Teknika David: alternativë fiziologjike ndaj operacionit Bentall të modifikuar

Dr. Kushtrim Shala
Mjek specialist kardiokirurg
tel: +38348587588
e-mail: dr.kushtrimshala@gmail.com

Çfarë është Operacioni David?

Rrënja aortale është zona fillestare e aortës apo enës më të madhe të trupit që lidh aortën me barkushen (ventrikulin) e majtë, dhomën kryesore të pompimit të zemrës, dhe brendësi përmban valvulën aortale. Valvula aortale kontrollon rrjedhën e gjakut nga ventrikuli i majtë në aortë. Operacioni/procedura David, konsiston në rindërtimin rrënjës së sëmurë të aortës duke ruajtur valvulën aortale native të pacientit. Është një prej teknikave të zëvendësimit të rrënjës së aortës duke ruajtur valvulën aortale (VSRR), e njohur ndryshe edhe si teknika e reimplantimit. Gjatë operacionit David valvula aortale native reimplantohet brenda një tubi/grafti Dacron i madhësisë së përshtatshme me të cilin rivendoset gjeometria normale e rrënjës së aortës dhe përforcohet unaza apo anulusi aortal. Në rastet kur duhet të zëvendësohet rrënja e aortës pjesë e së cilës është edhe valvula aortale e cila në të shumtën e rasteve mund të jetë e shëndoshë, pra e padëmtuar rekomandohet që ajo të ruhet duke zëvendësuar vetëm rrënjën e aortës. Përparësia e këtij operimi është se riparimi i rrënjës së aortës dhe regurgitimit aortal që e shoqëron pa e zëvendësuar valvulën me një protezë (mekanike ose biologjike – operacioni Bentall i modifikuar) me çka shmanget përdorimi i antikoagulantëve gjatë gjithë jetës dhe ndërlikimet që lidhen me valvulat prostetike.

Cilët pacientë mund të jenë kandidat për operacionin David?

Pacientët me aneurizma të rrënjës së aortës: Pacientët me zgjerim ose fryrje të rrënjës së aortës janë në rrezik për çarje apo rupturë të aneurizmës.

Njerëzit me sëmundje gjenetike të indit lidhor: Njerëzit me sëmundje gjenetike të indit lidhor si sindroma Marfan, sindroma Loeys-Dietz ose sindroma Ehlers-Danlos janë në rrezik për zgjerim të rrënjës së aortës dhe diseksion të aortës.

Zgjerimi i rrënjës së aortës me insuficiencë të valvulës aortale: Me operacionin David, rrënja e aortës korrigjohet dhe valvula aortale ruhet, duke penguar rrjedhjen e gjakut prapa (insuficiencën aortale).

Pacientët që kanë pësuar diseksion apo çarje të rrënjës së aortës: Diseksioni i aortës është një çarje në murin e aortës që lejon që gjaku të rrjedhë midis shtresave të murit të aortës.

Pacientë më të rinj: me anatomi të përshtatshme të valvulës për të shmangur valvulën prostetike dhe antikoagulimin gjatë gjithë jetës,

Pacientët me valvula bikuspidale: mund të jenë kandidatë nëse cilësia dhe gjeometria e kuspiseve lejojnë riparim të qëndrueshëm – por anatomia bikuspidale kërkon gjykim të kujdesshëm dhe përvojë të kardiokirurgut.

Tek të gjitha patologjitë e mësipërme, valvula aortale e pacientit duhet të përmbushë kushtet e mëposhtme:

Kuspiset/fletëzat valvulare të jenë strukturalisht të shëndosha.
Valvula të jetë duke funksionuar siç duhet ose me insuficiencë sekondare si pasojë e dilatimit të anulusit e që mund të riparohet.
Ka pak ose aspak depozita kalciumi (kalcifikim) në kuspise.
Nuk ka stenozë valvulare.

Avantazhet e procedures David (teknika e reimplantimit) kundrejt operimit Bentall të Modifikuar

1. Ruajtja e fiziologjisë së valvulës native

Kuspiset native ruajnë dinamikën natyrale të rrjedhjes dhe shmangen e problemet e gradientit të valvulave prostetike. Kjo përkthehet në hemodinamikë të shkëlqyer.

2. Pa antikoagulim gjatë gjithë jetës

Shmang rreziqet e antikoagulimit (gjakderdhje, monitorim) të lidhura me valvulat mekanike – një avantazh i qartë për pacientët e rinj dhe aktivë. Kjo gjithashtu përmirëson cilësinë e jetës.

3. Rreziqe më të ulëta që lidhen me valvulat prostetike

Eliminon rreziqet e endokarditit të valvulës prostetike që lidhen drejtpërdrejt me fletëzat e valvulës së implantuar dhe degjenerimin strukturor të valvulës (në valvulat biologjike). Si çdo operim edhe operacion David ka rrezikun e vet të rioperimit, liria e përgjithshme nga ndërlikimet që lidhen me valvulën është më e favorshme.

4. Qëndrueshmëria më e lartë në pacientë të përzgjedhur

Në qendrat me përvojë, mbijetesa afatmesme dhe afatgjatë dhe liria nga ri-operimi janë të shkëlqyera krahasuar me operacionin Bentall në shumë seri; studimet tregojnë shkallë pak më të ulët të ri-operimit, Pashtu shkalla e mbijetesës dhe e eventeve që lidhen me valvulën mbeten të favorshme kur përzgjedhja dhe teknika janë optimale.

