Organizata e Kombeve të Bashkuara ka deklaruar se “duhet të ketë drejtësi” pas sulmit të dyfishtë të Izraelit ndaj një spitali në Gaza, ku u vranë të paktën 20 persona. Një hetim fillestar i ushtrisë izraelite ka thënë se shënjestra ishte një “kamerë e vendosur nga Hamasi”.

Sulmi ka shkaktuar dënime të ashpra ndërkombëtare, pasi ndër viktimat ishin edhe pesë gazetarë dhe katër punonjës shëndetësorë. Kryeministri britanik, Keir Starmer, e përshkroi ngjarjen si “krejtësisht të pambrojtshëm”.

Më vonë të martën, Forcat e Mbrojtjes së Izraelit (IDF) publikuan një hetim të parë, duke pranuar disa “mangësi” që kërkojnë shqyrtim të mëtejshëm.

Sipas raportimeve, mes viktimave ishin edhe gazetarë që punonin për media ndërkombëtare si Associated Press, Reuters, Al Jazeera dhe Middle East Eye.

“Kjo është një tronditje dhe është e papranueshme,” deklaroi zëdhënësi i Zyrës së OKB-së për të Drejtat e Njeriut, Thameen al-Kheetan.

“Kjo ngre shumë, shumë pyetje për shënjestrimin e gazetarëve dhe të gjitha këto incidente duhet patjetër të hetohen dhe përgjegjësit të mbahen para drejtësisë. […] Këto hetime duhet të japin rezultate. Duhet të ketë drejtësi. Ende nuk kemi parë rezultate apo masa llogaridhënieje,” shtoi ai.

Në anën tjetër, IDF deklaroi se kishte identifikuar një kamerë të vendosur nga Hamasi pranë spitalit, “e përdorur për të vëzhguar aktivitetin e trupave izraelite”. Sipas saj, trupat “vepruan për të eliminuar kërcënimin duke goditur dhe shkatërruar kamerën”, ndërsa pretendoi se gjashtë nga të vrarët ishin “terroristë”. Një zëdhënës ushtarak më vonë sqaroi se gazetarët e Reuters dhe Associated Press nuk ishin objektiv.

Raporti i IDF përbën një ndryshim toni krahasuar me deklaratën e kryeministrit Benjamin Netanyahu të hënën mbrëma, i cili e kishte përshkruar incidentin si një “aksident tragjik”.

Izraeli ka goditur disa herë spitalet në Gaza gjatë luftës, pavarësisht mbrojtjes që ato gëzojnë sipas të drejtës ndërkombëtare, duke pretenduar se Hamasi i përdor si baza ushtarake.

Ndërkohë, brenda Izraelit protestuesit bllokuan autostrada me goma të djegura dhe organizuan demonstrata në Tel Aviv dhe qytete të tjera, duke kërkuar që qeveria të pranojë një marrëveshje armëpushimi për lirimin e pengjeve që ende mbahen nga Hamasi dhe për t’i dhënë fund luftës.

Sinjali – aty ku e vërteta flet para lajmit!

/GazetaSinjali/

The post Sulmi mbi spitalin në Gaza, OKB kërkon hetim urgjent: Duhet të ketë drejtësi appeared first on Sinjali.

Sunderlandi është eliminuar nga Kupa e Ligës angleze të martën mbrëma. Sunderlandi, që garon në Premier League të Anglisë, humbi nga Huddersfieldi i Kategorisë së Tretë angleze.

U eliminua pas ekzekutimit të penalltive. Humbi 6:5. Koha e rregullt përfundoi baras, 1:1.

Xhaka nuk ishte pjesë e ekipit. Ai u pushua për këtë ndeshje nga trajneri i Sunderlandit.

Sinjali – aty ku e vërteta flet para lajmit!

/GazetaSinjali/

The post Sunderlandi eliminohet nga Kupa e Ligës angleze appeared first on Sinjali.

Nesër parashikohet të mbajë mot me diell dhe i nxehtë.

Era do të fryjë drejtimesh të ndryshme, me shpejtësi prej 8-31 km/h.

Temperaturat minimale do të sillen prej 10 deri në 14°C, ndërsa ato maksimale prej 29 deri në 32°C.

Sinjali – aty ku e vërteta flet para lajmit!

/GazetaSinjali/

The post Moti për nesër: Me diell dhe i nxehtë, maksimalja arrin deri në 32°C appeared first on Sinjali.

Kuvendi i Kosovës ka zgjedhur sot kryetarin e ri, Dimal Bashën, dhe katër nënkryetarë, por procesi konstituiv nuk mund të konsiderohet i plotë, pasi nuk është zgjedhur ende nënkryetari nga komuniteti serb.

Kjo përbën përpjekjen e 58-të për konstituimin e legjislaturës së re, e cila rezultoi pjesërisht e suksesshme.

Dimal Basha u zgjodh kryetar me votat e partisë së tij, Lëvizjes Vetëvendosje, dhe të dy partive të tjera të mëdha shqiptare, Partisë Demokratike të Kosovës (PDK) dhe Aleancës për Ardhmërinë e Kosovës (AAK). Përzgjedhja e tij nuk është pritur mirë nga PDK dhe AAK, të cilat si dhe Lidhja Demokratike e Kosovës, e kanë kritikuar Bashën duke mos e konsideruar të denjë për këtë pozitë.

Albulena Haxhiu, Vlora Çitaku dhe Kujtim Shala u zgjodhën nënkryetarë në një votim në pako. Nënkryetari i komunitetit joserb, Emilja Rexhepi, do të ndajë pozicionin me rotacion më vonë me Fidan Jilltan dhe Artan Asllanin. Megjithatë, votimi për nënkryetarin serb mbeti i bllokuar. Sllavko Simiq, kandidati i Listës Serbe, nuk arriti të sigurojë 61 votat e nevojshme.

Në fjalimin e tij të parë pas zgjedhjes, Dimal Basha theksoi rëndësinë e unitetit dhe sakrificës që qëndron pas ndërtimit të Kosovës. “E ndjej përgjegjësinë për besimin tuaj dhe gjithashtu do të marrë momentin për të falënderuar Avni Deharin, dhe Sala Jasharin, për mbajtjen e këtyre seancave. E ndjej përgjegjësinë e madhe që më është besuar. Ky vend është zemra e demokracisë sonë, vendi ku përfaqësohet zëri i të gjithë qytetarëve tanë. Republika jonë u ndërtua mbi sakrifica se liria dhe shteti unë janë më të mëdha se çdo interes i veçantë”, tha Basha.

Ai shtoi se mbrojtja e Kosovës është detyrë e të gjithëve, pushtetit dhe opozitës, duke nënvizuar rëndësinë e bashkëpunimit mes partive: “Ju bëj thirrje për bashkëpunim. Është koha të dëshmojmë se pavarësisht dallimeve politike, ne e kemi guximin dhe mençurinë për të punuar së bashku për interesin më të lartë për vendin tonë”. Po ashtu, ai iu drejtua Serbisë duke kërkuar njohjen e pavarësisë së Kosovës.

