinë shqiptare nga Kosova është Këpuca e Artë me 15 gola deri tani, dhe po ashtu është numri 1 në renditjen e pasimeve për gol me plot 20 asiste.
Padyshim që Zvicra kishte kohë që nuk shihte një shpërthim të tillë.
I rikthyer verën e kaluar në ekipin kuqeblu, Xherdani, u tregua vërtet i jashtëzakonshëm, aq sa edhe tifozët më të zjarrtë të ekipit dhe të tij personalisht nuk e prisnin.
Niveli ishte i shkëlqyer me 15 rrjeta e 20 asistë në 30 ndeshje, një protagonizëm që ishte harruar, dhe që Superliga helvete nuk e njihte prej kohësh.
Veterani 33-vjeçar i lindur në Gjilan të Kosovës provoi në karrierë klube nga më të mëdhenjtë e botës si Bajern, Liverpul apo Inter, fitoi dy herë Championsin, dy herë Kupën e Botës për klubet, 3 Bundesliga dhe Premier Ligën, si dhe shkëlqeu me Zvicrën me 32 gola në 125 ndeshje.
Në Zvicër, më herët kishte fituar tri herë titullin dhe dy herë Superkupën, gjithnjë me Bazelin, të cilin po e kthen te suksesi në kampionat pas 8 vitesh, që nga 2017-ta.
Bazeli kryeson renditjen e Superligës me 64 pikë në 34 ndeshje, 9 më shumë se vendi i dytë, me diferencën më të madhe të golave, +44 shumë më lart se rivalët, dhe me numrin më të madh të rrjetave të shënuara, 77, ndaj 61 të Lucernës./abcnews.al
Xherdan Shaqiri është duke kaluar nëpër sezonin e tij më të mirë në karrierë.
Rikthimi te Baseli ka qenë vendimi më i mirë që ka marrë Shaqiri, pasi është në rrugë ta rikthej këtë skuadër të trofetë.
33-vjeçari është duke kaluar nëpër një formë të jashtëzakonshme, ku në 33 ndeshje ka shënuar 16 gola dhe ka asistuar në 18 të tjerë.
Baseli aktualisht po udhëheq kampionatin me 61 pikë, gjashtë më shumë se Servette në vendin e dytë.
Ndërkohë të dielën ata mposhtën edhe Lausannen në gjysmëfinale të Kupës dhe në finale do të përballen me skuadrën e Ligës së Tretë, Biel-Bienne.
Shaqiri ka thënë të dielën për gazetën zvicerane ’20 minuten’ se synon që të fitoj dy trofetë me Baselin këtë edicion.
“Po bëj çdo gjë që të jem i suksesshëm me Baselin. Tani mund të fokusohemi në ligë. Kemi ndeshje të vështirë me Servetten, por me stadiumin plot mund të bëjmë hapin para”, ka thënë Shaqiri në një intervistë për “20 minuten”.
“Jam shumë i lumtur, të gjithë janë të lumtur. Në finale të kupës arrihet vetëm me shumë punë. Jemi të gjithë krenarë dhe duam të fitojmë trofeun në Bernë. Do të jetë një ndeshje e madhe në stadium të mbushur. Finalet e Kupës janë gjithnjë të veçanta”, ka deklaruar ylli kosovar. /Telegrafi/
“Të gjithë, përveç motrës sime, kemi lindur në Kosovë. Ne patëm një fëmijëri të vështirë dhe u rritëm në një fermë të vjetër – pa ngrohjen e duhur”, u shpreh Xherdan Shaqiri.
Xherdan Shaqiri po shkëlqen në futbollin zviceran. Së fundi shënoi një gol dhe bëri tri asistime, duke u notuar me 9.5, si dhe u zgjodh Futbollisti i Javës në Superligën Zvicerane.
Ai ka qenë i ftuar në “bluewin.ch”, ku foli për jetën e tij, brenda dhe jashtë fushës, transmeton albinfo.ch.