Si kryhet operacioni David?

Si edhe operimet tjera kardiake kryhet nën anestezion të përgjithshëm me sternotomi mediane apo ministernotomi. Mirëpo mund të bëhet dhe me qasje minimale invasive me prerje të vogël mes brinjëve nën sqetull. Me këtë metodë, sternumi mbetet i paprekur.

Aorta e zgjeruar hiqet së bashku me sinuset aortale, dhe arteriet koronare përgatiten duke prerë aortën në pikat e tyre të daljes. Valvulat aortale mbeten në vend.

Përgatitet një graft sintetik Dacron i përshtatshëm për gjerësinë e rrënjës së aortës me të cilin rindërtohet rrënja e aortës.

Valvulat aortale, së bashku me indet përreth, implantohen brenda graftit Dacron me qepje të vazhdueshme, poashtu komisurat fiksohen në graft.

Butonet koronare të shkëputura më parë qepen në vrimat e hapura në graftin Dacron dhe zëvendësimi i rrënjës aortale përfundon.

Pjesa distale e graftit Dacron apo rrënjës së re të aortës anastomozohet në indin aortik të paprekur ose përmes një grafti të dytë Dacron, dhe operacioni përfundon.

Procesi pas operacionit

Rehabilitimi postoperativ te pacientët me ndërhyrje kirurgjike në zemër dhe në aortë nuk dallon shumë. Pacientët zakonisht lirohen në shtëpi në ditën e 7 pas operimit. Me ndërhyrjen kirurgjikale tradicionale që përfshin një prerje të sternumit, shumica e pacientëve mund të kthehen në aktivitetet e tyre të përditshme brenda pak javësh. Megjithatë, shërimi i plotë mund të zgjasë 2-3 muaj. Me ndërhyrjen minimale invazive nën sqetull, pacientët mund të kthehen në aktivitetet e tyre të përditshme dhe të punojnë më shpejt sesa me ndërhyrjen kirurgjikale të hapur. Për më tepër, nuk ekziston nevoja për përdorim të përjetshëm të antikoagulantëve (hollues gjaku), duke minimizuar rrezikun e ndërlikimeve nga valvulat artificiale. Pacientët marrin aspirinë me dozë të ulët për 3-6 muaj pas operacionit.

Sa është e suksesshme ndërhyrja kirurgjike sipas Davidit?

Procedura David është një teknikë kirurgjikale e sigurt dhe efektive për trajtimin e problemeve të valvulës aortale dhe rrënjës së aortës. Ruajtja e valvulës aortale native të pacientit përmirëson cilësinë e jetës së pacientit pas operacionit dhe zvogëlon rrezikun e komplikacioneve afatgjata.

Ndërhyrja riparon me sukses rrënjën dhe valvulën e aortës në më shumë se 95% të rasteve.

Shkalla mbijetesës në ndërhyrjen kardiokirurgjike David është mbi 99 përqind në pacient të zgjedhur.

Në varësi të gjendjes së valvulës, ka të ngjarë që pacienti të mos ketë nevojë për një ndërhyrje tjetër kirurgjikale të valvulës së aortës. Shumica e pacientëve (92% deri në 98%) nuk do të kenë nevojë për një të tillë brenda 10 viteve nga operacioni.

Përafërsisht 95% e pacientëve me anatomi të valvulës aortale trikuspidale ose çrregullime të indit lidhës nuk kanë nevojë për përsëritje të kirurgjisë së valvulës aortale pas 10 vitesh dhe nuk përjetojnë pamjaftueshmëri të rëndë të valvulës aortale.

Sidoqoftë përpara se të marrin në konsideratë ndërhyrjen kirurgjikale, është e rëndësishme që pacientët të konsultohen me një kardiokirurg me përvojë në kirurgjinë zemrës dhe aortës dhe të marrin informacion të detajuar në lidhje me rreziqet dhe përfitimet e procedurës. /Telegrafi/

Referencat:

• 1.Arabkhani B, Klautz RJM, de Heer F, et al. A multicentre, propensity score matched analysis comparing a valve-sparing approach to valve replacement in aortic root aneurysm: Insight from the AVIATOR database. Eur J Cardiothorac Surg 2023;63:ezac514. 10.1093/ejcts/ezac514
• 2.Isselbacher EM, Preventza O, Hamilton Black J, 3rd, et al. 2022 ACC/AHA Guideline for the Diagnosis and Management of Aortic Disease: A Report of the American Heart Association/American College of Cardiology Joint Committee on Clinical Practice Guidelines. Circulation 2022;146:e334-482. 10.1161/CIR.0000000000001106
• 3.Mastrobuoni S, Govers PJ, Veen KM, Jahanyar J, van Saane S, Segreto A, Zanella L, de Kerchove L, Takkenberg JJM, Arabkhani B. Valve-sparing aortic root replacement using the reimplantation (David) technique: a systematic review and meta-analysis on survival and clinical outcome. Ann Cardiothorac Surg. 2023 May 31;12(3):149-158. doi: 10.21037/acs-2023-avs1-0038. PMID: 37304702; PMCID: PMC10248907.
• 4. Cardiac Surgery Operative technique 2nd edition 2012

The post Zëvendësimi i rrënjës së aortës duke kursyer valvulën aortale – Operacioni David appeared first on Telegrafi.