Procesi për nënkryetarin serb u pezullua dhe Kuvendi do të takohet sërish të enjten në orën 11:00 për të diskutuar kandidatët e mundshëm. As Verica Çeraniq, as Stefan Kovaçeviq, as Nenad Rashiq nuk arritën të sigurojnë votat e nevojshme.

Kryetari i PDK-së, Memli Krasniqi, kritikoi zgjedhjen e Bashës, duke theksuar se as Vetëvendosje dhe as qytetarët nuk janë të kënaqur me këtë vendim. “I patë me fytyra të varura”, tha ai duke iu referuar deputetëve të VV-së.

Kryetari i LDK-së, Lumir Abidixhiku, e cilësoi votën e PDK-së dhe AAK-së për Bashën si “gabim trashanik” dhe paralajmëroi një krizë të mundshme kushtetuese për moszgjedhjen e nënkryetarit serb: “E ndjej si gabim trashanik votën e dy partive tjera të ish-opozitës PDK e AAK që institucioneve të Kosovës t’u japin një emër të tillë. Megjithatë ky është vullnet 73 deputetëve shumicës, LDK e respekton këtë vullnet por s’mund të jetë e lumtur me kualitetin e njerëzve që përfaqësojnë këto institucione”.

Deputeti i AAK-së, Daut Haradinaj, tha se votoi Bashën për kryeparlamentar duke e konsideruar emrin serioz, por ngriti shqetësimin për sfidën e nënkryetarëve: “I pyeta, a e keni seriozisht më thanë po, e votova dhe ju uroj suksese. Ky është realiteti i Kosovës dhe deri në pafundësi s’mund ta lëmë kështu. Ta shohim tash sfidën e radhës me nënkryetarë”.

Kryetari i Nismës Socialdemokrate, Fatmir Limaj, kërkoi që VV të japë shpjegim për vonesat në zgjedhjen e kryetarit: “Le të japë një shpjegim pse e kanë vonuar vendin deri me tani sa muaj. Shpresoj që do ta kenë një shpjegim para qytetarëve të Kosovës pse është vonuar vendi deri me tani”.
Presidentja e Kosovës, Vjosa Osmani ka mirëpritur fillimin e zhbllokimit të procesit të konstituimit të Kuvendit dhe shpreh shpresën që ky proces të përmbyllet sa më shpejt, në përputhje me Kushtetutën.

“Ajo i uron punë të mbarë e në interes të vendit kryetarit të ri Dimal Basha dhe nënkryetarëve të zgjedhur të Kuvendit, znj. Albulena Haxhiu, znj. Vlora Çitaku, z. Kujtim Shala dhe znj. Emilija Redžepi”, thuhej në njoftimin e Presidencës në Facebook.

Presidentja gjithashtu shpreson që Kuvendi, sa më parë dhe në përputhje me procedurat kushtetuese, të votojë edhe Qeverinë e re, të dalë nga vullneti i qytetarëve në zgjedhjet e 9 shkurtit.

Po ashtu, ambasadori i Gjermanisë në Kosovë, Jorn Rohde, ka shprehur shqetësimin për situatën politike në vend, duke theksuar se mungesa e vullnetit për zgjidhje institucionale po e dëmton Kosovën dhe po rrezikon fondet e jashtme.

Në një prononcim për media jashtë ndërtesës së Kuvendit, Rohde tha se kishte pasur shpresë që kriza do të tejkalohej, por se tash për tash nuk po sheh vullnet të mjaftueshëm politik për një zgjidhje.

“Këtë mëngjes pata pak shpresë që kriza do të tejkalohet, por për momentin nuk po duket ashtu. Ndoshta sepse nuk ka vullnet të mjaftueshëm politik në mesin e protagonistëve për të gjetur një zgjidhje”, tha Rohde.

Tutje, ambasadori i Britanisë së Madhe në Kosovë, Jonathan Hargreaves, u ka bërë thirrje partive politike që të ndërmarrin sa më shpejt hapat e radhës për të konstituar Kuvendin dhe krijuar qeverinë e re.

Hargreaves ka mirëpritur zgjedhjen e kryetarit të Kuvendit, Dimal Basha, i cili u zgjodh të martën. Megjithatë, konstituimi i plotë i Kuvendit ka ngecur te zgjedhja e nënkryetarit nga radha e komunitetit joshumicë serb, dhe seanca është shtyrë për të enjten.

“Zgjedhja e kryetarit të Kuvendit është përparim i mirëpritur dhe tregon se kompromisi politik në interes të vendit është i mundur nëse ekziston vullneti. U bëj thirrje partive politike në Kosovë që të marrin hapat e radhës sa më shpejt e ta përfundojnë formimin e Kuvendit dhe të qeverisë së re”, ka shkruar Hargreaves në Facebook.

Dimal Basha u zgjodh kryeparlamentar pas muajve të tërë ngërçi në Kuvend, duke marrë 73 vota për dhe mbështetje nga PDK dhe AAK, ndërkohë që Nisma vazhdoi të abstenojë me tre deputetët e saj.

Sinjali – aty ku e vërteta flet para lajmit!

/GazetaSinjali/

The post Bllokada e re në Kuvend, krejt çka ndodhi në seancën e sotme appeared first on Sinjali.

Deputeti i PDK-së, Abelard Tahiri, ka thënë se ndarja e votimit për zgjedhjen e nënkryetarëve të komuniteteve është bërë qëllimshëm nga Lëvizja Vetëvendosja. Sipas tij, kjo mënyrë i ka konvenuar kryeministrit në detyrë, Albin Kurti.

Ai ka shtuar se Kurti do që të krijojë një rast të ri për Gjykatën Kushtetuese, që ta zvarrisë krijimin e institucioneve meqë, sipas Tahirit, Kurti nuk i ka numrat për qeverinë.

“Pse iu deshtë që të ndajë votimin te minoritetet, sepse nuk i ka numrat për qeveri dhe nuk e dëshiron pataten e nxehtë në duart e tij, sepse kriza reale është nëse mund ta krijojë Kurti qeverinë”, ka thënë Tahiri në RTK.

Ndërkohë ka përjashtuar mundësinë e koalicionit qeverisës me LVV-në.

Sinjali – aty ku e vërteta flet para lajmit!

/GazetaSinjali/

The post Tahiri: Votimi për nënkryetarët u nda sepse Kurti nuk i ka numrat për qeveri, do zvarritje appeared first on Sinjali.

Forcat ukrainase kanë pranuar se ushtria ruse ka kaluar në rajonin lindor industrial të Dnipropetrovskut dhe po përpiqen të krijojnë një pikëmbështetje, por kanë njoftuar se përparimi i tyre është ndalur.