“Fëmijëria ime pati një ndikim të thellë tek unë. Të gjithë, përveç motrës sime, kemi lindur në Kosovë. Ne patëm një fëmijëri të vështirë dhe u rritëm në një fermë të vjetër – pa ngrohjen e duhur. Kjo pati një ndikim të thellë tek unë. Të kesh shumë gjëra këto ditë ju ndihmon të qëndroni në tokë”, u shpreh Shaqiri.
Çfarë do të thotë për ju luksi që nuk e kishit më parë? “Luksi është i këndshëm, por nuk është gjëja më e rëndësishme. Për mua shëndeti është gjëja më e rëndësishme. Unë jam një person me këmbë në tokë – si familja ime. Sigurisht që e trajtoj veten me gjëra të këndshme, por më pëlqen të jetoj një jetë realiste.
Çfarë mbizotëron në karakterin tuaj: zvicerani i rregullt apo shqiptari i pasionuar?
Në fushë, unë jam padyshim shqiptari i pasionuar – plot emocione. Por në jetën e përditshme, unë jetoj një jetë shumë zvicerane: e përpiktë, e besueshme. Mendoj se i kombinoj të dyja mentalitetet”, theksoi Shaqiri.
“Gjithë karrierën time rinore e kalova në FC Basel. Ne shisnim broshurat e programeve para ndeshjeve në atë kohë-më kujtohet mirë. Pastaj të luaja vetë në atë stadium ishte një ëndërr e realizuar. Unë kam parë çdo lojë që nga vitet 2000. Tani mund ta jetoj atë ëndërr.
Çfarë këshille për fëmijët?
“Bëje ashtu siç bëra unë! Por në përgjithësi: fëmijët duhet të argëtohen—kjo është gjëja më e rëndësishme në futboll. Shkolla është gjithashtu e rëndësishme. Talenti është i mirë, por puna e vështirë është po aq e rëndësishme. Ndjekja e ëndrrave dhe qëllimeve – kjo është ajo që ju çon përpara”.
Çfarë ju ka munguar në karrierën tuaj dhe çfarë po prisni pas futbollit?
Hoqa dorë nga shumë gjëra—për shembull, duke dalë me shokët e shkollës sepse kisha një lojë të nesërmen. Këtu hyn disiplina. Zgjodha me vetëdije karrierën time. Por gjithashtu mezi pres që të jem në gjendje ta kompensoj atë më vonë.
Ju jeni kthyer në FC Basel, përsëri në Superligë. Çfarë prisnit – dhe çfarë morët në të vërtetë?
Unë kisha pritshmëri, natyrisht – por së pari, më duhej të kthehesha. Kontrata ime në Çikago duhej të ndërpritej. Superligën e kam ndjekur nga Afrika. Është një ligë atletike, me skuadra që mund të luajnë futboll. Është gjithashtu një ligë në zhvillim me shumë talente të rinj. Doja ta ndihmoja Baselin të bëhej sërish i suksesshëm—ky ishte qëllimi im.
Për shumë, ju jeni arsyeja kryesore për ngritjen e FCB. E ndjeni këtë si presion apo e merrni më shumë si kompliment?
Suksesi vjen nga i gjithë ekipi – jo vetëm unë. Ne punojmë si njësi. Unë sjell përvojë, dua t’i udhëheq lojtarët e rinj, t’u jap energji dhe ndonjëherë të bëj presion. Nëse doni të konkurroni në krye, duhet të performoni dhe të jeni në gjendje të përballoni presionin. Jam shumë krenar për zhvillimin e ekipit dhe të gjithë klubit. Shpresoj që të qëndrojmë në krye – qëndrueshmëria është çelësi”, përfundoi Shaqiri./albinfo.ch/ KultPlus.com
Ylli i Baselit, Xherdan Shaqiri ka treguar së fundmi se karakteri i tij është i kombinuar mes atij shqiptar dhe zviceran.