I lehtë, aromatik dhe ideal për stinën

Përbërësit:

500 g petë të gatshme për byrek
4-5 domate të freskëta, prerë në kubikë
200 g djathë i bardhë i thartë
disa gjethe borziloku i freskët
1 qepë e vogël, e grirë imët
2 vezë
100 ml vaj ulliri
kripë dhe piper sipas shijes

Përgatitja:

Përgatitja e mbushjes:

Skuqni qepën lehtë në 2 lugë vaj ulliri.
Shtoni domatet dhe gatuajini vetëm 2–3 minuta që të jenë pak të zbutura, por jo të shkrira.
Hiqini nga zjarri dhe lëreni të ftohen pak.
Shtoni djathin, vezët e rrahura, kripën, piperin dhe borzilokun e grirë imët. Përziejini butësisht.

Përgatitja e byrekut:

Nxehni furrën në 180°C.
Lyeni një tavë me vaj dhe vendosni 2–3 petë në bazë, duke lyer secilën me pak vaj.
Shtrijeni mbushjen mbi petë dhe mbulojeni me petë të tjera sipër. Lyeni petën e fundit me vezë të rrahur ose pak vaj.

Pjekja:

Piqeni për 30-35 minuta, derisa byreku të marrë ngjyrë të artë dhe të bëhet krokant.

Shërbimi:

Lëreni të ftohet pak para prerjes.

Shërbehet i ngrohtë ose në temperaturë ambienti, ideal për një drekë verore ose picnic.

Sugjerim:

Borziloku dhe domatet e freskëta i japin byrekut aromë verore dhe shije të lehtë. Mund të shtoni edhe pak speca të kuq ose të gjelbër për ngjyrë dhe freski ekstra.

Shërbehet së bashku me kos të freskët ose një sallatë të thjeshtë me rukola dhe vaj ulliri.

Ju bëftë mirë, – transmeton Telegrafi.

The post Byrek me domate, borzilok dhe djathë të bardhë appeared first on Telegrafi.

Moses Itauma ka dhuruar një spektakël të vërtetë në ring duke e mposhtur bindshëm Dillian Whyte.

Dueli i zhvilluar të shtunën në ANB Arena të Riadit, si pjesë e “Esports World Cup Fight Week”, zgjati më pak se dy minuta.

Vetëm 119 sekonda iu deshën 20-vjeçarit për ta detyruar gjyqtarin të ndalonte ndeshjen, pasi goditjet e fuqishme të tij nuk i lanë asnjë shans ish-kampionit britanik.

Ky sukses i shpejtë shënoi fitoren e 13-të radhazi për Itauman, i cili vazhdon të mbetet i pamposhtur në karrierën e tij profesionale./Telegrafi/

The post Çfarë super nokauti, 20-vjeçari e shtrinë në tapet Dillian Whyte qysh në raundin e parë appeared first on Telegrafi.

Pas një takimi miqësor me të në një festë, Lewis Capaldi u injorua nga Justin Bieber.

Në një intervistë për Capital FM me Chris Stark të premten, më 15 gusht, këngëtari 28-vjeçar i hitit “Someone You Loved” kujtoi takimin e tij me këngëtarin e hitit Baby, në një festë në Los Angeles. Në atë kohë, Capaldi ishte i bindur se Bieber, 31 vjeç, nuk kishte asnjë ide kush ishte ai.

“Bieber më afrohet dhe më thotë, ‘Hej, ç’kemi?’ Dhe unë i them, ‘Ti nuk e di kush jam unë, nuk e di emrin tim?’”, kujtoi Capaldi.

Ai vazhdoi: “Dhe ai më tha, ‘Sigurisht që e di — Lewis Capaldi.’ Ne kaluam një natë fantastike, një mbrëmje shumë të bukur së bashku… dolëm bashkë dhe unë thashë, ‘Unë dhe Biebs do të bëhemi shokë të ngushtë; kjo është e madhe.’”

Capaldi mbeti edhe më i befasuar kur Bieber i tha të “sigurohej që të marr numrin e tij nesër.” Duke mbajtur fjalën, Capaldi i dërgoi një mesazh të këndshëm:

“Thjesht doja të të shkruaja, vëlla, dhe të thoja që nata e kaluar ishte kaq speciale, je një djalë fantastik, shumë bukur që kaluam një kohë së bashku”.

Sipas Capaldi-t, Bieber e pëlqeu mesazhin, por nuk i ktheu përgjigje.

“Pra, nëse je aty, Bieber, më shkruaj përsëri,” përfundoi ai.

Në qershor, Capaldi u rikthye për një performancë surprizë në Festivalin Glastonbury, dy vjet pasi kishte pasur vështirësi për të përfunduar setin e tij në festivalin e Mbretërisë së Bashkuar. /Telegrafi/

The post Lewis Capaldi tregon takimin e rastësishëm me Justin Bieber gjatë një feste: Mendova se do të bëhemi miq të mirë, por nuk ma ktheu të nesërmen mesazhin appeared first on Telegrafi.

Portieri i Barcelonës, Joan Garcia, pësoi një goditje të fortë në fytyrë nga sulmuesi i Mallorcas dhe Kosovës, Vedat Muriqi, gjatë ndeshjes së fundit në La Liga.

Gjyqtari fillimisht e ndëshkoi sulmuesin dardan me karton të verdhë, pos pas rishikimit në VAR, nxori të kuqin dhe e përjashtoi nga loja.

Për fat të mirë, Garcia arriti ta vazhdonte ndeshjen, edhe pse përplasja la gjurmë të dukshme në fytyrën e tij.