“Ky është sulmi i parë i një shkalle kaq të gjerë në rajonin e Dnipropetrovskut”, ka thënë për BBC-në Viktor Trehubov, i Grupit Operacional-Strategjik të Trupave të Dniproskut, duke shtuar se përparimi rus është ndalur.

Rusia ka pretenduar gjatë gjithë verës se ka hyrë në këtë zonë, ndërsa forcat e saj përpiqen të avancojnë më thellë në territorin ukrainas nga rajoni i Donetskut. Në fillim të qershorit, zyrtarët rusë thanë se një ofensivë kishte filluar në Dnipropetrovsk, megjithatë raportet e fundit ukrainase tregojnë se ata sapo kanë arritur të shkelin kufirin rajonal.

Çdo përparim rus në Dnipropetrovsk mund të përbëjë një goditje për moralin e ukrainasve, pasi përpjekja diplomatike e udhëhequr nga SHBA-ja për t’i dhënë fund luftës duket se po dobësohet, pavarësisht takimit të presidentit Donald Trump me presidentin rus Vladimir Putin më 15 gusht në Alaska.

Sipas projektit të hartëzimit DeepState të Ukrainës, Rusia ka pushtuar tashmë dy fshatra brenda rajonit, Zaporizke dhe Novohryhorivka. Megjithatë, Shtabi i Përgjithshëm i Forcave të Armatosura të Ukrainës ka mohuar këtë.

Ushtria ukrainase “vazhdon të kontrollojë” Zaporizken, ka thënë ajo në një deklaratë, dhe “luftime aktive po vazhdojnë gjithashtu në zonën e fshatit Novohryhorivka”.

Moska nuk ka pretenduar Dnipropetrovskun, ndryshe nga Donetsku dhe katër rajonet e tjera lindore të Ukrainës, por ka sulmuar qytetet e tij më të mëdha, përfshirë kryeqytetin rajonal Dnipro.

Sinjali – aty ku e vërteta flet para lajmit!

/GazetaSinjali/

The post Ukraina e pranon se Rusia ka hyrë në rajonin kyç të Dnipropetrovskut appeared first on Sinjali.

Futbollistët e Kairat Almaty kanë shkruar historinë duke siguruar për herë të parë kualifikimin në fazën e grupeve të Ligës së Kampionëve, pas eliminimit të gjigantit skocez, Celtic, në raundin e play-offit.

Pas dy ndeshjeve të mbyllura pa gola, ekipi nga Kazakistani triumfoi 3-2 pas ekzekutimit të penalltive, duke u bërë skuadra më lindore që ka arritur ndonjëherë këtë fazë të garës më prestigjioze evropiane.

Heroi i mbrëmjes ishte portieri 22-vjeçar Temirlan Anarbekov, i cili shkëlqeu si gjatë lojës, ashtu edhe në gjuajtjet e penalltive. Ai realizoi pesë pritje vendimtare gjatë 120 minutave dhe më pas ndali tre penallti radhazi, duke i mohuar golin Adam Idahos, Luke McCowan dhe Daizen Maedes.

Kairat Almaty v Celtic – penalty shoot-out
byu/4gjdtokurwa insoccer

Kush është Temirlan Anarbekov?

Anarbekov, i lindur më 14 tetor 2003, është produkt i akademisë së futbollit të Kairat. I gjatë 189 cm, ai njihet për refleksin dhe qetësinë e tij mes shtyllave.

Në ndeshjen e parë në Glasgow nuk ishte titullar, por u aktivizua në minutën e 75-të pasi portieri i parë, Aleksandr Zarutskiy, u dëmtua në kokë. Në ndeshjen e kthimit në Almaty luajti të gjitha 120 minutat duke qenë vendimtar në kualifikim.

Deri para këtij suksesi, Anarbekov kishte regjistruar 32 paraqitje me ekipin e parë në gara të ndryshme. Në sezonin aktual të Ligës Premier së Kazakistanit ka luajtur gjashtë ndeshje, duke e mbajtur portën të paprekur në tre prej tyre.

Sezonin e kaluar ishte huazuar te FK Zhenys në Astana, ku zhvilloi 18 paraqitje, pësoi 20 gola dhe ruajti katër herë portën e paprekur. Ai ka qenë pjesë e moshave të Kazakistanit (nga U-17 deri te U-21) dhe është thirrur tri herë në Kombëtaren A, megjithëse ende nuk ka debutuar.

Aktualisht, sipas Transfermarkt, ai vlerësohet me 200,000 euro. /Telegrafi/ 

The post Portieri me vlerë 200 mijë euro, heroi i sensacionit – ai kishte tre penallti të pritura ndaj Celtic appeared first on Telegrafi.

Pas përpjekjeve të shumta për konstituimin e Kuvendit të Kosovës, përpjekja e 58-të doli pjesërisht e suksesshme.

Deputetët zgjodhën kryetarin e Kuvendit, Dimal Basha, dhe katër nënkryetarë, por konstituimi nuk konsiderohet i plotë, pasi nuk u zgjodh nënkryetari nga Lista Serbe.

Basha mori besimin e 73 deputetëve, 30 ishin kundër dhe tetë abstenuan. Ndërsa nënkryetarët nga tri partitë më të mëdha shqiptare, Albulena Haxhiu, Vlora Çitaku dhe Kujtim Shala, u votuan me shumicë të votave: 101 pro, 0 kundër dhe 9 abstenime.

Nga komunitetet jo-shumicë, u zgjodh nënkryetarja Emilia Rexhepi me 73 vota pro, 1 kundër dhe 23 abstenime.

Problemet filluan me propozimin nga Lista Serbe, e cila tre herë tentoi të zgjidhte Slavko Simiqin për nënkryetar, por nuk mori votat e mjaftueshme.

Deputeti Igor Simiq insistoi në propozimin e katërt, por kryetari Basha ia ndali mikrofonin duke vepruar sipas rregullores së Kuvendit.

Tentativa për të zgjedhur Nenad Rashiq nga Partia e Pavarur Liberale gjithashtu dështoi, pasi mori vetëm 55 vota pro, një kundër dhe 17 abstenime, ndërkohë që deputetët e LDK-së nuk morën pjesë në votim.

Krasniqi: PDK mbajti fjalën, në një situatë normale asnjëherë nuk do ta votonim dikë si Dimal Basha

Kryetari i Partisë Demokratike të Kosovës, Memli Krasniqi pasi u zgjodh kryetar i Kuvendit, Dimal Basha tha se është i bindur se as votuesit e Lëvizjes Vetëvendosje dhe as qytetarët e Kosovës nuk janë të kënaqur me përzgjedhjen e Albin Kurtit për kryetar të Kuvendit.

Krasniqi në një deklaratë për media theksoi se sot e kanë parë qartë votuesit se sa i vlerëson Albin Kurti.

“Pas gati pesë muajve bllokadë nga Lëvizja Vetëvendosje, me rikthimin te rendi kushtetues dhe tërheqja nga propozimi i anëtarëve të Qeverisë Kurti, ashtu siç kemi thënë nga fillimi, sot, larg nga e dëshiruara, u zgjodh Kryetari i Kuvendit”, tha Krasniqi.