Shaqiri ka folur për mediumin ‘blu Sport’ për fëmijërinë e tij të vështirë, luksin e mëvonshëm, popullaritetin dhe ëndrrën e tij më të madhe: të fitojë trofeun me Baselin.
Megjithatë, ajo çfarë na intereson nga kjo intervistë ishte përgjigja e tij në pyetjen se a ka më shumë karakter zviceran apo shqiptar.
“Në fushë, padyshim shqiptari i pasionuar – me emocione. Megjithatë, në jetën e përditshme jam shumë zviceran: i përpiktë, i besueshëm”.
“Mendoj se i kombinoj të dyja mentalitetet”, ka thënë Shaqiri për mediumin zviceran.
Ndryshe, Shaqiri është duke përjetuar një edicion të përkryer me Baselin, pasi ka 16 gola dhe 18 asistime nga 32 ndeshje. /Telegrafi/
Superylli i Baselit, Xherdan Shaqiri, ka rrëfyer në një intervistë për “Blue Sport” rrugëtimin e tij jetësor dhe sportiv, nga fëmijëria e vështirë në një fermë pa ngrohje në Zvicër, e deri te ëndrra që dëshiron ta përmbushë – fitimin e titullit me FC Basel si kapiten.
Në këtë rrëfim të sinqertë, ai flet për karakterin e tij, përkushtimin, popullaritetin dhe përvojat e shumta në futbollin ndërkombëtar.
“Fëmijëria ime më ka formuar shumë. Të gjithë kemi lindur në Kosovë, përveç motrës sime. Ne patëm një fëmijëri të vështirë dhe u rritëm në një shtëpi të vjetër – pa ngrohje të mirë. Kjo pati një ndikim të madh tek unë. Nëse keni shumë gjëra sot, kjo ju ndihmon të qëndroni në tokë”, rrëfen fillimisht Shaqiri.
I lindur në Gjilan dhe i rritur në Augst të Zvicrës pas zhvendosjes së familjes në vitin 1992, Shaqiri është mishërim i dy kulturave – asaj shqiptare dhe zvicerane. “Në fushë, padyshim jam shqiptari i pasionuar – me emocione. Megjithatë, në jetën e përditshme jam shumë zviceran: i përpiktë, i besueshëm. Mendoj se i kombinoj të dyja mentalitetet”, shprehet ai.
Shaqiri e kishte ëndërr të luante në stadiumin e Baselit – “Joggeli”. Ai kujton me emocione kohën kur si i ri shiste broshura para ndeshjeve, duke shikuar çdo ndeshje që nga fillimi i viteve 2000. “Të luaja vetë aty ishte një ëndërr e realizuar”, thotë ai.
Pavarësisht suksesit dhe luksit, Shaqiri thekson se shëndeti është gjëja më e rëndësishme për të. “Luksi është i këndshëm, por për mua shëndeti është më i rëndësishëm. Unë jam një person me këmbë në tokë – si familja ime. Më pëlqen të jetoj afër realitetit”.
Përfaqësuesi i Zvicrës, me 125 paraqitje dhe 32 gola, është lojtari i vetëm që ka shënuar gola në gjashtë turne të mëdha radhazi – tre Botërorë dhe tre Evropianë. Golat ndaj Serbisë në Kupat e Botës 2018 dhe 2022 i siguruan një vend të veçantë në zemrat e tifozëve shqiptarë.
Në aspektin sportiv, ai ka qenë vendimtar për Baselin këtë sezon. Me 14 gola dhe 17 asistime në 29 paraqitje, Shaqiri po udhëheq skuadrën drejt titullit kampion, pas një pritjeje të gjatë që nga viti 2017.
“Ëndrra ime më e madhe dhe qëllimi im është një titull me FC Basel si kapiten,” shprehet ai, ndërsa Baseli tashmë ka siguruar vendin e parë në sezonin e rregullt dhe gjendet në gjysmëfinale të Kupës së Zvicrës, ku përballet me Lausannen.