Në një intervistë të shkurtër pas përfundimit të takimit, në mollëzën e portierit u vërejt qartë një mavijosje e fortë, e cila tregonte ashpërsinë e incidentit.

Muriqi mendoi se nuk e kishte prekur gardianin e Barcelonës, mirëpo duket se kishte kontakt të ashpër. /Telegrafi/

Así quedó la cara de Joan Garcia tras la patada de Muriqi en el RCD Mallorca 0-3 FC Barcelona pic.twitter.com/bF8SiUOXLS

— Mundo Deportivo (@mundodeportivo) August 16, 2025

The post Pasojat e goditjes me këmbë nga Vedat Muriqi në fytyrë të Joan Garcias janë shokuese appeared first on Telegrafi.

Nëntë persona kanë mbetur të lënduar në një aksident trafiku mes gjashtë veturave në Gjilan.

Zëdhënësi i Policisë së Kosovës për rajonin e Gjilanit, Ismet Hashani, tha se lëndimet e personave të përfshirë në aksident janë të lehta.

“Me datën 16.08.2025 rreth orës 22:20 kemi pranuar një informatë se në rrugë “Lufta e Gjilanit’’ në qytetin e Gjilanit ka ndodh një aksident zinxhir në mes të gjashtë veturave në lëvizje.

Në këtë aksident nëntë persona janë lënduar dhe sipas raportit të mjekut lëndimet janë të lehta”, tha ai.

Policia e Kosovës njësit e trafikut rajonal po i hetojnë rrethanat e këtij rasti./Telegrafi/

The post Aksident zingjiror mes gjashtë veturave në Gjilan, nëntë të lënduar appeared first on Telegrafi.

Më 15 gusht 2025, presidenti i SHBA-së Donald Trump dhe presidenti rus Vladimir Putin u takuan në Bazën e Përbashkët Elmendorf-Richardson në Anchorage, Alaska, për bisedime me rëndësi të lartë të përqendruara në luftën në Ukrainë.

Ndërsa Trump fluturoi për në JBER në bordin e Air Force One, Putin mbërriti në Alaska në bordin e një Il-96-300PU, i cili është aeroplani kryesor presidencial rus për udhëtime në distanca të gjata, i paraprirë nga aeroplanë të tjerë mbështetës, përfshirë një Tu-214PU që mbante anëtarë të delegacionit të tij.

Takimi i shumëpritur nuk prodhoi armëpushimin që kishte kërkuar Trump: Putin u prit me qilim të kuq, një fluturim mbresëlënës nga një B-2 dhe katër F-35, dhe një skenë të përbashkët me presidentin e SHBA-së.

Është interesante se pas bisedimeve, Il-96-300PU i Putinit u shoqërua nga F-35A të Forcave Ajrore të SHBA-së ndërsa la hapësirën ajrore të SHBA-së në rrugën e tij të kthimit në Rusi.

Ndryshe, F-35A, me kodin “AK”, janë aeroplanë luftarakë Lightning II të caktuar në Krahun e 354-të të Luftëtarëve nga Baza Ajrore Eielson, Alaska.

Si Skuadroni i 355-të i Luftëtarëve ashtu edhe Skuadroni i 356-të i Luftëtarëve operojnë nga Eielson.

Ata kryejnë rregullisht misione QRA (Alarm i Reagimit të Shpejtë) për të kapur aeroplanë që fluturojnë brenda ADIZ-it të Alaskës (Zona e Identifikimit të Mbrojtjes Ajrore).

Në skenarë të tillë, asetet ajrore me vlerë të lartë, siç është një aeroplan i kreut të shtetit, shpesh shoqërohen për të penguar dhe për t’iu përgjigjur çdo kërcënimi të mundshëm.

Ky nuk është një gjest ceremonial apo një shenjë respekti, por thjesht një masë sigurie.

Për shembull, më 21 mars 2019, Xi Jinping vizitoi Italinë dhe dy Eurofighter Typhoon shoqëruan Air China B747 që mbante presidentin e Kinës ndërsa i afrohej aeroportit Romë-Fiumicino. /Telegrafi/

The post Aeroplanët luftarakë amerikanë shoqërojnë aeroplanin e Putinit jashtë Alaskës, publikohen pamjet appeared first on Telegrafi.

Sezoni i ri i Ligës Premier ka nisur fuqishëm, dhe sot u shënua një nga golat më spektakolarë që pritet të mbahet mend gjatë.

Protagonist ishte Richarlison, i cili në minutën e 59-të shënoi një gol të jashtëzakonshëm për t’i dhënë Tottenhamit epërsinë 2-0 ndaj Burnleyt.

Braziliani realizoi me një ekzekutim që qëndron mes një voleji dhe një gërshërë artistike, duke e bërë të vështirë përkufizimin e saktë.

Aksioni nisi pas një driblimi fantastik të Mohammed Kudus, i cili shmangu portierin dhe e futi topin në zonë. Atje, Richarlison kapi topin në ajër me një gjuajtje të pabesueshme dhe vulosi një nga golat më të bukur të javës.

Më herët, sulmuesi brazilian kishte shënuar edhe golin e parë për “Gjelat”, gjithashtu pas një asistimi të Kudus.

Vetëm pak minuta më vonë, në të 66-ën, Brennan Johnson shtoi golin e tretë, duke e çuar rezultatin në 3-0 dhe praktikisht duke siguruar fitoren e Tottenhamit. /Telegrafi/

The post Liga Premier sapo ka filluar dhe tashmë kemi një nga golat e sezonit – shikoni magjinë e Richarlisonit appeared first on Telegrafi.