Kreu i PDK-së tutje tha se “në një situatë normale asnjëherë nuk do të votonim dikë si Dimal Basha në krye të kuvendit, por ne sot kemi votuar siç kemi thënë nga dita e parë për ta zhbllokuar situatën dhe për t’i qëndruar besnik fjalës së dhënë publike”.

Abdixhiku: LDK-ja nuk ka votë për promovuesit vulgar të urrejtjes, ndarjes e propagandës

Kryetari i LDK-së, Lumir Abdixhiku, ka theksuar se partia e tij nuk do të marrë pjesë në një skenar që, sipas tij, përfaqëson degradimin e vlerave politike dhe promovimin e urrejtjes.

“Ne refuzojmë të përfaqësojmë këtë mendësi dhe të bëhemi pjesë e cirkut votues për nënkryetarët minoritarë. Ky s’është drejtimi ynë,” tha Abdixhiku.

Ai u bëri thirrje qytetarëve për bashkim rreth LDK-së, si adresë të përfaqësimit me dinjitet dhe respekt për Kushtetutën.

Nëse dëshiron, mund ta bëj edhe një version edhe më të shkurtër për rrjete sociale, në një-dy rreshta që përmbledh thelbin: LDK refuzon cirkun politik dhe bën thirrje për bashkim.

“I betonuar për bllokadë”, Haradinaj i reagon Abdixhikut: Vazhdo të vendnumërosh se kjo të shkon për shtati ty, Lumir

Kryetari i Aleancës për Ardhmërinë e Kosovës, Ramush Haradinaj, ka kritikuar qëndrimin e kryetarit të LDK-së, Lumir Abdixhiku, për bllokadë institucionale.

Ai tha se për dallim nga AAK, Lumir Abdixhiku dhe mbështetësit e tij janë “betonuar” në qëndrimin e bllokadës.

“Veç Lumir Abdixhiku me të tijët, janë betonuar pro kësaj bllokade. Lumiri ka vendnumëruar në vazhdimësi dhe po vazhdon të vendnumërojë ende”.

“Vazhdo të vendnumërosh se kjo të shkon për shtati ty, Lumir”.

Ai kujtoi se AAK ka vepruar me përgjegjësi, duke dërguar kërkesën për interpretim në Gjykatën Kushtetuese dhe duke mbështetur modelin e daljes nga bllokada.

“Kjo ishte përgjegjësia jonë kryesore dhe e kemi përmbushur,” tha Haradinaj.

Haxhiu: Opozita të reflektojë për votimin e Rashiqit të enjten

Ministrja në detyrë e Shëndetësisë, Albulena Haxhiu, ka reaguar lidhur me procesin e konstituimit të Kuvendit të Kosovës dhe zgjedhjen e nënkryetarëve nga komunitetet joshumicë.

Haxhiu la fajtor opozitën se nuk patën guximin të votojnë Nenad Rashiqin, nënkryetar të Kuvendit.

“Sot kishte mundësi që dita të përmbyllej me dy lajme të mira: konstituimi i Kuvendit dhe largimi i përfaqësuesit të Listës Serbe nga Kryesia e Kuvendit. Por fatkeqësisht, opozita nuk pati as vullnetin dhe as guximin e nevojshëm,” tha Haxhiu.

Ajo shtoi se për vetëm gjashtë vota më shumë, deputeti Nenad Rashiq do të ishte zgjedhur nënkryetar i Kuvendit.

“Shpresoj që deri të enjten të ketë reflektim opozitar,” tha Haxhiu.

Sipas Haxhiut, kryeterroristi Milan Radoiçiq është kryetar formal i Listës Serbe, qytetarët dhe partitë duhet të bashkohen për të mbrojtur interesin e Kosovës dhe për nder të heronjve, si Enver Zymberi dhe Afrim Bunjaku.

Osmani mirëpret hapjen e rrugës për zhbllokimin e procesit të konstituimit të Kuvendit

Presidentja e Kosovës Vjosa Osmani, ka thënë të martën se mirëpret nisjen e zhbllokimit të procesit të konstituimit të Kuvendit, dhe shpreson që ai të përmbyllet sa më parë, në përputhje me Kushtetutën.

Përmes një komunikate për media të lëshuar nga Presidenca, Osmani citohet të ketë thënë se shpreson që sa më parë Kuvendi të votojë edhe Qeverinë e re, si dhe e ka uruar kryetarin dhe nënkryetarët e rinj të Kuvendit.

Qeveria e re mund të formohet vetëm pasi të konstituohet plotësisht Kuvendi me kryetarin dhe pesë nënkryetarët.

Procesi tani është bllokuar, në mungesë konsensusi për zgjedhjen e nënkryetarit serb.

Kryeziu: PDK dhe LDK pa argument juridik për të mos e votuar Rashiqin

Ish-gjyqtari i Kushtetueses, Kadri Kryeziu, ka reaguar ndaj mospjesëmarrjes së PDK-së dhe LDK-së në votimin për zgjedhjen e Nenad Rashiqit në pozitën e nënkryetarit të Kuvendit.

Ai tha se një vendim i tillë është i pakuptimtë, duke theksuar se Kushtetuta përcakton qartë kushtin e vetëm – kandidati duhet të jetë deputet nga komuniteti serb.

Sipas tij, askund nuk thuhet se ai duhet të vijë domosdoshmërisht nga partia më e madhe serbe.

Kryeziu kujtoi se edhe rregullorja e Kuvendit, e cila është akt më i ulët se Kushtetuta, e parasheh mundësinë që në rast refuzimi nga partia më e madhe serbe, situata të përfundojë përmes shortit.

“PDK dhe LDK mund të thirren në argumente politike, por nuk ekziston asnjë argument juridik që e pengon nominimin dhe zgjedhjen e Rashiqit”, u shpreh ai.

Sipas Kryeziut, e udhës është që Kuvendi të votojë Rashiqin të enjten, me ç’rast do të mundësohej konstituimi i institucioneve. Ndërsa, siç tha ai, Lista Serbe mund ta kontestojë më pas këtë çështje në Gjykatën Kushtetuese.

“Aman, mos u bëni më katolikë se Papa, se nuk po dua të shprehem ndryshe”, përfundoi Kryeziu.

Enver Hasani: Rashiq s’mund të propozohet për nënkryetar në emër të komunitetit serb, ajo çfarë pamë është kundërkushteteuse

Ish-kryetari i Gjykatës Kushtetuese, Enver Hasani, ka bërë me dije se ajo që ka ndodhur sot në Kuvendin e Kosovës në lidhje me zgjedhjen e nënkryetarëve nga komuniteti jo-shumicë ka qenë tërësisht në kundërshtim me Kushtetutën e Kosovës.

Ai ka vlerësuar se nuk mund të pyetet komuniteti shumicë për të drejtat kushtetuese të komuniteteve joshumicë.