Shaqiri tregon se edhe sot, në çdo cep të botës ku shkon, njihet nga tifozët. “Kam shënuar një hat-trick kundër Hondurasit, dhe tani më njohin atje. Kjo ndodh shpesh. Kam luajtur në të gjithë botën – njerëzit më njohin,” thotë ai me buzëqeshje.
Ai kujton se si ka humbur shumë gjatë rrugës së tij, përfshirë edhe daljet me shokët e shkollës, për shkak të ndeshjeve. Por këto sakrifica ia kanë vlejtur, sepse ai ndjek ende ëndrrën për sukses me klubin e zemrës. “Suksesi vjen nga i gjithë ekipi – jo vetëm nga unë. Dua të udhëheq të rinjtë, të jap përvojë dhe të ndikoj pozitivisht në klub. Qëndrueshmëria është çelësi”, deklaroi ai.
Në fund, i pyetur për ëndrrën më të madhe – ai nuk ngurron: “Po, kjo është ëndrra ime më e madhe dhe qëllimi im – të fitoj një titull me FC Basel si kapiten”.
Ai dhe klubi janë në rrugë të mirë për ta bërë këtë ëndërr realitet. /Telegrafi/
Sulmuesi shqiptar, Xherdan Shaqiri po kalon sezonin më të mirë në karrierë. Ai është kthyer në një lojtar vendimtar te Basel në Zvicër. 33-vjeçari gjeti sërish rrugën e rrjetës, ndërsa dhuroi edhe 3 asiste, në fitoren e thellë në kampionat ndaj Yverdon, me rezultatin 5-0. Në 28 ndeshje të luajtura në kampionat, Shaqiri numëron plot 13 gola të shënuar dhe 14 asiste, shifrat më të mirat të…
Xherdan Shaqiri po kalon një rini të dytë te skuadra e Bazelit. Futbolliti me origjinë shqiptare, nuk ka të ndalur te skuadra kuqeblu, duke u shndërruar në një lider të padiskutueshëm.
33-vjeçari rrëmbeu sërish skenën mbrëmjen e sotme, duke realizuar dopietë në duelin ndaj Zyrihut, ku skuadra e Bazelit triumfoi bindshëm me rezultatin 0-5.
Shaqiri shënoi golin e dytë dhe të tretë për të tijët, duke u ngjitur në kuotën e 13 golave në 28 ndeshje. Ai gjithashtu ka regjistruar edhe 14 asiste. Falë këtij triumfi Bazeli është duke hedhur hapa të sigurt drejt titullit kampion me 58 pikë në 32 javë, plot 7 më shumë se Servete e vendit të dytë që ka edhe një ndeshje më pak.
Basel ka marrë një fitorë të thellë 0-4 në transfertë ndaj Zurich, ndeshje e vlefshme për Superligën në Zvicër. Protagonist i kësaj fitoreje ka qenë Xherdan Shaqiri. Futbollisti nga Zhegra e Gjilanit shënoi dy gola, fillimisht në minutën e 43-të me një goditje të fuqishme e cila përplaset në traversë fillimisht dhe më pas në […]
Baseli mori një fitore të madhe në udhëtim ndaj Zurichut me rezultat 4-0 në kuadër të javës së 32-të në elitën e futbollit zviceran.
Si shpeshherë këtë sezon, vendimtar për Baselin ishte ylli kosovar Xherdan Shaqiri.
Shaqiri në këtë ndeshje ishte autor i dy golave duke orkestruar kështu fitoren e madhe të ekipit të tij, që ishte shumë e rëndësishme në luftën për titull kampion.
Për golat dhe paraqitjen e tij gjatë 90 minutave, Shaqiri u vlerësua me notën 8.8 nga Sofascore duke qenë njëri ndër lojtarët më të dalluar në fushë.
33-vjeçari pati gjithashtu 30 pasime të kompletuara, dy pasime kyçe dhe katër duele të fituara.