Lini, fshati piktoresk buzë liqenit të Ohrit, rreth 22 km larg Pogradecit është ndër më të preferuarit sidomos nga turistët e huaj.

Pas zbulimeve të fundit më të jashtëzakonshme arkeologjike, ku Lini konsiderohet si vendbanimi palafit më i hershëm i zbuluar ndonjëherë në Europë, ai po tërheq edhe më shumë turistë të huaj.

Ekipi i ATSH-së vizitoi Linin ndërsa gushti me temperaturat e larta ndihet më pak se kudo pranë liqenit, duke tërhequr vizitorë të shumtë, të cilët interesohen edhe për zbulimet e fundit rreth vendbanimeve palafite në zonë.

Kryetari i bashkisë së Pogradecit, Ilir Xhakolli konfirmoi  se “zbulimi i palafiteve rreth 8000-vjeçare në Lin ka ndikuar në rritjen e numrit të turistëve, veçanërisht atyre të huaj”.

Peizazhi i gushtit me barin e përzhitur nga nxehtësia që krijon mirazhe në ajër bashkohet me nuancat e kaltra e të gjelbra të ujërave të liqenit poshtë fshatit.

Teksa hyn në fshatin turistik të Linit, ajo që çdo turist dëshiron të vizitojë është Bazilika e Linit.

“Gjatë këtij sezoni e kanë vizituar Bazilikën e Linit 4735 turistë, prej të cilëve 3298 janë të huaj dhe 1437 vendas. Vendndodhja në majë të kodrës e bën edhe më interesante pasi turistët që shohin këtë monument kulture përballen edhe me pamjen piktoreske që ofrohet nga aty”, tha Xhakolli.

Kryebashkiaku Xhakolli bëri të ditur se “në Lin ka një projekt që është në zbatim për kanalizimin e ujërave të ndotura dhe ndërtimin e muzeut për zbulimet e bëra kohët e fundit në lidhje me vendbanimet palafite rreth 8000-vjeçare”.

Gjithashtu, Xhakolli tha se “fshati i Linit hyn tek projekti i 100 fshatrave dhe është gati një projekt për ndërhyrjen në infrastrukturë në këtë fshat nga qeveria”.

Në Lin vitet e fundit janë ndërtuar një sërë bujtinash, që mirëpresin me qindra turistë nga mbarë bota.

Rozeta Bicja, e ka kthyer shtëpinë e saj në qendër të Linit prej 14 vitesh në një bujtinë që e ka quajtur “Shtëpia e Luleve”.

“Turistët që vijnë në Lin, janë nga të gjitha vendet e botës, por këtë vit më shumë kanë qenë nga Gjermania, Franca, Holanda, Zvicra, Austria, Anglia, SHBA-ja etj. Ata pëlqejnë më shumë bujtinën për faktin se kemi ruajtur shtëpinë tradicionale me gurë”, tha Bicja për ATSH-në.

Bicaj theksoi se “mes shumë detajesh në bujtinën tonë, spikasin kostumet etnografike, qilimat e punuar në vegël, që familja jonë i ka ruajtur brez pas brezi”.

Sipas saj, turistët pëlqejnë shumë edhe gastronominë e zonës.

“Ndër ushqimet më të pëlqyera nga turistët janë sigurisht lakrori dhe tava e Koranit, që përgatiten nga amvisat pogradecare”, tha Bicaj.

Lini, fshati i vogël buzë liqenit të Ohrit, që të shfaqet menjëherë sapo zbret Qafëthanën në Pogradec ka një bukuri të rrallë dhe peizazh mahnitës.

Gojëdhënat tregojnë që dikur gadishulli i Linit ka qenë një ishull i bukur me bimësi të dendur.

Jeta në këtë gadishull ka filluar në periudhën e parë të Epokës së Hekurit (kohë së cilës i përkasin edhe mozaikët e famshëm të Linit, të cilët gjenden mbi kodër) dhe ka vazhduar deri në kohën e Mesjetës së Hershme. Ndërsa për origjinën e emrit ka shumë histori.

Njëra prej tyre thotë se, kur ushtarët e Jul Çezarit mbërritën në këtë kodër u mahnitën aq shumë, sa bërtitën “Lyhnidas”, që do të thotë “Liqeni i Dritës”.

Ndërsa vetë banorët shprehen se dikur fshati shtrihej deri në mesin e Liqenit dhe më pas u krijua fshati i ri. Të gjithë thoshin: “Lindi fshati” dhe që atëherë u quajt Lin, si shkurtim i fjalës “Lindi”./ATSH

The post Vendbanimi palafit më i vjetër në Evropë, shtohen turistët në Lin të Pogradecit appeared first on Telegrafi.

Një grua nga New Yorku vizitoi Parkun Shtetëror të Kraterit të Diamanteve në Arkansas për të gjetur një gur për unazën e saj të fejesës dhe zbuloi një diamant të bardhë 2.3 karatësh.

Banorja e Manhattanit, Micherre Fox, 31 vjeç, tha se vendosi rreth dy vjet më parë se do ta gjente vetë diamantin e unazës së saj të fejesës.

Fox tha se partneri i saj e mbështeti vendimin e saj dhe pranoi të priste derisa ajo të gjente gurin e duhur.

“Isha e gatshme të shkoja kudo në botë për ta bërë këtë të ndodhte”, tha ajo.