Hasani ka thënë se deputeti Nenad Rashiq nuk ka të drejtë dhe nuk mund të propozohet për nënkryetar të Kuvendit të Kosovës në emër të komunitetit serb.
Sipas tij, atë propozim mund ta bëjë vetëm grupi parlamentar i serbëve në Kuvendin e Kosovës.

Ambasadori gjerman: Mungon vullneti politik për të zgjidhur krizën, kjo është e keqe për Kosovën

Duke komentuar mos konstituimin e Kuvendit, për shkak se shumica e deputetëve refuzuan ta votojnë nënkryetarin nga Lista Serbe, Rohde ka thënë se protagonistët nuk kanë vullnet politik për të gjetur një zgjidhje dhe se kjo është e keqe për Kosovën.

Ai u ka thënë mediave se kishte shpresë që kriza mund të zgjidhej por në këto momente nuk duket e mundur.

“Më duket se këtë mëngjes kisha një shpresë të shkurtër që kriza mund të zgjidhej, por në këtë moment nuk duket e mundur. Ndoshta nuk ka mjaft vullnet politik ndër protagonistët për të gjetur një zgjidhje. Kjo është e keqe për Kosovën, sepse shumë fonde janë në lojë dhe na duhen institucione funksionale, si parlamenti dhe qeveria”, tha ai.

Ambasadori britanik bën thirrje që sa më shpejt të konstituohet Kuvendi

Ambasadori i Britanisë së Madhe në Kosovë, Jonathan Hargreaves, u ka bërë thirrje partive politike që të ndërmarrin sa më shpejt hapat e radhës dhe ta konstituojnë Kuvendin e të krijohet qeveria e re.

Hargreaves ka mirëpritur zgjedhjen e kryetarit të Kuvendit. Dimal Basha është zgjedhur kryekuvendar të martën, ndërsa konstituimi i plotë i Kuvendit ka ngecur te zgjedhja e nënkryetarit nga radha e komunitetit joshumicë serb. Seanca është shtyrë për të enjten.

“Zgjedhja e kryetarit të Kuvendit është përparim i mirëpritur dhe tregon se kompromisi politik në interes të vendit është i mundur nëse ekziston vullneti. U bëj thirrje partive politike në Kosovë që të marrin hapat e radhës sa më shpejt e ta përfundojnë formimin e Kuvendit dhe të qeverisë së re”, ka shkruar Hargreaves në Facebook.

Instituti Demokratik i Kosovës (KDI) ka shprehur shqetësimin për procesin, duke vlerësuar se devijimi nga procedurat e rregullta cenon konstituimin dhe përfshirjen e komunitetit serb në institucionet e vendit.

KDI bën thirrje që partitë parlamentare të punojnë me përgjegjësi për të përfunduar procesin në përputhje me Kushtetutën, Rregulloren dhe aktgjykimet e Gjykatës Kushtetuese.

Procesi konstituiv, sipas Kushtetutës, përfshin verifikimin e mandateve, betimin e deputetëve dhe zgjedhjen e kryetarit dhe nënkryetarëve të Kuvendit.

“Seanca konstituive përfundon me zgjedhjen e kryetarit dhe nënkryetarëve, ndërsa ndërprerjet nuk mund të zgjasin më shumë se 48 orë”.

Seanca konstituive do të vazhdojë të enjten prej orës 11:00.

Ndryshe, LVV-ja e kryeministrit në detyrë, Albin Kurti, i fitoi 48 ulëse gjatë zgjedhjeve të 9 shkurtit dhe partitë e tjera parlamentare nuk kanë pranuar ta votojnë kandidaten e saj për kryetare të Kuvendit, për emërimin e së cilës nevojiten të paktën 61 vota.

PDK-ja doli e dyta me 24 ulëse, LDK-ja e treta me 20, pasuar nga Lista Serbe – partia më e madhe e serbëve në Kosovë me 9, dhe koalicioni mes AAK-së dhe Nismës Socialdemokrate, me 8 të tilla.

Edhe 11 ulëse tjera janë të pakicave./Telegrafi.

The post Dimal Basha u zgjodh kryeparlamentar por s’pati konstituim, krejt detajet e seancës së Kuvendit appeared first on Telegrafi.

Rusia ka deklaruar se presidenti, Vladimir Putin nuk do të nënshkruajë asnjë marrëveshje me homologun ukrainas, Volodymyr Zelensky, duke e konsideruar atë të paligjshëm.

Në një reagim për këtë situatë, presidenti amerikan, Donald Trump e ka përshkruar gjithë këtë si “budallallëk”, duke thënë se “të gjithë po bëjnë shfaqje”.

Kur u pyet nëse Putin është sërish “në lojë”, lideri amerikan u shpreh se ka “gjëra shumë serioze në mendje” dhe beson se në shumë raste Putini është aktiv, ndërsa nuk mendon se gjithmonë është edhe Zelensky.

Reporter: Russia says that Putin will not sign a deal with Zelensky because Russia sees him as illegitimate.

Trump: It doesn’t matter what they say. It is all bullshit. Everybody is posturing. pic.twitter.com/nQppjo24yv

— Clash Report (@clashreport) August 26, 2025

Trump gjithashtu shtoi se “Zelensky nuk është gjithmonë i pafajshëm”, duke theksuar se “duhet dy persona për të vallëzuar tango”.

Këto komente i shtojnë më shumë tension bisedimeve për luftën që vazhdon mes Rusisë dhe Ukrainës, duke reflektuar një situatë komplekse ku besimi mes palëve është i ulët.

Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale. /Telegrafi/

Reporter: Is Putin back on the clock now?

Trump: I have very serious things on my mind. I think in many ways he is there. Sometimes he is there and Zelensky won’t be there. pic.twitter.com/iX0uoD2ueO

— Clash Report (@clashreport) August 26, 2025

Trump:

Zelensky is not exactly innocent either. It takes two people to tango. pic.twitter.com/NHfba61EsG

— Clash Report (@clashreport) August 26, 2025

The post Trump kritikon Putinin: Po bën shfaqje duke kontestuar legjitimitetin e Zelenskyt appeared first on Telegrafi.

Gianluigi Buffon ka shprehur mbështetjen e tij për lojtarët italianë që zgjedhin të transferohen jashtë vendit, veçanërisht në Ligën Premier, duke theksuar se Serie A nuk ka më peshën që kishte dikur në futbollin botëror.

Legjenda e Juventusit dhe Italisë foli në një konferencë në Milano, ku trajtoi tema të ndryshme që lidhen me ekipin kombëtar, emërimin e Gennaro Gattusos si trajner, të ardhmen e Gianluigi Donnarummas, rritjen e të rinjve si Pio Esposito dhe gjendjen fizike të Sandro Tonalit.