Pas 28 ndeshjeve të zhvilluara këtë sezon në kampionatin zviceran, Shaqiri numëron 13 gola dhe 14 asistime./Telegrafi/
Xherdan Shaqiri paraqitjen e tij të fundit në Ligën e Kampionëve e kishte më 14 prill 2021, kur u paraqit në çerekfinale ndaj Real Madridit (0-0), ku ai u inkuadrua në minutën e 82-të si lojtar i Liverpoolit.
Shaqa ka luajtur 36 ndeshje në garën më të famshme në botë për klube, duke shënuar tre gola dhe dhënë shtatë asistime. Por me paraqitjet e fundit te Baseli, ai mund t’i ndyshojë këto shifra dhe mund të ketë ende për të dhënë në Ligën e Kampionëve.
Sulmuesi anësor e ka fituar dy herë Ligën e Kampionëve, fillimisht me Bayern Munich në vitin 2013, ndërsa të dytën me Liverpoolin në vitin 2019.
Shaqiri që tani po shkëlqen me Baselin, të njëjtën gjë e kishte bërë edhe në fillim të karrierës. Me këtë klub ai fitoi tri tituj kampion (2010, 2011, 2012) dhe dy Kupa të Zvicrës.
Tani, në moshën 33-vjeçare, ai është rikthyer pikërisht aty ku gjithçka nisi – te Baseli – dhe po shkëlqen sërish.
Këtë sezon, Shaqiri ka luajtur 27 ndeshje në Superligën e Zvicrës, me 11 gola dhe 14 asistime, duke udhëhequr skuadrën drejt kreut të tabelës. Pas 31 xhirove, Baseli ka katër pikë më shumë se Servette dhe pesë ndaj Young Boysit.
“Kemi ende disa pengesa për të kaluar,” ka deklaruar Shaqiri, duke refuzuar të flasë për titullin. Por ëndrrat janë të lejuara – sidomos kur vijnë nga “Messi i Alpeve”.
“Ne të gjithë ëndërrojmë për netët e Ligës së Kampionëve. Dhe po japim gjithçka për ta bërë realitet”, deklaroi ai për “Blue Sport”. /Telegrafi/
Baseli nuk e nisi mirë edicionin aktual të Superligës së Zvicrës, por me kalimin e kohës ka përmirësuar ndjeshëm formën dhe tani është një pretendent serioz për titullin kampion.
Ky përmirësim erdhi kryesisht pas rikthimit të Xherdan Shaqirit në skuadër.
33-vjeçari, i cili tashmë mban edhe shiritin e kapitenit, u kthye në ekipi, pas transferimit nga Chicago Fire në MLS.
Baseli, pas 20 ndeshjeve të luajtura, ka sulmin më të mirë të kampionatit me 46 gola të shënuar. Shaqiri ka dhënë një kontribut të jashtëzakonshëm me 8 gola dhe 11 asistime në të gjitha garat e këtij sezoni.
Në krahasim me edicionin e kaluar, ekipi ka bërë përmirësime të dukshme. Në të njëjtën periudhë vitin e kaluar, Baseli kishte shënuar vetëm 24 gola, ndërsa deri në fund të sezonit arriti shifrën e 45 golave të realizuar.
Xherdan Shaqiri ka zhvilluar një tjetër paraqitje të madhe me fanellën e Baselit, duke u shpallur më i miri i ndeshjes ndaj Luganos.
Shaqiri shënoi një gol dhe asistoi një herë në barazimin e Baselit ndaj Luganos me rezultat.
Shaqiri fillimisht asistoi për spanjollin Kevin që shënoi golin e epërsisë 1-0, por pak pa u mbyllur pjesa e parë Anto Grgic barazoi rezultatin. Lugano kaloi në epërsi me golin e mbrojtësit kosovar, Albian Hajdari.
Pak pa u mbyllur ndeshja në skenë doli Shaqiri, i cili shënoi gol nga penalltia për t’ia siguruar një pikë Baselit në udhëtim.
Shaqiri u shpall më i miri i ndeshjes, me notën 8.8 nga SofaScore.
Login