“Bëra kërkime dhe doli që i vetmi vend në botë për ta bërë këtë ishte pikërisht në oborrin tonë, në Arkansas.”

Fox planifikoi një udhëtim tre-javor në park që filloi më 8 korrik.

Ajo kaloi orë të tëra duke kërkuar diamantin e përsosur çdo ditë, por vetëm më 29 korrik, dita e fundit e vizitës së saj, ajo vuri re diçka përgjatë West Drain të zonës së kërkimit të diamanteve.

Ajo tha se fillimisht mendoi se objekti ishte thjesht dielli që shkëlqente, por kur e shtyu me çizme e kuptoi se ishte diçka e fortë.

Fox e çoi gjetjen e saj në Qendrën e Zbulimit të Diamanteve, ku stafi konfirmoi se kishte gjetur një diamant të bardhë 2.3 karatësh, i njohur edhe si një diamant pa ngjyrë.

Gruaja e cila tani planifikon ta vendosë gurin në unazën e fejesës, e quajti perlën e saj Diamanti Fox-Ballou. /Telegrafi/

The post Gruaja gjen një diamant të rrallë dhe e shndërron në unazën e fejesës së saj appeared first on Telegrafi.

Lojërat Botërore të Robotëve Humanoidë nisën në Pekin, me robotë të mundësuar nga Inteligjenca Artificiale të ndërtuar nga ekipe nga e gjithë bota që garuan në sporte duke përfshirë kikboksin, atletikën, futbollin dhe vallëzimin.

Eventi mbajti ceremoninë e hapjes të enjten, e cila paraqiti disa nga aksidentet e para të lojërave, përfshirë një robot që u rrëzua ndërsa përpiqej të ndizte pishtarin e lojërave.

Lojërat përfshijnë më shumë se 500 robotë nga 16 vende, përfshirë Japoninë, SHBA-në dhe Gjermaninë, të cilët garojnë në 26 ngjarje.

Një robot u skualifikua nga gara kur koka e tij ra në mes të lojës.

Një ndeshje futbolli të premten paraqiti gjithashtu një aksident kur një robot u pengua dhe disa të tjerë ranë, duke kërkuar ndërhyrjen njerëzore për të eleminuar rrezikun.

Ndryshe, Lojërat Botërore të Robotëve Humanoidë do të vazhdojnë deri të dielën. /Telegrafi/

The post Robotë nga 16 vende garojnë në futboll, kikboks dhe vallëzim appeared first on Telegrafi.

Këtë vit, Volkswagen kryeson regjistrimet e automjeteve elektrike në Gjermani dhe Evropë.

Me këtë moment historik, i cili vjen si një konfirmim i dominimit të tregut, theksohet pozicioni kryesor i kompanisë në sektorin e elektromobilitetit, me automjete nga familja ID.

A e dini se cilat vetura elektrike janë më të shiturat në Evropë?

Që nga debutimi i modelit të parë ID.3 në vitin 2020, oferta është zgjeruar ndjeshëm.

Tashmë në vitin 2021, Volkswagen prezantoi SUV-in ID.4, së bashku me variantin coupe ID.5 dhe minivanin elektrik ID. Buzz.

Modelet më të fundit, ID.7 dhe ID.7 Tourer 2024, arritën rezultate jashtëzakonisht të mira.

Është veçanërisht e rëndësishme të theksohet se ID.7 në gjysmën e parë të vitit 2025 tejkaloi rritjen e shitjeve prej 500% në tregun evropian.

Ceremonia e dorëzimit të modelit jubilar theksoi angazhimin e Volkswagen ndaj elektromobilitetit.

Martin Sander, anëtar i Bordit të Drejtorëve për Shitjet dhe Marketingun theksoi se kjo arritje e pozicionon Volkswagen si një pionier në këtë fushë.

Transformimi i Volkswagen është i dukshëm në investimet e tij në prodhim.

Fabrika në Emden e konfirmon këtë, me më shumë se një miliard euro të investuara në shndërrimin e saj në një fabrikë ekskluzive për automjete elektrike.

Duke parë përpara, Volkswagen po vazhdon ofensivën e saj elektrike me modele të përballueshme.

Versioni i prodhimit të ID.2all kompakt synon ta bëjë elektromobilitetin të disponueshëm për nën 25,000 euro.

Në vitin 2027, ID. EVERY1, një tjetër koncept, do të synojë një çmim fillestar prej rreth 20,000 eurosh.

Volkswagen thekson se qëllimi është ta bëjë elektromobilitetin të përballueshëm, të besueshëm dhe të qëndrueshëm për të gjithë. /Telegrafi/

The post Epoka elektrike në kulmin e saj: Volkswagen feston 1.5 milion kopje të prodhuara të modelit ID appeared first on Telegrafi.

Ministri i Mbrojtjes, Pirro Vëngu përmes një postimi në rrjetet sociale bën me dije se situata si pasojë e zjarreve në zonën e Fushë Arrëzit është përmirësuar ndjeshëm.

Ministri ka falenderuar trupat e zjarrfikësve, por edhe të FA, që me ndihmën e 3 helikopterëve kanë bërë të mundur vendosjen në kontroll të flakëve.