Buffon për Gattuson dhe Kombëtaren

Buffon tha se Gattuso ka nisur të fitojë besim në rolin e tij të ri dhe se vizitat e tij në qendrat stërvitore të klubeve të Serie A kanë ndihmuar për të krijuar një marrëdhënie më të fortë me trajnerët dhe skuadrat.

“Kur merr një detyrë të tillë ka gjithmonë emocion, por tani Rino ka fituar vetëdijen e nevojshme. Kemi një grup lojtarësh cilësorë dhe duhet ta justifikojmë me paraqitje të denja për emrin e Italisë”, deklaroi ish-portieri.

Donnarumma drejt Ligës Premier

Buffon foli edhe për situatën e Donnarummas, i cili po lidhet me një kalim te Manchester City pas largimit nga PSG.

“Pres ta takoj personalisht. Për ne, Gigio mbetet gjithmonë një pikë e fortë e kombëtares, pavarësisht nga e ardhmja e tij”, u shpreh ai.

Lojtarët e rinj dhe transferimet jashtë Italisë

Për sulmuesin e Interit, Pio Esposito, Buffon tha: “Është trajneri që vendos, por fakti që ai po tregon një rritje të tillë është diçka pozitive për gjithë futbollin tonë”.

Ai shtoi se Kombëtarja ka alternativa cilësore në sulm si Kean, Retegui dhe Scamacca.

Sa i përket lojtarëve që largohen nga Serie A, Buffon u shpreh: “Është një gjë pozitive nëse kemi gjashtë apo shtatë futbollistë që luajnë për klubet më të mëdha në botë. Kjo rrit nivelin e ekipit kombëtar. Serie A nuk është më pika e referencës, por shërben si trampolinë për ligat e tjera”.

Tonali në dilemë për shtatorin

Në fund, Buffon foli edhe për Sandro Tonalin, i cili u dëmtua ndaj Liverpoolit: “Trajneri ka marrë informacion nga ai dhe nga stafi mjekësor. Do të shohim nëse do të jetë i gatshëm për ndeshjet e shtatorit”. /Telegrafi/

The post Buffon u kërkon lojtarëve italianë të largohen nga Serie A appeared first on Telegrafi.

Muzikanti legjendar Lionel Richie u trondit pasi hajdutët hynë me forcë në rezidencën e tij në Beverly Hills.

Konkretisht, incidenti ndodhi herët në mëngjes të shtunën, ndërsa muzikanti ishte në shtëpi.

Kjo verë është shënuar nga vjedhje të shumta në Beverly Hills. Hajdutët kanë bastisur edhe pronat e personazheve të tjerë të famshëm, por Lionel është ylli i parë i madh që ndodhej në shtëpi në kohën e incidentit.

Megjithatë, sistemet e saj të mbikëqyrjes në shtëpi me teknologji të lartë vlerësohen për frikësimin e hajdutëve. Autoritetet thuhet se shpresojnë që pamjet nga sistemet e saj mund të ndihmojnë në gjurmimin e hajdutëve.

TMZ raporton se një burim nga Departamenti i Policisë së Beverly Hills konfirmoi se shtëpia e ikonës së muzikës u thye nga një hajdut i dyshuar tashmë.

“Oficerët morën një telefonatë në lidhje me një grabitje në një shtëpi menjëherë pas mesnatës në lagjen Beverly Hills, ku kantautori i famshëm zotëron pronën”, tha ajo.

Raporti përmend emrin e një burri që u arrestua nën dyshimin për vjedhje me thyerje. Megjithatë, prokurori i qarkut ende nuk ka ngritur zyrtarisht akuza dhe raportet e hetimit nuk ishin përfunduar plotësisht deri të shtunën. Ai gjithashtu thotë se asgjë nuk është vjedhur nga shtëpia e Lionelit.

Si kujtesë, rezidenca e Brad Pitt në lagjen Los Feliz të Los Angeles u vu në shënjestër të hajdutëve. Njerëzit raportuan në atë kohë se tre të dyshuar “hynë me forcë në shtëpi përmes një dritareje të përparme, bastisën vendndodhjen dhe më pas ikën me sende të ndryshme”.

Aktori është në proces të shitjes së pronës për 5.5 milionë dollarë. Shtëpia e Nicole Kidman dhe Keith Urban në Los Angeles u vu gjithashtu në shënjestër të hajdutëve në Ditën e Shën Valentinit. Personazhe të tjerë të famshëm, përfshirë aktoren Teddi Mellencamp dhe këngëtaren Ashlee Simpson, kanë qenë gjithashtu viktima të vjedhjeve me thyerje në muajt e fundit.

The post Hajdutët hynë në rezidencën e Lionel Richie, muzikanti i famshëm ishte në shtëpi gjatë incidentit appeared first on Telegrafi.

Emisari i Bashkimit Evropian për dialogun Kosovë-Serbi, Peter Sorensen, ka zhvilluar sot një takim në Beograd me presidentin serb, Aleksandar Vuçiq.

Kjo vizitë erdhi pas asaj që Sorensen kishte realizuar në fillim të muajit gusht në Prishtinë, ku kishte biseduar me udhëheqësit kosovarë lidhur me procesin e dialogut.

Sipas tij, qëllimi i takimeve mbetet i njëjtë – përgatitja e terrenit për raundet e ardhshme të bisedimeve.

“Pas vizitës sime në Prishtinë në fillim të gushtit, sot isha në Beograd për bisedime përgatitore përpara takimeve të ardhshme të Dialogut. I dëgjova me kujdes bashkëbiseduesit e mi dhe theksova rëndësinë e normalizimit për hir të njerëzve në terren”, u shpreh Sorensen.

Ende nuk është bërë e ditur se kur do të mbahet takimi i radhës mes përfaqësuesve të Kosovës dhe Serbisë në Bruksel.

The post Sorensen takohet me Vuçiqin në Beograd, në fokus dialogu Kosovë-Serbi appeared first on Telegrafi.

Një ngjarje tronditëse ka ndodhur në Kaliforni, ku një adoleshent 16-vjeçar, Adam Raine, i ka dhënë fund jetës së tij.

Prindërit e tij kanë ngritur një padi kundër kompanisë OpenAI, duke pretenduar se platforma e inteligjencës artificiale ChatGPT ka luajtur një rol aktiv në vetëvrasjen e djalit të tyre.

Sipas raportimit të NBC News, pas vdekjes së Adamit, prindërit zbuluan se ai kishte pasur dhjetëra biseda me ChatGPT-në, përfshirë diskutime të detajuara mbi mënyrat për të kryer vetëvrasje.

Adam e kishte përdorur ChatGPT-në për të marrë ndihmë në mësime dhe si një mjet për të përballuar vetminë. Por me kalimin e kohës, thonë prindërit, bisedat kishin marrë një kthesë të rrezikshme, duke u përqendruar te temat depresive dhe vetëvrasja. ChatGPT, sipas padisë, nuk e kishte ndaluar bisedën dhe nuk kishte ndërhyrë, pavarësisht se Adam kishte shprehur qartë qëllimet e tij.

Familja Raine ka ngritur një padi në Gjykatën e Lartë të San Franciskos ndaj OpenAI dhe drejtorit të saj, Sam Altman. Në dokumentet ligjore, ata pretendojnë se kompania ka dështuar të vendosë masa mbrojtëse efektive për përdoruesit e mitur dhe se platforma kishte ofruar informacion potencialisht të rrezikshëm që ndikoi drejtpërdrejt në vendimin fatal të djalit të tyre.

Babai i Adamit, Matt Raine, u shpreh “ai do të ishte ende me ne po të mos ishte për ChatGPT-në. Jam 100 për qind i bindur për këtë”.

Sipas tij, platforma nuk i kishte ofruar asnjë ndihmë reale psikologjike dhe nuk kishte orientuar djalin drejt ndihmës profesionale, përkundrazi, kishte lehtësuar procesin.

Në një deklaratë për mediat, OpenAI tha se është thellësisht i tronditur nga ngjarja dhe shpreh keqardhje për humbjen tragjike.

Kompania shton se ChatGPT përmban disa mekanizma sigurie, si sugjerimi për të kontaktuar linjat e ndihmës, por pranon se ato mund të mos jenë gjithmonë të mjaftueshme në raste të rënda emocionale. /Telegrafi/

The post Adoleshenti 16-vjeçar vetëvritet në SHBA, prindërit akuzojnë ChatGPT appeared first on Telegrafi.

Liverpool ka marrë një fitore të madhe në javën e dytë të Ligës Premier, duke mposhtur Newcastle-in 3-2 në “St. James’ Park”.

Skuadra e Jurgen Klopp kaloi në avantazh me golin e Ryan Gravenberch në minutën e 35-të, ndërsa Hugo Ekitike dyfishoi shifrat sapo nisi pjesa e dytë (46’).

Newcastle reagoi me Bruno Guimaraes në minutën e 57-të dhe më pas arriti barazimin me William Osula në të 88-ën.

Takimi mori një tjetër kthesë, kur Anthony Gordon u ndëshkua me karton të kuq për një ndërhyrje të ashpër ndaj Virgil van Dijk.

Në rrjetet sociale qarkulluan foto të këmbës së mbrojtësit holandez, ku shiheshin qartë shenjat e goditjes.

Në minutën e 100-të, kur gjithçka dukej e mbyllur në barazim, Mohamed Salah krosoi një top të ulët nga e djathta dhe 16-vjeçari Rio Ngumoha shënoi golin e fitores, duke siguruar tre pikë të arta për “The Reds”.

Ky ishte suksesi i dytë radhazi për Liverpoolin, ndërsa Newcastle regjistroi humbjen e parë në këtë edicion të Ligës Premier. /Telegrafi/

The mark on Virgil van Dijk's leg after that challenge from Anthony Gordon… pic.twitter.com/cOIjMCPYsA

— Sky Sports Premier League (@SkySportsPL) August 25, 2025

The post U akuzua se simuloi te kartoni i kuq i Gordon, dalin pamjet e këmbës së Van Dijk appeared first on Telegrafi.

Piloti ukrainas falënderojnë një çift të moshuar për mbështetjen e tyre të palëkundur gjatë misioneve luftarake.

Një çift i moshuar nga rajoni i Donetskut është bërë një simbol i dashurisë dhe solidaritetit për pilotët ukrainas që luftojnë në linjat e frontit.

Ata me besnikëri dhe zemërgjerësi përshëndesnin dhe ndiqnin me sytë plot krenari pilotët, duke mbajtur në dorë flamurin ukrainas. Ky veprim i tyre i thjeshtë, por i fuqishëm i jepte pilotëve një ndjenjë shprese dhe forcë përballë sfidave të mëdha.

Ukrainian pilots thank elderly couple for their support during combat missions

An elderly couple from Donetsk region regularly greeted and saw off pilots with Ukrainian flag. In return, the defenders brought them gifts.

“It was more than just a gesture. It was the feeling of… pic.twitter.com/4ezZKAoNn9

— Visegrád 24 (@visegrad24) August 26, 2025

Në shenjë mirënjohjeje, mbrojtësit e vendit nuk i harronin kurrë ata. Pas çdo misioni, pilotët i sillnin çiftit dhurata të vogla, si një shenjë falënderimi dhe vlerësimi për mbështetjen e tyre të palodhur.

Këto dhurata nuk ishin vetëm objekte, por simbolizonin lidhjen njerëzore dhe shpirtërore mes tyre, përtej luftës dhe vështirësive.

“Ky nuk ishte vetëm një gjest i thjeshtë,” tha një prej pilotëve në video, “ishte ndjenja e shtëpisë, e ngrohtësisë dhe e mbështetjes që na jepte çiftin. Ishte një rreze e vogël, por shumë e çmuar mirësie, që na jepte forcë për të shkuar drejt të panjohurës dhe për të përballuar çdo rrezik”.

Kjo histori e bukur përçon një mesazh të fuqishëm për të gjithë: edhe në kohëra të vështira, ndihma dhe mbështetja njerëzore mund të bëjnë mrekulli dhe të ndezin shpresën kur ajo duket e zhdukur. /Telegrafi/

The post Mbështetja që jep forcë – piloti ukrainas dhe dhuratat për çiftin nga Donetsku appeared first on Telegrafi.

Një furrë e njohur për përgatitjen e “peracave” në Mitrovicën e Jugut është përfshirë nga zjarri mbrëmjen e së martës.

Në pamjet e publikuara shihet se flakët janë përhapur në brendësi të furrës, ndërsa dhjetëra qytetarë janë afruar për të ndihmuar në shuarjen e tyre.

Në vendngjarje ka arritur policia dhe zjarrëfikësit, duke e lokalizuar zjarrin.

Telegrafi ka dërguar pyetje në Policinë e Kosovës për të mësuar më shumë detaje rreth këtij rasti dhe është në pritje të përgjigjes zyrtare.

Raportohet se kjo furrë ishte përfshirë nga zjarri edhe në muajin prill të vitit 2024.

The post Furrë e njohur në Mitrovicë përfshihet nga zjarri appeared first on Telegrafi.

Ministri i Mbrojtjes, Vlado Misajllovski, zhvilloi sot një takim me komandantin e KFOR-it në Kosovë, gjeneral-major Enriko Barduani, për të diskutuar rolin dhe rëndësinë e këtij misioni në forcimin e sigurisë dhe stabilitetit në Kosovë dhe rajon.

Siç njofton Ministria e Mbrojtjes, në takim u theksua kontributi i vazhdueshëm i KFOR-it për të siguruar një ambient të sigurt për të gjithë komunitetet në Kosovë.

“Ky mision i NATO-s është jashtëzakonisht i rëndësishëm për një rajon edhe më të qëndrueshëm dhe të sigurt. Mbetemi të përkushtuar ndaj kontributit tonë në KFOR dhe mbështetjes logjistike që i ofrojmë këtij misioni në të ardhmen”, tha ministri Misajllovski gjatë takimit.