“Një tjetër ditë në luftë me flakët nga ajri në Fushë Arrëz. Helikopterët e Forcës Ajrore dhe ata nga Emiratet e Bashkuara Arabe dominuan qiellin dhe ndihmuan forcat në tokë për të vendosur nën kontroll flakët. Heronjtë e qiellit ulën ndjeshëm intensitetin e zjarreve, duke u ardhur në ndihmë banorëve dhe natyrës në zonën e veshur me kurorën e gjelbër”, shkruan ministri. /A2 CNN

The post “Një tjetër ditë në luftë”, Vengu: 3 helikopterë për zjarrin në Fushë Arrëz appeared first on Telegrafi.

Ish-banorja e Big Brother VIP Kosova, Alba Vukaj, ka mahnitur ndjekësit e saj me një sërë imazhesh të reja nga plazhi.

Ajo pozoi në bikini të bardha që theksonin në mënyrë perfekte linjat e saj trupore, duke lënë të gjithë pa fjalë.

Me një sfond të mrekullueshëm të detit të kristaltë dhe diellit që shkëlqente mbi lëkurën e saj, Alba rrezatonte bukuri dhe elegancë.

Çdo pozë e saj dukej si një imazh nga një revistë mode, duke kombinuar sensualitetin me stilin e saj unik.

Ish-banorja e BBVK-së, di gjithmonë se si të tërheqë vëmendjen e të gjithëve. /Telegrafi/

The post Alba Vukaj vjen me poza nga plazhi, vë në pah linjat e përkryera appeared first on Telegrafi.

Qytetarët janë në rrugë në të gjithë Serbinë për të katërtën ditë radhazi.

Ata dolën përsëri në protesta sonte për shkak të brutalitetit të policisë dhe sulmeve të shumta ndaj demonstruesve.

Dhe kanë njoftuar një tubim nën titullin “Serbia nuk mund të qetësohet”, i cili po mbahet në disa vende në Beograd dhe nëntë qytete të tjera në të gjithë vendin.

Arsyeja, thonë ata, është përdorimi i tepërt i forcës nga policia dhe sulmet ndaj protestuesve të kryera nga banditë të maskuar dhe mbështetës të Partisë Progresive Serbe.

Përveç kësaj, protestuesit akuzojnë grupet e maskuara për shembjen e disa ndërtesave.

Ndryshe, protestat në Serbi janë ndezur përsëri pas dhunës në rritje nga regjimi i Aleksandar Vuçiq, dhe kanë vazhduar që nga nëntori i vitit të kaluar, kur 16 persona vdiqën në shembjen e një çatie në stacionin e trenit të Novi Sadit.

Tani janë publikuar pamje nga protestat.

Kako javlja reporter TV Nova, građani su pirotehnikom gađali policiju u Valjevu.

Sve o velikim protestima u Valjevu, Kniću, ali i širom Srbije čitajte u našem blogu https://t.co/JWD8hpsXt3 pic.twitter.com/esJJDjFztd

— TV N1 Beograd (@n1srbija) August 16, 2025

U Valjevu kordon policije krenuo u juriš kako bi rasterao demonstrante. Bačen je i suzavac.

Sve o velikim protestima u Valjevu, Kniću, ali i širom Srbije čitajte u našem blogu https://t.co/JWD8hpspDv pic.twitter.com/hh6zN9nJNA

— TV N1 Beograd (@n1srbija) August 16, 2025

U Valjevu su mladi sa prikrivenim identitetom bacali pirotehnička sredstva ka prostorijama SNS, a izbio je i požar.

Sve o velikim protestima u Valjevu, Kniću, ali i širom Srbije čitajte u našem blogu https://t.co/JWD8hpspDv pic.twitter.com/EWve32oxhd

— TV N1 Beograd (@n1srbija) August 16, 2025

Policia ka hudhur gaz lotsjellës dhe granata tymuese për të shpërndarë demonstruesit e mbledhur.

Disa qindra qytetarë hodhën letra higjienike në zyrat e Partisë Progresive Serbe (SNS). /Telegrafi/

The post “Serbia nuk mund të qetësohet” – protesta masive në Beograd dhe 9 qytete të tjera kundër regjimit të Vuçiqit appeared first on Telegrafi.

Në emisionin KallxoPërnime po transmetohet intervista me Wade Goddard, fotografin e luftës në Kosovë, i cili punoi në Kosovë gjatë viteve 1998-1999.

Ai rrëfen ardhjen e tij në këtë vend për herë të parë, me ç’rast takoi Adem Jasharin dhe ia realizoi një fotografi.

Më 11 shkurt 1998, ai së bashku me Kris Hegjes, një gazetar i gazetës New York Times, morën rrugën për në Drenicë ku hasën shumë peripeti.

“Ai e kishte parapërgatitur takimin e fshehtë përmes kontakteve të tij në Zvicër të cilët ishin në kontakt me ushtrinë e re sekrete të quajtur UÇK, për të cilën askush nuk dinte asgjë. Mbërritëm në Prishtinë, kishim udhëzime”- rrëfeu ai se si bashkë me kolegun gazetar erdhën në Prishtinë.

Para se të shkonin tek një ‘burrë me mjekërr’, siç thoshte ai, iu kontrolluan çantat e fotografive për t’u siguruar se mos kishte ndonjë armë.

“Një veturë u ndal para nesh dhe nga drunjtë anash rrugës u shfaqën guerilë të uniformuar dhe të maskuar, të armatosur me kallashnikovë”- u shpreh fotografi.

Goddard tha se Adem Jashari gjatë bisedës pretendonte se ishte Hamza, teksa shpjegonte atmosferën e këtij takimi i cili ndodhi një muaj para se të vritej Adem Jashari.