Ai gjithashtu vuri në dukje rëndësinë e një rajoni të sigurt në kohë sfidash serioze gjeopolitike dhe paqëndrueshmërie, duke theksuar se Maqedonia do të vazhdojë të jetë një shtyllë sigurie në Ballkan.

Duke pasur parasysh se mandati i gjeneral Barduanit si Komandant i KFOR-it po përfundon së shpejti, ministri e falënderoi atë për bashkëpunimin dhe koordinimin e shkëlqyer lidhur me kontingjentin e Maqedonisë në këtë mision.

Nga ana e tij, gjeneral Barduani theksoi profesionalizmin e lartë dhe përkushtimin e ushtarëve të Maqedonisë, të cilët çdo ditë kryejnë detyrat dhe përgjegjësitë e tyre me përkushtim të plotë.

Në kuadër të vizitës, gjeneral Barduani zhvilloi gjithashtu një takim edhe me shefin e Shtabit të Përgjithshëm të Armatës, gjeneral-major Sashko Lafçiski.

Sinjali – aty ku e vërteta flet para lajmit!

/GazetaSinjali/

The post Barduani takon ministrin e mbrojtjes së Maqedonisë së Veriut, flasin për sigurinë – përmendet edhe dialogu appeared first on Sinjali.

Regjisori Joseph Kosinski, i njohur për suksesin e “Top Gun: Maverick”, ka treguar idenë  e re gjatë një interviste për Collider.

 “Një gazetar më pyeti: ‘Nëse do të bëje një film me Tom Cruise dhe Brad Pitt, çfarë filmi do të ishte?’ Dhe unë thashë me shaka që Sonny Hayes (personazhi i Brad Pitt në F1) kthehet në botën e Formula 1 dhe ndeshet me rivalin e vjetër Cole Trickle (roli i Tom Cruise në Days of Thunder), i cili garonte në NASCAR në vitet ’90”, ka thënë Kosinski.

Ai ka menduar që do të ishte histori fantastike, por ndoshta e pamundur për t’u realizuar.

“Flasim për një “Mission: Impossible” të vërtetë. Do të ishte shumë, shumë e vështirë për t’u bërë”, ka thënë ai.

Kanë kaluar më shumë se tre dekada që nga hera e fundit kur Cruise, 63 vjeç dhe Pitt 61 vjeç, kanë punuar bashkë, në filmin “Interview With the Vampire” të vitit 1994.

Kosinski ka zbuluar se kishte tentuar t’i bashkonte aktorët edhe më herët, në projektin “Go Like Hell”, një dramë rreth garave që më vonë u shndërrua në filmin “Ford v Ferrari” me Matt Damon dhe Christian Bale.

“Madje bëmë edhe një lexues të skenarit në shtëpinë e Tom, me Bradin dhe të tre aty bashkë. Ishte moment surreal”, ka thënë ai.

Regjisori tutje ka kujtuar se Cruise ka marrë pjesë në premierën e “F1” në Londër, ku dy aktorët patën rastin të takoheshin përsëri.

“Do të ishte e mrekullueshme sikur të gjenim një mënyrë për t’i parë të dy në të njëjtin film”, ka shtuar Kosinski.

Ai ka pranuar se suksesi i madh i “F1”, që është bërë filmi me fitimet më të mëdha të karrierës së Pitt, ishte lehtësim i madh.

“Sa herë që një film funksionon, për mua është thjesht një frymëmarrje lehtësimi. Sepse kurrë nuk e di çfarë do të ndodhë. Nuk ke asnjë ide se si do të pritet një film deri sa të shfaqet. Ka qenë fantastike ta shohësh mënyrën se si është pritur ky projekt”, ka thënë regjisori.

Sinjali – aty ku e vërteta flet para lajmit!

/GazetaSinjali/

The post Tom Cruise dhe Brad Pitt e vështirë të ribashkohen në një film të ri të “F1” appeared first on Sinjali.

Gazeta Sinjali ka raportuar sot për një ngjarje të rëndë qëka ndodhur në fshatin Qeskov të Klinës, ku një burrë që jetonte i vetëm është gjetur i vdekur në shtëpinë e tij.

Siç mësoi Sinjali, viktima është Tahir Berisha rreth 75-vjeçar, i cili prej rreth 10 ditësh nuk kishte pasur asnjë kontakt me familjarët. Kjo ka bërë që një e afërme e tij, të njoftonte Policinë më 25 gusht 2025, rreth orës 15:30.

Lamtumira e fundit për të ndjerin do të bëhet më 27 gusht 2025, në ora 14:00, në varrezat e fshatit Qeskovë.

Rasti është cilësuar si “Hetim i vdekjes”, ndërsa hetimet janë duke vazhduar për të zbardhur shkaqet dhe rrethanat e ngjarjes.

75-vjeçari nga Qeskova e Klinës gjendet pa shenja jete në shtëpinë e tij, mjeku e konsideron vdekje të dyshimtë

Sinjali – aty ku e vërteta flet para lajmit!

/GazetaSinjali/

The post E trishtë: Ky është 75-vjeçari nga Klina që u gjet pa shenja jete në shtëpinë e tij, nesër i jepet lamtumira e fundit appeared first on Sinjali.

Në përshkrimin e videos, Gomez shkruante: “do ta përfundoj islamin në Teksas, kështu më ndihmoftë Zoti”. Veprimi i saj u dënuar ashpër nga organizatat që mbrojnë të drejtat e myslimanëve, liderët politikë dhe përdoruesit e internetit.

Kjo nuk është hera e parë që Gomez kritikohet për sjelljet e saj provokuese. Në maj të vitit 2025, ajo ndërhyri në një tubim qytetar të myslimanëve, ua mori mikrofonin dhe filloi të ofendonte islamin.

Valentina Gomez, who is running for Congress in Texas, declares war on Islam and Muslims by burning the Quran and says Islam must be stopped “once and for all.” pic.twitter.com/wqI65qriD3

— Shadow of Ezra (@ShadowofEzra) August 25, 2025

Ndërsa në dhjetor të vitit 2024, ajo publikoi një video ku paraqitej një ekzekutim i rremë i një emigranti dhe bëri thirrje për “ekzekutime publike” të emigrantëve pa dokumente që kanë kryer krime të dhunshme.

Valentina Gomez ka lindur në Medelin, Kolumbi, dhe u shpërngul në Shtetet e Bashkuara në vitin 2009. Ajo kandidoi vitin e kaluar për postin e sekretarit të shtetit në Missouri dhe përfundoi e gjashta mes kandidatëve republikanë, duke marrë vetëm 7.4 për qind të votave.

Sinjali – aty ku e vërteta flet para lajmit!

/GazetaSinjali/

The post Kandidatja republikane për Kongresin amerikan djeg Kuranin, zotohet t’i japë fund Islamit në Teksas appeared first on Sinjali.