“Më kujtohet kur më pas fola me Krisin dhe diskutuam se ata dukeshin pak më të organizuar se që mendonim. Në fund të intervistës, i kërkova një foto, dhe ai tha me vendosmëri: “Nuk ka mundësi”. Me të vërtetë iu përgjërova për foto. Më duhej diçka. Na duhej një fotografi që ta shoqëronte lajmin”- përfundoi ai./Kallxo.com

The post Goddard tregon si mori rrugën për në Drenicë ku takoi e fotografoi Adem Jasharin, një muaj para vrasjes së tij appeared first on Telegrafi.

Agjencia për Menaxhimin e Emergjencave (AME) ka njoftuar se gjatë ditës së sotme në gjithë vendin janë regjistruar gjithsej 57 vatra zjarri, prej të cilave 11 vazhdojnë të jenë aktive, ndërsa 46 të tjera janë lokalizuar.

Sipas raportit, menaxhimi i situatës po bëhet në koordinim të plotë me Njësitë Profesionale të Zjarrfikjes dhe Shpëtimit, të cilat janë angazhuar në terren për shuarjen e flakëve.

AME u ka bërë apel qytetarëve që të tregojnë kujdes të shtuar, të shmangin çdo veprim që mund të shkaktojë zjarr dhe të raportojnë menjëherë çdo rast në numrat emergjentë 112, 193 dhe 192.

Institucioni ka shprehur mirënjohje për përkushtimin e zjarrfikësve, mbështetjen e Policisë së Kosovës si dhe bashkëpunimin e qytetarëve./Telegrafi/

The post Sot në Kosovë u shfaqën 57 vatra zjarri, 11 janë ende aktive appeared first on Telegrafi.

Një aksident me fatalitet ka ndodhur sot rreth orës 13:40 në fshatin Devë të Gjakovës, ku janë përfshirë një veturë dhe një motoçikletë.

Zëdhënësja e Policisë për rajonin e Gjakovës, Vlera Krasniqi, ka konfirmuar se si pasojë e përplasjes, një person i gjinisë mashkull, i moshës madhore, ka humbur jetën. Vdekja e tij është konstatuar nga ekipi mjekësor në vendngjarje.

Me urdhër të Prokurorit të Shtetit, trupi i pajetë është dërguar për obduksion, ndërsa drejtuesi i automjetit është ndaluar për 48 orë.

Policia ka nisur hetimet për zbardhjen e shkaqeve dhe rrethanave të këtij rasti tragjik.

The post Aksident tragjik në Gjakovë, një person humb jetën pas përplasjes mes veturës dhe motoçikletës appeared first on Telegrafi.

Bayern Munichu e ka nisur sezonin mbarë, duke fituar Superkupën e Gjermanisë.

Bavarezët mposhtën 2-1 Stuttgartin, për të marrë trofeun në duar.

Pas vetëm 18 minutash lojë, Harry Kane kaloi Bayern Munichun në epërsi.

Me kaq edhe përfundoi pjesa e parë, derisa në të dytën u shënua edhe dy gola tjerë.

Luis Diaz debutoi me gol në këtë kup, pasi realizoi për 2-0 në minutën e 77-të.

Jamie Leweling (90+3′) realizoi për 2-1 për Stuttgartin, por tashmë ishte vonë, pasi kishin mbetur vetëm edhe pak sekonda lojë.

Ky është një fillim i mbarë për Vincent Kompanyn dhe ekipin e tij, para startit në Bundesligë. /Telegrafi/

JAAAAAA!!! WIR HOLEN DEN SUPERCUP! #MiaSanMia #FCBayern #VfBFCB #Supercup pic.twitter.com/XGi1iLgig9

— FC Bayern München (@FCBayern) August 16, 2025

The post Bayern Munichu e nis mbarë sezonin, fiton Superkupën e Gjermanisë appeared first on Telegrafi.

Ministri i Mbrojtjes në detyrë, Ejup Maqedonci, ka dhënë detaje të reja për kontigjentin e dytë të automjeteve të blinduara ASV të blera nga Shtetet e Bashkuara të Amerikës.

Ai tha se ky kontigjent është kontraktuar në prill 2024, ndërsa pagesa është kryer në qershor të po atij viti.

Sipas tij, sipas Planit Gjithëpërfshirës të Tranzicionit (PGJT), i miratuar më 2019, FSK-ja deri në vitin 2028 do të duhej të kishte vetëm disa dhjetëra autoblinda, ndërsa tashmë, më 2025, ajo është pajisur me disa qindra, duke tejkaluar objektivin me 207% më shumë se plani fillestar.

Maqedonci theksoi edhe rritjen e ndjeshme të buxhetit për mbrojtje: nga 67 milionë euro në vitin 2021 në 208 milionë euro këtë vit, pa përfshirë alokimet shtesë.

“Me investimet në blerje ushtarake, me fushata rekrutimi, trajnime dhe edukim, Kosova po fuqizon ushtrinë e saj, duke e bërë më profesionale dhe më të ndërveprueshme me aleatët, në rrugën drejt NATO-s”, u shpreh Maqedonci.

Ai shtoi se Forca e Sigurisë së Kosovës po bëhet garanci e fuqishme për mbrojtjen e sovranitetit dhe integritetit territorial të vendit, duke kontribuar edhe në stabilitetin rajonal./Telegrafi/

The post Maqedonci: Ushtria e Kosovës tashmë ka 207% më shumë autoblinda sesa ishte planifikuar deri më 2028 appeared first on Telegrafi.